1 usd = 68.43 inr 1 gbp = 89.37 inr 1 eur = 79.69 inr 1 aed = 18.63 inr 1 sar = 18.25 inr 1 kwd = 225.99 inr

Jul / 2018
19
Thursday

കന്യാസ്ത്രീയും ബന്ധുക്കളും പറയുന്നു മാർ ആലഞ്ചേരിയോട് പീഡന പരാതി പറഞ്ഞിട്ടില്ല എന്ന്; വത്തിക്കാന് പരാതി പറയാൻ ഉപദേശിച്ചതും കർദിനാൾ ആണത്രെ! എന്നിട്ടും എങ്ങനെയാണ് ഇവിടുത്തെ മാധ്യമപ്രഭുക്കൾ ആലഞ്ചേരിയെ വിചാരണ ചെയ്തത്? എസ്ഡിപിഐയുടെ പേരു പറയാൻ ഭയക്കുന്നവർ എന്തുകൊണ്ടാണ് ഇങ്ങനെ നുണപ്രചാരണം നടത്തുന്നത്? ചാനൽ അവതാരകർ ഇനിയെങ്കിലും മാർ ആലഞ്ചേരിയോട് ക്ഷമ പറയുമോ? - ഇൻസ്റ്റന്റ് റെസ്‌പോൺസ്

July 05, 2018 | 04:36 PM IST | Permalink



കന്യാസ്ത്രീയും ബന്ധുക്കളും പറയുന്നു മാർ ആലഞ്ചേരിയോട് പീഡന പരാതി പറഞ്ഞിട്ടില്ല എന്ന്; വത്തിക്കാന് പരാതി പറയാൻ ഉപദേശിച്ചതും കർദിനാൾ ആണത്രെ! എന്നിട്ടും എങ്ങനെയാണ് ഇവിടുത്തെ മാധ്യമപ്രഭുക്കൾ ആലഞ്ചേരിയെ വിചാരണ ചെയ്തത്? എസ്ഡിപിഐയുടെ പേരു പറയാൻ ഭയക്കുന്നവർ എന്തുകൊണ്ടാണ് ഇങ്ങനെ നുണപ്രചാരണം നടത്തുന്നത്? ചാനൽ അവതാരകർ ഇനിയെങ്കിലും മാർ ആലഞ്ചേരിയോട് ക്ഷമ പറയുമോ? - ഇൻസ്റ്റന്റ് റെസ്‌പോൺസ്

മറുനാടൻ ഡെസ്‌ക്‌

ധുനിക മലയാളി സമൂഹം നേരിടുന്ന ഏറ്റവും വലിയ വെല്ലുവിളി മാധ്യമ വിചാരണ തന്നെയാണ്. ഒരു നിസ്സാര കൈപ്പിഴയോ മണ്ടത്തരമോ പോലും മാധ്യമങ്ങളിൽ കുപ്രസിദ്ധനാകാൻ ആവശ്യത്തിലധികമാണ്. 24 മണിക്കൂറും പ്രവർത്തിക്കുന്ന ചാനലുകളും ഓൺലൈൻ പത്രങ്ങളും വാർത്തകൾക്കു വേണ്ടി ഓടിനടക്കുമ്പോൾ ഏത് സാധാരണക്കാരനും വാർത്തയുടെ ഇരയാകാം. വാർത്തകൾക്ക് വേണ്ടിയുള്ള മത്സരത്തിൽ സത്യവും ധർമ്മവുമൊക്കെ മാറിനിൽക്കുമ്പോൾ മണ്ടത്തരങ്ങളും അബദ്ധങ്ങളും ഹെഡ്‌ലൈനുകളും എക്‌സ്‌ക്‌ളൂസീവ്കളുമൊക്കെ ആയി മാറുമ്പോൾ സാധാരണക്കാരായ പലരും നിരപരാധികളെങ്കിലും വേട്ടയാടപ്പെടുന്നു.

അതേസമയം, സമൂഹത്തിൽ സ്വാധീനമുള്ളവരെ കുറിച്ച് വരേണ്ട വാർത്തകൾ പോലും വരാതിരിക്കാനും ഈ മാധ്യമങ്ങളും സോഷ്യൽ മീഡിയയും കരുതലെടുക്കുന്നു. രണ്ടുതരത്തിലുള്ള വാർത്തകളോടാണ് എക്കാലത്തും മുഖ്യധാരാ മാധ്യമങ്ങൾ മുഖംതിരിഞ്ഞ് നിൽക്കുന്നത്. അവരുടെ വായനക്കാരെ വലിയരീതിയിൽ സ്വാധീനിക്കാനിടയുള്ള മത സംഘടനകൾക്ക് എതിരെ വാർത്തകൾ വരികയില്ല എന്നതാണ് ഒന്നാമത്തേത്. മതസംഘടനകളും പുരോഹിതരും എന്ത് തെമ്മാടിത്തരം കാണിച്ചാലും അത് വാർത്തയേ അല്ല.
രണ്ടാമതായി മാധ്യമങ്ങളെ സാമ്പത്തികമായി നിലനിൽക്കാൻ സഹായിക്കുന്ന ബിസിനസ് സ്ഥാപനങ്ങളും പ്രമുഖരും എന്ത് അഴിമതിയും അക്രമവും എന്തിനേറെ, കൊലപാതകങ്ങൾ നടത്തിയാൽപോലും അത് വാർത്തയാവുകയില്ല.

സോഷ്യൽ മീഡിയ ഒരു ബദൽ മാധ്യമം എന്ന രീതിയിൽ പ്രചരിക്കുകയും ഓൺലൈൻ മാധ്യമങ്ങൾ അതിന് ഓശാന പാടുകയും ചെയ്തുതുടങ്ങിയതോടെ ഇതിന് ചില മാറ്റങ്ങളൊക്കെ വന്നിട്ടുണ്ട്. പ്രത്യേകിച്ച് മത നേതാക്കൾക്ക് എതിരെയും മത സ്ഥാപനങ്ങൾക്ക് എതിരെയും വാർത്തകൾ വരിക പതിവായി മാറിയിരിക്കുന്നു. എന്നാൽ സംഘടിതമായി അതിനെ ചോദ്യം ചെയ്യാനും ടെറർ അഴിച്ചുവിടാനും കെൽപുള്ള മതങ്ങൾക്കോ മത നേതാക്കൾക്കോ എതിരെ ആണ് ഇത്തരം വാർത്തകൾ വരുന്നതെങ്കിൽ അതിൽ കരുതലെടുക്കാൻ ഈ മാധ്യമങ്ങൾ ഇപ്പോഴും ശ്രദ്ധിക്കുന്നുണ്ട്.

