1 usd = 70.97 inr 1 gbp = 89.38 inr 1 eur = 78.29 inr 1 aed = 19.32 inr 1 sar = 18.92 inr 1 kwd = 233.60 inr

Oct / 2019
14
Monday

മൊയ്തീൻ - കാഞ്ചനമാല: ഒരു പ്രണയത്തിന്റെ മരണാനന്തരജീവിതം

October 18, 2015 | 09:00 AM IST | Permalink



മൊയ്തീൻ - കാഞ്ചനമാല: ഒരു പ്രണയത്തിന്റെ മരണാനന്തരജീവിതം

ഷാജി ജേക്കബ്

റബിക്കടലിലേക്കൊഴുകുന്ന ഇരുവഞ്ഞിപ്പുഴയിൽ വള്ളം മുങ്ങി മുക്കത്തെ ബി.പി. മൊയ്തീൻ മരിച്ചത് 1982ലാണ്. അയാളെ പ്രണയിച്ച കുറ്റത്തിന് കാഞ്ചനമാല വീട്ടുതടങ്കലിലായിട്ട് അപ്പോഴേക്കും കാൽനൂറ്റാണ്ടായിരുന്നു. കരീബിയൻ കടലിലേക്കൊഴുകുന്ന മഗ്ദലേന നദിയിൽ കാർത്തനീനയിലെ രണ്ടു പ്രണയികൾ അൻപത്തൊന്നുവർഷവും ഒൻപതുമാസവും നാലുദിവസവും വേർപിരിഞ്ഞിരുന്നശേഷം ഒരു കപ്പലിൽ തങ്ങളുടെ യാത്ര തുടങ്ങിയിരിക്കണം, അപ്പോൾ. ഫ്‌ളോറന്റിനോ അരിസയും ഫെർമിനാ ഡാസയും. ഗബ്രിയേൽ ഗാർസിയാ മാർക്കേസിന്റെ പോസ്റ്റ്‌മോഡേൺ പ്രണയേതിഹാസമായ Love in the Time of Cholera യിലെ (1985) കഥാപാത്രങ്ങൾ. 'Without river navigation, theres no love' എന്ന് അരിസയുടെ അമ്മാവനും കപ്പലിന്റെ ഉടമയുമായ ലിയോ പന്ത്രണ്ടാമൻ പറയുന്നുമുണ്ട്. മുക്കത്തുതന്നെ താമസിക്കുമ്പോഴും മൊയ്തീൻ മുങ്ങിമരിച്ച നദിയിൽ പിന്നീടൊരിക്കലും താൻ പോയിട്ടില്ല എന്ന് 2009ൽ Open Magazine 'The Widow of a bachelor' എന്ന ഫീച്ചറെഴുതിയ കെ.എ. ഷാജിയോട് കാഞ്ചനമാല പറയുകയുണ്ടായി.

വേറൊരു ഭൂഖണ്ഡത്തിൽ, 'കോളറ'യെപ്പോലെതന്നെ പ്രണയത്തിന്റെ തീവ്രവും വിചിത്രവുമായ മറ്റൊരു ക്ലാസിക്‌നോവലായി മാറിയ 'Museum of Innocence' രചിച്ചു കഴിഞ്ഞിരുന്നു, അപ്പോഴേക്കും (2008) ഓർഹൻപാമുക്. കെമാലിന്റെയും ഫുസുന്റെയും അത്യസാധാരണമായ പ്രണയാഭിനിവേശത്തിന്റെ കഥ. കാർത്തനീനയിലെയും മുക്കത്തെയും പ്രണയസ്മരണകളുടെ അതേകാലത്തുതന്നെയുള്ള ഈസ്താംബൂളിന്റെ ചരിത്രപശ്ചാത്തലത്തിലാണ് കെമാൽ മറ്റൊരു പ്രണയിയും നിർമ്മിക്കാത്ത സ്മാരകം തന്റെ പ്രണയത്തിനും പ്രണയിനിക്കുമായി നിർമ്മിക്കുന്നത്.

മാർക്കേസിന്റെയും പാമുക്കിന്റെയും ഭാവനാത്മക രചനകൾക്കൊപ്പം വിസ്മയകരവും വികാരസന്നിഭവും ജീവിതനിർഭരവും പ്രണയഭരിതവുമാണ് മൊയ്തീന്റെയും കാഞ്ചനമാലയുടെയും ജീവിതകഥ. 'Nothing resembles a person as much as the way he dies' എന്നൊരു വാക്യം കോളറയിലുണ്ട്. മൊയ്തീന്റെ മരണത്തെക്കുറിച്ചെഴുതപ്പെട്ടതു പോലെ തോന്നാം, ഇന്നതു വായിക്കുമ്പോൾ. കെമാൽ നിർമ്മിച്ച പ്രണയത്തിന്റെ നിഷ്‌ക്കളങ്ക മ്യൂസിയം ഓർഹൻപാമുക് യഥാർഥമായും നിർമ്മിച്ചു നിലനിർത്തുന്നുണ്ട് എന്നതാണ് അതുപോലെതന്നെ കൗതുകകരമായ സംഗതി.

ബി.പി. മൊയ്തീൻ സേവാമന്ദിറിലൂടെ കാഞ്ചനമാല കഴിഞ്ഞ മുപ്പത്തിമൂന്നു വർഷമായി തുടരുന്ന തന്റെ പ്രണയത്തിന്റെ മരണാനന്തരജീവിതം ഒരുപക്ഷെ ഇവയെക്കാളൊക്കെ വിസ്മയകരമാണ്. മൊയ്തീന്റെ മരണവും കാഞ്ചനയുടെ അതിജീവനവുമാണ് അവരുടെ കഥയെ ഭാവനയെക്കാൾ വിചിത്രമായ യാഥാർഥ്യമാക്കി നിലനിർത്തുന്നത്. അരിസയുടെ ആത്മനീതിതന്നെയാണ് (......'my vow of eternal fideltiy and everlasting love') മൊയ്തീനും കാഞ്ചനമാലയ്ക്കും പരസ്പരമുണ്ടായിരുന്നത് എന്നു തെളിയിക്കുന്നതും ഈയൊരു വഴിത്തിരിവാണ്.

ബി.പി. മൊയ്തീൻ സേവാമന്ദറിന്റെ ഭാഗമായി മാത്രമല്ല, കോഴിക്കോട്ടെ നിരവധിയായ സ്ത്രീസംഘടനകളുടെ ഭാഗമായി രൂപംകൊണ്ട എത്രയെങ്കിലും സമരപ്രക്ഷോഭങ്ങളിലും സ്ത്രീ പുനരധിവാസപ്രവർത്തനങ്ങളിലും സജീവ സാന്നിധ്യമായി മാറിയതോടെയാണ് കാഞ്ചനമാലയുടെ അസാധാരണമായ വ്യക്തിജീവിതവും അതിനെക്കാൾ വിസ്മയകരമായ പ്രണയകഥയും ഇക്കഴിഞ്ഞ ഒരുപതിറ്റാണ്ടിൽ മാദ്ധ്യമങ്ങളുടെ ശ്രദ്ധയാകർഷിക്കുന്നത്. 2007ൽ വി.ആർ. ജ്യോതിഷ് 'വനിത'യിലെഴുതിയ ഫീച്ചറാണ് മൊയ്തീൻ-കാഞ്ചനമാല കഥയെ മുക്കത്തിനു പുറത്ത് പൊതുസമൂഹത്തിലെത്തിക്കുന്നത്, പിന്നെ ആർ.എസ്. വിമലിന്റെ ഡോക്യുഫിക്ഷൻ, 'ജലംകൊണ്ടു മുറിവേറ്റവൾ'. ഹിന്ദു-മുസ്ലിം പ്രണയം ഒരു പുരാവൃത്തംപോലെ നിലനിന്ന 1950 കളുടെ പശ്ചാത്തലത്തിൽ, ഇരുവഞ്ഞിപ്പുഴയുടെ ഇരുകരകളിലുമായി തിടംവച്ചുവന്ന ഒരു നാടൻ പ്രേമത്തിൽനിന്ന് തുടങ്ങി അവിശ്വസനീയമായ വഴിമാറ്റങ്ങളിലൂടെ മുക്കത്തിന്റെ മിത്തായി വളർന്നുമുറ്റിയതാണ് മൊയ്തീൻ-കാഞ്ചനമാലാബന്ധം.


