പർവേസ് മുഷറഫിനെ വധശിക്ഷയ്ക്ക് വിധിച്ചതിനെതിരെ ലണ്ടനിൽ പ്രതിഷേധം...

പർവേസ് മുഷറഫിനെ വധശിക്ഷയ്ക്ക് വിധിച്ചതിനെതിരെ ലണ്ടനിൽ പ്രതിഷേധം

December 24, 201910:57 AM IST Permalink

മൊയ്തീൻ പുത്തൻചിറ

ലണ്ടൻ: പാക്കിസ്ഥാൻ മുൻ പ്രസിഡന്റ് പർവേസ് മുഷറഫിനെ വധശിക്ഷയ്ക്ക് വിധിച്ചതിനെതിരെ ബ്രിട്ടീഷ് തലസ്ഥാനത്ത് ഞായറാഴ്ച പ്രതിഷേധം സംഘടിപ്പിച്ചു. ഓൾ പാക്കിസ്ഥാൻ മുസ്ലിം ലീഗിലെ (എപിഎംഎൽ) പ്രവർത്തകർ പാക്കിസ്ഥാൻ ഹൈഹെക്കമ്മീഷന് പുറത്ത് തടിച്ചുകൂടി പർവേസ് മുഷറഫിന് നീതി ആവശ്യപ്പെടുകയും അവരുടെ നേതാവിനെതിരായ രാഷ്ട്രീയ പ്രേരിത കേസുകൾ അവസാനിപ്പിക്കാനും നിവേദനം നൽകി.

പാക്കിസ്ഥാൻ ഭരണഘടനയുടെ ആർട്ടിക്കിൾ 6 പ്രകാരം രാജ്യദ്രോഹക്കുറ്റം ചുമത്തി വിചാരണ ചെയ്ത ശേഷം മുഷറഫിന് വധശിക്ഷ അർഹിക്കുന്നില്ലെന്ന് ജിയോ ന്യൂസ് റിപ്പോർട്ട് ചെയ്തു. മുഷറഫിനെ പിന്തുണയ്ക്കുന്ന പ്രകടനക്കാർ മുദ്രാവാക്യം വിളിക്കുകയും, മുഷറഫ് പാക്കിസ്ഥാനിലേക്ക് വളരെയധികം വികസനം കൊണ്ടുവന്നിട്ടുണ്ടെന്നും, അദ്ദേഹത്തിന് കീഴിൽ പാക്കിസ്ഥാൻ ലോകത്തിന്റെ ബഹുമാനം നേടുകയും ചെയ്തുവെന്നും പറഞ്ഞു. ഇസ്ലാമാബാദ് പ്രത്യേക കോടതിയുടെ വിധി 'അന്യായ'മെന്ന് വിശേഷിപ്പിച്ച പ്രതിഷേധക്കാർ മുഷറഫിന്റെ അധികാരത്തിലിരുന്ന വർഷങ്ങൾ പാക്കിസ്ഥാനെ സംബന്ധിച്ചിടത്തോളം ഒരു സുവർണ്ണ കാലഘട്ടമാണെന്നും, അദ്ദേഹം തീവ്രവാദത്തെ ഫലപ്രദമായി കൈകാര്യം ചെയ്തിട്ടുണ്ടെന്നും അവകാശപ്പെട്ടു.

'മുഷറഫിനെ തൂക്കിക്കൊന്ന ശേഷം മൃതദേഹം മൂന്നു ദിവസം ഡിചൗക്കിലൂടെ വലിച്ചിഴയ്ക്കണം' എന്ന പരാമർശം ഉൾക്കൊള്ളുന്ന വിധിയുടെ 66ാം ഖണ്ഡികയെ പാർട്ടി അപലപിച്ചുവെന്ന് പ്രതിഷേധത്തിന് നേതൃത്വം നൽകിയ എ.പി.എം.എൽ ഓവർസീസ് പ്രസിഡന്റ് അഫ്‌സൽ സിദ്ദിഖി പറഞ്ഞു.

മുൻ നേതാവിന് ന്യായമായ വിചാരണ നൽകിയിട്ടില്ലെന്നും വിചാരണ ആരംഭിക്കുകയും നടത്തുകയും ചെയ്ത രീതി ഒരുതരം പ്രതികാര നടപടിയാണെന്ന് അദ്ദേഹം കൂട്ടിച്ചേർത്തു. ആർട്ടിക്കിൾ 6 പ്രകാരം മുഷറഫിനെ വിചാരണ ചെയ്യാൻ സർക്കാരിനോട് നിർദ്ദേശിച്ചതിന് മുൻ ചീഫ് ജസ്റ്റിസ് ഇഫ്തിക്കർ ചൗധരിയെ അദ്ദേഹം വിമർശിച്ചു. സുപ്രീം കോടതി ജഡ്ജി മുൻ പ്രസിഡന്റിനെ പരസ്യമായി പരിഹസിച്ചപ്പോൾ ഇത് വ്യക്തമായി എന്നും അദ്ദേഹം പറഞ്ഞു.

'കേസ് രാഷ്ട്രീയപ്രേരിതവും, കെട്ടിച്ചമച്ചതും, വഞ്ചനാപരവുമാണെന്നും, മുൻ പ്രസിഡന്റിന്റെ ഭാഗം കേൾക്കാതെ തിടുക്കത്തിൽ തീരുമാനിച്ചതായും, അദ്ദേഹത്തിന്റെ അസാന്നിധ്യത്തിൽ ശിക്ഷിച്ചതായും, തെളിവുകൾ ഹാജരാക്കുന്നതിൽ നിന്ന് തടയുന്നതായും, നിയമത്തിന്റെ മാന്യമായ ശ്രമങ്ങളെ ആക്രമണാത്മകമായി തള്ളിക്കളഞ്ഞതായും കണക്കാക്കാം. ഗുരുതരമായി രാഷ്ട്രീയവൽക്കരിക്കപ്പെട്ട ഈ കേസിൽ നിയമപരമായ പോരായ്മകൾ പരിഹരിക്കുന്നതിന് മന്ത്രിയും അറ്റോർണി ജനറലും പരാജയപ്പെട്ടു. പുതിയ പ്രൊസിക്യൂഷൻ ടീമിന് കേസ് പഠിക്കാൻ പോലും സമയം നൽകിയില്ല,' അദ്ദേഹം പറഞ്ഞു.

2007 ലെ പാക്കിസ്ഥാൻ ഭരണഘടനയനുസരിച്ച് ഭരണഘടന അനുസരിക്കുക എന്നത് കുറ്റകരമല്ലെന്ന് പ്രതിഷേധക്കാർ പാക്കിസ്ഥാൻ ഹൈക്കമ്മീഷനിൽ അധികാരികൾക്ക് നൽകിയ നിവേദനത്തിൽ പറയുന്നു. പിന്നീട് 2010 ൽ പതിനെട്ടാം ഭേദഗതിയിലൂടെ ആർട്ടിക്കിൾ 6 പരിഷ്‌ക്കരിച്ചു. 'ഭരണഘടന അനുസരിക്കുന്നത് കുറ്റകരമാണോ? ഈ വിചിത്രമായ പ്രത്യേക കോടതി വിധി അസാധുവായി പ്രഖ്യാപിക്കണമെന്ന് ഞങ്ങൾ ആവശ്യപ്പെടുന്നു. മുഷറഫിനെ ഒരു രാജ്യദ്രോഹി എന്ന് മുദ്രകുത്താനുള്ള എല്ലാ ക്ഷുദ്ര ശ്രമങ്ങളും നിരസിക്കുക. മാന്യനായ മുഷറഫ് പാക്കിസ്ഥാന് വേണ്ടി യുദ്ധങ്ങൾ നടത്തിയിട്ടുണ്ട്. അദ്ദേഹത്തിന്റെ കാലാവധി പാക്കിസ്ഥാൻ സമ്പദ്വ്യവസ്ഥയുടെ അഭൂതപൂർവമായ വളർച്ചയ്ക്ക് സാക്ഷ്യം വഹിക്കുകയും പാക്കിസ്ഥാൻ ജനതയുടെ പുരോഗതിയിലേക്ക് നയിക്കുകയും ചെയ്തു. മുഷറഫിന് ഒരിക്കലും രാജ്യദ്രോഹിയാകാൻ കഴിയില്ല,' നിവേദനത്തിൽ പറയുന്നു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: