മോദിയെ മോഡലാക്കി റിലയൻസ് ഇറങ്ങിയത് വെറുതെയായില്ല; നാലുമാാസം കൊണ്ട് ജിയോ കണക്ഷൻ എടുത്ത...

മോദിയെ മോഡലാക്കി റിലയൻസ് ഇറങ്ങിയത് വെറുതെയായില്ല; നാലുമാാസം കൊണ്ട് ജിയോ കണക്ഷൻ എടുത്തത് ഏഴേകാൽ കോടി ആളുകൾ; അംബാനിയുടെ കമ്പനിയുടെ നേട്ടം ലോകചരിത്രത്തിൽത്തന്നെ അപൂർവം

January 17, 201708:40 AM IST Permalink

സൗജന്യ ഇന്റർനെറ്റ് വാഗ്ദാനവുമായി രംഗത്തെത്തിയ റിലയൻസിന് പിഴച്ചില്ല. നാലുമാസം കൊണ്ട് ജിയോ സിം എടുത്തത് ഏഴേകാൽക്കോടിയാളുകൾ. നോട്ട് പിൻവലിക്കലും സാമ്പത്തിക പ്രതിസന്ധിയുമൊന്നും അംബാനിയുടെ പദ്ധതികളെ തകിടം മറിച്ചില്ലെന്നാണ് സൂചന. ലോകത്തുതന്നെ ഒരു ടെലിക്കോം ദാതാക്കൾ ഇത്രവേഗം ഇത്രയും വളർച്ച കൈവരിക്കുന്നതും ആദ്യമായാണെന്ന് വിലയിരുത്തപ്പെടുന്നു.

ഫോൺവിളികളുടെ കാര്യത്തിൽ ജിയോ ഇപ്പോഴും പൂർണമായും വിജയിച്ചിട്ടില്ലെന്നാണ് കണക്കാക്കുന്നത്. 1000 വിളികളിൽ 175 എണ്ണം പരാജയപ്പെടുന്നു. 1000 വിളികളിൽ അഞ്ചെണ്ണത്തിൽക്കൂടുതൽ പരാജയപ്പെടരുതെന്നാമ് ടെലിക്കോം റെഗുലേഷൻ നിയമത്തിലുള്ളത്. ഈ പ്രശ്‌നം കൂടി പരിഹരിച്ചുകഴിഞ്ഞാൽ ഇന്ത്യയിലെ ഒന്നാമത്തെ ടെലിക്കോം ദാതാക്കളായി റിലയൻസ് മാറുമെന്നും വിലയിരുത്തപ്പെടുന്നു.

ഭാവിയെക്കൂടി മുന്നിൽക്കണ്ട് അത്യാധുനിക സാങ്കേതിക വിദ്യകളുടെ സഹായത്തോടെയാണ് റിലയൻസ് ജിയോയെ ഒരുക്കിയിരിക്കുന്നത്. 5ജിയും അതിനപ്പുറവും വന്നാലും താങ്ങാൻ ജിയോയ്ക്കാവും. എന്നാൽ, ഫോൺവിളികളിലെ തകരാർ പരിഹരിക്കാതെ കിടക്കുന്നതാണ് വെല്ലുവിളി. മറ്റ് ടെലിക്കോം ദാതാക്കൾ ഇക്കാര്യത്തിൽ വരുത്തുന്ന വീഴ്ചകളാണ് ഇതിന് കാരണമെന്ന് റിലയൻസ് ആരോപിക്കുന്നു. ഇന്ത്യയിലെ ഉപഭോക്താക്കൾക്ക് സൂപ്പർ വോയ്‌സ് ടെക്‌നോളജിയുടെ സേവനം ലഭിക്കുന്നതിനാണ് ഇത് തടസ്സമാകുന്നതെന്നും റിലയൻസ് ആരോപിക്കുന്നു.

വെറും 83 ദിവസത്തിനുള്ളിൽ റിലയൻസ് അഞ്ച് കോടി ഉപഭോക്താക്കളെ സ്വന്തമാക്കിയിരുന്നു. ദിവസം ആറുലക്ഷം പേരെന്ന കണക്കിലാണ് ജിയോ സിം എടുത്തത്. പുതിയ ഉപഭോക്താക്കൾ വരുന്ന കണക്കിൽ ഫേസ്‌ബുക്കിനെയും വാട്‌സാപ്പിനെയും സ്‌കൈപ്പിനെയും പോലും ജിയോ പിന്നിലാക്കി. ഇത്തരമൊരു നേട്ടത്തിലേക്ക് ജിയോയെ എത്തിച്ചതിന് എല്ലാ ഉപഭോക്താക്കളോടും റിലയൻസ് ഇൻഡസ്ട്രീസ് ലിമിറ്റഡ് മാനേജിങ് ഡയറക്ടർ മുകേഷ് അംബാനി നന്ദി പറയുകയും ചെയ്തു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

MNM Recommends +

റോഡരികിൽ നിർത്തിയിട്ടിരുന്ന ബസ് പുറപ്പെടാൻ വൈകിയതിന് ഗ്ലാസ് അടിച്ചു തകർത്തു; യുവാവ് അറസ്റ്റിൽ

പശ്ചിമബംഗാളിലെ മുർഷിദാബാദിൽ രാമനവമി ആഘോഷത്തിനിടെ സ്ഫോടനം; ഒരു സ്ത്രീക്ക് പരിക്ക്

ലോക്സഭ തിരഞ്ഞെടുപ്പ്: വോട്ടെടുപ്പ് യന്ത്രങ്ങളുടെ കമ്മീഷനിങ് തുടങ്ങി; ഏപ്രിൽ 20ന് പൂർത്തിയാകും