സമ്പന്നമായ ഒരു ഈഴവകുടുംബത്തിലെ അംഗമായിരുന്നു കാഞ്ചനമാല.  കോഴിക്കോട് പ്രോവിഡൻസ് കോളേജ്‌ വിദ്യാർത്ഥി. ഭൂപ്രഭുവും നാട്ടുപ്രമാണിയും ദേശീയപ്രസ്ഥാനനായകനുമായിരുന്ന ബി.പി. ഉണ്ണിമോയിയുടെ മകനായിരുന്നു മൊയ്തീൻ. അവർ തമ്മിലുടലെടുത്ത പ്രണയത്തിന്റെ ജീവചരിത്രം ഏതു ലാറ്റിനമേരിക്കൻ, പശ്ചിമേഷ്യൻ സാഹിത്യഭാവനയെക്കാളും വിചിത്രവും വിപ്ലവകരവുമാണ്. ആ പ്രണയത്തിനു കൈവന്ന മരണത്തെക്കാൾ വലിയ ദുരന്തത്തിന്റെ കഥയാണ് പി.ടി. മുഹമ്മദ് സാദിഖ് എഴുതിയ മൊയ്തീൻ-കാഞ്ചനമാലയെന്ന ഈ പുസ്തകം. വൈലോപ്പിള്ളി, 'ഹാ വിജിഗീഷു! മൃത്യുവിന്നാമോ, ജീവിതത്തിൻ കൊടിപ്പടം താഴ്‌ത്താൻ' എന്നെഴുതിയത് കാഞ്ചനമാലയെ ഉദ്ദേശിച്ചാണ്. മുഹമ്മദ് സാദിഖിന്റെ പുസ്തകം അതിന്റെ അടിക്കുറിപ്പാണ്. കാഞ്ചനമാല വീട്ടുതടങ്കലിൽ കഴിഞ്ഞ കാൽനൂറ്റാണ്ടുകാലം, തന്റെ ഏകാന്തത മറികടക്കാൻ മൊയ്തീനും, 'വാക്കാണ് സത്യം' എന്ന വിശ്വാസം സംരക്ഷിക്കാൻ അന്നും പിന്നീടും കാഞ്ചനമാലയും നടത്തിയ ജീവിതസമരങ്ങളുടെ കഥ.

നവോത്ഥാനത്തിന്റെ മനുഷ്യസങ്കല്പത്തിൽ ഉരുവംകൊണ്ട ആധുനിക പ്രണയത്തിന്റെ പാഠരൂപങ്ങളിലൊന്നാണ് മൊയ്തീൻ-കാഞ്ചനമാല കഥ. കുമാരനാശാൻ പറഞ്ഞതുപോലെ, വ്യക്തികൾ അകതാരിലാർന്ന ഉൽക്കണ്ഠകൾകൊണ്ടു നിറച്ച ബന്ധവൈഭവത്തിന്റെ ആത്മകഥ. രണ്ടു മനുഷ്യർ അന്തരാത്മാവുകൊണ്ടു തീവ്രമായാഗ്രഹിച്ചും അറിഞ്ഞും നെയ്‌തെടുത്ത അനുഭൂതി. ഒരാൾക്കൊരാളിൽ മാത്രമുണ്ടാകുന്ന അനുരാഗവായ്പ്. തന്നെ മാത്രം പ്രണയിച്ച് മരിച്ചുപോകുന്ന ഇണയെ സ്വപ്നം കാണാത്തവരാരുണ്ട്, ആശാന്റെ നായകന്മാരെപ്പോലെ. വീണപൂവും നളിനിയും. ലീലയും....തെളിയിച്ച ഇത്തരം പ്രണയകഥകൾ എക്കാലത്തും, ശരീരമല്ല ആത്മാവാണ് പ്രണയത്തിന്റെ കേന്ദ്രസ്ഥാനമായി സങ്കല്പിച്ചത്. ശരീരമോഹങ്ങളോ ചോദനകളോ ഇല്ലാത്തവരല്ല അവർ. ആത്മാവുകൊണ്ട് ശരീരത്തെ കീഴ്‌പ്പെടുത്തി മുന്നേറുന്ന ഒരു ഘട്ടത്തിൽ വച്ചുതന്നെ അവരുടെ പ്രണയകഥ അവസാനിപ്പിച്ചുകളഞ്ഞു, ആശാനും വിധിയും. മാർക്കേസിലോ പാമുക്കിലോ ഇത്തരം പ്രണയങ്ങളല്ല നാം കാണുക. ഒരളവോളം, ചരിത്രത്തിലും പ്രണയം അങ്ങനെയായിരുന്നില്ല. പക്ഷെ മൊയ്തീൻ-കാഞ്ചനമാല കഥ, നവോത്ഥാനത്തിന്റെ ഒരാഗ്രഹലോകത്തെ ആദർശാത്മകവും ഭാവനാത്മകവുമായി പുനഃസൃഷ്ടിച്ചതാണ്. അതാകട്ടെ, തങ്ങളുടെ പ്രണയത്തെക്കുറിച്ചുള്ള കാഞ്ചനമാലയുടെ വ്യാഖ്യാനവുമാണ്.

കാഞ്ചനമാല പറഞ്ഞുമാത്രം നമുക്കറിയാവുന്ന മുഴുവൻ ആഖ്യാനങ്ങളിലും ആ കഥ അങ്ങനെയാണ്. ജ്യോതിഷ് മുതൽ ഷാജിവരെ; ഡോക്യുഫിക്ഷൻ മുതൽ സിനിമ വരെ. ബ്ലോഗിൽ മുഹമ്മദ് സാദിഖ് എഴുതിയ രചനപോലും വ്യത്യസ്തമല്ല. പക്ഷെ മുഹമ്മദ് സാദിഖിന്റെ ഈ പുസ്തകം ഭിന്നമാണ്. അതിൽ ഒരു ഭാഗമോ ധാരയോ മാത്രമാണ് മൊയ്തീൻ കാഞ്ചനമാലാപ്രണയം. മറുഭാഗവും ധാരയും മൊയ്തീനുശേഷമുള്ള കാഞ്ചനമാലയുടെ ജീവിതമാണ്. അത് മൊയ്തീനു കാഞ്ചന കൊടുത്ത വാക്കിന്റെ തുടർജീവിതമാണ്. അതുവഴി മൊയ്തീൻ കാഞ്ചനമാല പ്രണയത്തെ രാഷ്ട്രീയവൽക്കരിക്കുകയും അവരുടെ ജീവിതത്തെ ചരിത്രവൽക്കരിക്കുകയും ചെയ്യുന്നു, മുഹമ്മദ് സാദിഖ്.

മൊയ്തീന്റെയും കാഞ്ചനമാലയുടെയും പ്രണയത്തോട് ഇരു കുടുംബങ്ങളിലും കൊടിയ എതിർപ്പായിരുന്നു. കാഞ്ചന വീട്ടുതടങ്കലിലായി. മൊയ്തീനെ ബാപ്പ വീട്ടിൽ നിന്നിറക്കി വിട്ടു. പിന്നാലെ മൊയ്തീന്റെ ഉമ്മയെയും. രണ്ടുതവണ മൊയ്തീനെ കൊല്ലാൻ ബാപ്പ ശ്രമിച്ചു. ഒരിക്കൽ വെടിവച്ചും മറ്റൊരിക്കൽ കുത്തിയും. ജോലിക്കാർ വഴിയും സുഹൃത്തുക്കൾവഴിയും പരസ്പരം കത്തുകൾ കൈമാറി അവർ പിടിച്ചുനിന്നു. കത്തെഴുതാൻവേണ്ടി സ്വന്തമായൊരു ലിപിതന്നെ കാഞ്ചന സൃഷ്ടിച്ചു. കഥാകൃത്തും കാൽപ്പന്തുകളിക്കാരനും നീന്തൽതാരവും ചിത്രകാരനും നാടകപ്രവർത്തകനും ചലച്ചിത്രനിർമ്മാതാവും പത്രപ്രവർത്തകനും രാഷ്ട്രീയപ്രവർത്തകനുമൊ ക്കെയായിരുന്നു മൊയ്തീൻ. ഇന്ദിരാഗാന്ധിയോടും വി.വി. ഗിരിയോടും വരെ ബന്ധമുണ്ടാക്കിയ സമർഥൻ. മൂന്നോ നാലോ പ്രശസ്തമായ സിനിമകളിൽ അഭിനയിക്കാൻ ക്ഷണം ലഭിച്ചിട്ടും കാഞ്ചനയുടെ എതിർപ്പുമൂലം അതുപേക്ഷിച്ചു. പലതവണ ഒളിച്ചോടാൻ പദ്ധതിയിട്ടെങ്കിലും ഒന്നും നടപ്പായില്ല. ആറുതവണ കാഞ്ചന ആത്മഹത്യക്കു ശ്രമിച്ചു. വന്ന വിവാഹാലോചനകൾ അവൾ വിചിത്രമാംവിധം മുടക്കി. അനിയത്തിമാരെല്ലാം വിവാഹിതരായി വീടുവിട്ടു. 1982ൽ ഇരുവഞ്ഞിപ്പുഴയിൽ വള്ളം മുങ്ങിയപ്പോൾ അതിലുണ്ടായിരുന്ന മൊയ്തീൻ രണ്ടുപേരെ രക്ഷിച്ച് മരണത്തിനു കീഴടങ്ങി. പുഴകൊണ്ടുപോയ മൊയ്തീനെ പിന്തുടരാൻ കാഞ്ചന ശ്രമിച്ചെങ്കിലും നടപ്പായില്ല. മൊയ്തീന്റെ ഉമ്മ അവളെ, തന്റെ മരുമകളായി സ്വീകരിച്ചു. മൊയ്തീന്റെ വീടും സ്വത്തും തന്റെ മരണശേഷം കാഞ്ചനമാലയ്ക്കാണ് എന്നവർ തീരുമാനിച്ചിരുന്നു.

അലഞ്ഞുതിരിയുന്ന, അഗതികളായ സ്ത്രീകളെ പുനരധിവസിപ്പിക്കാൻ മൊയ്തീൻ തുടങ്ങിയ പ്രവർത്തനങ്ങൾ  'ബി.പി. മൊയ്തീൻ സേവാമന്ദിർ' എന്ന പേരിൽ കാഞ്ചന ഏറ്റെടുത്തു. പല മേഖലകളിലായി മൊയ്തീൻ കണ്ട സ്വപ്നങ്ങൾ സാക്ഷാത്കരിക്കുകയായി പിന്നീട് കാഞ്ചനയുടെ ലക്ഷ്യം. 'ഒരവിവാഹിതന്റെ വിധവ'യായി ആമരണം ജീവിക്കാൻ പ്രതിജ്ഞയെടുത്ത കാഞ്ചന മുക്കത്തും കോഴിക്കോട്ടും എത്രയെങ്കിലും സ്ത്രീപ്രശ്‌നങ്ങളിൽ ഇടപെട്ടും സാമൂഹ്യവിഷയങ്ങളിൽ സജീവമായും മൂന്നുപതിറ്റാണ്ടു പിന്നിട്ടുകഴിഞ്ഞിരിക്കുന്നു. മൊയ്തീൻ സ്വന്തം ജീവിതംകൊണ്ട് തന്നെ പഠിപ്പിച്ച കൂസലില്ലായ്മയുടെയും സ്ഥിതപ്രജ്ഞയുടെയും സാമൂഹ്യബോധത്തിന്റെയും മൗലികതയുടെയും പാഠങ്ങൾ കാഞ്ചന മറന്നില്ല. തങ്ങളുടെ പ്രണയത്തിന് ഒരു മരണാനന്തരജീവിതം സൃഷ്ടിച്ചുനൽകി അവർ ഇന്നും മൊയ്തീന്റെ സ്മരണകൾക്കൊപ്പം ജീവിക്കുന്നു.

പ്രണയധീരതയുടെ മിത്തായി മാറിയ മൊയ്തീന്റെയും കാഞ്ചനമാലയുടെയും കഥ അനിതരസാധാരണമായ ആത്മസമർപ്പണത്തിന്റെകൂടി കഥയാണ്. ബാപ്പ മൊയ്തീനെ കുത്തിക്കൊല്ലാൻ ശ്രമിച്ച 1964 ജൂലൈ പതിനൊന്നിന് കാഞ്ചന തന്റെ കൈഞരമ്പു മുറിച്ചു. ആ ചോരകൊണ്ട് അവർ മൊയ്തീന് ഇങ്ങനെ എഴുതി: 'നമ്മൾ ഒരിക്കലും വേർപിരിയില്ല; വേറൊരാളുടെ കൂടെ ഞാൻ ഒരിക്കലും ജീവിക്കില്ല'. ആ രക്തപ്രതിജ്ഞ അവൾ മൊയ്തീൻ മരിക്കുന്നതുവരെ, പതിനേഴുവർഷവും ആവർത്തിച്ചു.

മതാതീതമായിരുന്നു, മൊയ്തീന്റെ പ്രണയം.

'മൊയ്തീന്റെ സ്‌നേഹങ്ങളിൽ മതമില്ലായിരുന്നു. മൊയ്തീൻ സ്‌നേഹിച്ച പെണ്ണ് വേറെ മതക്കാരിയായിരുന്നു. ആ പെണ്ണിന്റെ പേരിലാണ് പണവും പ്രതാപവുമുള്ള വീടുവിട്ട് മൊയ്തീൻ ഇറങ്ങിപ്പോന്നത്. എന്നിട്ടും അവളെ മൊയ്തീൻ മനസ്സിൽനിന്ന് ഇറക്കിവിട്ടില്ല. ഇരുപതു വർഷത്തിലേറെ പെണ്ണ് വീട്ടുതടങ്കലിലായി. മനസ്സിന്റെ തടങ്കലിലിൽനിന്ന് അവൾ മൊയ്തീനെയും മോചിപ്പിച്ചില്ല. ഒരിക്കലും ഒന്നിക്കാൻ കഴിയില്ലെന്ന് അറിഞ്ഞിട്ടും മൊയ്തീനും അവളും സ്‌നേഹിച്ചു. നാടുമുഴുവൻ കോലാഹലം നടക്കുമ്പോൾ ആരോ മൊയ്തീനോട് പറഞ്ഞു:

'ഓള് മതം മാറ്യാൽ ചെലപ്പോ ബാപ്പ കല്യാണത്തിന് സമ്മതിക്കും'.'

മൊയ്തീന്റെ മറുപടി ഉറച്ചതായിരുന്നു.

'അവൾ മതം മാറ്യാൽ അന്നേരം ഞാൻ അവളെ ഉപേക്ഷിക്കും'.

കാഞ്ചനമാലയുടെ പ്രണയദാർഢ്യം പോലെതന്നെ അചഞ്ചമായിരുന്നു മൊയ്തീന്റെ ധീരതയും സാഹസവും.

'ആദി ആന്ധ്രക്കാരാണ് അവർ. കളിമൺപാത്രങ്ങൾ നിർമ്മിച്ചുവിൽക്കുന്നവർ. വന്നുചേരുന്ന നാടുകളിൽ കിട്ടുന്ന സ്ഥലങ്ങളിൽ കുടിൽകെട്ടി പാർക്കുകയായിരുന്നു അവർ. മുക്കത്തും അങ്ങനെ കുറേപേർ വന്നെത്തി. അതിലൊരു കുടുംബം മുക്കത്തെ പ്രമാണിമാരിൽ ഒരാളുടെ പറമ്പിൽ കുടിൽകെട്ടി പാർക്കുന്നുണ്ടായിരുന്നു. അക്കൂട്ടത്തിൽ സുന്ദരിയായ ഒരമ്മയുണ്ടായിരുന്നു. വെളുത്ത ചെട്ടിച്ചാർമ എന്നാണ് അവരെ വിളിച്ചിരുന്നത്. ആരും നോക്കിപ്പോകും. വാർധക്യം അവരെ അവശയാക്കി. നാട്ടുകാരുമായൊന്നും ഇവർക്ക് വലിയ ബന്ധമില്ല.

രോഗം വന്ന് കിടപ്പിലായപ്പോൾ നോക്കാൻ ആരുമില്ല.

ആരോ പറഞ്ഞ് മൊയ്തീൻ വിവരമറിഞ്ഞു. കൊശോത്തി വെളുത്ത ചെട്ടിച്ചാർമക്ക് തീരേ വയ്യ. മൊയ്തീൻ ഒരു സ്‌ട്രെച്ചറുമായി വന്ന് ആ വയോധികയെ ആശുപത്രിയിലെത്തിച്ചു. പക്ഷേ, അധികം ആയുസ്സുണ്ടായിരുന്നില്ല അവർക്ക്.

മരണവിവരമറിഞ്ഞപ്പോൾ ഭൂവുടമയ്ക്ക് ഒരേ വാശി. ജഡം തന്റെ പറമ്പിൽ അടക്കാൻ പാടില്ല. വേണമെങ്കിൽ പുഴവക്കത്ത് അടക്കിക്കോട്ടെ.

ജഡവുമായി വരുന്നത് മൊയ്തീനാണ്. അന്ന് പൊതുശ്മശാനങ്ങളൊന്നുമില്ല. അവനവന്റെ പറമ്പിൽത്തന്നെയാണ് മരിച്ചവരെ അടക്കം ചെയ്യുക. ഈ കുംഭാരന്മാർക്ക് സ്വന്തമായി മണ്ണില്ല. പുഴവക്കത്ത് മൃതദേഹം അടക്കം ചെയ്യാൻ പറ്റുമോ? ഭൂവുടമ ശൂരനായ തന്റെ മകനോട് പറഞ്ഞു:

'ഞമ്മളെ പറമ്പില് അടക്കാൻ പറ്റൂലാന്ന് ഓലോട് ചെന്നു പറയി'.

മകൻ ചെന്നുനോക്കുമ്പോൾ മൊയ്തീനാണ് സ്ഥലത്തുള്ളത്. മകൻ ഒന്നും പറയാൻ പോയില്ല. തിരിച്ചു ചെന്ന് അയാൾ ബാപ്പയോട് പറഞ്ഞു:

'ബാപ്പ അത് മൊയ്തീനാണ്. അവിടെ അടക്കണ്ടാന്ന് പറഞ്ഞാൽ ഓൻ അത് ഞമ്മളെ മുറ്റത്ത് അടക്കും'.

മൊയ്തീനും സംഘവും ആ വയോധികയുടെ ശരീരം അവരുടെ കുടിലിനോട് ചേർന്ന മണ്ണിൽത്തന്നെ അടക്കി.

മൊയ്തീന് പ്രിയപ്പെട്ട ഒരാളും നാട്ടിലെ പ്രമാണിമാരിൽ ഒരാളും തമ്മിൽ ഒരിക്കൽ അതിർത്തി തർക്കം. മൊയ്തീൻ തന്റെ ചങ്ങാതിക്കു വേണ്ടി കോടതിയിൽനിന്ന് ഇഞ്ചക്ഷൻ വാങ്ങി. ചങ്ങാതിയുടെ അതിരിൽ വേലി കെട്ടുകയും ചെയ്തു. അപ്പോൾ പ്രാമണിയുടെ ശിങ്കിടികൾ ചെന്ന് അദ്ദേഹത്തോടു പറഞ്ഞു.

'മൊയ്തീനെ അങ്ങനെ വിട്ടാൽ പറ്റൂല. ഓൻ കെട്ടിയ വേലി ഞമ്മക്ക് പൊളിക്കണം'.

പ്രമാണിക്ക് മൊയ്തീനെ നന്നായി അറിയാം. അദ്ദേഹം ശിങ്കിടികളെ വിലക്കി.

'ഓനെ ങ്ങക്ക് അറിഞ്ഞൂട. ഇനി ആ വേലി പൊളിക്കാണ്ടെ നോക്കേണ്ടത് ഞമ്മളാ. ങ്ങള് അയിന് കാവലു നിന്നോളി. ഇല്ലേൽ അന്തിക്ക് മൊയ്തീൻ വന്ന് വേലി പൊളിച്ച് ഞമ്മളെ അകത്താക്കും. അത് മൊയ്തീനാ...' '.

മൊയ്തീന്റെയും കാഞ്ചനമാലയുടെയും ജീവിതം മലയാളിക്കു നൽകുന്നത് കേവലപ്രണയത്തിന്റെ കാല്പനികപാഠമല്ല, അസാധാരണമായ ഒരു പ്രണയധീരതയുടെയും അതിന്റെ മരണാനന്തരജീവിതത്തിന്റെയും സാമൂഹ്യപാഠങ്ങൾ തന്നെയാണ്. കാലം, പക്ഷെ കാഞ്ചനയോട് അത്രമേൽ കരുണയൊന്നും കാണിച്ചില്ല. വേണ്ടവിധത്തിൽ രജിസ്റ്റർ ചെയ്യാതിരുന്നതുമൂലം, മൊയ്തീന്റെ ഉമ്മ അവൾക്കു വിട്ടുനൽകിയ സ്വത്തുകളിൽ ഒരു ബന്ധു അവകാശമുന്നയിച്ചു കോടതി കയറി. വിധി കാഞ്ചനക്കെതിരായി. അങ്ങനെ കാഞ്ചനയുടെ നഷ്ടം മൊയ്തീന്റെയും നഷ്ടമായി. യഥാർഥത്തിൽ അത് അവരുടെയും നഷ്ടമല്ല, ഒരു സമൂഹത്തിന്റെതന്നെ നഷ്ടമാണ്. കാരണം, തങ്ങളുടെ പ്രണയത്തെ അതിന്റെ മുഴുവൻ നഷ്ടസ്വപ്നങ്ങളിലും നിന്ന് വളർത്തി സാമൂഹ്യബോധത്തിലേക്കു വിവർത്തനം ചെയ്ത് മൊയ്തീനും കാഞ്ചനമാലയും സൃഷ്ടിച്ചു കർമമണ്ഡലത്തിന്റെ കടയ്ക്കലാണ് കോടതിവിധി കത്തിവച്ചത്.

പുസ്തകത്തിൽനിന്ന്

'തോണി പുറപ്പെടാൻ നേരത്താണ് മാളികത്തറയ്ക്കൽ അബ്ദുല്ല ഓടിവരുന്നത്. അയാൾ കെ.എസ്.ആർ.ടി.സി.ക്ക് പോകേണ്ട ആൾ. ഈ തോണിയിൽ കയറിയില്ലെങ്കിൽ അയാൾക്ക് ബസ് കിട്ടില്ല. ആളുകൾ അയാളോട് പറയുന്നുണ്ട്.
'ഈല് കേറല്ലീ......'
'കേറാഞ്ഞാൽ പറ്റൂല. ബസ് കിട്ടൂല'.
'ഇപ്പം തന്നെ ആളു കൂടുതലാ. ആളുകൂടി തോണി മറിഞ്ഞാലോ'.
'മറിഞ്ഞാലും ഞമ്മക്ക് നീന്താലോ'. അബ്ദുല്ലക്ക് തമാശ.
അപ്പോൾ മൊയ്തീൻ ഇടപെട്ടു.
'നീന്താൻ അറിയാത്തോല് ഉണ്ടെങ്കിലോ'.
മൊയ്തീന്റെ കൂടെയുള്ള മച്ചുനൻ ഉസ്സൻ കുട്ടിക്ക് നീന്താനറിയില്ല. ചേന്ദമംഗല്ലൂരിലെ കോയസ്സൻ മാസ്റ്ററുടെ ഭാര്യ ആയിശയുടെ കൂടെ മൂന്നു മക്കളുണ്ട്. ഒരു കുട്ടി അവരുടെ ഒക്കത്തും, രണ്ടു കുട്ടികൾ അവരുടെ ആങ്ങളെ കെ.എം. വഹാബിന്റെ കൈയിലുമാണ്.
തോണി കരയോട് അടുത്തുകൊണ്ടിരിക്കുന്നു. അന്നേരം പഴയൊരു തോണിയാത്രയുടെ ഓർമകൾ മൊയ്തീന്റെ മനസ്സിൽ വന്നിട്ടുണ്ടാകുമോ?
മുഹമ്മദ് അബ്ദുറഹ്മാൻ സാഹിബുമൊത്തുള്ള ആ തോണിയാത്ര.
അന്ന് തന്നെ ഈ പുഴയിലേക്ക് എടുത്തിടട്ടെ എന്ന് സാഹിബ് ചോദിച്ചപ്പോൾ എത്ര ആത്മവിശ്വാസത്തോടെയാണ് കുട്ടിയായിരുന്ന മൊയ്തീൻ മറുപടി പറഞ്ഞത്.
'ട്ടോളീ.... യ്ക്ക് നീന്താനറിയാലോ. ഞാൻ നീന്തി അക്കരെ പറ്റും'.
അബ്ദുല്ല തോണിയിൽ കയറി. അക്കൊല്ലം പുതിയ കരാറുകാരാണ് കടത്ത് ഏറ്റെടുത്തത്. സാധാരണ കടത്തുകാരനായ അബ്ദുറഹ്മാൻ അല്ല. വെള്ളരിമലയിൽ ഉരുൾപൊട്ടിയതിനാൽ പുഴയിൽ നല്ല വെള്ളവും ശക്തമായ ഒഴുക്കുമുണ്ട്. മാടത്തിൽ അബൂബക്കറാണ് അമരത്തിരിക്കുന്നത്. കഴുക്കോൽ അവന്റെ ജ്യേഷ്ഠൻ റസാഖിന്റെ കൈയിലാണ്. സർവശക്തിയുമെടുത്ത് അവർ തോണി മേലോട്ട് തുഴയുകയാണ്.
വെള്ളവും തോണിയും ഒരു വിരൽപാടിന്റെ അകലമേയുള്ളൂ. എന്നാലും ആർക്കും ഒരു ഭയവുമില്ല. എല്ലാവരും എന്നും യാത്ര ചെയ്യുന്നവരാണ്. തോണി ഒരുപാടു മുകളിലെത്തിയശേഷം മറുകര ലക്ഷ്യമാക്കി നീങ്ങുകയാണ്. പെട്ടെന്ന് വലതു വശത്തേക്ക് ഒന്നു ചരിഞ്ഞു. നല്ല തിരയും ചുഴികളുമുണ്ട്. കുറച്ചു വെള്ളം അകത്തുകയറി. ആളുകൾ ഭയന്നു ബഹളംവച്ചു. ആരും അനങ്ങരുതെന്ന് മൊയ്തീൻ വിളിച്ചുപറഞ്ഞു. തോണി നേരെയായപ്പോൾ എല്ലാവർക്കും ആശ്വാസം. കുറച്ചുകൂടി മുന്നോട്ടു പോയപ്പോൾ തോണി ഇടതുവശത്തേക്കു ചരിഞ്ഞു. അതോടെ യാത്രക്കാരും ചരിഞ്ഞു. തോണിയിൽ വെള്ളം കയറി. ഉസ്സൻകുട്ടിയാണ് ആദ്യം വീണത്. അദ്ദേഹം വെള്ളത്തിൽ മുങ്ങിപ്പോയി. തോണി മറിഞ്ഞു.
മൊയ്തീൻ പെട്ടെന്ന് തന്റെ അടുത്തുനില്ക്കുകയായിരുന്ന ആയിശയെ പിടിച്ച് മറിഞ്ഞ തോണിയുടെ പുറത്ത് പിടിപ്പിച്ചു. അവർ ഒക്കത്തുള്ള കുട്ടിയെ മുറുകെ പിടിച്ചിരുന്നു. മൊയ്തീൻ ആ തോണി തള്ളി കരയിലേക്കു നീങ്ങി. രണ്ടു ജീവനാണ് കൈയിൽ. ആ വരവുകണ്ട് അക്കരെ കുളിക്കുകയായിരുന്ന അമ്പലക്കണ്ടി അബ്ദുൽ ഗഫൂറും തളത്തിൽ അയമും തോണി വലിച്ചു കരയടുപ്പിച്ചു. ആ അമ്മയും കുഞ്ഞും രക്ഷപ്പെട്ടു. പക്ഷേ, അവരുടെ രണ്ടു മക്കളും ആങ്ങളയും വെള്ളത്തിലുണ്ട്. മൊയ്തീന്റെ മച്ചുനൻ ഉസ്സൻ കുട്ടിയും വെള്ളത്തിലുണ്ട്. മൊയ്തീൻ കരയിൽ കയറാതെ തിരിച്ചു നീന്തി. ഗഫൂർ കരയിലേക്ക് കയറാൻ കൈകൊടുത്തപ്പോൾ മൊയ്തീൻ പറഞ്ഞു. എന്നെ നോക്കേണ്ട, ബാക്കിയുളേളാരെ നോക്ക്.
ഈ സമയം നൗഷാദ് പുസ്തകവും കുടയും ഉപേക്ഷിച്ച് താഴെ എവിടെയോ കരപറ്റിയിരുന്നു. അപ്പോൾ അവന്റെ മുന്നിലൂടെ അവന്റെ എളാമ ശരീഫ ഒഴുകിപ്പോകുകയാണ്. പാവാട കാലിൽ ചുറ്റിയ കാരണം അവൾക്ക് നീന്താൻ പറ്റുന്നില്ല. അവൻ കരയിൽനിന്ന് ആർത്തുവിളിച്ചു.
ശരീഫ അത്രയും നേരം സഹോദരൻ മജീദിന്റെ കൈയിലായിരുന്നു. നീന്തിത്തളർന്നപ്പോൾ രണ്ടിൽ ഒരാൾക്ക് രക്ഷപ്പെടാമെന്നു പറഞ്ഞ് മജീദ് അവളെ കടുത്ത ഹൃദയവേദനയോടെ കൈവിടുകയായിരുന്നു. താഴെ പുഴ വളയുന്നിടത്ത് വെള്ളത്തിന്റെ ഒഴുക്ക് കരയോടു ചേർന്നാണ്. ആ ഭാഗത്തേക്കുള്ള തള്ളലിൽ താഴേക്ക് തൂങ്ങിനിന്ന കായൽക്കൂട്ടത്തിൽ ശരീഫയ്ക്ക് പിടിത്തം കിട്ടി. കരയിലൂടെ ഓടിവരുന്ന നൗഷാദിനെ അവൾ വിളിച്ചു കരയുന്നുണ്ടായിരുന്നു. രക്ഷാപ്രവർത്തകർ തോണി കൊണ്ടുവന്ന് അവളെ കരക്കെത്തിച്ചു.
നൗഷാദ് കരപറ്റിയതിനു തൊട്ടുപിന്നാലെ അപ്പോഴേക്കും മജീദും വന്നുപറ്റിയിരുന്നു. അപ്പോഴേക്കും ആയിശയുടെ ഒരു കുട്ടിയുമായി വഹാബും വന്നുപറ്റി. അവന്റെ കൈയിൽ ഒരു കുട്ടിയേ ഉണ്ടായിരുന്നുള്ളു. അംജ്തമോൻ പോയെന്ന് പറഞ്ഞ് അവൻ അലറിക്കരഞ്ഞു.
വയോധികനായ ആശാരി ചെക്കുട്ടി നീന്തി കരപറ്റി. നീന്തുമ്പോൾ വെള്ളത്തിനടിയിൽനിന്ന് അയാളുടെ കാലിൽ ആരോ മുറുക്കി പിടിച്ചിരുന്നു. മറ്റേ കാലുകൊണ്ട് അയാൾ ചവിട്ടി ഒഴിവാക്കുകയായിരുന്നു. അല്ലെങ്കിൽ ചെക്കുട്ടിക്കും രക്ഷപ്പെടാൻ പറ്റില്ല. ഒരു താടിക്കാരനാണെന്നേ അയാൾക്കറിയൂ. അത് ഉസ്സൻ കുട്ടിയായിരിക്കണം. മുക്കത്ത് വിദ്യാർത്ഥിയായിരുന്ന പി.വി. മുഹമ്മദലി പുസ്തകക്കെട്ടുകൾ പോലും നനയാതെ നീന്തി കരപറ്റി. തോണി മറിഞ്ഞാൽ നീന്താമെന്ന് പറഞ്ഞ അബ്ദുല്ലയും നീന്തി കരകയറി. കുന്ദമംഗലത്തുകാരൻ അമ്മദും രക്ഷപ്പെട്ടു. കടത്തുകാരായ അബൂബക്കറും റസാഖും പങ്കായവും കഴുക്കോലുമൊന്നും നഷ്ടപ്പെടാതെ നേരെ കരയിലേക്കു രക്ഷപ്പെട്ടു.
അപ്പോഴേക്കും മൊയ്തീൻ ഒഴുക്കിൽ കുറെ താഴേക്ക് എത്തിയിരുന്നു. മച്ചുനൻ ഉസ്സൻ കുട്ടിക്ക് നീന്താനറിയില്ലെന്ന് മൊയ്തീനറിയാം. അവന് എന്ത് സംഭവിച്ചിരിക്കുമെന്ന ഭയം മൊയ്തീനെ തളർത്തിയിട്ടുണ്ടാകുമോ? താഴെ പുഴയുടെ വളവിൽ കരയിലേക്ക് അടുക്കാൻ മൊയ്തീന്ന് പറ്റുന്നില്ല. ഗഫൂർ എറിഞ്ഞുകൊടുത്ത കയർ എത്തുന്നില്ല. അതിൽ പിടിച്ച് എങ്ങനെയെങ്കിലും രക്ഷപ്പെടാൻ ഗഫൂർ അലറുന്നുണ്ടായിരുന്നു. നൗഷാദ് വീർപ്പടക്കി ആ രംഗം നോക്കിനിന്നു. പക്ഷേ, ആ കയറിൽ പിടിക്കാൻ കഴിയുന്നതിന് മുൻപേ മൊയ്തീൻ തളർന്നു പോയിരുന്നു. ഗഫൂർ കരയിലുണ്ടായിരുന്ന മരത്തടി വെള്ളത്തിലേക്ക് ഇട്ടുകൊടുത്തെങ്കിലും അതിലും പിടിക്കാൻ പറ്റിയില്ല. പെട്ടെന്ന് മൊയ്തീൻ മുങ്ങിപ്പോയി. ഒന്നു പൊങ്ങി, കൈ മേലോട്ട് ഉയർത്തി 'ഉമ്മാ' എന്നൊരു വിളി... പിന്നെ കണ്ടിട്ടില്ല.
എന്തായിരിക്കും മൊയ്തീന് സംഭവിച്ചത്? മുൻപ് കുത്തേറ്റ വയറിന്റെ ഭാഗത്ത് ചിലപ്പോൾ ഒരു കോച്ചിപ്പിടുത്തം അനുഭവപ്പെടാറുണ്ട്. അങ്ങനെയെന്തെങ്കിലും സംഭവിച്ചു കാണുമോ? കുത്തിന് ശേഷം എഴുതുമ്പോൾ പോലും കൈ വിറയ്ക്കുമായിരുന്നു. തിരുവനന്തപുരത്തുവച്ച് അവസാനമായി രാഗിണിയെ കണ്ടപ്പോഴും തനിക്ക് പഴയ ആരോഗ്യമില്ലെന്ന് മൊയ്തീൻ പറഞ്ഞിരുന്നു. പ്രിയപ്പെട്ട ആ മകനെ പുഴ കൊണ്ടുപോയി. മൂന്നാം ദിവസമാണ് മൊയ്തീന്റെ ജഡം കിട്ടിയത്. ആ ജഡത്തിൽ ഒരു പരിക്കുമുണ്ടായിരുന്നില്ല. കണ്ണിനു താഴെ മീൻ കൊട്ടിയപോലെ ഒരു പാട്. മൂന്നു ദിവസം വെള്ളത്തിൽ കിടന്ന ജഡമാണെന്ന് തോന്നുകയേ ഇല്ല. ആ മുഖത്തെ തേജസ്സ് അപ്പോഴും മാഞ്ഞുപോയിരുന്നില്ല.
ഉസ്സൻ കുട്ടിയുടെ ജഡം നാലാം ദിവസമാണ് കിട്ടിയത്. അംജത് മോനെ ഒരിക്കലും കിട്ടിയില്ല.
അമ്പലക്കണ്ടി ഗഫൂറിനൊപ്പം മൊയ്തീനേയും രാഷ്ട്രം ജീവൻ രക്ഷാപതക്കം നല്കി ആദരിച്ചു. മൊയ്തീന് മരണാനന്തര ബഹുമതിയായിരുന്നു അത്'.

