1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

Feb / 2019
19
Tuesday

ബ്ലോഗ്‌സൈറ്റുകളും ബ്ലോഗെഴുത്തും വളരണം

February 13, 2015 | 12:15 PM IST | Permalink



ബ്ലോഗ്‌സൈറ്റുകളും ബ്ലോഗെഴുത്തും വളരണം

സുനിൽ എം എസ്

ഥകവിതലേഖനം എന്നിവയ്ക്ക് പ്രാധാന്യം നൽകി പ്രസിദ്ധീകരിക്കുന്ന മലയാളം ബ്ലോഗ്‌സൈറ്റുകളിൽ ബ്ലോഗുകളുടെ എണ്ണത്തിൽ വലുതായ ഇടിവു സംഭവിച്ചിരിക്കുന്നു. ഇത്തരം മൂന്നു മുഖ്യബ്ലോഗ്‌സൈറ്റുകളിൽ കഴിഞ്ഞഏതാനും വർഷങ്ങൾക്കിടയിൽ ഓരോമാസവും പ്രസിദ്ധീകരിിക്കപ്പെട്ട ബ്ലോഗുകളുടെ എണ്ണംകാണിക്കുന്ന ഗ്രാഫ് താഴെകൊടുക്കുന്നു.

മൂന്നു ബ്ലോഗ്‌സൈറ്റുകളിലെ സ്ഥിതിയാണ് മുകളിലെ ഗ്രാഫ് കണക്കിലെടുത്തിരിക്കുന്നത്. ഇവയിലൊന്നിൽ 2008 മുതലുള്ള ബ്ലോഗുകളുടെ സംഖ്യകൾലഭ്യമാണ്. മറ്റു രണ്ടിടങ്ങളിൽ 2010, 11 മുതലുള്ളസംഖ്യകളും. മൂന്നു വ്യത്യസ്ത തോതുകൾതമ്മിലുള്ള സങ്കലനമായതുകൊണ്ട് 'വൈ' ആക്‌സിസിലെ സംഖ്യകൾ കൃത്യമല്ല. മൂന്നു ഗ്രാഫുകൾ, വെവ്വേറെ, കൊടുത്തിരുന്നെങ്കിൽ ഇതു പരിഹരിക്കപ്പെടുമായിരുന്നെങ്കിലും അപ്പോൾ ബ്ലോഗ്‌സൈറ്റുകൾ തമ്മിലുള്ളതാരതമ്യം സാദ്ധ്യമാകാതെ പോകുമായിരുന്നു. തോതുകൾ വ്യത്യസ്തമാണെങ്കിലും ഗ്രാഫുകൾ ചൂണ്ടിക്കാണിക്കുന്ന ദിശകൾ ഒന്നുതന്നെ. മറ്റൊരു കാര്യംകൂടി: ബ്ലോഗ്‌സൈറ്റുകളിലെ ബ്ലോഗുകളുടെ എണ്ണത്തിൽ പലപ്പോഴും മാറ്റങ്ങളുണ്ടാകുന്നുണ്ട്. ഒരേ മാസത്തെ സംഖ്യതന്നെ, ഇന്നു കാണുന്നതിൽ നിന്നു വ്യത്യസ്തമായിരിക്കാം നാളെ കാണുന്നത്. ഈയൊരു വ്യത്യാസമൊഴികെ, സംഖ്യകളിൽ കൃത്യത വരുത്താൻ ഞാൻ ശ്രമിച്ചിട്ടുണ്ട്.

ബ്ലോഗുകളുടെ എണ്ണത്തിൽ ഇടിവ്

രസ്പരം ബന്ധപ്പെടാതെ, സ്വതന്ത്രമായി വർത്തിക്കുന്നവയാണ് ഈ ബ്ലോഗ്‌സൈറ്റുകളെങ്കിലും, അവയിലെ ബ്ലോഗുകളുടെ എണ്ണത്തിൽ വന്നിരിക്കുന്ന ഏറ്റക്കുറച്ചിലുകൾ ഏകദേശം ഒരേസമയങ്ങളിൽത്തന്നെയാണെന്നു കാണാം.2010, 11 വർഷങ്ങളിൽ 'മാനം മുട്ടെ' തലയുയർത്തി നിന്നിരുന്ന ബ്ലോഗുകളുടെ എണ്ണം ഇപ്പോൾ നിലംതൊടുന്ന സ്ഥിതിയിലായിരിക്കുന്നു. ഈ മൂന്നു ബ്ലോഗ്‌സൈറ്റുകളിലെ ഏറ്റവുമുയരത്തിലെത്തിയ പ്രതിമാസസംഖ്യകളും ഇക്കഴിഞ്ഞ ജനുവരി മാസത്തെസംഖ്യകളും സംഖ്യകളിൽവന്നിരിക്കുന്ന ഇടിവുകളും താഴെകൊടുക്കുന്നു:

ബ്ലോഗുകളിലെ ഇടിവ്

ത് വാക്കുകളിൽ വിശദീകരിക്കാം. ബ്ലോഗ്‌സൈറ്റ് ഒന്നിൽ 2010മാർച്ചിൽ 1385ബ്ലോഗുകൾ പ്രസിദ്ധീകരിക്കപ്പെട്ടിരുന്നു. ഇക്കഴിഞ്ഞ ജനുവരി മാസം അവിടെ ആകെ 338 ബ്ലോഗുകൾ മാത്രമാണ് പ്രസിദ്ധീകരിക്കപ്പെട്ടത്. എണ്ണത്തിലുണ്ടായിരിക്കുന്ന ഇടിവ് 75.6 ശതമാനം. മറ്റൊരുതരത്തിൽ പറഞ്ഞാൽ ബ്ലോഗുകളുടെഎണ്ണം കേവലം നാലിലൊന്നു മാത്രമായികുറഞ്ഞിരിക്കുന്നു.

ബ്ലോഗ്‌സൈറ്റ് രണ്ടിൽ 2012 ജൂലൈ മാസത്തിൽ 282 ബ്ലോഗുകൾ പ്രസിദ്ധീകരിക്കപ്പെട്ടിരുന്നു. അവിടെ, ഇക്കഴിഞ്ഞ ജനുവരിയിൽ 179 ബ്ലോഗുകൾ മാത്രമാണ് പ്രസിദ്ധീകരിക്കപ്പെട്ടത്. ഇവിടേയും ഇടിവുതന്നെ. ഇടിവ് 36.5 ശതമാനം.

ബ്ലോഗ്‌സൈറ്റ് മൂന്നിന്റെ നിലയാണ് ഏറ്റവും പരിതാപകരം: അവിടെ 2012 ജൂലൈയിൽ 500 ബ്ലോഗുകൾ പ്രസിദ്ധീകരിക്കപ്പെട്ടിരുന്നു. ആ സ്ഥാനത്ത്, ഇക്കഴിഞ്ഞമാസം വെറും 48 ബ്ലോഗുകൾ മാത്രം. ഇടിവ് 90.4 ശതമാനം. അതായത് ബ്ലോഗുകൾ പത്തിലൊന്നു മാത്രമായി കുറഞ്ഞിരിക്കുന്നു.

ഗ്രാഫുകൾ ചൂണ്ടുന്നത് തളർച്ചയിലേയ്ക്ക്

ബ്ലോഗ്‌സൈറ്റ് ഒന്നിൽ 2015 ജനുവരി വരെ ആകെ 55726 ബ്ലോഗുകൾ പ്രസിദ്ധീകരിക്കപ്പെട്ടതായി കാണുന്നുണ്ട്. ബ്ലോഗ്‌സൈറ്റ് രണ്ടിൽ 7355 ബ്ലോഗുകളും ബ്ലോഗ്‌സൈറ്റ് മൂന്നിൽ 12043 ബ്ലോഗുകളും പ്രസിദ്ധീകരിക്കപ്പെട്ടിട്ടുണ്ട്. ഇവ മൂന്നിലുമായി ആകെ 75124 ബ്ലോഗുകൾ. മറ്റനേകം മലയാളം ബ്ലോഗ്‌സൈറ്റുകളുണ്ടെങ്കിലും, മുൻപറഞ്ഞ മൂന്നു ബ്ലോഗ്‌സൈറ്റുകളിലെ കഥ-കവിത-ലേഖനം എന്നിവ പ്രസിദ്ധീകരിക്കുന്ന മലയാളം ബ്ലോഗ്‌സൈറ്റുകളെ ഉദാഹരണങ്ങളായി കണക്കാക്കാം. ഇവയുടെ വളർച്ചകളും തളർച്ചകളും മലയാളം ബ്ലോഗുലോകത്തിന്റെ വളർച്ചകളും തളർച്ചകളുമായി കണക്കാക്കുന്നതിൽ തെറ്റില്ലെന്നാണ് എന്റെ വിശ്വാസം. അങ്ങനെയെങ്കിൽ, മുകളിൽ കൊടുത്തിരിക്കുന്ന ഗ്രാഫ്ചൂണ്ടുന്നത് ഇത്തരം ബ്ലോഗ് സൈറ്റുകളുടെ തളർച്ചയിലേക്കാണ്. മുൻകാലങ്ങളെ അപേക്ഷിച്ച് വളരെക്കുറവുബ്ലോഗുകൾ മാത്രമേ ഇപ്പോൾ പോസ്റ്റു ചെയ്യപ്പെടുന്നുള്ളു.

ബ്ലോഗുകളുടെ എണ്ണത്തിലുള്ള കുറവ് ഇതേതോതിൽ തുടർന്നാൽ പല ബ്ലോഗ്‌സൈറ്റുകളിലും ബ്ലോഗുകൾ പോസ്റ്റു ചെയ്യപ്പെടാത്ത അവസ്ഥ സംജാതമായെന്നുവരാം. ബ്ലോഗുകൾ പോസ്റ്റുചെയ്യപ്പെടുന്നില്ലെങ്കിൽ കവിതകഥലേഖനങ്ങൾക്കു മുൻതൂക്കം നൽകുന്ന ബ്ലോഗ്‌സൈറ്റുകളുടെ പ്രവർത്തനം നിലച്ചെന്നുംവരാം. പോസ്റ്റുചെയ്യപ്പെട്ടു കഴിഞ്ഞിരിക്കുന്ന ബ്ലോഗുകളുടെ ശേഖരംതന്നെ അപ്രത്യക്ഷമായെന്നുംവരാം.

പുതിയ എഴുത്തുകാരുടെ ഒരു രചന അച്ചടിമാദ്ധ്യമത്തിൽ പ്രസിദ്ധീകരിച്ചു വരികയെന്നത് ഒരു ചെറുലോട്ടറിയടിക്കുന്നതിനു തുല്യമാണ്. തിരസ്‌കാരമാണ് മിക്കപ്പോഴും സംഭവിക്കുക. പ്രസിദ്ധീകരിക്കുന്നെങ്കിൽത്തന്നെയും ചിലപ്പോൾ മാസങ്ങളോ കൊല്ലങ്ങളോ കഴിഞ്ഞായിരിക്കും. അച്ചടിച്ച ആനുകാലിക പ്രസിദ്ധീകരണങ്ങളുടെ പേജുകൾ പരിമിതമാണ്. വിലയും നിശ്ചിതം. ഒരു ലക്കത്തിൽ ഒരു ലേഖനമോ കഥയോ കൂടുതലായി ഉൾക്കൊള്ളിക്കാമെന്നു വച്ചാൽ പേജുകളുടെ പരിമിതി അതനുവദിക്കുകയില്ല.

ബ്ലോഗ്‌സൈറ്റുകളിൽ ഇത്തരം പരിമിതികളില്ല. എന്നും എത്ര ബ്ലോഗുകൾ വേണമെങ്കിലും പ്രസിദ്ധീകരിക്കാൻ അവക്കാകുന്നു. അച്ചടിമാദ്ധ്യമത്തിൽ മാസങ്ങളോളം കാത്തിരിക്കേണ്ടി വരുമ്പോൾ ബ്ലോഗ്‌സൈറ്റുകളിൽ അങ്ങേയറ്റം ഏതാനും മണിക്കൂറുകൾ മാത്രം കാത്തിരുന്നാൽമതി. ചില ബ്ലോഗ്‌സൈറ്റുകളിൽ പോസ്റ്റുചെയ്ത
ഉടൻതന്നെ ബ്ലോഗുകൾ പ്രസിദ്ധീകൃതമാകുന്നു. ബ്ലോഗ്‌സൈറ്റുകളുടെ മുഖ്യആകർഷണവും ഇതുതന്നെയാണ്. ബ്ലോഗ്‌സൈറ്റുകൾ തളർന്നാൽ അത് ബ്ലോഗർമാരെ വളരെയധികം നിരാശപ്പെടുത്തും. ബ്ലോഗ്‌സൈറ്റുകളുടെ തളർച്ചയകറ്റി, അവയെവളർത്താനുള്ള മാർഗ്ഗങ്ങൾആലോചിക്കാം.

ബ്ലോഗർ എന്തിനു ബ്ലോഗു പോസ്റ്റു ചെയ്യുന്നു?

രുബ്ലോഗർ തന്റെ ബ്ലോഗു പോസ്റ്റുചെയ്യുന്നത് ചിലപ്രത്യേക ലക്ഷ്യങ്ങൾലാക്കാക്കിയാണ്:

(1) തന്റെ ആശയം അന്യരെ അറിയിക്കാൻ.

(2) പ്രസിദ്ധിനേടാൻ.

(3) അംഗീകാരംനേടാൻ.

(4) പ്രതിഫലത്തിനുവേണ്ടി.

ലക്ഷ്യസാധ്യം എത്രത്തോളം?

