1 usd = 71.55 inr 1 gbp = 86.92 inr 1 eur = 79.39 inr 1 aed = 19.48 inr 1 sar = 19.08 inr 1 kwd = 235.22 inr

Aug / 2019
21
Wednesday

മാധ്യമകേരളം: നിഴലും നിലാവും

January 20, 2018 | 05:05 PM IST | Permalink



മാധ്യമകേരളം: നിഴലും നിലാവും

ഷാജി ജേക്കബ്

ലയാളത്തിൽ മാധ്യമങ്ങളെ അകത്തും പുറത്തും നിന്നു കണ്ടറിഞ്ഞെഴുതിയിട്ടുള്ളവരിൽ ഇത്രമേൽ വൈവിധ്യമാർന്ന വിഷയങ്ങൾ ചർച്ചചെയ്തിട്ടുള്ളവർ എൻ.പി. രാജേന്ദ്രനെപ്പോലെ മറ്റധികംപേരില്ല. ഇരുപത്തിരണ്ടുവർഷം മാതൃഭൂമിപത്രത്തിലെഴുതിയ പംക്തി(വിശേഷാൽപ്രതി)യിലും പത്രധർമത്തെക്കുറിച്ചും പത്രസ്ഥാപനങ്ങളുടെ നാനാതരം ജീർണതകളെക്കുറിച്ചും പത്രപംക്തീകാരരെക്കുറിച്ചുമൊക്കെയുള്ള പഠനഗ്രന്ഥങ്ങളിലും ഒതുങ്ങുന്നില്ല രാജേന്ദ്രന്റെ മാധ്യമവിചാരങ്ങൾ. ജർമനി മുതൽ ബംഗാൾ വരെയും സാങ്കേതികത മുതൽ സാമ്രാജ്യത്വം വരെയും സാമൂഹികചരിത്രം മുതൽ സാംസ്‌കാരികാധിനിവേശം വരെയും - മാധ്യമങ്ങളെ മുൻനിർത്തി രാജേന്ദ്രൻ നടത്തുന്ന പ്രാദേശിക, ദേശീയ, ആഗോള, രാഷ്ട്രീയ വിചാരണകൾ ഒന്നു വേറെതന്നെയാണ്. എത്രമേൽ പ്രകോപനപരവും സംഘർഷാത്മകവുമായ പ്രശ്‌നങ്ങളിലും അസാധാരണമായ സംയമനവും സന്തുലനവും പാലിച്ചുകൊണ്ടുള്ള എഴുത്താണ് രാജേന്ദ്രന്റേത്. നിശിതമായ വിമർശനങ്ങളും വിയോജിപ്പുകളും പ്രകടിപ്പിക്കുമ്പോൾതന്നെ രാജേന്ദ്രന്റെ രചനകൾ അവയിലെ നിരീക്ഷണങ്ങളുടെ നയചാതുരിയും പക്വതയും കൊണ്ട് വിപുലമായ അംഗീകാരം നേടുന്നു. സൗമ്യവും ദീപ്തവുമായി രൂക്ഷവും തീവ്രവുമായ വിഷയങ്ങളെപ്പോലും അഭിമുഖീകരിക്കാനുള്ള സ്ഥിതപ്രജ്ഞയാണ് മാധ്യമപ്രവർത്തകനും പത്രാധിപരും പംക്തീകാരനും മാധ്യമനിരൂപകനുമൊക്കെയായി രാജേന്ദ്രനെ പരക്കെ സ്വീകാര്യനാക്കുന്ന മുഖ്യഘടകം. ഒരേസമയം അക്കാദമികവും പ്രൊഫഷണലും അമച്വറുമായ സമീപനങ്ങളെ കൂട്ടിയിണക്കി മാധ്യമസംസ്‌കാരത്തെക്കുറിച്ചെഴുതുന്ന അപൂർവം മലയാളികളിലൊരാളാണ് എൻ.പി.ആർ. ഐക്യകേരളത്തിന്റെ അറുപതാം വാർഷികത്തിൽ ഭാഷാ ഇൻസ്റ്റിറ്റ്യൂട്ടിനുവേണ്ടി അദ്ദേഹം തയ്യാറാക്കിയ മലയാളമാധ്യമങ്ങളുടെ ഈ ലഘുചരിത്രവും മേല്പറഞ്ഞ പൊതുസ്വഭാവങ്ങളിൽ നിന്നു ഭിന്നമല്ല.

ഇരുപതു ചെറിയ അധ്യായങ്ങളിലായി മലയാള മാധ്യമങ്ങളുടെ അകവും പുറവും അനാവരണം ചെയ്യുന്ന ഈ പുസ്തകം പൊതുവിൽ നാലുതലങ്ങളിൽ നിലയുറപ്പിച്ചാണ് നൂറ്റിയെഴുപതു വർഷം തികയുന്ന മലയാള ബഹുജനമാധ്യമങ്ങളുടെ പശ്ചാത്തലത്തിൽ അറുപതുവർഷം പിന്നിടുന്ന ഐക്യകേരളത്തിലെ മാധ്യമങ്ങളുടെ സ്ഥൂലചരിത്രം കുറിച്ചിടുന്നത്. 1847 മുതൽ 1956 വരെയുള്ള കാലത്തുണ്ടായ മലയാളത്തിലെ പത്രസംസ്‌കാരത്തിന്റെ പരുവപ്പെടലും കൊളോണിയൽ, ദേശീയ ആധുനികതകളിൽ അതിനു കൈവന്ന ചില സവിശേഷ സ്വഭാവങ്ങളും ഈ ചരിത്രത്തിനു സന്ദർഭമൊരുക്കുന്നു. ഒരുനൂറ്റാണ്ടിന്റെ ചരിത്രജീവിതത്തിനിപ്പുറവും 1950കളുടെ തുടക്കത്തിൽ മലയാളത്തിൽ ഒന്നര ഡസനോളം പത്രങ്ങൾക്ക് ആകെയുണ്ടായിരുന്ന പ്രചാരം രണ്ടുലക്ഷത്തിൽ താഴെ കോപ്പികളായിരുന്നു. അതിനുശേഷമുള്ള നാലുപതിറ്റാണ്ടുകൊണ്ട് അത് പന്ത്രണ്ടുലക്ഷമായി വർധിച്ചുവെങ്കിൽ തുടർന്നുള്ള കാൽനൂറ്റാണ്ടിൽ അത് അൻപതുലക്ഷത്തിലധികം കോപ്പികളായി വളർന്നിരിക്കുന്നു. ഐക്യകേരളത്തെക്കാൾ പത്തുവയസ്സു മൂപ്പുള്ള റേഡിയോയും ഗ്രന്ഥശാലാ-പ്രസാധനരംഗങ്ങളും അൻപതുകളുടെ തുടക്കത്തിൽ ഒന്നിച്ചാരംഭിക്കുന്ന (1953ൽ) ജനപ്രിയ സിനിമാ-നോവൽ സംസ്‌കാരങ്ങളും 1957-95 കാലത്തെ ജനപ്രിയ വാരികാവിപ്ലവവും 1984ലാരംഭിക്കുന്ന പൊതുമേഖലാ ടെലിവിഷനും ഒരുപതിറ്റാണ്ടിനുള്ളിൽ തുടക്കമിടുന്ന ഉപഗ്രഹ-സ്വകാര്യ ടെലിവിഷനും പുതിയ നൂറ്റാണ്ടിനോടൊപ്പം രൂപംകൊണ്ട നവമാധ്യമങ്ങളും ഉൾപ്പെടെ അച്ചടി-ദൃശ്യ-ശ്രാവ്യ-പങ്കാളിത്ത മാധ്യമമണ്ഡലങ്ങളുടെ കൂടി ചരിത്രമാണ് ഐക്യകേരളത്തിന്റെ ജീവചരിത്രം.

ഇതിൽ പലതും വിട്ടുകളഞ്ഞും പത്രത്തെ മാത്രം കാര്യമായി പിന്തുടർന്നും രാജേന്ദ്രൻ സംഗ്രഹിക്കുന്ന ആധുനിക-ആധുനികാനന്തര മലയാള മാധ്യമചരിത്രത്തിന്റെ നാലുതലങ്ങൾ ഇവയാണ്. ഒന്ന്, ഐക്യകേരളത്തിനു മുൻപുള്ള നൂറ്റിപ്പത്തുവർഷം നീളുന്ന (1847-1956) മലയാള പത്രചരിത്രത്തിന്റെ വ്യവസ്ഥപ്പെടൽ. രണ്ട്, 1950കൾ തൊട്ടുള്ള മലയാള പത്രങ്ങളുടെ നാനാതലങ്ങളിലെ വളർച്ചയും പടർച്ചയും (പ്രചാരം മുതൽ സാങ്കേതികത വരെ; പ്രൊഫഷണലിസം മുതൽ വർഗീയത വരെ). മൂന്ന്, ദേശീയതലത്തിൽ ശ്രദ്ധയും ആദരവും പ്രാമാണ്യവും നേടിയ മലയാളികളായ പത്രപ്രവർത്തകർ. നാല്, ടെലിവിഷൻ മുതൽ നവമാധ്യമങ്ങൾ വരെയുള്ള ഇതരമാധ്യമങ്ങൾ. ഈ നാലുതലങ്ങളിലുമായി വ്യാപിച്ചുനിൽക്കുന്നവയാണ് ഈ പുസ്തകത്തിലെ മുഴുവൻ അധ്യായങ്ങളും.

ഐക്യകേരളം എന്ന രാഷ്ട്രീയസ്വപ്നം സാക്ഷാത്കരിക്കാൻ പത്രങ്ങൾ നടത്തിയ പ്രചാരണങ്ങളുടെയും പ്രയത്‌നങ്ങളുടെയും സമ്മർദ്ദങ്ങളുടെയും പശ്ചാത്തലം വിവരിക്കുന്നു, ഒന്നാമധ്യായം. കേരളം എന്ന പേരിലും കേരളമെന്നു പേരിൽ കൂട്ടിച്ചേർത്തും പത്തൊൻപതാം നൂറ്റാണ്ടിൽതന്നെ രൂപംകൊണ്ട പത്രങ്ങൾ, ഇതര പ്രസിദ്ധീകരണങ്ങൾ, സാംസ്‌കാരിക സംഘടനകൾ തുടങ്ങിയവ വിഭാവനം ചെയ്ത രാഷ്ട്രീയ-സാംസ്‌കാരിക ഭൂപടനിർമ്മിതിയുടെ കഥ ചുരുക്കിപ്പറയുന്നു, രാജേന്ദ്രൻ. കൗതുകകരമായ നിരവധി വസ്തുതകൾ ഇവിടെയുണ്ട്.

'കേരളീയർ മുഴുവൻ ഏകകണ്ഠമായി ആവശ്യപ്പെട്ടതാണ് ഐക്യകേരളം എന്നാവും പിൽക്കാല തലമുറകൾ ധരിക്കുന്നത്. സത്യമതല്ല. ബ്രിട്ടീഷ് ഭരണത്തിൻകീഴിലായിരുന്ന, പിന്നോക്കംനിൽക്കുന്ന മലബാറിനൊപ്പം ചേരുന്നത് രാജഭരണത്തിൻകീഴിൽ വളരെ മുന്നോട്ടുപോയ തിരുവിതാംകൂറിന് ദോഷകരമാവും എന്നു കരുതിയ രാജഭക്തന്മാർ ധാരാളമുണ്ടായിരുന്നു. കേരളസംസ്ഥാനത്തിൽ കൊച്ചിയും തിരുവിതാംകൂറും വേണ്ട എന്നു വാദിച്ചവരുടെ കൂട്ടത്തിൽ കെ. മാധവമേനോനെപ്പോലുള്ള സമുന്നത നേതാക്കളും ഉണ്ടായിരുന്നു. മാതൃഭൂമി പത്രാധിപസമിതിയിൽ ഭൂരിഭാഗം അംഗങ്ങളും ഐക്യകേരളത്തിന് എതിരായിരുന്നു എന്ന് എൻ.വി. കൃഷ്ണവാരിയർതന്നെ എഴുതിയിട്ടുണ്ട്. മലബാർ കൂടിയുള്ള ഒരു സംസ്ഥാനം ഉണ്ടാകുന്നത് കമ്യൂണിസ്റ്റുകാർക്ക് അധികാരത്തിലേറാൻ സഹായകമായേക്കും എന്ന ഭീതി അന്നത്തെ ഭരണനേതൃത്വത്തെ പിറകോട്ടു വലിക്കുന്നുണ്ടായിരുന്നു'.

1957ലെ ജനവിധിയും കമ്യൂണിസ്റ്റ് ഭരണവുമാണ് രണ്ടും മൂന്നും അധ്യായങ്ങളിലെ വിഷയം. മലയാളപത്രങ്ങൾ കമ്യൂണിസ്റ്റ് പാർട്ടിയുടെ തെരഞ്ഞെടുപ്പുവിജയത്തെ എങ്ങനെ നോക്കിക്കണ്ടു? അതിനോടെങ്ങനെ പ്രതികരിച്ചു? രണ്ടുവർഷം നീണ്ട ഭരണത്തിൽ കമ്യൂണിസ്റ്റുസർക്കാരിനോടെന്തു നിലപാടെടുത്തു? വിമോചനസമരത്തെ അനുകൂലിച്ചും എതിർത്തും കൈക്കൊണ്ട സമീപനങ്ങളെന്തൊക്കെയായിരുന്നു? കമ്യൂണിസ്റ്റ് ഭരണത്തിന്റെ തനിനിറമെന്തായിരുന്നു?

അന്ന് തിരുവനന്തപുരത്തിന്റെ പത്രമായിരുന്ന കേരളകൗമുദി, കൊല്ലത്തെ പത്രമായിരുന്ന ജനയുഗം, തൃശൂരിലെ നവജീവൻ, കോഴിക്കോട്ടെ ദേശാഭിമാനി എന്നീ പത്രങ്ങൾ മാത്രമാണ് കമ്യൂണിസ്റ്റ് പക്ഷത്തുണ്ടായിരുന്നത്. ബാക്കി പത്രങ്ങളെല്ലാം കമ്യൂണിസ്റ്റ് വിരുദ്ധ നിലപാടെടുത്തു. ആഗോള മാധ്യമങ്ങൾ കേരളത്തെ സശ്രദ്ധം വീക്ഷിച്ചു; വിശദീകരിച്ചു. ആർതർകൊയ്സ്റ്റ്‌ലർ ഉൾപ്പെടെയുള്ളവർ (സോവിയറ്റ് യൂണിയനിലെ കമ്യൂണിസ്റ്റ് ഭരണം ഒരു കിരാതവാഴ്ചയാണെന്നു ലോകത്തിനു ബോധ്യപ്പെടുത്തിയ 'The God that Failed'ന്റെ രചയിതാക്കളിലൊരാളും മോഹഭംഗം വന്ന കമ്യൂണിസ്റ്റുമായിരുന്നു, വിഖ്യാത നോവലിസ്റ്റും പത്രപ്രവർത്തകനുമായിരുന്ന കൊയ്സ്റ്റ്‌ലർ) തിരുവനന്തപുരത്തെത്തി. സാമുദായിക ധ്രുവീകരണത്തിൽ തുടങ്ങി ജനകീയപ്രക്ഷോഭത്തിലേക്കു വളർന്ന വിമോചനസമരത്തിൽ കമ്യൂണിസ്റ്റ് ഭരണം കൂപ്പുകുത്തിയ സാഹചര്യമെന്തായിരുന്നു? മാധ്യമങ്ങളെ മുൻനിർത്തി രാജേന്ദ്രൻ എഴുതുന്നു:

'കക്ഷികൾ തമ്മിൽ നടന്ന ഏറ്റുമുട്ടലിനേക്കാൾ ഒട്ടും ജനാധിപത്യമോ ധാർമികമോ ആയിരുന്നില്ല ഇരുപക്ഷങ്ങളിലെയും പത്രങ്ങളുടെ നിലപാടും. സർക്കാർ ചെയ്യുന്ന എന്തിനെയും എതിർക്കാനും പ്രചരണായുധമാക്കാനും തക്കം പാർത്തിരിക്കുകയായിരുന്നു മിക്കവാറും പത്രങ്ങളും. ഇക്കാര്യത്തിലാണ് പത്രങ്ങൾ തമ്മിൽ വലിയ മത്സരം നടന്നത്. മുഖ്യമന്ത്രി ഇ.എം.എസ്സിനെയും അതിലേറെ മന്ത്രി വി.ആർ.കൃഷ്ണയ്യരെയും അതികഠിനമായി പത്രങ്ങൾ ആക്ഷേപിച്ചു പോന്നു. വിമർശനങ്ങളെ അവഗണിക്കുക എന്നതായിരുന്നില്ല അന്നത്തെ ഭരണനയം. നിരവധി പത്രങ്ങൾക്കെതിരെ മന്ത്രിമാർ മാനനഷ്ടക്കേസ്സ് ഫയൽ ചെയ്തു. നിയമജ്ഞനായ നിയമമന്ത്രി വി.ആർ.കൃഷ്ണയ്യർതന്നെയാണ് ഇതിനു തുടക്കമിട്ടത്.

പിൽക്കാലത്ത് മാന്യതയുടെയും നീതിബോധത്തിന്റെയും ജനാധിപത്യമൂല്യത്തിന്റെയുമെല്ലാം പ്രതീകമായി ഉയർന്ന വി.ആർ. കൃഷ്ണയ്യരുടെ അക്കാലത്തെ നിയമസഭാപ്രകടനം അത്രയൊന്നും അഭിനന്ദനീയമായിരുന്നില്ല എന്നാണ് അന്നത്തെ പത്രങ്ങൾ വായിച്ചാൽ തോന്നുക. പത്രങ്ങളുടെ കമ്മ്യൂണിസ്റ്റ് വിരോധം ഇതിനൊരു കാരണമായിട്ടുണ്ടാവാം. എന്നാൽ, മുഖ്യമന്ത്രിയെക്കുറിച്ചോ ധനമന്ത്രിയായിരുന്ന സി. അച്യുതമേനോനെക്കുറിച്ചോ ടി.വി. തോമസ്സിനെക്കുറിച്ചോ പറഞ്ഞുകേട്ടിട്ടില്ലാത്ത ആക്ഷേപങ്ങൾ ആഭ്യന്തരമന്ത്രിയായിരുന്ന വി.ആർ. കൃഷ്ണയ്യർക്കെതിരെ ഉയർന്നു. പ്രമുഖപത്രാധിപരും ആർ.എസ്‌പി. നേതാവുമായ കെ. ബാലകൃഷ്ണൻ കൃഷ്ണയ്യർക്കെതിരെ നടത്തിയത് കടുത്ത കടന്നാക്രമണം തന്നെയാണ്. 'രാജ്യത്തെ ഒരു മന്ത്രി കൂടിയാണല്ലോ കൃഷ്ണയ്യർ. അദ്ദേഹത്തിനു പക്വത വരാനുള്ള പ്രായവും കഴിഞ്ഞിട്ടുണ്ട്. എന്നിട്ടും ബ്രഹ്മാവ് ഫയലു പാസ്സാക്കിയപ്പോൾ എന്തോ മറന്നുപോയെന്നു തോന്നലുണ്ടാക്കുമാറാണ് അദ്ദേഹത്തിന്റ നാക്കൊന്നു വളച്ചാൽ അനുഭവപ്പെടുക' - കെ. ബാലകൃഷ്ണൻ പേരു വെച്ചെഴുതിപ്പോന്ന''സത്യമേവ ജയതേ' എന്ന തലക്കെട്ടിലെഴുതിയ കൗമുദിക്കുറിപ്പുകൾ എന്ന പംക്തിയിൽ ആക്ഷേപിച്ചു.

പിൽക്കാല ഗവണ്മെന്റുകൾ ചെയ്തിട്ടില്ലാത്ത രീതിയിൽ പത്രങ്ങൾക്കെതിരെ നിരവധി ക്രിമിനൽ നടപടികൾ തുടങ്ങിവെക്കാനും സർക്കാർ ഒരുമ്പെട്ടു. 'വിദ്രോഹപരമായ റിപ്പോർട്ട്' പ്രസിദ്ധീകരിച്ചു എന്ന പേരിൽ അഞ്ചു ദിനപത്രങ്ങളുടെ പത്രാധിപ-പ്രസാധകന്മാരുടെ പേരിൽ കേസ് എടുത്തെന്നു ഗവൺമെന്റ് അറിയിച്ചതായി 1959 ജൂലായി 19 ന് മാതൃഭൂമി പ്രസിദ്ധീകരിച്ച റിപ്പോർട്ടിൽ പറയുന്നു. ദീപിക, മാലയാള മനോരമ, കേരളജനത, കൗമുദി പത്രങ്ങൾക്കെതിരെയാണ് കേസ് എടുത്ത് ഓഫീസുകൾ റെയ്ഡ് ചെയ്തത്. വിദ്രാഹപരമായ പ്രസംഗം നടത്തിയതിന് പ്രമുഖ പ്രതിപക്ഷനേതാക്കന്മാർ പനമ്പിള്ളി ഗോവിന്ദമേനോൻ, മന്നത്തു പത്മനാഭൻ, ആർ.എസ്‌പി.നേതാവ് ബേബി ജോൺ എന്നിവർക്കെതിരെയും കേസ് എടുത്തതായി ഇതേ റിപ്പോർട്ടിലുണ്ട്. സാധാരണമായ രാഷ്ട്രീയവിമർശനങ്ങളുടെ പേരിൽപോലും മന്ത്രിമാർ പത്രങ്ങൾക്കെതിരെ മാനനഷ്ടക്കേസ് ഫയൽ ചെയ്യാൻ മടിച്ചില്ല. വി.ആർ.കൃഷ്ണയ്യർ തന്നെ ഇതിന് മാതൃകയായി. എക്സ്‌പ്രസ്സിനെതിരെ ടി.വി.തോമസും കേരളഭൂഷണത്തിന് എതിരെ എം. എൻ. ഗോവിന്ദൻ നായരും മനോരമമയ്‌ക്കെതിരെ വി.ആർ.കൃഷ്ണയ്യരുമാണ് കേസ് ഫയൽ ചെയ്തിരുന്നത്. ദീപികക്കെതിരെ ക്രിമിനൽ കേസ്സാണ് എടുത്തത്. കേന്ദ്ര ഇടപെടലിനു ശേഷം കേസ്സുകളെല്ലാം പിൻവലിക്കപ്പെട്ടു.

വിമോചന സമരം തുടങ്ങിയ ശേഷം സ്ഥിതി കൂടുതൽ മോശമായി. ഭരണ-പ്രതിപക്ഷങ്ങൾത്തമ്മിൽ യുദ്ധസമാനമായ ഏറ്റുമുട്ടലാണ് നടന്നത്. മിക്കവാറും പത്രങ്ങൾ ഞാൻ ഞാൻ മുന്നിൽ എന്ന ഭാവത്തിൽ സമരക്കാർക്ക് വീര്യം പകരാൻ രംഗത്തു നിലയുറപ്പിച്ചു. 1959 ജൂൺ 12 നു നടന്ന സംസ്ഥാനവ്യാപക ഹർത്താലോടെയാണ് വിമോചനസമരം ഉദ്ഘാടനം ചെയ്യപ്പെട്ടത്. തുടർന്ന് സമരക്കാരും സമരവിരുദ്ധരും പൊലീസും എല്ലാം അക്രമാസ്‌ക്തരായി. തിരുവനന്തപുരത്തെ സമരക്കാരുടെ മീഡിയ റൂം പത്രക്കാരുടെ ഗൂഢാലോചനകൾക്കു കൂടി സാക്ഷ്യം വഹിച്ചു. ഒരു വിഭാഗം പത്രപ്രവർത്തകർ വിമോചനസമരത്തിന് അനുകൂലമായി പരസ്യമായി രംഗത്തിറങ്ങി.'.

മാതൃഭൂമിയാണ് രണ്ടാം എഡിഷൻ തുടങ്ങിയ ഇന്ത്യയിലെതന്നെ ആദ്യ പത്രം. 1962ൽ കൊച്ചിയിൽ. മനോരമ കോഴിക്കോട് എഡിഷൻ തുടങ്ങുന്നതു പിന്നീടാണ്. 1960കളുടെ മധ്യംവരെ മാതൃഭൂമിയായിരുന്നു പ്രചാരത്തിലും അഭിപ്രായരൂപീകരണശേഷിയിലും രാഷ്ട്രീയ സ്വാധീനത്തിലുമൊക്കെ മുന്നിൽ. ആകെയുണ്ടായിരുന്ന 3,41000 കോപ്പിയിൽ പകുതി മാതൃഭൂമിയായിരുന്നു. പിന്നീടാണ് മനോരമ മുന്നിലെത്തുന്നത്. 2017 ലെത്തുമ്പോൾ ഒട്ടാകെ 46 ലക്ഷം കോപ്പികളുണ്ട് (മൂന്നുപത്രങ്ങളേ ഏ ബി സി കണക്കെടുപ്പിൽ വരുന്നുള്ളു) മലയാളപത്രങ്ങൾക്ക്. ഇതിൽ പകുതിയിലധികം മനോരമയാണ്. മാതൃഭൂമിയും ദേശാഭിമാനിയും മലയാളത്തിലെ മറ്റു മുഴുവൻ പത്രങ്ങളും കൂടിചേർന്നാലും മനോരമയ്‌ക്കൊപ്പമെത്തുകയില്ല. മനോരമയും മാതൃഭൂമിയും കൂടിചേർന്നാൽ ആകെ പത്രപ്രചാരത്തിന്റെ എൺപതുശതമാനം വരും. ടെലിവിഷൻ, നവമാധ്യമകാലത്ത് ലോകമെങ്ങും പത്രങ്ങൾ തളരുമ്പോൾ ഇന്ത്യയിലും കേരളത്തിലും പത്രങ്ങൾ വളരുകതന്നെയാണ്. ടെലിവിഷൻ ജനപ്രിയമായിത്തുടങ്ങുന്ന കാലത്ത് (1992ൽ) പന്ത്രണ്ടുലക്ഷമായിരുന്ന മലയാള പത്രപ്രചാരം കാൽനൂറ്റാണ്ടുകൊണ്ട് അൻപതുലക്ഷത്തിനടുത്തെത്തിയിരിക്കുന്നു. സമാന്തരമായി ടെലിവിഷൻ ഏതാണ്ട് എൺപതുശതമാനം വീടുകളിലും എത്തി. ഇരുപത്-ഇരുപത്തഞ്ചു ശതമാനമാണ് നവ-സാമൂഹ്യ മാധ്യമങ്ങളുടെ പ്രചാരം. എഫ്.എം. റോഡിയോ സംസ്‌കാരമാണ് ഇനിയുമൊന്ന്. പത്രങ്ങൾക്കെതിരെ എന്ന് ലോകം മുഴുവൻ സാക്ഷ്യപ്പെടുത്തുന്ന ഈ മുഴുവൻ മാധ്യമങ്ങളുടെയും പ്രളയകാലത്തും ഇന്ത്യയിലും മലയാളത്തിലും പത്രങ്ങൾ ഒരത്ഭുതം പോലെ വളർന്നുകൊണ്ടിരിക്കുന്നു.

കൗതുകകരമായ ചില വസ്തുതകളുമുണ്ട് ഈ രംഗത്ത്. 2016 ജൂലൈ-ഡിസംബർ ഘട്ടത്തിൽ നിന്ന് 2017 ജനുവരി-ജൂൺ ഘട്ടത്തിലെത്തുമ്പോൾ ദേശാഭിമാനിക്ക് 1,85,640 കോപ്പികൾ കൂടി. മനോരമക്ക് 52531 കോപ്പികളും മാതൃഭൂമിക്ക് 40,485 കോപ്പികളും കുറഞ്ഞു.

ഈ വളർച്ചയുടെ നിഴലും നിലാവും വകമാറ്റി വിശദീകരിക്കുകയാണ് തുടർന്നങ്ങോട്ട് രാജേന്ദ്രൻ. എല്ലാ അർഥത്തിലുമുള്ള പ്രൊഫഷണലിസം എങ്ങനെയാണ് മലയാളപത്രങ്ങൾ നടപ്പിലാക്കിയത്? കെ.എം. മാത്യുവും മനോരമയും തുടക്കമിട്ട മാറ്റങ്ങൾ മിക്ക പത്രങ്ങളും ഏറ്റെടുത്തു. സാങ്കേതികവിപ്ലവത്തെ മലയാളപത്രങ്ങൾ സഹർഷം സ്വാഗതം ചെയ്തു.

രാഷ്ട്രീയം, ഭരണകൂടം, പത്രനയം, നിയമനടപടികൾ തുടങ്ങിയവ മുൻനിർത്തി അടിയന്തരാവസ്ഥയുൾപ്പെടെയുള്ള സന്ദർഭങ്ങളിൽ പത്രങ്ങൾ സ്വീകരിക്കുകയോ നിരാകരിക്കുകയോ ചെയ്ത നയങ്ങളും പരിപാടികളും വിശദീകരിക്കുന്നു, പിന്നീട്.

വ്യക്തികൾ, ഗണ-രൂപങ്ങൾ, പ്രവണതകൾ എന്നിവയുടെ അടിസ്ഥാനത്തിൽ മലയാള മാധ്യമങ്ങളെയും മലയാളികളായ മാധ്യമപ്രവർത്തകർ ഇതര (മുഖ്യമായും ഇംഗ്ലീഷ്) ഭാഷാമാധ്യമങ്ങളിൽ നടത്തിയ ഇടപെടലുകളെയും ഒന്നൊന്നായി വിവരിക്കുന്നു, തുടർന്നുള്ള അധ്യായങ്ങളിൽ.

സായാഹ്നപത്രങ്ങൾ, മാധ്യമരംഗത്തെ വനിതകളുടെ സാന്നിധ്യവും അസാന്നിധ്യവും, മലയാളപത്രങ്ങളിലെ കാർട്ടൂണിസ്റ്റുകൾ, മാധ്യമപ്രവർത്തകരുടെ സംഘടനകൾ, സ്ഥാപനങ്ങൾ, ഇന്ദ്രപ്രസ്ഥത്തിലെ മലയാളപത്രപ്രവർത്തകർ, സ്പോർട്സ് ജേണലിസം, ഇലക്‌ട്രോണിക്-ഓൺലൈൻ മാധ്യമങ്ങൾ, ആനുകാലികങ്ങൾ, ടെലിവിഷൻ എന്നിവയുടെ സാമാന്യമായ മലയാളചരിത്രം ഈയധ്യങ്ങൾ കോറിയിടുന്നു.