മൊയ്തീൻ കാഞ്ചനമാല
പി.ടി. മുഹമ്മദ് സാദിഖ്
മാതൃഭൂമിബുക്‌സ്
2015, 120 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

Loading...
TODAYLAST WEEKLAST MONTH
പ്രിഡിഗ്രിക്കാരിയുടെ സഹപാഠിയുടെ സ്വർണ്ണ കമ്മൽ മോഷണം കണ്ടെത്തിയത് തൊണ്ടി സഹിതം; നാണക്കേടായതോടെ പാലായിലേക്ക് നാടുകടത്തിയത് ബികോം പഠിക്കാൻ; പിൻബെഞ്ചിലെ നിശബ്ദതയിൽ ഉണ്ടാക്കിയത് മൂന്ന് നാല് പ്രണയങ്ങൾ; ക്ലാസ് സമയത്ത് സിനിമ കണ്ടും ചുറ്റിക്കളിച്ചും കറങ്ങിയത് വീട്ടുകാരെ പറ്റിച്ച്; കൂടത്തായിയിലെ പ്രതിബന്ധങ്ങൾ ഇല്ലാതാക്കുമ്പോൾ അനുഭവിച്ചത് ഒരുതരം ലഹരി; സിലിയെ ആശുപത്രിയിൽ കൊണ്ടു പോകാൻ വൈകിച്ചത് മരണം നേരിൽ കാണാൻ; ജോളി ജോസഫിന്റെ ഭൂതകാലവും അസ്വാഭാവികതകളുടേത്
സിമന്റ് അണ്ണാച്ചി ശ്രീനിവാസന്റെ ഗൂഗ്ലി ബൗണ്ടറിക്ക് പറത്തി സിക്‌സർ അടിച്ച് സാക്ഷാൽ അമിത് ഷാ; ഇന്ത്യൻ ക്രിക്കറ്റിലും രാഷ്ട്രീയത്തിലെ ചാണക്യൻ പിടിമുറുക്കുന്നു; സിമന്റ് ലോബിയുടെ കളികളെ അതിജീവിച്ച് സൗരവ് ഗാംഗുലി ബിസിസിഐ അധ്യക്ഷനാകുന്നത് കേന്ദ്ര ആഭ്യന്തര മന്ത്രിയുടെ തന്ത്രങ്ങളുടെ കരുത്തിൽ; അമിത് ഷായുടെ മകൻ സെക്രട്ടറി; കേന്ദ്രമന്ത്രി അനുരാഗ് താക്കൂറിന്റെ സഹോദരൻ ട്രഷററും; ബിസിസിഐയിൽ ഇനി 'ദാദാ യുഗം'; നയിക്കാൻ ഗാംഗുലി എത്തുമ്പോൾ പ്രതീക്ഷയിൽ കളിക്കാരും ആരാധകരും
27 വർഷം എന്നെ കൊണ്ട് നടന്ന കാലുപോയതോടെ കരളു പങ്കിട്ടു സ്‌നേഹിച്ച പെണ്ണും പോയി! പിന്നെയും പോയി ഞാനേറെ സ്‌നേഹിച്ച കളിക്കളവും ഫുട്ബോളും കബഡിയും; കുടുംബത്തിന്റെ വരുമാനവും അതുവരെയുള്ള സമ്പാദ്യവും; ഇതൊക്കെ പോയപ്പോഴും ഞാൻ പിടിച്ചുനിന്നു; ജീവൻ തന്ന് കൂടെയുണ്ടാകുമെന്ന് പറഞ്ഞവൾ കാലില്ലാത്ത എന്നെ വേണ്ടെന്ന പറഞ്ഞപ്പോൾ തിരിച്ചറിഞ്ഞത് പ്രണയത്തേക്കാൾ ആത്മാർത്ഥമായ സൗഹൃദത്തെ; ചങ്ക് തന്ന് നമ്മളെ സ്‌നേഹിക്കാൻ കൂട്ടുകാർ കൂടെയുണ്ടെങ്കിൽ എന്ത് കാൻസർ; വൈറലായി കുറിപ്പ്
ഉപതെരഞ്ഞെടുപ്പ് പ്രചരണം അവസാന റൗണ്ടിൽ എത്തി നിൽക്കവേ യുഡിഎഫിന് മൂൻതൂക്കം പ്രവചിച്ച് ന്യൂ ഏജ് - ഐക്കൺ ഇന്ത്യ പ്രീ പോൾ സർവേ ഫലം; എറണാകുളവും വട്ടിയൂർക്കാവും മഞ്ചേശ്വരവും നിലനിർത്തുമ്പോൾ ആശങ്കയുള്ളത് കോന്നിയിൽ മാത്രമെന്ന് പ്രവചനം; ഭരണപക്ഷത്തിന് വേണ്ടി അരൂർ വീണ്ടും ചുമക്കും; ലോക്‌സഭാ തെരഞ്ഞെടുപ്പിൽ നേടിയ മേൽക്കൈ യുഡിഎഫിന് പലയിടത്തും നഷ്ടമാകുമെന്നും സൂചന; വട്ടിയൂർക്കാവിൽ വി കെ പ്രശാന്തിന്റെ ജനകീയ മേയർ ബ്രോ ഇമേജിനേക്കാൾ ജാതി സമവാക്യം മോഹൻകുമാറിന് തുണയാകും
പിഎംസി ബാങ്ക് മാനേജിങ് ഡയറക്ടർ ഏഴ് വർഷത്തിനിടെ വാങ്ങിക്കൂട്ടിയത് കോടികളുടെ സ്വത്തുക്കൾ; മലയാളിയായ ജോയ് തോമസ് മതംമാറി ജുനൈദ് ഖാൻ ആയത് സ്വന്തം പിഎയെ വിവാഹം കഴിക്കാൻ; ആദ്യ ഭാര്യയും കുട്ടികളും പോലും അറിയാതെ ഒമ്പത് ഫ്‌ളാറ്റുകളും ഒരു ടെക്‌സറ്റയിൽ മില്ലും സ്വന്തമാക്കിയത് ജുനൈദിന്റെയും രണ്ടാം ഭാര്യയുടെയും പേരിൽ
പന്നിയിറച്ചിക്ക് പകരം വിളമ്പിയത് ബീഫ് കറി; ബീഫ് അലർജിയായ യുവാവ് വെയറ്ററുമായി തർക്കിച്ച് കറി വലിച്ചെറിഞ്ഞതോടെ സംഘർഷം; ബീഫ് വിൽക്കരുതെന്ന് പറഞ്ഞുകൊണ്ടാണ് മർദ്ദനം എന്നത് ചിലരും ചേർന്നു പ്രചരിപ്പിച്ച കള്ളക്കഥ മാത്രം; പ്രശ്‌നം പറഞ്ഞു തീർത്ത് ഇരുവരും തമ്മിൽ രമ്യതയിൽ എത്തിയതോടെ കൊടിപിടിച്ച ഡിവൈഎഫ്‌ഐ സഖാക്കൾ ആപ്പിലായി; രാഷ്ട്രീയ മുതലെടുപ്പിന് ശ്രമിക്കരുതെന്ന താക്കീതുമായി പൊലീസും
ചേകന്നൂരിനെ കൊന്നവർ മൃതദേഹം കുഴിച്ചിട്ടത് ഒരിടത്ത്; മറ്റൊരു സംഘം അതിനെ അവിടെ നിന്ന് മാറ്റി മറ്റൊരിടത്ത് മറവ് ചെയ്തത് തെളിവ് നശീകരണത്തിന്റെ അതിരഹസ്യബുദ്ധി; മൊയ്നുദ്ദിന്റെ അറസ്റ്റോടെ ചേകന്നൂർ കേസിന് പുതുജീവൻ; പ്രതിസ്ഥാനത്തുള്ളത് സുന്നി ഗ്രൂപ്പുകളിലൊന്ന് മറുവിഭാഗത്തിന്റെ പള്ളികൾ കൈവശപ്പെടുത്താൻ വേണ്ടി രൂപം നൽകിയ സുന്നി ടൈഗർ ഫോഴ്‌സ്; ജംഇയ്യത്തുൽ ഇഹ്‌സാനിയയായി മാറിയത് ഈ തീവ്രവാദ ഗ്രൂപ്പ്; തൊഴിയൂർ സുനിൽ വധത്തിൽ നിറയുന്നത് കേരളത്തിലെ തീവ്രവാദത്തിന്റെ വേരുകൾ
വനിതാ മതിൽ പണിയാൻ പിറവത്ത് നിന്ന് അയച്ചത് അഞ്ചു ബസ്; ബെന്നി ബഹനാൻ റോബിൻ പീറ്ററിനെതിരേ പ്രവർത്തിച്ചു; സമുദായാംഗമായിട്ടും ഉമ്മൻ ചാണ്ടി സഹായിച്ചില്ല; എൽഡിഎഫും യുഡിഎഫും വഞ്ചിച്ചു; സഹായിച്ചത് ബിജെപിയും ആർഎസ്എസും മാത്രം: കോന്നിയിൽ സുരേന്ദ്രനായി പ്രവർത്തിക്കുമെന്ന് വ്യക്തമാക്കി പിറവം പള്ളി മാനേജ്മെന്റ് കമ്മിറ്റി അംഗം ജോയ് വർഗീസും പ്രകാശ് കെ വർഗീസും
പൊലീസ് സ്‌റ്റേഷനിൽ ആര്യ എത്തിയത് വിവാദ കേന്ദ്രമായ അതേ സ്‌കൂട്ടർ സ്വയം ഓടിച്ച്; ഒത്തുതീർപ്പ് സാധ്യത തേടിയെങ്കിലും സെക്യൂരിറ്റിക്കാരനോട് പൊലീസുകാരുടെ മുമ്പിൽ വച്ചു തട്ടി കയറിയത് സെക്യൂരിറ്റി ഏജൻസിയെ ചൊടുപ്പിച്ചു; ടൂവീലർ അശ്രദ്ധമായി നീക്കിവച്ചെന്ന് ആരോപിച്ച് സെക്യൂരിറ്റി ജീവനക്കാരന്റെ മുഖത്തടിച്ചതു കൊച്ചി സർവകലാശാലയിലെ അനന്യ വനിതാ ഹോസ്റ്റലിലിലെ മേട്രൻ; കേസായതോടെ കരാർ ജോലി കൊയിലാണ്ടിക്കാരിക്ക് നഷ്ടമാകും; തുറിച്ചു നോക്കൽ വാദവുമായി തടിയൂരാൻ ആര്യയും
സയനേഡ് കൊടുത്ത് മടിയിൽ കിടത്തി അവസാന ശ്വാസം വലിപ്പിച്ചു; സിലിയെ കൊന്നു തള്ളിയതിന്റെ യാതൊരു മനസാക്ഷിക്കുത്തുമില്ലാതെ പ്രണയജീവിതം മാത്രം ചിന്തിച്ച് മരണവീട്ടിലും ഷാജുവും ജോളിയും; സിലിയെ ഇല്ലാതാക്കിയവർ അന്ത്യ ചുംബനം നൽകിയത് പരസ്പരം മുഖമുരുമിക്കൊണ്ടും; ജോളിയുടെ പ്രവർത്തിയിൽ ഞെട്ടിയെന്ന ഷാജുവിന്റെ വാദവും കള്ളം; മനുഷ്യ മനസാക്ഷിയെ ഞെട്ടിക്കുന്ന ആ അന്ത്യ ചുംബനത്തിന്റെ ചിത്രം പുറത്ത്
സ്‌കൂളിൽ പഠിക്കുമ്പോൾ അച്ഛന്റെ പണം മോഷ്ടിച്ച് ആദ്യ കവർച്ച; ബികോം പാരലൽ കോളേജിൽ പഠിക്കുമ്പോൾ നാട്ടിൽ പറഞ്ഞത് അൽഫോൻസാ കോളേജിലെ വിദ്യാർത്ഥിനിയെന്നും; റോയിയുമായുള്ള പ്രണയം തുടങ്ങുന്നത് 22 കൊല്ലം മുമ്പ് കൊന്ന് തള്ളിയവരിൽ നാലാമനായ മാത്യുവിന്റെ വീട്ടിലെ കൂടിക്കാഴ്ചയ്ക്കിടെ; കട്ടപ്പനയിലെ 'സയനൈയ്ഡ് രാജ്ഞി' കൊലപാതക ഭ്രമത്തിനും മോഷണ സ്വഭാവത്തിനും സെക്ഷ്വൽ അബറേഷൻസിനും അടിമ; ജോളിക്കുള്ളത് കുറ്റകൃത്യങ്ങളുടെ ബാല്യം തന്നെ
ഭാര്യയേയും മകളെയും കൊല്ലാൻ അവസരമൊരുക്കിയത് ഞാൻ തന്നെ; ജോളിയോട് പ്രണയമായിരുന്നു; അരുങ്കൊലയ്ക്ക് എല്ലാ ഒത്താശയും ചെയ്തു നൽകിയെന്ന് പൊട്ടിക്കരഞ്ഞ് വെളിപ്പെടുത്തി ഷാജു; സിലിയെ കൊല്ലാൻ ദിവസം തീരുമാനിച്ചത് പനമരത്ത് വിവാഹത്തിന് പോയപ്പോൾ; മകളെ കൊന്നത് ബാധ്യതയാകുമെന്ന തോന്നലിൽ; മകനെ കൊല്ലാതെ വിട്ടത് മാതാപിതാക്കൾ നോക്കുമെന്ന് പറഞ്ഞതിനാൽ; ജോളിയുമായുള്ള വിവാഹത്തിന് മുൻകൈ എടുത്തത് അച്ഛൻ സക്കറിയ; കൂടത്തായി കൂട്ടക്കൊലയിൽ ഞെട്ടിക്കുന്ന വെളിപ്പെടുത്തലുകൾ
`ഞാൻ തൃശ്ശൂരിൽ തന്നെയുണ്ട്...ഇവിടെ സലൂൺ നടത്തുകയാണ്`; ജീവനക്കാരനായി എത്തിയ യുഎഇ പൗരൻ കമ്പനിയും പണവും തട്ടിയെടുത്തത് കബളിപ്പിച്ച്; ഒമാൻ വഴി നാട്ടിലേക്ക് കടത്തിയത് അറബി എടുത്ത് തന്ന കള്ള പാസ്‌പോർട്ട് ഉപയോഗിച്ച്; 10 കോടി രൂപ തട്ടിച്ചെന്ന യുഎഇ പൗരന്റെ ആരോപണം നിഷേധിച്ചും കഥകൾ മറുനാടനോട് വിശദീകരിച്ചും ജേവിസ്; അറബിയുടെ ഭാര്യ പറയുന്നത് നുണയെന്ന് ഭാര്യ ശിൽപ; ഗൾഫിലെ അന്വേഷണത്തിൽ തെളിഞ്ഞത് സുഹൃത്തുക്കളെ പോലും വൻ തുകകൾ തട്ടിച്ച ജേവിസിന്റെ ചെയ്തികളും
സയനൈഡ്‌ ജോളിക്കുണ്ടായിരുന്നത് പതിനൊന്നിലേറെ കാമുകന്മാർ; എന്ത് പ്രശ്‌നമുണ്ടായാലും പരിഹരിക്കാൻ പ്രാപ്തിയുള്ള പുരുഷ സുഹൃത്തുക്കളിൽ ചിലർക്കും കൂട്ടക്കുരുതിയെ കുറിച്ച് അറിയാമായിരുന്നു; പല രാഷ്ട്രീയ നേതാക്കളുമായും ഉണ്ടായിരുന്നത് ആത്മ ബന്ധം; ബ്യൂട്ടി പാർലറുമായി അടുത്തത് സദാ സുന്ദരിയായി നടക്കാൻ; ഏലസ് പൂജിച്ച് നൽകിയ ജ്യോത്സ്യൻ ഒളിവിൽ പോയെന്നും പൊലീസ്; കൂടത്തായിയിലെ ക്രൂരതയിൽ ട്വിസ്റ്റുകൾ തുടരുന്നു
എല്ലാം സീനിലും കാണും! പ്രത്യകിച്ച് റോളുമില്ല ഡയലോഗുമില്ല; കുമ്മനടിക്ക് പകരം 'കമലയടി' വൈറലാക്കി സംഘപരിവാറുകാർ; ഇന്നലെ ഇന്ത്യൻ ട്രെന്റിംഗിൽ എത്തിയ 'കമലയടി' ഇന്ന് അർബൻ ഡിക്ഷണറിയിലും ഇടംപിടിച്ചു; മുഖ്യമന്ത്രിയോടൊപ്പം വിദേശ സന്ദർശനത്തിന് ഭാര്യ കമലയും പോവുന്നതിന് പുതിയ ഭാഷ്യം രചിച്ച് സോഷ്യൽ മീഡിയ; 'കമലയടി'ക്കണ കാലമായടീ തീയ്യാമ്മേ, കാശിന്റെ ക്ഷാമം തീർന്നടീ തീയ്യാമ്മേ എന്ന് ട്രോളന്മാർ
ജോളിക്കെതിരെ പുതിയ അന്വേഷണം കൂടി; പ്രാദേശിക കോൺഗ്രസ് നേതാവ് രാമകൃഷ്ണന്റെ മരണം ദുരൂഹമെന്ന് മകൻ; 55 ലക്ഷം നഷ്ടപ്പെട്ടെന്ന് മൊഴി; ജോളിയും സുഹൃത്ത് സുലേഖയും നടത്തിയ ബ്യൂട്ടിബാർലറുമായി രാമകൃഷ്ണന് ബന്ധമെന്ന് ക്രൈംബ്രാഞ്ചിന്റെ കണ്ടെത്തൽ; എൻഐടി അദ്ധ്യാപികയെന്ന് പറഞ്ഞ് വീട്ടിൽ നിന്നും പോന്നിരുന്ന ജോളി നിത്യസന്ദർശക ആയിരുന്നത് ബ്യൂട്ടി പാർലറിൽ; ടോംതോമസിൽ വാങ്ങിയ പണം ഉപയോഗിച്ച് ജോളി കാമ്പസ് പരിസരത്ത് ഫ്ളാറ്റ് വടകയ്ക്ക് എടുത്തിരുന്നതായും വിവരം
