1 usd = 71.12 inr 1 gbp = 93.50 inr 1 eur = 78.65 inr 1 aed = 19.36 inr 1 sar = 18.97 inr 1 kwd = 234.27 inr

Dec / 2019
09
Monday

കേവല, മർത്യഭാഷയ്ക്കപ്പുറം....

January 31, 2016 | 08:00 AM IST | Permalink



കേവല, മർത്യഭാഷയ്ക്കപ്പുറം....

ഷാജി ജേക്കബ്

കാധിപതികൾ വാഴാത്ത സംസ്‌കാരസാമ്രാജ്യമാണ് ഇക്കഴിഞ്ഞ എൺപത്തെട്ടു വർഷവും മലയാളസിനിമ. ഒരേയൊരു രംഗത്തൊഴികെ. സംവിധാനം മുതൽ അഭിനയവും സാങ്കേതിക പ്രവർത്തനങ്ങളുമുൾപ്പെടെയുള്ള രംഗങ്ങളിലെല്ലാം ഏതാണ്ടൊരേ പ്രതിഭാവിലാസത്തോടെയും ജനപ്രീതിയോടെയും ഒരേ കാലത്തുതന്നെ പലർ നിലനിന്നിരുന്നു. സേതുമാധവനും കുഞ്ചാക്കോയും പി.എൻ. മേനോനും അടൂരും അരവിന്ദനും മുതൽ എത്രയെങ്കിലും സംവിധായകർ. സത്യനും പ്രേംനസീറും മുതൽ ഗോപിയും തിലകനും മമ്മൂട്ടിയും മോഹൻലാലും വരെയുള്ള നടന്മാർ.

ശാരദയും ഷീലയും മുതൽ മീരാജാസ്മിനും മഞ്ജുവാരിയരും വരെയുള്ള നടിമാർ. പി. ഭാസ്‌കരൻ, വയലാർ, ഒ.എൻ.വി, ശ്രീകുമാരൻതമ്പി തുടങ്ങിയ ഗാനരചയിതാക്കൾ, ദക്ഷിണാമൂർത്തി മുതൽ എം.കെ.അർജുനൻ വരെയുള്ള സംഗീതസംവിധായകർ.... ഒരു കാലത്തും ഒരൊറ്റ പ്രതിഭയുടെ കുത്തക മലയാളസിനിമയിൽ ഒരു രംഗത്തുമുണ്ടായിട്ടില്ല.

ഗാനാലാപനത്തിലൊഴികെ. അവിടെ, 1960കൾ തൊട്ട് ഏതാണ്ടൊരു നാലുപതിറ്റാണ്ടുകാലം യേശുദാസ് ഒരു വടവൃക്ഷംപോലെ പടർന്നുപന്തലിച്ചു നിന്നു. ഒരിക്കൽ ജി. ദേവരാജൻ പറഞ്ഞതായി കേട്ടിട്ടുണ്ട്. 'മലയാളത്തിലെ ഏറ്റവും മികച്ച പാട്ടുകാരൻ യേശുദാസാണ്. രണ്ടും മൂന്നും നാലും സ്ഥാനത്തുള്ളതും യേശുദാസാണ്. പിന്നെ ജയചന്ദ്രൻ', എന്ന്. സുശീലയും ജാനകിയും തമ്മിലെങ്കിലും പാട്ടുകാരികൾക്കിടയിൽ വലിയൊരു സന്തുലിതത്വം നിലനിന്നപ്പോൾ പാട്ടുകാരന്മാർക്കിടയിൽ ജയചന്ദ്രനു പിന്നിൽ ബ്രഹ്മാനന്ദനുണ്ടായിരുന്നു എന്നതൊഴിച്ചാൽ ആദ്യ പത്തുസ്ഥാനങ്ങളിലെത്താൻ മികവുള്ള മറ്റാരും ഇല്ലായിരുന്നു, എന്നതാണ് വസ്തുത.

എന്നിട്ടും എങ്ങനെയാണ് പി. ജയചന്ദ്രൻ യേശുദാസ് എന്ന മാമരത്തിന്റെ നിഴലിൽ വളർച്ചമുട്ടാതെ തലയുയർത്തിനിന്നത്? പലരും ചൂണ്ടിക്കാണിച്ചിട്ടുള്ള ഒരു കാര്യമുണ്ട്. അത്, യേശുദാസിന്റെ ശബ്ദ, സ്വരവിന്യാസങ്ങൾക്കും ആലാപനകലയ്ക്കുമില്ലാത്ത സവിശേഷമായൊരു വികാരസ്ഫുരണശേഷി ജയചന്ദ്രന്റെ സംഗീതശൈലിക്കുണ്ടായിരുന്നുവെന്നതാണ്.

ജനപ്രിയസംസ്‌കാരമണ്ഡലങ്ങളിലെല്ലാമുള്ളതുപോലെ പുരുഷസ്വരൂപത്തിനുള്ളിൽ ഒട്ടൊക്കെ സ്‌ത്രൈണമായ ഒരു സ്വരസഞ്ചയം ജയചന്ദ്രനിൽ കണ്ടെത്തുന്നവരുണ്ട്. സത്യനെയും പ്രേംനസീറിനെയും തമ്മിലും മമ്മൂട്ടിയെയും മോഹൻലാലിനെയും തമ്മിലും താരതമ്യം ചെയ്ത് എത്തിച്ചേരാവുന്ന നിരീക്ഷണത്തിനു സമാനമായ ഒന്ന്. എ ആർ റഹ്മാൻ ഒരിക്കൽ പറഞ്ഞതുപോലെ യേശുദാസിന്റേതുപോലുള്ള ഗന്ധർവ്വനാദമല്ല, തികച്ചും മാനുഷികമായ ശബ്ദമാണ് ജയചന്ദ്രന്റേത്. ഗന്ധർവ്വന്റെ സുവർണ്ണ നാദമല്ല പലതരം ഇടർച്ചകളും പരിമിതികളുമുള്ള ചിതറിയ മനുഷ്യ സ്വരമാണ് ജയചന്ദ്രന്റേത്. അതാണ് കൂടുതൽ സംഗീതാത്മകവും വൈകാരികവും. എന്തായാലും 1958ലാരംഭിച്ച സംസ്ഥാന സ്‌കൂൾ കലോത്സവത്തിന്റെ ചരിത്രത്തിലെ ഏറ്റവും പ്രസിദ്ധമായ ആ പ്രതിഭാസംഗമം (യേശുദാസ് പാടുന്നു, ജയചന്ദ്രൻ മൃദംഗം വായിക്കുന്നു.) ഒരു പ്രതീകമായെടുത്താൽ പോലും യേശുദാസിന് അന്നുതൊട്ടിങ്ങോട്ട് കൈവന്നുപോന്നിട്ടുള്ള അപാരമായ മേൽക്കൈ വ്യക്തമാകും. എങ്കിലും ജയചന്ദ്രൻ ഒരു ബദൽനാദം പോലെ, ശബ്ദവൈവിധ്യം പോലെ, യേശുദാസിന്റെ സ്വരജോടിപോലെ, പലരും ചൂണ്ടിക്കാണിക്കുന്നതുപോലെ യേശുദാസിന്റെ പിന്നിലായെങ്കിലും തന്റെ വികാരോഷ്മളമായ ഭാവഗാനാലാപനസിദ്ധികൊണ്ട് മലയാളിയുടെ മറ്റൊരു ഗാനലാവണ്യമായി നിലനിന്നുപോന്നു. ബ്രഹ്മാനന്ദൻ, മുമ്പ്, നാടകവേദിയിൽ കെ.എസ്. ജോർജിനു മാത്രം കഴിഞ്ഞിട്ടുള്ളതുപോലെ മലയാളിയുടെ കേൾവിശീലത്തെ കണ്ണീരിൽ നനച്ച ഒരു കൊള്ളിമീൻപോലെ മിന്നിമാഞ്ഞുപോയതൊഴിച്ചാൽ യേശുദാസിനു പിന്നിൽ ജയചന്ദ്രൻ മാത്രമാണ് ഇക്കാലമത്രയും മലയാളിയുടെ ചലച്ചിത്രഗാനസംസ്‌കാരത്തിൽ മൗലികതയുള്ള ആൺനാദമായി സ്ഥാനം നേടിയിട്ടുള്ളത്.

ജയചന്ദ്രന്റെ ഗാനാലാപനചരിത്രത്തിന്റെ ഒരു സാമാന്യാവലോകനവും സൗന്ദര്യാസ്വാദനവുമാണ് എസ്. മനോഹരന്റെ ഈ പുസ്തകം. പ്രധാനമായും മൂന്നു മേഖലകളിലാണ് ജയചന്ദ്രന്റെ അരനൂറ്റാണ്ടു പിന്നിട്ട ഗാനാലാപനജീവചരിത്രം മനോഹരൻ അന്വേഷിക്കുന്നത്. ഒന്നാമത്തേത് ജി. ദേവരാജൻ, കെ. രാഘവൻ, വി. ദക്ഷിണാമൂർത്തി, എം.എസ്. ബാബുരാജ്, എം.കെ. അർജുനൻ എന്നീ മലയാളചലച്ചിത്ര സംഗീതരംഗത്തെ 'പഞ്ചരത്‌ന'ങ്ങളെ കേന്ദ്രീകരിച്ച് ജയചന്ദ്രൻ എന്ന ഗായകനു ലഭിച്ച പ്രശസ്തങ്ങളായ ഗാനങ്ങളെക്കുറിച്ചുള്ള അവലോകനം. ഇവർക്കൊപ്പം എം.എസ്. വിശ്വനാഥൻ കൂടിച്ചേർന്നാൽ ജയചന്ദ്രന്റെ സംഗീതജീവിതം ഏതാണ്ടു പൂർത്തിയാകും. പിന്നീടുള്ള ചരിത്രവും ജീവിതവും അതിന്റെ അനുബന്ധം മാത്രമാണ്.

രണ്ടാമത്തെ മേഖല, തമിഴ് ഉൾപ്പെടെയുള്ള അന്യഭാഷകളിൽ ജയചന്ദ്രനു ലഭിച്ച അവസരങ്ങളും നേട്ടങ്ങളും ഒപ്പം ചലച്ചിത്രഗാനത്തിനു വെളിയിൽ ഭക്തിഗാനങ്ങളും ലളിതഗാനങ്ങളുമൊക്കെയായി അദ്ദേഹം സൃഷ്ടിച്ച ഒരു സമാന്തരസംഗീതജീവിതവും വിലയിരുത്തുന്നു. മൂന്നാമത്തെ മേഖലയാകട്ടെ, ജയചന്ദ്രന്റെ സംഗീതജീവിതത്തിലെ കയ്പും ചവർപ്പും നിറഞ്ഞ തിരസ്‌കാരങ്ങളുടെയും തമസ്‌കരണങ്ങളുടെയും അനുഭവലോകത്തിന്റെ അനാവരണമാണ്.


വ്യക്തിജീവിതമാകട്ടെ, കലാജീവിതമാകട്ടെ, ആഴമോ പരപ്പോ ഉള്ള വിശകലനങ്ങളും നിരീക്ഷണങ്ങളും ഈ പുസ്തകത്തിലില്ല, ഉപരിപ്ലവവും സാങ്കേതികവുമായ ചില സംഗീത സൂചനകളും ഗാനശകലങ്ങളും കോർത്തിണക്കിയ ഒരു വിവരസമാഹാരമാകുന്നു, ഈ ഗ്രന്ഥം. മനോഹരന് ജയചന്ദ്രനോടുള്ള ആരാധന പലനിലകളിൽ വെളിപ്പെടുന്ന ഒരു അവലോകനം എന്ന നിലയിൽ മാത്രമേ 'മലയാളത്തിന്റെ മധുചന്ദ്രിക'യെ കാണാൻ കഴിയൂ.

ചലച്ചിത്രങ്ങളിൽ ഗായകരെ നിശ്ചയിക്കുന്നതിൽ സംവിധായകർ, നിർമ്മാതാക്കൾ, ഗാനരചയിതാക്കൾ എന്നിവരെക്കാൾ അവകാശം സംഗീതസംവിധായകർക്കാണ് എന്ന ധാരണ ഈ ഗ്രന്ഥം പുലർത്തുന്നു. അത് ശരിയോ തെറ്റോ എന്നത് തികച്ചും ആപേക്ഷികമായ കാര്യമാണ്. കുഞ്ചാക്കോ മുതൽ സേതുമാധവൻ വരെയുള്ള സംവിധായകർ, ജയചന്ദ്രൻ തങ്ങളുടെ സിനിമയിൽ പാടുന്നതിനെ അംഗീകരിച്ചിരുന്നില്ല. യഥാർഥത്തിൽ ദേവരാജൻ ഒഴികെ ഒരു സംഗീതസംവിധായകനും ചലച്ചിത്രസംവിധായകരെ ഇക്കാര്യത്തിൽ ധിക്കരിക്കാൻ ധൈര്യമുള്ളവരായിരുന്നില്ല. എന്നിട്ടും ദേവരാജൻ മുതൽ എം.കെ. അർജുനൻ വരെയുള്ള സംഗീതസംവിധായകരും പി. ഭാസ്‌കരൻ മുതൽ ശ്രീകുമാരൻ തമ്പിവരെയുള്ള ഗാനരചയിതാക്കളും ജയചന്ദ്രനെ പ്രോത്സാഹിപ്പിച്ചു. യേശുദാസിന്റെ ഏകസ്വരാധിപത്യം നിലനിന്ന കാലത്ത് മറ്റൊരു സ്വരത്തിന്റെ കേൾവിവൈവിധ്യം മുൻനിർത്തിയാണെങ്കിലും അവർ ജയചന്ദ്രന് ഒരുപാടു പാട്ടുകൾ നൽകി. (തീർച്ചയായും, പിന്നീട് യേശുദാസിനോടുണ്ടായ വ്യക്തിപരമായ എതിർപ്പു മൂലം ഒരു സംഘം ചലച്ചിത്രപ്രവർത്തകർ എം.ജി. ശ്രീകുമാറിനെ ഗായകനാക്കി അവരോധിച്ചതിനു സമാനമായിരുന്നില്ല, ഈയവസ്ഥ.)

