പറഞ്ഞുതീരാതെ, പി.ജി.
ഷാജി ജേക്കബ്
എഴുതിയതിനേക്കാൾ അറിഞ്ഞും അറിഞ്ഞതിനെക്കാൾ വായിച്ചും വായിച്ചതിനെക്കാൾ പറഞ്ഞും പറഞ്ഞതിനെക്കാൾ പറയാതെയും മലയാളിയുടെ സാംസ്കാരിക-രാഷ്ട്രീയ മണ്ഡലങ്ങളിൽ തന്റെ അസാധാരണമായ വ്യക്തിമുദ്ര പതിപ്പിച്ച ഇടതുപക്ഷ ബുദ്ധിജീവിയായിരുന്നു, പി. ഗോവിന്ദപ്പിള്ള. 1940കളിലാരംഭിക്കുന്ന കേരളത്തിലെയും ഇന്ത്യയിലെയും ജീവൽ-പുരോഗമനസാഹിത്യപ്രസ്ഥാനങ്ങളിൽ നിന്ന് മലയാളിക്കു ലഭിച്ച ഏറ്റവും സന്തുലിതമായ ചിന്തയും സമഗ്രമായ വിചാരങ്ങളും പി.ജി.യുടേതായിരുന്നു.
ഒരുപക്ഷെ, ഇ.എം.എസിനെക്കാൾ ജനാധിപത്യബോധത്തോടെ, സാഹിത്യ, സാംസ്കാരിക വിഷയങ്ങളിൽ ഇടപെടാനും എതിരഭിപ്രായങ്ങളെ അഭിമുഖീകരിക്കാനും സുതാര്യവും സുവ്യക്തവുമായ അഭിപ്രായ പ്രകടനശേഷി നിലനിർത്താനും കഴിഞ്ഞിരുന്നു, എക്കാലത്തും പി.ജി.ക്ക്. അക്കാദമിക പഠനരീതിശാസ്ത്രങ്ങളിലും പി.ജി. മറ്റേതൊരു പ്രമുഖ മാർക്സിസ്റ്റ് ബുദ്ധിജീവിക്കുമൊപ്പം ഭദ്രമായ നിലപാടുതറ രൂപപ്പെടുത്തിയിരുന്നു.
ക്ലാസിക്കൽ-യാന്ത്രിക-സോവിയറ്റ്-വൾഗർ മാർക്സിസത്തിന്റെ ജഡസ്വഭാവങ്ങൾ മറികടന്ന് ഒട്ടൊക്കെ സ്വതന്ത്രവും ഉദാരവുമായ നവമാർക്സിസത്തിന്റെ ജൈവസ്വരൂപങ്ങൾ പിൻപറ്റാൻ കഴിഞ്ഞ ആദ്യതലമുറ കേരളീയ മാർക്സിസ്റ്റുകളിലൊരാളായിരുന്നല്ലോ അദ്ദേഹം. ആഴവും പരപ്പുമുള്ള തന്റെ വായന, രാഷ്ട്രീയചിന്തയിൽ തളച്ചിട്ടില്ല, പി.ജി. സാഹിത്യം, സിനിമ, കല, മാദ്ധ്യമം, ഭാഷ, സാമൂഹ്യശാസ്ത്രം, ശാസ്ത്രം എന്നിങ്ങനെ ആധുനികതയുടെ സാംസ്കാരികമണ്ഡലങ്ങളേതും ചരിത്രബദ്ധവും പ്രത്യയശാസ്ത്രനിഷ്ഠവുമായി നിർധാരണം ചെയ്യാൻ പി.ജി. കാണിച്ചിരുന്ന ഉത്സാഹവും ജാഗ്രതയും അസാധാരണമായിരുന്നു.
അദ്ദേഹത്തിന്റെ ബൗദ്ധികഭാവനയ്ക്കു വഴങ്ങാത്തതായി സ്പോർട്സ് ഒഴികെ വിഷയങ്ങളൊന്നുമുണ്ടായിരുന്നില്ല എന്നത് പ്രസിദ്ധമാണല്ലോ. സി. അശോകനുമായി നടത്തിയ ഈ അഭിമുഖങ്ങൾ തെളിയിക്കുന്നതും, ഈവിധം തെളിച്ചമുറ്റ ഒരു ബൗദ്ധികവ്യക്തിത്വത്തെയാണ്. പറഞ്ഞിട്ടും പറഞ്ഞിട്ടും തീരാത്ത പി.ജി.യുടെ വിചാരലോകങ്ങളിലേക്കു തുറന്ന ഒരു കിളിവാതിലാണ് ഈ പുസ്തകം. അഥവാ, തുറന്ന സംവാദത്തിന്റെ കൈപ്പുസ്തകം. വായനക്കുശേഷവും ഈ പുസ്തകത്തിലെ പി.ജി.യുടെ നിലപാടുകൾ കേരളീയ പൊതുമണ്ഡലത്തിന്റെ കാവൽസ്വരങ്ങളിലൊന്നായി നമ്മുടെ ഓർമയിൽ പ്രതിധ്വനിക്കാതിരിക്കില്ല.
