1 usd = 72.24 inr 1 gbp = 94.44 inr 1 eur = 85.02 inr 1 aed = 19.67 inr 1 sar = 19.29 inr 1 kwd = 238.52 inr

Sep / 2018
23
Sunday

ജ്വാലയുടെ വളർച്ചയ്ക്കിടെ അശ്വതിക്കു നേരിടേണ്ടി വന്നതു പ്രതിസന്ധികളുടെ വൻ മല; എതിർത്തവരിൽ ഉദ്യോഗസ്ഥർ മുതൽ സാധാരണക്കാർ വരെ; അമൃതാനന്ദമയി ആകാനുള്ള ശ്രമമാണോ എന്നും പരിഹാസം; ഇനി ലക്ഷ്യം തെരുവിൽ അലയുന്നവർക്കു വേണ്ടിയുള്ള പുനരധിവാസ കേന്ദ്രം

April 22, 2016 | 07:58 AM IST | Permalink



ജ്വാലയുടെ വളർച്ചയ്ക്കിടെ അശ്വതിക്കു നേരിടേണ്ടി വന്നതു പ്രതിസന്ധികളുടെ വൻ മല; എതിർത്തവരിൽ ഉദ്യോഗസ്ഥർ മുതൽ സാധാരണക്കാർ വരെ; അമൃതാനന്ദമയി ആകാനുള്ള ശ്രമമാണോ എന്നും പരിഹാസം; ഇനി ലക്ഷ്യം തെരുവിൽ അലയുന്നവർക്കു വേണ്ടിയുള്ള പുനരധിവാസ കേന്ദ്രം

പി ജി എസ് സൂരജ്

നിത്യവൃത്തിക്കുപോലും വകയില്ലാത്ത കുടുംബത്തിൽ ജനിച്ചുവളർന്ന അശ്വതി എന്ന ഇരുപത്തെട്ടുകാരിയുടെ ഭക്ഷണപ്പൊതി വരുന്നതും കാത്ത് ഇന്ന് തിരുവനന്തപുരം നഗരത്തിന്റെ തെരുവോരങ്ങളിൽ നിരവധി മനുഷ്യ ജീവിതങ്ങൾ ഉണ്ട്. യാചകർ, മാനസിക രോഗികൾ, അനാഥരായ കുട്ടികൾ അങ്ങനെ കടത്തിണ്ണകളിലും മരച്ചുവട്ടിലും അന്തിയുറങ്ങുന്ന തെരുവിലെ ജീവിതങ്ങൾക്ക് ഉച്ചഭക്ഷണം എത്തിക്കുന്ന ജ്വാല ഫൗണ്ടേഷന്റെ സ്ഥാപകയാണ് അശ്വതി.

ദുരിതങ്ങളും പട്ടിണിയും മാത്രം കണ്ടു ചേരിയിൽ ജനിച്ചുവളർന്ന അശ്വതിയുടെ മനസ്സിൽ ഉദിച്ച ആശയത്തിനു സഹായഹസ്തവുമായി നൂറുകണക്കിന് ഫേസ്‌ബുക്ക് സുഹൃത്തുകൾ ഉണ്ട് . ഇത്തരം സാമൂഹിക പ്രവർത്തനങ്ങൾക്കിടയിലും ചില കോണുകളിൽ നിന്നു നേരിടേണ്ടി വന്നിട്ടുള്ള വെല്ലുവിളികളെക്കുറിച്ചും തിക്താനുഭവങ്ങളെക്കുറിച്ചും അശ്വതി മറുനാടനു മുന്നിൽ മനസു തുറക്കുന്നു.

  • ജ്വാല പിറവിയെടുത്തത്?

2013ൽ ആയിരുന്നു ഈ ആശയത്തിന്റെ തുടക്കം. തിരുവനന്തപുരം ജനറൽ ആശുപത്രിയിലെ ഒമ്പതാം വാർഡിലെ ശോചനീയ അവസ്ഥയെക്കുറിച്ചു ധാരാളം വാർത്തകൾ അപ്പോൾ മാദ്ധ്യമങ്ങളിൽ വരാറുണ്ടായിരുന്നു. ആരോരുമില്ലാത്ത അനാഥരായ രോഗികൾ മാത്രം കിടക്കുന്ന ഒമ്പതാം വാർഡിൽ ഭക്ഷണം എത്തിക്കുകയാണെങ്കിൽ അത് രോഗികൾക്കു വലിയ ആശ്വാസമാകും. ഞാൻ അന്ന് മെഡിക്കൽ റെപ്രസെന്റേറ്റീവായി ജോലി നോക്കുകയായിരുന്നു. മോശമല്ലാത്ത ശമ്പളവും ഉണ്ടായിരുന്നു.

ഒരുപാടു പ്രതീക്ഷകളോടെയും സന്തോഷത്തോടെയും ഒരു ദിവസം ഞാനും എന്റെ സുഹൃത്തുക്കളും കൂടി ഭക്ഷണസാധനങ്ങളുമായി ജനറൽ ആശുപത്രിയിൽ എത്തി. എന്നാൽ ഞങ്ങളെ ആശുപത്രി അധികൃതർ ഭക്ഷണം വിതരണം ചെയ്യാൻ അനുവദിച്ചില്ല. റൂറൽ മെഡിക്കൽ ഓഫീസറുടെ അനുമതി വാങ്ങിവന്നാലേ ഭക്ഷണം വിതരണം ചെയ്യാൻ അനുവദിക്കുകയുള്ളൂ എന്നവർ പറഞ്ഞു. അങ്ങനെ ഞങ്ങൾ അനുവാദത്തിനു വേണ്ടി റൂറൽ മെഡിക്കൽ ഓഫീസറുടെ അടുത്ത് ചെന്നു. എന്നാൽ ആ ഉദ്യോഗസ്ഥന്റെ മറുപടി ഞങ്ങളെ തീർത്തും നിരാശരാക്കി. 'നിങ്ങളെപ്പോലുള്ള കുറെ കോളേജ് പിള്ളേർ വേഷോംകെട്ടി ചാരിറ്റി എന്നും സാമൂഹ്യ സേവനോം എന്നും പറഞ്ഞു ഇറങ്ങീട്ടുണ്ട്. ഇവിടെ ഇപ്പോൾ ആവശ്യത്തിന് ഞങ്ങൾ അവർക്ക് ആഹാരം കൊടുക്കുന്നുണ്ട്. തൽക്കാലം എനിക്ക് ഇതിന് അനുമതി തരാൻ കഴിയില്ല'.

ആ സമയത്ത് ആഹാരവും മറ്റു പരിചരണവും ലഭിക്കാതെ ഒമ്പതാം വാർഡിലെ പല രോഗികളും മരിച്ചതായുള്ള വാർത്തകൾ പത്രങ്ങളിൽ വരാറുണ്ടായിരുന്നു. അനാഥരായതുകൊണ്ട് ആരും ചോദ്യം ചെയ്യാനും വരില്ല. എനിക്ക് സത്യത്തിൽ വാശിയായി. ഞാൻ ജില്ലാ മെഡിക്കൽ ഓഫീസറെ നേരിൽ കണ്ടു കാര്യം പറഞ്ഞു. എന്നാൽ അദ്ദേഹത്തിന്റെ മറുപടി ഞങ്ങളെ ഞെട്ടിച്ചു. 'നിങ്ങൾ ഈ ഭക്ഷണം ഒക്കെ കൊടുത്താൽ അവസാനം അവറ്റകളുടെ വയറ്റീന്നു പോകുന്ന മലം വാരാൻ പോലും ഇവിടെ സ്റ്റാഫ് ഇല്ല'.

ഞാനും എന്റെ സുഹൃത്തുകളും തീർത്തും നിരാശരായി. അവസാനം അത് നടക്കില്ല എന്ന് മനസിലായപ്പോൾ ആണ് ഒരു നേരത്തെ ആഹാരം പോലും കിട്ടാതെ തെരുവിൽ അലഞ്ഞു തിരിയുന്നവർക്കു ഭക്ഷണം കൊടുത്താൽ നന്നായിരിക്കും എന്ന് തോന്നിയത്. എന്നാൽ വിചാരിച്ചതുപോലെ അത് അത്രയ്ക്ക് എളുപ്പമായിരുന്നില്ല.

തെരുവിൽ കിടക്കുന്ന ആളുകളിൽ ചിലരുടെ അടുത്തേയ്ക്ക് ഒന്നും പോകാൻ കഴിയാത്ത അവസ്ഥയായിരുന്നു. മാനസിക നില തെറ്റി സ്വബോധം നശിച്ച നിരവധിപേർ ഉണ്ട്. അവർ എന്തുചെയ്യുമെന്ന് പറയാൻ കഴിയില്ല. കുറേ നേരം നിരീക്ഷിച്ചശേഷം മാത്രമേ അവരുടെ അടുത്തേയ്ക്ക് പോകാൻ കഴിയൂ. തമ്പാനൂർ ഭാഗത്ത് നിന്ന് ഇത്തരം രോഗികളും ആയി സംസാരിച്ചു നിൽക്കുമ്പോൾ പലരും അടുത്ത് വന്നു 'കൂടെ വരുന്നോ' എന്ന് ചോദിച്ചിട്ടുണ്ട്. തമ്പാനൂർ ഭാഗത്ത് ഒരു സ്ഥലത്ത് ഒതുങ്ങി ഏതെങ്കിലും സ്ത്രീ നില്ക്കുകയാണെങ്കിൽ ഇത്തരക്കാർ അടുത്ത് വന്നു അസഭ്യങ്ങൾ പറയുന്നത് പതിവാണ്. അത്തരം സംഭവങ്ങൾ ഒന്നും മനസ്സിനെ തളർത്തിയില്ല.

ദിവസവും പത്തു പേർക്കെന്ന കണക്കിലായിരുന്നു ഉച്ചഭക്ഷണം വിതരണം ചെയ്തിരുന്നത്. എന്നാൽ ഒരു മഴപെയ്താൽ തന്നെയും അവർക്ക് ഉടുക്കാൻ വസ്ത്രമോ ഭക്ഷണം കഴിക്കാൻ ഒരിടമോ ഇല്ലാത്ത അവസ്ഥയിൽ ഭക്ഷണ പൊതി വിതരണം ചെയ്തിട്ട് വലിയ കാര്യമൊന്നുമില്ല എന്ന് എനിക്ക് തോന്നി. അങ്ങനെ പേരൂർക്കട മാനസിക ആരോഗ്യകേന്ദ്രവുമായി ബന്ധപ്പെട്ടു തെരുവിൽ കിടക്കുന്ന മാനസിക രോഗികളെ അങ്ങോട്ടേയ്ക്ക് മാറ്റി. പിന്നീടാണ് ജ്വാല ഫൗണ്ടേഷൻ എന്ന സംഘടന രജിസ്റ്റർ ചെയ്തത്. മെഡിക്കൽ കോളേജിലെ ഡോക്ടർമാരുമായി സഹകരിച്ചുകൊണ്ട് മെഡിക്കൽ ക്യാംപുകൾ സംഘടിപ്പിച്ചു. കേരളത്തിൽ ആദ്യമായിട്ടായിരുന്നു ആരോരുമില്ലാതെ തെരുവിൽ കിടക്കുന്നവരെ ഒരു സ്ഥലത്തുകൊണ്ടുവന്നു ഒരു മെഡിക്കൽ ക്യാമ്പ് നടത്തുന്നത്. എയ്ഡ്‌സ്, ക്യാൻസർ, ക്ഷയം തുടങ്ങിയ മാരകമായ അസുഖം ബാധിച്ചവരും അക്കൂട്ടത്തിൽ ഉണ്ടായിരുന്നു. പല രോഗികളെയും ആശുപത്രിയിൽ അഡ്‌മിറ്റ് ചെയ്തു. തെരുവിൽ നിന്നും അസുഖം ഒന്നുമില്ലതവരെ കണ്ടെത്തി കാര്യം പറഞ്ഞു മനസിലാക്കി ആശുപത്രിയിൽ രോഗികളുടെ കൂട്ടിരിപ്പുകാരാക്കി. അപ്പോൾ അവരുടെ മരുന്നിനും മറ്റും വലിയ തുക ആവശ്യമായി വന്നു. ഈ വാർത്തകളെല്ലാം ഞാൻ ഫേസ്‌ബുക്കിൽ അപ്‌ഡേറ്റ് ചെയ്യുന്നുണ്ടായിരുന്നു. അതുകണ്ട് പലരും സഹായഹസ്തവുമായി വന്നു. അവരെല്ലാം അയച്ചുതന്ന പണം കൊണ്ട് മരുന്നും മറ്റു ആശുപത്രി ചിലവുകളും നടത്തി.

നടക്കാൻപോലും കഴിയാത്ത പലരും രോഗമെല്ലാം ഭേദമായി എണീറ്റ് നടക്കാം എന്ന അവസ്ഥയിൽ ആയി. എന്നാൽ രോഗം ഭേദമായതിനു ശേഷം വീണ്ടും അവരെ തെരുവിലേയ്ക്ക് തന്നെ വിടാൻ എനിക്ക് മനസ് വന്നില്ല. ഇത്രയുമൊക്കെ ചെയ്തതിൽ പിന്നെ അർത്ഥമൊന്നും ഇല്ലാതാകും. രോഗം ഭേദമായവരിൽ നിന്ന് 25 പേരെ തിരഞ്ഞെടുത്തു ഉപജീവന മാർഗം എന്ന നിലയിൽ ഒരാൾക്ക് 2000 രൂപ വീതം എന്ന കണക്കിൽ ലോട്ടറി വില്ക്കുന്ന ബോർഡ് ഉൾപ്പെടെ ലോട്ടറി ടിക്കറ്റ് എടുത്തു കൊടുത്തു. അതിനു ജ്വാല ഭാഗ്യ തെരുവ് എന്ന പേരും കൊടുത്തു. അതിൽ ഇരുപതോളംപേർ നല്ല രീതിയിൽ തന്നെ ടിക്കറ്റ് വിറ്റ് അതിൽ നിന്നും കിട്ടുന്ന വരുമാനത്തിൽ ജീവിക്കാൻ തുടങ്ങി. മാത്രമല്ല മാസങ്ങൾ കഴിഞ്ഞപ്പോൾ പലരുടെയും കീഴിൽ ഒരാളെ കൂടി വച്ച് ബിസിനസ്സായി വിപുലീകരിക്കുകയും ചെയ്തു. അതെല്ലാം കണ്ടപ്പോൾ എനിക്കും എന്റെ കൂടെയുള്ളവർക്കും വളരെ സന്തോഷമായി. ഞങ്ങളുടെ പ്രവർത്തനനങ്ങൾ സമൂഹത്തിൽ ഫലം കണ്ടു തുടങ്ങിയതിൽ ഞങ്ങൾക്ക് ആത്മവിശ്വാസം വർധിക്കുകയാണുണ്ടായത്.

ലോട്ടറി ടിക്കറ്റ് വില്പനയിൽ വിജയിച്ചവരിൽ നിന്നും ഞങ്ങൾ ഒരാൾക്ക് 20,000 രൂപ ചെലവിൽ പെട്ടിക്കട കച്ചവടം നടത്താനുള്ള ഏർപ്പാടുണ്ടാക്കി. മൊത്തം കവറിങ് ചെയ്തു പെട്ടിക്കടയ്ക്കാവശ്യമായ സാധനങ്ങൾ എല്ലാം ഞങ്ങൾ വാങ്ങിക്കൊടുത്തു. ഇതുവരെ തിരുവനന്തപുരം നഗരത്തിന്റെ വിവിധയിടങ്ങളിൽ ആയി 12 പെട്ടിക്കടകൾ ഞങ്ങൾ വിതരണം ചെയ്തു. അവർ അത് വിജയകരമായി നടത്തിവരികയും ചെയ്യുന്നു. എല്ലാമാസവും അവരുടെ കച്ചവടവും മറ്റു കാര്യങ്ങളും ശരിയായ രീതിയിൽ തന്നെയാണോ നടക്കുന്നതെന്ന് ഞങ്ങൾ പരിശോധിക്കുകയും ചെയ്യും.

ഇതിനിടയിൽ തന്നെ ഞാൻ എൽഎൽബിക്ക് ചേർന്നു. ഇത്തരം പ്രവർത്തനങ്ങളിൽ ഉള്ള നിയമപരമായ അറിവുകൾക്കും പിന്നെ ഒരു ധൈര്യത്തിനും കൂടിയായിരുന്നു അത്. ഫേസ്‌ബുക്കിലൂടെ മാസംതോറും സ്ഥിരമായി പതിനഞ്ചുപേർ ഒരു നിശ്ചിത തുക എനിക്ക് അയച്ചുതരാറുണ്ട്. സോഷ്യൽ മീഡിയയിലൂടെ ഈ വാർത്തകളൊക്കെ അറിഞ്ഞു പല സ്ഥലങ്ങളിൽ നിന്നും പേരുപോലും അറിയാത്ത നിരവധി ആളുകൾ എനിക്ക് കാശു അയച്ചു തരാറുണ്ട്. ഇപ്പോൾ ദിവസവും 150 പേർക്ക് ഉച്ചഭക്ഷണം നല്കുന്നുണ്ട്. അതിനുവേണ്ടി 7000 രൂപ മാസ വാടക കൊടുത്ത് ഒരു വീട് എടുത്തിട്ടുണ്ട്. ആദ്യം എന്റെ അമ്മയായിരുന്നു ഭക്ഷണം പാകം ചെയ്തിരുന്നത്. പിന്നീടു ഭക്ഷണപ്പൊതികളുടെ എണ്ണം കൂടിവന്നപ്പോൾ ഒരു സ്റ്റാഫിനെയും കൂടിവച്ചു. ഉച്ചയ്ക്കു ഭക്ഷണം എത്തിക്കാനായി 250 രൂപ കൂലികൊടുത്ത് ഓട്ടോയും ഏർപ്പാടാക്കി.

  • സാധാരണ വീട്ടിൽ ജനിച്ചു വളർന്ന അശ്വതിക്ക് ഇത്തരം സാമൂഹിക പ്രവർത്തണനങ്ങൾക്കുള്ള പ്രചോദനം എന്തായിരുന്നു?

തിരുവനന്തപുരം മുട്ടത്തറയിലെ ഒരു ചേരിയിലാണ് ഞാൻ ജനിച്ചു വളർന്നത്. കുട്ടിക്കാലത്ത് പലപ്പോഴും ഞാൻ പട്ടിണി കിടന്നിട്ടുണ്ട്. എനിക്ക് നാലു വയസുള്ളപ്പോൾ തന്നെ അച്ഛൻ മരിച്ചു. ഞങ്ങൾ മൂന്നു മക്കൾക്കും ഒരുനേരത്തെ ആഹാരത്തിനായി അമ്മ കഷ്ടപ്പെടുന്ന കാഴ്ചകൾ കണ്ടാണ് ഞങ്ങൾ വളർന്നത്. ചേരിയിലെ എല്ലാത്തരം കാഴ്ചകളും ഞാൻ കണ്ടിട്ടുണ്ട്. പല വീടുകളിലും വീട്ടു ജോലിക്ക് പോയി ആണ് അമ്മ ഞങ്ങളെ വളർത്തിയത്.

വിശപ്പിന്റെയും ആഹാരത്തിന്റെയും വില എന്തെന്ന് നല്ലതുപോലെ എനിക്ക് അറിയാമായിരുന്നു. ഈ കഷ്ടതകൾക്കിടയിലും അമ്മ ഞങ്ങൾക്കു നല്ല വസ്ത്രവും ഭക്ഷണവും നല്കി പഠിപ്പിച്ചു. അമ്മയുടെ അവസ്ഥ ഞങ്ങൾക്ക് ഉണ്ടാകരുതേ എന്ന് അമ്മ ആഗ്രഹിച്ചു. എനിക്ക് വേണമെങ്കിൽ എന്റെയും കുടുംബത്തിന്റെയും കാര്യം നോക്കി ജീവിക്കാമായിരുന്നു. പക്ഷെ ഒരു നേരത്തെ ആഹാരത്തിനായി തെരുവിൽ അലഞ്ഞു തിരിയുന്നവരെ കാണുമ്പോൾ സങ്കടം തോന്നും. അവർക്ക് ആഹാരം കൊടുക്കുമ്പോഴും, സഹായിക്കുമ്പോഴും കിട്ടുന്ന സന്തോഷവും ഒരുതരം ലഹരിയും പറഞ്ഞറിയിക്കാൻ കഴിയില്ല. ആ ലഹരിയിൽ ആണ് ഞാനും എന്റെ കുടുംബവും ഇന്ന് ജീവിക്കുന്നത്.

