Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202419Friday
ഹോം വാർത്ത അന്വേഷണം

മോടിയിൽ വേഷം ധരിച്ച് ബിഗ് ഷോപ്പറുകളിലാക്കി ട്രെയിൻ മാർഗമാണ് കഞ്ചാവെത്തിക്കും; തമിഴ്‌നാട്ടിൽ പോകുമ്പോൾ ബാഗിൽ മന്ത്രിച്ചു പൂജിച്ച കല്ലും കൊണ്ടു പോകും; പെൺകുട്ടികളും കസ്റ്റമേഴ്‌സ്; കഞ്ചാവ് റാണി സൈനബയും കൂട്ടാളിയും വീണ്ടും കുടുങ്ങി

January 13, 201808:53 AM IST Permalink
മോടിയിൽ വേഷം ധരിച്ച് ബിഗ് ഷോപ്പറുകളിലാക്കി ട്രെയിൻ മാർഗമാണ് കഞ്ചാവെത്തിക്കും; തമിഴ്‌നാട്ടിൽ പോകുമ്പോൾ ബാഗിൽ മന്ത്രിച്ചു പൂജിച്ച കല്ലും കൊണ്ടു പോകും; പെൺകുട്ടികളും കസ്റ്റമേഴ്‌സ്; കഞ്ചാവ് റാണി സൈനബയും കൂട്ടാളിയും വീണ്ടും കുടുങ്ങി

മറുനാടൻ മലയാളി ബ്യൂറോ

ചെറുതുരുത്തി: കഞ്ചാവ് റാണി സൈനബയും കൂട്ടാളിയും വീണ്ടും പൊലീസ് പിടിയിൽ. ചാലക്കുടി ആളൂർ പാളയംകോട്ടുകാരൻ വീട്ടിൽ സൈനബ (48), മുള്ളൂർക്കര പത്മതീർത്ഥം വീട്ടിൽ സജിത്ത് (34) എന്നിവരാണ് പിടിയിലായത്. വള്ളത്തോൾ നഗറിലെ കൊച്ചിൻ പാലത്തിന് സമീപത്ത് നിന്നു നാല് കിലോ കഞ്ചാവുമായാണ് ഇവരെ പിടികൂടിയത്. സംസ്ഥാനാന്തര കഞ്ചാവ് മൊത്ത വ്യാപാര വിതരണ മേഖലയിൽ ബൊസൻതാത്ത എന്നാണ് സൈനബയെ അറിയപ്പെടുന്നത്.

സൈനബ ഒറ്റയ്ക്ക് തമിഴ്‌നാട്ടിൽ നിന്നു കഞ്ചാവ് കൊണ്ടുവന്ന് വിറ്റുവരികയായിരുന്നു പതിവ്. കിലോയ്ക്ക് പരമാവധി 20,000 രൂപ നിരക്കിലായിരുന്നു വില്പന. ഇവർ പ്രൊഫഷണൽ കോളേജുകൾ, സ്‌കൂളുകൾ എന്നിവിടങ്ങളിൽ വിദ്യാർത്ഥികൾക്കും കഞ്ചാവ് കച്ചവടം ചെയ്തിരുന്നു. തമിഴ്‌നാട്ടിലെ പൊള്ളാച്ചി, പഴനി എന്നിവിടങ്ങളിൽ നിന്നു ബസ് - ട്രെയിൻ മാർഗം ചെറുതുരുത്തിയിലെത്തിച്ച കഞ്ചാവ് കൊച്ചിൻ പാലം പരിസരത്തു വച്ച് കൈമാറുമ്പോഴാണ് ഇരുവരും പിടിയിലായത്.

മോടിയിൽ വേഷം ധരിച്ച് ബിഗ് ഷോപ്പറുകളിലാക്കി ട്രെയിൻ മാർഗമാണ് കഞ്ചാവെത്തിക്കുക. കഞ്ചാവ് ശേഖരിക്കാൻ തമിഴ്‌നാട്ടിൽ പോകുമ്പോൾ ബാഗിൽ മന്ത്രിച്ചു പൂജിച്ച കല്ലും കൊണ്ടു പോകാറുണ്ട്. പെൺകുട്ടികളും ഇവരിൽ നിന്നു കഞ്ചാവ് വാങ്ങാറുണ്ടെന്ന് വ്യക്തമായിട്ടുണ്ട്. തമിഴ്‌നാട്ടിൽ നിന്നെത്തിക്കുന്ന കഞ്ചാവ് സൂക്ഷിച്ചു വയ്ക്കുന്നതിനായി ചെറുതുരുത്തി, പെരിന്തൽമണ്ണ, ആളൂർ, കോണത്തുകുന്ന്, പെരുമ്പാവൂർ എന്നിവിടങ്ങളിൽ വീടുകളും ഉണ്ട്.

മുള്ളൂർക്കര സ്വദേശിയായ സജിത്തിന്റെ പേരിൽ എറണാകുളം ജില്ലയിലെ തൃപ്പൂണിത്തുറ ഹിൽ പാലസ്, തൃശൂർ ടൗൺ എക്‌സൈസ് സ്റ്റേഷൻ എന്നിവിടങ്ങളിലും കഞ്ചാവ് കേസുകളുണ്ട്. ഇതിൽ തൃപ്പൂണിത്തുറ പൊലീസ് സ്റ്റേഷൻ കേസിൽ കോടതി ഇയാളെ മൂന്ന് വർഷം തടവിനു ശിക്ഷിച്ചിരുന്നു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP