1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

Mar / 2019
21
Thursday

മൊബൈൽഫോൺ: മാധ്യമവും ജീവിതവും

December 01, 2018 | 09:54 PM IST | Permalink



മൊബൈൽഫോൺ: മാധ്യമവും ജീവിതവും

ഷാജി ജേക്കബ്‌

'I cannot recall a single good point in connection with machinery' - M.K. Gandhi

'Mobile communication is not about mobility, but about autonomy' - Manuel Castells

ഹാത്മാഗാന്ധിയുടെ മരണത്തിനു കൃത്യം കാൽനൂറ്റാണ്ടിനുശേഷം 1973-ലാണ് മോട്ടോറോള കമ്പനിയിലെ കമ്യൂണിക്കേഷൻ എഞ്ചിനീയറായിരുന്ന മാർട്ടിൻ കൂപ്പർ മൊബൈൽഫോൺ കണ്ടുപിടിക്കുന്നത്. അതിന്റെ ആയുസ്സിലും ആദ്യകാൽനൂറ്റാണ്ടുകാലം അത്ര വലിയ വിപ്ലവമായി ആരും കരുതിയിരുന്നില്ല. പക്ഷെ പിന്നീടുള്ള രണ്ടുപതിറ്റാണ്ടുകൊണ്ട് മനുഷ്യചരിത്രത്തിലെ ഏറ്റവും ജനപ്രിയവും വിസ്മയകരവുമായ സാങ്കേതികതയും മാധ്യമവും സംസ്‌കാരവുമായി മാറിക്കഴിഞ്ഞിരിക്കുന്നു, മൊബൈൽഫോൺ. അതിന്റെ സൃഷ്ടിക്കും കൃത്യം കാൽ നൂറ്റാണ്ടിനുശേഷം 1998-ലാണ് കാസ്റ്റൽസ് തന്റെ വിഖ്യാതമായ നിരീക്ഷണം നടത്തുന്നത്. ഇരുപതാം നൂറ്റാണ്ടിൽ സിനിമയും റേഡിയോയും ടെലിവിഷനും നേടിയതിനെക്കാൾ ജനകീയതയും കാസ്റ്റൽസ് പറഞ്ഞതുപോലെ മനുഷ്യരുടെ സ്വാശ്രിതത്വത്തിന്റെ പരമപദവിയും നേടി, പുതിയ നൂറ്റാണ്ടിൽ മൊബൈൽഫോൺ. 1960-കളിൽ മാർഷൽ മക്‌ലൂഹൻ ടെലിവിഷനെ മുൻനിർത്തി നടത്തിയ ഏറ്റവും പ്രസിദ്ധമായ നിരീക്ഷണങ്ങളിലൊന്ന് 'മാധ്യമംതന്നെയാണ് അതു നൽകുന്ന ഒന്നാമത്തെ സന്ദേശം' എന്നതായിരുന്നല്ലോ. മാധ്യമങ്ങളുടെ സാങ്കേതികതയും രൂപപരതയും അവയുടെ ഉള്ളടക്കത്തെക്കാൾ പ്രധാനമാകുന്നതിനെക്കുറിച്ചായിരുന്നു മക്‌ലൂഹന്റെ നിരീക്ഷണം. അതിനദ്ദേഹത്തെ പ്രേരിപ്പിച്ച പല ഘടകങ്ങളിലൊന്ന്, ടെലിവിഷൻ അതിനു മുൻപുള്ള മുഴുവൻ മാധ്യമസാങ്കേതികതകളെയും അതിൽ ഉൾക്കൊണ്ടിരുന്നുവെന്നതാണ്. നാലുപതിറ്റാണ്ടിനുള്ളിൽ മൊബൈൽഫോൺ ടെലിവിഷനെയും മറികടന്ന് മേല്പറഞ്ഞ തത്വത്തെ കൂടുതൽ സാർഥകമായി സാക്ഷാത്കരിക്കുന്ന അവസ്ഥ രൂപം കൊണ്ടു. പല 'തലമുറ' സാങ്കേതികതകൾ (1G, 2G, 3G, 4G) മൊബൈൽഫോണിനെ കംപ്യൂട്ടർ-ഇന്റർനെറ്റ് സാങ്കേതികതയുടെ ഏറ്റവും മികച്ച വാഹകവും (മാധ്യമം) സൂചകവും (സംസ്‌കാരം) ആക്കി മാറ്റി.

ശൃംഖലാസമൂഹ(Network society)-ത്തിലെ മാധ്യമങ്ങളെക്കുറിച്ച് കാസ്റ്റൽസ് നടത്തിയ നിരീക്ഷണം ഡിജിറ്റൽ സാങ്കേതികതയുടെ അപാരമായ സാധ്യതകളിലായിരുന്നു ഊന്നിയത്. കാസ്റ്റൽസും ബാരിവെൽമാനും ചൂണ്ടിക്കാണിച്ച ശൃംഖലിതവ്യക്തിത്വം (Networked individualism) എന്ന അവസ്ഥയിലേക്കാണ് മൊബൈൽഫോൺ വഴിതുറന്നത്. നരവംശശാസ്ത്രകാരന്മാർ മൊബൈൽഫോണിനു കൈവരുന്ന രണ്ട് വലിയ പ്രകൃതങ്ങളിലൂന്നി ഈ ചർച്ച മുന്നോട്ടുകൊണ്ടുപോകുകയും ചെയ്തു. ഗാർഹികത (Domestication), പ്രകടനത്വം (performativity) എന്നിവയാണ് ആ പ്രകൃതങ്ങൾ. സെൽഫോൺ സാധ്യമാക്കുന്ന 'Autonomy'യുടെ അടിത്തറയും ഈ പ്രകൃതങ്ങൾ തന്നെ. (കാണുക: Cellphone Nation- Robin Jeffrey, Assa Doron).

യന്ത്രനാഗരികതക്കെതിരെ നിലപാടെടുത്ത ഗാന്ധിയുടെ അവസാനകാലത്തുപോലും ആകെ ഒരു ലക്ഷം ടെലഫോൺ കണക്ഷനുകളാണ് ഇന്ത്യയിലുണ്ടായിരുന്നത്. പ്രതിവർഷം ശരാശരി ഒരു ലക്ഷം വീതം വർധിച്ച് നാല്പത്തഞ്ചുവർഷം കൊണ്ട് അത് അൻപതുലക്ഷമായി. പക്ഷെ തൊട്ടടുത്ത ഒരു ദശകത്തിൽ ഫോൺകണക്ഷനുകളുടെ എണ്ണം മൂന്നുകോടിയായി വളർന്നു. അത് രാജീവ്ഗാന്ധി-സാം പിത്രോഡയുഗം എന്നറിയപ്പെടുന്നു. പിന്നീടാണ് ഇന്ത്യയിൽ മൊബൈൽഫോൺവിപ്ലവം നടക്കുന്നത്. അതു ചരിത്രമാണ്. 2011 ആകുമ്പോഴേക്കും ഇന്ത്യയിൽ ഫോൺകണക്ഷനുകളുടെ എണ്ണം തൊണ്ണൂറുകോടിയായി. ഒറ്റപതിറ്റാണ്ടിൽ നടന്ന മൊബൈൽഫോൺവിപ്ലവമായിരുന്നു അത്. പിന്നീടുള്ള ഏഴുവർഷങ്ങളിലും ഈ ഫോൺ സാന്ദ്രത കൂടിക്കൊണ്ടേയിരുന്നു. ഇന്ത്യൻജനതയുടെ സമസ്ത ജീവിതമണ്ഡലങ്ങളിലും ഇന്ത്യൻ സമ്പദ്ഘടനയിലും രാഷ്ട്രീയ ഭരണകൂടതലങ്ങളിലും ഇത്രമേൽ പ്രഭാവം ചെലുത്തിയ മറ്റൊരു മേഖലയില്ലതന്നെ.

ഈയൊരു മാധ്യമ-സാങ്കേതിക-സാംസ്‌കാരിക വിപ്ലവത്തിന്റെ പൊതുപശ്ചാത്തലങ്ങളും പ്രവണതകളും വിശദീകരിക്കുന്ന മലയാളത്തിലെ ആദ്യ അക്കാദമികപഠനമെന്ന നിലയിൽ ശ്രദ്ധേയമാണ് ബിനു സചിവോത്തമപുരത്തിന്റെ 'മൊബൈൽഫോൺ: സംസ്‌കാരനിർമ്മിതിയുടെ നവമാധ്യമം' എന്ന പുസ്തകം.

വിവരസാങ്കേതികയുഗം, സൈബർസംസ്‌കാരം എന്നിവയെ വിശദീകരിക്കുന്ന ഓരോ ലേഖനം, നവമാധ്യമം എന്ന നിലയിൽ മൊബൈൽഫോണിനെ കേന്ദ്രീകരിക്കുന്ന നാലു ലേഖനങ്ങൾ, നവമാധ്യമങ്ങളിലെ ഭാഷാസംസ്‌കാരത്തെ മുൻനിർത്തിയുള്ള രണ്ടു ലേഖനങ്ങൾ എന്നിങ്ങനെ ഒട്ടാകെ എട്ടു ലേഖനങ്ങളാണ് ഈ പുസ്തകത്തിലുള്ളത്. (എട്ടധ്യായങ്ങളുള്ള ഒരു പുസ്തകം എന്നതിനെക്കാൾ എട്ടു ലേഖനങ്ങളുടെ സമാഹാരമായി ഇതിനെ കാണുകയാണ് ഉചിതം. സങ്കല്പനപരമോ ചരിത്രപരമോ രീതിശാസ്ത്രപരമോ ആയി ഈയൊരു ക്രമം പാലിച്ചുകൊണ്ടൊന്നുമല്ല പുസ്തകം ക്രമപ്പെടുത്തിയിട്ടുള്ളതെന്നതിനാൽ ഏതു ലേഖനത്തിലും ഏതു വിഷയവും കടന്നുവരാം.)

'മൊബൈൽഫോൺ: ചരിത്രവും വർത്തമാനവും' എന്നതാണ് ആദ്യലേഖനം. ടെലഫോൺ എന്ന സാങ്കേതികമാധ്യമത്തിന്റെ ചരിത്രം വിശദീകരിച്ചുകൊണ്ട് വിവിധ സ്ഥാപനങ്ങൾ മൊബൈൽഫോൺ വികസിപ്പിച്ചെടുത്ത സാഹചര്യം ചൂണ്ടിക്കാണിക്കുന്നു, ബിനു. തുടർന്ന്, 1990-കളിൽ വികസിതരാജ്യങ്ങളിലും പുതിയ നൂറ്റാണ്ടിൽ വികസ്വരരാജ്യങ്ങളിലും സംഭവിച്ച സെൽഫോൺവിപ്ലവത്തിന്റെ അടിസ്ഥാന വസ്തുതകൾ വിവരിക്കുന്നു. '1973-ൽ കണ്ടുപിടിക്കപ്പെട്ട മൊബൈൽ ഫോൺ പൊതുജനങ്ങൾക്ക് തങ്ങളുടെ സ്വകാര്യ ആവശ്യങ്ങൾക്ക് ഉപയോഗിക്കാനാവുന്ന വിധത്തിൽ യൂറോപ്പിൽ പ്രചാരത്തിലായത് 1990-കൾക്കുശേഷമാണ്. ഏഷ്യൻ, ആഫ്രിക്കൻ ഭൂഖണ്ഡങ്ങളിലും മറ്റ് വികസ്വരരാജ്യങ്ങളിലും 2000-ത്തിനുശേഷമാണിത് പ്രചാരത്തിലായത്. പിന്നീട് ഇതിന്റെ വളർച്ച അതിവേഗത്തിലായിരുന്നു. ഇന്റർനാഷണൽ ടെലികമ്മ്യൂണിക്കേഷൻസ് യൂണിയന്റെ (International Telecommunication Union) ലഭ്യമായതിൽ ഏറ്റവും പുതിയ കണക്കനുസരിച്ച് 2015-മാണ്ട് പൂർത്തിയായപ്പോൾ ലോകത്ത് 7,216 മില്യൺ മൊബൈൽ ഫോൺ കണക്ഷനുണ്ട്. 2016 പൂർത്തിയാകുമ്പോഴിത് 7,377 മില്യൺ ആകുമെന്ന് പ്രതീക്ഷിക്കുന്നു. ജനസംഖ്യാനുപാതികമായി 98.62% പേർ ഇതുപയോഗിക്കുന്നു. 2015-മാണ്ട് പൂർത്തിയായപ്പോൾ വികസിതരാജ്യങ്ങളിൽ 1,577 മില്യൺ, വികസ്വര രാജ്യങ്ങളിൽ 5,638 മില്യൺ മൊബൈൽ ഫോൺ വരിക്കാരുണ്ട്. 2016-ൽ ഇത് യഥാക്രമം 1,600 മില്യൺ, 5,777 മില്യൺ ആകുമെന്ന് പ്രതീക്ഷിക്കുന്നു. വരിക്കാരുടെ എണ്ണത്തിൽ വികസ്വരരാജ്യങ്ങളിലെ വൻ വർധനവിനു കാരണം ഇവിടുത്തെ ജനസംഖ്യാവർധനവാണ്. എന്നാൽ ആളോഹരിശതമാനത്തിൽ വികസിത രാജ്യങ്ങളാണ് മുൻപന്തിയിൽ. വികസിത രാജ്യങ്ങളിലെ ആളോഹരി ശതമാനം 125.7% ആണെങ്കിൽ, വികസ്വര രാജ്യങ്ങളിലേത് 93.0% ആണ്. ആഗോള ശരാശരി 98.6% ആണ്. അടുത്ത 8 വർഷത്തിനുള്ളിൽ, അതായത് 2020-തിനുള്ളിൽ ഒരു ബില്യൺ വരിക്കാർകൂടി പുതുതായി ഉണ്ടാകുമെന്ന് പ്രതീക്ഷിക്കുന്നു. 1980-ൽ ലോകത്ത് 1.2 മില്യൺ മൊബൈൽ ഫോൺ വരിക്കാരേ ഉണ്ടായിരുന്നുള്ളൂ. 1990-ലിത് 12.5 മില്യണായി ഉയർന്നു. ലോകജനസംഖ്യയുടെ 0.25% മാത്രമായിരുന്നിത്. എന്നാൽ, 2002 ആയപ്പോഴേക്കും ലോകത്ത് 1.2 ബില്യൺ മൊബൈൽ ഫോൺ വരിക്കാരുണ്ടായി. ഇത് ലോകജനസംഖ്യയുടെ 19% ആണ്. 2000-ത്തിനുശേഷം മൊബൈൽ ഫോൺ വരിക്കാരുടെ എണ്ണത്തിൽ വൻവർധനവുണ്ടായി. സൂക്ഷ്മമായി പരിശോധിച്ചാൽ ഇന്ത്യ അടക്കമുള്ള മൂന്നാം ലോകരാജ്യങ്ങളിൽ 2005-നുശേഷമാണ് മൊബൈൽ ഫോൺ സമൂഹത്തിന്റെ താഴെത്തട്ടിൽവരെ വ്യാപകമായി പ്രചരിക്കാൻ തുടങ്ങിയതും മൊബൈൽ ഫോൺ വരിക്കാരുടെ എണ്ണത്തിൽ വൻ കുതിച്ചുചാട്ടമുണ്ടായതും'.

കേവലം ഒരു ആശയവിനിമയ ഉപകരണം മാത്രമായിരുന്നു ലാൻഡ്‌ഫോണെങ്കിൽ സെൽഫോൺ അങ്ങനെയല്ല. അതുതന്നെയാണ് ഈ മാധ്യമത്തിന്റെ സാംസ്‌കാരികപഠനങ്ങൾക്കുള്ള പ്രസക്തിയും. മനുഷ്യചരിത്രത്തിലെ ഏറ്റവും ജനപ്രിയമായ മാധ്യമ-സാങ്കേതിക-സംസ്‌കാരം എന്ന നിലയിൽ മൊബൈൽ ഫോണിനുള്ള അസാമാന്യമായ സാധ്യതകളുടെ ലോകത്തെക്കുറിച്ചുള്ള സൂചനകളാണ് ഈയധ്യായത്തിലുള്ളത്. എത്ര വലിയ ഒരു വ്യവസായ, തൊഴിൽ മേഖലയാണ് സെൽഫോണിന്റേത് എന്നു നോക്കുക:

'മൊബൈൽ ഫോൺ സാങ്കേതികവിദ്യ വൻവ്യവസായത്തിന്റെ ഭാഗമായാണ് നിലകൊള്ളുന്നത്. എന്നുമാത്രമല്ല മൊബൈൽ ഫോണിനെ കേന്ദ്രീകരിച്ച് അതിവേഗം വളരുന്ന സമ്പദ്ഘടനതന്നെ രൂപപ്പെട്ടിരിക്കുന്നു. മൊബൈൽ ഫോൺ, മൊബൈൽ ഫോൺ സാങ്കേതികത, അനുബന്ധ ഉപകരണങ്ങൾ, സോഫ്റ്റ്‌വെയറുകൾ, മൊബൈൽ സേവനങ്ങൾ തുടങ്ങി നിരവധി ഘടകങ്ങൾ ഉൾപ്പെടുന്നതാണ് മൊബൈൽ ഫോൺ വ്യവസായം. 2014-ൽ 3,007 ട്രില്യൺ (trillion) അമേരിക്കൻ ഡോളറിന്റെ സാമ്പത്തിക വിനിമയമാണ് ലോകരാജ്യങ്ങളിൽനിന്നായി ഈ മേഖലയിൽ നടന്നത്. ഇത് ആഗോള ജി.ഡി.പി.(Gross Domestic Product)യുടെ 3.8% വരും.

മൊബൈൽ ഫോൺ രംഗം വലിയൊരു തൊഴിൽദാതാവ് കൂടിയാണ്. കണക്കുകൾപ്രകാരം 2014-ൽ 12.8 മില്യൺ ജനങ്ങൾക്ക് നേരിട്ടും 11.8 മില്യൺ ജനങ്ങൾക്ക് അല്ലാതെയും ഈ മേഖലയുമായി ബന്ധപ്പെട്ട് തൊഴിൽ ലഭിച്ചു. 2014-ൽ ഈ രംഗത്ത് നേരിട്ടുണ്ടായ തൊഴിലവസരങ്ങളെ താഴെപ്പറയുന്ന വിധത്തിൽ വിഭജിക്കാം. അടിസ്ഥാന സൗകര്യം-0.4 മില്യൺ, മൊബൈൽ ഫോൺ പ്രവർത്തനം-3.1 മില്യൺ, ഹാൻഡ് സെററ് നിർമ്മാണം-0.9 മില്യൺ, വിതരണം-3.8 മില്യൺ, ആപ്പ്‌സ് സേവനങ്ങൾ-4.6 മില്യൺ, ഇത് കൂടാതെ പാർട്ട്‌ടൈം, സ്വയം തൊഴിൽ എന്നിങ്ങനെ 11.8 മില്യൺ ജനങ്ങൾക്ക് തൊഴിൽ ലഭിച്ചു. കണക്കുകൾ പരിശോധിച്ചാൽ മൊബൈൽരംഗത്തെ തൊഴിലവസരങ്ങളുടെ എണ്ണത്തിൽ ക്രമാനുഗതമായ വർധനവാണ് രേഖപ്പെടുത്തുന്നത്. 2008-7.45 മില്യൺ, 2009-7.88 മില്യൺ, 2010-8.23 മില്യൺ, 2011-8.4 മില്യൺ, 2012-8.81 മില്യൺ, 2013-9.44 മില്യൺ എന്നിങ്ങനെയാണ് തൊഴിലവസരങ്ങളുടെ ലഭ്യമായ കണക്കുകൾ. 2020-ൽ ഇത് 28.7 മില്യൺ ആകുമെന്നു പ്രതീക്ഷിക്കുന്നു. അതായത് അടുത്ത അഞ്ചുവർഷത്തിനുള്ളിൽ 4.1 മില്യൺ തൊഴിലവസരങ്ങൾ പുതുതായി ഈ മേഖലയിലുണ്ടാകുമെന്നാണ് പഠനങ്ങൾ ചൂണ്ടിക്കാണിക്കുന്നത് (Kearney, 2015). 3 ജി, 4 ജി സാങ്കേതികതകളുടെ വികാസത്തോടുകൂടി തൊഴിലവസരങ്ങളുടെ വളർച്ചാനിരക്ക് സമാനതകളില്ലാത്തവിധം വർധിക്കുന്നു. മൊബൈൽ ടെലികമ്മ്യൂണിക്കേഷൻ വ്യവസായം ഇന്ന് സാമൂഹിക-സാമ്പത്തിക പുരോഗതിയുടെയും വികാസത്തിന്റെയും മുഖ്യകണ്ണിയാണ്. സേവനമേഖലയിലധിഷ്ഠിതമായ സമ്പദ്‌വ്യവസ്ഥയിലിത് ഒഴിവാക്കാനാവാത്തതുമാണ്'.

രണ്ടാമധ്യായം, നവമാധ്യമങ്ങളുടെ പൊതുസ്വഭാവങ്ങളും അത്തരമൊരു മാധ്യമമെന്ന നിലയിൽ സെൽഫോണിനുള്ള സാധ്യതകളും വിശദീകരിക്കുന്നു. നിരവധി പഠനങ്ങളുദ്ധരിച്ചുകൊണ്ട് ബിനു നവമാധ്യമങ്ങളുടെ അടിസ്ഥാന ഘടന ഇങ്ങനെ സംഗ്രഹിക്കുന്നു:

'നവമാധ്യമങ്ങളുടെ ഏറ്റവും വലിയ സവിശേഷത അത് ഒരേസമയം വ്യക്ത്യന്തര (interpersonal) മാധ്യമവും ബഹുജനമാധ്യമവുമാണ് എന്നതാണ്. ബഹുജനമാധ്യമം എന്ന നിലയിൽ നവമാധ്യമങ്ങൾ പരമ്പരാഗത അനലോഗ് മാധ്യമങ്ങളുടെ പരിമിതികളെ ലഘൂകരിക്കുന്നു. മാധ്യമരംഗത്തെ കേന്ദ്രീകൃത അധികാരവും ബാഹ്യശക്തികളുടെ ഇടപെടലുകളും നിയന്ത്രണങ്ങളും പരിമിതപ്പെടുത്തി നവമാധ്യമങ്ങൾ അനുവാചകരു(audience)മായുള്ള ബന്ധത്തെ പുനഃക്രമീകരിക്കുന്നു. വിവരസാങ്കേതിക യുഗത്തിൽ നവമാധ്യമങ്ങൾ വളരെ സർഗാത്മകവും ചലനാത്മകവും വിജ്ഞാനപരവും ബുദ്ധിപരവും പരസ്പര സമ്പർക്കത്തിനുതകുന്ന ചർച്ചകളുടെയും സംവാദങ്ങളുടെയും സജീവപ്രതലം കൂടിയാണ്.

നവമാധ്യമങ്ങളുടെ ഗുണങ്ങളിൽ പ്രധാനപ്പെട്ടതായി മാത്യുറൈൻ (Mathurine) കണ്ടെത്തുന്നത് ഡിജിറ്റൽ സ്വഭാവം, പരസ്പരസമ്പർക്കം, വ്യക്തിപരത, സമന്വയം, ശൃംഖലാവൽക്കരണം തുടങ്ങിയവയാണ്. നാഗസ്വെറിന്റെയും (Nagasver) കൃഷ്ണസ്വാമിയുടെയും (Krishnaswamy) നിരീക്ഷണത്തിൽ നവമാധ്യമങ്ങളുടെ പ്രധാനപ്പെട്ട സ്വഭാവസവിശേഷതകൾ ശൃംഖലാവൽക്കരണം, സംഭരണശേഷി (dense), സംക്ഷിപ്തത, പരസ്പരസമ്പർക്കം, നിഷ്പക്ഷത തുടങ്ങിയവയാണ്. വിവിധ പഠിതാക്കൾ കണ്ടെത്തിയ നവമാധ്യമ സവിശേഷതകളിൽ പൊതുവായിട്ടുള്ളത് ഡിജിറ്റൽ സ്വഭാവം, പരസ്പര സമ്പർക്കം, അധിപാഠപരത, വ്യാപനം, പ്രതീതിപരത, ബഹുമാധ്യമം, നിർവഹണം, ശൃംഖലാവൽക്കരണം, സമന്വയം, നടപടിക്രമം, അരേഖീയം, ഉയർന്ന മധ്യസ്ഥത തുടങ്ങിയവയാണ്. ഇവയിൽ ഏറ്റവും പ്രസക്തമായ അഞ്ച് സവിശേഷതകൾ ഡിജിറ്റൽവൽക്കരണം, സമന്വയം, പരസ്പരസമ്പർക്കം, വ്യക്തിപരത, ശൃംഖലാവൽക്കരണം തുടങ്ങിയവയാണ്.

നവമാധ്യമങ്ങളുടെ അടിസ്ഥാനസ്വഭാവമാണ് അവയുടെ ഡിജിറ്റൽവൽക്കരണം. നവമാധ്യമങ്ങളിലൂടെയുള്ള വിവരങ്ങളുടെ നിർമ്മാണവും കൈമാറ്റവും ഡിജിറ്റൽ രൂപത്തിലാണ് നടക്കുന്നത്. മാധ്യമസമന്വയത്തിന്റെ ഫലമായി ബഹുമാധ്യമം എന്ന നിലയിലാണ് ഇന്ന് നവമാധ്യമങ്ങൾ പ്രസക്തമാകുന്നത്. ഇതിലൂടെ രൂപപ്പെടുത്തുന്ന സന്ദേശം വ്യക്തികേന്ദ്രീകൃതമോ, അങ്ങനെ തോന്നിപ്പിക്കുന്നതോ ആണ്. ഏത് തരത്തിലുള്ള സന്ദേശവും ജനങ്ങൾക്ക് തുല്യനിയന്ത്രണത്തോടെ എത്രപേർക്ക് വേണമെങ്കിലും അയയ്ക്കാം. ഓരോ ഉപയോക്താവിനും ഇത്തരം സന്ദേശങ്ങൾ പങ്കുവയ്ക്കാനും ആവശ്യമായ തിരുത്തലുകളും കൂട്ടിച്ചേർക്കലുകളും നടത്താനും ഇവ സ്വീകരിക്കുന്നതിന് നിയന്ത്രണം വരുത്താനും സാധിക്കും. ഉപയോക്താവിന് ഒരിക്കൽ മാത്രം ഒരു രൂപത്തിലുള്ള സന്ദേശം അയയ്ക്കുക എന്ന പരിമിതി ഇല്ലാതാകും. ഇതിന്റെ പകർപ്പുകൾ എപ്പോൾ വേണമെങ്കിലും എടുക്കാനും രൂപപരിണാമം വരുത്താനും സാധിക്കും. ബഹുജനമാധ്യമം എന്ന നിലയിൽ അതിന്റെ എല്ലാ ധർമ്മങ്ങളും നിറവേറ്റുമ്പോഴും അടിസ്ഥാനപരമായി നവമാധ്യമങ്ങൾ വ്യക്തിഗതമാധ്യമം കൂടിയാണ്. വ്യക്തിപരമായ ആശയവിനിമയവും വിവരകൈമാറ്റവും നവമാധ്യമങ്ങളുടെ മാത്രം സവിശേഷതയാണ്. ഇന്റർനെറ്റ്, മൊബൈൽ ഫോൺ നെറ്റ്‌വർക്കുകൾ ഇന്ന് ലോകം മുഴുവൻ വ്യാപിച്ചിരിക്കുന്നു. മാത്രമല്ല, അവ സദാസമയവും പ്രവർത്തനനിരതവുമാണ്'.

തുടർന്ന്, ആധുനിക, നവ മാധ്യമങ്ങളെ താരതമ്യം ചെയ്ത്, ആധുനികമാധ്യമങ്ങളിൽ നിന്നു ഭിന്നമായി മാധ്യമസമന്വയത്തിലൂടെ നവമാധ്യമങ്ങൾക്കു കൈവന്നിട്ടുള്ള വിപ്ലവപരമായ ആവിഷ്‌ക്കാര സാധ്യതകൾ വിവരിക്കുന്നു. 'ഏഴാമത്തെ ബഹുജനമാധ്യമം' (അച്ചടി, ശബ്ദലേഖനം, സിനിമ, റേഡിയോ, ടെലിവിഷൻ, ഇന്റർനെറ്റ് എന്നിവക്കുശേഷം) എന്നു വിശേഷിപ്പിക്കപ്പെടുന്ന മൊബൈൽഫോണിന്റെ സാങ്കേതിക, സാംസ്‌കാരിക സ്വരൂപങ്ങളെ ബിനു ഇങ്ങനെ സംഗ്രഹിക്കുന്നു:

'മാധ്യമപഠനരംഗത്ത് ആദ്യകാലങ്ങളിൽ പരമ്പരാഗത മാധ്യമങ്ങളുടെ ഉപമാധ്യമം എന്ന നിലയിലാണ് മൊബൈൽ ഫോണിനെ കരുതിയിരുന്നത്. എന്നാൽ, വർത്തമാനകാലത്ത് ബഹുജനമാധ്യമം, സമ്പൂർണമാധ്യമം എന്നീ നിലയിൽത്തന്നെ മൊബൈൽഫോണിനെ പഠനവിധേയമാക്കുന്നു. നവമാധ്യമങ്ങളുടെ തുടർച്ച എന്ന നിലയിലാണ് മൊബൈൽ ഫോൺ കടന്നുവരുന്നത്. 2 ജി, 3 ജി മൊബൈൽ സാങ്കേതികവിദ്യയുടെ കടന്നുവരവോടുകൂടി മൊബൈൽ ഫോണിന് ഇതര നവമാധ്യമങ്ങളെയും കംപ്യൂട്ടർ കേന്ദ്രീകൃത ഇന്റർനെറ്റിനെയും അപേക്ഷിച്ച് വ്യത്യസ്തവും വൈവിധ്യമാർന്ന ധർമങ്ങളും പ്രവൃത്തികളും ജനങ്ങളുടെ നിത്യജീവിതത്തിൽ ചെലുത്താൻ സാധിക്കും. പുതിയതും, ചെറുപ്പവും, വളരെ ശക്തിയേറിയതും വിശാലമായ പരിധിയുമുള്ള മാധ്യമമാണ് മൊബൈൽ ഫോൺ (Ahonen, 2008 August: 68). മൊബൈൽ ഫോണിന്റെ തനത് സവിശേഷതകൾ ഈ മാധ്യമത്തെ കൂടുതൽ ആകർഷകമാക്കുന്നു. ഇതുമായി ബന്ധപ്പെട്ട് ഡേവിഡ് ചെറൂയിയോട്ട് (David Cheruiyot) അഞ്ച് ഐകൾ (5I) എന്ന പേരിൽ ചില നിരീക്ഷണങ്ങൾ നടത്തുന്നു. അവ താഴെപ്പറയുന്നവയാണ്.

1. അടിയന്തരസ്വഭാവം (immediacy).

2. അന്തർദ്ദേശീയത അല്ലെങ്കിൽ സാർവത്രികത (internationality or ubiquity).

3. ഇതര മാധ്യമങ്ങളുമായുള്ള കൂടിച്ചേരൽ (integration (of media)).

4. സ്ഥലകാല നിബദ്ധതയിൽ നിന്നുള്ള സ്വതന്ത്രാസ്തിത്വം (independence of time and space).

5. പരസ്പരസമ്പർക്കം അല്ലെങ്കിൽ ഇടപെടൽശേഷി (interactivity) തുടങ്ങിയവയാണവ (2012:23).

മൊബൈൽ ഫോൺ ഉപയോഗം വ്യത്യസ്ത ലക്ഷ്യങ്ങളിലും സാംസ്‌കാരിക സന്ദർഭങ്ങളിലും വ്യത്യസ്തമായിരിക്കും. മാധ്യമം എന്ന നിലയിൽ മൊബൈൽ ഫോൺ വ്യക്തിപരം, സാമൂഹികം, ബഹുജനമാധ്യമം തുടങ്ങി വിവിധ അർഥതലങ്ങളെ ഉൾക്കൊള്ളുന്നു (Oksman, 2010: 3). സ്ഥാപനവൽക്കരിക്കപ്പെടാത്തതും പരിധി നിർണയിക്കപ്പെടാത്തതുമായ മാധ്യമമാണ് മൊബൈൽ ഫോൺ. സ്വതന്ത്രാസ്തിത്വമുള്ള നവമാധ്യമപ്രതലം, ബഹുമാധ്യമങ്ങളുടെ ഏറ്റവും മേന്മയുള്ള വാഹനം (vehicle of multimedia for excellence) എന്നും ഇതറിയപ്പെടുന്നു (Schanke, 2012 April: 5)'.

പിന്നീടുള്ളത്, ബഹുജനമാധ്യമം എന്ന നിലയിൽ വൻസ്വീകാര്യത കൈവരിക്കാൻ സെൽഫോണിനെ സഹായിച്ച എട്ടു സവിശേഷതകളുടെ വിശദമായ ചർച്ചയാണ്. വ്യക്തിഗതമാധ്യമമെന്ന നിലയിലുള്ള സാധ്യതകൾ, ബഹുജനമാധ്യമപരത, ഒപ്പം കൊണ്ടുനടക്കുന്ന മാധ്യമമെന്ന അവസ്ഥ, സാമ്പത്തികവിനിമയം നടത്താൻ കഴിയുന്ന മാധ്യമമെന്ന പദവി, സർഗാത്മകസാധ്യതകളുടെ മാധ്യമമെന്ന രീതി, ഉപഭോക്താക്കളെ തിരിച്ചറിയാൻ സഹായിക്കുന്ന മാധ്യമമെന്ന നില, അടിമുടി സാമൂഹികത മുറ്റിനിൽക്കുന്ന മാധ്യമമെന്ന സ്വഭാവം, പ്രതീതിയാഥാർഥ്യത്തിന്റെ എട്ടു സവിശേഷതകൾ. (ഇവയുടെ സ്രോതസ്സുകൾ വെളിപ്പെടുത്തുന്നില്ല, ഗ്രന്ഥകാരൻ എന്നതു ഖേദകരമാണ്).

മൂന്നാമധ്യായം, വിവരസാങ്കേതികയുഗം എന്ന സങ്കല്പനത്തെ പൊതുവിൽ പരിചയപ്പെടുത്തുന്നു. 1980-കളോടെ പാശ്ചാത്യസമൂഹങ്ങളിലും '90-കളോടെ ഇന്ത്യയുൾപ്പെടെയുള്ള വികസ്വരസമൂഹങ്ങളിലും നിലവിൽവന്ന ഇലക്‌ട്രോണിക് മാധ്യമകേന്ദ്രിതമായ സാങ്കേതികസംസ്‌കാരത്തിന്റെ വിളിപ്പേരാണല്ലോ ഇത്. ടെലികമ്മ്യൂണിക്കേഷൻ രംഗത്തുണ്ടായ വൻ കുതിപ്പുകളാണ് ഇതിനടിത്തറയിട്ടത്. കംപ്യൂട്ടർ എന്ന ഉപകരണം ഇന്റർനെറ്റ് എന്ന മാധ്യമവുമായിച്ചേർന്ന് സംസ്‌കാരത്തിന്റെ സമസ്തരംഗങ്ങളിലും സൃഷ്ടിച്ച മാറ്റങ്ങളാണ് ഇതിന്റെ സ്വരൂപം. 'ഡിജിറ്റൈസേഷൻ' ഈ മാറ്റങ്ങളുടെ ചുക്കാൻ പിടിച്ചു.

വിവരസാങ്കേതികവിദ്യ, മൊബൈൽഫോൺ രംഗത്തു സൃഷ്ടിച്ചിട്ടുള്ള മാറ്റങ്ങളുടെ ചർച്ചയാണ് തുടർന്ന്. സാമ്പത്തികരംഗം, തൊഴിൽരംഗം, ആശയവിനിമയരംഗം എന്നിവയിൽ മൊബൈൽ സാങ്കേതികവിദ്യ കൈവരിച്ച വിസ്മയങ്ങളുടെ വിശകലനം ഈ ഭാഗത്തുണ്ട്. വിവരസാങ്കേതികയുഗത്തിന്റെ രണ്ടാംഘട്ടമെന്ന നിലയിൽ 'സ്മാർട്ട്‌ഫോൺ' സംസ്‌കാരത്തെ വിശേഷിപ്പിച്ചുകൊണ്ട്. ലോകജനസംഖ്യയുടെ പകുതിയിലധികംപേർ പങ്കാളികളായിക്കഴിഞ്ഞ ഒരു ഇന്റർനെറ്റ് വിപ്ലവത്തിന്റെ കഥ പറയുന്നു, ബിനു.

നാലാമധ്യായം 'സൈബർസംസ്‌കാരം' എന്ന സങ്കല്പനത്തെക്കുറിച്ചാണ്. സെൽഫോൺ എങ്ങനെ ഈ സംസ്‌കാരത്തിന്റെ കേന്ദ്രരൂപകവും സൂചകവുമായി മാറി എന്നതിന്റെ വിവരണം ഇവിടെയുണ്ട്.

അഞ്ചാമധ്യായം നവമാധ്യമമെന്ന നിലയിൽ മൊബൈൽഫോൺ സമകാല ജീവിതസംസ്‌കാരത്തിൽ സൃഷ്ടിക്കുന്ന വഴിമാറ്റങ്ങളുടെ സൂചനകളവതരിപ്പിക്കുന്നു. സാങ്കേതികതയും സംസ്‌കാരവും തമ്മിലുള്ള ബന്ധം ചൂണ്ടിക്കാണിച്ചുകൊണ്ട് (ഇവിടെ പക്ഷെ റെയ്മണ്ട് വില്യംസിന്റെ വിഖ്യാതമായ പഠനവും മക്‌ലൂഹനു വില്യംസും തമ്മിൽ നടന്ന (നവവിമർശകരും മാർക്‌സിസ്റ്റുകളും തമ്മിൽ നടന്ന എന്നും പറയാം) സംവാദവുമൊന്നും ബിനു പരിഗണിക്കുന്നതേയില്ല) ഈ പുസ്തകത്തിലെ കേന്ദ്ര പ്രമേയം വിശദീകരിക്കപ്പെടുന്നത് ഇവിടെയാണ് (പുറം 115-134).

സ്ഥലകാലസങ്കല്പങ്ങളിൽ സംഭവിച്ച അട്ടിമറി, ശൃംഖലിതസമൂഹങ്ങളെന്ന നിലയിലേക്കുണ്ടാ മാറ്റങ്ങൾ, ആഗോളഗ്രാമമെന്ന യാഥാർഥ്യം, ജീവിതത്തിൽ സംഭവിച്ചുകഴിഞ്ഞ 'മൊബിലിറ്റി', യുവാക്കളിൽ ഈ മാധ്യമം സൃഷ്ടിച്ചിരിക്കുന്ന സവിശേഷമായ സ്വാധീനവും പ്രഭാവവും എന്നീ അഞ്ചു മേഖലകളിലുള്ള ഊന്നലാണ് ഈ പഠനത്തെ ശ്രദ്ധേയമാക്കുന്നത്. നിരവധി മാധ്യമ-സാങ്കേതിക പഠനങ്ങളുടെ പിൻബലം ഈ ഭാഗത്തെ നിരീക്ഷണങ്ങൾക്കുണ്ട്.

ആറാമധ്യായം, എസ്.എം.എസ്. എന്ന ആശയവിനിമയരീതിയെക്കുറിച്ചാണ്. മൊബൈൽഫോൺ അതിന്റെ രണ്ടാം ഘട്ടത്തിൽ സൃഷ്ടിച്ച ഏറ്റവും പ്രധാനപ്പെട്ട വിനിമയവിപ്ലവമായിരുന്നു എസ്.എം.എസ്. 1993-ൽ നിലവിൽവന്ന ഈ സങ്കേതം രണ്ടുപതിറ്റാണ്ടുകാലം സെൽഫോണിന്റെ ഏറ്റവും ജനകീയമായ ആശയ-വാർത്താ-വിനിമയസമ്പ്രദായമായിരുന്നു. വാട്‌സാപ്പ് ഇന്നിപ്പോൾ ഈ സങ്കേതത്തെ വൻതോതിൽ റദ്ദാക്കിയിട്ടുണ്ടെങ്കിലും 'Texting' എന്ന പേരിൽ പുതിയൊരു ഭാഷാ-ഭാഷണ-വിനിമയ സംസ്‌കാരത്തിനുതന്നെ രൂപം കൊടുത്തു, ഇത്.

ഈ പുസ്തകത്തിലെ ഏറ്റവും വിശദവും വിവരണാത്മകവുമായ പഠനലേഖനം ഇതാണ്. സാങ്കേതികവും സാമ്പത്തികവും സാമൂഹികവും മാധ്യമപരവും ഭാഷാപരവും സാംസ്‌കാരികവുമൊക്കെയായി എസ്.എം.എസിന്റെ വിശകലനം നിർവഹിക്കുന്നു, ബിനു. എങ്കിലും ഈ പഠഠനത്തിനുള്ള പരിമിതി, (ഈ പുസ്തകത്തിലെ മിക്ക ലേഖനങ്ങളുടെയും പരിമിതിയാണിത്) സ്വതന്ത്രമായ ഒരന്വേഷണ, ഗവേഷണ രീതിശാസ്ത്രം വികസിപ്പിക്കുന്നില്ല എന്നതാണ്. പാശ്ചാത്യപഠനങ്ങളെ ആശ്രയിച്ചുള്ള വിവിരശേഖരണവും അവലോകനവുമായി മാറുന്നതല്ലാതെ കേരളീയസന്ദർഭത്തിന്റെ ഏതെങ്കിലും തരത്തിലുള്ള വിശകലനം ഈ ലേഖനങ്ങളിൽ കടന്നുവരുന്നില്ല.

ഡേവിഡ് ക്രിസ്റ്റലിന്റെ 'Texting' എന്ന ഗ്രന്ഥത്തെ ആശ്രയിച്ചുകൊണ്ട് അദ്ദേഹം മുന്നോട്ടുവയ്ക്കുന്ന ഭാഷാ-ഭാഷണസംസ്‌കാരപഠനത്തിന്റെ അടിത്തറയിലാണ് 'നവമാധ്യമങ്ങളിലെ ഭാഷ'-യെന്ന വിഷയം തുടർന്നുള്ള ലേഖനത്തിൽ അവതരിപ്പിക്കപ്പെടുന്നത്. 'വ്യക്തിഗത-സാമൂഹിക മാധ്യമമായ ഇന്റർനെറ്റ് വളരെ കുറഞ്ഞ സമയംകൊണ്ടുതന്നെ വിവിധ തരത്തിലുള്ള ഭാഷാപ്രയോഗങ്ങളുടെ ചാലകമായി ലോകം മുഴുവൻ പ്രചരിച്ചു. വ്യത്യസ്തത, പ്രാദേശികത, ഭാഷാഭേദം, പശ്ചാത്തലം, ആവശ്യം, ഉദ്ദേശ്യശുദ്ധി, ഉപയോക്താക്കളുടെ മനോഭാവം തുടങ്ങി വൈവിധ്യമാർന്ന നിരവധി ഘടകങ്ങൾ ഇന്റർനെറ്റ് ഭാഷയെ സ്വാധീനിക്കുന്നു. ഓരോ വ്യക്തിയുടെയും സ്വഭാവവൈശിഷ്ട്യങ്ങൾ ഇന്റർനെറ്റ് ഭാഷയിൽ പ്രകടമാവുക സ്വാഭാവികമാണ്. അനൗദ്യോഗിക ഭാഷാപ്രയോഗങ്ങൾക്കാണ് മുഖ്യമായും ഇന്റർനെറ്റ് ഭാഷ ഉപയോഗിക്കുക. സാധാരണ സന്ദേശം (texting), ഐ.എം., സമൂഹ ശൃംഖലാസൈറ്റ്, ചാറ്റ്മുറി, ഓൺലൈൻ ഗെയിം, വീഡിയോ ഗെയിംസ്, അനൗപചാരിക ഇ-മെയിൽ, ഓൺലൈൻ കൂട്ടായ്മ തുടങ്ങിയ ഇടങ്ങളിലാണ് പ്രധാനമായും ഇന്റർനെററ് ഭാഷ ഉപയോഗിക്കുന്നത്. ഓൺലൈൻ സമൂഹത്തിന്റെ രൂപീകരണവും നിലനിൽപ്പുമാണ് ഇന്റർനെറ്റ് ഭാഷയുടെ അടിസ്ഥാന പ്രേരകശക്തി.

ഇന്റർനെറ്റ് ഭാഷയുടെ പ്രത്യേകത അത് സംഭാഷണഭാഷയുടെ രീതിയിൽ എഴുതുന്നു എന്നതാണ് (Baron, 2013 June 14:5). ഓൺലൈൻ വഴിയുള്ള ഭാഷാവിനിമയം ലിഖിത-ഭാഷണ രൂപങ്ങൾ ചേർന്ന സങ്കരഭാഷ സൃഷ്ടിക്കുന്നു. സന്ദേശം വായിക്കുമ്പോൾ പരസ്പരം സംസാരിക്കുന്ന പ്രതീതിയാണിത് ഉളവാക്കുന്നത് (Bodomo and Lee, 2001 July 4-8: 13). അതുകൊണ്ടാണ് ഡേവിഡ് ക്രിസ്റ്റൽ ഇന്റർനെറ്റ് ഭാഷയെ 'എഴുതപ്പെട്ട ഭാഷണം' (written speech) എന്നു വിശേഷിപ്പിക്കുന്നത് (2011:25) എസ്.എം.എസുകളെ അപേക്ഷിച്ച് നീളമുള്ള വാചകങ്ങൾ ഇന്റർനെറ്റിലൂടെ കൈമാറാമെങ്കിലും, ഇന്റർനെറ്റ് ഉപയോക്താക്കൾക്ക് സമയലാഭം, കൂടുതൽ സമയം കീബോർഡിൽ കൈവിരൽ അമർത്തുന്നത് ഒഴിവാക്കുക തുടങ്ങിയ സൗകര്യങ്ങൾ കാരണം ചുരുക്കെഴുത്തുകൾ നിറഞ്ഞ ഇന്റർനെറ്റ് ഭാഷയാണ് കൂടുതലായി ഉപയോഗിക്കുന്നത്. പരമ്പരാഗത ഇംഗ്ലീഷ് ഭാഷയുടെ മാനകനിയമങ്ങൾ അതേപടി പിൻതുടരുന്നില്ല എന്നത് ഇംഗ്ലീഷ് മാതൃഭാഷയല്ലാത്ത ജനങ്ങൾക്കിടയിൽ ഇന്റർനെറ്റ് ഭാഷ പ്രചരിക്കുന്നതിന്റെ മറ്റൊരു പ്രധാനപ്പെട്ട കാരണമാണ്. കീബോർഡ് ചിഹ്നങ്ങൾ, അക്കങ്ങൾ, അക്ഷരങ്ങൾ തുടങ്ങിയവയാണ് ഇന്റർനെറ്റ് ഭാഷയുടെ അടിസ്ഥാന ഘടകങ്ങൾ. ഇന്റർനെറ്റ് ഭാഷ എല്ലായിടത്തും ഒരുപോലെയുള്ള ഭാഷാവൈവിധ്യമല്ല, മറിച്ച് ജനങ്ങളുടെ സാമൂഹിക-സാംസ്‌കാരിക സാഹചര്യങ്ങൾക്കനുസരിച്ച് വ്യത്യാസപ്പെട്ടിരിക്കും'.

എസ്.എം.എസ്. ഭാഷയുടെ ശൈലിപരവും ഭാഷണപരവും ചിഹ്ന-ചിഹ്നനപരവും ദൃശ്യപരവുമൊക്കെയായ സവിശേഷതകൾ അപഗ്രഥിക്കുന്നു, തുടർന്ന്. (റഫറൻസ് പട്ടികയിൽ 'Texting' ഉൾപ്പെടുന്നുമില്ല!).

ഗ്ലോക്കലൈസേഷൻ (Glocalisation) എന്ന റൊളാങ് റോബർട്‌സൺ വികസിപ്പിച്ചെടുത്ത സങ്കല്പനം മുൻനിർത്തി മലയാള നവമാധ്യമങ്ങൾ ഇംഗ്ലീഷിനെ സ്വാംശീകരിക്കുന്നതിന്റെ തലങ്ങളന്വേഷിക്കുന്നു, അടുത്ത ലേഖനം. സാമ്പത്തികവും തൊഴിൽപരവും വിദ്യാഭ്യാസപരവും നരവംശശാസ്ത്രപരവും മറ്റും മറ്റുമായ നിരവധി സമകാല പ്രവണതകളുടെ ഭാഗമാണ് ആഗോളവൽക്കരണത്തിനു സമാന്തരമായി നടക്കുന്ന പ്രാദേശീകരണം. ഇംഗ്ലീഷിന്റെ നാനാതലങ്ങളിലുള്ള ആദാനശീലങ്ങൾ മലയാളത്തിൽ സൃഷ്ടിച്ചിട്ടുള്ള സങ്കരത്വത്തെയാണ് 'മംഗ്ലീഷ്' എന്ന പരിഹാസപ്പേരിട്ട് ടെലിവിഷൻ ചാനലുകളുടെ പ്രചാരകാലത്ത് മലയാളഭാഷാമൗലികവാദികൾ വിളിച്ചിരുന്നത്. മുഖ്യാമായും പദതലത്തിലെ കൂട്ടിച്ചേർക്കലുകളെയാണ് ഇതുകൊണ്ടുദ്ദേശിച്ചിരുന്നത്-ബിനു സൂചിപ്പിക്കുന്നതുപോലെ (പുറം 184) മലയാളപദങ്ങൾ ഇംഗ്ലീഷ് ലിപിയിലെഴുതുന്ന ലിപ്യന്തരണപ്രക്രിയയെയല്ല. ഭാഷാകംപ്യൂട്ടിംഗിനെ, ഭാഷാസാങ്കേതികവിദ്യയുടെ ഗ്ലോക്കലൈസേഷനായി കാണുന്നു, പിന്നീട്.

2013-14 കാലത്തു നടത്തിയ പഠനങ്ങളാണ് ഇവയെന്നു സൂചിപ്പിക്കുന്നുണ്ടെങ്കിലും മൊബൈൽഫോണിൽ അക്കാലത്തു ലഭ്യമായിരുന്നവയിൽ എസ്.എം.എസ്. എന്ന വിനിമയസങ്കേതത്തെ മാത്രമേ ഈ രചനകൾ അഭിസംബോധന ചെയ്യുന്നുള്ളു. അന്നുതന്നെ മൊബൈൽഫോണിൽ പ്രാധാന്യം നേടിത്തുടങ്ങിയിരുന്ന വാട്‌സാപ്പ്, ഫേസ്‌ബുക്ക്, ട്വിറ്റർ എന്നിവയൊന്നും ഈ പഠനങ്ങളിൽ സൂചിതമാകുന്നുപോലുമില്ല. 2017-ൽ പ്രസിദ്ധീകരിച്ച പുസ്തകമായിട്ടും അവയെക്കുറിച്ചൊരു പഠനം ഇതിലുൾപ്പെടുത്താൻ ശ്രമിച്ചിട്ടുമില്ല. സൈബർ പൊതുമണ്ഡലത്തിന്റെ നിർമ്മിതിയിൽ മൊബൈൽഫോൺ നിർമ്മിക്കുന്ന ധർമ്മങ്ങളും ആഗോളതലത്തിൽതന്നെ രാഷ്ട്രീയ-സാമൂഹിക-സാംസ്‌കാരിക മണ്ഡലങ്ങളിൽ സാമൂഹ്യമാധ്യമങ്ങൾ ചെലുത്തുന്ന സ്വാധീനവുമൊന്നും ഈ പഠനങ്ങളുടെ പരിധിയിൽ വരുന്നില്ല. 2013-ൽതന്നെ റോബിൻ ജഫ്രിയുൾപ്പെടെയുള്ളവർ നടത്തിയ ഇന്ത്യൻ സെൽഫോൺപഠനങ്ങളും ബിനു പരിഗണിക്കുന്നില്ല. മലയാളത്തിലുണ്ടായിട്ടുള്ള പഠനങ്ങളുടെ കാര്യവും അങ്ങനെതന്നെ.

'സംസ്‌കാരനിർമ്മിതി'യുടെ നവമാധ്യമമെന്ന നിലയിൽ സെൽഫോണിനെ സമീപിക്കുന്നതിന്റെ ആദ്യപടിയെന്ന നിലയിൽ ഈ പുസ്തകത്തിനു തീർച്ചയായും മലയാളത്തിൽ സാംഗത്യമുണ്ട്. ഇത്രയും വിപുലമായ പശ്ചാത്തലത്തിൽ സെൽഫോണിന്റെ ചരിത്ര, സാങ്കേതിക, വൈജ്ഞാനിക തലങ്ങൾ പരിചയപ്പെടുത്തുന്ന മറ്റൊരു പഠനം ഇവിടെയില്ല എന്നതുകൊണ്ടുതന്നെ ഭാവിപഠനങ്ങൾക്ക് ഒരടിത്തറയാകുന്നുണ്ട്, ഈ പുസ്തകം.

പുസ്തകത്തിൽനിന്ന്:-

'മൊബൈൽഫോൺസമൂഹത്തിന്റെ അടിസ്ഥാനസ്വഭാവം അതിന്റെ ശൃംഖലാവൽക്കരണമാണ്. ആഗോളസംസ്‌കാരം എന്ന ആശയത്തിന്റെ സാക്ഷാൽക്കാരം കൂടിയാണിത്. ആഗോളശൃംഖല എന്ന സങ്കൽപ്പത്തിന്റെ തുടർച്ചയാണ് ശൃംഖലാവൽക്കൃതസമൂഹത്തിന്റെ രൂപീകരണം. ഈ ആശയത്തിന്റെ വ്യത്യസ്ത രീതിയിലുള്ള പ്രയോഗരീതികൾക്കു നൂറ്റാണ്ടുകളുടെ പഴക്കമുണ്ട്. ചരിത്രപരമായി പരിശോധിച്ചുനോക്കിയാൽ ശൃംഖലകൾക്ക് സ്വകാര്യജീവിതത്തിലും സാമൂഹികജീവിതത്തിലും വളരെയധികം സ്വാധീനമുണ്ടായിരുന്നു. ഉൽപ്പാദനം, ശക്തി, യുദ്ധം, ദൈവാലയം, രാജ്യം തുടങ്ങി വ്യത്യസ്ത ലക്ഷ്യങ്ങളിൽ നിരവധി ശൃംഖലകൾ നിലനിന്നിരുന്നു. ഇവയെല്ലാം ഏതെങ്കിലുമൊരു കേന്ദ്രീകൃത അധികാരഘടനയുടെ ഭാഗമായിരുന്നു. ശൃംഖലയിലെ അംഗങ്ങൾക്ക് പരിമിതമായ സ്വാതന്ത്ര്യം മാത്രമാണുണ്ടായിരുന്നത്. നിയതമായ ചട്ടങ്ങളും മര്യാദകളും പാലിക്കാൻ എല്ലാവരും ബാധ്യസ്ഥരാണ്. എന്നാൽ, വിവരവിനിമയ സാങ്കേതികതകളുടെയും ഡിജിറ്റൽ ഉപകരണങ്ങളുടെയും ഭാഗമായി രൂപപ്പെടുന്ന ശൃംഖലകൾ ഇത്തരത്തിലുള്ള നിരവധി പരിമിതികളെ അതിജീവിക്കുന്നു. കേന്ദ്രീകൃത അധികാരഘടനയില്ലാത്ത മൊബൈൽ ഫോൺ - ഡിജിറ്റൽ ശൃംഖലകൾ വളരെ അയഞ്ഞതും സൗകര്യപ്രദവും സ്വീകാര്യതയും സ്വാതന്ത്ര്യവും സ്വയംനിർണയാവകാശമുള്ളതുമാണ്. കൂടാതെ ആശയവിനിമയത്തിന്റെയും അഭിപ്രായരൂപീകരണത്തിന്റെയും പ്രതലം കൂടിയാണ്. ഇത് ആധുനികാർഥത്തിൽ ശൃംഖലാവൽക്കൃത സമൂഹത്തിന്റെ നട്ടെല്ല് എന്നത് വാർത്താവിനിമയ ശൃംഖലയാണ് (Castells, 2005:4). ലോകത്തുള്ള മുഴുവൻ ആളുകളെയും ഉൾക്കൊള്ളുന്ന ശൃംഖലയായി ഇന്നിത് മാറിയിരിക്കുന്നു.

ഇന്റർനെറ്റ്, കംപ്യൂട്ടർ, മൊബൈൽ ഫോൺ, ഇതര വ്യക്തിഗത ഡിജിറ്റൽ ഉപകരണങ്ങൾ തുടങ്ങിയ നവമാധ്യമ സാങ്കേതികവിദ്യകളുടെയും ഉപകരണങ്ങളുടെയും വ്യാപകമായ പ്രചാരം സമൂഹത്തിന്റെ അടിസ്ഥാനഘടനയെത്തന്നെ മാറ്റിത്തീർത്തു. ലോകം മുഴുവൻ ഉൾക്കൊള്ളുന്ന വലിയൊരു ശൃംഖലയുടെ ഭാഗമായാണ് ജനങ്ങൾ ഇന്ന് തങ്ങളുടെ സാമൂഹികവും വ്യക്തിപരവുമായ ദൈനംദിന ജീവിതാവശ്യങ്ങൾ നിറവേറ്റുന്നത്. ശൃംഖലാവൽക്കൃത സമൂഹം എന്നത് ഏതെങ്കിലും ശൃംഖലയെ അടിസ്ഥാനമാക്കിയ സാമൂഹികഘടനയാണ്. വിവര-വിനിമയ സാങ്കേതികവിദ്യയെ അടിസ്ഥാനപ്പെടുത്തി മൈക്രോ ഇലക്ട്രോണിക്‌സും ഡിജിറ്റൽ കംപ്യൂട്ടർ നെറ്റ്‌വർക്കും കൂടി സൃഷ്ടിക്കുന്ന ശൃംഖലയിൽ വിവര-വിജ്ഞാനങ്ങളുടെ രൂപപ്പെടുത്തലും അവയുടെ കൈമാറ്റവുമാണ് മുഖ്യമായും നടക്കുന്നത്. സമൂഹത്തിന്റെ മാധ്യമ ശൃംഖലയുടെയും അടിസ്ഥാനഘടനയിലുണ്ടായ പുനഃക്രമീകരണം എന്നും ഇതിനെ വിശേഷിപ്പിക്കാം. മൊബൈൽ ഫോൺ നിരന്തരം കൂടെകൊണ്ടുനടക്കുന്ന ഉപകരണമായതുകൊണ്ടുതന്നെ ഒഴിവുസമയത്ത് ഉപയോക്താക്കൾ മൊബൈൽ ഫോൺ കേന്ദ്രീകരിച്ചുള്ള വിനോദങ്ങളിൽ ഏർപ്പെടുന്നു. ഇതിന്റെ ഫലമായി ഭൗതികപരിസരത്തിൽനിന്നും സാമൂഹിക യാഥാർഥ്യത്തിൽനിന്നും ജനങ്ങൾ സ്വയം മാറ്റപ്പെട്ട് മൊബൈൽ ശൃംഖല തീർക്കുന്ന ഗോത്രത്തിന്റെ ഭാഗമായിത്തീരുന്നു (May and Hearn, 2005 June:22). കംപ്യൂട്ടറും ഇന്റർനെറ്റും സൃഷ്ടിക്കുന്ന ഡിജിറ്റൽ ശൃംഖലകളെ അപേക്ഷിച്ച് എപ്പോഴും സഞ്ചരിക്കുന്ന വ്യക്തിഗതശൃംഖലയുടെ സാധ്യതകളാണ് മൊബൈൽ ഫോൺ തുറന്നുതരുന്നത്.

ആധുനികാർഥത്തിൽ മൊബൈൽ ശൃംഖലയെ കേന്ദ്രീകരിച്ചാണ് ശൃംഖലാവൽക്കൃത സമൂഹത്തിന്റെ വികാസപരിണാമങങൾ. മൊബൈൽ നെറ്റ്‌വർക്ക് സാങ്കേതികത ഇന്റർനെറ്റിന്റെ ചാലകമായതോടുകൂടി മൊബൈൽ ഫോൺ ജനങ്ങളുടെ നിത്യജീവിതത്തിന്റെ എല്ലാ ഘടകങ്ങളിലും അതിശക്തമായ സ്വാധീനം ചെലുത്തുന്നു. ആധുനിസമൂഹത്തിൽ മൊബൈൽ ഫോൺ വ്യവസായം, ഭരണനിർവഹണം, സാമ്പത്തികം, വ്യാപാരം തുടങ്ങിയ നിത്യജീവിതത്തിൽ ആവശ്യമായ എല്ലാ ഘടകങ്ങളെയും സംയോജിപ്പിക്കുന്നു. മൊബൈൽ ഫോൺ കേന്ദ്രീകൃത ഓൺലൈൻ ലോകം ഇന്ന് ഡിജിറ്റൽവിപണി, ഷോപ്പിങ്മാൾ, സാമൂഹിക ആശയവിനിമയം, വാണിജ്യ ഉള്ളടക്കം, ചാറ്റ്‌ഫോറം, പഠനപ്രതലം, വിഷയത്തെ അടിസ്ഥാനമാക്കിയ ചുമതലകളെ സുഖകരമാക്കുക, ജനതതികളുടെ പ്രവർത്തനമണ്ഡലം (communities of practices) തുടങ്ങിയ വിവിധ തലങ്ങളിലേക്ക് വികസിക്കുന്നു (Muraszkiewicz, 2009 April:115). ഡിജിറ്റൽ വിവരവിനിമയ സാങ്കേതികവിദ്യയുടെ സഹായത്താൽ ഒഴുകുന്ന ഇടം (space flow) എന്ന സങ്കൽപ്പം ശൃംഖലാസമൂഹത്തിന്റെ അടിസ്ഥാന സ്വഭാവമായി മാറിയിരിക്കുന്നു. പരമ്പരാഗത ശൃംഖലകളെ അപേക്ഷിച്ച് നവമാധ്യമ സാങ്കേതികതകളുടെ ഫലമായി രൂപപ്പെട്ട ശൃംഖലകൾ ആശയവിനിമയരീതികളിലും അവയുടെ സങ്കൽപ്പങ്ങളിലും പൊളിച്ചെഴുത്തുകൾ നടത്തുന്നു. ശൃംഖലാവൽക്കൃത സമൂഹം മാധ്യമശൃംഖലകൾ തമ്മിലുള്ള ബന്ധത്തെ വളർത്തുകയും ജനങ്ങൾ തമ്മിലുള്ള മുഖാമുഖ ആശയവിനിമയത്തെ ഡിജിറ്റൽ സാങ്കേതികവിദ്യ മാറ്റിത്തീർക്കുന്നു. പൊതുവിൽ ജനങ്ങളുടെ സാമൂഹികബന്ധങ്ങളും സംസർഗശീലങ്ങളും ഇന്ന് വയർലെസ് ആശയവിനിമയത്തിന്റെ ഭാഗമായി ക്രമീകരിക്കപ്പെടുകയും അവർ ശൃംഖലാവൽക്കൃത സമൂഹത്തിന്റെ ഭാഗമായി മാറുകയും ചെയ്തിരിക്കുന്നു'.

