1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

Feb / 2019
21
Thursday

പെണ്ണുടലിന്റെ തിരജീവിതങ്ങൾ

May 08, 2016 | 07:48 AM IST | Permalink



പെണ്ണുടലിന്റെ തിരജീവിതങ്ങൾ

ഷാജി ജേക്കബ്

സിനിമയുടെ ദൃശ്യശ്രാവ്യ കലാമണ്ഡലങ്ങളിലൂടെ പ്രണയാതിരേകയായി ഒരു മലയാളിപ്പെണ്ണ് നടത്തുന്ന ഭാവനാസഞ്ചാരമാണ് 'നാലാമത്തെ ചുവർ'. ശരീരത്തിന്റെയും ആത്മാവിന്റെയും ലാവണ്യാനുഭൂതികളെ കലയിലും ജീവിതത്തിലും ഒരുപോലെ കണ്ടെടുക്കാൻ ശ്രമിക്കുന്ന സൗന്ദര്യവാദിയായ സാംസ്‌കാരിക നിരൂപക എന്ന നിലയിൽ ഇക്കഴിഞ്ഞ വർഷങ്ങളിൽ ശാരദക്കുട്ടി എഴുതിയ ചലച്ചിത്ര പഠനങ്ങളുടെ സമാഹാരം. കുമാരനാശാന്റെ കവിതകളിലെ പുരുഷന്മാരുടെ ലൈംഗിക സ്വത്വത്തെയും ആണത്തത്തെയും ചോദ്യം ചെയ്ത ആദ്യലേഖനം മുതൽ സരിതാനായരുടെ ലൈംഗികരാഷ്ട്രീയത്തെ കേരളീയ സ്ത്രീവാദത്തിന്റെ മൂർത്ത മാതൃകയാക്കി വ്യാഖ്യാനിച്ച അവസാനലേഖനം വരെ, ശാരദക്കുട്ടി തന്റെ സാമൂഹ്യസാംസ്‌കാരിക വിചാരങ്ങളിൽ വിടാതെ പിന്തുടരുന്ന വിശകലനയുക്തികളിലൊന്ന് പെണ്ണുടലിന്റെ കാമനകൾക്കും ഹർഷോന്മാദങ്ങൾക്കുമുള്ള സ്വാതന്ത്ര്യദാഹമാണ്. സിനിമയുടെ അഭ്രപാളികളിലും ഗാനവീചികളിലും ഇതേ പെണ്ണുടലിനു കൈവരുന്ന ജീവിതാനന്ദത്തിന്റെ സ്‌ത്രൈണ സൂക്തങ്ങളാകുന്നു, ഈ പുസ്തകത്തിലെ ഒൻപതു ലേഖനങ്ങളും. നാലെണ്ണം നായികമാരുടെ, നടിമാരുടെ തിരജീവിതത്തെക്കുറിച്ച്, അഞ്ചെണ്ണം ചലച്ചിത്രഗാനങ്ങളിലെ പെൺഗാഥകളെക്കുറിച്ച്- ഓരോന്നും ഉടലിന്റെയും ഉയിരിന്റെയും സ്വാതന്ത്ര്യഗീതങ്ങൾ. അങ്ങേയറ്റം വൈയക്തികം. ആത്മനിഷ്ഠം. കലാപരം. കാല്പനികം. സൗന്ദര്യബദ്ധം. ലാവണ്യാത്മകം. പലരും കുറ്റപ്പെടുത്തുന്നതുപോലെ കുറെയൊക്കെ അരാഷ്ട്രീയവും. എന്തായാലും പെണ്ണുടലിന്റെ തിരജീവിതങ്ങളെക്കുറിച്ച് മലയാളത്തിൽ ഒരു സ്ത്രീ എഴുതിയ ഏറ്റവും ദീപ്തമായ അനുഭവക്കുറിപ്പുകളാണിവ. ശരീരവും ശാരീരവും കൊണ്ട് സ്ത്രീ ജീവിക്കുന്ന ഭാവനാജീവിതത്തിന്റെ, ഞരമ്പുകളിൽ ചോര തിളയ്ക്കുന്ന കാമനാഭൂപടങ്ങൾ.

'അവൾ ഞാനല്ലോ' എന്ന ആദ്യലേഖനം തന്നെ വിമോഹിപ്പിച്ച മലയാളസിനിമയിലെ ചില നായികമാരെക്കുറിച്ചാണ്. സിനിമ, ആധുനിക മലയാളിയുടെ അപരജീവിതമായി നേടിയ മഹാവിജയത്തിൽ കേരളീയ സ്ത്രീ, തന്റെ ഗുപ്തമോഹങ്ങൾക്കും കഷ്ടദാഹങ്ങൾക്കും കണ്ടെത്തിയ രക്ഷാമാർഗങ്ങളിലൊന്നായിരുന്നു നായികമാരുമായുള്ള താദാത്മ്യപ്പെടൽ. ജനപ്രിയ നോവലിലും പിന്നീട് ടെലിവിഷൻ പരമ്പരയിലും ഇതിനു സമാനമായ രക്ഷാമാർഗ്ഗങ്ങൾ മലയാളിസ്ത്രീ തേടുകയും നേടുകയും ചെയ്തിട്ടുണ്ടെങ്കിലും സിനിമപോലെ വിലോഭനീയവും പ്രലോഭനീയവുമായിട്ടില്ല അവയൊന്നും. നവോത്ഥാനാനന്തര കേരളീയ സ്ത്രീയുടെ ഉടലിനും പ്രാണനും കൈവന്ന ഏറ്റവും മൂർത്തമായ സ്വാതന്ത്ര്യ പ്രഖ്യാപനങ്ങളുടെ രംഗവേദിയായി മാറി സിനിമയും അതിലെ നായികാബിംബവും. ഈ വിധം, താനുൾപ്പെടെയുള്ള സ്ത്രീകളുടെ കാമനാലോകങ്ങളെ വിലോലമോ വിഭ്രമകരമോ ഒക്കെയായി സ്വാധീനിച്ച ഒരുപറ്റം തിരജീവിതങ്ങളെ തിരിഞ്ഞുനോക്കി, അവർ, താൻ തന്നെയായിരുന്നല്ലോ എന്നു തിരിച്ചറിയുകയാണ് ശാരദക്കുട്ടി. നോക്കുക:

'ഒരു മികച്ച നടിയെന്നാൽ ഒരുപാടു സ്ത്രീകൾഒരുമിച്ചു പാർക്കുന്ന ഒരു ശരീരമാണ്. ഒരുപാടു ചെറുപക്ഷികൾ പറന്നുവന്നു ചേക്കേറുന്ന ഒരു വിശാലമായ ഭൂപ്രദേശം പോലെ വിവിധ വികാരങ്ങളിലൂടെ പലതായി പെരുക്കപ്പെടുന്ന ഒറ്റയുടലെന്ന അത്ഭുതം. പ്രേക്ഷകരുടെ അതിഗൂഢ വികാരങ്ങളോട് അവയ്ക്കിണങ്ങുന്ന ഭാഷയിൽ ആ ശരീരങ്ങൾ സംവദിച്ചു. തലയോട്ടിക്കുള്ളിൽ അനുഭവപ്പെടുന്ന ഒരു തരിപ്പിനെ തിരിച്ചറിയുന്നതു പോലെയാണ് പ്രേക്ഷകർ തങ്ങളുടെ സ്വത്വങ്ങളെ ആ കഥാപാത്രങ്ങളിൽ തിരിച്ചറിയുന്നത്. ശബ്ദതരംഗങ്ങളിൽ നിന്ന് വെള്ളത്തിനടിയിലുള്ള ചില വസ്തുക്കളെ തിരിച്ചറിയുന്നതു പോലെയാണത്. ആ ശബ്ദലയങ്ങൾക്ക് അറിഞ്ഞുകൊണ്ട് അടിമപ്പെടുക എന്നത് ഒരു സുഖമാണ്. എന്തിന്റെയെങ്കിലും അടിമയായിരിക്കുന്നു എങ്കിൽ അത് ഉന്നതമായ സൗന്ദര്യബോധത്തിന്റേതാവുകയാണ് അഭികാമ്യം. ഒരു മികച്ച സാഹിത്യകൃതി പോലെ തന്നെ സിനിമയും എല്ലാവർക്കും പ്രാപ്യമായ, എല്ലാവർക്കും വേണ്ടിയുള്ള ലോകത്തെ കുറിച്ചാണ് സംസാരിക്കുന്നത്. ജീവിതത്തിന്റെ പല ഘട്ടങ്ങളിൽ പല സിനിമകൾ കൂടെ പോന്നു. പല നായികമാരും. അവരിൽ ചിലരൊക്കെ ഒരിക്കലും വേർപിരിയാത്ത വിധം ഓർമ്മയിൽ ചേർന്നു നിൽക്കുകയാണ്.'

'ചെമ്പരത്തി'യിലെ ശോഭന, 'എന്നു സ്വന്തം ജാനകിക്കുട്ടി'-യിലെ ജോമോൾ, 'ഇന്നലെ'-യിലെ ശോഭന, 'ഉത്തര'-ത്തിലെ സുവർണ, 'മിഥുനം' മുതൽ 'കഴകം' വരെയുള്ള ചിത്രങ്ങളിലെ ഉർവ്വശി, 'അനുഭവങ്ങൾ പാളിച്ചകൾ' തൊട്ടുള്ള ചലച്ചിത്രങ്ങളിലെയും കെ പി എസി ലളിത, 'ഇരകൾ' ഉൾപ്പെടെയുള്ള ചലച്ചിത്രങ്ങളിലെ ശ്രീവിദ്യ..... തന്റെ പ്രതിച്ഛായയും പ്രതിരൂപവുമായി ശാരദക്കുട്ടി കാണുന്ന നടിമാരുടെ നായികാ ജീവിതം ഇങ്ങനെ നീളുന്നു. ഉർവ്വശിയെയും ശ്രീവിദ്യയെയും കുറിച്ചെഴുതുമ്പോഴാണ് ശാരദക്കുട്ടി തന്റെ ഈ കണ്ണാടിജന്മ-ത്തിന്റെ കാണാപ്പുറങ്ങൾ കണ്ടെത്തുന്നത്. വായിക്കുക:

'ഉർവ്വശി അവതരിപ്പിച്ച കഥാപാത്രങ്ങളിലായിരിക്കണം ഓരോ മലയാളി സ്ത്രീയും ഏറ്റവും കൂടുതലായി അവരവരെത്തന്നെ കണ്ടെത്തിയത്. തലയണമന്ത്രത്തിലെ കാഞ്ചനയിലും മിഥുനത്തിലെ സുലോചനയിലും പൊന്മുട്ടയിടുന്ന താറാവിലെ സ്‌നേഹലതയിലും മഴവിൽക്കാവടിയിലെ ആനന്ദവല്ലിയിലും ഭാഗികമായി ഞാനുണ്ട്. ഈ സ്ത്രീകളുടെ കുശുമ്പും അസൂയയും എന്റെ ആന്തരികരഹസ്യങ്ങളെല്ലാം പലപ്പോഴും വെളിപ്പെടുത്തിക്കളഞ്ഞു. ഞാൻ ഒരേസമയം ലജ്ജിക്കുകയും പരിഭ്രമിക്കുകയും ചെയ്തു. തീയേറ്ററിലെ കൂട്ടച്ചിരിയും കയ്യടികളും എന്റെ കള്ളത്തരങ്ങൾ പൊളിഞ്ഞതിന്റെ പ്രതികരണങ്ങൾ ആണെന്നു കരുതി. സത്യങ്ങൾ വെളിപ്പെടുമെന്നായപ്പോൾ 'മിഥുന'-ത്തിലെ മീനയെ പോലെ ചെവിയും കണ്ണും പൊത്തിപിടിച്ച് അയ്യോ എന്ന് ഉള്ളിൽ നിലവിളിച്ചിരുന്നിട്ടുണ്ട്. എന്റെ എല്ലാ ദൗർബല്യങ്ങളെയും എനിക്കുതന്നെ ബോദ്ധ്യമാക്കി തന്ന ഒരുപാടു കഥാപാത്രങ്ങളെ അവതരിപ്പിച്ചതുകൊണ്ടാകും ഉർവ്വശിയെ എനിക്ക് എന്നോളം ഇഷ്ടമായത്. വിശ്വാസങ്ങളേയും വിരുദ്ധതകളേയും നേരിടാൻ കരുത്തുള്ള ഒട്ടേറെ കഥാപാത്രങ്ങളിലൂടെ മാറിമാറി സഞ്ചരിച്ചു ആ അഭിനേത്രി. ഒരു കണ്ണിറുക്കലിലൂടെയും ഒരു മൂളലിലൂടെയും കുസൃതിച്ചിരിയിലൂടെയും അതിസാധാരണമായ സ്ത്രീഭാവങ്ങളെ അവർ തന്മയത്വത്തോടെ അവതരിപ്പിച്ചു. പൊങ്ങച്ചം പറയുന്ന പുരുഷാഹന്തകളെ ഒരു ചെറിയ തലയാട്ടലിലൂടെ ഉർവ്വശി നിലംപരിശാക്കി. ഭരതം, സ്ഫടികം തുടങ്ങിയ നായകകേന്ദ്രിത ചിത്രങ്ങളിൽ പോലും ഉർവ്വശി തന്റെ സൂക്ഷ്മമായ പ്രകടനങ്ങളിലൂടെ നിർണ്ണായക നിമിഷങ്ങളിലൊക്കെ സിനിമയെ തന്റേതാക്കി മാറ്റി. ശരാശരി ചിത്രങ്ങളെ പോലും ഉർവ്വശിയുടെ പ്രകടനം കമ്പോളത്തിൽ രക്ഷപ്പെടുത്തി. 'കഴക'-ത്തിലെയും 'നാരായ'-ത്തിലെയും വേഷങ്ങളിൽ മൂർത്തമായ അഭിനയത്തിന്റെ സൂക്ഷ്മഭാവങ്ങൾ എത്ര ഒതുക്കത്തിലും മിഴിവോടെയുമാണ് അവർ അവതരിപ്പിച്ചത്! പ്രശസ്ത സംവിധായകൻ ബില്ലി വൈൽഡർ ചലച്ചിത്രതാരങ്ങളെക്കുറിച്ച് പറഞ്ഞത് 'ഓരോ സിനിമാ താരത്തിനും ഓരോ പ്രത്യേക വോൾട്ടളവുണ്ട്. സ്‌ക്രീനിനു നേരെ ഒരു പ്രകാശമാപിനി പിടിക്കുന്നതു പോലെയാണത്' എന്നാണ്. ഈ പ്രസ്താവം മലയാളത്തിൽ ഉർവ്വശിക്കാണ് ഏറ്റവും ഇണങ്ങുക. ഇവർ വെള്ളിത്തിരയിൽ വന്നപ്പോഴൊക്കെ മറ്റുള്ളവരേക്കാൾ കൂടുതൽ അടയാളപ്പെടുത്തി. ഇവരുടെ വർദ്ധിച്ച വോൾട്ടളവിൽ മറ്റു കഥാപാത്രങ്ങളെയോ സംവിധായകരെയോ ചിലപ്പോൾ നാം കാണാതെ പോയി. വെള്ളിത്തിരയിൽ ഒരിക്കലും വിരസമാകാത്തതുകൊണ്ട് അവരിൽ നിന്നും കണ്ണെടുക്കുക തന്നെ അസാദ്ധ്യമായിരിക്കും. ഒടുവിൽ പ്രേക്ഷകർ ഏറെ കയ്യടിച്ച സ്ഫടികത്തിലെ മദ്യപാനരംഗം ഉർവ്വശി ജീവിതത്തിൽ കാണിച്ചു തന്നപ്പോൾ ജനം തെറി വിളിച്ചു. വേദനകളുള്ളഅവരിലെ സാധാരണക്കാരിയെ അറിയേണ്ട ബാദ്ധ്യത കാണികൾക്കില്ല.'

സ്ത്രീയുടെ സ്വഭാവം പുരുഷനിൽ വികാരമുണർത്തുക മാത്രമാണെന്ന സങ്കൽപ്പത്തിൽ മലയാളസംവിധായകർ എറ്റവുമധികമുപയോഗിച്ച ശരീരം ഒരു പക്ഷേ ശ്രീവിദ്യ എന്നനടിയുടേതായിരിക്കും. കാഴ്ചയും ലൈംഗികോത്തേജനവും തമ്മിലുള്ള ബന്ധം പരമാവധി പ്രയോജനപ്പെടുത്താനാണ് സിനിമ എക്കാലത്തും ഈ നടിയിലൂടെ ശ്രമിച്ചിട്ടുള്ളത്. ശ്രീവിദ്യയുടെ സവർണ്ണ ലക്ഷണങ്ങൾ തികഞ്ഞ ശരീരം അവരെ ഒരു തികഞ്ഞ രതിശില്പമോ രതിദേവതയോ ആക്കുന്നു. വാത്സല്യവും കാമവും അധികാരവും വശ്യതയും നിറഞ്ഞു കവിയുന്ന ആ മുഖവും ശരീരവും മികച്ച സംവിധായകർക്കു മുഴുവൻ അവരുടെ സ്വപ്നങ്ങൾ നിറക്കാൻ മാത്രം സമ്പന്നമായിരുന്നു. വാത്സല്യത്തോടെ നോക്കുന്ന കാമരൂപിണിയായ സ്ത്രീ ഭാവനാസമ്പന്നനായ ഏതൊരു പുരുഷനേയും മോഹിപ്പിക്കും അങ്ങനെയുള്ള സ്ത്രീകളുടെ, ഒരു കൈ അധികാരത്തോടെയും മറ്റൊരു കൈ സ്‌നേഹത്തോടെയും തങ്ങളോടിണങ്ങുന്ന പുരുഷനെ ചേർത്തു പിടിക്കും. അവരുടെ ഉടലിൽ ശ്രദ്ധ കേന്ദ്രീകരിക്കുമ്പോൾ കഥയും മറ്റു കഥാപാത്രങ്ങളും നൈമിഷിക നിശ്ശബ്ദതയിലേക്കു വീണുപോകും. സമചിത്തത കൈവിടാതെ ശ്രീവിദ്യയെ കുറിച്ചു സംസാരിക്കാൻ പലർക്കും കഴിയാതെ വരുന്നതും അതുകൊണ്ടാകാം. ശ്രീവിദ്യയെ സ്ത്രീപ്രേക്ഷകർ പോലും പുരുഷകാഴ്ചയിലൂടെയാണ് കണ്ടത്. മദാലസയും മഞ്ജുളവാഗ്വിലാസയുമായ ഇവർ മലയാളസിനിമയിലെ ഏറ്റവും മികച്ച അഭിനേത്രിയും കൂടി ആയിരുന്നു. രതിബിംബം ആകുന്നതിൽ അവർ എത്രമാത്രം വിജയിച്ചുവോ അത്ര തന്നെ വിജയിച്ചു മികച്ച നടി എന്ന നിലയിലും. നിഴലും വെളിച്ചവുമെല്ലാം അവരുടെ ഉടലിനെചുറ്റിപ്പറ്റി നടന്നു. ശ്രീവിദ്യയുടെ മികച്ചതെന്നു വാഴ്‌ത്തപ്പെട്ട മിക്കവാറും എല്ലാ കഥാപാത്രങ്ങളും പുരുഷന്മാരെ അന്തമില്ലാതെ വശീകരിക്കുന്നവയാണ്, ആ കഥാപാത്രങ്ങളുടെ ഒരു പാതി കുലീനയും മറുപാതി കുലടയുമാണ്. കെ.ജി. ജോർജ്ജിന്റെ ആദമിന്റെ വാരിയെല്ല്, ഇരകൾ എന്നിവയാണ് ഏറ്റവുമധികം ഇത്തരത്തിൽ പ്രശംസിക്കപ്പെട്ടത്.'

ചെമ്മീനിലെ ഷീലയെ(കറുത്തമ്മ) മുൻനിർത്തി സമീപകാല കേരളീയ സമൂഹത്തിന്റെ സാംസ്‌കാരിക രാഷ്ട്രീയ വിമർശനം നടത്തുന്നു, അടുത്ത ലേഖനം. തീരദേശസമൂഹങ്ങളുടെ സദാചാരവഴക്കങ്ങളെ ചെമ്മീൻ പ്രശ്‌നവത്കരിക്കുന്നതിന്റെ സംസ്‌കാരവും കേരളീയ കടൽത്തീരങ്ങളിൽ രൂപംകൊണ്ടു കഴിഞ്ഞ സമുദായസംഘർഷങ്ങളുടെ രാഷ്ട്രീയവും ചർച്ചചെയ്യുന്ന ശ്രദ്ധേയമായ പഠനമാണിത്. മിത്തും ചരിത്രവും തമ്മിൽ നടക്കുന്ന അസാധാരണമായൊരു രാസപ്രവർത്തനത്തിന്റെ രാഷ്ട്രീയ ഫലമായി ചെമ്മീൻ പിൽക്കാലകേരളീയ സമൂഹത്തിൽ വായിക്കപ്പെടുന്നതിന്റെ സാധ്യതകളാണ് ഈ രചന തുറന്നിടുന്നത്.

എൺപതുകളിലെ മലയാള സിനിമയിൽ ഭരതനും പത്മരാജനും ചേർന്നു സൃഷ്ടിച്ച തീഷ്ണകാമനകളുടെ തീപിടുത്തങ്ങളെ കുറിച്ചാണ് മൂന്നാം ലേഖനം. 'തകര' മുതൽ 'തുവാനത്തുമ്പികൾ' വരെ, സ്ത്രീയുടെ ആത്മാവിലും ശരീരത്തിലും അഗ്നിപടർത്തിയ മലയാളത്തിലെ എണ്ണം പറഞ്ഞ പ്രണയ,രതിചിത്രങ്ങൾ, 'ലൈംഗികവിഷയങ്ങളിൽ മലയാളി പുലർത്തുന്ന കാപട്യത്തോടുള്ള കലാത്മകവും വിമർശനാത്മകവുമായ കലാപങ്ങളായിരുന്നു' എന്ന് ശാരദക്കുട്ടി നിരീക്ഷിക്കുന്നു.

'പെണ്ണുടലിന്റെ പ്രഖ്യാപനങ്ങൾ' എന്ന നാലാമത്തെ രചന, കാമറയുടെ കാമക്കണ്ണുകൾക്കു പിന്നിൽ(അഥവാ കാമത്തിന്റെ കാമറക്കണ്ണുകൾക്ക് പിന്നിൽ) നിന്ന് മലയാളി പുരുഷന്മാർ പെണ്ണുടലിനെ നോക്കിക്കാണുന്നതിന്റെ നാനാലോകങ്ങൾ മറനീക്കുന്നു. കേരളീയ സമൂഹത്തിൽ ചരിത്രപരമായി രൂപം കൊണ്ട നഗ്നത, ലൈംഗികത,സദാചാരം, അശ്ലീലം തുടങ്ങിയ സങ്കല്പനങ്ങളെ മലയാള സിനിമ എങ്ങനെ വാണിജ്യവത്കരിച്ചു എന്നാണ് ശാരദക്കുട്ടി ഈ ലേഖനത്തിൽ സമർത്ഥിക്കുന്നത്. കുലടയും കുലീനയുമായി മലയാളിസ്ത്രീ നേടിയ ഉടൽജീവിതങ്ങളുടെ ഭൂതകാലത്തെക്കുറിച്ചുള്ള ഒന്നാന്തരമൊരു വിശകലനമായി ഈ ലേഖനം മാറുന്നു. 


സിനിമയും കാമറയും സൃഷ്ടിക്കുന്ന സ്ത്രീത്വത്തിന്റെ പ്രതിലോമപരമായ രാഷ്ട്രീയ മൂല്യങ്ങളെ കാണാതെ പോകുന്നു എന്നതാകാം ഒരു പക്ഷെ ഈ നാലുരചനകളിലും ശാരദക്കുട്ടി സ്വീകരിക്കുന്ന സമീപനങ്ങളുടെ മുഖ്യപരിമിതി. എന്നാൽ, പരമ്പരാഗത മൂല്യങ്ങളിൽ സ്ത്രീയെ തളച്ചിടുന്ന പുരുഷാധീശ സ്ഥാപനങ്ങളോടു കലഹിക്കുന്നതിൽ അവർ തെല്ലും മടികാണിക്കുന്നില്ല. അതിലുപരി, സ്ത്രീയുടെ ആത്മാവിഷ്‌കാരങ്ങളിലും തെരഞ്ഞെടുപ്പുകളിലും കൂടി അവൾ പ്രകടിപ്പിക്കുന്ന ശരീരത്തിന്റെയും ആത്മാവിന്റെയും ആനന്ദമാർഗങ്ങളെ തിരിച്ചറിയുന്നതിൽ പൊതുവെ സ്ത്രീവാദികൾ കാണിക്കാത്ത ആർജ്ജവം ശാരദക്കുട്ടിക്കുണ്ടുതാനും. ചിലരെങ്കിലും സംശയിക്കുന്നതുപോലെ സിനിമയെക്കുറിച്ച് ശാരദക്കുട്ടിക്കുള്ളത് ആൺകാഴ്ചകളാണോ? അല്ലെന്നു തെളിയിച്ചുകൊണ്ട് ,നാലാമത്തെ ലേഖനം അവർ സമാപിപ്പിക്കുന്നതിങ്ങനെയാണ്:
'ആണത്തവും പെണ്ണത്തവുമുള്ള കലാകാരന്മാരും കലാകാരികളുമായിരുന്നു അക്കാലത്തെ മലയാള സിനിമയുടെ കരുത്ത്. ഷീലയുടെയും ശാരദയുടെയും ജയഭാരതിയുടെയും നിർബന്ധങ്ങൾക്ക് സെറ്റുകളിൽ വില കിട്ടുമായിരുന്നു. തങ്ങളുടെ തലപ്പൊക്കത്തെക്കുറിച്ച് അവർ ബോധവതികളായിരുന്നു. സിനിമാഭിനയം കുറ്റകരമായ കലയല്ല. സിനിമ ആദ്യവസാനം മോഹങ്ങളെയും സ്വപ്നങ്ങളെയും ഉത്പാദിപ്പിക്കുന്ന കലയാണ്. ജീവിതങ്ങളെ നിലനിർത്തുന്ന വ്യവസായമാണ്. പെൺ കാഴ്ച ആണിന് ഒരു പ്രത്യാശതന്നെയാണ്. ജീവിക്കാനും പ്രണയിക്കാനും കാമിക്കാനുമുള്ള അവകാശത്തിന്റെ ഭാഗമാണത്. ആൺ കാഴ്ചകൾ പെണ്ണിനും ഇതേ അവകാശം നല്കുന്നുണ്ട്. സമൂഹത്തിന്റെ വിരസവും വന്ധ്യവുമായ ജീവിതമുഹൂർത്തങ്ങളിൽ സ്വയം വിവസ്ത്രരായിക്കൊണ്ട് കാഴ്ചയുടെ ഉടലുകൾ നടത്തിയ വിമോചനപ്രഖ്യാപനം കൂടിയാണ് മലയാളസിനിമയിലെ പെൺചരിത്രം. നമ്മുടെ ആഹ്ലാദങ്ങളിലേക്കായിരുന്നല്ലോ അവർ അവരുടെ ചേലകളെറിഞ്ഞു തന്നത്.'

തുടർന്നുള്ള അഞ്ച് ലേഖനങ്ങൾ ചലച്ചിത്രഗാനങ്ങളെ കേന്ദ്രീകരിക്കുന്ന സ്ത്രീപക്ഷ സാംസ്‌കാരിക വിചാരങ്ങളാണ്. ജനപ്രിയസംസ്‌കാരപഠനങ്ങളിൽ ചലച്ചിത്ര ഗാനത്തിനു കൈവന്നിട്ടുള്ള സമീപകാല പ്രസക്തി ഊട്ടിയുറപ്പിക്കുന്നവയാണ് ഈ രചനകൾ. കാല്പനികവും അതിവൈകാരികവുമായ ആത്മഹർഷങ്ങളുടെ ഏകാന്തചിന്തകളായി ഭാവനചെയ്യപ്പെട്ട ഇവ, കേരളീയ സ്ത്രീ തന്റെ അഭിനിവേശങ്ങൾക്കു കണ്ടെത്തിയ ശ്രാവ്യജീവിതത്തിന്റെ ഉള്ളുരുക്കങ്ങൾ ഒന്നോടെ പകർന്നു വയ്ക്കുന്നുണ്ട്.

സ്വന്തം അച്ഛന്റെ കുഞ്ഞിനെ പ്രസവിക്കേണ്ടി വരുന്ന നിർമല എന്ന ബാല്യകാല സഖിയുടെ കിടിലം കൊള്ളിക്കുന്ന ജീവിതാനുഭവങ്ങളെ ഒരു പാട്ടിന്റെ അതിതീവ്രമായ ലാവണ്യാനുഭൂതികളിലേക്കു സംക്രമിപ്പിക്കുന്ന അസാധാരണമായ രചനയാണ് 'എന്റെ ഏകാന്തതയിലെ മൗനഗാനം'. പാട്ടും മനുഷ്യ ജീവിതവും തമ്മിലുള്ള അപാരമായ ആത്മബന്ധത്തിന്റെ ഇഴച്ചേർച്ചകൾ ഇത്രമേൽ തീക്ഷ്ണമായാവിഷ്‌കരിക്കുന്ന മറ്റൊരെഴുത്ത് മലയാളത്തിലില്ല.

പാട്ട്: രസവും ധ്വനിയും എന്ന ലേഖനം മലയാള ചലച്ചിത്ര ഗാനങ്ങളുടെ അനുഭൂതിലോകങ്ങളെ ചരിത്രബദ്ധവും സൗന്ദര്യനിഷ്ഠവുമായി അവലോകനം ചെയ്യുന്നു. ജനപ്രിയ സംസ്‌കാരമെന്ന നിലയിൽ ചലച്ചിത്രഗാനം ശ്രോതാക്കളുടെ ചോദനകളെ ഉണർത്തുന്നതിന്റെ രീതിഭേദങ്ങൾ വിശദീകരിക്കാനാണ് ഇവിടെ ശാരദക്കുട്ടിയുടെ ശ്രമം. വയലാറും ഭാസ്‌കരനും ഒ.എൻ.വിയും മുതൽ നാലാംകിട പാട്ടെഴുത്തുകാർ വരെ അവതരിപ്പിക്കപ്പെടുന്നു. മുഴുവൻ ലേഖനങ്ങളിലുമെന്നപോലെ പാട്ടിന്റെ 'സാഹിത്യ'-മാണ് ഈ രചനയിലും ശാരദക്കുട്ടിയുടെ ചർച്ചാവിഷയം.

ശ്രീകുമാരൻ തമ്പിയുടെ ചലച്ചിത്രഗാനങ്ങളെ സമഗ്രമായി വിശകലനം ചെയ്തുകൊണ്ട് സ്ത്രീശരീരത്തിന്റെയും പ്രണയത്തിന്റെയുമൊക്കെ ജൈവചോദനകളെ പാട്ടിന്റെ ചതുരശ്രശോഭയിലേക്കന്വയിക്കുന്ന മികച്ച ലേഖനമാണ് 'ആരാരേയാദ്യമുണർത്തീ...'. സ്ത്രീപുരുഷബന്ധത്തിലെ കാമനാവേഗങ്ങളെ ഏറ്റവും കമനീയമായാവിഷ്‌കരിച്ച തമ്പിയുടെ ഗാനങ്ങളെക്കുറിച്ച് മലയാളത്തിലെഴുതപ്പെട്ട ഏറ്റവും മികച്ച ആസ്വാദനമിതാണ്. കവികൾ തങ്ങളുടെ കവിതകളേക്കാൾ തരംതാണ രചനകളായി പാട്ടുകളെ കണക്കാക്കുന്ന രീതിയോട് വിയോജിക്കാനും ശാരദക്കുട്ടി മടിക്കുന്നില്ല.

ഒ.എൻ.വി കുറുപ്പിന്റെ കവിതകളെക്കാൾ ജനപ്രീതിനേടിയ പാട്ടുകളെക്കുറിച്ചാണ് അടുത്ത ലേഖനം. പാട്ടുകവി, കാല്പനികകവി എന്നൊക്കെ ആരെങ്കിലും വിളിച്ചാൽ ക്ഷുഭിതനാകുമായിരുന്നു, ഒ.എൻ.വി. അദ്ദേഹത്തെ ഏറെ ക്ഷോഭിപ്പിച്ച രചനയാണ് ശാരദക്കുട്ടിയുടേത്. 'ഗദ്യത്തിലേക്കു വിവർത്തനം ചെയ്യാനാകാത്ത സാന്ദ്രീകൃതമായ വികാരമാണ് ഒ.എൻ.വിയുടെ ഗാനബിംബങ്ങൾ' എന്ന് ശാരദക്കുട്ടി പറയും. അതേസമയം തന്നെ പ്രണയത്തിന്റെ ഭാഷയിൽ അസാധാരണമായ 'നിയന്ത്രണം'പാലിച്ച  ശരീരത്തെ മറച്ച ആദർശവാദിയുമാണ് ഒ.എൻ.വി എന്ന് വിമർശിക്കുകയും ചെയ്യും.

പാട്ടുകൾ ഒരു പെണ്ണിനെ എങ്ങനെയൊക്കെ സ്വാതന്ത്രയാക്കുന്നു എന്നതിന്റെ വിശദീകരണമാണ് അവസാനലേഖനം. മതവും സമൂഹവും കുടുംബവുമൊക്കെ പെണ്ണിന്റെ ഉടലിനും വികാരങ്ങൾക്കും മേൽ അണിയിച്ച വിലങ്ങുകൾ സ്വകാര്യനിമിഷങ്ങളിലെങ്കിലും പൊട്ടിച്ചു കളയാൻ അവളെ പ്രാപ്തയാക്കുന്ന കലാരൂപമാണ് ചലച്ചിത്രഗാനങ്ങൾ എന്ന് ശാരദക്കുട്ടി സ്ഥാപിക്കുന്നു. പ്രണയരതികളുടെ മാത്രമല്ല, ആത്മസംഘർഷങ്ങളുടെയും രാപകലുകളെ അതിജീവിക്കാൻ പെണ്ണിനെ പ്രേരിപ്പിക്കുന്ന പാട്ടുകളുടെ ജീവതാളം അപൂർവ്വമായ ഒരു സാംസ്‌കാരികാനുഭവമായി വിശദീകരിക്കുന്നു, ശാരദക്കുട്ടി. മാതാഹരിയുടെ നൃത്താവേശം മുതൽ റെസോസെറസിന്റെ ഹത്യാഗാനം വരെയുള്ളവ ചൂണ്ടിക്കാട്ടി, ജീവിതത്തിനും മരണത്തിനുമിടയിൽ പാട്ടുകൾ കെട്ടിയ പാലങ്ങളുടെ കത്തുന്ന അനുഭവങ്ങൾ ശാരദക്കുട്ടി ചൂണ്ടിക്കാണിക്കുകയും ചെയ്യുന്നു.


ചുരുക്കിപ്പറഞ്ഞാൽ, ആധുനിക കേരളീയ സ്ത്രീ, അവളുടെ ഉടലിന്റെയും ഉയിരിന്റെയും വിമോചന മാദ്ധ്യമങ്ങളിലൊന്നായി സിനിമയെ കണ്ടെത്തിയതിന്റെ പലതരം വ്യാഖ്യാനങ്ങളാകുന്നു ഈ പുസ്‌കത്തിലെ ഓരോ ലേഖനവും. നായികമാരുടെ അഭിനയശരീരം മുതൽ ജനപ്രിയഗാനങ്ങളിലെ വികാര സംപൃക്തമായ ശാരീരം വരെയുള്ളവ എങ്ങനെ മലയാളിപ്പെണ്ണിന്റെ ആന്തരലോകങ്ങൾക്കു ചിറകുകൾ നൽകി എന്നതിന്റെ ലാവണ്യാത്മക വിശകലനം. കല, ജീവിതവും ജീവിതം കലയുമായി മാറുന്നതെങ്ങനെ എന്നതിന്റെ അസാമാന്യമായ ആത്മസാക്ഷ്യം.

പുസ്തകത്തിൽ നിന്ന്

ലച്ചിത്രഗാനങ്ങൾ ഏറ്റവുമധികം ആശ്രയിക്കുന്നത് സ്ത്രീശരീരത്തിന്റെ ബിംബവത്കരണത്തെയാണ്. ഇന്ദ്രിയവേദ്യമായ പെൺശരീരം തന്നെയാണ് ഗാനങ്ങളുടെ ആകർഷണകേന്ദ്രം. എന്നാൽ പരസ്യചിത്രങ്ങളിലേതുപോലെ കേവലം ഒരു ലൈംഗികവസ്തുവായി പെൺശരീരത്തെ വ്യഖ്യാനിക്കുകയല്ല ഗാനങ്ങൾ ചെയ്യുന്നത്. ലൈംഗികാനുഭൂതിയെ മനുഷ്യന്റെ ഏറ്റവും ഉദാത്തമായ വൈകാരികാനുഭൂതിയായി കണ്ടവരാണ് നമ്മുടെ മികച്ച ഗാനരചയിതാക്കളെല്ലാം. അതുകൊണ്ടാണല്ലോ ഒരിക്കലും അടങ്ങാത്ത രതിതൃഷ്ണകളെ ശമിപ്പിക്കുവാനായി സ്വപ്നാടനത്തിലെന്നതു പോലെ നാം ആ പാട്ടുകളിലേക്ക് പിന്നെയും പിന്നെയും ആകൃഷ്ടരാകുന്നത്. പൊയ്‌പ്പോയ യുവത്വത്തിന്റെ അഭിലാഷങ്ങൾ ഒന്നും എന്നെ ഇന്നു ഭ്രമിപ്പിക്കുന്നില്ല എന്ന് അഹങ്കരിക്കുമ്പോഴാകും അടിമുടി തളർത്തിക്കൊണ്ട് ഈ ഗാനം വന്നെന്റെ മടിയിൽ വീഴുക...

'ഉറങ്ങുമ്പോഴും മലർവള്ളിപ്പെണ്ണിൻ
ഉടലിൽ നിറയുന്നു പുളകം
കരയുമ്പോഴും പ്രിയതന്റെ ചുണ്ടിൽ
അടരാൻ തുടിക്കുന്നു രാഗം
എനിക്കുള്ളതാം പത്മരാഗം'
(ഹൃദയേശ്വരീ നിൻ നെടുവീർപ്പിൽ)

മലർവള്ളിപ്പെണ്ണിന്റെ ഉടൽ സ്വന്തമുടലായി തിരിച്ചറിയാൻ കഴിയുന്ന തരത്തിൽ ആ പുളകോദ്ഗമം അനുഭവിപ്പിക്കുവാൻ ശേഷിയുള്ള കാവ്യബിംബങ്ങൾ. പരാവർത്തനത്തിലൂടെ വെളിപ്പെടുത്താനാവില്ല ആ അനുഭൂതിതലങ്ങളെ. രൂപശില്പത്തിലൂടെ, ബിംബസംയോജനത്തിലൂടെ ഓരോ ഗാനത്തിലെയും അനുഭൂതിതലം ഉരുത്തിരിയുകയാണ്. സംഗീതത്തിന് മനുഷ്യരേക്കാൾ സൗമ്യതയുംസഹിഷ്ണുതയുമുണ്ട്. അവ മനുഷ്യരെ ഉന്മാദത്തിലേക്ക് സ്വതന്ത്രരാക്കുന്നു. സദാചാരപാഠങ്ങൾ കൊണ്ട് അവിടെ ആർക്കും ശ്വാസംമുട്ടലനുഭവിക്കേണ്ടി വരുന്നില്ല. ഒരു പെണ്ണിന്
'അധരം നീട്ടാനവനില്ലെങ്കിൽ
മധുകണമെന്തിനു മലരിൽ'

എന്ന് സ്വതന്ത്രമനസ്സായി ആത്മഗതം ചെയ്യുവാൻ കഴിയുന്നു. അന്നത്തെ ആ ചലച്ചിത്രങ്ങളെല്ലാം മറവിൽ പെട്ടുപോയിട്ടും പാട്ടുകൾ ഇന്നും നിലനിൽക്കുന്നുവെങ്കിൽ, മനുഷ്യന്റെ വൈകാരികതൃഷ്ണകളുമായി അവ അത്രക്കു ബന്ധപ്പെട്ടു കിടക്കുന്നു എന്നാണർഥം.
സ്ത്രീ ജീവിക്കുന്ന എണ്ണമറ്റ വേഷങ്ങളിൽ ഒന്നു മാത്രമാണ് പ്രണയിനിയുടേത്. ഒരുപക്ഷേ അവൾ ചെയ്യുന്ന ഏറ്റവും ആനന്ദകരമായ വേഷവും അതുതന്നെയാകും. എന്നിട്ടും ചലച്ചിത്രഗാനങ്ങളിൽ പെണ്ണു പാടുന്ന പാട്ടുകളേറെയും ഒന്നുകിൽ താരാട്ടായി, അല്ലെങ്കിൽ വിലാപമായി, അതുമല്ലെങ്കിൽ ഗൃഹാതുരത നിറഞ്ഞ നെടുവീർപ്പായി. സമുദ്രം അതിന്റെ അഭിലാഷം ഉച്ഛരിക്കാതെ ആഴങ്ങളിൽ ഒളിപ്പിക്കുന്നതുപോലെയാണത്. എന്നാൽ പെൺമനസ്സിന്റെ രഹസ്യപദ്ധതികൾ തിരിച്ചറിയണമെങ്കിൽ അവൾക്ക് ഒരു യഥാർഥ പ്രണയി ഉണ്ടാകണം. നമ്മുടെ മികച്ച ഗാനരചയിതാക്കളെല്ലാം മികച്ച കാമുകന്മാരും ആയിരുന്നിരിക്കണം. അല്ലെങ്കിൽ അവളുടെ നെടുവീർപ്പിൽ ഒരു മധുരസംഗീതം കേൾക്കാൻ അവർക്ക് എങ്ങനെ കഴിയുന്നു?
പ്രണയികളാരുമല്ല എന്റെ ഇന്ദ്രിയങ്ങളുടെ താളം തെറ്റിച്ചവർ, ഗാനരചിതാക്കളാണ്. സംഗീതസംവിധായകരും ഗായകരുമാണ്. അവരാണ് അപഥത്തിൽ സഞ്ചരിക്കുവാൻ പ്രേരിപ്പിക്കുന്ന ഒരു പരിശുദ്ധി എന്നിൽ നിറച്ചത്. ശരാശരി മനുഷ്യരിൽ ഗാനങ്ങൾ ഏതെല്ലാമോ തരത്തിൽ പ്രതിപ്രവർത്തിച്ചിട്ടുണ്ട്.

'പണ്ടെപ്പൊഴോ നമ്മളറിയാതെ മൂളിയ
പാട്ടിന്റെ പിൻവിളി കേട്ടിറങ്ങി
ആരോരുമില്ലാത്തിരുട്ടത്തു വച്ചു ഞാൻ
വേറെയെന്തെങ്കിലും കാട്ടിയാലോ'

എന്ന് മോഹനകൃഷ്ണൻ കാലടി ഒരു കവിതയിൽ എഴുതിയത് ഓർമ്മയിലുണ്ട്....

ചുംബനത്തെക്കുറിച്ച് പല ജനസമൂഹങ്ങൾക്കും അറിയില്ലെന്നു ഡാർവിൻ പറഞ്ഞത് പഴയ കഥ. നായർസ്ത്രീകൾക്ക് ശരിയായി ചുംബിക്കാനറിയില്ലെന്ന് വി.ടി. ഭട്ടതിരിപ്പാട് ഒരിക്കൽ എഴുതിയത് മരുമക്കത്തായ കുടുംബങ്ങളിൽ പ്രണയവും രതിയും ഒക്കെ വെറും ചടങ്ങായി തുടരുന്നതിനെ പരിഹസിച്ചുകൊണ്ടാണ്. കൗമാരകാലത്ത് ഒരിക്കൽ കേട്ട ഒരു പാട്ടാണ് എന്നെ ചുംബനത്തിന്റെ ആലക്തികസൗന്ദര്യം അനുഭവിപ്പിച്ചത്. ദൈവത്തിന്റെ ഒരു സ്വർണ്ണവാൾ ഹൃദയത്തിലൂടെ കടന്നുപോയ അനുഭവമായിരുന്നു അത്. ഈ ഗാനത്തിലൂടെ പകർന്നുകിട്ടിയ പ്രേമത്തിന്റെ ഉദാരമാധുര്യം എനിക്കിന്നും ആദ്യചുംബനത്തിന്റെ അനുഭവമായി ഓർമ്മയിൽ ജ്വലിച്ചുനിൽക്കുന്നു. ഈ ഈണവും അതിലലിഞ്ഞ പ്രണയവും പോലൊന്ന് ജീവിതത്തിൽ ഇനിയൊരിക്കലും ലഭിക്കാനിടയില്ല.

ഹൃദയവതീ നിൻ മധുരവനത്തിലെ
മലർവാടമൊരുവട്ടം തുറക്കുകില്ലേ...
അറിയാതെ പൊഴിയുന്ന മധുകണമെങ്കിലും
നുകരുവാനനുവാദം തരികയില്ലേ.....
അധരദളപുടം നീ വിടർത്തിടുമ്പോൾ
അതിലൊരു ശലഭമായ് ഞാനമരും...
(മനോഹരീ നിൻ ... മനോരഥത്തിൽ...)

തുറന്നുവരുന്ന ചുണ്ടുകളിലാണ് ചുംബനം ഏറ്റുവാങ്ങേണ്ടതെന്നു പോലും അറിയാതെ യൗവ്വനം കടന്നുപോയവരാകും ഏറെപ്പേരും. ചുംബനത്തെ അതിന്റെ പ്രക്രിയയുടെ താരള്യം വർണ്ണിച്ചുകൊണ്ട് ഇത്ര വിവശമായി ആവശ്യപ്പെടുന്ന ഒരു ഗാനം മലയാളത്തിൽ വേറെ ഉണ്ടാവില്ല. പലതരം ചുംബനങ്ങളിൽ ഏറ്റവും ആഗ്രഹത്തോടെ നിർവ്വഹിക്കപ്പെടുന്ന ഈ ചുംബനത്തെ വാത്സ്യായനൻ സ്ഫുരിതകം എന്ന വകുപ്പിലാണ് ചേർത്തിരിക്കുന്നത്. ചുംബിക്കാനറിയാത്ത പെണ്ണിനെ ചുംബനത്തിനു മോഹിപ്പിക്കുന്ന ഗാനം.

'വിടരും അധരം വിറകൊൾവതെന്തിനായ്
തിളങ്ങും നയനം നനയുവതെന്തിനായ്'
(മൗനം പോലും മധുരം)

ആഗ്രഹതിരേകത്താൽ വിറകൊള്ളുന്ന അധരമാണ് സ്ഫുരിത ചുംബനത്തിന് ആ പേരു നൽകുന്നതെന്ന് കാമശാസ്ത്രം പറയുന്നു. ഈ ഗാനങ്ങൾ പ്രണയിനികൾക്ക് ചുംബനം കൊണ്ട് മാലയും മുലക്കച്ചയും അരഞ്ഞാണവും കൈവളയും തീർത്തുകൊടുക്കുന്നു.

നാലാമത്തെ ചുവർ
ശാരദക്കുട്ടി
ലോഗോസ് ബുക്‌സ്
2016 വില 110 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
'ചന്ദ്രനുദിക്കുന്ന ദിക്കിൽ' കാലത്തുതന്നെ എല്ലാം ആരംഭിച്ചിരുന്നു; ഞാനതെല്ലാം ശരിക്കും ആസ്വദിച്ചു; 'മീശമാധവൻ' ആയപ്പോഴേക്കും വേർപിരിയാനാവാത്ത വിധം അടുത്തുപോയി; മീശമാധവൻ ദിലീപേട്ടന്റെ സ്വന്തം ടീമിന്റേതല്ലേ; അവിടെ എല്ലാ സ്വാതന്ത്ര്യവും ഉണ്ടായിരുന്നു; എന്റെ അരയിൽ നിന്നും 'അരഞ്ഞാണം ഊരിയെടുക്കുമ്പോൾ തിരക്കഥയിൽ ഇല്ലാത്ത അഭിനയം ഉണ്ടാകും' എന്നു പറഞ്ഞിരുന്നു; ഞാൻ തെറ്റായി ഒന്നും വിചാരിച്ചില്ല...: വിവാഹത്തിന് തൊട്ടുമുമ്പ് കാവ്യ ആത്മഹത്യക്ക് ശ്രമിച്ച സാഹചര്യവുമായി പല്ലിശ്ശേരിയുടെ പരമ്പര
പിണറായിയുടെ മകൻ അബുദാബി എച്ച്എസ്‌ബിസിയിൽ മാനേജർ; മകൾ വീണ ഐടി കമ്പനി സിഇഒ; കോടിയേരിയുടെ മക്കൾ റേഞ്ച് റോവറിൽ കറങ്ങുന്ന ദുബായിലെ കോടീശ്വരന്മാർ; മന്ത്രി എകെ ബാലന്റെ ഒരു മകൻ പാരീസിൽ.. മറ്റൊരു മകന്റെ വിദ്യാഭ്യാസം ഹോളണ്ടിൽ; രണ്ടുമക്കളും അമേരിക്കയിലുള്ള നേതാവായി മന്ത്രി തോമസ് ഐസക്ക്; മന്ത്രി ഇപി ജയരാജന്റെ രണ്ടു മക്കൾക്കും ഗൾഫ് ബന്ധങ്ങൾ; പാവങ്ങളെ പോലും വെട്ടിക്കൊന്ന് സിപിഎം അധികാരം ഉറപ്പിക്കുമ്പോഴും സ്വന്തം മക്കളുടെ ജീവിതം നേതാക്കൾ സുരക്ഷിതമാക്കുന്നത് ഇങ്ങനെ
കൈക്ക് പരിക്കേറ്റ പീതാംബരൻ ഒറ്റയ്ക്ക് കൃത്യം ചെയ്യില്ലെന്ന് വീട്ടുകാർ ആവർത്തിക്കുമ്പോൾ സംശയം ഉന്നത നേതാക്കളിലേക്ക്; ആലക്കോട് സ്വദേശിയും കസ്റ്റഡിയിലായതോടെ കൊലപാതകത്തിന്റെ കണ്ണികൾ കണ്ണൂരിലേക്കും നീളുന്നു; കൊലപാതകം രാഷ്ട്രീയ വിരോധത്തെ തുടർന്നെന്നും മനുഷ്യ മനസാക്ഷിയെ ഞെട്ടിക്കുന്നതെന്നും കോടതി; ആയുധങ്ങളും കണ്ടെടുത്ത് പൊലീസിന്റെ തെളിവെടുപ്പ്; പീതാംബരനെ ഒരാഴ്ചത്തേക്ക് കസ്റ്റഡിയിൽ വിട്ടു; പ്രതികൾക്ക് വാഹനം സംഘടിപ്പിച്ച് നൽകിയ സജി ജോർജും അറസ്റ്റിൽ
തച്ചങ്കരി പോയതോടെ വരുമാനം ഇടിഞ്ഞപ്പോൾ പരിഭ്രാന്തരായി യൂണിയൻ നേതാക്കളുടെ സേവ് കെഎസ്ആർടിസി ക്യാമ്പെയിനും ബസ് ഡേ ആചരണവും; പുതിയ എംഡി എംപി.ദിനേശും ജീവനക്കാരുടെ ഡ്യൂട്ടി പാറ്റേൺ ക്രമീകരിക്കാൻ മുന്നോട്ട്; കുറഞ്ഞ വരുമാനമുള്ള 500 ഓർഡിനറി ബസുകൾ പരമാവധി കളക്ഷൻ കിട്ടും വിധം പുനഃക്രമീകരിക്കും; എട്ടുമണിക്കൂറിൽ കൂടുതൽ ജോലി ചെയ്യേണ്ടി വന്നാൽ അധികസമയത്തിന് അധികവേതനം; കോർപറേഷന്റെ കാര്യക്ഷമത കൂട്ടാൻ പുതിയ സ്‌പെഷ്യൽ ഓഫീസറും
ജയ്‌ഷെ ഭീകരവേട്ട തുടങ്ങാൻ ലിസ്റ്റ് തയ്യാറാക്കി സൈന്യം; കമ്രാന്റെ അനുയായികളായ നാല്പതോളം പേർ കാശ്മീരിൽ ഒളിച്ചു താമസിക്കുന്നതായി സൂചന; ഓരോരുത്തരെയായി കണ്ടെത്തി ഇല്ലാതാക്കാൻ പഴുതടച്ച സെർച്ചുകൾ തുടങ്ങി; സ്ഥിരമായി നുഴഞ്ഞുകയറുന്ന മേഖലകളിൽ പ്രത്യേക നിരീക്ഷണം; കരസേനയ്ക്ക് എതിരെ തിരിച്ചടി ഉണ്ടായാൽ ഉടൻ ഇടപെടാൻ ഫൈറ്റർ ജെറ്റുകൾ റെഡിയാക്കി എയർഫോഴ്‌സും; പ്രഖ്യാപിച്ചതു പ്രകാരം 'ഓപ്പറേഷൻ ക്‌ളീൻ കാശ്മീർ' ആദ്യഘട്ടം തുടങ്ങി ഇന്ത്യൻ സേന
സ്‌കൂളിലേക്കെന്ന വ്യാജേന നാലു വയസ്സുകാരിയെ വണ്ടിയിൽ കയറ്റി; കിന്റർ ജോയ് വാങ്ങി കൊടുത്ത ശേഷം കൊണ്ട് പോയത് സ്വന്തം വീട്ടിൽ; ആളില്ലാത്ത നേരത്ത് എത്തിച്ച് പീഡിപ്പിച്ചത് ഒരു മാസം മുൻപ്; ഓട്ടോമാമന്റെ വീട്ടിൽ പോയെന്ന് കുട്ടി പറഞ്ഞപ്പോൾ അമ്മയ്ക്ക് സംശയവും തോന്നി; കുട്ടിയോട് വിശദമായി ചോദിച്ചപ്പോൾ പുറത്ത് വന്നത് ഞെട്ടിക്കുന്ന പീഡനകഥ; ഓട്ടോ ഡ്രൈവർ ടിന്റുവിനെ പൊക്കി കല്ലമ്പലം പൊലീസ്
'നിങ്ങൾക്ക് എപ്പോൾ വേണമെങ്കിലും ഇറങ്ങിപ്പോകാം': ഹോളിക്രോസ് കോൺവെന്റിലെ സന്യാസി സമൂഹത്തോട് ഓർത്തഡോക്‌സ് സഭാ തിരുവനന്തപുരം ഭദ്രാസനാധിപൻ ഗബ്രിയേൽ മാർ ഗ്രിഗോറിയോസ്; ഭദ്രാസനാധിപനെതിരെ പരാതിയുമായി സന്യാസിനി സമൂഹം ബാവാ തിരുമേനിക്ക് മുന്നിൽ; രോഗപീഡകൾ അലട്ടുന്ന വാർധക്യത്തിൽ ഭദ്രാസനാധിപൻ ആട്ടിപ്പായിക്കാൻ ശ്രമിക്കുന്നു; ആഹാരവും വസ്ത്രവും മരുന്നും തരാതെ പീഡിപ്പിക്കുന്നു; വരുമാന ശ്രോതസുകൾ ഇല്ലാതാക്കി; തങ്ങളുടെ സ്വത്തുക്കൾ കവർന്ന് എടുത്തെന്നും ഹോളിക്രോസ് സന്യാസിനി സമൂഹം
ട്രോളിയിൽ രോഗിയെ കൊണ്ടുവരുന്നത് കണ്ട് ട്രേ വച്ചത് രോഗിയുടെ കാലിനടുത്ത്; നേഴ്‌സ് കരഞ്ഞ് മാപ്പുപറഞ്ഞിട്ടും മറ്റു ജീവനക്കാർ അഭ്യർത്ഥിച്ചിട്ടും കനിയാതെ ശിക്ഷ വിധിക്കൽ; കയറി കട്ടിൽ കിടക്കൂ എന്ന ആക്രോശിച്ച് കാടത്തം കാട്ടിയത് സർജ്ജറി വിഭാഗം മേധാവി; പീഡിപ്പിച്ചത് സൗജ്യന സേവനത്തിന് എത്തിയ നേഴ്‌സിനെ; പ്രതിസ്ഥാനത്ത് പിജിക്കാരെ കൊണ്ട് ബാത്ത് റൂം കഴുകിച്ച ഡോക്ടർ; ഡോ ജോൺ എസ് കുര്യൻ വീണ്ടും വിവാദത്തിൽ; നടപടി സ്ഥലം മാറ്റത്തിൽ ഒതുങ്ങും
'ചന്ദ്രനുദിക്കുന്ന ദിക്കിൽ' കാലത്തുതന്നെ എല്ലാം ആരംഭിച്ചിരുന്നു; ഞാനതെല്ലാം ശരിക്കും ആസ്വദിച്ചു; 'മീശമാധവൻ' ആയപ്പോഴേക്കും വേർപിരിയാനാവാത്ത വിധം അടുത്തുപോയി; മീശമാധവൻ ദിലീപേട്ടന്റെ സ്വന്തം ടീമിന്റേതല്ലേ; അവിടെ എല്ലാ സ്വാതന്ത്ര്യവും ഉണ്ടായിരുന്നു; എന്റെ അരയിൽ നിന്നും 'അരഞ്ഞാണം ഊരിയെടുക്കുമ്പോൾ തിരക്കഥയിൽ ഇല്ലാത്ത അഭിനയം ഉണ്ടാകും' എന്നു പറഞ്ഞിരുന്നു; ഞാൻ തെറ്റായി ഒന്നും വിചാരിച്ചില്ല...: വിവാഹത്തിന് തൊട്ടുമുമ്പ് കാവ്യ ആത്മഹത്യക്ക് ശ്രമിച്ച സാഹചര്യവുമായി പല്ലിശ്ശേരിയുടെ പരമ്പര
