ജോഷി വീണ്ടും ചതിച്ചു; 'ലൈല ഓ ലൈല' ഒരു വഷളൻ ചിത്രം; ലാലിന്റെ അഭിനയസാമ്രാജ്യവും തകരുന്നു: വേണ്ടത് ഇതിന്റെ അണിയറ ശിൽപ്പികളുടെ മാനസികാരോഗ്യ പരിശോധന!
എം മാധവദാസ്
ഒരു കുഴപ്പവുമില്ലെന്ന് പ്രത്യക്ഷത്തിൽ തോന്നുമ്പോഴും ഒരാളോ ഒരു സംഘമോ അതിതീവ്രമായ മനോരോഗത്തിന് അടിമപ്പെടുക. ഇത് കെട്ടുകഥയല്ല. അപൂർവങ്ങളിൽ അപൂർവമാണെങ്കിലും ലോകത്തിന്റെ പല ഭാഗത്തും ഇങ്ങനെ സംഭവിച്ചിട്ടുണ്ട്. ഏകാധിപതികളായ പല രാഷ്ട്രത്തലവന്മാർക്കും സമയത്തിന് ചികിൽസ കിട്ടിയാൽ രക്ഷിക്കാമായിരുന്ന ചിത്തഭ്രമം ആയിരുന്നെന്ന് പിൽക്കാലത്ത് പഠനങ്ങൾ തെളിയിച്ചിട്ടുണ്ട്. കരുണാകരന്റെ ബുദ്ധി പരിശോധിക്കണം എന്ന് പറഞ്ഞ് നവാബ്രാജേന്ദ്രൻ പണ്ട് ഹൈക്കോടതിയിൽ കേസ് ഫയൽ ചെയ്തത് ഇതിന്റെ അടിസ്ഥാനത്തിലാണത്രേ. 'ലൈലാ ഓ ലൈല' എന്ന കഴിഞ്ഞ പതിനഞ്ചുവർഷത്തിനുള്ളിൽ മലയാളത്തിൽ ഇറങ്ങിയ എറ്റവും അറുബോറൻ സിനിമയെടുത്തവരുടെ മാനസിക നിലയെക്കുറിച്ചും പ്രേക്ഷകർക്ക് സംശയം തോന്നാം. (കലാകാരന്മാർക്കും ബുദ്ധിജീവികൾക്കുമാണത്രേ ഈ രോഗം കാര്യമായി കാണുക. നെല്ലിക്കാത്തളംതൊട്ട് കടുത്ത പ്രയോഗംവേണ്ടിവരുമെന്ന് അഷ്ടാംഗഹൃദയം പറയുന്നു.) നോർമലായ ഒരു ടീം ഒരിക്കലും ഈ പൊട്ടക്കഥതന്നെ അംഗീകരിക്കില്ല.
അറുബോറൻ കഥ, ചത്ത സംഭാഷണം, മോശം തിരക്കഥ, ചെവിയിൽ പഞ്ഞിവെക്കാൻ പ്രേരിപ്പിക്കുന്നരീതിയിൽ അരോചക സംഗീതം, വെറുപ്പിക്കൽ മൽസരംപോലെ പ്രേക്ഷകന്റെ ക്ഷമ പരീക്ഷിക്കുന്ന നടീനടന്മാർ, ചടുലതയില്ലാത്ത ദൃശ്യങ്ങൾ, ചത്ത സംഘട്ടനം.... ഇങ്ങനെ നെഗറ്റീവുകൾ മാത്രം പറയാനുള്ള ഒരു സിനിമ മലയാളത്തിൽ ഇറങ്ങിയെന്നത് അത്ഭുതമാണ്. അതും മാസ്റ്റർക്രാഫ്റ്റ്മാൻ എന്നു കരുതുന്ന ജോഷിയിൽ നിന്നും നമ്മുടെ അഭിമാനതാരം മോഹൽലാലിൽനിന്നും! അതുകൊണ്ടുതന്നെതാണ് മാസ് ഹിസ്റ്റീരിയ എന്നൊക്കെ പറയുന്നപോലെ 'മാസ് ലൂനസി', തിരമലയാളത്തിലും ബാധിച്ചോയെന്ന് സംശയമുയരുന്നത്. എന്തായാലും ഇതിന്റെ അണിയറ ശിൽപ്പികൾ അടിയന്തരമായി നല്ലൊരു മനോരോഗ വിദഗ്ധനെ കാണുന്നത് നല്ലതാണ്.
ജോഷി വീണ്ടും ചതിച്ചു; അന്യഭാഷാപ്രേമം വീണ്ടും വില്ലനാവുന്നു
എൺപതുകളിൽ മലയാളത്തിൽ സംവിധാനം തുടങ്ങിയവരിൽ ഫീൽഡ് ഔട്ട് ആകാതെ പിടിച്ചുനിന്ന അപൂർവംപേരിൽ ഒരാളാണ് ജോഷി. മിനിമം ഗ്യാരണ്ടിയുടെ ഉരുക്കായിരുന്നു പ്രേക്ഷകർക്ക് ആ രണ്ടക്ഷരം. പഴയ തലമുറയിൽ ഐ.വി ശശിയും, ഫാസിലും, തമ്പി കണ്ണന്താനവും, കെ.ജി ജോർജും, മോഹനുമൊക്കെ ഫീൽഡ് ഔട്ട്ആയിട്ടും ഹിറ്റ്മേക്കർ എന്നപേരിൽ ജോഷി നിലനിന്നത് നിരന്തരം അപ്ഡേറ്റാവുന്ന ഒരു സംവിധായകൻ എന്ന നിലക്കായിരുന്നു. (നോക്കുക, ഇന്നുവരെ ജോഷിയെ നിങ്ങൾ എതെങ്കിലും ഒരു ചാനൽ പരിപാടിയിലോ, സിനിമാ അഭിമുഖത്തിലോ കണ്ടിട്ടുണ്ടോ? ഉൽസവപ്പറമ്പിൽ തൈലം വിൽക്കുന്നവരെപ്പോലെ സ്വന്തം സിനിമയെക്കുറിച്ച് ചാനലുകളിൽ ബഡായി അടിക്കാൻ ജോഷി വരാറില്ല. അദ്ദേഹത്തിനുള്ള ആത്മവിശ്വാസം തന്നെയായിരിക്കണം ഇതിന് ഒരു കാരണം.) എന്നാൽ അടുത്തകാലത്തായി ഇറങ്ങിയ ജോഷിയുടെ സിനിമകൾ നോക്കുക. 'ലോക്പാലും', 'സലാംകാശ്മീരുമൊക്കെ' എത്ര തറയായിരുന്നു. ലൈലയിൽ എത്തിയപ്പോൾ ആ നിലവാരം ഒന്നുകൂടി ഇടിഞ്ഞു. ഓർത്തുവെക്കാൻ പറ്റിയ ഒരു സീൻപോലും ഇല്ലാതായി. വംശനാശഭീഷണി നേരിടുന്ന പഴയ സംവിധായകരുടെ പട്ടികയിലേക്ക് താനും കയറുകയാണെന്ന് ജോഷി മനസ്സിലാക്കുന്നില്ല. നിരവധി ഹിന്ദി ഹിറ്റുകൾ ഒരുക്കിയ സുരേഷ് നായരാണ്, കൊച്ചുടീവിയിലെ കാർട്ടുൺ പരമ്പരപോലുള്ള ഈ ഇൻവെസ്റ്റിഗേഷൻ സിനിമക്ക് കഥയും തിരക്കഥ എഴുതിയത്. നായരെയും നമ്മൾ ആദരിക്കണം. ഈ തലയൊന്നും വെയിലുകൊള്ളിക്കാൻ പാടില്ല. അന്യഭാഷകളിലേക്ക് മൊഴിമാറ്റം നടത്താമെന്ന് കരുതിയാവണം സുരേഷ് നായരെക്കൊണ്ട്, അർനോൾഡ് ഷ്വാസ് നെഗർ ഹിറ്റാക്കിയ ഹോളിവുഡ്ഡ് ചിത്രം 'ട്രൂ ലൈസ്' വികൃതമായി അനുകരിപ്പിച്ചത്. നിരവധി ഹിന്ദി ഹിറ്റുകൾ ഒരുക്കിയ സുരേഷ് നായരാണ്, കൊച്ചുടീവിയിലെ കാർട്ടുൺ പരമ്പരപോലുള്ള ഈ ഇൻവെസ്റ്റിഗേഷൻ സിനിമക്ക് കഥയും തിരക്കഥ എഴുതിയത്. നായരെയും നമ്മൾ ആദരിക്കണം. ഈ തലയൊന്നും വെയിലുകൊള്ളിക്കാൻ പാടില്ല. അന്യഭാഷകളിലേക്ക് മൊഴിമാറ്റം നടത്താമെന്ന് കരുതിയാവണം സുരേഷ് നായരെക്കൊണ്ട്, അർനോൾഡ് ഷ്വാസ് നെഗർ ഹിറ്റാക്കിയ ഹോളിവുഡ്ഡ് ചിത്രം 'ട്രൂ ലൈസ്' വികൃതമായി അനുകരിപ്പിച്ചത്. ഒരു കമ്പ്യൂട്ടർ സെയിൽസ്മാനായി ഭാര്യക്കും മകൾക്കുമൊപ്പം ജീവിക്കുന്ന ഷ്വാസ് നെഗറിന്റെ കഥാപാത്രം, സത്യത്തിൽ അമേരിക്കൻ രഹസ്യാന്വേഷണ പൊലീസിലെ മുതിർന്ന ഉദ്യോഗസ്ഥനാണ്. ഔദ്യോഗിക രഹസ്യം സ്വന്തം ഭാര്യയോടുപോലും പറയാൻ കഴിയാതെയാണ് അയാൾ ജീവിക്കുന്നത്. ഈ വൺലൈനെടുത്ത് വഷളാക്കി ഒരു പൊട്ട തീവ്രവാദ കഥയാക്കിയിരക്കയാണ് സുരേഷ്. 'മര്യാദരാമണ്ണ'യെന്ന തെലുങ്ക് ചിത്രം മലയാളത്തിൽ മര്യാദരാമനാക്കിയപ്പോഴും, ഹിന്ദി റീമേക്കിനുവേണ്ടി 'ഭാസ്ക്കർ ദി റാസ്ക്കൽ' തട്ടിക്കൂട്ടിയപ്പോഴും ഉണ്ടായ അതേ അബദ്ധം ഇവിടെയും ഉണ്ടായി. ഈ സിനിമ മലയാള സിനിമ അല്ലാതായിപ്പോയി.
'ചിറകൊടിഞ്ഞ കിനാക്കൾ' എത്ര മനോഹര ചിത്രം!
ഈ സിനിമകണ്ട് ഇപ്പോൾ തീയറ്റിൽ ഉള്ള 'ചിറകൊടിഞ്ഞ കിനാക്കൾ' എന്ന സ്പൂഫ് ചിത്രം ഒന്നുകൂടി കണ്ടാൽ മലയാളസിനിമയുടെ അധപ്പതനം വ്യക്തമാവും. കിനാക്കളിൽ പരിഹസിക്കപ്പെടുന്നപോലെ തന്നെയാണ് കാര്യങ്ങൾ. നായിക, നായകനെ കാണുന്നത്, ഒരു അനാഥാലയത്തിൽ കുട്ടികൾക്ക് മധുര പലഹാരം കൊടുക്കുമ്പോഴാണ് നായകൻ മോഹൻലാൽ ഒഴികെ ബാക്കിയുള്ള ഇന്റലിജൻസ് ഉദ്യോഗസ്ഥരെല്ലാം വെറും മണ്ടന്മാരാണ്. നായകൻ വന്നിട്ടുവേണം എല്ലാകാര്യവും തീരുമാനിക്കാൻ. മോഹൻലാൽ തീവ്രവാദിയുടെ ഇമെയിലെ പാസ്വേർഡ് ബ്രേക്ക്ചെയ്യുന്നതൊക്കെ കാണേണ്ട കാഴ്ചയാണ്. ചുമ്മാതങ്ങ് അടിച്ചുകൊടുക്കയാണ്. സൂപ്പർതാരമായിപ്പോയതുകൊണ്ട് മാച്ചാകാതെ വഴിയില്ല. സൽമാൻഖാന്റെയും രജനീകാന്തിന്റെയുമൊക്കെ ആരാധകർ ഇതുകണ്ട് കൈയെടിച്ചെന്നിരിക്കും. സ്വതവേ 'പുഛിസ്റ്റുകളായ' മലയാളികളെ സുരേഷ്നായർ വല്ലാതെ അണ്ടർ എസ്റ്റിമേറ്റ് ചെയ്തുപോയി. കോഡുഭാഷ വായിക്കലും രഹസ്യാന്വേഷണവുമൊക്കെ പഴയ 'പൂച്ചപൊലീസ്' നിലവാരത്തിലാണ്. അവസാനം പതിവുപോലെ നായകന് അടിച്ചു നിരപ്പാക്കാൻ കുറെ തീവ്രവാദികൾ ഉണ്ട്. 'ചിറകൊടിഞ്ഞ കിനാക്കളിൽ' കാണിച്ചപോലെ അവർ വരിവരിയായി വന്ന് അടിമേടിച്ച് ചരമം പൂകുന്നുണ്ട്.
