1 usd = 71.50 inr 1 gbp = 93.76 inr 1 eur = 79.24 inr 1 aed = 19.46 inr 1 sar = 19.07 inr 1 kwd = 235.43 inr

Dec / 2019
05
Thursday

അതിരുകളും ആകാശങ്ങളും

May 25, 2019 | 06:23 PM IST | Permalink



അതിരുകളും ആകാശങ്ങളും

ഷാജി ജേക്കബ്‌

രുപതാം നൂറ്റാണ്ടിൽ കമ്മ്യൂണിസവും ക്രിസ്തുമതവും തമ്മിലുണ്ടായതുപോലെ ഇത്രമേൽ പ്രശ്‌നഭരിതമായ ആശയസംഘർഷങ്ങളും സമന്വയങ്ങളും മറ്റേതെങ്കിലും രണ്ടു സ്ഥാപനങ്ങൾ തമ്മിലുണ്ടായിട്ടുണ്ടോ? സംശയമാണ്. യൂറോ-അമേരിക്കൻ ഭൗതിക-ആദ്ധ്യാത്മിക ചിന്തകളുടെ ഇരുധ്രുവങ്ങളെ പ്രതിനിധീകരിക്കുന്ന പ്രത്യയശാസ്ത്ര വ്യവസ്ഥകളെന്ന നിലയിൽ മാത്രമല്ല ഈ സമ്മിശ്ര ബന്ധം നിലനിന്നിട്ടുള്ളത്. ആധുനികത, മുതലാളിത്തം, ദേശീയത, ജനാധിപത്യം, മതേതരത്വം, ശാസ്ത്രബോധം, വർഗരാഷട്രീയം, ചരിത്രവിജ്ഞാനീയം എന്നിങ്ങനെ പതിനെട്ടാം നൂറ്റാണ്ടിൽ ആരംഭിക്കുകയോ കരുത്താർജ്ജിക്കുകയോ ചെയ്യുന്ന പാശ്ചാത്യ നാഗരികതയുടെ വ്യവഹാര മണ്ഡലത്തിലെ മറ്റുപല ചിന്താപദ്ധതികൾക്കും തമ്മിലുള്ളതിനേക്കാൽ എത്രയോ തീവ്രതീഷ്ണമായ ആഴക്കടൽ വൈരുദ്ധ്യങ്ങളാണ് ഇവ തമ്മിലുടലെടുത്തത്! അതേസമയം തന്നെയാണ് നൂറ്റാണ്ടിന്റെ രണ്ടാം പകുതിയിൽ ലാറ്റിനമേരിക്ക മുതൽ കേരളം വരെയുള്ള ഇടങ്ങളിൽ കീഴാള വിമോചനത്തിന്റെ പുതിയൊരു പ്രത്യയശാസ്ത്രവും പ്രയോഗരൂപവുമായി മാർക്‌സിസവും ക്രിസ്തുമതവും പരസ്പരം കൈകോർക്കുന്നതും.

രണ്ടാം ലോകം നിലനിന്ന 1917-1989 കാലം ഇതിലൊരു പ്രതിലോമഘട്ടവും വിപര്യയവും മാത്രമായിരുന്നു. അടിസ്ഥാനപരമായി കഴിഞ്ഞ നൂറ്റാണ്ടിലെ മനുഷ്യ ചരിത്രത്തിലും സംസ്‌കാരത്തിലും സ്ഥാനപ്പെടുത്തിയ ഏറ്റവും ശ്രദ്ധേയമായ ജ്ഞാനസ്‌നാനമായിരുന്നു. ഈ രണ്ടു ചിന്താപദ്ധതികൾ തമ്മിൽ ആശയതലത്തിലും പ്രായോഗിക തലത്തിലും രൂപംകൊണ്ട ഉഭയസ്വഭാവമുള്ള ബന്ധം. സാഹിത്യത്തിലും പ്രതിധ്വനിച്ചു, ഈ കാലം. മലയാളത്തിൽ ആധുനികതാ വാദത്തിന്റെ പ്രായോഗിക ഭാവുകത്വമായി സാഹിത്യം ഏറ്റെടുത്തത് കമ്യൂണിസത്തിനു നേർക്കുള്ള ജനാധിപത്യപരമായ പ്രതിഷേധവും പകരംവച്ച മാനവികതയുടെ പ്രതിബോധവുമായിരുന്നു. ആധുനികാനന്തരതയിലാകട്ടെ ഈ രാഷട്രീയം പുതിയ ലോകക്രമങ്ങളിലേയ്ക്കും കാലഭ്രമങ്ങളിലേയ്ക്കും പടർന്നു.

തൊണ്ണൂറുകളുടെ ഒടുവിൽ കഥയെഴുത്താരംഭിക്കുന്ന പി.ജെ.ജെ. ആന്റണി മലയാളത്തിൽ മേൽപറഞ്ഞ വിചാര പദ്ധതികളുടെ സംഘർഷവും സമന്വയവും ചരിത്രവൽക്കരിക്കുന്നതിൽ സവിശേഷശ്രദ്ധ പുലർത്തി. തീർച്ചയായും സക്കറിയയും സാറാജോസഫും ഉൾപ്പെടെയുള്ള ഒരു നിര എഴുത്തുകാർ ഈ ഭാവരാഷ്ട്രീയത്തിലിടപെടുകയും തങ്ങളുടെ ഒന്നിലധികം രചനകളിൽ ഈ അനുഭവ തലത്തെ സാമൂഹ്യവൽക്കരിക്കുകയും ചെയ്യുന്നുണ്ട്. പക്ഷേ ആന്റണി അതിൽ നിന്നെല്ലാം വ്യത്യസ്തനാണ്. ആത്മാവിന്റെ ശരീരരൂപമാണ് മനുഷ്യജീവിതമെന്നു തിരിച്ചറിയുന്ന ഒരു പിതാവിന്റെ കടന്നുപോകലിന്റെ കഥ പറയുന്ന 'ജീവിതത്തെക്കുറിച്ച് ഒരു ഉപന്യാസം', ചരിത്രമായി വേഷം മാറി നിൽക്കുന്ന മതവും ആത്മീയതയും ഉള്ളിൽ പേറുന്ന വർഗ്ഗീയതയുടെ നരകാഗ്നി ജ്വലിക്കുന്ന 'ചരിത്രവും കല്പിതങ്ങളും', സൈബർ കാലത്തെ മതകാപട്യങ്ങളുടെ മറ നീങ്ങുന്ന 'അത്ഭുതങ്ങളുടെ രഹസ്യവാതിൽ', മതവിശ്വാസവും രാഷട്രീയ വിശ്വാസവും ഇടകലർന്ന കടലോര ജീവിതത്തിന്റെ ഭൂതവർത്തമാനങ്ങൾ സംഘർഷാത്മകമായി തിരയടിക്കുന്ന, 'ദൈവമേ,ദൈവമേ നീയെന്നെ കൈവിടാത്തതെ ന്തുകൊണ്ട്?', മിത്തിലും ചരിത്രത്തിലും മാറിമാറി ജീവിക്കുന്ന യേശു തങ്ങളുടെ മരിച്ചുപോയ മകനായി ദിവാകരനെയും ഉമയെയും തേടിവരുന്ന 'പുലരിത്തൂമഞ്ഞു തുള്ളിയിൽ' വിമോചന ദൈവശാസ്ത്രത്തിന്റെയും മതവിചാരണയുടെയും രാഷ്ട്രീയോർജ്ജം തുളുമ്പുന്ന 'ക്രിസ്തു സഹസ്രനാമം', മരണത്തെ മറികടക്കുന്ന മനുഷ്യപ്രജ്ഞയെ ദൈവം നേരിട്ടു വിലയിരുത്തുന്ന 'ഹാ! വിജിഗീഷു, മൃത്യുവിന്നാമോ ജീവിതത്തിൻ കൊടിപ്പടം താഴ്‌ത്താൻ' തുടങ്ങിയ കഥകളിൽ മർത്യജീവിതം മൂല്യനിർണ്ണയം ചെയ്യപ്പെടുന്നത്. ദൈവത്തിനും ആത്മാവിനും മുന്നിൽ വിറപൂണ്ടു നിൽക്കുന്ന മനുഷ്യരെയും ശരീരങ്ങളെയും മുൻനിർത്തിയാണ്.

വിശ്വാസിയാകട്ടെ, അവിശ്വാസിയാകട്ടെ, അവർ കടൽക്ഷോഭത്തിലിടിഞ്ഞൂർന്നു പോകുന്ന മണൽത്തിട്ട പോലെ തങ്ങളുടെ ആയുസ്സറ്റു പോകുന്നതിനു നിശ്ശബ്ദം സാക്ഷ്യം വഹിക്കുന്നു. ക്രിസ്തുമതത്തിൽ നിന്നുകൂടി പിറവികൊള്ളുന്ന ജീവിതമൂല്യങ്ങളിലുറച്ചുനിന്ന് ആന്റണി മുന്നോട്ടുവയ്ക്കുന്ന കമ്യൂണിസത്തിന്റെ ഭൂതവർത്തമാനങ്ങൾ തമ്മിലുള്ള പ്രത്യയശാസ്ത്ര സംഘർഷങ്ങളാണ് ഇനിയൊരുപറ്റം കഥകളിലുള്ളത്.

ആലപ്പുഴയുടെ കമ്യൂണിസ്റ്റ് ഭൂതവും ചരിത്രവും പുനർനിർമ്മിക്കുന്ന സ്വപ്നമായി കുന്തക്കാരൻ പത്രോസിന്റെ ജീവിതവും പരാജയവും മായികഭാവനയിൽ രേഖപ്പെടുത്തുന്ന, 'സ്റ്റാലിനിസ്റ്റുകൾ മടങ്ങിവരുന്നുണ്ട്', 'ഭ്രാതൃഹത്യ', എന്നീ കഥകളാണ് ഈ വിഭാഗത്തിലെ ശ്രദ്ധേയമായ ആദ്യകാല മാതൃകകൾ. പുന്നപ്ര വയലാറിനു ശേഷവും പാർട്ടിയുടെ വാരിക്കുന്തം നെഞ്ചിലേറ്റു വാങ്ങേണ്ടിവരുന്ന പത്രോസിന്റെ പരാജിത ജീവിതം യേശുവിന്റേതിനോടു സമീകരിക്കപ്പെടുന്നുണ്ട്. പുന്നപ്ര വയലാർ സ്മൃതിയിൽ നിന്നു തുടങ്ങുന്ന കാലവും ചരിത്രവും ജീവിതവും ആഗോളവൽക്കരണത്തോളം പിന്തുടരുന്ന ഒരു കമ്യൂണിസ്റ്റ് ആത്മകഥയാണ് 'ചരിത്രത്തിന്റെ അന്ത്യപ്രലോഭനം'. മതവും രാഷട്രീയവും സ്ഥലവും കാലവും സംലയിച്ച് വിപ്ലവത്തിന്റെ നിഷ്ഫലതയെക്കുറിച്ച് സൃഷ്ടിക്കുന്ന ചരിത്രാനുഭവമാണ്, 'പിതൃക്കളുടെ മുസോളിയ' ത്തിന് വലിയ അർത്ഥ സാധ്യതകൾ തുറന്നിടുന്നത്. കെട്ടുകഥകളുടെ സ്വർഗം നിർമ്മിച്ച ലെനിന്റെ ശവകുടീരം വിഡ്ഡിയായ പുണ്യാളന്റെ ഭദ്രാസനപ്പള്ളിപോലെ തന്നെ ചരിത്രത്തിൽ മാലിന്യമായി നിറയുന്നു. 'അഴിഞ്ഞ പൂവിനെ അതിനെ വിടർത്തിയ നിലം പിന്നെ ഓർക്കുന്നില്ല' എന്ന് കഥ മഹാനായ ലെനിന്റെ വിധി കുറിച്ചിടുന്നു. നർമ്മത്തിൽ കുതിർന്ന ഒരു ഇടത്‌വലതു കമ്യൂണിസ്റ്റ് വിഭജന കഥയാണ്, 'ഇടംവലം'. വാഗ്ഭടാനന്ദനിൽ നിന്നാരംഭിച്ച് കമ്യൂണിസത്തിലെത്തുന്ന ഒരു സമാന്തര രാഷട്രീയ ചരിത്രം 'ലൗജിഹാദ്' അവതരിപ്പിക്കുന്നു. ഹിംസയുടെ നിരർഥകതയിലേക്ക് കൂപ്പുകുത്തിവീണ ഇടതു തീവ്രവാദത്തിന്റെ ഇന്ത്യൻ അനുഭവങ്ങൾ കനുസന്യാൽ മുതൽ കെ. വേണു വരെയുള്ളവരെ മുൻനിർത്തി ആവിഷ്‌കരിക്കുന്നു 'ചിതയും കനലും'. ചരിത്രത്തിൽ കല്പിതങ്ങളായി മാറുന്ന ഇടതുപക്ഷ രാഷട്രീയത്തിന്റെ അടിപതറലുകൾ ചൂണ്ടിക്കാണിക്കുന്നു, ഈ കഥകളോരോന്നും. ഓർമ്മയായും അനുഭവമായും പ്രേതാത്മാക്കളുടെ പരകായ പ്രവേശമായുമൊക്കെ കമ്യൂണിസം ആന്റണിയുടെ കഥാലോകത്തിനുമേൽ ചിറകു വിടർത്തി നിൽക്കുന്നു. ചുടുകാടുകളിൽ നിന്ന് മുസോളിയങ്ങളിലേയ്ക്ക് വേദി മാറുമ്പോഴും വിപ്ലവകാരികളുടെ രക്തസാക്ഷ്യം ഒരു വലിയ നുണയായി കാലപത്രത്തിൽ എഴുതപ്പെടുന്നുവെന്ന് ഈ കഥകൾ അടിവരയിട്ടുപറയുന്നു. കമ്യൂണിസത്തെയും ക്രിസ്തുമതത്തെയും വിശ്വാസ മാർഗങ്ങളുടെ ധ്രുവാന്തരങ്ങളിൽ വേറിട്ടുപതിപ്പിക്കുകയല്ല, പ്രായേണ, അവ പുലർത്തിയ സംഘർഷങ്ങളുടെയും സമന്വയങ്ങളുടെയും സമ്മിശ്രധാരകളിൽ കണ്ടെത്തി ചരിത്രവൽക്കരിക്കുകയാണ് ആന്റണിയുടെ കലാസങ്കേതം.

ഇവിടെനിന്നു മുന്നോട്ടുപോയി ചരിത്രത്തെ ദേശീയതയുടെ പാഠരൂപങ്ങളിലേയ്ക്കു പരാവർത്തനം ചെയ്യുന്ന കഥകളിലാണ് പൊതുവെ തന്റെ കഥയെഴുത്തിന്റെ സമീപകാലം ആന്റണി നങ്കൂരമിട്ടു നിൽക്കുന്നതെന്നു തെളിയിക്കുന്നു, 'വെടിമരുന്നിന്റെ മണം'. ദേശീയതയെ പ്രശ്‌നവൽക്കരിക്കുന്ന രചനകളുടെ ഭാവാന്തരീക്ഷവും ആന്റണി ഇന്ത്യൻ ഉപഭൂഖണ്ഡങ്ങളിലൊതുക്കുന്നില്ല. നാസിക്യാമ്പു മുതൽ ഇസ്ലാമിക രാഷട്രങ്ങളിലെ വധശിക്ഷ വരെ തീഷ്ണമായാവിഷ്‌കരിക്കുന്ന 'സകല വ്യജ്ഞനക്കടയിൽ രണ്ടു വിധവകൾ', നാസി ജർമ്മനിയുടെ ഭാഗധേയങ്ങൾ അരനൂറ്റാണ്ടിലൂടെ പരിണമിച്ചെത്തുന്ന സന്ദർഭങ്ങൾ ചിത്രീകരിക്കുന്ന 'ചരിത്രവും നിഷ്‌കളങ്കതയും', ചരിത്രം മിത്തായി മാറുമ്പോൾ കാലം കുഴ മറിഞ്ഞു പായുന്ന മാജിക്കൽ റിയലിസത്തിന്റെ ഒന്നാന്തരം മാതൃകകളിലൊന്നായി തീരുന്ന 'കാലദംശനം'. ലാലാലജ്പത്‌റായിയുടെ നിഷ്ഠൂരമായ ഹത്യയ്ക്കു പകരം വീട്ടുന്ന പഞ്ചാബിന്റെ പക, ഭഗത്സിംഗിന്റെ ബലിയിലൂടെ ചരിത്രവൽക്കരിക്കുന്ന 'ലാഹോർ 1928' , നാല് സോഷ്യൽ മീഡിയ സുഹൃത്തു ക്കൾ ബോഡോ, ഉൽഫാ കലാപകാരികളുടെ രാഷട്രീയം പങ്കുവയ്ക്കുന്ന 'ഡൽഹിയിലേയ്ക്കുള്ള വിമാനം' എന്നീ കഥകൾക്കുള്ളത് പ്രത്യക്ഷത്തിൽതന്നെ ചരിത്രത്തിന്റെ ഒരു ഖണ്ഡം കഥയായെഴുതുന്ന കലാസമീപനമാണ്. ഇക്കൂട്ടത്തിൽ ഏറ്റവും ശ്രദ്ധേയമായ ലാഹോർ-1928 എന്ന കഥ നോക്കുക. ദേശീയ ചരിത്രത്തിലെ രക്തസ്‌നാതമായ ഒരധ്യായമാണ് ലാഹോർ 1928 പങ്കുവയ്ക്കുന്ന ഭഗത്സിംഗിന്റെ മരണാനുഭവങ്ങൾ. 1928 ഡിസംബർ 18 ന്, ലാലാലജ്പത്‌റായിയുടെ ചോരയ്ക്കു പകരം വീട്ടാൻ പഞ്ചാബിന്റെ വീര്യം മുഴുവൻ ഉറഞ്ഞുകൂടിയ ഒരു കൈത്തോക്കുമായി ഭഗത്സിങ് പൊലീസ് ഓഫീസർ സാണ്ടേഴ്‌സനെ കാത്തുനിന്നു. ഗ്രാമങ്ങളുടെ പട്ടിണിയും അഭയാർത്ഥികളുടെ അലച്ചിലും ഭരണകൂടത്തിന്റെയും ജന്മികളുടെയും കിരാതത്വങ്ങളും വിപ്ലവകാരിയാക്കിയ ഭഗത്സിംഗിന് ലാലായുടെ മരണം ഒരർത്ഥത്തിലും താങ്ങാനായില്ല. അഹിംസയുടെ പ്രവാചകൻ അയാളെ തീരെ ആകർഷിച്ചില്ല. ലാഹോറിൽ ഒരു ജനതയുടെ ആത്മാഭിമാനത്തിന് ചോരകൊണ്ടു തിലകക്കുറി തൊട്ടപ്പോൾ ഭഗത്സിംഗും രാജ്ഗുരുവും ചഞ്ചലരായില്ല. ജാതിയോ, മതമോ, വർഗ്ഗമോ, വംശമോ ആയിരുന്നില്ല അവരുടെ പിന്നിലും മുന്നിലും. കൊല്ലപ്പെടാത്തതുകൊണ്ടുമാത്രം രക്ഷപെടാനുറച്ച അവർ വേഷപ്രച്ഛന്നരായി കൽക്കത്തയിലേയ്ക്കു തിരിച്ചു. എങ്കിലും 1931 മാർച്ച് 23 ന് ബ്രിട്ടീഷ് ഭരണകൂടം ഭഗത്സിങ്, രാജ്ഗുരു, സുഖ്‌ദേവ് എന്നിവരെ തീവ്രവാദികളായി മുദ്രകുത്തി വധിച്ചു.ചന്ദ്രശേഖര ആസാദ് മുൻപുതന്നെ ഏറ്റുമുട്ടലിൽ പിടികൊടുക്കാതെ സ്വയം വെടിവച്ചു മരിച്ചിരുന്നു.

കഥ, ഈ കാലത്തേയ്ക്കു സഞ്ചരിക്കുന്നില്ല. 1928 ഡിസംബർ പതിനേഴും പതിനെട്ടും മാത്രമേ കഥയിലുള്ളൂ. പക്ഷേ കൽക്കത്തയിലേയ്ക്കുള്ള യാത്രയിൽ, ഭഗത്സിങ് തന്റെ ഭാവിയും ഗാന്ധിജിയുടെ രാഷട്രീയവും നേർക്കുനേർ ഏറ്റുമുട്ടുന്നതും തീവണ്ടിപ്പാളങ്ങൾ പോലെ സമാന്തരമായി മുന്നോട്ടുപോകുന്നതും കാണുന്നുണ്ട്. 'തീവണ്ടി ഒരു വളവു തിരിയുകയായിരുന്നു. ഒന്നാം ക്ലാസ് കൂപ്പെയുടെ ജാലകത്തിലൂടെ ഭഗത്സിംഗിന് മുൻപിൽ നീളുന്ന റെയിൽപാളങ്ങൾ കാണാം. നിഷ്‌കാമിയായ വിപ്ലവകാരി തന്റെ നിണസാക്ഷിത്വത്തെ പാളങ്ങളുടെ അതിദൂരത്തിൽ കണ്ടു. ചതിയന്മാരും ഒറ്റുകാരും രാജ്യ ദ്രോഹികളും കാത്തു നിൽക്കുന്ന ഇടത്താവളങ്ങൾ. അതിനുമപ്പുറം, അതിവിശ്വസ്തനായ ഒരാൾ ആദർശ പ്രണയത്തിന്റ കൊടുംഭ്രമത്തിൽ തന്നെ തള്ളിപ്പറയുന്നതും ഭഗത്സിങ് കണ്ടിരിക്കുമോ?.' മലയാള കഥയുടെ സമീപകാല ചരിത്രത്തിൽ ഇതിനേക്കാൾ ഭാവോജ്വലമായ ഒരു കഥാന്ത്യം കണ്ടിട്ടില്ല.

ഭഗത്സിംഗും കൂട്ടരും കൽക്കത്തയിലേയ്ക്കുപോയ തീവണ്ടി അവിടെ യാത്ര അവസാനിപ്പിച്ചില്ല. ദേശീയത, അതിന്റെ ഗർഭത്തിലനുഭവിച്ച ചരിത്രവേദനകളുടെ ഈ ഘട്ടം ഒരു വൃത്തവും പല മനുഷ്യായുസ്സും പൂർത്തിയാക്കി. വടക്കു കിഴക്കൻ സംസ്ഥാനങ്ങളിൽ അശാന്തിയായി പുകയുന്ന ദിനരാത്രങ്ങളിലേയ്ക്കത് അവരെയുംകൊണ്ട് സഞ്ചരിച്ചിരിക്കണം. ഡൽഹിയിലേയ്ക്കുള്ള വിമാനം എന്ന കഥയിൽ ആന്റണി ആ ചരിത്രമാണ് പറയുന്നത്. 'വെടിമരുന്നിന്റെ മണ'മുൾപ്പെടെ ഈ സമാഹാരത്തിലെ പല കഥകളും ഈ ചരിത്രത്തിന്റെ ബാക്കിയാണ്. അഴിഞ്ഞ പൂവിനെ, അതിനെ വിടർത്തിയ നിലം പിന്നെ ഓർക്കുമോ? എന്നുചോദിച്ച കാലത്തു നിന്ന് അഴിഞ്ഞുപോകേണ്ട അതിർത്തികളിലേയ്ക്കു ചുവടുമാറ്റുന്ന രചനകൾ.

ഒരു സിനിമയിലെ വേഷത്തെചൊല്ലി ദീപികപദുക്കോണിന്റെ കോലം കത്തിക്കുകയും അവർക്കെതിരെ വധഭീഷണി മുഴക്കുകയും ചെയ്യുന്ന ഭ്രാന്തുപിടിച്ച ജനക്കൂട്ടങ്ങൾ ദീപികയെയും പിതാവ് പ്രകാശ് പദുക്കോണിനെയും കണ്ട ഓർമ്മയിലേയ്ക്കു നീങ്ങുന്നു. ഒരു കമ്പനിക്കുവേണ്ടി ജോലി ചെയ്യുന്ന കാലം. അവരുടെ ജപ്പാൻ പ്രതിനിധി ഇഷിക്കാവയെയും മകൾ മാരിക്കോയെയും മൂന്നാർ കാണിക്കാൻ കൊണ്ടുപോയ സമയത്ത് അതേ ഹോട്ടലിൽ യാദൃച്ഛികമായി താമസിക്കാനെത്തിയതായിരുന്നു ബാഡ്മിന്റൺ രാജാവും രാജകുമാരിയും. ഇഷിക്കാവയും മാരിക്കോയും പദുക്കോണിന്റെ കഥയിലും കളിയിലും വിസ്മിതരായി, ഒപ്പം ദുഃഖിതരും. കാരണം, നാഗസാക്കി, ഹിരോഷിമ വിസ്‌ഫോടനങ്ങളിൽ അണുബാധയേറ്റവരായിരുന്നു ഇഷിക്കാവയും ഭാര്യയും. അതിന്റെ ഇരയായി പിറന്നവളാണ് മാരിക്കോ. ബാഡ്മിന്റൺ അവൾക്കും ഹരമായിരുന്നു. പക്ഷെ മൂന്നുവിരലുകൾ മാത്രമുള്ള കൈകൊണ്ട് എത്ര നന്നായി കളിക്കും? വംശീയതയുടെയും ദേശീയതകളുടെയും ഇരകളായി മാറുന്ന മനുഷ്യരുടെ വിധിയെക്കുറിച്ചാണ് ഈ കഥ. പ്രത്യക്ഷ ഹിംസകൾക്കൊപ്പംതന്നെ പ്രസക്തമാകുന്ന പരോക്ഷവും പ്രതീകാത്മകവുമായ ഹിംസകളെക്കുറിച്ച്. 'വാഗാപോയിന്റ്' എന്ന കഥ നോക്കൂ.

ദുബായിലെ ലേബർക്യാമ്പിൽ സൂരജ് എന്ന ദിവാകരന് പത്താൻകാരനായ അബാസിൻഖാനുമായുണ്ടാകുന്ന ആത്മ ബന്ധത്തിന്റെയും തമ്മിൽ പിരിഞ്ഞ് പതിറ്റാണ്ടുകൾക്കുശേഷം അയാളെ കാണാൻ വാഗാപോയിന്റിലെത്തുന്നതിന്റെയും ആഖ്യാനമാണ് കഥ. തന്റെ വേരു പറിച്ചെറിഞ്ഞ അതിർത്തിക്കിപ്പുറത്തെത്തുന്നവരെ കാണാൻ എല്ലാവർഷവും അബാസിൻഖാൻ മക്കളെയും കൂട്ടി വാഗാപോയിന്റിലെത്തും എന്നയാൾ പറഞ്ഞിരുന്നത് മനസ്സിൽ വച്ചാണ് ദിവാകരൻ അതിർത്തിയിൽ എത്തുന്നത്. ചരിത്രാതീത കാലംതൊട്ട് മനുഷ്യർ നിർബാധം സഞ്ചരിച്ച പൊതുവഴിയായിരുന്നു പാക്കിസ്ഥാനിലേയ്ക്കുണ്ടായിരുന്നത്. 1947-ൽ ആ ലോകവും കാലവും അവസാനിച്ചു. ലേബർ ക്യാമ്പിൽ ഇന്ത്യയിലും പാക്കിസ്ഥാനിലും നിന്നുള്ള തൊഴിലാളികൾ ചേരിതിരിഞ്ഞ് നിശബ്ദ യുദ്ധം നടത്തിയപ്പോൾ അതിർത്തിഗാന്ധിയായി അബാസിൻഖാൻ. ഉരുക്കുകോട്ടപോലെ രാഷട്രങ്ങളെ വേർതിരിച്ചു നിൽക്കുന്നു വാഗാപോയിന്റ്. അബാസിന്റെ വാക്കുകൾ. 'ഇടയ്ക്കു സമയം കിട്ടുമ്പോൾ ഞാനും കുടുംബവുമായി വാഗാപോയിന്റിലെ അതിർത്തി കവാടം കാണാൻ പോകും. കുട്ടികൾക്ക് ഒരു വിനോദം. പരദേശികൾക്ക് ഒരു കാഴ്ച. അതിനുമപ്പുറം വാഗ ഒരു സങ്കടമാണ്. ദൂരക്കാഴ്ച കുറഞ്ഞിരുന്ന പൂർവ്വികരുടെ ഒരു കൈപ്പിഴ. അതിനുമപ്പുറം പട്ടാളക്കാരുടെ അലർച്ചയും മെയ്യഭ്യാസവും ഒന്നും എന്നെ തൊടാറില്ല'. മതം ചരിത്രത്തെയും സംസ്‌കാരത്തെയും വിഴുങ്ങി ദേശീയതയെ നിർണ്ണയിക്കുന്ന കാലത്തിന്റെ കടന്നുപോക്ക് കൊതിക്കുന്ന മറ്റൊരു കഥ.

'റിപ്പബ്‌ളിക്ക്' എന്ന കഥയും ഡൽഹിയിേലയ്ക്കുള്ള വിമാനത്തിന്റെ നേരിട്ടുതന്നെയുള്ള തുടർച്ചയാണെന്നു പറയാം. ദിബ്രുഗഡിന്റെയും ബ്രഹ്മപുത്രയുടെയും വടക്കുകിഴക്കൻ ഇന്ത്യയുടെയും ശ്വാസകോശം മിടിക്കുന്ന രചന. ആനന്ദ് പോളികാർപോസ് ജെ.എൻ.യുവിൽ വിദ്യാർത്ഥിയായിരുന്ന മാലതിമഹാപാത്രയെ സ്വന്തമാക്കി. മൂന്നുമക്കൾ. ഡൽഹിയിൽ ജീവിതം. പിന്നീടാണ് ഗുവഹതിയിലേയ്ക്കുള്ള നിയോഗം. കാലം കൂലംകുത്തിയൊഴുകി. മക്കൾ മുതിർന്നു. തമ്മിൽ ചേരാൻ മതവും ജാതിയും ഭാഷയും ദേശവും വംശവും വർഗ്ഗവും മറന്നവരുടെ മക്കൾ മതചിഹ്നങ്ങൾ ശരീരത്തിലണിഞ്ഞ് വെളിച്ചപ്പാടുകളായി മാലതി മരിച്ചു. ഒടുവിൽ ഡൽഹിയിൽ മകന്റെ ഫ്‌ളാറ്റിൽ അഭയാർത്ഥിയായി ആനന്ദ്. അവിടെ ജോലിക്കുവരുന്ന ദളിത് സ്ത്രീയുടെ കുഞ്ഞിനെ ജാതി പറഞ്ഞ് പുറത്തിരുത്തുന്നു മരുമകൾ. ആ കുഞ്ഞിനോട് ആനന്ദിനു തോന്നുന്ന വാത്സല്യത്തിന്റെ ദയയിൽ അയാളുടെ പ്രാണൻ പഞ്ചഭൂതങ്ങളുടെ കൂടുവിട്ട് പറന്നു. ജാതിയുടെയും ബ്രാഹ്മണ്യത്തിന്റെയും ചരിത്രാനുഭവങ്ങൾ ഒരു രാഷ്ട്രത്തിന്റെ ആത്മാവിനെ വിഴുങ്ങിയ കാലത്തിന്റെ ഇങ്ങേത്തലയ്ക്കൽ ഒരു വൃദ്ധൻ തന്റെ ആത്മാവിൽ സംഗീതം പോലെ ഉയരുന്ന മർത്യസ്‌നേഹത്തിന്റെ മന്ത്രം കേൾക്കുന്നു. ഈ പുസ്തകത്തിലെന്നല്ല ആന്റണിയുടെ കഥാജീവിതത്തിലെതന്നെ ഏറ്റവും രാഷട്രീയ തീവ്രമായ രചനകളിലൊന്നാണിത്. ദേശീയതയ്ക്കുവേണ്ടിയുള്ള ഭ്രാന്തുകൾ എത്രമേൽ അർത്ഥശൂന്യമാണെന്നും മനുഷ്യൻ എത്രമഹത്തായ പദമാണെന്നും ജാതിയും മതവും വംശവും ഭാഷയും ദേശവും സൃഷ്ടിക്കുന്ന അതിർത്തികൾ അഴിഞ്ഞുപോകുക തന്നെവേണമെന്നും വിചാരിക്കുന്ന കഥ. റിപ്പബ്‌ളിക്കിന്റെ അവസാന ഭാഗം വായിക്കൂ. ആന്റണിയുടെ ആഖ്യാനത്തിന്റെ സൗന്ദര്യ രാഷ്ട്രീയം തിരിച്ചറിയാം.

'ഇപ്പോൾ ദയാമയി ഭിത്തിയിൽ ചാരി നിലത്തിരുന്ന അയാളുടെ ബ്രേക്ക്ഫാസ്റ്റ് ട്രേയിൽ നിന്നും ഒന്നൊന്നായി തിന്നുകയാണ്. ആനന്ദ് പൊളികാർപോസ് ഫ്‌ളാസ്‌കിൽ നിന്നും ചൂടുചായ പകർന്ന് ആ പെൺകുഞ്ഞിന്റെ മുന്നിൽവച്ചു. മുറിയിലെ എയർകണ്ടീഷന്റെ ഇളം തണുപ്പിൽ ആ കൊച്ചുപെൺകുട്ടി ആഹ്ലാദവതിയായി ഭക്ഷണം കഴിക്കുന്നത് അയാൾ തൃപ്തിയോടെ കാണുകയായിരുന്നു. വളരെ കാലങ്ങൾക്കുശേഷം അന്യരെ തൃപ്തരാക്കുന്നതിലെ ആനന്ദം അയാളിൽ നിറഞ്ഞു. റിമോട്ടിൽ ഞെക്കി ടെലിവിഷനിൽ ഒരു ഹിന്ദി കാർട്ടൂൺ ചാനൽ അയാൾ ദയാമയിക്കായി ട്യൂൺ ചെയ്തു. അതിനുശേഷം പതിവ് കാഴ്ചകളിലേയ്ക്കു മടങ്ങി. ദയാമയി വാപൊത്തി കുലുങ്ങിച്ചിരിക്കുന്നത് അയാൾ കാണാതെ കേട്ടു. 'ഇന്ത്യാഗേറ്റിനരികിൽ റിപ്പബ്ലിക് പരേഡിന്റെ റിഹേഴ്‌സൽ തുടങ്ങി. മുഴക്കമുള്ള കമാന്റുകൾ ഉച്ചഭാഷിണിയിലൂടെ ജാലകച്ചില്ലുകൾ തുളച്ച് ആ മുറിയിലേയ്ക്കു കടക്കുന്നുണ്ടായിരുന്നു. സൈനിക ബാൻഡിന്റെ ബേസ്ഡ്രമ്മും അനേകം ബ്യൂഗിളുകളും സൈഡ്ഡ്രമ്മുകളെ നിസ്സബ്ദരാക്കി. ബാഗ് പൈപ്പുകൾ ഉണർന്നപ്പോൾ അയാൾ കാതുകൾ കൂർപ്പിച്ചു. കവചിത വാഹനങ്ങളും കൂറ്റൻപീരങ്കികളും മെല്ലെ മുരണ്ട് നീങ്ങാൻ തുടങ്ങി. ഇടയ്‌ക്കെപ്പോഴോ കണ്ണോരങ്ങളിലൂടെ ദയാമയി ഉറക്കത്തിലേയ്ക്കു ചായുന്നത് അയാൾ കണ്ടു. ബെഡ്ഡിൽ നിന്നും ഒരു തലയണയും പുതപ്പും വിരിച്ച് അയാൾ ദയാമയിയെ മെല്ലെ ചരിച്ച് അതിൽ കിടത്തി. റിപ്പബ്ലിക് ഡേ പരേഡ് റിഹേഴ്‌സൽ ചെയ്യുന്നതിന്റെ ശബ്ദഘോഷം പെരുകാൻ തുടങ്ങി. അപ്പോൾ ഇന്ത്യാഗേറ്റിലേയ്ക്കു വരുന്ന നെടുമ്പാതകളെ ഒന്നൊന്നായി ആനന്ദ് പൊളികാർപോസ് ഓർത്തെടുത്തു. അശോക റോഡ്, അക്‌ബർമാർഗ്, ഷാജഹാൻ റോഡ്, ഡോക്ടർ സക്കീർ ഹുസൈൻ മാർഗ്, ബാലഗംഗാധരതിലക്മാർഗ്, കോപ്പർനിക്കസ് മാർഗ്, കസ്തൂർബാ മാർഗ്, പണ്ഡിറ്റ് ജവഹർലാൽ.......... അത്രയും ഓർമ്മിച്ചെടുത്തപ്പോൾ അയാൾ പൊടുന്നനെ ആയാസപ്പെട്ടു. നെഞ്ചിൽ ഒരു പ്രാവ് കുറുകി.

ഇടംതോളിൽ നിന്നും ഒരു വേദന മെല്ലെ കൈത്തണ്ടയിലേയ്ക്കു നൂണ്ടുകയറാൻ തുടങ്ങി. തന്റെ പ്രാണനിൽ ആരോ കൊളുത്തിട്ടതായി ആനന്ദ് പൊളികാർപോസ് അറിഞ്ഞു. ഇനി അധികനേരം ഉണ്ടാവില്ല. പഞ്ചഭൂതങ്ങളുടെ കൂടുവിട്ട് പ്രാണപ്പക്ഷി ആകാശങ്ങളുടെ തുറവി തേടുകയാണ്. ഇതൊരു ഭാഗ്യപ്പെട്ട കടന്നുപോകലാണ്. നിർമലയായ ഒരു മനുഷ്യജീവി അരികിലുണ്ടല്ലോ. ദയാമയി ഉറക്കത്തിൽ മന്ദഹസിക്കുന്നതും അന്നേരം അയാൾക്കു കാണാനായി. അനന്യമായയൊരു ലാഘവത്വം അയാളെ തഴുകി. പരേഡ് ഇന്ത്യാ ഗേറ്റ് വളഞ്ഞ് രാഷ്ട്രപതിഭവനിലേയ്ക്കു നീങ്ങാൻ തുടങ്ങിയിരുന്നു. ബേസ് ഡ്രമ്മുകളുടെ മുഴക്കം രുദ്രമായി'. നീലിമയെന്ന കൂടപ്പിറപ്പിനെ വിട്ടു ലോകസന്ദർശനത്തിനിറങ്ങിയ കരുണൻ കണ്ടതും ഹിംസകളുടെ ദേശാന്തരക്കാഴ്ചകളായിരുന്നു. മനുഷ്യൻ നടത്തിയ ഹിംസകളും പ്രകൃതി വിതച്ച ഹിംസകളും ഒരുപോലെ സൃഷ്ടിച്ച അനുഭവങ്ങളുടെ വെള്ളിടികൾ നാട് എന്നതിന്റെ അർഥരാഹിത്യത്തെക്കുറിച്ചെഴുതപ്പെട്ട കഥ. പിതൃഹത്യകളുടെ രണ്ടു മാനങ്ങളെ കുറിച്ചുള്ള ഒരു ക്രിസ്ത്യൻ അലിഗറിയാണ് 'ഫ്രാൻസിസ് പാപ്പ വധിക്കപ്പെടുമോ?' എന്ന കഥ. (മോറിസ് വെസ്റ്റിന്റെ 'ഡെവിൾസ് അഡ്വക്കേറ്റ്' വിവർത്തനം ചെയ്തിട്ടുണ്ട് പി.ജെ.ജെ. ആന്റണി). അപ്പനെ കൊല്ലാൻ തോക്കു നിറച്ചുകാത്തിരിക്കുകയാണ് മകൻ. കത്തോലിക്കാ സഭയ്ക്കുള്ളിൽ സൃഷ്ടിച്ച വിപ്ലവങ്ങൾ ഫ്രാൻസിസ് മാർപ്പാപ്പയ്ക്കു നേരെയും ഭീഷണി ഉയർത്തിയിരിക്കുന്നു. ഒരു പള്ളിമേടയിൽ ബിയർഗ്ലാസുകളുമായിരുന്നു സംസാരിക്കുന്ന രണ്ടു യുവ പുരോഹിതരുടെ ദൃക്‌സാക്ഷിത്വവും സംഭാഷണവുമാണ് ഈ രചന. ഒരാൾ സഭയ്ക്കു പുറത്തേയ്ക്കുള്ള വഴി തെരഞ്ഞെടുത്തുകഴിഞ്ഞു. അപരനാകട്ടെ ക്രിസ്തുവിന്റെയും മാർക്‌സിന്റെയും വഴികൾ ഒന്നിപ്പിക്കാനാണ് ആഗ്രഹിക്കുന്നത്. 'ഉപേക്ഷിച്ചാലും നീങ്ങിപ്പോകാത്തതാണ് പൗരോഹിത്യത്തിന്റെ തീത്തൈലമിട്ട മുദ്ര. ഒരിക്കൽ പൗരോഹിത്യം സ്വീകരിച്ചാൽ എന്നും പുരോഹിതൻതന്നെ. വൈകിയാണ് ഞാൻ സെമിനാരിയിലെത്തിയത്. തൊഴിൽ തേടിയും തൊഴിലെടുത്തും ഇത്തിരി ചുറ്റി. ബാംഗ്ലൂരും ദുബായും ന്യൂസിലാന്റും. എല്ലാത്തരം അനുഭവങ്ങളും എനിക്കുണ്ട്. എന്നിട്ടും അത്യുന്നതന്റെ കൂട്ടുകാരനും പുരോഹിതനുമാകുന്നതിന്റെ ആനന്ദം എന്നെ പ്രലോഭിപ്പിച്ചുകൊണ്ടേയിരുന്നു. അതിപ്പോഴുമുണ്ട്. അതു തീരുമ്പോൾ ഞാനും തീരും. നിന്നെപ്പോലെ പുസ്തകങ്ങളിൽ ആഴ്ന്നുപോകുന്ന ശീലം എനിക്കില്ല. കുറച്ചു മനുഷ്യർ ചുറ്റുമുണ്ടായാൽ മതി. മൃതിയെ അതിലംഘിച്ച് ഉത്ഥിതനായ യേശു എന്റെ പ്രീയ പ്രതീകമാണ്. ഒടുങ്ങാത്ത പ്രത്യാശയുടെ പ്രതീകം. സകലവും ഒടുങ്ങിപ്പോയാലും സ്‌നേഹവും ത്യാഗവും മരണത്തെ തോൽപിച്ച് താങ്ങും തണലുമാകുമെന്ന പ്രത്യാശ. ഞാൻ ഇവിടെത്തന്നെയുണ്ടാകും. ഈ ഇടവകയിൽ അല്ലെങ്കിൽ മറ്റൊരു ഓണംകേറാമൂലയിൽ.'

വിമോചന ദൈവശാസ്ത്രത്തിന്റെ നാട്ടിൽ നിന്നെത്തിയ ആദ്യമാർപ്പാപ്പ അയാൾക്കതിനുള്ള പ്രതീക്ഷ നൽകുന്നുണ്ട്. മകൻ അപ്പനെ കൊന്ന വെടിയൊച്ച അവർകേട്ടു. വത്തിക്കാനിൽ നിന്ന് ഒരു വെടിയൊച്ച മുഴങ്ങുമോ എന്ന് കാലം ചെവിവട്ടം പിടിക്കുന്നു. ആയുധങ്ങളുടെയും ഹിംസകളുടെയും മറ്റൊരു പുരാണമാണ് 'ആയുധ ഇടപാടുകൾ'. പവിത്രനും മെറ്റിൽഡയ്ക്കും മക്കൾ അരുണും ആൽബിയും. കളിപ്പാട്ടങ്ങൾ കുട്ടികളിൽ സൃഷ്ടിക്കുന്ന ഹിംസാത്മക വ്യക്തിത്വത്തിന്റെ ആഴങ്ങള്ളക്കുന്ന മാരകരചന. ആയുധകളിപ്പാട്ടങ്ങൾ കുഞ്ഞുങ്ങൾക്കു കളിപ്പാട്ടമായി മാത്രം നിലനിൽക്കുന്നില്ല എന്നു തിരിച്ചറിയാൻ പവിത്രൻ വൈകി. കായേൻ ഹാബേലിനെ കൊന്നപോലെ അരുൺ ആൽബിയെ വധിച്ചു. പ്രതീകാത്മക ഹിംസ പ്രത്യക്ഷഹിംസയ്ക്കു വഴിമാറുന്ന മറ്റൊരു രചന. തളർന്നുവീണ മെറ്റിൽഡ പതിറ്റാണ്ടുകൾ കിടക്കവിട്ടെണീറ്റില്ല. ചോര, ചോരയ്‌ക്കെതിരെ വാളുയർത്തിയതിന്റെ നടുക്കംവിട്ട് അവർ ഉണർന്നുമില്ല. ഹിംസയുടെ ബീജഗണിതമാണ് 'പാപപുണ്യങ്ങളുടെ വിചാരിപ്പുകാരനാകാൻ നീ ആര്?' എന്ന കഥയും. ഒരു റിയലിസ്റ്റിക് ഭാവന. പൂച്ചകളെ വാഹനങ്ങൾക്കു കൊലയ്ക്കു കൊടുക്കാൻ റോഡിൽ ചോറുവിളമ്പുന്ന മനുഷ്യരുടെയും ഒരു പൂച്ചക്കുടുംബത്തെ രക്ഷിക്കാൻ വാഹനം നിർത്തി റോഡിലിറങ്ങിയ വിജുമനോഹരന്റെയും കഥ. അയാളെ ഇരുട്ടിൽ പാഞ്ഞുവന്ന വാഹനങ്ങൾ നക്കിയെടുത്തു. വീട്ടിൽ അത്താഴത്തിന് അയാളെയും കാത്തിരിക്കുകയാണ് ഒന്നുമറിയാത്ത ഭാര്യയും മക്കളും. ഗൾഫുകാരൻ എന്ന കഥയും സമാനമായ ഒരു അതിഭാവനയാകുന്നു ഗൾഫിൽ നിന്നെത്തുന്ന മലയാളിക്ക് നാട്ടിലുണ്ടാകുന്ന തിക്താനുഭവങ്ങളുടെ വന്യവും ഭ്രാന്തവുമായ ആവിഷ്‌കാരം. മതവിശ്വാസവും രാഷ്ട്രീയ പ്രത്യയ ശാസ്ത്രവും തമ്മിലിടഞ്ഞും കോർത്തും സൃഷ്ടിക്കുന്ന അസ്തിത്വത്തിന്റെ ചരിത്രാനുഭവങ്ങളെ പ്രത്യക്ഷവൽക്കരിക്കുകയായിരുന്നു പൊതുവെ തന്റെ മുൻകാല കഥകളിൽ ആന്റണിയെങ്കിൽ, ദേശീയതയുടെയും അതിരുകളുടെയും ദൃശ്യവും അദൃശ്യവുമായ ഭൂപടങ്ങളിലേയ്ക്ക് അവയെ മാറ്റി വരയ്ക്കുന്ന രചനകളാണ് 'വെടിമരുന്നിന്റെ മണ' ത്തിലെ ശ്രദ്ധേയമായ കഥകളുൾപ്പെടെയുള്ള സമീപകാല രചനകൾ പലതും. സമകാല ലോക ക്രമത്തിൽ, വിശേഷിച്ചും സോവ്യറ്റനന്തര ലോകക്രമത്തിൽ, ദേശീയതകളോളം ഹിംസാത്മകവും മനുഷ്യവിരുദ്ധവുമായ മറ്റൊരു പ്രത്യയശാസ്ത്രം ബാഹ്യവും ആഭ്യന്തരവുമായ ചരിത്ര ജീവിത സന്ദർഭങ്ങളിലില്ല എന്നു സ്ഥാപിക്കുന്നു ഇവ. അഴിഞ്ഞുപോകേണ്ട അതിർത്തികളെക്കുറിച്ചുള്ള വിലാപങ്ങളുടെയും നിറഞ്ഞുതൂവേണ്ട ആകാശങ്ങളെക്കുറിച്ചുള്ള സ്വപ്നങ്ങളുടെയും പുസ്തകമായി മാറുന്നു, അതുവഴി ഈ കഥാസമാഹാരം.

വെടിമരുന്നിന്റെ മണം
പി.ജെ.ജെ. ആന്റണി
ലോഗോസ് ബുക്‌സ്
2019, വില : 100 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
'ഭർത്താവിന്റെയും, സഹോദരങ്ങളുടെയും മുന്നിൽ വച്ച് നായർ സ്ത്രീകളെ ബലാത്സംഗം ചെയ്തു; ഇസ്ലാമിലേക്ക് മാറാത്തവരെ സർപ്പക്കാവിലെ കിണറ്റിൻ കരയിൽ നിരത്തി നിർത്തി തലവെട്ടിക്കൊന്നു; ചിലരെ ജീവനോടെ തൊലിയുരിച്ചുകൊന്നു, ഗർഭിണിയായ സ്ത്രീയുടെ വയർകീറി; ശവക്കുഴി കുഴിപ്പിച്ച് വെട്ടിക്കൊന്നു; കൊള്ളയടിയും വ്യാപകം'; മലബാർ കലാപം ഹിന്ദുവംശഹത്യയോ? ഇഎംഎസ് തൊട്ടുള്ളവരും ഇടതുപക്ഷ -ലിബറൽ ചരിത്രകാരന്മാരും പറഞ്ഞതെല്ലാം അടിസ്ഥാനരഹിതം; ഡോ. മനോജ് ബ്രൈറ്റിന്റെ പഠനം വൈറലാവുമ്പോൾ
തന്റെ ഒന്ന് വിടെടാ.. ജസ്റ്റ് കാണാൻ ആണെടാ; ആലപ്പുഴയിലെ വീട്ടമ്മയും ദുബായിലുള്ള അദ്ധ്യാപികയും യുവതിക്ക് അയച്ചത് വോയ്‌സ് മെസേജുകളും അശ്ലീലച്ചുവയുള്ള സന്ദേശങ്ങളും; അതിൽ ഒരുത്തി ഒരു പോൺ ക്ലിപ്പും അയച്ചു; ഇൻബോക്‌സിലെ ലെസ്‌ബിയൻ ആക്രമണം സഹിക്ക വയ്യാതെ രണ്ടു യുവതികളെ ബ്ലോക്ക് ചെയ്‌തെന്ന വെളിപ്പെടുത്തലുമായി അദ്ധ്യാപികയായ ആശാ ദീപയുടെ ഫേസ്‌ബുക്ക് പോസ്റ്റ്
പ്രസംഗിക്കാനായി വേദിയിൽ എത്തിയ രാഹുൽ ഗാന്ധി പ്രസംഗം പരിഭാഷപ്പെടുത്താൻ ക്ഷണിച്ചത് സദസ്സിൽ ഇരുന്ന വിദ്യാർത്ഥിനിയെ; പരിഭ്രമം ഇല്ലാതെ രാഹുലിന്റെ പ്രസംഗം ഭംഗിയായി പരിഭാഷപ്പെടുത്തി പ്ലസ് വൺ വിദ്യാർത്ഥിനി സഫ; മികച്ച പരിഭാഷയ്ക്ക് അഭിനന്ദവുമായി രാഹുലും; കൈയടിച്ച് പ്രോത്സാഹിപ്പിച്ച് ജിഎച്ച്എസ് കരുവാരക്കുണ്ടിലെ വിദ്യാർത്ഥികൾ; ഞൊടിയിടയിൽ സൈബർ ലോകത്തും താരമായി സഫ
മൈബോസ് ഇനി ജീവിതത്തിൽ എന്റെ ബോസ്! ഇൻഫോസിസ് സ്ഥാപക ചെയർമാന്റെ മരുമകളായി എത്തിയതുകൊച്ചിക്കാരൻ റിട്ടേഡ് നാവികസേന കമാൻഡറുടെ മകൾ; റോഹന്മൂർത്തിയുടേയും അപർണാ കൃഷ്ണന്റേയും താലികെട്ട് നടന്നത് അടുത്ത സുഹൃത്തുക്കളുടേയും കുടുംബാംഗങ്ങളുടേയും സാന്നിധ്യത്തിൽ; റോഹന്റെ ഐ.ടി കമ്പനിയിൽ ഓപ്പറേഷൻ വിഭാഗം മനേജരിൽ നിന്ന് ജീവിത പങ്കാളിയായി മലയാളി എത്തുമ്പോൾ
രണ്ട് മക്കളും പഠിക്കുന്നത് ബോർഡിംഗിൽ; ദുബായിലുള്ള ഭർത്താവിന്റെ കൂട്ടുകാരനെന്ന ലേബലിൽ വീട്ടിലെ നിത്യ സന്ദർശകനായി; ഭർത്താവ് ഇല്ലാത്തതിനാൽ ഏത് സഹായത്തിനും താനുണ്ട് എന്ന രീതിയിൽ പെരുമാറിയ വികാരിയിൽ നിന്നുണ്ടായത് അവിശ്വസനീയ പീഡനം; ആരുമില്ലാത്തപ്പോൾ വീട്ടിൽ കയറി ബലാത്സംഗം ചെയ്തുവെന്ന് കാട്ടി മലാപ്പറമ്പ് നിത്യസഹായ മാതാ ചർച്ചിലെ മുൻ വികാരിക്കെതിരെ പരാതി; ബിഷപ്പ് പരാതി അവഗണിച്ചെന്നും വീട്ടമ്മയുടെ ആരോപണം; കേസിൽ കുടുങ്ങുന്നത് ഫാ മനോജ് പ്ലാക്കൂട്ടം
കോടിയേരിക്ക് സജീവ രാഷ്ട്രീയത്തിലേക്ക് മടങ്ങി വരാൻ കഴിയാത്ത വിധം ആരോഗ്യ പ്രശ്‌നങ്ങളെന്ന് റിപ്പോർട്ടുകൾ; പകരം സെക്രട്ടറിയാവാൻ ഏറ്റവും കൂടുതൽ സാധ്യത ഇപി ജയരാജന്; എകെ ബാലനും എംഎ ബേബിയും എംവി ഗോവിന്ദനും പരിഗണനയിൽ; മന്ത്രിസഭയിലും അടിമുടി അഴിച്ചു പണി വന്നേക്കും; ടിപി രാമകൃഷ്ണനും കെടി ജലീലിനും മന്ത്രിപണി തെറിക്കുമെന്ന് സൂചന; ഒഴിവാക്കണമെന്ന് ആവശ്യപ്പെട്ട് എസി മൊയ്തീനും; ഇനി സിപിഎമ്മിലും മന്ത്രിസഭയിലും അഴിച്ചുപണിക്കാലം
പൈപ്പ് ലെയിൻ റോഡിലൂടെ ബസിറങ്ങി വരുന്നതിനിടെ നാലുവയസുള്ള കുട്ടി ഓടി വന്ന് രക്ഷിക്കണേ ആന്റി എന്ന് പറഞ്ഞ് കെട്ടിപ്പിടിച്ചു; പിന്നാലെ ഓടിയെത്തിയത് മൂന്നംഗ മുഖംമൂടിസംഘം; രക്ഷിക്കാനായി വാരിയെടുത്തെങ്കിലും കുട്ടിയെ തട്ടിയെടുത്ത് ഓമ്‌നി വാനിൽ കയറ്റി സംഘം മറഞ്ഞു; ആക്രമണത്തിനിടെ കയ്യിൽ മുറിവേറ്റെന്നും വിദ്യാർത്ഥിനിയുടെ മൊഴി; കളമശേരി 'കിഡ്‌നാപ്പിങ്' അന്വേഷിച്ചപ്പോൾ ഞെട്ടിയത് പൊലീസ്
അച്ഛന്റെ ചിത കത്തി തുടങ്ങിയതേയുള്ളൂ.. കരയാതിരിക്ക് എന്നെന്നോട് പറഞ്ഞ് കടയിൽ പോയി വന്ന അമ്മ ഉണ്ടാക്കി തന്നത് പാമോയിലിൽ മുക്കിപ്പൊരിച്ച പൂരി; മുഴുക്കുടിയനായ അച്ഛന്റെ ചിതകത്തി തീരും മുമ്പ് അച്ഛന്റേതെന്നടയാളമുണ്ടായിരുന്നതെല്ലാം കായലിൽ കളഞ്ഞതും അമ്മ; നില തെറ്റിയ മനസ്സും അരിപ്പയായിപ്പോയ കരളുമായി അഞ്ചു കൊല്ലത്തോളം കിടന്ന ശേഷമുള്ള അച്ഛന്റെ മരണദിനത്തെ കുറിച്ച് വിനീത വിജയന്റെ ഫേസ്‌ബുക്ക് കുറിപ്പ്