ഇംഗ്ലീഷ് പത്രങ്ങളിലൂടെ ദേശീയതലത്തിൽ വിഖ്യാതരായിത്തീർന്ന കാർട്ടൂണിസ്റ്റ് ശങ്കർ മുതൽ പോത്തൻ ജോസഫും അബുവും ബി.ജി. വർഗീസും ടി.ജെ.എസ്. ജോർജും സി.പി. രാമചന്ദ്രനും ഒ.വി. വിജയനുമുൾപ്പെടെയുള്ള, മുൻതലമുറയിലെ മലയാളി പത്രപ്രവർത്തകരെക്കൂറിച്ചാണ് ഒരധ്യായം. പോത്തൻ ജോസഫിന്റെ ഐതിഹാസികമായ ജീവിതത്തെക്കുറിച്ചൊരു ഭാഗം വായിക്കൂ:

'ചെങ്ങന്നൂരുകാരനായ സിഐ ജോസഫിന്റെ മകൻ പോത്തൻ (1892-1972) സ്വാതന്ത്ര്യത്തിനു മുമ്പും പിൻപുമായി 26 പത്രങ്ങളിൽ പ്രവർത്തിച്ചിട്ടുണ്ട് എന്നാണ് അദ്ദേഹത്തിന്റെ ജീവചരിത്രകാരനായ മറ്റൊരു മലയാളി ടി.ജെ.എസ്. ജോർജ് കണ്ടെത്തിയത്. ഒരേസമയം അത് പോത്തൻ ജോസഫിന്റെ യോഗ്യതയും അയോഗ്യതയുമാണ്. മുംബൈയിലെ ബോംബെ ക്രോണിക്ക്‌ളിൽ തുടങ്ങി സി. രാജഗോപാലാചാരിയുടെ സ്വരാജ്യയിൽ അവസാനിപ്പിക്കുന്നതിനിടയിൽ അദ്ദേഹം പ്രവർത്തിച്ച സ്ഥാപനങ്ങളുടെ പട്ടികയിൽ ഇന്ത്യൻ എക്സ്‌പ്രസ്സും ഹിന്ദുസ്ഥാൻ ടൈംസും ടൈംസ് ഓഫ് ഇന്ത്യയും നാഷനൽ ഹെറാൽഡും ഡെക്കാൻ ഹെറാൾഡും ഡോണും വോയ്‌സ് ഓഫ് ഇന്ത്യയും പെടും. ഈ പത്രങ്ങളിൽ നിന്നെല്ലാം ഇറങ്ങിപ്പോയതാണ് പോത്തൻ ജോസഫ്. മാനേജ്‌മെന്റുമായി വെറുതെ ഗുസ്തി പിടിക്കുന്ന ആളായിരുന്നില്ല അദ്ദേഹം. പക്ഷേ, പത്രം പോകുന്ന വഴി തന്റെ വഴിയല്ല എന്നു തോന്നിയാൽ പോത്തൻ കൂടുതൽ സംസാരത്തിനു നിൽക്കാതെ ഇറങ്ങും. പിന്നെ കുറെ ദിവസം വീട്ടിൽ ചുരുണ്ടുകൂടി കിടക്കും. അധികം വൈകാതെ അദ്ദേഹത്തിന് എഡിറ്റർ സ്ഥാനം ഓഫർ ചെയ്തുകൊണ്ട് അടുത്ത ആൾ വരും. അടുത്ത അധ്യായം തുടങ്ങുകയായി. അങ്ങനെയാണ് അദ്ദേഹം പ്രവർത്തിച്ച പത്രങ്ങളുടെ എണ്ണം ഒരുപക്ഷേ ലോകറെക്കോഡ് ആയ ഇരുപത്താറിൽ എത്തിയത്.

പോത്തൻ ജോസഫ് ഒരു പത്രവും തുടങ്ങിയിട്ടില്ല. മറ്റുള്ളവരുടെ പത്രങ്ങളിലേ ജോലി ചെയ്തിട്ടുള്ളൂ. പക്ഷേ, അവയിൽ പലതും പോത്തൻ ജോസഫ് തന്നെ വളമിട്ടും വെള്ളമൊഴിച്ചും വളർത്തിയതാണ്. വേറെ ചിലർ നട്ടതാണ് ചിലതെല്ലാം. ജീവൻപോകും എന്നായപ്പോൾ രക്ഷകനായി എത്തിയതാണ് പോത്തൻ. പലതിനെയും സ്വന്തം കഴിവുകൾ കൊണ്ടും ആശയങ്ങൾ കൊണ്ടും എഴുത്തുകൊണ്ടും വന്മരങ്ങളാക്കി പോത്തൻ ജോസഫ്. ഒരു ഡസനോളം പത്രങ്ങളുടെ സ്ഥാപകപത്രാധിപർ തന്നെയായിരുന്നു. പത്രം വലുതാകും വരെയേ പല ഉടമസ്ഥന്മാരും ജോസഫിനെ സഹിക്കൂ.

നാൽപ്പതുവർഷം ദിവസവും പത്രത്തിൽ കോളം എഴുതിയ ലോകത്തിലെതന്നെ ഏക പത്രാധിപരാണ് പോത്തൻ ജോസഫ് എന്നറിയുമ്പോഴാണ് ആ പ്രതിഭയുടെ ഗാംഭീര്യം വ്യക്തമാവുക. ഓവർ എ കപ്പ് ഓഫ് ടീ എന്ന കോളം. വൈസ്‌റോയി മുതൽ, മഹാത്മാഗാന്ധി വരെ ഒരുപാട് ആളുകൾ അവരുടെ ദിനചര്യ തുടങ്ങിയിരുന്നത് ആ പംക്തി വായിച്ചുകൊണ്ടാണ്.

മുഹമ്മദ് അലി ജിന്ന നടത്തിയ മുസ്ലിം ലീഗ് പത്രമായ ഡോണിന്റെയും പത്രാധിപരായിരുന്നിട്ടുണ്ട് പോത്തൻ ജോസഫ്. താൻകണ്ട ഏറ്റവും നല്ല പത്രമുടമ ജിന്നയാണെന്ന് പോത്തൻ ജോസഫ് രേഖപ്പെടുത്തിയിട്ടുണ്ട്. സ്വതന്ത്രഭാരതത്തിൽ കാൽനൂറ്റാണ്ട് പത്രപ്രവർത്തനം നടത്തിയിട്ടുണ്ട് പോത്തൻ ജോസഫ്. രാജ്യം കണ്ട ഏറ്റവും വലിയ പത്രാധിപർ പക്ഷേ, അവസാനകാലം കഴിച്ചുകൂട്ടിയത് സമുന്നത ദേശീയ നേതാവ് സി. രാജഗോപാലാചാരി നടത്തിയ സ്വരാജ് പത്രം നൽകിപ്പോന്ന പെൻഷൻ കൊണ്ടാണ് എന്നത് മറ്റൊരു ദുരന്തം'.

സാങ്കേതികത, സമ്പദ്ഘടന, ഉടമസ്ഥത, തൊഴിൽ, പത്രധർമം, പ്രൊഫഷണലിസം, സാമൂഹികത, പ്രചാരം, ജനാധിപത്യം, പത്രമാരണ നിയമങ്ങൾ.... ഐക്യകേരളത്തിലെ മലയാളമാധ്യമങ്ങളുടെ ജീവചരിത്രം ഏതാണ്ട് സമഗ്രമായിത്തന്നെ സംക്ഷേപിക്കുന്നു, രാജേന്ദ്രൻ. നിശിതമായ രാഷ്ട്രീയ വിശകലനങ്ങൾ, സൂക്ഷ്മമായ ചരിത്രബോധം, വിട്ടുവീഴ്ചയില്ലാത്ത മതേതര-പുരോഗമന നിലപാട്, പ്രൊഫഷണലിസത്തോടുള്ള കൂറ് എന്നിങ്ങനെ രാജേന്ദ്രന്റെ സമീപനങ്ങളെ പ്രസക്തമാക്കുന്ന ഘടകങ്ങൾ നിരവധിയാണ്.

കൗതുകകരങ്ങളായ എത്രയെങ്കിലും വിവരങ്ങളും വസ്തുതകളും ഈ പുസ്തകത്തിൽ മാധ്യമവിദ്യാർത്ഥികൾക്കു ലഭിക്കും. ഏതു വിഷയം ചർച്ചക്കെടുക്കുമ്പോഴും അതിന്റെ രാഷ്ട്രീയ-മാധ്യമ-സാമൂഹിക മണ്ഡലങ്ങളെ മനസ്സിലിരുത്തി വിശദീകരിക്കും, രാജേന്ദ്രൻ.

അതേസമയം, അച്ചടിമാധ്യമങ്ങളിൽ പത്രം മാത്രമാണ് പ്രചാരവളർച്ച കാണിക്കുന്നതെന്നും ആനുകാലികങ്ങളുൾപ്പെടെയുള്ള മറ്റു മുഴുവൻ അച്ചടിമാധ്യമങ്ങളും വൻ തളർച്ച നേരിടുകയാണെന്നുമുള്ള വസ്തുത; നവ, ഓൺലൈൻ, സാമൂഹ്യമാധ്യമങ്ങൾ ടെലിവിഷനെ പ്രതിസന്ധിയിലാക്കിത്തുടങ്ങിയിട്ടുണ്ടെന്ന കാര്യം; മത-വർഗീയ അജണ്ടകൾ മുഴുവൻ അച്ചടി-ദൃശ്യ-നവമാധ്യമങ്ങളിലും മേൽക്കൈ നേടിക്കഴിഞ്ഞ അവസ്ഥ; മലയാള മാധ്യമങ്ങളിലെ പ്രത്യക്ഷവും പരോക്ഷവുമായ ദലിത് ഹിംസകളുടെ ആധിക്യം; സാഹിത്യമുൾപ്പെടെയുള്ള ആധുനികതയുടെ സാംസ്‌കാരിക രൂപങ്ങൾ മാധ്യമങ്ങളിൽ നിന്നപ്രത്യക്ഷമായിക്കഴിഞ്ഞ സന്ദർഭം; മൊബൈൽഫോൺ എല്ലാ അർഥത്തിലും മലയാളിയുടെ മാധ്യമ-രാഷ്ട്രീയ-സാംസ്‌കാരിക മണ്ഡലങ്ങളെ പുനർനിർവചിച്ചുതുടങ്ങിയതിന്റെ രീതികൾ എന്നിവ കുറെക്കൂടി വസ്തുനിഷ്ഠമായപഗ്രഥിച്ചിരുന്നുവെങ്കിൽ ഐക്യകേരളത്തിന്റെ മാധ്യമപരിണാമം കൂടുതൽ ചരിത്രാത്മകമാകുമായിരുന്നു. റേഡിയോയെക്കുറിച്ച് ഒരധ്യായം നിശ്ചയമായും വേണ്ടിയിരുന്നു. ദൃശ്യ, നവമാധ്യമങ്ങളെ ഏകപക്ഷീയമായി വിമർശിക്കുന്നുവെന്നതാണ് മറ്റൊരു പ്രശ്‌നം. ടെലിവിഷനെന്നാൽ തൊണ്ണൂറുശതമാനം പ്രേക്ഷകർക്കും വിനോദചാനലുകളാണെന്നിരിക്കെ, വാർത്താചാനലുകളെക്കുറിച്ചാണ് ചർച്ച. ഈ ബഹുജനമാധ്യമപരതയെ കണ്ടില്ലെന്നു നടിച്ചിട്ടു കാര്യമില്ല. കാരണം, പത്രം വായിക്കുന്ന മലയാളിതന്നെയാണ് ടെലിവിഷനും കാണുന്നത്. വായനയുടെ ഗൗരവം കാഴ്ചയ്ക്കില്ല എന്ന യുക്തി നിലനിൽക്കുമോ?

എങ്കിലും ഐക്യകേരളമെന്ന അളവുകോൽ മുൻനിർത്തി ഇക്കഴിഞ്ഞ അറുപതാണ്ടത്തെ മലയാള മാധ്യമങ്ങളുടെ സംക്ഷിപ്തചരിത്രം വസ്തുതകളുടെ സമ്പന്നതയും നിലപാടുകളുടെ ജാഗ്രതയും വിശകലനത്തിന്റെ സൂക്ഷ്മതയും കൈവിടാതവതരിപ്പിക്കുന്നതിൽ രാജേന്ദ്രൻ വിജയിച്ചിരിക്കുന്നു.

പുസ്തകത്തിൽനിന്ന്:-

'ജനപ്രിയതയും സാഹിത്യമൂല്യവും ഒത്തുപോകില്ലെന്ന സങ്കൽപ്പം തകർത്ത പ്രസിദ്ധീകരണങ്ങൾ മലയാളത്തിലുണ്ടായി. കെ. ബാലകൃഷ്ണന്റെ കൗമുദി ഇറങ്ങുന്ന തിങ്കളാഴ്ചകളിൽ എല്ലാ തുറകളിലും പെട്ടവർ അതു വായിക്കാൻ കാത്തുനിൽക്കാറുണ്ടായിരുന്നു എന്ന് അക്കാലത്തെ ചിലർ രേഖപ്പെടുത്തിയിട്ടുണ്ട്. ദിനപത്രത്തിൽനിന്നു വ്യത്യസ്തമായി പത്രാധിപരുടെ വ്യക്തിത്വവും സാന്നിധ്യവും പ്രകടമാകുന്നത് ആനുകാലികങ്ങളിലാണല്ലോ. ഓരോ പേജിലും കെ. ബാലകൃഷ്ണൻ എന്ന പത്രാധിപർ നിറഞ്ഞുനിന്ന വാരിക ആയിരുന്നു കൗമുദി. പുതുമയെ ഇത്ര ആവേശത്തോടെ പുൽകിയ മറ്റൊരു പത്രാധിപരെ കാണില്ല. ഇടതുപക്ഷാശയങ്ങൾ പുലർത്തുമ്പോഴും മാർക്‌സിസത്തെയും കമ്യൂണിസ്റ്റുകാരെയും കുത്തുന്ന ലേഖനങ്ങൾ കൗമുദിയിൽ നിരന്തരം പ്രത്യക്ഷപ്പെടാറുണ്ട്, അവ വിവാദമാകാറുമുണ്ട്. ഒരൊറ്റ വിവാദലേഖനത്തെ ചോദ്യം ചെയ്യുന്നതും വിശദീകരിക്കുന്നതും മറുപടി പറയുന്നതുമായ ലേഖനങ്ങൾ എട്ടും പത്തും ലക്കങ്ങളിൽ പരന്നുകിടന്ന അനേകം അനുഭവങ്ങളുണ്ട്.

കൗമുദിയുടെ പുറങ്ങൾ എപ്പോഴും പുതുമഖങ്ങൾക്ക് തുറന്നിട്ടിരുന്നു. പ്രശസ്തരെയും പ്രമുഖരെയും ആക്രമിക്കുന്ന, പുതുമുഖങ്ങളുടെ ലേഖനങ്ങൾ പ്രസിദ്ധീകരിക്കാൻ ബാലകൃഷ്ണൻ മടിച്ചില്ല. ചങ്ങമ്പുഴയിൽ നിന്ന് ഒരിഞ്ചു മുന്നോട്ടുപോകാൻ ഇന്നത്തെ കവികൾക്ക് കഴിഞ്ഞിട്ടില്ലെന്നും വയലാർ, ഒ.എൻ.വി, പി. ഭാസ്‌കരൻ എന്നിവരുടെ സൃഷ്ടികൾ ചങ്ങമ്പുഴയുടെ മാറ്റൊലിക്കവിതകൾ മാത്രമാണെന്നും വിളിച്ചുപറയുന്ന എം. കൃഷ്ണൻനായരുടെ 1955-ലെ ലേഖനം ചില്ലറ വിവാദമൊന്നുമല്ല സൃഷ്ടിച്ചത്. എം. കൃഷ്ണൻനായർ അവിടെയും നിർത്തിയില്ല. എൻ. വി. കൃഷ്ണവാര്യരുടെ കവിതകൾക്കു നേരെയായി അടുത്ത ആക്രമണം. എൻ.വി. മാതൃഭൂമി ആഴ്ചപ്പതിപ്പിന്റെ ചുമതല വഹിക്കുന്ന കാലമാണ്.

ഏതു വലിയ പണ്ഡിതന് എതിരെയും തന്റെ ഏതു അടുത്ത സുഹൃത്തിനെതിരെയും എത്ര കടുത്ത വിമർശനവും തന്റെ വാരികയിൽ പ്രസിദ്ധപ്പെടുത്താൻ മടിക്കില്ലെന്നു പലവട്ടം തെളിയിച്ചു പത്രാധിപർ ബാലകൃഷ്ണൻ. ഇങ്ങനെ ആക്രമിക്കപ്പെട്ടവരിൽ വൈക്കം മുഹമ്മദ് ബഷീർ, ജോസഫ് മുണ്ടശ്ശേരി, ജി. ശങ്കരക്കുറുപ്പ് തുടങ്ങിയവരും പെടും. വ്യക്തികളെയല്ല, സൃഷ്ടികളെയാണ് വിമർശകർ പരിശോധിച്ചിരുന്നത് എന്നേയുള്ളൂ.

ബാലകൃഷ്ണനിൽ ആർക്കും ദുരുദ്ദേശം ആരോപിക്കാൻ പറ്റുമായിരുന്നില്ല. കൗമുദിയിൽ എഴുതിയിട്ടില്ലാത്ത നല്ല ഒരു എഴുത്തുകാരനും ഇല്ലെന്നുതന്നെ പറയാം. പുതുമയും പ്രയോജനവും കൗതുകവും ഉള്ള പലതരം പുതിയ പംക്തികൾ കണ്ടെത്താനും അദ്ദേഹത്തിനു കഴിഞ്ഞിരുന്നു. നല്ല മാറ്റർ കിട്ടാൻ എന്ത് സാഹസത്തിനു മുതിരാനും മടിയില്ലാതിരുന്ന പത്രാധിപരായിരുന്നു ബാലകൃഷ്ണൻ. ഓണപ്പതിപ്പിന് മാറ്റർ ചോദിക്കാൻ പര്യടനം നടത്തുന്നതിന് ഇടയിൽ ബഷീറിന്റെ താമസസ്ഥലത്തെത്തി. സംസാരിക്കുന്നതിനിടയിൽ മേശപ്പുറത്തു കണ്ട ഒരു തിരക്കഥ ബാലകൃഷ്ണൻ മെല്ലെ പൊക്കി. തിരിച്ച് ഓഫീസിലെത്തിയപ്പോൾ ആദ്യം ചെയ്തത് ബഷീറിന്റെ ഭാർഗവീനിലയം തിരക്കഥ കൗമുദി പ്രസിദ്ധീകരിക്കാൻ പോകുന്നു എന്നു പരസ്യപ്പെടുത്തലായിരുന്നു. ഡയറക്റ്ററോട് ഉത്തരം പറയാൻ വയ്യാതെ ബഷീർ കുഴഞ്ഞു. ബാലകൃഷ്ണനോടുള്ള രോഷം തിളയ്ക്കുകയും ചെയ്തു. ബാലകൃഷ്ണൻ ആവട്ടെ ബഷീറിന്റെ വായിൽനിന്നു പൊട്ടിപ്പുറപ്പെട്ട ആക്ഷേപങ്ങളും തെറികളുമെല്ലാം കേട്ട് മിണ്ടാതിരിക്കുകയായിരുന്നു. ഒടുവിൽ ഒത്തുതീർപ്പുണ്ടായി. മറ്റൊരു കഥ തന്നാൽ ഭാർഗവീനിലയം പിൻവലിക്കാം. അങ്ങനെ ബഷീർ കുത്തിയിരുന്ന് എഴുതിക്കൊടുത്തതാണ് മതിലുകൾ. ഇവർ തമ്മിലുള്ള ഉറ്റ സൗഹൃദമായിരിക്കാം ഇത്രയും സ്വാതന്ത്ര്യമെടുക്കാൻ കാരണം. ബാലകൃഷ്ണന്റെ ഇത്തരം സാഹസികതകളുടെയും കടുംകൈകളുടെയും എഴുത്തുകാർക്ക് ഇഷ്ടംപോലെ പണം നൽകുന്ന ഉദാരതയുടെയും അനുഭവങ്ങൾ വിവരിക്കുന്ന ഒരു കഥയെങ്കിലും പറയാത്ത ഒരെഴുത്തുകാരനും ഉണ്ടായിരുന്നില്ല.

1950 മാർച്ചിൽ ആരംഭിച്ച കൗമുദി അറുപതുകളുടെ മധ്യത്തോടെ നിലച്ചു. 1962 മധ്യത്തിൽ വീണ്ടും പ്രത്യക്ഷപ്പെട്ടു. ഒട്ടേറെ പുതിയ ശ്രേണികൾ വെട്ടിത്തുറന്നുകൊണ്ടുള്ള കൗമുദിയുടെ സംഭവബഹുലമായ രണ്ടാം ഘട്ടം 1970 മധ്യത്തോടെ കത്തിത്തീരുകയാണ് ഉണ്ടായത്'.

മലയാള മാധ്യമം: അകവും പുറവും
എൻപി. രാജേന്ദ്രൻ
കേരളഭാഷാ ഇൻസ്റ്റിറ്റ്യൂട്ട്
2017, വില: 80 രൂപ 

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
'പ്രളയമുണ്ടായ സംസ്ഥാനങ്ങൾക്ക് ദേശീയ ദുരന്ത നിവാരണ നിധിയിൽ നിന്നും 4433 കോടി രൂപ ആഭ്യന്തര മന്ത്രാലയം അനുവദിച്ചു; കേരളത്തിന്റെ വിഹിതം പൂജ്യം! സൈബർ അണികളെ ആവേശം കൊള്ളിക്കാൻ തോമസ് ഐസക്ക് ട്വീറ്റ് ചെയ്തത് തെറ്റായ വിവരം; ഓട് മന്ത്രീ കണ്ടം വഴി എന്നു പറഞ്ഞ് പ്രതിഷേധവുമായി സോഷ്യൽ മീഡിയ; ഒടുവിൽ അമളി പറ്റിയത് മനസ്സിലാക്കി ട്വീറ്റ് മുക്കി സംസ്ഥാന ധനമന്ത്രി
മഞ്ജു വാര്യരെ രക്ഷിച്ചതാര്? കേന്ദ്രമന്ത്രി വി മുരളീധരനോ? കേരളത്തിന്റെ ഡൽഹി മന്ത്രി സമ്പത്തോ? അതോ മുൻ ഭർത്താവ് ദിലീപോ? ഹിമാചലിൽ കുടുങ്ങിയ നടി സുരക്ഷിതയാണെന്ന വാർത്ത പുറത്തുവരുമ്പോൾ ചർച്ചയാകുന്നത് മൂന്ന് അവകാശവാദങ്ങൾ; കേന്ദ്രസർക്കാർ ഇടപെടലുകളുടെ ക്രെഡിറ്റെടുക്കാൻ വേണ്ടി എ സമ്പത്ത് മുരളീധരനും തമ്മിലടിക്കുന്നത് പതിവുകാഴ്‌ച്ച; ബിജെപി കണ്ണുവെക്കുന്ന കേരളത്തിൽ മുരളീധരന്റെ ഇമേജ് ഉയരാതിരിക്കാൻ ആസൂത്രിത പ്രചരണവുമായി സിപിഎമ്മും
ബിസിനസിൽ തൊട്ടതെല്ലാം പൊന്നാക്കുന്ന പിതാവിന്റെ മകൾ; 2010ൽ ടെബ്ലേസുമായി ബിസിനസ് ലോകത്തേക്ക് കടന്നുവന്നതിന് ശേഷമുണ്ടായത് വെച്ചടി വെച്ചടി കയറ്റങ്ങൾ; ഇന്ത്യയിലും യു.എ.ഇ.യിലുമായി അന്താരാഷ്ട്ര പ്രശസ്തമായ ഭക്ഷ്യവിഭവങ്ങളുടെ റെസ്റ്റോറന്റ് ശൃംഖല പടർന്നു പന്തലിച്ചു; ഇപ്പോൾ ഫോബ്‌സ് പട്ടികയിൽ ഇടംപിടിച്ച ഏക ഇന്ത്യൻ വനിതയുമായി; ഷഫീനാ യൂസഫലിയുടെ വിജയകഥ ഇങ്ങനെ
മാധ്യമ പ്രവർത്തകർ സന്ദർശിക്കാൻ എത്തിയതിന്റെ ദൃശ്യങ്ങൾ എഡിറ്റ് ചെയ്തു കന്യാസ്ത്രീയെ കാണാൻ രാത്രിയിൽ പുരുഷന്മാർ മുറിയിലെന്ന് പറഞ്ഞു യുട്യൂബിൽ വീഡിയോ അപ് ലോഡ് ചെയ്തു; മാനന്തവാടി രൂപതാ പിആർഒ ഫാദർ. നോബിൾ പാറയ്ക്കൽ അടക്കം ആറു പേർക്കെതിരെ കേസെടുത്ത് പൊലീസ്; ഫ്രാങ്കോ മുളക്കനെയും റോബിൻ വടക്കഞ്ചേരിയെയും വരെ ന്യായീകരിച്ചു വൈദികർക്ക് മുഴുവൻ അപമാനമായി മാറിയ വൈദികൻ അകത്തായേക്കും; സഭയെ നാണം കെടുത്തുന്ന ഇത്തരക്കാരെ അറസ്റ്റു ചെയ്യണമെന്ന് വിശ്വാസികൾ
2000ൽ നാവായിക്കുളത്ത് നിക്കാഹ്; രണ്ടാം ഗർഭം അലസിപ്പിച്ചത് തന്നിഷ്ട പ്രകാരം; പുരുഷ സുഹൃത്തുക്കളുമായുള്ള ഭാര്യയുടെ സൗഹൃദം ബഹറിനിലെ ബിസിനസിനെ തകർത്തു; യുഎഇയിൽ നിഷേധിച്ചത് ഭർത്താവിന്റെ അവകാശങ്ങൾ; തിരുവനന്തപുരത്ത് നിശാ ക്ലബ്ബുകളിൽ ഉല്ലസിപ്പിച്ചപ്പോൾ തകർന്നത് തന്റെ ജീവിതം; ശ്രീറാമുമായുള്ള അപകടത്തെ കുറിച്ച് ചോദിച്ചപ്പോൾ കിട്ടിയത് അസഭ്യം; വഫായ്‌ക്കെതിരെ വിവാഹ മോചന ഹർജിയിൽ ഭർത്താവ് ഉന്നയിക്കുന്നത് ഗുരുതര ആരോപണങ്ങൾ; ഏഷ്യാനെറ്റ് ന്യൂസിലെ അഭിമുഖ വാദമെല്ലാം പൊളിയുമ്പോൾ
കാരക്കാമല മഠത്തിലെ പല വാതിലുകളിലൂടെ എത്ര വികാരിയച്ചന്മാർ കയറി ഇറങ്ങിയിട്ടുണ്ട്? കന്യാസ്ത്രീകളുടെ സുരക്ഷിതത്വം തകർത്ത് കയറുന്നവരെ എത്ര തവണ നാട്ടുകാർ അടിച്ചിറക്കി എന്ന് ഓർമ്മയുണ്ടോ? അവരുടെയൊക്കെ ലിസ്റ്റ് വേണോ നോബിളേ താങ്കൾക്ക്; സിസിടിവി ദൃശ്യങ്ങൾ എഡിറ്റ് ചെയ്ത പിആർഒ നോബിൾ പാറയ്ക്കലിനെ കണ്ടം വഴി ഓടിച്ച് ലൂസി കളപ്പുരയുടെ മറുപടി; നോബിളിനെ എത്രയും വേഗം പുറത്താക്കണമെന്ന് വിശ്വാസികളുടെ പരാതിയും
സ്‌പെയിനിൽ കോടികളുടെ ടെന്നീസ് ക്ലബ്ബ്; ബ്രിട്ടനിൽ കോട്ടേജുകൾ; സ്വദേശത്തും വിദേശത്തുമായി 54 കോടിയിലേറെ വിലമതിക്കുന്ന സ്വത്തുക്കൾ; ബാഴ്‌സലോണയിലെ ഭൂമിക്കും ടെന്നീസ് ക്ലബ്ബിനും മാത്രം 15 കോടി വില; എല്ലാം ചിദംബരം വാങ്ങിക്കൂട്ടിയത് ഐഎൻഎക്‌സ് മീഡിയ ഇടപാടിൽ മകൻ കാർത്തി അടിച്ചെടുത്ത കോഴപ്പണം കൊണ്ട്; അച്ഛന് കുരുക്കുമുറുക്കുന്നതിനിടെ മകനെ ബന്ധപ്പെടുത്തി എൻഫോഴ്‌സ്‌മെന്റ് ഡയറക്ടറേറ്റിന്റെ വെളിപ്പെടുത്തലുകൾ; ഐഎൻഎക്സ് മീഡിയ അഴിമതിക്കേസ് അച്ഛനെയും മകനെയും കുരുക്കിയത് ഇങ്ങനെ
പരസ്യങ്ങൾ വിശ്വസിച്ച് ന്യൂക്ലിയസ് പ്രീമിയം പ്രോപ്പർട്ടീസിന്റെ റിവ വില്ലാ പ്രോജക്ടിൽ സമ്പാദ്യം മുഴുവൻ വിറ്റുപെറുക്കി നൽകിയത് 98 ലക്ഷം രൂപ; 2015 ഒക്ടോബറിൽ വില്ല പൂർത്തിയാകേണ്ട വില്ല കാലാവധി കഴിഞ്ഞു അഞ്ച് വർഷം കഴിഞ്ഞിട്ടും പൂർത്തിയാക്കി നൽകിയില്ല; പ്രവാസി വ്യവസായിക്ക് ഏപ്രിൽ 30നകം വില്ല കൈമാറണമെന്ന് ദേശീയ ഉപഭോക്തൃതർക്ക പരിഹാര കോടതിയുടെ ഉത്തരവും; വിധിക്കും പുല്ലുവില കൽപ്പിച്ച് അഞ്ച് മാസം കഴിഞ്ഞിട്ടും വില്ല പൂർത്തിയാക്കാതെ ഒളിച്ചുകളിയുമായി ന്യൂക്ലിയസ് പ്രോപ്പർട്ടീസ്
2000ൽ നാവായിക്കുളത്ത് നിക്കാഹ്; രണ്ടാം ഗർഭം അലസിപ്പിച്ചത് തന്നിഷ്ട പ്രകാരം; പുരുഷ സുഹൃത്തുക്കളുമായുള്ള ഭാര്യയുടെ സൗഹൃദം ബഹറിനിലെ ബിസിനസിനെ തകർത്തു; യുഎഇയിൽ നിഷേധിച്ചത് ഭർത്താവിന്റെ അവകാശങ്ങൾ; തിരുവനന്തപുരത്ത് നിശാ ക്ലബ്ബുകളിൽ ഉല്ലസിപ്പിച്ചപ്പോൾ തകർന്നത് തന്റെ ജീവിതം; ശ്രീറാമുമായുള്ള അപകടത്തെ കുറിച്ച് ചോദിച്ചപ്പോൾ കിട്ടിയത് അസഭ്യം; വഫായ്‌ക്കെതിരെ വിവാഹ മോചന ഹർജിയിൽ ഭർത്താവ് ഉന്നയിക്കുന്നത് ഗുരുതര ആരോപണങ്ങൾ; ഏഷ്യാനെറ്റ് ന്യൂസിലെ അഭിമുഖ വാദമെല്ലാം പൊളിയുമ്പോൾ