അലക്ഷ്യമായി സുരേഷ് എഴുതിയ തിരക്കഥയുടെ സ്ഖലിതങ്ങൾ സിനിമയിൽ എമ്പാടുമുണ്ട്. രണ്ടാം പകുതിയിൽ എന്തിനാണ് അമലാപോളിന്റെ അഞ്ജലിയെന്ന നായികയെ ലൈലയാക്കി ആൾമാറാട്ടം നടത്തിച്ചതെന്ന് മനസ്സിലാവുന്നില്ല. ഇത്ര മണ്ടന്മാരാണോ തീവ്രവാദികൾ. സാധാരണ ജോഷിയുടെ കൈ്ളമാക്സുകൾ ഗോഡൗണുകളിലാണ് നടക്കയെങ്കിൽ ഇത്തവണയത്, വിമാനത്താവളത്തിന് പിറകിലെ വിജനമായ ഇൻഡസ്ട്രിയൽ ഏരിയയിൽ ആണെന്ന അതിഭയങ്കരമായ മാറ്റമുണ്ട്. മുൻ അമേരിക്കൻ പ്രസിഡന്റ് കയറിയ വിമാനം റോക്കറ്റ് ലോഞ്ചർ ഉപയോഗിച്ച് തകർക്കാൻ ശ്രമിക്കുന്ന കൈ്ളമാക്സാണ് എറ്റവും ദയനീയം. എയർപോർട്ട് സെക്യൂരിറ്റിയെ കുറിച്ചൊന്നും സുരേഷ് നായർക്ക് ഒരു പിടിയുമില്ല. തട്ടിക്കുട്ട് വിമാനത്താവളമായ നമ്മുടെ കരിപ്പൂരിൽപോലും ഒരു ലാൻഡിങ്ങിനിടെ വിമാനത്തെ വെടിവച്ച് ഇടാൻ പറ്റിയ ഓപ്പൺ സ്പേസ് ചുറ്റുവട്ടത്തുകൊടുക്കാറില്ല. റൺവേ സെക്യൂരിറ്റിയുടെ പ്രാഥമിക നിയമമാണിത്. ഈ പൊട്ട സിനിമയിൽ അതൊക്കെ ആരുനോക്കാൻ. ഒരു കാര്യവുമില്ലാതെ കുറെ കഴുതരാഗങ്ങളും അശ്ലീല നൃത്തങ്ങളും ഇതിൽ ചേർത്തിട്ടുണ്ട്. ഈ വാട്സാപ്പിന്റെയും ബ്ലൂടൂത്തിന്റെയുമൊക്കെ കാലത്ത് അമലാപോളിന്റെയും എക്സ്ട്രാനടിമാരുടെയും മേനിയഴകും അരക്കെട്ടിളക്കവും കണ്ട് യുവാക്കൾ ഇരച്ചുകയറുമെന്നാണ് കരുതിയതെങ്കിൽ അത് വെറും അബദ്ധമാണ്. ഷക്കീലക്കാലത്തെ ലൈംഗിക കാലവസ്ഥയല്ല ഇപ്പോൾ കേരളത്തിലെന്ന് സിനിമാക്കാരും ഓർക്കണം.
ആന്ത്യന്തികമായി പറഞ്ഞാൽ ഇന്ത്യൻ രഹസ്യന്വേഷണ വിഭാഗത്തെ പരിഹസിക്കുന്ന സിനിമകൂടിയാണിത്. ഇത്രക്ക് ദുർബലരും കഴിവുകെട്ടവരുമാണോ അവർ. തല്ലിത്തെളിയിക്കുക എന്ന പൊലീസ് ബുദ്ധിയല്ലാതെ ശാസ്ത്രീയമായ കുറ്റാന്വേഷണ രീതിയൊന്നും ഈ സിനിമയിൽ അവർക്കറിയില്ല. ഒരു ഫാക്ടറിയിലെ ജീവനക്കാരെപോലെയാണ് അവർ പ്രവർത്തിക്കുന്നത്. ഒരു പ്രതിയെ ജീവനോടെ കൈയിൽകിട്ടിയിട്ടും അയാളിൽനിന്ന് ഒരു വിവരവും ചോർത്തിയെടുക്കാൻ കഴിയുന്നില്ല എന്നുമാത്രമല്ല, അവരിൽ രണ്ടുപേരെ കൊന്ന് പ്രതി രക്ഷപ്പെടുകയും ചെയ്യുന്നു. ഇന്ത്യൻ സൈനിക മേധാവിയൊക്കെ ഈ സിനിമകണ്ടാൽ ലാലേട്ടന്റെ ഓണററി ലെഫ്റ്റന്റ് കേണൽ പദവിതന്നെ എടുത്തുകളയും. പിന്നെ ഈ സിനിമ ഉയർത്തുന്ന ആയുധ സംസ്ക്കാരത്തിന്റെ രാഷ്ട്രീയവും വ്യാജ എറ്റമുട്ടലുകളുടെ കാലത്ത് പ്രസക്തമാണെന്ന് തോനുന്നു. തീവ്രവാദിയെന്ന മുദ്രയുണ്ടെങ്കിൽ, വിചാരണയൊന്നുമില്ലാതെ ഏതൊരാളെയും വെടിവച്ച് കൊല്ലാമെന്ന് ഉദ്ഘോഷിക്കുന്ന അർധ ഫാസിസ്റ്റ് ആശയക്കാർക്ക് രോമാഞ്ചമുണ്ടാക്കുന്ന സിനിമയാണിത്. രാജ്യസ്നേഹിയായി തീവ്രവാദികളെ നേരിടുന്ന ഒരാൾക്ക് ഭാര്യയും കുടുംബവുമൊക്കെ ഒരു ശല്യമാണെന്നതും സമകാലീന ഇന്ത്യൻ രാഷ്ട്രീയത്തിൽ കൂട്ടിവായന അർഹിക്കുന്നു.
ലാലിന്റെ അഭിനയ സിംഹാസനവും തകരുന്നു!
മലയാളത്തിന്റെ മഹാനടൻ മോഹൻലാൽ കരിയറിലെ ഏറ്റവും മോശമായ സമയത്തുകൂടിയാണ് കടന്നുപോവുന്നതെന്ന് തോന്നുന്നു. ലാലിസം തൊട്ട് സരിതാ നായരുടെ തുണ്ടുകടലാസിൽപെട്ടതു വരെയുള്ള പുകിലുകൾ ഒരുഭാഗത്ത്. ഈ സിനിമയിൽ ശുദ്ധബോറും മിസ്കാസ്റ്റുമായിരുന്നു ലാലിന്റെ കഥാപാത്രം. കൊഴുത്തുരുണ്ട് വയറുചാടി നടക്കാൻപോലും പ്രയാസപ്പെടുന്ന ഒരാളെ തീവ്രവാദികളെ നേരിടേണ്ട ഒരു ഇന്റലിജൻസ് ഓഫീസറായി സങ്കൽപ്പിക്കാൻ കടുത്ത ഫാൻസിനുമാത്രമേ കഴിയൂ. ഇത്തരം കഥാപാത്രങ്ങൾ ചെയ്യുമ്പോഴുണ്ടാവുന്ന വഴക്കവും ശാരീരികക്ഷമതയും മോഹൻലാലിൽ നിന്ന് കൈമോശം വന്നിരിക്കയാണ്. ഒരു അഭിനേതാവിനെ സംബന്ധിച്ചിടത്തോളം അയാളുടെ ഫിസിക്കൽ ഫിറ്റ്നസ് നിർണായമാണല്ലോ.