ബ്ലോഗ് അനേകംപേർ വായിച്ചെങ്കിൽ മാത്രമേ മുൻപറഞ്ഞ നാലു ലക്ഷ്യങ്ങളുംനേടാനാകൂ. വായനക്കാരെ നേടാൻ ബ്ലോഗ്‌സൈറ്റുകൾക്ക് അച്ചടിച്ച ആനുകാലിക പ്രസിദ്ധീകരണങ്ങളുമായി മത്സരിക്കേണ്ടി വരുന്നു. അച്ചടിച്ച ആനുകാലിക പ്രസിദ്ധീകരണങ്ങളിൽ മുകളറ്റത്തു നിൽക്കുന്നവയെപ്പറ്റി 2014 ജനുവരിയിൽ പുറത്തുവന്ന ഇന്ത്യൻ റീഡർഷിപ്പ് സർവ്വേയിൽ കണ്ട കണക്കുകൾ താഴെകൊടുക്കുന്നു:

മാതൃഭൂമി വാരിക.........2.42 ലക്ഷം പേർവായിക്കുന്നു
മനോരമ വാരിക...........6.61     ''
ഗൃഹലക്ഷ്മി.....................8.26     ''
വനിത.........................27.62     ''

മാതൃഭൂമി വാരിക 2.42 ലക്ഷം പേർവായിക്കുമ്പോൾ, ഒരുബ്ലോഗ് ശരാശരി എത്ര പേർവായിക്കുന്നുണ്ട് എന്നുനോക്കാം. ഇതു കണ്ടുപിടിക്കുക എളുപ്പമല്ല. കാരണം ഭൂരിഭാഗം ബ്ലോഗ്‌സൈറ്റുകളിലും ഒരുബ്ലോഗ് ആകെ എത്ര പേർവായിച്ചു, അഥവാ ഒരു ബ്ലോഗിന് ആകെ എത്ര 'വ്യൂ' കിട്ടി എന്നു കാണാനാകുന്നില്ല. ഗ്രാഫിൽ രണ്ടാമതായും മൂന്നാമതായും കൊടുത്തിരിക്കുന്ന ബ്ലോഗ്‌സൈറ്റുകളിൽ ഈ സംഖ്യദൃശ്യമാണ്. അവയിൽ ഡിസംബർ മുതലുള്ള നൂറുബ്ലോഗുകൾക്കു കിട്ടിയിരിക്കുന്ന ശരാശരി വ്യൂ എത്രയെന്നു താഴെകൊടുക്കുന്നു:

ബ്ലോഗ്‌സൈറ്റ് 2.....56
ബ്ലോഗ്‌സൈറ്റ് 3.....71

തൃപ്തിയും പ്രസിദ്ധിയും അപര്യാപ്തം

മാതൃഭൂമി വാരികയിൽ അച്ചടിച്ചു വരുന്ന ഒരു രചന 2.42 ലക്ഷംപേർ വായിക്കുമ്പോൾ ബ്ലോഗ്‌സൈറ്റിലെ ഒരുബ്ലോഗ് ശരാശരി 71 പേർ മാത്രമാണു വായിക്കുന്നത്. മാതൃഭൂമി വാരികയിലൂടെ ഒരാശയം 2.42 ലക്ഷം പേർക്കു കൈമാറാനാകുമ്പോൾ രചയിതാവിനു ലഭിക്കുന്ന സംതൃപ്തി, ആ ആശയം വെറും 71 പേർക്കു മാത്രം കൈമാറുമ്പോൾ കിട്ടുകയില്ല. പ്രസിദ്ധിയുടെ സ്ഥിതിയും അതുതന്നെ. 2.42 ലക്ഷം പേർവായിക്കുമ്പോൾ രചയിതാക്കൾക്കു കിട്ടുന്ന പ്രസിദ്ധിയുമായി താരതമ്യം ചെയ്യുമ്പോൾ എഴുപത്തൊന്നു പേർമാത്രം ബ്ലോഗു വായിച്ചാൽകിട്ടുന്ന പ്രസിദ്ധിനിസ്സാരം.

ബ്ലോഗുകൾക്ക് അംഗീകാരമില്ല

ബ്ലോഗുകൾക്ക് അവാർഡുകളില്ല. ബ്ലോഗുകൾ എന്നൊരു വിഭാഗത്തെപ്പറ്റി കേരളസാഹിത്യ അക്കാദമി കേൾക്കുകപോലും ചെയ്ത ലക്ഷണമില്ല. അച്ചടിച്ച പുസ്തകങ്ങൾ മാത്രമേ അവർ അവാർഡുകൾക്കായിപരിഗണിക്കാറുള്ളു. ചില സംഘടനകൾ അവാർഡുകൾകൊടുക്കാറുണ്ട്. അവയിൽ മിക്കവയും അച്ചടിച്ച പുസ്തകങ്ങൾക്കുള്ളവ തന്നെയാണ്. ബ്ലോഗുകളെ ബ്ലോഗുകളായിത്തന്നെ പരിഗണിച്ചുകൊണ്ടുള്ള അവാർഡുകൾ കൊടുത്തതായി അറിവില്ല. ചില ബ്ലോഗ്‌സൈറ്റുകൾക്കകത്ത് സമ്മാനങ്ങളോ അവാർഡുകളോ നൽകപ്പെട്ടിരിക്കാം. പക്ഷേ, ബ്ലോഗ്‌സൈറ്റുകൾക്കു പുറത്തുനിന്ന് അംഗീകാരം ലഭിക്കുന്നില്ല. ബ്ലോഗുകളെ സാഹിത്യമായി ജനംപരിഗണിച്ചു തുടങ്ങിയിട്ടില്ല.

പ്രതിഫലമില്ല

പ്രതിഫലത്തിന്റെ കാര്യം പറയാതിരിക്കുകയാകും ഭേദം. മുൻപുപറഞ്ഞ മൂന്നു ബ്ലോഗ്‌സൈറ്റുകളിൽ ഇക്കഴിഞ്ഞ ജനുവരിവരെ പ്രസിദ്ധീകരിക്കപ്പെട്ടിട്ടുള്ള ആകെ ബ്ലോഗുകളുടെ എണ്ണം താഴെകൊടുക്കുന്നു:

ബ്ലോഗ്‌സൈറ്റ് 1......55726
ബ്ലോഗ്‌സൈറ്റ് 2........7355
ബ്ലോഗ്‌സൈറ്റ് 3......12043
ആകെ .....................75124

മറ്റനേകം മലയാളം ബ്ലോഗ്‌സൈറ്റുകളുണ്ടെങ്കിലും, അവയിലെ കണക്കുകൾ തേടിപ്പിടിക്കാൻ മുതിർന്നിട്ടില്ല. മുൻ പറഞ്ഞ മൂന്നു ബ്ലോഗ്‌സൈറ്റുകളിലെ കണക്കുകൾ തന്നെ ഈ ലേഖനത്തിലൂടെ നടത്തുന്ന പഠനത്തിനു മതിയായവയാണ്. ഈ മൂന്നു ബ്ലോഗ്‌സൈറ്റുകളിലായി 75124 ബ്ലോഗുകൾ പ്രസിദ്ധപ്പെടുത്തിയിട്ടുണ്ടെങ്കിലും അവയിലൊന്നിനുപോലും പ്രതിഫലം നൽകിയിട്ടുണ്ടാവില്ല. ഇത്രയധികം വിപുലമായ ഒരു രചനാശേഖരത്തിന്റെ രചയിതാക്കൾക്ക് ഒരു രൂപ പോലും പ്രതിഫലം കിട്ടിയിട്ടില്ലെന്ന വസ്തുത മിക്കമേഖലകളിലും പണത്തിനുമുൻതൂക്കം ലഭിച്ചുകൊണ്ടിരിക്കുന്ന ഇക്കാലത്ത് വിചിത്രമാണ്.

ബ്ലോഗിന് പച്ചക്കറിയുടെ വിലപോലുമില്ല

ലേഖനം എഴുതിത്ത്ത്തുടങ്ങിയ ദിവസം ഒരു കിലോ ക്യാരറ്റിന് 48രൂപ വിലയുണ്ടായിരുന്നു. തക്കാളിക്ക് 24 രൂപ. മുമ്പൊരിക്കൽ ക്യാരറ്റിന് എൺപതുരൂപ കവിഞ്ഞിരുന്നു. തക്കാളിക്ക് അറുപതും. ഇവക്കു മാത്രമല്ല, മറ്റെല്ലായിനം പച്ചക്കറിക്കും മുപ്പതും നാൽപതും രൂപവിലയുണ്ട്.എന്നാൽ ബ്ലോഗുകൾക്ക് ഒരുകിലോ തക്കാളിയുടെ വില പോലുമില്ല. ബ്ലോഗുകൾ പ്രതിഫലമർഹിക്കുന്നില്ലെന്നുള്ള പൊതുനിലപാടിൽ നീതിയില്ല. 75124ബ്ലോഗുകളിൽ ഒരു രൂപപോലും അർഹിക്കാത്തതായി ഒരെണ്ണംപോലും ഉണ്ടാകുമെന്നു തോന്നുന്നില്ല. തീരെ മൂല്യമില്ലാത്തവയായിരുന്നെങ്കിൽ അവ പ്രസിദ്ധീകരിക്കപ്പെടുമായിരുന്നില്ല. മുൻപറഞ്ഞ മൂന്നുബ്ലോഗ്‌സൈറ്റുകളിലും പരിശോധനക്കു വിധേയമായശേഷമാണ് ബ്ലോഗുകൾ പ്രസിദ്ധീകരിക്കപ്പെടാറ്. (ബ്ലോഗ്‌സൈറ്റ് മൂന്നിൽ ഈയടുത്തകാലത്തായി ഈ നിബന്ധനയിൽ അയവുവന്നിട്ടുണ്ട്.) ഓരോ ബ്ലോഗിനും അൽപമെങ്കിലും മൂല്യമുണ്ടായിരുന്നിരിക്കും. മൂല്യമില്ലാത്തൊരു ബ്ലോഗ് വെളിച്ചം കാണുകയുമില്ലായിരുന്നു. ബ്ലോഗിന്റെ മൂല്യത്തിനു തക്കപ്രതിഫലം ബ്ലോഗർമാർക്ക് കിട്ടേണ്ടതായിരുന്നു, പക്ഷേ, ഒരാൾക്കു പോലും കിട്ടിയിട്ടില്ല. 75124 ബ്ലോഗുകളിൽ ഒന്നിനു പോലും പ്രതിഫലം കൊടുത്തിട്ടില്ലെന്നെങ്ങനെറിയാം എന്നചോദ്യം ഇവിടെ ഉയരാം. അറിയാൻ കഴിഞ്ഞ വസ്തുതകളൊന്നും തന്നെമറിച്ചു സൂചിപ്പിക്കുന്നില്ല.

സാഹിത്യവും പണവും

ച്ചടിമാദ്ധ്യമത്തിലെ സാഹിത്യം പണവുമായി കെട്ടുപിണഞ്ഞു കിടക്കുന്നു.അച്ചടിച്ച ഒരു പുസ്തകമെടുത്തു നോക്കിക്കോളൂ, അതിന്മേൽ തെളിച്ചമുള്ള, വലിയ അക്കങ്ങളിൽ അതിന്റെ വില അച്ചടിച്ചു വച്ചിരിക്കുന്നതുകാണാം. ആ തുക കൊടുത്തെങ്കിൽ മാത്രമേ ആ പുസ്തകം വാങ്ങാനാകൂ. ഭക്തിപാരവശ്യത്താലെഴുതിയ പുസ്തകമായാലും അഹിംസയെപ്പറ്റിയുള്ള പുസ്തകമായാലും, ദാരിദ്ര്യനിർമ്മാർജ്ജനം ത്വരിതപ്പെടുത്താനുള്ള പുസ്തകമായാലും തൊഴിലാളികളെ സംഘടിക്കാൻ ആഹ്വാനം ചെയ്യുന്ന പുസ്തകമായാലും സാമുദായികപരിഷ്‌കരണം ലാക്കാക്കുന്ന പുസ്തകമായാലും തത്വശാസ്ത്രത്തെപ്പറ്റിയുള്ള പുസ്തകമായാലും അവയുടെയെല്ലാം പുറകിൽ വിലയുണ്ടാകും. ഒരു പുസ്തകവും സൗജന്യമായി വിൽക്കപ്പെടുന്നില്ല. ഗ്രന്ഥകർത്താവിനെ സംബന്ധിച്ചിടത്തോളം പുസ്തകംപണമാണ്. പുസ്തകം വിറ്റഴിഞ്ഞാൽ ഗ്രന്ഥകർത്താവിനു പണംകിട്ടും സാധാരണക്കാർക്ക് സന്തോഷംനൽകുന്ന ഒന്നാണ് പണം. പുസ്തകരചയിതാക്കളുടെ കാര്യവും വ്യത്യസ്തമല്ല. രചന പുസ്തകമായി അച്ചടിപ്പിക്കാനുള്ള പ്രേരകങ്ങളിൽ മുഖ്യം പണംതന്നെ. സന്തോഷംമാത്രമല്ല, തുടർന്നെഴുതാനുള്ള പ്രചോദനവും പണത്തിൽ നിന്നുകിട്ടുന്നു.

പുസ്തകം ഒരു വിൽപനച്ചരക്ക്

ച്ചടിച്ച പുസ്തകം ഒരു വിൽപ്പനച്ചരക്കാണ്. അതു വിൽപ്പനക്കായി വച്ചിരിക്കുന്നത് രചയിതാവും, പ്രസാധകൻ, കച്ചവടക്കാരൻ എന്നീ മൂന്നു പേർചേർന്നാണ്. വായനക്കാരുടെ പക്കൽനിന്ന് പുസ്തകത്തിന്റെ വിലയായി ഒരു നിശ്ചിതതുക ഈടാക്കാൻ അവർമൂവരും കൂടിതീരുമാനിച്ചിരിക്കുന്നു. വിലകൊടുക്കാതെ പുസ്തകംതുറന്ന് ഒരു സൂക്ഷ്മവായനയ്‌ക്കൊരുമ്പെട്ടുനോക്കിൻ. പുസ്തകക്കച്ചവടക്കാരൻ വന്ന് പുസ്തകംപിടിച്ചുവാങ്ങും. സൗജന്യവായന തുടരാൻശ്രമിച്ചാൽ അധികം താമസിയാതെ പുറത്തു പോകേണ്ടതായും വരും.

പുസ്തകക്കച്ചവടക്കാരനെ കുറ്റം പറയാനാവില്ല. പുസ്തകക്കടയിൽ സൗജന്യവായന അനുവദിച്ചാൽ പുസ്തകക്കട ഒരു വായനശാലയായി മാറാൻ അധികസമയം വേണ്ട. പുസ്തകക്കച്ചവടക്കാരന്റെ (പ്രസാധകന്റേയും രചയിതാവിന്റേയും) വയറ്റത്തടിച്ചതുതന്നെ. പുസ്തകക്കച്ചവടക്കാരനു കമ്മീഷനും ഗ്രന്ഥകർത്താവിനു റോയൽറ്റിയും പ്രസാധകനു ലാഭവും കിട്ടുന്നതിന് പുസ്തകം ഒരു വിൽപനച്ചരക്കാകുകയും സൗജന്യവായന നടക്കാതിരിക്കുകയും പുസ്തകത്തിന്റെ പ്രതികൾവിറ്റഴിയുക്കുകയുംവേണം.

ബ്ലോഗർമാരുടെ മഹത്വം

വിടെയാണ് ബ്ലോഗർമാരുടെ മഹത്വം നാമറിയുന്നത്. തന്റെ പുസ്തകം സൗജന്യമായി ആരും വായിക്കാനിടവരരരതെന്ന് ഒരു പുസ്തകരചയിതാവ് ആഗ്രഹിക്കുമ്പോൾ 'എന്റെ ബ്ലോഗ് എല്ലാവരും ദയവായി വായിക്കണേ' എന്നായിരിക്കും ബ്ലോഗറുടെ പ്രാർത്ഥന. അച്ചടിച്ച പുസ്തകത്തിന്റെ രചയിതാവ് ആകാംക്ഷാപൂർവ്വം പുസ്തകപ്രസാധകരോടും പുസ്തകക്കച്ചവടക്കാരോടും എത്രകോപ്പികൾ വിറ്റുപോയയെന്നു വിളിച്ചന്വേഷിച്ചുകൊണ്ടിരിക്കുമ്പോൾ ആകെ എത്രപേർ തന്റെ ബ്ലോഗു വായിച്ചെന്നറിയാനായിരിക്കും ഒരു ബ്ലോഗറുടെ ആകാംക്ഷമുഴുവനും. കൂടുതൽ പേർ ബ്ലോഗു വായിച്ചിരിക്കുന്നതായി കണ്ടാൽ ബ്ലോഗർ കൂടുതൽ ആഹ്ലാദിക്കും. കഴിയുന്നത്ര പേരെക്കൊണ്ടു ബ്ലോഗു വായിപ്പിക്കുന്നതിലാണ് ബ്ലോഗറുടെ ആനന്ദമിരിക്കുന്നത്. കഴിയുന്നത്ര കോപ്പികൾ വിറ്റഴിക്കുന്നതിലാണ് ഗ്രന്ഥകർത്താവിന്റെ താത്പര്യം.

ബ്ലോഗർമാർ പ്രതിഫലേച്ഛയില്ലാത്തവർ

75124 ബ്ലോഗുകൾ എഴുതിക്കൂട്ടിയിട്ടും പ്രതിഫലം വേണമെന്ന ആവശ്യം ബ്ലോഗർമാർ ഇതുവരെ മുന്നോട്ടുവച്ചിട്ടില്ല. അൽപം കുറഞ്ഞ തോതിലാണെങ്കിലും, അവർ വീണ്ടും വീണ്ടും ബ്ലോഗുകൾ എഴുതിക്കൊണ്ടിരിക്കുന്നു, പ്രതിഫലത്തെപ്പറ്റി ചിന്തിക്കുകപോലും ചെയ്യാതെ ബ്ലോഗ്‌സൈറ്റുകളിൽ അവപോസ്റ്റു ചെയ്തുകൊണ്ടിരിക്കുന്നു. പ്രതിഫലം കാംക്ഷിക്കാതെ, ഉള്ളിൽ നിന്ന് ഉറവയെടുക്കുന്ന, എഴുതാനുള്ള ആത്മാർത്ഥമായ പ്രചോദനംമൂലമാണ് ബ്ലോഗർമാർ ബ്ലോഗുകൾ രചിക്കുന്നത്. തങ്ങളുടെ ആശയങ്ങൾ അന്യർക്കുപകർന്നു കൊടുക്കണമെന്ന ആഗ്രഹംമൂലം അവർ അവ ബ്ലോഗുകളായി പൊതുജനസമക്ഷംഅവതരിപ്പിക്കുന്നു. വായനക്കാർ അവ വായിക്കുമ്പോൾ ബ്ലോഗർമാർ തൃപ്തിയടയുന്നു. പണം, പ്രതിഫലം എന്നിങ്ങനെയുള്ള ചിന്തകൾ ബ്ലോഗർമാരുടെ മനസ്സുകളെകളങ്കപ്പെടുത്തിയിട്ടില്ല.

ബ്ലോഗുകളെ സാഹിത്യമായി കണക്കാക്കണം

ബ്ലോഗുകൾക്ക് പ്രതിഫലം കിട്ടിയില്ലെങ്കിലും സാരമില്ല, പ്രസിദ്ധിയും അംഗീകാരവും അവാർഡുകളും തീർച്ചയായും ലഭിക്കണം. അംഗീകാരവും അവാർഡുകളും ഖ്യാതിയുമെല്ലാം അച്ചടിച്ച പുസ്തകങ്ങളുടെ രചയിതാക്കൾക്കും മാത്രമായി ഉഴിഞ്ഞുവെയ്ക്കപ്പെട്ടിരിക്കുന്നു. മുന്നൂറിലേറെ ബ്ലോഗുകൾ പോസ്റ്റുചെയ്തു കഴിഞ്ഞിരിക്കുന്ന ബ്ലോഗർമാർ നമ്മുടെ ഇടയിലുണ്ട്. ബ്ലോഗുകളുടെ എണ്ണം മുന്നൂറല്ല, അഞ്ഞൂറോ, ആയിരമോ തികഞ്ഞാലും ഇന്നത്തെ ചുറ്റുപാടിൽ ബ്ലോഗർ, ബ്ലോഗർ മാത്രമായിതുടരും. സാഹിത്യകാരൻ അല്ലെങ്കിൽ സാഹിത്യകാരി എന്നവിശേഷണം ബ്ലോഗർക്ക് ഒരിക്കലും അനുവദിച്ചുകിട്ടുന്നില്ല. ബ്ലോഗർമാരുടെ സമ്മേളനത്തിൽ അവർസ്വയം എഴുത്തുകാരെന്നു വിശേഷിപ്പിക്കാൻ ധൈര്യപ്പെട്ടേക്കാം. പക്ഷേ, പ്രശസ്തരായ സാഹിത്യകാരന്മാരുടെ സമക്ഷത്തിൽ ബ്ലോഗർമാർ അത്തരം അവകാശവാദങ്ങളൊന്നും ഉന്നയിക്കാൻധൈര്യപ്പെടാറില്ല. പ്രശസ്തരായ എഴുത്തുകാരാകട്ടെ ബ്ലോഗർമാരോട് സഹഎഴുത്തുകാരെന്ന നിലയിൽ സ്‌നേഹാദരങ്ങൾ കാണിക്കാറുമില്ല. ബ്ലോഗിലെവിടെ സാഹിത്യം എന്ന ഒരവജ്ഞ പല ഴുത്തുകാരും പരോക്ഷമായെങ്കിലും പ്രകടിപ്പിച്ചതായി കേട്ടിട്ടുമുണ്ട്.

പ്രശസ്തർ ബ്ലോഗെഴുതാറില്ല

പ്രശസ്തരായ എഴുത്തുകാർ ബ്ലോഗെഴുതാറില്ലെന്നാണുതോന്നുന്നത്. രണ്ടോ, മൂന്നോ, പേരുടെ രചനകൾ ബ്ലോഗ്‌സൈറ്റുകളിൽ കാണാറുണ്ടെന്നതു വിസ്മരിക്കുന്നില്ല. പക്ഷേ,അവയും അച്ചടിമാദ്ധ്യമത്തിൽ വന്നശേഷമായിരിക്കാം. ബ്ലോഗ്‌സൈറ്റുകളിൽ വരുന്നത്. അച്ചടിമാദ്ധ്യമത്തെ വെടിഞ്ഞ് ബ്ലോഗുലോകത്തേ്ക്ക് പ്രശസ്തരായ ആരുംതന്നെ ചേക്കേറിയതായി അറിവില്ല. ബ്ലോഗ്‌സൈറ്റുകളിൽ പ്രതിഫലമില്ലാത്തത് മുഖ്യകാരണങ്ങളിലൊന്നായിരിക്കണം. അച്ചടിച്ച മാദ്ധ്യമത്തിൽ പതിവായെഴുതി അതിജീവനം നടത്തുന്നപലരുമുണ്ടാകും. ബ്ലോഗെഴുത്ത് കൂലിയില്ലാപ്പണിയായി തുടരുന്നതുകൊണ്ട് അതിലൂടെയുള്ള അതിജീവനം ഇന്നുസാദ്ധ്യമല്ല.

അച്ചടിച്ചമാദ്ധ്യമത്തിൽ നിന്നുകിട്ടുന്നതിനു തുല്യമായപ്രതിഫലം ബ്ലോഗ്‌സൈറ്റുകളിൽ നിന്നു കിട്ടുന്നെങ്കിൽ ബ്ലോഗെഴുതാൻ പ്രശസ്തരും മുന്നോട്ടു വരും. പ്രതിഫലത്തോടൊപ്പം പ്രസിദ്ധിയും, അംഗീകാരവും അവർ ആവശ്യപ്പെടും. അവക്കെല്ലാംപുറമെ, അച്ചടിമാദ്ധ്യമത്തിന്റെനിലവാരം ബ്ലോഗ്‌സൈറ്റുകൾക്കും ഉണ്ടാകണം എന്ന നിർബന്ധനയും അവർ മുന്നോട്ടുവയ്ക്കും. പണവും, പ്രസിദ്ധിയും, അംഗീകാരവും, സംതൃപ്തിയും, നേടിത്തരാൻ ബ്ലോഗ്‌സൈറ്റുകൾക്കാകുമ്പോൾ പ്രശസ്ത സാഹിത്യകാരന്മാരും, സാഹിത്യകാരികളും, ബ്ലോഗ്‌സൈറ്റുകളിലെത്തും തീർച്ച. അതുവരെ അവരിൽ ഭൂരിഭാഗംപേരും ബ്ലോഗ്‌സൈറ്റുകളിൽ നിന്ന് അകന്നുനിൽക്കും.

സാങ്കേതികപുരോഗതി ബ്ലോഗുകൾക്ക് അനുകൂലം

ച്ചടിച്ച ഒരു പുസ്തകം വായിക്കണമെങ്കിൽ അത് കൈയിൽ കിട്ടണം. എങ്കിൽ മാത്രമേ അതു വായിക്കാനാകുകയുള്ളു. എന്നാൽ ഇന്റർനെറ്റിലൂടെ ബ്ലോഗുകൾ വായിക്കാൻ ലോകത്തിന്റെ ഏതു ഭാഗത്തു ജീവിക്കുന്നവർക്കും സാധിക്കുന്നു. 2013 മാർച്ചിൽ വയറിൽക്കൂടിയുള്ളതും വയറിൽക്കൂടിയല്ലാത്തതുമായി ആകെ 898 ദശലക്ഷം ഇന്റർനെറ്റ് ഉപഭോക്താക്കൾ ഇന്ത്യയിലുണ്ടായിരുന്നെന്ന് ട്രായിയുടെ കണക്കുകൾ കാണിക്കുന്നു. അതായത് 89.8 കോടി. കേരളാ വയർലെസ് ടെലിക്കോമിന്റെ 2013 മാർച്ചിലെ കണക്കനുസരിച്ച് കേരളത്തിലെ ആകെ ഇന്റർനെറ്റു വരിക്കാർ 30,692,668 ആണ്. മൂന്നു കോടിയിലേറെ. കേരളത്തിലെ ജനസംഖ്യയ്ക്കടുത്തു വരുന്നു അത്. ഗ്രാമങ്ങളെ 100 എം ബി പി എസ് വേഗമുള്ള ബ്രോഡ്ബാന്റു കൊണ്ട് ബന്ധിപ്പിക്കാനൊരുങ്ങുകയാണ് കേന്ദ്രസർക്കാർ. ഈ പശ്ചാത്തലത്തിൽ ചുരുങ്ങിയത് ഒരു ലക്ഷം പേരെയെങ്കിലും ആകർഷിക്കാൻ ഉൽക്കർഷേച്ഛുക്കളായ ബ്ലോഗ്‌സൈറ്റുകൾക്കു കഴിയും. ഒരു ലക്ഷം പേർ കയറിയിറങ്ങിപ്പോകുന്നൊരു ബ്ലോഗ്‌സൈറ്റിന് പരസ്യങ്ങളിലൂടെ നല്ലൊരു വരുമാനം നേടാനാകും. എത്ര ഇന്റർനെറ്റ് ഉപഭോക്താക്കളുണ്ടോ അവരുടെയെല്ലാം വിരൽത്തുമ്പിലാണ് ബ്ലോഗുകൾ. യാതൊരു പരിമിതിയുമില്ലാതെ എത്ര ബ്ലോഗുകൾ വേണമെങ്കിലും വായിക്കാവുന്ന അവസ്ഥ. ലോകത്ത് ആകെ 3.61 കോടി മലയാളികളുണ്ടെന്നാണു വിക്കിപ്പീഡിയയിൽ കാണുന്നത്. ഇന്റർനെറ്റിലൂടെ ദേശത്തും വിദേശത്തുമുള്ള 3.61 കോടി മലയാളികൾക്കും എല്ലാ ബ്ലോഗുകളും അനായാസേന വായിക്കുക സാങ്കേതികമായി ഇന്നു സാദ്ധ്യമാണ്.

സാങ്കേതിക സൗകര്യം ഉപയോഗിക്കുന്നില്ല

ത്തരത്തിൽ ഓരോ മലയാളിക്കും ബ്ലോഗുകൾ വായിക്കാനുള്ള സാങ്കേതിക സൗകര്യം ഇന്നു നിലവിലുണ്ടെങ്കിലും ഭൂരിഭാഗം ബ്ലോഗ്‌സൈറ്റുകളിലും ബ്ലോഗു വായിക്കുന്നവരുടെ എണ്ണം നൂറു തികയാറില്ലെന്നാണ് എന്റെ ഊഹം. ഒരു ബ്ലോഗ് 'വ്യൂ' ചെയ്തവരുടെ എണ്ണം മുൻ പറഞ്ഞ മൂന്നു ബ്ലോഗ്‌സൈറ്റുകളിൽ രണ്ടെണ്ണത്തിൽ മാത്രമാണ് കാണാനായത്. അവിടങ്ങളിൽ ഡിസംബർ മാസം മുതലുള്ള നൂറു ബ്ലോഗുകൾക്കു കിട്ടിയിരിക്കുന്ന ശരാശരി 'വ്യൂ'കൾ എഴുപത്തൊന്നും അമ്പത്താറും മാത്രമായിരുന്നെന്ന് ഒരു മുൻ ഖണ്ഡികയിൽ പറഞ്ഞു കഴിഞ്ഞിട്ടുണ്ട്. കേരളത്തിൽ 3.07 കോടി ഇന്റർനെറ്റ് ഉപഭോക്താക്കളുള്ളതുകൊണ്ട് അവരിൽ ഒരു ശതമാനം പേരെങ്കിലും ബ്ലോഗുകൾ വായിച്ചിരുന്നെങ്കിൽ ഈ രണ്ടു ബ്ലോഗ്‌സൈറ്റുകളിലെ ഓരോ ബ്ലോഗിനുമുള്ള ശരാശരി വ്യൂ എഴുപത്തൊന്ന്, അമ്പത്താറ് എന്നീ സംഖ്യകളിൽ ഒതുങ്ങുന്നതിനു പകരം മൂന്നു ലക്ഷം കവിയുമായിരുന്നു!

ബ്ലോഗുകൾക്ക് അച്ചടിച്ച ആനുകാലികങ്ങളേക്കാൾ കൂടുതൽ വായനക്കാരെ കിട്ടാനുള്ള സാങ്കേതികസംവിധാനം നിലവിൽ വന്നിട്ട് വർഷങ്ങളായെങ്കിലും അത്രത്തോളം വായനക്കാരെ പതിവായി ബ്ലോഗുകളിലേയ്ക്കാകർഷിക്കാൻ ഇതുവരെ ബ്ലോഗ്‌സൈറ്റുകൾക്കു കഴിഞ്ഞിട്ടില്ല. അവരതിനു ശ്രമിച്ചിട്ടില്ലെന്നതാണു സത്യം. സർക്കാരുമായുള്ള ഇടപാടുകളുൾപ്പെടെ അനേകം കാര്യങ്ങൾക്ക് ഇന്റർനെറ്റ് വ്യാപകമായി ഉപയോഗിക്കപ്പെടുന്നുണ്ടെങ്കിലും ബ്ലോഗ്‌സൈറ്റുകൾ ഈ സാങ്കേതിക സൗകര്യം വേണ്ടവിധത്തിൽ ഉപയോഗിച്ചിട്ടില്ല. ഈ സാങ്കേതിക സൗകര്യം വേണ്ടുംവണ്ണം ഉപയോഗിക്കാനായാൽ അച്ചടിമാദ്ധ്യമത്തെ പുറന്തള്ളാൻ ബ്ലോഗ്‌സൈറ്റുകൾക്കാകും. വാസ്തവത്തിൽ ഇന്നത്തെ ഓരോ ബ്ലോഗ്‌സൈറ്റും ഭാവിയിലെ ആനുകാലികമാണ്. ബ്ലോഗ്‌സൈറ്റുകൾ ഉണർന്നാൽ അച്ചടിമാദ്ധ്യമങ്ങളും ഓൺലൈൻ ലോകത്തേയ്ക്ക് കുടിയേറാൻ നിർബ്ബദ്ധരാകും. പത്രങ്ങളിലും ചാനലുകളിലും ഇടയ്ക്കിടെ പരസ്യങ്ങൾ കൊടുക്കുകയും ഉന്നതരായ ഏതാനും സാഹിത്യകാരന്മാരേയും സാഹിത്യകാരികളേയും ബ്ലോഗ്‌സൈറ്റുകളിലേയ്ക്കു ക്ഷണിച്ചുകൊണ്ടുവരികയും ചെയ്താൽ ആഴ്ചകൾ കൊണ്ട് അത്തരം ബ്ലോഗ്‌സൈറ്റുകളിൽ ലക്ഷം വായനക്കാരെ ആകർഷിക്കാനാകും എന്നുറപ്പ്. ഇംഗ്ലീഷിലൊരു ചൊല്ലുണ്ട്: ദി ഏർളി ബേർഡ് ഗെറ്റ്‌സ് ദ വേം. ആദ്യം തുടങ്ങുന്നവർക്ക് കൂടുതൽ വിജയസാദ്ധ്യതയുണ്ട് എന്നർത്ഥം.

പരസ്പര പ്രോത്സാഹനം

രാശരി എഴുപത്തൊന്നു പേർ മാത്രം ബ്ലോഗുകൾ വായിക്കുന്നെന്നു പറഞ്ഞുവല്ലോ. ഇവരിൽത്തന്നെ ഭൂരിഭാഗവും ബ്ലോഗർമാർ തന്നെയാണ്. ബ്ലോഗർമാരാണ് മിക്ക ബ്ലോഗ്‌സൈറ്റുകളിലേയും സ്ഥിരം സന്ദർശകർ. തങ്ങളുടെ പുതിയ ബ്ലോഗുകൾ പോസ്റ്റു ചെയ്യാനും പോസ്റ്റു ചെയ്ത ബ്ലോഗുകൾ എത്ര പേർ വായിച്ചു, അവയ്ക്ക് കിട്ടിയ പ്രതികരണങ്ങൾ എന്തെല്ലാം എന്നറിയാനുമായി ബ്ലോഗർമാർ ബ്ലോഗ്‌സൈറ്റുകളിൽ പതിവായി വരുന്നു. തങ്ങളുടെ സന്ദർശനത്തിനിടയിൽ അവർ മറ്റു ബ്ലോഗർമാരുടെ രചനകളും വായിക്കുന്നു, പ്രതികരണമെഴുതുന്നു, പ്രോത്സാഹിപ്പിക്കുന്നു. ഈ പരസ്പരപ്രോത്സാഹനം കൂടുതൽ രചനകളുമായെത്താൻ ബ്ലോഗർമാരെ പ്രേരിപ്പിക്കുന്നു. വാസ്തവത്തിൽ ഈ പരസ്പരപ്രോത്സാഹനമാണ് ഇതുവരെ ബ്ലോഗർമാർക്കു കിട്ടിയിട്ടുള്ള ഏക പ്രോത്സാഹനം. ബ്ലോഗുകളുടെ എണ്ണം കുറഞ്ഞതോടെ ഈ പ്രോത്സാഹനവും വളരെ കുറഞ്ഞിട്ടുണ്ടാകണം. ഗൗരവതരമായ വായന നടത്തുന്ന, ബ്ലോഗർമാരല്ലാത്ത, വായനക്കാരുടെ ദൗർലഭ്യം ഇന്നു മിക്ക ബ്ലോഗ്‌സൈറ്റുകളിലുമുണ്ട്.

ചർച്ചകൾ വലിയൊരാകർഷണം

ർച്ചകൾക്ക് ഏറ്റവും പറ്റിയ വേദിയാണ് ബ്ലോഗ്‌സൈറ്റുകൾ. കാതലായ വിഷയങ്ങളെപ്പറ്റി വളരെയധികം പേർക്ക് ഒരേ സമയം പങ്കെടുക്കാവുന്ന ചർച്ചാവേദി ബ്ലോഗ്‌സൈറ്റുകളിലുണ്ട്. ഫേസ്‌ബുക്കിലേതിനേക്കാൾ അർത്ഥപൂർണ്ണമായ ചർച്ചകൾ ബ്ലോഗ്‌സൈറ്റുകളിൽ സാദ്ധ്യമാണ്. ചില ബ്ലോഗ്‌സൈറ്റുകളിൽ അത്തരം ചർച്ചകൾ നടക്കാറുമുണ്ട്. അവിടേയും ചർച്ചയിൽ പങ്കെടുക്കുന്നവരുടെ എണ്ണം തീരെച്ചെറുതായതുകൊണ്ട് അവയിൽ നിന്ന് വ്യക്തവും സമൂഹത്തിനു സ്വീകാര്യവുമായ ദിശാബോധം പലപ്പോഴും ഉരുത്തിരിഞ്ഞു വരാറില്ല. അച്ചടിച്ച ആനുകാലികങ്ങളിൽ ഇത്തരം ചർച്ചകൾ അസാദ്ധ്യമാണ്. ചാനലുകളിൽ ചർച്ചകൾ നടക്കാറുണ്ടെങ്കിലും അവയിൽ പങ്കെടുക്കാൻ വേണ്ടി നിശ്ചിതസമയത്ത് നിശ്ചിതസ്ഥലത്ത് എത്തേണ്ടി വരുന്നു. ഇത്തരം പരിമിതികൾ ബ്ലോഗ്‌സൈറ്റുകളിലെ ചർച്ചകൾക്കില്ല. ലോകത്തിന്റെ ഏതു ഭാഗത്തുള്ളവർക്കും ബ്ലോഗ്‌സൈറ്റുകളിലെ ചർച്ചകളിൽ പങ്കെടുക്കാനാകുന്നു. വളരെയധികം പേർ ഈ ഓൺലൈൻ ചർച്ചകളിലേയ്ക്ക് ആകർഷിക്കപ്പെടുകയാണെങ്കിൽ അവ സമൂഹത്തിന് ദിശാബോധം നൽകുന്ന എറ്റവും മികച്ച വേദികളായിത്തീരും. സന്ദർശകരുടെ ദൗർലഭ്യം ചർച്ചകളേയും പ്രതികൂലമായി ബാധിച്ചിരിക്കുന്നു. മുൻ പറഞ്ഞ മൂന്നു ബ്ലോഗ്‌സൈറ്റുകളിലൊന്നിൽ നാലു മാസമായി പുതിയ ചർച്ചകളുണ്ടായിട്ടില്ല.

ചെലവുകൾ

ന്നുള്ള മിക്ക മലയാളം ബ്ലോഗ്‌സൈറ്റുകളും നിലനിൽക്കുന്നത് അവയുടെ ഉടമകളുടെ മഹാമനസ്‌കത കൊണ്ടു മാത്രമാണ്. ഭൂരിഭാഗം ബ്ലോഗ്‌സൈറ്റുകൾക്കും വരുമാനമില്ല. വരുമാനം നേടാൻ തുടങ്ങിയിരിക്കുന്ന ഏതാനും ചില ബ്ലോഗ്‌സൈറ്റുകളുണ്ട്. പക്ഷേ അവയുടെ വരുമാനം ചെലവിനോളം വരുന്നുണ്ടോ എന്നു സംശയമാണ്.

അച്ചടിച്ച ഒരാനുകാലികത്തിന്റെ കാര്യമെടുക്കാം. ഉദാഹരണം മാതൃഭൂമി വാരിക. വാരികയ്ക്ക് രചയിതാക്കൾ രചനകൾ അയച്ചുകൊടുക്കുന്നു. വാരിക അവ പ്രസിദ്ധീകരിക്കുന്നു. വാരികയിൽ പ്രദർശിപ്പിക്കാനായി പരസ്യദാതാക്കൾ പരസ്യങ്ങളും പണവും വാരികയ്ക്കു നൽകുന്നു. വാരിക അച്ചടിച്ചുകഴിയുമ്പോൾ വായനക്കാരത് പണം കൊടുത്തു വാങ്ങുന്നു. വാരിക തങ്ങളുടെ വരുമാനത്തിൽ നിന്ന് തൊഴിലാളികൾക്കു ശമ്പളവും രചയിതാക്കൾക്കു പ്രതിഫലവും ഉടമകൾക്ക് ലാഭവിഹിതവും നൽകുന്നു. അധികലാഭം മൂലധനത്തിൽ ചേർക്കുന്നു. താഴെ കൊടുക്കുന്ന ചിത്രം ഇതു വ്യക്തമാക്കുന്നു.

ബ്ലോഗ്‌സൈറ്റുകളുടെ ചെലവുകൾ

നി ബ്ലോഗ്‌സൈറ്റുകളുടെ കാര്യമെടുക്കാം. ചുരുക്കം ചില ബ്ലോഗ്‌സൈറ്റുകൾക്ക് പരസ്യവരുമാനം കിട്ടിത്തുടങ്ങിയിട്ടുണ്ടെങ്കിലും ഭൂരിപക്ഷം ബ്ലോഗ്‌സൈറ്റുകൾക്കും ഒന്നുകിൽ പരസ്യവരുമാനമില്ല, അല്ലെങ്കിൽ പരസ്യവരുമാനം വളരെച്ചെറുതാണ്. എന്നാൽ ചെലവുകളാകട്ടെ പലതുമുണ്ട്. എല്ലാ ചെലവുകളും ബ്ലോഗ്‌സൈറ്റുടമ സ്വന്തം പോക്കറ്റിൽ നിന്നെടുക്കുന്നു. അച്ചടിച്ച വാരികയ്ക്ക് വാരികയിൽ നിന്നുള്ള വരുമാനമുള്ളപ്പോൾ, ബ്ലോഗ്‌സൈറ്റുടമയ്ക്ക് ബ്ലോഗ്‌സൈറ്റിൽ നിന്നു വരുമാനമില്ല. ചെലവു മാത്രമേയുള്ളു. മൂലധനം കുറഞ്ഞുകൊണ്ടേയിരിക്കുന്നു. താഴെ കൊടുക്കുന്ന ചിത്രത്തിൽ ഇതു വ്യക്തമാണ്.

ബ്ലോഗ്‌സൈറ്റുകളുടെ ചെലവുകൾ ബ്ലോഗ്‌സൈറ്റുകളുടെ വലിപ്പത്തെ ആശ്രയിച്ചിരിക്കുന്നു. കൂടുതൽ ഉള്ളടക്കം (കണ്ടന്റ്) ഉള്ളതും കൂടുതൽ ഉള്ളടക്കം ഉൾക്കൊള്ളാൻ സൗകര്യപ്പെടുത്തിയിരിക്കുന്നതുമാ!യ ബ്ലോഗ്‌സൈറ്റുകൾ കൂടുതൽ ചെലവു വഹിക്കേണ്ടി വരുന്നു. ബ്ലോഗർമാർക്കുള്ള പ്രതിഫലം ബ്ലോഗ്‌സൈറ്റിന്റെ ചെലവുകളിൽ ഇനിയും പെടുത്തേണ്ടതായാണിരിക്കുന്നത്.

മൂലധനം തന്നെ ആശ്രയം

ലാഭമോ വരുമാനമോ ഇല്ലെങ്കിൽ കൂടിയും, ബ്ലോഗ്‌സൈറ്റ് ഒരു സാമ്പത്തിക സംരംഭം തന്നെയാണ്. അതിനെ ഒരു ചെറുകിട വ്യവസായമായി കണക്കാക്കാം. ലാഭമില്ലാതെ, ചെലവു മാത്രമുണ്ടാക്കുന്ന എല്ലാ സംരംഭങ്ങളുടേയും അസ്തിത്വം അവയ്ക്കു ലഭ്യമാകുന്ന മൂലധനത്തെ ആശ്രയിച്ചിരിക്കുന്നു. മൂലധനസ്രോതസ്സു വറ്റിക്കഴിയുമ്പോൾ സംരംഭത്തിന്റെ പ്രവർത്തനം നിലയ്ക്കുന്നു. പ്രവർത്തനച്ചെലവു നിർവ്വഹിക്കാനുള്ള വരുമാനമെങ്കിലും ഉണ്ടാകാത്തിടത്തോളം കാലം മൂലധനത്തിൽ കുറവു വന്നുകൊണ്ടേയിരിക്കും. എന്നെങ്കിലുമത് വറ്റിവരളുകയും ചെയ്യും.

ലാഭം കാംക്ഷിക്കാത്ത സംരംഭം

ണം സമ്പാദിക്കാൻ വേണ്ടി നല്ലതും നല്ലതല്ലാത്തതുമായ മാർഗ്ഗങ്ങളിൽക്കൂടി ജനം കിണഞ്ഞു പരിശ്രമിച്ചുകൊണ്ടിരിക്കുന്നൊരു കാലമാണിത്. പണം എത്ര കിട്ടിയാലും മതിയാകാത്ത, മതി വരാത്ത അവസ്ഥ. ഒന്നു വച്ച് പത്തെടുക്കാനും പത്തു വച്ച് നൂറെടുക്കാനും തിരക്കു കൂട്ടുന്ന ജനത. അതിനിടയിൽ ലാഭം കാംക്ഷിക്കാതെ, ലാഭം ലഭിക്കാതെ ആരാണ് പണം ചെലവാക്കിക്കൊണ്ടേയിരിക്കുക ! ഒരു കൂട്ടം ബ്ലോഗർമാർക്ക് ഇഷ്ടമുള്ളതൊക്കെ എഴുതി പ്രദർശിപ്പിക്കാൻ വേണ്ടി തുടർച്ചയായി പണം മുടക്കാനുള്ള പ്രചോദനം ബ്ലോഗ്‌സൈറ്റുടമകൾക്ക് എങ്ങനെ കിട്ടുന്നു എന്നു മനസ്സിലാക്കാൻ എനിക്കിതേവരെ കഴിഞ്ഞിട്ടില്ല. സ്വന്തം പണം അന്യർക്കു വേണ്ടി ചെലവഴിക്കുന്ന ഈ പതിവ് എന്നെങ്കിലും ഒരു ദിനം ബ്ലോഗ്‌സൈറ്റുടമകൾ നിർത്താനാണു സാദ്ധ്യത.

ബ്ലോഗ്‌സൈറ്റുകളുടെ സേവനം

ബ്ലോഗ്‌സൈറ്റുകൾ ചെയ്തുകൊണ്ടിരിക്കുന്നത് ബ്ലോഗർമാരെ സംബന്ധിച്ചിടത്തോളം വലിയൊരു സേവനമാണെന്നു പറഞ്ഞുവല്ലോ; ബ്ലോഗർമാർക്കു മാത്രമായുള്ള സാമൂഹ്യസേവനം. മിക്ക ബ്ലോഗ്‌സൈറ്റുകളിലും ബ്ലോഗർമാർ തന്നെയാണു വായനക്കാരും. എങ്കിലും ബ്ലോഗർമാരല്ലാത്ത കുറച്ചു വായനക്കാർ ചില ബ്ലോഗ്‌സൈറ്റുകളിലെങ്കിലുമുണ്ട്. അത്തരം വായനക്കാർക്ക് സൗജന്യവായന ലഭ്യമാക്കുന്നതുകൊണ്ട് ബ്ലോഗ്‌സൈറ്റുകൾ വായനക്കാരെ സംബന്ധിച്ചിടത്തോളവും ഒരു സൗജന്യസേവനം തന്നെയാണു ചെയ്യുന്നത്.

സൗജന്യസേവനം നീണ്ടുനിൽക്കില്ല

സൗജന്യസേവനങ്ങൾ അധികകാലം നീണ്ടു നിൽക്കുകയില്ല. ബ്ലോഗ്‌സൈറ്റുകൾ ബ്ലോഗർമാർക്കും ബ്ലോഗുവായനക്കാർക്കും ലഭ്യമാക്കിക്കൊണ്ടിരിക്കുന്ന ഈ സൗജന്യസേവനം ഒന്നുകിൽ അവസാനിക്കും. അല്ലെങ്കിലത് സൗജന്യമല്ലാതായിത്തീരും. ഈ ചുരുങ്ങിയ കാലത്തിനകം പ്രവർത്തനരഹിതമായിത്തീർന്നിട്ടുള്ള അഞ്ചു ബ്ലോഗ്‌സൈറ്റുകളെ എനിക്കറിയാം. അത്തരം ബ്ലോഗ്‌സൈറ്റുകളുടെ എണ്ണം വർദ്ധിക്കാനാണിട.

സാമ്പത്തികവളർച്ചയില്ല

രു വ്യാവസായികസംരംഭത്തിന്റെ വളർച്ച നിർണ്ണയിക്കുക എളുപ്പമാണ്. ലാഭവും ലാഭശതമാനവും മാത്രം നോക്കിയാൽ മതി. മുൻ വർഷത്തേക്കാൾ ഉയർന്ന ലാഭവും ലാഭശതമാനവും സംരംഭം വളർന്നതിനുള്ള തെളിവാണ്. എന്നാൽ ലാഭം പോകട്ടെ, വരുമാനം പോലുമുണ്ടാക്കാത്ത ഒരു ബ്ലോഗ്‌സൈറ്റിന് സാമ്പത്തികവളർച്ചയില്ല. ബ്ലോഗുകളുടെ എണ്ണം വർദ്ധിക്കുമ്പോൾ ബ്ലോഗ്‌സൈറ്റിന്റെ ചെലവു വർദ്ധിക്കുന്നു. ബ്ലോഗുകളുടെ എണ്ണത്തിലുള്ള വർദ്ധന ബ്ലോഗർമാരേയും ബ്ലോഗുവായനക്കാരേയും സംബന്ധിച്ചിടത്തോളം നല്ല കാര്യമാണെങ്കിലും, അത് ബ്ലോഗ്‌സൈറ്റിന്റെ സാമ്പത്തിക വളർച്ചയിലേയ്ക്കു നയിക്കാത്തതു കൊണ്ട് ബ്ലോഗുകളുടെ എണ്ണത്തിലുള്ള വർദ്ധന ബ്ലോഗ്‌സൈറ്റിന്റെ വളർച്ചയുടെ സൂചകമാകുകയില്ല.

ബ്ലോഗ്‌സൈറ്റുകൾക്ക് വരുമാനമുണ്ടാകണം

ബ്ലോഗർമാരുടെ സർഗ്ഗവാസന പുറത്തുകൊണ്ടുവരാൻ സ്വന്തം പണമുപയോഗിച്ച് സഹായിച്ചുകൊണ്ടിരിക്കുന്ന ബ്ലോഗ്‌സൈറ്റുകൾക്കു വരുമാനമുണ്ടാകേണ്ടത് ബ്ലോഗ്‌സൈറ്റുകളുടെ മാത്രമല്ല, ബ്ലോഗർമാരുടേയും ആവശ്യമാണ്. വരുമാനമില്ലാത്ത ബ്ലോഗ്‌സൈറ്റുകളുടെ ചെലവുകൾ നിറവേറിപ്പോകുന്നത് അവയുടെ ഉടമകളുടെ ആവേശം ഒന്നുകൊണ്ടു മാത്രമാണ്. വെബ്‌സൈറ്റ് ടെക്‌നിക്കൽ ടീമിന്റെ ചാർജ്ജുകളും സെർവർ സ്‌പേസിന്റെ വാടകയും ബന്ധപ്പെട്ട മറ്റു ചെലവുകളും സ്വന്തം പോക്കറ്റിൽ നിന്നെടുക്കാനുള്ള ആവേശം പല ഉടമകളും കുറഞ്ഞൊരു കാലം പ്രദർശിപ്പിച്ചെന്നു വരാം. ബ്ലോഗ്‌സൈറ്റിൽ നിന്ന് വരുമാനമൊന്നുമില്ലാതെ, ചെലവും നഷ്ടവും മാത്രമുണ്ടാകുമ്പോൾ ആവേശം തണുത്തുറഞ്ഞു പോകുന്നതും സ്വാഭാവികം. ബ്ലോഗ്‌സൈറ്റുകൾ പൂർവ്വാധികം ഊർജ്ജസ്വലത പ്രദർശിപ്പിക്കണമെങ്കിൽ അവയ്ക്ക് വരുമാനമുണ്ടാകണം. മൂലധനത്തിന്മേൽ മോശമല്ലാത്ത ലാഭമുണ്ടാകണം. ബ്ലോഗ്‌സൈറ്റുകൾക്ക് സ്വന്തം കാലിൽ നിൽക്കാനാകണം.

ബ്ലോഗ്‌സൈറ്റുകളുടെ ഘടന

നാലോ അഞ്ചോ പേരടങ്ങുന്ന ഒരു പാർട്ട്ണർഷിപ്പെങ്കിലുമായിരിക്കണം ബ്ലോഗ്‌സൈറ്റിന്റെ ഉടമ. ദീർഘകാലം നിലനിൽക്കാനുദ്ദേശിച്ച് ഉടലെടുക്കുന്നൊരു ബ്ലോഗ്‌സൈറ്റിന്റെ തലപ്പത്ത് ഒരു പ്രൈവറ്റ് ലിമിറ്റഡ് കമ്പനിയാകുന്നതായിരിക്കും ഏറ്റവും നല്ലത്. ബ്ലോഗ്‌സൈറ്റ് പൂർണ്ണതയുള്ളൊരു വ്യാവസായികസംരംഭമായാൽ വളർച്ചയ്ക്കുള്ള സാദ്ധ്യത ധാരാളമാണ്. മാതൃഭൂമി വാരികയെപ്പോലെയോ മനോരമ ആഴ്ചപ്പതിപ്പിനെപ്പോലെയോ ലാഭകരമായി നടത്തിക്കൊണ്ടുപോകുന്നൊരു ബ്ലോഗ്‌സൈറ്റിന് ബ്ലോഗർമാർക്ക് തക്കതായ പ്രതിഫലം കൊടുത്ത ശേഷവും ഗണ്യമായൊരു ലാഭമുണ്ടാക്കാൻ കഴിയും എന്നാണെന്റെ വിശ്വാസം.

പരസ്യവരുമാനം

ത്രങ്ങളുടെ നിലനില്പിൽ വരിസംഖ്യയേക്കാൾ കൂടുതൽ സഹായകമാകുന്നത് പരസ്യങ്ങളിൽ നിന്നുള്ള വരുമാനമാണ്. ഉദാഹരണം: ഇക്കണോമിക് ടൈംസിന്റെ പ്രവൃത്തിദിനങ്ങളിലെ വില വെറും മൂന്നു രൂപ. പത്രങ്ങൾ മാത്രമല്ല, ടെലിവിഷൻ ചാനലുകളും പരസ്യവരുമാനം കൊണ്ടാണു നിലനിന്നു പോകുന്നത്. ബ്ലോഗ്‌സൈറ്റുകൾക്കും പരസ്യവരുമാനം നിർണ്ണായകഘടകമാകണം. അല്പകാലം മുമ്പു വരെ ബ്ലോഗ്‌സൈറ്റുകൾക്കു വരുമാനമുണ്ടായിരുന്നില്ല. ആ സ്ഥിതിക്ക് മാറ്റം വരാൻ തുടങ്ങിയിരിക്കുന്നു. കൂടുതൽ വായനക്കാരുള്ള പത്രങ്ങൾക്ക് കൂടുതൽ പരസ്യങ്ങളും ഉയർന്ന പരസ്യനിരക്കും ലഭിക്കുന്നതു പോലെ, കൂടുതൽ സന്ദർശകരുള്ള ബ്ലോഗ്‌സൈറ്റുകൾക്ക് കൂടുതൽ പരസ്യങ്ങൾ നേടാനും അവയ്ക്ക് ഉയർന്ന നിരക്ക് ഈടാക്കാനും സാധിക്കും.

വരിസംഖ്യ

ന്ന് ബ്ലോഗുകൾ ആർക്കും സൗജന്യമായി വായിക്കാം. സൗജന്യമായി ലഭ്യമാകുന്ന ഒരു വസ്തുവിനും സേവനത്തിനും ആരും വില കല്പിക്കുകയില്ല. ബ്ലോഗുകളിൽ നിന്നു വ്യത്യസ്തമായി, പത്രങ്ങളും ആനുകാലികങ്ങളും സൗജന്യവായന അനുവദിക്കുന്നില്ല. ബ്ലോഗുകളുടേയും സൗജന്യവായന അവസാനിക്കണം. വരിസംഖ്യ കൊടുത്താൽ മാത്രമേ ബ്ലോഗുകളും വായിക്കാനാകാവൂ. ബ്ലോഗുകളുടേയും ബ്ലോഗ്‌സൈറ്റുകളുടേയും നിലവാരമനുസരിച്ച് വരിസംഖ്യ വ്യത്യസ്തമാകണം.

രചനകൾ നിലവാരമുള്ളവയായിരിിക്കണം

വിതകഥലേഖനം എന്നിവ മാത്രമുള്ള ബ്ലോഗ്‌സൈറ്റുകളിൽ അധികം വായനക്കാർ വരാത്തതിന്റെ ഒരു പ്രധാനകാരണം രചനകളുടെ നിലവാരക്കുറവും അവയുടെ ആധിക്യവുമായിരിക്കണം. അക്ഷരത്തെറ്റില്ലാത്ത രചനകൾ വിരളം. ബാലിശമായ അക്ഷരത്തെറ്റുകളാണ് ഏറെയും. ആശയവൈകല്യങ്ങളും ആശയപ്രകാശനവൈകല്യങ്ങളും കുറവല്ല. നിലവാരമുള്ള രചനകൾ മാത്രമേ ഇനി പ്രസിദ്ധീകരിക്കൂ എന്ന് ഈയിടെ ഒരു ബ്ലോഗ്‌സൈറ്റ് എഴുതി അറിയിക്കുകയുണ്ടായി. വളർച്ച ലാക്കാക്കുന്ന എല്ലാ ബ്ലോഗ്‌സൈറ്റുകൾക്കും നിലവാരത്തെക്കുറിച്ചുള്ള നിഷ്‌കർഷ അത്യാവശ്യമാണ്. നിലവാരക്കുറവുമൂലം അച്ചടിമാദ്ധ്യമങ്ങൾ തിരസ്‌കരിച്ച രചനകൾക്ക് കൈയും കണക്കുമുണ്ടാവില്ല. മാതൃഭൂമി വാരികയിൽ ഒരു കഥ അച്ചടിച്ചു വരുമ്പോൾ പത്തെണ്ണം തിരസ്‌കരിക്കപ്പെട്ടിട്ടുണ്ടാകും. ബ്ലോഗ്‌സൈറ്റുകളും തിരസ്‌കരിക്കേണ്ട ബ്ലോഗുകൾ തിരസ്‌കരിക്കുക തന്നെ ചെയ്യണം. പ്രസിദ്ധീകരണാർഹമല്ലാത്ത ബ്ലോഗുകൾ പ്രസിദ്ധീകരിക്കപ്പെടരുത്.