പാടിയ പാട്ടുകളിൽ നല്ലൊരു ശതമാനം ഹിറ്റുകളായതാണ് ജയചന്ദ്രന്റെ വിജയത്തിനടിസ്ഥാനമായതെന്നു ചൂണ്ടിക്കാണിക്കുന്നു, രവിമേനോൻ. 2015ൽപോലും ഇതിനു മാറ്റമില്ല. 'പ്രൊഫഷണലിസ'ത്തിൽ യേശുദാസ് ജയചന്ദ്രനെക്കാൾ എത്രയോ മുന്നിലാണ്. എന്നിട്ടും ഇന്നും ജയചന്ദ്രന് ഇതു സാധിക്കുന്നുവെന്നതാണ് വിസ്മയം. സ്വരശൈലിക്കു കാതലായ വ്യത്യാസമില്ലാതെ ദശകങ്ങൾ നിലനിന്നുവെന്നതും ജയചന്ദ്രന്റെ വിജയരഹസ്യങ്ങളിലൊന്നാണ്. ഇത്തരം നേട്ടങ്ങൾക്കിടയിലും തിരിച്ചടികളുടെ ഒരു സമാന്തര ചരിത്രമുണ്ട് ജയചന്ദ്രന്. ജോൺസനെയും ഔസേപ്പച്ചനെയുമൊക്കെ മദിരാശിയിലെത്തിച്ചതുപോലും ജയചന്ദ്രനാണ്. എന്നിട്ടും അവർ ജയചന്ദ്രനു പാട്ടുകൾ നൽകിയില്ല. രവീന്ദ്രന്റെ കഥയും ഭിന്നമല്ല. അരങ്ങു കീഴടക്കാൻ എല്ലാവർക്കും യേശുദാസ് വേണ്ടിയിരുന്നു.

ജയചന്ദ്രന്റെ സംഗീതസപര്യയുടെ ഒരു കോഫിടേബിൽ ബുക് എന്ന നിലയിൽ 'മലയാളത്തിന്റെ മധുചന്ദ്രിക' ശ്രദ്ധേയമാകുന്നു. ബാല്യകാല ജീവിതത്തിന്റെ സാമാന്യം വിശദമായ ചിത്രീകരണം നൽകാൻ മനോഹരനു കഴിഞ്ഞിട്ടുണ്ട്. ഗാനരംഗത്ത് തുടക്കം തൊട്ട് ഒടുക്കം വരെ ദേവരാജനായിരുന്നു ജയചന്ദ്രന്റെ തലതൊട്ടപ്പൻ. 1965ൽ അദ്ദേഹം 'കളിത്തോഴൻ' എന്ന ചിത്രത്തിൽ ജയചന്ദ്രനെക്കൊണ്ടു പാടിച്ച 'മഞ്ഞലയിൽ മുങ്ങിത്തോർത്തി....'യാണ് മലയാളികൾക്കു മുന്നിൽ പുതിയൊരു സ്വരവസന്തത്തിന്റെ വരവറിയിച്ചത്. ബാബുരാജ് ജയചന്ദ്രനു നൽകിയ ആദ്യ ഗാനവും പ്രശസ്തമായി - 'ഇനിയും പുഴയൊഴുകും....' തുടർന്ന് ബാബുരാജിന്റെ തന്നെ 'അനുരാഗഗാനംപോലെ.....' ഉൾപ്പെടെയുള്ള ചില പാട്ടുകൾ. എം. കെ. അർജുനൻ നൽകിയ ആദ്യ ഗാനവും അവിസ്മരണീയമായി. 'നിന്മണിയറയിലെ....' പിന്നീടങ്ങോട്ട് പ്രശസ്ത സംഗീതസംവിധായകർ ജയചന്ദ്രനായി നീക്കിവച്ച പാട്ടുകളിൽ ഏറെ ജനപ്രീതി നേടിയ ചിലത് ശ്രദ്ധിക്കുക.

1. ജി. ദേവരാജൻ -

'സീതാദേവി സ്വയംവരം ചെയ്‌തൊരു...'
'പൂവും പ്രസാദവും.....'
'ഇന്ദുമുഖീ, ഇന്ദുമുഖീ....'
'നുണക്കുഴിക്കവിളിൽ.....'
'മാനത്തു കണ്ണികൾ....'
'കല്ലോലിനീ.....'
'കാറ്റുവന്നു, നിന്റെ കാമുകൻ വന്നു.....'

2. എം.എസ്. വിശ്വനാഥൻ

'തിരുവാഭരണം....'
'അറബിക്കടലിളകിവരുന്നു.....'
'സുപ്രഭാതം....'
'സ്വർണഗോപുരം....'
'രാജീവനയനേ.....'
'പത്മതീർത്ഥക്കരയിൽ.....'

3. കെ. രാഘവൻ

'പൂർണേന്ദുമുഖിയോടമ്പലത്തിൽ....'
'ഏകാന്തപഥികൻ ഞാൻ....'
'കരിമുകിൽ കാട്ടിലെ.....'

4. വി. ദക്ഷിണാമൂർത്തി

'തുള്ളിയോടും പുള്ളിമാനേ.....'
'അശ്വതിനക്ഷത്രമേ.....'
'ഹർഷബാഷ്പം തൂകി.......'
'സന്ധ്യക്കെന്തിനു സിന്ദൂരം.....'
'കാവ്യപുസ്തകമല്ലോ ജീവിതം....'
'സൗഗന്ധികങ്ങളേ....'

5. എം. കെ. അർജുനൻ

'നക്ഷത്രമണ്ഡലനടതുറന്നൂ....'
'നന്ത്യാർവട്ടപ്പൂ ചിരിച്ചു.....'
'ചന്ദ്രോദയം കണ്ടു.....'

ഇവർക്കു പുറമെ മറ്റൊരുപാടു ഹിറ്റുഗാനങ്ങളും ജയചന്ദ്രനു നൽകിയ പ്രതിഭകളുണ്ട്. എ.ടി. ഉമ്മർ (പിന്നെയുമിണക്കുയിൽ പിണങ്ങിയല്ലോ.....), പുകഴേന്തി (വിണ്ണിലിരുന്നുറങ്ങുന്ന....), ശ്യാം (കാട്ടുക്കുറിഞ്ഞി പൂടുംചൂടി.....), രവിബോംബെ (കേവല മർത്യഭാഷ....), ജോൺസൺ (മോഹം കൊണ്ടുഞാൻ...) എന്നിങ്ങനെ.


ആയിരത്തോളം തമിഴ്ഗാനങ്ങൾ ജയചന്ദ്രൻ പാടി. അവയിൽ ഏറ്റവും പ്രസിദ്ധം ഇളയരാജയുടേതാണ്. 'രാസാത്തി ഒന്നെകാണാതെ നെഞ്ചം...' നൂറുകണക്കിനു ഭക്തിഗാനങ്ങൾ ലളിതഗാനങ്ങൾ, ഗാനമേളകൾ..... ജയചന്ദ്രന്റെ മധുരമായ സംഗീതജീവിതം വൈവിധ്യങ്ങൾ നിറഞ്ഞ ഒന്നായിരുന്നു. ഒപ്പം ഒരുപാട് ദുരനുഭവങ്ങളും അദ്ദേഹത്തിനു കൂട്ടായിവന്നു. ജോൺസൻ, ഔസപ്പേച്ചൻ, എം ജയചന്ദ്രൻ തുടങ്ങിയ സംഗീതസംവിധായകരും ബ്ലസി, ജിത്തുജോസഫ്, കമൽ, ലാൽജോസ് തുടങ്ങിയ ചലച്ചിത്ര സംവിധായകരും ജയചന്ദ്രന്റെ പല പാട്ടുകളും റെക്കോർഡിംഗിനുശേഷം തമസ്‌കരിക്കുകയോ തിരസ്‌കരിക്കുകയോ ചെയ്ത കഥ മനോഹരൻ തുറന്നെഴുതുന്നു.

