1 usd = 71.65 inr 1 gbp = 92.48 inr 1 eur = 79.18 inr 1 aed = 19.51 inr 1 sar = 19.11 inr 1 kwd = 235.88 inr

Nov / 2019
18
Monday

ടിക്കറ്റിനുള്ള കാശില്ലാത്തതിനാൽ ട്രെയിനിന്റെ വാതിൽപടിയിൽ നിന്ന് യാത്രചെയ്തു; 12ാം വയസിൽ പത്തുവയസിന് മൂത്തയാളുമായുള്ള വിവാഹം ജീവിതം തകർത്തപ്പോൾ വിഷം കഴിച്ച് മരിക്കാൻ ശ്രമിച്ചു; ജീവിതത്തിന്റെ അറ്റങ്ങൾ 'തുന്നിപിടിപ്പിക്കാൻ' തയ്യൽ ജോലിയിൽ ആരംഭം; ഫർണിച്ചർ ബിസിനസും റിയൽ എസ്റ്റേറ്റും കടന്ന് കമാനി ട്യൂബ്‌സിന്റെ സാരഥി സ്ഥാനം വരെ കൈപ്പിടിയിൽ; ഇല്ലായ്മയിൽ നിന്നും ശതകോടികളുടെ ബിസിനസിലേക്ക് ചിറകടിച്ചുയർന്ന കൽപനയെന്ന ഫീനിക്‌സ് പക്ഷിയെ നാം ഓരോരുത്തരും അറിഞ്ഞിരിക്കണം

May 20, 2019 | 10:44 AM IST | Permalink



ടിക്കറ്റിനുള്ള കാശില്ലാത്തതിനാൽ ട്രെയിനിന്റെ വാതിൽപടിയിൽ നിന്ന് യാത്രചെയ്തു; 12ാം വയസിൽ പത്തുവയസിന് മൂത്തയാളുമായുള്ള വിവാഹം ജീവിതം തകർത്തപ്പോൾ വിഷം കഴിച്ച് മരിക്കാൻ ശ്രമിച്ചു; ജീവിതത്തിന്റെ അറ്റങ്ങൾ 'തുന്നിപിടിപ്പിക്കാൻ' തയ്യൽ ജോലിയിൽ ആരംഭം; ഫർണിച്ചർ ബിസിനസും റിയൽ എസ്റ്റേറ്റും കടന്ന് കമാനി ട്യൂബ്‌സിന്റെ സാരഥി സ്ഥാനം വരെ കൈപ്പിടിയിൽ; ഇല്ലായ്മയിൽ നിന്നും ശതകോടികളുടെ ബിസിനസിലേക്ക് ചിറകടിച്ചുയർന്ന കൽപനയെന്ന ഫീനിക്‌സ് പക്ഷിയെ നാം ഓരോരുത്തരും അറിഞ്ഞിരിക്കണം

തോമസ് ചെറിയാൻ കെ

ഉള്ളത് കത്തുമ്പോഴും ഉള്ളം ജ്വലിച്ചുകൊണ്ടിരിക്കണം എന്നൊരു ചൊല്ലുണ്ട്. നമുക്കുള്ളതെന്തും ഇല്ലാതാകുകയോ കൈവിട്ട് പോവുകയോ ചെയ്താൽ തകർന്നടിഞ്ഞ് ഇനി ഒരു ഉയിർപ്പില്ല എന്ന് കരുതുന്നത് മനുഷ്യ സഹജമായ കാര്യമാണ്. എന്നാൽ സർവവും തകർന്നടിഞ്ഞ് ചാരമായി പോയിട്ടും അതിൽ നിന്നും ചെങ്കനലായി ചിറകടിച്ചുയർന്ന ഫീനിക്‌സ് പക്ഷികളെ നാം കണ്ടിട്ടുമുണ്ട്. അക്കൂട്ടത്തിൽ നാം മറക്കരുതാത്ത ഒരു പേരുണ്ട്. ഇന്ത്യയ്ക്ക് മുൻപിൽ, എന്തിന് ലോകത്തിന് മുന്നിൽ തന്നെ ചങ്കുറപ്പിന്റെ ഉത്തമ ഉദാഹരണമായി തലയുയർത്തി നിൽക്കുന്ന പെൺകരുത്ത്.

മുംബൈയിലെ ഗ്രാമത്തിൽ ഇല്ലായ്മയുടെ ഇടയിൽ ജനിച്ച് 12ാം വയസിൽ വിവാഹ ജീവിതത്തിലേക്ക് കടക്കേണ്ടി വരികയും തുടർന്നും പട്ടിണിയും ദാരിദ്ര്യവും അനുഭവിക്കേണ്ടി വരികയും ചെയ്തിട്ടും സാഹചര്യങ്ങളോട് പടവെട്ടി ലോകത്തെ തന്നെ ശതകോടീശ്വരന്മാരുടെ പട്ടികയിൽ ഇടം നേടിയ ഇന്ത്യയുടെ അഭിമാന വനിത കൽപന സരോജിന്റെ ജീവിതം നാം ഓരോരുത്തരും അറിഞ്ഞിരിക്കേണ്ട ഒന്നാണ്. കാര്യമായ വിദ്യാഭ്യാസം നേടാൻ കഴിയാതെ പോയ ബാല്യവും യാതന അനുഭവിക്കേണ്ടി വന്ന കൗമാരവും അവളുടെ ഉള്ളിൽ നിറച്ചത് ജീവിതത്തിൽ വിജയിക്കണം എന്ന വാശിയായിരുന്നു.

നാളെ എന്ത് സംഭവിക്കും എന്നറിയാതെ ജീവിതത്തിൽ തേടി വരുന്ന 'ആകസ്മികത' എന്ന വില്ലനെ ഭയക്കുന്ന ഏവർക്കും പ്രചോദനം കൂടിയാണ് വെല്ലുവിളികളെ മനക്കട്ടി എന്ന പരിചകൊണ്ട് തടഞ്ഞ് നിറുത്തിയ ഈ മിടുമിടുക്കി. സ്ത്രീയെന്നാൽ പരിമിതികൾക്കുള്ളിൽ നിൽക്കേണ്ടവരല്ലെന്നും മനസ് വച്ചാൽ എന്തും സാധിക്കുമെന്നും സ്വന്തം ജീവിതത്തിലൂടെ കാട്ടിത്തരുകയാണ് കൽപന. മികവിന്റെ പര്യായമായ കൽപനയെ പറ്റി ഇത്തവണത്തെ മണിച്ചെപ്പിലൂടെ അറിയാം.

പത്തു വയസിന് മൂത്ത ആളെ കൊണ്ട് 12ാം വയസിൽ വിവാഹം....

സ്വപ്‌നങ്ങളുടെ പറുദീസയായ മഹാരാഷ്ട്രയിലെ മുംബൈയിലെ റൂപർഖേദ ഗ്രാമത്തിൽ ഒരു സാധാരണ കുടുംത്തിലായിരുന്നു കൽപനയുടെ ജനനം. അച്ഛൻ പൊലീസ് കോൺസ്റ്റബിൾ. ദളിത് കുടുംബത്തിൽ ജനിച്ച കൽപനയെ 12 വയസായപ്പോഴേയ്ക്കും വിവാഹം കഴിച്ച് അയയ്ക്കാൻ വീട്ടുകാർ തീരുമാനിച്ചു. അങ്ങനെ തന്നെക്കാൾ പത്തു വയസ് മൂത്ത ഒരാളെ വിവാഹം കഴിക്കേണ്ടി വരികയും ചെയ്ത കൽപനയെ പിന്നീട് തേടിയെത്തിയത് യാതനയുടെ നാളുകളായിരുന്നു.

കാര്യമായ ജോലി ഒന്നും ഇല്ലാത്ത ഭർത്താവ്. എങ്ങനൊക്കെയൊ കഴിഞ്ഞു പോകുന്ന ജീവിതം. ചിലപ്പോൾ പട്ടിണി. ഉല്ലാസ് നഗറിലെ ഒറ്റമുറി മാത്രമായിരുന്ന വീട്ടിൽ തന്റെ ജീവിതം എരിഞ്ഞ് തീരുന്ന വേളയിൽ ഭർത്താവിന്റെ വീട്ടുകാരുടെ മർദ്ദനമടക്കം ആ പാവത്തിന് നേരിടേണ്ടി വന്നു.

മകളെ ആറ് മാസം കഴിഞ്ഞ് കാണാൻ വന്ന പിതാവിന് അവളെ തിരിച്ചറിയാൻ പോലും പറ്റാത്ത വിധം കോലം കെട്ടുപോയെന്ന് പറയുമ്പോൾ ഓർക്കണം അവൾ അനുഭവിക്കേണ്ടി വന്ന കൊടും ക്രൂരതകൾ എത്രത്തോളമാണെന്ന്. എല്ലാം നമുക്ക് മറക്കാമെന്ന് പറഞ്ഞ് ആ അച്ഛൻ മകളെ വീട്ടിലേക്ക് തിരികെ വിളിച്ച്‌കൊണ്ട് വന്നപ്പോൾ ഭർത്താവിന്റെ വീട്ടിൽ നിന്നും പോരേണ്ടി വന്നവൾ എന്ന നിലയിൽ നാട്ടുകാർ കുറ്റം പറഞ്ഞ് തുടങ്ങി. ജീവിതം മടുത്തു എന്ന് തോന്നിയ വേളയിൽ വിഷം കുടിച്ച് മരിക്കാൻ ശ്രമിച്ചിട്ടും വിധി അവളെ മരണത്തിന് വിട്ടുകൊടുത്തില്ല.

ജീവിതത്തോട് പൊരുതാൻ തീരുമാനം...

മരിക്കാൻ ശ്രമിച്ചപ്പോൾ ബന്ധു തക്ക സമയത്ത് കണ്ടതുകൊണ്ട് മരണത്തിന് അവളെ തൊടാനായില്ല. ഏഴ് ദിവസം നീണ്ട ആശുപത്രി വാസത്തിന് ശേഷം അവളുടെ മനസ് കൊതിച്ചത് മരണം വരിക്കണം എന്നല്ല ജീവിതത്തോട് പൊരുതണം. എവിടെ തോറ്റോ അവിടെ നിന്നും ചിറകടിച്ചുയരണം എന്ന വാശി അവളുടെ ഉള്ളിൽ നിറഞ്ഞു. ചില്ലറ തുട്ടുകൾ പോലും കൈയിൽ എടുക്കാൻ ഇല്ലാതിരുന്ന അവൾ ആദ്യം പിടിച്ച് നിൽക്കാൻ ഒരു ജോലിക്കായി ശ്രമിച്ച് തുടങ്ങി. മിലിട്ടറിയിൽ ചേരാനും നഴ്‌സിങ് ഇൻസ്റ്റിറ്റ്യൂട്ടിലെ ജോലിക്കുമൊക്കെ കിണഞ്ഞ് ശ്രമിച്ചിട്ടും ആ വാതിലുകൾ ഒന്നും അവളുടെ മുൻപിൽ തുറന്നില്ല. വിദ്യാഭ്യാസം ഇല്ല എന്ന കുറവ് അവളിലുണ്ടായിരുന്നെങ്കിലും മുന്നോട്ടോടാനുള്ള ഊർജ്ജത്തെ ആ ചിന്ത തളർത്തിയില്ല. പ്രത്യാശയോടെയുള്ള കാത്തിരിപ്പിൽ അവളുടെ മുന്നിൽ തെളിഞ്ഞത് ലോവർ പരേലിലെ ഒരു തയ്യൽക്കടയിലെ ജോലിയായിരുന്നു. അവൾ അതിനെ പൊന്നുപോലെ നോക്കി. തന്നാലാവും വിധം അധ്വാനിച്ചു.

രാപകലില്ലാതെ അധ്വാനിച്ചിരുന്ന കൽപന അന്നത്തെ ദിവസങ്ങളിലാണ് 100 രൂപാ നോട്ട് കൈകൊണ്ട് തൊട്ടതെന്ന് പിന്നീട് നിറകണ്ണുകളോടെ പറഞ്ഞിട്ടുണ്ട്. അന്നത്തെക്കാലത്ത് പ്രതിമാസം 350 രൂപ വരെ അവൾ അധ്വാനിച്ചുണ്ടാക്കി. എന്നാൽ തന്റെ അച്ഛന്റെ ജോലി  അപ്രതീക്ഷിതമായി നഷ്ടമായതോടെ കുടുംബത്തിന്റെ ഭാരവും അവളുടെ ചുമലിലായി. കുറഞ്ഞ വേതനം കൊണ്ട് ഒറ്റമുറി വീടിന്റെ വാടകയും ഒപ്പമുള്ളവരെ പരിചരിക്കാനുള്ള ചെലവും അവൾ കൂട്ടിമുട്ടിച്ചു. കിട്ടുന്ന കൂലിയിൽ നിന്നും കാര്യമായി മിച്ചം പിടിക്കാനും അവൾക്ക് സാധിച്ചിരുന്നില്ല. ഈ അവസരത്തിലാണ് സഹോദരി അസുഖം മൂലം മരിക്കുന്നത്. തന്റെ കൂടപ്പിറപ്പിനെ നഷ്ടമായത് പണത്തിന്റെ കുറവ് മൂലമാണെന്ന വേദന ഉള്ളിൽ തട്ടിയപ്പോൾ കുറച്ച് കൂടി സമ്പാദിക്കേണ്ടത് ആവശ്യമാണെന്ന് അവൾക്ക് മനസിലായി. ഉള്ളിലെ നീറ്റൽ ഇരട്ടിയായി. തയൽ അറിയാവുന്നതുകൊണ്ട് സ്വന്തമായി ടെയ്‌ലറിങ് യൂണിറ്റ് തുടങ്ങാൻ കൽപന തീരുമാനിച്ചു.

അതിനായി 50,000 രൂപയുടെ ലോണിന് അപേക്ഷിച്ചിട്ടും അതിനു വേണ്ടി നടക്കേണ്ടി വന്നത് രണ്ട് വർഷമാണ്. അക്കാലയളിൽ പല മേഖലയിൽപെട്ട ആൾക്കാരെ പരിചയപ്പെടാനും ബാങ്കിങ്ങും മറ്റുമായി ബന്ധപ്പെട്ട ഒട്ടേറെ കാര്യങ്ങൾ അറിയാനും ജോലി അവസരങ്ങളെ പറ്റി അറിയാവുന്ന വിദഗ്ധരെയും യുവാക്കളേയും ചേർത്ത് ഒരു കൂട്ടായ്മയ്ക്ക് രൂപം നൽകാനും കൽപനയ്ക്ക് സാധിച്ചു. ലോൺ കിട്ടാൻ പ്രയാസമുള്ളവർക്ക് മാർഗനിർദ്ദേശങ്ങൾ നൽകുന്ന കൂട്ടായ്മ വഴി സമൂഹം കൽപന എന്ന പ്രതിഭയെ തിരിച്ചറിഞ്ഞ ദിവസങ്ങളായിരുന്നു അത്. ഈ സമയത്താണ് തർക്കത്തിൽ കിടക്കുന്ന വസ്തുവിൽപനയിൽ കൽപന ഇടപെടുന്നത്. കോടതി വ്യവഹാരത്തിന് കീഴിലുള്ള വസ്തുവിൽ നിന്നും നിയമത്തിന്റെ നൂലാമാലകൾ നീക്കി കൺസ്ട്രക്ഷൻ എന്ന പരീക്ഷണം നടത്താനും കൽപന ധൈര്യം കാണിച്ചു. റിയൽ എസ്റ്റേറ്റ് മേഖലയിലെ സകല അടവുകളും ഇതിനോടകം കൽപന പഠിച്ചെടുത്തു.

അപ്പോഴും തയൽ ജോലിയിൽ നിന്നും കൽപന മാറിയിരുന്നില്ല. ഇതിനൊപ്പം തന്നെ ചെറിയ തോതിൽ ഫർണിച്ചർ ബിസിനസ് കൂടി ആരംഭിച്ചപ്പോൾ കൽപനയ്ക്ക് അത്യാവശ്യം വരുമാനം വന്നുതുടങ്ങി. എന്നിട്ടും അതിനുള്ളിൽ ഒതുങ്ങിക്കൂടാൻ അവൾ ശ്രമിച്ചില്ല. ദിവസവും പതിനാറ് മണിക്കൂർ അവൾ അധ്വാനിച്ചു. പണം വന്നു തുടങ്ങി. അപ്പോഴും ജീവിതത്തിൽ നിസ്സഹായരായി നിൽക്കുന്നവരെ സഹായിക്കാനും അവൾ മറന്നില്ല. ആ ദിനങ്ങളിലാണ് ഫർണിച്ചർ ബിസിനസുകാരനെ കൽപന വിവാഹം കഴിക്കുന്നതും.

കമാനിയുടെ വളർത്തമ്മയായി മാറിയ ദിനങ്ങൾ

ബിസിനസ് ബന്ധങ്ങൾ വളർന്നതോടെ പുത്തൻ പരീക്ഷണങ്ങൾ നടത്താനും വിജയിപ്പിച്ച് കാണിക്കാനുമുള്ള ശ്രമവും കൽപന തുടർന്നു പോന്നു. വൻകിട വ്യാപാരങ്ങളുടെ തറവാടായ മുംബൈയിൽ വന്മരങ്ങൾ ശരവേഗത്തിൽ വളരുന്ന കാലമായിരുന്നു അത്. കിഴക്കൻ മുംബൈയിലെ കുർളയിൽ രാംജിഭായ് കമാനി ആരംഭിച്ച മൂന്ന് കമ്പനികൾ അന്നത്തെ ബിസിനസ് തമ്പുരാക്കന്മാരായിരുന്നു. 1987ൽ രാംജിയുടെ മരണത്തോടെ കമാനി ട്യൂബ്സ്, കമാനി എൻജിനീയറിങ്, കമാനി മെറ്റൽ എന്നീ മൂന്ന് കമ്പനികൾക്കും വേണ്ടി മക്കൾ തമ്മിൽ അടി കൂടി തുടങ്ങിയിരുന്നു.

എന്നാൽ തങ്ങളുടെ അധ്വാനമാണ് കമ്പനിയെന്നും ഉടമസ്ഥാവകാശം തങ്ങൾക്ക് നൽകണമെന്നും പറഞ്ഞ് തൊഴിലാളികൾ നിയമപോരാട്ടം നടത്തിയപ്പോൾ സുപ്രീം കോടതി വിധിയും അവർക്ക് തന്നെ അനുകൂലമായി വന്നു. കമ്പനി തൊഴിലാളികളുടെ കൈയിൽ വന്നെങ്കിലും അതിന്റെ വളർച്ചയിൽ തൊഴിലാളി നേതാക്കൾക്ക് അസൂയയുണ്ടായിരുന്നു. എന്നാൽ വൈകാതെ കമ്പനി നഷ്ടത്തിലേക്ക് കൂപ്പു കുത്തിയപ്പോൾ കൈപിടിച്ചുയർത്താൻ സർക്കാർ ഫണ്ടുകൾ അടക്കമുള്ളവ തേടിയെത്തിയെങ്കിലും അതൊന്നും ഫലം കണ്ടില്ല. ജീവിക്കാനായി തൊഴിലാളികൾക്ക് ഓട്ടോറിക്ഷാ ഓടിക്കേണ്ടി വരികയും ചുമടെടുക്കുകവും വരെ ചെയ്യേണ്ടി വന്നു. എന്നാൽ പ്രതീക്ഷ കൈവിടാതിരുന്ന തൊഴിലാളികൾക്ക് അവസാനം ആശ്വാസമായത് കൽപനയെന്ന ആത്മവിശ്വാസത്തിന്റെ പര്യായമായിരുന്നു.

114 കേസുകളും 116 കോടിയുടെ കടബാധ്യതയും ഉണ്ടായിരുന്ന കമാനി ട്യൂബ്‌സിനെ ഏറ്റെടുക്കാൻ കൽപന തീരുമാനിച്ചു. വിദഗ്ധരായ 10 പേരെ അംഗങ്ങളാക്കി സൃഷ്ടിച്ച സമിതിയിലൂടെ കമ്പനിയെ ഉയർത്താനുള്ള തന്ത്രങ്ങൾ ആലോചിച്ച് തുടങ്ങി. കൽപനയുടെ കമ്പനി ബാധ്യത ഏറ്റെടുക്കാൻ തയാറാണെങ്കിൽ കൂടെ നിൽക്കാമെന്ന് പണമിടപാട് സ്ഥാപനങ്ങളും അറിയിച്ചതോടെ കമാനിയുടെ രാശി തെളിഞ്ഞു. ആറ് വർഷം കൊണ്ട് കമ്പനിയെ വിജയത്തിന്റെ നെറുകയിൽ എത്തിക്കുകയും 2006ൽ കമ്പനിയുടെ ചെയർമാനായി കൽപന സ്ഥാനമേൽക്കുകയും ചെയ്തു. ഇപ്പോൾ കമ്പനിയുടെ പൂർണമായ അവകാശം കൽപനയ്ക്കാണ്. ബാങ്ക് കടങ്ങളടക്കം ഒരു വർഷം കൊണ്ടും തൊഴിലാളികളുടെ വേതന കുടിശ്ശിക മൂന്ന് മാസം കൊണ്ടും അടച്ച് തീർത്ത കൽപന മാജിക്കിനെ നിറകൈയടിയോടെയാണ് കോർപ്പറേറ്റ് ലോകം സ്വീകരിച്ചത്.

ഇരുമ്പ്, സ്റ്റീൽ, പിച്ചള തുടങ്ങിയ ഉൽപനങ്ങൾ നിർമ്മിക്കുന്ന കമാനി ട്യൂബ്‌സ് ഏറ്റെടുക്കുമ്പോൾ ഇതിന്റെ ബിസിനസ് തന്ത്രങ്ങളുടെ ബാലപാഠം പോലും കൽപനയ്ക്ക് അറിയില്ലായിരുന്നു. ഏഴ് വർഷം കൊണ്ട് കുടിശ്ശികകൾ അടച്ച് തീർക്കണമെന്ന നിർദ്ദേശമാണ് കൽപനയ്ക്ക് ലഭിച്ചതെങ്കിലും 365 ദിനങ്ങൾ കൊണ്ട് കൽപന അതിലും വിജയിച്ചു. ഇത് നടപ്പിലാക്കാൻ കൽപന ഫാക്ടറിയെ കുർലയിൽ നിന്ന് വാഡയിലേക്ക് ഷിഫ്റ്റ് ചെയ്തു. പ്രാഥമിക വിദ്യാഭ്യാസം ഇല്ലാതിരുന്നിട്ടും സമർത്ഥയായ ഒരു വക്കീലിന്റെയും ചാറ്റേർഡ് അക്കൗണ്ടന്റിന്റെയും
ബുദ്ധിസാമർത്ഥ്യം കൈമുതലാക്കി കൽപന കമ്പനിക്കുവേണ്ടി പ്രവർത്തിച്ചു. ആത്മവിശ്വാസം എന്ന അമൃത് കൈമുതലാക്കിയ കൽപനയുടെ വിജയഗാഥ അവിടെയും അവസാനിക്കുന്നില്ല.

തൊട്ടതെല്ലാം പൊന്നാക്കിയ പെൺകൊടി....ചരിത്രം സൃഷ്ടിച്ച തീപ്പൊരി

കമാനി ട്യൂബ്‌സ് എന്ന സ്ഥാപനത്തിന്റെ വളർത്തമ്മ മറ്റ് ഒട്ടേറെ സ്ഥാപനങ്ങളുടെ 'പെറ്റമ്മ' കൂടിയാണ്. കൽപന സരോജ് ആൻഡ് അസോസിയേറ്റ്സ് എന്ന പേരിൽ പഞ്ചസാര ഫാക്ടറിയും റിയൽ എസ്റ്റേറ്റ് കമ്പനിയും ഊർജ്ജ നിർമ്മാണവും അടക്കമുള്ള പദ്ധതികളും ഖനനം അടക്കമുള്ള അന്താരാഷ്ട്ര തലത്തിൽ വ്യാപിച്ച് കിടക്കുന്ന ബിസിനസ് ശൃംഖലയും ഇന്ന് കൽപനയുടെ നേതൃത്വത്തിൽ സുഗമമായി പ്രവർത്തിക്കുന്നുണ്ട്. കമാനിയുടെ വൻ വിജയത്തിന് പിന്നാലെ 9 വർഷത്തിന് ശേഷം 2013ൽ കൽപനയെ രാജ്യം പത്മശ്രീ നൽകി ആദരിച്ചു. ജീവിതമെന്ന ഓട്ടത്തിൽ കള്ളവണ്ടി വരെ കയറേണ്ടി വരികയും ട്രെയിൻ ടിക്കറ്റ് പോലും എടുക്കാൻ സാധിക്കാതിരുന്ന സമയത്ത് ട്രെയിനിന്റെ വാതിൽപടിയിൽ നിന്ന് യാത്ര ചെയ്യുകയും ചെയ്ത കൽപനയ്ക്ക് ദൈവം സമ്മാനിച്ചത് ഒൻപത് കാറുകൾ അടക്കമുള്ള സൗഭാഗ്യങ്ങളാണ്.

തന്റെ ജീവിതാനുഭവങ്ങൾ അറിയാൻ കൽപനയുടെ വീട്ടില സ്വീകരണ മുറിയിലെ ചിത്രങ്ങൾ കണ്ടാൽ മതിയെന്നുള്ളത് ബിസിനസ് മാസികകളിൽ പലതവണ മിന്നി മറഞ്ഞ വാക്കുകളാണ്. വിദ്യാഭ്യാസത്തിന്റെ പ്രാരംഭ ഘട്ടം പോലം ലഭിക്കാതെ ജീവിതം പലവിധത്തിൽ മാറി മറിഞ്ഞ കൽപന ഇന്ന് ഇടപെടുന്നത് ബിസിനസ് വമ്പന്മാരായ റിലയൻസിനോടും മറ്റുമാണെന്നുള്ള കാര്യം ഓർക്കണം. ദലിത് ഇന്ത്യൻ ചേംബർ ഓഫ് കൊമേഴ്സ് ആൻഡ് ഇൻഡസ്ട്രിയുടെ വനിതാ വിഭാഗത്തിന്റെ മുഖ്യ ഉപേദശകയും ഭാരതീയ മഹിളാ ബാങ്കിന്റെ ഡയറക്ടർ ബോർഡ് അംഗം കൂടിയാണ് കൽപന. ഇപ്പോൾ രണ്ടാം വിവാഹത്തിലെ ഭർത്താവിനും മക്കളുമായി സന്തോഷത്തോടെ കഴിയുകയാണ് ഈ 53കാരി. 112 മില്യൺ ഡോളറിന്റെ ആസ്തിയാണ് (787 കോടി ഇന്ത്യൻ രൂപ) ഇന്ന് കൽപനയ്ക്കുള്ളത്.

