ഗോവൻ അന്താരാഷ്ട്ര ചലച്ചിത്രമേളയിൽ് നിന്ന് രണ്ടു ചിത്രങ്ങളെ വാർത്താവിനിമയ മന്ത്രാലയം ഇ...

ഗോവൻ അന്താരാഷ്ട്ര ചലച്ചിത്രമേളയിൽ് നിന്ന് രണ്ടു ചിത്രങ്ങളെ വാർത്താവിനിമയ മന്ത്രാലയം ഇടപെട്ട് ഒഴിവാക്കി; സനൽ കുമാർ ശശിധരന്റെ എസ് ദുർഗ്ഗയ്ക്കും മറാത്തി ചിത്രം ന്യൂഡിനും മേളയിൽ വിലക്ക്

November 12, 201703:28 PM IST Permalink

ന്യൂഡൽഹി: ഇന്ത്യയുടെ രാജ്യാന്തര ചലച്ചിത്രോത്സവത്തിൽ നിന്ന് രണ്ട് ചിത്രങ്ങളെ വാർത്താ വിനിമയമന്ത്രാലയം ഇടപെട്ട് ഒഴിവാക്കി. രവി ജാദവിന്റെ മറാത്തി ചിത്രം ന്യൂഡും സനൽ കുമാർ ശശിധരന്റെ മലയാള ചിത്രം എസ്. ദുർഗയെയുമാണ് സ്ൃതി ഇറാനി മന്ത്രിയായ വകുപ്പ് ഇടപെട്ട് ഒഴിവാക്കിയത്. സെക്സി ദുർഗ എന്ന ചിത്രം നേരത്തെ സെൻസർ ബോർഡ് ഇടപെട്ടാണ് എസ് ദുർഗ എന്നാക്കി മാറ്റിയത്.

ഗോവയിൽ ഈ മാസം അവസാനവാരത്തിൽ നടക്കാനിരിക്കുന്ന നാൽപത്തിയെട്ടാമത് ചലച്ചിത്രമേളയിലെ ഇന്ത്യ പനോരമ എന്ന വിഭാഗത്തിൽ പ്രദർശിപ്പിക്കാനിരുന്നതായിരുന്നു. ഇവയടക്കം 24 ചിത്രങ്ങളാണ് പതിമൂന്നംഗ ജൂറി തിരഞ്ഞെടുത്തത്. എന്നാൽ, ഈ ജൂറി അംഗങ്ങൾ അറിയാതെയാണ് ചിത്രങ്ങൾ ഒഴിവാക്കപ്പെട്ടത്. ചിത്രങ്ങൾ ഒഴിവാക്കപ്പെട്ട വിവരം താൻ അറിഞ്ഞില്ലെന്നും ഈ സംഭവത്തിലുള്ള നീരസം സർക്കാരിനെ അറിയിച്ചിട്ടുണ്ടെന്നും ജൂറി അംഗമായ തിരക്കഥാകൃത്ത് അപൂർവ അസ്രാനി പറഞ്ഞു.

നഗ്ന മോഡലുകളായി ഉപജീവനം നടത്തുന്ന സ്ത്രീകളുടെ കഥയാണ് മറാഠി ചിത്രമായ ന്യൂഡ് പറയുന്നത്. ന്യൂഡിനെയായിരുന്നു ഉദ്ഘാടന ചിത്രമായി ജൂറി കണ്ടുവച്ചിരുന്നത്. ന്യൂഡിന് പകരം വിനോദ് കാപ്രിയുടെ പിഹുവാകും ഇനി ഉദ്ഘാടന ചിത്രം. എസ് ദുർഗയാവട്ടെ നിരവധി ചലച്ചിത്ര മേളകളിൽ പ്രദർശിപ്പിച്ച് മികച്ച അഭിപ്രായം നേടിയതാണ്.

ജോളി എൽ. എൽ.ബി, ന്യൂട്ടൺ, ബാഹുബലി 2, വെന്റിലേറ്റർ തുടങ്ങിയ മുഖ്യധാര ചിത്രങ്ങൾ സുജോയ് ഘോഷ് അധ്യക്ഷനായ ജൂറി പട്ടികയിൽ ഉൾപ്പെടുത്തിയിട്ടുണ്ട്. മലയാളത്തിൽ നിന്ന് മഹേഷ് നാരായണന്റെ ടേക്ക് ഓഫ് മാത്രമാണ് പട്ടികയിലുള്ളത്.
നവംബർ 20 മുതൽ 28 വരെയാണ് മേള.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

MNM Recommends +

ഫിറ്റ്‌നസ് ടെസ്റ്റ് പാസായി; തൃശൂർ പൂരത്തിന് തെച്ചിക്കോട്ടുകാവ് രാമചന്ദ്രനെ എഴുന്നള്ളിപ്പിക്കാം

എറണാകുളത്ത് കോവിഡ് കേസുകൾ കൂടുന്നു; വർദ്ധന മൂന്നുമാസത്തെ ഇടവേളയ്ക്ക് ശേഷം; ജാഗ്രത പുലർത്തണമെന്ന് ഐഎംഎ

പ്രസവാവധി സമയത്തെ ആനുകൂല്യങ്ങൾ തടഞ്ഞുവച്ചു; നഴ്‌സിങ് ഓഫീസറുടെ പരാതിയിൽ മനുഷ്യാവകാശ കമ്മീഷന്റെ ഇടപെടൽ