എന്ത് മലമറിഞ്ഞാലും ബിസിനസ് സ്ഥാപനങ്ങൾക്ക് എതിരെയും ബിസിനസ് പ്രമുഖർക്ക് എതിരെയും വാർത്ത കൊടുക്കുന്ന കാര്യം ഇവർക്ക് ആലോചിക്കാനേ സാധിക്കുകയില്ല. കേരളത്തിലെ ഏറ്റവും വലിയ സംഘടിതമായ തട്ടിപ്പുകാരൻ എന്ന് വേണമെങ്കിൽ വിശേഷിപ്പിക്കാൻ കഴിയുന്ന ബോബി ചെമ്മണ്ണൂരിന് എതിരെ ഒരു ചെറിയ വാർത്തപോലും കൊടുക്കാൻ ഇന്നേവരെ കേരളത്തിലെ മാധ്യമങ്ങൾക്ക് സാധിച്ചിട്ടില്ല. തൃശൂരിന് സമീപം ഓക്‌സിജൻ സിറ്റി എന്ന പേരിൽ ഒരു സംരംഭം ആരംഭിക്കുന്നു എന്ന് പറഞ്ഞ് കേരളത്തിലെ പത്രങ്ങളുടെ ഒന്നാം പേജിൽ പരസ്യം കൊടുക്കുകയും വലിയതോതിൽ പണപ്പിരിവ് നടത്തുകയും ചെയ്ത ബോബി ചെമ്മണ്ണൂർ രണ്ടുവർഷത്തിന് അധികമായിട്ടും അതിന് തറക്കല്ലുപോലും ഇട്ടിട്ടില്ല, അല്ലെങ്കിൽ ഭൂമിപോലും ഏറ്റെടുത്തിട്ടില്ല എന്നെഴുതാനുള്ള ധൈര്യം ഇവിടത്തെ പത്രങ്ങൾക്ക് ഇല്ല. ബോബി ചെമ്മണ്ണൂരിന് എതിരെ തട്ടിപ്പിനും വഞ്ചനയ്ക്കും പെണ്ണുപിടിക്കും എതിരെ കേരളത്തിൽ കേസുകൾ എടുത്തിട്ട് അതേക്കുറിച്ച് ഒരു വാർത്തപോലും ഒരിക്കലും ഒരു മാധ്യമങ്ങൾ നൽകിയില്ല.

കരിക്കിനേത്ത് എന്ന് പറയുന്ന തുണിക്കടയുടമ ഒരു തൊഴിലാളിയെ തല്ലിക്കൊന്നിട്ടും മുത്തൂറ്റ് എന്ന വലിയ ധനകാര്യ സ്ഥാപനത്തിൽ ഇൻകംടാക്‌സുകാർ കയറി ഇറങ്ങി നടന്നിട്ടും ഗോകുലം ഗോപാലന്റെ ഓഫീസിൽ റെയ്ഡ് നടത്തി ആയിരം കോടിയുടെ കള്ളപ്പണം പിടിച്ചിട്ടും കേരളത്തിലെ ഒരു മാധ്യമവും അറിഞ്ഞതായി ഭാവിച്ചിട്ടില്ല.

മതങ്ങളുടെയും മത നേതാക്കളുടേയും കാര്യമെടുക്കുക. അമൃതാനന്ദമയി മഠത്തിനെതിരെയും അമൃതാനന്ദമയിക്ക് എതിരെയും നിരവധി ആരോപണങ്ങൾ വന്നിട്ടും ആരും അറിഞ്ഞതായി ഭാവിച്ചിട്ടില്ല. മഠത്തിന് മുന്നിൽ നിന്നതിന് ഒരു വിദേശിയെ ക്രൂരമായി മർദ്ദിച്ചിട്ട് നാളുകൾ ഏറെയായില്ല. ബീഹാറിൽ നിന്ന് വന്ന ഒരു വിശ്വാസിയെ തല്ലിക്കൊന്നത് ഏറെ നാളുകൾക്ക് മുമ്പാണ്. മഠവുമായി ബന്ധപ്പെട്ട പീഡനകഥകൾ ഒരു പുസ്തകത്തിൽ എഴുതിയതിന്റെ പേരിൽ കേരളത്തിൽ കോളിളക്കം സൃഷ്ടിച്ചിട്ട് കൈരളിയും മാധ്യമവും അല്ലാതെ മറ്റൊരു മാധ്യമവും അത് അറിഞ്ഞതായി ഭാവിച്ചില്ല.

തങ്കുബ്രദറും കെപി യോഹന്നാനും അടക്കമുള്ള ആൾദൈവങ്ങളുടെ സാമ്പത്തിക ഇടപാടുകളെ കുറിച്ച് ഒട്ടേറെ പരാതികൾ ഉയർന്നിട്ടും ഒരു മാധ്യമവും വാർത്തയാക്കിയിട്ടില്ല. ചേകന്നൂർ മൗലവി എന്ന മതപ്രഭാഷകനെ ആരോ തട്ടിക്കൊണ്ടുപോയി കൊന്നുകളഞ്ഞിട്ടും അത് ആരുടെയൊക്കെയോ പേരിൽ വിരൽചൂണ്ടപ്പെട്ടിട്ടും വാർത്ത എഴുതാനുള്ള ധൈര്യം പോലും ആർക്കും ഉണ്ടായിട്ടില്ല. അഭിമന്യു എന്ന എസ്എഫ്‌ഐ പ്രവർത്തകനെ നിഷ്ഠൂരം കുത്തിക്കൊന്നിട്ട് അതിന്റെ പിന്നിൽ എസ്ഡിപിഐയും പോപ്പുലർ ഫ്രണ്ടും ആണ് എന്ന് തുറന്നുപറയാനുള്ള ധൈര്യം വളരെ കുറച്ച് മാധ്യമങ്ങൾക്ക് മാത്രമേയുള്ളൂ.

എന്നിട്ടും ഇതൊക്കെയാണ് മാധ്യമങ്ങളുടെ ശരിമുഖം എന്നിരിക്കെ കേരളത്തിലെ ഏറ്റവും വലിയ ക്രൈസ്തവ സഭയുടെ തലവനായ മാർ ആലഞ്ചേരിക്ക് എതിരെ ഏതാനും മാസങ്ങളായി നിരന്തരമായി, സത്യവുമായി ഒരു ബന്ധവുമില്ലാത്ത വാർത്തകൾ വന്നുകൊണ്ടിരിക്കുന്നു. മുമ്പ് സൂചിപ്പിച്ച എല്ലാ പ്രമുഖർക്ക് എതിരെയും സഭാ നേതാക്കന്മാർക്കും മതനേതാക്കൾക്കുമെതിരെയും മാർ ആലഞ്ചേരിക്ക് എതിരെയും രേഖകളുടെ അടിസ്ഥാനത്തിൽ നിരന്തരമായി വാർത്തകൾ പ്രസിദ്ധീകരിക്കുന്ന ഒരു മാധ്യമം എന്ന നിലയിൽ മറുനാടൻ മലയാളിക്കും എനിക്കും ഈ അനീതി ചൂണ്ടിക്കാട്ടാൻ ഒരു മടിയും ഉണ്ടാവേണ്ടതില്ല. മാർ ആലഞ്ചേരിയുമായി ബന്ധപ്പെട്ട ഭൂമി ഇടപാടുകളെ കുറിച്ച് ആദ്യം വാർത്ത എഴുതിയത് മറുനാടൻ ആയിരുന്നു. എന്നാൽ വസ്തുതകളുടേയും രേഖകളുടേയും അടിസ്ഥാനത്തിൽ ആ വാർത്തകളെ ഞങ്ങൾ നിയന്ത്രിച്ചപ്പോൾ ആ വാർത്ത ഏതാനും ദിവസങ്ങൾക്കകം കേരളത്തിലെ ചാനലുകളും മുഖ്യധാരാ മാധ്യമങ്ങളും ഏറ്റെടുത്തത് എല്ലാം മാർ ആലഞ്ചേരിയുടെ കുഴപ്പം എന്ന് സ്ഥാപിക്കുന്നതിന് വേണ്ടിയായിരുന്നു. സഭയുടെ നിയമമോ രാജ്യത്തെ നിയമമോ അറിയാതെ ആലഞ്ചേരിയെ മേജർ ആർച്ച് ബിഷപ്പ് സ്ഥാനത്തുനിന്നും കർദ്ദിനാൾ സ്ഥാനത്തുനിന്നും പോലും പോപ്പ് പുറത്താക്കുന്നു തുടങ്ങിയ വ്യാജ വാർത്തകളാണ് ആ ദിവസങ്ങളിൽ കേരളം കണ്ടത്. വത്തിക്കാനിൽ നിന്ന് ഒരു ഉത്തരവ് ഇറങ്ങുകയും മാർ ആലഞ്ചേരിക്ക് എതിരെ പട നയിച്ചവർ പൂർണമായും പരാജയപ്പെടുകയും ചെയ്തതോടെ ഏതാനും ദിവസങ്ങളായി ആ വാർത്ത കേൾക്കാനില്ലായിരുന്നു.

അതിനിടെയാണ് ജലന്ധർ രൂപതയുടെ മെത്രാനായ മാർ ഫ്രാങ്കോ മുളയ്ക്കൽ എന്ന, ആ പദവിക്ക് ഒരു യോഗത്യയുമില്ലാത്ത ഒരാൾ ഒരു കന്യാസ്ത്രീയെ പീഡിപ്പിച്ച വാർത്ത ലോകം അറിയുന്നത്. ഈ വാർത്തയും ആദ്യം പ്രസിദ്ധീകരിക്കുകയും ആ മെത്രാന്റെ തനിനിറം തുറന്നുകാട്ടുകയും ചെയ്ത മാധ്യമങ്ങളിൽ ഒന്നാണ് മറുനാടൻ. ആ വിഷയത്തിൽ പരാതിപ്പെട്ട കന്യാസ്ത്രീയുടെ ഭാഗമാണ് ശരിയെന്നും ആ മെത്രാൻ ഇക്കാര്യത്തിൽ മാത്രമല്ല, മറ്റു കാര്യങ്ങളിലും കുറ്റക്കാരനാണെന്ന് തെളിവുകൾ സഹിതം ഞങ്ങൾ പ്രസിദ്ധീകരിച്ചിട്ടുണ്ട്. ആ വാദത്തിൽ ഇന്നും ഉറച്ചുനിൽക്കുന്നു.

ഒരു നിമിഷം പോലും കളയാതെ മാർ ഫ്രാങ്കോയെ മെത്രാൻ സ്ഥാനത്തുനിന്ന് മാറ്റി നിർത്തേണ്ടത് കത്തോലിക്ക സഭയുടെ ചുമതലയും ബാധ്യതയുമാണ്. അയാളെ എത്രയും വേഗം അറസ്റ്റുചെയ്ത് തുറുങ്കിൽ അടയ്‌ക്കേണ്ടത് സംസ്ഥാന സർക്കാരിന്റെ ചുമതലയുമാണ്. എന്നാൽ യാതൊരു അടിസ്ഥാനുവമില്ലാതെ, ഫ്രാങ്കോ എന്നു പറയുന്ന തെമ്മാടി കാണിച്ച ലൈംഗിക വൈകൃതത്തിന്റെ പേരിലും മാർ ആലഞ്ചേരിയെ കുറ്റക്കാരനാക്കിക്കൊണ്ട് കഴിഞ്ഞ ഒരാഴ്ചയായി കേരളത്തിലെ മാധ്യമങ്ങളും ചാനലുകളും നിറഞ്ഞുനിന്നത് എന്തിന്റെ അടിസ്ഥാനത്തിലാണ് എന്ന് വിശദീകരിക്കാനുള്ള ചുമതല അവർക്കുണ്ട്. കന്യാസ്ത്രീയുടേയോ ബന്ധുക്കളുടേയോ പരാതിയിൽ ഇല്ലാത്ത ഒരു കാര്യമായിരുന്നു ഒരാഴ്ചയായി കേരളത്തിലെ ചാനലുകൾ ചർച്ച ചെയ്തിരുന്നു.

മാർ ആലഞ്ചേരിക്ക് പരാതി കൊടുത്തിട്ടും അത് മുക്കിയെന്നും അതുകൊണ്ട് ക്രിമിനൽ നിയമത്തെ അട്ടിമറിക്കാൻ ശ്രമിച്ചതിന് ആലഞ്ചേരിക്ക് എതിരെ നടപടി ഉണ്ടാവണം എന്നുമായിരുന്നു മാധ്യമങ്ങളിൽ വാർത്ത വന്നത്. ഇതിന്റെ അടിസ്ഥാനത്തിൽ ആലഞ്ചേരിക്ക് എതിരെ വത്തിക്കാനിലേക്ക് പരാതി അയച്ചെന്നും ആലഞ്ചേരിയെ തൽസ്ഥാനത്തുനിന്ന് മാറ്റണമെന്നും നിരവധി പേർ ചാനൽ ചർച്ചകളിൽ ആഞ്ഞുപ്രസംഗിച്ചു. കൗമുദിയും മാതൃഭൂമിയുമടങ്ങുന്ന പ്രധാന പത്രങ്ങൾ ഒന്നാംപേജിൽ വലിയ ആഘോഷവും നടത്തി.

കേസന്വേഷിച്ച പൊലീസിന് കന്യാസ്ത്രീയും ബന്ധുക്കളും കൊടുത്ത മൊഴി ഇന്ന് ഈ പത്രങ്ങളിൽ വന്നത് വായിക്കുമ്പോൾ ഇവരാരും അറിഞ്ഞതായി നടിക്കുന്നില്ല. മൊഴിയുടെ വിശദാംശങ്ങൾ പുറത്തുവരുമ്പോൾ വ്യക്തമാകുന്നത് ആലഞ്ചേരിയെ ഏതാനും മാസങ്ങൾക്ക് മുമ്പ് താൻ പരാതിപ്പെട്ടത് രൂപതയിലെ പ്രശ്‌നങ്ങൾ ആലഞ്ചേരിയുടെ ശ്രദ്ധയിൽ പെടുത്തിയപ്പോൾ അത് വത്തിക്കാനിൽ പരാതിയായി നൽകാൻ ഉപദേശിച്ചെന്നും അങ്ങനെ വത്തിക്കാനിലേക്ക് പരാതി അയച്ചുവെന്നുമാണ് കന്യാസ്ത്രീയുടെ മൊഴി. ലൈംഗിക പീഡനത്തെ കുറിച്ച് മാർ ആലഞ്ചേരിയോട് പരാതിപ്പെട്ടാൽ ഒരു സഭയുടെ തലവൻ എന്ന നിലയിൽ വേണ്ടപ്പെട്ട അധികൃതരേയും പൊലീസിനേയും അറിയിക്കേണ്ട ബാധ്യത ആലഞ്ചേരിക്ക് ഉണ്ട് എന്നതുകൊണ്ട് മാത്രമാണ് ആലഞ്ചേരിക്ക് എതിരെ ജനവികാരം ഉണ്ടായതും മാധ്യമ ചർച്ചയുണ്ടായതും.