മൊബൈൽഫോൺ: സംസ്‌കാരനിർമ്മിതിയുടെ നവമാധ്യമം
ബിനു സചിവോത്തമപുരം
കേരളഭാഷാ ഇൻസ്റ്റിറ്റ്യൂട്ട്
2017, വില: 120 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
ഭരണഘടനയെയും സുപ്രീംകോടതിയെയുമൊന്നും സാർ അംഗീകരിക്കുന്നില്ലേ എന്ന് ബിന്ദു അമ്മിണി; ജനവികാരത്തിനും ഭൂരിപക്ഷ സമൂഹത്തിനും എതിരായ ഒരു വിധിയും നാട് സ്വീകരിക്കില്ലെന്നും ജല്ലിക്കട്ട് നിരോധിച്ചപ്പോൾ ഒരു നാട് ഇളകിയെന്നും കെ സുധാകരൻ; മനുഷ്യർക്ക് മാത്രമേ മൗലിക അവകാശം ബാധകമാവൂ എന്ന ബിന്ദുവിന്റെ മറുപടിക്ക് കൈയടിച്ച് കുട്ടികൾ; വോട്ട് അഭ്യർത്ഥിക്കാൻ പാലയാട് ക്യാമ്പസിലെത്തിയ സുധാകരനും ശബരിമല ദർശന വിവാദ നായികയായ ബിന്ദു അമ്മിണിയും തമ്മിൽ പൊരിഞ്ഞ പോര്
'സ്ഥാനാർത്ഥി നിർണയം കഴിഞ്ഞപ്പോൾ തന്നെ വിജയിച്ചയാളാണ് കെ. മുരളീധരൻ....ധാർമ്മികവും രാഷ്ട്രീയവുമായ വിജയം; കേരളത്തിലെ ഒരു കോൺഗ്രസ് പ്രവർത്തകനും ഏറ്റെടുക്കാൻ ധൈര്യമില്ലാത്ത വെല്ലുവിളിയാണ് അദ്ദേഹം ഏറ്റെടുത്തത്; മുരളീധരൻ പ്രബലനായ നേതാവാണെന്നും ഇത്തവണത്തെ തിരഞ്ഞെടുപ്പിൽ റിസ്‌ക്കെടുത്ത് മത്സരിക്കുന്നത് അദ്ദേഹവും അടൂർ പ്രകാശുമാണെന്നും അഡ്വ. എ. ജയശങ്കർ
സർവേ ഫലങ്ങൾ എന്തായാലും സിപിഎമ്മിന് ആത്മവിശ്വാസത്തിന് കുറവില്ല; വടകരയിൽ കെ.മുരളീധരനെ ഗോദായിലിറക്കിയ യുഡിഎഫിന്റെ മാസ്റ്റർ സ്‌ട്രോക്കിലും തെല്ലുമില്ല ഭയം; സിറ്റിങ് സീറ്റുകൾ നിലനിൽത്തുന്നതിനൊപ്പം വടകരയും പിടിച്ചെടുക്കും; വടകരയിൽ ദുർബലരെ നിർത്തി ബിജെപി വോട്ടുമറിക്കും; എല്ലാവരും ചേർന്ന് ഒത്തുപിടിച്ചാലും മണ്ഡലത്തിൽ വെല്ലുവിളികളെ അതിജീവിക്കുമെന്ന് പ്രതീക്ഷ; പതിമൂന്നിൽ കുറയാത്ത സീറ്റിൽ ജയിക്കുമെന്ന് കണക്കുകൂട്ടി പാർട്ടി സെക്രട്ടറിയേറ്റ്
ലോകം മുഴുവൻ പ്രാർത്ഥനയോടെ കൈകൂപ്പി നിന്നെങ്കിലും ആ സാധുപെൺകുട്ടി വേദനകളില്ലാത്ത ലോകത്തേക്ക് യാത്രയായി; നാട്ടുകാർ നോക്കിനിൽക്കെ ഒരു നരാധമൻ റോഡിൽവച്ച് പെട്രോളൊഴിച്ച് കത്തിച്ച മാലാഖയുടെ വേർപാടിൽ നൊന്തുകരഞ്ഞ് സഹായവുമായി എത്തിയ ആയിരങ്ങൾ; ജീവൻ രക്ഷിക്കാൻ പണം ഒരു തടസ്സമാകാതിരിക്കാൻ മറുനാടന്റെ ആഹ്വാനത്തിന് ഒപ്പം നിന്ന് ജനം നൽകിയത് അഞ്ചര ലക്ഷത്തോളം രൂപ; ആ പിതാവിന്റെ വേദനയിൽ മനസ്സുരുകി കൂടെ നിന്നവർക്കും ഇത് കനത്ത ആഘാതം
പൈസയില്ലെന്ന് അമ്മ പറയുന്നത് പച്ചക്കള്ളം; അമ്മയ്ക്ക് ഇപ്പോൾ സിനിമയിൽ അഭിനയിക്കേണ്ട യാതൊരു ആവശ്യവുമില്ല; മകൾ പോയി മൂന്നുവർഷം തികയുംമുമ്പേ ഇങ്ങനെ ചെയ്യുന്നത് ശരിയല്ല; എനിക്കും കുഞ്ഞിനും നയാപൈസ തന്നിട്ടില്ല; സർക്കാർ പണിതുതന്ന വീട്ടിൽ അമ്മ അടങ്ങിയൊതുങ്ങി ജീവിക്കുകയാണ് വേണ്ടത്; ചികിത്സയ്ക്ക് പണമില്ലാതെ വന്നതോടെ സിനിമയിൽ അഭിനയിക്കുന്നുവെന്ന ജിഷയുടെ അമ്മ രാജേശ്വരിയുടെ തീരുമാനത്തിനെതിരെ പ്രതികരിച്ച് മകൾ ദീപ
മാടപ്രാവിന്റെ മനസുള്ള അവളെ കാക്കണേയെന്ന പിതാവിന്റെ പ്രാർത്ഥനയ്‌ക്കൊപ്പം നിന്ന കേരളത്തെ കണ്ണീരിലാഴ്‌ത്തി ആ പെൺകുട്ടി വിടവാങ്ങി; തിരുവല്ലയിൽ യുവാവ് തീകൊളുത്തിയ പെൺകുട്ടി മരിച്ചു; കൊച്ചിയിലെ സ്വകാര്യ ആശുപത്രിയിൽ മരണത്തിന് കീഴടങ്ങിയത് തിരുവല്ല സ്വദേശിനി കവിത വിജയകുമാർ; 60 ശതമാനത്തോളം പൊള്ളലേറ്റ പെൺകുട്ടി മരണത്തിലേക്ക് വഴുതിവീണത് എട്ടുദിവസം തീതിന്ന ശേഷം; കവിതയെ തിരുവല്ല ജംഗ്ഷനിൽ വച്ച് യുവാവ് തീകൊളുത്തിയത് പ്രണയപ്പക തീർക്കാൻ
പ്രിയ ഇന്നസെന്റ്... ക്യാൻസറിന്റെ പേര് പറഞ്ഞു തട്ടിപ്പ് നടത്തുന്നുണ്ട് എന്ന ധാരണയിലാണോ താങ്കൾ ആ കുട്ടികളോട് പണം വാങ്ങിയത്? പണം വാങ്ങി പരിപാടികളിൽ പങ്കെടുക്കില്ലെന്നും അങ്ങനെ പങ്കെടുക്കുകയാണെങ്കിൽ എംപിയായിരിക്കില്ലെന്നുമുള്ള ഇന്നസന്റിന്റെ പ്രസ്തവന സത്യമാണോ എന്ന് ചോദിച്ച് ജോസഫ് വാഴയ്ക്കൻ; 2017 ജൂണിൽ പങ്കെടുത്ത പരിപാടിയുടെ വിശദാംശങ്ങൾ സഹിതം കെപിസിസി വക്താവിന്റെ പോസ്റ്റ്
'ക്രൂരമായ ലൈംഗിക അതിക്രമത്തിന് ഞാനും ഇരയായിട്ടുണ്ട്; സമൂഹം എന്ത് ചിന്തിക്കുമെന്ന് കരുതി എന്റെ വായടപ്പിക്കാൻ നോക്കണ്ട'; ഞാനിപ്പോൾ കടന്നു പോകുന്ന അവസ്ഥ ഒരു കുട്ടിക്കും ഉണ്ടാകരുതെന്നും നിങ്ങളുടെ കുട്ടികളേയും അവരുടെ ഭാവിയും സംരക്ഷിക്കണമെന്നും അഭ്യർത്ഥിച്ച് നടി സാധികയുടെ കുറിപ്പ്; അയാം വിക്ടിം ഓഫ് ചൈൽഡ് അബ്യൂസ് ഹാഷ്ടാഗുമായി താരം
കാറിൽ കൊണ്ടു പോയി മാറിടത്തിൽ സ്പർശിച്ചു! പീഡന കൗണ്ടറിൽ ആൽവിൻ ആന്റണിയുടെ മകനെ കുടുക്കാൻ റോഷൻ ആൻഡ്രൂസ്; വീടാക്രമണക്കേസ് പിൻവലിച്ചില്ലെങ്കിൽ മകനെ അറസ്റ്റ് ചെയ്യേണ്ടി വരുമെന്ന ഭീഷണിയുമായി പൊലീസും; ഇവിടം സ്വർഗമാണ് കാലത്തെ രാഷ്ട്രീയ പരിചയം കരുത്താക്കി നിർമ്മാതാവിനെ കുടുക്കി പുതിയ ട്വിസ്റ്റ്; അറസ്റ്റ് ഒഴിവാക്കാൻ ഇടക്കാല ജാമ്യം നേടി കായംകുളം കൊച്ചുണ്ണിയുടെ സംവിധായകൻ; സിനിമാ ലോകം ഒന്നടങ്കം തള്ളി പറഞ്ഞിട്ടും റോഷനെ കൈവിടാതെ പിണറായി പൊലീസ്‌
അച്ഛൻ മരിച്ചപ്പോൾ രണ്ട് പേർക്കും തുല്യമായി എല്ലാം നൽകി; ബുദ്ധിമാനായ ചേട്ടൻ മിതവ്യയം നടത്തി ലോക സമ്പന്നരിൽ ഇടം പിടിച്ചപ്പോൾ എടുത്തു ചാട്ടക്കാരനായ അനിയന് എല്ലാം പോയി; എന്നിട്ടും ചേട്ടനോടുള്ള വിരോധം തുടർന്ന് കൊണ്ടേയിരുന്നു; ഒടുവിൽ ജയിലിലാകുമെന്നായപ്പോൾ പൊട്ടിക്കരഞ്ഞ് സഹായം ചോദിച്ചു; ഒരു പുഞ്ചിരിയിൽ എല്ലാം ഒതുക്കി ചേട്ടന്റെ ഭാര്യ മാസ് എൻട്രി നടത്തിയപ്പോൾ അനിൽ അംബാനി കുറ്റവിമുക്തൻ; എല്ലാം പോയ അനിയനെ കൂടെ കൂട്ടി നല്ല ജീവിതം നൽകാനുറച്ച് മുകേഷ് അംബാനി
യന്ത്രത്തോക്ക് ക്യാമറയിൽ ഘടിപ്പിച്ചെത്തി തുരുതുരാ വെടിവച്ചു; എല്ലാം ലൈവ് സ്ട്രീമിങ്ങിലൂടെ സോഷ്യൽ മീഡിയയിലുമെത്തി; വെടികൊണ്ട് വീണത് വെള്ളിയാഴ്ച പ്രാർത്ഥനയ്ക്ക് പള്ളിയിലെത്തിയ നൂറുകണക്കിന് പേർ; ന്യൂസിലണ്ടിലെ മുസ്ലിം പള്ളികളിൽ അക്രമം നടത്തിയത് ഓസ്‌ട്രേലിയൻ വംശജനെന്ന് സൂചന; ലോകത്തെ നടുക്കി പുറത്തു വരുന്നത് അനേകം പേരുടെ മരണ വാർത്ത; എല്ലാ പള്ളികളും അടയ്ക്കാനും അതീവ ജാഗ്രത പുലർത്താനും നിർദ്ദേശം നൽകി ന്യൂസിലണ്ട് സർക്കാർ; ബംഗ്ലാദേശ് ക്രിക്കറ്റ് ടീം രക്ഷപ്പെട്ടത് തലനാരിഴയ്ക്ക്
അസിസ്റ്റന്റ് ഡയറക്ടറുമായി സംവിധായകന് അടുത്ത ബന്ധം; പെൺ സുഹൃത്തിനെ സംവിധാന സഹായിയായി ഒപ്പം കൂടിയ നിർമ്മാതാവിന്റെ മകൻ വളച്ചെടുത്തോയെന്ന് സംശയം; പലകുറി താക്കീത് ചെയ്തിട്ടും സൗഹൃദം തുടരുന്നുവെന്ന് തോന്നിയപ്പോൾ കലി മൂത്ത് പ്രതികാരം; മകനെ മാറ്റി നിർത്തി സംരക്ഷണമൊരുക്കിയതും വെറുതെയായി; ആൽവിൻ ആന്റണിയേയും ഭാര്യയേയും മകന്റെ സുഹൃത്തിനേയും വീട്ടിലെത്തി തല്ലിചതച്ച് കായംകുളം കൊച്ചുണ്ണിയുടെ സംവിധായകൻ; റോഷൻ ആൻഡ്രൂസ് മലയാള സിനിമയിലെ വില്ലനാകുമ്പോൾ
സ്വരാജിന്റെ വിമർശനം ഫലിതമായത് പെൺപുലിക്ക് മുന്നിൽ; വടക്കനെ തെക്കോട്ട് വണ്ടി കയറ്റിയതും ഈ ദന്തഡോക്ടർ; കൂവൈത്ത് യുദ്ധ കാഴ്ചകൾ കണ്ടു വളർന്ന ബാല്യം; കണ്ണൂരുകാരി ദന്തഡോക്ടറായെങ്കിലും പ്രണയിച്ചത് മാധ്യമ പ്രവർത്തനത്തെ; സീ ന്യൂസിലെ ജോലി മടുത്തപ്പോൾ അനാഥപെൺകുട്ടികളുടെ അഭയകേന്ദ്രമായ ആശാനിവാസിന് ഇറ്റലിക്കാരൻ ഭർത്താവിന്റെ പിന്തുണയിൽ നാഥയായി; രാഹുലിന്റെ കണ്ണിലെത്തിയപ്പോൾ കോൺഗ്രസിലെ ദേശീയ മാധ്യമ മുഖമായി; വടക്കനിൽ പ്രതിരോധം തീർത്ത ഡോ ഷമാ മുഹമ്മദിന്റെ കഥ
അക്കു അക്‌ബറിന്റെ സിനിമാ ഷൂട്ടിംഗിനിടയിൽ ഞാനൊരു സൂത്രം ചെയ്യാം; മീശമാധവനിൽ തിരക്കഥയിൽ ഇല്ലാത്ത സീൻ ദിലീപേട്ടൻ അഭിനയിച്ചില്ലേ? അതുപോലെ പുതിയ സിനിമയിൽ ഞാൻ ഒരു നമ്പർ ഇറക്കി എല്ലാവരേയും ഞെട്ടിക്കും? അരഞ്ഞാണ കഥയിൽ സസ്‌പെൻസ് നിർത്തി 'അതൊന്നും ഇപ്പോൾ പറയില്ല, മഞ്ജുചേച്ചിയും ഞെട്ടും' എന്നുമാത്രം പറഞ്ഞ് കാവ്യ; ദിലീപിന്റെ ജയിൽജീവിതം ഒരു ഫ്‌ളാഷ് ബാക്ക് - പല്ലിശ്ശേരി പരമ്പര നിർണായക ഘട്ടത്തിൽ
