1 usd = 75.90 inr 1 gbp = 94.73 inr 1 eur = 83.07 inr 1 aed = 20.66 inr 1 sar = 20.17 inr 1 kwd = 243.26 inr

Apr / 2020
10
Friday

നമ്മുടെ കുഞ്ഞുങ്ങൾ ഭാവിയിൽ 'പഞ്ഞമില്ലാത്തവരായി' ജീവിക്കണോ? ചെറുപ്രായത്തിലെ സമ്പാദ്യശീലം പഠിപ്പിക്കുന്നത് ഏറെ ഗുണകരം; കുടുക്കയിൽ നിന്നും ആരംഭിച്ച് ബാങ്കിങ് ലോകത്തേക്ക് വരെ അവരെ നേരത്തെ കൈപിടിച്ച് നടത്താം; കുട്ടികൾക്കായുള്ള പ്രത്യേക ബാങ്ക് അക്കൗണ്ടുകൾ ആരംഭിച്ചാൽ വിദ്യാഭ്യാസ വായ്പയ്ക്ക് വരെ സാധ്യതയുണ്ടെന്നത് മറക്കല്ലേ; സാമ്പത്തിക അച്ചടക്കം വളർത്താനുള്ള ചെപ്പടി വിദ്യകൾ അറിയുമോ? കുട്ടികളുടെ സമ്പാദ്യശീലത്തെ പറ്റി മാതാപിതാക്കൾ ഓർക്കാൻ ഏറെയുണ്ടേ

June 08, 2019 | 07:23 PM IST | Permalink



നമ്മുടെ കുഞ്ഞുങ്ങൾ ഭാവിയിൽ 'പഞ്ഞമില്ലാത്തവരായി' ജീവിക്കണോ? ചെറുപ്രായത്തിലെ സമ്പാദ്യശീലം പഠിപ്പിക്കുന്നത് ഏറെ ഗുണകരം; കുടുക്കയിൽ നിന്നും ആരംഭിച്ച് ബാങ്കിങ് ലോകത്തേക്ക് വരെ അവരെ നേരത്തെ കൈപിടിച്ച് നടത്താം; കുട്ടികൾക്കായുള്ള പ്രത്യേക ബാങ്ക് അക്കൗണ്ടുകൾ ആരംഭിച്ചാൽ വിദ്യാഭ്യാസ വായ്പയ്ക്ക് വരെ സാധ്യതയുണ്ടെന്നത് മറക്കല്ലേ; സാമ്പത്തിക അച്ചടക്കം വളർത്താനുള്ള ചെപ്പടി വിദ്യകൾ അറിയുമോ? കുട്ടികളുടെ സമ്പാദ്യശീലത്തെ പറ്റി മാതാപിതാക്കൾ ഓർക്കാൻ ഏറെയുണ്ടേ

തോമസ് ചെറിയാൻ കെ

കുഞ്ഞിന് വേണ്ടി തയ്യാറെടുക്കുമ്പോൾ മുതൽ ദമ്പതികൾ പലതും സ്വപ്നം കണ്ടു തുടങ്ങും. കുഞ്ഞിന്റെ ആരോഗ്യം, സംരക്ഷണം തുടങ്ങി വിദ്യാഭ്യാസവും ഭാവിയിൽ അവനെ അല്ലെങ്കിൽ അവളെ ആരാക്കണമെന്ന് വരെ സ്വപ്നങ്ങൾ മെനയുന്നത് സ്വാഭാവികമാണ്. എന്നാലും ശരാശരി ജീവിതം മുന്നോട്ട് നയിക്കുന്നവർക്ക് ഒരു ആശങ്കയുണ്ടാകും. ദൈവമേ പണം...രണ്ടറ്റവും കൂട്ടി മുട്ടിക്കാൻ ഇത് മതിയോ. ജോലിയിൽ നിന്നും കിട്ടുന്നതിന് പുറമെ എങ്ങനെ വരുമാനമുണ്ടാക്കാം എന്നതടക്കമുള്ള കാര്യങ്ങൾ പിന്നീട് ചിന്തിച്ച് തുടങ്ങും. എന്നാൽ ഇതിനൊക്കെ ഇടയിൽ മുങ്ങിപ്പോകുന്ന ഒന്നുണ്ട്.

നിങ്ങളുടെ മക്കൾ സ്വന്തം കാലിൽ നിൽക്കുന്ന കാലത്ത് മാത്രം പണത്തെ പറ്റിയും ചെലവിനെ പറ്റിയും വീട് നോക്കുന്നതും നീക്കിയിരുപ്പും മുതലായ കാര്യങ്ങളെ പറ്റിയും ചിന്തിച്ചാൽ മതി എന്ന ധാരണ തെറ്റാണ്. ചെറുപ്പം മുതൽ തന്നെ സാമ്പത്തിക അച്ചടക്കം എന്തെന്നും പണത്തിന്റെ മൂല്യവും അത് സമ്പാദിക്കേണ്ട ആവശ്യകത എന്തെന്നും മനസിലാക്കി കൊടുക്കുക. ഇതിനൊപ്പം തന്നെ പണത്തിന് പ്രാധാന്യം നൽകി എന്തും ചെയ്യുന്ന നിലയിലേക്ക് മാറരുതെന്നും നമ്മുടെ നേരായതും ഉത്സാഹത്തോടു കൂടിയതുമായ കഠിനാധ്വാനമാണ് നമ്മുടെ സമ്പാദ്യമായി തീരുന്നതെന്നും അവരെ ഓർമ്മിപ്പിക്കുക.

കുഞ്ഞുങ്ങളിൽ ചെറു പ്രായത്തിൽ തന്നെ സമ്പാദ്യ ശീലം വളർത്തിയാൽ അവർക്ക് അത് ഭാവിയിൽ ഏറെ ഗുണം ചെയ്യുമെന്നുറപ്പ്. അത്തരത്തിൽ കുഞ്ഞുങ്ങളിൽ എങ്ങനെ ചെറുപ്പം മുതലേ സമ്പാദ്യശീലം വളർത്താം, അതിനുള്ള വഴികൾ എന്തൊക്കെ എന്നത് മുതൽ നമ്മുടെ നാട്ടിലെ ബാങ്കുകളിൽ കുഞ്ഞുങ്ങൾക്കായി ആരംഭിക്കാവുന്ന ബാങ്ക് അക്കൗണ്ടുകളെ പറ്റി വരെയാണ് പുത്തൻ മണിച്ചെപ്പിലൂടെ പങ്കുവെക്കുന്നത്.

കുട്ടികളിലെ സമ്പാദ്യ ശീലം എപ്പോൾ മുതൽ ആരംഭിക്കാം ?

അക്ഷരങ്ങളുടേയും അക്കങ്ങളുടേയും ലോകത്തേക്ക് കുഞ്ഞുങ്ങൾ കാലെടുത്ത് വെക്കുമ്പോൾ മുതൽ അവരെ സമ്പാദ്യ ശീലവും പഠിപ്പിക്കാം. നാണയങ്ങളും നോട്ടുകളും ഒക്കെ എണ്ണി തുടങ്ങാനും പണം എന്നാൽ എന്താണെന്നും എന്തിനാണെന്നും മനസിലാക്കി കൊടുത്ത ശേഷം കുടുക്കയിൽ പണം സൂക്ഷിക്കുന്നത് അവരെ ശീലിപ്പിക്കുക. അതായിരിക്കണം അവരുടെ ആദ്യത്തെ സേവിങ്സ് ബാങ്ക്. സ്‌കൂളിലെ ചെറിയ ചെറിയ ആവശ്യങ്ങൾക്ക് ഇത്തരത്തിൽ സേവിങ്സായി കിട്ടുന്ന പണം അവർക്ക് ഉപയോഗപ്പെടുത്താൻ സാധിച്ചാൽ പണം എപ്രകാരമാണ് ചെലവഴിക്കുന്നതെന്നും അവർക്ക് മനസിലാകും.

കുഞ്ഞുങ്ങൾക്ക് അത്തരത്തിൽ പണം ചെലവഴിക്കുമ്പോൾ എന്ത് മനസിലായി എന്ന് ചോദിച്ച് മനസിലാക്കാനും അവർ അമിതമായി ചെലവഴിക്കുന്നുണ്ടോ എന്നറിയാനും മാതാപിതാക്കൾ ശ്രദ്ധിക്കണം. ഇതിനു പിന്നാലെ വീട്ടിലെ സാധനം വാങ്ങുന്ന കാര്യങ്ങൾ മുതൽ എന്തിനൊക്കെയാണ് പണം ചെലവഴിക്കുന്നത് തുടങ്ങിയ കാര്യങ്ങൾ പറഞ്ഞു കൊടുക്കുകയും വീട്ടിലെ വരുമാനമടക്കമുള്ള കാര്യങ്ങൾ അതാത് കാലങ്ങളിൽ അവരെ അപ്ഡേറ്റ് ചെയ്യുന്നതും നല്ലതാണ്.

ഇത്തരത്തിൽ കുടുംബത്തിന്റെ സാമ്പത്തികമായ ഒരു ചിത്രം അവർക്ക് തുറന്ന് കൊടുത്താൽ കുടുംബത്തിന്റെ ഉത്തരവാദിത്വം അവരിലേക്ക് വരുന്ന നാളുകളിൽ ജാഗ്രതയോടെ ഇരിക്കാനും പതറാതെ കാര്യങ്ങളെ കൈകാര്യം ചെയ്യാനും അവർ പ്രാപ്തരാകുമെന്ന് ഉറപ്പ്. മാത്രമല്ല വീട്ടിലെ സാമ്പത്തിക സാഹചര്യം സംബന്ധിച്ച വിവരങ്ങൾ ഉള്ളിൽ രഹസ്യമാക്കി വെക്കുവാനും ആരോടും അത്തരം കാര്യങ്ങൾ പങ്കുവെക്കേണ്ടതില്ലെന്നും അവരെ ഓർമ്മിപ്പിക്കുക.

ഈ ചെപ്പടി വിദ്യകൾകൊണ്ട് കുഞ്ഞു 'മണിച്ചെപ്പുകൾ' നിറയ്ക്കാം

കുഞ്ഞുങ്ങളിൽ ചിലർ പണവുമായി ബന്ധപ്പെട്ട കാര്യങ്ങിൽ താൽപര്യമില്ലാതെ പ്രവർത്തിക്കുകയോ ഉഴപ്പ് കാണിക്കുകയോ ചെയ്യാം. ജീവിതത്തിലെ മറ്റെല്ലാ കാര്യങ്ങളും പോലെ തന്നെ സാമ്പത്തികവും ഒരു പ്രധാന ഘടകമാണെന്ന കാര്യം അവരെ പഠിപ്പിച്ചെടുക്കാൻ രക്ഷിതാക്കൾ ചില ചെപ്പടി വിദ്യകൾ പ്രയോഗിക്കേണ്ടതായി വരും. അവയേതെന്ന് നമുക്കൊന്ന് നോക്കാം.

> ഒരു കുടുക്ക അവർക്ക് വാങ്ങിക്കൊടുത്ത ശേഷം കിട്ടുന്ന പണം അതിൽ നിക്ഷേപിക്കാൻ ശീലിപ്പിക്കുക. ആവശ്യ നേരത്ത് തുറക്കാൻ പറ്റുന്ന തരത്തിലുള്ള കുടുക്കയാണെങ്കിൽ നല്ലത്. നീക്കിയിരുപ്പ് എന്താണെന്നും ആവശ്യ ഘട്ടങ്ങളിൽ പണം എങ്ങനെ വിനിയോഗിക്കാമെന്നും കുട്ടികൾ ഇതിലൂടെ പഠിക്കും.

> വീട്ടിലെ ചെറു ജോലികൾ ചെയ്യുമ്പോൾ അവർക്ക് പ്രോത്സാഹനമായി ഒരു തുക കൈയിൽ വെച്ചു കൊടുക്കുന്നത് നല്ലതാണ്. പണത്തിന്റെ വരവിന് പിന്നിൽ അധ്വാനമെന്ന കാര്യം ഉണ്ടെന്നും അവർക്ക് ബോധ്യമാകുന്നതിന് ഇത് ഏറെ പ്രയോജനം ചെയ്യും.

> വീട്ടിലെ കാര്യങ്ങൾക്ക് പണം ചെലവഴിക്കുന്ന വേളകളിൽ അവരെ ഒപ്പം കൂട്ടുന്നത് നല്ലതാണ്. ഷോപ്പിങ്, വൈദ്യുതി/ വാട്ടർ/ കേബിൾ ബില്ലുകൾ അടയ്ക്കുമ്പോൾ, തുടങ്ങി ബാങ്കിൽ പണം നിക്ഷേപിക്കുമ്പോഴും എടുക്കാൻ പോകുമ്പോഴും വരെ അവരെ ഒപ്പം കൂട്ടി കാര്യങ്ങൾ കാണിച്ചു കൊടുക്കുക. അവരെ അത്തരം കാര്യങ്ങൾക്ക് ഒറ്റക്ക് വിടാൻ പ്രാപ്തരായി എന്ന് തോന്നുന്ന വേളയിൽ അങ്ങനേയുമാകാം.

> കുട്ടികളിൽ സമ്പാദ്യ ശീലം വളർത്തുന്ന കാലത്ത് ആദ്യം ഓർക്കേണ്ട ഒന്ന് മാതാപിതാക്കളും കുട്ടികളുടെ ചുറ്റുമുള്ളവരും കഴിവതും അമിതമായും അനാവശ്യമായും പണം ചെലവഴിക്കുന്നവരാകരുത്. കുഞ്ഞുങ്ങളിൽ ഉണ്ടാകേണ്ട സാമ്പത്തിക അച്ചടക്കത്തെ ഇത് ബാധിക്കും. നമ്മൾ ചിട്ടയുള്ളവരാണെങ്കിലെ കുഞ്ഞുങ്ങളും അങ്ങനെയാകൂ.

നിക്ഷേപ പദ്ധതികൾ ഏറെയുണ്ടെങ്കിലും ആരംഭം സേവിങ്സ് ബാങ്ക് അക്കൗണ്ടിൽ നിന്നാകട്ടെ

കുട്ടികൾക്കായി കരുതി വെക്കണമെന്ന് ആഗ്രഹിക്കുന്നവർക്ക് ഒട്ടേറെ നിക്ഷേപ പദ്ധതികളുണ്ടെങ്കിലും ബാങ്ക് സേവിങ്സ് അക്കൗണ്ടിൽ നിന്നും ആരംഭിക്കുന്നത് തന്നെയാണ് ഏറെ ഉത്തമം. എന്നിരുന്നാലും മ്യൂച്ചൽ ഫണ്ടുകൾ, സുകന്യ സമൃദ്ധി യോജന, പബ്ലിക്ക് പ്രോവിഡന്റ് ഫണ്ട് എന്നിവയൊക്കെ നല്ല നിക്ഷേപങ്ങൾ തന്നെയാണ്.

എന്നാൽ ഏറ്റവും ലളിതവും സുരക്ഷിതവുമായ സേവിങ്സ് അക്കൗണ്ട് വഴി അവരുടെ കൈകളിലേക്ക് തന്നെ സമ്പാദ്യ ശീലത്തിന്റെ ആദ്യപടി തുറന്ന് കൊടുക്കുന്നതാണ് ഏറെ ഉത്തമം. അവരറിയാതെ അവർക്കായി കരുതി വെക്കുന്നത് ഏറെ ഫലപ്രദമാകണമെങ്കിൽ ഇത്തരം സേവിങ്സ് അക്കൗണ്ടിൽ പണം നിക്ഷേപിക്കാൻ പഠിപ്പിക്കുന്നതാണ് ഉത്തമം.

മ്യൂച്വൽ ഫണ്ടുകൾ

ഹ്രസ്വകാല ലക്ഷ്യങ്ങൾക്കായി ഡെറ്റ് ഫണ്ടിലും ദീർഘകാല ലക്ഷ്യങ്ങൾക്കായി ഇക്വിറ്റി ഫണ്ടിലും പ്രായപൂർത്തിയാകാത്ത കുട്ടികളുടെ പേരിൽ നിങ്ങൾക്ക് നിക്ഷേപിക്കാം. കുട്ടിയുടെ പേരിൽ മ്യൂച്വൽ ഫണ്ടിൽ നിക്ഷേപം തുടങ്ങിയതുകൊണ്ട് പ്രത്യേകിച്ച് നേട്ടമൊന്നമില്ല. കുട്ടി പ്രായപൂർത്തിയായതിനു ശേഷമാണ് നിക്ഷേപം പിൻവലിക്കുന്നതെങ്കിൽ കുട്ടിയുടെ വരുമാനമായി കരുതി ആദായ നികുതി നൽകണം. ഒരു ലക്ഷം രൂപയ്ക്കു മുകളിൽ ലഭിക്കുന്ന മൂലധന നേട്ടത്തിനു മാത്രമേ ആദായ നികുതി ബാധകമാകൂ.

സുകന്യ സമൃദ്ധി യോജന

സുകന്യ സമൃദ്ധി യോജന എന്നത് ഏവരും അറിഞ്ഞിരിക്കേണ്ട നിക്ഷേപ രീതിയാണ് പ്രത്യേകിച്ച് പെൺമക്കൾ ഉള്ളവർ. ഒരു സാമ്പത്തിക വർഷത്തിൽ ഒന്നര ലക്ഷം രൂപ വരെ നിക്ഷേപം നടത്താവുന്ന ഈ പദ്ധതിക്ക് 80 സി പ്രകാരം ആദായ നികുതിയിൽ ഇളവ് ലഭിക്കുമെന്ന കാര്യം മറക്കരുത്. കുട്ടികൾക്ക് പത്തു വയസിൽ താഴെ പ്രായമുള്ളപ്പോൾ മുതലാണ് ഇത് തുടങ്ങാൻ പറ്റിയ സമയമെന്ന് വിദഗ്ദ്ധർ പറയുന്നു.

21 വർഷമാണ് ഇതിന്റെ കാലാവധി. എന്നിരുന്നാലും മകൾക്ക് 18 വയസ് പൂർത്തിയാകുകയും വിവാഹം കഴിയുകയും ചെയ്താൽ ഈ അക്കൗണ്ട് ക്ലോസ് ചെയ്ത് പണം തിരികെ എടുക്കാൻ സാധിക്കും. നിലവിൽ ഈ പദ്ധതിക്ക് 8.1 ശതമാനമാണ് വാർഷിക പലിശ നിരക്ക് എന്ന കാര്യം മറക്കണ്ട.

പബ്ലിക് പ്രൊവിഡന്റ് ഫണ്ട്

പ്രായപൂർത്തിയാകാത്ത കുട്ടികളുടെ പേരിൽ നിക്ഷേപം തുടങ്ങാവുന്ന മറ്റൊരു പദ്ധതിയാണ് പിപിഎഫ്. നിങ്ങളുടെ പേരിൽ നിലവിൽ പിപിഎഫ് അക്കൗണ്ട് ഉണ്ടെങ്കിലും മക്കളുടെ പേരിൽ വേറെ അക്കൗണ്ട് തുടങ്ങാം. പക്ഷേ, എല്ലാ അക്കൗണ്ടിലും കൂടി സാമ്പത്തിക വർഷം അടയക്കാവുന്ന പരമാവധി തുക 1.50 ലക്ഷം രൂപയാണ്.

മൈനർ അക്കൗണ്ടുകൾ തുറക്കുമ്പോൾ ഓർക്കാൻ

കുട്ടികളിൽ സമ്പാദ്യ ശീലം വളർത്തിയെടുക്കുന്ന കാലത്ത് ബാങ്കിങ് ഇടപാടുകൾ എന്താണെന്ന് മനസിലാക്കി കൊടുക്കാൻ ഏറ്റവും നല്ല മാർഗമാണ് മൈനർ അക്കൗണ്ടുകൾ തുടങ്ങി കൊടുക്കുന്നത്. 18 വയസിൽ താഴെയുള്ളവർക്ക് വേണ്ടിയുള്ളതാണ് മൈനർ അക്കൗണ്ടുകൾ. കുട്ടികൾക്ക് വേണ്ടി രക്ഷകർത്താവിന് അക്കൗണ്ട് തുറക്കാൻ സാധിക്കും. കുഞ്ഞിന്റെ പേരിലും രക്ഷകർത്താവിന്റെ പേരിലും സംയുക്തമായി അക്കൗണ്ട് തുറക്കാനുള്ള അവസരവും ബാങ്കുകൾ തരുന്നുണ്ട്.

മൈനർക്ക് 10 വയസിന് മുകളിൽ പ്രായമുണ്ടെങ്കിൽ സ്വന്തമായി അക്കൗണ്ട് തുറക്കാൻ സാധിക്കും. ഇത്തരം ബാങ്ക് അക്കൗണ്ടുകൾ തുടങ്ങാൻ ലളിതമായ ഫോമാണ് പൂരിപ്പിക്കേണ്ടത്. ഇതിൽ കുഞ്ഞിന്റെ പേര്, വിലാസം മാതാപിതാക്കളുടെ വിശദാംശങ്ങൾ എന്നിവ നൽകണം. കുട്ടിയെ ഒപ്പിടാൻ നേരത്തെ തന്നെ ശീലിപ്പിക്കുന്നതും നല്ലതാണ്. ഇത്തരം ഫോമുകളിൽ കുട്ടികൾ ഒപ്പിടണ്ടേതായിട്ടുണ്ട് എന്നും ഓർക്കുക.

മാത്രമല്ല കുട്ടിയുടെ കെവൈസിയൊടൊപ്പം ജനന സർട്ടിഫിക്കറ്റ്, ആധാർ കാർഡ്, രക്ഷകർത്താവിന്റെ തിരിച്ചറിയൽ രേഖകൾ എന്നിവയും നൽകേണ്ടതായിട്ടുണ്ട് എന്ന കാര്യം ഓർക്കുക. കുട്ടിക്ക് പതിനെട്ട് വയസ് തികയുന്ന വേളയിൽ ഇത് സാധാരണ രീതിയിലുള്ള അക്കൗണ്ടായി മാറുമെന്നും ഇതിന് ശേഷം രക്ഷിതാക്കൾക്ക് ഈ അക്കൗണ്ടുകൾ കൈകാര്യം ചെയ്യാൻ സാധിക്കില്ലെന്നും ഓർക്കുക.

