1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

Apr / 2019
22
Monday

'ആദിവാസി സമരം തീർക്കണ്ടേ? 'അവന്മാര് പട്ടിണി കിടന്ന് മടുക്കുമ്പോൾ എഴുന്നേറ്റ്‌ പൊയ്‌ക്കോളും'; ഇടതും വലതും പറഞ്ഞു വഞ്ചിച്ച ആദിവാസികൾ ഒരുപിടി മണ്ണിനായി നിൽപ്പുസമരം ഇനിയും തുടരും; നിലപാട് വിശദീകരിച്ച് ഗോത്രമഹാസഭ നേതാവ് സി കെ ജാനു മറുനാടൻ മലയാളിയോട്

September 29, 2014 | 02:24 PM IST | Permalink



'ആദിവാസി സമരം തീർക്കണ്ടേ? 'അവന്മാര് പട്ടിണി കിടന്ന് മടുക്കുമ്പോൾ എഴുന്നേറ്റ്‌ പൊയ്‌ക്കോളും'; ഇടതും വലതും പറഞ്ഞു വഞ്ചിച്ച ആദിവാസികൾ ഒരുപിടി മണ്ണിനായി നിൽപ്പുസമരം ഇനിയും തുടരും; നിലപാട് വിശദീകരിച്ച് ഗോത്രമഹാസഭ നേതാവ് സി കെ ജാനു മറുനാടൻ മലയാളിയോട്

രാകേഷ് രാധാകൃഷ്ണൻ

ർക്കാറിന്റെ വാഗ്ദാന ലംഘനത്തിനെതിരെ സെക്രട്ടറിയറ്റിന് മുന്നിൽ ആദിവാസി ഗോത്രമഹാസഭയുടെ നേതൃത്വത്തിൽ നിൽപ്പ് സമരം തുടങ്ങിയിട്ട് മൂന്ന് മാസത്തോളമാകുന്നു. ചുവന്ന ലൈറ്റും കൊടിവച്ച കാറുമായി മന്ത്രിമാരും ഉന്നത ഉദ്യോഗസ്ഥരും ദിവസവും ഇതുവഴി കടന്നുപോകുമെങ്കിലും ഈ ഭാഗത്തേക്ക് തിരിഞ്ഞു നോക്കാൻ ഇവർ തയ്യാറാകില്ല. വോട്ടെടുപ്പ് അടുക്കുമ്പോൾ വടിവൊത്ത ഖദറുമിട്ട് ചിരിയും പാസാക്കി തങ്ങളുടെ കുടിലിലേക്ക് ഇവർ എത്തുമെന്ന് ഒരുപിടി മണ്ണിനായി സമരം ചെയ്യുന്ന ഇവർക്കറിയാം. ജൂലൈ ഒമ്പതിന് തുടങ്ങിയ സമരത്തെ രാഷ്ട്രീയ മേലാളന്മാരാരും തിരിഞ്ഞു നോക്കിയിട്ടില്ല. സിനിമാപ്രവർത്തകരും തെന്നിയും തെറിച്ചുമെത്തിയ ചില നേതാക്കളും മാത്രമാണ് സമരത്തിന് ഐക്യദാർഢ്യം പ്രഖ്യാപിച്ചെത്തിയത്. പക്ഷേ, പ്രശ്‌നത്തിന് പരിഹാരം കാണേണ്ടവർ കണ്ടില്ലെന്ന് നടിച്ചിരിക്കയാണ്.

മതമേലാധികളും മറ്റ് പ്രബലരായ സംഘടിതരും ഒന്നു തുമ്മിയാൽ പോലും ഓടിയെത്തി പ്രശ്‌നങ്ങളെല്ലാം പരിഹരിച്ച് മടങ്ങുന്ന രാഷ്ട്രീയക്കാർ അസംഘടിതരാണ് എന്ന ഒറ്റക്കാരണം കൊണ്ട് ആദിവാസികളുടെ ആവശ്യങ്ങളെ തഴയുകയാണ്. നമുക്കിടയിൽ ജീവിക്കുന്ന ഒരുകൂട്ടം മനുഷ്യജന്മങ്ങളാണ് വേദനകൾ കടിച്ചിറക്കി മഴയും വെയിലും അവഗണിച്ച് നിൽപ്പുസമരം നടത്തുന്നത്. ഇത് ആദിവാസികളുടെ മാത്രമായ സമരമായി കാണേണ്ട വിഷയമല്ല. മണ്ണിനും മനുഷ്യനും സകലചരാചരങ്ങൾക്കും വേണ്ടിയുള്ള സമരമാണ്. നമ്മൾ ഓരോ മലയാളിയും ലജ്ജിക്കേണ്ടത് ഇവിടെയാണ്.

നാട്ടുരാജാക്കന്മാരുടെ കാലത്തോളമുണ്ട് ആദിവാസികളോടുള്ള ചൂഷണത്തിന് പഴക്കം. രാജഭരണം മാറി ജനാധിപത്യഭരണം വന്നപ്പോഴും അതിന് മാറ്റമൊന്നും സംഭവിച്ചില്ല. ഇടതും വലതും ഭരണകക്ഷികൾ ആദിവാസികളെ ചൂഷണം ചെയ്യുന്നതിൽ തുല്യപങ്കാണ് വഹിക്കുന്നത്. ആദിവാസികളുടെ പേരിൽ രാഷ്ട്രീയക്കാരും അവരുടെ ഏജന്റുമാരും തട്ടിയെടുക്കുന്നത് കോടികളാണ്.

കേരളം കണ്ട ഏറ്റവും നല്ല ജനകീയ മുഖ്യമന്ത്രിമാരിൽ ഒരാളായിരുന്ന ഇ കെ നായനാർ ഭരിക്കുന്ന കാലത്ത് ആദിവാസികൾ സെക്രട്ടറിയേറ്റിനു മുമ്പിൽ പട്ടിണിസമരം നടത്തിയിരുന്നു. ദിവസങ്ങൾ പലത് കഴിഞ്ഞിട്ടും ഗവൺമെന്റ് തിരിഞ്ഞു നോക്കാതിരുന്നപ്പോൾ 'ആദിവാസി സമരം തീർക്കണ്ടേ' എന്ന മാദ്ധ്യമപ്രവർത്തകന്റെ ചോദ്യത്തിന് 'അവന്മാര് കുറെ ദിവസം പട്ടിണി കിടന്ന് മടുക്കുമ്പോൾ എഴുന്നേറ്റ് പൊയ്‌ക്കോളും' എന്നാണ് അദ്ദേഹം മറുപടി നൽകിയത്. സകല അപമാനവും സഹിച്ച് ആ പാവങ്ങൾ വീണ്ടും പട്ടിണി കിടന്ന് സമരം നടത്തി.

വർഷങ്ങൾക്ക് ശേഷം അവർ നിൽപ്പുസമരവുമായി സെക്രട്ടറിയേറ്റ് നടയിൽ എത്തിയപ്പോൾ അന്നത്തെ മുഖ്യമന്ത്രിയുടെ മാനസികാവസ്ഥയിലാണോ ഇപ്പോഴത്തെ മുഖ്യമന്ത്രിയും? പാറശ്ശാല മുതൽ കാസർകോട് വരെ 'അതിവേഗം ബഹുദൂരം' ഓടിയെത്തി പ്രശ്‌നങ്ങൾക്ക് പരിഹാരം കാണുന്ന ഭരണാധികാരി ഈ പാവം ആദിവാസികളുടെ പ്രശ്‌നങ്ങൾ എന്തുകൊണ്ട് കാണുന്നില്ല. അതോ കണ്ടിട്ടും കണ്ടില്ല എന്ന് നടിക്കുകയാണോ? മണ്ണിന് വേണ്ടി ആദിവാസികൾ നടത്തുന്ന സമരത്തിന്റെ മുൻനിര പോരാളിയും ആദിവാസി ഗോത്ര മഹാസഭ അധ്യക്ഷ സി കെ ജാനു നിൽപ്പ് സമരം എന്തിനാണെന്നും സർക്കാറിന്റെ പിന്തിരിപ്പൻ നയത്തെക്കുറിച്ചും മറുനാടൻ മലയാളിയാളിയോട് വിശദീകരിച്ചു. മറുനാടൻ മലയാളി ലേഖകൻ രാകേഷ് രാധാകൃഷ്ണന് നൽകിയ അഭിമുഖത്തിലേക്ക്..

  • നിൽപ്പ് സമരത്തിലൂടെ എന്തിനാണ് ലക്ഷ്യം വെക്കുന്നത്, അല്ലെങ്കിൽ നിൽപ്പുസമരത്തിന്റെ കാരണങ്ങൾ എന്തെല്ലാമാണ്?

നിൽപ്പുസമരം തുടങ്ങിയിട്ട് 83 ദിവസം ആയി. ഈ സമരം ശരിക്കും പെട്ടെന്നുള്ള സമരമല്ല. 2001ലെ കുടിൽകെട്ടി സമരത്തോടനുബന്ധിച്ചുണ്ടാക്കിയ കരാർ നടപ്പിലാക്കുക എന്നതാണ് ഞങ്ങളുടെ പ്രധാന ആവശ്യം. കരാറിൽ പറഞ്ഞത് കേരളത്തിലെ ഭൂരഹിതരായ മുഴുവൻ ആദിവാസി കുടുംബത്തിനും കൃഷി ചെയ്യാൻ ആവശ്യമായ ഭൂമികൊടുക്കാം എന്നാണ്. ഭൂമിയുടെ ലഭ്യത അനുസരിച്ച് ഒരേക്കർ മുതൽ അഞ്ച് ഏക്കർ വരെ. ഭൂമി കൊടുത്ത് കഴിഞ്ഞാൽ ആ ഭൂമി കൃഷിയോഗ്യമാക്കുന്നതിനുവേണ്ടി ഒന്നോ രണ്ടോ വർഷത്തേക്കെങ്കിലും പുനരധിവാസ പാക്കേജ് നടപ്പിലാക്കും. പണി എടുക്കുന്ന ആളുകൾക്ക് ചെറിയ രീതിയിലുള്ള കൂലിയും ഭക്ഷണവും നൽകും, സ്ഥലം കൃഷിയോഗ്യമാക്കുന്നത് വരെ.

ഇതിനുവേണ്ടി പ്രത്യേക ട്രൈബൽ മിഷൻ രൂപീകരിച്ചു. ഭൂരഹിതരായ ആളുകളെ കണ്ടെത്തുക, ഭൂമി കണ്ടെത്തുക എന്നിവയാണ് ട്രൈബൽ മിഷന്റെ ജോലി. ആ മിഷൻ ഇപ്പോൾ ഉണ്ടോ ഇല്ലയോ എന്നറിയില്ല. ആ മിഷൻ പുനർജീവിപ്പിക്കുക. കരാറിൽ പറഞ്ഞിരിക്കുന്നതുപോലെ കൊടുക്കുന്ന ഭൂമി അന്യാധീനപ്പെട്ട് പോകാതിരിക്കാൻ ഇന്ത്യൻ ഭരണഘടനയുടെ 244-ാം വകുപ്പ് അനുസരിച്ച് പട്ടികവർഗ്ഗ പ്രദേശമാക്കാൻ വ്യവസ്ഥയുണ്ട്. അതിലെ അഞ്ചാം ഷെഡ്യൂളിലും ആറാം ഷെഡ്യൂളിലും. കേരളത്തിൽ ആറാം ഷെഡ്യൂൾ നടപ്പാക്കാൻ പറ്റാത്തതിനാൽ അഞ്ചാം ഷെഡ്യൂൾ നടപ്പാക്കണം. കൊടുത്ത ഭൂമിയിൽ ആദിവാസികളുടെ ഊര് ഭൂമിയും ഉൾപ്പെടുത്തുക. ആദിവാസികൾക്ക് ഈ ഭൂമി വിൽക്കാനും പുറത്തുനിന്ന് ആർക്കും വാങ്ങാനും പറ്റില്ല. ഈ നിയമം കൊണ്ട് വന്ന് ആ ഭൂമി സംരക്ഷിക്കണം. അതിനുവേണ്ടി കേന്ദ്ര ഗവൺമെന്റിന് ഒരു അപേക്ഷ കൊടുത്തിരുന്നു. പക്ഷേ കേരള സർക്കാർ അതിന്റെ ഫോളോഅപ്പ് നടത്തിയില്ല. അത് നടപ്പിലാക്കണം.

2003ലെ മുത്തങ്ങ സമരത്തിലൂടെ വയനാട്ടിലെ മുഴുവൻ ആദിവാസികൾക്കും കൊടുക്കാൻ ഭൂമി തികയാത്തതിനാൽ കുറച്ച് വനഭൂമി കൂടി കിട്ടണം എന്ന് ആന്റണി ഗവൺമെന്റ് കേന്ദ്രസർക്കാരിനോട് ആവശ്യപ്പെട്ടു. 30,000 ഏക്കർ ഭൂമി വിട്ടുതരണം എന്ന് ആവശ്യപ്പെട്ടെങ്കിലും 19,000 ഏക്കർ ഭൂമിയാണ് കേന്ദ്രസർക്കാർ നൽകിയത്. മുത്തങ്ങസമരം മൂലം ഒരു വനാവകാശനിയമം രൂപീകരിച്ചു. ഈ കൊടുത്ത ഭൂമി വനാവകാശ നിയമത്തിൽ ഉൾപ്പെടുത്തി. ഈ നിയമത്തിൽ ഉൾപ്പെടുത്തിയ ഭൂമി വനേതരാവശ്യത്തിന് എടുക്കാൻ പാടില്ല, വലിയ കെട്ടിടനിർമ്മാണം നടത്താൻ പാടില്ല. ആദിവാസ പുനരധിവാസത്തിന് മാത്രം നൽകുക, ആദിവാസ പുനരധിവാസം നടന്നില്ലെങ്കിൽ ആ ഭൂമി അതുപോലെ നിലനിർത്തുക എന്നിവയാണ് ഈ നിയമത്തിൽ ഉള്ളത്.സമരം ശരിക്കും പെട്ടെന്നുള്ള സമരമല്ല. 2001ലെ കുടിൽകെട്ടി സമരത്തോടനുബന്ധിച്ചുണ്ടാക്കിയ കരാർ നടപ്പിലാക്കുക എന്നതാണ് ഞങ്ങളുടെ പ്രധാന ആവശ്യം. കരാറിൽ പറഞ്ഞത് കേരളത്തിലെ ഭൂരഹിതരായ മുഴുവൻ ആദിവാസി കുടുംബത്തിനും കൃഷി ചെയ്യാൻ ആവശ്യമായ ഭൂമികൊടുക്കാം എന്നാണ്. ഭൂമിയുടെ ലഭ്യത അനുസരിച്ച് ഒരേക്കർ മുതൽ അഞ്ച് ഏക്കർ വരെ. ഭൂമി കൊടുത്ത് കഴിഞ്ഞാൽ ആ ഭൂമി കൃഷിയോഗ്യമാക്കുന്നതിനുവേണ്ടി ഒന്നോ രണ്ടോ വർഷത്തേക്കെങ്കിലും പുനരധിവാസ പാക്കേജ് നടപ്പിലാക്കും. പണി എടുക്കുന്ന ആളുകൾക്ക് ചെറിയ രീതിയിലുള്ള കൂലിയും ഭക്ഷണവും നൽകും, സ്ഥലം കൃഷിയോഗ്യമാക്കുന്നത് വരെ.

ഈ ഭൂമി പല ജില്ലകളിലാണ്. വയനാട് ജില്ലയിൽ ഇങ്ങനെ അനുവദിച്ച ഭൂമിയാണ് പൂക്കോട് ഡയറി പ്രോജക്ട്. അഞ്ച് വർഷം കഴിഞ്ഞ് പദ്ധതിപ്രദേശം ആദായകരമാകുമ്പോൾ ഭൂമി അഞ്ച് ഏക്കർ വച്ച് ആദിവാസികൾക്ക് പതിച്ച് പട്ടയം നൽകി സൊസൈറ്റി പിരിച്ച് വിടണം എന്നായിരുന്നു അന്നത്തെ തീരുമാനം. ഇത്രയും കാലമായി അത് നടപ്പിലാക്കിയിട്ടില്ല എന്ന് മാത്രമല്ല ഗവൺമെന്റിന്റെ ഒത്താശയോടെ അനധികൃത കൈയേറ്റം നടന്നുകൊണ്ടിരിക്കുന്നു. വെറ്റിനറി കോളേജ് അനധികൃതമായി കെട്ടിക്കഴിഞ്ഞു. അതിന്റെ മറവിൽ അവിടെ വ്യാപകമായി റിസോർട്ട് നിർമ്മാണവും നടക്കുന്നു. ഈ ഭൂമി മൊത്തം ആദിവാസികൾക്ക് വിട്ടുകൊടുക്കണം. അട്ടപ്പാടിയിലെ ശിശുമരണത്തിന് ശാശ്വതമായ ഒരു പരിഹാരം ഉണ്ടാകണം. ഇതെല്ലാം നേരത്തേ മുതൽ ആവശ്യപ്പെടുന്ന കാര്യങ്ങളാണ്. പുതിയതായി ഒരു ആവശ്യംപോലും ഉന്നയിക്കുന്നില്ല. ഗവൺമെന്റ് പറഞ്ഞ വാഗ്ദാനവും കരാറും നടപ്പാക്കാനേ ആവശ്യപ്പെടുന്നുള്ളൂ.

  • സമരം ഇത്രയും ദിവസം നീട്ടേണ്ട ആവശ്യമുണ്ടായിരുന്നോ?

ചുരുക്കിപ്പറഞ്ഞാൽ ഈ സമരം 83 ദിവസം നീട്ടേണ്ട ആവശ്യമില്ല. ഗവൺമെന്റ് പറഞ്ഞ കാര്യങ്ങൾ നടത്തണം എന്ന ആവശ്യവുമായി നടത്തുന്ന ഒരു സമരമാണ്. ഇതിന്റെ എല്ലാ വശങ്ങളും പഠിച്ചിട്ടാണ് സർക്കാർ ഇത് അന്ന് അംഗീകരിച്ചത്. വീണ്ടും അത് പഠിക്കാൻ മൂന്നുമാസം എടുക്കേണ്ട കാര്യം എന്തിനാണ്. ഇപ്പോൾ ഗവൺമെന്റ് സീരിയസ്സായി ചർച്ച നടത്തി കാര്യങ്ങൾ നടത്താം എന്ന് പറഞ്ഞിട്ടുണ്ട്. പക്ഷേ അത് വാക്കാൽ തന്ന ഒരു ഉറപ്പുമാത്രമാണ്. അവരുടെ ഭാഗത്ത് നിന്ന് രേഖാമൂലമുള്ള ഉറപ്പ് കിട്ടിയാലേ ഈ സമരം അവസാനിപ്പിക്കുന്നുള്ളൂ. അതുവരെ ഈ നിൽപ്പുസമരം തുടരും.

  • ഭൂമികൊടുക്കാം എന്ന് മന്ത്രി പി കെ ജയലക്ഷ്മി പറയുന്നുണ്ടല്ലോ?

മുത്തങ്ങ സമരവുമായി ബന്ധപ്പെട്ട് ഒരുവർഷം കഴിഞ്ഞപ്പോൾ തന്നെ അവിടെ പൊലീസ് ഇടപെടലിന്റെ ആവശ്യം ഇല്ലായിരുന്നു എന്ന് മനുഷ്യവകാശകമ്മീഷന്റെ റിപ്പോർട്ട് വന്നു. ആ റിപ്പോർട്ടിന്റെ അടിസ്ഥാനത്തിൽ ആദിവാസികൾക്ക് നഷ്ടപരിഹാരം നൽക്കാൻ ഉത്തരവ് വന്നു. അത് ഇതുവരെ നടപ്പായിട്ടില്ല. അതാണ് ജയലക്ഷ്മി പറഞ്ഞത് 447 കുടുംബങ്ങൾക്ക് ഒരേക്കർ ഭൂമി വീതം കൊടുക്കാം എന്ന്. എന്നാൽ അതിൽ കൂടുതൽ കുടുംബങ്ങൾ ഉണ്ടെന്ന് പറഞ്ഞപ്പോൾ ലിസ്റ്റ് കൊണ്ടു വന്നാൽ എല്ലാവർക്കും വേണ്ടത് നൽക്കാം എന്ന് പറഞ്ഞിട്ടുണ്ട്. അതും വെറും വാക്കാൽ മാത്രമേ പറഞ്ഞിട്ടുള്ളു.

വാക്കാൽ പറഞ്ഞാൽ സമരം നിർത്തില്ല. വേണ്ടത് ഒരു രാഷ്ട്രീയ തീരുമാനമാണ്. കാബിനറ്റ്കൂടി എഴുതി തയ്യാറാക്കിയ പ്രമേയം പാസാക്കി അത് പരസ്യപ്രഖ്യാപനം നടത്തണം. അതിന്റെ ഒരു കോപ്പി തരികയും വേണം.

  • ആറളം ഫാമിൽ ആദിവാസികൾക്ക് ഭൂമി കൊടുത്തില്ലേ?

മുത്തങ്ങ സമരത്തിനുശേഷം കണ്ണൂർ ജില്ലയിലെ മുഴുവൻ ഭൂമി കൊടുക്കാൻ ഇല്ല എന്ന് പറഞ്ഞ് കേരളസർക്കാർ ടിഎസ്‌പി ഫണ്ടിൽ നിന്നും 42 കോടി രൂപ കൊടുത്ത് കേന്ദ്രസർക്കാരിൽ നിന്നും വാങ്ങിയ ഭൂമിയാണ് ആറളം ഫാം. ആദിവാസി പുനരധിവാസത്തിനു വേണ്ടിയാണ് ആ ഭൂമി വാങ്ങിയത്. അതിൽ 3500 ഏക്കർ ഭൂമിവിതരണം ചെയ്യാം എന്നും ബാക്കി 3000 ഏക്കർ ഭൂമി ആദിവാസികളുടെ ആവശ്യങ്ങൾക്കും എന്നുമാണ് പറഞ്ഞിരുന്നത്. അവർക്ക് തൊഴിൽ നൽകി അത് നിലനിർത്താൻ പബ്ലിക് ലിമിറ്റഡ് കമ്പനി ആക്കാം എന്നാണ് പറഞ്ഞത്. നിലവിലുള്ള തൊഴിലാളികൾ പിരിഞ്ഞു പോകുമ്പോൾ ഭൂമി കൊടുത്ത ആദിവാസികളെ നിയമിക്കുക വിആർഎസ് എടുത്ത പിരിഞ്ഞ് പോകുന്ന തൊഴിലാളികൾക്ക് പകരം ആദിവാസികളെ നിയമിച്ച് മൊത്തത്തിൽ ആദിവാസികളുടെ നടത്തിപ്പ് ആക്കാം എന്ന് അന്ന് ഉറപ്പ് നൽകിയിരുന്നു. പക്ഷെ ഇതുവരെ ഒരു ആദിവാസിയെ ജോലിക്ക് എടുത്തിട്ടില്ല എന്ന് മാത്രമല്ല ഇപ്പോൾ അത് പ്രൈവറ്റ് ലിമിറ്റഡ് കമ്പനി ആക്കി മാറ്റി. ഇപ്പോൾ അത് വാഴക്കുളം, തൊടുപുഴ എന്നിവിടങ്ങളിലുള്ള ഏതാനും വ്യകതികൾക്ക് പൈനാപ്പിൾ കൃഷിക്ക് പാട്ടത്തിന് കൊടുത്തിരിക്കുകയാണ്.

260 ഏക്കർ ആണ് പാട്ടത്തിന് കൊടുത്തതെങ്കിലും 2000ൽ അധികം ഏക്കറിൽ അനധികൃതമായി പൈനാപ്പിൾ കൃഷി നടത്തി കഴിഞ്ഞു. ഈ പൈനാപ്പിൾ കൃഷിക്ക് വേണ്ടി ഉപയോഗിക്കുന്ന എൻഡോസൾഫാൻ എന്ന കീടനാശിനിയും പൈനാപ്പിൾ ഒരേ സമയം പാകമാകാനും നല്ലനിറം ലഭിക്കാനും വേണ്ടി ഉപയോഗിക്കുന്ന എത്തിഫോൺ എന്ന് ഹോർമോണും ആണ്. അവിടെ കുടിലുകൾ കെട്ടി താമസിക്കുന്ന കുറച്ച് ആദിവാസികൾ ഉണ്ട്. അവിടെ ആദിവാസി പാക്കേജ് നടത്താത്തതുകൊണ്ട് അവർക്ക് വേണ്ട ആവശ്യ സർവ്വീസ്‌പോലും കിട്ടുന്നില്ല. ചെറിയ കുഴികൾ ഉണ്ടാക്കിയാണ് കുടിക്കാനും മറ്റുമുള്ള വെള്ളം എടുക്കുന്നത്. ഒരുമഴ പെയ്താൽ ഈ പൈനാപ്പിളിന് തളിക്കുന്ന മാരകവിഷങ്ങൾ ഒലിച്ച് ഈ കുഴികളിലും മറ്റും എത്തുന്നു. അത് അവരുടെ വംശഹത്യക്കു തന്നെ കാരണമാകുന്നു. അതിനാൽ ഈ കൃഷി എത്രയും പെട്ടെന്ന് അവസാനിപ്പിക്കണം എന്നാണ് ഗോത്രമഹാസഭയുടെ ആവശ്യം. ട്രൈബൽ ഡിപ്പാർട്ട്‌മെന്റിന് ഈസ്ഥലം പാട്ടത്തിന് കൊടുക്കേണ്ട ഒരു ആവശ്യവുമില്ല.

ഒരു ഏക്കറിന് പാട്ടക്കാർ നൽകുന്നത് 25 കിലോ പൈനാപ്പിളാണ്. ഒരു ഏക്കറിൽ നിന്ന് മൂന്നുനാല് ലോഡ് പൈനാപ്പിൾ കിട്ടുമ്പോൾ 25 കിലോ ആണ് പാട്ടം നൽകുന്നത്. എന്നിട്ട ഓരോ വർഷവും ഫാം നഷ്ടത്തിൽ എന്ന് പറഞ്ഞ് ടിഎസ്‌പി ഫണ്ടിൽ നിന്നും ആണ് പണം നൽകുന്നത്. ശരിക്കും ഈ പൈസ തിന്നുമുടിക്കുന്ന ഒരു വെള്ളയാന ആണ്. അതിന് അവസാനം ഉണ്ടാക്കി ഈ ഭൂമി ആദിവാസികൾക്ക് പതിച്ച് നൽകണം ഇത് കർശനമായും നടപ്പാക്കണം.കാട്ടിലെ മൃഗങ്ങളെക്കാൾ നാട്ടിലെ ഇരുകാലിമൃഗങ്ങളെ ആണ് സൂക്ഷിക്കേണ്ടത്. 10 ലക്ഷം രൂപ അല്ല. ഒരേക്കർ മുതൽ അഞ്ച് ഏക്കർ വരെ ഭൂമിയാണ് വേണ്ടത്. ആദിവാസികൾ മുഴുവൻ കർഷകരാണ്. സ്വന്തമായി ഭൂമി ഇല്ലാത്തവർ പോലും മറ്റുള്ളവരുടെ കൂടി സ്ഥലങ്ങളിൽ പണിയെടുത്ത് ജീവിക്കുന്നത്. വിദ്യാഭ്യാസപരമായി ആദിവാസികൾ ഏറെ പിന്നിലാണ്. കൃഷി ചെയ്‌തേ ആദിവാസികൾക്ക് ജീവിക്കാൻ അറിയൂ. പത്ത് ലക്ഷം രൂപ ആദിവാസിയുടെ പേരിൽ പാസായാലും അവർ അറിയുന്നുപോലുമില്ല. അത് ഇടനിലക്കാരുടെ പോക്കറ്റിലേക്ക് ആണ് പോകുന്നത്. അതിനാൽ ഇത് ആദിവാസികൾക്ക് ഒരിക്കലും ഗുണം നൽകില്ല. കരാർ നടപ്പാക്കി ഭൂമി കൊടുക്കാനാണ് ശ്രമിക്കുന്നത്. ഇങ്ങനെയുള്ള വാർത്തകൾ ഇടതുപക്ഷത്തിന് അപമാനമാണ് ഉണ്ടാക്കുന്നത്. അധികാരത്തിൽ ഇരിക്കുമ്പോൾ ആദിവാസിക്കുവേണ്ടി ഒന്നും ചെയ്യാതിരിക്കുക അധികാരം പോകുമ്പോൾ കുടിൽകെട്ടൽ സമരത്തിന് പോകുക. ആദിവാസികളെ വഞ്ചിക്കുന്നതിൽ ഇടതുപക്ഷം ഒരുപടികൂടി മുന്നോട്ട് പോയി എന്നാണ് മനസ്സിലാക്കുന്നത്.

2001ൽ മുത്തങ്ങ സമരത്തോടെ കുറച്ചുകാര്യങ്ങൾ നടന്നു. കുറച്ച് ആദിവാസികൾക്ക് ഭൂമി കൊടുത്തു. പുനരധിവാസ പാക്കേജ് നടപ്പാക്കിയില്ല. ആ കരാർ നടപ്പാക്കണം എന്നാണ് ഈ സമരത്തിലൂടെ പറയുന്നത്. അന്നത്തെ കരാർ നടപ്പിലാക്കിയാൽ ആദിവാസികളുമായി ബന്ധപ്പെട്ട മുഴുവൻ കാര്യങ്ങളും നടപ്പാകും.

  • മുത്തങ്ങ സമരത്തെ കുറിച്ച്. അന്നത്തെ പൊലീസ് നീക്കം പിന്നീട് കേരളം ഒരുപാട് ചർച്ച ചെയ്തതാണ്, മുത്തങ്ങയിൽ അന്ന് പൊലീസ് നീക്കം ആവശ്യമായിരുന്നോ?

വേണ്ടിയിരുന്നില്ല. അന്ന് 600 പേരുടെ പേരിലാണ് കേസ് ചാർജ് ചെയ്തത്. റിസർവ്വ് ഫോറസ്റ്റ് ആണ്, വന്യജീവി സങ്കേതമാണ്, നീലഗിരി ജൈവവൈവിധ്യ മണ്ഡലം ആണ്. അവിടെ കയറിയതു കൊണ്ടാണ് പൊലീസ് വെടിവയ്‌പ്പ് ഉണ്ടായത് എന്നാണ് ഗവൺമെന്റ് ന്യായം പറഞ്ഞത്. അതിന്റെ കേസ് നടക്കുമ്പോൾ കോടതി ഗവൺമെന്റിനോട് അതിന്റെ ഫയൽ ആവശ്യപ്പെട്ടു. ഹാജരാക്കിയ രേഖയിൽ ബിർളക്ക് യൂക്കാലി കൃഷി നടത്താൻ പാട്ടത്തിന് കൊടുത്ത ഭൂമിയാണ് അത് എന്ന് കണ്ടെത്തി. 25 വർഷമായി ബിർള പാട്ടം പോലും കൊടുങ്ങുന്നില്ല. ആ ഭൂമിയാണ് റിസർവ്വ് ഫോറസ്റ്റ് എന്നൊക്കെ പറഞ്ഞ് അന്നത്തെ ഗവൺമെന്റ് നരനായാട്ട് നടത്തിയത്. അങ്ങനെ കേസ് തള്ളിപ്പോയി.

  • 2003ലെ മുത്തങ്ങ സമരത്തിന് ശേഷം ഭൂമി വിതരണം ചെയ്യാൻ ഒരുപാട് കാലതാമസം വന്നു. അത് എന്തുകൊണ്ടാണ്?

2003ലെ മുത്തങ്ങ സമരം മൂലം കുറേ ആളുകളുടെ അറസ്റ്റ് ജാമ്യം ഒക്കെയായി ഒന്നുരണ്ട് വർഷം പോയി. അതിന് ശേഷം ആറളം ഫാമിൽ വളരെ സജീവമായ സമരം നടത്തുന്നുണ്ട്. അതുകൊണ്ടാണ് 2500 കുടംബങ്ങൾക്ക് ഭൂമി വിതരണം ചെയ്തത്. ശരിക്കും സമരരംഗത്ത് നിന്ന് മാറിയിട്ടില്ല. ആദിവാസികൾക്ക് ഗുണമുണ്ടാകുന്ന രീതിയിൽ ഓരോ സ്ഥലങ്ങളിലും സമരം നടന്നിട്ടുണ്ട്.

