Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202418Thursday
ഹോം ചാനൽ കിന്നാരം

മനഃപൂർവം ആരെയും വേദനിപ്പിച്ചിട്ടില്ല; ആഗ്രഹിച്ചത് എല്ലാവർക്കും നന്മ വരാൻ; ജീവിതത്തിന് അർഥമുണ്ടെന്നു തോന്നുന്നത് ഇപ്പോൾ: രശ്മി സോമനുമായുള്ള ആദ്യ വിവാഹത്തെക്കുറിച്ചു സംവിധായകൻ എ എം നസീറിനു പറയാനുള്ളത്

December 08, 201607:39 PM IST Permalink
മനഃപൂർവം ആരെയും വേദനിപ്പിച്ചിട്ടില്ല; ആഗ്രഹിച്ചത് എല്ലാവർക്കും നന്മ വരാൻ; ജീവിതത്തിന് അർഥമുണ്ടെന്നു തോന്നുന്നത് ഇപ്പോൾ: രശ്മി സോമനുമായുള്ള ആദ്യ വിവാഹത്തെക്കുറിച്ചു സംവിധായകൻ എ എം നസീറിനു പറയാനുള്ളത്

'മനഃപൂർവം ആരെയും വേദനിപ്പിച്ചിട്ടില്ല. എല്ലാവർക്കും നന്മ വരാനാണ് ആഗ്രഹിച്ചത്. സത്യം പറഞ്ഞാൽ ജീവിതത്തിന് അർത്ഥമുണ്ടെന്ന് തോന്നിയത് ഇപ്പോഴാണ്'- സീരിയൽ താരമായിരുന്ന രശ്മി സോമനുമായുള്ള ആദ്യ വിവാഹത്തെക്കുറിച്ചു സംവിധായകൻ എ എം നസീറിനു പറയാനുള്ളത് ഇതാണ്. സീരിയൽ രംഗത്തെ സൂപ്പർ നായികയായി തിളങ്ങിയ കാലത്തായിരുന്നു സീരിയലിലെ സൂപ്പർ ഹിറ്റ് സംവിധായകനായ എ എം നസീറുമായുള്ള രശ്മിയുടെ വിവാഹം.

ഇരുവരുടെയും പ്രണയം വിവാഹത്തിൽ എത്തുകയായിരുന്നു. എന്നാൽ പിന്നീട് ഇരുവരും വേർപിരിഞ്ഞ വാർത്തയാണു പുറത്തുവന്നത്. രശ്മി പിന്നീട് വിദേശമലയാളിയായ ഗോപിനാഥൻ എന്നയാളെ വിവാഹം കഴിച്ചു. നസീറും ഏകാന്തജീവിതത്തിന് വിരാമമിട്ട് വിവാഹിതനായി.

അടുത്തിടെ നല്കിയ ഒരഭിമുഖത്തിലാണ് ആദ്യവിവാഹത്തെക്കുറിച്ചു നസീർ സംസാരിച്ചത്. ആദ്യ വിവാഹം വേണ്ടായിരുന്നു എന്ന് തോന്നുന്നുണ്ടോ എന്ന ചോദ്യത്തിനായിരുന്നു അദ്ദേഹത്തിന്റെ മറുപടി. 'അതൊക്കെ ആ സാഹചര്യത്തിൽ ചെയ്തതാണ്. തെറ്റാണെന്ന് പറയുന്നത് ശരിയല്ല. മര്യാദയല്ലത്. സംഭവിച്ചതെല്ലാം നല്ലതിന് എന്ന് വിശ്വസിക്കാനാണ് എനിക്കിഷ്ടം. മനഃപൂർവം ആരെയും വേദനിപ്പിച്ചിട്ടില്ല. എല്ലാവർക്കും നന്മ വരാനാണ് ആഗ്രഹിച്ചത്. സത്യം പറഞ്ഞാൽ ജീവിതത്തിന് അർത്ഥമുണ്ടെന്ന് തോന്നിയത് ഇപ്പോഴാണ്. ആരൊക്കെയോ കൂടെയുണ്ടെന്ന സമാധാനം. ഒറ്റപ്പെടലിന്റെ വേദന നന്നായി അനുഭവിച്ചവരാണ് ഞാനും ഭാര്യ സുമിയും. ഒരർത്ഥത്തിൽ തുല്യദുഃഖിതർ.

വിവാഹബന്ധം വേർപ്പെടുത്തിയശേഷമുള്ള മൂന്നുനാലു വർഷക്കാലം ജീവിച്ചത് ഉള്ളിലൊരു വിങ്ങലുമായാണ്. അതിൽ നിന്നൊക്കെ ഒരുപരിധി വരെ രക്ഷപ്പെടുത്തിയത് സീരിയലുകളാണ്. ഒരു ദിവസംപോലും വെറുതെയിരുന്നില്ല. സങ്കടം വരുമ്പോൾ പതിവായി ആതിരപ്പള്ളിയിൽ പോകും. അവിടത്തെ പുഴയിൽ കുറച്ചുനേരം മുങ്ങിയിരുന്ന് തല തണുപ്പിച്ചാൽ തീരും എല്ലാ പാപങ്ങളും.'- നസീർ പറയുന്നു.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP