കാനഡയിൽ ഒമ്പതു വർഷത്തിനു ശേഷം ലിബറൽ പാർട്ടി അധികാരത്തിലേക്ക്; ജസ്റ്റിൻ ട്രൂഡോയുടെ നേത...

കാനഡയിൽ ഒമ്പതു വർഷത്തിനു ശേഷം ലിബറൽ പാർട്ടി അധികാരത്തിലേക്ക്; ജസ്റ്റിൻ ട്രൂഡോയുടെ നേതൃത്വത്തിൽ പുതിയ സർക്കാർ

October 20, 201504:18 PM IST Permalink

ഒട്ടാവ: ഒമ്പതു വർഷത്തെ കൺസർവേറ്റീവ് ഭരണത്തിന് അന്ത്യം കുറിച്ചുകൊണ്ട് ലിബറൽ പാർട്ടി വീണ്ടും അധികാരത്തിലേക്ക്. മുൻ പ്രധാനമന്ത്രി പിയറി ട്രൂഡോയുടെ മകൻ ജസ്റ്റിൻ ട്രൂഡോയാണ് ലിബറൽ പാർട്ടിയെ നയിക്കുന്നത്. വോട്ടെണ്ണൽ ഭാഗികമായി പൂർത്തിയായപ്പോൾ തന്നെ കൺസർവേറ്റീവ് പാർട്ടിയുടെ നിലവിലെ പ്രധാനമന്ത്രിയായ സ്റ്റീഫൻ ഹാർപർ തോൽവി അംഗീകരിക്കുകയായിരുന്നു. മുൻ പ്രധാനമന്ത്രിയും ആധുനിക കാനഡയുടെ പിതാവുമെന്നും അറിയപ്പെടുന്ന പീയേറെ ട്രൂഡ്യൂവിന്റെ മകനായ 43കാരൻ ജസ്റ്റിന് സർക്കാർ രൂപീകരിക്കാനുള്ള ഭൂരിപക്ഷം ലഭിച്ചുകഴിഞ്ഞതായി വാർത്താചാനലുകൾ റിപ്പോർട്ട് ചെയ്യുന്നു.

തിരഞ്ഞെടുപ്പിലൂടെ കനേഡിയൻ ജനത വ്യക്തമായ സന്ദേശമാണ് നൽകുന്നതെന്നും ഇത് മാറ്റത്തിനുള്ള സമയമാണെന്നും ജസ്റ്റിൻ പറഞ്ഞു. രാജ്യത്തിന് നൽകിയ സേവനത്തിന് ഹാർപ്പറിന് പിയറി നന്ദി അറിയിക്കുകയും ചെയ്തു. പ്രധാനമന്ത്രി പദവി നാലാം തവണയും നിലനിർത്താനായി മത്സരിച്ച സ്റ്റീഫൻ ഹാർപെറുടെ കൺസർവേറ്റീസ് പാർട്ടിക്ക് 104 സീറ്റുകൾ കൊണ്ട് തൃപ്തിപ്പെടേണ്ടിവന്നു. ഇടതുചായ്‌വുള്ള ന്യൂ ഡെമോക്രാറ്റിക് പാർട്ടിയാണ് മൂന്നാം സ്ഥാനത്ത്. 32 ജില്ലകളിലാണ് ഇവർ ലീഡ് ചെയ്യുന്നത്. 338 അംഗ പാർലമെന്റിൽ ഭൂരിപക്ഷം നേടണമെങ്കിൽ ഹൗസ് ഓഫ് കോമൺസിൽ 170 സീറ്റുകൾ വേണം. ഇതിനകം 191 ഇടങ്ങളിൽ വിജയം ഉറപ്പിച്ച ലിബറൽ പാർട്ടി അധികാരം ഉറപ്പിച്ചിട്ടുണ്ട്.

2008 മുതൽ പാർലമെന്റ് അംഗമായിരുന്ന ജസ്റ്റിൻ ട്രൂഡോ മുൻപ് സ്‌കൂളിലെ അദ്ധ്യാപകനായിരുന്നു. കാനഡയുടെ ചരിത്രത്തിലെ ഏറ്റവും പ്രായം കുറഞ്ഞ രണ്ടാമത്തെ പ്രധാനമന്ത്രിയാവുകയാണ് ജസ്റ്റിൻ ട്രൂഡോ. 1968ൽ അധികാരത്തിലേറിയ പിതാവ് ട്രൂഡോ 16 വർഷമാണ് രാജ്യത്തെ നയിച്ചത്. രാജ്യത്തിന്റെ അവകാശ നിയമം രൂപീകരിച്ചത് അദ്ദേഹമാണ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: