Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday
ഹോം സിനിമ വെള്ളിത്തിര

നീ എനിക്ക് തലവേദനയുണ്ടാക്കിയില്ലല്ലോ, സിനിമ തുടങ്ങും മുൻപ് ഒരാൾ വിളിച്ചു പറഞ്ഞു നിന്നെ എടുത്താൽ പുലിവാലാകുമെന്ന്! വിനു ചേട്ടൻ പറഞ്ഞ ആളുടെ പേര് കേട്ട് ഞാൻ ഞെട്ടി: സിനിമയിൽ ഒതുക്കാൻ ശ്രമിച്ച സംഭവത്തിൽ ഭാമയ്ക്ക് പറയാനുള്ളത്

October 10, 201712:48 PM IST Permalink
നീ എനിക്ക് തലവേദനയുണ്ടാക്കിയില്ലല്ലോ, സിനിമ തുടങ്ങും മുൻപ് ഒരാൾ വിളിച്ചു പറഞ്ഞു നിന്നെ എടുത്താൽ പുലിവാലാകുമെന്ന്! വിനു ചേട്ടൻ പറഞ്ഞ ആളുടെ പേര് കേട്ട് ഞാൻ ഞെട്ടി: സിനിമയിൽ ഒതുക്കാൻ ശ്രമിച്ച സംഭവത്തിൽ ഭാമയ്ക്ക് പറയാനുള്ളത്

കൊച്ചി: പല സിനിമകളിൽ നിന്നും തന്നെ ഒതുക്കാൻ ശ്രമം നടന്നെന്ന് ഭാമ. ഇക്കാര്യം വൈകിയാണ് അറിഞ്ഞതെന്നും ഭാമ പറയുന്നു. സംവിധായകരെ വിളിച്ച് ഭാമയെ എടുത്താൽ നിങ്ങൾക്ക് തലവേദനയാകും എന്ന് പറഞ്ഞു.

അങ്ങനെ വി എം വിനു സംവിധാനം ചെയ്ത മറുപടിയിൽ അഭിനയിച്ച ശേഷം വിനു ചേട്ടൻ പറഞ്ഞു 'നീ എനിക്ക് തലവേദനയുണ്ടാക്കിയില്ലല്ലോ, സിനിമ തുടങ്ങും മുൻപ് ഒരാൾ വിളിച്ചു പറഞ്ഞു നിന്നെ എടുത്താൽ പുലിവാലാകുമെന്ന്'. ഒരു കരുതലിനു വേണ്ടി ആരാണ് വിളിച്ചതെന്ന് പറയാമോ എന്ന് ചോദിച്ചു. വിനു ചേട്ടൻ പറഞ്ഞ പേരു കേട്ട് ഞാൻ ഞെട്ടി. ചില ചടങ്ങുകളിൽ കണ്ടിട്ടുണ്ടെന്നല്ലാതെ ഞങ്ങൾ തമ്മിൽ ഒരു ബന്ധവുമില്ല. എന്നിട്ടും അവസരങ്ങളില്ലാതാക്കാൻ ശ്രമിക്കുന്നുവെന്നും ഭാമ പറയുന്നു. എന്നാൽ ഇത് ആരെന്ന് വെളിപ്പെടുത്തിയുമില്ല.

നിവേദ്യം എന്ന ചിത്രത്തിലൂടെ ലോഹിതദാസ് കൊണ്ടുവന്ന ഭാമ പിന്നീട് തമിഴ്, തെലുങ്ക്, കന്നഡ തുടങ്ങി ഒട്ടുമിക്ക തെന്നിന്ത്യൻ ഭാഷകളിലും നായികയായി തിളങ്ങി. ഇടക്കാലത്ത് ചില വ്യാജ വാർത്തകളിലൂടെ ഭാമ വിവാദങ്ങൾക്കും ഇരയായി. ഒരു മാധ്യമത്തിന് നൽകിയ അഭിമുഖത്തിൽ ഇവയോടും ഭാമ പ്രതികരിച്ചു. നടി ആക്രമിക്കപ്പെട്ട സംഭവത്തിന് പിന്നാലെ ലോഹിതദാസ് കൊണ്ടുവന്ന യുവ നടിയെയും പൾസർ സുനി ആക്രമിച്ചതായി വാർത്തകൾ വന്നു. ഇത് ഭാമയാണെന്ന തരത്തിലായിരുന്നു പ്രചരണങ്ങൾ.

എന്നാൽ അത് താനല്ല. അങ്ങനെയൊരു ആക്രമണവും തനിക്കുണ്ടായിട്ടില്ല. എന്തിനാണിങ്ങനെ കള്ള വാർത്തകൾ ഉണ്ടാക്കി വിടുന്നത്. ഒരു പെൺകുട്ടിയാണെന്ന് പോലും ചിന്തിക്കാതെയാണ് പലരും കഥകൾ ഉണ്ടാക്കി വിടുന്നതെന്നും ഭാമ വ്യക്തമാക്കിയിരുന്നു. സിനിമയിൽ നിന്ന് ഭാമയെ ഒതുക്കാൻ ശ്രമിക്കുന്നത് ദിലീപ് ആണെന്ന തരത്തിലും വാർത്തകൾ വന്നു. എന്നാൽ ദിലീപ് അല്ലെന്നും ഭാമ പറഞ്ഞിരുന്നു. അതിന് പിന്നാലെയാണ് പുതിയ വെളിപ്പെടുത്തലുകൾ.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP