1 usd = 71.70 inr 1 gbp = 92.13 inr 1 eur = 78.98 inr 1 aed = 19.52 inr 1 sar = 19.12 inr 1 kwd = 236.00 inr

Nov / 2019
13
Wednesday

ഇന്ത്യൻസമൂഹം: രാഷ്ട്രീയവായനകൾ

August 16, 2015 | 08:38 AM IST | Permalink



ഇന്ത്യൻസമൂഹം: രാഷ്ട്രീയവായനകൾ

ഷാജി ജേക്കബ്

സ്വയംകെട്ടിപ്പൊക്കിയ ദന്തഗോപുരങ്ങളിൽനിന്ന് മണ്ണിലേക്കിറങ്ങിവരുന്ന അക്കാദമിക ബുദ്ധിജീവികളുടെ എണ്ണം ഇന്ത്യയിലെന്നപോലെ കേരളത്തിലും തീരെ പരിമിതമാണ്. പ്രകൃതിശാസ്ത്ര, സാമൂഹികശാസ്ത്ര, മാനവികവിജ്ഞാന മേഖലകളിലെല്ലാം ഈ സ്ഥിതി ഏറെക്കുറെ സമാനമാണ്. ഭരണകൂടത്തോടും കക്ഷിരാഷ്ട്രീയത്തോടും അധീശവർഗത്തോടും ചേർന്നുനിന്ന് തങ്ങളുടെ സുഖസൗകര്യങ്ങളും നേട്ടങ്ങളും പദവികളും ഉറപ്പാക്കുക എന്നതിൽ കവിഞ്ഞ് പൊതുവെ അവർക്കു താല്പര്യങ്ങളേതുമുണ്ടാകാറില്ല.

എന്നാൽ ചുരുക്കം ചിലർ, തങ്ങളുടെ ഊരും വേരും ആഴ്ന്നിറങ്ങിയിട്ടുള്ള മണ്ണിലും ജനമധ്യത്തിലും കാലുറപ്പിച്ച് ബഹുജനസമൂഹത്തിന്റെ ജൈവരാഷ്ട്രീയങ്ങളിൽ പങ്കാളികളായും തങ്ങളുടെ വൈജ്ഞാനിക മൂലധനം അവർക്കുവേണ്ടി വിനിയോഗിച്ചും സ്വന്തം ബൗദ്ധികജീവിതം മൂല്യബദ്ധവും സാർഥകവുമാക്കുന്നു. ആധുനികതയുടെ മുഴുവൻ അധികാരയുക്തികളും ബാധ്യതയായികൊണ്ടുനടക്കുന്ന രാഷ്ട്രീയസമൂഹങ്ങളോടു വിടപറഞ്ഞ് പൗരസമൂഹപ്രസ്ഥാനങ്ങളിൽ അവർ അണിചേരുകയും ജൈവബുദ്ധിജീവിതത്തിന്റെ സാധ്യതകൾ പരമാവധി ഉപയോഗപ്പെടുത്തുകയും ചെയ്യുന്നു.

മലയാളിയുടെ സമീപകാല സാമൂഹ്യപൊതുമണ്ഡലത്തിലും സാംസ്‌കാരിക ജീവിതത്തിലും ഏറ്റവും ഊർജ്ജസ്വലമായി ഇടപെടുകയും അക്കാദമിക പ്രവർത്തനത്തെയും സാംസ്‌കാരിക പ്രവർത്തനത്തെയും അഥവാ, സൈദ്ധാന്തിക ധാരണകളെയും വ്യക്തിജീവിതത്തെയും സാമൂഹ്യജീവിതത്തിൽ നിമഗ്നമായ ആക്ടിവിസമാക്കി മാറ്റുകയും ചെയ്യുന്ന ജെ. ദേവികയുടെ പ്രസക്തി ഇവിടെയാണ്.

ചരിത്രം, സമൂഹശാസ്ത്രം, രാഷ്ട്രമീമാംസ, സാഹിത്യം തുടങ്ങിയ വിഷയങ്ങളിലും ലിംഗപദവി, സ്ത്രീജീവിതം, കീഴാള-ദലിത് സാമൂഹ്യപ്രശ്‌നങ്ങൾ, വികസനം, പൗരസമൂഹപ്രസ്ഥാനങ്ങൾ, മാദ്ധ്യമാധിനിവേശം, വർഗീയത, പ്രത്യയശാസ്ത്ര സർവാധിപത്യം, സാഹിത്യചരിത്രം, വിമർശനം, വിവർത്തനം തുടങ്ങിയ മേഖലകളിലും നടത്തുന്ന തത്വാധിഷ്ഠിതവും വിമർശനാത്മകവുമായ സംവാദങ്ങളും സയുക്തികവും സർഗാത്മകവുമായ ഇടപെടലുകളുംവഴി സമീപകാല കേരളീയ വൈജ്ഞാനികമണ്ഡലത്തിൽ ദേവിക സൃഷ്ടിക്കുന്ന ചലനങ്ങൾ അടിസ്ഥാനപരമായ വിചാരമാതൃകാവ്യതിയാനങ്ങൾക്കു വേണ്ടിയാണ് നിലകൊള്ളുന്നത്.

കേരളത്തിലെ ലിംഗപദവീരൂപീകരണത്തെക്കുറിച്ചുള്ള ഗവേഷണപഠനം മുതൽ 'ചുംബനസമര'ത്തിന്റെ രാഷ്ട്രീയ വിശകലനവും 'മാതൃഭൂമി'യുടെ ഹിന്ദുത്വവൽക്കരണത്തോടുള്ള വിമർശനവും വരെ, ദേവികയുടെ ഏതു ചുവടുവയ്പും തെളിയിക്കുന്നതു മറ്റൊരു കാര്യമല്ല. തന്റെ പുസ്തകങ്ങളുടെ സൗജന്യ ഡിജിറ്റൽ പതിപ്പുകൾ ആർക്കും ലഭ്യമാക്കിക്കൊണ്ട് പ്രസാധകർ സൃഷ്ടിക്കുന്ന കുത്തകവിപണിയെ തകർക്കാൻ തയ്യാറായ ഏക മലയാള എഴുത്തുകാരിയും ദേവികയാണ്. സാംസ്‌കാരിക ഭൗതികവാദം, മാർക്‌സിസം, നവചരിത്രവാദം, സ്ത്രീവാദം, കീഴാളപഠനം, കോളനിയനന്തരവാദം, സാംസ്‌കാരികപഠനങ്ങൾ തുടങ്ങിയ സൈദ്ധാന്തിക പദ്ധതികൾ കണിശതയോടെ ഏറ്റെടുത്തും രാഷ്ട്രീയനിലപാടുകളിലോ അക്കാദമിക നിലവാരത്തിലോ വിട്ടുവീഴ്ച ചെയ്യാതെയും ദേവിക എഴുതിയ പ്രബന്ധങ്ങളും ഗ്രന്ഥങ്ങളും പോലെതന്നെ പ്രസിദ്ധവും പ്രസക്തവുമാണ്, ആനുകാലിക സാമൂഹ്യസന്ദർഭങ്ങളിലുള്ള അവരുടെ സമൂർത്തമായ സാന്നിധ്യവും പങ്കാളിത്തവും.

സ്ത്രീകേന്ദ്രിതമായ രാഷ്ട്രീയ, ചരിത്ര, സമൂഹ, സംസ്‌കാരപഠനങ്ങളിലുള്ള താൽപര്യമാണ് ഇക്കൂട്ടത്തിൽ ഏറ്റവും ശ്രദ്ധേയമായ ഒന്ന്. പത്തൊൻപതാം നൂറ്റാണ്ടിലെ കേരളീയസ്ത്രീയുടെ 'കുലമഹത്വവും' സാഹിത്യകർതൃത്വവും പത്രപ്രവർത്തനരീതികളും മുതൽ ഇരുപത്തൊന്നാം നൂറ്റാണ്ടിലെ സ്ത്രീജീവിതത്തിന്റെ ഭിന്നമാനങ്ങൾ വരെയുള്ളവ പഠിക്കുന്നതിലും വ്യാഖ്യാനിക്കുന്നതിലും ദേവികയോളം അക്കാദമിക് ആക്ടിവിസ്റ്റ് പ്രതിബദ്ധത മറ്റൊരു മലയാളി ബുദ്ധിജീവിക്കുമില്ല. കേരളത്തെക്കുറിച്ചെഴുതപ്പെട്ട ഏക സ്ത്രീപക്ഷസാമൂഹ്യചരിത്രം അവരുടേതാണ്; ഉടൻ പുറത്തുവരുന്ന രാഷ്ട്രീയ-വികസനചരിത്രവും ഏറെ മൗലികമായ ഒരു രചനയാണ്. ഇംഗ്ലീഷിൽനിന്നു മലയാളത്തിലേക്കും മലയാളത്തിൽനിന്ന് ഇംഗ്ലീഷിലേക്കും വൈജ്ഞാനികകൃതികളും സാഹിത്യകൃതികളും വിവർത്തനം ചെയ്യുമ്പോഴും ദേവിക തന്റെ രാഷ്ട്രീയബോധം തെല്ലും ബലികഴിക്കുന്നില്ല.

ഇവിടെ വിശകലനം ചെയ്യുന്ന പുസ്തകം, ഇന്ത്യയിലെ അറിയപ്പെടുന്ന സമൂഹശാസ്ത്രകാരനും ഡൽഹി സർവ്വകലാശാലാ അദ്ധ്യാപകനുമായ സതീശ് ദേശ്പാണ്ഡെ രചിച്ച 'Contemporary India : A Sociological View' എന്ന ഗ്രന്ഥത്തിന് 'സമകാലിക ഇന്ത്യ: ഒരു സമൂഹശാസ്ത്രവീക്ഷണം' എന്ന പേരിൽ ദേവിക നടത്തിയ വിവർത്തനമാണ്. സാമൂഹികശാസ്ത്രമെന്ന പദംകൊണ്ട് Social Science എന്ന സംജ്ഞയെ വിശദീകരിക്കുന്ന ദേവിക Sociology എന്ന സംജ്ഞയുടെ മലയാളരൂപമായാണ് ഇവിടെ സമൂഹശാസ്ത്രം എന്ന പദം ഉപയോഗിക്കുന്നത്. സാമൂഹികവിജ്ഞാനങ്ങളുടെ ചരിത്രനിഷ്ഠവും പ്രത്യയശാസ്ത്രനിർഭരവുമായ പരികല്പനകളും സമീപനങ്ങളും സമൃദ്ധമായുപയോഗപ്പെടുത്തിയും വിട്ടുവീഴ്ചയില്ലാത്ത മതേതര-പുരോഗമന-ശാസ്ത്രീയ-മാനവിക യുക്തികൾ ഉടനീളം പാലിച്ചും സതീശ് ദേശ്പാണ്ഡെ നിർവഹിച്ച ഇന്ത്യൻസമൂഹപഠനം, അക്കാദമിക ഗൗരവവും രാഷ്ട്രീയസ്വരൂപവും വായനാക്ഷമതയും ഒരേപോലെ നിലനിർത്തി വിവർത്തനം ചെയ്യുന്നതിൽ ദേവിക നേടിയ വിജയമാണ് ഈ പുസ്തകത്തിന്റെ ഏറ്റവും ശ്രദ്ധേയമായ നേട്ടവും പ്രസക്തിയും. കേസരി ഒഴികെയുള്ള മലയാളി സാമൂഹ്യനിരീക്ഷകർ സാമൂഹ്യശാസ്ത്രങ്ങളിൽ വ്യാപരിച്ചെഴുതിയ രചനകളുടെ ഏറ്റവും വലിയ പരിമിതി അവയുടെ ഭാഷാപരമായ സ്ഥൂലതയും അമൂർത്തതയുമായിരുന്നുവെന്നു ചൂണ്ടിക്കാണിച്ചു കൊണ്ടാണ് ദേവിക തന്റെ വിവർത്തനഭാഷ അവതരിപ്പിക്കുന്നത്.

ഏഴു ദീർഘ പ്രബന്ധങ്ങളാണ് ദേശ്പാണ്ഡെയുടെ പുസ്തകത്തിന്റെ ഉള്ളടക്കം. സമൂഹശാസ്ത്രം, ഒരു വിജ്ഞാനശാഖയെന്ന നിലയിൽ സമൂഹത്തെക്കുറിച്ചു പഠിക്കാൻ രൂപപ്പെടുത്തിയ സിദ്ധാന്തങ്ങളുടെയും രീതിശാസ്ത്രങ്ങളുടെയും അവലോകനമാണ് ആദ്യരചന. എഡ്മണ്ട് ഹുസ്സേളും ശിഷ്യരും ആവിഷ്‌ക്കരിച്ച പ്രതിഭാസവിജ്ഞാനീയത്തിന്റെ വഴിയിലാണ് സമൂഹശാസ്ത്രപഠനത്തിന്റെ ആദ്യമണ്ഡലം രൂപംകൊള്ളുന്നത്. സാമാന്യ ബുദ്ധിക്കു ലഭിച്ച മേൽക്കൈയാണ് ഈ ഘട്ടത്തിന്റെ പ്രാഥമികസ്വഭാവം. അന്തോണിയോ ഗ്രാംഷി ആവിഷ്‌ക്കരിച്ച നവമാർക്‌സിസ്റ്റ് വഴിയിലാണ് പിന്നീടതു വികസിക്കുന്നത്. പ്രത്യയശാസ്ത്രത്തെ കേന്ദ്രീകരിച്ചുണ്ടാകുന്ന പുതിയ കാഴ്ചപ്പാടുകളാണ് ഈ ഘട്ടത്തിലെ പഠനങ്ങളെ രൂപപ്പെടുത്തിയ മുഖ്യ ഘടകം. വിശേഷിച്ചും അധീശത്വം (Hegemony) എന്ന പരികല്പന കേന്ദ്രീകരിച്ച്. പിയറി ബോർദിയു അവതരിപ്പിച്ച ചിന്തകളിന്മേൽ രൂപംകൊണ്ടതാണ് മൂന്നാമത്തെ വഴി. നിർവാഹകത്വം (agency), ഘടന (structure) എന്നിവ തമ്മിലുള്ള ബന്ധമാണ് ബോർദിയുവിന്റെ പ്രധാന അന്വേഷണമേഖലകളിലൊന്ന്. ജനസംസ്‌കാരപഠനം (ethnography) എന്ന നിലയിലാണ് അദ്ദേഹം സമൂഹശാസ്ത്രത്തെ വികസിപ്പിച്ചെടുത്തത്. സാമൂഹ്യനരവംശശാസ്ത്രം മുതൽ സമൂഹശാസ്ത്രം വരെയുള്ള പഠനമേഖലകളിൽ ഊന്നി താൻ വിശകലനം ചെയ്യാൻ പോകുന്ന വിഷയങ്ങൾ ദേശ്പാണ്ഡെ ക്രമപ്പെടുത്തുന്നതും ഈയൊരടിത്തറയിലാണ്. യഥാക്രമം ഇന്ത്യൻ പാരമ്പര്യം/ആധുനികത, ദേശം/ദേശീയത, സ്ഥലം/ഹിന്ദുത്വം, അസമത്വം/ജാതി, വർഗം/മധ്യവർഗം, ആഗോളവൽക്കരണം/സാംസ്‌കാരികഭൂമിശാസ്ത്രം എന്നീ ആറ് മണ്ഡലങ്ങൾ മുൻനിർത്തി സമകാലിക ഇന്ത്യ (സ്വാതന്ത്ര്യാനന്തര ഇന്ത്യ)യെക്കുറിച്ചു നടത്തുന്ന അതീവ ശ്രദ്ധേയമായ സമൂഹശാസ്ത്രപഠനങ്ങളാണ് ഈ പുസ്തകത്തിലുള്ളത്.

'പാരമ്പര്യത്തെയും ആധുനികതയെയും പരസ്പരം ലയിപ്പിക്കുന്നതാണ് ഇന്ത്യൻ ആധുനികതയുടെ അന്തഃസത്ത'യെന്ന പൊതുബോധത്തെ പ്രശ്‌നവൽക്കരിക്കുകയാണ് രണ്ടാം ലേഖനം. ജ്ഞാനോദയാധുനികതയെക്കുറിച്ചുള്ള റെയ്മണ്ട് വില്യംസിന്റെയും അർജുൻ അപ്പാദുരൈയുടെയും നിരീക്ഷണങ്ങളും ഇന്ത്യൻ ആധുനികതയെക്കുറിച്ചുള്ള എം.എൻ. ശ്രീനിവാസന്റെയും ടി.എൻ. മദന്റെയും വിശകലനങ്ങളും ചൂണ്ടിക്കാണിച്ചുകൊണ്ട് ദേശ്പാണ്ഡെ ഇന്ത്യൻ ആധുനികതയെ മൗലികമായി വ്യാഖ്യാനിച്ചെടുക്കുന്നു. പൗരസ്ത്യവാദികളായ ഇൻഡോളജിസ്റ്റുകൾ തുടങ്ങിവച്ച ഇന്ത്യൻ ആധുനികതയെക്കുറിച്ചുള്ള പഠനങ്ങൾ സമൂഹനരവംശശാസ്ത്രത്തിലൂന്നിയ വലിയൊരു ഗ്രന്ഥശേഖരത്തിനു ജന്മം നൽകി. പാരമ്പര്യങ്ങളിൽനിന്നു വിട്ടുപോരാനോ അവയെ അട്ടിമറിക്കാനോ അല്ല ആധുനികതയുമായി അവയെ ചേർത്തുവച്ചു ചർച്ചചെയ്യാനാണ് പൊതുവെ ഇവരെല്ലാം താൽപര്യം കാണിച്ചത്. പിന്നീടുവന്ന സമൂഹശാസ്ത്രജ്ഞർക്കും ഈ പഠനയുക്തികൾ തീർത്തും മറികടക്കാൻ കഴിഞ്ഞില്ലെന്നു മാത്രമല്ല, ഇന്ത്യൻ സമൂഹം ഏതാണ്ടങ്ങനെതന്നെയാണ് ആധുനികീകരിക്കപ്പെട്ടതെന്ന് സ്ഥാപിക്കേണ്ടിയും വന്നു. വ്യക്തി മുതൽ രാഷ്ട്രം വരെയുള്ള ഓരോ ഏകകവും ഈ നിലപാടുകൾ തുടരുകയാണ്. പാരമ്പര്യ, ഗ്രാമീണ, ജാതി, ഗോത്ര, സാമൂഹിക, നരവംശശാസ്ത്രപഠനങ്ങൾ പെരുകിയപ്പോൾ നഗര, സാമ്പത്തിക, രാഷ്ട്രീയ സമൂഹശാസ്ത്രപഠനങ്ങൾ വിരളമായേ ഉണ്ടായുള്ളു. പാരമ്പര്യത്തിന്റെ ഭാരംപേറാൻ സ്വയം നിയോഗിച്ച സമൂഹശാസ്ത്രപഠിതാക്കളെ ദേശ്പാണ്ഡെ വിമർശിക്കുകയും ബോർദിയു പറയുന്നതുപോലുള്ള 'ജനസംസ്‌കാരപഠന'ങ്ങളിലേക്ക് ആധുനികതാപഠനങ്ങൾ വികസിക്കുന്നതിന്റെ ചില മാതൃകകൾ (വീണാദാസിന്റെയും മറ്റും) എടുത്തുകാട്ടുകയും ചെയ്യുന്നു. ഗോത്രാചാരങ്ങൾ മുതൽ സിനിമവരെയും പാരമ്പര്യവിശ്വാസങ്ങൾ മുതൽ ടെലിവിഷൻ പരസ്യം വരെയും മുൻനിർത്തി നടക്കേണ്ട സമൂഹശാസ്ത്രപഠനങ്ങളുടെ ആവശ്യകതയിലേക്കാണ് ഇതു വിരൽ ചൂണ്ടുന്നത്.

ദേശം, ദേശീയത, രാഷ്ട്രം തുടങ്ങിയ പരികല്പനകൾ ആധുനിക ഇന്ത്യൻ പശ്ചാത്തലത്തിൽ സൃഷ്ടിക്കുന്ന പ്രഹേളികകളുടെ അപഗ്രഥനമാണ് മൂന്നാം ലേഖനം. ദേശം ഒരു സാംസ്‌കാരിക നിർമ്മിതിയാണെന്ന സമകാലിക വീക്ഷണത്തിന്റെ പ്രത്യയശാസ്ത്രവിവക്ഷകൾ ദേശ്പാണ്ഡെ ചൂണ്ടിക്കാണിക്കുന്നു. സ്വാഭാവികമായിത്തന്നെ ബനഡിക്ട് ആൻഡേഴ്‌സണിലാണ് തുടക്കം. ദേശീയതക്ക് രാഷ്ട്രീയം, ചരിത്രം എന്നിവയിൽ ഉണ്ടായിരുന്ന ഊന്നൽ സംസ്‌കാരത്തിലേക്കു മാറ്റി പ്രതിഷ്ഠിക്കുകയായിരുന്നല്ലോ ആൻഡേഴ്‌സൺ. 'അച്ചടിമുതലാളിത്ത'മായിരുന്നു അതിന്റെ അച്ചുതണ്ട്. പാർഥാചാറ്റർജിയും മറ്റും ആൻഡേഴ്‌സണെതിരെ ഉയർത്തിയ വിമർശനങ്ങൾ സൂചിപ്പിച്ചുകൊണ്ട് ഇന്ത്യൻ സാഹചര്യത്തിൽ അച്ചടി മുതലാളിത്തം ദേശീയതയുടെ അച്ചുതണ്ടായി മാറിയില്ല എന്ന വസ്തുത വിശദീകരിക്കുകയാണ് ഗ്രന്ഥകാരൻ പിന്നീട്. പകരം, ടോം നെയ്ൻ ഉന്നയിക്കുന്ന 'സാമ്രാജ്യത്ത സ്വഭാവമുള്ള മുതലാളിത്ത'മാണ് മറ്റു കോളനിരാജ്യങ്ങളിലെന്നപോലെ ഇന്ത്യയിലും ദേശീയവാദത്തിന് രൂപംനൽകിയതെന്ന വീക്ഷണം കുറെക്കൂടി സ്വീകാര്യമായി ദേശ്പാണ്ഡെ കാണുന്നു. ഗാന്ധിയൻ സ്വരാജ് സങ്കല്പം മുതൽ നെഹ്രുവിയൻ സോഷ്യലിസ്റ്റ് സമ്പദ്ഘടനവരെയുള്ളവ ഈയൊരു സമീപനത്തിന്റെ പാഠങ്ങളായി നമുക്കു മുന്നിലുണ്ട്. ഗാന്ധിയൻ, നെഹ്രുവിയൻ മാതൃകകൾ അവസാനിച്ചുവെങ്കിലും ഇന്നത്തെ ഇന്ത്യയിൽ നടപ്പായിക്കൊണ്ടിരിക്കുന്ന 'വികസന'രാഷ്ട്രീയവും ഇന്ത്യൻ ദേശീയതാവികാരങ്ങളും തമ്മിലുള്ള സമാനതകളുടെ അമ്പരപ്പിക്കുന്ന കൗതുകങ്ങൾ, ഈ നിരീക്ഷണങ്ങളെ ശരിവയ്ക്കുകയും ചെയ്യുന്നു. എങ്കിലും ദേശ്പാണ്ഡെ സ്വീകരിക്കുന്ന യുക്തി മറ്റൊന്നാണ്. നെഹ്രുവിയൻ സമ്പദ്ഘടന തകർന്നതോടെ സംഭവിച്ച ഹിന്ദുത്വദേശീയതയുടെ ഉണർവും ആഗോളവൽക്കരണത്തിന്റെ വ്യാപനവും ദേശീയതയെക്കാൾ ആഗോളതക്കാണ് പ്രാധാന്യം നൽകുന്നതെന്ന് അദ്ദേഹം ചൂണ്ടിക്കാണിക്കുന്നു. ആഗോളവൽക്കരിക്കപ്പെടുന്ന ഹിന്ദുത്വത്തിന്റെ അപഗ്രഥനം ഈ നിരീക്ഷണത്തെ മറ്റൊരു വഴിയിൽ സാധുകരിക്കുകയും ചെയ്യുന്നു.

സ്ഥലത്തെ കേന്ദ്രീകരിച്ച് ഹിന്ദുത്വത്തെക്കുറിച്ചു നടത്തുന്ന പഠനമാണ് നാലാമത്തെ ലേഖനം. പ്രകൃതിസഹജമല്ല, സാമൂഹികമായ നിർമ്മിതിയാണ് സ്ഥലം എന്ന് ഹെന്റി ലെവ്‌റെ മുതൽ എഡ്വേർഡ് സോജയും പിയറി ബോർദിയുവും വരെയുള്ളവർ വിശദീകരിച്ച ആശയം ദേശ്പാണ്ഡെ ഇന്ത്യൻ പശ്ചാത്തലത്തിലേക്ക് സയുക്തികം വ്യാപിപ്പിക്കുകയും ഹിന്ദുത്വം ഭിന്നങ്ങളായ സ്ഥലതന്ത്രങ്ങളിലൂടെ സ്ഥാപിച്ചെടുത്ത മതവർഗീയതയുടെ രാഷ്ട്രീയ അജണ്ടകൾ മറനീക്കുകയും ചെയ്യുന്നു. ഇന്ത്യയെത്തന്നെ പുതിയ രീതിയിൽ നിർവചിച്ചുകൊണ്ടുള്ള സവർക്കറുടെ 'പുണ്യഭൂമി' സങ്കല്പം മുതൽ നെഹ്രുവിയൻ മതേതരവാദത്തിന്റെ ശക്തിക്ഷയത്തിൽ നിന്നുണർന്നുവന്ന 1980കളിലെയും 90കളിലെയും ഹിന്ദുത്വരാഷ്ട്രീയത്തിന്റെ സ്ഥലകേന്ദ്രിതത്വങ്ങൾ വരെ ഈ ചർച്ചയുടെ വിഷയമാണ്. സ്ഥലങ്ങൾ, മേഖലകൾ, മാർഗങ്ങൾ എന്നിവക്ക് ഊന്നൽ കൊടുത്താണ് ഈ പഠനം ദേശ്പാണ്ഡെ നടത്തുന്നത്. ബാബ്‌റി മസ്ജിദ് മുതൽ ഹൂഗ്ലിയിലെ ഈദ്ഗാഹ് വരെയുള്ള സ്ഥലങ്ങൾ സൃഷ്ടിച്ച വർഗീയസംഘർഷങ്ങളും ഹിന്ദുത്വാധിനിവേശങ്ങളുമാണ് ഒന്ന്. ബോംബെ, ഹൈദരാബാദ്, സൂറത്ത് തുടങ്ങിയ മേഖലകൾ കേന്ദ്രീകരിച്ചു നടക്കുന്ന വിവിധങ്ങളായ ഹിന്ദു-മുസ്ലിം സംഘർഷങ്ങളുടെ സ്ഥലപഠനമാണ് മറ്റൊന്ന്. 1983ലെ ഏകാത്മയജ്ഞം മുതൽ അദ്വാനിയുടെ രഥയാത്രയും നരേന്ദ്ര മോദിയുടെ ഗൗരവയാത്രയും വരെയുള്ളവ സൃഷ്ടിച്ച മാർഗാധിഷ്ഠിതമായ ഹിന്ദുത്വ ധ്രൂവീകരണമാണ് മൂന്നാമത്തേത്. മതമൗലികവാദത്തെക്കുറിച്ചു നടക്കുന്ന ദേശകേന്ദ്രിതമായ സമൂഹശാസ്ത്രപഠനത്തിന്റെ അപൂർവമായ ഇന്ത്യൻ മാതൃകകളിലൊന്നായി മാറുന്നു, ഈ ലേഖനം.

സമകാലിക ഇന്ത്യയിലെ ജാതിഅസമത്വങ്ങളെക്കുറിച്ചുള്ള അടുത്ത ലേഖനം, മതവർഗീയതയെക്കാൾ ഹിന്ദുസമൂഹത്തിലെ മധ്യ-ഉപരിവിഭാഗങ്ങളെ പ്രകോപിപ്പിച്ച കീഴ്ജാതികളുടെ മണ്ഡൽ അനന്തര സാമൂഹിക ദൃശ്യത അപഗ്രഥിക്കുന്നു. ദേശീയപ്രസ്ഥാനകാലം മുതൽ നെഹ്രുവിയൻ കാലംവരെ, ജാതിയെ തിന്മനിറഞ്ഞ ഒരു വ്യവസ്ഥയായി കരുതിപ്പോന്ന പൊതുഹിന്ദുസമൂഹം, മണ്ഡൽ കമ്മീഷൻ റിപ്പോർട്ട് സൃഷ്ടിച്ച സാമൂഹികവിപ്ലവത്തോടെ നെടുകെപിളർന്നു. ഇന്ത്യൻ സമൂഹശാസ്ത്രജ്ഞർപോലും പരക്കെ സ്വീകരിച്ച നിലപാട്, നഗര മധ്യവർഗത്തിന്റെ മണ്ഡൽവിരുദ്ധ, സംവരണവിരുദ്ധസമീപനത്തെ പിന്തുണയ്ക്കുന്നതായിരുന്നു. മാദ്ധ്യമങ്ങളുടെ കാഴ്ചപ്പാടും മറ്റൊന്നായിരുന്നില്ല. ജാതിഭേദം, അതുവളർത്തുന്ന അസമത്വം, സ്വാതന്ത്ര്യാനന്തരം അതിനു കൈവന്ന മാറ്റങ്ങൾ എന്നീ മൂന്നു ചോദ്യങ്ങളിലൂന്നി ദേശ്പാണ്ഡെ ഈ വിഷയം ചർച്ചക്കെടുക്കുന്നു. ജീവിതാവസരങ്ങൾ, തൊഴിലുകൾ, ഉന്നതവിദ്യാഭ്യാസം, സാമൂഹ്യപദവികൾ, അധികാരശ്രേണി... ഓരോ രംഗത്തും ജാതിവ്യവസ്ഥ നിലനിർത്തിക്കൊണ്ടേയിരിക്കുന്ന അസമത്വത്തിന്റെ അപഗ്രഥനമായി ഈ ചർച്ച മാറുന്നു. ഗാന്ധിയൻ ദേശീയതയിൽപോലും ജാതിയെക്കുറിച്ചു നിലനിന്നിരുന്ന ഇരട്ടമുഖമുള്ള ധാരണകളെ വിമർശിച്ചുകൊണ്ട്, ദേശീയ സാമ്പിൾ സർവേ സംഘടന (NSSO) നടത്തിയ, ജാതിവിഭാഗങ്ങൾ തമ്മിലുള്ള സാമ്പത്തികാന്തരത്തെക്കുറിച്ചുള്ള പഠനവിവരങ്ങൾ ലേഖനം അവതരിപ്പിക്കുന്നു. അതിരൂക്ഷമാംവിധം നിലനിൽക്കുന്ന ജാത്യസമത്വത്തിന്റെ സാമൂഹിക സാമ്പത്തിക മാനങ്ങൾ ഈ പഠനം വെളിയിൽ കൊണ്ടുവരുന്നു. സെൻസസിൽ ജാതി ഉൾപ്പെടുത്തുന്നതിനെ എതിർക്കുന്നവരെ നിശിതമായി വിമർശിച്ചുകൊണ്ട് ദേശ്പാണ്ഡെ തന്റെ നിലപാടുകൾ ആവർത്തിക്കുകയും ചെയ്യുന്നു.

'വർഗ'മെന്ന മാർക്‌സിയൻ പരികല്പന മുൻനിർത്തി ഇന്ത്യൻ മധ്യവർഗത്തിന്റെ സമൂഹശാസ്ത്രപഠനം നടത്തുന്നു, അടുത്ത ലേഖനത്തിൽ ഗ്രന്ഥകാരൻ. 1990കളുടെ തുടക്കം മുതൽ സോഷ്യലിസത്തിന്റെ പതനവും മാർക്‌സിസത്തിന്റെ കെട്ടുറപ്പില്ലായ്മയും സൃഷ്ടിച്ച പ്രതിസന്ധി വർഗാധിഷ്ഠിത സമൂഹശാസ്ത്രപഠനത്തിനും പ്രതിസന്ധിയുണ്ടാക്കിയിട്ടുണ്ടെന്ന വസ്തുത തുറന്നുപറഞ്ഞുകൊണ്ടാണ് ദേശ്പാണ്ഡെ ആഗോളവൽക്കരണകാലത്തെ ഇന്ത്യൻ മധ്യവർഗത്തെക്കുറിച്ചുപന്യസിക്കുന്നത്. തൊഴിലാളി-മുതലാളി വിഭജനത്തിൽ വർഗസമൂഹത്തെ ഒന്നടങ്കം വിന്യസിച്ചതിന്റെ പരിമിതി മാർക്‌സിസത്തിന് മുൻപുതന്നെയുണ്ട്. ഈ ഇരുവർഗങ്ങൾക്കു വെളിയിലുള്ള സമൂഹത്തെ ക്ലാസിക്കൽ മാർക്‌സിസം അഭിസംബോധന ചെയ്യാൻ കൂട്ടാക്കിയില്ല. അന്തോണിയോ ഗ്രാംഷിയാണ് ഈ കുറവ് പരിഹരിച്ചത്. ഡി.പി. മുഖർജിയും ബി.ബി. മിശ്രയും തുടക്കമിട്ട, ഇന്ത്യൻ മധ്യവർഗപഠനത്തെ ദേശ്പാണ്ഡെ മുന്നോട്ടു കൊണ്ടുപോകുന്നു. ജനപ്രിയരചനകളിലും മാദ്ധ്യമങ്ങളിലും നിറഞ്ഞുനിൽക്കുന്ന, ധനികരും ദരിദ്രരുമല്ലാത്തവരാണ് മധ്യവർഗം. ജനസംഖ്യയുടെ മുപ്പതുശതമാനത്തിലധികം വരുന്ന ഉപഭോക്തൃസമൂഹമായി അവർ ഇന്ത്യയിൽ ഏറ്റവും പ്രബലമായ വർഗമായിക്കഴിഞ്ഞിരിക്കുന്നു. മൂന്നു സൈദ്ധാന്തിക പരികല്പനകൾ മുൻനിർത്തി ദേശ്പാണ്ഡെ മധ്യവർഗത്തെ നിർവചിക്കുന്നു.

1. സമൂഹത്തിൽ അധികാരവും വാഴ്ചയും നിയന്ത്രിക്കുന്ന വിഭാഗങ്ങളുടെ അധീശത്വത്തെ സന്ധാനം (articulate) ചെയ്യുന്ന വർഗം.

2. സാംസ്‌കാരികമൂലധനത്തെയും അതിന്റെ പുനരുല്പാദനമാർഗങ്ങളെയും ആശ്രയിക്കുന്ന വർഗം.

3. പ്രത്യയശാസ്ത്രനിർമ്മാണ-പ്രചാരണപ്രവൃത്തികളിൽ സവിശേഷ വൈദഗ്ദ്ധ്യമുള്ള വർഗം.

അവസാന ലേഖനം, 'ആഗോളവൽക്കരണത്തിന്റെ സാംസ്‌കാരികഭൂമിശാസ്ത്ര'മെന്ന നിലയിൽ സമകാലിക ഇന്ത്യൻ സമൂഹത്തിന്റെ പഠനമാണ്. സ്ഥലപരവും ദേശീയതാപരവുമായ അതിവർത്തനങ്ങളെ മുൻനിർത്തിയാണല്ലോ സാമാന്യമായി 1990 മുതലുള്ള കാലത്ത് ആഗോളവൽക്കരണത്തെ നിർവചിക്കാറുള്ളത്. ഈ പ്രവണതകളുടെ മാദ്ധ്യമപരവും സാമൂഹികവും നരവംശശാസ്ത്രപരവും സാമ്പത്തികവും മറ്റുമായ മാനങ്ങൾ ദേശ്പാണ്ഡെ വിശകലനം ചെയ്യുന്നു. 'ബോംബെ കർണാടക' (ഹൂബ്ലി-ധർവാർ മേഖല) എന്നറിയപ്പെടുന്ന നാലു ജില്ലകളിൽ കാണപ്പെടുന്ന പ്രാദേശിക സ്വത്വങ്ങളെ ('തന്മ' എന്നാണ് ദേവികയുടെ പ്രയോഗം)ക്കുറിച്ച് താൻ നടത്തിവരുന്ന ഗവേഷണപഠനത്തിന്റെ ചില സർവേ വിവരങ്ങൾ മുൻനിർത്തി ആഗോളവൽക്കരണം എങ്ങനെ സവിശേഷ സാംസ്‌കാരികഭൂമിശാസ്ത്രങ്ങൾക്കു രൂപംകൊടുക്കുന്നുവെന്ന അന്വേഷണമാണ് ദേശ്പാണ്ഡെ നിർവഹിക്കുന്നത്. തലമുറകൾ തമ്മിലുള്ള വ്യത്യാസം മാനദണ്ഡമാക്കി തൊഴിൽ, വിദ്യാഭ്യാസം, ജീവിതനിലവാരം തുടങ്ങിയ ഘടകങ്ങൾ അവലോകനം ചെയ്തു കണ്ടെത്തുന്ന നിഗമനങ്ങളിൽനിന്നാണ് ദേശ്പാണ്ഡെയുടെ പഠനം മുന്നേറുന്നത്. അതി-ദേശീയത മുതൽ ഹിന്ദുത്വവാദം വരെയുള്ളവ ചർച്ചചെയ്ത് ഈ സ്ഥലഭൂമികയുടെയെന്നല്ല, ഇന്ത്യയുടെ തന്നെയും ആഗോളവൽക്കരണകാലത്തെ സാമൂഹികനില പഠിക്കുന്നു, ഗ്രന്ഥകാരൻ.

ഏറ്റവും മൂർത്തവും ജൈവികവുമായ സാമൂഹിക ഇടങ്ങളിലും സന്ദർഭങ്ങളിലും നിന്ന് തന്റെ സമൂഹശാസ്ത്രപഠനങ്ങൾ തുടങ്ങിവയ്ക്കുകയാണ് ദേശ്പാണ്ഡെയുടെ രീതി. ഒരു ഹോട്ടലിലെ തർക്കമാകാം, ക്ലാസ്മുറിയിലെ സംശയമാകാം, ടെലിവിഷനിൽ കണ്ട പരസ്യമാകാം, റോഡിലോടുന്ന വാഹനങ്ങളിലെ ഗ്രാഫിറ്റിയാകാം-ഇന്ത്യൻ സമൂഹത്തിന്റെ ആധുനികതയെയും ദൈനംദിന ജീവിതപ്രവണതകളെയും വിശദീകരിക്കുന്നതിന് പൊതു-അക്കാദമിക സമൂഹശാസ്ത്രപഠനങ്ങളുടേതിൽനിന്നു ഭിന്നമായ രീതിശാസ്ത്രങ്ങൾ വിട്ടുവീഴ്ചയില്ലാതെ സ്വീകരിച്ചുകൊണ്ടാണ് ദേശ്പാണ്ഡെ ഈ ഗ്രന്ഥത്തിന്റെ രചന നിർവഹിച്ചിരിക്കുന്നത്. അസാധാരണമാംവിധം സൂക്ഷ്മതയുള്ള സങ്കല്പനധാരണകളും രാഷ്ട്രീയ ജാഗ്രതയും ഉടനീളം പുലർത്തി ദേവിക ഈ പുസ്തകം വിവർത്തനം ചെയ്തിരിക്കുന്നു. വൈജ്ഞാനിക ഗ്രന്ഥങ്ങളുടെ രചനയിലും വിവർത്തനത്തിലും പുലർത്തേണ്ട സമീപനങ്ങളുടെ മികച്ച മാതൃകകളിലൊന്ന് എന്ന നിലയിൽ ഈ രചനയ്ക്കുള്ള ഇരട്ടമൂല്യം ശ്രദ്ധേയമാകുന്നത് അങ്ങനെയാണ്.

സമകാലിക ഇന്ത്യ
സതീശ് ദേശ്പാണ്ഡെ
വിവ. ജെ. ദേവിക
കേരളശാസ്ത്രസാഹിത്യപരിഷത്ത്
2015, വില : 300 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
അടുത്താൽ പിരിയാൻ കഴിയാത്ത ഒരുതരം മാസ്മരികത ജോളിയിലുണ്ട്; ഭാര്യാ-ഭർത്താക്കന്മാരെ പോലെയാണ് കഴിഞ്ഞതെങ്കിലും എല്ലാം രഹസ്യമായായിരുന്നു; ദാമ്പത്യ വിഷയത്തിൽ ഭർത്താവ് പരാജയമെന്ന് പറഞ്ഞ് അവർ കൂടുതൽ കൂടുതൽ അടുത്തു; മഞ്ചാടിയിൽ മാത്യു തങ്ങളുടെ സ്വൈര്യവിഹാരത്തിന് എതിരു നിന്ന ആൾ; ഷാജുവിനെ കെട്ടിയിട്ടും ബന്ധം തുടർന്നു; ജോളിയിലെ വശ്യത മൂലം ഒന്നിനേയും എതിർക്കാൻ കഴിഞ്ഞതുമില്ല; ജോളിയെ വെട്ടിലാക്കി അടുപ്പക്കാരൻ ഷാജിയുടെ മൊഴിയും
സുദർശൻ പത്മനാഭനെ അറസ്റ്റ് ചെയ്യണമെന്ന് തമിഴ്‌നാടിനോട് ആവശ്യപ്പെട്ട് കേരളം; വർഗ്ഗീയ വിദ്വേഷം വിതറി മിടുമിടുക്കിയെ കൊന്നയാൾ മിസോറാമിലേക്ക് മുങ്ങി; എല്ലാം വഴികളിലും സഞ്ചരിച്ച് ആത്മഹത്യാ കുറിപ്പിൽ പറയുന്ന അദ്ധ്യാപകനെ തുറുങ്കിൽ അടപ്പിക്കുമെന്ന് അച്ഛനും; ആത്മഹത്യ ചെയ്യും മുൻപ് ആത്മഹത്യാ കുറിപ്പ് എന്റെ കയ്യിൽ സുരക്ഷിതമായി എത്തിക്കാനുള്ള ഒരുക്കങ്ങൾ മകൾ ചെയ്തിരുന്നുവെന്നും ലത്തീഫ് മറുനാടനോട്; ഫാത്തിമ ലത്തീഫിന്റെ കഥ കേട്ട് ഞെട്ടി മലയാളികൾ
എന്റെ മരണത്തിന് ഉത്തരവാദി സുദർശൻ പത്മനാഭൻ; ദയവായി സാംസങ് നോട്ടുകൾ പരിശോധിക്കുക; എട്ടുമണിക്ക് ആഹാരം കഴിക്കാനെത്തുന്ന ഫാത്തിമ രാത്രി 9.30-യോടെ ഹോസ്റ്റൽ മെസ് ഹാളിലെത്തി കരഞ്ഞത് എന്തിന്? ആശ്വസിപ്പിച്ച സ്ത്രീയ്ക്ക് മരണത്തിനു പിന്നിലുള്ള കാരണം അറിയാം; സിസിടിവി പരിശോധിക്കണമെന്നും ആവശ്യം; മദ്രാസ് ഐഐടിയിലെ മലയാളി വിദ്യാർത്ഥിനിയുടെ ആത്മഹത്യയ്ക്ക് പിന്നിൽ വർഗ്ഗീയ പകയോ? ഫാത്തിമാ ലത്തീഫിന്റെ സന്ദേശങ്ങളിൽ നിറയുന്നത് ദുരൂഹത
ആദ്യ ഭർത്താവുമായുള്ള പിണക്കം ഡിവോഴ്‌സിലെത്തിയപ്പോൾ ആലോചന വന്നത് കുടുംബ സുഹൃത്ത് വഴി; മൂന്ന് വയസ്സുള്ള മകളുടെ അമ്മ ഭാര്യയായതോടെ ഗൾഫിലെ ജോലി അവസാനിപ്പിച്ച് രണ്ടാം ഭർത്താവ്; ബിസിനസ് ആവശ്യത്തിന് ഭാര്യയുടെ വസ്തു പണയം വച്ച് വാങ്ങിയത് 10 ലക്ഷം; വിൽക്കാൻ പ്രമാണം ചോദിച്ചതോടെ രണ്ടാം ദാമ്പത്യത്തിലും 25കാരിക്ക് പ്രശ്‌നങ്ങൾ തുടങ്ങി; ഒടുവിൽ ഭാര്യയെ കൊന്ന് ഭർത്താവിന്റെ അതിവേഗ കാറോടിക്കൽ; കൊല്ലത്തെ കൃതി മോഹനനെ വകവരുത്തിയത് താൻ തന്നെയെന്ന് സമ്മതിച്ച് വൈശാഖ് ബിജു
'ഭർത്താവ് തന്നെ കൊലപ്പെടുത്തുമെന്ന ഭയമുണ്ട്, താൻ മരിച്ചാൽ സ്വത്തിന്റെ ഏക അവകാശി മകൾ മാത്രമായിരിക്കും; രണ്ടാം ഭർത്താവിന് സ്വത്തിൽ യാതൊരു അവകാശവും ഇല്ല; മകൾ ഭാവിയിൽ ഒറ്റപ്പെട്ടു പോകരുത് എന്നുള്ളതുകൊണ്ടാണ് ഈ കത്ത് എഴുതുന്നത്'; കുണ്ടറയിൽ ഭർത്താവ് കഴുത്തുഞെരിച്ച് കൊന്ന കൃതിയുടെ കത്ത് പുറത്ത്; കൃതിയുടെ വീട്ടുകാർ 25 ലക്ഷം രൂപയോളം നൽകിയിട്ടും വൈശാഖിന് ആർത്തി തീർന്നില്ല; വീടിന്റെ ആധാരം വേണമെന്ന ആവശ്യം അംഗീകരിക്കാതെ വന്നതോടെ ഭാര്യയെ വകവരുത്തി
'ഇന്ന് ഈ ദിവസം മുതൽ നീ ഒറ്റയ്ക്ക് ആയിരിക്കില്ല നടക്കുന്നത്.. എന്റെ ഹൃദയം നിനക്ക് ആശ്രയവും എന്റെ കൈ നിനക്ക് വീടുമായിരിക്കും'; വിവാഹിതയാകുന്ന കാര്യം ഔദ്യോഗികമായി അറിയിച്ച് ജഗതി ശ്രീകുമാറിന്റെ മകൾ ശ്രീലക്ഷ്മി; ഭാവി വരന്റെ കൈ ചേർത്ത് പിടിച്ചുള്ള ഫോട്ടോ ഷെയർ ചെയ്ത് നടി തേടിയത് എല്ലാവരുടെയും പ്രാർത്ഥനയും അനുഗ്രഹവും ഉണ്ടായിരിക്കണമെന്ന്; വരൻ കൊച്ചി സ്വദേശി ജിജിൻ
വിപ്ലവ ചൈനയിൽ 'ആതിഥേയന്റെ' ഭാര്യക്കൊപ്പം സർക്കാർ ചാരന് ഉറങ്ങാം; ഹറാമായിട്ടുള്ള മദ്യവും മാംസവും കഴിക്കാൻ 'ബന്ധു സഖാക്കൾ' പ്രേരിപ്പിക്കണം; പെട്ടെന്ന് താടിവച്ചാലും മദ്യപിക്കുന്നയാൾ പെട്ടെന്ന് നിർത്തിയാലുമൊക്കെ റിപ്പോർട്ട് ചെയ്യണം; സുന്നത്തു കല്യാണങ്ങളിൽ, പേരിടൽ ചടങ്ങുകളിൽ, ജനന- മരണങ്ങൾ തുടങ്ങിയവയിലൊക്കെ സജീവമാവണം; മിശ്രവിവാഹങ്ങൾ പരമാവധി പ്രോൽസാഹിപ്പിക്കണം; വീടുകളിലേക്ക് 'സർക്കാർ ബന്ധുക്കളെ' വിട്ട് ഉയിഗൂർ മുസ്ലിംങ്ങളെ ചൈന മെരുക്കാൻ ശ്രമിക്കുന്നത് ഇങ്ങനെ
എല്ലാവർക്കും സൗജന്യ ചികിത്സ; സ്വകാര്യ ആശുപത്രിയിലേക്ക് മാറ്റിയാലും മൂഴുവൻ പണവും സർക്കാർ കൊടുക്കും; ഒരു കുടുംബത്തിനു വേണ്ട വെള്ളവും വൈദ്യുതിയും ഫ്രീ; വനിതകൾക്ക് സൗജന്യ യാത്ര; ഹൈടെക്ക് ആയതോടെ സ്വകാര്യ സ്‌കൂളുകളിൽ നിന്ന് സർക്കാർ സ്‌കൂളുകളിലേക്ക് കുട്ടികളുടെ കുത്തൊഴുക്ക്; ഇത്രയേറെ സൗജന്യങ്ങൾ കൊടുത്തിട്ടും ഖജനാവിൽ പണം ബാക്കി; സാമ്പത്തിക അത്ഭുതമായി ഡൽഹിയിലെ കെജ്രിവാൾ സർക്കാർ; പിണറായിയും മോദിയും അറിയണം, ഇങ്ങനെയും ഒരു സർക്കാർ ഇന്ത്യയിൽ പ്രവർത്തിക്കുന്നുണ്ടെന്ന്!
വീട്ടിലെ പരിശോധനാ മുറിയിൽ രോഗിയായി എത്തിയ ഡെന്റൽ ഡോക്ടറെ മേലാസകലം തഴുകിയത് ലൈംഗിക സംതൃപ്തിക്ക്; ബലാത്സംഗത്തിന് മ്യൂസിയം പൊലീസ് അറസ്റ്റ് ചെയ്തത് കെജിഎംഒഎയുടെ സംസ്ഥാന വൈസ് പ്രസിഡന്റിനെ; തിരുവനന്തപുരം ജില്ലാ പ്രസിഡന്റ് കൂടിയായ നേതാവിന്റെ പീഡനത്തിൽ ഞെട്ടി ഡോക്ടർമാരുടെ സംഘടന; സർക്കാർ ആശുപത്രിയിലെ ഡോക്ടർമാരുടെ സ്വകാര്യ പ്രാക്ടീസും ചർച്ചകളിൽ; സർക്കാരിനെ വിമർശിച്ച് നടന്ന ഫോർട്ട് ആശുപത്രിയിലെ ഡോ സനൽകുമാർ അഴിക്കുള്ളിലാകുമ്പോൾ
മലയാളക്കരയുടെ പഞ്ചരത്‌നങ്ങളിൽ നാലുപേർ മംഗല്യത്തിന് ഒരുങ്ങുന്നു; ഒരേ ദിവസം നടക്കുന്ന പെങ്ങന്മാരുടെ വിവാഹത്തിന് കാരണവരുടെ റോളിൽ ഏക ആൺതരി ഉത്രജൻ; വിവാഹം ഏപ്രിൽ അവസാനം ഗുരുവായൂർ അമ്പലനടയിൽ വെച്ച്; മക്കളുടെ ഒമ്പതാം വയസ്സിൽ ഭർത്താവിന്റെ വേർപാടിനു ശേഷം പേസ്‌മേക്കറിൽ തുടിക്കുന്ന ഹൃദയവുമായി ജീവിക്കുന്ന രമാദേവിക്കും ജീവിത സാഫല്യം; കണ്ണീരു തുടയ്ക്കാൻ കൂടെ നിന്നവരെ സ്നേഹത്തോടെ ഓർത്ത് പഞ്ചരത്നങ്ങളുടെ മാതാവ്
തിളച്ച എണ്ണയിൽ മുക്കി കൈ പൊള്ളിച്ചു; കെട്ടിയിട്ട ശേഷം യാതൊരു ദയയുമില്ലാത്ത ക്രൂര ലൈംഗികപീഡനം; 15 ദിവസമായി ഭക്ഷണം പോലും ഇല്ല: സൗദി അറേബ്യയിൽ ജോലിക്കെത്തിയ ബംഗ്ലാദേശി യുവതി അനുഭവിക്കുന്നത് സമാനതകളില്ലാത്ത കൊടിയ പീഡനം: തൊഴിലുടമയറിയാതെ കണ്ണീരോടെ ഫേസ്‌ബുക്ക് ലൈവിലെത്തി രക്ഷിക്കണമെന്ന് ആവശ്യപ്പെട്ട് 25കാരി
നീ എടടാ... എട്.. മ***** നിന്റെ ക്യാമറ വലിച്ച് പൊട്ടിച്ച്..... നീ ആരെ പേടിപ്പിക്കുന്നത്.....! ജയ്ഹിന്ദ് ടിവി ക്യാമറാമാനെതിരെ പൊലീസുകാരി നടത്തിയത് കേട്ടാൽ ചെവി പൊത്തി പോകുന്ന അസഭ്യവർഷം; ബിബിൻ കുമാറിന് നേരെ ചീറിയെത്തി മുഖത്തടിച്ച് ചീത്ത വിളിച്ചത് വട്ടീയൂർക്കാവ് സ്റ്റേഷനിലെ ലക്ഷ്മി പൊലീസ്; കുടുംബത്തിലെ മാനസിക പ്രശ്‌നങ്ങളാണ് വനിതാ കോൺസ്റ്റബിളിനെ കുഴപ്പത്തിൽ ചാടിച്ചതെന്ന് സഹപ്രവർത്തകരും; നിയമസഭയ്ക്ക് മുന്നിൽ പൊലീസിന് കളങ്കമായി ലക്ഷ്മിയുടെ പൂണ്ടു വിളയാടൽ
തിരവങ്ങാടും ചക്കരക്കല്ലിലും ധർമ്മടത്തും പ്ലസ് ടുകാരികൾ ആത്മഹത്യ ചെയ്തപ്പോൾ കാരണം തേടി ഇറങ്ങിയവർക്ക് കിട്ടിയത് മറ്റൊരു സ്‌കൂൾ വിദ്യാർത്ഥിനിയുടെ ഞെട്ടിക്കുന്ന വെളിപ്പെടുത്തൽ; പ്രവാസിയുടെ ഭാര്യയുടെ ഇഷ്ടക്കാരൻ കാമ വെറി തീർക്കാൻ കടന്ന് പിടിച്ചത് എട്ടും പൊട്ടും തിരിയാത്ത പെൺകുട്ടിയെ; കൈതട്ടി മാറ്റി കുതറിയോടിയിട്ടും അമ്മയോട് പറയാൻ മടിച്ചത് എല്ലാം ബോധ്യമുള്ളതിനാൽ; കൊളത്തുമല സിപിഎം ബ്രാഞ്ച് സെക്രട്ടറിയെ കുടുക്കി ചൈൽഡ് ലൈൻ ഇടപെടൽ; സഖാവ് പ്രജിത്ത് ലാൽ കുടുങ്ങുമ്പോൾ
വല്ലപ്പോഴും മദ്യപിക്കുന്ന റിജോഷിന് മദ്യപിക്കാത്ത വസീം എല്ലാ ദിവസങ്ങളിലും മദ്യം വാങ്ങാൻ പണം നൽകിയത് അവിഹിതം ശക്തമാക്കാൻ; 12 വർഷം മുമ്പത്തെ പ്രണയ വിവാഹത്തിൽ അസ്വസ്ഥത പടർത്തിയതും മാനേജർ; റിജോഷിനെ കാണാനില്ലെന്ന പരാതിയിൽ ഭാര്യ നൽകിയത് കോഴിക്കോട്ട് നിന്ന് ഫോണിൽ വിളിച്ചുവെന്ന കള്ള മൊഴി; രണ്ട് വയസ്സുള്ള ഇളയ മകളുമായി ലിജി നാടുവിട്ടതോടെ എല്ലാം പൊലീസ് ഉറപ്പിച്ചു; സത്യം മാന്തി കണ്ടെത്തി ജെനിയും; ശാന്തൻപാറ മഷ്‌റൂം ഹട്ടിലെ കൊലപാതകം സ്ഥിരീകരിച്ചത് ഈ പെൺനായ
ഫെയ്‌സ് ബുക്കിലെ പരിചയം വാട്‌സാപ്പിലൂടെ ആളിക്കത്തി; ഫോൺ വിളിയിൽ അസ്ഥിക്ക് പിടിച്ചപ്പോൾ മക്കളേയും ഭർത്താവിനേയും ഉപേക്ഷിച്ച് കാമുകനെ തേടി യാത്ര; മൊബൈൽ നമ്പറിലെ വിലാസം കണ്ടെത്തി ബാഗുമായി ഒളിച്ചോടിയത് സ്വപ്‌നങ്ങളുമായി; ലക്ഷ്യത്തിൽ എത്തിയപ്പോൾ കണ്ടത് മീശ മുളയ്ക്കാത്ത പ്ലസ് വൺകാരനായ കാമുകനും! കാമുകിയെ കണ്ട് പേടിച്ചു വിറച്ച് പൊട്ടിക്കരഞ്ഞ് പതിനാറുകാരൻ; ഗതികെട്ട് കുത്തിയിരുന്ന് കാമുകിയും; ക്ലൈമാക്‌സിൽ ഭർത്താവിന്റെ മാസ് എൻട്രിയും; കണ്ണൂരിനെ ചിരിപ്പിച്ച പ്രണയം പൊളിഞ്ഞത് ഇങ്ങനെ
ഓവർസീയർമാരായ രാഹുലിന്റെയും ഭാര്യ സൗമ്യയുടെയും ജീവൻ തട്ടിപ്പറിച്ചെടുത്തത് ചീറിപ്പാഞ്ഞെത്തിയ കെഎസ്ആർടിസിയുടെ വോൾവോ ബസ്; പരിചയപ്പെട്ടിട്ടുള്ളവർക്കെല്ലാം നിറപുഞ്ചിരി നൽകുന്ന യുവത്വം കെട്ടടങ്ങിയപ്പോൾ സങ്കടം സഹിക്കാനാവാതെ രണ്ട് ഗ്രാമങ്ങൾ; അച്ഛമ്മയുടെ കൈകളിൽ അമ്മയെയും അച്ഛനെയും കാത്തിരിക്കുന്ന രണ്ടു വയസുകാരിയോടു എങ്ങനെ പറഞ്ഞു കൊടുക്കും ഇനി അവർ മടങ്ങി വരില്ലെന്ന്
വിവാഹം കഴിഞ്ഞ് വരന്റെ വീട്ടിലേക്കുള്ള യാത്രയ്ക്കിടെ വധുവിന്റെ ഫോണിലേക്ക് സന്ദേശമെത്തി; വണ്ടിയിൽ ഇരുന്ന് വഴക്കിട്ട് നവദമ്പതികൾ; വരന്റെ വീട്ടുപടിക്കൽ എത്തിയ വധു വീട്ടിൽ കയറില്ലെന്ന് വാശിപിടിച്ചു; ബന്ധുക്കളും നാട്ടുകാരും ശ്രമിച്ചിട്ടും വധുവിന്റെ മനസുമാറാത്ത യുവതി സ്വന്തം വീട്ടിലേക്ക് തിരിച്ചുപോയി; പൊലീസ് സ്‌റ്റേഷൻ കയറിയ തളിപ്പറമ്പിലെ പുലിവാൽ കല്യാണത്തിന്റെ കഥ
യോനിയിൽ കമ്പ് കുത്തി കയറ്റിയ നിലയിലുള്ള ആ ചെറിയ കുട്ടിയുടെ മൃതദേഹത്തിന്റെ പോസ്റ്റ്മോർട്ടം കണ്ടുനിൽക്കാൻ പോലും കഴിയില്ലായിരുന്നു; പക്ഷേ ഡോക്ടർക്ക് കർത്തവ്യം നിറവേറ്റിയേ പറ്റൂ; ആ പഴയ ഓർമ്മകളെല്ലാം വീണ്ടും വന്ന ദിവസമാണിന്ന്; കുറ്റം തെളിയിക്കാൻ സാധിക്കാത്തത് സ്റ്റേറ്റിന്റെ പരാജയമാണ്; വാളയാർ സംഭവങ്ങളുടെ പശ്ചാത്തലത്തിൽ ഡോ.ജിനേഷ് പിഎസ് എഴുതുന്നു
ഗർഭിണിയായ ജോമോൾ ജോസഫിന്റെ വയറിന് ചവിട്ടിയും തലയ്ക്ക് കമ്പിവടി കൊണ്ട് അടിച്ചും ആക്രമണം; ഗേറ്റ് പൂട്ടി ആശുപത്രിയിൽ കൊണ്ടുപോകുന്നത് തടയാനും ഗൂണ്ടകൾ; ആക്രമണം ഫറോഖ് കോളേജിനടുത്തുള്ള ട്രാൻസ്‌മെൻ കിരൺ വൈലശ്ശേരിയുടെ വീട് സന്ദർശിച്ചപ്പോൾ; ആക്രമണം അഴിച്ചുവിട്ടത് കിരണിന്റെ സഹോദരൻ വി. ജയരാജനടക്കം മുപ്പതോളം പേർ ചേർന്ന്; ജോമോൾ മെഡിക്കൽ കോളേജ് ഐസിയുവിൽ
ജയറാമിന്റെ മകൾ അമ്മ പാർവ്വതിക്കൊപ്പം കല്ല്യാണത്തിന് പോയപ്പോൾ പാവടയും ഉടുപ്പും ഒക്കെ ധരിക്കാൻ മറന്നു പോയതാണോ? പാർവ്വതിക്കൊപ്പം ഇരിക്കുന്ന ചിത്രം ഇൻസ്റ്റാഗ്രാമിൽ പങ്കു വച്ച മാളിവകയ്‌ക്കെതിരെ കടുത്ത സൈബർ ആക്രമണം; സദാചാരവാദികളെ ചൊടിപ്പിച്ചത് കാലിന്മേൽ കാലെടുത്ത് വച്ചിരിക്കുന്ന ഫോട്ടോയിൽ വസ്ത്രം ഒട്ടും കാണാനാവാത്തത്; സാരിയിൽ സുന്ദരിയായി ഇരിക്കുന്ന പാർവ്വതിയെ ചൂണ്ടികാട്ടി അമ്മയെ കണ്ടു പഠിക്കൂവെന്ന് ഉപദേശിച്ച് സോഷ്യൽ മീഡിയ
അമ്മയുടെ മരണവിവരം അറിയിക്കാൻ വിളിച്ചപ്പോൾ ദിലീപ് തെറി വിളിച്ചതോടെ തുടങ്ങിയ വൈരാഗ്യം! നടിയെ ആക്രമിച്ച കേസിൽ കാവ്യാ മാധവൻ ചർച്ചയാക്കിയത് ഈ സൗഹൃദം; കിട്ടാനുള്ള 60 ലക്ഷത്തിന് പുഷിന് ലേഡി സൂപ്പർ സ്റ്റാർ വക്കീൽ നോട്ടീസ് അയച്ചതോടെ കൂട്ടുകാരും രണ്ട് വഴിക്ക്; ഒടി വിദ്യയിലെ ഗൾഫിലെ പ്രമോഷനിടെയും സംവിധായകനും നടിയും തമ്മിലുടക്കി; 'കല്യാണിലെ' സൗഹൃദം അവസാനിക്കുന്നത് ബെഹ്‌റയ്ക്ക് മുമ്പിൽ; ദിലീപിന്റെ കുടുംബ കഥയിലെ വില്ലൻ പുഷ് ശ്രീകുമാറിന് മഞ്ജു വാര്യർ 'ചെക്ക്' പറയുമ്പോൾ
വീട്ടിലെ കിടക്ക മുതൽ അലമാര വരെ എടുത്ത് കാമുകനൊപ്പം ഒളിച്ചോടിയത് രണ്ട് കുട്ടികളുടെ മാതാവ്; ഭാര്യയേയും രണ്ട് കുട്ടികളേയും ഉപേക്ഷിച്ച് ഷീബയേയും കൂട്ടി ഒളിച്ചോടിയ സുജിത്തിനെയും കാമുകിയേയും പൊലീസ് അറസ്റ്റ് ചെയ്തത് ജുവനൈൽ ജസ്റ്റിസ് ആക്ട് അനുസരിച്ചും; ഗായകൻ ഷമ്മാസ് കിനാലൂരും കുറ്റിക്കാട്ടിൽ ഷിബിനയുടെയും ഒളിച്ചോട്ടത്തിന് പിന്നാലെ കോഴിക്കോട് നിന്ന് വീണ്ടും ഒളിച്ചോട്ട വാർത്തകൾ
എല്ലാവർക്കും സൗജന്യ ചികിത്സ; സ്വകാര്യ ആശുപത്രിയിലേക്ക് മാറ്റിയാലും മൂഴുവൻ പണവും സർക്കാർ കൊടുക്കും; ഒരു കുടുംബത്തിനു വേണ്ട വെള്ളവും വൈദ്യുതിയും ഫ്രീ; വനിതകൾക്ക് സൗജന്യ യാത്ര; ഹൈടെക്ക് ആയതോടെ സ്വകാര്യ സ്‌കൂളുകളിൽ നിന്ന് സർക്കാർ സ്‌കൂളുകളിലേക്ക് കുട്ടികളുടെ കുത്തൊഴുക്ക്; ഇത്രയേറെ സൗജന്യങ്ങൾ കൊടുത്തിട്ടും ഖജനാവിൽ പണം ബാക്കി; സാമ്പത്തിക അത്ഭുതമായി ഡൽഹിയിലെ കെജ്രിവാൾ സർക്കാർ; പിണറായിയും മോദിയും അറിയണം, ഇങ്ങനെയും ഒരു സർക്കാർ ഇന്ത്യയിൽ പ്രവർത്തിക്കുന്നുണ്ടെന്ന്!
നിറപറ എംഡിയിൽ നിന്ന് 49 ലക്ഷം തട്ടിച്ചെടുത്തത് പെൺകുട്ടികളുടെ സൗന്ദര്യവും കസ്റ്റമേഴ്സിന്റെ പോക്കറ്റിന്റെ കനവും നോക്കി നിരക്ക് നിശ്ചയിക്കുന്ന സെക്സ് റാക്കറ്റ് ക്യൂൻ; കച്ചവടം കൊഴുപ്പിക്കാൻ പുതുവഴികൾ തേടുന്ന ബുദ്ധിമതി; പഞ്ചനക്ഷത്ര ഹോട്ടലുകൾക്ക് വരെ യുവതികളെ സപ്ലൈ ചെയ്യുന്ന മാഫിയാ രാജ്ഞി; ബിജു കർണ്ണനെ പറ്റിച്ചത് വിദേശ ബന്ധങ്ങളുള്ള സെക്‌സ് റാക്കറ്റ് നടത്തിപ്പുകാരി: അരി മുതലാളി കുടുക്കിയത് തൃശൂരിലെ ലേഡി ഡോൺ സീമയെ
ഫെയ്സ് ബുക്കിൽ പരിചയപ്പെട്ട ശേഷം നിറപറ മുതലാളിയിൽ നിന്ന് കടമായി വാങ്ങിയത് ആറു ലക്ഷം; ബലാത്സംഗം ചെയ്തുവെന്ന് പ്രചരിപ്പിക്കുമെന്ന് ഭീഷണിപ്പെടുത്തി ബിജു കർണ്ണനിൽ നിന്നും വാങ്ങിയത് 40 ലക്ഷത്തിലേറെ; വലയിൽ വീഴുന്നവരെ ഫ്‌ളാറ്റിലെത്തിച്ച് ലൈംഗിക ബന്ധത്തിൽ ഏർപ്പെടുകയും ഇത് ഷൂട്ട് ചെയ്ത് ഭീഷണിപ്പെടുത്തി സമ്പാദിച്ചത് ലക്ഷങ്ങൾ; സിനിമാ നടിമാരും കസ്റ്റമേഴ്സ്; ചാലക്കുടിക്കാരി സീമയുടെ തേൻകെണിയിൽ കുടുങ്ങിയത് പ്രവാസികളും ടെക്കികളും പൊലീസ് സർക്കിൾ ഇൻസ്പെക്ടറും അടക്കം നിരവധി പേർ
കുടുംബത്തിൽ ഒതുങ്ങാത്ത, പച്ചയ്ക്ക് വേശ്യാവൃത്തി ചെയ്യുന്ന സ്ത്രീ; ശരീരത്തിന്റെ സുഖത്തിന് വേണ്ടി മാത്രം ജീവിക്കുന്ന സ്ത്രീ, ആരാണെന്ന് അറിയാത്തവരുടെ മുന്നിൽ പോലും ശരീരം കാഴ്ച വെയ്ക്കുന്ന സ്ത്രീ; മഞ്ചേശ്വരത്തെ മുസ്ലിംലീഗ് സ്ഥാനാർത്ഥിയുടെ തെരഞ്ഞെടുപ്പു പ്രചരണത്തിൽ പങ്കെടുത്തതിനെ വിമർശിച്ച ജസ്ല മാടശ്ശേരിക്ക് ഫിറോസ് കുന്നംപറമ്പിൽ മറുപടി നൽകിയത് അധിക്ഷേപം നിറച്ച്; 'നന്മ മരത്തിന്റെ തനിസ്വഭാവം പുറത്തുവന്നു' എന്ന് വിമർശിച്ച് സോഷ്യൽമീഡിയ