കുഞ്ഞുങ്ങൾക്കായുള്ള ചില ബാങ്ക് അക്കൗണ്ടുകളെ പരിചയപ്പെടാം

മിക്ക ബാങ്കുകളും കുട്ടികൾക്കായി പ്രത്യേകം ബാങ്ക് അക്കൗണ്ടുകൾ തുറക്കാനുള്ള അവസരം ഒരുക്കുന്നുണ്ട്. ഇത്തരം അക്കൗണ്ടുകൾക്ക് ഇളവുകളും പണമിടപാട് സംബന്ധിച്ച് ചില നിയന്ത്രണങ്ങളുണ്ട്. സ്റ്റേറ്റ് ബാങ്ക് ഓഫ് ഇന്ത്യയുടെ പെഹലാ കദം, പെഹലി ഉഡാൻ എന്നീ സേവിങ്‌സ് അക്കൗണ്ടുകൾ മുതൽ സൗത്ത് ഇന്ത്യൻ ബാങ്കിന്റെ എസ്‌ഐബി ജൂനിയർ, കാനറ ബാങ്കിന്റെ ചാമ്പ്, ഫെഡറൽ ബാങ്കിന്റെ യങ് ചാമ്പ്, ഐസിഐസിഐ ബാങ്കിന്റെ യങ് സ്റ്റാഴ്‌സ്, എച്ച്ഡിഎഫ്‌സി ബാങ്കിന്റെ കിഡ്‌സ് അഡ്വാന്റേജ് എന്നിവയൊക്കെ കുട്ടികൾക്കായി ബാങ്കുകൾ ഏർപ്പെടുത്തിയിരിക്കുന്ന സേവിങ്‌സ് അക്കൗണ്ടുകളാണ്. കുഞ്ഞുങ്ങൾക്ക് ഇപ്പോൾ മത്സരങ്ങളിൽ സമ്മാനമായി ലഭിക്കുന്ന തുകകൾ മുതൽ സ്‌കോളർഷിപ്പുകൾ വരെ നൽകുന്നത് അക്കൗണ്ട് മണിയായിട്ടാണ്. അതിനാൽ തന്നെ സ്വന്തമായി അവർക്ക് ബാങ്ക് അക്കൗണ്ടുകൾ ആരംഭിച്ചു നൽകുന്നത് എന്തുകൊണ്ടും നല്ലത് തന്നെയാണ്.

എസ്‌ബിഐ പഹലാ കദം

പത്തു വയസു വരെ പ്രായമുള്ള കുഞ്ഞുങ്ങൾക്ക് തുടങ്ങാവുന്ന അക്കൗണ്ടാണിത്. രക്ഷകർത്താവിനൊപ്പം ജോയിന്റായി തുറക്കാനും കഴിയുന്ന ഈ അക്കൗണ്ട് ആരംഭിക്കാൻ രക്ഷകർത്താവിന്റെ കെവൈസി രേഖയും കുഞ്ഞിന്റെ ജനന തീയതി തെളിയിക്കുന്ന സർട്ടിഫിക്കറ്റുമാണ് വേണ്ടത്. ഇത്തരം അക്കൗണ്ടുകൾക്കായി ലഭിക്കുന്ന എടിഎം കാർഡിൽ രക്ഷകർത്താവിന്റെ പേര് രേഖപ്പെടുത്തും. അക്കൗണ്ട് ഉടമയുടെ ചിത്രം പതിച്ച എടിഎം കാർഡായിരിക്കും ലഭിക്കുക.

അഞ്ചു ലക്ഷം രൂപയാണ് ഇതിൽ പരമാവധി നിക്ഷേപിക്കാൻ സാധിക്കുന്നത്. ഇതിന് മുകളിലേക്ക് (പത്തു ലക്ഷം വരെ) തുക ഇടണമെങ്കിൽ ചില നിബന്ധനകളുണ്ട്. ഈ അക്കൗണ്ടിന് ചെക്ക് ബുക്ക് ലഭിക്കും. എടിഎമ്മിൽ നിന്നും ഒറ്റത്തവണയിൽ 5000 രൂപ പിൻവലിക്കാനും മൊബൈൽ ബാങ്കിങ് വഴിയാണെങ്കിൽ 2000 രൂപയുടെ ഇടപാട് നടത്താനും സാധിക്കും. അക്കൗണ്ട് ഉടമയ്ക്ക് അപകട ഇൻഷുറൻസ് പരിരക്ഷ ലഭിക്കും എന്നതാണ് ഇതിന്റെ മറ്റൊരു പ്രത്യേകത. നാലു ശതമാനമാണ് നിക്ഷേപത്തിന് പലിശ ലഭിക്കുന്നതെന്നും ഓർക്കുക.

എസ്‌ബിഐ പഹലി ഉഡാൻ

പത്തു വയസിന് മുകളിൽ പ്രായമുള്ള കുട്ടികൾക്ക് വേണ്ടിയുള്ള അക്കൗണ്ടാണിത്. രക്ഷകർത്താവിന്റെ കെവൈസി രേഖകളും കുട്ടിയുടെ ജനന തീയതി തെളിയിക്കുന്ന രേഖകളുമാണ് സമർപ്പിക്കേണ്ടതെങ്കിലും അക്കൗണ്ട് കുട്ടിയുടെ പേരിൽ തന്നെ തുടങ്ങാൻ സാധിക്കും. ബാങ്ക് അനുവദിച്ചിരിക്കുന്ന ബിൽ പേയ്‌മെന്റ്, ടോപ്പ് അപ്പ് തുടങ്ങിയ ഇടപാടുകളെ നടത്താൻ സാധിക്കൂ എന്നതൊഴിച്ചാൽ ബാക്കി കാര്യങ്ങളെല്ലാം പഹലാ കദവുമായി ഏകദേശം സമാനമാണ്.

സൗത്ത് ഇന്ത്യൻ ബാങ്ക് - എസ്‌ഐബി ജൂനിയർ

പത്തിനും പതിനെട്ടിനും ഇടയിൽ പ്രായമുള്ള കുട്ടികൾക്ക് ആരംഭിക്കാൻ സാധിക്കുന്ന അക്കൗണ്ടാണിത്. 150 രൂപ മിനിമം ബാലൻസിൽ ആരംഭിക്കാം. ഈ തുക മൂന്നു മാസത്തിനകം അൽപം കൂടുതൽ നിക്ഷേപിക്കണം. ഈ അക്കൗണ്ടിന് റുപേ കാർഡാണ് ലഭിക്കുന്നത്. ഇത് ഫ്രീയായി ലഭിക്കും. ഫണ്ടുകൾ ഈസിയായി ട്രാൻസ്ഫർ ചെയ്യാൻ മാതാപിതാക്കൾക്ക് എബിബി അക്കൗണ്ട് തുടങ്ങാനും സൗകര്യമുണ്ട്.

മാതാപിതാക്കളുടെ അക്കൗണ്ടിൽ നിന്നും കുട്ടികളുടെ അക്കൗണ്ടിലേക്ക് സൗജന്യമായി പണം ട്രാൻസ്ഫർ ചെയ്യാൻ സാധിക്കും. അക്കൗണ്ട് ആരംഭിച്ചിരിക്കുന്നവരിൽ യോഗ്യരായ കുട്ടികൾക്ക് വിദ്യാഭ്യാസ ലോൺ ലഭിക്കുമെന്ന കാര്യവും ഓർക്കുക.

കാനറാ ബാങ്ക് -ചാമ്പ്

12 വയസ് വരെയുള്ള കുഞ്ഞുങ്ങൾക്ക് ആരംഭിക്കാവുന്ന ബാങ്ക് അക്കൗണ്ടാണിത്. 100 രൂപ മിനിമം ബാലൻസിൽ ആരംഭിക്കാവുന്ന അക്കൗണ്ട് എന്ന പ്രഖ്യാപനവുമായി കാനറാ ബാങ്ക് ആരംഭിച്ച പദ്ധതിയാണിത്. നാലു ശതമാനം പലിശ ലഭിക്കുന്ന ഈ അക്കൗണ്ട് സ്‌കീമിന് ചെക്ക് ബുക്കുകളില്ല. മാത്രമല്ല ഇത് ജോയിന്റ് അക്കൗണ്ടായി തുറക്കാൻ സാധിക്കില്ലെന്നും ഓർക്കുക. യോഗ്യരായ കുഞ്ഞുങ്ങൾക്ക് വിദ്യാഭ്യാസ ലോണും ലഭിക്കും.

ഫെഡറൽ ബാങ്ക്- യങ് ചാമ്പ്

വളരെ കുറഞ്ഞ 'ആദ്യ നിക്ഷേപം' ഉപയോഗിച്ച് ആരംഭിക്കാവുന്ന അക്കൗണ്ടാണ് ഫെഡറൽ ബാങ്കിന്റെ യങ് ചാമ്പ്. വിദ്യാഭ്യാസ ആവശ്യത്തിനായുള്ള 50000 രൂപ വരെയുള്ള ഡിഡി ഇടപാടുകൾക്ക് ചാർജുകളൊന്നുമില്ല എന്നതാണ് ഈ അക്കൗണ്ടിന്റെ ഒരു പ്രത്യേകത. ഫെഡറൽ ബാങ്കിന്റെ ഫെഡ് ബുക്ക്, ഇ-മെയിൽ അലർട്ട്, മൊബൈൽ അലർട്ട്, ഇന്റർനെറ്റ് ബാങ്കിങ് എന്നിവയെല്ലാം ഫ്രീയായി ലഭിക്കുകയും ചെയ്യും.

കുട്ടികൾ  സാമ്പത്തിക സുരക്ഷിതത്വത്തിൽ വളരട്ടെ

മിക്ക ബാങ്ക് അക്കൗണ്ടുകളും സുരക്ഷിതമായ സേവനങ്ങൾ തരുന്നുണ്ടെങ്കിലും പോസ്റ്റ് ഓഫീസ് നിക്ഷേപങ്ങളും ഏറെ സുരക്ഷിതമാണെന്ന് ഓർക്കുക. സർക്കാർ ഒരുക്കുന്ന നിക്ഷേപ പദ്ധതികളോളം സുരക്ഷിതത്വം മറ്റൊരു സ്ഥാപനത്തിനും തരാൻ സാധിക്കില്ലെന്ന കാര്യവും ഓർക്കണം. കുട്ടികൾക്കായി നിക്ഷേപങ്ങൾ ആരംഭിച്ച് നൽകുമ്പോഴും മാസത്തിൽ കുറഞ്ഞത് രണ്ട് തവണയെങ്കിലും അവരുടെ പണമിടപാടുകൾ നിരീക്ഷിക്കുകയും അവർ എത്രത്തോളം കൃത്യമായാണ് പണത്തെ കൈകാര്യം ചെയ്യുന്നതെന്ന് അറിഞ്ഞിരിക്കുകയും വേണം.

അമിതമായി ചെലവഴിക്കുകയോ ധൂർത്തിന്റെ ലക്ഷണങ്ങൾ കാണുകയോ ചെയ്താൽ അതിന്റെ ദൂഷ്യ വശങ്ങൾ അവരെ ഓർമ്മിപ്പിക്കുകയും ചെയ്യാം. ജീവിച്ചു പോകാൻ ഏതൊരാൾക്കും ശരാശരി തുക മതി. അത് അതാത് കാലങ്ങളിൽ മാറുമെന്നല്ലാതെ മറ്റ് പ്രശ്‌നങ്ങളൊന്നുമില്ല. അധികമായി ലഭിക്കുന്ന പണത്തെ മികച്ച നിക്ഷേപമാക്കി മാറ്റാനും അത് ചെലവഴിക്കുന്നത് ആഡംബരത്തിന് വേണ്ടിയാകരുതെന്നും ആവശ്യത്തിന് വേണ്ടി മാത്രമായിരിക്കണമെന്നും അവരെ പഠിപ്പിക്കണം. പണമെന്താൽ എന്താണെന്നും സമ്പാദ്യവും അതിന്റെ മൂല്യവും അറിഞ്ഞ് വളരുന്ന തലമുറയെ നമുക്ക് വാർത്തെടുക്കാൻ സാധിക്കട്ടെ.

തോമസ് ചെറിയാൻ കെ    
മറുനാടൻ മലയാളി സബ് എഡിറ്റർ.

mail: news@marunadan.in

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
TODAYLAST WEEKLAST MONTH
കോവിഡിന് എതിരയുള്ള മാനവ രാശിയുടെ പോരാട്ടത്തിന് എല്ലാം ചെയ്യുമെന്ന് മോദി; ഏപ്രിൽ 15ന് തീവണ്ടി ഗതാഗതം പുനരാരംഭിക്കില്ല; വിമാനങ്ങൾക്കും ഉടനൊന്നും രാജ്യത്ത് ഇറങ്ങാൻ അനുമതി കൊടുക്കില്ല; കൊറോണയിൽ ഇന്ത്യയും ഭയന്നു വിറയ്ക്കുന്നു; മുംബൈയിൽ കാര്യങ്ങൾ കൈവിട്ടു പോയ അവസ്ഥയിൽ; അനൗദ്യോഗിക കണക്ക് പ്രകാരം മരണം 226 ആയി; തബ് ലീഗുകാരുടെ രോഗ വ്യാപനത്തിൽ വിറച്ച് ഉത്തരേന്ത്യ; മഹാരാഷ്ട്രയിലും തമിഴ്‌നാട്ടിലും ഡൽഹിയിലും രാജസ്ഥാനിലും മധ്യപ്രദേശിലും മഹാമാരിയുടെ താണ്ഡവം
അമേരിക്ക മുതൽ എത്യോപ്യവരേയുള്ള രാജ്യങ്ങളുടെ ഭാവിയെ കുറിച്ച് ഇനി പറയേണ്ട ചുമതല നമ്മുടെ സ്വന്തം ഗീത ഗോപിനാഥിന്; മുഖ്യമന്ത്രിയുടെ ഉപദേശക എന്ന പേരിൽ മലയാളികൾ പരിഹസിച്ചു വിട്ട സാമ്പത്തിക വിദഗ്ധ പറയുന്നത് ഇനി ലോകത്തിന് വേദവാക്യം; മൂന്നാഴ്‌ച്ചകൊണ്ട് ഒന്നേമുക്കാൽ കോടി അമേരിക്കക്കാർക്ക് പണി തെറിച്ചെന്നു വ്യക്തമാക്കി ഐ എം എഫിന്റെ റിപ്പോർട്ട്; കൊറോണയുടെ സാമ്പത്തിക തിരിച്ചടി 170 രാജ്യങ്ങളേയും ബാധിക്കും
കേരളത്തിൽ 93 ഉം 88 ഉം വയസായ രോഗികൾക്ക് വരെ കോവിഡ് ഭേദമാവുമ്പോൾ യുകെയിൽ പ്രായമായവരെ ഒരു ചികിത്സയും ലഭിക്കാതെ മരണത്തിന് വിട്ടുകൊടുക്കുന്നു! ഓരോ നേഴ്‌സിങ് ഹോമുകളിലും വയോധികർ കോഴി വസന്ത പിടിപെട്ട പക്ഷികളെപ്പോലെ കൂട്ടത്തോടെ മരിക്കുന്നു; ആശുപത്രികളിലും വീടുകളിലുമായി എത്രപേർ മരിച്ചുവെന്ന് കണക്കുപോലുമില്ല; സോഷ്യൽ കെയർ ഒരു ഭാരമായാണോ സർക്കാർ കാണുന്നത്; ഒരു വികസിത രാജ്യത്തിന്റെ സാമൂഹ്യക്ഷേമ മുഖം മൂടിയിലേക്ക് ഒരു അന്വേഷണം
പരമാവധി ടെസ്റ്റുകൾ നിർദ്ദേശിച്ചപ്പോൾ ചെയ്തത് ഐസൊലേഷനും ക്വാറന്റൈനും; പ്രത്യേക ചികിത്സ ഇല്ലെന്ന് വ്യക്തമാക്കുമ്പോഴും ഇവിടെ നൽകുന്നത് എയ്ഡ്സിനും മലേറിയക്കുമുള്ള മരുന്നുകളും; മുൻകരുതലുകൾ ഇല്ലാത്ത ലോക് ഡൗൺ പ്രത്യാഘാതങ്ങൾ സൃഷ്ടിക്കുമെന്ന മുന്നറിയിപ്പും അവ​ഗണിച്ചു; കൊവിഡ്19 വ്യാപനം തടയാൻ ലോകാരോ​ഗ്യ സംഘടന നൽകിയ നിർദ്ദേശങ്ങൾ ഇന്ത്യ മുഖവിലയ്ക്കെടുത്തില്ലെന്ന് റിപ്പോർട്ട്
ഓൺലൈൻ ചാനലിന്റെ ഷൂട്ടിങ് റെക്കോഡിനിടെയുണ്ടായ കോമഡി ഫേസ്‌ബുക്കിൽ പോസ്റ്റ് ചെയ്തപ്പോൾ നിറഞ്ഞത് അശ്ലീല കമന്റുകൾ; അടിച്ചാൽ തിരിച്ചടിക്കും കട്ടായം എന്ന് പറഞ്ഞ് അവതാരക കൊടുത്തത് കിടുകിടിലൻ മറുപടി; കമ്മി-സുഡാപ്പിക്കുട്ടന്മാർ വീട്ടിലുള്ള പെണ്ണുങ്ങളെ കൂട്ടിക്കൊടുന്നുവെന്ന് കളിയാക്കിയത് അവതാരക വള്ളിക്കോട്ടുകാരി ശ്രീജ പ്രസാദ്: അശ്ലീല വാമൊഴിക്കെതിരേ കേസെടുത്ത് പത്തനംതിട്ട പൊലീസ്
ഇതുപോലൊരു പകർച്ച വ്യാധിയോട് മൂഢനായ ഒരു അധികാരി കാണിച്ച നിസ്സംഗതയാണ് നാല് ലക്ഷം പേരുടെ ജീവൻ ഇന്ന് ഭീഷണിയിലായിരിക്കുന്നത്; പ്രായമായവരെ ചികിൽസിക്കാൻ അമേരിക്കക്കു താല്പര്യമില്ല; കുറെ ആളുകൾ ഇതിന്റെ പേരിൽ നഷ്ടപ്പെട്ടാൽ രാജ്യത്തിനു ലാഭം മാത്രം; കൊവിഡ് ബാധിതരായി അമേരിക്കയിൽ കഴിയുന്ന മാതാപിതാക്കളെയും സഹോദരിയേയും കുറിച്ച് സിൻസി അനിലിന്റെ കുറിപ്പ് ഹൃദയമുള്ളവരുടെ കണ്ണു നനയിക്കുന്നു
കോട്ടയം തെക്കുംഗോപുരത്ത് പള്ളിയിൽ ഒളിവിൽ കഴിഞ്ഞ 7 പേരെ പിടിച്ചു! അഗ്നിരക്ഷാസേന ഇവിടെ അണുവിമുക്തമാക്കിയെന്ന വ്യാജ വാർത്തയ്ക്ക് പിന്നിൽ 'മാതൃശാഖ' ഗ്രൂപ്പിന്റെ അഡ്‌മിൻ; വീഡിയോ എടുത്തത് ടയർ കടയിലെ അതിഥി തൊഴിലാളി; അച്ഛന് അയച്ച വീഡിയോ മകന് കിട്ടിയപ്പോൾ അത് ഭീതിപ്പെടുത്തുന്ന വ്യാജ പ്രചരണമായി; തബ് ലീഗ് സമ്മേളനക്കാരുടെ ഒളിച്ചു താമസ വാർത്ത കള്ളമെന്ന് കണ്ടെത്തി പൊലീസ്; അറസ്റ്റിലായത് 10 യുവാക്കൾ
ശബ്ദം കേട്ടപ്പോഴേ ഷാഹുൽ ഹമീദിന്റെ മകൾക്ക് മനസ്സിലായി ഇത് തന്റെ ഭർത്താവ് തന്നെ; ഫോൺ നമ്പർ പിന്തുടർന്ന് പൊലീസും ഇന്റലിജൻസും എത്തിയപ്പോഴും അതേ ആൾ; മെക്കാനിക്കൽ എഞ്ചിനീയറിങ് ബിരുദധാരി ഐടി രംഗത്തും മുടിചൂടാമന്നൻ; മുഖ്യമന്ത്രിയെ വധിക്കുമെന്ന ഭീഷണി സന്ദേശത്തിന് പിന്നിൽ പ്രവാസി മലയാളി; വാട്‌സാപ്പ് സന്ദേശം അയച്ചതുകൊല്ലം സ്വദേശി്; ശബ്ദസന്ദേശം അയച്ചത് ഭാര്യയ്ക്കും ഭാര്യാപിതാവിനും 'പണി' കൊടുക്കാനെന്ന് സൂചന
ആ ചിത്രത്തിൽ ശശി കലിംഗ അഭിനയിച്ചത് മമ്മൂട്ടിയും മോഹൻലാലും വാങ്ങുന്നതിനേക്കാൾ കൂടുതൽ പ്രതിഫലം വാങ്ങി; ഹോളിവുഡ് സൂപ്പർ താരം ടോം ക്രൂസ് നായകനായ ബൈബിൾ ചിത്രത്തിൽ നടന് കിട്ടിയത് യൂദാസിന്റെ വേഷം; ഷൂട്ടിങ്ങിനായി പോയിരുന്നത് ഹോട്ടലിന്റെ റൂഫ് ടോപ്പിൽ നിന്ന് ഹെലികോപ്റ്ററിൽ; അഞ്ചുവർഷം കഴിഞ്ഞ് ശശി യാത്രയാവുമ്പോഴും ചിത്രത്തിന് എന്താണ് സംഭവിച്ചത് എന്നറിയാതെ ചലച്ചിത്രലോകം
മനുഷ്യൻ രാത്രിയിലിറങ്ങുക അരയ്ക്കൊപ്പമുള്ള വസ്ത്രം മാത്രം ധരിച്ച്; കള്ളന്മാരുടെ പുതിയ അവതാരത്തിനെ സ്പ്രിങ് മാനെന്ന് പേരിട്ടും നാട്ടുകാർ; കൊറോണകാലത്ത് കോഴിക്കോടിനെ ഭീതിയിലാഴ്‌ത്തി അജ്ഞാതനായ മനുഷ്യന്റെ സഞ്ചാരം; കള്ളനെ പിടിക്കാൻ ലോക്ക് ഡൗൺ ലംഘിച്ചും രാത്രിയിൽ സംഘടിച്ച് ജനക്കൂട്ടം; സി.സി ടിവിയിൽ ദൃശ്യം പതിഞ്ഞതോടെ അന്വേഷണവുമായി പൊലീസും
ബിസിനസ് ഉപേക്ഷിച്ച് ഭർത്താവ് തിരിച്ചെത്തിയതോടെ നഷ്ടമായത് കാമുകനുമായി ഇടപഴകാനുള്ള അവസരങ്ങൾ; രാഷ്ട്രീയ നേതാവുമായുള്ള അവിഹിത ബന്ധം അവസാനിപ്പിക്കാൻ ആവശ്യപ്പെട്ടതോടെ രേണുക തീരുമാനിച്ചത് ഭർത്താവിനെ കൊലപ്പെടുത്താനും; ലോക് ഡൗണിനിടെ യുവാവ് ലോറിയിടിച്ച് മരിച്ച സംഭവം ആസൂത്രിതമായ കൊലപാതകം; ഭാര്യയേയും കാമുകനേയും അറസ്റ്റ് ചെയ്ത് പൊലീസും
ആശങ്കകൾക്കൊടുവിൽ മനുഷ്യകുലം രക്ഷപ്പെട്ടു; കൊറോണയെ രണ്ട് ദിവസം കൊണ്ട് കൊല്ലുന്ന മരുന്ന് കണ്ടു പിടിച്ച് ഓസ്ട്രേലിയൻ ശാസ്ത്രജ്ഞൻ; ലോകം എമ്പാടും ഇപ്പോൾ ലഭ്യമായ ആന്റി പാരസെറ്റ് മരുന്ന് ഉപയോഗിച്ചാൽ കോവിഡ്-19 അണുക്കൾ ഞൊടിയിടയിൽ നശിക്കും; മനുഷ്യനിൽ പരീക്ഷിച്ച് കഴിഞ്ഞാൽ കൊലയാളി വൈറസിനെ കൊന്നൊടുക്കാൻ ഇവർമെക്ടിൻ രംഗത്തിറങ്ങും; ഇനി ആർക്കും എച്ച്ഐവി-മലേറിയ മരുന്നുകളെ ആശ്രയിച്ച് ജീവൻ കളയേണ്ടി വരില്ല
ഓൺലൈൻ ചാനലിന്റെ ഷൂട്ടിങ് റെക്കോഡിനിടെയുണ്ടായ കോമഡി ഫേസ്‌ബുക്കിൽ പോസ്റ്റ് ചെയ്തപ്പോൾ നിറഞ്ഞത് അശ്ലീല കമന്റുകൾ; അടിച്ചാൽ തിരിച്ചടിക്കും കട്ടായം എന്ന് പറഞ്ഞ് അവതാരക കൊടുത്തത് കിടുകിടിലൻ മറുപടി; കമ്മി-സുഡാപ്പിക്കുട്ടന്മാർ വീട്ടിലുള്ള പെണ്ണുങ്ങളെ കൂട്ടിക്കൊടുന്നുവെന്ന് കളിയാക്കിയത് അവതാരക വള്ളിക്കോട്ടുകാരി ശ്രീജ പ്രസാദ്: അശ്ലീല വാമൊഴിക്കെതിരേ കേസെടുത്ത് പത്തനംതിട്ട പൊലീസ്
സ്ത്രീ തടവുകാരെ കൂട്ടത്തോടെ ബലാൽസംഗം ചെയ്യുന്നത് പതിവ്; പെൺകുട്ടികളെ ഉൾപ്പെടെ പരിപൂർണ നഗ്നരാക്കി നിർത്തി ഇടക്കിടെ പരിശോധന; വൃത്തിഹീനമായ ജയിലിൽ ആവശ്യത്തിനു ഭക്ഷണം പോലുമില്ല; വിശപ്പടക്കിയത് എലികളെ ജീവനോടെ പിടിച്ചു തിന്ന്; തുടർച്ചയായി 18 മണിക്കുർ ജോലി; മർദനവും പട്ടിണിയും സഹിക്കാതെ തടവുകാർ മരിച്ചാൽ മൃതദേഹം കൃഷിത്തോട്ടങ്ങളിൽ വളമായി ഉപയോഗിക്കും; ഉത്തരകൊറിയയിലെ കോൺസ്ട്രേഷൻ ക്യാംപിൽ നിന്ന് രക്ഷപ്പെട്ടെത്തിയ യുവതിയുടെ വെളിപ്പെടുത്തലിൽ നടുങ്ങി ലോകം
കൊറോണയെ അതിജീവിച്ചെന്ന 'ചങ്കിലെ ചൈനാ തള്ളുകൾ' ശുദ്ധഅസംബന്ധം; ഉദ്ഭവ സ്ഥാനത്ത് തന്നെ നിഷ്പ്രയാസം തടയാമായിരുന്ന വൈറസ് ബാധയെ പിടിപ്പുകേടും മുട്ടാളത്തവും കൊണ്ട് ലോകത്തിലാകെ പടർത്തി; ഒന്നും സംഭവിച്ചിട്ടില്ലെന്ന് തെളിയിക്കാൻ നാൽപ്പതിനായിരത്തോളം കുടുംബങ്ങൾ തയാറാക്കിയ ഭക്ഷ്യവിഭവങ്ങൾ പങ്കിട്ടുകൊണ്ടുള്ള നവവത്സരവിരുന്നു നടത്തി; പ്രതിച്ഛായ മിനുക്കലിന് പ്രതിവർഷം 50 കോടിയോളം കമന്റുകൾ എഴുതുന്ന വൻ സൈബർ ആർമി; കോവിഡ് മഹാമാരി ചൈനയുണ്ടാക്കിയ ചെർണോബിൽ ദുരന്തം!
'ഏത് തെണ്ടിയാ നിങ്ങളെ ഇങ്ങോട്ട് പറഞ്ഞയച്ചത്... എന്റെ മകനും ഭർത്താവും ഡോക്ടറാണ്... അവരേക്കാൾ വലിയ ആളൊന്നുമല്ലല്ലോ നിങ്ങൾ'; ഓസ്ട്രേലിയയിൽ നിന്നെത്തിയ മകൻ ക്വാറന്റൈൻ ലംഘിച്ചെന്ന നാട്ടുകാരുടെ പരാതി അന്വേഷിക്കാനെത്തിയ ഹെൽത്ത് ഇൻസപെക്ടറെ അധിക്ഷേപിച്ച് മുൻ എം പിയും മുൻ മേയറുമായ എ കെ പ്രേമജം; സർക്കാർ തീരുമാനം നടപ്പാക്കേണ്ട സിപിഎം നേതാവു തന്നെ ധിക്കാരം കാട്ടിയപ്പോൾ കേസ് എടുത്ത് പൊലീസും; കോഴിക്കോട് ക്വാറന്റൈൻ ലംഘനത്തിലെ വിപ്ലവ കഥ ഇങ്ങനെ
