1 usd = 71.87 inr 1 gbp = 91.80 inr 1 eur = 81.48 inr 1 aed = 19.57 inr 1 sar = 19.17 inr 1 kwd = 236.38 inr

Nov / 2018
15
Thursday

തിരുവനന്തപുരത്തു നിന്ന് കോഴിക്കോട്ട് എത്തിയത് ഒന്നര ദിവസമെടുത്ത്; കനത്ത മഴയിൽ പട്ടാമ്പിയിൽ യാത്ര അവസാനിപ്പിച്ച തീവണ്ടിയിൽ നിന്ന് ബസിനായി നെട്ടോട്ടം; സ്റ്റേഷനിലെ ആകെയുള്ള കടയിൽ ബിസ്‌ക്കറ്റ്പോലും വിറ്റുതീർന്നിരിക്കുന്നു; പുര കത്തുമ്പോൾ വാഴവെട്ടാൻ നോക്കുന്ന ഹോട്ടലുകാരും ടൂറിസ്റ്റ് ബസുകാരും; അതിനിടയിൽ സൗജന്യമായി ഭക്ഷണം തന്നും വണ്ടിക്ക് കൈനീട്ടി സഹായിച്ച ചില സുമനസ്സുകളും; നോർത്ത് 24 കാതം സിനിമയെ ഓർമ്മിപ്പിച്ച് പ്രളയദിനത്തിൽ ഒരു തീവണ്ടിയാത്ര

August 17, 2018 | 03:40 PM IST | Permalink



തിരുവനന്തപുരത്തു നിന്ന് കോഴിക്കോട്ട് എത്തിയത് ഒന്നര ദിവസമെടുത്ത്; കനത്ത മഴയിൽ പട്ടാമ്പിയിൽ യാത്ര അവസാനിപ്പിച്ച തീവണ്ടിയിൽ നിന്ന് ബസിനായി നെട്ടോട്ടം; സ്റ്റേഷനിലെ ആകെയുള്ള കടയിൽ ബിസ്‌ക്കറ്റ്പോലും വിറ്റുതീർന്നിരിക്കുന്നു; പുര കത്തുമ്പോൾ വാഴവെട്ടാൻ നോക്കുന്ന ഹോട്ടലുകാരും ടൂറിസ്റ്റ് ബസുകാരും; അതിനിടയിൽ സൗജന്യമായി ഭക്ഷണം തന്നും വണ്ടിക്ക് കൈനീട്ടി സഹായിച്ച ചില സുമനസ്സുകളും; നോർത്ത് 24 കാതം  സിനിമയെ ഓർമ്മിപ്പിച്ച് പ്രളയദിനത്തിൽ ഒരു തീവണ്ടിയാത്ര

കെ കെ ജയേഷ്

 കുറേ വർഷം മുമ്പാണ് ഫഹദ് ഫാസിലും സ്വാതി റെഡിയും നായികാ നായകന്മാരായി അഭിനയിച്ച നോർത്ത് 24 കാതം എന്ന സിനിമ കണ്ടത്. ഒരു ഹർത്താൽ ദിനത്തിൽ റെയിൽവേ സ്റ്റേഷനിൽ കുടുങ്ങിപ്പോകുന്ന ഹരിയും നാരായണിയും ഒരുമിച്ച് കോഴിക്കോട്ടേക്ക് നടത്തുന്ന യാത്രയാണ് ചിത്രത്തിന്റെ പ്രമേയം. വൃത്തിയിലും കൃത്യനിഷ്ഠതയിലും ആരോഗ്യസംരക്ഷണത്തിലുമെല്ലാം അതീവ ശ്രദ്ധാലുവാണ് ഹരി. ഇതിൽ നിന്ന് നേർവിപരീതമാണ് നാരായണിയുടെ സ്വഭാവം. ഹർത്താൽ ദിനത്തിൽ കൊല്ലത്തിനടുത്തുള്ള പരവൂർ സ്റ്റേഷനിൽ കുടുങ്ങിപ്പോകുന്ന ഇരുവരും ഗോപാലേട്ടൻ എന്ന കോഴിക്കോട് സ്വദേശിയെ പരിചയപ്പെടുന്നു. അദ്ദേഹത്തിന്റെ ഭാര്യയ്ക്ക് സുഖമില്ല. അത്യാവശ്യമായി അദ്ദേഹത്തിന് വീട്ടിലേക്ക് മടങ്ങണം. ഹർത്താലായതുകൊണ്ട് വാഹനങ്ങളൊന്നും കിട്ടാനില്ല. ട്രെയിനുകൾ പലതും റദ്ദ് ചെയ്തിട്ടുണ്ട്. ഇത്തരമൊരു സാഹചര്യത്തിൽ ഗോപാലേട്ടനെ വീട്ടിലെത്തിക്കാൻ നടന്നും ആംബുലൻസിലും ബോട്ടിലുമെല്ലാമായി ഇവർ കോഴിക്കോട്ടേക്ക് തിരിക്കുകയാണ്.

യുക്തിക്ക് നിരക്കുന്നതല്ല ചിത്രത്തിന്റെ പ്രമേയം എന്നാണ് അന്ന് തോന്നിയുന്നത്. പരവൂരിൽ നിന്ന് കോഴിക്കോട്ടേക്ക് നടത്തുന്ന യാത്രയിൽ എന്തൊക്കെയോ പാളീച്ചകൾ അനുഭവപ്പെട്ടു. മറ്റൊരു സംസ്ഥാനം പശ്ചാത്തലമാക്കി കഥ പറഞ്ഞിരുന്നെങ്കിൽ കൂടുതൽ നന്നാവുമായിരുന്നു എന്നും തോന്നിയിരുന്നു. തീർച്ചയായും യുക്തിക്ക് നിരക്കാത്തത് പലതും ആ ചിത്രത്തിൽ ഉണ്ടായിരുന്നെങ്കിലും അത്തരത്തിലുള്ളൊരു അനുഭവം കേരളത്തിലെ വെള്ളപ്പൊക്കം സമ്മാനിച്ചപ്പോൾ ആ സിനിമയെക്കുറിച്ച് വീണ്ടും ഓർത്തുപോയി.

ഓഫീസ് സംബന്ധമായ കാര്യത്തിനാണ് ഓഗസ്റ്റ് 15 ന് തിരുവനന്തപുരത്ത് എത്തിയത്. ഉച്ചകഴിഞ്ഞപ്പോഴാണ് വീട്ടിൽ നിന്ന് ഭാര്യയുടെ ഫോൺവന്നത്. വേഗം തിരിച്ചോളൂ.. വാർത്തയൊക്കെ അറിഞ്ഞില്ലേ.. ട്രെയിനുകൾ ഒക്കെ നിർത്താൻ പോവുകയാണെന്ന് ടി വിയിൽ വാർത്ത കണ്ടു. ആശങ്കയോടെയുള്ള അവളുടെ വാക്കുകൾ കേട്ടപ്പോഴും അതത്ര കാര്യമായി എടുത്തില്ല. അതിനുമാത്രം പ്രശ്‌നങ്ങളൊന്നും ഉണ്ടാവില്ലെന്ന് മനസ്സ് പറഞ്ഞു. തിരുവനന്തപുരത്ത് അപ്പോഴും അത്രവലിയ വെള്ളപ്പൊക്കമൊന്നും ഉണ്ടായിരുന്നില്ല. ഓട്ടോ കയറി റെയിൽവേ സ്റ്റേഷനിലെത്തി. ഏഴ് മണിക്കാണ് ഞങ്ങൾ ടിക്കറ്റ് ബുക്ക് ചെയ്ത മലബാർ എക്സ്‌പ്രസ്. അതിന് തൊട്ടുമുമ്പായി 6.45 ന് മാവേലി സ്റ്റേഷനിൽ നിന്നും യാത്രതിരിച്ചു. സഹപ്രവർത്തകർ പലരും അതിലായിരുന്നു. ഏഴ് മണിക്ക് തന്നെ മലബാറും തിരിച്ചു. അതിരാവിലെ കോഴിക്കോട്ടെത്തുമെന്നും ആദ്യ ബസ്സിൽ തന്നെ വീട്ടിലേക്ക് പോവാമെന്നുമായിരുന്നു കണക്കുകൂട്ടൽ.

വണ്ടിയിലുണ്ടായിരുന്ന ഒരാളുടെ ഫോണിൽ നിന്ന് ക്യൂബൻ കോളനി എന്ന സിനിമ മൊബൈലിലേക്ക് കയറ്റി. അതും കണ്ട് കൊണ്ട് കിടന്ന് ഉറങ്ങിപ്പോയി. രാവിലെ നേരത്തെ എഴുന്നേറ്റു. കോഴിക്കോട്ടെത്താനായിട്ടുണ്ടെന്ന് കരുതി നോക്കിയപ്പോൾ വണ്ടി ഇരിങ്ങാലക്കുട സ്റ്റേഷനിൽ കിടക്കുന്നു. എന്തുപറ്റിയെന്ന് ഒപ്പമുണ്ടായിരുന്ന രാജീവിനോടും അമീറിനോടും ചോദിച്ചപ്പോഴാണ് വണ്ടി അവിടെ പിടച്ചിട്ടിരിക്കുകയാണെന്ന് മനസ്സിലായത്.

പുറത്തിറങ്ങിയപ്പോൾ സ്റ്റേഷൻ മാസ്റ്റർക്ക് മുമ്പിൽ വലിയ ആൾക്കൂട്ടം. വണ്ടി എപ്പോൾ പോവുമെന്നാണ് എല്ലാവർക്കും അറിയേണ്ടത്. തിരുവനന്തപുരത്ത് നിന്ന് മംഗലാപുരത്തേക്ക് പുറപ്പെട്ട വണ്ടികളെല്ലാം പാതി വഴിയിൽ കുടുങ്ങിക്കിടക്കുയാണെന്ന് അദ്ദേഹം പറഞ്ഞു. 'മാവേലി മുളങ്കുന്നത്തുകാവിലും മംഗലാപുരം എക്സ്‌പ്രസ് ചാലക്കുടിയിലും കിടക്കുകയാണ്. കലക്ടറുടെ നിർദ്ദേശാനുസരണമാണ് വണ്ടികൾ പിടിച്ചിട്ടിരിക്കുന്നത്. എട്ട് മണിക്ക് ശേഷം വണ്ടി വിടണോ എന്ന് ആലോചിക്കാമെന്നാണ് കലക്ടറുടെ ഉത്തരവ്'. ശാന്തനായിട്ടായിരുന്നു സ്റ്റേഷൻ മാസ്റ്ററുടെ മറുപടി. എട്ടു മണി കഴിഞ്ഞാൽ വണ്ടി പോവുമെല്ലോ എന്ന് ആശ്വസിച്ചപ്പോഴാണ് അദ്ദേഹത്തിന്റെ ഞെട്ടിപ്പിക്കുന്ന വാക്ക് കേട്ടത്. 'വടക്കാഞ്ചേരി പാലത്തിലേക്ക് മണ്ണ് വീണിട്ടുണ്ട്.. ഇവിടുന്ന് പോയാലും വഴിയിൽ കുടുങ്ങാൻ സാധ്യത ഉണ്ട്'

സ്റ്റേഷനിലാകെ ഒരു ചെറിയ കടയാണ് ഉള്ളത്. അവിടെയുള്ള ബിസ്‌ക്കറ്റുപോലും ഇതിനകം വിറ്റുതീർന്നിരുന്നു. പലർക്കും ഭക്ഷണം കിട്ടിയ്ില്.വണ്ടിയിൽ ചെന്നിരുന്നു. കലക്ടറുടെ ഉത്തരവ് വരാൻ കാത്തിരിക്കുകയാണ്. വണ്ടിയിൽ കണ്ണൂർ സ്വദേശിയായ ഒരാളുണ്ട്. അയാൾ ഇടയ്ക്കിടെ വന്ന് എപ്പോൾ പോവും എന്ന് അന്വേഷിച്ചുകൊണ്ടിരുന്നപ്പോൾ അയാളോട് ദേഷ്യം തോന്നി. പിന്നെയാണ് അറിഞ്ഞത് എന്തോ അത്യാവശ്യ കാര്യത്തിന് ഗൾഫിൽ നിന്ന് പത്ത് ദിവസത്തെ ലീവിലുള്ള വരവാണ്. കോഴിക്കോട്ടേക്ക് ടിക്കറ്റ് കിട്ടിയില്ല. എറണാകുളം വിമാനത്താവളം വെള്ളത്തിലായി. ഒടുവിൽ തിരുവനന്തപുരത്ത് ഇറങ്ങിയതാണ്. ട്രെയിനിൽ പെട്ടന്ന് നാട്ടിലെത്താമെന്ന കണക്കുകൂട്ടലിലായിരുന്നു അദ്ദേഹം.

തൊട്ടപ്പുറത്തെ സീറ്റിൽ മലപ്പുറത്തുള്ള ഒരു കുടുംബമാണ്. ഗൃഹനാഥനും ഭാര്യയും മക്കളും അനിയന്റെ മകനുമെല്ലാമുണ്ട്. ഭാര്യയ്ക്ക് കാൻസറാണ്. അവർ ആർ സി സിയിൽ നിന്ന് വരികയാണ്. വീട്ടിലേക്ക് പോയിട്ടും വലിയ കാര്യമൊന്നുമില്ലെന്ന് അദ്ദേഹം പറഞ്ഞുകൊണ്ടിരുന്നു. വീട് മൊത്തം വെള്ളത്തിൽ മുങ്ങിയിരിക്കുകയാണത്രെ. സമീപത്തുള്ളവരെല്ലാം ദുരിതാശ്വാസ ക്യാമ്പിലാണ്. ഇങ്ങനെയൊക്കെ പറഞ്ഞെങ്കിലും ഒട്ടും ആശങ്കയില്ലാത്ത വിധത്തിലായിരുന്നു അവരുടെ പെരുമാറ്റം. അവർ ഇടയ്ക്കിടെ ഭക്ഷണം കഴിച്ചുകൊണ്ടിരുന്നു. ഭക്ഷണമില്ലാത്തപ്പോൾ വാട്‌സ് ആപ്പിൽ. പിന്നെയും ഭക്ഷണം. നമ്മൾ ടെൻഷനടിച്ചിട്ടെന്ത് കാര്യമെന്നായിരുന്നു പുള്ളിയുടെ ചോദ്യം. 'ഇതിലും ദുരിതമനുഭവിക്കുന്നവർ എത്രയോ ചുറ്റിലുമില്ലേ.. നമ്മൾക്ക് ഇത്രയേ ഉണ്ടായുള്ളു എന്ന് ആശ്വസിക്കുക..'

9 മണിയായപ്പോൾ വണ്ടി വീണ്ടും യാത്ര തുടർന്നപ്പോൾ എല്ലാവരും ആശ്വസിച്ചു. ഞങ്ങളുടെ തൊട്ടപ്പുറത്ത് കോഴിക്കോട്ടുള്ള കുടുംബമാണ്. കലാമണ്ഡലത്തിൽ പഠിക്കുന്ന മകളെ അതിരാവിലെ പോയി കൂട്ടി മടങ്ങുകയാണ് അവർ. കൂട്ടിക്കൊണ്ടുപോകാൻ നിർദ്ദേശം കിട്ടിയതുകൊണ്ട് ധൃതിപ്പെട്ട് വന്നതാണ് അവർ. എറണാകുളത്ത് പഠിക്കുന്ന ഒരു പെൺകുട്ടി തൊട്ടടുത്ത സീറ്റിലുണ്ട്. ആശങ്കയോടെ അവൾ ഇടയ്ക്കിടെ വീട്ടിലേക്ക് വിളിച്ചുകൊണ്ടിരുന്നു.

ടോയ്‌ലറ്റിന് അടുത്തേക്ക് ചെന്നപ്പോൾ വാതിലിനടുത്ത് ഒരാൾ നിൽക്കുന്നുണ്ട്. നോർത്ത് കാതത്തിലെ ഫഹദിന്റെ നായകന്റെ തനിപ്പകർപ്പ്. പുറത്തെവിടെയോ ജോലി ചെയ്യുന്ന ആളാണ്. കക്കൂസിൽ പോവണമെങ്കിലും ബാത്ത് റൂമിലേക്ക് കയറാൻ പറ്റുന്നില്ല. വൃത്തിഹീനമായ ടോയ്‌ലറ്റിൽ ഇരിക്കാൻ സാധിക്കുന്നില്ലെന്ന് വിഷമത്തോടെ കക്ഷി പറഞ്ഞു. പലതവണ കയറിനോക്കിയെങ്കിലും ഇറങ്ങിപ്പോന്നു. വണ്ടി ഓടിത്തുടങ്ങിയതിന്റെ ആശ്വാസം ആളുടെ മുഖത്തുണ്ട്. കോഴിക്കോട്ടെത്തിയിട്ട് കാര്യം സാധിക്കാമല്ലോ എന്ന പ്രതീക്ഷ ആ സുന്ദര മുഖത്ത് ഞാൻ കണ്ടു. പ്രളയത്തിൽ മുങ്ങിപ്പോയ ഭൂഭാഗങ്ങൾക്ക് നടുവിലൂടെ വണ്ടി ഓടിക്കൊണ്ടിരുന്നു. ചുറ്റിലും മനുഷ്യരുടെ ദുരിതങ്ങളാണ്. പ്രകൃതി ദുരന്തത്തിൽ പകച്ചുപോയ മനുഷ്യരുടെ നിസ്സഹായാവസ്ഥ. വീണ്ടും ഉറക്കത്തിലേക്ക് വഴുതി വീണു. കണ്ണു തുറന്നപ്പോൾ വൈകുന്നേരമായിട്ടുണ്ട്. വണ്ടി പട്ടാമ്പി സ്റ്റേഷനിൽ നിൽക്കുന്നു. ഒരു മണിക്കൂർ കഴിഞ്ഞപ്പോൾ അറിയിപ്പ് വന്നു. വണ്ടി റദ്ദാക്കിയിരിക്കുന്നു. പാലത്തിൽ വെള്ളം കയറി. ഇനി പോവാൻ യാതൊരു നിർവ്വാഹവുമില്ല.

ഇത് കേട്ടപാടെ നേരത്തത്തെ കക്ഷി മറ്റെല്ലാം മറന്ന് ടോയ്‌ലറ്റിലേക്ക് ഓടിക്കയറുന്നത് കണ്ടു. മലപ്പുറത്തെ കുടുംബത്തിന് ഇപ്പോഴും വലിയ ടെൻഷനൊന്നുമില്ല. 'ബസ്സ് കിട്ടുമോ എന്ന് നോക്കാം പോരുന്നോ' എന്ന് അദ്ദേഹത്തോട് ചോദിച്ചു. ഇല്ല സുഖമില്ലാത്ത ഭാര്യയെ ബസ്സിൽ കയറ്റിക്കൊണ്ടുപോകാൻ കഴിയല്ല. നാട്ടിൽ നിന്ന് ബന്ധു കാറുമായി വരുന്നുണ്ടെന്ന് അദ്ദേഹം പറഞ്ഞു. ആശങ്കയോടെ എല്ലാവരും ട്രെയിനിൽ നിന്നിറങ്ങി. ടൗണിലേക്ക് നടന്നോളൂ വളാഞ്ചേരിക്ക് ബസ് കിട്ടുമെന്ന് നാട്ടുകാർ വന്ന് പറഞ്ഞു. അങ്ങനെ ആ വൈകുന്നേരം പട്ടാമ്പി ടൗണിലൂടെ നടന്നു. ഏകദേശം ഹർത്താൽ പ്രതീതിയിലായിരുന്നു ടൗൺ. അധികം കടകളൊന്നും തുറന്നിട്ടില്ല. ഹോട്ടലുകളാവട്ടെ തീരെ പ്രവർത്തിക്കുന്നില്ല. ഒടുവിൽ ഒരു ഹോട്ടൽ തപ്പിക്കണ്ടുപിടിച്ച് കയറി. പൊറോട്ട ഓർഡർ ചെയ്തു. ടൊമോറ്റോ ഫ്രൈ മാത്രമേയുള്ള. അത് ആവാൻ കുറച്ച് സമയം പിടിക്കും. സാമ്പാർ തരട്ടെ എന്ന് സ്‌നേഹത്തോടെയുള്ള സപ്ലൈയറുടെ ചോദ്യം. മതിയെന്ന് പറഞ്ഞു. ബിൽ കിട്ടിയപ്പോൾ സാമ്പാറിന് ഒരാൾക്ക് പത്ത് രൂപ. പൊറോട്ടയ്ക്ക് ഫ്രീയായി സാമ്പാർ ഒഴിച്ചുതരുന്ന കോഴിക്കോട്ടെ ഹോട്ടലുകാരെ മനസ്സിൽ നമിച്ച് ബിൽ കൊടുത്ത് പുറത്തേക്കിറങ്ങി.

വളാഞ്ചേരിക്ക് രണ്ട് ബസ് തിങ്ങി നിറഞ്ഞ് കടന്നുപോയി. ചില കടക്കാർ ബിസ്‌ക്കറ്റും വെള്ളവുമെല്ലാം ബസ്സ് കാത്തു നിൽക്കുന്നവർക്ക് വിതരണം ചെയ്യുന്നുണ്ട്. ഒടുവിൽ ഒരു ബസ് പൊലീസ് തടഞ്ഞു നിർത്തി എല്ലാവരെയും കയറ്റി. അങ്ങിനെ വളാഞ്ചേരിയിലേക്കുള്ള യാത്ര. വഴിയിലൊരിടത്ത് വണ്ടി നിന്നു. മുമ്പിൽ വെള്ളം കയറിയിട്ടുണ്ട്. എല്ലാം താണ്ടി വളാഞ്ചേരിയിലെത്തിയപ്പോൾ രാത്രി എട്ട് മണി. പട്ടാമ്പിയിൽ ട്രെയിനിൽ വന്നിറങ്ങിയവരെല്ലാം റോഡിലുണ്ട്. വഴിയിൽ കുടുങ്ങിയവരെ സഹായിക്കാനായി പെരുമഴയത്ത് കുറേ യുവാക്കൾ. അവർ കാലിയായി വരുന്ന വണ്ടികളെല്ലാം തടഞ്ഞു നിർത്തി കുറച്ചുപേരെ കയറ്റുമോ എന്ന് യാചിക്കുന്നു.

പലരെയും അവർ ജീപ്പിലും കാറിലും ലോറിയിലുമെല്ലാം കയറ്റിവിട്ടു. ഒടുവിൽ അവർ എവിടുന്നോ ഒരു ടൂറിസ്റ്റ് ബസ് പിടിച്ചുകൊണ്ടുവന്ന് ആളുകളെ കയറ്റാൻ തുടങ്ങി. സ്ത്രീകൾക്കും വൃദ്ധർക്കും കുട്ടികൾക്കും കുടുംബങ്ങൾക്കും മുൻഗണന. ആ ബസ് കോഴിക്കോട്ടേക്ക് യാത്രതിരിച്ചു. ഞങ്ങളെന്ത് ചെയ്യുമെന്ന് ചോദിച്ചപ്പോൾ നിങ്ങളെ കയറ്റിവിട്ടിട്ടോ ഞങ്ങൾ പോവുകയുള്ളുവെന്നായിരുന്നു മറുപടി. ഒടുവിൽ ഒരു കുട്ടി ബസ്സ് വന്നപ്പോൾ ഞങ്ങളെ അതിൽ കയറ്റി. എന്നാൽ കുറച്ചുകഴിഞ്ഞപ്പോൾ ഡ്രൈവർ പറഞ്ഞു പോവില്ലെന്ന്. അതോടെ അതിൽ നിന്നിറങ്ങി.

ഒടുവിൽ ഒരു ടൂറിസ്റ്റ് ബസ്സിൽ എന്നേയും സഹപ്രവർത്തകരെയും കയറ്റിത്തന്നു. കോഴിക്കോട്ടേക്ക് 250 രൂപവേണമെന്ന് ഡ്രൈവർ. തരാമെന്ന് പറഞ്ഞതോടെ വണ്ടി യാത്രയാരംഭിച്ചു. രാത്രി വൈകി വണ്ടി കോഴിക്കോട്ടെത്തിയപ്പോൾ റോഡിലെ വെള്ളക്കെട്ട് കുറഞ്ഞിട്ടുണ്ട്. ടോയ്‌ലറ്റിന് മുമ്പിൽ പരുങ്ങിയ ആൾ എന്നെ നോക്കി ഒന്ന് ചിരിച്ചു. കോഴിക്കോട്ടെത്താൻ കാത്തു നിന്നിരുന്നെങ്കിൽ എന്താവുമായിരുന്നു അവസ്ഥ എന്ന് ചോദിക്കണമെന്നുണ്ടായിരുന്നു. ചോദിച്ചില്ല. നോർത്ത് കാതത്തിലെ ഫഹദിനെപ്പോലെ അയാളുടെ കാഴ്ചപ്പാടുകളും മാറിയിട്ടുണ്ടാവും എന്ന് എനിക്ക് ഉറപ്പായിരുന്നു.

( മാധ്യമ പ്രവർത്തകനും എഴുത്തുകാരനുമാണ് ലേഖകൻ )\

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഭർത്താവിന്റെ സഹപ്രവർത്തകൻ ആയിരുന്ന ചീഫ് പ്രൊഡ്യൂസർ എംആർ രാജൻ ലൈംഗിക താൽപ്പര്യത്തോടെ സംസാരിക്കാൻ തുടങ്ങി; മാർക്കറ്റിങ് വിഭാഗത്തിലെ ദിലീപും ലൈംഗിക ചേഷ്ടകൾ പുറത്തെടുത്തു; എഞ്ചിനിയറായ പത്മകുമാർ അവസരം കിട്ടുമ്പോൾ ഒക്കെ ശരീരത്തിൽ സ്പർശിച്ചു തുടങ്ങി; പരാതിപെട്ടിട്ട് ഒരു നടപടിയും എടുക്കാതെ മാനേജ്മെന്റ്; നിഷാ ബാബുവിന്റെ മീ ടൂവിൽ അഴിഞ്ഞു വീഴുന്നത് ഏഷ്യാനെറ്റ് വൈസ് പ്രസിഡന്റ് അടക്കമുള്ളവരുടെ വൃത്തികെട്ട മുഖങ്ങൾ
സ്വാമി ശരണം.....ഭക്തർക്കൊപ്പം എന്ന നിലപാട് മലയാളം ന്യൂസ് ചാനൽ റേറ്റിംഗിനെ മാറ്റി മറിക്കുന്നു; ഏഷ്യാനെറ്റ് ന്യൂസിനേയും വെല്ലുവിളിച്ച് ജനം ടിവിയുടെ വമ്പൻ കുതിപ്പ്; ആട്ട ചിത്തിര ആഘോഷത്തിനായുള്ള നടതുറപ്പിൽ ആർഎസ്എസ് ചാനലിന് ഉണ്ടായത് ചരിത്ര നേട്ടം; ഏഷ്യാനെറ്റ് ന്യൂസുമായുള്ള വ്യത്യാസം 17 പോയിന്റ് മാത്രം; 40000 ഇപ്രഷ്ൻസ് കടക്കുന്ന മലയാളത്തിലെ രണ്ടാം ചാനലായി സംഘപരിവാർ ടിവി; മണ്ഡലകാലത്ത് മലയാളത്തിൽ ന്യൂസ് ചാനലിൽ പോരാട്ടം മുറുകും
മൂകാംബിക സന്ദർശനം യാത്രയുടെ ഭാഗമായി സംഭവിച്ചത്; കൂടെയുള്ളവർ ചെയ്തതുപോലെ കുറിതൊട്ട് ഫോട്ടോ എടുത്തു; വാർത്ത വന്നത് ആസിഫ് അലി ഇഷ്ടദേവിയെ തൊഴാൻ മൂകാംബികയിലെന്ന്; വിശ്വാസം ഉള്ളിൽ ഉള്ളത്;കാവി മുണ്ടുടുത്ത് ചന്ദനക്കുറിം തൊട്ട് ക്ഷേത്രത്തിന് മുമ്പിൽ നില്ക്കുന്ന ഫോട്ടോയ്ക്ക് വിമർശനവുമായി എത്തിയവർക്ക് മറുപടിയുമായി ആസിഫും ഭാര്യയും
രാജസ്ഥാൻ തൂത്തുവാരുമ്പോൾ തെലുങ്കാനയിൽ വിജയം ഉറപ്പ്; മധ്യപ്രദേശിലും ചത്തീസ്ഗഡിലും മുമ്പിൽ നിൽക്കുന്നത് കോൺഗ്രസ് തന്നെ; മിസോറാമിൽ തോറ്റാലും ജയിക്കുന്നത് ബിജെപിയല്ല; അഞ്ച് സംസ്ഥാനങ്ങളിൽ നാലിലും വിജയ സാധ്യത നിലനിർത്തി കോൺഗ്രസ് ആവേശപൂർവ്വം മുന്നോട്ട്; ഒരു സംസ്ഥാനം പോലും ലഭിക്കില്ലെന്ന ആശങ്കയിൽ ബിജെപിയും; മോദി-അമിത് ഷാ കൂട്ടുകെട്ടിന് കടിഞ്ഞാൺ വരുന്നു
വിമാനം ഇറങ്ങിയാൽ സഞ്ചരിക്കാൻ കാറ് നൽകില്ല; താമസിക്കാൻ വേണ്ട ഗസ്റ്റ് ഹൗസോ ഹോട്ടൽ മുറിയോ സ്വയം ഒരുക്കേണ്ടിയും വരും; ഭക്ഷണ സൗകര്യവും മടങ്ങി പോവാനുള്ള വിമാന ടിക്കറ്റിനും പണവും നൽകില്ല; എല്ലാ ചിലവുകളും കേരളാ സർക്കാർ വഹിക്കണമെന്ന ആവശ്യം പിണറായി സർക്കാർ തള്ളി; ശബരിമല കയറാൻ എത്തിയാൽ തൃപ്തി ദേശായിക്ക് നൽകുക എല്ലാ തീർത്ഥാടകർക്കുമുള്ള പരിരക്ഷ മാത്രം; ഭൂമാതാ ബ്രിഗേഡ് നേതാവിന്റെ കത്തിന് പൊലീസ് മറുപടിയും നൽകില്ല
'ദയവ് ചെയ്ത് എന്നെ കൊല്ലരുത്, എന്റെ കുട്ടികളെ ഞാൻ അത്രയധികം സ്‌നേഹിക്കുന്നു'; ഫ്‌ളാറ്റിൽ നിന്നും തള്ളിയിടും മുൻപ് യുവതി ഭർത്താവിനോട് കരഞ്ഞ് പറഞ്ഞ വാക്കുകൾ നെഞ്ചു പിളർക്കുന്നത്; 32കാരി ദീപികയെ ഭർത്താവ് കൊന്നത് കാമുകി ആവശ്യപ്പെട്ടതിന് പിന്നാലെ; യുവാവിന്റെ കൈത്തണ്ടയിൽ കണ്ടെത്തിയ മാന്തിയ പാടുകൾ വഴക്ക് നടന്നതിന് തെളിവായി; ഭർത്താവിന്റെ വഴി വിട്ട ബന്ധം ഭാര്യ കണ്ടെത്തിയതിന് പിന്നാലെ ക്രൂരമായ കൊലപാതകം !