താൻ ഫർണിച്ചർ ബിസിനസ് ആരംഭിച്ച അതേ ഗ്രാമത്തിൽ മകൾ റസ്റ്റോറന്റ് തുടങ്ങാൻ പോകുകയാണെന്ന് കൽപന അഭിമാനത്തോടെ പറയുന്നു. മകൻ പൈലറ്റായി ജോലി ചെയ്യുകയാണ്. ചില്ലറത്തുട്ടുകൾ പോലും കിട്ടാക്കനിയായിരുന്ന കൗമാരത്തിൽ നിന്നും ശതകോടികളുടെ ബിസിനസ് നടത്തുന്ന ശോഭനമായ ഭാവിയിലേക്ക് നടന്നു കയറിയ കൽപനയുടെ ജീവിതം ഒറ്റദിവസം കൊണ്ട് മാറി മറിഞ്ഞ ഒന്നല്ല.

കഠിനാധ്വാനത്തിന്റെ മഹത്വവും സത്യസന്ധതയും ആത്മവിശ്വാസം എന്ന അമൃത് ജീവിതത്തിന് നൽകുന്ന ഊർജ്ജവുമാണ് കൽപനയെ വിജയത്തിന്റെ കൊടുമുടിയിൽ എത്തിച്ചത്. മനസാന്നിധ്യമുണ്ടെങ്കിൽ എന്തം സാധിക്കുമെന്നും ജീവിതത്തിലെ തളർച്ചകൾ സ്വാഭാവികമാണെന്നും അതിൽ തളർന്ന് പോകരുതെന്നും കാട്ടിത്തരുന്ന കൽപനയുടെ ജീവിതം ഏവർക്കും എന്നും ഒരു പ്രചോദനമാണ്. തന്റെ ജീവിതം ആരംഭിക്കുകയും തളർച്ചയുടേയും വളർച്ചയുടേയും ദിനങ്ങൾ സമ്മാനിക്കുകയും ചെയ്ത മുംബൈ നഗരത്തിൽ നിന്നും കൽപന ഇപ്പോഴും നോക്കിക്കാണുന്നത് ഇനിയും താൻ കീഴടക്കാനുള്ള ഉയരങ്ങളാണ്.

"If You Are Working On Something That You Really Care About, You Don't Have To Be Pushed. The Vision Pulls You." - Steve Jobs

തോമസ് ചെറിയാൻ കെ    
മറുനാടൻ മലയാളി സബ് എഡിറ്റർ.

mail: news@marunadan.in

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
TODAYLAST WEEKLAST MONTH
വെള്ളയിൽ ചുവപ്പ് മിന്നുന്ന ലഹങ്കയിൽ നവവധുവായി ശ്രീലക്ഷ്മി; കോട്ടിലും സ്യൂട്ടിലും അതീവസുന്ദരനായി വരൻ; ജഗതി ശ്രീകുമാറിന്റെ മകൾ ശ്രീലക്ഷ്മിയുടെ വിവാഹം ബോൾഗാട്ടി ഇന്റർനാഷണൽ കൺവെൻഷൻ സെന്ററിൽ അത്യാഡംബര പൂർവം നടന്നു; വരൻ കൊല്ലം സ്വദേശിയും പൈലറ്റുമായി ജിജിൻ ജഹാംഗീർ; വിവാഹം നടന്നത് പരമ്പരാഗത മുസ്ലിം ആചാരരീതിയിൽ; താരപുത്രിക്ക് ആശംസ നേർന്ന് സോഷ്യൽ മീഡിയയും
ഡേറ്റിങ് ഫേസ്‌ബുക്ക് ഗ്രൂപ്പിൽ അംഗമായ യുവാവ് നോട്ടമിട്ടത് അതിസുന്ദരിയായ യുവതിയെ; മുപ്പതിനായിരം രൂപയ്ക്ക് സമ്മതിച്ച് പെൺകുട്ടി എത്തിയപ്പോൾ അതിനുള്ള മൊഞ്ചില്ലെന്ന് യുവാവും; എന്നാൽ വീട്ടമ്മയെ മുട്ടിച്ചുതരാമെന്ന് പെൺകുട്ടി; സംഗമത്തിന് മുമ്പുള്ള സംഭാഷണം ലീക്കായതോടെ പണി പാളി; പെൺകുട്ടിയുടെ ക്ഷണം സ്വീകരിച്ച് കാമാർത്തനായി എത്തിയ യുവാവിനെ ഹോട്ടലിൽ കാത്തു നിന്നത് ഗുണ്ടകൾ; ആലപ്പുഴക്കാരന്റെ പരാതിയിൽ പിടിയിലായത് മൂന്നു പേർ; കൊച്ചിയിലെ ഓൺലൈൻ പെൺവാണിഭ സംഘത്തെ പൂട്ടാൻ പൊലീസ്
രാജ്യത്തെ ആദ്യ പള്ളിയുടെ കട്ടിളയും കല്ലുമെല്ലാം അമ്പലത്തിന്റേതാണ്; ഇന്ത്യയിൽ ആദ്യമായി മുസ്ലിംങ്ങൾക്ക് പള്ളിയുണ്ടാക്കാൻ ആറ് ഏക്കർ 56 സെന്റ് സ്ഥലം നൽകിയത് ഹൈന്ദവ രാജാവാണ്; ബാബരി മസ്ജിദ് വിഷയത്തിൽ കോടതി പറഞ്ഞത് കേട്ട് മുസ്ലിംങ്ങൾ വെപ്രാളപ്പെടേണ്ടതില്ല; നെഞ്ചത്തടിച്ച് വിധി പുനഃപരിശാധിക്കാൻ റിട്ട് സമർപ്പിക്കേണ്ട ആവശ്യവുമില്ല, അതങ്ങ് വിട്ടുകൊടുത്താൽ മതി; സോഷ്യൽ മീഡിയയിൽ വൈറലായി മുള്ളൂർക്കര മുഹമ്മദ് അലി സഖാഫിയുടെ നബിദിന സന്ദേശ പ്രസംഗം
രാത്രിയിലെ കിടപ്പറ പങ്കാളിയായി മാത്രമാണ് തന്നെ കാണുന്നതെന്ന തിരിച്ചറിവ് ഹൃദയം തകർത്തു; കൂറും വിശ്വാസവും പുലർത്തിയിട്ടും ബ്രിട്ടീഷ് പ്രധാനമന്ത്രി നാല് വർഷത്തെ ബന്ധത്തിനൊടുവിൽ തന്നെ അവഗണിക്കുകയാണെന്ന് ജെന്നിഫർ; ബോറിസ് ജോൺസണെതിരെ ഞെട്ടിക്കുന്ന വെളിപ്പെടുത്തലുകളുമായി അമേരിക്കൻ വ്യവസായി യുവതി
'മാരുതി സെൻ' കാർ മോഷണം പോയപ്പോൾ 'പാർക്കിങ് അറ്റ് ഓണേഴ്‌സ് റിസ്‌ക് 'എന്ന ഉഡായിപ്പ് ന്യായവുമായി ഡൽഹിയിലെ താജ് ഹോട്ടൽ; ആ പരിപാടി ഇനി മുതൽ നടപ്പില്ലെന്ന് സുപ്രീംകോടതി; 21 വർഷം മുമ്പത്തെ മോഷണക്കേസിൽ കാർ ഉടമയ്ക്ക് 2.8 ലക്ഷം രൂപ നഷ്ടപരിഹാരം നൽകാൻ ഉത്തരവ്; വാലറ്റ് പാർക്കിങ്ങിൽ താക്കോൽ കൈമാറിയാൽ വാഹനം പൊന്നുപോലെ നോക്കണം; ഉടമസ്ഥന്റെ തലയിൽ ഉത്തരവാദിത്തം കെട്ടിവച്ചൊഴിയാൻ നോക്കേണ്ടെന്നും മുന്നറിയിപ്പ്
എല്ലാവർക്കും സൗജന്യ ചികിത്സ; സ്വകാര്യ ആശുപത്രിയിലേക്ക് മാറ്റിയാലും മൂഴുവൻ പണവും സർക്കാർ കൊടുക്കും; ഒരു കുടുംബത്തിനു വേണ്ട വെള്ളവും വൈദ്യുതിയും ഫ്രീ; വനിതകൾക്ക് സൗജന്യ യാത്ര; ഹൈടെക്ക് ആയതോടെ സ്വകാര്യ സ്‌കൂളുകളിൽ നിന്ന് സർക്കാർ സ്‌കൂളുകളിലേക്ക് കുട്ടികളുടെ കുത്തൊഴുക്ക്; ഇത്രയേറെ സൗജന്യങ്ങൾ കൊടുത്തിട്ടും ഖജനാവിൽ പണം ബാക്കി; സാമ്പത്തിക അത്ഭുതമായി ഡൽഹിയിലെ കെജ്രിവാൾ സർക്കാർ; പിണറായിയും മോദിയും അറിയണം, ഇങ്ങനെയും ഒരു സർക്കാർ ഇന്ത്യയിൽ പ്രവർത്തിക്കുന്നുണ്ടെന്ന്!
നിയമോപദേശം തേടലിന് കാരണം 'കുമ്മനം രാജശേഖരൻ'; മിസോറാമിന്റെ മുൻ ഗവർണ്ണർ വികാരം ആളിക്കത്തിക്കുമെന്ന സ്‌പെഷ്യൽ ബ്രാഞ്ച് റിപ്പോർട്ട് നിർണ്ണായകമായി; നിലയ്ക്കൽ സമര നായകനോടുള്ള കളി സുരേന്ദ്രനെ തൊട്ടതു പോലെയാകില്ലെന്ന വിലയിരുത്തലും സ്വാധീനിച്ചു; നവോത്ഥാനത്തെ പിണറായി സർക്കാർ തള്ളിപ്പറയാൻ കാരണം നേതൃത്വം ഏറ്റെടുക്കാൻ ആളുണ്ടെന്ന ഭയം; തീർത്ഥാടനം സുഗമമാക്കാൻ സർക്കാർ മുന്നിട്ടിറങ്ങുന്നതിന്റെ പിന്നാമ്പുറ സംസാരത്തിൽ നിറയുന്നത് കുമ്മനം ഇഫക്ട്
അടുത്താൽ പിരിയാൻ കഴിയാത്ത ഒരുതരം മാസ്മരികത ജോളിയിലുണ്ട്; ഭാര്യാ-ഭർത്താക്കന്മാരെ പോലെയാണ് കഴിഞ്ഞതെങ്കിലും എല്ലാം രഹസ്യമായായിരുന്നു; ദാമ്പത്യ വിഷയത്തിൽ ഭർത്താവ് പരാജയമെന്ന് പറഞ്ഞ് അവർ കൂടുതൽ കൂടുതൽ അടുത്തു; മഞ്ചാടിയിൽ മാത്യു തങ്ങളുടെ സ്വൈര്യവിഹാരത്തിന് എതിരു നിന്ന ആൾ; ഷാജുവിനെ കെട്ടിയിട്ടും ബന്ധം തുടർന്നു; ജോളിയിലെ വശ്യത മൂലം ഒന്നിനേയും എതിർക്കാൻ കഴിഞ്ഞതുമില്ല; ജോളിയെ വെട്ടിലാക്കി അടുപ്പക്കാരൻ ഷാജിയുടെ മൊഴിയും
സുദർശൻ പത്മനാഭനെ അറസ്റ്റ് ചെയ്യണമെന്ന് തമിഴ്‌നാടിനോട് ആവശ്യപ്പെട്ട് കേരളം; വർഗ്ഗീയ വിദ്വേഷം വിതറി മിടുമിടുക്കിയെ കൊന്നയാൾ മിസോറാമിലേക്ക് മുങ്ങി; എല്ലാം വഴികളിലും സഞ്ചരിച്ച് ആത്മഹത്യാ കുറിപ്പിൽ പറയുന്ന അദ്ധ്യാപകനെ തുറുങ്കിൽ അടപ്പിക്കുമെന്ന് അച്ഛനും; ആത്മഹത്യ ചെയ്യും മുൻപ് ആത്മഹത്യാ കുറിപ്പ് എന്റെ കയ്യിൽ സുരക്ഷിതമായി എത്തിക്കാനുള്ള ഒരുക്കങ്ങൾ മകൾ ചെയ്തിരുന്നുവെന്നും ലത്തീഫ് മറുനാടനോട്; ഫാത്തിമ ലത്തീഫിന്റെ കഥ കേട്ട് ഞെട്ടി മലയാളികൾ
വെള്ളയിൽ ചുവപ്പ് മിന്നുന്ന ലഹങ്കയിൽ നവവധുവായി ശ്രീലക്ഷ്മി; കോട്ടിലും സ്യൂട്ടിലും അതീവസുന്ദരനായി വരൻ; ജഗതി ശ്രീകുമാറിന്റെ മകൾ ശ്രീലക്ഷ്മിയുടെ വിവാഹം ബോൾഗാട്ടി ഇന്റർനാഷണൽ കൺവെൻഷൻ സെന്ററിൽ അത്യാഡംബര പൂർവം നടന്നു; വരൻ കൊല്ലം സ്വദേശിയും പൈലറ്റുമായി ജിജിൻ ജഹാംഗീർ; വിവാഹം നടന്നത് പരമ്പരാഗത മുസ്ലിം ആചാരരീതിയിൽ; താരപുത്രിക്ക് ആശംസ നേർന്ന് സോഷ്യൽ മീഡിയയും
നാടകത്തിൽ തുടങ്ങി മിനിസ്‌ക്രീനിൽ അരങ്ങേറ്റം കുറിച്ച ശ്രീകുമാറിനെ ജനപ്രിയനാക്കിയത് മറിമായത്തിലെ ലോലിതൻ; നർത്തകിയായ സ്‌നേഹക്ക് മറിമായത്തിലൂടെ ലഭിച്ചത് കൈനിറയെ അവസരങ്ങളും; മഴവിൽ മനോരമയിലെ മറിമായം പരമ്പരയിലെ പ്രിയജോഡികളായ ലോലിതനും മണ്ഡോദരിയും ഇനി ജീവിതത്തിലും ദമ്പതിമാരാകുന്നു; ശ്രീകുമാറിന്റേയും സ്‌നേഹയുടേയും വിവാഹം ഡിസംബർ 11ന് തൃപ്പുണ്ണിത്തുറയിൽ; താരജോഡികൾക്ക് ആശംസകൾ നേർന്ന് സോഷ്യൽ മീഡിയയും
തിളച്ച എണ്ണയിൽ മുക്കി കൈ പൊള്ളിച്ചു; കെട്ടിയിട്ട ശേഷം യാതൊരു ദയയുമില്ലാത്ത ക്രൂര ലൈംഗികപീഡനം; 15 ദിവസമായി ഭക്ഷണം പോലും ഇല്ല: സൗദി അറേബ്യയിൽ ജോലിക്കെത്തിയ ബംഗ്ലാദേശി യുവതി അനുഭവിക്കുന്നത് സമാനതകളില്ലാത്ത കൊടിയ പീഡനം: തൊഴിലുടമയറിയാതെ കണ്ണീരോടെ ഫേസ്‌ബുക്ക് ലൈവിലെത്തി രക്ഷിക്കണമെന്ന് ആവശ്യപ്പെട്ട് 25കാരി
ഡേറ്റിങ് ഫേസ്‌ബുക്ക് ഗ്രൂപ്പിൽ അംഗമായ യുവാവ് നോട്ടമിട്ടത് അതിസുന്ദരിയായ യുവതിയെ; മുപ്പതിനായിരം രൂപയ്ക്ക് സമ്മതിച്ച് പെൺകുട്ടി എത്തിയപ്പോൾ അതിനുള്ള മൊഞ്ചില്ലെന്ന് യുവാവും; എന്നാൽ വീട്ടമ്മയെ മുട്ടിച്ചുതരാമെന്ന് പെൺകുട്ടി; സംഗമത്തിന് മുമ്പുള്ള സംഭാഷണം ലീക്കായതോടെ പണി പാളി; പെൺകുട്ടിയുടെ ക്ഷണം സ്വീകരിച്ച് കാമാർത്തനായി എത്തിയ യുവാവിനെ ഹോട്ടലിൽ കാത്തു നിന്നത് ഗുണ്ടകൾ; ആലപ്പുഴക്കാരന്റെ പരാതിയിൽ പിടിയിലായത് മൂന്നു പേർ; കൊച്ചിയിലെ ഓൺലൈൻ പെൺവാണിഭ സംഘത്തെ പൂട്ടാൻ പൊലീസ്
എല്ലാവർക്കും സൗജന്യ ചികിത്സ; സ്വകാര്യ ആശുപത്രിയിലേക്ക് മാറ്റിയാലും മൂഴുവൻ പണവും സർക്കാർ കൊടുക്കും; ഒരു കുടുംബത്തിനു വേണ്ട വെള്ളവും വൈദ്യുതിയും ഫ്രീ; വനിതകൾക്ക് സൗജന്യ യാത്ര; ഹൈടെക്ക് ആയതോടെ സ്വകാര്യ സ്‌കൂളുകളിൽ നിന്ന് സർക്കാർ സ്‌കൂളുകളിലേക്ക് കുട്ടികളുടെ കുത്തൊഴുക്ക്; ഇത്രയേറെ സൗജന്യങ്ങൾ കൊടുത്തിട്ടും ഖജനാവിൽ പണം ബാക്കി; സാമ്പത്തിക അത്ഭുതമായി ഡൽഹിയിലെ കെജ്രിവാൾ സർക്കാർ; പിണറായിയും മോദിയും അറിയണം, ഇങ്ങനെയും ഒരു സർക്കാർ ഇന്ത്യയിൽ പ്രവർത്തിക്കുന്നുണ്ടെന്ന്!