എഡിറ്റിങ് വേണം

ച്ചടിമാദ്ധ്യമത്തിലുള്ള ഒരു പ്രധാനഘടകം എഡിറ്റിങ്ങാണ്. വൈകല്യങ്ങൾ പുസ്തകത്തിന്റെ വില്പനയെ പ്രതികൂലമായി ബാധിക്കും. അതുകൊണ്ട് ഓരോ രചനയും എഡിറ്റിങ്ങിനു വിധേയമാ!യ ശേഷം മാത്രമേ അച്ചടിയിലെത്തുകയുള്ളു. ശമ്പളം കൊടുത്തു നിയമിച്ചിരിക്കുന്ന എഡിറ്ററില്ലാതെ അച്ചടിയും വില്പനയും സുഗമമായി നടക്കുകയില്ല. ബ്ലോഗ്‌സൈറ്റുകളിൽ എഡിറ്റിങ്ങിനുള്ള സംവിധാനമില്ല. അതുണ്ടാകണം. അതുണ്ടായെങ്കിൽ മാത്രമേ ബ്ലോഗുകൾ വായിക്കാൻ വായനക്കാരെത്തൂ. അച്ചടിമാദ്ധ്യമങ്ങളിൽ നിന്ന് വായനക്കാരെ ആകർഷിക്കാതെ ബ്ലോഗ്‌സൈറ്റുകൾക്കു വളരാനാവില്ല. അവരെ ആകർഷിക്കണമെങ്കിൽ അച്ചടിമാദ്ധ്യമങ്ങളുടേതിനേക്കാൾ ഉയർന്ന നിലവാരം ബ്ലോഗുകൾക്കുണ്ടാകണം. പണം കൊടുത്തു വാങ്ങേണ്ടി വരുന്ന, അച്ചടിച്ച ആനുകാലികപ്രസിദ്ധീകരണങ്ങളിലേതിനേക്കാൾ നിലവാരമുള്ള രചനകൾ ബ്ലോഗ്‌സൈറ്റുകളിലുണ്ടെങ്കിൽ അവ വായിക്കാൻ വായനക്കാരെത്തുകതന്നെ ചെയ്യും.

അവാർഡുകൾ നൽകണം

ഴുപത്തീരായിരം ബ്ലോഗുകൾ എഴുതിയിട്ടും അവയ്ക്ക് അവാർഡുകളൊന്നും കിട്ടിയിട്ടില്ലെന്നതു ദുഃഖകരമാണ്. ബ്ലോഗുകൾക്ക് പ്രത്യേകം അവാർഡുകൾ നൽകണം. ബ്ലോഗ്‌സൈറ്റുകൾക്കു തന്നെ ഇതിനുള്ള തുടക്കമിടാവുന്നതാണ്. ചില ബ്ലോഗ്‌സൈറ്റുകൾ ഇതു തുടങ്ങിക്കഴിഞ്ഞിട്ടുമുണ്ട്. ഓരോ മാസവും നിരവധി ബ്ലോഗുകൾ പോസ്റ്റു ചെയ്യപ്പെടുന്നയിടങ്ങളിൽ വിവിധ വിഭാഗങ്ങൾക്കായി ആനുകാലിക അവാർഡുകൾ വേണം. അവയിൽ നിന്നു തിരഞ്ഞെടുക്കപ്പെടുന്നവയ്ക്ക് വാർഷിക അവാർഡുകളും നൽകണം. അവാർഡ് അംഗീകാരമാണ്; ബ്ലോഗ്‌സൈറ്റുകൾക്കുള്ളിലുള്ള ഇത്തരം അംഗീകാരത്തിനിടയിൽ പണത്തിനു സ്ഥാനമുണ്ടാവരുത്. ഏറ്റവും നല്ലതു തെരഞ്ഞെടുക്കാൻ ജൂറിമാരേയും ഏറ്റവും ജനപ്രിയമായതു തെരഞ്ഞെടുക്കാൻ വായനക്കാരേയും ചുമതലപ്പെടുത്തണം. വിവിധ ബ്ലോഗ്‌സൈറ്റുകളിൽ പോസ്റ്റു ചെയ്യപ്പെട്ടിരിക്കുന്ന രചനകളിൽ നിന്ന് ഏറ്റവും നല്ലവ തെരഞ്ഞെടുത്ത് അവയ്ക്ക് സംസ്ഥാനാടിസ്ഥാനത്തിലുള്ള അവാർഡു നൽകണം. ബ്ലോഗുകൾക്കായുള്ള അവാർഡുകൾ കേരളസാഹിത്യ അക്കാദമിയും നൽകിത്തുടങ്ങണം. ബ്ലോഗുകളെ സാഹിത്യമായി അംഗീകരിക്കണം.

ബ്ലോഗ്‌സൈറ്റുകൾക്കും അവാർഡു നൽകണം

ബ്ലോഗുകൾക്കു മാത്രമല്ല, ബ്ലോഗ്‌സൈറ്റുകൾക്കും അവാർഡുകൾ നൽകണം. ഏറ്റവും നല്ല ബ്ലോഗ്‌സൈറ്റുകൾ ആദരിക്കപ്പെടണം. ഏറ്റവും നല്ല രചനകൾ, ഏറ്റവുമധികം വായനക്കാർ, ഏറ്റവും അർത്ഥപൂർണ്ണമായ ചർച്ചകൾ, ഇങ്ങനെ പല മാനദണ്ഡങ്ങളുപയോഗിച്ചു വേണം ഏറ്റവും നല്ല ബ്ലോഗ്‌സൈറ്റുകളെ തെരഞ്ഞെടുക്കാൻ.

വായനാസംഘങ്ങൾ

ചനകളെ പ്രോത്സാഹിപ്പിക്കുന്ന കാര്യത്തിൽ വായനക്കാർക്കും സജീവമായ പങ്കു വഹിക്കാവുന്നതാണ്. ബ്ലോഗ്‌സൈറ്റുകളിൽ വായനാസംഘങ്ങളുണ്ടാക്കുകയും അവയുടെ ആഭിമുഖ്യത്തിൽ നല്ല രചനകളെ പ്രോത്സാഹിപ്പിക്കുകയും ചെയ്യാവുന്നതാണ്. രചനകളുടെ നിലവാരം ഉയരാനും കൂടുതൽ രചനകളും എഴുത്തുകാരും ഉണ്ടാകാനും ഇതു സഹായിക്കും. ഇത്തരം പ്രവർത്തനങ്ങളെല്ലാം കൂടുതൽ വായനക്കാരെ ആകർഷിക്കുകയും ചെയ്യും.

പ്രതിഫലം നൽകണം

മുൻ ഖണ്ഡികകളിൽ ഇതു സൂചിപ്പിച്ചു കഴിഞ്ഞിട്ടുണ്ടെങ്കിലും ഇക്കാര്യം ഇവിടെ അസന്ദിഗ്ദ്ധമായി പറഞ്ഞോട്ടെ: ഏതുല്പന്നത്തിന്റേയും വില പണമായി നിർണ്ണയിക്കപ്പെടുന്നു. ബ്ലോഗുകളുടേതും പണമായി നിർണ്ണയിക്കപ്പെടണം. ബ്ലോഗ്‌സൈറ്റുകൾക്കു വരുമാനം കിട്ടിത്തുടങ്ങുമ്പോൾ ബ്ലോഗുകൾക്ക് പ്രതിഫലം നൽകിത്തുടങ്ങണം. പ്രതിഫലം നൽകിത്തുടങ്ങുമ്പോൾ നിലവാരമുള്ള രചനകൾ ബ്ലോഗ്‌സൈറ്റുകളിലേയ്ക്കു വരികയും വായനക്കാരുടെ എണ്ണം കൂടുകയും അതിനനുസരിച്ച് ബ്ലോഗ്‌സൈറ്റുകളുടെ പരസ്യവരുമാനം കൂടുകയും ചെയ്യും. ബ്ലോഗുകളുടെ നിലവാരം ഇടിയുമ്പോൾ ബ്ലോഗ്‌സൈറ്റുകളുടെ വരുമാനവും കുറയും. വാസ്തവത്തിൽ ഒരു ബ്ലോഗ്‌സൈറ്റിന്റെ മൂല്യം നിർണ്ണയിക്കുന്ന മുഖ്യഘടകം അതിലെ ബ്ലോഗുകളുടെ നിലവാരം തന്നെയാണ്. നിലവാരത്തിന്റെ കാര്യത്തിൽ വിട്ടുവീഴ്ച കാണിക്കുന്നത് ബ്ലോഗ്‌സൈറ്റുകളെ സംബന്ധിച്ചിടത്തോളം ആത്മഹത്യാപരമായിരിക്കും.

പ്രവാസികളും വീട്ടമ്മമാരും

ച്ചടിച്ച ആനുകാലികങ്ങളിൽ പ്രസിദ്ധീകൃതമാകുന്നതിന്റെ പല മടങ്ങു രചനകൾ ബ്ലോഗ്‌സൈറ്റുകളിൽ പോസ്റ്റു ചെയ്യപ്പെടുന്നുണ്ട്. ബ്ലോഗുകളുടെ എണ്ണം മുൻ വർഷങ്ങളേക്കാൾ കുറഞ്ഞെങ്കിലും മുൻപു പറഞ്ഞ മൂന്നു ബ്ലോഗ്‌സൈറ്റുകളിൽ മാത്രമായി ജനുവരി മാസം 565 ബ്ലോഗുകൾ പോസ്റ്റു ചെയ്യപ്പെട്ടു. മലയാളഭാ!ഷ ഏറ്റവുമധികം ഉപയോഗിക്കപ്പെടുന്നത് ബ്ലോഗ്‌സൈറ്റുകളിലാണെന്നു വ്യക്തം. പ്രവാസിമലയാളികളാണ് ബ്ലോഗുകളെഴുതുന്നവരിൽ വലിയൊരു വിഭാഗം. മാതൃഭാഷയുമായി പ്രവാസികൾക്കുള്ള ബന്ധം നിലനിർത്താനും ശക്തിപ്പെടുത്താനും ഇതുപകരിച്ചിട്ടുണ്ട്. പ്രവാസികൾക്കു പുറമേ നിരവധി വീട്ടമ്മമാരും ബ്ലോഗുകളെഴുതി എഴുത്തിന്റെ ലോകത്തേയ്ക്കു കടന്നിട്ടുണ്ട്. ബ്ലോഗുകളും ബ്ലോഗ്‌സൈറ്റുകളും ഇല്ലായിരുന്നെങ്കിൽ ഇതൊന്നും സാദ്ധ്യമാകുമായിരുന്നില്ല. ബെന്യാമിന്മാരും കെ ആർ മീരമാരും ബ്ലോഗർമാരുടെ ഇടയിലും ജന്മമെടുത്തിട്ടുണ്ടാകും. ബ്ലോഗ്‌സൈറ്റുകൾ വളരുമ്പോൾ അവരും തോടു പൊട്ടിച്ച് പുറത്തു വരും. ബ്ലോഗ്‌സൈറ്റുകൾ വളരുക തന്നെ വേണം.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഈ അഭിനയത്തിന് ഓസ്‌കർ കൊടുക്കണം..ക്യാമറയിൽ നോക്കി കരയുന്ന മഹാനായ നേതാവ്: മുല്ലപ്പള്ളിയുടെ കണ്ണീരിനെ ട്രോളി ഒരുകൂട്ടർ; കണ്ണീര് കണ്ടാൽ മനസ്സാക്ഷിയുള്ളവർ കൂടെ കരയും... ഹൃദയമുള്ള മനുഷ്യർ അങ്ങനെയാണ്...അതിനെ മികച്ച നടൻ എന്നൊക്കെ പറഞ്ഞ് കളിയാക്കുന്നവരുടെ തൊലിക്കട്ടി അപാരമാണ്; ഇത് സ്വാതന്ത്ര്യസമരസേനാനിയായ മുല്ലപ്പള്ളി ഗോപാലന്റെ മകന്റെ തേങ്ങലാണ്: മറുപടിയുമായി എതിർപക്ഷം വന്നതോടെ രണ്ടായി തിരിഞ്ഞ് പോരടിച്ച് സോഷ്യൽ മീഡിയ
ഭീകരാക്രമണം ഉണ്ടായ ഉടൻ പാക്കിസ്ഥാൻ സന്ദർശനം റദ്ദ് ചെയ്ത് ഇന്ത്യയിൽ മാത്രം എത്താൻ ഇന്ത്യ വച്ച നിർദ്ദേശം സൗദി നിരസിച്ചതോടെ ബൾഗേറിയക്കു പോയ സുഷമയെ ഇറാനിൽ ഇറക്കി തിരിച്ചടിച്ച് മോദി; സുഷമയുടെ ഇറാൻ സന്ദർശനത്തിൽ പ്രകോപിതനായി പാക്കിസ്ഥാൻ ഏറ്റവും അടുത്ത രാജ്യമെന്ന് പ്രഖ്യാപിച്ച് എംബിഎസ്; പാക്കിസ്ഥാനെ കെട്ടിപ്പുണരുന്ന സൗദി രാജകുമാരൻ ഡൽഹിയിൽ എത്തുമ്പോൾ എങ്ങനെ കൈകാര്യം ചെയ്യുമെന്നറിയാൻ കൗതുകത്തോടെ ലോകം
യേശു ഒരു വിപ്ലവകാരിയോ സാമൂഹികപരിഷ്‌ക്കർത്താവോ ആയിരുന്നില്ല; സിപിഎം നേതാവ് എംഎ ബേബിയെപ്പോലുള്ളവർ അങ്ങനെ പ്രസംഗിക്കുന്നത് മനസ്സിലാവുന്നില്ല; യഹോവയുടെയും മോസസിന്റെയും നിയമം അതേപടി നടപ്പാക്കാണ് യേശു വന്നതെന്ന് ബൈബിളിൽ വ്യക്തമായി പറയുന്നുണ്ട്; യേശുവിന്റെ ജീവിതത്തിൽ നടന്നുവെന്ന് പറയുന്ന കാര്യങ്ങൾക്ക് ചരിത്രത്തിന്റെയോ ആർക്കിയോളജിക്കൽ തെളിവുകളുടേയോ യാതൊരു പിന്തുണയുമില്ല; കടുത്ത ബൈബിൾ സംവാദങ്ങൾക്ക് തിരികൊളുത്തി വീണ്ടും സി രവിചന്ദ്രൻ
ഉള്ളുലയ്ക്കുന്ന നിലവിളികളും തേങ്ങലും അടങ്ങുന്നില്ല! കൃപേഷിനും ശരത് ലാലിനും ആയിരങ്ങളുടെ അന്ത്യാഞ്ജലി; കല്യോട്ട് കൂരാങ്കരിയിൽ അടുത്തടുത്ത് ഇരുവർക്കും അന്ത്യവിശ്രമം; വിലാപയാത്രയ്ക്കിടെ പരക്കെ അക്രമം; എകെജി ഭവനും സിപിഎം പ്രവർത്തകരുടെ വീടുകൾക്ക് നേരേയും ആക്രമണം; സംഘർഷം നിയന്ത്രിക്കാൻ വൻപൊലീസ് സന്നാഹം; യൂത്ത് കോൺഗ്രസ് പ്രവർത്തകരുടെ കൊലപാതകം ദൗർഭാഗ്യകരമെന്ന് മുഖ്യമന്ത്രി; കുറ്റവാളികൾക്കെതിരെ ശക്തമായി നടപടി സ്വീകരിക്കുമെന്ന് പിണറായി വിജയൻ
ഇല്ലാത്ത കേസുകൾ ചമച്ച് പിണറായി വിജയൻ നിരന്തരം വേട്ടയാടുമ്പോഴും ടി പി സെൻകുമാറിനെ കൈവിടാതെ കേന്ദ്രസർക്കാർ; ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ ഇൻസ്റ്റിറ്റ്യൂട്ട് വിഭാഗത്തിൽ അംഗമായി മുൻ ഡിജിപിക്ക് നിയമനം; ശാസ്ത്ര സാങ്കേതിക വകുപ്പിന്റെ ഉത്തരവ് പുറത്തിറങ്ങി; ശബരിമല വിഷയത്തിൽ ഭക്തർക്കൊപ്പം നിന്നതോടെ ആറ്റിങ്ങലിൽ സ്ഥാനാർത്ഥിയാകുമെന്ന് കരുതപ്പെട്ട സെൻകുമാറിനെ കൈവിടാതെ ബിജെപി
സിപിഎം ഒരു പാർട്ടിയാണോ അതോ ഗോത്രമാണോ? മത ഗോത്രീയതയ്ക്ക് പകരമോ പ്രത്യയശാസ്ത്ര ഗോത്രീയത? പാർട്ടിയാണ് എല്ലാറ്റിലും വലുതെന്നും പാർട്ടിക്കു വേണ്ടി കൊല്ലലും ചാവലും മഹത്തായ കർമ്മമാണെന്നുമുള്ള ചിന്തയാണ് രാഷ്ട്രീയ ചാവേറുകളെ സൃഷ്ടിക്കുന്നത്; ജയിലിൽ ആയാൽ പാർട്ടി സംരക്ഷിക്കും, രക്തസാക്ഷിയായാൽ ജോലി നൽകും; കൊന്നാലും കൊല്ലപ്പെട്ടാലും സ്വർഗം കിട്ടുന്ന ജിഹാദി ചിന്തപോലെ തന്നെയല്ലേ ഇതും; പിണറായീ, ചോര കണ്ടാൽ മാത്രം തൃപ്തിവരുന്ന പഴയ നിയമത്തിലെ 'യഹോവ'യാകരുത് താങ്കൾ
കമ്രാൻ എന്ന അബ്ദുൾ റഷീദ് ഖാസിയെ വെടിവച്ചിട്ടപ്പോൾ ഇന്ത്യൻ സേനയിലെ ചുണക്കുട്ടികൾ ചിതറിച്ചത് ജയ്‌ഷെയുടെ 'തലച്ചോറ്'; സൈനികരുടെ ചോരവീണ പുൽവാമയിൽ തന്നെ ഭീകരനെ ഒളിത്താവളം വളഞ്ഞ് 'സ്വർഗത്തിലെ ഹൂറി'മാരുടെ അടുത്തേക്ക് അയച്ച് ഇന്ത്യയുടെ പ്രതികാരം; കഴിഞ്ഞ ഡിസംബറിൽ അതിർത്തി കടന്ന് നുഴഞ്ഞെത്തിയ ഖാസി ഒളിഞ്ഞുതാമസിച്ചത് സാധാരണക്കാരെ പോലെ ഇടവഴികളിലൂടെ സഞ്ചരിച്ച്; അഫ്ഗാനിൽ കാർബോംബ് വിദഗ്ധനായി വിലസിയ മസൂദിന്റെ വലംകൈയിനെ തന്നെ വെട്ടി വീഴ്‌ത്തിയതോടെ പാക്കിസ്ഥാനും ശക്തമായ സന്ദേശം നൽകി ഇന്ത്യ
ഓലപ്പുരയിൽ നിന്നും പുതിയ വീടെന്ന കൃപേഷിന്റെ സ്വപ്‌നം യഥാർത്ഥ്യമാക്കാൻ ഹൈബി ഈഡൻ എംൽഎയുടെ തണൽ; എറണാകുളം നിയോജക മണ്ഡലത്തിൽ നടപ്പിലാക്കുന്ന തണൽ ഭവന പദ്ധതുടെ ഭാഗമായി കൃപേഷിന്റെ കുടുംബത്തിന് വീടു നിർമ്മിച്ചു നൽകും; കാസർഗോഡ് ഡിസിസി പ്രസിഡന്റുമായി സംസാരിച്ചെന്നും ചുരുങ്ങിയ സമയത്തിനുള്ളിൽ മാതാപിതാക്കൾക്ക് വീടെന്ന സ്വപ്നം സാക്ഷാത്ക്കരിക്കുമെന്നും ഹൈബി
ട്രോളിയിൽ രോഗിയെ കൊണ്ടുവരുന്നത് കണ്ട് ട്രേ വച്ചത് രോഗിയുടെ കാലിനടുത്ത്; നേഴ്‌സ് കരഞ്ഞ് മാപ്പുപറഞ്ഞിട്ടും മറ്റു ജീവനക്കാർ അഭ്യർത്ഥിച്ചിട്ടും കനിയാതെ ശിക്ഷ വിധിക്കൽ; കയറി കട്ടിൽ കിടക്കൂ എന്ന ആക്രോശിച്ച് കാടത്തം കാട്ടിയത് സർജ്ജറി വിഭാഗം മേധാവി; പീഡിപ്പിച്ചത് സൗജ്യന സേവനത്തിന് എത്തിയ നേഴ്‌സിനെ; പ്രതിസ്ഥാനത്ത് പിജിക്കാരെ കൊണ്ട് ബാത്ത് റൂം കഴുകിച്ച ഡോക്ടർ; ഡോ ജോൺ എസ് കുര്യൻ വീണ്ടും വിവാദത്തിൽ; നടപടി സ്ഥലം മാറ്റത്തിൽ ഒതുങ്ങും
ജെസ്ന പോയത് അന്യമതസ്ഥനായ കാമുകനൊപ്പമോ? ബംഗളൂരുവിലെ ഇൻഡസ്ട്രിയൽ ഏരിയായ ജിഗിണിയിൽ താമസം; നിത്യവൃത്തിക്ക് വ്യാജപ്പേരിൽ കമ്പനിയിൽ ജോലിയും; ആളെ തിരിച്ചറിയാതിരിക്കാൻ പല്ലിൽ ഇട്ടിരുന്ന കമ്പി ഊരിമാറ്റി; ദിവസവും കുർത്തയും ജീൻസും ധരിച്ച് പോകുന്ന പെൺകുട്ടിയെ തിരിച്ചറിഞ്ഞത് മലയാളിയായ കടക്കാരനും; ജെസ്‌ന ജീവിച്ചിരിക്കുന്നെന്ന് പൊലീസ് സ്ഥിരീകരിച്ചത് ഇയാൾ കൈമാറിയ വീഡിയോ പരിശോധനയ്ക്ക് ശേഷം; മുക്കൂട്ടുതറയിലെ തിരോധാനത്തിൽ നിർണ്ണായക ട്വിസ്റ്റെന്ന് സൂചന
ഉറങ്ങാൻ കിടക്കുന്നത് ഭാര്യയ്‌ക്കൊപ്പം കട്ടിലിൽ; ഭാര്യ ഉറക്കം പിടിച്ചാൽ കട്ടിലിൽ നിന്ന് താഴെയിറങ്ങി പായിൽ മകൾക്കൊപ്പം കിടക്കും; ഭീഷണിപ്പെടുത്തിയും കരയുമ്പോൾ വായപൊത്തിപ്പിടിച്ചും പതിമൂന്നുകാരിയുടെ മേൽ കാമഭ്രാന്ത് തീർത്ത് നരാധമനായ പിതാവ്; ഒരുവർഷത്തോളം നടന്ന പീഡനം പെൺകുട്ടി തുറന്നുപറഞ്ഞത് പെരുമാറ്റത്തിൽ പൊരുത്തക്കേടുകണ്ട് അദ്ധ്യാപികമാർ ആവർത്തിച്ച് ചോദിച്ചതോടെ; 43കാരനായ ക്രൂരപിതാവിനെ അറസ്റ്റുചെയ്ത് പൊലീസ്; പെരുമ്പൂവൂരിൽ നിന്ന് കേരളത്തെ ഞെട്ടിക്കുന്ന പോക്‌സോ പീഡനം
ഉത്തര മലബാറിൽ അഞ്ചിൽ നാലിലും ഇടതിന് മേൽക്കൈ; നേരിയ മാർജിനിൽ കാസർകോടും കണ്ണൂരും നിലനിർത്തുന്ന എൽഡിഎഫ് കോഴിക്കോടും വടകരയും പിടിച്ചെടുക്കാനും സാധ്യത; വയനാട്ടിൽ യുഡിഎഫ് ബഹുദൂരം മുന്നിൽ; 12 ശതമാനം വോട്ടുവ്യത്യാസം സൂചിപ്പിക്കുന്നത് മണ്ഡലത്തിലെ യുഡിഎഫ് തരംഗം; ബിജെപി എവിടെയും ചിത്രത്തിലില്ല; മറുനാടൻ മലയാളി ലോക്‌സഭാ തെരഞ്ഞെടുപ്പ് അഭിപ്രായ സർവേയിലെ അഞ്ച് മണ്ഡലങ്ങളിലെ സൂചനകൾ ഇങ്ങനെ
മഞ്ജു ചേച്ചിയോട് നിങ്ങളുടെ റിലേഷൻഷിപ്പിനെ കുറിച്ച് ആരൊക്കെയോ ധരിപ്പിച്ചിട്ടുണ്ട്; അക്കാര്യം മനസ്സിലാക്കിയതോണ്ടാ നിന്റെ വിവാഹത്തിനു ദിലീപേട്ടൻ സമ്മതിച്ചത്; മഞ്ജു ചേച്ചിയുടെ കണ്ണ് മൂടിക്കെട്ടാൻ ഒരു തന്ത്രം; നിന്നെ മറ്റാർക്കും വിട്ടു കൊടുക്കില്ല എന്നാണ് ദിലീപേട്ടൻ എന്നോട് പറഞ്ഞത്; നിങ്ങൾ രണ്ടുപേരും ഒപ്പം വേണമെന്നാണ് ദിലീപേട്ടന്റെ ആഗ്രഹം; 'ചതിക്കാത്ത സുജ' പറഞ്ഞതുകേട്ട് ഞെട്ടി കാവ്യ: ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്- പല്ലിശ്ശേരിയുടെ പരമ്പര തുടരുന്നു
മുൻനിരയിൽ ഇരിപ്പിടം ലഭിച്ചില്ല; ദുബായിലെ ലോകകേരള സഭാ വേദിയിൽ പൊട്ടിത്തെറിച്ച് ചീഫ് സെക്രട്ടറി ടോം ജോസ്; ഞാൻ ആരാണെന്നാണ് കരുതിയത്? സംസ്ഥാനത്തിന്റെ ചീഫ് എക്സിക്യൂട്ടീവ് ഓഫീസർക്ക് ഇങ്ങനെയാണോ ഇരിപ്പിടം ഒരുക്കുന്നതെന്ന് ചോദിച്ച് കോപം കൊണ്ടു ജ്വലിച്ചു; മുഖ്യമന്ത്രി വേദിയിലിരിക്കെ സദസ് വിട്ട് പോകാനൊരുങ്ങിയ ചീഫ്സെക്രട്ടറിയെ അനുനയിപ്പിക്കാൻ പണിപ്പെട്ട് നോർക്ക ഉദ്യോഗസ്ഥർ; ഒടുവിൽ ചീഫ് സെക്രട്ടറിക്കായി പ്രത്യേക നിര ഒരുക്കി; പ്രവാസി വ്യവസായികൾക്ക് മുന്നിൽ ഇന്നലെ നടന്ന 'കസേരകളി'യുടെ കഥ
കാശ്മീരിനെ രക്ഷിക്കാൻ യുദ്ധം ഏതുനിമിഷവും: മിന്നലാക്രമണമോ മിസൈൽ ആക്രമണമോ ആദ്യം തുടങ്ങേണ്ടതെന്ന് ആലോചന; സർവ സന്നാഹവുമായി ഉത്തരവ് കാത്ത് കര, വ്യോമ സേനകളുടെ കമാൻഡോ വിഭാഗങ്ങൾ; കപ്പലുകൾ എല്ലാം മിസൈലുകൾ തൊടുക്കാവുന്ന നിർണായക പോർമുഖങ്ങളിലേക്ക്; അതിർത്തിയിൽ ആകാശ് മിസൈലുകൾ വിന്യസിച്ചു; ബിൻലാദനെ അമേരിക്ക ഇല്ലാതാക്കിയ പോലെ മസൂദ് അസറിനെ ഇന്ത്യൻ കമാൻഡോ ഓപ്പറേഷനിൽ തീർക്കണമെന്നും ആവശ്യം; ഇന്ന് നാലുപേർ കൂടി കൊല്ലപ്പെട്ടതോടെ ശത്രുക്കളെ തുടച്ചുനീക്കാൻ ശപഥം ചെയ്ത് സേന
ജയിച്ചാലും തോറ്റാലും സ്വർഗം കിട്ടുന്ന അപൂർവ ഗെയിം; പ്രതീക്ഷിക്കുന്നത് മദ്യപ്പുഴയും 72 ഹൂറിമാരുമൊക്കെയുള്ള മത സ്വർഗ്ഗം; ഓരോ ജിഹാദിയും വിശ്വസിക്കുന്നു ഇത് വിശുദ്ധയുദ്ധമാണെന്ന്; മതം തന്നെയാണ് ഭീകരത! ജെയ്ഷെ മുഹമ്മദ് എന്ന വാക്കിന്റെ അർഥം തന്നെ മുഹമ്മദിന്റെ സൈന്യം എന്നും; ഈ വീഡിയോ നിങ്ങളിലെത്തുമ്പോഴെക്കും ഞാൻ സ്വർഗത്തിലെത്തിയിരിക്കുമെന്ന് ചാവേർ പറഞ്ഞതും ഈ വിശ്വാസത്താൽ; ആടുമെയ്‌ക്കൽ സംഘങ്ങൾ പലതവണയുണ്ടായ കേരളവും കശ്മീരിൽ നിന്നുപഠിക്കണം ഒരുപാട്
എറണാകുളത്തും ഇടുക്കിയിലും കോട്ടയത്തും യുഡിഎഫ് തരംഗം; ആറ്റിങ്ങലിലും കൊല്ലത്തും എൽഡിഎഫ് മുന്നേറ്റം; കടുത്ത മൽസരം നടക്കുന്ന ആലപ്പുഴയിലും തിരുവനന്തപുരത്തും യുഡിഎഫിന് നേരിയ മുൻതൂക്കം; തിരുവനന്തപുരത്ത് ഒരു ശതമാനം വോട്ടിൽ ബിജെപി മൂന്നാമത്; മുഴുവൻ മണ്ഡലങ്ങളിലെയും മറുനാടൻ സർവേ ഫലം പുറത്തുവരുമ്പോൾ 9 സീറ്റുമായി എൽഡിഎഫും 11 സീറ്റുമായി യുഡിഎഫും മുന്നിൽ; ബിജെപിക്ക് ബാക്കിയാകുന്നത് കുമ്മനത്തെ ഇറക്കിയാൽ തിരുവനന്തപുരം പിടിക്കാം എന്ന പ്രതീക്ഷ മാത്രം
ഒരു രസത്തിനു തുടങ്ങി അടിമയായി പോയ യുവതി; ഭർത്താവിന്റെ മദ്യപാനശീലവും ബോധം കെട്ടുള്ള ഉറക്കവും ലൈംഗിക വൈകൃതങ്ങൾ ബാലന് മേൽ പ്രയോഗിക്കാൻ പ്രേരണയായി; ഒൻപതുകാരന്റെ അമ്മയുമായി ഉണ്ടായിരുന്ന അടുപ്പം നാലാം ക്ലാസുകാരനെ യുവതിയുടെ അടുക്കൽ എത്തിച്ചു; കുട്ടിയുടെ രോഗം പറഞ്ഞ് പണം പിരിച്ച് അടിച്ചു പൊളിച്ചു; ഡോക്ടറോട് പറഞ്ഞത് പൊലീസിനോടും കുട്ടി ആവർത്തിച്ചപ്പോൾ പീഡകയ്ക്ക് പോക്‌സോയിൽ ജയിൽ വാസം; കാടപ്പാറ രാജിയുടെ വൈകൃതങ്ങൾ പിടിക്കപ്പെടുമ്പോൾ
മദ്യപിച്ച് ഭർത്താവുറങ്ങുമ്പോൾ അതേ മുറിയിൽ നാലാം ക്ലാസുകാരനുമായി കാമകേളി; ഇഷ്ടങ്ങൾ മുഴുവൻ നടത്തിച്ച് സംതൃപ്തി നേടി യുവതി നയിച്ചത് അടിപൊളി ജീവിതം; റെയിൽവേ സ്റ്റേഷനിൽ അഭയം തേടിയ അമ്മയ്ക്കും മകനും മാനസിക പിന്തുണ നടിച്ചെത്തി ചെയ്തതുകൊടുംക്രൂരത; ലിവർ കാൻസർ രോഗിയായ ഒൻപതു വയസ്സുകാരനുമായി ഇരുപത്തിയഞ്ചുകാരി ഗോവയിലും ചുറ്റിക്കറങ്ങി; കുട്ടിയുടെ ദേഹത്തെ തടിപ്പുകളും വ്രണങ്ങളും സംശയമായപ്പോൾ കൗൺസിലിങ്; രാജി കാട്ടിക്കൂട്ടിയത് മനസാക്ഷിയെ ഞെട്ടിക്കുന്ന ക്രൂരത
വിവാഹ ചിത്രത്തിൽ വധുവിന് വരനേക്കാൾ പ്രായം കൂടുതൽ തോന്നിയാൽ സദാചാര കമ്മറ്റിക്കാർക്ക് എന്താണ് പ്രശ്നം? കണ്ണൂർ ചെറുപുഴയിലെ 25കാരൻ യുവാവ് 48കാരിയെ വധുവാക്കിയെന്ന് വിവാഹ പരസ്യത്തിലെ ചിത്രം ചൂണ്ടി സൈബർ ലോകത്ത് കുപ്രചരണം; പഞ്ചാബ് യൂണിവേഴ്സിറ്റിയിലെ അടുപ്പം വിവാഹത്തിൽ കലാശിച്ചപ്പോൾ ഇരിക്കപ്പൊറുതി ഇല്ലാതായത് കുന്നായ്മക്കാർക്ക്; വധുവിന് പ്രായം കുറവെന്ന് വീട്ടുകാർ തറപ്പിച്ചു പറഞ്ഞിട്ടും കുപ്രചരണം തുടരുന്നതിൽ മനോവിഷമത്തിൽ നവദമ്പതികൾ
ട്രോളിയിൽ രോഗിയെ കൊണ്ടുവരുന്നത് കണ്ട് ട്രേ വച്ചത് രോഗിയുടെ കാലിനടുത്ത്; നേഴ്‌സ് കരഞ്ഞ് മാപ്പുപറഞ്ഞിട്ടും മറ്റു ജീവനക്കാർ അഭ്യർത്ഥിച്ചിട്ടും കനിയാതെ ശിക്ഷ വിധിക്കൽ; കയറി കട്ടിൽ കിടക്കൂ എന്ന ആക്രോശിച്ച് കാടത്തം കാട്ടിയത് സർജ്ജറി വിഭാഗം മേധാവി; പീഡിപ്പിച്ചത് സൗജ്യന സേവനത്തിന് എത്തിയ നേഴ്‌സിനെ; പ്രതിസ്ഥാനത്ത് പിജിക്കാരെ കൊണ്ട് ബാത്ത് റൂം കഴുകിച്ച ഡോക്ടർ; ഡോ ജോൺ എസ് കുര്യൻ വീണ്ടും വിവാദത്തിൽ; നടപടി സ്ഥലം മാറ്റത്തിൽ ഒതുങ്ങും
ജെസ്ന പോയത് അന്യമതസ്ഥനായ കാമുകനൊപ്പമോ? ബംഗളൂരുവിലെ ഇൻഡസ്ട്രിയൽ ഏരിയായ ജിഗിണിയിൽ താമസം; നിത്യവൃത്തിക്ക് വ്യാജപ്പേരിൽ കമ്പനിയിൽ ജോലിയും; ആളെ തിരിച്ചറിയാതിരിക്കാൻ പല്ലിൽ ഇട്ടിരുന്ന കമ്പി ഊരിമാറ്റി; ദിവസവും കുർത്തയും ജീൻസും ധരിച്ച് പോകുന്ന പെൺകുട്ടിയെ തിരിച്ചറിഞ്ഞത് മലയാളിയായ കടക്കാരനും; ജെസ്‌ന ജീവിച്ചിരിക്കുന്നെന്ന് പൊലീസ് സ്ഥിരീകരിച്ചത് ഇയാൾ കൈമാറിയ വീഡിയോ പരിശോധനയ്ക്ക് ശേഷം; മുക്കൂട്ടുതറയിലെ തിരോധാനത്തിൽ നിർണ്ണായക ട്വിസ്റ്റെന്ന് സൂചന
കാവ്യമാധവനിൽ നിന്നും ഊറ്റി എടുക്കാവുന്നതെല്ലാം എടുത്ത ശേഷം ദിലീപ് ഒഴിവാക്കാൻ ശ്രമിച്ചു..! തന്ത്രം മനസിലാക്കിയ കാവ്യ മറ്റ് നായകർക്കൊപ്പം സിനിമ കമ്മിറ്റ് ചെയ്തപ്പോൾ ഒരിക്കലും കൈവിടില്ലെന്ന് ഉറപ്പു നൽകി കൂടെ നിർത്തി; ലയൺ സിനിമയിലെ വിവാഹരംഗം സിനിമാ സീഡിയിൽ കവർ അടിക്കാൻ പ്ലാൻ ചെയ്തു; സിനിമയിൽ നിന്നും പി ശ്രീകുമാറിനെ മാറ്റിയത് തന്ത്രപരമായി; അനൂപ് ചന്ദ്രനെയും ഇല്ലാക്കഥ പറഞ്ഞ് സിനിമയിലെ വഴിമുടക്കി: പല്ലിശേരിയുടെ തുറന്നു പറച്ചിൽ തുടരുന്നു
ദിലീപേട്ടാ, ഇതെന്റെ ജീവിതമാണ്....; ഞാൻ എന്തു ചെയ്യണം; ദിലീപേട്ടന്റെ തീരുമാനമാണ് എന്റേതും ഒടുവിൽ ഞാൻ ചതിക്കപ്പെടരുത്; കല്ല്യാണ നിശ്ചയകാര്യം കാവ്യ അറിയിച്ചത് നിയന്ത്രണംവിട്ട കരച്ചിലിലൂടെ; കരഞ്ഞാൽ താനും നിയന്ത്രണം വിട്ടു കരയുമെന്ന നമ്പറിൽ എല്ലാം പറഞ്ഞൊതുക്കി നായകന്റെ സൂപ്പർ ഇടപെടൽ; ദിലീപിനെകുറിച്ചു കേട്ട വാർത്ത ഒരു ചെവിയിലൂടെ കേട്ടു മറു ചെവിയിലൂടെ കളഞ്ഞ് മഞ്ജുവും; ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്: പല്ലിശേരി പരമ്പര തുടരുന്നു
നാലാം വയസിൽ സ്‌കൂൾ സ്‌കിറ്റിനായി വിവാഹം; 22 വർഷങ്ങൾക്ക് ശേഷം പള്ളുരുത്തി ഭവാനി ശിവക്ഷേത്രത്തിൽ വെച്ച് ആ 'കുട്ടിക്കളി'യിലെ കഥാപാത്രങ്ങൾ ജീവിതത്തിൽ ഒരുമിച്ചു; 'നമുക്ക് ഒന്നുകൂടി വിവാഹം ചെയ്താലോ' എന്ന ആർമ്മി ക്യാപ്ടന്റെ സന്ദേശത്തിന് യേസ് മൂളി വനിതാ ഡോക്ടർ; സിനിമാക്കഥകളിലെ അനശ്വര വിവാഹ മുഹൂർത്തങ്ങളെ അനുസ്മരിപ്പിക്കും വിധത്തിൽ ആര്യശ്രീയുടെ കഴുത്തിൽ താലികെട്ടി ശ്രീരാം
ചീഫ് ജസ്റ്റീസിന്റെ പതിവില്ലാത്ത ഗൗരവവും രോഷവും താക്കീതും നൽകുന്ന സൂചനയെന്ത്? ചീഫ് ജസ്റ്റീസും ജസ്റ്റീസ് ഖാൻവിൽക്കറും മൗനം പാലിച്ചത് എന്തുകൊണ്ട്? ജസ്റ്റീസ് നരിമാൻ പല തവണ ഇടപെട്ടിട്ടും വിധിയെ അനുകൂലിക്കുന്ന ജസ്റ്റീസ് ചന്ദ്രചൂഡ് പ്രതികരിക്കാത്ത് എന്തുകൊണ്ട്? ജസ്റ്റീസ് ഇന്ദു മൽഹോത്ര ഹിന്ദുമതാചാര നിയമം ചോദിച്ചത് എന്തിന്? ശബരിമല പുനപരിശോധനാ ഹർജികളിലെ വിധിയിൽ അനുകൂലിക്കുന്നവരും പ്രതികൂലിക്കുന്നവരും പ്രതീക്ഷ പുലർത്തുന്നത് മൂന്ന് ജഡ്ജിമാരുടെ മൗനവും ശരീര ഭാഷയും വിലയിരുത്തി
ഉറങ്ങാൻ കിടക്കുന്നത് ഭാര്യയ്‌ക്കൊപ്പം കട്ടിലിൽ; ഭാര്യ ഉറക്കം പിടിച്ചാൽ കട്ടിലിൽ നിന്ന് താഴെയിറങ്ങി പായിൽ മകൾക്കൊപ്പം കിടക്കും; ഭീഷണിപ്പെടുത്തിയും കരയുമ്പോൾ വായപൊത്തിപ്പിടിച്ചും പതിമൂന്നുകാരിയുടെ മേൽ കാമഭ്രാന്ത് തീർത്ത് നരാധമനായ പിതാവ്; ഒരുവർഷത്തോളം നടന്ന പീഡനം പെൺകുട്ടി തുറന്നുപറഞ്ഞത് പെരുമാറ്റത്തിൽ പൊരുത്തക്കേടുകണ്ട് അദ്ധ്യാപികമാർ ആവർത്തിച്ച് ചോദിച്ചതോടെ; 43കാരനായ ക്രൂരപിതാവിനെ അറസ്റ്റുചെയ്ത് പൊലീസ്; പെരുമ്പൂവൂരിൽ നിന്ന് കേരളത്തെ ഞെട്ടിക്കുന്ന പോക്‌സോ പീഡനം