ഓടി രക്ഷപ്പെടാൻ ശ്രമിച്ചിട്ടും അയാൾ പുറകേ വന്ന് ഞങ്ങളെ തുരുതുരാ വെട്ടി; ഉച്ചത്തിൽ കരഞ്ഞിട്ടും അയാൾ ഞങ്ങളെ വെറുതേ വിട്ടില്ല; പ്രാണനു വേണ്ടി കെഞ്ചി കരഞ്ഞ നിമിഷത്തിന്റെ പിടച്ചിലിൽ നിന്നും നന്ദനയും വർഷയും ഇനിയും മുക്തരായിട്ടില്ല; ഭാര്യ പഠിപ്പിക്കുന്ന സ്‌കൂളിൽ വാക്കത്തിയുമായി എത്തിയ സർക്കാർ ഉദ്യോഗസ്ഥൻ തീർത്ത് ഭീകരാന്തരീക്ഷം: കുഴിത്തുറയിൽ മദ്യ ലഹരിയിൽ സ്‌കൂളിലെത്തിയ ജയൻ വെട്ടിപ്പരിക്കേൽപ്പിച്ചത് വിദ്യാർത്ഥിനികളെ അടക്കം നാലു പേരെ
യുവതി പ്രവേശനത്തിൽ സർവ്വകക്ഷിയോഗം പരാജയം; മുൻവിധിയില്ലാതെ കോടതി വിധി നടപ്പാക്കുമെന്ന് വിശദീകരിച്ച് മുഖ്യമന്ത്രി; സർക്കാരിന് സർവ്വ പിന്തുണയുമായി ഇടത് നേതാക്കൾ; തീർത്ഥാടകരുടെ വാഹനങ്ങൾക്കുള്ള പാസ് പോലും പിൻവലിക്കില്ലെന്ന നിലപാടിൽ പൊട്ടിത്തെറിച്ച് പ്രതിപക്ഷം; `വിനാശകാലെ വിപരീത ബുദ്ധി`യെന്ന് സർക്കാരിനെ ഉപദേശിച്ച് ബിജെപി; കോൺഗ്രസ് ബഹിഷ്‌കരണത്തോടെ പൊളിയുന്നത് സമവായ ശ്രമം; ശബരിമല മണ്ഡലകാലത്ത് പ്രക്ഷുബ്ദമാകും
ഡിവൈഎസ്‌പി ഹരികുമാറിനു വേണ്ടി ബിനു വീട്ടിൽ ഒരുക്കിയിരുന്നത് നക്ഷത്ര വേശ്യാലയവും മിനി ബാറും! ഇരുവരും പങ്കാളിത്ത ബിസിനസുകാർ; കാക്കിയിട്ട ക്രിമിനലിന് വേണ്ടി സ്ത്രീകളെ ബിനു എത്തിച്ചിരുന്നത് ബന്ധുക്കളെന്ന് പറഞ്ഞ്; വീട്ടിലെ രണ്ടു റൂമുകൾ ഹരികുമാറിന് വേണ്ടി മാത്രം നീക്കിവെച്ചു; എല്ലാ കോംപ്രമൈസ് ആക്കുന്ന ഉദ്യോഗസ്ഥന് ക്വാറിക്കാരും ബാറുകാരും പ്രതിമാസം നൽകിയിരുന്നത് 50ലക്ഷത്തിലധികം രൂപ; ലഭിക്കുന്ന തുകയിൽ പകുതിയും എത്തിയത് തിരുവനന്തപുരത്തെ പ്രമുഖ സിപിഎം നേതാവിന്റെ വീട്ടിലും
ഹരികുമാർ മരണത്തിലേക്ക് നടക്കാൻ തീരുമാനിക്കും മുമ്പ് മകന്റെ കുഴിമാടത്തിൽ ജമന്തിപൂവ് വച്ച് പ്രാർത്ഥിച്ചു; എന്റെ മകനെ കൂടി നോക്കികോളണം എന്ന് കുറുപ്പെഴുതി പാൻസിന്റെ പോക്കറ്റിൽ സൂക്ഷിച്ചു; മകനോട് ആവശ്യപ്പെട്ടത് അമ്മയെ നോക്കണമെന്നും; നെയ്യാറ്റിൻകരക്കാർ ആഘോഷമാക്കിയപ്പോൾ കല്ലമ്പലത്ത് മാധ്യമ വിചാരണയിൽ കടുത്ത രോഷം
നെയ്യാറ്റിൻകര സനൽ വധക്കേസിലെ പ്രതി ഡിവൈഎസ്‌പി ബി ഹരികുമാർ ആത്മഹത്യ ചെയ്തു; ഒളിവിൽ പോയ പ്രതിയെ തൂങ്ങിമരിച്ച നിലയിൽ കാണപ്പെട്ടത് കല്ലമ്പലത്തെ സ്വന്തം വസതിയിൽ; ഉദ്യോഗസ്ഥൻ ആത്മഹത്യ ചെയ്തതുകൊല്ലപ്പെട്ട സനലിന്റെ കുടുംബം കുറ്റവാളിയെ പിടികൂടണമെന്ന് ആവശ്യപ്പെട്ട് സത്യാഗ്രഹം ആരംഭിച്ചതിനും കൊലപാതക കുറ്റം നിലനിൽക്കുമെന്ന് ക്രൈംബ്രാഞ്ച് വ്യക്തമാക്കുകയും ചെയ്തതിന് പിന്നാലെ; ദൈവത്തിന്റെ വിധി നടപ്പിലായെന്ന് സനലിന്റെ കുടുംബം
വിമാനം ഇറങ്ങിയാൽ സഞ്ചരിക്കാൻ കാറ് വേണം; കോട്ടയത്ത് എത്തുമ്പോൾ താമസിക്കാൻ വേണ്ടത് ഗസ്റ്റ് ഹൗസോ ഹോട്ടൽ മുറിയോ; ഭക്ഷണ സൗകര്യവും സുരക്ഷയും ഉറപ്പു വരുത്തണം; പുലർച്ചെ അഞ്ച് മണിക്ക് പുറപ്പെട്ട് ഏഴ് മണിയോടെ സന്നിധാനത്ത് ദർശനത്തിന് സൗകര്യം ഒരുക്കണം; മടങ്ങിപ്പോകാനുള്ള വിമാനടിക്കറ്റും എടുത്തിട്ടില്ല; എല്ലാ ചിലവുകളും കേരളാ സർക്കാർ വഹിക്കണം; ശബരിമല കയറാൻ എത്തുന്ന തൃപ്തി ദേശായിയുടെ ആവശ്യങ്ങൾ കണ്ട് കണ്ണുതള്ളി സംസ്ഥാന സർക്കാർ
ഇഷ്ടതാരങ്ങളുമായി 20 മിനിറ്റ് ആഡംബരഹോട്ടലിൽ ചെലവിടാൻ നൽകാമെന്നേറ്റത് പത്തുകോടി വീതം; ഐശ്വര്യ റായിയും ദീപിക പദുക്കോണുമടക്കം 26 താരങ്ങൾക്കായി ചെലവാക്കാൻ ഉറച്ചത് 300 കോടി; രണ്ടുമൂന്നുപേരെ കണ്ടപ്പോൾ ഉദ്ദേശിച്ച കാര്യം നടക്കില്ലെന്നുറപ്പായതോടെ കരാറിൽനിന്ന് പിന്മാറി; ബെഹ്‌റീൻ രാജകുമാരനോട് 300 കോടി നഷ്ടപരിഹാരം ചോദിച്ച് ഏജന്റ് നൽകിയ കേസ് ലണ്ടൻ ഹൈക്കോടതിയിൽ