എന്നാൽ സഭയിലെ ആഭ്യന്തര പ്രശ്‌നവും ഒരു മെത്രാന് എതിരെയുള്ള മറ്റ് പീഡനങ്ങളുമാണ് റിപ്പോർട്ട് ചെയ്യപ്പെട്ടതെങ്കിൽ വേണ്ട അധികൃതരെ അറിയിക്കുക എന്ന ഉപദേശമല്ലാതെ മറ്റൊന്നും നൽകാൻ ആലഞ്ചേരിക്ക് കഴിയില്ല. സീറോ മലബാർ സഭയുടെ തലവനായ മാർ ആലഞ്ചേരിക്ക് പോപ്പിന്റെ നേരിട്ടുള്ള ഭരണത്തിലുള്ള ഒരു ലത്തീൻ സഭയിലെ മെത്രാനെതിരെ ഒരു നടപടിയും എടുക്കാൻ അവകാശമോ അധികാരമോ ഇല്ലാതിരിക്കവേ ആലഞ്ചേരി ചെയ്തത് ഏറ്റവും ശരിയായ നിലപാട് തന്നെയായിരുന്നു. ഒരുപക്ഷേ, ആലഞ്ചേരിയുടെ ഉപദേശവും പിന്തുണയും കൊണ്ടാവാം വത്തിക്കാനിലേക്ക് നേരിട്ട് പരാതി കൊടുക്കാൻ ആ കന്യാസ്ത്രീ ധൈര്യം കാണിച്ചതും.

ഇവിടെ രണ്ടുകാര്യങ്ങൾ അവശേഷിക്കുകയാണ്. എന്നിട്ടും എന്തുകൊണ്ടാണ് ആലഞ്ചേരിക്ക് എതിരെ ചാനലും പത്രങ്ങളും പൊതുസമൂഹവും ഈ ദിവസങ്ങളിൽ ഉറഞ്ഞു തുള്ളിയത്. രണ്ടാമത്തെ ചോദ്യം ഇത് വ്യാജ ആരോപണമാണ് എന്ന് തിരിച്ചറിഞ്ഞിട്ടും എന്തുകൊണ്ടാണ് മാധ്യമങ്ങളും ചാനലുകളും ഒന്നു തിരുത്താൻ തയ്യാറാവാത്തത്. ജലന്ധർ മെത്രാന് എതിരായ പീഡനത്തെ കുറിച്ച് ഇന്ന് ചില പത്രങ്ങൾ മാത്രം അവരുടെ വാർത്തയുടെ അകത്താണ് ഈസംഭവം റിപ്പോർട്ട് ചെയ്തിരിക്കുന്നത്.

ഇത് തലക്കെട്ടാക്കാനോ ആലഞ്ചേരി കുറ്റക്കാരനല്ല എന്ന് പറയാനോ ഒരു പത്രവും ഒരു ചാനലും തയ്യാറായിട്ടില്ല. ആലഞ്ചേരിക്ക് എതിരെ ഒരു തെളിവുമില്ല എന്ന് ബോധ്യമായപ്പോൾ ചാനലുകൾ മനപ്പൂർവം അത് വിഴുങ്ങിയിരിക്കുകയാണ്. കഴിഞ്ഞ ഒരാഴ്ചയായി ആലഞ്ചേരിക്ക് എതിരെ ചർച്ച നടത്തുകയും ആലഞ്ചേരിയെ പൊതുസമൂഹത്തിൽ അധിക്ഷേപിക്കുകയും ചെയ്തതിനെ കുറിച്ച് ഒരു കുറ്റബോധവും ഇല്ല, മാപ്പു പറയുന്നില്ല, എന്നു മാത്രമല്ല സത്യം ഇതാണെന്ന് ജനം അറിയാനുള്ള ഒരു ശ്രമവും ഈ ചാനലുകൾ നടത്തുന്നില്ല. ആലഞ്ചേരിക്ക് പരാതി കൊടുത്തിട്ടില്ല എന്ന് ബന്ധുക്കളും കന്യാസ്ത്രീയും പറഞ്ഞു എന്നത് റിപ്പോർട്ട് ചെയ്യാനുള്ള സാമാന്യ മര്യാദപോലും ഈ പത്രങ്ങൾ കാണിച്ചിട്ടില്ല.

ഇതിൽ നിന്ന് മനസ്സിലാകുന്നത് ചില അജണ്ടകളുടെ പുറത്താണ് കേരളത്തിലെ മാധ്യമങ്ങൾ നിലനിൽക്കുന്നത് എന്നുതന്നെയാണ്. ഈ അജണ്ട ക്രൈസ്തവ വിശ്വാസത്തിന് എതിരെയാണ് എന്ന് പറയാൻ മാത്രം അൽപത്തം എനിക്കില്ല. നേരെ മറിച്ച് ആരോ ചിലർ കാതിലോതുന്ന നുണകൾ അതേപടി വിഴുങ്ങുകയും അത് ഈ സമൂഹത്തിന്റെ ആശയവും അഭിപ്രായവുമായി അടിച്ചേൽപിക്കുകയും ചെയ്യുന്നതിന്റെ പ്രശ്‌നമാണ് ഈ കാണുന്നത്. ഒരു ആരോപണം ഉണ്ടായാൽ വേണ്ടതരത്തിൽ പ്രതിരോധിക്കാനോ വിശ്വാസികളെ അഴിച്ചുവിട്ട് സൈബർ ആക്രമണം നടത്താനോ ഉള്ള കെൽപ്പും സംവിധാനവും ആലഞ്ചേരിക്ക് ഇല്ലാത്തതുകൊണ്ടും ഈ നുണകൾ ഒഴിച്ചുകൊടുക്കുന്നത് സഭയിലെ ഒരു വിഭാഗംതന്നെ ആയതുകൊണ്ടും ഇത് ആരാലും ചോദ്യം ചെയ്യപ്പെടുന്നില്ല. ഇസ്‌ളാമിക മതത്തിന്റെയോ ഹൈന്ദവ മതത്തിന്റെയോ ആണിക്കല്ലുകളായ ഏതെങ്കിലും ഒരാൾക്കെതിരെ ആണ് ഇത്തരത്തിൽ സംഘടിതമായ വ്യാജ പ്രചരണം നടക്കുന്നത് എങ്കിൽ എന്താവുമായിരുന്നു സ്ഥിതി.

ഇവിടുത്ത ആദ്യത്തെ കുറ്റക്കാർ എറണാകുളത്തേയും തൃശൂരിലേയും പിശാചിന് ജനിച്ച ചില വൈദികർ തന്നെയാണ്. രണ്ടാമത്തെ കുറ്റക്കാർ ആ വൈദികർ പറഞ്ഞത് അതേപടി വിഴുങ്ങി ഒരു സഭാ തലവന് എതിരെ പോലും ഒരു അന്വേഷണവും ഇല്ലാതെ നുണ എഴുതുന്ന മാധ്യമങ്ങൾ തന്നെയാണ്. ഇത്തരം നുണയെഴുത്തുകൾ തുടരുമ്പോൾ അവരുടെ തെറ്റുകൾ പോലും തിരിച്ചറിയുമ്പോൾ അത് ചൂണ്ടിക്കാട്ടാൻ സാധിക്കാതെ വരുമ്പോൾ നഷ്ടപ്പെടുന്നത് മാധ്യമങ്ങളുടെ പ്രസക്തിയും വിശ്വാസ്യതയുമാണ്. ജാതിയോ മതമോ വ്യത്യാസമില്ലാതെ ഏതു മതവും മതാധ്യക്ഷന്മാരും തെമ്മാടിത്തരം കാണിച്ചാൽ അത് എഴുതും എന്ന ധൈര്യം അന്നും ഇന്നും ഞങ്ങൾക്ക് ഉണ്ട്.

