1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

Feb / 2019
16
Saturday

ശാസ്ത്രം ജയിക്കട്ടെ: മാനവികതയും

September 15, 2018 | 06:10 PM IST | Permalink



ശാസ്ത്രം ജയിക്കട്ടെ: മാനവികതയും

ഷാജി ജേക്കബ്‌

'ദൈവഭയത്തിൽനിന്നാണ് ജ്ഞാനത്തിന്റെ ആരംഭം' (Fear of God is the beginning of Wisdom) എന്നൊരു പ്രമാണവും വിശ്വാസവും കേരളത്തിലെ ക്രിസ്ത്യൻ സ്‌കൂളുകളിൽ കുട്ടികളെ പറഞ്ഞുപഠിപ്പിക്കാറുണ്ട്. ഭയത്തിൽനിന്ന് എങ്ങനെ അറിവുജനിക്കും എന്നൊന്നും ഒരു കുട്ടിയും തിരിച്ചുചോദിക്കാറില്ല. ചോദ്യങ്ങളില്ലാത്ത ക്ലാസുകളുടെ പേരാണല്ലോ മതപഠനമെന്നത്. ക്രൈസ്തവ ആശുപത്രികളിൽ, 'ദൈവം നിങ്ങളുടെ രോഗം ഭേദമാക്കും' എന്നൊരു സ്റ്റിക്കർ മിക്കവരും കാണുന്നുണ്ടാകും. ഈ ആശുപത്രികളും പള്ളിക്കൂടങ്ങളുമെല്ലാം ഏതെങ്കിലും പുണ്യവാളന്റെയോ പുണ്യവാളത്തിയുടെയോ പേരിലായിരിക്കുകയും ചെയ്യും. എണ്ണത്തിൽ കുറവാണെങ്കിലും മറ്റു മതങ്ങൾ നടത്തുന്ന വിദ്യാലയങ്ങളുടെയും ചികിത്സാലയങ്ങളുടെയും സ്ഥിതിയും സമാനമാണ്. 'ശാസ്ത്ര'ത്തെ മുൻനിർത്തി മാത്രം പ്രവർത്തിക്കേണ്ട രണ്ടു ജ്ഞാനവ്യവഹാരങ്ങളുടെയും സ്ഥാപനങ്ങളുടെയും കാര്യം സൂചിപ്പിച്ചുവെന്നേയുള്ളു - മലയാളിയുടെ ലോകബോധവും ജീവിതവും രൂപംകൊള്ളുന്ന വ്യക്തിപരവും സാമൂഹികവുമായ സംസ്‌കാരങ്ങളൊന്നടങ്കം എത്രമേൽ അശാസ്ത്രീയവും ശാസ്ത്രവിരുദ്ധവുമാണ് എന്നു തെളിയിക്കാൻ.

ഗർഭധാരണം തൊട്ട് ശവസംസ്‌കരണം വരെ, ബഹുഭൂരിപക്ഷം മലയാളികളുടെയും ജീവിതം ദൈവ-മതാധിഷ്ഠിതമായ വിശ്വാസാചാരങ്ങൾകൊണ്ട് വരിഞ്ഞുമുറുക്കപ്പെട്ടിരിക്കുന്നു. ഭരണകൂടം മുതൽ കുടുംബം വരെയുള്ള മുഴുവൻ സാമൂഹികസ്ഥാപനങ്ങളും ഇതിനു പിന്തുണ നൽകുകയും ചെയ്യുന്നു. ശാസ്ത്രചിന്ത വളർത്താൻ ഭരണഘടനാപരംപോലുമായ ഉത്തരവാദിത്തമുള്ള ഇന്ത്യൻ ജനതയുടെ അവസ്ഥയാണ് ഇപ്പറഞ്ഞത്. ഒരുവശത്ത് ശാസ്ത്രം നൽകുന്ന സകല സൗകര്യങ്ങളും നേട്ടങ്ങളും കൊണ്ട് ജീവിതം മെച്ചപ്പെടുത്തും. മറുവശത്ത് അതേ ശാസ്ത്രത്തിലുള്ള അവിശ്വാസം ഉറക്കെയുറക്കെ പ്രഖ്യാപിക്കും. ഇതാണ് ആധുനിക മലയാളിയുടെ ഏറ്റവും വലിയ ജീവിതവൈരുധ്യം. സാധാരണക്കാരെന്നല്ല, ഭരണകർത്താക്കൾ മുതൽ ഉയർന്ന വിദ്യാഭ്യാസ-ശാസ്ത്രഗവേഷണ സ്ഥാപനങ്ങളിലെ 'പണ്ഡിതർ' വരെ; ഒരാളും ഇതിൽനിന്നു മുക്തരല്ല. പൊതുചടങ്ങുകളെല്ലാം മതചടങ്ങുകളാണ്. 'മതനിന്ദ' അതീവ ഗൗരവമുള്ള കുറ്റകൃത്യമാണെങ്കിലും 'ശാസ്ത്രനിന്ദ' പൊതുവെ സ്വാഗതം ചെയ്യപ്പെടുന്ന ഒരു 'സൽക്കർമ്മ'മാണ്. നിങ്ങൾക്ക് ഏതുവേദിയിലും ശാസ്ത്രത്തെ നിന്ദിക്കാം, ആക്ഷേപിക്കാം, തള്ളിപ്പറയാം. മതത്തെയോ ദൈവത്തെയോ വിമർശിച്ചാൽ നിയമപരമായിത്തന്നെ നിങ്ങളെ നേരിടാൻ വിശ്വാസികൾക്കു വഴികളുണ്ട്. അടുത്തിടെ റദ്ദാക്കപ്പെട്ട 377-ാം വകുപ്പിനെപ്പോലെതന്നെ പ്രാകൃതവും മനുഷ്യവിരുദ്ധവും പ്രകൃതിവിരുദ്ധവുമാണ് ഇന്ത്യയിലെ മതനിന്ദാനിയമം. യഥാർഥത്തിൽ നമ്മുടെ കുഞ്ഞുങ്ങൾ മനസ്സിലാക്കേണ്ടതെന്താണ്? ദൈവഭയം അജ്ഞതയുടെ ആരംഭമാണെന്നുതന്നെയല്ലേ?

സാമൂഹ്യമാധ്യമങ്ങളിലൂടെ മലയാളിയുടെ ശാസ്ത്രബോധത്തെയും ചിന്തയെയും നവീകരിക്കാനും ഊട്ടിയുറപ്പിക്കാനുമുള്ള എഴുത്തുകൾ നിരന്തരം നടത്തി വിസ്മയകരമാംവിധം ജനപ്രീതി നേടുന്ന ശാസ്ത്രലേഖകനും ഡബ്ലിനിലെ ഇൻസ്റ്റിറ്റ്യൂട്ട് ഓഫ് ടെക്‌നോളജി സ്ലൈഗോയിൽ നാനോ ടെക്‌നോളജി ആൻഡ് ബയോ എഞ്ചിനീയറിങ് റിസർച്ച് ഗ്രൂപ്പിന്റെ തലവനുമാണ് സുരേഷ് സി. പിള്ള. 'തന്മാത്രം' എന്ന പുസ്തകത്തിൽ സമാഹരിക്കപ്പെട്ട ഇദ്ദേഹത്തിന്റെ സാമൂഹ്യമാധ്യമരചനകളെപ്പറ്റി മുൻപ് ഈ പംക്തിയിൽ എഴുതിയിട്ടുണ്ട്. ഇപ്പോഴിതാ അദ്ദേഹത്തിന്റെ ശാസ്ത്രചിന്തകളുടെ രണ്ടാം സമാഹാരവും പുറത്തുവന്നിരിക്കുന്നു. 'പാഠം ഒന്ന്'. ദൈനംദിന ജീവിതത്തിൽ മലയാളിയുടെ 'ശാസ്ത്ര'ചിന്തകളെ എതിരിടുന്ന നിരവധി പ്രശ്‌നങ്ങളുടെ രസകരവും കൗതുകകരവും അതേസമയംതന്നെ ആധികാരികവുമായ വിശകലനവും പരിഹാരനിർദ്ദേശങ്ങളുമാണ് ഈ പുസ്തകം നിറയെ. ജനപ്രിയശാസ്ത്രം (Popular Science) എന്ന വിജ്ഞാനവിനിമയപ്രക്രിയയിൽ കേരളശാസ്ത്രസാഹിത്യപരിഷത്തും ചില ശാസ്ത്രലേഖകരും യുറേക്കാ പോലുള്ള മാസികകളും മുൻപുതന്നെ ഇവിടെ ഇടപെട്ടുവരുന്നുണ്ട്. വി. ബാബുസേനനെപ്പോലുള്ളവരുടെ ഗ്രന്ഥങ്ങൾ ഈ രംഗത്തെ ക്ലാസിക്കുകളുമാണ്. എങ്കിലും അവയുടെ പതിന്മടങ്ങ് സ്വാധീനവും പ്രചാരവും ലഭിക്കുന്നത് ശാസ്ത്രവിരുദ്ധവും അശാസ്ത്രീയവുമായ ചിന്തകൾക്കും എഴുത്തുകൾക്കും ക്രിയകൾക്കുമാണ്. 'ദൈവ, മത' സ്ഥാപനങ്ങൾക്കു സമാന്തരമായി വികാസം പ്രാപിച്ചിട്ടുള്ള 'വ്യാജ'ശാസ്ത്രങ്ങൾക്കു കൈവന്നിട്ടുള്ള അത്ഭുതകരമായ സ്വീകാര്യത കൂടുതൽ വിശദീകരിക്കേണ്ടതില്ല. ആധുനികവൈദ്യശാസ്ത്രത്തിനെതിരെ പ്രചാരണം നടത്തുന്ന ജേക്കബ് വടക്കുംചേരിക്കെതിരെയുള്ള നിയമനടപടി സൃഷ്ടിക്കുന്ന പുകിലുകൾ ഓർത്താൽ മതി, എത്രമേൽ ഈ വിഷയം സങ്കീർണ്ണമാണെന്നറിയാൻ. 'വിശ്വാസം അതല്ലേ എല്ലാം' എന്നത് വെറുമൊരു പരസ്യവാചകമല്ല, മലയാളിയുടെ സാമൂഹ്യമനഃശാസ്ത്രം തന്നെയാണ്. മനുഷ്യരാകാൻ പഠിക്കേണ്ട ഒന്നാംപാഠം ശാസ്ത്രബോധം ഊട്ടിയുറപ്പിക്കുക എന്നതുതന്നെയാണ് എന്ന നിലപാടിൽ സുരേഷ് ഈ പുസ്തകമവതരിപ്പിക്കുന്നതിന്റെ പശ്ചാത്തലമിതാണ്.

(അന്ധവിശ്വാസം എന്ന വാക്ക് ഇവിടെ ഉപയോഗിക്കുന്നില്ല-കാരണം ഒരു മേഖലയിലും അന്ധമല്ലാത്ത ഒരു വിശ്വാസവും നിലനിൽക്കുന്നില്ല. രാഷ്ട്രീയമോ മതമോ ശാസ്ത്രമോ ദൈവമോ ഏതുമാകട്ടെ, 'വിശ്വാസ'മെന്നാൽ സ്വയം വരിച്ച അന്ധതയാണ്. വിമർശനാത്മകമോ സംശയാത്മകമോ ആയ കാഴ്ചപ്പാടുകൾ വിശ്വാസമാകുന്നില്ല; അറിവേ ആകുന്നുള്ളു. അതാണ് മനുഷ്യർക്കു വേണ്ടതും. യുക്തിസഹമായ തിരിച്ചറിവ്. ചോദ്യങ്ങളും വിമർശനങ്ങളും വിയോജിപ്പുകളും ഉന്നയിക്കാനുള്ള മനഃസാന്നിധ്യം. അടിമകൾക്കു തലച്ചോറില്ല; വിശ്വാസികൾക്കും).

മുഖ്യമായും ഒരു മേഖലയിലൂന്നിയുള്ള ശാസ്ത്രചിന്തകളാണ് ഈ പുസ്തകത്തിലുള്ളത്. 'സുരക്ഷിതമായ ഭക്ഷണത്തിനും അതുവഴിയുള്ള ആരോഗ്യപരിപാലനത്തിനു'മുള്ള പ്രാഥമിക പാഠങ്ങളാണിവ. വ്യാജശാസ്ത്രങ്ങളുടെ പ്രചാരം, അജ്ഞത, മനഃപൂർവമുള്ള കുപ്രചരണങ്ങൾ, കള്ളക്കഥകൾ, മുൻവിധികൾ, ഭയങ്ങൾ, സംശയദൂരീകരണത്തിനുള്ള വഴിയും അവസരമില്ലായ്മയും, പഴമയെക്കുറിച്ചുള്ള അതിവാദങ്ങൾ എന്നിങ്ങനെ ഭക്ഷണം, ആരോഗ്യം എന്നിവയോടു ബന്ധപ്പെട്ടുനിലനിൽക്കുന്ന അയുക്തികവും അശാസ്ത്രീയവുമായ നിരവധി പ്രശ്‌നമേഖലകളിലാണ് ഇവിടെ സുരേഷ് ഇടപെടുന്നത്. മലയാളിയുടെ ജീവിതോൽക്കണ്ഠകളിൽ ഏറ്റവും പ്രധാനമാണല്ലോ ഇന്നിപ്പോൾ ഈ രണ്ടു മേഖലകളും. ഒരേസമയംതന്നെ നമ്മുടെ സമൂഹത്തിലെ ഏറ്റവും വലിയ വ്യവസായവും കലയും അഭിനിവേശവും ഭയവുമായി നിലനിൽക്കുന്ന ജീവിതമണ്ഡലങ്ങൾ കൂടിയാണ് ഇവ. ജീവിതശൈലീരോഗങ്ങൾ എന്നൊരു പുതിയ സംജ്ഞതന്നെ ഈ രംഗത്തുണ്ട്. അവയാകട്ടെ, ഏറ്റവും വലിയ ഒരു വിപണിയുടെയും ഭ്രമത്തിന്റെയും ചൂഷണത്തിന്റെയും കൂടി തലവുമാണ്.

മുപ്പത്തൊൻപതു ചെറുലേഖനങ്ങളും ഇരുപത്തഞ്ചു കുറിപ്പുകളുമടങ്ങിയ ഒരു കൈപ്പുസ്തകമാണ് 'പാഠം ഒന്ന്'. കഥപോലെ രസകരവും കൗതുകകരവുമായ വിവരണം. സ്വാനുഭവങ്ങളിലും ഉദാഹരണങ്ങളിലും കൂടിയുള്ള പ്രതിപാദനം. പൊതുസന്ദേഹങ്ങളുടെ പരിഹരണം. ഓരോ ലേഖനത്തിനുമൊപ്പം അതതുവിഷയത്തിലെ ആധികാരിക ഗവേഷണഫലങ്ങളുടെ റഫറൻസ് സൂചിക. ആദ്യമാതൃകകളിലൊന്ന് നോക്കുക.

സിനിമാനടനും തിരക്കഥാകൃത്തും സംവിധായകനുമൊക്കെയായ ശ്രീനിവാസൻ അടുത്തകാലത്തുനടത്തുന്ന ചില പരസ്യപ്രസ്താവനകൾ, അവയുടെ മരമണ്ടൻ സ്വഭാവം മൂലം പൊതുവെ മലയാളി ചിരിച്ചുതള്ളിക്കളയുന്നവയാണ്. എങ്കിലും അവയ്ക്കുപിന്നിലൊളിഞ്ഞിരിക്കുന്ന ശാസ്ത്രബോധത്തിനെതിരെയുള്ള വെല്ലുവിളി സുരേഷിനു കാണാതിരിക്കാനാവുന്നില്ല. 'തീ കണ്ടുപിടിക്കുന്നതിനുമുൻപ് മനുഷ്യൻ 150 വയസുവരെ ജീവിച്ചിരുന്നു'വെന്ന ശ്രീനിവാസന്റെ പ്രസ്താവനയിലെ പോഴത്തത്തെ സുരേഷ് തുറന്നുകാണിക്കുന്നു. മാധ്യമങ്ങൾ റിപ്പോർട്ടുചെയ്ത ഈ തിരുമണ്ടത്തരത്തെ വസ്തുതകൾ കൊണ്ടു റദ്ദാക്കുകയാണ് ആദ്യലേഖനം.

'1950-കളിൽ പോലും ഇന്ത്യയിലെ ശരാശരി ആയുർദൈർഘ്യം 37 വയസ്സ് ആയിരുന്നു. 1960-കളിൽ ഇത് 44 ആയി. 1970-കളിൽ 51; 1980-ൽ 56; 1990-ൽ 60; 2000-ൽ 61; 2010-ൽ 65.

ഇപ്പോൾ ഏകദേശ ആയുർദൈർഘ്യം 67 വയസ്സിൽ എത്തിനിൽക്കുന്നു. അമേരിക്കയിലും യൂറോപ്പിലും 1950-കളിൽ ശരാശരി ആയുർദൈർഘ്യം 65 വയസ്സിനു മുകളിൽ ആയിരുന്നത് ഇപ്പോൾ ഏകദേശം 75 വയസ്സിനു മുകളിലാണ്. ഒരു പ്രധാന കാര്യം ഓർമ്മിപ്പിക്കാനുള്ളത്, ഇത് ഇപ്പോൾ കേരളത്തിലെ ശരാശരി ആയുർദൈർഘ്യത്തിനു (75) തുല്യമാണ് എന്നുള്ളതാണ്. യുണൈറ്റഡ് നേഷൻസിന്റെ ഇക്കണോമിക് ആൻഡ് സോഷ്യൽ അഫയേഴ്‌സ് ഡിപ്പാർട്‌മെന്റിന്റെ ന്യൂയോർക്കിലുള്ള പോപ്പുലേഷൻ ഡിവിഷനിലെ കണക്കുകൾ വച്ചാണ് പറയുന്നത്'.

(1815നു കേരളീയ നവോത്ഥാനത്തിനു തുടക്കം കുറിച്ച ബഞ്ചമിൻ ബയ്‌ലിയെന്ന സി.എം.എസ്. മിഷനറി കോട്ടയത്ത് അച്ചുകൂടവും കോളേജും സ്ഥാപിച്ചപ്പോൾ നടപ്പാക്കിയ ഏറ്റവും ശ്രദ്ധേയമായ നയങ്ങളിലൊന്ന് നിർബ്ബന്ധിതമായ വാക്‌സിനേഷനായിരുന്നു എന്ന് ആരോർക്കുന്നു? 1888ലെ അരുവിപ്പുറം പ്രതിഷ്ഠയിലാണ് കേരളീയ നവോത്ഥാനത്തിന്റെ ആരംഭമെന്നു വാദിക്കുന്ന യന്ത്രമനുഷ്യർ, അതിനു മുക്കാൽ നൂറ്റാണ്ടുമുൻപ് നടന്നതാണ് ഈ യഥാർഥ നവോത്ഥാനം എന്നത് മറന്നുകളയുകയായിരുന്നു).

സമാനമാണ് തുടർന്നുള്ള ലേഖനങ്ങളുടെയും ഉള്ളടക്കവും അവതരണശൈലിയും. ഗോമൂത്രത്തിന്റെ ഔഷധഗുണത്തെക്കുറിച്ചു നടക്കുന്ന പ്രചരണത്തിലെ അസംബന്ധങ്ങൾ വിമർശിച്ചും കാൻസറിനെക്കുറിച്ചു നിലനിൽക്കുന്ന കള്ളക്കഥകളും കാൻസർ ചികിത്സയുടെ പേരിൽ നടക്കുന്ന വ്യാജ-വൈദ്യപ്രയോഗങ്ങളുടെ ദുരന്തങ്ങളും തുറന്നുകാട്ടിയും നിരവധി ഭക്ഷ്യവസ്തുക്കളെക്കുറിച്ചു നിലനിൽക്കുന്ന അബദ്ധധാരണകൾ തെളിച്ചുകാട്ടിയും (പൊറോട്ടയും മെഴുകുപുരട്ടിയ ആപ്പിളും ബ്രോയ്‌ലർ ചിക്കനും അജിനോമോട്ടോയും കാൻസർ വരുത്തുമെന്ന കഥകളുൾപ്പെടെ) ജൈവകൃഷിയെക്കുറിച്ചും മറ്റും നിലനിൽക്കുന്ന അമിതവിശ്വാസങ്ങളും അതിവാദങ്ങളും പൊളിച്ചുമാറ്റിയും കീടനാശിനിയെയും രാസവളത്തെയും പ്രകൃതിവിരുദ്ധമെന്നു മുദ്രകുത്തുന്ന ശാസ്ത്രവിരുദ്ധതയുടെ മുനയൊടിച്ചും മൈക്രോവേവ് അവ്ൻ ഉൾപ്പെടെയുള്ള ഉപകരണങ്ങളെക്കുറിച്ചുള്ള അടിസ്ഥാനരഹിതമായ സംശയങ്ങളും ഭയങ്ങളും ദൂരീകരിച്ചും സുരേഷ് മലയാളിയുടെ ഭക്ഷണ-ആരോഗ്യസംസ്‌കാരങ്ങളിൽ ശാസ്ത്രചിന്തയുടെ സാധ്യതകൾ മുൻപൊരാളും വിശദീകരിക്കാത്ത വിധം വെളിപ്പെടുത്തുകയാണ്.

നോൺസ്റ്റിക് പാത്രങ്ങളിൽ ചമ്മന്തിയുണ്ടാക്കാം, പക്ഷെ ദോശ ചുടരുത്-എന്തുകൊണ്ട്?
മുളച്ച ഉരുളക്കിഴങ്ങ് ഉപയോഗിക്കരുത് - എന്തുകൊണ്ട്?
വെളിച്ചെണ്ണയിൽ വറുക്കലും പൊരിക്കലും പാടില്ല - എന്തുകൊണ്ട്?
ഒരു വയസ്സുവരെയുള്ള കുഞ്ഞുങ്ങൾക്ക് യാതൊരു കാരണവശാലും ഒരു തുള്ളി തേൻപോലും നൽകരുത് - എന്തുകൊണ്ട്?

സുരേഷ് തന്റെ ശാസ്ത്രാന്വേഷണങ്ങൾ കൊണ്ട് മലയാളിയുടെ ദൈനംദിന ജീവിതത്തിൽ വേരുറച്ചുപോയ നിരവധി ആചാരങ്ങളും ശീലങ്ങളും നിസ്സങ്കോചം വിമർശിച്ചു പുറന്തള്ളുന്നു. വടക്കോട്ടു തലവച്ചു കിടക്കുന്നതിനെക്കുറിച്ചുള്ള പടുവിശ്വാസങ്ങൾ പരിഹസിച്ചുതള്ളുന്ന സുരേഷ്, ഗണേശവിഗ്രഹത്തിന്റെ നിമജ്ജനവും ആസ്ബസ്റ്റോസും മെർക്കുറിവേസ്റ്റും അലുമിനിയം പാത്രത്തിലെ പാചകവും സൃഷ്ടിക്കുന്ന പാരിസ്ഥിതിക-ആരോഗ്യപ്രശ്‌നങ്ങളും ഒന്നൊന്നായി തുറന്നെഴുതുന്നു. എത്രയും സാമാന്യമായ ജീവിതാവസ്ഥകളുടെ ശാസ്ത്രീയാപഗ്രഥനംവഴി അവയോരോന്നും സൃഷ്ടിക്കാവുന്ന മാനസിക-ആരോഗ്യ പ്രതിസന്ധികളെ മറികടക്കുന്നതെങ്ങനെയെന്ന് സുരേഷ് വിശദീകരിക്കുന്നു. അധോവായു മുതൽ വായ്‌നാറ്റം വരെ; വിയർപ്പുമണം മുതൽ മനുഷ്യഗന്ധം വരെ; വെറും വെള്ളത്തിന്റെ ശുചീകരണശേഷി മുതൽ 'ഉത്തരവാദിത്ത' മദ്യപാനം വരെ എന്തും ഏതും ശാസ്ത്രബദ്ധമായി വിശകലനം ചെയ്തുകൊണ്ടാണ് സുരേഷ് പാഠം ഒന്ന് പൂർത്തീകരിക്കുന്നത്.

ഈ പുസ്തകത്തിലെ ഏറ്റവും കൗതുകകരമായ ചില ലേഖനങ്ങളും കുറിപ്പുകളും നോക്കുക:

ഗോമൂത്രത്തിന്റെ ഔഷധഗുണങ്ങളെക്കുറിച്ചുള്ള സംഘപരിവാർ വായാടികളുടെ വാദഗതികളുടെ നടുവൊടിക്കുന്ന ലേഖനത്തിൽ നിന്നൊരു ഭാഗം:-

'വളരെ ലളിതമായി പറഞ്ഞാൽ ജീവികളുടെ ശരീരത്തിൽ നിന്നുള്ള ദ്രാവകരൂപത്തിലുള്ള മാലിന്യമാണ് മൂത്രം. ആഹാരത്തിന്റെ ദഹനപ്രക്രിയയ്ക്ക് ശേഷം വൃക്കയുടെ അരിക്കൽ നടന്നുകഴിഞ്ഞു വരുന്നതാണ് ഇത്. വെള്ളത്തിൽ ലയിക്കുന്ന പലതരം അനാവശ്യ രാസവസ്തുക്കളെ ശരീരം പുറന്തള്ളുന്നത് മൂത്രത്തിൽ കൂടിയാണ്. മൂത്രത്തിൽ 90-96% വരെ വെള്ളമാണ്. ബാക്കി പലതരത്തിലുള്ള രാസപദാർത്ഥങ്ഹളും. നൈട്രജൻ അടങ്ങിയ മാലിന്യങ്ങളായ യൂറിയ, യൂറിക് ആസിഡ്, ക്രിയാടിനിൻ തുടങ്ങിയവയാണ് മിക്കവാറും എല്ലാ സസ്തനികളുടെയും മൂത്രത്തിൽ അടങ്ങിയിരിക്കുന്നത്. ഇതുകൂടാതെ, ശരീരത്തിൽ ഉല്പാദിപ്പിക്കുന്ന പലതരത്തിലുള്ള ഹോർമോണുകൾ, മാംസ്യം (പ്രോട്ടീൻ), പലതരത്തിലുള്ള ഓർഗാനിക്/ഇനോർഗാനിക് സംയുക്തങ്ങൾ തുടങ്ങിയവയും വളരെ ചെറിയ അളവിൽ മൂത്രത്തിൽ ഉണ്ടാവും. കഴിച്ച ആഹാരത്തിനനുസരിച്ച് ഇവയുടെ അളവുകൾ മാറ്റം വരാം. ഒരു ലിറ്റർ മനുഷ്യമൂത്രത്തിലെ മൂലകങ്ങളുടെ അളവ് കാർബൺ 6.8 ഗ്രാം, നൈട്രജൻ 8.12 ഗ്രാം, ഓക്‌സിജൻ 8.2 ഗ്രാം, ഹൈഡ്രജൻ 1.5 ഗ്രാം എന്നിങ്ങനെയാണ്.

ഗോമൂത്രത്തിന്റെ ഗുണങ്ങൾ എന്തൊക്കെ?

ഗോമൂത്രത്തിനു ചില നല്ല ഗുണങ്ങൾ ഇല്ലാതില്ല. ഉദാഹരണത്തിന്, അതിന്റെ ആന്റിബാക്റ്റീരിയൽ പ്രവർത്തനം. ഗോമൂത്രത്തിന്റെ ബാക്റ്റീരിയയെ കൊല്ലാനുള്ള കഴിവിനെക്കുറിച്ച് ധാരാളം പഠനങ്ങൾ നടന്നിട്ടുണ്ട്. 2012-ൽ നടന്ന ഒരു ഗവേഷണ പഠനപ്രകാരം സ്റ്റെഫലോകോക്കസ് ഓറീയസ്, ഇ. കോളി, സ്യൂഡമോണാസ് ഫ്രാഗി, ബാസിലസ് സബ്റ്റിലിസ് തുടങ്ങിയ ബാക്റ്റീരിയകളെ നശിപ്പിക്കാൻ ഗോമൂത്രത്തിനു കഴിയുമെന്ന് കണ്ടെത്തിയിട്ടുണ്ട്. (Antimicrobial Activities of Cow Urine Against Various Bacterial Strains Anami et al. Int J Recent Adv Pharm Res, 2012;2(2):84-87 ISSN:2230-9306;) പക്ഷേ, അതിലൊരു കുഴപ്പമുണ്ട്. പല പശുക്കളുടെ മൂത്രം പലതരത്തിലുള്ള പ്രവർത്തനശേഷിയാണ് കാണിച്ചത്. ഗോമൂത്രത്തിലുള്ള രാസവസ്തുക്കളുടെ വ്യതിയാനമാണ് ഇതിനു കാരണമായി പറഞ്ഞത്. രണ്ട് അമേരിക്കൻ പേറ്റന്റുകളും (പേറ്റന്റ് നമ്പറുകൾ 6896907, 6410059) ഈ ഗവേഷണത്തിനു ലഭിച്ചിട്ടുണ്ട്. എന്നാൽ, മൂത്രത്തെ മരുന്നായി കാണാൻ ഈ ഗുണം സഹായിക്കുന്നില്ല.

ഗോമൂത്രം കുടിക്കാമോ?

രിക്കലും അരുത് എന്നാണ് പഠനങ്ങൾ പറയുന്നത്. കുടിക്കുക മാത്രമല്ല മറ്റു വസ്തുക്കളിൽ കലർത്തി കഴിക്കുകയും ചെയ്യരുത്. കാരണം, ഗോമൂത്രം വഴി പല മാരകരോഗങ്ങളും പകരാം എന്നാണ് ഈ രംഗത്തെ വിദഗ്ദ്ധർ പറയുന്നത്. അല്ലെങ്കിൽത്തന്നെ, ഒരു ജീവിയുടെ വൃക്ക അരിച്ചുതിരസ്‌കരിച്ച മാലിന്യങ്ങൾ വേറൊരു ജീവിക്ക് കുടിക്കാൻ കൊടുക്കുന്നത് സാമാന്യബുദ്ധിക്ക് നിരക്കുന്നതല്ലല്ലോ. ഗോമൂത്രത്തിന്റെ ഗുണഗണങ്ങളെ പറ്റിയുള്ള പല റിപ്പോർട്ടുകളും വേണ്ട രീതിയിലുള്ള ക്ലിനിക്കൽ ട്രയലുകൾ നടത്താതെയുള്ളതും അപകടകരമാംവിധം വഴിതെറ്റിക്കുന്നതുമാണ്. ആയതിനാൽ തത്ക്കാലം ഗോമൂത്രം അടുക്കളത്തോട്ടത്തിലെ ചെടികൾക്ക് വളമായി മാത്രം ഉപയോഗിക്കുക; അതും നിയന്ത്രിതമായ തോതിൽ'.

നമ്മുടെ അടുക്കളകളെ കീഴടക്കിക്കഴിഞ്ഞ നോൺസ്റ്റിക് പാത്രങ്ങളിൽ പാചകം ചെയ്താലുള്ള കുഴപ്പമെന്താണ്? സുരേഷ് എഴുതുന്നു: 'അമേരിക്കയിലെ പിറ്റ്‌സ്ബർഗ് യൂണിവേഴ്‌സിറ്റിയിലെ കെമിസ്ട്രി പ്രൊഫസറും What Einstein Told His Cook: Kitchen Science Explained എന്ന പുസ്തകത്തിന്റെ രചയിതാവുമായ ഡോ. റോബർട്ട് വോൾക്ക് പറഞ്ഞത് ഇങ്ങനെയാണ്: They are safe as long as they are not overheated. When they are, the coating may begin to break down (at the molecular level, so you wouldnt necessarily see it), and toxic particles and gases, some of them carcinogenic, can be released. There is a whole chemistry set of compounds that will come off when Teflon is heated high enough to decompose. Many of these are fluorine-containing compounds, which as a class are generally toxic; But fluoropolymers, the chemicals from which these toxic compounds come, are a big part of the coating formula-and the very reason that foods dont stick to nonstick. അതായത് നോൺസ്റ്റിക്ക് പാത്രങ്ങൾ അമിതമായി ചൂടാക്കിയില്ലെങ്കിൽ സുരക്ഷിതമാണ്. പക്ഷേ, അവ അമിതമായി ചൂടാക്കിയാൽ വിഷമയമായ പാർട്ടിക്കിളുകളും വാതകങ്ങളും ഉണ്ടാകുന്നതിനു പുറമെ, കാൻസറിനു കാരണമായ വാതകങ്ങളും പുറത്തുവിടാം'.

ജൈവകൃഷിയും ജൈവപച്ചക്കറിയുമൊക്കെ അടുത്തകാലത്തു നേടിയ താരമൂല്യത്തിൽ എന്തെങ്കിലും കഥയുണ്ടോ? കഴമ്പുണ്ടോ? കീടനാശിനികൾക്കും രാസവളങ്ങൾക്കുമെതിരെയുള്ള അന്ധമായ പേടിയിൽ നിന്നു ജനിച്ച ഒരു വ്യാജകാർഷികസംസ്‌കൃതിയുടെ നിർമ്മിതി മാത്രമാണിതെന്നദ്ദേഹം തറപ്പിച്ചു പറയും.

'പ്രകൃതിദത്തമായ വളങ്ങളാണ് ജൈവവളങ്ങൾ അഥവാ ഓർഗാനിക് വളങ്ങൾ. സസ്യങ്ങളുടെ അഴുകിയ ഭാഗങ്ങൾ, ചാണകം, ഗോമൂത്രം, മൃഗങ്ങളുടെ അവശിഷ്ടങ്ങൾ, കമ്പോസ്റ്റ്, അറവുശാലയിൽ നിന്നുള്ള അവശിഷ്ടങ്ങൾ തുടങ്ങിയവയും ഓർഗാനിക് വളമായി ഉപയോഗിക്കാറുണ്ട്. ഇവ രാസവളങ്ങളുടെ അത്രയും ഫലപ്രദമല്ല.

തന്നെയുമല്ല, സസ്യങ്ങളുടെ വളർച്ചയ്ക്ക് ആവശ്യമുള്ള കൃത്യമായ അളവിലുള്ള സ്ഥൂല, സൂക്ഷ്മ പോഷകങ്ങളും മറ്റു മൂലകങ്ങളും ഓർഗാനിക് വളങ്ങളിൽ നിന്ന് കിട്ടുകയുമില്ല.

രാസവളം ഉപയോഗിക്കുന്നതുകൊണ്ട് എന്തെങ്കിലും ആരോഗ്യപ്രശ്‌നങ്ങളുണ്ടോ?

രാസവളം ഉപയോഗിച്ചുണ്ടാക്കിയ പച്ചക്കറികളോ പഴവർഗങ്ങളോ കഴിക്കുന്നതുകൊണ്ട് ഒരുതരത്തിലുള്ള ആരോഗ്യപ്രശ്‌നങ്ങളും റിപ്പോർട്ട് ചെയ്തിട്ടില്ല.

പരിസ്ഥിതിസംബന്ധമായ എന്തൊക്കെ പ്രശ്‌നങ്ങളാണ് രാസവളം കൊണ്ട് ഉണ്ടാകുന്നത്?

രാസവളം ഇടുമ്പോൾ മഴവെള്ളത്തിൽ കലർന്ന് അതു കുടിവെള്ളത്തിൽ എത്താതെ നോക്കണം. കൂടാതെ, രാസവളപ്രയോഗം അമിതമായാൽ വെള്ളത്തിൽ കലർന്ന് പായലുകളുടെ വളർച്ച കൂടാൻ സാധ്യതയുണ്ട്. പാടങ്ങളിൽ നിന്നുള്ള രാസവളം വെള്ളത്തിൽ കലർന്നതു മൂലമാകാം കുട്ടനാട്ടിലെ അമിതമായ പായൽ വളർച്ച (ഈ രീതിയിൽ പഠനങ്ങൾ നടന്നതായി അറിവില്ല). രാസവളം വെള്ളത്തിൽ കലരുന്നത് മത്സ്യസമ്പത്തിനെയും കാര്യമായി ബാധിക്കാൻ സാദ്ധ്യതയുണ്ട്.

വളമിടാതെ ഉണ്ടാക്കിയ ഫലങ്ങൾ കൂടുതൽ ഗുണകരമാണോ?

ല്ല വളക്കൂറുള്ള മണ്ണല്ലെങ്കിൽ വളം ഇടാതെയുണ്ടാക്കിയ പച്ചക്കറി, പഴവർഗ്ഗങ്ങൾക്ക് വേണ്ടത്ര പോഷകാഹാരം കിട്ടുന്നില്ല. വേണ്ടത്ര ആഹാരം കിട്ടാതെ പോഷണവൈകല്യം വന്ന പച്ചക്കറികൾ കഴിക്കുന്നത് ഗുണകരമാണെന്നു വിചാരിക്കുന്നത് യുക്തിക്ക് നിരക്കുന്നതല്ലല്ലോ. ജർമ്മനിയിലെ ഹൊഹൻഹെയിം യൂണിവേഴ്‌സിറ്റിയിലെ ഗവേഷകരെ ഉദ്ധരിച്ചു പറഞ്ഞാൽ, ഇതുവരെയുള്ള ഗവേഷണപഠനങ്ങൾ വച്ച് ഓർഗാനിക് ഭക്ഷണസാധനങ്ങൾക്കു ഗുണനിലവാരം കാര്യമായി കൂടുതലാണെന്ന് കണ്ടെത്തിയിട്ടില്ല. അവരുടെ റിപ്പോർട്ടിലെ വാചകം ഇങ്ങനെയാണ്: No clear conclusions about the quality of organic food can be reached using the results of present literature and research results.

അമേരിക്കയിലെ പ്രശസ്തമായ റട്ട്‌ഗേർഴ്‌സ് യൂണിവേഴ്‌സിറ്റിയിലെ ഫുഡ് ടോക്‌സിക്കോളജി പ്രൊഫസറായ ജോസഫ് ഡി. റോസെൻ പറയുന്നത് ഗുണം കൂടുതലുണ്ടെന്നു ധരിച്ച് ഓർഗാനിക് ആഹാരത്തിനു പൈസ മുടക്കുന്നത് വെറുതെയാണ് എന്നാണ്. 'Any consumers who buy organic food because they believe that it contains more healthful nuturients than conventional food are wasting their money' '.

കുഞ്ഞുങ്ങൾക്ക് ഒരു വയസ്സാകും മുൻപേ തേനും വയമ്പും നാവിൽ തൂകുന്ന ആചാരത്തിലൊളിഞ്ഞിരിക്കുന്ന അപകടത്തെപ്പറ്റി സുരേഷ് എഴുതുന്നു:

'കുഞ്ഞുങ്ങൾക്ക് തേനും വയമ്പും അരച്ചുകൊടുക്കുന്നത് ഒരു ആചാരമായി ഇപ്പോഴും പലരും ചെയ്യാറുണ്ട്. അങ്ങനെ ചെയ്താൽ ബുദ്ധി കൂടുമെന്നാണ് വിശ്വാസം. നവജാതശിശുക്കൾക്കു പോലും തേനും വയമ്പും കൊടുക്കുന്നത് നമ്മളിൽ പലരും കണ്ടിട്ടുണ്ടാവും; ചിലരൊക്കെ ചെയ്തിട്ടുമുണ്ടാവും.

എന്നാൽ ഇങ്ങനെ തേനും വയമ്പും കൊടുക്കുന്നത് നല്ലതാണോ? ആദ്യം നമുക്ക് തേനിനെപ്പറ്റി നോക്കാം. തേൻ പ്രകൃതിദത്തമാണ്, രോഗപ്രതിരോധശക്തി തരുന്നതാണ് എന്നുള്ള കാര്യമൊക്കെ ശരിയാണ്. പക്ഷേ, ഒരു വയസ്സാകുന്നതുവരെ കുട്ടികൾക്ക് ഒരു കാരണവശാലും തേൻ കൊടുക്കരുത്. കൈയിൽ തേച്ച് ഒരു തുള്ളി പോലും.

എന്താണ് തേനിന്റെ പ്രശ്‌നം? ക്ലോസ്റ്റിറിഡിയം ബോട്ടുലിനം എന്ന ബാക്ടീരിയ തേനിൽ കാണാനുള്ള സാധ്യത വളരെ വലുതാണ്. പ്രാണവായുവില്ലാതെ ജീവിക്കാൻ കഴിയുന്നതും രേണുക്കൾ (spore) ഉണ്ടാക്കുന്നതുമായ ബാക്ടീരിയ ആണ് ക്ലോസ്റ്റിറിഡിയം ബോട്ടുലിനം. നാഡീവ്യൂഹത്തെ തകരാറിലാക്കുന്ന വിഷമായ ബോട്ടുലിനം ടോക്‌സിൻ ഉണ്ടാക്കാൻ കഴിവുള്ള ബാക്ടീരിയ ആണിത്. അതിഗുരുതരമായ പക്ഷാഘാതഗ്രസ്തമായ അസുഖങ്ങൾ നാഡീവ്യൂഹത്തിലുണ്ടാകാൻ ഈ വിഷം കാരണമായേക്കാം.

അപ്പോൾ കൊച്ചുകുട്ടികൾക്ക് തേൻ കൊടുക്കുന്നത് ഒഴിവാക്കണോ? പൂർണ്ണമായും ഒഴിവാക്കണം എന്നുതന്നെയാണ് ഉത്തരം. കാരണം, ഇപ്പോൾ അറിയപ്പെടുന്നതിൽവച്ച് ഏറ്റവും വീര്യമുള്ള വിഷങ്ങളിൽ ഒന്നാണ് ബോട്ടുലിനം ടോക്‌സിൻ. കൊച്ചു കുട്ടികളിൽ മാരകമായ അസുഖം ഉണ്ടാക്കാൻ ഇത് തീർത്തും വളരെ ചെറിയ അളവു മതി. 1.3 2.1 ng/kg ആണ് അപകടമുണ്ടാക്കുന്ന ഡോസ്.

ഒരു വയസ്സിൽ താഴെയുള്ള കുഞ്ഞുങ്ങൾക്ക് തേൻ കൊടുക്കുന്നത് സുരക്ഷിതമല്ലെന്ന് അമേരിക്കയിലെ ഫുഡ് ആൻഡ് ഡ്രഗ് അഡ്‌മിനിസ്‌ട്രേഷൻ പറയുന്നുണ്ട്. യു.കെ.യിലെ ഒന്നാം നമ്പർ പത്രമായ ദി ഗാർഡിയനും ശിശുക്കൾക്ക് തേൻ കൊടുക്കുന്നതിനെതിരെ 2005 ഓഗസ്റ്റിൽ റിപ്പോർട്ട് പ്രസിദ്ധീകരിച്ചിട്ടുണ്ട്'.

ഒരുപക്ഷെ, സുരേഷ് പ്രസിദ്ധീകരിച്ച ശാസ്ത്രക്കുറിപ്പുകളിൽ ഏറ്റവും ശ്രദ്ധനേടിയ ഒന്നായിരിക്കും, മലയാളിയുടെ ഏറ്റവും വലിയ സാംസ്‌കാരിക വിഭ്രമങ്ങളിലൊന്നായി മാറിയിട്ടുള്ള എഴുത്തിനിരുത്തിൽ, സ്വർണമോതിരം കൊണ്ട് കുഞ്ഞുങ്ങളുടെ നാവിലെഴുതുന്ന പ്രാകൃതാചാരത്തിനെതിരെയുള്ളത്. രണ്ടു ഗുരുതരമായ ആരോഗ്യ-ശുചിത്വപ്രശ്‌നങ്ങൾ ഈ പരിപാടിയിലുണ്ട്. ഏതൊക്കെ? സുരേഷ് എഴുതുന്നു:

'ഒന്ന്: തിരക്കുള്ള അമ്പലങ്ങളിലും മറ്റ് എഴുത്തിനിരുത്തു സ്ഥലങ്ങളിലും ഒരേ മോതിരം കൊണ്ടാണ് നൂറുകണക്കിന് കുട്ടികളുടെ വായിൽ എഴുതുന്നത്. കിണ്ടിയിൽ അടുത്തുവച്ചിരിക്കുന്ന വെള്ളത്തിൽ പേരിന് ഒന്നുമുക്കിയിട്ടാണ് അടുത്ത കുട്ടിയുടെ വായിൽ എഴുതുന്നത്. വെള്ളത്തിൽ മുക്കിയതുകൊണ്ട് മോതിരം അണുവിമുക്തമാകില്ല. സ്റ്റെറിലൈസ് ചെയ്യാതെ ഇങ്ങനെ ഒരേ മോതിരം ഉപയോഗിക്കുന്നതുകൊണ്ട് പകർച്ചവ്യാധികളും മാരകമായ മറ്റുപല അസുഖങ്ങളും ഒരു കുട്ടിയിൽനിന്നും പല കുട്ടികളിലേക്ക് പകരാനുള്ള സാദ്ധ്യത വളരെ കൂടുതലാണ്.

സ്വർണം ആന്റിബാക്ടീരിയൽ ആണല്ലോ എന്നായിരിക്കും ഇപ്പോൾ ചിന്തിക്കുക. ഗോൾഡ് നാനോപാർട്ടിക്കിളുകൾ ആന്റിബാക്ടീരിയലാണ്; ശരിതന്നെ. സ്വർണം കൊണ്ട് ഉണ്ടാക്കിയ മോതിരം ചെറിയ തോതിൽ ആന്റിബാക്ടീരിയൽ സ്വഭാവം കാണിക്കുമെങ്കിലും, വളരെ കുറച്ചുള്ള ഇടവേളകളിൽ ഇതിനു ബാക്ടീരിയകളെയോ വൈറസുകളെയോ കൊല്ലാൻ പറ്റില്ല.

രണ്ടാമത്തെ പ്രശ്‌നം, പലപ്പോഴും ശ്രദ്ധിച്ചിട്ടുള്ളതാണ് എഴുത്തിനിരുത്തുന്ന ആളിന്റെ ഇടത്തെ കൈയിലുള്ള മോതിരം ഊരിയാണ് കുട്ടികളുടെ വായിൽ എഴുതുന്നത്. ശൗചക്രിയകൾ ചെയ്യുമ്പോൾ, മോതിരത്തിലേക്ക് പലതരത്തിലുള്ള ബാക്ടീരിയകൾ (ഉദാഹരണത്തിന്, Escherichia coli (E. coli), Enterococcus faecalis, Enterococcus faecium) കടന്നുകൂടാനുള്ള സാദ്ധ്യത കൂടുതലാണ് എന്ന് പ്രത്യേകം പറയേണ്ടതില്ലല്ലോ'.

എത്രയോ ദശകങ്ങളായി നടക്കുന്ന ചർച്ചകളിലൊന്നാണ് വെളിച്ചെണ്ണ സൃഷ്ടിക്കുന്ന ആരോഗ്യപ്രതിസന്ധികളെക്കുറിച്ചുള്ളത്. വെളിച്ചെണ്ണക്കെതിരെ നടക്കുന്ന രാജ്യാന്തര എണ്ണക്കമ്പനികളുടെയും ഗവേഷണസ്ഥാപനങ്ങളുടെയും ഗൂഢാലോചന എന്ന നിലയിൽ മിക്കവരും തള്ളിക്കളയുന്ന ഈ വിഷയം പക്ഷെ അത്ര ലളിതമല്ല. സുരേഷ് പറയുന്നു:

'വെളിച്ചെണ്ണയിൽ വറുക്കുകയോ പൊരിക്കുകയോ ചെയ്യരുത് എന്ന് പറയാൻ കാരണം എന്താണ്?

വെളിച്ചെണ്ണയുടെ സ്‌മോക് പോയിന്റ്  175 ഡിഗ്രി സെൽഷ്യസാണ്. സ്‌മോക് പോയിന്റ് എന്നാൽ ഫാറ്റി ആസിഡുകൾ വിഘടിച്ചു മറ്റുള്ള അപകടകാരികളായ സംയുക്തങ്ങളോ പുകയോ ആകാൻ തുടങ്ങുന്ന താപനിലയാണ്. മറ്റുള്ള എണ്ണകളുടെ സ്‌മോക് പോയിന്റ് നോക്കിയാൽ 175 ഡിഗ്രി സെൽഷ്യസ് വളരെ താണ താപനിലയാണ്. ഉദാഹരണത്തിന്, സൂര്യകാന്തി എണ്ണയിൽ ഇത് 230 ഡിഗ്രി സെൽഷ്യസ് ആണ്. ഒരു എണ്ണയും തുടർച്ചയായി അടുപ്പിൽവച്ചു ഡീപ് ഫ്രൈ ചെയ്യുന്നത് ഉത്തമമല്ല, പ്രത്യേകിച്ച് സ്‌മോക് പോയിന്റ് കുറഞ്ഞ വെളിച്ചെണ്ണ പോലുള്ള എണ്ണകൾ.

ബ്രിട്ടീഷ് ജേർണൽ ഓഫ് ന്യൂട്രിഷനിൽ പ്രസിദ്ധീകരിച്ച ഒരു പഠനത്തിൽ  പറയുന്നത് പല പ്രാവശ്യം ഒരേ വെളിച്ചെണ്ണയിൽ പാകം ചെയ്ത ആഹാരം വിഷമയമായതും കാൻസറിനു കാരണമായതുമാണ് എന്നാണ്. Dietary consumption of repeatdly heated coconut oil exhis the possible risk of carcinogenictiy and genotoxictiy. ഈ പഠനം നടത്തിയത് ഇന്ത്യയിലാണ്. അമേരിക്കൻ ഹാർട്ട് അസോസിയേഷൻ 2017 ജൂണിൽ നടത്തിയ ഒരു പഠനത്തിന്റെ രത്‌നച്ചുരുക്കം ഇങ്ങനെയാണ്: പല ക്ലിനിക്കൽ പഠനങ്ങളിലും വെളിച്ചെണ്ണ രക്തത്തിലെ എൽ.ഡി.എൽ. കൊളെസ്റ്ററോൾ കൂട്ടുന്നതായി കണ്ടു. അതിനാൽ, ഹൃദ്രോഗത്തിനു കാരണമായേക്കാവുന്ന വെളിച്ചെണ്ണ ഉപയോഗിക്കാതെ ഇരിക്കുന്നതാണ് നല്ലത്. ഇതു കൂടാതെ എല്ലാത്തരം എണ്ണകളും കഴിവതും ആഹാരത്തിൽ നിയന്ത്രിതമായേ ഉപയോഗിക്കാവൂ.

വെളിച്ചെണ്ണയുടെ ഉപയോഗം പൂർണ്ണമായി നിർത്തലാക്കുകയോ അല്ലെങ്കിൽ വളരെ നിയന്ത്രിതമായി ഉപയോഗിക്കുകയോ ചെയ്യണമെന്ന് യുണൈറ്റഡ് സ്റ്റേറ്റ്‌സ് ഫുഡ് ആൻഡ് ഡ്രഗ് അഡ്‌മിനിസ്‌ട്രേഷൻ, അമേരിക്കൻ ഹാർട്ട് അസോസിയേഷൻ, ബ്രിട്ടീഷ് നാഷണൽ ഹെൽത്ത് സർവീസ്, ബ്രിട്ടീഷ് ന്യൂട്രീഷൻ ഫൗണ്ടേഷൻ എന്നിവരെല്ലാം നിഷ്‌കർഷിക്കുന്നുണ്ട്. അതുകൊണ്ട് വെളിച്ചെണ്ണ നിയന്ത്രിതമായി ഉപയോഗിക്കുക. വല്ലപ്പോഴും മുട്ട പൊരിക്കാനും മെഴുക്കുപുരട്ടി വയ്ക്കാനുമൊക്കെ അല്പം വെളിച്ചെണ്ണ ഉപയോഗിക്കുന്നതിൽ തെറ്റുമില്ല. എന്നാൽ, തിളച്ച എണ്ണയിൽ ഇട്ടുള്ള ഉപ്പേരി, ഉണ്ണിയപ്പം, അച്ചപ്പം വറുക്കലിന് വെളിച്ചെണ്ണ ഉപയോഗിക്കാതെ ശ്രദ്ധിക്കണം. ഡീപ് ഫ്രൈ ചെയ്യാൻ ഒരിക്കലും വെളിച്ചെണ്ണ ഉപയോഗിക്കരുത്'.

ഈ പുസ്തകത്തിൽ സുരേഷ് ഉന്നയിക്കുന്ന വിഷയങ്ങളും ചർച്ചചെയ്യുന്ന പ്രശ്‌നങ്ങളും നിർദ്ദേശിക്കുന്ന പരിഹാരങ്ങളും യഥാർഥത്തിൽ നമ്മുടെ ജീവിതസംസ്‌കാരത്തെത്തന്നെ പുനർനിർണയിക്കുന്നവയാണ്. എന്തുകൊണ്ടാണ് ഇത്രമേൽ അശാസ്ത്രീയവും ശാസ്ത്രവിരുദ്ധവുമായ ഒരു ജീവിതസംസ്‌കാരത്തിന് നാം അടിപ്പെട്ടുപോയത്? അസംഖ്യം ജീവിതമേഖലകളിലൊന്നായ ഭക്ഷണ-ആരോഗ്യരംഗം മാത്രം ചർച്ചചെയ്ത് സുരേഷ് വിരൽ ചൂണ്ടുന്നത് ഇത്തരമൊരവസ്ഥക്കു കാരണഭൂതമായ ചില സാഹചര്യങ്ങളിലേക്കാണ്. അവ വേണമെങ്കിൽ ഇങ്ങനെ സംഗ്രഹിക്കാം. (1) ഭരണകൂടത്തിന്റെ ജാഗ്രതക്കുറവും അഴിമതിയും. (2) ശാസ്ത്ര-സാങ്കേതിക സ്ഥാപനങ്ങളുടെ നിരുത്തരവാദിത്തവും പരീക്ഷണങ്ങളുടെ അഭാവവും. (3) കച്ചവടക്കാരുടെ ലാഭക്കണ്ണ്. (4) പൊതുജനങ്ങളുടെ അറിവില്ലായ്മ. (5) വ്യാജശാസ്ത്രങ്ങളുടെയും അവയുടെ പ്രചാരകരുടെയും ആധിക്യവും വിശ്വാസ്യതയും.

ഈ അടിസ്ഥാന സന്ദർഭങ്ങൾകൂടി പരിഗണിച്ചും പരിഹരിച്ചും മാത്രമേ ഏതെങ്കിലും തരത്തിലുള്ള മാറ്റം നമ്മുടെ സമൂഹത്തിൽ സാധ്യമാകൂ. ശാസ്ത്രം ജനനന്മയ്ക്ക് എന്നത് ഒരു മുദ്രാവാക്യം മാത്രമായി അവശേഷിക്കുന്നിടത്തു നിന്നാണ് ഈ മാറ്റങ്ങൾ ആരംഭിക്കേണ്ടത്. 'പാഠം ഒന്ന്' വിരൽ ചൂണ്ടുന്നത് ഇത്തരമൊരു മാറ്റത്തിലേക്കാണ്.

പാഠം ഒന്ന്
സുരേഷ് സി. പിള്ള
താമര, ഇന്ദുലേഖ.കോം
2018, വില: 150 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
ട്രോളിയിൽ രോഗിയെ കൊണ്ടുവരുന്നത് കണ്ട് ട്രേ വച്ചത് രോഗിയുടെ കാലിനടുത്ത്; നേഴ്‌സ് കരഞ്ഞ് മാപ്പുപറഞ്ഞിട്ടും മറ്റു ജീവനക്കാർ അഭ്യർത്ഥിച്ചിട്ടും കനിയാതെ ശിക്ഷ വിധിക്കൽ; കയറി കട്ടിൽ കിടക്കൂ എന്ന ആക്രോശിച്ച് കാടത്തം കാട്ടിയത് സർജ്ജറി വിഭാഗം മേധാവി; പീഡിപ്പിച്ചത് സൗജ്യന സേവനത്തിന് എത്തിയ നേഴ്‌സിനെ; പ്രതിസ്ഥാനത്ത് പിജിക്കാരെ കൊണ്ട് ബാത്ത് റൂം കഴുകിച്ച ഡോക്ടർ; ഡോ ജോൺ എസ് കുര്യൻ വീണ്ടും വിവാദത്തിൽ; നടപടി സ്ഥലം മാറ്റത്തിൽ ഒതുങ്ങും
'കെട്ടുകഥയായ '56' നേക്കാൾ വലുതാണ് ഭീതിജനകമായ '44' എന്ന് തെളിഞ്ഞു': ജെയ്‌ഷെ മുഹമ്മദിന്റെ ചാവേറാക്രമണത്തെ ആഘോഷിച്ച് എൻഡിവി വെബ്‌സൈറ്റ് ഡപ്യൂട്ടി ന്യൂസ് എഡിറ്റർ നിഥി സേത്തിയുടെ ഫേസ്‌ബുക്ക് പോസ്റ്റ്; ഉറി ദ സർജിക്കൽ സ്‌ട്രൈക്ക് സിനിമയിലെ ഹൗ ഈസ് ദ ജോഷിനെ അനുകരിച്ച് ഹൗ ഈസ് ദ ജെയ്ഷ് ഹാഷ് ടാഗും; രൂക്ഷവിമർശനവുമായി സോഷ്യൽ മീഡിയ; ഉടനടി മാധ്യമ പ്രവർത്തകയെ സസ്‌പെൻഡ് ചെയ്ത് എൻഡിടിവി; ആക്രമണത്തെ ആഘോഷിച്ച് ട്വീറ്റ് ചെയ്ത അലിഗഡ് മുസ്ലിം സർവകലാശാല വിദ്യാർത്ഥിക്കെതിരെ കേസ്
ജയിച്ചാലും തോറ്റാലും സ്വർഗം കിട്ടുന്ന അപൂർവ ഗെയിം; പ്രതീക്ഷിക്കുന്നത് മദ്യപ്പുഴയും 72 ഹൂറിമാരുമൊക്കെയുള്ള മത സ്വർഗ്ഗം; ഓരോ ജിഹാദിയും വിശ്വസിക്കുന്നു ഇത് വിശുദ്ധയുദ്ധമാണെന്ന്; മതം തന്നെയാണ് ഭീകരത! ജെയ്ഷെ മുഹമ്മദ് എന്ന വാക്കിന്റെ അർഥം തന്നെ മുഹമ്മദിന്റെ സൈന്യം എന്നും; ഈ വീഡിയോ നിങ്ങളിലെത്തുമ്പോഴെക്കും ഞാൻ സ്വർഗത്തിലെത്തിയിരിക്കുമെന്ന് ചാവേർ പറഞ്ഞതും ഈ വിശ്വാസത്താൽ; ആടുമെയ്‌ക്കൽ സംഘങ്ങൾ പലതവണയുണ്ടായ കേരളവും കശ്മീരിൽ നിന്നുപഠിക്കണം ഒരുപാട്
മെക്‌സിക്കൻ മതിലിനെ ചൊല്ലിയുള്ള പോരിന് ഒടുവിൽ അമേരിക്കയിൽ അടിയന്തരാവസ്ഥ പ്രഖ്യാപിച്ച് ട്രംപ്; മതിലിനായി ചോദിച്ച അഞ്ഞൂറ് കോടി ഡോളർ ജനപ്രതിനിധി സഭ നിരസിച്ചതോടെ രാജ്യത്തെ വലിയ പ്രതിസന്ധിയിലേക്ക് തള്ളിവിട്ട് പ്രസിഡന്റിന്റെ പ്രഖ്യാപനം; സെനറ്റിൽ പിന്തുണ ഇല്ലാതെ വന്നതോടെ യുഎസിൽ ഉണ്ടായിരിക്കുന്നത് വലിയ ഭരണപ്രതിസന്ധി; പല വകുപ്പുകളിലേക്കും ധനവിഹിതം വെട്ടിക്കുറച്ചും ഉദ്യാനങ്ങൾ അടച്ചിട്ടും ശമ്പളം മുടക്കിയും നടത്തിയ നീക്കം ഒടുവിൽ കലാശിക്കുന്നത് ദേശീയ അടിയന്തരാവസ്ഥയിൽ
വിമർശിച്ചാൽ ഞങ്ങൾക്കും കുരുപൊട്ടും; സി രവിചന്ദ്രന്റെ പ്രഭാഷണ പരമ്പരയോടുള്ള അസഹിഷ്ണുത മൂലം സെമിനാറിന് ഹാൾ നിഷേധിച്ച് മുണ്ടക്കയം സിഎംഎസ് ഹൈസ്‌കൂൾ അധികൃതർ; ബൈബിളിനെയും ക്രിസ്റ്റാനിറ്റിയെയും പൊളിച്ചടുക്കുന്ന 'സുവിശേഷ വിശേഷം' സൈബർ ലോകത്ത് വൻ ഹിറ്റായതോടെ സമാധാനം പറയുന്ന വിശ്വാസികൾക്കും ചൊറിച്ചിൽ; സംഘപരിവാർ അസഹിഷ്ണുതയെകുറിച്ച് വലിയ വായിൽ ശബ്ദിക്കുന്നവർ ഇപ്പോൾ എവിടെപ്പോയെന്ന് സോഷ്യൽ മീഡിയ
പാർട്ടിയുടെ കണ്ണിൽ നിന്ന് മാറാതെയൊരു പാർട്ടി കല്ല്യാണം; ചുവന്ന സാരിയുടുത്ത് എത്തിയ വധുവിന് ചാർത്തിയത് ചുവന്ന പുഷ്പഹാരം; ആഡംബരം പൂർണ്ണമായും ഒഴിവാക്കിയുള്ള മന്ത്രി ബാലന്റെ മകന്റെ വിവാഹ പന്തൽ ഒരുക്കിയത് സിപിഎം ആസ്ഥാനത്ത് തന്നെ; ആശംസയുമായി ഗവർണ്ണർ അടക്കമുള്ള വിവിഐപികൾ; പാരീസിൽ ഇന്റർ നാഷണൽ ബിസിനസ് ഡെവലപ്പറായ നവീൻ നമിതാ വേണുഗോപാലിനെ സ്വന്തമാക്കുമ്പോൾ
പുൽവാമ അക്രമത്തിന് ചുക്കൻ പിടിച്ചത് പാക് ചാരസംഘടനയായ ഐഎസ്‌ഐ തന്നെ; അക്രമം നടത്തിയ ജെയ്ഷയുടെ പിന്നിലെ ചാലകശക്തിയായും സംരക്ഷകരും പാക്കിസ്ഥാൻ തന്നെ; തെളിവുകളോടെ ഇന്ത്യ രംഗത്തിറങ്ങിയതോടെ പാക്കിസ്ഥാന് ഭയം കൂടി; സുരക്ഷാ വീഴ്ചയിൽ ആശങ്കപ്പെട്ട് ഇന്ത്യൻ സേനകളും; ഇന്റലിജൻസ് വീഴ്ചയുടെ പേരിൽ കേന്ദ്രവും പ്രതിക്കൂട്ടിൽ
ഞങ്ങൾ മോദിയെ ട്രോളും.. അത് ഞങ്ങളുടെ ആഭ്യന്തര രാഷ്ട്രീയം; പക്ഷേ, ചൊറിയാൻ വന്നാൽ 40ന് പകരം 400 എണ്ണത്തിനെ പുതപ്പിച്ചു കിടത്തും; അതാണ് ഞങ്ങളുടെ ആർമിയിലുള്ള കോൺഫിഡൻസ് കേട്ടോടാ....: പുൽവാമ ഭീകരാക്രമണത്തിലെ കടുത്ത രോഷം അറിയിച്ച് പാക് പ്രധാനമന്ത്രി ഇമ്രാൻഖാന്റെ ഫേസ്‌ബുക്കിൽ മലയാളികളുടെ പൊങ്കാല; മലയാളം മനസ്സിലായില്ലെങ്കിൽ ഉറുദുവിലേക്ക് മാറ്റാൻ ഇമ്രാന് ആപ്പിന്റെ ലിങ്കും അയച്ചുകൊടുത്ത് തെറിയഭിഷേകം
'വലുതായിരിക്കണം....ഹിന്ദുസ്ഥാൻ കരയണം...' എന്ന സന്ദേശം ഭീകരർ പങ്കുവച്ചത് മൂന്നു മാസം മുമ്പ്; ഡിസംബർ ഒമ്പതിന് ഇന്ത്യയിലേക്ക് ഒളിച്ചുകടന്ന് ജയ്‌ഷെ മുഹമ്മദ് കമാൻഡർ അബ്ദുൾ റഷീദ് ഖാസി; അഫ്ഗാനിൽ ഐഇഡി കാർബോംബുകൾ ഒരുക്കുന്നതിൽ മികവു തെളിയിച്ചതോടെ ഇന്ത്യൻ ദൗത്യത്തിന്റെ ചുമതലയും; ഡിസംബർ അവസാനം പുൽവാമയിലെ ഒളിവിടത്തിൽ എത്തിയ ഭീകരൻ റഷീദ് ഖാസി തന്ത്രങ്ങൾക്ക് അന്തിമ രൂപം നൽകി ആദിൽ ധറിനെ ചാവേറാക്കി; ഇന്ത്യയെ കണ്ണീരിലാഴ്‌ത്തിയ ആക്രമണത്തിന്റെ ആസൂത്രണം ഇങ്ങനെ
അന്നത്തെ പിഴവിന് രാജ്യം കൊടുക്കേണ്ടി വന്നത് വലിയ വില! പുൽവാമയിലെ ജവാന്മാരുടെ ജീവനെടുത്ത ആക്രമണത്തിന് പിന്നിൽ കാണ്ടഹാറിൽ റാഞ്ചിയ വിമാനം രക്ഷിക്കാൻ ഇന്ത്യൻ വിദേശകാര്യമന്ത്രി വിമാനത്തിൽ കൊണ്ടുകൊടുത്ത ഭീകരൻ; കാശ്മീരിനെ സ്വതന്ത്രമാക്കുമെന്ന് സ്വപ്‌നം കാണുന്ന ജയ്ഷെയുടെ സ്ഥാപകൻ; പഠാൻകോട്ട് ഭീകരാക്രമണത്തിൽ ഇന്ത്യ നിലപാട് കടുപ്പിച്ചിട്ടും ചൈനയുടെ വീറ്റോയിൽ ആഗോള ഭീകരനാക്കാൻ കഴിഞ്ഞില്ല; രണ്ട് പതിറ്റാണ്ടായി ഇന്ത്യയുടെ ഉറക്കം കെടുത്തുന്ന കൊടുംഭീകരൻ മസൂദ് അസ്ഹറിന്റെ കഥ