ഇതര സംസ്ഥാന തൊഴിലാളിയുടെ മകളെ തട്ടിക്കൊണ്ടുപോയത് സിപിഐ ബ്രാഞ്ച് സെക്രട്ടറിയുടെ മകന്റെ നേതൃത്വത്തിൽ; പ്രതിമ നിർമ്മിച്ച് വിൽക്കുന്ന രാജസ്ഥാൻ സ്വദേശിയുടെ പതിമൂന്നുകാരിയായ മകളെ കടത്തിയതിന് പിന്നാലെ പൊലീസും; കുട്ടിയെ കടത്തിയത് പിതാവിനെ ആക്രമിച്ച് കൈമുറിച്ച ശേഷം; നിലവിളികേട്ട് നാട്ടുകാർ ഓടിക്കൂടിയെങ്കിലും കുട്ടിയെ കടത്തി; രാത്രി ഭക്ഷണം കഴിച്ചുകൊണ്ടിരിക്കെ പരാക്രമം
മലയാളം അറിയാത്ത വടക്കൻ സ്ഥാനാർത്ഥിയായാൽ അപമാനമെന്ന് അഴിക്കോട് പറഞ്ഞത് കളങ്കമായി; ചായ കൊടുക്കാൻ നിൽക്കുന്നവർക്കും തൂപ്പുകാർക്കും സീറ്റ് കൊടുക്കരുതെന്ന് സേനാപതി വേണുവിന്റെ കളിയാക്കലും മത്സര മോഹത്തെ തകർത്തു; ചെന്നിത്തലയുടെ കത്ത് ചോർത്തി ഗ്രൂപ്പുകളെ തമ്മിലടിപ്പിക്കലും നടന്നില്ല; കെസിയും ഒസിയും ഡൽഹിയിലെത്തിയപ്പോൾ സോണിയയുടെ വീട്ടിലും ഇടംപോയി; രാമന് പോലും മോദിയിൽ വിശ്വാസമില്ലെന്ന് കളിയാക്കിയ നേതാവ് ഒടുവിൽ ബിജെപിക്കാരനുമായി; ബിഷപ്പ് ഫ്രാങ്കോ വളർത്തിയ ടോമിന്റെ 'വീരകഥ' ഇങ്ങനെ
മീശമാധവനിൽ സ്‌ക്രിപ്റ്റിലില്ലാത്ത കാര്യം ചെയ്ത ദിലീപിന് കാവ്യ തിരിച്ചടി നൽകിയത് വെള്ളരിപ്രാവിന്റെ ചങ്ങാതിയിൽ; അരഞ്ഞാണം കടിച്ചഴിച്ച രംഗത്തിന് ബദലായി കവിളിൽ ഉമ്മയ്ക്ക് പകരം കടികൊടുത്ത് കാവ്യ; 'ഈ സീൻ കുറേ ടേക്ക് പോയാലും ഞങ്ങൾക്ക് വിരോധമില്ല' എന്ന് അക്കു അക്‌ബറിനോട് വിളിച്ചുപറഞ്ഞ് നായകൻ; വൈറലായ ആ രംഗത്തിന്റെ പിന്നാമ്പുറ കഥകളുമായി പല്ലിശ്ശേരിയുടെ പരമ്പര
എം.ജി സർവകലാശാലയിൽ ഫീസടച്ച് ബൈക്കിൽ മടങ്ങിയ വിദ്യാർത്ഥിക്ക് കണ്ടെയ്‌നർ ലോറിയിടിച്ച് ദാരുണാന്ത്യം; സുഹൃത്തിന്റെ മരണവാർത്തയറിഞ്ഞ് കടുത്തുരുത്തിയിൽ എത്തിയ സംഘം പൊലീസ് പിടിച്ചെടുത്ത വാഹനം അടിച്ചു തകർത്തതിന് പിന്നാലെ ഉദ്യോഗസ്ഥരേയും ആക്രമിച്ചു; പൊലീസ് സ്‌റ്റേഷനിനുള്ളിൽ വരെ ഇരച്ചു കയറി ഭീകരാന്തരീക്ഷം സൃഷ്ടിച്ചത് പെൺകുട്ടികൾ വരെ അടങ്ങുന്ന സംഘം
അച്ഛൻ മരിച്ചപ്പോൾ രണ്ട് പേർക്കും തുല്യമായി എല്ലാം നൽകി; ബുദ്ധിമാനായ ചേട്ടൻ മിതവ്യയം നടത്തി ലോക സമ്പന്നരിൽ ഇടം പിടിച്ചപ്പോൾ എടുത്തു ചാട്ടക്കാരനായ അനിയന് എല്ലാം പോയി; എന്നിട്ടും ചേട്ടനോടുള്ള വിരോധം തുടർന്ന് കൊണ്ടേയിരുന്നു; ഒടുവിൽ ജയിലിലാകുമെന്നായപ്പോൾ പൊട്ടിക്കരഞ്ഞ് സഹായം ചോദിച്ചു; ഒരു പുഞ്ചിരിയിൽ എല്ലാം ഒതുക്കി ചേട്ടന്റെ ഭാര്യ മാസ് എൻട്രി നടത്തിയപ്പോൾ അനിൽ അംബാനി കുറ്റവിമുക്തൻ; എല്ലാം പോയ അനിയനെ കൂടെ കൂട്ടി നല്ല ജീവിതം നൽകാനുറച്ച് മുകേഷ് അംബാനി
യന്ത്രത്തോക്ക് ക്യാമറയിൽ ഘടിപ്പിച്ചെത്തി തുരുതുരാ വെടിവച്ചു; എല്ലാം ലൈവ് സ്ട്രീമിങ്ങിലൂടെ സോഷ്യൽ മീഡിയയിലുമെത്തി; വെടികൊണ്ട് വീണത് വെള്ളിയാഴ്ച പ്രാർത്ഥനയ്ക്ക് പള്ളിയിലെത്തിയ നൂറുകണക്കിന് പേർ; ന്യൂസിലണ്ടിലെ മുസ്ലിം പള്ളികളിൽ അക്രമം നടത്തിയത് ഓസ്‌ട്രേലിയൻ വംശജനെന്ന് സൂചന; ലോകത്തെ നടുക്കി പുറത്തു വരുന്നത് അനേകം പേരുടെ മരണ വാർത്ത; എല്ലാ പള്ളികളും അടയ്ക്കാനും അതീവ ജാഗ്രത പുലർത്താനും നിർദ്ദേശം നൽകി ന്യൂസിലണ്ട് സർക്കാർ; ബംഗ്ലാദേശ് ക്രിക്കറ്റ് ടീം രക്ഷപ്പെട്ടത് തലനാരിഴയ്ക്ക്
ലേറ്റായാണ് സ്വയം ഭോഗം ചെയ്തു തുടങ്ങിയത്: തുടങ്ങാൻ കാരണം യൂട്യൂബിൽ കണ്ട സിനിമയിലെ സെക്സ് രംഗങ്ങൾ; സ്റ്റഡി ലീവിന്റെ സമയത്ത് ബോറടി മാറ്റാൻ സ്വയംഭോഗം ശീലമാക്കി; അതോടെ കാമുകന്റെ തേപ്പിൽ നിന്ന് കരകയറി; പരീക്ഷയിൽ നല്ല മാർക്ക് വാങ്ങാനും സാധിച്ചു; സ്വയംഭോഗത്തെക്കുറിച്ചുള്ള മലയാളി യുവതിയുടെ തുറന്നെഴുത്ത് ചർച്ചയാകുമ്പോൾ
'ചന്ദ്രനുദിക്കുന്ന ദിക്കിൽ' കാലത്തുതന്നെ എല്ലാം ആരംഭിച്ചിരുന്നു; ഞാനതെല്ലാം ശരിക്കും ആസ്വദിച്ചു; 'മീശമാധവൻ' ആയപ്പോഴേക്കും വേർപിരിയാനാവാത്ത വിധം അടുത്തുപോയി; മീശമാധവൻ ദിലീപേട്ടന്റെ സ്വന്തം ടീമിന്റേതല്ലേ; അവിടെ എല്ലാ സ്വാതന്ത്ര്യവും ഉണ്ടായിരുന്നു; എന്റെ അരയിൽ നിന്നും 'അരഞ്ഞാണം ഊരിയെടുക്കുമ്പോൾ തിരക്കഥയിൽ ഇല്ലാത്ത അഭിനയം ഉണ്ടാകും' എന്നു പറഞ്ഞിരുന്നു; ഞാൻ തെറ്റായി ഒന്നും വിചാരിച്ചില്ല...: വിവാഹത്തിന് തൊട്ടുമുമ്പ് കാവ്യ ആത്മഹത്യക്ക് ശ്രമിച്ച സാഹചര്യവുമായി പല്ലിശ്ശേരിയുടെ പരമ്പര
കൃത്രിമ പല്ലുനിർമ്മാണ സ്ഥാപനത്തിലെ ഉടമയുടെയും ഗോവക്കാരി ജീവനക്കാരിയുടെയും മൃതദേഹം കാണപ്പെട്ടത് തൊട്ടുരുമ്മി നഗ്നരായ നിലയിൽ; ഇരുവരും തമ്മിൽ വളരെ അടുത്തബന്ധമെന്നും മരണത്തിൽ ദുരൂഹതകൾ ഇല്ലെന്നും പൊലീസ്; മരണം സംഭവിച്ചത് ജനറേറ്ററിൽ നിന്നുള്ള കാർബൺ മോണോക്‌സൈഡ് ശ്വസിച്ച്; ട്രെയിനിയായി എത്തിയ പൂജാ രാത്തോഡ് ബിനുവുമായി അടുത്ത് ഇടപഴകിയിരുന്നതായി ജീവനക്കാരുടെ മൊഴിയും
അർദ്ധരാത്രി ചതിക്കാനുള്ള ഫോൺ സന്ദേശം അയച്ചത് വിവാഹിതയായ കാമുകിയുടെ വീട്ടുകാർ; സ്‌കൂട്ടർ വീടിന് പുറത്തു വച്ച് മതിൽ ചാടിക്കടന്ന് അടുക്കള വാതിൽ വഴി എത്തിയ യുവാവിനെ കാത്തു നിന്നത് ഗൾഫുകാരനായ ഭർത്താവ് അടക്കമുള്ള ബന്ധുക്കൾ; സ്റ്റെയർകേയ്‌സ് ഗ്രില്ലിൽ കയറു കൊണ്ട് കെട്ടിയിട്ട് തല്ലിച്ചതച്ചത് രണ്ട് മണിക്കൂർ; മൃതദേഹം ഉപേക്ഷിച്ചത് മരണം ഉറപ്പാക്കിയ ശേഷം; ചക്കരപറമ്പ് ജിബിന്റെ കൊലപാതകത്തിന് കാരണം അവിഹിതം; പാലച്ചോട്ടിലെ തെളിവുകൾ സത്യം പുറത്തുകൊണ്ടു വന്നപ്പോൾ
പാക് വിമാനങ്ങളെ ചെറുക്കുന്നതിനിടെ ഇന്ത്യൻ മിഗ് വിമാനം പാക് സേന വെടിവച്ചിട്ടെന്ന് സ്ഥിരീകരണം; തകർന്ന വിമാനത്തിന്റെ ചിത്രങ്ങളും പിടിയിലായ പൈലറ്റിന്റെ വീഡിയോയും പുറത്തുവിട്ട് പാക് മാധ്യമങ്ങൾ; മിഗ്-21 വിമാനവുമായി പറന്നുയർന്ന വൈമാനികൻ തിരിച്ചെത്തിയില്ലെന്ന് സമ്മതിച്ച് ഇന്ത്യയും; പാക് കസ്റ്റഡിയിലുള്ളത് മിഗ് 21 ബൈസൺ ജെറ്റിലെ വിങ് കമാൻഡർ അഭിനന്ദൻ വർധമാനെന്ന് പാക് സ്ഥിരീകരണം; മുഖത്ത് രക്തംവാർന്ന പൈലറ്റിനെ പാക് സൈന്യം പ്രദർശിപ്പിച്ചത് കൈകാലുകൾ കെട്ടിയ നിലയിൽ
ഇരുപത്തഞ്ചു വർഷത്തെ വിവാഹ ജീവിതത്തിൽ രതിസുഖം എന്താണെന്നറിയാത്തവർ! അമർത്തിവച്ച മോഹങ്ങളെ ഷവറിനു കീഴിൽ തണുപ്പിക്കുന്ന പെണ്ണുങ്ങളുടെ നാട്; ദാമ്പത്യത്തിലെ ഏകപക്ഷീയമായ രതി പോലെ അറപ്പുളവാക്കുന്ന എന്തുണ്ട് മറ്റൊരു പീഡനം ഭൂമിയിൽ! കേരളത്തിലെ മധ്യവയസ്‌കരായ പല സ്ത്രീകളുടെയും നഷ്ടബോധത്തെ കുറിച്ച് തുറന്നെഴുതുന്നു അദ്ധ്യാപികയായ ഗീത തോട്ടം
അസിസ്റ്റന്റ് ഡയറക്ടറുമായി സംവിധായകന് അടുത്ത ബന്ധം; പെൺ സുഹൃത്തിനെ സംവിധാന സഹായിയായി ഒപ്പം കൂടിയ നിർമ്മാതാവിന്റെ മകൻ വളച്ചെടുത്തോയെന്ന് സംശയം; പലകുറി താക്കീത് ചെയ്തിട്ടും സൗഹൃദം തുടരുന്നുവെന്ന് തോന്നിയപ്പോൾ കലി മൂത്ത് പ്രതികാരം; മകനെ മാറ്റി നിർത്തി സംരക്ഷണമൊരുക്കിയതും വെറുതെയായി; ആൽവിൻ ആന്റണിയേയും ഭാര്യയേയും മകന്റെ സുഹൃത്തിനേയും വീട്ടിലെത്തി തല്ലിചതച്ച് കായംകുളം കൊച്ചുണ്ണിയുടെ സംവിധായകൻ; റോഷൻ ആൻഡ്രൂസ് മലയാള സിനിമയിലെ വില്ലനാകുമ്പോൾ
പ്ലസ് ടുവിന് ഒരുമിച്ച് പഠിച്ചു എന്നല്ലാതെ ഒരു ബന്ധവും എന്റെ മോൾക്ക് അവനോടില്ല; 19 വയസ്സായെങ്കിലും 5വയസ്സുകാരിയുടെ പ്രകൃതമാണ്; മുമ്പിൽ വന്നിരുന്ന് എഴുതി പഠിച്ച് അമ്മയോടും എന്നോടും യാത്ര പറഞ്ഞാണ് അവൾ വീട്ടിൽ നിന്നിറങ്ങിയത്; കൂലിപ്പണി വരുമാനം കൊണ്ടാണ് കഴിയുന്നത്; കൊച്ചിന്റെ ജീവൻ രക്ഷിക്കാൻ പോലും കൈയിൽ കാശില്ല; ഒരിടത്തും നിന്നും ഒരു സഹായവും ലഭിക്കുന്നില്ല; എന്ത് ചെയ്യണമെന്ന് പിടിയുമില്ല; തിരുവല്ലയിൽ നരാധമന്റെ ക്രൂരതയ്ക്കിരയായ പെൺകുട്ടിയുടെ അച്ഛൻ കണ്ണീരോടെ പറയുന്നത് കേൾക്കൂ...