അത് മാർ ആലഞ്ചേരി ആണെങ്കിലും ഞങ്ങൾ എഴുതും. എന്നാൽ ഇല്ലാത്തത് പറയുന്നത് അമൃതാനന്ദമയിയെക്കുറിച്ച് ആണെങ്കിലും കാന്തപുരത്തെ കുറിച്ചാണെങ്കിലും മാർ ആലഞ്ചേരിയെ കുറിച്ചാണെങ്കിലും അത് ഇല്ലാത്തതാണ് എന്ന് പറയാനുള്ള ധൈര്യവും ഞങ്ങൾക്ക് ഉണ്ട്. ഇപ്പോൾ എടുത്തുപറയുന്നത് ആലഞ്ചേരിക്ക് എതിരെയുള്ള നുണ പ്രചരണമാണ്. നാളെ ഈ ആലഞ്ചേരിക്ക് എതിരെ തെളിവോടെ ഒരു വാർത്ത കിട്ടിയാൽ അത് പ്രസിദ്ധീകരിക്കും. നാളെ അമൃതാനന്ദമയിക്കും കെപി യോഹന്നാനും എതിരായ വാർത്ത കിട്ടിയാലും അനുകൂലമായ വാർത്ത കിട്ടിയാലും ഞങ്ങൾ പ്രസിദ്ധീകരിക്കും. എന്തായാലും നുണ ഒഴിച്ചുകൊടുത്തും കുടിച്ചും ഇവിടത്തെ മാധ്യമങ്ങൾക്കും മാധ്യമപ്രവർത്തകർക്കും അധികകാലം മുന്നോട്ടുപോകാൻ സാധിക്കുകയില്ല എന്ന് മാത്രം അറിയുക.