  • ഇടതും വലുതും ഭരിച്ചിട്ടും നീതി കിട്ടുന്നില്ല എന്നാണോ?

രണ്ടു പേരും മാറിമാറി ഭരിച്ചിട്ടും നീതി കിട്ടാത്തതുകൊണ്ട് ഈ നിൽപ്പ് സമരത്തിന് ഇറങ്ങിയത്.

  • ജനയുഗത്തിലെ വാർത്തയെക്കുറിച്ച്?

അന്ന് കെപിസിസി പ്രസിഡന്റിനെ കണ്ട് പ്രശ്‌നങ്ങൾ ചർച്ച ചെയ്യാൻ പോയതാണ്. അത് കഴിഞ്ഞപ്പോൾ ഒരു ചെറിയ പുസ്തകപ്രകാശനം ഉണ്ട് അതിൽ സഹകരിക്കുമോ എന്ന് ചോദിച്ചു. എന്ത് പുസ്തകം ആണെന്നോ എന്ത് പ്രകാശനം ആണെന്നോ ഒന്നും പറഞ്ഞില്ല. അവിടെ എത്തിയപ്പോൾ മൊത്തം മീഡിയയും ഉണ്ട്. ഇന്ദിരാഗാന്ധിയുടെ ഫോട്ടോകളുള്ള പുസ്തകത്തിന്റെ പ്രകാശനമായിരുന്നു. അവിടെ വച്ചാണ് ജയലക്ഷ്മിയും ഉണ്ടെന്ന് മനസ്സിലായത്. സത്യത്തിൽ കെപിസിസി പ്രസിഡന്റ് പറഞ്ഞതിന്റെ പേരിൽ മാത്രമാണ് ആ ചടങ്ങിൽ പങ്കെടുത്തത്. അതിനെ മോശമായി ചിത്രീകരിക്കുന്നത് ശരിയല്ല.കാട്ടിലെ മൃഗങ്ങളെക്കാൾ നാട്ടിലെ ഇരുകാലിമൃഗങ്ങളെ ആണ് സൂക്ഷിക്കേണ്ടത്. 10 ലക്ഷം രൂപ അല്ല. ഒരേക്കർ മുതൽ അഞ്ച് ഏക്കർ വരെ ഭൂമിയാണ് വേണ്ടത്. ആദിവാസികൾ മുഴുവൻ കർഷകരാണ്. സ്വന്തമായി ഭൂമി ഇല്ലാത്തവർ പോലും മറ്റുള്ളവരുടെ കൂടി സ്ഥലങ്ങളിൽ പണിയെടുത്ത് ജീവിക്കുന്നത്. വിദ്യാഭ്യാസപരമായി ആദിവാസികൾ ഏറെ പിന്നിലാണ്. കൃഷി ചെയ്‌തേ ആദിവാസികൾക്ക് ജീവിക്കാൻ അറിയൂ. പത്ത് ലക്ഷം രൂപ ആദിവാസിയുടെ പേരിൽ പാസായാലും അവർ അറിയുന്നുപോലുമില്ല. അത് ഇടനിലക്കാരുടെ പോക്കറ്റിലേക്ക് ആണ് പോകുന്നത്. അതിനാൽ ഇത് ആദിവാസികൾക്ക് ഒരിക്കലും ഗുണം നൽകില്ല. കരാർ നടപ്പാക്കി ഭൂമി കൊടുക്കാനാണ് ശ്രമിക്കുന്നത്. ഇങ്ങനെയുള്ള വാർത്തകൾ ഇടതുപക്ഷത്തിന് അപമാനമാണ് ഉണ്ടാക്കുന്നത്. അധികാരത്തിൽ ഇരിക്കുമ്പോൾ ആദിവാസിക്കുവേണ്ടി ഒന്നും ചെയ്യാതിരിക്കുക അധികാരം പോകുമ്പോൾ കുടിൽകെട്ടൽ സമരത്തിന് പോകുക. ആദിവാസികളെ വഞ്ചിക്കുന്നതിൽ ഇടതുപക്ഷം ഒരുപടികൂടി മുന്നോട്ട് പോയി എന്നാണ് മനസ്സിലാക്കുന്നത്.

  • സമരത്തിലേക്ക് പോകാതെ ഒരു മേശയുടെ അപ്പുറവും ഇപ്പുറവും പരിഹരിക്കാൻ കഴിയുന്ന പ്രശ്‌നമായിരുന്നോ ഇത്? നിൽപ്പ് സമരം നീണ്ടുപോകുന്നതിനെ കുറിച്ച്

അങ്ങനെ തീരുന്ന പ്രശ്‌നമായിരുന്നെങ്കിൽ പത്ത്പതിനാല് വർഷമായി എന്തുകൊണ്ട് പരിഹാരം കണ്ടില്ല. ചർച്ച ചെയ്ത് പരിഹാരിക്കാനാണ് ഞങ്ങളുടെയും ഇഷ്ടം. ഇത്രയും ആളുകളെ ഇവിടെ കൊണ്ടുവന്ന് കഷ്ടപ്പെടുത്തണം എന്ന് ആഗ്രഹം ഇല്ല, പക്ഷേ സർക്കാർ ഒന്നും ചെയ്യുന്നുമില്ലല്ലോ? പ്രശ്‌നത്തിൽ എൽഡിഎഫും യുഡിഎഫും ഒരേ സമീപനമാണ് സ്വീകരിക്കുന്നത്. ആദിവാസികളുടെ ആവശ്യങ്ങൾ നടത്തിതരുന്നതിൽ കരാർ ഉണ്ടാക്കിയതിനാൽ അത് നടത്തിതരാൻ അവർക്ക് ബാധ്യതയുണ്ട്. അത് സർക്കാർ മനസ്സിലാക്കണം.

  • സി ജെ ജാനു കോൺഗ്രസ് അനുഭാവിയാണെന്നാണല്ലോ പ്രചരണം. സുധീരനൊപ്പം കെപിസിസി ഓഫീസിലെത്തിയ ചിത്രവും സോഷ്യൽ മീഡിയയിൽ പ്രചരിക്കുന്നു, ഇതേക്കുറിച്ച്?

വിവരമില്ലാത്ത ആളുകളാണ് അങ്ങനെ പ്രചരിപ്പിക്കുന്നത്. അന്ന് കെപിസിസി പ്രസിഡന്റിനെ കണ്ട് പ്രശ്‌നങ്ങൾ ചർച്ച ചെയ്യാൻ പോയതാണ്. അത് കഴിഞ്ഞപ്പോൾ ഒരു ചെറിയ പുസ്തകപ്രകാശനം ഉണ്ട് അതിൽ സഹകരിക്കുമോ എന്ന് ചോദിച്ചു. എന്ത് പുസ്തകം ആണെന്നോ എന്ത് പ്രകാശനം ആണെന്നോ ഒന്നും പറഞ്ഞില്ല. അവിടെ എത്തിയപ്പോൾ മൊത്തം മീഡിയയും ഉണ്ട്. ഇന്ദിരാഗാന്ധിയുടെ ഫോട്ടോകളുള്ള പുസ്തകത്തിന്റെ പ്രകാശനമായിരുന്നു. അവിടെ വച്ചാണ് ജയലക്ഷ്മിയും ഉണ്ടെന്ന് മനസ്സിലായത്. സത്യത്തിൽ കെപിസിസി പ്രസിഡന്റ് പറഞ്ഞതിന്റെ പേരിൽ മാത്രമാണ് ആ ചടങ്ങിൽ പങ്കെടുത്തത്. അതിനെ മോശമായി ചിത്രീകരിക്കുന്നത് ശരിയല്ല. അവരുമായുള്ള ബന്ധമോ സഹകരണമോ ഒന്നും കൊണ്ടല്ല പങ്കെടുത്തത്. അതിനപ്പുറത്തേയ്ക്ക് ഒരു അജണ്ട അതിനില്ലായിരുന്നു. ഈ സമരം തകർക്കാൻ നല്ലരീതിയിൽ ശ്രമിക്കുന്നുണ്ട്. അതിന് അവർക്ക് സാധിക്കുന്നില്ല. അതിന്റെ ഭാഗമാണ് ഇവർ ഇത്തരം തരംതാണ രീതിയിൽ പ്രവർത്തിക്കുന്നത്.