വിമാനം ഇറങ്ങി കരിപ്പൂരിൽ തങ്ങിയത് ജ്യൂവലറികളിൽ പോകാൻ; കോഴിക്കോടും കണ്ണൂരും സ്വർണ്ണ കടകളിൽ കയറി ഇറങ്ങി വീട്ടിലെത്തി കല്യാണവും ആഘോഷവും ഗംഭീരമാക്കി എരിയാൽ സ്വദേശി; രഹസ്യ ബന്ധങ്ങൾ പലതുള്ള കൊറോണക്കാരന്റെ രാഷ്ട്രീയം മുസ്ലിം ലീഗിനൊപ്പം; റൂട്ട് മാപ്പ് തയ്യാറാക്കുന്നത് അറിഞ്ഞ് ഞെട്ടിയത് മലബാറിലെ സ്വർണ്ണ മാഫിയ; കൃത്യമായ വിവരങ്ങൾ നൽകാതെ ഒളിച്ചുകളിച്ച് പ്രവാസിയും; മലബാറിലെ ദുരിതത്തിന് കാരണം 'ഗോൾഡ് മാഫിയ'! കാസർകോട്ടെ കോവിഡിൽ പുറത്തുവരുന്നത് ഞെട്ടിക്കുന്ന വിവരങ്ങൾ
'ശവത്തെ ഭോഗിക്കുന്നതുപോലെ കാമഭ്രാന്തനായി ലിംഗം, നനവിന്റെ കണികകൾ എത്തിനോക്കാൻ പോലും മടിക്കുന്ന യോനിയിലേക്ക് കുത്തിത്തിരുകി കയറ്റുമ്പോൾ അനുഭവിക്കേണ്ടി വരുന്ന വേദനയുടെ തീവ്രതയൊന്നും ഒരു പ്രസവവേദനക്കും തരാൻ കഴിയില്ല;' തള്ളിനിക്കുന്ന രണ്ട് മൃദുമാംസ തുണ്ടുകളും, കടിച്ചുപൊട്ടിക്കാനായി രണ്ട് ചുണ്ടുകളും, കാലുകൾക്കിടയിലെ ഒരു തുളയും മാത്രമാണോ താനെന്ന ചിന്ത ഇന്നും വേട്ടയാടുന്നു എന്നും ജോമോൾ ജോസഫ്
പലവട്ടം യാചിച്ച ശേഷം ആരോ ബെഡ്ഷീറ്റിന്റെ പകുതി കീറിതന്നു; ഞങ്ങൾ നാണം മറച്ചു; അവളുടെ രഹസ്യ ഭാഗത്തുകൂടി ചോര ഒഴുകുന്നുണ്ടായിരുന്നു; സമീപത്തെ ആശുപത്രിയിൽ എത്തിക്കുന്നതിനു പകരം ദൂരെ കൊണ്ടുപോയി; ലൈഫ് ഓഫ് പൈ സിനിമ സെക്കന്റ്‌ഷോ കഴിഞ്ഞ് വീട്ടിലേക്ക് മടങ്ങുമ്പോൾ അവീന്ദ്ര പാണ്ഡെയേയും സുഹൃത്തിനേയും തേടിയിരുന്നത് സമാനതകളില്ലാത്ത ദുരന്തം: നിർഭയയ്ക്ക് നീതിയൊരുക്കിയ അവീന്ദ്ര പാണ്ഡെ; ക്രൂരത പുറത്തുകൊണ്ടു വന്ന ആ പഴയ തുറന്നു പറച്ചിൽ
20,000 കോടിയിലേറെ ഡോളറിന്റെ സ്വത്തുക്കളുമായി ലോകത്തിലെ ഏറ്റവും സമ്പന്നനായ രാഷ്ട്രീയക്കാരൻ; ലോകത്ത് എവിടെയും കൊല നടത്താവുന്ന സംഘമുണ്ടാക്കി എതിരാളികളെ അരിഞ്ഞുതള്ളും; തികച്ച സ്ത്രീലമ്പടൻ, ബാലപീഡകനെന്നും ആരോപണം; ലൈംഗിക രഹസ്യങ്ങൾ ചോർത്തി ട്രംപിനെപ്പോലും ബ്ലാക്ക്മെയിൽ ചെയ്തു; ഐഎസിനെ തകർക്കുന്നതിലും നിർണ്ണായക പങ്കുവഹിച്ചു; ലോകം ഭയക്കുന്ന ഏകാധിപതിയായി മാറിയ റഷ്യൻ പ്രസിഡന്റ് വ്ളാദിമിർ പുടിന്റെ ജീവിതകഥ
വസ്ത്രം മാറുമ്പോൾ പരിചയമില്ലാത്തയാൾ ജനലിന് അടുത്ത് വന്ന് ജോബി ഉണ്ടോ എന്ന് ചോദിച്ചു; ഇങ്ങോട്ട് വന്നില്ലെന്ന് പറഞ്ഞപ്പോൾ സാധനം കൊണ്ടു പോകാൻ വണ്ടി വിളിച്ചിരുന്നു എന്ന് മറുപടി; തുറന്നപ്പോൾ വാ പൊത്തി പിടിച്ചു പറഞ്ഞത് ഇതൊരു ക്വട്ടേഷൻ എന്ന്; വായിൽ തിരുകിയ തുണി അഴിച്ചു മാറ്റി ഇട്ടത് ഗുളികയും വെള്ളവും; രാത്രി മുഴുവൻ പീഡനം; പിന്നെ പണവും എടിഎമ്മുമായി കടന്നു കളയൽ; കൊട്ടിയൂരിലെ ഫാമിൽ നേരിട്ടത് സമാനതകളില്ലാത്ത പീഡനം; മറുനാടനോട് യുവതി ക്രൂരത പറയുമ്പോൾ
ആ ചിത്രത്തിൽ ശശി കലിംഗ അഭിനയിച്ചത് മമ്മൂട്ടിയും മോഹൻലാലും വാങ്ങുന്നതിനേക്കാൾ കൂടുതൽ പ്രതിഫലം വാങ്ങി; ഹോളിവുഡ് സൂപ്പർ താരം ടോം ക്രൂസ് നായകനായ ബൈബിൾ ചിത്രത്തിൽ നടന് കിട്ടിയത് യൂദാസിന്റെ വേഷം; ഷൂട്ടിങ്ങിനായി പോയിരുന്നത് ഹോട്ടലിന്റെ റൂഫ് ടോപ്പിൽ നിന്ന് ഹെലികോപ്റ്ററിൽ; അഞ്ചുവർഷം കഴിഞ്ഞ് ശശി യാത്രയാവുമ്പോഴും ചിത്രത്തിന് എന്താണ് സംഭവിച്ചത് എന്നറിയാതെ ചലച്ചിത്രലോകം
കൊച്ചി സാമ്രാജ്യം എന്നും സക്കീർ ഭായിയുടേത്! ലോക് ഡൗൺ ബോധവത്കരണത്തിന് നോക്കിയ ഉദ്യോഗസ്ഥനെ സക്കീർ ഹുസൈൻ വിരട്ടിയപ്പോൾ പേടിച്ച് വാല് ചുരുട്ടാതെ കേരള പൊലീസ്; എന്റെ പേര് സക്കീർ ഹുസൈൻ...സിപിഎമ്മിന്റെ കളമശേരി ഏരിയ സെക്രട്ടറി..മനസ്സിലായോ.. മനസ്സിലാക്കാതെ വർത്തമാനം പറയരുതെന്ന് ഭീഷണി; സാറിനെ ബോധവത്കരണം നടത്തി അത്രേയുള്ളുവെന്നും പിന്നെ എങ്ങനെ മനസ്സിലാക്കും താങ്കളെ എന്നും പൊലീസുകാരന്റെ മറുചോദ്യം; ചൂളിപ്പോയി സക്കീർഭായ്
അറസ്റ്റിലായത് 'മേസ്തിരി റിഞ്ചു'; മൊബൈലിൽ ഉള്ളത് ബംഗള, മറാത്ത, ഹിന്ദി ഭാഷകളിലുള്ള നിരവധി വാട്സാപ്പ് ഗ്രൂപ്പുകൾ; കേരളത്തിൽ ജോലി തേടിയെത്തിവരെ ഏകോപിപ്പിക്കുന്ന ഗ്രൂപ്പും ഫോണിൽ; റോഡ് ഉപരോധവും ലോക് ഡൗൺ ലംഘനവും വ്യക്തമായ നിർദ്ദേശങ്ങൾ അനുസരിച്ച്; ആളുകളെ സംഘടിപ്പിച്ചത് ബംഗാൾ സ്വദേശി എന്നതിന് വ്യക്തമായ തെളിവകുൾ; സംശയം നീളുന്നത് തീവ്ര സ്വഭാവമുള്ള സംഘടനയിലേക്ക്; പായിപ്പാട്ടെ വില്ലൻ മുഹമ്മദ് റിഞ്ചു ആളു ചില്ലറക്കാരനല്ലെന്ന് പൊലീസ്