മറുനാടന്‍ ഡെസ്‌ക്‌    
മറുനാടന്‍ ഡെസ്‌ക്‌

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഇവര് കൊല്ലുമെന്ന് പറഞ്ഞാണ് നടക്കുന്നത്; ആറ്റിങ്ങലിൽ എസ്ഡിപിഐക്കാര് ക്വട്ടേഷൻ കൊടുത്തിട്ടാണുള്ളത്; ഞങ്ങളെ കൊന്നിട്ട് നിങ്ങൾക്ക് എന്തുക്കിട്ടാനാണ്? ഞങ്ങൾക്ക് ജീവിക്കണം; മിശ്രവിവാഹത്തെ ചൊല്ലി തന്റെ വീട്ടുകാരും എസ്ഡിപിഐയും കൊല്ലാൻ പരക്കം പാഞ്ഞുനടക്കുന്നുവെന്ന് ഷഹാന; കെവിനെ പോലെ താനും ഒരു പോസ്റ്ററിൽ ഒതുങ്ങിയേക്കാമെന്ന് ഹാരിസൺ; ഫേസ്‌ബുക്ക് ലൈവ് വൈറലാകുന്നു
ശബരിമലയും തിരുപ്പതിയും അമർനാഥ് യാത്രയുമൊക്കെ അന്ധവിശ്വാസങ്ങളാണ്; ഗംഗയിൽ കുളിച്ചാൽ ഒരു പാപവും ഇല്ലാതാകില്ലെന്ന് മാത്രമല്ല നിങ്ങൾക്ക് വല്ല അസുഖവും പിടിപെടും! ബീഫ് പലരുടെയും ഭക്ഷണമാകയാൽ നിരോധിക്കാനാവില്ല; സ്വാമി അഗ്നിവേശിനോടുള്ള സംഘപരിവാറിന്റെ പക വർധിപ്പിച്ചത് ഈ നിലപാടുകൾ; സ്വാമിക്ക് ഇനി സിപിഎം പ്രവർത്തകരുടെ സംരക്ഷണം
ഏഷ്യാനെറ്റിലെ ബിഗ് ബോസിനും ലാലിസത്തിന്റേയും ലാൽസലാമിന്റേയും ദുർഗതി; കോടികൾ മുടക്കിയിട്ടും ജനപ്രിയ ചാനലിന്റെ റിയാലിറ്റി ഷോ കാണാൻ ആളില്ല; മോഹൻലാൽ ഷോയെക്കാൾ നല്ലത് കണ്ണീർ സീരിയിൽ തന്നെന്ന് തിരിച്ചറിവിൽ ചാനൽ; ബിഗ് ബജറ്റ് ഷോയ്ക്ക് സാധാരണ ഷോയുടെ റേറ്റിങ് മാത്രം; പ്രൈം ടൈമിലെ കിതപ്പ് മാറ്റാൻ പരീക്ഷിച്ച ബിഗ് ബോസ് റേറ്റിംഗിൽ തളരുന്നു; മിനിസ്‌ക്രീനിൽ ലാലേട്ടന് പറയാനുള്ളത് കിതപ്പിന്റെ കഥ മാത്രം
ചേച്ചി കരയേണ്ട.. മാറ്റാൻ പറ്റുന്നവരെയൊക്കെ മാറ്റാൻ സ്ഥലം നോക്കാനൊക്കെ തന്നെയാണ് ഞങ്ങൾ ഇവിടെ വന്നിരിക്കുന്നത്. ചേച്ചി കരയണ്ടാ.. നമുക്ക് എന്തെങ്കിലും വഴിയുണ്ടാക്കാ ട്ടോ..; നാട്ടുകാരിൽ ഒരാളായി നിന്ന് അവരുടെ പ്രശ്‌നങ്ങൾ തലയാട്ടിക്കേട്ട് മഴക്കെടുതിയിൽ വലയുന്ന ജനങ്ങളെ ആശ്വസിപ്പിച്ച് അനുപമ ഐഎഎസ്; ഇങ്ങനെയൊരു കളക്ടറെയാണ് ഞങ്ങൾക്ക് വേണ്ടതെന്ന് പറഞ്ഞ് സന്തോഷം മറച്ചുവയ്ക്കാതെ തൃശൂരുകാർ; ബിഗ് സല്യൂട്ടുമായി സോഷ്യൽ മീഡിയയും
സുഡാപ്പിയെ സൈബർ സഖാവാക്കിയതിന് മനോരമ കത്തിച്ച് സഖാക്കൾ; ആഴ്ചപതിപ്പിലെ നോവലിൽ ഹൈന്ദവവിരുദ്ധത കണ്ടെത്തി മാതൃഭൂമി കത്തിച്ച് സംഘികൾ; മനോരമ ഓഫീസിനു മുന്നിലിട്ട് പത്രം കത്തിച്ച് ഫേസ്‌ബുക്കിലിട്ട് എസ്എഫ്ഐക്കാർ; ഹിന്ദുവിരുദ്ധമായ മാതൃഭൂമി കത്തിക്കാൻ ആഹ്വാനം നൽകി ബിജെപി ഗ്രൂപ്പുകൾ; കേരളത്തിലെ രണ്ടു പ്രമുഖ പത്രങ്ങൾ നിന്ന് കത്തുന്നു
അലക്കുകാരൻ അപവാദം പറഞ്ഞതിന് രാമൻ സീതയെ ഉപേക്ഷിച്ചതിന്റെ ഉത്തരവാദിത്വം വാത്മീകിക്കാണോ? പാഞ്ചാലി അഞ്ചുപേർക്കും ഭാര്യയായതിന് വ്യാസനെ തെറിപറയാമോ; നോവലിൽ മോശം കഥാപാത്രങ്ങൾ ഉണ്ടായാൽ അതിന് നോവലിസ്റ്റ് എന്ത് പിഴച്ചു; സംഘികൾ വായന തീരെയില്ലാത്തവർ; പലർക്കും എന്തിനാണ് തെറിപറയുന്നത് എന്നുപോലും അറിയില്ല; ഞാൻ ഒരു ജനാധിപത്യവാദിയാണ്, കമ്യൂണിസ്റ്റുകാരനല്ല: 'മീശ' വിവാദത്തിൽ സംഘികളുടെ സൈബറാക്രമണത്തിന് ഇരയായ നോവലിസ്റ്റ് എസ് ഹരീഷ് മറുനാടനോട്
കേസിൽ ജയിക്കാൻ ലൈംഗിക ബന്ധം സമ്മതിച്ച് ബലാത്സംഗം നിഷേധിച്ച് ഓർത്തഡോക്‌സ് സഭയിലെ ഫാമിലി കൗൺസിലർ കൂടിയായ ജെയ്‌സ് കെ ജോർജ്; ഇതുവരെ തന്റെ ഭർത്താവിനെ കുടുക്കിയതെന്ന് കരുതിയിരുന്ന ഭാര്യ വിവരം അറിഞ്ഞ് ഉപേക്ഷിച്ച് പോയതായി സൂചന; പെണ്ണു പിടിക്കാൻ പോയ അച്ചന്മാരെ കുടുംബവും കൈവിട്ട് തുടങ്ങി; വൈദികരുടെ ലൈംഗികാസക്തി ചർച്ച ചെയ്ത് വിശ്വാസികളും
കേരളത്തിൽ നമ്പർ വണ്ണും രാജ്യത്ത് എട്ടാമനുമായി ജംബോ വിമാനത്താവളം; സർവീസ് നടത്താമെന്ന് എല്ലാ വിമാനക്കമ്പനികളും ഒരേസ്വരത്തിൽ സമ്മതിച്ചതോടെ ആദ്യ വിമാനം സെപ്റ്റംബറിൽ പറന്നുയരും; റൺവേയും ഏപ്രണും ടാക്‌സി ട്രാക്കുമുൾപ്പെടെ എല്ലാം തയ്യാറായി അവസാന മിനുക്കുപണികളിലേക്ക് എയർപോർട്ട്; മലബാറിന്റെ വിനോദ സഞ്ചാര-കയറ്റുമതി സാധ്യതകളിലും പുതുവെളിച്ചം പകർന്ന് ചിറകുവിരിക്കാൻ ഒരുങ്ങി കണ്ണൂർ രാജ്യാന്തര വിമാനത്താവളം
പട്ടാളചിട്ടയോടെ സംരക്ഷണം ഒരുക്കിയ പോപ്പുലർഫ്രണ്ടു കേന്ദ്രത്തിൽ നിന്നും മുഹമ്മദിനെ പൊലീസ് പൊക്കിയത് പുകച്ചു പുറത്തുചാടിച്ച ശേഷം; എസ്ഡിപിഐ നേതാക്കളെ കസ്റ്റഡിയിൽ എടുക്കുകയും പോപ്പുലർ ഫ്രണ്ട് കേന്ദ്രങ്ങളിൽ തുടർ റെയ്ഡുകളും വന്നതോടെ സംരക്ഷണ വലപൊട്ടി; ഹൈക്കോടതിയുടെ അനുകൂല നിലപാടു കൂടിയായപ്പോൾ അഭിമന്യുവിന്റെ ഘാതകൻ കുടുങ്ങി: മുഖ്യപ്രതി മുഹമ്മദലിയെ പൊലീസ് പൊക്കിയത് തീവ്രസംഘടനക്ക് ചുറ്റും 'പത്മവ്യൂഹം' തീർത്ത്
ചെങ്കൊടിയേന്തിയ സഖാവുമായി അടുത്തത് ചാരനാക്കാനുള്ള പദ്ധതിയുമായി; പ്രസ്ഥാനത്തെ ചതിക്കില്ലെന്ന നിലപാടുമായി വട്ടവടയിലേക്ക് പോയപ്പോൾ രഹസ്യം ചോരുമെന്ന് ഭയന്നു; സഖാക്കളോട് സത്യം വെളിപ്പെടുത്തും മുമ്പേ വിളിച്ചു വരുത്തിയതുകൊലപ്പെടുത്താനുറച്ച് പ്രൊഫഷണലുകളെ സജ്ജമാക്കി തന്നെ; 'സഖാപ്പി'യായി മുഹമ്മദ് മാറിയതും തന്ത്രങ്ങളുടെ ഭാഗം; മഹാരാജാസിലെ അഭിമന്യുവിനെ കൊലപ്പെടുത്തിയത് ചക്രവ്യൂഹമൊരുക്കി ചതിച്ചു തന്നെ; ഗൂഢാലോചന പൊളിക്കാനുറച്ച് പൊലീസ്
ഒരുമിച്ച് ഒൻപത് വർഷം ജീവിച്ചെന്ന് പറഞ്ഞ് ഗോപീസുന്ദർ പോസ്റ്റ് ചെയ്തത് കാമുകിയും ഗായികയുമായ അഭയ ഹിരൺമയിക്കൊപ്പം ഉള്ള ഫോട്ടോ! കണ്ടോ ഇയാൾ നാട്ടുകാരെ തെറ്റിധരിപ്പിക്കുന്നതെന്ന് ചോദിച്ച് ഭാര്യ പ്രിയയുടെ പോസ്റ്റ് പിന്നാലെ! മലയാളത്തിലെ ഹിറ്റ് സംഗീത സംവിധായകന്റെ യഥാർത്ഥ ജീവിത പങ്കാളി ആരെന്ന് തർക്കിച്ച് സോഷ്യൽ മീഡിയ
പെൺകുട്ടികൾ എന്തിനാണ് കുളിച്ച് സുന്ദരിമാരായി അമ്പലത്തിൽ പോകുന്നന്നത്? ലൈംഗിക ബന്ധത്തിൽ ഏർപ്പെടാൻ തയ്യാറാണെന്ന് അബോധപൂർവമായി പ്രഖ്യാപിക്കുകയാണവർ; അവരെന്താണ് മാസത്തിൽ നാലോ അഞ്ചോ ദിവസം അമ്പലത്തിൽ വരാത്തത്? മാതൃഭൂമി ആഴ്ചപതിപ്പിൽ എഴുതിയ എസ് ഹരീഷിന്റെ നോവലിലെ പരാമർശങ്ങൾക്ക് എതിരെ നിലപാട് കടുപ്പിച്ച് സംഘപരിവാർ; ഫെയ്സ് ബുക്ക് പൂട്ടി എഴുത്തുകാരൻ സ്ഥലം വിട്ടു
പട്ടാളചിട്ടയോടെ സംരക്ഷണം ഒരുക്കിയ പോപ്പുലർഫ്രണ്ടു കേന്ദ്രത്തിൽ നിന്നും മുഹമ്മദിനെ പൊലീസ് പൊക്കിയത് പുകച്ചു പുറത്തുചാടിച്ച ശേഷം; എസ്ഡിപിഐ നേതാക്കളെ കസ്റ്റഡിയിൽ എടുക്കുകയും പോപ്പുലർ ഫ്രണ്ട് കേന്ദ്രങ്ങളിൽ തുടർ റെയ്ഡുകളും വന്നതോടെ സംരക്ഷണ വലപൊട്ടി; ഹൈക്കോടതിയുടെ അനുകൂല നിലപാടു കൂടിയായപ്പോൾ അഭിമന്യുവിന്റെ ഘാതകൻ കുടുങ്ങി: മുഖ്യപ്രതി മുഹമ്മദലിയെ പൊലീസ് പൊക്കിയത് തീവ്രസംഘടനക്ക് ചുറ്റും 'പത്മവ്യൂഹം' തീർത്ത്
ഏഷ്യാനെറ്റിലെ ബിഗ് ബോസിനും ലാലിസത്തിന്റേയും ലാൽസലാമിന്റേയും ദുർഗതി; കോടികൾ മുടക്കിയിട്ടും ജനപ്രിയ ചാനലിന്റെ റിയാലിറ്റി ഷോ കാണാൻ ആളില്ല; മോഹൻലാൽ ഷോയെക്കാൾ നല്ലത് കണ്ണീർ സീരിയിൽ തന്നെന്ന് തിരിച്ചറിവിൽ ചാനൽ; ബിഗ് ബജറ്റ് ഷോയ്ക്ക് സാധാരണ ഷോയുടെ റേറ്റിങ് മാത്രം; പ്രൈം ടൈമിലെ കിതപ്പ് മാറ്റാൻ പരീക്ഷിച്ച ബിഗ് ബോസ് റേറ്റിംഗിൽ തളരുന്നു; മിനിസ്‌ക്രീനിൽ ലാലേട്ടന് പറയാനുള്ളത് കിതപ്പിന്റെ കഥ മാത്രം
ചെങ്കൊടിയേന്തിയ സഖാവുമായി അടുത്തത് ചാരനാക്കാനുള്ള പദ്ധതിയുമായി; പ്രസ്ഥാനത്തെ ചതിക്കില്ലെന്ന നിലപാടുമായി വട്ടവടയിലേക്ക് പോയപ്പോൾ രഹസ്യം ചോരുമെന്ന് ഭയന്നു; സഖാക്കളോട് സത്യം വെളിപ്പെടുത്തും മുമ്പേ വിളിച്ചു വരുത്തിയതുകൊലപ്പെടുത്താനുറച്ച് പ്രൊഫഷണലുകളെ സജ്ജമാക്കി തന്നെ; 'സഖാപ്പി'യായി മുഹമ്മദ് മാറിയതും തന്ത്രങ്ങളുടെ ഭാഗം; മഹാരാജാസിലെ അഭിമന്യുവിനെ കൊലപ്പെടുത്തിയത് ചക്രവ്യൂഹമൊരുക്കി ചതിച്ചു തന്നെ; ഗൂഢാലോചന പൊളിക്കാനുറച്ച് പൊലീസ്
ജോലി സ്ഥലത്തേക്കുള്ള യാത്രക്കിടെ ബസിലെ കിളിയായ കൗമാരക്കാരനുമായി യുവതി പരിചയപ്പെട്ടു; പ്രായപൂർത്തിയാകാത്ത ആൺകുട്ടിയെ ഭീഷണിപ്പെടുത്തി വീട്ടിൽ എത്തിച്ച് പീഡിപ്പിച്ചു; ഇടുക്കി ചൈൽഡ് ലൈൻ മുമ്പാകെ കൗമാരക്കാരൻ നൽകിയ മൊഴിയിൽ ഭർത്താവ് മരിച്ച യുവതി കുടുങ്ങി; പതിനേഴുകാരനെ പീഡിപ്പിച്ച 28കാരി പോക്‌സോ കേസിൽ അറസ്റ്റിലായി കോട്ടയം വനിതാ ജയിലിൽ റിമാൻഡിൽ
കേസിൽ ജയിക്കാൻ ലൈംഗിക ബന്ധം സമ്മതിച്ച് ബലാത്സംഗം നിഷേധിച്ച് ഓർത്തഡോക്‌സ് സഭയിലെ ഫാമിലി കൗൺസിലർ കൂടിയായ ജെയ്‌സ് കെ ജോർജ്; ഇതുവരെ തന്റെ ഭർത്താവിനെ കുടുക്കിയതെന്ന് കരുതിയിരുന്ന ഭാര്യ വിവരം അറിഞ്ഞ് ഉപേക്ഷിച്ച് പോയതായി സൂചന; പെണ്ണു പിടിക്കാൻ പോയ അച്ചന്മാരെ കുടുംബവും കൈവിട്ട് തുടങ്ങി; വൈദികരുടെ ലൈംഗികാസക്തി ചർച്ച ചെയ്ത് വിശ്വാസികളും
ഇതാണ് നുമ്മ പറഞ്ഞ കലക്ടർ..! മഴക്കെടുതി ഉണ്ടായാൽ അവധി പ്രഖ്യാപിച്ച് വീട്ടിലിരിക്കാൻ അനുപമ തയ്യാറല്ല; കടലേറ്റം രൂക്ഷമായ കൊടുങ്ങല്ലൂർ അഴീക്കോട് തീരദേശ മേഖല സന്ദർശിച്ച് തൃശ്ശൂർ കളക്ടർ; നാട്ടുകാരെ ആശ്വസിപ്പിച്ചും ദുരിതാശ്വാസ പ്രവർത്തനങ്ങൾ നേരിട്ട് ഏകോപിപ്പിച്ചും ഹീറോയിൻ ആയി അനുപമ; കണ്ണീരൊപ്പാൻ ഓടിയെത്തിയ കലക്ടർക്ക് ബിഗ് സല്യൂട്ട് നൽകി തീരവാസികൾ