സോഷ്യൽ മീഡിയയിലും അല്ലാതെയും അനേകം ആളുകൾ ഈ സമരം ഏറ്റെടുത്ത് കഴിഞ്ഞു. പണ്ട് സമരം ചെയ്യുമ്പോൾ പട്ടികജാതി പട്ടികവർഗ്ഗ കൂട്ടായ്മയാണ് ഉണ്ടായിരുന്നത്. എന്നാൽ ഈ സമരം അതിൽ നിന്നെല്ലാം വ്യത്യസ്തമായി മനുഷ്യരായ മുഴുവൻ ആളുകളും ഈ സമരത്തെ ഏറ്റെടുക്കുകയും ഐക്യദാർഢ്യം പ്രഖ്യാപിക്കുകയും അവരാൽ കഴിയുന്ന സഹായങ്ങൾ ചെയ്യുന്നുമുണ്ട്. ശരിക്കും മനുഷ്യന് വേണ്ടിയുള്ള സമരമാണ്. മണ്ണും വെള്ളവും പ്രകൃതിയും സംരക്ഷിക്കാനുള്ള സമരമാണ്. മണ്ണും വെള്ളവും പ്രകൃതിയും നന്നായി ഇരുന്നാൽ ആദിവാസികൾക്ക് മാത്രമല്ല ഗുണം. ലോകത്തിലെ സകല ജീവജാലങ്ങൾക്കും ഗുണം കിട്ടുന്നു.

ആദിവാസികളുടെ സമരം കൊണ്ട് പാരമ്പര്യമായ കാടുകൾ തിരിച്ച് വന്ന് അവിടെ ശുദ്ധമായ വായു കിട്ടിയാൽ അത് ആദിവാസികൾ മാത്രമാണോ ശ്വസിക്കുന്നത്. അല്ലല്ലോ? ലോകത്തിലെ എല്ലാ മനുഷ്യർക്കും വേണ്ടിയുള്ള സമരമാണ് അത്. ആദിവാസികൾ ഏറ്റെടുത്തു എന്നേയുള്ളു. പഴയ പ്രകൃതി തിരിച്ചുവന്ന് തോടും പുഴകളും നിറഞ്ഞൊഴുകിയാൽ അത് ആദിവാസി മാത്രമാണോ ഉപയോഗിക്കുന്നത്. എല്ലാവരും ഉപയോഗിക്കുന്നില്ലേ? അപ്പോൾ ഈ സമരത്തിന്റെ ഗുണം അവർക്കുകൂടിയല്ലേ കിട്ടുന്നത്. അതൊന്നും ആരും മനസ്സിലാക്കുന്നില്ല. ശരിക്കും ഈ സമരത്തിന്റെ വിജയത്തോടെ കേരളത്തിൽ ഒരു പുതിയ കാർഷിക വികസനമാണ് നടക്കാൻ പോകുന്നത്. ഇപ്പോഴത്തെ അവസ്ഥയിൽ തമിഴ്‌നാട്ടിൽ നിന്ന് പച്ചക്കറി വന്നില്ലെങ്കിൽ ഇവിടെ കറിവയ്ക്കില്ല. ആന്ധ്രയിൽ നിന്ന് അരി കിട്ടിയില്ലെങ്കിൽ ഇവിടെ കഞ്ഞിവേവുമോ? ഈ കാർഷിക വിപ്ലവത്തിലൂടെ കേരളം സ്വാശ്രയം കൈവരിക്കാൻ പോവുകയാണ്. ഈ സമരത്തിന്റെ വ്യാപ്തി അതാണ്. ആരും അത് മനസ്സിലാക്കുന്നില്ല. ഇപ്പോഴത്തെ പുതിയ തലമുറ കുറെയൊക്കെ മനസ്സിലാക്കിയിട്ടുണ്ട്. അതുകൊണ്ടാണ് അവർ ഈ സമരത്തെ ഏറ്റെടുത്തത്.

  • ലോക്‌സഭാ തെരഞ്ഞെടുപ്പ് അടുത്ത സമയത്ത് ആം ആദ്മി പാർട്ടിയിൽ ചേരുമെന്ന് കേട്ടിരുന്നല്ലോ? ഇതിന്റെ യാഥാർത്ഥ്യം എന്തായിരുന്നു?

എഎപിയിൽ ചേർന്നിട്ടില്ല. ചേരാം എന്നും പറഞ്ഞിട്ടില്ല. ഇലക്ഷൻ സമയത്ത് അവർക്ക് വോട്ട് ചെയ്യുന്നകാര്യം തീരുമാനിച്ചിരുന്നു. അവർ അഴിമതി വിരുദ്ധ പ്രസ്ഥാനം ആയതുകൊണ്ടാണ് അങ്ങനെ ഒരു നിലപാട് എടുത്തത്. ഈ ആദിവാസി വിഭാഗമാണ് അഴിമതിയുടെ ഏറ്റവും വലിയ ഇരകൾ. എഎപിയിൽ പോകാൻ ഇപ്പോഴും തീരുമാനിച്ചിട്ടില്ല.

ആദിവാസികളുടെ നിൽപ്പു സമരത്തെ കണ്ടില്ലെന്ന് രാഷ്ട്രീയക്കാർ നടിക്കുമ്പോഴും പോരാടാൻ തന്നെയാണ് സി കെ ജാനുവിന്റെ തീരുമാനം. സർക്കാരിനെ ഒരു തരത്തിലും വിശ്വാസിക്കില്ലെന്നും അവർ പറയുന്നു. മണ്ണിന് വേണ്ടിയുള്ള സമരത്തെ പിന്തുണച്ച് സമരരംഗത്തിറങ്ങാൻ നിരവധി പേർ തയ്യാറായി മുന്നോട്ട് വരുന്നുണ്ട്. അവർക്ക് നന്ദി പറയുന്ന ജാനു എല്ലാജില്ലകളിലും ഇതുപോലെ നിൽപ്പ് സമരം നടത്താനാണ് പദ്ധതിയിടുന്നത്. സെക്രട്ടറിയേറ്റിന് മുന്നിലെ സമരപന്തലിൽ ഇരുന്ന് മറുനാടൻ ലേഖകനോട് ആദിവാസികളുടെ സമരനായിക നിലപാട് വിശദീകരിക്കുമ്പോഴും നിരത്തിൽ പൈലറ്റ് വാഹനങ്ങളുടെ അകമ്പടിയോടെ ചുവന്ന ലൈറ്റിട്ട മന്ത്രിവാഹനം ചീറി പാഞ്ഞു.. മണ്ണിന് വേണ്ടിയുള്ള ഈ നിൽപ്പ് സമരത്തെ കണ്ടിട്ടും കണ്ടില്ലെന്ന ഭാവത്തോടെ..

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

Loading...