  • ജനങ്ങളുടെ പ്രതികരണത്തെക്കുറിച്ച്?

ലതരം ആക്ഷേപങ്ങൾ ഇതിനോടകം ഞാൻ കേട്ടിട്ടുണ്ട്. ഞാൻ ചെയ്യുന്ന ഇത്തരം കാര്യങ്ങളുടെയെല്ലാം ഫോട്ടോയും വാർത്തകളും ഞാൻ ഫേസ്‌ബുക്കിൽ ഇടാറുണ്ട്. പലരുടെയും കമന്റുകൾ കണ്ടാൽ മനസു തളർന്നു പോകും. അമൃതാനന്ദമയി ആകാനുള്ള ശ്രമമാണോ എന്ന് ഒരാൾ ചോദിച്ചു. ഇങ്ങനെ ഫോട്ടോ ഇട്ടു പബ്ലിസിറ്റി നേടുന്നതിലും നല്ലത് വേറെ എന്തെങ്കിലും പണിക്കു പോകുന്നതല്ലേ എന്നും ചോദിച്ചവരുണ്ട്. ഇത്തരം കമന്റുകൾ കാണുമ്പോൾ ആദ്യം മനസൊന്നു വേദനിക്കുമെങ്കിലും പിന്നീട് അർഹിക്കുന്ന അവജ്ഞയോടെ ഞാൻ അത് തള്ളിക്കളയും. എനിക്ക് എല്ലാവിധ പിന്തുതണയും നല്കിക്കൊണ്ട് എന്റെ ഭർത്താവും അമ്മയും സുഹൃത്തുക്കളും എപ്പോഴും എന്റെ കൂടെത്തന്നെയുണ്ട്. അശ്വതി നായർ എന്നായിരുന്നു ആദ്യം ഞാൻ ഫേസ്‌ബുക്ക് പ്രൊഫൈൽ നെയിം ആയി ഇട്ടിരുന്നത്. അതിന്റെ പേരിലും പലരും ആക്ഷേപവുമായി എത്തി. ഇപ്പോൾ സോഷ്യൽ മീഡിയയിലൂടെ പരസ്യമായി വർഗീയ വിഷം ചീറ്റുന്നവരുടെ എണ്ണം ദിനംപ്രതി വർധിക്കുകയാണ്. അങ്ങനെ ഞാൻ എന്റെ പ്രൊഫൈൽ നെയിം അശ്വതി ജ്വാല എന്നാക്കി. കാരണം ജ്വലയ്ക്ക് മുന്നോട്ട് പോകാൻ എല്ലാവരുടെയും സപ്പോർട്ട് ആവശ്യമായിരുന്നു.

ഇന്ന് അനവധി സംഘടനകൾ തിരുവനന്തപുരം നഗരത്തിൽ ഭക്ഷണം വിതരണം ചെയ്യുന്നുണ്ട്. എല്ലാവരും മെഡിക്കൽ കോളേജിലും മറ്റു ആശുപത്രികളിലും കൊണ്ടുവന്നാണ് കൊടുക്കുന്നത്. രോഗികളുടെ കൂട്ടിരിപ്പുകാർക്കാണ് അതിന്റെ പ്രയോജനം ലഭിക്കുക. ഒരു കിലോ അരിക്ക് 35 രൂപ കൊടുത്താണ് ഓരോ ദിവസവും ഭക്ഷണം ഉണ്ടാക്കുന്നത്. അതുകൊണ്ട് തന്നെ അത് അർഹതപ്പെട്ട കൈകളിൽ ആണോ ലഭിക്കുന്നത് എന്ന് ആരും പരിശോധിക്കാറില്ല.

  • എന്താണ് ജ്വാലയുടെ ഭാവി പ്രവർത്തനങ്ങൾ?

തെരുവിൽ കിടക്കുന്നവർക്കു വേണ്ടിയുള്ള സമഗ്രമായ ഒരു പുനരധിവാസ കേന്ദ്രമാണ് ജ്വാലയുടെ സ്വപ്നം. ഈ വർഷം തന്നെ അതിന്റെ പ്രാരംഭ പ്രവർത്തനങ്ങൾ തുടങ്ങും. അവരവരുടെ പ്രായത്തിനനുസരിച്ചുള്ള തൊഴിലും തൊഴിലവസരങ്ങളും സൃഷ്ടിക്കുക. കുട്ടികൾക്ക് വിദ്യാഭ്യാസം, സ്ത്രീകൾക്കു കുടുംബശ്രീയുമായി ചേർന്നുള്ള തൊഴിലവസരങ്ങൾ ഉണ്ടാക്കുക അങ്ങനെ ബൃഹത്തായ പദ്ധതിയാണ് മനസ്സിൽ. സോഷ്യൽ മീഡിയയിലെ എന്റെ സുഹൃത്തുകളും ആയി കൂടിയാലോചന നടത്തിയും വേണ്ട ഉപദേശങ്ങൾ സ്വീകരിച്ചും മാത്രം നടപ്പിലാക്കുന്ന ഒരു പദ്ധതിയായിരിക്കും അത്.

പല അനാഥാലയങ്ങളിലും പുനരധിവാസ കേന്ദ്രങ്ങളിലും എന്താണ് നടക്കുന്നതെന്ന് നമുക്ക് അറിയില്ല. നമ്മൾ അവിടെ ചെല്ലുമ്പോൾ കാണുന്ന ഒരു കാഴ്ചയുണ്ട്. കരളലിയിക്കുന്ന കാര്യങ്ങൾ കാണുന്ന തരത്തിലാകും അവിടങ്ങളിൽ ക്രമീകരണം. ചെന്നു കാണുന്നവർ വലിയ ഒരു തുക സംഭാവനയായി നല്കിയ ശേഷം മടങ്ങുന്നു. പിന്നീട് അവിടെ എന്ത് നടക്കുന്നു എന്ന് ആർക്കും അറിയില്ല. വലിയ ലാഭമുള്ള ബിസിനസായി ഇന്ന് വയോധികസദനം നടത്തുന്നവർ ഒരുപാടുപേർ ഉണ്ട്. രാഷ്ട്രീയക്കാരോ സെലിബ്രിറ്റികളോ വരുമ്പോൾ വെറും പ്രദർശനവസ്തുക്കളായി അവരെ ഇരുത്തുന്നു. അത്തരം സമീപനങ്ങളൊക്കെ മാറുംവിധത്തിൽ പുനരധിവാസ കേന്ദ്രം തുടങ്ങണം എന്നാണ് ഞാൻ ആഗ്രഹിക്കുന്നത്.