വിവാഹത്തിന് മുമ്പ് ഒരു വൈദികൻ ലൈംഗികമായി ദുരുപയോഗിച്ചു; ഇക്കാര്യം കുമ്പസാരത്തിൽ പറഞ്ഞപ്പോൾ ആ വൈദികനും ദുരുപയോഗം തുടങ്ങി; ഭർത്താവിനോട് പറയുമെന്ന് പറഞ്ഞ് തിരുമേനിയുടെ സെക്രട്ടറിയടക്കം എട്ടോളം വൈദികർ മാറി മാറി പീഡിപ്പിച്ചു; യാദൃശ്ചികമായി ഭാര്യയുടെ ഹോട്ടൽ ബിൽ കണ്ട ഭർത്താവ് വൈദികനോട് വെളിപ്പെടുത്തിയ ടെലിഫോൺ സംഭാഷണം പുറത്ത്; സോഷ്യൽ മീഡിയയിൽ സംഭാഷണം വ്യാപകമായതോടെ മുഖം രക്ഷിക്കാൻ അഞ്ച് വൈദികരെ പുറത്താക്കി ഓർത്തഡോക്സ് സഭ
ബികോമുകാരിയായ മകളെ ഇളയച്ഛന്റെ വീട്ടിൽ വിട്ട് എഫ് ബി സുഹൃത്തിനെ ക്ഷണിച്ചു വരുത്തിയത് ഗൾഫുകാരന്റെ ഭാര്യ; മലപ്പുറത്തെ ബിടെക്കുകാരൻ രാത്രി മുഴുവൻ നീണ്ട രതിവൈകൃതത്തിന് ഇരയായതോടെ ഭയന്ന് വിറച്ചു; അതിരാവിലെ സ്ഥലം വിടാൻ നോക്കിയപ്പോൾ വിഡീയോ കാട്ടി അദ്ധ്യാപികയുടെ ഭീഷണി; എല്ലാം അതിരുവിട്ടപ്പോൾ നിലവിളിച്ച് പുറത്തേക്ക് ഓടി യുവാവ്; നാട്ടുകാർ ഓടിക്കൂടിയപ്പോൾ അപമാന ഭാരത്താൽ 46-കാരിയുടെ തൂങ്ങിമരണം; ഇരവിപുരത്തെ സിനിയുടെ ആത്മഹത്യക്ക് പിന്നിലെ കഥ
'ബാഡൂ' ആപ്ലിക്കേഷനിലൂടെയുള്ള പരിചയം അവിഹിതമായി മാറി; ഭർത്താവ് ഗൾഫിലായതിനാൽ ഇണക്കിളികളായി ചുറ്റിയടിച്ചു; പിണങ്ങുമ്പോൾ ദേഹോപദ്രവം പതിവായതിനാൽ കുതിരവട്ടത്തെ ഡോക്ടറേയും കാട്ടി; അമിതമായ വികാരപ്രകടനം നടത്തിയ അദ്ധ്യാപിക പറയുന്നതെല്ലാം ചെയ്ത് നല്ല കാമുകനുമായി; മാന്തിപൊളിക്കാൻ വന്നപ്പോൾ ഇറങ്ങി ഓടിയത് ജീവൽ ഭയം കൊണ്ടും; വാട്സ് ആപ്പ് ഹാക്കിങ് വിദഗ്ധന്റെ കഥ പൂർണ്ണമായും വിശ്വസിക്കാതെ പൊലീസും; ഇരവിപുരത്തെ സിനിയുടെ ആത്മഹത്യക്ക് പിന്നിലെ പ്രണയ രഹസ്യങ്ങൾ ഇങ്ങനെ
ഒരുമിച്ച് ഒൻപത് വർഷം ജീവിച്ചെന്ന് പറഞ്ഞ് ഗോപീസുന്ദർ പോസ്റ്റ് ചെയ്തത് കാമുകിയും ഗായികയുമായ അഭയ ഹിരൺമയിക്കൊപ്പം ഉള്ള ഫോട്ടോ! കണ്ടോ ഇയാൾ നാട്ടുകാരെ തെറ്റിധരിപ്പിക്കുന്നതെന്ന് ചോദിച്ച് ഭാര്യ പ്രിയയുടെ പോസ്റ്റ് പിന്നാലെ! മലയാളത്തിലെ ഹിറ്റ് സംഗീത സംവിധായകന്റെ യഥാർത്ഥ ജീവിത പങ്കാളി ആരെന്ന് തർക്കിച്ച് സോഷ്യൽ മീഡിയ
ജിഷയെ കൊന്നത് അമീർ ഉൾ ഇസ്ലാം അല്ല! ഷോജിയെ കൊന്നതും ഇതേ ആൾ; എന്റെ പ്രതിശ്രുത വധുവിനെ ദുരുപയോഗം ചെയ്യാനും ശ്രമിച്ചു; മാതിരപ്പിള്ളിയിലെ ഒരു രാഷ്ട്രീയ നേതാവിനും എല്ലാം വ്യക്തമായി അറിയാം; ജിഷയെ കൊന്നത് സെക്‌സ് റാക്കറ്റിന്റെ പിണിയാളുകൾ; പൊലീസിലും കോടതിയിലും കൊലയാളിയെ കുറിച്ച് എല്ലാം തുറന്നു പറയാൻ തയ്യാർ; രണ്ട് പേരെ കൊന്ന ക്രിമിനലിനൊപ്പം താൻ കഴിഞ്ഞിട്ടുണ്ടെന്നും തുറന്നുപറച്ചിൽ; വെളിപ്പെടുത്തലുമായി കോലഞ്ചേരിക്കാൻ അജി
അടിവസ്ത്രമില്ലാതെ എങ്ങനെ ഒരാൾ മുന്നോട്ട് പോകുമെന്ന് പരിതപിച്ച് മത്സരാർത്ഥികൾ; രഞ്ജിനി ഹരിദാസ് സ്‌നേഹ പൂർവ്വം നൽകിയ വെള്ള ഷഡി തലയിൽ ചുറ്റി അർമാദിച്ച് നടന്ന് അരിസ്റ്റോ സുരേഷിന്റെ കൊഴുപ്പിക്കൽ; ഇഷ്ടമാകുമെന്ന വിശ്വാസത്തോടെ, സ്നഹപൂർവ്വം മോഹൻലാൽ എന്ന കുറിപ്പോടെ 'ജട്ടി' നൽകി ബിഗ് ബോസിന്റെ ഇടപെടൽ; ഏഷ്യാനെറ്റിലെ റിയാലിറ്റി ഷോ സോഷ്യൽ മീഡിയ ചർച്ച ചെയ്യുന്നത് ഇങ്ങനെ
എത്ര ആട്ടി ഓടിച്ചാലും പിന്നേം തോണ്ടാൻ വരും; മൊബൈലിലേക്ക് മെസേജുകൾ അയക്കും; ബിജു സോപാനം ഇടപെട്ടിട്ടും കാര്യമൊന്നും ഉണ്ടായില്ല; അമേരിക്കയിലെ സ്റ്റേജ് ഷോയുടെ പേരിലെ ഒഴിവാക്കൽ സംവിധായകന് വഴങ്ങാത്തതിന്റെ പ്രതികാരമെന്ന് നിഷാ സാരംഗ്; നമ്മൾ തമ്മിൽ പറഞ്ഞതിരിക്കട്ടെ; ഇനി ആരോടും പറയണ്ട; പുറത്തറിഞ്ഞാൽ ആരും വിളിക്കില്ലെന്ന് ഉപദേശം ശ്രീകണ്ഠൻ നായർ നൽകിയെന്ന് മാലാ പാർവ്വതിയും; ഫ്‌ളവേഴ്‌സിലെ 'ഉപ്പും മുളകിലും' വിവാദം പുതിയ തലത്തിലേക്ക്
മഞ്ജു വാര്യർക്കെതിരെ അച്ചടക്ക നടപടിക്ക് സാധ്യത; ചട്ടപ്രകാരം ചെയ്ത കാര്യത്തിൽ പുതിയ നേതൃത്വത്തെ വെട്ടിലാക്കുന്ന കുറ്റപ്പെടുത്തൽ; പരിധി വിടുന്ന സ്ത്രീ കൂട്ടായ്മയെ പിടിച്ചു കെട്ടാൻ ഇടവേള ബാബു; ദിലീപിനെ തിരിച്ചെടുത്തതിനെ വിമർശിച്ചതിൽ പാർവ്വതിയും റിമാ കല്ലിംഗലും രമ്യാനമ്പീശനും വിശദീകരണം നൽകേണ്ടി വരും; കടുത്ത നടപടികൾ കൂടിയേ തീരുവെന്ന് താരസംഘടനയിലെ പുതിയ ഭാരവാഹികൾ; അനുനയത്തിന് മോഹൻലാൽ; ഇനി ഞാൻ 'അമ്മ'യിലേക്കില്ലെന്ന നിലപാടിൽ ഉറച്ച് ജനപ്രിയനായകനും
അമൃത ടിവിയിൽ 'ഓർമ്മയിൽ' ഡോക്യൂഫിഷനുമായി തുടക്കം; മഴവിൽ മനോരമയിൽ 'തട്ടിയും മുട്ടിയും' നടന്ന് ആദ്യ പേരുദോഷമുണ്ടാക്കി; നടിയോട് അശ്ലീലം പറഞ്ഞെന്ന പരാതിയിൽ രാജി എഴുതി വാങ്ങിച്ചത് തന്ത്രപരമായി; ഉപ്പും മുളകും റേറ്റിംഗിൽ മുന്നേറിയപ്പോൾ സംവിധായകൻ വീണ്ടും പ്രശസ്തിയുടെ നെറുകയിലെത്തി; നിഷാ സാരംഗിനെ 'തൊട്ടു കളിച്ചപ്പോൾ' വീണ്ടും പണി കിട്ടി; ഫ്ളവേഴ്സ് ചാനലിനെ വെട്ടിലാക്കിയ ഉണ്ണികൃഷ്ണനെന്ന സംവിധായകന്റെ കഥ