യോനിയിൽ കമ്പ് കുത്തി കയറ്റിയ നിലയിലുള്ള ആ ചെറിയ കുട്ടിയുടെ മൃതദേഹത്തിന്റെ പോസ്റ്റ്മോർട്ടം കണ്ടുനിൽക്കാൻ പോലും കഴിയില്ലായിരുന്നു; പക്ഷേ ഡോക്ടർക്ക് കർത്തവ്യം നിറവേറ്റിയേ പറ്റൂ; ആ പഴയ ഓർമ്മകളെല്ലാം വീണ്ടും വന്ന ദിവസമാണിന്ന്; കുറ്റം തെളിയിക്കാൻ സാധിക്കാത്തത് സ്റ്റേറ്റിന്റെ പരാജയമാണ്; വാളയാർ സംഭവങ്ങളുടെ പശ്ചാത്തലത്തിൽ ഡോ.ജിനേഷ് പിഎസ് എഴുതുന്നു
ഗർഭിണിയായ ജോമോൾ ജോസഫിന്റെ വയറിന് ചവിട്ടിയും തലയ്ക്ക് കമ്പിവടി കൊണ്ട് അടിച്ചും ആക്രമണം; ഗേറ്റ് പൂട്ടി ആശുപത്രിയിൽ കൊണ്ടുപോകുന്നത് തടയാനും ഗൂണ്ടകൾ; ആക്രമണം ഫറോഖ് കോളേജിനടുത്തുള്ള ട്രാൻസ്‌മെൻ കിരൺ വൈലശ്ശേരിയുടെ വീട് സന്ദർശിച്ചപ്പോൾ; ആക്രമണം അഴിച്ചുവിട്ടത് കിരണിന്റെ സഹോദരൻ വി. ജയരാജനടക്കം മുപ്പതോളം പേർ ചേർന്ന്; ജോമോൾ മെഡിക്കൽ കോളേജ് ഐസിയുവിൽ
ജയറാമിന്റെ മകൾ അമ്മ പാർവ്വതിക്കൊപ്പം കല്ല്യാണത്തിന് പോയപ്പോൾ പാവടയും ഉടുപ്പും ഒക്കെ ധരിക്കാൻ മറന്നു പോയതാണോ? പാർവ്വതിക്കൊപ്പം ഇരിക്കുന്ന ചിത്രം ഇൻസ്റ്റാഗ്രാമിൽ പങ്കു വച്ച മാളിവകയ്‌ക്കെതിരെ കടുത്ത സൈബർ ആക്രമണം; സദാചാരവാദികളെ ചൊടിപ്പിച്ചത് കാലിന്മേൽ കാലെടുത്ത് വച്ചിരിക്കുന്ന ഫോട്ടോയിൽ വസ്ത്രം ഒട്ടും കാണാനാവാത്തത്; സാരിയിൽ സുന്ദരിയായി ഇരിക്കുന്ന പാർവ്വതിയെ ചൂണ്ടികാട്ടി അമ്മയെ കണ്ടു പഠിക്കൂവെന്ന് ഉപദേശിച്ച് സോഷ്യൽ മീഡിയ
അമ്മയുടെ മരണവിവരം അറിയിക്കാൻ വിളിച്ചപ്പോൾ ദിലീപ് തെറി വിളിച്ചതോടെ തുടങ്ങിയ വൈരാഗ്യം! നടിയെ ആക്രമിച്ച കേസിൽ കാവ്യാ മാധവൻ ചർച്ചയാക്കിയത് ഈ സൗഹൃദം; കിട്ടാനുള്ള 60 ലക്ഷത്തിന് പുഷിന് ലേഡി സൂപ്പർ സ്റ്റാർ വക്കീൽ നോട്ടീസ് അയച്ചതോടെ കൂട്ടുകാരും രണ്ട് വഴിക്ക്; ഒടി വിദ്യയിലെ ഗൾഫിലെ പ്രമോഷനിടെയും സംവിധായകനും നടിയും തമ്മിലുടക്കി; 'കല്യാണിലെ' സൗഹൃദം അവസാനിക്കുന്നത് ബെഹ്‌റയ്ക്ക് മുമ്പിൽ; ദിലീപിന്റെ കുടുംബ കഥയിലെ വില്ലൻ പുഷ് ശ്രീകുമാറിന് മഞ്ജു വാര്യർ 'ചെക്ക്' പറയുമ്പോൾ
നിയമോപദേശം തേടലിന് കാരണം 'കുമ്മനം രാജശേഖരൻ'; മിസോറാമിന്റെ മുൻ ഗവർണ്ണർ വികാരം ആളിക്കത്തിക്കുമെന്ന സ്‌പെഷ്യൽ ബ്രാഞ്ച് റിപ്പോർട്ട് നിർണ്ണായകമായി; നിലയ്ക്കൽ സമര നായകനോടുള്ള കളി സുരേന്ദ്രനെ തൊട്ടതു പോലെയാകില്ലെന്ന വിലയിരുത്തലും സ്വാധീനിച്ചു; നവോത്ഥാനത്തെ പിണറായി സർക്കാർ തള്ളിപ്പറയാൻ കാരണം നേതൃത്വം ഏറ്റെടുക്കാൻ ആളുണ്ടെന്ന ഭയം; തീർത്ഥാടനം സുഗമമാക്കാൻ സർക്കാർ മുന്നിട്ടിറങ്ങുന്നതിന്റെ പിന്നാമ്പുറ സംസാരത്തിൽ നിറയുന്നത് കുമ്മനം ഇഫക്ട്
അടുത്താൽ പിരിയാൻ കഴിയാത്ത ഒരുതരം മാസ്മരികത ജോളിയിലുണ്ട്; ഭാര്യാ-ഭർത്താക്കന്മാരെ പോലെയാണ് കഴിഞ്ഞതെങ്കിലും എല്ലാം രഹസ്യമായായിരുന്നു; ദാമ്പത്യ വിഷയത്തിൽ ഭർത്താവ് പരാജയമെന്ന് പറഞ്ഞ് അവർ കൂടുതൽ കൂടുതൽ അടുത്തു; മഞ്ചാടിയിൽ മാത്യു തങ്ങളുടെ സ്വൈര്യവിഹാരത്തിന് എതിരു നിന്ന ആൾ; ഷാജുവിനെ കെട്ടിയിട്ടും ബന്ധം തുടർന്നു; ജോളിയിലെ വശ്യത മൂലം ഒന്നിനേയും എതിർക്കാൻ കഴിഞ്ഞതുമില്ല; ജോളിയെ വെട്ടിലാക്കി അടുപ്പക്കാരൻ ഷാജിയുടെ മൊഴിയും
സുദർശൻ പത്മനാഭനെ അറസ്റ്റ് ചെയ്യണമെന്ന് തമിഴ്‌നാടിനോട് ആവശ്യപ്പെട്ട് കേരളം; വർഗ്ഗീയ വിദ്വേഷം വിതറി മിടുമിടുക്കിയെ കൊന്നയാൾ മിസോറാമിലേക്ക് മുങ്ങി; എല്ലാം വഴികളിലും സഞ്ചരിച്ച് ആത്മഹത്യാ കുറിപ്പിൽ പറയുന്ന അദ്ധ്യാപകനെ തുറുങ്കിൽ അടപ്പിക്കുമെന്ന് അച്ഛനും; ആത്മഹത്യ ചെയ്യും മുൻപ് ആത്മഹത്യാ കുറിപ്പ് എന്റെ കയ്യിൽ സുരക്ഷിതമായി എത്തിക്കാനുള്ള ഒരുക്കങ്ങൾ മകൾ ചെയ്തിരുന്നുവെന്നും ലത്തീഫ് മറുനാടനോട്; ഫാത്തിമ ലത്തീഫിന്റെ കഥ കേട്ട് ഞെട്ടി മലയാളികൾ