ബഹറിനിലെ അഴിക്കുള്ളിൽ ഒന്നര മാസം കിടന്നത് ഗോകുലം ഗോപാലന്റെ മൂത്ത മകൻ; ബൈജു ഗോപാലൻ ജയിൽ മോചിതനായെന്നും സൂചന; ബിസിനസ് ഡീലിലെ ചതിക്കുഴികളാണ് പ്രശ്‌നങ്ങൾക്ക് കാരണമെന്നും വിശദീകരണം; പ്രശ്‌നം മുഴുവൻ പരിഹരിച്ചെന്നും റിപ്പോർട്ട്; ചിട്ടി കമ്പനിയും മെഡിക്കൽ കോളേജും സിനിമ നിർമ്മാണവും വാട്ടർ കമ്പനിയും നക്ഷത്ര ഹോട്ടലുകളുമുള്ള വമ്പൻ വ്യവസായിയുടെ മകന്റെ അറസ്റ്റ് കേട്ട് ഞെട്ടി മലയാളികൾ; ഫ്‌ളവേഴ്‌സ് ചാനൽ ഉടമയുടെ കുടുംബാംഗത്തിന്റെ ജയിൽ വാസത്തിൽ ദുരൂഹത തുടരുന്നു
ഇസ്ലാമികമല്ലാത്ത ജീവിതരീതി; പരപുരുഷ ബന്ധം; അനുമതിയില്ലാതെ വിദേശയാത്രകൾ; തന്റെ ചെലവിൽ വാങ്ങിയ കാർ സ്വന്തം പേരിൽ രജിസ്റ്റർ ചെയ്ത് ഇഷ്ടാനുസരണം രഹസ്യയാത്രകൾ; വഴിവിട്ട ജീവിതം ചോദ്യം ചെയ്തപ്പോൾ പറഞ്ഞത് തന്റെ കാര്യങ്ങളിൽ ഇടപെട്ടാൽ പാഠം പഠിപ്പിക്കുമെന്ന്; വഫയ്ക്ക് കേരളത്തിലുള്ളത് ഉന്നത ബന്ധങ്ങളെന്നും വിവാഹമോചന ഹർജിയിൽ ആരോപണം; ഫിറോസ് വിവാഹ മോചനത്തിന്; ശ്രീറാമിനൊപ്പം സഞ്ചരിച്ച വഫ ഏഷ്യാനെറ്റ് ന്യൂസിനോട് പറഞ്ഞതെല്ലാം പച്ചക്കള്ളം
സ്‌കൂളിൽ തല കറങ്ങി വീണ പന്ത്രണ്ടുകാരി; അദ്ധ്യാപകർ ആശുപത്രിയിൽ എത്തിയപ്പോൾ അറിഞ്ഞത് ഗർഭിണിയെന്ന വിവരം; അബോർഷൻ നടന്നപ്പോൾ ചൈൽഡ് ലൈനുകാരും ഓടിയെത്തി; പുറത്തു വന്നത് പതിനൊന്നുകാരന്റെ പീഡന കഥ; ബന്ധുവായ ബാലനെതിരെ ബലാത്സംഗം കുറ്റം ചുമത്തി പോക്‌സോ കേസെടുത്ത് പൊലീസ്; പീഡനം നടന്നത് രണ്ട് കുട്ടികളും ഒരു വീട്ടിൽ താമസിക്കുമ്പോൾ; പീഡനം തെളിയിക്കാൻ ഇനി ഡിഎൻഎ ടെസ്റ്റ്; കേരളം ചർച്ച ചെയ്യുന്ന വിചിത്ര പീഡനക്കേസ് ഇങ്ങനെ
നിന്റെ തന്ത കറിയ തന്നെയാണെങ്കിൽ കിട്ടിയ അടിയുടെയും ഇടിയുടെയും നിലവിളിയുടെയും വീഡിയോ പുറത്തുവിടെടാ...ഊളെ എന്ന തെറ്റിദ്ധരിപ്പിക്കൽ പോസ്റ്റുമായി പ്രീജിത്ത് രാജ്; രഹസ്യ ക്യാമറ വെച്ചെന്ന് പരസ്യമായി വിളിച്ചു പറയുന്ന 'സ്‌കങ്കറിയ' പേടിയുടെ അവസ്ഥാന്തരമെന്ന് ദീപാ നിശാന്ത്; നാണമില്ലാത്തവന്റെ ആസനത്തിൽ ആൽ മുളച്ചാൽ അതുമൊരു തണൽ എന്ന് സുനിതാ ദേവദാസിന്റെ ഉപദേശവും: വിനു ജോണിനെ കടന്നാക്രമിക്കുന്നവർ മറുനാടനേയും വെറുതെ വിടുന്നില്ല; വ്യാജ ആരോപണവുമായി വീണ്ടും സൈബർ സഖാക്കൾ
ശ്രീറാമിനെ വഫ വണ്ടിയിൽ കയറ്റിയ കവടിയാർ കൊട്ടാരത്തിനു സമീപത്ത് അവിടെ നടന്നതിനെല്ലാം സാക്ഷിയായി ബഷീറും ഉണ്ടായിരുന്നിരിക്കാം; ആ ഫോൺ കണ്ടെടുക്കാൻ സാധിച്ചാൽ കേസിന്റെ കഥ മാറും; പൊലീസുകാരൻ രാത്രി 1.56ന് ഫോണിലേക്ക് വിളിച്ചിരുന്നു; മറുതലയ്ക്കൽ ആരോ ഫോൺ എടുക്കുകയും കട്ട് ചെയ്യുകയും ചെയ്തു; അതിനു ശേഷം ആ ഫോൺ ഓൺ ആയിട്ടില്ല: മ്യൂസിയത്തിലെ അപകടത്തിലെ ദുരൂഹത ചർച്ചയാക്കി സോഷ്യൽ മീഡിയ: അന്വേഷണത്തിൽ നിറയുന്നത് കള്ളക്കളികൾ തന്നെ
അടിയന്തര ബ്രേക്കിങ്! അയൽവാസിയെ കേറിപ്പിടിച്ചതിന് വിനു വി ജോൺ എന്നയാളെ നാട്ടുകാർ എടുത്തിട്ട് പെരുമാറി: ചാനൽ അവതാരകനെതിരെ വ്യാജ വിവരം പോസ്റ്റ് ചെയ്തത് ഡിവൈഎഫ്‌ഐയുടെ താനൂർ മേഖലാ സെക്രട്ടറി; അപമാനിക്കൽ പോസ്റ്റിനെതിരെ ഡിജിപിക്ക് പരാതി നൽകാൻ ഏഷ്യാനെറ്റ് ന്യൂസ് മാധ്യമ പ്രവർത്തകൻ; സഖാക്കളുടെ സൈബർ ഗുണ്ടായിസത്തിന്റെ വികൃത മുഖം കണ്ട് ഞെട്ടി സോഷ്യൽ മീഡിയ; കേസും അറസ്റ്റും ഒഴിവാക്കാൻ ന്യായീകരണത്തിന്റെ പുതു തന്ത്രവുമായി ഷിഹാബ് അമനും
ദുരിതാശ്വാസനിധിയിൽ വേഗം പണമെത്തി, എന്നാൽ പണം വേഗത്തിൽ അർഹതപ്പെട്ടവരിലേക്ക് എത്തിയില്ല; നമുക്കൊരു മുഖ്യമന്ത്രിയുണ്ട്, മന്ത്രിമാരുണ്ട്, എംപിമാരുണ്ട്, എംഎൽഎമാരുണ്ട്.. ഒരു സംവിധാനം മുഴുവൻ ഉണ്ട്; എന്നിട്ടും ജനങ്ങളിലേക്ക് എന്തുകൊണ്ട് സഹായം എത്തുന്നില്ല? സർക്കാറിനെ വിമർശിച്ച ധർമ്മജൻ ബൊൾഗാട്ടിയെ പച്ചത്തെറി വിളിച്ച് സിപിഎം സൈബർ പോരാളികൾ; നിന്നെ എടുത്തോളാം.. എന്നു ഭീഷണിപ്പെടുത്തി തെറിവിളികൾ
ആറാം വയസുമുതൽ അച്ഛന്റെ കാമാർത്തി തീർക്കാൻ വിധിക്കപ്പെട്ട പെൺകുട്ടി എല്ലാം സഹിച്ചത് നീണ്ട 15 വർഷം; ഗർഭനിരോധന ഉറകളും ഗുളികയും നൽകി സ്വന്തം മകളെ ബലാത്സംഗം ചെയ്യാൻ ഒന്നര പതിറ്റാണ്ടുകാലം കൂട്ടുനിന്നത് പെറ്റമ്മ തന്നെ; എല്ലാം തുറന്ന് പറഞ്ഞ് 22കാരി പരാതി നൽകിയത് അനുജത്തിയെയും അച്ഛനും അമ്മയും കണ്ണുവെച്ചതോടെ
വിവാഹം കഴിഞ്ഞ അബുദാബിക്കാരി! ആഗ്രഹിച്ചത് കേരളത്തിലെ ഉന്നതരുടെ അടുത്ത സുഹൃത്താകാൻ; മോഡലായി തിളങ്ങിയതും സ്വപ്‌ന സമാനമായ സൗഹൃദങ്ങളുടെ കാവൽക്കാരിയാകാൻ; ശ്രീറാം വെങ്കിട്ടരാമനൊപ്പം ഉണ്ടായിരുന്നത് മലയാളിയായ പ്രവാസി യുവതി തന്നെ; ആഘോഷിച്ചത് കൂട്ടുകാരന്റെ പഠനം കഴിഞ്ഞുള്ള മടങ്ങി വരവും; നിവർത്തിയില്ലാതെ ഐഎഎസ് സുഹൃത്തിനെ തള്ളി പറഞ്ഞ് ഒടുവിൽ മലക്കം മറിച്ചിൽ; മ്യൂസിയത്തെ അപകടത്തിൽ വിവാദത്തിലാകുന്നത് വാഫാ ഫിറോസ് എന്ന പട്ടം മരപ്പാലത്തുകാരി