പതിമൂന്നു വിഷയങ്ങളെ കേന്ദ്രീകരിച്ച് ചെറുതെങ്കിലും കാര്യമാത്ര പ്രസക്തവും രാഷ്ട്രീയ തീവ്രവും ബുദ്ധിപൂർവകവുമായി പി.ജി.യും അശോകനും തമ്മിൽ നടത്തുന്ന സംഭാഷണങ്ങളാണ് ഈ പുസ്തകത്തിന്റെ ഉള്ളടക്കം. ചെറിയൊരു കാലയളവിൽ നടത്തിയവയാണെങ്കിലും അതിദീർഘമായ ഒരു കാലത്തോടുള്ള ചരിത്രാഭിമുഖ്യങ്ങൾ ഇവയ്ക്കടിത്തറയായുണ്ട്.
പി.ജി.യുടെ വിചാരജീവിതത്തെ സാമാന്യമായവലോകനം ചെയ്യുന്ന ശ്രദ്ധേയമായൊരാമുഖം അശോകൻ ഈ പുസ്തകത്തിനെഴുതിയിട്ടുണ്ട്. 1940കളിൽ തുടക്കമിടുന്ന ആ ജീവിതത്തിന്റെ ബൗദ്ധികതലങ്ങളും രാഷ്ട്രീയമാനങ്ങളും കേരളീയ മാർക്സിസ്റ്റ് ചിന്തയുടെതന്നെ ജീവചരിത്രത്തിന്റെ ഭാഗമായി മാറുന്നു. സോവിയറ്റ് മാർക്സിസത്തിന്റെ മൗലികവാദപരമായ പാഠങ്ങളുരുവിട്ടുതന്നെയാണ് പി.ജി.യും വളർന്നത്.
പക്ഷെ വളരെവേഗം അതിന്റെ ഉരുക്കുചട്ടക്കൂടിനും ഇരുമ്പുമറയ്ക്കും വെളിയിലെത്താൻ അദ്ദേഹത്തിനു കഴിഞ്ഞു. ഒപ്പം 1970കളിൽ മലയാളത്തിൽ രൂപംകൊണ്ടു തുടങ്ങിയ നവമാർക്സിയൻ കാഴ്ചപ്പാടുകൾക്ക് സർഗാത്മകമായ നേതൃത്വം നൽകാനും. വരണ്ട സിദ്ധാന്തമോ അടഞ്ഞ പുസ്തകമോ ആയിരുന്നില്ല പി.ജി.ക്ക് മാർക്സിസം. ജന്മിത്തത്തിനെതിരെ നടന്ന സമരങ്ങളിൽ തുടക്കമിട്ട്, മുതലാളിത്തത്തിനെതിരായ സമരങ്ങളിലൂടെ വളർന്ന് നവസാമ്രാജ്യത്തത്തിനെതിരെയുള്ള സമരങ്ങളിൽ എത്തിനിൽക്കുന്ന ഇന്ത്യൻ കമ്യൂണിസ്റ്റ് പ്രസ്ഥാനത്തിന് ഇടർച്ചകളും പതർച്ചകളും ഏറെയുണ്ടായിട്ടുണ്ട്. വ്യതിചലനങ്ങളുടെയും വിമർശനങ്ങളുടെയും പിളർപ്പുകളുടെയും സമാന്തരചരിത്രംതന്നെ അതിനുണ്ട്. 1980കളിലെ സംക്രമണഘട്ടത്തിൽ പി.ജി. തന്നെയും തന്റെ നിലപാടുകളുടെ താത്വികഭദ്രതകളിലും പ്രായോഗിക പദ്ധതികളിലും ഒട്ടൊക്കെ ആശങ്കപ്പെടുകയുണ്ടായിട്ടുണ്ട്. എങ്കിലും പാർട്ടിയുടെ തുരുമ്പുപിടിച്ച യന്ത്രഘടനയ്ക്കുമേൽ പ്രത്യയശാസ്ത്രത്തിന്റെ എണ്ണയിടാൻ ശ്രമിച്ച അപൂർവം മാർക്സിസ്റ്റുകളിലൊരാളായി പി.ജി. നിലനിന്നു. കമ്യൂണിസത്തിന്റെ കുപ്രസിദ്ധമായ മരണത്തെത്തുടർന്ന് മാർക്സിസം തന്നെയും അതിന്റെ ചരിത്രത്തിലെ ഏറ്റവും വലിയ വെല്ലുവിളി നേരിടുന്ന കാലത്ത് തന്റെയും സംഘടനയുടെയും ഭാവിയെക്കുറിച്ച് അത്ര വലിയ ആശങ്കകളില്ലാതെ സംസാരിക്കാൻ പി.ജി.ക്കു കഴിഞ്ഞത് അദ്ദേഹത്തിന്റെ അസാധാരണമായ വൈജ്ഞാനികധാരണകൾ മൂലമായിരുന്നു. യൂറോപ്യൻ നവോത്ഥാനം തൊട്ടാരംഭിക്കുന്ന ആധുനിക പശ്ചാത്യ വൈജ്ഞാനിക വിപ്ലവത്തിന്റെ ചരിത്രം മുതൽ പാശ്ചാത്യേതര വിജ്ഞാനചരിത്രങ്ങളുടെ രാഷ്ട്രീയം വരെ; കീഴാളപഠനങ്ങളുടെ സാംഗത്യം മുതൽ സ്വത്വരാഷ്ട്രീയങ്ങളുടെ പരിമിതികൾ വരെ; ക്ലാസിക്കൽ മാർക്സിസത്തിന്റെ ദൗർബ്ബല്യങ്ങൾ മുതൽ പോസ്റ്റ് മാർക്സിസത്തിന്റെ വെല്ലുവിളികൾ വരെ; സംസ്കാരവ്യവസായം മുതൽ ഡിജിറ്റൽ വിഭജനം വരെ-ഒരു മേഖലയും പി.ജി. വിശദീകരിക്കാതെയും വ്യാഖ്യാനിക്കാതെയുമിരിക്കുന്നില്ല. ഓരോന്നിലും തന്റേതായ കാഴ്ചപ്പാടുകളവതരിപ്പിക്കാനും നിലപാടുകൾ പുലർത്താനും അദ്ദേഹത്തിനു കഴിയുന്നു.
ഭാരതീയചിന്താപാരമ്പര്യവും മാർക്സിസവും, പുരസ്കാരങ്ങൾക്കു പിന്നിലെ രാഷ്ട്രീയതാല്പര്യങ്ങൾ, പോസ്റ്റ് മാർക്സിസ്റ്റു ചിന്തകൾ, മാർക്സിസവും തൊഴിലാളിവർഗ്ഗവും, എഴുത്തും പ്രത്യയശാസ്ത്രവും, പി ജിയും സിനിമയും, സ്ത്രീയുടെ ഇന്ത്യനവസ്ഥ, കല ജീവിതം മാദ്ധ്യമം, കലയും സമൂഹവും, പുരോഗമന കലാസാഹിത്യ പ്രസ്ഥാനവും പെരുമ്പാവൂർ രേഖയും, സ്വത്വബോധവും വർഗ്ഗബോധവും, സാഹിത്യാസ്വാദനവും സാമൂഹ്യ യാഥാർത്ഥ്യവും എന്നിവയാണ് ഈ പുസ്തകത്തിലെ സംവാദമേഖലകൾ. തനതായ ഇടപെടലുകൾ നടത്തിക്കൊണ്ടാണ് തന്റെ ആശയലോകത്തെ പി.ജി. അനാവരണം ചെയ്യുന്നത്. മാർക്സിസ്റ്റ് സാമൂഹ്യസംവാദങ്ങളിൽ സാധാരണ കടന്നുവരാറുള്ള മിക്കവാറും എല്ലാ വിഷയമേഖലകളും ഈ സംഭാഷണങ്ങൾ സ്പർശിച്ചു പോകുന്നു. പൊതുവെ രണ്ടു വിഭാഗമായി കാണാം ഈ സംവാദലോകത്തെ. വൈരുധ്യാത്മക ഭൗതികവാദത്തിന്റെ ചരിത്രപരമായ പ്രസക്തി, വർഗസങ്കല്പനത്തിന്റെ ആധുനികാനന്തര യുക്തി, മതം, ശാസ്ത്രം എന്നീ മണ്ഡലങ്ങളോടുള്ള മാർക്സിസത്തിന്റെ ബന്ധം, ഇന്ത്യൻ കമ്യൂണിസത്തിന്റെ പ്രതിസന്ധി, സ്വത്വ-വർഗ രാഷ്ട്രീയങ്ങളുടെ സംഘർഷം, പോസ്റ്റ് മാർക്സിസം എന്നിങ്ങനെ പ്രത്യയശാസ്ത്രപരവും പ്രായോഗികവുമായ തലങ്ങളിൽ മാർക്സിസത്തിന്റെ ചരിത്രജീവിതം പിന്നിട്ടുപോകുന്ന സന്ദർഭങ്ങളുടെയോ സങ്കല്പനങ്ങളുടെയോ ചർച്ചകളാണ് ഒരു വിഭാഗം. ഹെഗലിയൻ ആശയവാദം, മാർക്സിന്റെയും എംഗൽസിന്റെയും ചരിത്രപരമായ ഭൗതികവാദം എന്നിവ തുടങ്ങി ഗ്രാംഷിയുടെയും അൽത്തൂസറിന്റെയും മാർക്സിസ്റ്റ് വ്യാഖ്യാനങ്ങൾ, ഫൂക്കോ, ലിയോത്താർ, ഹണ്ടിങ്ടൺ, ഫുക്കുയാമ തുടങ്ങിയവരുടെ നിശിതവിമർശനങ്ങൾ, വിവരയുഗത്തിൽ വർഗസങ്കല്പനത്തിനുള്ള സാംഗത്യം എന്നിവ വരെ ഈ ഭാഗത്തു ചർച്ചചെയ്യപ്പെടുന്നു. 'രാഷ്ട്രീയസംസ്കാര'മാണ് ഈ ഭാഗത്തെ സംവാദവിഷയമെങ്കിൽ രണ്ടാമത്തെ വിഭാഗം 'സാംസ്കാരികരാഷ്ട്രീയ'ത്തിന്റേതാണ്.
കലയും സമൂഹവും തമ്മിലുള്ള ബന്ധം, മാദ്ധ്യമങ്ങളും മാർക്സിസ്റ്റ് പ്രയോഗങ്ങളും, എഴുത്തിന്റെ പ്രത്യയശാസ്ത്രം, സാഹിത്യ, കലാസ്വാദനപ്രക്രിയയും സാമൂഹികതയും, സിനിമയുടെ രാഷ്ട്രീയം, പുരോഗമന കലാസാഹിത്യപ്രസ്ഥാനത്തിന്റെ സന്ധികളും പ്രതിസന്ധികളും എന്നിങ്ങനെ മാർക്സിയൻ സൗന്ദര്യശാസ്ത്രം പൊതുവിലും കേരളീയസന്ദർഭത്തിലെ മാർക്സിയൻ സാംസ്കാരികസന്ദർഭങ്ങൾ വിശേഷിച്ചും ചർച്ചക്കെടുക്കുന്നു, ഈ ഭാഗത്ത്.
പി.ജി.യുടെ ചില നിരീക്ഷണങ്ങൾ ശ്രദ്ധിക്കുക:
(1) 'മാർക്സ് തന്നെ ആനുഷംഗികമായി ചെയ്ത ചില പ്രസ്താവനകൾ ശരിയായിരുന്നില്ല എന്ന് ഇന്ത്യൻ മാർക്സിസ്റ്റ് ചരിത്രകാരന്മാർ കണ്ടെത്തിയിട്ടുണ്ട്. ഉദാഹരണത്തിന് ഇന്ത്യയിലെ സമൂഹം സഹസ്രാബ്ദങ്ങളായി പരിവർത്തനരഹിതമായി തുടരുകയായിരുന്നുവെന്ന മാർക്സിന്റെ സൂചന ഇന്ത്യൻ മാർക്സിസ്റ്റുകൾ അംഗീകരിക്കുന്നില്ല. അതുപോലെ പ്രാകൃത കമ്യൂണിസം, അടിമ വ്യവസ്ഥ, നാടുവാഴിത്തം, മുതലാളിത്തെ എന്നിവ ഉൾക്കൊള്ളുന്ന ചതുർഘട്ട സാമൂഹ്യവികാസം അതേ രീതിയിൽ തന്നെ ഇന്ത്യക്ക് ബാധകമാണ് എന്ന ധാരണ കൊസാംബിയും മറ്റും തിരുത്തുകയുണ്ടായി. മാർക്സിസ്റ്റ് ചരിത്രശാസ്ത്രത്തിന് അത് ഒരു സംഭാവന തന്നെയാണ്. മാർക്സിസം മറ്റ് പല വിജ്ഞാനശാഖകളും പോലെ നിരന്തരം വളർന്നുകൊണ്ടിരിക്കുന്ന ഒരു ചിന്താപദ്ധതിയാണ്. വളർച്ച നിലയ്ക്കുന്ന സന്ദർഭത്തിൽ നിലയ്ക്കുന്നത് വളർച്ച മാത്രമല്ല ജീവൻ കൂടിയാണ്. അതുകൊണ്ടു മാർക്സിസം ജീവിക്കുന്നു എന്ന് പറയുന്നതിന്റെ അർത്ഥം അത് നിരന്തരം വളർന്ന് കൊണ്ടിരിക്കുന്നു എന്ന് കൂടിയാണ്. വളർച്ച എന്ന് പറഞ്ഞാൽ കാലഹരണപ്പെട്ടവ തിരസ്കരിക്കുകയും സജീവമായത് വളരുകയും ചെയ്യുമെന്നർത്ഥം'.
(2) 'മിന്നൽപ്പിണർ പോലെ നമ്മെ ആകർഷിക്കുകയും നമ്മെ നിരാശപ്പെടുത്തികൊണ്ട് അപൂർമധാരണകൾ അപ്രത്യക്ഷമാക്കുകയും ചെയ്യുന്ന ടെലിവിഷനിലും അതുപോലുള്ള ദൃശ്യ സംവേദനോപാധികളും വാസ്തവത്തിൽ സർവ്വാധിപത്യത്തിന്റെ ഉപകരണങ്ങളാണ്. റേഡിയോയും സിനിമയും ആദ്യമായി രാഷ്ട്രീയ പ്രചരണോപാധിയാക്കിയത് നാസി ജർമ്മനിയിൽ അഡോൾഫ് ഹിറ്റ്ലർ ആണെന്നത് യാദൃച്ഛികമല്ല. ഈ വിമർശനമൊക്കെയുണ്ടെങ്കിലും പ്ലേറ്റോയ്ക്ക് പറ്റിയ അമളി നമുക്കും പറ്റുന്നു. നാം വിമർശിക്കുന്ന ഈ സാങ്കേതിക വിദ്യയിൽ നിന്നും നമുക്കു മോചനമില്ല. അപ്പോൾ പിന്നെന്താണ് വഴി? എങ്ങനെ ഈ പുതിയ മാദ്ധ്യമത്തെ ദോഷങ്ങളെല്ലാം കഴിവുള്ളതത്ര ദുരീകരിച്ച് ഗുണപരമായി ഉപയോഗപ്പടുത്തുവാൻ കഴിയും. പറയുന്നതുപോലെ എളുപ്പമല്ലെങ്കിലും മറ്റെന്താണു പറയുവാൻ കഴിയുക, ബൂർഷ്വാ പ്രചാരവേല നിർലജ്ജം നടത്തുക എന്ന ലക്ഷ്യത്തോടു കൂടി പ്രവർത്തിച്ചു വരുന്ന ഇലക്ട്രോണിക് മാദ്ധ്യമങ്ങൾക്ക് ബദലായി ഇടതുപക്ഷക്കാർ നടത്തുന്ന ചാനലുകളും മേൽവിവരിച്ച പരിമിതികളിൽ നിന്നും ദോഷങ്ങളിൽ നിന്നും വിമുക്തമല്ല എന്നതാണ് പുരോഗമനവാദികൾ നേരിടുന്ന വെല്ലുവിളി'.
(3) 'ഏതു വിലപ്പെട്ട സാഹിത്യസൃഷ്ടിയും കവിതയോ കഥയോ നാടകമോ മറ്റ് ഗാനമോ- അത് മനുഷ്യന്റെ സാംസ്കാരിക പാരമ്പര്യത്തിലേക്ക് മുതൽക്കൂട്ടാകാത്തപക്ഷം അതിന് സാഹിത്യമെന്ന പേര് അർഹിക്കുന്നില്ല. സംസ്കാരമെന്നത് ഒറ്റപ്പെട്ട മനുഷ്യന്റെ വികാരവിചാരങ്ങളല്ല.
സമൂഹത്തെ നിലനിറുത്തുന്നതും സമ്പന്നമാക്കുന്നതും സംസ്കാരമാണ്. അതിനുപകരിക്കാത്ത സർഗ്ഗോല്പന്നം നാഭീധ്യാനതല്പരർക്കുള്ള സ്വയംഭോഗ വസ്തുവാണ്. അതുകൊണ്ട് ഈ സാംസ്കാരിക ഘടകം ഒഴിവാക്കിയാൽ ആ സാഹിത്യസൃഷ്ടി അകംപൊള്ളയായ പുറംതോടുപോലെ അവശേഷിക്കും. സാഹിത്യത്തിലും കലയിലും രൂപം ആണ് പ്രധാനമെന്നും ഭാവം നിസ്സാരമാണെന്നും കരുതുന്നവർ സാഹിത്യത്തെ അതിന്റെ ഹൃദയത്തിൽ നിന്ന് വേർപെടുത്തുകയാണ് ചെയ്യുന്നത്'.
പി.ജി.യുടെ നിലപാടുകളുടെയും കാഴ്ചപ്പാടുകളുടെയും ലോകം ആഴവും പരപ്പുമുള്ള ഒന്നാണ്. കടുംപിടുത്തങ്ങളില്ലാത്ത വാദമുഖങ്ങൾ, കാറ്റും വെളിച്ചവും കടക്കുന്ന ചട്ടക്കൂടുകൾ, അസാമാന്യമായ ഭാഷാപ്രയോഗങ്ങൾ, അതാര്യമോ അനഭിഗമ്യമോ അല്ലാത്ത ആശയതലങ്ങൾ, കുറ്റസമ്മതങ്ങളും കുമ്പസാരങ്ങളും നിറഞ്ഞ ഭൂതകാലവിചാരണകൾ, ജനാധിപത്യത്തോടുള്ള സംവാദാത്മക സമീപനങ്ങൾ, കാലിക പ്രതിസന്ധികളിൽ അടിപതറാതിരിക്കാനുള്ള മുൻകരുതലുകൾ.... പുസ്തകത്തിലുടനീളം അശോകന്റെ ചോദ്യങ്ങൾക്കും പി.ജി.യുടെ ഉത്തരങ്ങൾക്കുമുള്ള ഊർജ്ജവും ആർജ്ജവവും ഒന്നുവേറെതന്നെയാണ്.