ചാരിറ്റി പ്രവർത്തനങ്ങളിൽ വളരെയധികം മത്സരം നടക്കുന്ന നഗരമാണ് തിരുവനന്തപുരം. പുതിയ ആളുകൾ ചാരിറ്റി പ്രവർത്തനങ്ങളിലേക്കു കടന്നുവരുന്നത് പലർക്കും ഇഷ്ടമല്ല. നമ്മൾ കാരുണ്യത്തിന്റെ മൂർത്തിമദ്ഭാവങ്ങളായി കാണുന്ന പലരും എനിക്കെതിരെ പല കുപ്രചാരണങ്ങളും നടത്തിയിട്ടുണ്ട്. പലരുടെയും പേരിൽ എനിക്ക് വനിതാ കമ്മീഷനിൽ കേസ് കൊടുക്കേണ്ടിയും വന്നിട്ടുണ്ട്. സമൂഹത്തിൽ എന്ത് നല്ല പ്രവർത്തനങ്ങൾ ചെയ്താലും ഒരു വിഭാഗം അതിനെ ശക്തമായി വിമർശിക്കുന്നു. എനിക്ക് കോടികളുടെ വിദേശഫണ്ട് ഉണ്ട് എന്ന് പ്രചാരണം നടത്തുന്നവർ വരെ ഉണ്ട്. എന്നാൽ എന്റെ എല്ലാ പ്രവർത്തനങ്ങളും മനസിലാക്കി വളരെ സത്യസന്ധമായി സഹായിക്കുകയും പിന്തുണയ്ക്കുകയും ചെയ്യുന്ന സോഷ്യൽ മീഡിയയിലെ സുഹൃത്തുകൾ ആണ് എന്റെ ശക്തിയും വിശ്വാസവും.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
പെണ്ണുകേസിൽ അകത്താകുന്ന ആദ്യ ഇന്ത്യൻ കത്തോലിക്കാ മെത്രാനെന്ന പദവി ഫ്രാങ്കോയെ തേടി എത്തുന്നത് നിർഭാഗ്യം കൊണ്ട്; മലയാളികളായ രണ്ട് മെത്രാന്മാർ തലനാരിഴക്ക് രക്ഷപെട്ടത് വത്തിക്കാന്റെ സമയോചിത ഇടപെടൽ മൂലം; ജോൺ തട്ടുങ്കലും ജോസ് മുക്കാലയും പൊലീസ് കേസാകും മുമ്പ് പദവി ഒഴിഞ്ഞതു പോലെ ഫ്രാങ്കോയും ചെയ്തിരുന്നെങ്കിൽ രക്ഷപെടുമായിരുന്നു; അമിത ആത്മവിശ്വാസം ഫ്രാങ്കോയെ വിലങ്ങണിയിച്ചപ്പോൾ ആശ്വാസനിശ്വാസം വിട്ടു രണ്ട് മുൻ മെത്രാന്മാർ
വല്ലാത്ത ശബ്ദത്തോടെ കൊടുംവളവ് തിരിഞ്ഞുവന്ന ബസിന്റെ ചക്രങ്ങൾ റോഡിൽ നിന്ന് തെറിച്ച് പുറത്തേക്ക് പോയപ്പോൾ കൂട്ടനിലവിളി ഉയർന്നു; വലതുഭാഗത്തെ കൊക്കയിലേക്ക് അതിവേഗം ചെരിയുന്ന ബസ്; എന്തുചെയ്യണമെന്നറിയാതെ ഒരുനിമിഷം വിറങ്ങലിച്ചുനിന്നെങ്കിലും പെട്ടെന്നുള്ള ബുദ്ധിയിൽ ജെസിബി പ്രവർത്തിപ്പിച്ച് ബസിനെ യന്ത്രക്കൈകളിൽ താങ്ങി നിർത്തി; രാജാക്കാട്ട് 80 പേരുടെ ജീവൻ കാത്തത് ദൈവത്തിന്റെ കരങ്ങൾ തന്നെയെന്ന് യന്ത്രക്കൈയുടെ അമരത്തിരുന്ന കപിൽദേവ് മറുനാടനോട്
അറസ്റ്റിൽ ആശയക്കുഴപ്പങ്ങൾ നീങ്ങിയത് രണ്ട് കന്യാസ്ത്രീകൾ കൂടി ലൈംഗിക ആരോപണം ഉന്നയിച്ചു പരാതി നൽകിതോടെ; ഇപ്പോഴത്തെ കേസിൽ പുറത്തിറങ്ങിയാലും ഫ്രാങ്കോ വീണ്ടും അകത്താകും; കന്യാസ്ത്രീകൾക്ക് പ്രണയ നൈരാശ്യം ആണെന്ന് സ്ഥാപിക്കാൻ കൃത്രിമമായി ചമച്ച കോൾ റെക്കോർഡുകളും വിനയായി; ബിഷപ്പിന്റെ ഓരോ വാക്കുകളും കേട്ട് വിലയിരുത്തിയ ശേഷം അറസ്റ്റു ഉത്തരവ് നൽകിയത് ഡിജിപി നേരിട്ട്: അവസാന നിമിഷം വരെ നിഷേധിച്ചിട്ടും ഫ്രാങ്കോ അകത്തായത് ഇങ്ങനെ
വിശ്വാസ സമൂഹത്തെ നാണംകെടുത്തി ഫ്രാങ്കോ മുളയ്ക്കൽ ജയിൽ കയറുമ്പോൾ നാണക്കേടിന്റെ അച്ചുനിരത്തി ആഞ്ഞടിച്ചു ലോക മാധ്യമങ്ങൾ; അറസ്റ്റു വൈകിയത് പൊലീസിനും സർക്കാരിനും ചീത്തപ്പേര്; ബ്രിട്ടനിലും അമേരിക്കയിലും ഏഷ്യൻ രാജ്യങ്ങളിലും പത്രങ്ങളിൽ തലക്കെട്ടുകളിൽ നിറഞ്ഞ് ബിഷപ്പ് ഫ്രാങ്കോ; വത്തിക്കാനെയും പിടിച്ചുകുലുക്കിയ സംഭവം ഗതികെട്ട് കത്തോലിക്കാ മാധ്യമങ്ങളും വാർത്തയാക്കി