ജെസ്ന പോയത് അന്യമതസ്ഥനായ കാമുകനൊപ്പമോ? ബംഗളൂരുവിലെ ഇൻഡസ്ട്രിയൽ ഏരിയായ ജിഗിണിയിൽ താമസം; നിത്യവൃത്തിക്ക് വ്യാജപ്പേരിൽ കമ്പനിയിൽ ജോലിയും; ആളെ തിരിച്ചറിയാതിരിക്കാൻ പല്ലിൽ ഇട്ടിരുന്ന കമ്പി ഊരിമാറ്റി; ദിവസവും കുർത്തയും ജീൻസും ധരിച്ച് പോകുന്ന പെൺകുട്ടിയെ തിരിച്ചറിഞ്ഞത് മലയാളിയായ കടക്കാരനും; ജെസ്‌ന ജീവിച്ചിരിക്കുന്നെന്ന് പൊലീസ് സ്ഥിരീകരിച്ചത് ഇയാൾ കൈമാറിയ വീഡിയോ പരിശോധനയ്ക്ക് ശേഷം; മുക്കൂട്ടുതറയിലെ തിരോധാനത്തിൽ നിർണ്ണായക ട്വിസ്റ്റെന്ന് സൂചന
ദിലീപേട്ടാ, ഇതെന്റെ ജീവിതമാണ്....; ഞാൻ എന്തു ചെയ്യണം; ദിലീപേട്ടന്റെ തീരുമാനമാണ് എന്റേതും ഒടുവിൽ ഞാൻ ചതിക്കപ്പെടരുത്; കല്ല്യാണ നിശ്ചയകാര്യം കാവ്യ അറിയിച്ചത് നിയന്ത്രണംവിട്ട കരച്ചിലിലൂടെ; കരഞ്ഞാൽ താനും നിയന്ത്രണം വിട്ടു കരയുമെന്ന നമ്പറിൽ എല്ലാം പറഞ്ഞൊതുക്കി നായകന്റെ സൂപ്പർ ഇടപെടൽ; ദിലീപിനെകുറിച്ചു കേട്ട വാർത്ത ഒരു ചെവിയിലൂടെ കേട്ടു മറു ചെവിയിലൂടെ കളഞ്ഞ് മഞ്ജുവും; ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്: പല്ലിശേരി പരമ്പര തുടരുന്നു
ഉത്തര മലബാറിൽ അഞ്ചിൽ നാലിലും ഇടതിന് മേൽക്കൈ; നേരിയ മാർജിനിൽ കാസർകോടും കണ്ണൂരും നിലനിർത്തുന്ന എൽഡിഎഫ് കോഴിക്കോടും വടകരയും പിടിച്ചെടുക്കാനും സാധ്യത; വയനാട്ടിൽ യുഡിഎഫ് ബഹുദൂരം മുന്നിൽ; 12 ശതമാനം വോട്ടുവ്യത്യാസം സൂചിപ്പിക്കുന്നത് മണ്ഡലത്തിലെ യുഡിഎഫ് തരംഗം; ബിജെപി എവിടെയും ചിത്രത്തിലില്ല; മറുനാടൻ മലയാളി ലോക്‌സഭാ തെരഞ്ഞെടുപ്പ് അഭിപ്രായ സർവേയിലെ അഞ്ച് മണ്ഡലങ്ങളിലെ സൂചനകൾ ഇങ്ങനെ
ട്രോളിയിൽ രോഗിയെ കൊണ്ടുവരുന്നത് കണ്ട് ട്രേ വച്ചത് രോഗിയുടെ കാലിനടുത്ത്; നേഴ്‌സ് കരഞ്ഞ് മാപ്പുപറഞ്ഞിട്ടും മറ്റു ജീവനക്കാർ അഭ്യർത്ഥിച്ചിട്ടും കനിയാതെ ശിക്ഷ വിധിക്കൽ; കയറി കട്ടിൽ കിടക്കൂ എന്ന ആക്രോശിച്ച് കാടത്തം കാട്ടിയത് സർജ്ജറി വിഭാഗം മേധാവി; പീഡിപ്പിച്ചത് സൗജ്യന സേവനത്തിന് എത്തിയ നേഴ്‌സിനെ; പ്രതിസ്ഥാനത്ത് പിജിക്കാരെ കൊണ്ട് ബാത്ത് റൂം കഴുകിച്ച ഡോക്ടർ; ഡോ ജോൺ എസ് കുര്യൻ വീണ്ടും വിവാദത്തിൽ; നടപടി സ്ഥലം മാറ്റത്തിൽ ഒതുങ്ങും
'അല്ലയോ മുല സ്നേഹികളേ, നിങ്ങൾ എപ്പോഴാണ് എന്റെ മുലകൾ കണ്ടത്? എന്റെ മുലകൾ ഇടിഞ്ഞ് തൂങ്ങിയതെന്ന് നിങ്ങൾ പ്രഖ്യാപിച്ചത് എന്ത് ലക്ഷണ ശാസ്ത്ര പ്രകാരമാണ്? ഇനി ഞാൻ പോലുമറിയാതെ ആരെങ്കിലും എന്റെ മുലകൾ പരിശോധിച്ച് തൂങ്ങിയതെന്ന് കണ്ടെത്തിയെങ്കിൽ ആ മാമോഗ്രാഫി സ്പെഷലിസ്റ്റുകൾ ആ പരിശോധനാ റിപ്പോർട്ട് ഒന്ന് പരസ്യപ്പെടുത്തണേ..? സ്ത്രീ ശരീരത്തെ പുച്ഛിക്കുന്ന ഒരുവിഭാഗം ഞരമ്പുകളെ പൊളിച്ചടുക്കി വീണ്ടും ജോമോൾ ജോസഫിന്റെ ഫേസ്‌ബുക്ക് കുറിപ്പ്
നേതാക്കളെ ആക്രമിച്ചത് എന്തിനെന്ന് എണ്ണിയെണ്ണി ചോദിച്ച് പട്ടുവത്തെ പാടത്ത് രണ്ട് മണിക്കൂർ വിചാരണ; രക്ഷിക്കാൻ ശ്രമിച്ചവരെ പാർട്ടിക്കാർ തടഞ്ഞു; ഷുക്കൂറിന്റെ സഹോദരനുൾപ്പെടെ പലരും സിപിഎം നേതാക്കളെ വിളിച്ചു കരഞ്ഞു കാലുപിടിച്ചിട്ടും ഫലമുണ്ടായില്ല; ഒടുവിൽ താലിബാൻ മോഡലിൽ കഴുത്തറുത്ത് മാടിനെ കൊല്ലും പോലെ വകവരുത്തി; പി ജയരാജൻ പ്രതിയായ അരിയിൽ ഷൂക്കൂർ കൊലക്കേസ് കേരളത്തെ ഞെട്ടിച്ചത് സമാനതകളില്ലാത്ത ക്രൂരതകൊണ്ട്; നിർണായകമായത് ആത്തിക്ക ഉമ്മയുടെ നിയമ പോരാട്ടം
എറണാകുളത്തും ഇടുക്കിയിലും കോട്ടയത്തും യുഡിഎഫ് തരംഗം; ആറ്റിങ്ങലിലും കൊല്ലത്തും എൽഡിഎഫ് മുന്നേറ്റം; കടുത്ത മൽസരം നടക്കുന്ന ആലപ്പുഴയിലും തിരുവനന്തപുരത്തും യുഡിഎഫിന് നേരിയ മുൻതൂക്കം; തിരുവനന്തപുരത്ത് ഒരു ശതമാനം വോട്ടിൽ ബിജെപി മൂന്നാമത്; മുഴുവൻ മണ്ഡലങ്ങളിലെയും മറുനാടൻ സർവേ ഫലം പുറത്തുവരുമ്പോൾ 9 സീറ്റുമായി എൽഡിഎഫും 11 സീറ്റുമായി യുഡിഎഫും മുന്നിൽ; ബിജെപിക്ക് ബാക്കിയാകുന്നത് കുമ്മനത്തെ ഇറക്കിയാൽ തിരുവനന്തപുരം പിടിക്കാം എന്ന പ്രതീക്ഷ മാത്രം
ഇസ്ലാമിക തീവ്രവാദം വളരാതിരിക്കാൻ മുസ്ലീങ്ങളെ പന്നിയിറച്ചി തീറ്റിച്ചും മദ്യം കഴിപ്പിച്ചും ചൈനീസ് സർക്കാർ; മുസ്ലിം ഭൂരിപക്ഷ മേഖലകളിൽ പൊലീസ് പന്നിയിറച്ചി എത്തിച്ചുകൊടുക്കുന്നതായി റിപ്പോർട്ടുകൾ; പരസ്യമായി മതാചാരങ്ങൾ ലംഘിക്കാത്തവരെ പ്രത്യേക പരിശീലന ക്യാമ്പുകളിലേക്ക് അയക്കും; ഇസ്ലാമിനെ ചൈന ഭയക്കുന്നത് ഇങ്ങനെ
എന്റെ പേര് ആദിൽ..ഒരുവർഷത്തിന് മുമ്പാണ് ഞാൻ ജെയ്‌ഷെ മുഹമ്മദിൽ ചേർന്നത്; നീണ്ട കാത്തിരിപ്പിന് ശേഷം എന്റെ ദൗത്യം സഫലമാക്കാൻ ഒരുഅവസരം കിട്ടിയിരിക്കുകയാണ്; ഈ വീഡിയോ നിങ്ങൾ കാണുമ്പോഴേക്കും ഞാൻ സ്വർഗ്ഗത്തിലെത്തിയിരിക്കും; ഇത് കശ്മീരികളോടുള്ള എന്റെ അവസാന സന്ദേശം: സിആർപിഎഫ് ജവാന്മാർക്ക് നേരേ ചാവേറാക്രമണം നടത്തിയ ഭീകരൻ ആദിൽ അഹമ്മദ് ധറിന്റെ അവസാന വീഡിയോ സന്ദേശം പുറത്ത്
ഒരു രസത്തിനു തുടങ്ങി അടിമയായി പോയ യുവതി; ഭർത്താവിന്റെ മദ്യപാനശീലവും ബോധം കെട്ടുള്ള ഉറക്കവും ലൈംഗിക വൈകൃതങ്ങൾ ബാലന് മേൽ പ്രയോഗിക്കാൻ പ്രേരണയായി; ഒൻപതുകാരന്റെ അമ്മയുമായി ഉണ്ടായിരുന്ന അടുപ്പം നാലാം ക്ലാസുകാരനെ യുവതിയുടെ അടുക്കൽ എത്തിച്ചു; കുട്ടിയുടെ രോഗം പറഞ്ഞ് പണം പിരിച്ച് അടിച്ചു പൊളിച്ചു; ഡോക്ടറോട് പറഞ്ഞത് പൊലീസിനോടും കുട്ടി ആവർത്തിച്ചപ്പോൾ പീഡകയ്ക്ക് പോക്‌സോയിൽ ജയിൽ വാസം; കാടപ്പാറ രാജിയുടെ വൈകൃതങ്ങൾ പിടിക്കപ്പെടുമ്പോൾ