ജോൺസണുമായുണ്ടായിരുന്നത് ഹൃദയ ബന്ധം; 2015ൽ മക്കളെ നീന്തൽ പഠിപ്പിക്കാൻ പോയി ബി എസ് എൻ എൽ ജീവനക്കാരന്റെ ഭാര്യയെ ആത്മമിത്രമാക്കാൻ ശ്രമം; യാത്രകളും ഷോപ്പിങും സിനിമ കാണലും കുടുംബ സമേതമായപ്പോൾ ജോൺസണിന്റെ കള്ളക്കളികൾ ഭാര്യ തിരിച്ചറിഞ്ഞു; പൊലീസിലും പള്ളിയിലും പരാതി എത്തിയപ്പോൾ ജോളിക്ക് ചർച്ചകൾക്ക് കൂട്ടുവന്നത് തഹസിൽദാർ ജയശ്രീയും; താക്കീത് ചെയ്ത് വിട്ടിട്ടും കോയമ്പത്തൂരിൽ ബന്ധം തുടർന്ന് ജോളിയും ജോൺസണും; കൂടത്തായിയിൽ അവിഹിതങ്ങളുടെ ചുരുൾ അഴിയുമ്പോൾ
അന്നുണ്ടായത് ചങ്കൂറ്റമോ, മര്യാദ പഠിപ്പിക്കലോ ഒന്നുമായിരുന്നില്ല; നിങ്ങൾ ചീത്തവിളിച്ച ആ ഡ്രൈവറാണ് എന്റെ ജീവൻ രക്ഷിച്ചത്; താൻ വെല്ലുവിളിക്കുകയായിരുന്നില്ല; കെഎസ്ആർടിസിയെ തടഞ്ഞ് 'വൈറലായ യുവതി'യുടെ വെളിപ്പെടുത്തൽ; സൈബർ ലോകം ആഘോഷിച്ച ബസ് തടയൽ സംഭവത്തിൽ ട്വിസ്റ്റ്; യുവതിയുടെ വെളിപ്പെടുത്തൽ ശരിവെച്ച് കെഎസ്ആർടിസി ബസ് ഡ്രൈവറും
പ്രളയത്തിൽ തൃശൂരിനെ വെള്ളത്തിൽ മുക്കിയത് ശോഭാ സിറ്റിയുടെ പുഴയ്ക്കൽ പാടത്തെ കൈയേറ്റം; പി എൻ സി മേനോന്റെ 19 ഏക്കർ വയൽ കൈയേറ്റത്തിലെ കള്ളി വെളിച്ചത്തുകൊണ്ടു വന്നത് ഈ മിടുമിടുക്കി; കൊല്ലുമെന്ന് ഭീഷണിപ്പെടുത്തിയിട്ടും പിൻവാങ്ങാതെ നിയമ പോരാട്ടം ജയിച്ചിട്ടും അഞ്ച് കൊല്ലമായിട്ടും വിധി നടപ്പാക്കേണ്ടവർ തുടരുന്നത് കുറ്റകരമായ മൗനം; പ്രവാസി വ്യവസായിക്ക് പത്മശ്രീ കിട്ടാത്തതിന് പിന്നിലും അഡ്വ വിദ്യാ സംഗീതിന്റെ നീതി ബോധം; ശതകോടീശ്വരന്റെ കൈയേറ്റം തൃശൂരിനെ മുക്കി കൊല്ലുമ്പോൾ
നാല് വീട് അപ്പുറത്ത് താമസിച്ചിരുന്ന 13 വയസ്സ് പ്രായക്കൂടുതലുള്ള ഫിറോസിനെ ആദ്യം വിളിച്ചിരുന്നത് അങ്കിളെന്ന്; തന്റെ മകൾക്ക് ഇപ്പോൾ 16 വയസ്സുണ്ട്; ആ കുട്ടിക്ക് രണ്ട് വയസ്സുള്ളപ്പോഴായിരുന്നു അബോർഷൻ; മകൾക്ക് പ്രായം കുറവാണെന്ന് പറഞ്ഞ് അബോർഷന് നാട്ടിലേക്ക് വരാൻ ടിക്കറ്റെടുത്ത് തന്നത് ഫിറോസാണ്; ശ്രീറാം വെങ്കിട്ടരാമനുമായുള്ളത് സൗഹൃദം മാത്രം; ഇനിയുള്ള അലിഗേഷൻ എനിക്ക് തന്നെ പറയാൻ നാണമാണ്: വിവാഹ മോചന ഹർജിയിലെ ആരോപണങ്ങൾ നിഷേധിച്ച് വഫാ ഫിറോസ്
മദ്യം തലയ്ക്ക് പിടിച്ചപ്പോൾ കാമുകിയെ കാണാൻ മോഹം; ജനലഴികളിൽ നിന്നുള്ള സംസാരം മടുത്തപ്പോൾ അകത്തു കയറി; കാമകേളികൾ കഴിഞ്ഞപ്പോൾ അറിയാതെ ഉറങ്ങിപ്പോയി; പതിവില്ലാത്ത കൂർക്കം വലി കേട്ട് നോക്കിയ വീട്ടുകാർ ഞെട്ടി; പൊലീസെത്തി പെൺകുട്ടിയെ ചോദ്യം ചെയ്തപ്പോൾ മറ്റൊരുവന്റെ പീഡനകഥയും പുറത്ത്: മല്ലപ്പള്ളിയിൽ പതിന്നാലുകാരിയെ പീഡിപ്പിച്ച കഥ പുറത്തായത് ഇങ്ങനെ
മെക്കാനിക്കിനെ ലൈംഗിക ബന്ധത്തിനായി യുവതി വീട്ടിലേക്ക് ക്ഷണിച്ചത് നിരവധി തവണ; താനുമായി ശാരീരിക ബന്ധത്തിൽ ഏർപ്പെടുന്നതിന്റെ വീഡിയോ ശിവാനി ചിത്രീകരിച്ചത് യുവാവ് അറിയാതെ; 40 ലക്ഷം രൂപ തന്നില്ലെങ്കിൽ വീഡിയോ പുറത്തുവിടും എന്നും ബലാത്സംഗത്തിന് കേസ് കൊടുക്കും എന്നും പറഞ്ഞതോടെ എട്ടിന്റെ പണി കൊടുത്ത് യുവാവും
രതിനിർവേദം പുറത്തു വന്നതോടെ ഹരി പോത്തനുമായി പിണങ്ങിയ എഴുപതുകളിലെ താര സുന്ദരിക്ക് ജീവിതം നൽകിയ 'വില്ലൻ'; മമ്മൂട്ടിയെ കണ്ട് പഠിക്കാതെ ലക്ഷ്യബോധമില്ലാതെ പ്രവർത്തിച്ചതു കൊണ്ടാണ് തനിക്കും രതീഷിനുമൊക്കെ തിരിച്ചടി നേരിട്ടതെന്ന് തിരിച്ചറിഞ്ഞ് വിലപിച്ച താരം; ബിസിനസ്സിലെ ചുവടുവയ്‌പ്പ് എത്തിച്ചത് കേസിലും പുലിവാലിലും; സീരിയൽ നടിയുമായുള്ള വിവാഹം തകർന്നതോടെ വീണ്ടും ജയഭാരതിയുമായി അടുക്കാൻ ആഗ്രഹിച്ച 'ഭർത്താവ്'; സത്താർ ഓർമ്മയാകുമ്പോൾ
മത്തായിപ്പടിയിലെ സാമ്പത്തിക ശേഷിയുള്ള കുടുംബത്തിലെ ഇളയവൾ; ഏതൊരു ചെറുപ്പക്കാരെയും ആകർഷിക്കാൻ പോന്ന സുന്ദരി; ആരിലും മതിപ്പുളവാക്കുന്ന സംസാരവും പെരുമാറ്റവും കൊണ്ട് നാട്ടുകാരുടെ കണ്ണിലും നല്ലകുട്ടിയായ മിടുക്കി; അകന്നബന്ധു കൂടിയായ റോയി തോമസിനെ 22 വർഷം മുമ്പ് വിവാഹം കഴിച്ചത് പ്രണയത്തിന് ഒടുവിൽ; കല്ല്യാണവീട്ടിലെ കൂടിക്കാഴ്‌ച്ച പ്രണയത്തിന് വഴിയൊരുക്കി; ചിലന്തി വലനെയ്യുന്ന ക്ഷമയോടെ കാത്തിരുന്ന് കൊലപാതകങ്ങൾ നടത്തിയ കൂടത്തായിയിലെ ജോളി കട്ടപ്പനക്കാർക്ക് നല്ലകുട്ടി
സംസാരിച്ചു കൊണ്ടിരിക്കുമ്പോൾ പൊടുന്നനെ മുതലാളി പാന്റിന്റെ സിബ് അഴിച്ചു; വഴങ്ങാതെ നിന്നപ്പോൾ കഴുത്തിൽ ഇരുകൈകളും കൊണ്ട് അമർത്തിപ്പിടിച്ചു; കൊന്നു കളയുമെന്ന് ഭീഷണിപ്പെടുത്തി; പിന്നെ നടന്നത് നിർബന്ധപൂർവമുള്ള വദനസുരതം; സാമീസ് ലാബ് ഉടമ ഡോക്ടർ മജീദിനും മാധ്യമ പ്രവർത്തകൻ ജേക്കബ് ജോർജിന് എതിരെയും ലൈംഗിക പീഡനത്തിന് കോടതിയിൽ പരാതി; പരാതിക്കാരി പ്രമുഖ രാഷ്ട്രീയ പാർട്ടിയുടെ കൊച്ചിയിലെ വനിതാ നേതാവ്; ആരോപണത്തിന് പിന്നിൽ സാമ്പത്തികമെന്ന് ജേക്കബ് ജോർജ്