ഈ സിനിമയുടെ മൂലകഥയായ 'ട്രൂ ലൈസിൽ' നായകനായ അർനോൾഡ് ഷ്വാസ് നെഗറിന്റെ പ്രകടനം ഒന്ന് കണ്ടുനോക്കുക. അർനോൾഡിന്റെ പേശിബലത്തോട് കിടപിടിക്കണമെന്നില്ലെങ്കിലും മുൻകാലത്ത് ലാൽചെയ്ത മിലിട്ടറിപൊലീസ് കഥാപാത്രങ്ങളുടെ ഏഴയലത്ത് എങ്കിലും വരേണ്ടേ. 'മൂന്നാംമുറ', 'ദൗത്യം' എന്നിവതൊട്ട് 'കീർത്തിചക്ര', 'ഗ്രാൻഡ്മാസ്റ്റർ'വരെയുള്ള സിനിമകളിലെ ലാലിന്റെ പൊലീസ്മിലിട്ടറി വേഷങ്ങൾ ആരെയും അസൂയപ്പെടുത്തുന്നതാണ്. അതീവ സാഹസികമായ രംഗങ്ങൾപോലും ഡ്യൂപ്പില്ലാതെ ചെയ്ത് ഞെട്ടിച്ച നടനാണ്, ലൈലയിൽ പാണ്ടിലോറിക്കുപെട്ട പേക്കാച്ചിതവളയെപ്പോലെ ഇഴഞ്ഞുവലിഞ്ഞ് ക്ലൈമാക്സിൽ മൺകൂനകളിലൂടെയൊക്കെ നടക്കുന്നത്! ദയനീയം അല്ലാതെന്താണ് ഈ അവസ്ഥക്ക് പറയുക. സാധാരണ സിനിമ എത്രബോറായാലും, അത് ലാലിന്റെ പ്രകടനംകൊണ്ട് മാത്രം കണ്ടിരിക്കാൻ പറ്റുന്ന അവസ്ഥ ഉണ്ടാവാറുണ്ട്. അതുകൊണ്ടുതന്നെ സിനിമകളുടെ പരാജയഭാരം ഒരിക്കലും ലാലിന്റെമേൽ പതിയാറുമില്ല. മോഹൻലാലിനേക്കാൾ നന്നായി ഈ വേഷം ചെയ്യാൻ കഴിയുന്ന ഒരാളെ കാണിച്ചുതരൂ എന്ന് ആരാധകർ പറയുന്നതോടെ വിമർശനങ്ങൾക്ക് കൂമ്പൊടിയും. പക്ഷേ അടുത്തകാലത്തിറങ്ങിയ ചിത്രങ്ങളിൽ ലാലായിരുന്നു വലിയ ബാധ്യത! ഇനി ലാലും അമലാപോളും തമ്മിലുള്ള കോമ്പിനേഷൻ കാണുമ്പോൾ വല്യപ്പനും കൊച്ചുമോളെയുമാണ് ഓർമ്മവരിക. (ഇതേ ടീമല്ലേ 'റൺ ബേബി റൺ' മോശമല്ലാതെ ചെയ്തതും ,'ആറ്റുമണൽ പായയിൽ' എന്ന പാട്ട് ഹിറ്റാക്കിയതും എന്നോർക്കുമ്പോൾ അത്ഭുതം തോന്നുന്നു) ലാലിന്റെ പ്രായം അഡ്ജ്റ്റ് ചെയ്യാനായി ഒരു ഡിവോഴ്സും കാണിക്കുന്നുണ്ട്. പ്രായം കടന്നുപോയതിന്റെ ലക്ഷണങ്ങൾ സിനിമയിൽ എല്ലായിടത്തും ഉണ്ടെങ്കിലും ചുറ്റും കൂടി നിൽക്കുന്ന സ്തുതി പാഠകർ ഇതൊക്കെ ബോറാണെന്ന് ലാലിനോട് തുറന്നുപറയില്ല. (ഇതേ അബദ്ധം തന്നെയാണ് ലാലിസത്തിലും വന്നതെന്ന് തോന്നുന്നു. എന്തുംചെയ്യാൻ കഴിയുന്ന അതിമാനുഷനാണ് താനെന്ന് ഈ മഹാനടൻ അറിയാതെ വിശ്വസിച്ചുപോയി) സാധാരണ സിനിമ എത്രബോറായാലും, അത് ലാലിന്റെ പ്രകടനംകൊണ്ട് മാത്രം കണ്ടിരിക്കാൻ പറ്റുന്ന അവസ്ഥ ഉണ്ടാവാറുണ്ട്. അതുകൊണ്ടുതന്നെ സിനിമകളുടെ പരാജയഭാരം ഒരിക്കലും ലാലിന്റെമേൽ പതിയാറുമില്ല. മോഹൻലാലിനേക്കാൾ നന്നായി ഈ വേഷം ചെയ്യാൻ കഴിയുന്ന ഒരാളെ കാണിച്ചുതരൂ എന്ന് ആരാധകർ പറയുന്നതോടെ വിമർശനങ്ങൾക്ക് കൂമ്പൊടിയും. പക്ഷേ അടുത്തകാലത്തിറങ്ങിയ ചിത്രങ്ങളിൽ ലാലായിരുന്നു വലിയ ബാധ്യത! 'എന്നും എപ്പോഴും' എടുത്തുനോക്കൂ. എത്രബോറായിട്ടാണ് ലാലതിൽ നടിച്ചത്. ഇപ്പോഴിതാ ലെലയും. മലയാളത്തിലെ മറ്റേതെങ്കിലും യുവ നടൻ ആയിരുന്നെങ്കിൽ ഈ കഥാപാത്രം ഇത്രയേറെ അരോചകമാവില്ലായിരുന്നു. അതായത് താര സിംഹാസനത്തിനൊപ്പം, മോഹൻലാലിന്റെ അഭിനയ സിംഹാസനവും തകരുകയാണെന്നത് ഞെട്ടിപ്പിക്കുന്നതാണ്. പ്രിയപ്പെട്ട മോഹൻലാൽ താങ്കൾമാത്രം ഇതൊന്നും മനസ്സിലാക്കാത്തതെന്താണ്?
ഇനി അമലാപോളിന്റെ അഭിനയമാകട്ടെ ലാലിനെക്കാളും വളിപ്പാണ്. കഥാപാത്രത്തിന്റെ ദുർബലത അതേപോലെ അമലയുടെ മുഖത്തുണ്ട്. എന്തിന് അമലയെ പറയണം ഈ സിനിമയിൽ അഭിനയിച്ച ഒരുത്തനും നന്നായിട്ടില്ല. ഇന്റലിജൻസ് ചീഫായി തലമൊട്ടയടിച്ചത്തെുന്ന വിഖ്യാത തമിഴ് നടൻ സത്യരാജൊക്കെ പലപ്പോഴും വെറും കോമാളിക്കളിയിലാണ് അഭിരമിക്കുന്നത്.
അറുബോറൻ സംഗീതവുമായി ഗോപീസുന്ദർ
സാധാരണ ജോഷി ചിത്രങ്ങളിലൊക്കെ, ആവർത്തന വിരസതകൊണ്ട് പഴഞ്ചനാണെങ്കിലും ഉദ്വേഗമുണർത്തുന്ന ഒരു തുടക്കമാണ് കാണാറ്. എന്നാൽ ഈ ചിത്രത്തിലോ. ബാംഗ്ളൂർ നഗരത്തിന്റെ ചില ഭാഗങ്ങൾ കാണിച്ചുകൊണ്ട്, ഗോപീസുന്ദറിന്റെ പൈശാചികമായ പശ്ചാത്തല സംഗീതത്തിൽ പരമാവധി ബോറടിപ്പിച്ചുകൊണ്ടാണ് തുടക്കം. തുടർന്നങ്ങോട്ട് സംഗീതം കൊണ്ട് ഗോപിയുടെ ഭീകരാക്രമണമാണ്. ചെവിയിൽ പഞ്ഞിയുമായി കയറുന്നതാണ് ഉത്തമം. ഈ പടത്തിലെ ബാർ ഡാൻസിന്റെ മ്യൂസിക്കൊക്കെ കേട്ടാൽ രാംഗോപാൽ വർമ്മ പറഞ്ഞപോലെ, തന്ന ദേശീയ അവാർഡ് പിൻവലിച്ചുപോവും. വരികൾ എഴുതിയ കോന്തനാകട്ടെ 'തക്കട തരികിട' എന്നുപറഞ്ഞ് എന്തൊക്കെയൊ എഴുതിവച്ചിരിക്കുന്നു. വാങ്ങുന്ന ലക്ഷങ്ങളോട് അൽപ്പമെങ്കിലും നീതിപുലർത്താത്ത ഇവരൊക്കെതന്നെയാണ് മലയാളസിനിമയുടെ ശാപം!
വാൽക്കഷ്ണം: ഈ സിനിമകണ്ട് ഹൃദയം തകർന്ന ഒരാൾ ഫേസ്ബുക്കിലിട്ട പോസ്റ്റ് കണ്ടു.'പല്ലുവേദനയുള്ളതിനാൽ അൽപ്പം പഞ്ഞിയുമായാണ് തീയേറ്റിൽ കയറിയത്. പടം തുടങ്ങിയപ്പോൾ ആ പഞ്ഞി ചെവിയിൽവച്ചു. പടം കഴിഞ്ഞപ്പോൾ അത് മൂക്കിൽ വെക്കാനാണ് തോന്നിയത്'.ഇതിലും നല്ലൊരു നിരൂപണം ഈ പടം അർഹിക്കുന്നില്ല!
Stories you may Like
- TODAY
- LAST WEEK
- LAST MONTH
- 'പക്ഷെ' കൾക്ക് ഇനി സ്ഥാനമില്ല; ജൂലായിൽ അനധികൃത അഭയാർത്ഥികളുമായുള്ള വിമാനം ബ്രിട്ടനിൽ നിന്നും റുവാണ്ടയിലേക്ക് പറന്നിരിക്കും; പാർലമെന്റിൽ റുവാണ്ട ബിൽ നിയമമാക്കി വീണ്ടും കരുത്ത് തെളിയിച്ച് ഇന്ത്യൻ വംശജനായ പ്രധാനമന്ത്രി ഋഷി സുനക്
- ചൊവ്വാഴ്ചയും കമ്മിഷണർ ഓഫീസിലെത്തി; ഉച്ചക്കു മുൻപായി ഓഫീസിലെത്തുകയും ഓൺലൈൻ മീറ്റിങ്ങിൽ പങ്കെടുക്കുകയും ചെയ്തു; ചില ഫയലുകൾ തീർപ്പാക്കിയശേഷം മടങ്ങി; പൂരപ്രേമികൾ നിരാശർ തന്നെ; തൃശൂരിലെ കമ്മീഷണർ അങ്കിത് അശോക് തന്നെ; മാറ്റുമെന്നത് പ്രഖ്യാപനം മാത്രമാകുമ്പോൾ
- ശോഭ സുരേന്ദ്രൻ ആരോപിച്ചപോലെ അങ്ങനെ ഒരു ഉന്നതനെ സിപിഎമ്മിൽ നിന്ന് ബിജെപിയിൽ എത്തിക്കാൻ ശ്രമം നടത്തിയിട്ടില്ല; ആരോപണം അടിസ്ഥാന രഹിതമെന്ന് ദല്ലാൾ; കുഞ്ഞാലിക്കുട്ടിയും ശോഭയും കൂടിക്കാഴ്ച നടത്തി; ലക്ഷ്യമിട്ടത് ചെന്നിത്തലയേയും മുരളീധരനേയും; തിരിച്ചടിച്ച് നന്ദകുമാറും; ആ പേര് ശോഭ പറയുമോ?
- കോവിഡ് വാക്സിൻ എന്ന് തെറ്റിദ്ധരിപ്പിച്ച് വയോധികയ്ക്ക് കുത്തിവയ്പ്പ്; പത്തനംതിട്ട വലഞ്ചുഴി സ്വദേശിയായ 22കാരൻ പിടിയിൽ
- വീട്ടിൽ ആശാരിപ്പണിക്ക് എത്തി യുവതിയുടെ നമ്പർ കൈക്കലാക്കി; സൗഹൃദം സ്ഥാപിച്ച് പണം തട്ടിയ ശേഷം വീഡിയോ കോളിലൂടെ യുവതിയുടെ സ്വകാര്യ ദൃശ്യങ്ങൾ പകർത്തി: പണം തിരികെ ചോദിച്ചതോടെ അശ്ലീല വീഡിയോ പ്രചരിപ്പിച്ച പ്രതി അറസ്റ്റിൽ
- തെളിവുകളില്ല; സിസ്റ്റർ ജോസ് മരിയയെ തലയ്ക്കടിച്ച് കൊലപ്പെടുത്തിയ കേസ്; പ്രതി സതീശ് ബാബുവിനെ വെറുതെ വിട്ട് കോടതി
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- ജയലിനുള്ളിൽ കിടക്കുമ്പോഴും നിസാം കള്ളപ്പണ ഇടപാട് നടത്തിയോ? ബിനാമി ഇടപാടുണ്ടെന്ന ബിസിനസ്സ് പങ്കാളിയുടെ പരാതിയിൽ പുഴക്കരയിലെ വീടുകളിൽ ആദായ നികുതി റെയ്ഡ്; നിർണ്ണായക വിവരങ്ങൾ കിട്ടിയെന്നും സൂചന; ചന്ദ്രബോസ് വധക്കേസ് പ്രതിക്കെതിരെ ഇഡി അന്വേഷണത്തിനും സാധ്യത
- ജോലിക്കുള്ള ഇന്റർവ്യൂ കാർഡ് കൈമാറാൻ വൈകി; അന്ധനായ യുവാവിന് ജോലി പോയെന്ന് പരാതി; പോസ്റ്റ് ഓഫിസ് പടിക്കൽ ഭിക്ഷ യാചിച്ചു ലിന്റോ
- നിർമ്മാണം തുടങ്ങിയിട്ട് എട്ടു വർഷം; തെലങ്കാനയിൽ 49 കോടി മുടക്കി നിർമ്മിക്കുന്ന പാലം തകർന്നു വീണു: അപകടം ഉണ്ടായത് ബസ് പാലത്തിന് അടിയിലൂടെ കടന്നുപോയതിന് തൊട്ടുപിന്നാലെ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്