ഫ്രാങ്കോയെ ജലന്ധറിൽ കരുത്തനാക്കിയത് ബ്രിട്ടനിൽ നിന്നെത്തിയ ഫാ: മാർക്ക് ബർണാസിന്റെ വെടിപൊട്ടിയുള്ള മരണം; തന്നെ കണ്ണ് വെച്ചിരുന്ന ബിഷപ്പ് സിംഫോറിയനെ അടിക്കാൻ വൈദികന്റെ മരണത്തെ കൂട്ടുപിടിച്ചു ഫ്രാങ്കോ; മാർക്കിന്റെ ശാപവും പേറിയ ജലന്ധർ രൂപതയിൽ ഒടുവിൽ ഇടിത്തീയായി പീഡനകേസ്; 13 വർഷം പിന്നിലേക്ക് പോയാൽ തെളിയുന്നതും ഫ്രാങ്കോയുടെ കുതികാൽ വെട്ടിന്റെയും കള്ളക്കളിയുടെയും കഥ
ഇത് ഇരയായ കന്യാസ്ത്രിയുടെ മാത്രം വിജയമല്ല; നീതിക്കു വേണ്ടി സഭയുടെ വിലക്കുകൾ ഭേദിച്ച് സമരപ്പന്തലിലേക്ക് ഇറങ്ങിയ അഞ്ച് കന്യാസ്ത്രീമാരുടെ കൂടി വിജയം: ബിഷപ്പിന് വേണ്ടി ഭരണ പക്ഷവും പ്രതിപക്ഷവും ഒരുമിച്ച് നിന്നപ്പോൾ സഹനമല്ല പ്രതിരോധമാണെന്ന് തിരിച്ചറിഞ്ഞ ആ അഞ്ച് കന്യാസ്ത്രീകൾക്ക് കയ്യടിച്ച് സോഷ്യൽ മീഡിയയും
ഷൂട്ടിങ്ങിനു വേണ്ടി വാടകയ്ക്ക് നൽകിയ വീട്ടിൽ നിന്നും മകളും കൂട്ടുകാരും ഇറങ്ങി പോയില്ല; നടൻ വിജയ്കുമാറിന്റെ പരാതിയിൽ മകൾ വനിതയേയും കൂട്ടുകാരേയും പൊലീസെത്തി വീട്ടിൽ നിന്നും ഇറക്കി വിട്ടു: അച്ഛൻ തന്നെയും സുഹൃത്തുക്കളേയും ഗുണ്ടകളെ ഉപയോഗിച്ച് തല്ലിയിറക്കിയെന്ന് പറഞ്ഞ് മാധ്യമങ്ങൾക്ക് മുന്നിൽ പൊട്ടിക്കരഞ്ഞ് നടി വനിത
തിരുവനന്തപുരത്ത് മോഹൻലാൽ...കൊല്ലത്ത് സുരേഷ് ഗോപി...എറണാകുളത്ത് ശ്രീശാന്ത്; ഡൽഹയിൽ സേവാഗും അക്ഷയ് കുമാറും; മുംബൈ പിടിക്കാൻ സാക്ഷാൽ മാധുരി ദീക്ഷിത്ത്; സണ്ണി ഡിയോളിനേയും മത്സരിപ്പിക്കാൻ ആഗ്രഹം; ലോകസഭയിൽ 350 കടക്കാൻ 70ഓളം പ്രമുഖരെ രംഗത്തിറക്കാൻ പദ്ധതിയുമായി അമിത് ഷാ; മനസ്സ് തുറക്കാത്തത് മോഹൻലാൽ മാത്രം; പരിവാറിലൂടെ സൂപ്പർ സ്റ്റാറും അടുക്കുമെന്ന് പ്രതീക്ഷ; മോദി ഭരണം ഉറപ്പിക്കാൻ ബിജെപി തന്ത്രങ്ങൾ ഇങ്ങനെ
ബഷീർ ബഷിക്കെതിരെ പൊലീസിനെ സമീപിച്ച് രണ്ടാം ഭാര്യ! ആദ്യ ഭാര്യയ്‌ക്കൊപ്പം തന്നെ ലിവിങ് ടുഗെദർ ബന്ധത്തിലേർപ്പെട്ട തന്നെ വഞ്ചിച്ചെന്ന് ആരോപിച്ച് ബഷിക്കെതിരെ മോഡലായ യുവതി രംഗത്ത്; ബിഗ് ബോസിൽ നിന്നും പുറത്തായ ബഷീർ ബഷി അഴിയെണ്ണേണ്ടി വരുമോ? ബിഗ് ബോസിലെ സെലബ്രിറ്റി പരിവേഷം ഫ്രീക്കൻ ബഷിക്ക് രക്ഷയാകുമോ?
അവൻ നമ്മുടെയാളല്ല തട്ടിയേക്കൂ എന്നു ഫോണിൽ പറയുന്ന മെത്രാൻ! കൂട്ടിക്കൊടുപ്പുകാരിയുടെ തലത്തിലേക്ക് അധ:പതിച്ച മദർ സുപ്പീരിയർ; സ്വത്ത് വരെ സഭയ്ക്ക് നൽകി നിത്യവ്രതം അനുഷ്ഠിക്കുന്നതിനാൽ പുറത്താക്കാൻ ആർക്കും കഴിയില്ല; പ്രശ്‌നത്തിനെല്ലാം കാരണം അമ്മയെ പിതാവിനൊപ്പം കിടക്കാൻ സമ്മതിക്കാത്തതും; ഫ്രാങ്കോയുടെ ക്രൂരതകൾ സിസ്റ്റർ അനുപമ ഓർത്തെടുക്കുമ്പോൾ
സമ്മതമില്ലാതെ ചുംബിക്കാൻ ശ്രമിച്ചു, വീട്ടിനടുത്തുള്ള സ്‌കൂൾ വിദ്യർത്ഥികളായ ആൺകുട്ടികളെ കാലങ്ങളെടുത്ത് വരുതിയിലാക്കി ലൈംഗികമായി ഉപയോഗിച്ചു'; നടൻ ഹരിനാരായണന്റെ മരണത്തിനിടയക്കിയത് ചില ഫെമിനിസ്റ്റുകളുടെ ഈ ഗുരുതര ആരോപണങ്ങളോ? അപവാദത്തിൽ മനസ്സുനീറി വിഷാദരോഗിയായി മാറിയ നടൻ അമിതമായ ഗുളിക കഴിച്ച് മരണം സ്വയം വരിച്ചുവോ? ജോൺ എബ്രഹാമിന്റെ പ്രിയപ്പെട്ട നടന്റെ മരണം ഒരുകൂട്ടം ഫെമിനിസ്റ്റുകൾ നടത്തിയ 'കൊല'യെന്ന് സുഹൃത്തുക്കൾ
