നസ്രിയയെ ഞാൻ വീട്ടിൽ പൂട്ടിയിട്ടിട്ടില്ല; നല്ലൊരു സിനിമ കിട്ടിയാൽ അവൾ അഭിനയിക്കും; അവ...

നസ്രിയയെ ഞാൻ വീട്ടിൽ പൂട്ടിയിട്ടിട്ടില്ല; നല്ലൊരു സിനിമ കിട്ടിയാൽ അവൾ അഭിനയിക്കും; അവർ അഭിനയിക്കുമ്പോൾ ഞാൻ വീടു നോക്കും; നയം വ്യക്തമാക്കി ഫഹദ് ഫാസിൽ

March 30, 201707:36 AM IST Permalink

മറുനാടൻ ഡെസ്‌ക്‌

കൊച്ചി: ഞാൻ നസ്രിയയെ വീട്ടിൽ പൂട്ടിയിട്ടിട്ടില്ല. നല്ലൊരു സിനിമയ്ക്കുവേണ്ടി കാത്തിരിക്കുകയാണ് നസ്രിയ. അത് സംഭവിച്ചാൽ തീർച്ചയായും സിനിമയിലെത്തും-യു.എ.ഇ. ക്ലബ് എഫ്.എമ്മിലെ കലക്കൻ റീച്ചാർജിൽ ഫഹദ് ഫാസിൽ മനസ്സു തുറന്നു. എന്നാൽ, രണ്ടുപേരും ഒന്നിച്ച് അഭിനയിക്കില്ലെന്നും നസ്രിയ അഭിനയിച്ചാൽ താൻ വീട് നോക്കി ഇരിക്കുമെന്നും ഫഹദ് പറഞ്ഞു.

അമേസിങ് വൈഫ് ആണ് നസ്രിയ. എന്നെ പോലെ ഒരാൾക്ക് തീരുമാനങ്ങൾ എടുക്കാൻ ഒരാൾ എപ്പോഴും ചുറ്റും വേണം. വിവാഹത്തിന് മുൻപ് അത് ഉമ്മയായിരുന്നു. എനിക്ക് ഓർമയുള്ള ഒരു കാര്യം. ബാംഗ്ലൂർ ഡെയ്സിന്റെ സമയത്ത് ഞങ്ങൾ പരസ്പരം നോക്കാറുണ്ടായിരുന്നു. മറ്റുള്ളവരെ നോക്കിയ പോലെ ആയിരുന്നില്ല ഞാൻ നസ്രിയയെ നോക്കിയിരുന്നത്. ഉമ്മയ്ക്ക് നസ്രിയയെ ഒരുപാട് ഇഷ്ടമായിരുന്നു. ഒരുപാട് സംസാരിക്കുന്ന ആളാണ് നസ്രിയ. നസ്രിയക്കൊപ്പമാണ് അഭിനയിക്കുന്നത് എന്ന് പറഞ്ഞപ്പോൾ ഉമ്മയ്ക്ക് വലിയ താത്പര്യമായിരുന്നു. ഗൗരവത്തോടെ കാര്യങ്ങളെ കാണണമെന്നും ഉമ്മ പറഞ്ഞെന്നും ഫഹദ് കൂട്ടിച്ചേർത്തു.

ബാംഗ്ലൂർ ഡെയ്സിന്റെ ഷൂട്ടിങ് സമയത്ത് ഞങ്ങൾ രണ്ടുപേരും മാത്രം ഒരു മുറിയിൽ ഇരിക്കുകയായിരുന്നു. അപ്പോൾ പെട്ടന്ന് നസ്രിയ ചോദിച്ചു. ഡോ തനിക്കെന്നെ കല്ല്യാണം കഴിക്കൻ പറ്റുമോ. ഞാൻ വാക്ക് തരാം ഇനിയുള്ള ജീവിതത്തിൽ ഞാൻ നിന്നെ നോക്കിക്കോളാം. എന്നോട് ആദ്യമായാണ് ഒരാൾ ഇങ്ങിനെ ചോദിക്കുന്നത്. ഇത്രയും സത്യസന്ധതയുള്ള മറ്റൊരു സത്രീയെ ഞാൻ എന്റെ ജീവിതത്തിൽ പരിചയപ്പെട്ടിട്ടില്ല. ഒരാൾ മാത്രമേ അങ്ങിനെ ചോദിച്ചിട്ടുള്ളൂ. അയാളെ ഞാൻ കല്ല്യാണം കഴിക്കുകയും ചെയ്തു. ജീവിതത്തിൽ പരിചയപ്പെട്ട ഒട്ടുമിക്ക സ്ത്രീകളുമായും ഞാൻ പ്രണയത്തിലായിട്ടുണ്ട്. പക്ഷേ, നസ്രിയയുമായുള്ള പ്രണയം മറ്റെല്ലാറ്റിൽ നിന്നും വ്യത്യസ്തമായിരുന്നു.

നസ്രിയക്കുവേണ്ടി ഞാൻ എന്റെ ജീവിതം തന്നെ മാറ്റിയിരിക്കുന്നു. 32 വയസ് വരെ തന്നിഷ്ടപ്രകാരം ജീവിച്ച ആളാണ് ഞാൻ. അത്രയും സ്വാതന്ത്ര്യം അനുഭവിച്ചു ജീവിച്ച എന്റെ ജീവിതത്തിലേയ്ക്ക് ഒരു ഇരുപത്തിയൊന്നു വയസുകാരി വന്നതോടെ എല്ലാം മാറി. അതൊക്കെ അവളുടെ പുഞ്ചിരിക്കുവേണ്ടിയാണ്. സത്യത്തിൽ എന്റെ പുഞ്ചിരിക്കുവേണ്ടി നസ്രിയ വിട്ടുവീഴ്ചകൾ ചെയ്യുകയാണ്. എല്ലാവരും എന്നോട് ചോദിക്കാറുണ്ട് നസ്രിയ ഇനി അഭിനയിക്കുമോ എന്ന്. ഞാൻ നസ്രിയയെ പൂട്ടിയിട്ടിരിക്കുകയൊന്നുമല്ല. അവൾ നല്ലൊരു ചിത്രത്തിനുവേണ്ടി കാത്തിരിക്കുകയാണ്. അത് സംഭവിച്ചാൽ നസ്രിയ തീർച്ചയായും അഭിനയരംഗത്ത് മടങ്ങിയെത്തും.

ഒന്നിച്ച് അഭിനയിക്കുമോ എന്നത് ആലോചിക്കേണ്ട ഒരു കാര്യമാണ്. ഞങ്ങൾ എപ്പോഴും ചർച്ച ചെയ്യുന്ന ഒരു കാര്യമാണത്. കിടക്കയിൽ നിന്ന് എഴുന്നേറ്റ് മേക്കപ്പിട്ട് വാ നമുക്ക് അഭിനയിക്കാം എന്ന് പറയുന്നതിനോട് എനിക്ക് യോജിപ്പില്ല. അവൾ അഭിനയിച്ചോട്ടെ. നസ്രിയ അഭിനയിക്കുമ്പോൾ ഞാൻ വീട്ടിലിരുന്നോളാം. വീട് നോക്കിക്കോളാം. അത് ഞാൻ പറഞ്ഞിട്ടുള്ള കാര്യമാണ്.-ഫഹദ് പറയുന്നു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

മറുനാടൻ ഡെസ്‌ക്‌

Stories you may Like

Readers Comments+

More News in this category+

ശ്രീനിവാസനും വിനീത് ശ്രീനിവാസനും ഒന്നിച്ചഭിനയിക്കുന്ന കുറുക്കൻ ഫസ്റ്റ് പൊസ്റ്റർപുറത്തിറങ്ങി...

MNM Recommends +

കെ.സുധാകരന് വേണ്ടി വാട്സ് ആപ്പിൽ പൊലീസുകാരുടെ സർക്കാർ വിരുദ്ധ പ്രചാരണം; പരാതി നൽകി എൽ ഡി എഫ്