ഉറങ്ങാൻ കിടക്കുന്നത് ഭാര്യയ്‌ക്കൊപ്പം കട്ടിലിൽ; ഭാര്യ ഉറക്കം പിടിച്ചാൽ കട്ടിലിൽ നിന്ന് താഴെയിറങ്ങി പായിൽ മകൾക്കൊപ്പം കിടക്കും; ഭീഷണിപ്പെടുത്തിയും കരയുമ്പോൾ വായപൊത്തിപ്പിടിച്ചും പതിമൂന്നുകാരിയുടെ മേൽ കാമഭ്രാന്ത് തീർത്ത് നരാധമനായ പിതാവ്; ഒരുവർഷത്തോളം നടന്ന പീഡനം പെൺകുട്ടി തുറന്നുപറഞ്ഞത് പെരുമാറ്റത്തിൽ പൊരുത്തക്കേടുകണ്ട് അദ്ധ്യാപികമാർ ആവർത്തിച്ച് ചോദിച്ചതോടെ; 43കാരനായ ക്രൂരപിതാവിനെ അറസ്റ്റുചെയ്ത് പൊലീസ്; പെരുമ്പൂവൂരിൽ നിന്ന് കേരളത്തെ ഞെട്ടിക്കുന്ന പോക്‌സോ പീഡനം
എന്തുകൊണ്ടാണ് ഐഎസിനും, അൽഖായിദക്കും ഇസ്രയേലിന്റെ രോമത്തിൽപോലും തൊടാൻ കഴിയാത്തത്! രാജ്യത്തെ സാമ്പത്തികമായ തകർക്കുന്ന യുദ്ധമല്ല കാശ്മീരിലെ കൊലകൾക്ക് പോംവഴി; ഇല്ലാതാക്കേണ്ടത് ജെയ്‌ഷേ മുഹമ്മദിനെയും അതിന്റെ തലവൻ മൗലാനാ മസൂദ് അസറിനെയുമാണ്; അതിനു ശാസ്ത്രത്തെയും സാങ്കേതികവിദ്യയെയും കൂട്ടുപിടിച്ച് ഇസ്രായിലിന്റെ പാതയാണ് നാം പിന്തുടരേണ്ടത്; വികാര പ്രകടനങ്ങളും ബഡായികളുമല്ല വിവേകമാണ് രാജ്യത്തെ നയിക്കേണ്ടത്
മഞ്ജു ചേച്ചിയോട് നിങ്ങളുടെ റിലേഷൻഷിപ്പിനെ കുറിച്ച് ആരൊക്കെയോ ധരിപ്പിച്ചിട്ടുണ്ട്; അക്കാര്യം മനസ്സിലാക്കിയതോണ്ടാ നിന്റെ വിവാഹത്തിനു ദിലീപേട്ടൻ സമ്മതിച്ചത്; മഞ്ജു ചേച്ചിയുടെ കണ്ണ് മൂടിക്കെട്ടാൻ ഒരു തന്ത്രം; നിന്നെ മറ്റാർക്കും വിട്ടു കൊടുക്കില്ല എന്നാണ് ദിലീപേട്ടൻ എന്നോട് പറഞ്ഞത്; നിങ്ങൾ രണ്ടുപേരും ഒപ്പം വേണമെന്നാണ് ദിലീപേട്ടന്റെ ആഗ്രഹം; 'ചതിക്കാത്ത സുജ' പറഞ്ഞതുകേട്ട് ഞെട്ടി കാവ്യ: ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്- പല്ലിശ്ശേരിയുടെ പരമ്പര തുടരുന്നു
മുൻനിരയിൽ ഇരിപ്പിടം ലഭിച്ചില്ല; ദുബായിലെ ലോകകേരള സഭാ വേദിയിൽ പൊട്ടിത്തെറിച്ച് ചീഫ് സെക്രട്ടറി ടോം ജോസ്; ഞാൻ ആരാണെന്നാണ് കരുതിയത്? സംസ്ഥാനത്തിന്റെ ചീഫ് എക്സിക്യൂട്ടീവ് ഓഫീസർക്ക് ഇങ്ങനെയാണോ ഇരിപ്പിടം ഒരുക്കുന്നതെന്ന് ചോദിച്ച് കോപം കൊണ്ടു ജ്വലിച്ചു; മുഖ്യമന്ത്രി വേദിയിലിരിക്കെ സദസ് വിട്ട് പോകാനൊരുങ്ങിയ ചീഫ്സെക്രട്ടറിയെ അനുനയിപ്പിക്കാൻ പണിപ്പെട്ട് നോർക്ക ഉദ്യോഗസ്ഥർ; ഒടുവിൽ ചീഫ് സെക്രട്ടറിക്കായി പ്രത്യേക നിര ഒരുക്കി; പ്രവാസി വ്യവസായികൾക്ക് മുന്നിൽ ഇന്നലെ നടന്ന 'കസേരകളി'യുടെ കഥ
കാശ്മീരിനെ രക്ഷിക്കാൻ യുദ്ധം ഏതുനിമിഷവും: മിന്നലാക്രമണമോ മിസൈൽ ആക്രമണമോ ആദ്യം തുടങ്ങേണ്ടതെന്ന് ആലോചന; സർവ സന്നാഹവുമായി ഉത്തരവ് കാത്ത് കര, വ്യോമ സേനകളുടെ കമാൻഡോ വിഭാഗങ്ങൾ; കപ്പലുകൾ എല്ലാം മിസൈലുകൾ തൊടുക്കാവുന്ന നിർണായക പോർമുഖങ്ങളിലേക്ക്; അതിർത്തിയിൽ ആകാശ് മിസൈലുകൾ വിന്യസിച്ചു; ബിൻലാദനെ അമേരിക്ക ഇല്ലാതാക്കിയ പോലെ മസൂദ് അസറിനെ ഇന്ത്യൻ കമാൻഡോ ഓപ്പറേഷനിൽ തീർക്കണമെന്നും ആവശ്യം; ഇന്ന് നാലുപേർ കൂടി കൊല്ലപ്പെട്ടതോടെ ശത്രുക്കളെ തുടച്ചുനീക്കാൻ ശപഥം ചെയ്ത് സേന
ജയിച്ചാലും തോറ്റാലും സ്വർഗം കിട്ടുന്ന അപൂർവ ഗെയിം; പ്രതീക്ഷിക്കുന്നത് മദ്യപ്പുഴയും 72 ഹൂറിമാരുമൊക്കെയുള്ള മത സ്വർഗ്ഗം; ഓരോ ജിഹാദിയും വിശ്വസിക്കുന്നു ഇത് വിശുദ്ധയുദ്ധമാണെന്ന്; മതം തന്നെയാണ് ഭീകരത! ജെയ്ഷെ മുഹമ്മദ് എന്ന വാക്കിന്റെ അർഥം തന്നെ മുഹമ്മദിന്റെ സൈന്യം എന്നും; ഈ വീഡിയോ നിങ്ങളിലെത്തുമ്പോഴെക്കും ഞാൻ സ്വർഗത്തിലെത്തിയിരിക്കുമെന്ന് ചാവേർ പറഞ്ഞതും ഈ വിശ്വാസത്താൽ; ആടുമെയ്‌ക്കൽ സംഘങ്ങൾ പലതവണയുണ്ടായ കേരളവും കശ്മീരിൽ നിന്നുപഠിക്കണം ഒരുപാട്
എട്ട് മാസമായി വീട്ടിൽ നിന്നും ഇറങ്ങിയിട്ട്; ചർച്ചകളും സ്‌ക്രിപ്റ്റുമൊക്കെയായി എപ്പോഴും തിരക്ക്; തലയിലും മുഖത്തും നര വീണു; ഇനിയും സംവിധാനമെന്ന് പറഞ്ഞിറങ്ങിയാൽ ഞാനും ആലിയും മുംബൈയിലേക്ക് തിരിച്ച് പോകുമെന്ന ഭീഷണിയുമായി സുപ്രിയ; താനൊരു സാത്താൻ ആരാധകനാണോയെന്ന ചോദ്യങ്ങൾക്ക് മറുപടി നല്കി പൃഥിയും; താരകുടുംബത്തിന്റെ വിശേഷങ്ങൾ ഇങ്ങനെ
കമ്രാൻ എന്ന അബ്ദുൾ റഷീദ് ഖാസിയെ വെടിവച്ചിട്ടപ്പോൾ ഇന്ത്യൻ സേനയിലെ ചുണക്കുട്ടികൾ ചിതറിച്ചത് ജയ്‌ഷെയുടെ 'തലച്ചോറ്'; സൈനികരുടെ ചോരവീണ പുൽവാമയിൽ തന്നെ ഭീകരനെ ഒളിത്താവളം വളഞ്ഞ് 'സ്വർഗത്തിലെ ഹൂറി'മാരുടെ അടുത്തേക്ക് അയച്ച് ഇന്ത്യയുടെ പ്രതികാരം; കഴിഞ്ഞ ഡിസംബറിൽ അതിർത്തി കടന്ന് നുഴഞ്ഞെത്തിയ ഖാസി ഒളിഞ്ഞുതാമസിച്ചത് സാധാരണക്കാരെ പോലെ ഇടവഴികളിലൂടെ സഞ്ചരിച്ച്; അഫ്ഗാനിൽ കാർബോംബ് വിദഗ്ധനായി വിലസിയ മസൂദിന്റെ വലംകൈയിനെ തന്നെ വെട്ടി വീഴ്‌ത്തിയതോടെ പാക്കിസ്ഥാനും ശക്തമായ സന്ദേശം നൽകി ഇന്ത്യ
ഒരു രസത്തിനു തുടങ്ങി അടിമയായി പോയ യുവതി; ഭർത്താവിന്റെ മദ്യപാനശീലവും ബോധം കെട്ടുള്ള ഉറക്കവും ലൈംഗിക വൈകൃതങ്ങൾ ബാലന് മേൽ പ്രയോഗിക്കാൻ പ്രേരണയായി; ഒൻപതുകാരന്റെ അമ്മയുമായി ഉണ്ടായിരുന്ന അടുപ്പം നാലാം ക്ലാസുകാരനെ യുവതിയുടെ അടുക്കൽ എത്തിച്ചു; കുട്ടിയുടെ രോഗം പറഞ്ഞ് പണം പിരിച്ച് അടിച്ചു പൊളിച്ചു; ഡോക്ടറോട് പറഞ്ഞത് പൊലീസിനോടും കുട്ടി ആവർത്തിച്ചപ്പോൾ പീഡകയ്ക്ക് പോക്‌സോയിൽ ജയിൽ വാസം; കാടപ്പാറ രാജിയുടെ വൈകൃതങ്ങൾ പിടിക്കപ്പെടുമ്പോൾ
മദ്യപിച്ച് ഭർത്താവുറങ്ങുമ്പോൾ അതേ മുറിയിൽ നാലാം ക്ലാസുകാരനുമായി കാമകേളി; ഇഷ്ടങ്ങൾ മുഴുവൻ നടത്തിച്ച് സംതൃപ്തി നേടി യുവതി നയിച്ചത് അടിപൊളി ജീവിതം; റെയിൽവേ സ്റ്റേഷനിൽ അഭയം തേടിയ അമ്മയ്ക്കും മകനും മാനസിക പിന്തുണ നടിച്ചെത്തി ചെയ്തതുകൊടുംക്രൂരത; ലിവർ കാൻസർ രോഗിയായ ഒൻപതു വയസ്സുകാരനുമായി ഇരുപത്തിയഞ്ചുകാരി ഗോവയിലും ചുറ്റിക്കറങ്ങി; കുട്ടിയുടെ ദേഹത്തെ തടിപ്പുകളും വ്രണങ്ങളും സംശയമായപ്പോൾ കൗൺസിലിങ്; രാജി കാട്ടിക്കൂട്ടിയത് മനസാക്ഷിയെ ഞെട്ടിക്കുന്ന ക്രൂരത
വിവാഹ ചിത്രത്തിൽ വധുവിന് വരനേക്കാൾ പ്രായം കൂടുതൽ തോന്നിയാൽ സദാചാര കമ്മറ്റിക്കാർക്ക് എന്താണ് പ്രശ്നം? കണ്ണൂർ ചെറുപുഴയിലെ 25കാരൻ യുവാവ് 48കാരിയെ വധുവാക്കിയെന്ന് വിവാഹ പരസ്യത്തിലെ ചിത്രം ചൂണ്ടി സൈബർ ലോകത്ത് കുപ്രചരണം; പഞ്ചാബ് യൂണിവേഴ്സിറ്റിയിലെ അടുപ്പം വിവാഹത്തിൽ കലാശിച്ചപ്പോൾ ഇരിക്കപ്പൊറുതി ഇല്ലാതായത് കുന്നായ്മക്കാർക്ക്; വധുവിന് പ്രായം കുറവെന്ന് വീട്ടുകാർ തറപ്പിച്ചു പറഞ്ഞിട്ടും കുപ്രചരണം തുടരുന്നതിൽ മനോവിഷമത്തിൽ നവദമ്പതികൾ
ട്രോളിയിൽ രോഗിയെ കൊണ്ടുവരുന്നത് കണ്ട് ട്രേ വച്ചത് രോഗിയുടെ കാലിനടുത്ത്; നേഴ്‌സ് കരഞ്ഞ് മാപ്പുപറഞ്ഞിട്ടും മറ്റു ജീവനക്കാർ അഭ്യർത്ഥിച്ചിട്ടും കനിയാതെ ശിക്ഷ വിധിക്കൽ; കയറി കട്ടിൽ കിടക്കൂ എന്ന ആക്രോശിച്ച് കാടത്തം കാട്ടിയത് സർജ്ജറി വിഭാഗം മേധാവി; പീഡിപ്പിച്ചത് സൗജ്യന സേവനത്തിന് എത്തിയ നേഴ്‌സിനെ; പ്രതിസ്ഥാനത്ത് പിജിക്കാരെ കൊണ്ട് ബാത്ത് റൂം കഴുകിച്ച ഡോക്ടർ; ഡോ ജോൺ എസ് കുര്യൻ വീണ്ടും വിവാദത്തിൽ; നടപടി സ്ഥലം മാറ്റത്തിൽ ഒതുങ്ങും
'ചന്ദ്രനുദിക്കുന്ന ദിക്കിൽ' കാലത്തുതന്നെ എല്ലാം ആരംഭിച്ചിരുന്നു; ഞാനതെല്ലാം ശരിക്കും ആസ്വദിച്ചു; 'മീശമാധവൻ' ആയപ്പോഴേക്കും വേർപിരിയാനാവാത്ത വിധം അടുത്തുപോയി; മീശമാധവൻ ദിലീപേട്ടന്റെ സ്വന്തം ടീമിന്റേതല്ലേ; അവിടെ എല്ലാ സ്വാതന്ത്ര്യവും ഉണ്ടായിരുന്നു; എന്റെ അരയിൽ നിന്നും 'അരഞ്ഞാണം ഊരിയെടുക്കുമ്പോൾ തിരക്കഥയിൽ ഇല്ലാത്ത അഭിനയം ഉണ്ടാകും' എന്നു പറഞ്ഞിരുന്നു; ഞാൻ തെറ്റായി ഒന്നും വിചാരിച്ചില്ല...: വിവാഹത്തിന് തൊട്ടുമുമ്പ് കാവ്യ ആത്മഹത്യക്ക് ശ്രമിച്ച സാഹചര്യവുമായി പല്ലിശ്ശേരിയുടെ പരമ്പര
ജെസ്ന പോയത് അന്യമതസ്ഥനായ കാമുകനൊപ്പമോ? ബംഗളൂരുവിലെ ഇൻഡസ്ട്രിയൽ ഏരിയായ ജിഗിണിയിൽ താമസം; നിത്യവൃത്തിക്ക് വ്യാജപ്പേരിൽ കമ്പനിയിൽ ജോലിയും; ആളെ തിരിച്ചറിയാതിരിക്കാൻ പല്ലിൽ ഇട്ടിരുന്ന കമ്പി ഊരിമാറ്റി; ദിവസവും കുർത്തയും ജീൻസും ധരിച്ച് പോകുന്ന പെൺകുട്ടിയെ തിരിച്ചറിഞ്ഞത് മലയാളിയായ കടക്കാരനും; ജെസ്‌ന ജീവിച്ചിരിക്കുന്നെന്ന് പൊലീസ് സ്ഥിരീകരിച്ചത് ഇയാൾ കൈമാറിയ വീഡിയോ പരിശോധനയ്ക്ക് ശേഷം; മുക്കൂട്ടുതറയിലെ തിരോധാനത്തിൽ നിർണ്ണായക ട്വിസ്റ്റെന്ന് സൂചന
കാവ്യമാധവനിൽ നിന്നും ഊറ്റി എടുക്കാവുന്നതെല്ലാം എടുത്ത ശേഷം ദിലീപ് ഒഴിവാക്കാൻ ശ്രമിച്ചു..! തന്ത്രം മനസിലാക്കിയ കാവ്യ മറ്റ് നായകർക്കൊപ്പം സിനിമ കമ്മിറ്റ് ചെയ്തപ്പോൾ ഒരിക്കലും കൈവിടില്ലെന്ന് ഉറപ്പു നൽകി കൂടെ നിർത്തി; ലയൺ സിനിമയിലെ വിവാഹരംഗം സിനിമാ സീഡിയിൽ കവർ അടിക്കാൻ പ്ലാൻ ചെയ്തു; സിനിമയിൽ നിന്നും പി ശ്രീകുമാറിനെ മാറ്റിയത് തന്ത്രപരമായി; അനൂപ് ചന്ദ്രനെയും ഇല്ലാക്കഥ പറഞ്ഞ് സിനിമയിലെ വഴിമുടക്കി: പല്ലിശേരിയുടെ തുറന്നു പറച്ചിൽ തുടരുന്നു
ദിലീപേട്ടാ, ഇതെന്റെ ജീവിതമാണ്....; ഞാൻ എന്തു ചെയ്യണം; ദിലീപേട്ടന്റെ തീരുമാനമാണ് എന്റേതും ഒടുവിൽ ഞാൻ ചതിക്കപ്പെടരുത്; കല്ല്യാണ നിശ്ചയകാര്യം കാവ്യ അറിയിച്ചത് നിയന്ത്രണംവിട്ട കരച്ചിലിലൂടെ; കരഞ്ഞാൽ താനും നിയന്ത്രണം വിട്ടു കരയുമെന്ന നമ്പറിൽ എല്ലാം പറഞ്ഞൊതുക്കി നായകന്റെ സൂപ്പർ ഇടപെടൽ; ദിലീപിനെകുറിച്ചു കേട്ട വാർത്ത ഒരു ചെവിയിലൂടെ കേട്ടു മറു ചെവിയിലൂടെ കളഞ്ഞ് മഞ്ജുവും; ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്: പല്ലിശേരി പരമ്പര തുടരുന്നു
നാലാം വയസിൽ സ്‌കൂൾ സ്‌കിറ്റിനായി വിവാഹം; 22 വർഷങ്ങൾക്ക് ശേഷം പള്ളുരുത്തി ഭവാനി ശിവക്ഷേത്രത്തിൽ വെച്ച് ആ 'കുട്ടിക്കളി'യിലെ കഥാപാത്രങ്ങൾ ജീവിതത്തിൽ ഒരുമിച്ചു; 'നമുക്ക് ഒന്നുകൂടി വിവാഹം ചെയ്താലോ' എന്ന ആർമ്മി ക്യാപ്ടന്റെ സന്ദേശത്തിന് യേസ് മൂളി വനിതാ ഡോക്ടർ; സിനിമാക്കഥകളിലെ അനശ്വര വിവാഹ മുഹൂർത്തങ്ങളെ അനുസ്മരിപ്പിക്കും വിധത്തിൽ ആര്യശ്രീയുടെ കഴുത്തിൽ താലികെട്ടി ശ്രീരാം
ഉറങ്ങാൻ കിടക്കുന്നത് ഭാര്യയ്‌ക്കൊപ്പം കട്ടിലിൽ; ഭാര്യ ഉറക്കം പിടിച്ചാൽ കട്ടിലിൽ നിന്ന് താഴെയിറങ്ങി പായിൽ മകൾക്കൊപ്പം കിടക്കും; ഭീഷണിപ്പെടുത്തിയും കരയുമ്പോൾ വായപൊത്തിപ്പിടിച്ചും പതിമൂന്നുകാരിയുടെ മേൽ കാമഭ്രാന്ത് തീർത്ത് നരാധമനായ പിതാവ്; ഒരുവർഷത്തോളം നടന്ന പീഡനം പെൺകുട്ടി തുറന്നുപറഞ്ഞത് പെരുമാറ്റത്തിൽ പൊരുത്തക്കേടുകണ്ട് അദ്ധ്യാപികമാർ ആവർത്തിച്ച് ചോദിച്ചതോടെ; 43കാരനായ ക്രൂരപിതാവിനെ അറസ്റ്റുചെയ്ത് പൊലീസ്; പെരുമ്പൂവൂരിൽ നിന്ന് കേരളത്തെ ഞെട്ടിക്കുന്ന പോക്‌സോ പീഡനം