മഠങ്ങളിലെത്തുന്ന കൊച്ചുസഹോദരിമാരെ മുതിർന്ന കന്യാസ്ത്രീകൾ സ്വവർഗ ഭോഗത്തിന് ഉപയോഗിക്കാറുണ്ട്; സെമിനാരിയിൽനിന്ന് സ്വവർഗ്ഗരതിക്കു വിധേയമായി മാനസികമായി തകർന്നവരുണ്ട്; ചില മഠങ്ങളിൽ ഇളം തലമുറയിലെ കന്യാസ്ത്രീകളെ പുരോഹിതരുടെ അടുക്കലേയ്ക്കു തള്ളിവിടുന്ന സമ്പ്രദായവുമുണ്ട്; നഗ്നയാക്കി മണിക്കൂറുകളോളം ഇവരെ വൈദികർ മുന്നിൽ നിർത്തി ആസ്വദിക്കും; സന്യാസ പുരോഹിത സഭകളിലെ ലൈംഗിക അരാജകത്വങ്ങൾ വെളിപ്പെടുത്തി സിസ്റ്റർ ലൂസിയുടെ ആത്മകഥ
ആദ്യം കാണുന്നത് യുവതിയുടെ കയ്യിൽ പിടിച്ചു നിലത്തുകൂടി വലിച്ചിഴച്ചു കൊണ്ടു പോകുന്നത്; കൈ ഉയർത്തിയപ്പോൾ മറുകൈയിൽ ഉണ്ടായിരുന്ന തൂമ്പ കൊണ്ട് തലയ്ക്ക് ആദ്യ പ്രഹരം; കുറച്ചുകൂടി വലിച്ചു കൊണ്ടുപോയ ശേഷം വീണ്ടും തലയ്ക്കടിച്ചു; അബോധാവസ്ഥയിലാക്കി വസ്ത്രങ്ങൾ വലിച്ചുകീറി എറിഞ്ഞു പൂർണനഗ്നയാക്കിയ ശേഷം അതിക്രൂര ബലാത്സംഗം; കാമവെറി തീർത്ത നരാധമൻ സ്ഥലം വിടുമ്പോൾ കണ്ണിലുടക്കിയ സിസി ടി വി ക്യാമറയും തല്ലിപ്പൊളിച്ചു; ഉമർ അലിയുടെ ക്രൂരതയുടെ ദൃശ്യങ്ങൾ കണ്ട് തലമരവിച്ച് പൊലീസുകാരും
മനോരമ ഓഫീസിൽ ദ വീക്കിന്റെ എഡിറ്റുടെ കാബിനിൽവെച്ച് അദ്ദേഹം എന്നെ സ്പർശിച്ചു; ഭയപ്പെടേണ്ട, ഞാൻ നിങ്ങളുടെ ലേഖനങ്ങൾ പതിവായി പ്രസിദ്ധീകരിക്കുമെന്ന് വാഗ്ദാനം; കണ്ണുനീരോടെ വാതിലിനടുത്തേക്ക് നീങ്ങിയപ്പോൾ അയാൾ വിട്ടില്ല; ബ്രാ സ്ട്രാപ്പ് വലിച്ചു, പിന്നങ്ങോട്ട് നിർബന്ധിത ചുംബനങ്ങളായിരുന്നു; നിലവിളിച്ച് പുറത്തേക്ക് ഓടി'; അന്തരിച്ച മാധ്യമ പ്രവർത്തകൻ ടി വി ആർ ഷേണായിക്കെതിരെയും മീടു; പത്മശ്രീ ജേതാവിനെതിരെ ഉയരുന്നത് ഗുരുതര പീഡന ആരോപണം
എക്സ്റ്റസി ഗുളികയുടെ ഉന്മാദത്തിൽ ബ്രഹ്മപുരത്തെ ഫ്‌ളാറ്റിൽ യുവനടിയെ പൊലീസ് കണ്ടത് നഗ്നയായ നിലയിൽ; തിയേറ്ററുകളിൽ ഇപ്പോൾ ഓടിക്കൊണ്ടിരിക്കുന്ന ചിത്രത്തിലെ നടിക്ക് ഗുളിക നൽകിയത് കോഴിക്കോട്ടുകാരനും; മുൻനിര നടൻ ലഹരിമുക്ത സെന്ററിലെ ചികിൽസയിലെന്നും റിപ്പോർട്ട്; ലൊക്കേഷനിലെ മാഫിയയെ തേടി ഇറങ്ങിയ ഷാഡോ പൊലീസിന് പണി കൊടുത്തത് നിർമ്മാതാവും; മലയാള സിനിമയിൽ മറാരോഗമായി മാറി മയക്കുമരുന്ന്; പുറത്തു വരുന്നത് ഞെട്ടിക്കുന്ന വിവരങ്ങൾ
ലഹരി മൂത്ത് ഉടുതുണി പോലുമില്ലാതെ തൊട്ടടുത്ത ഫ്ളാറ്റിൽ താമസിച്ച വീട്ടമ്മയെ കയറിപ്പിടിച്ച തിരക്കഥാകൃത്ത്; പാതിരാവരെ നീളുന്ന ഡിജെ പാർട്ടികളിൽ കഴിഞ്ഞ് കലങ്ങിയ കണ്ണുകളുമായി സെറ്റിലെത്തുന്ന നടിമാർ; അതിരാവിലെ തന്നെ സംവിധായകനുവേണ്ടി പൊതി തേടി ഇറങ്ങേണ്ടിവരുന്ന പ്രൊഡക്ഷൻ കൺട്രോളർമാർ; ലക്ഷങ്ങൾ എണ്ണിവാങ്ങിയിട്ടും 'പ്രകൃതി അനുവദിക്കുന്നില്ലെന്ന് 'പറഞ്ഞ് നിർമ്മാതാവിനെ വട്ടം ചുറ്റിക്കുന്ന നടന്മാർ; ഷെയിൻ നിഗം സംഭവം ഒറ്റപ്പെട്ടതല്ല; ന്യൂജൻ പ്രതിഭകളെ മയക്കുമരുന്ന് വിഴുങ്ങുന്നോ?
റൊമാന്റിക് കോമഡിക്ക് ഡേറ്റ് നൽകിയത് കൂടുതൽ ആലോചനയില്ലാതെ; നിർമ്മാതാവിനെ വിളിച്ച് പറ്റില്ലെന്ന് പറഞ്ഞത് സെറ്റിലെത്താമെന്ന് പറഞ്ഞിരുന്നതിന്റെ തലേ ദിവസം; കോടികളുടെ നഷ്ടക്കണക്ക് പറഞ്ഞപ്പോൾ പണവും പലിശയും നൽകി പരിഹാരം; ആണെങ്കിലും അല്ലെങ്കിലും എന്ന ചിത്രം ഒഴിവാക്കി പുതുമുഖ സംവിധായകൻ വിവേക് പോളിന് സമ്മാനിച്ചത് അതിരൻ; രാജു മല്യത്തിനോട് ഫഹദ് നോ പറഞ്ഞത് ആർക്കും വേദനയുണ്ടാക്കാതെ; ഷെയൻ നിഗം മുടി മൊട്ടയടിക്കുമ്പോൾ ചർച്ചയാകുന്നത് ഫാസിലിന്റെ മകന്റെ 'നല്ല മനസ്സ്'
പൈപ്പ് ലെയിൻ റോഡിലൂടെ ബസിറങ്ങി വരുന്നതിനിടെ നാലുവയസുള്ള കുട്ടി ഓടി വന്ന് രക്ഷിക്കണേ ആന്റി എന്ന് പറഞ്ഞ് കെട്ടിപ്പിടിച്ചു; പിന്നാലെ ഓടിയെത്തിയത് മൂന്നംഗ മുഖംമൂടിസംഘം; രക്ഷിക്കാനായി വാരിയെടുത്തെങ്കിലും കുട്ടിയെ തട്ടിയെടുത്ത് ഓമ്‌നി വാനിൽ കയറ്റി സംഘം മറഞ്ഞു; ആക്രമണത്തിനിടെ കയ്യിൽ മുറിവേറ്റെന്നും വിദ്യാർത്ഥിനിയുടെ മൊഴി; കളമശേരി 'കിഡ്‌നാപ്പിങ്' അന്വേഷിച്ചപ്പോൾ ഞെട്ടിയത് പൊലീസ്