യേശുദാസ് എന്ന വടവൃക്ഷത്തിന്റെ തണലിലും നിഴലിലും നിന്നുമാറി സ്വന്തം മണ്ണിൽ വേരുപടർത്തി വളർന്ന മലയാളത്തിലെ മറ്റൊരു ഗാനവൃക്ഷമായിരുന്നു ജയചന്ദ്രൻ. അരനൂറ്റാണ്ടായി മലയാളിയുടെ രണ്ടാം പുരുഷസ്വരമായി നിലനിൽക്കുന്ന നാദവിസ്മയം. ആ ഗായകന്റെ സംഗീതജീവിതത്തിലേക്കുള്ള ഒരെത്തിനോട്ടമെന്ന നിലയിൽ കാണാം ഈ പുസ്തകത്തെ.

പുസ്തകത്തിൽ നിന്ന്

'തേനാംപേട്ടിലുള്ള സാമാ ലോഡ്ജ് ഒരുപാടു സിനിമാക്കാരുടെ താവളമായിരുന്നു. 1973-ൽ വിവാഹം ചെയ്യുന്നതുവരെ സാമാ ലോഡ്ജിലായിരുന്നു ജയചന്ദ്രന്റെ താമസം. അവിടെ അദ്ദേഹത്തിന് തിരുവനന്തപുരത്തുകാരൻ കെ.ജി. ബാലകൃഷ്ണൻനായർ എന്ന ഒരു കൂട്ടുകാരൻ സന്തതസഹചാരിയായി കുറെക്കാലം ഉണ്ടായിരുന്നു. ജയചന്ദ്രൻ അദ്ദേഹത്തെ കൃഷ്ണൻകുട്ടി എന്നും കൃഷ്ണൻകുട്ടി ജയചന്ദ്രനെ ജയൻ എന്നും വിളിച്ചിരുന്നു. കൃഷ്ണൻകുട്ടി ജയചന്ദ്രനോടൊപ്പം റെക്കോഡിങ്ങിനു പോകുമായിരുന്നു. കൃഷ്ണൻകുട്ടി കൂടെയുള്ളപ്പോൾ അത് ഒരു ബലമാണെന്ന് ജയചന്ദ്രൻ പറയുമായിരുന്നു. ഈ സമയത്താണ് കൃഷ്ണൻകുട്ടിയുടെ കുടുംബസുഹൃത്തായ മദ്രാസ് യൂണിവേഴ്‌സിറ്റിയിലെ മലയാളവിഭാഗം മേധാവി ഡോക്ടർ എസ്.കെ. നായർ എഴുതിയ മേയർനായർ എന്ന സിനിമയിൽ

സ്വപ്നസഖീ....വൈശാഖപൗർണമിരാവിൽ....
വെള്ളിനിലാവിൻ പാൽക്കടൽക്കരയിൽ
സങ്കല്പഗന്ധർവനഗരം തീർക്കും
സ്വപ്നസഖീ....സ്വപ്നസഖീ...

എന്ന പാട്ടു പാടിയത്. ഇതുകൂടാതെ മറ്റു രണ്ടു പാട്ടുകൾ കൂടി ഈ ചിത്രത്തിൽ അദ്ദേഹം പാടിയിട്ടുണ്ട്. ഇതു രണ്ടും സംഘഗാനങ്ങളായിരുന്നു. അക്കാലത്തുതന്നെ അതിപ്രശസ്തയായിരുന്ന എസ്. ജാനകിയുമൊത്താണ് ആ ഗാനങ്ങൾ പാടിയത്. എൽ.പി.ആർ. വർമയായിരുന്നു സംഗീതസംവിധായകൻ. വയലാറിന്റെ പ്രേമഭാവം തുളുമ്പിനില്ക്കുന്ന വരികൾ. പി.എ. തങ്ങൾ നിർമ്മിച്ച് കന്നട സംവിധായകനായ എസ്.ആർ. പുട്ടണ്ണ സംവിധാനം ചെയ്ത സിനിമയായിരുന്നു ഇത്. 'സ്വപ്നസഖീ....വൈശാഖപൗർണമിരാവിൽ...' എന്ന ഗാനം ജയചന്ദ്രന്റെ ശബ്ദം മാറ്റി കുറച്ചുകൂടി പ്രശസ്തനായ മറ്റേതെങ്കിലും ഗായകനെക്കൊണ്ടു പാടിക്കണമെന്ന് എസ്.ആർ. പുട്ടണ്ണ നിർബന്ധംപിടിച്ചു. ഇത് പുതുമുഖഗായകനായ ജയചന്ദ്രനെ വല്ലാതെ വേദനിപ്പിച്ചു എന്നു പറയേണ്ടതില്ലല്ലോ. എന്നാൽ നിർമ്മാതാവായ പി.എ. തങ്ങൾ അതിനു വഴങ്ങിയില്ല എന്നു മാത്രമല്ല, ഈ പാട്ടുകാരനെ മാറ്റി ഈ ചിത്രം നിർമ്മിക്കണമെന്നു താത്പര്യമില്ല എന്നുംകൂടി പറഞ്ഞതോടെ എസ്.ആർ. പുട്ടണ്ണ തന്റെ പിടിവാശി ഉപേക്ഷിച്ചു. വിധിയുടെ ഒരു കളി എന്നപോലെ ജയചന്ദ്രൻ പ്രശസ്തനായ ഒരു ഗായകനായശേഷം എസ്. ആർ. പുട്ടണ്ണ സംവിധാനം ചെയ്ത എല്ലാ കന്നഡസിനിമകളിലും - അവസാന സിനിമയിൽവരെ-അദ്ദേഹം ജയചന്ദ്രനെക്കൊണ്ട് നല്ലനല്ല പാട്ടുകൾ പാടിച്ചു. അതിൽ രംഗനായകി എന്ന ചിത്രത്തിലെ 'മന്ദാരപുഷ്പവു നീനൂ...' എന്ന ജയചന്ദ്രൻഗാനം വളരെ ജനപ്രീതി നേടി എന്നു മാത്രമല്ല, 2012-ൽ കഴിഞ്ഞ 50 വർഷം ഇറങ്ങിയ തിരഞ്ഞെടുക്കപ്പെട്ട ഏറ്റവും നല്ല പാട്ടുകളിൽ ഒന്നാം സ്ഥാനവും ഈ പാട്ടിന് കന്നഡഗാനാസ്വാദകർ നല്കുകയുണ്ടായി.

തുടർന്ന് ദേവരാജൻ മാസ്റ്റർക്കു പുറമേ ദക്ഷിണാമൂർത്തിസ്വാമി, ബാബുരാജ്, രാഘവന്മാസ്റ്റർ എന്നീ മഹാ സംഗീതസംവിധായകർ ജയചന്ദ്രനു നല്ലനല്ല പാട്ടുകൾ കൊടുക്കാൻ തുടങ്ങി. ഇവരുടെ, പ്രത്യേകിച്ച് ദേവരാജന്മാസ്റ്ററുടെ കീഴിലുള്ള പരിശീലനത്തിന്റെ ഫലമായി വളരെ കുറഞ്ഞ സമയംകൊണ്ടുതന്നെ ഒരു പുതുമുഖഗായകന്റെ ആലാപനശൈലിയിൽനിന്നു മാറി തന്റേതായ വ്യക്തിത്വമുള്ള ഒരു ലക്ഷണമൊത്ത ഗായകനായി മാറുവാൻ ജയചന്ദ്രനു കഴിഞ്ഞു. ഇത് ഒരു സന്ദർഭത്തിൽ ദേവരാജന്മാസ്റ്റർ എടുത്തുപറഞ്ഞിട്ടുമുണ്ട്.
ബാബുരാജ് ആദ്യമായി ജയചന്ദ്രനെക്കൊണ്ടു പാടിച്ചത് അഗ്നിപുത്രി എന്ന സിനിമയിലെ, ഇനിയും പുഴയൊഴുകും...

ഇതുവഴി ഇനിയും കുളിർകാറ്റോടിവരും...

എന്ന ഗാനമാണ്. വയലാറിന്റേതാണ് വരികൾ. അക്കാലത്ത് വളരെ ജനപ്രീതി നേടിയ എസ്.എൽ.പുരം സദാനന്ദന്റെ അഗ്നിപുത്രി എന്ന നാടകത്തെ ആധാരമാക്കി പ്രേംനവാസ് നിർമ്മിച്ച ചിത്രമാണിത്. ഈ ഗാനത്തിൽ ജയചന്ദ്രന്റെ ശബ്ദം കേൾക്കാൻ ഒരു പ്രത്യേകതരം സുഖമാണ്. അതിനു മുൻപ് പാടിയ പാട്ടുകളിൽനിന്നു വ്യത്യസ്തമായ ഒരു ആവൃത്തിയാണ് ഈ നാദത്തിൽ നമുക്കു ശ്രവിക്കുവാൻ സാധിക്കുക. ഇതിൽ 'രാജീവലോചനേ രാധേ...' എന്ന ഒരു ചെറിയ ഗാനം കൂടി ഉണ്ട്. ബാബുരാജ് തന്നെയാണ് പാടാനായി ജയചന്ദ്രനെ വിളിച്ചത്.

ബാബുരാജിനെപ്പോലെതന്നെ ദേവരാജന്മാസ്റ്ററും രാഘവന്മാസ്റ്ററും നേരിട്ടാണ് പാട്ടുകാരെ പാടാനായി വിളിക്കുന്നത്. മറ്റു സംഗീതസംവിധായകർ ചിത്രത്തിന്റെ നിർമ്മാതാവ് നിർദ്ദേശിക്കുന്ന ആളുകൾ വഴിയാണ് പാട്ടുകാരെ പാടാൻ വിളിക്കുന്നത്'.

പി. ജയചന്ദ്രൻ
എസ്. മനോഹരൻ
മാതൃഭൂമിബുക്‌സ്
2015, വില : 130 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

Loading...
TODAYLAST WEEKLAST MONTH
ശക്തരായ നായികമാരെ ചുംബിച്ച് കീഴ്പ്പെടുത്തിയ കന്മദത്തിലെയും മഹായാനത്തിലെയും നായകന്മാരെ വെല്ലുന്ന തരത്തിൽ 'ചോല'യിലെ നായകനും; ബലാത്സംഗത്തെ കാൽപ്പനികമായി കൈകാര്യം ചെയ്യുന്ന ഈ ചിത്രം ഉന്നാവോയും തെലങ്കാനയും സൃഷ്ടിച്ച ഭീതിയിലുള്ള സമൂഹത്തിന് എന്ത് സൂചനയാണ് നൽകുന്നത്? അവതരണ മികവിലും പാത്ര സൃഷ്ടിയിലും ഇത് അസാധ്യ ചലച്ചിത്രം; തകർത്താടി ജോജുവും നിമിഷയും; പക്ഷേ സനൽകുമാർ ശശിധരൻ ഒളിച്ചു കടത്തുന്നത് കടുത്ത സ്ത്രീ വിരുദ്ധതയോ?
ഹോളിവുഡ് നടി ആഞ്ചലീന ജോളി കാൻസർ വരുന്നതിന് മുമ്പേ സ്തനങ്ങളും ഓവറികളും നീക്കം ചെയ്തത് എന്തിന് എന്ന് അറിയാതെയും മനീഷ കൊയ്‌രാളയുടെ ഹീൽഡ് വായിക്കാതെയും വിഷ്ണുപ്രിയയുടെ ലൈവ് ആഘോഷമാക്കുമ്പോൾ ഓർക്കേണ്ടത് എന്തൊക്കെ ? കാൻസർ ട്യുമറും ട്യൂമർ മാർക്കേഴ്സ് ബ്ലഡ് ടെസ്റ്റും രണ്ടാണെന്ന് എന്ന് മനസ്സിലാക്കും ? കേരളത്തിൽ ഓരോ വർഷവും പുതുതായി കാൻസർ ബാധിക്കുന്നത് അമ്പതിനായിരത്തോളം പേർക്ക്; സോഷ്യൽ മീഡിയയിൽ വെളിവ് കേട് വിളിച്ചു കൂവുന്നവർ വായിക്കാൻ
'കൂടെ താമസിക്കുന്ന അമ്പത്താറു വയസ്സുള്ള ഒരു പാവം സ്ത്രീയെ എഴുപത്താറു വയസ്സുള്ള എന്നെക്കൊണ്ട് മാപ്പിളമാർ നിർബന്ധിച്ച് വിവാഹം ചെയ്യിപ്പിച്ചു; മുഹമ്മദൻ ആചാര പ്രകാരമാണ് വിവാഹം നടത്തിയത്; ഞങ്ങളാരെങ്കിലും ഹിന്ദു മതത്തിലേക്ക് തിരിച്ചു പോയാൽ, ഒരു ചെറിയ ശിശുവെങ്കിലും ജീവനോടെയുണ്ടെങ്കിൽ ഞങ്ങൾ സുരക്ഷിതരായിരിക്കില്ല എന്ന് ഭീഷണിപ്പെടുത്തി'; മലബാർ കലാപത്തിലെ ഇരകളുടെ മൊഴികളുമായി ഡോ. മനോജ് ബ്രൈറ്റിന്റെ 'മാപ്പിള കലാപം സീരീസ് 20ാം ഭാഗം'
രക്തസമ്മർദ്ദം കുറഞ്ഞതോടെ സ്ഥിതി വഷളായി; ഗർഭസ്ഥ ശിശു മരിച്ചോ എന്നുറപ്പാക്കി സിസേറിയൻ ചെയ്യേണ്ടതിന് പകരം ആംബുലൻസിൽ അമ്മയെ അയച്ചത് കിംസിലേക്ക്; മെഡിക്കൽ കോളേജിലേക്ക് വിടണമെന്ന ദുബായിലുള്ള ഭർത്താവിന്റേയും അച്ഛന്റേയും വാക്കിന് നൽകിയത് പുല്ലുവില; പ്രസവത്തിന് ക്രെഡൻസിലെത്തിയ ഗ്രീഷ്മയുടെ മരണത്തിന് കാരണം മെഡിക്കൽ എത്തിക്‌സിലെ വീഴ്ചയെന്ന് ആരോപിച്ച് ബന്ധുക്കൾ; നിഷേധിച്ച് മാനേജ്‌മെന്റ്; തിരുവനന്തപുരം കേശവദാസപുരത്തെ ക്രിഡൻസ് ആശുപത്രിക്കെതിരെ കേസ്
നന്ദിത വീണ മരിച്ചത് അൽനബായിലെ കെട്ടിടത്തിൽ നിന്ന് വെള്ളിയാഴ്ച; നടുക്കം മാറാത്ത ഷാർജയിലെ മലയാളികളെ തേടി വീണ്ടും ദുഃഖവാർത്ത; ഉമുൽഖുവൈൻ ഇംഗ്ളീഷ് സ്‌കൂളിലെ പത്താംക്ലാസ് വിദ്യാർത്ഥിനി മെഹക് ഫിറോസിന്റെ മരണത്തിലും ദുരൂഹത; അന്വേഷണത്തിന് യുഎഇ പൊലീസ്; മെഹ്ക പഠനത്തിൽ മിടുമിടുക്കിയെന്ന് അദ്ധ്യാപകർ; കണ്ണൂരുകാരിക്ക് കണ്ണീരിൽ കുതിർന്ന യാത്രാ മൊഴി
ഹിന്ദുവും ക്രിസ്ത്യാനിയും അടക്കം മുസ്ലീമുകൾ ഒഴികെ ആറ് സമുദായത്തിൽപെട്ട അഫ്ഗദാൻ-പാക്-ബംഗ്ലാദേശി പൗരന്മാർ ആറ് വർഷം ഇന്ത്യയിൽ താമസിച്ചവരെന്ന് തെളിയിച്ചാൽ ഇന്ത്യൻ പൗരത്വം; എത്ര വർഷം ജീവിച്ചാലും മുസ്ലീമുകളാണെങ്കിൽ തടങ്കൽ; ഒസിഐ കാർഡ് ലഭിച്ചവർ വ്യവസ്ഥകൾ ലംഘിച്ചാൽ പ്രവാസി പൗരത്വം റദ്ദാക്കും; അമിത്ഷായുടെ സ്വപ്‌ന പദ്ധതിയായ പൗരത്വ രജിസ്റ്ററിന് മുന്നോടിയായി ഇന്ന് ലോക സഭയിൽ എത്തുന്ന പൗരത്വ ഭേദഗതി നിയമത്തിൽ പറയുന്നത് ഇങ്ങനെയൊക്കെ
നിർമ്മാതാക്കൾക്ക് മനോരോഗമെന്ന ഷെയ്‌നിന്റെ പ്രതികരണം പ്രകോപനപരം; തർക്കം തീർക്കാൻ മധ്യസ്ഥതയ്ക്ക് ഇറങ്ങിയ അമ്മ പ്രതിനിധികളും നടനോട് കട്ടക്കലിപ്പിൽ; ചർച്ചകളിൽ നിന്നും പിന്മാറി താരസംഘടനയും ഫെഫ്കയും; ഷെയിനിനെ വിശ്വസിച്ച് എങ്ങനെ ചർച്ചകൾ മുന്നോട്ടു കൊണ്ടുപോകുമെന്ന് ചോദിച്ച് സംഘടനകൾ; ഒത്തുതീർപ്പ് ചർച്ച നടന്നുക്കൊണ്ടിരിക്കേ പരസ്യ വിമർശനം നടത്തിയതും മന്ത്രിയെ കാണാൻ പോയതും ന്യായീകരിക്കാൻ കഴിയില്ലെന്ന് നിർമ്മാതാക്കളുടെ സംഘടന; ഷെയിൻ നിഗം സ്വയംകുഴി തോണ്ടുന്നോ?
ഉർവ്വശീ ശാപം ഉപകാരമായി! ലൈസൻസില്ലാതെ പ്രവർത്തിച്ചിരുന്ന മാധ്യമ പ്രവർത്തകരുടെ 'സങ്കേതത്തിന്' താഴു വീണു; റെയ്ഡ് നടത്താതെ തന്നെ തിരുവനന്തപുരം പ്രസ് ക്ലബ്ബിലെ സെല്ലാർ അടച്ചു പൂട്ടിയതിൽ ആശ്വാസം കണ്ട് എക്‌സൈസും; മഞ്ജു എം ജോയിയും കൂട്ടുകാരികളും നേടിയെടുത്തത് വിനു വി ജോൺ അടക്കമുള്ള 'പുലികൾ' വിചാരിച്ചിട്ട് നടക്കാത്ത കാര്യം; ഒടുവിൽ രാധാകൃഷ്ണനെ സെക്രട്ടറി സ്ഥാനത്തു നിന്നും മാറ്റി പ്രസ് ക്ലബ്ബിന്റെ കീഴടങ്ങലും; വനിതാ ജേണലിസ്റ്റ് കൂട്ടായ്മ പുതു ചരിത്രമെഴുതുമ്പോൾ
