1 usd = 71.96 inr 1 gbp = 91.99 inr 1 eur = 81.41 inr 1 aed = 19.59 inr 1 sar = 19.17 inr 1 kwd = 236.46 inr

Nov / 2018
15
Thursday

ഭയാനകം: വ്യത്യസ്തമായ കാഴ്ചാനുഭവം; നിരാശപ്പെടുത്താതെ ജയരാജിന്റെ നവരസ പരമ്പരയിലെ പുതിയ ഏട്; മാറിമറിയുന്ന പോസ്റ്റുമാന്റെ ഭാവങ്ങളിലൂടെ പറയുന്നത് ഒരു യുദ്ധത്തിന്റെ ഭീകരതയും കെടുതികളും; രഞ്ജി പണിക്കരുടെത് കരിയർ ബെസ്റ്റ് പ്രകടനം

July 23, 2018 | 10:57 AM IST | Permalink



ഭയാനകം: വ്യത്യസ്തമായ കാഴ്ചാനുഭവം; നിരാശപ്പെടുത്താതെ ജയരാജിന്റെ നവരസ പരമ്പരയിലെ പുതിയ ഏട്; മാറിമറിയുന്ന പോസ്റ്റുമാന്റെ ഭാവങ്ങളിലൂടെ പറയുന്നത് ഒരു യുദ്ധത്തിന്റെ ഭീകരതയും കെടുതികളും; രഞ്ജി പണിക്കരുടെത്  കരിയർ ബെസ്റ്റ് പ്രകടനം

കെ വി നിരഞ്ജൻ

വിദേശ എഴുത്തുകാരുടേത് ഉൾപ്പെടെ പ്രശസ്തമായ സാഹിത്യകൃതികളെ അവലംബിച്ച് സിനിമകളൊരുക്കിയ സംവിധായകനാണ് ജയരാജ്. നവരസങ്ങളെ അടിസ്ഥാനമാക്കി സിനിമകളൊരുക്കിയും ഇദ്ദേഹം ശ്രദ്ധേയനായി. പരീക്ഷണങ്ങളിൽ പലതും അതീവ ഹൃദ്യമായപ്പോഴും ചില ചിത്രങ്ങൾ അസാധാരണമായ ബോറൻ കാഴ്ചകളുമായിട്ടുണ്ട്.

നവരസ പരമ്പരയിൽ അടുത്തിടെ പുറത്തിറങ്ങിയ വീരം എന്ന ചിത്രം തന്നെ നോക്കുക. വടക്കൻ പാട്ടിന്റെ പശ്ചാത്തലത്തിൽ കോടികൾ ചെലവഴിച്ചെത്തിയ ആ ചിത്രം എന്താണ് പറയാൻ ഉദ്ദേശിച്ചതെന്ന് പോലും പ്രേക്ഷകർക്ക് മനസ്സിലായില്ല. കുറേ കെട്ടുകാഴ്ചകളുമായെത്തിയ ആ സിനിമ കലാപരമായും കച്ചവട പരമായും പൂർണ്ണ പരാജയവുമായി. ഇതേ സമയം വളരെ ചെലവ് കുറച്ച് ഇറക്കിയ പല ജയരാജ് ചിത്രങ്ങളും വലിയ നടന്മാർ പോലുമില്ലാതെയാണ് പുറത്തിറങ്ങിയതെങ്കിലും മലയാളത്തിന് അഭിമാനിക്കാവുന്ന ചിത്രങ്ങളുമായിട്ടുണ്ട്.

ആന്റൺ ചെക്കോവിന്റെ കഥയെ അടിസ്ഥാനമാക്കി ഒരുക്കിയ ഒറ്റാൽ തന്നെ ഉദാഹരണം. ദേശീയ പുരസ്‌ക്കാരം ഉൾപ്പെടെ സ്വന്തമാക്കിയ ജയരാജിന്റെ പുതിയ ചിത്രം ഭയാനകം അതീവ ഹൃദ്യമായ ഒരു ചലച്ചിത്ര അനുഭവമാണ്. കോടികളുടെ കിലുക്കമോ താരപ്പൊലിമയോ ഇല്ലാതെ തന്നെ, ചലച്ചിത്ര മേളകളിലൊക്കെ കാണുന്ന തരത്തിലുള്ള വിദേശ സിനിമയുടെ മനോഹാരിത ഈ ചിത്രത്തിനുണ്ട്. കലാമൂല്യമുള്ള ചിത്രങ്ങളും കച്ചവട സിനിമകളും ഒരേ സമയം എടുത്തുകൊണ്ട് മുന്നോട്ട് പോയ സംവിധായകനാണ് ജയരാജ്.

ജോണിവാക്കർ പോലുള്ള തനി കച്ചവട സിനിമയും കരുണം പോലുള്ള കലാമൂല്യമുള്ള സിനിമകളും ജയരാജ് എടുത്തു. ഇതിൽ കച്ചവട സിനിമയെടുക്കുമ്പോഴാണ് ജയരാജിന് കൂടുതലും തിരിച്ചടി ഉണ്ടായിട്ടുള്ളത്. അറേബ്യയും മില്ലേനിയം സ്റ്റാർസും റെയിൻ റെയിൻ കം എഗെയ്‌നും ബൈ ദി പീപ്പിളും പോലുള്ള കെട്ടുകാഴ്ചകളായിരുന്നു ജയരാജിന്റെ കച്ചവട സിനിമകളിൽ പലതും. ഒടുവിൽ താനിനി കച്ചവട സിനിമയെടുക്കില്ലെന്ന് പ്രഖ്യാപനം വരെ ജയരാജ് നടത്തുകയും ചെയ്തു.

പക്ഷേ ഈ പടത്തെ സാധാണ കൊമേഴ്സൽ സിനിമപോലെ നിങ്ങൾ കാണാൻ പോവരുത്. സംഭവബഹുലമായ കഥയും ട്വിസ്റ്റുകളും ഞെട്ടിപ്പിക്കുന്ന ക്ലൈമാക്‌സുമൊന്നും പ്രതീക്ഷിക്കുന്നില്ലെങ്കിൽ തീർച്ചയായും ഭയാനകം കാണാൻ പോകാം.. തീർത്തും വ്യത്യസ്തമായ ഒരു കാഴ്ചാനുഭവം ഈ ചിത്രം സമ്മാനിക്കും...

യുദ്ധം അവരുടെ ജീവിതത്തെ മാറ്റിമറിച്ച വിധം

ഭയാനകത്തിലേക്ക് വരാം. തകഴിയുടെ കയർ എന്ന നോവലിൽ നിന്ന് ഒരു ഭാഗമെടുത്താണ് ജയരാജ് ഭയാനകം രൂപപ്പെടുത്തിയത്. നവരസര പരമ്പരയിലെ ശാന്തം രാഷ്ട്രീയ കൊലപാതകത്തിൽ ഇരകളാക്കപ്പെടുന്നവരും ദുഃഖമായിരുന്നു പറഞ്ഞത്. ഒറ്റപ്പെടുന്ന വാർധക്യത്തെ കരുണത്തിലൂടെയും കുട്ടികൾക്ക് നേരെയുള്ള ലൈംഗികാതിക്രമത്തെ ബീഭത്സത്തിലൂടെയും ജയരാജ് അവതരിപ്പിച്ചു. ദയാവധമായിരുന്നു അദ്ഭുതത്തിന്റെ പ്രമേയം. വടക്കൻ പാട്ടിനെ അടിസ്ഥാനമാക്കിയായിരുന്നു വീരം. യുദ്ധം സൃഷ്ടിക്കുന്ന വേദനകളും കെടുതികളുമാണ് ഭയാനകത്തിന്റെ പ്രമേയം.

യുദ്ധത്തിന്റെ കഥയാണ് ഈ സിനിമ പറയുന്നതെങ്കിലും ഒരു മേജർ രവി യുദ്ധ സിനിമ കാണാൻ പോകുന്നതുപോലെ ഭയാകനത്തിന് പോയാൽ നിരാശപ്പെടും. ലോകമഹായുദ്ധമാണ് നടക്കുന്തെങ്കിലും യുദ്ധത്തിന്റെ ഒരു ഷോട്ട് പോലും ഈ സിനിമയിലില്ല. ഒരു പോസ്റ്റുമാന്റെ കണ്ണിലൂടെ മുഖഭാവങ്ങളിലൂടെ യുദ്ധത്തിന്റെ ഭീകരത വരച്ചുകാട്ടുകയാണ് ജയരാജ് ഈ സിനിമയിൽ. 1930-40 കളിലെ കുട്ടനാടിന്റെ കഥയാണ് ഈ ചിത്രം പറയുന്നത്. ആ കാലഘട്ടത്തിലെ മനുഷ്യനെയും പ്രകൃതിയെയും ജീവിത സാഹചര്യങ്ങളെയും അടയാളപ്പെടുത്താനുള്ള ശ്രമം. കാലഘട്ടം പഴയതാണെങ്കിലും സിനിമ ഉയർത്തുന്ന വിഷയങ്ങളെല്ലാം പുതിയ കാലത്തിനോടും ചേർന്നു നിൽക്കുന്നതാണ്. യുദ്ധത്തിന്റെ ഭീകരത നിറഞ്ഞു നിൽക്കുന്ന പുതിയ കാലഘട്ടത്തിൽ ഭയാനകത്തിലെ പഴയ കാഴ്ചകൾക്ക് തീർച്ചയായും പുതുമയുണ്ട്.

വെള്ളത്താൽ ചുറ്റപ്പെട്ട കുട്ടനാട്ടിലെ ഗ്രാമങ്ങളിലൂടെ ചാറ്റൽ മഴയ്‌ക്കൊപ്പം വികലാംഗനായ ആ പോസ്റ്റുമാൻ ഞൊണ്ടി ഞൊണ്ടി നടന്നു. അയാളുടെ കയ്യിലെ സഞ്ചിയിൽ നല്ല വിവരങ്ങൾ നിറഞ്ഞ കത്തുകളും മണിയോർഡറുകളുമാണുള്ളത്. പട്ടാളത്തിലുള്ള മക്കളുടെ കത്തുകളും അവരയച്ച പണവും വാങ്ങി മാതാപിതാക്കൾ അയാളെ സ്‌നേഹത്തോടെ മടക്കിയയച്ചു.. വെള്ളത്താൽ ചുറ്റപ്പെട്ട കുട്ടനാട്ടുകാർക്ക് അയാൾ നല്ല ശകുനമായിരുന്നു.. കാലം മാറി.. രണ്ടാം ലോക മഹായുദ്ധം പൊട്ടിപ്പുറപ്പെടുന്നു.. കോരിച്ചൊരിയുന്ന മഴയ്‌ക്കൊപ്പം പിന്നീടയാളെത്തിയത് മരണ അറിയിപ്പ് രേഖപ്പെടുത്തപ്പെട്ട കമ്പികളുമായാണ്.. അതോടെ അയാളുടെ വരവുണ്ടാവരുതേ എന്ന് ആ നാട് പ്രാർത്ഥിക്കാൻ തുടങ്ങി.. അയാളെ കണ്ടാൽ പലരും ഓടിയൊളിക്കാൻ തുടങ്ങി.. ആ പോസ്റ്റുമാൻ ആ നാടിന്റെ ദുശ്ശകുനമായി മാറി..

എവിടെയോ നടക്കുന്ന യുദ്ധം.. എന്നാൽ ആ യുദ്ധമിപ്പോൾ തന്റെ സഞ്ചിയിലാണെന്ന് പേരറിയാത്ത ആ പോസ്റ്റുമാൻ പറയുന്നുണ്ട്. ഒരു യുദ്ധത്തിന്റെ ഇരയായതുകൊണ്ട് തന്നെ വരാനിരിക്കുന്ന ഒരു യുദ്ധത്തെക്കുറിച്ചുള്ള ആകുലതകൾ അയാളുടെ മനസ്സിൽ ചിറകടിക്കുന്നുണ്ട്. യുദ്ധത്തെക്കുറിച്ച് ആവേശത്തോടെ സംസാരിക്കുന്നവരോടെല്ലാം അയാൾ യുദ്ധത്തിന്റെ ഭീകരതയെക്കുറിച്ചാണ് പറയുന്നത്. ഒന്നാം ലോക മഹായുദ്ധത്തിൽ കാൽമുട്ടിൽ വെടിയുണ്ട കയറി അംഗവൈകല്യം വന്നതാണ് അയാൾക്ക്.

ആർക്കോ വേണ്ടി.. എന്തിനോ വേണ്ടി നടക്കുന്ന യുദ്ധങ്ങളെ അയാൾക്ക് വെറുപ്പാണ്.. ഭയാനകമാവുന്ന യുദ്ധത്തിന്റെ രംഗങ്ങളൊന്നും സിനിമയിലില്ല.. മാറിമറിയുന്ന പോസ്റ്റുമാന്റെ ഭാവങ്ങളിലാണ് യുദ്ധത്തിന്റെ ഭീകരതയത്രയും സംവിധായകൻ പ്രേക്ഷകനെ അനുഭവിപ്പിക്കുന്നത്.. കുട്ടനാടിന്റെ പശ്ചാത്തലത്തിൽ.. മഴയുടെ വ്യത്യസ്ത ഭാവങ്ങളിൽ.. പോസ്റ്റുമാന്റെ യാത്രയിൽ ഒരു കാലഘട്ടത്തിന്റെ ദയനീയത നമുക്ക് തിരിച്ചറിയാം.. ഇപ്പോഴും അവസാനിച്ചിട്ടില്ലാത്ത യുദ്ധത്തിന്റെ ഭീകരതയും അർത്ഥ ശൂന്യതയും ഞെട്ടലോടെ ഉൾക്കൊള്ളാം...

രഞ്ജിപ്പണിക്കരുടെ കരിയർ ബെസ്റ്റ് പ്രകടനം

കുട്ടനാടിന്റെ കഥാപശ്ചാത്തലത്തിലേക്ക് പുതുതായി നിയമിതനായ പോസ്റ്റുമാൻ വരുന്നതോടെയാണ് സിനിമയുടെ കഥ ആരംഭിക്കുന്നത്. പ്രദേശത്തെ ഗൗരിക്കുഞ്ഞമ്മയുടെ വീട്ടിലാണ് അയാൾ താമസിക്കുന്നത്. ഇവരുടെ രണ്ട് മക്കളും പട്ടാളത്തിലാണ്. യുദ്ധത്തിൽ പരിക്കേറ്റ പോസ്റ്റുമാനോട് അവർക്ക് പ്രത്യേകമായൊരു ഇഷ്ടവുമുണ്ട്. ഇവരുടെ ബന്ധത്തിലൂടെ ഗ്രാമീണ ജീവിതങ്ങളിലൂടെ യുദ്ധത്തിന്റെ ഭീകരതയിലേക്കാണ് സംവിധായകൻ സഞ്ചരിക്കുന്നത്. കരുത്തുറ്റ കഥയും കഥാപാത്രങ്ങളുമാണ് ചിത്രത്തിന്റെ മികവ്. ഒടുവിൽ ഗൗരിക്കുഞ്ഞമ്മയോട് ആ ദുരന്തവാർത്ത പറയാൻ കഴിയാതെ അയാൾ തന്റെ തോണിയിൽ യാത്രതിരിക്കുന്നു.. പുഴയുടെ നടുക്ക് മരണ അറിയിപ്പ് നിറഞ്ഞ കമ്പികൾ കളിത്തോണിയാക്കി ഒഴുക്കുന്നിടത്താണ് ചിത്രം അവസാനിക്കുന്നത്.

തകഴിയുടെ കയറിൽ നിന്നൊരു ഭാഗമെടുത്ത് എത്ര ഭംഗിയായാണ് ജയരാജ് പുതിയൊരു തിരക്കഥ സൃഷ്ടിച്ചിരിക്കുന്നത്. ലളിത സുന്ദരമാണ് ആ തിരക്കഥ. പോസ്റ്റുമാനായെത്തുന്ന രഞ്ജി പണിക്കരുടെ സിനിമാ ജീവിതത്തിലെ ഏറ്റവും ശ്രദ്ധേയമായ പ്രകടനമാണ് സിനിമ സമ്മാനിക്കുന്നത്. ഗൗരിക്കുഞ്ഞമ്മയായി ആശാശരത്തും മികച്ച പ്രകടനം കാഴ്ച വെച്ചു. പരിചിതമല്ലാത്ത മുഖങ്ങളെ കഥാപാത്രങ്ങളാക്കുന്ന പതിവ് ജയരാജ് ഇവിടെയും തെറ്റിച്ചിട്ടില്ല. ചിലർ നന്നായപ്പോൾ ചിലരുടെ അഭിനയത്തിൽ പരിചയക്കുറവ് നിറഞ്ഞു നിൽക്കുന്നുണ്ട്. കുട്ടനാടിന്റെ ഭംഗിയുള്ള കാഴ്ചകളാണ് ചിത്രത്തെ മനോഹരമാക്കുന്ന മറ്റൊരു ഘടകം. നിഖിൽ എസ് പ്രവീൺ എന്ന ഛായാഗ്രാഹകന് ദേശീയ പുരസ്‌ക്കാരം നേടിക്കൊടുത്ത ഈ ചിത്രത്തിലെ കാഴ്ചകളെ അസാധാരണം എന്ന് തന്നെ വിശേഷിപ്പിക്കേണ്ടിയിരിക്കുന്നു. വേഗത കുറഞ്ഞാണ് സിനിമയുടെ സഞ്ചാരമെങ്കിലും ചിത്രം മുഷിപ്പിക്കുന്നില്ല. അവസാനത്തെ ഇത്തിരി വലിച്ചുനീട്ടലുകളും ആവർത്തിച്ച് വരുന്ന രംഗങ്ങളും ഒഴിവാക്കിയിരുന്നെങ്കിലും സിനിമ കുറേക്കൂടി മികവുറ്റതാകുമായിരുന്നു.

ചിന്നം പിന്നം പെയ്ത് പെരുമഴയായി പെയ്ത് നിറഞ്ഞ് മഴ സിനിമയുടെ ഫ്രെയിമിൽ സഞ്ചരിക്കുന്നുണ്ട്. മാറുന്ന പശ്ചാത്തലത്തിനും ഭാവങ്ങൾക്കും അനുസരിച്ചാണ് മഴയുടെ സഞ്ചാരം. മഴയ്‌ക്കൊപ്പം കുട്ടനാടിന്റെ ഭംഗിയും മാറുന്ന ഭാവങ്ങളും ഒപ്പിയെടുക്കുന്ന അസാധാരണ മികവുള്ള ക്യാമറാക്കണ്ണുകളും സുന്ദരമായ സംഗീതവും കുട്ടനാടിന്റെ പശ്ചാത്തലവും ജയരാജിന്റെ സംവിധാന മികവും പോസ്റ്റുമാനായെത്തുന്ന രഞ്ജി പണിക്കരുടെ പ്രകടനവും ഒത്തുചേരുന്നതോടെ ഭയാകനം അതീവ സുന്ദരമായൊരു ചലച്ചിത്ര കാവ്യമാകുന്നു.

വാൽക്കഷ്ണം:പക്ഷേ നല്ല സിനിമകൾക്ക് ആളെകിട്ടുന്നില്ലെന്നത് വല്ലാത്തൊരു അവസ്ഥയാണ്.ഇതിന് പ്രേക്ഷകരെ മാത്രം കുറ്റം പറഞ്ഞിട്ട് കാര്യമില്ല. പറയത്തക്ക യാതൊരു പ്രമോഷനുമില്ലാതെയാണ് ചിത്രം ഇറങ്ങിയത്.പോസ്റ്റുകൾപോലും തീരെ കുറവ്.ഇന് നല്ലപടമാണെന്ന് അറിഞ്ഞ് ആളുകൾ എത്തിത്തുടങ്ങുമ്പോഴേക്കും പടം ഹോൾഡ് ഓവറും ആവും.മാർക്കറ്റിങ്ങിൽ മലയാളസിനിമ ഇനിയും എത്രയോ ശ്രദ്ധിക്കേണ്ടിയിരിക്കുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഭർത്താവിന്റെ സഹപ്രവർത്തകൻ ആയിരുന്ന ചീഫ് പ്രൊഡ്യൂസർ എംആർ രാജൻ ലൈംഗിക താൽപ്പര്യത്തോടെ സംസാരിക്കാൻ തുടങ്ങി; മാർക്കറ്റിങ് വിഭാഗത്തിലെ ദിലീപും ലൈംഗിക ചേഷ്ടകൾ പുറത്തെടുത്തു; എഞ്ചിനിയറായ പത്മകുമാർ അവസരം കിട്ടുമ്പോൾ ഒക്കെ ശരീരത്തിൽ സ്പർശിച്ചു തുടങ്ങി; പരാതിപെട്ടിട്ട് ഒരു നടപടിയും എടുക്കാതെ മാനേജ്മെന്റ്; നിഷാ ബാബുവിന്റെ മീ ടൂവിൽ അഴിഞ്ഞു വീഴുന്നത് ഏഷ്യാനെറ്റ് വൈസ് പ്രസിഡന്റ് അടക്കമുള്ളവരുടെ വൃത്തികെട്ട മുഖങ്ങൾ
സ്വാമി ശരണം.....ഭക്തർക്കൊപ്പം എന്ന നിലപാട് മലയാളം ന്യൂസ് ചാനൽ റേറ്റിംഗിനെ മാറ്റി മറിക്കുന്നു; ഏഷ്യാനെറ്റ് ന്യൂസിനേയും വെല്ലുവിളിച്ച് ജനം ടിവിയുടെ വമ്പൻ കുതിപ്പ്; ആട്ട ചിത്തിര ആഘോഷത്തിനായുള്ള നടതുറപ്പിൽ ആർഎസ്എസ് ചാനലിന് ഉണ്ടായത് ചരിത്ര നേട്ടം; ഏഷ്യാനെറ്റ് ന്യൂസുമായുള്ള വ്യത്യാസം 17 പോയിന്റ് മാത്രം; 40000 ഇപ്രഷ്ൻസ് കടക്കുന്ന മലയാളത്തിലെ രണ്ടാം ചാനലായി സംഘപരിവാർ ടിവി; മണ്ഡലകാലത്ത് മലയാളത്തിൽ ന്യൂസ് ചാനലിൽ പോരാട്ടം മുറുകും
മൂകാംബിക സന്ദർശനം യാത്രയുടെ ഭാഗമായി സംഭവിച്ചത്; കൂടെയുള്ളവർ ചെയ്തതുപോലെ കുറിതൊട്ട് ഫോട്ടോ എടുത്തു; വാർത്ത വന്നത് ആസിഫ് അലി ഇഷ്ടദേവിയെ തൊഴാൻ മൂകാംബികയിലെന്ന്; വിശ്വാസം ഉള്ളിൽ ഉള്ളത്;കാവി മുണ്ടുടുത്ത് ചന്ദനക്കുറിം തൊട്ട് ക്ഷേത്രത്തിന് മുമ്പിൽ നില്ക്കുന്ന ഫോട്ടോയ്ക്ക് വിമർശനവുമായി എത്തിയവർക്ക് മറുപടിയുമായി ആസിഫും ഭാര്യയും
രാജസ്ഥാൻ തൂത്തുവാരുമ്പോൾ തെലുങ്കാനയിൽ വിജയം ഉറപ്പ്; മധ്യപ്രദേശിലും ചത്തീസ്ഗഡിലും മുമ്പിൽ നിൽക്കുന്നത് കോൺഗ്രസ് തന്നെ; മിസോറാമിൽ തോറ്റാലും ജയിക്കുന്നത് ബിജെപിയല്ല; അഞ്ച് സംസ്ഥാനങ്ങളിൽ നാലിലും വിജയ സാധ്യത നിലനിർത്തി കോൺഗ്രസ് ആവേശപൂർവ്വം മുന്നോട്ട്; ഒരു സംസ്ഥാനം പോലും ലഭിക്കില്ലെന്ന ആശങ്കയിൽ ബിജെപിയും; മോദി-അമിത് ഷാ കൂട്ടുകെട്ടിന് കടിഞ്ഞാൺ വരുന്നു
വിമാനം ഇറങ്ങിയാൽ സഞ്ചരിക്കാൻ കാറ് നൽകില്ല; താമസിക്കാൻ വേണ്ട ഗസ്റ്റ് ഹൗസോ ഹോട്ടൽ മുറിയോ സ്വയം ഒരുക്കേണ്ടിയും വരും; ഭക്ഷണ സൗകര്യവും മടങ്ങി പോവാനുള്ള വിമാന ടിക്കറ്റിനും പണവും നൽകില്ല; എല്ലാ ചിലവുകളും കേരളാ സർക്കാർ വഹിക്കണമെന്ന ആവശ്യം പിണറായി സർക്കാർ തള്ളി; ശബരിമല കയറാൻ എത്തിയാൽ തൃപ്തി ദേശായിക്ക് നൽകുക എല്ലാ തീർത്ഥാടകർക്കുമുള്ള പരിരക്ഷ മാത്രം; ഭൂമാതാ ബ്രിഗേഡ് നേതാവിന്റെ കത്തിന് പൊലീസ് മറുപടിയും നൽകില്ല
'ദയവ് ചെയ്ത് എന്നെ കൊല്ലരുത്, എന്റെ കുട്ടികളെ ഞാൻ അത്രയധികം സ്‌നേഹിക്കുന്നു'; ഫ്‌ളാറ്റിൽ നിന്നും തള്ളിയിടും മുൻപ് യുവതി ഭർത്താവിനോട് കരഞ്ഞ് പറഞ്ഞ വാക്കുകൾ നെഞ്ചു പിളർക്കുന്നത്; 32കാരി ദീപികയെ ഭർത്താവ് കൊന്നത് കാമുകി ആവശ്യപ്പെട്ടതിന് പിന്നാലെ; യുവാവിന്റെ കൈത്തണ്ടയിൽ കണ്ടെത്തിയ മാന്തിയ പാടുകൾ വഴക്ക് നടന്നതിന് തെളിവായി; ഭർത്താവിന്റെ വഴി വിട്ട ബന്ധം ഭാര്യ കണ്ടെത്തിയതിന് പിന്നാലെ ക്രൂരമായ കൊലപാതകം !
യുവതി പ്രവേശനത്തിൽ സർവ്വകക്ഷിയോഗം പരാജയം; മുൻവിധിയില്ലാതെ കോടതി വിധി നടപ്പാക്കുമെന്ന് വിശദീകരിച്ച് മുഖ്യമന്ത്രി; സർക്കാരിന് സർവ്വ പിന്തുണയുമായി ഇടത് നേതാക്കൾ; തീർത്ഥാടകരുടെ വാഹനങ്ങൾക്കുള്ള പാസ് പോലും പിൻവലിക്കില്ലെന്ന നിലപാടിൽ പൊട്ടിത്തെറിച്ച് പ്രതിപക്ഷം; `വിനാശകാലെ വിപരീത ബുദ്ധി`യെന്ന് സർക്കാരിനെ ഉപദേശിച്ച് ബിജെപി; കോൺഗ്രസ് ബഹിഷ്‌കരണത്തോടെ പൊളിയുന്നത് സമവായ ശ്രമം; ശബരിമല മണ്ഡലകാലത്ത് പ്രക്ഷുബ്ദമാകും
ഓടി രക്ഷപ്പെടാൻ ശ്രമിച്ചിട്ടും അയാൾ പുറകേ വന്ന് ഞങ്ങളെ തുരുതുരാ വെട്ടി; ഉച്ചത്തിൽ കരഞ്ഞിട്ടും അയാൾ ഞങ്ങളെ വെറുതേ വിട്ടില്ല; പ്രാണനു വേണ്ടി കെഞ്ചി കരഞ്ഞ നിമിഷത്തിന്റെ പിടച്ചിലിൽ നിന്നും നന്ദനയും വർഷയും ഇനിയും മുക്തരായിട്ടില്ല; ഭാര്യ പഠിപ്പിക്കുന്ന സ്‌കൂളിൽ വാക്കത്തിയുമായി എത്തിയ സർക്കാർ ഉദ്യോഗസ്ഥൻ തീർത്ത് ഭീകരാന്തരീക്ഷം: കുഴിത്തുറയിൽ മദ്യ ലഹരിയിൽ സ്‌കൂളിലെത്തിയ ജയൻ വെട്ടിപ്പരിക്കേൽപ്പിച്ചത് വിദ്യാർത്ഥിനികളെ അടക്കം നാലു പേരെ
ഡിവൈഎസ്‌പി ഹരികുമാറിനു വേണ്ടി ബിനു വീട്ടിൽ ഒരുക്കിയിരുന്നത് നക്ഷത്ര വേശ്യാലയവും മിനി ബാറും! ഇരുവരും പങ്കാളിത്ത ബിസിനസുകാർ; കാക്കിയിട്ട ക്രിമിനലിന് വേണ്ടി സ്ത്രീകളെ ബിനു എത്തിച്ചിരുന്നത് ബന്ധുക്കളെന്ന് പറഞ്ഞ്; വീട്ടിലെ രണ്ടു റൂമുകൾ ഹരികുമാറിന് വേണ്ടി മാത്രം നീക്കിവെച്ചു; എല്ലാ കോംപ്രമൈസ് ആക്കുന്ന ഉദ്യോഗസ്ഥന് ക്വാറിക്കാരും ബാറുകാരും പ്രതിമാസം നൽകിയിരുന്നത് 50ലക്ഷത്തിലധികം രൂപ; ലഭിക്കുന്ന തുകയിൽ പകുതിയും എത്തിയത് തിരുവനന്തപുരത്തെ പ്രമുഖ സിപിഎം നേതാവിന്റെ വീട്ടിലും
ഹരികുമാർ മരണത്തിലേക്ക് നടക്കാൻ തീരുമാനിക്കും മുമ്പ് മകന്റെ കുഴിമാടത്തിൽ ജമന്തിപൂവ് വച്ച് പ്രാർത്ഥിച്ചു; എന്റെ മകനെ കൂടി നോക്കികോളണം എന്ന് കുറുപ്പെഴുതി പാൻസിന്റെ പോക്കറ്റിൽ സൂക്ഷിച്ചു; മകനോട് ആവശ്യപ്പെട്ടത് അമ്മയെ നോക്കണമെന്നും; നെയ്യാറ്റിൻകരക്കാർ ആഘോഷമാക്കിയപ്പോൾ കല്ലമ്പലത്ത് മാധ്യമ വിചാരണയിൽ കടുത്ത രോഷം
നെയ്യാറ്റിൻകര സനൽ വധക്കേസിലെ പ്രതി ഡിവൈഎസ്‌പി ബി ഹരികുമാർ ആത്മഹത്യ ചെയ്തു; ഒളിവിൽ പോയ പ്രതിയെ തൂങ്ങിമരിച്ച നിലയിൽ കാണപ്പെട്ടത് കല്ലമ്പലത്തെ സ്വന്തം വസതിയിൽ; ഉദ്യോഗസ്ഥൻ ആത്മഹത്യ ചെയ്തതുകൊല്ലപ്പെട്ട സനലിന്റെ കുടുംബം കുറ്റവാളിയെ പിടികൂടണമെന്ന് ആവശ്യപ്പെട്ട് സത്യാഗ്രഹം ആരംഭിച്ചതിനും കൊലപാതക കുറ്റം നിലനിൽക്കുമെന്ന് ക്രൈംബ്രാഞ്ച് വ്യക്തമാക്കുകയും ചെയ്തതിന് പിന്നാലെ; ദൈവത്തിന്റെ വിധി നടപ്പിലായെന്ന് സനലിന്റെ കുടുംബം
വിമാനം ഇറങ്ങിയാൽ സഞ്ചരിക്കാൻ കാറ് വേണം; കോട്ടയത്ത് എത്തുമ്പോൾ താമസിക്കാൻ വേണ്ടത് ഗസ്റ്റ് ഹൗസോ ഹോട്ടൽ മുറിയോ; ഭക്ഷണ സൗകര്യവും സുരക്ഷയും ഉറപ്പു വരുത്തണം; പുലർച്ചെ അഞ്ച് മണിക്ക് പുറപ്പെട്ട് ഏഴ് മണിയോടെ സന്നിധാനത്ത് ദർശനത്തിന് സൗകര്യം ഒരുക്കണം; മടങ്ങിപ്പോകാനുള്ള വിമാനടിക്കറ്റും എടുത്തിട്ടില്ല; എല്ലാ ചിലവുകളും കേരളാ സർക്കാർ വഹിക്കണം; ശബരിമല കയറാൻ എത്തുന്ന തൃപ്തി ദേശായിയുടെ ആവശ്യങ്ങൾ കണ്ട് കണ്ണുതള്ളി സംസ്ഥാന സർക്കാർ
ഇഷ്ടതാരങ്ങളുമായി 20 മിനിറ്റ് ആഡംബരഹോട്ടലിൽ ചെലവിടാൻ നൽകാമെന്നേറ്റത് പത്തുകോടി വീതം; ഐശ്വര്യ റായിയും ദീപിക പദുക്കോണുമടക്കം 26 താരങ്ങൾക്കായി ചെലവാക്കാൻ ഉറച്ചത് 300 കോടി; രണ്ടുമൂന്നുപേരെ കണ്ടപ്പോൾ ഉദ്ദേശിച്ച കാര്യം നടക്കില്ലെന്നുറപ്പായതോടെ കരാറിൽനിന്ന് പിന്മാറി; ബെഹ്‌റീൻ രാജകുമാരനോട് 300 കോടി നഷ്ടപരിഹാരം ചോദിച്ച് ഏജന്റ് നൽകിയ കേസ് ലണ്ടൻ ഹൈക്കോടതിയിൽ
സ്വന്തമായി ഗുണ്ടകളും കുഴൽപ്പണ ബിസിനസുമുള്ള പൊലീസ് ഉദ്യോഗസ്ഥൻ! പരാതിയുമായി എത്തുന്നത് സ്ത്രീകളാണെങ്കിൽ ഇംഗിതത്തിന് വഴങ്ങണമെന്ന് ഭീഷണി; പെരിന്തൽമണ്ണ സ്വദേശിക്കെതിരെ ബിസിനസ് പങ്കാളി നൽകിയ പരാതി പിൻവലിച്ചിട്ടും തട്ടിയത് ലക്ഷങ്ങൾ; വീട്ടിലെത്തി അറസ്റ്റ് ചെയ്ത ശേഷം ഭാര്യയോട് പറഞ്ഞത് ഇനി ഇവന്റെ ഒപ്പം നീ അടുത്തൊന്നും കിടക്കില്ലെന്നും; പൊലീസ് വേഷവും ഗുണ്ടകളേയും തരാമെന്നും കുഴൽപ്പണം കടത്താൻ സഹായിക്കണമെന്നും നിർബന്ധിച്ചു; കേരളപ്പൊലീസിലെ സിഐ `ഗുണ്ട` ശിവശങ്കരന്റെ ഞെട്ടിക്കുന്ന കഥ
കണ്ണൂർ രാഷ്ട്രീയത്തിലെ വാടാ.. പോടാ.. ശൈലി കൈമുതലാക്കി വളർന്ന നേതാവ്; കടുത്ത മോദി ആരാധകനും തീവ്രഹിന്ദുത്വത്തിന്റെ വക്താവും; ആർഎസ്എസ് പ്രവർത്തനം തുടരുമ്പോഴും പ്രഗതി കോളേജിലെ സൗമ്യനായ പ്രിൻസിപ്പലായി ഔദ്യോഗിക ജീവിതം; പുലിയെ മടയിൽ കയറി നേരിടണമെന്ന് അണികൾക്ക് ഉപദേശം കൊടുക്കുന്ന വ്യക്തി: സന്നിധാനത്തെ ഇടപെടലോടെ പരിവാർ അണികളുടെ പുതിയ ഹീറോ വത്സൻ തില്ലങ്കേരിയുടെ കഥ
പരാതി നൽകാനെത്തിയ യുവതിയെ സിഐ ശിവശങ്കർ കെണിയിലാക്കിയത് കബളിപ്പിച്ചും ഭീഷണിപ്പെടുത്തിയും; തെളിവെടുക്കാനെന്ന് തെറ്റിദ്ധരിപ്പിച്ച് സ്വന്തം ഇന്നോവയിൽ കയറ്റി ഹോട്ടൽ മുറിയിൽ എത്തിച്ച് ബലാത്സംഗം ചെയ്തു; നിസ്സഹായയെന്ന് അറിഞ്ഞപ്പോൾ ഊട്ടിയിലേക്കു വരണമെന്നും സെക്സിൽ ഏർപ്പെടണമെന്നും വീണ്ടും ആവശ്യപ്പെട്ടു; സഹിക്ക വയ്യാതായപ്പോൾ എസ്‌പിക്ക് പരാതി നൽകി; അന്വേഷണ ഘട്ടത്തിൽ വധഭീഷണിയും; കേസൊതുക്കാൻ പലതവണ യുവതിയുടെ വീട്ടിലെത്തി ബിജെപി നേതാക്കളും
തണ്ണിമത്തൻ കൊണ്ട് മാറ് മറയ്ക്കുകയും പിന്നീട് മാറ് പൂർണമായും തുറന്നുകാണിക്കുകയും ചെയ്തതിലൂടെ സ്ത്രീ സ്വാതന്ത്ര്യം ചർച്ചയാക്കിയ സാമൂഹിക പ്രവർത്തക; ചുംബന സമരത്തിന് ശേഷം തൃശൂരിലെ പുലികളിയിൽ ആദ്യ പെൺപുലിയായും ചരിത്രമുണ്ടാക്കി; നഗ്ന ശരീരത്തിലെ പുലി വരയിലൂടെ ചർച്ചയിലെത്തിയ വനിതാ കരുത്ത്; മലചവിട്ടുന്ന രഹ്നാ ഫാത്തിമ ചർച്ചയായത് ഇങ്ങനെയൊക്കെ
ഡിവൈഎസ്‌പി ഹരികുമാറിനു വേണ്ടി ബിനു വീട്ടിൽ ഒരുക്കിയിരുന്നത് നക്ഷത്ര വേശ്യാലയവും മിനി ബാറും! ഇരുവരും പങ്കാളിത്ത ബിസിനസുകാർ; കാക്കിയിട്ട ക്രിമിനലിന് വേണ്ടി സ്ത്രീകളെ ബിനു എത്തിച്ചിരുന്നത് ബന്ധുക്കളെന്ന് പറഞ്ഞ്; വീട്ടിലെ രണ്ടു റൂമുകൾ ഹരികുമാറിന് വേണ്ടി മാത്രം നീക്കിവെച്ചു; എല്ലാ കോംപ്രമൈസ് ആക്കുന്ന ഉദ്യോഗസ്ഥന് ക്വാറിക്കാരും ബാറുകാരും പ്രതിമാസം നൽകിയിരുന്നത് 50ലക്ഷത്തിലധികം രൂപ; ലഭിക്കുന്ന തുകയിൽ പകുതിയും എത്തിയത് തിരുവനന്തപുരത്തെ പ്രമുഖ സിപിഎം നേതാവിന്റെ വീട്ടിലും
വാഗമണ്ണിൽ മൂന്നു ദിവസം പാർട്ടി; മദ്യവും ലഹരിയും ഉപയോഗിച്ച് നൃത്തം ചെയ്ത അടിച്ചു പൊളിച്ചത് അഞ്ഞൂറോളം ആക്ടിവിസ്റ്റുകൾ; വാഗമണ്ണിലെ രഹസ്യ സങ്കേതത്തിലെ തീരുമാനം അനുസരിച്ച് മലചവിട്ടാനുള്ള ആദ്യ നിയോഗമെത്തിയത് ചുംബന സമരനായികക്കെന്ന് ഓൺലൈനിൽ വാർത്ത; ചിത്രങ്ങളും പുറത്തു വിട്ടു; രഹ്ന ഫാത്തിമ സന്നിധാനത്ത് യാത്ര തിരിച്ചത് എവിടെ നിന്ന് എന്ന ചർച്ച പുരോഗമിക്കുമ്പോൾ എല്ലാം പിൻവലിച്ച് മംഗളം
അകത്തളത്തിൽ രണ്ടായിരം സ്‌ക്വയർ ഫീറ്റിനടുത്ത് വലുപ്പമുള്ള നീന്തൽ കുളം; ശീതീകരിച്ച ഓഫീസ് മുറി; പുറത്ത് കുളിക്കടവിലേക്കുള്ള കവാടം; കരമനയാറിന്റെ ദൃശ്യഭംഗി ആസ്വദിക്കാനും സൗകര്യം; സ്‌കൂൾ ഓഫ് ഭഗവത് ഗീതയ്ക്കുള്ളത് ടൂറിസം ഡിപ്പാർട്ട്‌മെന്റിൽ ഗോൾഡ് ഹൗസ് കാറ്റഗറി അംഗീകാരം; കുണ്ടമൺകടവിലെ സാളാഗ്രാം ആശ്രമത്തിനുള്ളത് ഹോം സ്റ്റേ രജിസ്ട്രേഷൻ; സന്ദീപാനന്ദഗിരിയുടെ ആശ്രമത്തിന്റെ വിശേഷങ്ങൾ ഇങ്ങനെ
അക്രമിക്കപ്പെട്ട നടിക്കൊപ്പം ഉറച്ചു നിന്നു; പാർവ്വതിക്ക് നഷ്ടമായത് കത്തിജ്വലിച്ച് നിന്ന കരിയർ; നടി ആക്രമിക്കപ്പെട്ടത് തനിക്ക് വേണ്ടിയാണെന്ന് അറിയാമായിരുന്നിട്ടും അപകടം മനസ്സിലാക്കി പിന്മാറിയതു കൊണ്ട് രണ്ടാംവരവിലെ തിളക്കത്തിൽ തന്നെ തുടർന്ന് മഞ്ജു വാര്യർ; സത്യത്തിനൊപ്പം നിന്നതിന് പാർവ്വതിക്ക് ലഭിച്ച ശിക്ഷയുടെ അളവ് ഊഹിക്കാവുന്നതിലും അപ്പുറം
ബിനീഷ് കോടിയേരി ചങ്ക് സഹോദരൻ! ഗണപതി കോവിൽ വരെ സ്വന്തം റിസ്‌കിലെത്തിയാൽ എല്ലാം ശരിയാക്കമെന്ന് ഉറപ്പ് നൽകിയത് കളക്ടർ നൂഹുവും ഐജി മനോജ് എബ്രഹാമും; പൊലീസ് പറഞ്ഞിടം വരെ പെൺകുട്ടിയെന്ന് ആരും തിരിച്ചറിയാതെ എത്തി; ഐജി ശ്രീജിത്തും നല്ല രീതിയിൽ പിന്തുണ നൽകി; നടപ്പന്തൽ വരെ എത്തിയത് എങ്ങനെ എന്ന് രഹ്നാ ഫാത്തിമ വിശദീകരിക്കുന്ന ഓഡിയോ പുറത്ത്; പൊലീസിനേയും സിപിഎമ്മിനേയും പ്രതിക്കൂട്ടിലാക്കി ആഞ്ഞടിക്കാൻ പരിവാറുകാർ; ശബരിമല വിവാദം പുതിയ തലത്തിലേക്ക്
മകൾ ഗോവേണിയിൽ നിന്നു വീണു മരിച്ചു എന്ന അമ്മയുടെ കള്ള കഥ ഗൾഫിൽ നിന്നെത്തിയ അച്ഛനും വിശ്വസിക്കാനായില്ല; ഏഴു വയസ്സുകാരിയുടെ ദേഹത്തെ മുറിവേറ്റ പാടുകൾ പൊലീസിന്റെയും സംശയം വർദ്ധിപ്പിച്ചു; ചോദ്യം ചെയ്തപ്പോൾ മൊഴിമാറ്റി പറഞ്ഞും പിടിച്ചു നിൽക്കാൻ അമ്മയുടെ ശ്രമം; ഒടുവിൽ മകളുടെ ദുരൂഹ മരണത്തിൽ അമ്മയെ അറസ്റ്റ് ചെയ്ത് പൊലീസ്
ഹരികുമാർ മരണത്തിലേക്ക് നടക്കാൻ തീരുമാനിക്കും മുമ്പ് മകന്റെ കുഴിമാടത്തിൽ ജമന്തിപൂവ് വച്ച് പ്രാർത്ഥിച്ചു; എന്റെ മകനെ കൂടി നോക്കികോളണം എന്ന് കുറുപ്പെഴുതി പാൻസിന്റെ പോക്കറ്റിൽ സൂക്ഷിച്ചു; മകനോട് ആവശ്യപ്പെട്ടത് അമ്മയെ നോക്കണമെന്നും; നെയ്യാറ്റിൻകരക്കാർ ആഘോഷമാക്കിയപ്പോൾ കല്ലമ്പലത്ത് മാധ്യമ വിചാരണയിൽ കടുത്ത രോഷം
മകളേയും ഭർത്താവിനേയും ചോദ്യം ചെയ്തപ്പോൾ അച്ഛന്റേയും അമ്മയുടേയും ഒളിത്താവളം പൊലീസ് അറിഞ്ഞു; അറസ്റ്റിലായതോടെ മാനസികമായി തകർന്നു; ആരും കാണാതെ മുങ്ങിയത് ആറാം നിലയിൽ നിന്ന് ചാടാനും; നൂറു വർഷത്തെ പാരമ്പര്യവും കണ്ണായ സ്ഥലത്ത് ആസ്തികളുണ്ടായിട്ടും 'കുന്നത്തുകളത്തിൽ' പൊളിഞ്ഞത് എങ്ങനെ? മുതലാളിയെ കടക്കാരനാക്കിയത് മക്കളുടേയും മരുമക്കളുടേയും അടിപൊളി ജീവിതം; വിശ്വനാഥന്റെ ആത്മഹത്യ തകർത്തത് തട്ടിപ്പിനിരയായ പാവങ്ങളുടെ അവസാന പ്രതീക്ഷകളെ
നെയ്യാറ്റിൻകര സനൽ വധക്കേസിലെ പ്രതി ഡിവൈഎസ്‌പി ബി ഹരികുമാർ ആത്മഹത്യ ചെയ്തു; ഒളിവിൽ പോയ പ്രതിയെ തൂങ്ങിമരിച്ച നിലയിൽ കാണപ്പെട്ടത് കല്ലമ്പലത്തെ സ്വന്തം വസതിയിൽ; ഉദ്യോഗസ്ഥൻ ആത്മഹത്യ ചെയ്തതുകൊല്ലപ്പെട്ട സനലിന്റെ കുടുംബം കുറ്റവാളിയെ പിടികൂടണമെന്ന് ആവശ്യപ്പെട്ട് സത്യാഗ്രഹം ആരംഭിച്ചതിനും കൊലപാതക കുറ്റം നിലനിൽക്കുമെന്ന് ക്രൈംബ്രാഞ്ച് വ്യക്തമാക്കുകയും ചെയ്തതിന് പിന്നാലെ; ദൈവത്തിന്റെ വിധി നടപ്പിലായെന്ന് സനലിന്റെ കുടുംബം