രതി വൈകൃതം സുഗമമാക്കാൻ ഓരോ വിദ്യാർത്ഥിക്കും പ്രത്യേകം മുറികളൊരുക്കി; അച്ചൻ പട്ടം പോകാതിരിക്കാൻ പഞ്ചനക്ഷത്ര ഹോട്ടലിൽ എത്തിച്ച് വസ്ത്രങ്ങൾ വലിച്ചു കീറി പൂർണ്ണ നഗ്നനാക്കി ഇരയുടെ വിഡിയോ ഷൂട്ട് ചെയ്തു; കുളിമുറിയിൽ ഒളിച്ചിരുന്ന് ജനനേന്ദ്രിയത്തിൽ മർദ്ദനവും; പീഡനക്കേസിൽ 14 ദിവസത്തിനകം ജാമ്യം നേടിയിട്ടും ലൈംഗിക ഭീകരത പുറത്തെത്തിച്ച ഇരയേയും അച്ഛനേയും കഞ്ചാവ് കേസിൽ കുടുക്കാൻ കരുക്കൾ നീക്കി വീണ്ടും അഴിക്കുള്ളിലാക്കി; ഇരിട്ടിയിലെ മുൻ വൈദികൻ ജെയിംസ് തെക്കേമുറി ചില്ലറക്കാരനല്ല
ഒന്നുമറിയാത്തപോലെ കൈവീശി നിന്ന് സ്ത്രീകൾ അടുത്തു കൂടി നടന്നു പോകുമ്പോൾ പിന്നിൽ സ്പർശിക്കുന്ന ഏമാന്റെ ദൃശ്യങ്ങൾ സമൂഹ മാധ്യമങ്ങളിൽ; പട്ടാപ്പകൽ നടുറോഡിൽ ഡ്യൂട്ടിക്കിടയിൽ നടത്തുന്ന വിക്രിയകളിൽ ഇയാൾ വിദ്യാർത്ഥിനികളെ പോലെും വെറുതെ വിടുന്നില്ല; സംശയം തോന്നി ചിലർ തിരിഞ്ഞു നോക്കിയിട്ടും യാതൊരു കൂസലുമില്ലാതെ പിന്നെയും പരിപാടി തുടരുന്നു; സേനക്ക് ആകെ നാണക്കേടായ കാക്കിക്കുള്ളിലെ ഞരമ്പുരോഗി ഹോം ഗാർഡാണെന്ന് കേരളാ പൊലീസ്
ക്യാപ്റ്റൻ രാജു അന്തരിച്ചു; അന്ത്യം കൊച്ചിയിലെ വസതിയിൽ; വിമാനയാത്രയ്ക്കിടയിലെ മസ്തിഷ്‌കാഘാതം അതിജീവിക്കാനാവാതെ നടന്റെ വിടപറയൽ; ഓർമ്മയാകുന്നത് വില്ലൻ കഥാപാത്രങ്ങളിലൂടെ മലയാളിയെ ചിരിപ്പിച്ച അഭിനയ പ്രതിഭ; പട്ടാളക്കാരന്റെ ജീവിത വേഷം അഴിച്ച ശേഷം സിനിമയിലെത്തിയ രാജു ഡാനിയൽ അഭിനയിച്ചത് മലയാളത്തിലും തെലുങ്കിലും തമിഴിലും ഹിന്ദിയിലുമായി 500ഓളം സിനിമകളിൽ; ക്യാപ്ടൻ രാജുവിന്റെ വിയോഗത്തിൽ വേദന പങ്കിട്ട് മലയാള സിനിമാ ലോകം
പാർട്ടി സർജന് ഡോക്ടർ വധു! കിർമാണി മനോജിന് ശേഷം ടിപിയെ വെട്ടുനുറുക്കി കൊന്ന പ്രധാനിക്കും മാംഗല്യമെന്ന് സൂചന; പരോൾ ലഭിച്ചാൽ രണ്ട് ദിവസത്തിനകം മിന്നുകെട്ട്; കൊടി സുനിക്ക് വധുവായെത്തുന്നത് മംഗലാപുരം ആശുപത്രിയിലെ ഡോക്ടറെന്ന് അഭ്യൂഹം; പൂവണിയാൻ പോകുന്നത് ഫേസ്‌ബുക്കിൽ മൊട്ടിട്ട പ്രണയമോ? കണ്ണൂരിലെ പുതിയ കല്യാണക്കഥ ഇങ്ങനെ
മഠം സന്ദർശനത്തിന് വന്ന ഫ്രാങ്കോ മുളയ്ക്കൻ രാത്രിയിൽ അവിടെ തങ്ങി; ചർച്ചക്കെന്ന് പറഞ്ഞ് മുറിയിലേക്ക് വിളിപ്പിച്ചു; അടുത്തു ചെന്നപ്പോൾ ചേർത്തുപിടിച്ചു; ഭയന്നുപോയ ഞാൻ കുതറിയോടാൻ ശ്രമിച്ചിട്ടും സാധിച്ചില്ല; തുടർന്ന് ക്രൂരമായി ബലാത്സംഗം ചെയ്തു; കന്യാസ്ത്രീ നൽകിയത് അക്കമിട്ട് നിരത്തിയ പരാതി; ഇടയനോടൊപ്പം ഒരു ദിവസം കാരണം തിരുവസ്ത്രം ഊരിയത് കർത്താവിന്റെ 18 മണവാട്ടികൾ; കേരളാ പൊലീസ് കുടുക്കിയത് പ്രാർത്ഥനാലയവും ലൈംഗിക ചൂഷണത്തിന് ഉപയോഗിച്ച മെത്രാനെ
ബംഗളുരു നഗരത്തിൽ നാലേക്കർ സ്ഥലത്ത് പൂന്തോട്ടത്തിന് നടുവിൽ ബംഗ്ലാവ്; പല അന്താരാഷ്ട്ര വിമാനത്താവളങ്ങളുടേയും സമീപം ഭൂമി; കൊട്ടാര സദൃശ്യമായ അരമനയും സമ്പൂർണ്ണമായി എസി ചെയ്ത സെമിനാരിയും; ഡൽഹിയിൽ സ്വകാര്യ ബസ് സർവ്വീസും പഞ്ചാബിൽ സാമ്പത്തിക ഇടപാടുകളും; മഠം സ്ഥാപിച്ചത് ലൈംഗിക ആവശ്യത്തിനും സാമ്പത്തിക ഇടപാടുകൾക്കുമായി; ബെങ്കയിലെ സെമിനാരിയുടെ ചുമതല സാമ്പത്തിക ക്രമക്കേടിന് പുറത്തായ വൈദികന്; ഫ്രാങ്കോയുടെ രഹസ്യ ജീവിതത്തിന്റെ ഞെട്ടിക്കുന്ന കഥകൾ
ഇപ്പോൾ കേന്ദ്രം അനുവദിച്ചത് എത്രയാണെന്ന് അറിയാമോ? കേരളം അനുവദിച്ചത് എത്രയാണെന്ന് അറിയാമോ? ഇതേക്കുറിച്ച് അംഗത്തിന് എന്തെങ്കിലും ധാരണയുണ്ടോ? ജീവൻ നഷ്ടമായവർക്കുള്ള നഷ്ടപരിഹാരം ഉയർത്തണമെന്നും വായ്‌പ്പകൾ എഴുതി തള്ളണമെന്നും ആവശ്യപ്പെട്ട എൽദോ എബ്രഹാം എൽഎൽയോട് ക്ഷുഭിതനായി മുഖ്യമന്ത്രിയുടെ ചോദ്യം; പിണറായിയുടെ ഇടപെടലിൽ സഭ പകച്ചുപോയ നിമിഷം..!