പത്ത് മിനിറ്റു നേരത്തെ പണിയല്ലേടാ ഉണ്ടായിരുന്നുള്ളൂ എന്നു നിർമ്മാതാവ്; എനിക്ക് മൂഡാകാതെ താൻ അഭിനയിക്കില്ലെന്ന് ഷെയിൻ നിഗം; ലൊക്കേഷനിൽ നൂറ് പേർ കാത്തിരിക്കുന്നില്ലേ എന്നു ചോദിച്ചപ്പോൾ എനിക്ക് വേണ്ടി ആരും കാത്തിരിക്കേണ്ടെന്ന് മറുപടി; എന്തെങ്കിലും ബുദ്ധിമുട്ടുണ്ടെങ്കിൽ വേറെ വഴി നോക്കിക്കോളാൻ മുന്നറിയിപ്പ്; ജോബി ജോർജ്ജിനെതിരെ ഷെയിൻ നിഗത്തിനൊപ്പം നിന്നു പണി കൊടുത്ത നിർമ്മാതാവ് മഹാസുബൈറിനിട്ടും യുവനടന്റെ ഉഗ്രൻപണി; ഷെയിൻ നിഗം ഒരു കോടി പ്രതിഫലം വാങ്ങാൻ ഒരുങ്ങുന്നത് ഇങ്ങനെ
ആറു ബൈക്കുകളും ഒപ്പം ഇയോൺ കാറും നിനക്കിപ്പോൾ ഉണ്ടല്ലോ മോനേ..ഇതിന് വേണ്ടി ഇപ്പോൾ വാശി പിടിക്കണോ? അച്ഛൻ ചോദിച്ചപ്പോൾ പോരെന്ന് മകൻ; ഇത് തത്ക്കാലം നടക്കില്ല..പിന്നീട് നമുക്ക് ആലോചിക്കാമെന്ന് തറപ്പിച്ച് മറുപടി പറഞ്ഞപ്പോൾ മനസ് വല്ലാതെ നുറുങ്ങി അഖിലേഷ് അജിക്ക്; ഹാർലി ഡേവിഡ്‌സൺ ബൈക്ക് വാങ്ങി നൽകാത്ത തർക്കത്തിനൊടുവിൽ മരണത്തിലൂടെ ഏകമകൻ അച്ഛനെ തോൽപ്പിച്ചു; പോത്തൻകോടിനെ നടുക്കിയ സംഭവം ഇങ്ങനെ
മഠങ്ങളിലെത്തുന്ന കൊച്ചുസഹോദരിമാരെ മുതിർന്ന കന്യാസ്ത്രീകൾ സ്വവർഗ ഭോഗത്തിന് ഉപയോഗിക്കാറുണ്ട്; സെമിനാരിയിൽനിന്ന് സ്വവർഗ്ഗരതിക്കു വിധേയമായി മാനസികമായി തകർന്നവരുണ്ട്; ചില മഠങ്ങളിൽ ഇളം തലമുറയിലെ കന്യാസ്ത്രീകളെ പുരോഹിതരുടെ അടുക്കലേയ്ക്കു തള്ളിവിടുന്ന സമ്പ്രദായവുമുണ്ട്; നഗ്നയാക്കി മണിക്കൂറുകളോളം ഇവരെ വൈദികർ മുന്നിൽ നിർത്തി ആസ്വദിക്കും; സന്യാസ പുരോഹിത സഭകളിലെ ലൈംഗിക അരാജകത്വങ്ങൾ വെളിപ്പെടുത്തി സിസ്റ്റർ ലൂസിയുടെ ആത്മകഥ
'സ്ത്രീ എന്ന് പറയുന്നത് പുരുഷന്റെ കൃഷിയിടം മാത്രമാണ് എന്നാണ് ഇസ്ലാം പഠിപ്പിക്കുന്നത്; തലയിൽ നിന്ന് തട്ടം ഉതിർന്നു വീണാൽ പോലും അനക്ക് മരിക്കണ്ടേ പെണ്ണെ എന്നാണ് ചോദിക്കുന്നത്; ഡ്രസ്സ് തിരഞ്ഞെടുക്കുന്നതിൽ എന്നുവേണ്ട മൂക്കുത്തി ഇടുന്നതിൽ പോലും മതം കൈകടത്തുന്നു; നൃത്തം ചെയ്തപ്പോൾ അഭിസാരികയായി മുദ്രകുത്തപ്പെട്ടു; സ്വന്തം ഉമ്മുമ്മയുടെ മയ്യത്തു കാണുന്നതിൽനിന്നു പോലും എന്നെ വിലക്കി'; താൻ എന്തുകൊണ്ട് മതം ഉപേക്ഷിച്ചുവെന്ന് വ്യക്തമാക്കി ജസ്ല മാടശ്ശേരി
എല്ലാവർക്കും സൗജന്യ ചികിത്സ; സ്വകാര്യ ആശുപത്രിയിലേക്ക് മാറ്റിയാലും മൂഴുവൻ പണവും സർക്കാർ കൊടുക്കും; ഒരു കുടുംബത്തിനു വേണ്ട വെള്ളവും വൈദ്യുതിയും ഫ്രീ; വനിതകൾക്ക് സൗജന്യ യാത്ര; ഹൈടെക്ക് ആയതോടെ സ്വകാര്യ സ്‌കൂളുകളിൽ നിന്ന് സർക്കാർ സ്‌കൂളുകളിലേക്ക് കുട്ടികളുടെ കുത്തൊഴുക്ക്; ഇത്രയേറെ സൗജന്യങ്ങൾ കൊടുത്തിട്ടും ഖജനാവിൽ പണം ബാക്കി; സാമ്പത്തിക അത്ഭുതമായി ഡൽഹിയിലെ കെജ്രിവാൾ സർക്കാർ; പിണറായിയും മോദിയും അറിയണം, ഇങ്ങനെയും ഒരു സർക്കാർ ഇന്ത്യയിൽ പ്രവർത്തിക്കുന്നുണ്ടെന്ന്!
നിയമോപദേശം തേടലിന് കാരണം 'കുമ്മനം രാജശേഖരൻ'; മിസോറാമിന്റെ മുൻ ഗവർണ്ണർ വികാരം ആളിക്കത്തിക്കുമെന്ന സ്‌പെഷ്യൽ ബ്രാഞ്ച് റിപ്പോർട്ട് നിർണ്ണായകമായി; നിലയ്ക്കൽ സമര നായകനോടുള്ള കളി സുരേന്ദ്രനെ തൊട്ടതു പോലെയാകില്ലെന്ന വിലയിരുത്തലും സ്വാധീനിച്ചു; നവോത്ഥാനത്തെ പിണറായി സർക്കാർ തള്ളിപ്പറയാൻ കാരണം നേതൃത്വം ഏറ്റെടുക്കാൻ ആളുണ്ടെന്ന ഭയം; തീർത്ഥാടനം സുഗമമാക്കാൻ സർക്കാർ മുന്നിട്ടിറങ്ങുന്നതിന്റെ പിന്നാമ്പുറ സംസാരത്തിൽ നിറയുന്നത് കുമ്മനം ഇഫക്ട്
കിമ്മിന്റെ യുദ്ധ ഭ്രാന്തിൽ പരീക്ഷിക്കപ്പെട്ടത് ഹിരോഷിമയിൽ വീണ ബോംബിന്റെ 17 ഇരട്ടി ശക്തിയുള്ള ഹൈഡ്രജൻ ബോംബ്; ഇതുമൂലമുണ്ടായ തുടർച്ചയായ ഭൂചലനങ്ങളും മണ്ണിടിച്ചിലുകളും മരിച്ചത് നിരവധിപേർ; ഭൂമിക്കടിയിലെ ഘടനമാറിയതു മൂലം അഗ്നി പർവതം പോലും പൊട്ടാൻ ഒരുങ്ങുന്നവെന്നും ഐസ്ആർഒയുടെ പഠനം; ഇത് കൂടംകുളം നിലയത്തിനുനേരെ പോലും സൈബർ ആക്രമണം നടത്തിയതിന് മധുര പ്രതികാരവും; യുഎസിനു പോലും കഴിയാത്ത ഉത്തര കൊറിയൻ രഹസ്യങ്ങൾ കണ്ടെത്തി ഇന്ത്യ ലോകത്തെ ഞെട്ടിക്കുമ്പോൾ
തന്ത്രങ്ങളുടെ രാജാവിന് ചുവട് പിഴച്ചുവെന്ന്‌ പരിഹസിച്ചിരുന്നവർക്ക് ചുട്ട മറുപടിയുമായി ഇതുവരെ പുറത്തെടുക്കാത്ത ചാണക്യ തന്ത്രവുമായി അമിത് ഷാ; അർദ്ധരാത്രി വരെ ശിവസേന സർക്കാർ ഉണ്ടാക്കുമെന്ന പ്രതീതി സൃഷ്ടിച്ച ശേഷം അതിരാവിലെ സത്യപ്രതിജ്ഞ; ഉദ്ദവ് താക്കറയും സോണിയയും പോലും വിവരം അറിയുന്നത് മോദിയുടെ ട്വീറ്റോടെ; അത്യപൂർവ്വ അട്ടിമറിക്ക് ചുക്കാൻ പിടിച്ചത് അമിത് ഷാ നേരിട്ട്; ഇത് ഇന്ത്യൻ രാഷ്ട്രീയം ഇതുവരെ കാണാത്ത അട്ടമിറി