'ഭർത്താവിന്റെയും, സഹോദരങ്ങളുടെയും മുന്നിൽ വച്ച് നായർ സ്ത്രീകളെ ബലാത്സംഗം ചെയ്തു; ഇസ്ലാമിലേക്ക് മാറാത്തവരെ സർപ്പക്കാവിലെ കിണറ്റിൻ കരയിൽ നിരത്തി നിർത്തി തലവെട്ടിക്കൊന്നു; ചിലരെ ജീവനോടെ തൊലിയുരിച്ചുകൊന്നു, ഗർഭിണിയായ സ്ത്രീയുടെ വയർകീറി; ശവക്കുഴി കുഴിപ്പിച്ച് വെട്ടിക്കൊന്നു; കൊള്ളയടിയും വ്യാപകം'; മലബാർ കലാപം ഹിന്ദുവംശഹത്യയോ? ഇഎംഎസ് തൊട്ടുള്ളവരും ഇടതുപക്ഷ -ലിബറൽ ചരിത്രകാരന്മാരും പറഞ്ഞതെല്ലാം അടിസ്ഥാനരഹിതം; ഡോ. മനോജ് ബ്രൈറ്റിന്റെ പഠനം വൈറലാവുമ്പോൾ
മനോരമ ഓഫീസിൽ ദ വീക്കിന്റെ എഡിറ്റുടെ കാബിനിൽവെച്ച് അദ്ദേഹം എന്നെ സ്പർശിച്ചു; ഭയപ്പെടേണ്ട, ഞാൻ നിങ്ങളുടെ ലേഖനങ്ങൾ പതിവായി പ്രസിദ്ധീകരിക്കുമെന്ന് വാഗ്ദാനം; കണ്ണുനീരോടെ വാതിലിനടുത്തേക്ക് നീങ്ങിയപ്പോൾ അയാൾ വിട്ടില്ല; ബ്രാ സ്ട്രാപ്പ് വലിച്ചു, പിന്നങ്ങോട്ട് നിർബന്ധിത ചുംബനങ്ങളായിരുന്നു; നിലവിളിച്ച് പുറത്തേക്ക് ഓടി'; അന്തരിച്ച മാധ്യമ പ്രവർത്തകൻ ടി വി ആർ ഷേണായിക്കെതിരെയും മീടു; പത്മശ്രീ ജേതാവിനെതിരെ ഉയരുന്നത് ഗുരുതര പീഡന ആരോപണം
2008ൽ യുവതികളുടെ മുഖത്ത് ആസിഡ് വീണ് പൊള്ളിയപ്പോൾ പ്രതിഷേധാഗ്നിയിൽ ജ്വലിച്ച് വാറങ്കൽ; പ്രതികളെ കൈവിലങ്ങ് വച്ച് 48 മണിക്കൂറിനുള്ളിൽ വെടിവച്ച് കൊന്നപ്പോൾ ചർച്ചയായത് സജ്ജനാറിന്റെ പേര്; പൊലീസിനെ ആക്രമിച്ച് രക്ഷപ്പെടാൻ ശ്രമിച്ചപ്പോൾ ആത്മരക്ഷാർത്ഥം വെടിവച്ചെന്ന വാദം വീണ്ടും ഉയർത്തുന്നതും വാറങ്കലിലെ പഴയ പുലി; 'ദിശ'യെ കൊന്നവരുടെ ജീവൻ തെലുങ്കാന പൊലീസ് എടുക്കുമ്പോൾ സൈബരാബാദിലെ കമ്മീഷണറുടെ കസേരയിലുള്ളതും അതേ വിസി സജ്ജനാർ
പൈപ്പ് ലെയിൻ റോഡിലൂടെ ബസിറങ്ങി വരുന്നതിനിടെ നാലുവയസുള്ള കുട്ടി ഓടി വന്ന് രക്ഷിക്കണേ ആന്റി എന്ന് പറഞ്ഞ് കെട്ടിപ്പിടിച്ചു; പിന്നാലെ ഓടിയെത്തിയത് മൂന്നംഗ മുഖംമൂടിസംഘം; രക്ഷിക്കാനായി വാരിയെടുത്തെങ്കിലും കുട്ടിയെ തട്ടിയെടുത്ത് ഓമ്‌നി വാനിൽ കയറ്റി സംഘം മറഞ്ഞു; ആക്രമണത്തിനിടെ കയ്യിൽ മുറിവേറ്റെന്നും വിദ്യാർത്ഥിനിയുടെ മൊഴി; കളമശേരി 'കിഡ്‌നാപ്പിങ്' അന്വേഷിച്ചപ്പോൾ ഞെട്ടിയത് പൊലീസ്
ദുബായിക്കാരൻ യുവാവ് അമ്മയുടെ ചികിത്സക്കായി നാട്ടിൽ പോയപ്പോൾ ഭാര്യ മറ്റൊരാളുമായി ഒരുമിച്ച് താമസം തുടങ്ങി; ഇടയ്‌ക്കൊന്നു നാട്ടിൽ വന്ന് ഭർത്താവുമായി താമസിച്ച് ഒരു മാസം കഴിഞ്ഞ് പറഞ്ഞത് താൻ ഗർഭിണി ആയെന്ന്; ചികിത്സാ ചെലവിനെന്ന് പറഞ്ഞ് പണവും വാങ്ങി; നാട്ടിൽ നിന്ന് തിരികെ യുഎഇയിൽ എത്തി ആറു മാസമായപ്പോൾ പ്രസവിച്ചു; ചതി മനസ്സിലാക്കിയ യുവാവ് വിവാഹമോചനം ആവശ്യപ്പെട്ടപ്പോൾ ക്രെഡിറ്റ് കാർഡിൽ പണം അടക്കാത്തതിനാൽ യാത്രാവിലക്കും; ഭാര്യയുടെ വഞ്ചനക്കെതിരെ യുവാവ് പരാതിയുമായി നോർക്കയിൽ
ദിശയെ പീഡിപ്പിച്ച് അതിക്രൂരമായി കൊന്ന നാല് പേരേയും വെടിവച്ച് കൊന്ന് തെലുങ്കാന പൊലീസ്; തെളിവെടുപ്പിനിടെ രക്ഷപ്പെടാൻ ശ്രമിച്ചപ്പോൾ നാല് പ്രതികളേയും വെടിവച്ചു കൊന്നുവെന്ന് ഔദ്യോഗിക വിശദീകരണം; പൊലീസിനെ ആക്രമിച്ചപ്പോൾ തിരിച്ചു വെടിവച്ചുവെന്ന് അറിയിപ്പ്; ഏറ്റുമുട്ടൽ കൊലപാതകമെന്ന് പൊലീസ്; കൊലപാതകം പുനരാവിഷ്‌കരിച്ചു കൊണ്ടുള്ള തെളിവെടുപ്പിനിടെ നടന്നത് ഞെട്ടിക്കുന്ന ഏറ്റുമുട്ടൽ; ഹൈദരാബാദിലെ യുവ ഡോക്ടറെ വകവരുത്തിയവർ ഇല്ലാതാകുമ്പോൾ
പാടത്തെ ചെളിയിൽ കിടന്നുരുളൽ; റിസോർട്ടിലെ ബാത്ത്ടബിലെ നനഞ്ഞൊട്ടിയുള്ള ആലിംഗനം; കടൽത്തീരത്തു തിരകൾക്ക് ഇടയിലൂടെയുള്ള ഓട്ടം; പറന്നുയരുന്ന പ്രാവുകൾക്കിടയിൽ നിന്നൊരു ചൂടൻ ചുംബനം; ന്യൂജൻ 'കല്യാണക്കുറി'കൾ മുഖം മാറ്റുമ്പോൾ ഉയരുന്നത് സദാചാര ഇടപെടൽ വേണ്ടെന്ന് പൊതു അഭിപ്രായം; പോസ്റ്റ് പിൻവലിച്ചിട്ടും കേരളാ പൊലീസിന്റെ ഉപദേശത്തിൽ ചർച്ച തുടർന്ന് സോഷ്യൽ മീഡിയ; ബീച്ച് സ്‌റ്റൈലിനേക്കാൾ കളറാണ് ഈ മലയാളി പെണ്ണും ചെക്കനും: പുതിയ ലുക്കുകളിലേക്ക് വെഡ്ഡിങ് ഫോട്ടോ ഷൂട്ട് മാറുമ്പോൾ