മദ്യപിച്ച് ഭർത്താവുറങ്ങുമ്പോൾ അതേ മുറിയിൽ നാലാം ക്ലാസുകാരനുമായി കാമകേളി; ഇഷ്ടങ്ങൾ മുഴുവൻ നടത്തിച്ച് സംതൃപ്തി നേടി യുവതി നയിച്ചത് അടിപൊളി ജീവിതം; റെയിൽവേ സ്റ്റേഷനിൽ അഭയം തേടിയ അമ്മയ്ക്കും മകനും മാനസിക പിന്തുണ നടിച്ചെത്തി ചെയ്തതുകൊടുംക്രൂരത; ലിവർ കാൻസർ രോഗിയായ ഒൻപതു വയസ്സുകാരനുമായി ഇരുപത്തിയഞ്ചുകാരി ഗോവയിലും ചുറ്റിക്കറങ്ങി; കുട്ടിയുടെ ദേഹത്തെ തടിപ്പുകളും വ്രണങ്ങളും സംശയമായപ്പോൾ കൗൺസിലിങ്; രാജി കാട്ടിക്കൂട്ടിയത് മനസാക്ഷിയെ ഞെട്ടിക്കുന്ന ക്രൂരത
വിവാഹ ചിത്രത്തിൽ വധുവിന് വരനേക്കാൾ പ്രായം കൂടുതൽ തോന്നിയാൽ സദാചാര കമ്മറ്റിക്കാർക്ക് എന്താണ് പ്രശ്നം? കണ്ണൂർ ചെറുപുഴയിലെ 25കാരൻ യുവാവ് 48കാരിയെ വധുവാക്കിയെന്ന് വിവാഹ പരസ്യത്തിലെ ചിത്രം ചൂണ്ടി സൈബർ ലോകത്ത് കുപ്രചരണം; പഞ്ചാബ് യൂണിവേഴ്സിറ്റിയിലെ അടുപ്പം വിവാഹത്തിൽ കലാശിച്ചപ്പോൾ ഇരിക്കപ്പൊറുതി ഇല്ലാതായത് കുന്നായ്മക്കാർക്ക്; വധുവിന് പ്രായം കുറവെന്ന് വീട്ടുകാർ തറപ്പിച്ചു പറഞ്ഞിട്ടും കുപ്രചരണം തുടരുന്നതിൽ മനോവിഷമത്തിൽ നവദമ്പതികൾ
ജെസ്ന പോയത് അന്യമതസ്ഥനായ കാമുകനൊപ്പമോ? ബംഗളൂരുവിലെ ഇൻഡസ്ട്രിയൽ ഏരിയായ ജിഗിണിയിൽ താമസം; നിത്യവൃത്തിക്ക് വ്യാജപ്പേരിൽ കമ്പനിയിൽ ജോലിയും; ആളെ തിരിച്ചറിയാതിരിക്കാൻ പല്ലിൽ ഇട്ടിരുന്ന കമ്പി ഊരിമാറ്റി; ദിവസവും കുർത്തയും ജീൻസും ധരിച്ച് പോകുന്ന പെൺകുട്ടിയെ തിരിച്ചറിഞ്ഞത് മലയാളിയായ കടക്കാരനും; ജെസ്‌ന ജീവിച്ചിരിക്കുന്നെന്ന് പൊലീസ് സ്ഥിരീകരിച്ചത് ഇയാൾ കൈമാറിയ വീഡിയോ പരിശോധനയ്ക്ക് ശേഷം; മുക്കൂട്ടുതറയിലെ തിരോധാനത്തിൽ നിർണ്ണായക ട്വിസ്റ്റെന്ന് സൂചന
കാവ്യമാധവനിൽ നിന്നും ഊറ്റി എടുക്കാവുന്നതെല്ലാം എടുത്ത ശേഷം ദിലീപ് ഒഴിവാക്കാൻ ശ്രമിച്ചു..! തന്ത്രം മനസിലാക്കിയ കാവ്യ മറ്റ് നായകർക്കൊപ്പം സിനിമ കമ്മിറ്റ് ചെയ്തപ്പോൾ ഒരിക്കലും കൈവിടില്ലെന്ന് ഉറപ്പു നൽകി കൂടെ നിർത്തി; ലയൺ സിനിമയിലെ വിവാഹരംഗം സിനിമാ സീഡിയിൽ കവർ അടിക്കാൻ പ്ലാൻ ചെയ്തു; സിനിമയിൽ നിന്നും പി ശ്രീകുമാറിനെ മാറ്റിയത് തന്ത്രപരമായി; അനൂപ് ചന്ദ്രനെയും ഇല്ലാക്കഥ പറഞ്ഞ് സിനിമയിലെ വഴിമുടക്കി: പല്ലിശേരിയുടെ തുറന്നു പറച്ചിൽ തുടരുന്നു
ദിലീപേട്ടാ, ഇതെന്റെ ജീവിതമാണ്....; ഞാൻ എന്തു ചെയ്യണം; ദിലീപേട്ടന്റെ തീരുമാനമാണ് എന്റേതും ഒടുവിൽ ഞാൻ ചതിക്കപ്പെടരുത്; കല്ല്യാണ നിശ്ചയകാര്യം കാവ്യ അറിയിച്ചത് നിയന്ത്രണംവിട്ട കരച്ചിലിലൂടെ; കരഞ്ഞാൽ താനും നിയന്ത്രണം വിട്ടു കരയുമെന്ന നമ്പറിൽ എല്ലാം പറഞ്ഞൊതുക്കി നായകന്റെ സൂപ്പർ ഇടപെടൽ; ദിലീപിനെകുറിച്ചു കേട്ട വാർത്ത ഒരു ചെവിയിലൂടെ കേട്ടു മറു ചെവിയിലൂടെ കളഞ്ഞ് മഞ്ജുവും; ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്: പല്ലിശേരി പരമ്പര തുടരുന്നു
നാലാം വയസിൽ സ്‌കൂൾ സ്‌കിറ്റിനായി വിവാഹം; 22 വർഷങ്ങൾക്ക് ശേഷം പള്ളുരുത്തി ഭവാനി ശിവക്ഷേത്രത്തിൽ വെച്ച് ആ 'കുട്ടിക്കളി'യിലെ കഥാപാത്രങ്ങൾ ജീവിതത്തിൽ ഒരുമിച്ചു; 'നമുക്ക് ഒന്നുകൂടി വിവാഹം ചെയ്താലോ' എന്ന ആർമ്മി ക്യാപ്ടന്റെ സന്ദേശത്തിന് യേസ് മൂളി വനിതാ ഡോക്ടർ; സിനിമാക്കഥകളിലെ അനശ്വര വിവാഹ മുഹൂർത്തങ്ങളെ അനുസ്മരിപ്പിക്കും വിധത്തിൽ ആര്യശ്രീയുടെ കഴുത്തിൽ താലികെട്ടി ശ്രീരാം
ചീഫ് ജസ്റ്റീസിന്റെ പതിവില്ലാത്ത ഗൗരവവും രോഷവും താക്കീതും നൽകുന്ന സൂചനയെന്ത്? ചീഫ് ജസ്റ്റീസും ജസ്റ്റീസ് ഖാൻവിൽക്കറും മൗനം പാലിച്ചത് എന്തുകൊണ്ട്? ജസ്റ്റീസ് നരിമാൻ പല തവണ ഇടപെട്ടിട്ടും വിധിയെ അനുകൂലിക്കുന്ന ജസ്റ്റീസ് ചന്ദ്രചൂഡ് പ്രതികരിക്കാത്ത് എന്തുകൊണ്ട്? ജസ്റ്റീസ് ഇന്ദു മൽഹോത്ര ഹിന്ദുമതാചാര നിയമം ചോദിച്ചത് എന്തിന്? ശബരിമല പുനപരിശോധനാ ഹർജികളിലെ വിധിയിൽ അനുകൂലിക്കുന്നവരും പ്രതികൂലിക്കുന്നവരും പ്രതീക്ഷ പുലർത്തുന്നത് മൂന്ന് ജഡ്ജിമാരുടെ മൗനവും ശരീര ഭാഷയും വിലയിരുത്തി
മുള്ളൻപന്നിയേയും കാട്ടുകോഴിയേയും പിടിക്കാൻ പലവട്ടം കറങ്ങിയതോടെ കാട് മനപ്പാഠം; കാമുകിയുമായി കാടുകയറിയത് ആരെയും വെട്ടിച്ച് കുറച്ചുകാലം രഹസ്യവാസം ആകാമെന്ന് ഉറപ്പിച്ച്; തന്നെ പത്തടിയെങ്കിലും ഉയരമുള്ള മരത്തിൽ കയറ്റി സുരക്ഷിതയാക്കിയേ അപ്പു രാത്രി ഭക്ഷണംതേടി പോകൂ എന്നും ഇയാൾക്കൊപ്പം തന്നെ ജീവിക്കണമെന്നും വാശിപിടിച്ച് കാമുകിയും; ഇലവീഴാപ്പൂഞ്ചിറക്കാട്ടിലെ 'ത്രില്ലിങ്' ആയ വനവാസ കഥപറഞ്ഞ് ഏതുമരത്തിലും ഓടിക്കയറുന്ന നാട്ടുകാരുടെ 'ടാർസൻ അപ്പുവും' കൂടെപ്പോയ പതിനേഴുകാരിയും
ഉത്തര മലബാറിൽ അഞ്ചിൽ നാലിലും ഇടതിന് മേൽക്കൈ; നേരിയ മാർജിനിൽ കാസർകോടും കണ്ണൂരും നിലനിർത്തുന്ന എൽഡിഎഫ് കോഴിക്കോടും വടകരയും പിടിച്ചെടുക്കാനും സാധ്യത; വയനാട്ടിൽ യുഡിഎഫ് ബഹുദൂരം മുന്നിൽ; 12 ശതമാനം വോട്ടുവ്യത്യാസം സൂചിപ്പിക്കുന്നത് മണ്ഡലത്തിലെ യുഡിഎഫ് തരംഗം; ബിജെപി എവിടെയും ചിത്രത്തിലില്ല; മറുനാടൻ മലയാളി ലോക്‌സഭാ തെരഞ്ഞെടുപ്പ് അഭിപ്രായ സർവേയിലെ അഞ്ച് മണ്ഡലങ്ങളിലെ സൂചനകൾ ഇങ്ങനെ