സംവാദത്തിൽനിന്ന്
'പുരോഗമന സാഹിത്യപ്രസ്ഥാനത്തിന്റെ ചരിത്രത്തിൽ പെരുമ്പാവൂർ രേഖയുടെ പ്രസക്തി എന്താണ്?
പുരോഗമന സാഹിത്യപ്രസ്ഥാനത്തിന്റെ ചരിത്രത്തിൽ സങ്കുചിതവും വരട്ടുതത്ത്വവാദപരവും ആയ ചില പ്രവണതകൾ ഇടയ്ക്ക് തലപൊക്കുകയും പ്രസ്ഥാനത്തിന്റെ വ്യാപ്തി കുറയ്ക്കുകയും ചിലപ്പോൾ പിളർപ്പിന് തന്നെ വഴിവെക്കുകയും ചെയ്തിട്ടുണ്ട്. പുരോഗമന സാഹിത്യപ്രസ്ഥാനത്തിന് തുടക്കം കുറിക്കുകയും അതിലെ ഒരു മുഖ്യഘടകമായി കമ്യൂണിസ്റ്റ് സാഹിത്യകാരന്മാർ പ്രവർത്തിക്കുകയും ചെയ്യുന്നുണ്ടെങ്കിലും അത് കമ്യൂണിസ്റ്റ് സാഹിത്യകാരന്മാരുടെ മാത്രം സംഘടനയല്ല. തീർച്ചയായും പുരോഗമന സാഹിത്യത്തിന് പ്രത്യയശാസ്ത്രപരമായി ചില കാഴ്ചപ്പാടുകളുണ്ടെങ്കിലും അവയുമായി പൊരുത്തപ്പെടാൻ കഴിയാത്തവർക്കും ആ പ്രസ്ഥാനത്തിൽ പങ്കെടുക്കാനും സംവാദങ്ങൾ നടത്താനും അവകാശമുണ്ടായിരിക്കണം.
1. 1944ൽ എംപി. പോളിന്റെ അദ്ധ്യക്ഷതയിൽ ചേർന്ന് പുനഃസംഘടിപ്പിച്ച പുരോഗമന സാഹിത്യ സംഘത്തിന്റെ ശൈലിയും അതായിരുന്നു. നേരത്തെ പറഞ്ഞ ചില പാകപ്പിഴകൾമൂലം 1949ൽ പ്രസ്ഥാനം പിളർന്ന് രണ്ടായി. കമ്യൂണിസ്റ്റ് സാഹിത്യകാരന്മാർ ഒരുവശത്തും മുണ്ടശ്ശേരിയെയും പോളിനെയും പോലുള്ള കമ്യൂണിസ്റ്റേതര പുരോഗമനവാദികൾ മറുഭാഗത്തുമായി. 1952ൽ തന്നെ ഈ പിളർപ്പിന് വഴിവച്ച കമ്യൂണിസ്റ്റ് സാഹിത്യകാരന്മാരുടെ നിലപാട് പിശകായിരുന്നുവെന്നും പഴയ നിലയിലേക്ക് തിരിച്ച് പോകേണ്ടതുണ്ടെന്നും ഇ.എം.എസ്. നമ്പൂതിരിപ്പാട് വ്യക്തമാക്കുകയുണ്ടായി. പിന്നീട് പല കാരണങ്ങളാൽ ഇ.എം.എസിന്റെ ശരിയായ ഈ നിലപാട് പ്രാവർത്തികമാക്കാൻ പതിറ്റാണ്ടുകൾ എടുത്തു. 1992ൽ പെരുമ്പാവൂർ വച്ച് ചേർന്ന പുരോഗമനസാഹിത്യസമ്മേളനം ഈ വിശാലമായ കാഴ്ചപ്പാട് അംഗീകരിച്ചുവെന്നതാണ് പെരുമ്പാവൂർ രേഖയുടെ പ്രത്യേക പ്രാധാന്യം.
2. 1981ൽ മഹാകവി വൈലോപ്പിള്ളി ശ്രീധരമേനോന്റെ അധ്യക്ഷതയിൽ പുരോഗമന സാഹിത്യപ്രസ്ഥാനം സാഹിത്യേതര കലകളെകൂടി ഉൾപ്പെടുത്തി പുരോഗമന കലാസാഹിത്യസംഘമായി തീർന്നു. ഈ സാഹിത്യേതര കലാരംഗങ്ങളിലുള്ള പ്രവർത്തനങ്ങൾ മുൻപുതന്നെ ആരംഭിച്ചിരുന്നുവെങ്കിലും പെരുമ്പാവൂർ രേഖയോട് കൂടിയാണ് അത് ഔപചാരികമായ ഒരു നയമായി അംഗീകരിക്കപ്പെട്ടത്.
3. ഈ കാലയളവിൽ മാദ്ധ്യമരംഗത്ത് ഒരു വലിയ വിപ്ലവം തന്നെ നടന്ന് കഴിഞ്ഞിരുന്നു. പത്രമാസികകളുടെയും പുസ്തകങ്ങളുടെയും അച്ചടിയും വിതരണവും പൂർവ്വാധികം വർദ്ധിച്ചു. കൂടാതെ റേഡിയോ, ടെലിവിഷൻ, സിനിമ മുതലായവ ജനജീവിതത്തിന്റെ അവിഭാജ്യഘടകമായി. 1949ൽ പുരോഗമന സാഹിത്യസംഘം പിളരുന്ന കാലത്ത് റേഡിയോയും ടെലിവിഷനും പ്രചാരത്തിൽ വന്നിട്ടില്ലായിരുന്നു. മലയാള സിനിമപോലും ആണ്ടിൽ ഒന്നോ രണ്ടോ മാത്രമേ അക്കാലത്തുണ്ടാകാറുള്ളൂ. ഈ വസ്തുതകളൊക്കെ കണക്കിലെടുത്താണ് പെരുമ്പാവൂർ രേഖ തയ്യാറാക്കപ്പെട്ടത്.
4. 1975-77 ലെ അടിയന്തരാവസ്ഥ 1977 ലെ പൊതു തിരഞ്ഞെടുപ്പോടുകൂടി അവസാനിച്ചുവെങ്കിലും അടിയന്തരാവസ്ഥയുടെ ഫലമായി വികസിക്കാൻ തുടങ്ങിയ വർഗ്ഗീയവാദം പെരുമ്പാവൂർരേഖ എഴുതുമ്പോഴേക്കും വളരെ ശക്തിയാർജ്ജിച്ചിരുന്നു. 1992 ഡിസംബർ 6-ാം തീയതി ബാബറി മസ്ജിദ് പൊളിക്കുന്നതിന് മുൻപാണ് പെരുമ്പാവൂർരേഖ തയ്യാറായതെങ്കിലും ഈ സംഭവത്തിന്റെ മുൻകൂർ നിഴൽ രേഖയിൽ കണ്ടെത്താം. പിന്നീട് പടിപടിയായി വളർന്ന് സംഘപരിവാർ അധികാരത്തിൽ തന്നെ എത്തുകയുണ്ടായി. ഇപ്പോൾ അവർ കേന്ദ്രത്തിൽ അധികാരത്തിലില്ലെങ്കിലും അവിടെ പ്രധാന പ്രതിപക്ഷമാണ്. ചില സംസ്ഥാനങ്ങളിൽ അവർക്ക് ഇപ്പോഴും സർക്കാരുകൾ ഉണ്ട്. കഴിഞ്ഞ അഞ്ചെട്ട് വർഷങ്ങളായി വർഗ്ഗീയവാദം ഭീകരവാദമായി മാറുകയും സ്ഫോടനങ്ങളും സംഘട്ടനങ്ങളും നിത്യസംഭവങ്ങളായി മാറുകയും ചെയ്തിരിക്കുന്നു'.
പി.ജി : സംവാദത്തിന്റെ തുറന്ന പുസ്തകം
സി. അശോകൻ
ചിന്തപബ്ലിഷേഴ്സ്, 2014
വില : 65 രൂപ
Stories you may Like
- TODAY
- LAST WEEK
- LAST MONTH
- 'പക്ഷെ' കൾക്ക് ഇനി സ്ഥാനമില്ല; ജൂലായിൽ അനധികൃത അഭയാർത്ഥികളുമായുള്ള വിമാനം ബ്രിട്ടനിൽ നിന്നും റുവാണ്ടയിലേക്ക് പറന്നിരിക്കും; പാർലമെന്റിൽ റുവാണ്ട ബിൽ നിയമമാക്കി വീണ്ടും കരുത്ത് തെളിയിച്ച് ഇന്ത്യൻ വംശജനായ പ്രധാനമന്ത്രി ഋഷി സുനക്
- ബ്രിട്ടന്റെ ജയിലുകളിലെ പകുതിയിലേറെ വനിത ഗാർഡുമാരും ജയിൽ പുള്ളികളുമായി അവിഹിത ബന്ധം പുലർത്തുന്നവർ; പുരുഷ തടവുകാരായി ലൈംഗിക ബന്ധം പുലത്തിയതിന്റെ പേരിൽ കഴിഞ്ഞ വർഷം മാത്രം പുറത്താക്കിയത് 18 വനിതാ ജീവനക്കാരെ
- ഡ്രസ്സിങ് റൂമിലേക്ക് കാമറ തിരിച്ചു; ഐപിഎൽ കാമറാമാന് നേരെ വെള്ളക്കുപ്പി എറിയാനോങ്ങി ധോണി; കലിപ്പിന് കാരണം അന്വേഷിച്ച് ആരാധകർ
- ന്യൂനപക്ഷങ്ങൾക്കെതിരേ വസ്തുതാവിരുദ്ധമായി പറയുന്നതെല്ലാം അപ്പാടെ വിശ്വസിച്ച് മതേതരത്വത്തെ തല്ലിക്കൊല്ലുന്ന ആൾക്കൂട്ടമല്ല ഇന്ത്യയിലെ ഭൂരിപക്ഷം; മോദി മുസ്ലിംകൾക്കെതിരെ നടത്തിയത് നിന്ദാപരമായ പ്രസംഗം; പ്രധാനമന്ത്രിയുടെ വിദ്വേഷ പ്രസംഗത്തിനെതിരെ ദീപിക മുഖപ്രസംഗം; ബിജെപിയുടെ വോട്ടു മോഹത്തിന് തിരിച്ചടിയോ ?
- ഹോളിവുഡ് പ്രൊഡക്ഷന്റെ ഓഡിഷനിൽ പങ്കെടുത്ത് ഫഹദ് ഫാസിൽ; അവർ എനിക്ക് അഭിനയിക്കാൻ ഒരു സീൻ തന്നു; ആ സീനിനു മുൻപോ അതിനു ശേഷമോ എന്താണെന്ന് അറിയില്ലെന്ന് ഫഹദ്
- ചൊവ്വാഴ്ചയും കമ്മിഷണർ ഓഫീസിലെത്തി; ഉച്ചക്കു മുൻപായി ഓഫീസിലെത്തുകയും ഓൺലൈൻ മീറ്റിങ്ങിൽ പങ്കെടുക്കുകയും ചെയ്തു; ചില ഫയലുകൾ തീർപ്പാക്കിയശേഷം മടങ്ങി; പൂരപ്രേമികൾ നിരാശർ തന്നെ; തൃശൂരിലെ കമ്മീഷണർ അങ്കിത് അശോക് തന്നെ; മാറ്റുമെന്നത് പ്രഖ്യാപനം മാത്രമാകുമ്പോൾ
- വർഷത്തിൽ 12 ദിവസം മദ്യവിൽപ്പന ഇല്ലാതാകുന്നത് ടൂറിസത്തെ ബാധിക്കുമെന്ന് വിലയിരുത്തൽ; എല്ലാമാസവും ഒന്നിനുള്ള ഡ്രൈ ഡേ പിൻവലിച്ചേക്കും; ബാർ മുതലാളിമാർക്ക് കോളടിക്കും വിധം ബിവറേജസ് ഔട്ട് ലെറ്റുകളും ലേലം ചെയ്യും; കാരുണ്യക്കാർക്ക് കഷ്ടകാലം വന്നേക്കും; വരുമാന ചർച്ചകൾ ഇങ്ങനെ
- വീട്ടിൽ ആശാരിപ്പണിക്ക് എത്തി യുവതിയുടെ നമ്പർ കൈക്കലാക്കി; സൗഹൃദം സ്ഥാപിച്ച് പണം തട്ടിയ ശേഷം വീഡിയോ കോളിലൂടെ യുവതിയുടെ സ്വകാര്യ ദൃശ്യങ്ങൾ പകർത്തി: പണം തിരികെ ചോദിച്ചതോടെ അശ്ലീല വീഡിയോ പ്രചരിപ്പിച്ച പ്രതി അറസ്റ്റിൽ
- ജയലിനുള്ളിൽ കിടക്കുമ്പോഴും നിസാം കള്ളപ്പണ ഇടപാട് നടത്തിയോ? ബിനാമി ഇടപാടുണ്ടെന്ന ബിസിനസ്സ് പങ്കാളിയുടെ പരാതിയിൽ പുഴക്കരയിലെ വീടുകളിൽ ആദായ നികുതി റെയ്ഡ്; നിർണ്ണായക വിവരങ്ങൾ കിട്ടിയെന്നും സൂചന; ചന്ദ്രബോസ് വധക്കേസ് പ്രതിക്കെതിരെ ഇഡി അന്വേഷണത്തിനും സാധ്യത
- മലയാള സിനിമയിൽ വീണ്ടും താരമംഗല്യം! നടൻ ദീപക് പറമ്പോലും നടി അപർണ ദാസും വിവാഹിതരായി; താലികെട്ട് ഗുരുവായൂർ ക്ഷേത്രനടയിൽ; ചടങ്ങിൽ പങ്കെടുത്ത് അടുത്ത സുഹൃത്തുക്കൾ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്