പതിനായിരം പേർ മരിക്കേണ്ടി വന്നാലും കോതമംഗലം ചെറിയ പള്ളി വിട്ടുകൊടുക്കുന്ന പ്രശ്‌നമില്ല; എന്തുവന്നാലും പള്ളി സംരക്ഷിക്കും; മറ്റുമതവിഭാഗങ്ങളുടെ പിന്തുണ കൂടി തങ്ങൾക്കുണ്ട്; പള്ളി സർക്കാർ ഏറ്റെടുക്കണമെന്ന് ഹൈക്കോടതി ഉത്തരവിട്ടതോടെ കടുത്ത നിലപാടുമായി യാക്കോബായ വിഭാഗം; മതമൈത്രി സംരക്ഷണ സമിതിയുമായി ആലോചിച്ച് ഭാവിനടപടികളെന്ന് ചെറിയപള്ളി ട്രസ്റ്റി സി ഐ ബേബി
ആറു ബൈക്കുകളും ഒപ്പം ഇയോൺ കാറും നിനക്കിപ്പോൾ ഉണ്ടല്ലോ മോനേ..ഇതിന് വേണ്ടി ഇപ്പോൾ വാശി പിടിക്കണോ? അച്ഛൻ ചോദിച്ചപ്പോൾ പോരെന്ന് മകൻ; ഇത് തത്ക്കാലം നടക്കില്ല..പിന്നീട് നമുക്ക് ആലോചിക്കാമെന്ന് തറപ്പിച്ച് മറുപടി പറഞ്ഞപ്പോൾ മനസ് വല്ലാതെ നുറുങ്ങി അഖിലേഷ് അജിക്ക്; ഹാർലി ഡേവിഡ്‌സൺ ബൈക്ക് വാങ്ങി നൽകാത്ത തർക്കത്തിനൊടുവിൽ മരണത്തിലൂടെ ഏകമകൻ അച്ഛനെ തോൽപ്പിച്ചു; പോത്തൻകോടിനെ നടുക്കിയ സംഭവം ഇങ്ങനെ
'ഭർത്താവിന്റെയും, സഹോദരങ്ങളുടെയും മുന്നിൽ വച്ച് നായർ സ്ത്രീകളെ ബലാത്സംഗം ചെയ്തു; ഇസ്ലാമിലേക്ക് മാറാത്തവരെ സർപ്പക്കാവിലെ കിണറ്റിൻ കരയിൽ നിരത്തി നിർത്തി തലവെട്ടിക്കൊന്നു; ചിലരെ ജീവനോടെ തൊലിയുരിച്ചുകൊന്നു, ഗർഭിണിയായ സ്ത്രീയുടെ വയർകീറി; ശവക്കുഴി കുഴിപ്പിച്ച് വെട്ടിക്കൊന്നു; കൊള്ളയടിയും വ്യാപകം'; മലബാർ കലാപം ഹിന്ദുവംശഹത്യയോ? ഇഎംഎസ് തൊട്ടുള്ളവരും ഇടതുപക്ഷ -ലിബറൽ ചരിത്രകാരന്മാരും പറഞ്ഞതെല്ലാം അടിസ്ഥാനരഹിതം; ഡോ. മനോജ് ബ്രൈറ്റിന്റെ പഠനം വൈറലാവുമ്പോൾ
മഠങ്ങളിലെത്തുന്ന കൊച്ചുസഹോദരിമാരെ മുതിർന്ന കന്യാസ്ത്രീകൾ സ്വവർഗ ഭോഗത്തിന് ഉപയോഗിക്കാറുണ്ട്; സെമിനാരിയിൽനിന്ന് സ്വവർഗ്ഗരതിക്കു വിധേയമായി മാനസികമായി തകർന്നവരുണ്ട്; ചില മഠങ്ങളിൽ ഇളം തലമുറയിലെ കന്യാസ്ത്രീകളെ പുരോഹിതരുടെ അടുക്കലേയ്ക്കു തള്ളിവിടുന്ന സമ്പ്രദായവുമുണ്ട്; നഗ്നയാക്കി മണിക്കൂറുകളോളം ഇവരെ വൈദികർ മുന്നിൽ നിർത്തി ആസ്വദിക്കും; സന്യാസ പുരോഹിത സഭകളിലെ ലൈംഗിക അരാജകത്വങ്ങൾ വെളിപ്പെടുത്തി സിസ്റ്റർ ലൂസിയുടെ ആത്മകഥ
'സ്ത്രീ എന്ന് പറയുന്നത് പുരുഷന്റെ കൃഷിയിടം മാത്രമാണ് എന്നാണ് ഇസ്ലാം പഠിപ്പിക്കുന്നത്; തലയിൽ നിന്ന് തട്ടം ഉതിർന്നു വീണാൽ പോലും അനക്ക് മരിക്കണ്ടേ പെണ്ണെ എന്നാണ് ചോദിക്കുന്നത്; ഡ്രസ്സ് തിരഞ്ഞെടുക്കുന്നതിൽ എന്നുവേണ്ട മൂക്കുത്തി ഇടുന്നതിൽ പോലും മതം കൈകടത്തുന്നു; നൃത്തം ചെയ്തപ്പോൾ അഭിസാരികയായി മുദ്രകുത്തപ്പെട്ടു; സ്വന്തം ഉമ്മുമ്മയുടെ മയ്യത്തു കാണുന്നതിൽനിന്നു പോലും എന്നെ വിലക്കി'; താൻ എന്തുകൊണ്ട് മതം ഉപേക്ഷിച്ചുവെന്ന് വ്യക്തമാക്കി ജസ്ല മാടശ്ശേരി
എല്ലാവർക്കും സൗജന്യ ചികിത്സ; സ്വകാര്യ ആശുപത്രിയിലേക്ക് മാറ്റിയാലും മൂഴുവൻ പണവും സർക്കാർ കൊടുക്കും; ഒരു കുടുംബത്തിനു വേണ്ട വെള്ളവും വൈദ്യുതിയും ഫ്രീ; വനിതകൾക്ക് സൗജന്യ യാത്ര; ഹൈടെക്ക് ആയതോടെ സ്വകാര്യ സ്‌കൂളുകളിൽ നിന്ന് സർക്കാർ സ്‌കൂളുകളിലേക്ക് കുട്ടികളുടെ കുത്തൊഴുക്ക്; ഇത്രയേറെ സൗജന്യങ്ങൾ കൊടുത്തിട്ടും ഖജനാവിൽ പണം ബാക്കി; സാമ്പത്തിക അത്ഭുതമായി ഡൽഹിയിലെ കെജ്രിവാൾ സർക്കാർ; പിണറായിയും മോദിയും അറിയണം, ഇങ്ങനെയും ഒരു സർക്കാർ ഇന്ത്യയിൽ പ്രവർത്തിക്കുന്നുണ്ടെന്ന്!
നിയമോപദേശം തേടലിന് കാരണം 'കുമ്മനം രാജശേഖരൻ'; മിസോറാമിന്റെ മുൻ ഗവർണ്ണർ വികാരം ആളിക്കത്തിക്കുമെന്ന സ്‌പെഷ്യൽ ബ്രാഞ്ച് റിപ്പോർട്ട് നിർണ്ണായകമായി; നിലയ്ക്കൽ സമര നായകനോടുള്ള കളി സുരേന്ദ്രനെ തൊട്ടതു പോലെയാകില്ലെന്ന വിലയിരുത്തലും സ്വാധീനിച്ചു; നവോത്ഥാനത്തെ പിണറായി സർക്കാർ തള്ളിപ്പറയാൻ കാരണം നേതൃത്വം ഏറ്റെടുക്കാൻ ആളുണ്ടെന്ന ഭയം; തീർത്ഥാടനം സുഗമമാക്കാൻ സർക്കാർ മുന്നിട്ടിറങ്ങുന്നതിന്റെ പിന്നാമ്പുറ സംസാരത്തിൽ നിറയുന്നത് കുമ്മനം ഇഫക്ട്
കിമ്മിന്റെ യുദ്ധ ഭ്രാന്തിൽ പരീക്ഷിക്കപ്പെട്ടത് ഹിരോഷിമയിൽ വീണ ബോംബിന്റെ 17 ഇരട്ടി ശക്തിയുള്ള ഹൈഡ്രജൻ ബോംബ്; ഇതുമൂലമുണ്ടായ തുടർച്ചയായ ഭൂചലനങ്ങളും മണ്ണിടിച്ചിലുകളും മരിച്ചത് നിരവധിപേർ; ഭൂമിക്കടിയിലെ ഘടനമാറിയതു മൂലം അഗ്നി പർവതം പോലും പൊട്ടാൻ ഒരുങ്ങുന്നവെന്നും ഐസ്ആർഒയുടെ പഠനം; ഇത് കൂടംകുളം നിലയത്തിനുനേരെ പോലും സൈബർ ആക്രമണം നടത്തിയതിന് മധുര പ്രതികാരവും; യുഎസിനു പോലും കഴിയാത്ത ഉത്തര കൊറിയൻ രഹസ്യങ്ങൾ കണ്ടെത്തി ഇന്ത്യ ലോകത്തെ ഞെട്ടിക്കുമ്പോൾ