സ്വന്തമായി ഗുണ്ടകളും കുഴൽപ്പണ ബിസിനസുമുള്ള പൊലീസ് ഉദ്യോഗസ്ഥൻ! പരാതിയുമായി എത്തുന്നത് സ്ത്രീകളാണെങ്കിൽ ഇംഗിതത്തിന് വഴങ്ങണമെന്ന് ഭീഷണി; പെരിന്തൽമണ്ണ സ്വദേശിക്കെതിരെ ബിസിനസ് പങ്കാളി നൽകിയ പരാതി പിൻവലിച്ചിട്ടും തട്ടിയത് ലക്ഷങ്ങൾ; വീട്ടിലെത്തി അറസ്റ്റ് ചെയ്ത ശേഷം ഭാര്യയോട് പറഞ്ഞത് ഇനി ഇവന്റെ ഒപ്പം നീ അടുത്തൊന്നും കിടക്കില്ലെന്നും; പൊലീസ് വേഷവും ഗുണ്ടകളേയും തരാമെന്നും കുഴൽപ്പണം കടത്താൻ സഹായിക്കണമെന്നും നിർബന്ധിച്ചു; കേരളപ്പൊലീസിലെ സിഐ `ഗുണ്ട` ശിവശങ്കരന്റെ ഞെട്ടിക്കുന്ന കഥ
കണ്ണൂർ രാഷ്ട്രീയത്തിലെ വാടാ.. പോടാ.. ശൈലി കൈമുതലാക്കി വളർന്ന നേതാവ്; കടുത്ത മോദി ആരാധകനും തീവ്രഹിന്ദുത്വത്തിന്റെ വക്താവും; ആർഎസ്എസ് പ്രവർത്തനം തുടരുമ്പോഴും പ്രഗതി കോളേജിലെ സൗമ്യനായ പ്രിൻസിപ്പലായി ഔദ്യോഗിക ജീവിതം; പുലിയെ മടയിൽ കയറി നേരിടണമെന്ന് അണികൾക്ക് ഉപദേശം കൊടുക്കുന്ന വ്യക്തി: സന്നിധാനത്തെ ഇടപെടലോടെ പരിവാർ അണികളുടെ പുതിയ ഹീറോ വത്സൻ തില്ലങ്കേരിയുടെ കഥ
പരാതി നൽകാനെത്തിയ യുവതിയെ സിഐ ശിവശങ്കർ കെണിയിലാക്കിയത് കബളിപ്പിച്ചും ഭീഷണിപ്പെടുത്തിയും; തെളിവെടുക്കാനെന്ന് തെറ്റിദ്ധരിപ്പിച്ച് സ്വന്തം ഇന്നോവയിൽ കയറ്റി ഹോട്ടൽ മുറിയിൽ എത്തിച്ച് ബലാത്സംഗം ചെയ്തു; നിസ്സഹായയെന്ന് അറിഞ്ഞപ്പോൾ ഊട്ടിയിലേക്കു വരണമെന്നും സെക്സിൽ ഏർപ്പെടണമെന്നും വീണ്ടും ആവശ്യപ്പെട്ടു; സഹിക്ക വയ്യാതായപ്പോൾ എസ്‌പിക്ക് പരാതി നൽകി; അന്വേഷണ ഘട്ടത്തിൽ വധഭീഷണിയും; കേസൊതുക്കാൻ പലതവണ യുവതിയുടെ വീട്ടിലെത്തി ബിജെപി നേതാക്കളും
തണ്ണിമത്തൻ കൊണ്ട് മാറ് മറയ്ക്കുകയും പിന്നീട് മാറ് പൂർണമായും തുറന്നുകാണിക്കുകയും ചെയ്തതിലൂടെ സ്ത്രീ സ്വാതന്ത്ര്യം ചർച്ചയാക്കിയ സാമൂഹിക പ്രവർത്തക; ചുംബന സമരത്തിന് ശേഷം തൃശൂരിലെ പുലികളിയിൽ ആദ്യ പെൺപുലിയായും ചരിത്രമുണ്ടാക്കി; നഗ്ന ശരീരത്തിലെ പുലി വരയിലൂടെ ചർച്ചയിലെത്തിയ വനിതാ കരുത്ത്; മലചവിട്ടുന്ന രഹ്നാ ഫാത്തിമ ചർച്ചയായത് ഇങ്ങനെയൊക്കെ
ഡിവൈഎസ്‌പി ഹരികുമാറിനു വേണ്ടി ബിനു വീട്ടിൽ ഒരുക്കിയിരുന്നത് നക്ഷത്ര വേശ്യാലയവും മിനി ബാറും! ഇരുവരും പങ്കാളിത്ത ബിസിനസുകാർ; കാക്കിയിട്ട ക്രിമിനലിന് വേണ്ടി സ്ത്രീകളെ ബിനു എത്തിച്ചിരുന്നത് ബന്ധുക്കളെന്ന് പറഞ്ഞ്; വീട്ടിലെ രണ്ടു റൂമുകൾ ഹരികുമാറിന് വേണ്ടി മാത്രം നീക്കിവെച്ചു; എല്ലാ കോംപ്രമൈസ് ആക്കുന്ന ഉദ്യോഗസ്ഥന് ക്വാറിക്കാരും ബാറുകാരും പ്രതിമാസം നൽകിയിരുന്നത് 50ലക്ഷത്തിലധികം രൂപ; ലഭിക്കുന്ന തുകയിൽ പകുതിയും എത്തിയത് തിരുവനന്തപുരത്തെ പ്രമുഖ സിപിഎം നേതാവിന്റെ വീട്ടിലും
വാഗമണ്ണിൽ മൂന്നു ദിവസം പാർട്ടി; മദ്യവും ലഹരിയും ഉപയോഗിച്ച് നൃത്തം ചെയ്ത അടിച്ചു പൊളിച്ചത് അഞ്ഞൂറോളം ആക്ടിവിസ്റ്റുകൾ; വാഗമണ്ണിലെ രഹസ്യ സങ്കേതത്തിലെ തീരുമാനം അനുസരിച്ച് മലചവിട്ടാനുള്ള ആദ്യ നിയോഗമെത്തിയത് ചുംബന സമരനായികക്കെന്ന് ഓൺലൈനിൽ വാർത്ത; ചിത്രങ്ങളും പുറത്തു വിട്ടു; രഹ്ന ഫാത്തിമ സന്നിധാനത്ത് യാത്ര തിരിച്ചത് എവിടെ നിന്ന് എന്ന ചർച്ച പുരോഗമിക്കുമ്പോൾ എല്ലാം പിൻവലിച്ച് മംഗളം
അകത്തളത്തിൽ രണ്ടായിരം സ്‌ക്വയർ ഫീറ്റിനടുത്ത് വലുപ്പമുള്ള നീന്തൽ കുളം; ശീതീകരിച്ച ഓഫീസ് മുറി; പുറത്ത് കുളിക്കടവിലേക്കുള്ള കവാടം; കരമനയാറിന്റെ ദൃശ്യഭംഗി ആസ്വദിക്കാനും സൗകര്യം; സ്‌കൂൾ ഓഫ് ഭഗവത് ഗീതയ്ക്കുള്ളത് ടൂറിസം ഡിപ്പാർട്ട്‌മെന്റിൽ ഗോൾഡ് ഹൗസ് കാറ്റഗറി അംഗീകാരം; കുണ്ടമൺകടവിലെ സാളാഗ്രാം ആശ്രമത്തിനുള്ളത് ഹോം സ്റ്റേ രജിസ്ട്രേഷൻ; സന്ദീപാനന്ദഗിരിയുടെ ആശ്രമത്തിന്റെ വിശേഷങ്ങൾ ഇങ്ങനെ
അക്രമിക്കപ്പെട്ട നടിക്കൊപ്പം ഉറച്ചു നിന്നു; പാർവ്വതിക്ക് നഷ്ടമായത് കത്തിജ്വലിച്ച് നിന്ന കരിയർ; നടി ആക്രമിക്കപ്പെട്ടത് തനിക്ക് വേണ്ടിയാണെന്ന് അറിയാമായിരുന്നിട്ടും അപകടം മനസ്സിലാക്കി പിന്മാറിയതു കൊണ്ട് രണ്ടാംവരവിലെ തിളക്കത്തിൽ തന്നെ തുടർന്ന് മഞ്ജു വാര്യർ; സത്യത്തിനൊപ്പം നിന്നതിന് പാർവ്വതിക്ക് ലഭിച്ച ശിക്ഷയുടെ അളവ് ഊഹിക്കാവുന്നതിലും അപ്പുറം
ബിനീഷ് കോടിയേരി ചങ്ക് സഹോദരൻ! ഗണപതി കോവിൽ വരെ സ്വന്തം റിസ്‌കിലെത്തിയാൽ എല്ലാം ശരിയാക്കമെന്ന് ഉറപ്പ് നൽകിയത് കളക്ടർ നൂഹുവും ഐജി മനോജ് എബ്രഹാമും; പൊലീസ് പറഞ്ഞിടം വരെ പെൺകുട്ടിയെന്ന് ആരും തിരിച്ചറിയാതെ എത്തി; ഐജി ശ്രീജിത്തും നല്ല രീതിയിൽ പിന്തുണ നൽകി; നടപ്പന്തൽ വരെ എത്തിയത് എങ്ങനെ എന്ന് രഹ്നാ ഫാത്തിമ വിശദീകരിക്കുന്ന ഓഡിയോ പുറത്ത്; പൊലീസിനേയും സിപിഎമ്മിനേയും പ്രതിക്കൂട്ടിലാക്കി ആഞ്ഞടിക്കാൻ പരിവാറുകാർ; ശബരിമല വിവാദം പുതിയ തലത്തിലേക്ക്
മകൾ ഗോവേണിയിൽ നിന്നു വീണു മരിച്ചു എന്ന അമ്മയുടെ കള്ള കഥ ഗൾഫിൽ നിന്നെത്തിയ അച്ഛനും വിശ്വസിക്കാനായില്ല; ഏഴു വയസ്സുകാരിയുടെ ദേഹത്തെ മുറിവേറ്റ പാടുകൾ പൊലീസിന്റെയും സംശയം വർദ്ധിപ്പിച്ചു; ചോദ്യം ചെയ്തപ്പോൾ മൊഴിമാറ്റി പറഞ്ഞും പിടിച്ചു നിൽക്കാൻ അമ്മയുടെ ശ്രമം; ഒടുവിൽ മകളുടെ ദുരൂഹ മരണത്തിൽ അമ്മയെ അറസ്റ്റ് ചെയ്ത് പൊലീസ്
ഹരികുമാർ മരണത്തിലേക്ക് നടക്കാൻ തീരുമാനിക്കും മുമ്പ് മകന്റെ കുഴിമാടത്തിൽ ജമന്തിപൂവ് വച്ച് പ്രാർത്ഥിച്ചു; എന്റെ മകനെ കൂടി നോക്കികോളണം എന്ന് കുറുപ്പെഴുതി പാൻസിന്റെ പോക്കറ്റിൽ സൂക്ഷിച്ചു; മകനോട് ആവശ്യപ്പെട്ടത് അമ്മയെ നോക്കണമെന്നും; നെയ്യാറ്റിൻകരക്കാർ ആഘോഷമാക്കിയപ്പോൾ കല്ലമ്പലത്ത് മാധ്യമ വിചാരണയിൽ കടുത്ത രോഷം
മകളേയും ഭർത്താവിനേയും ചോദ്യം ചെയ്തപ്പോൾ അച്ഛന്റേയും അമ്മയുടേയും ഒളിത്താവളം പൊലീസ് അറിഞ്ഞു; അറസ്റ്റിലായതോടെ മാനസികമായി തകർന്നു; ആരും കാണാതെ മുങ്ങിയത് ആറാം നിലയിൽ നിന്ന് ചാടാനും; നൂറു വർഷത്തെ പാരമ്പര്യവും കണ്ണായ സ്ഥലത്ത് ആസ്തികളുണ്ടായിട്ടും 'കുന്നത്തുകളത്തിൽ' പൊളിഞ്ഞത് എങ്ങനെ? മുതലാളിയെ കടക്കാരനാക്കിയത് മക്കളുടേയും മരുമക്കളുടേയും അടിപൊളി ജീവിതം; വിശ്വനാഥന്റെ ആത്മഹത്യ തകർത്തത് തട്ടിപ്പിനിരയായ പാവങ്ങളുടെ അവസാന പ്രതീക്ഷകളെ
നെയ്യാറ്റിൻകര സനൽ വധക്കേസിലെ പ്രതി ഡിവൈഎസ്‌പി ബി ഹരികുമാർ ആത്മഹത്യ ചെയ്തു; ഒളിവിൽ പോയ പ്രതിയെ തൂങ്ങിമരിച്ച നിലയിൽ കാണപ്പെട്ടത് കല്ലമ്പലത്തെ സ്വന്തം വസതിയിൽ; ഉദ്യോഗസ്ഥൻ ആത്മഹത്യ ചെയ്തതുകൊല്ലപ്പെട്ട സനലിന്റെ കുടുംബം കുറ്റവാളിയെ പിടികൂടണമെന്ന് ആവശ്യപ്പെട്ട് സത്യാഗ്രഹം ആരംഭിച്ചതിനും കൊലപാതക കുറ്റം നിലനിൽക്കുമെന്ന് ക്രൈംബ്രാഞ്ച് വ്യക്തമാക്കുകയും ചെയ്തതിന് പിന്നാലെ; ദൈവത്തിന്റെ വിധി നടപ്പിലായെന്ന് സനലിന്റെ കുടുംബം