വെറുതെ കിടന്ന് വഴക്കുണ്ടാക്കാതെ.....ഓകെ താങ്ക് യു! ക്ഷമ ചോദിക്കുമോ എന്ന് ആവർത്തിച്ച് ചോദിച്ച് അവതാരിക; ചിരിച്ച് തള്ളി പിസി; കന്യാസ്ത്രീ കന്യകയല്ലെന്ന വാദത്തിൽ പൊട്ടിത്തെറിച്ച് ചോദ്യശരങ്ങൾ; തപ്പിയും തടഞ്ഞും ഇംഗ്ലീഷ് പറഞ്ഞ് പടിച്ച് നിൽക്കാൻ ശ്രമിച്ചെങ്കിലും പതറി വീണ് പൂഞ്ഞാർ എംഎൽഎ; ഷാനി പ്രഭാകരനേയും വേണു ബാലകൃഷ്ണനേയും തെറി പറഞ്ഞ് പേടിപ്പിച്ച് ശീലിച്ച പിസി ജോർജ് റിപ്പബ്ലിക് ചാനൽ അവതാരികയുടെ ചോദ്യത്തിന് മുമ്പിൽ പെട്ട് പോയത് ഇങ്ങനെ
ദിവസം രണ്ടരക്കിലോ ചിക്കനും അൻപത് മുട്ടയുടെ വെള്ളയും ഇനി എവിടെ നിന്നു കിട്ടും? പീഡന കേസിൽ അകത്തായ മുരളീകുമാറിന്റെ ഭക്ഷണചര്യകൾ കേട്ടു ഞെട്ടി പൊലീസും; ഓർമ്മ വെച്ചപ്പോൾ മുതൽ തുടർന്ന ഭക്ഷണവും എക്‌സർസൈസും ഇരുമ്പഴിക്കുള്ളിൽ മുടങ്ങുമ്പോൾ നഷ്ടമാകുന്നത് വർഷങ്ങളായി കാത്തു സൂക്ഷിച്ച ശരീരസൗന്ദര്യം: മിസ്റ്റർ ഏഷ്യയുടെ ആരാധകർക്കും സങ്കടം ഉള്ളിൽ ഒതുക്കാൻ വയ്യ
ശശി നടന്ന വഴിയിൽ കമ്മ്യൂണിസ്റ്റ് പച്ചപോലും മുളയ്ക്കില്ല! ഞാൻ ഗുണ്ടയെന്ന് പരസ്യമായി പറയുന്ന നേതാവ്; വിമർശിക്കുന്നവരെ പച്ചത്തെറി വിളിക്കാൻ ഒരു മടിയുമില്ല; ഷൊർണ്ണൂരിലെ മണൽ മാഫിയയുടെ തലതൊട്ടപ്പൻ; പാർട്ടി സമ്മേളനത്തിനെത്തിയ പിണറായിയെ ഊണു കഴിക്കാൻ വീട്ടിൽ കൊണ്ട് പോകാൻ നടത്തിയ ശ്രമം പൊളിച്ചത് പിണറായിയുടെ മുൻകോപം തന്നെ; പാർട്ടി വനിതാ നേതാവിന്റെ പരാതിയിൽ കുടുങ്ങിയ ഷൊർണ്ണൂർ എംഎൽഎ പികെ ശശി അത്ര ചെറുമീനല്ല
ആറുമാസം മുമ്പ് ഫെയ്‌സ് ബുക്കിലൂടെ ബോഡി ബിൽഡർ പരിചയം തുടങ്ങി; വീട്ടുകാരുമായും അടുത്ത് യുവതിയിൽ വിശ്വാസം നേടിയെടുത്തു; പിന്നെ ഭക്ഷണത്തിന് വിളിച്ച് കോട്ടയത്തെ ഹോട്ടൽ ഐഡയിൽ മുറിയെടുത്ത് ബലാത്സംഗം; നിലയ്ക്കാത്ത രക്തസ്രാവമുണ്ടായപ്പോൾ ആശുപത്രിയിൽ കൊണ്ടു വന്നതും മിസ്റ്റർ ഏഷ്യ പട്ടത്തിനുടമ; അവിവാഹിതയെ വിവാഹിതനായ നാവിക സേന പെറ്റി ഓഫീസർ പീഡിപ്പിച്ചത് അതിക്രൂരമായി; മുരളി കുമാർ അറസ്റ്റിൽ
പന്ത്രണ്ടായിരം ലക്ഷം കോടി ആസ്തിയുള്ള രാജ്യമാണ് ഇന്ത്യ; വിദേശ സഹായം സ്വീകരിക്കുന്നത് അപമാനം; നവകേരള നിർമ്മിതിക്ക് പൂർണ അധികാരമുള്ള സമിതി രൂപീകരിക്കണം; എങ്കിൽ എട്ട് വർഷംകൊണ്ട് പുതിയകേരളം പടുത്തുയർത്താൻ കഴിയും; ഡാം മാനേജ്‌മെന്റിലും കേരളത്തിന് വലിയ പാളിച്ച പറ്റി; ആദ്യഘട്ടിൽ കനത്ത മഴ പെയ്തപ്പോൾ ഡാമിലെ വെള്ളം തുറന്നുവിടാമായിരുന്നു; മനസു തുറന്ന് ഇ ശ്രീധരൻ; പുനർനിർമ്മാണം മെട്രോമാനെ ഏൽപ്പിക്കുമോ എന്ന ചലഞ്ചുമായി സോഷ്യൽ മീഡിയ
അമൃതയിലെ എംബിബിഎസ് പഠനകാലത്ത് മൊട്ടിട്ട പ്രണയം; പഠനം പൂർത്തിയാക്കി ലേക് ഷോറിൽ പ്രാക്ടീസ് ചെയ്ത ശ്രീജ അമേരിക്കയ്ക്ക് പറന്നപ്പോഴും രോഹിത്തുമായുള്ള ആത്മബന്ധം തുടർന്നു; വിവാഹത്തിലൂടെ ഒരുമിക്കാനുള്ള രോഹിത്തിന്റെയും ശ്രീജയുടെയും ആഗ്രഹത്തിന് സന്തോഷത്തോടെ സമ്മതം മൂളി ചെന്നിത്തലയും വ്യവസായി ഭാസിയും; ചിങ്ങ മാസത്തിലെ ഉത്രം നാളിൽ വിവാഹ നിശ്ചയം നടന്നപ്പോൾ പൂവണിയുന്നത് വർഷങ്ങളുടെ പ്രണയം