ശബരിമല ഓപ്പറേഷന് ചുക്കാൻ പിടിച്ച എസ്‌പി ഹരിശങ്കർ ഐപിഎസിന്റെ അമ്മായിഅപ്പൻ; ഇടതുപക്ഷത്തോട് അടുപ്പമുള്ള പഴയ എസ് എൻ ഡി പി നേതാവ്; മേൽപ്പാലത്തിൽ ക്രമക്കേട് കണ്ടെത്തിയ അസിസ്റ്റന്റ് ഏക്‌സിക്യുട്ടീവ് എൻജിനിയർ ചർച്ചയാക്കിയത് എം സി റോഡിൽ കോട്ടയം സംക്രാന്തിയിലെ പാലം കുളമാക്കിയ കോൺട്രാക്ടറുടെ മറ്റൊരു കള്ളക്കളി; ശ്രീധന്യയും കളിമാനൂർ ചന്ദ്രബാബുവും സുധാകര മന്ത്രിക്ക് വേണ്ടപ്പെട്ടവർ; വൈറ്റിലയിൽ സത്യം മറയ്ക്കാൻ ശ്രമിക്കുന്നത് സിപിഎം ബന്ധമുള്ള അതിവിശ്വസ്തനെ രക്ഷിച്ചെടുക്കാൻ തന്നെ
ചതിച്ചതാണ്.. എന്നെ ചതിച്ചതാണ്; ചാനൽ പരിപാടിക്കിടെ കുടിവെള്ളം എന്നപേരിൽ എല്ലാവർക്കും കൊടുക്കുന്ന ഗ്ലാസിന് പകരം എനിക്ക് വേറൊരു ഗ്ലാസിൽ എന്തോ തന്നു; പിന്നീട് ഞാൻ പറഞ്ഞതൊന്നും സ്വബോധത്തോടെയല്ല; പരിപാടി കഴിഞ്ഞ് അരമണിക്കൂർ കഴിഞ്ഞിട്ടും തലയുടെ മത്ത് മാറിയിട്ടില്ല; ഈ ചാനൽ പരിപാടിയിൽ ഞാൻ പറഞ്ഞതൊക്കെ ഈ രീതിയിലെ കാണാവൂ എന്ന് മോഹനൻ വൈദ്യർ; ട്വന്റിഫോർ ന്യൂസിലെ ജനകീയകോടതി പരിപാടിയിൽ ഉത്തരം മുട്ടിയപ്പോൾ പുതിയ അടവുമായി വിവാദ ചികിൽസകൻ
അടിച്ചു പൂസായി കാൽ നിലത്തുറയ്ക്കാത്ത നിലയിൽ കാറിൽ നിന്ന് ഇറങ്ങിയത് മൂന്നാറിനെ വിറപ്പിച്ച ഐഎഎസുകാരൻ; ഒപ്പം ഉണ്ടായിരുന്നത് പെൺ സുഹൃത്തും; വണ്ടിയോടിച്ചത് താനല്ല കൂട്ടുകാരിയാണെന്ന് പറഞ്ഞിട്ടും സ്ത്രീയുടെ മെഡിക്കൽ എടുക്കാൻ പോലും മടിച്ച് പൊലീസ്; ശ്രീറാം വെങ്കിട്ടരാമന്റെ കാറിടിച്ചു കൊന്നത് തലസ്ഥാനത്തെ സൗമ്യനായ പത്രക്കാരനെ; സിറാജിലെ ബഷീറിന്റെ ജീവനെടുത്തത് അമിത വേഗതയിലെ അലക്ഷ്യമായ ഡ്രൈവിങ്; മ്യൂസിയത്തെ ആക്‌സിഡന്റിൽ ഇനി നിർണ്ണായകം സിസിടിവി
റിട്ട.ഐഎഎസ് ഉദ്യോഗസ്ഥന്റെ കൈയിലെ രേഖ പുറത്ത്; ഓർത്തഡോക്‌സ്-യാക്കോബായ സഭാതർക്കത്തിൽ വൻവഴിത്തിരിവ്; 1934ലെ ഭരണഘടനയുടെ കയ്യെഴുത്ത് പ്രതി കോടതിയിലും മന്ത്രിസഭാ ഉപസമിതിയിലും സമർപ്പിച്ച് യാക്കോബായ സഭ; അവകാശവാദം ഭരണഘടനയുടെ യഥാർഥ കോപ്പിയെന്ന്; ഭരണഘടന അന്ത്യോഖ്യാ പാത്രിയർക്കീസിന്റെ യഥാർത്ഥ അധികാരങ്ങൾ വിശദീകരിക്കുന്നതെന്ന് യാക്കോബായ സഭ; ഓർത്തഡോക്‌സ് സഭ അസൽ ഹാജരാക്കാതെ ഏകപക്ഷീയമായി ഭരണഘടന ഭേദഗതി ചെയ്‌തെന്ന വാദത്തിന് ഇനി ചൂടുകൂടും
ശ്രീറാം വെങ്കിട്ടരാമന്റെ അപകടത്തിൽ ഹണി ട്രാപ്പ് മണക്കുന്നു; വഫയുടെ ഉന്നത ബന്ധങ്ങളും മുഖ്യമന്ത്രിയുടെ നിലപാടും വ്യക്തമാക്കുന്നത് ചതിക്കപ്പെട്ടുവെന്ന് തന്നെ; വാഹനം ഓടിച്ചത് ശ്രീറാം തന്നെയോ എന്ന വിഷയം വീണ്ടും ചർച്ചയാകുന്നു; ശ്രീറാമിന്റെ പാർട്ടിയിൽ വഫയും ഉണ്ടായിരുന്നുവെന്ന് സംശയിച്ച് പൊലീസ്; മെറിൻ ജോസഫിന്റെ ദുരൂഹമായ ഇടപെടലും ചർച്ചയാകുന്നു; മാധ്യമ പ്രവർത്തകൻ ബഷീറിന്റെ അപകട മരണത്തിന് പിന്നിലെ യഥാർത്ഥ കാരണം അജ്ഞാതമോ?
കവടിയാറിൽ ശ്രീറാമും വഫയും നിൽക്കുന്നത് കണ്ട് ബഷീർ ഫോട്ടോ എടുത്തു? വൈരാഗ്യം തീർക്കാൻ പിന്തുടർന്ന് കാറിടിച്ചു കൊലപ്പെടുത്തിയതോ? മരിച്ച മാധ്യമ പ്രവർത്തകന്റെ മൊബൈൽ അപ്രത്യക്ഷമായതും ദുരൂഹം; ഒന്നര കിലോമീറ്റർ ദൂരത്തെ ക്യാമറകളെല്ലാം ഒരേസമയം കണ്ണടച്ചതും സംശയകരം; ശ്രീറാമിനെ കുടിപ്പിച്ച് ബോധം കെടുത്തിയത് ജില്ലാ കളക്ടറോ? മദ്യപരിശോധന താമസിപ്പിച്ചതും ജില്ലാ മജിസ്‌ട്രേട്ടെന്ന് ആരോപണം; മെറിൻ ജോസഫിന് പിന്നാലെ ഗോപാലകൃഷ്ണൻ ഐഎഎസും സംശയ നിഴലിൽ; പകച്ച് പൊലീസും
കെട്ടിടത്തിനകത്ത് എന്തായിരുന്നു പണി? മഴയും തണുപ്പും ആസ്വദിക്കാനെത്തിയതാണോ? ഞങ്ങളോടും സഹകരിച്ചിട്ട് പോയാൽ മതി; കയർത്തതോടെ കൈയേറ്റം; സിഫ്റ്റ് കാറിൽ നേതാക്കളെത്തിയത് കോളേജ് കെട്ടിടത്തിന് പുറത്തെ ഒഴിഞ്ഞ കോണിൽ മദ്യപിച്ച് ആർത്തുലസിക്കാൻ; മഴപ്പേടിയിൽ ഫയലുകൾ ഭദ്രമാക്കാൻ ഭർത്താവിനൊപ്പം എത്തിയ ജീവനക്കാരിക്ക് നേരെ സഖാക്കൾ നടത്തിയത് സദാചാരത്തിന്റെ വികൃത മുഖം; പൊലീസ് ശ്രമം സിപിഎമ്മുകാരെ രക്ഷിക്കാനും; പരുമലയിൽ ഹരികുമാറും അനൂപും വില്ലന്മാരാകുമ്പോൾ
2000ൽ നാവായിക്കുളത്ത് നിക്കാഹ്; രണ്ടാം ഗർഭം അലസിപ്പിച്ചത് തന്നിഷ്ട പ്രകാരം; പുരുഷ സുഹൃത്തുക്കളുമായുള്ള ഭാര്യയുടെ സൗഹൃദം ബഹറിനിലെ ബിസിനസിനെ തകർത്തു; യുഎഇയിൽ നിഷേധിച്ചത് ഭർത്താവിന്റെ അവകാശങ്ങൾ; തിരുവനന്തപുരത്ത് നിശാ ക്ലബ്ബുകളിൽ ഉല്ലസിപ്പിച്ചപ്പോൾ തകർന്നത് തന്റെ ജീവിതം; ശ്രീറാമുമായുള്ള അപകടത്തെ കുറിച്ച് ചോദിച്ചപ്പോൾ കിട്ടിയത് അസഭ്യം; വഫായ്‌ക്കെതിരെ വിവാഹ മോചന ഹർജിയിൽ ഭർത്താവ് ഉന്നയിക്കുന്നത് ഗുരുതര ആരോപണങ്ങൾ; ഏഷ്യാനെറ്റ് ന്യൂസിലെ അഭിമുഖ വാദമെല്ലാം പൊളിയുമ്പോൾ
വേദനകൾ ഇല്ലാത്ത ലോകത്തേക്ക് പറന്നകന്ന്‌ അനിതാ തച്ചങ്കരി; ഡിജിപി ടോമിൻ ജെ തച്ചങ്കരിയുടെ ഭാര്യ മരണത്തിന് കീഴടങ്ങിയത് പുലർച്ചെ മൂന്ന് മണിക്ക് കൊച്ചിയിലെ സ്വവസതിയിൽ; സംരംഭക എന്ന് പേരെടുത്ത അനിത മടങ്ങുന്നത് രണ്ടു പെൺമക്കളെയും കെട്ടിച്ചയച്ച സന്തോഷം ബാക്കിയാക്കി; ആദരാഞ്ജലികളുമായി കേരളം തമ്മനത്തെ വീട്ടിലേക്ക്