MNM Recommends

TODAYLAST WEEKLAST MONTH
ബസ് ബ്രേക്ക് ഡൗണായത് അർദ്ധരാത്രി പന്ത്രണ്ടരയോടെ; സ്ത്രീകൾ ഉൾപ്പെടെയുള്ളവരെ റോഡിൽ നിർത്തിയത് മൂന്ന് മണിക്കൂർ; ചോദ്യം ചെയ്ത യുവാക്കൾക്ക് വൈറ്റിലയിലെ ഓഫീസിൽ നിന്ന് കേട്ടത് പച്ചത്തെറി; പകരം സംവിധാനത്തിൽ യാത്ര തുടങ്ങിയത് പൊലീസെത്തിയ ശേഷം; എല്ലാവരും ഉറങ്ങുമ്പോൾ രണ്ട് ചെറുപ്പക്കാരെ സ്‌കെച്ചിടാനെത്തിയത് ഡ്രൈവറുടെ നേതൃത്വത്തിൽ നാല് ഗുണ്ടകൾ; ബസ് മാഫിയ കല്ലട സുരേഷ് ഗ്രൂപ്പിന്റെ മണിപവറും മസിൽ പവറും തുറന്നു കാട്ടി യാത്രക്കാരന്റെ ഫേസ്‌ബുക്ക് പോസ്റ്റ്
മറ്റ് സ്ഥാനാർത്ഥികളിൽ നിന്ന് വ്യത്യസ്ഥനായി കൊട്ടിക്കലാശത്തിന് എത്തിയത് ഭാര്യക്കും മകനുമൊപ്പം; കൊട്ടിക്കലാശ വേദിയിൽ പ്രവർത്തകരുടെ നൃത്തം കണ്ട് തുറന്ന വാഹനത്തിന് ഉള്ളിൽ നിന്ന് നൃത്തം ചെയ്ത് സുരേഷ് ഗോപി; കമ്മീഷണർ രംഗത്തിലെ `ഷിറ്റ്` രംഗം പ്രവർത്തകർ ആവശ്യപ്പെട്ടപ്പോൾ അഭിനയിച്ച് കാണിച്ച് സ്ഥാനാർത്ഥി; തിരിച്ച് ഷിറ്റ് ആക്ഷൻ കാണിച്ച് ഇടത് പ്രവർത്തകരും; പ്രചാരണത്തിൽ വ്യത്യസ്ഥനായ ആക്ഷൻ ഹീറോ കൊട്ടിക്കലാശത്തിലും താരമായത് ഇങ്ങനെ
കൊട്ടിക്കലാശത്തിന് പിന്നാലെ ആരംഭിച്ച സംഘർഷങ്ങൾ വ്യാപിക്കുന്നു; പാലക്കാട് സിപിഎം കോൺഗ്രസ് പ്രവർത്തകർ തമ്മിൽ വെട്ട്; മൂന്ന് കോൺഗ്രസ് പ്രവർത്തകർക്കും സിപിഎം ബ്രാഞ്ച് സെക്രട്ടറിക്കും വെട്ടേറ്റു; തലയ്ക്ക് വെട്ടേറ്റ കോൺഗ്രസ് നേതാവ് ശിവരാജൻ ഗുരുതരാവസ്ഥയിൽ; രമ്യ ഹരിദാസിന് പിന്നാലെ സുരേന്ദ്രനും അൻവറിനും മുരളീധരനും നേരെയൂം അക്രമം; തന്നെ തടഞ്ഞത് സിപിഎം ഗുണ്ടായിസമെന്ന് എ.കെ ആന്റണി; തെരഞ്ഞെടുപ്പിന് ഒരു ദിവസം ബാക്കിനിൽക്കെ സംസ്ഥാനത്ത് സുരക്ഷ ശക്തമാക്കി പൊലീസ്
ശ്രീലങ്കയ്ക്ക് ഇത് 'കറുത്ത ഈസ്റ്റർ'; ചോരക്കളമായ കൊളംബോയിൽ മരണം 207 ആയി; 500ഓളം പേർ വിവിധ ആശുപത്രികളിൽ ചികിത്സയിൽ; ചാവേർ ആക്രമണമെന്ന സംശയത്തിൽ അധികൃതർ; ഒരു മലയാളി ഉൾപ്പടെ 9വിദേശികൾ കൊല്ലപ്പെട്ടെന്ന് വിവരം; അഭ്യൂഹങ്ങളിൽ വിശ്വസിക്കരുതെന്ന പ്രസിഡന്റ് മൈത്രിപാല സിരിസേന; ക്രൈസ്തവരെ ലക്ഷ്യം വച്ച ആക്രമണത്തിന് പിന്നിൽ ആഭ്യന്തര തീവ്രവാദ ഗ്രൂപ്പുകളുടെ സാന്നിധ്യം; പ്രത്യാശയുടെ പൊൻപുലരിയിൽ ലോകം കേട്ടത് ലങ്കയുടെ നിലവിളി; എങ്ങും കുരുതിക്കളം
യുഡിഎഫിന് 7 മുതൽ 17 സീറ്റ് വരെ കിട്ടാം; ഇടതിന് 3 മുതൽ 13 സീറ്റും; അക്കൗണ്ട് തുറക്കാൻ ബിജെപിയും; വയനാട്, കണ്ണൂർ, മലപ്പുറം, പൊന്നാനി, എറണാകുളം, ഇടുക്കി, കോട്ടയം എന്നിവിടങ്ങളിൽ യുഡിഎഫിന് മൂൻതൂക്കം; പാലക്കാടും ആലപ്പുഴയും ആറ്റിങ്ങലും എൽഡിഎഫും; പത്തനംതിട്ടയിലും തിരുവനന്തപുരത്തും മൂന്നു മുന്നണിക്കും ജയസാധ്യതയുള്ള ഫോട്ടോ ഫിനിഷ്; പത്തിടത്ത് ഇഞ്ചോടിഞ്ച് മൽസരം; പ്രചരണത്തിന് കൊട്ടിക്കലാശമാകുമ്പോൾ കേരളത്തിന്റെ രാഷ്ട്രീയ മനസ്സ് എങ്ങോട്ട് ?
സംവിധാനം എന്ന കിരീടത്തിന്റെ ഭാരം എനിക്ക നന്നായിട്ടറിയാം; എത്രകാലമായി ഞാനത് കണ്ടു കൊണ്ടിരിക്കുന്നു; ഇപ്പോൾ എന്റെ ശിരസ്സിലും ആ ഭാരം അമരുന്നു; അതിന്റെ കനം കുറേശ്ശെക്കുറേശ്ശേ ഞാൻ അറിഞ്ഞു തുടങ്ങുന്നു; ഗാമയുടെ നിധി സൂക്ഷിക്കുന്ന ബറോസ്സിന്റെ കഥയുമായി മോഹൻലാൽ സംവിധായകനാകുന്നു; പോർച്ചുഗീസ് മിത്തിൽ ഒരുക്കുക വിസ്മയ സഞ്ചാരങ്ങളെന്നും വിശദീകരണം; ത്രിഡി ചിത്രത്തിന്റെ വിശേഷങ്ങൾ ബ്ലോഗിലൂടെ പുറത്തുവിട്ട് നടൻ
കേന്ദ്രം അറിയിച്ചത് കോടതി വിധി നടപ്പാക്കാൻ കേരളം തീരുമാനിച്ചതിനാൽ ഇടതു തീവ്രവാദികളും ആക്ടിവിസ്റ്റുകളും മല കയറാൻ വരും എന്നും പ്രശ്നങ്ങളുണ്ടാകാതെ ശ്രദ്ധിക്കണമെന്നും; തുലാ മാസക്കാലത്ത് വ്യാഖ്യാനിച്ചത് സ്ത്രീകൾക്ക് ആവശ്യമായ സുരക്ഷ നൽകണം എന്ന് കേന്ദ്ര നിർദ്ദേശിച്ചുവെന്നും; ഇപ്പോൾ പിണറായി ഒറ്റ വരി മാത്രം വായിച്ച് മോദിയെ കുറ്റപ്പെടുത്താൻ ഉപയോഗിക്കുന്നതും ആഭ്യന്തര മന്ത്രാലയത്തിന്റെ ആ പഴയ കത്ത്; ശബരിമലയിലെ സ്ത്രീ പ്രവേശനവുമായി ബന്ധപ്പെട്ട് കേന്ദ്രം അയച്ച ഉത്തരവിന്റെ പൂർണ്ണ രൂപം
നാമ ജപം കേൾക്കുമ്പോൾ മാത്രം പിണറായി വിജയന് ഹാലിളകുന്നത് എന്തുകൊണ്ട്? കാട്ടാക്കടയിൽ പ്രസംഗത്തിനിടയിൽ ക്ഷേത്രത്തിൽ നിന്ന് നാമജപം കേട്ട് അസ്വസ്ഥനായി മുഖ്യമന്ത്രി; പ്രസംഗം നിർത്തി രൂക്ഷമായി വേദിയിലിരുന്ന നേതാക്കളെ നോക്കി കോപം പ്രകടിപ്പിച്ചു; ക്ഷേത്രത്തിലേക്ക് പാഞ്ഞ് വൈദ്യുതി ബന്ധം വിച്ഛേദിപ്പിച്ച് ഐബി സതീഷും ശിവൻകുട്ടിയും; ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകരെ വിരട്ടി സിപിഎം പ്രവർത്തകർ; ശബരിമല വിഷയത്തിൽ ബിജെപിക്ക് ഒരു വടി കൂടി നൽകി പിണറായി
നായർ സമുദായാംഗങ്ങളുടെ വീടുകളിൽ കയറി സുരേന്ദ്രൻ ഈഴവനാണെന്ന് പ്രചരണം; വോട്ടു നൽകുന്നതിന് മുൻപ് ചിന്തിക്കണമെന്നും അഭ്യർത്ഥന; ഈഴവരുടെ വീടുകളിൽ പറയുന്നത് സുരേന്ദ്രൻ നായരാണെന്നും; പത്തനംതിട്ടയിൽ ജയിക്കാൻ മുന്നണികളുടെ കടുംകൈ: എൻഡിഎയ്ക്ക് മുൻതൂക്കമായതോടെ സാമുദായിക തലത്തിലേക്ക് പ്രചാരണം നീട്ടി എൽഡിഎഫും യുഡിഎഫും: ഈഴവ മേഖലയായ സിപിഎം നെടുങ്കോട്ടയിൽ വിള്ളൽ വീഴ്‌ത്തി സുരേന്ദ്രന്റെ സർജിക്കൽ സ്ട്രൈക്ക്
പത്തനാപുരത്ത് മോദിക്കെതിരെ ആഞ്ഞടിച്ചത് രാഹുലെങ്കിലും ആർത്തിരമ്പിയ അണികളെ കൈയിലെടുത്തത് ജ്യോതിയുടെ പരിഭാഷ; രാഹുലിന്റെ ഓരോ വാക്കുകളിലെയു വീര്യം ചോരാതെ അണികളിലെത്തിച്ച മിടുക്കിക്ക് സോഷ്യൽ മീഡിയയുടെ കൈയടി; കൊല കൊമ്പന്മാർ പോലും പരാജയപ്പെടുന്നിടത്ത് അനായാസ ശൈലിയിൽ കത്തിക്കയറി വനിതാ നേതാവ്; ഒരിക്കൽ പോലും വെള്ളിവീഴാത്ത പരിഭാഷകയെ അഭിനന്ദിച്ച് രാഹുൽ ഗാന്ധിയും
കേരളത്തെ മുക്കിയ പ്രളയം ഉണ്ടാക്കിയത് ഒരു ഗൂഢസംഘമാണോ? ജോർജ് ബുഷും ജർമൻ ചാൻസലർ ഏഞ്ചല മെർക്കലും നരേന്ദ്ര മോദിയും വരെ ഈ സംഘത്തിലെ അംഗങ്ങളാണോ? വേൾഡ് ട്രേഡ് സെന്റർ ആക്രമണം തൊട്ട് നോട്ട് നിരോധനം വരെ ഇവരുടെ സൃഷ്ടിയാണോ? പൃഥ്വിരാജ് സാത്താൻ ആരാധകനാണോ? പുരോഗമന കേരളത്തിലെ പ്രൊഫഷണൽ കാമ്പസുകളിൽ വരെ നടക്കുന്ന ചർച്ച കേട്ടാൽ നിങ്ങൾ ഞെട്ടിപ്പോകും; ലൂസിഫർ സിനിമ കേരളക്കരയിൽ തുറന്നുവിട്ട ഇല്യൂമിനാറ്റി ആധുനിക അന്ധവിശ്വാസത്തിന്റെ കഥ
കുമ്മനം ജയിക്കുമെന്ന് പറയുന്ന തിരുവനന്തപുരത്ത് ചിലയിടങ്ങളിൽ ബിജെപി സ്ഥാനാർത്ഥിക്ക് കാലു കുത്താൻ പോലും ആവില്ലെന്ന് അറിയാമോ? കേന്ദ്ര പ്രതിരോധ മന്ത്രി നിർമ്മലാ സീതാരാമനുമായി കുമ്മനം സന്ദർശിക്കാൻ ശ്രമിച്ചെങ്കിലും പ്രതിരോധം തീർത്ത് നാട്ടുകാർ; പ്രകോപനം ഉണ്ടാക്കാതെ മടങ്ങി കേന്ദ്രമന്ത്രിയും ബിജെപി സ്ഥാനാർത്ഥിയും; പൂന്തുറക്കാർ പ്രകോപിതരായി തടയുന്നത് ശക്തമാക്കിയതോടെ ബിജെപിക്കാർ മടങ്ങുന്ന ദൃശ്യങ്ങളും വൈറലാകുമ്പോൾ
രാഹുൽ ഒന്നു പറയുമ്പോൾ കുര്യൻ കമ്പിളിപ്പുതപ്പേ...പത്തനംതിട്ടയിൽ കോൺഗ്രസ് അദ്ധ്യക്ഷന്റെ പ്രസംഗം പരിഭാഷപ്പെടുത്തിയ പി.ജെ.കുര്യൻ കുളം കലക്കി; സദസിൽ നിന്ന് ഗോ ബാക്ക് വിളി; ബിജെപിയുടെ അച്ചാരം പറ്റിയാണ് ഇത് കാണിക്കുന്നതെന്നുപോലും ബഹളക്കാർ; സദസിലും വേദിയിലും നിന്നുള്ള വിമർശനം താങ്ങാനാകാതെ വിളറി വെളുത്ത് മുൻ രാജ്യസഭാ ഉപാധ്യക്ഷൻ: ബഹളം കാരണം ഒന്നും കേൾക്കാൻ കഴിഞ്ഞില്ലെന്ന് കുര്യൻ
ഫേസ്‌ബുക്ക് പ്രൊഫൈലിൽ മുസ്ലിം -ഹിന്ദു പേരുകൾ കണ്ടത് കൗതുകമായെന്ന് പറഞ്ഞ് ചാറ്റിങ് തുടങ്ങി; പൊലീസുകാരനാണെന്ന ധൈര്യത്തിൽ യുവതി ചാറ്റ് ചെയ്തത് ഭർത്താവിന്റെ കൂടെ ഇരുന്ന്; ഒപ്പം കുളിക്കാൻ വരുന്നോ എന്നുചോദിച്ച് നഗ്നനായി നിൽക്കുന്ന ഫോട്ടോ അയച്ചതോടെ യുവതി ഫോൺ ഭർത്താവിന് കൈമാറി; ചാറ്റിങ് തുടർന്ന ഭർത്താവിന് കിട്ടിയത് പൊലീസുകാരൻ സ്വയംഭോഗം ചെയ്യുന്ന വീഡിയോ; ഫോൺ നമ്പർ തഞ്ചത്തിൽ സംഘടിപ്പിച്ച ശേഷം കണ്ണൂരിലെ പൊലീസുകാരനെതിരെ പരാതി നൽകി ദമ്പതികൾ
കെ കരുണാകരനും പിണറായിയും സീറ്റു വെച്ചുനീട്ടിയിട്ടും നോ പറഞ്ഞു; വിജയേട്ടനോട് ചോദിച്ചു എ എം ആരിഫിന് അരൂരിൽ സീറ്റ് വാങ്ങി നൽകി; ഇരവിപുരത്ത് മുകേഷിന് മത്സരിക്കാൻ ഞാൻ വിജയേട്ടനുമായി ഗുസ്തി പിടിച്ചതു കൊണ്ടാണ് ഒടുവിൽ കൊല്ലം നൽകിയത്; 2014ൽ രാജേട്ടനെ വേദനിപ്പിക്കാതിരിക്കാനാണ് ഞാൻ മത്സരം വേണ്ടെന്ന് വെച്ചത്; ശിഹാബ് തങ്ങളും ആന്റണിയും തമ്മിലുള്ള പ്രശ്‌നങ്ങൾ തീർത്തു: സുരേഷ് ഗോപി മനസു തുറക്കുമ്പോൾ ഇത്രയും വലിയൊരു മനുഷ്യനെ തെറ്റിദ്ധരിച്ചല്ലോ എന്നുകരുതി മുഖംകുനിച്ചു സോഷ്യൽ മീഡിയ
ബസ് ബ്രേക്ക് ഡൗണായത് അർദ്ധരാത്രി പന്ത്രണ്ടരയോടെ; സ്ത്രീകൾ ഉൾപ്പെടെയുള്ളവരെ റോഡിൽ നിർത്തിയത് മൂന്ന് മണിക്കൂർ; ചോദ്യം ചെയ്ത യുവാക്കൾക്ക് വൈറ്റിലയിലെ ഓഫീസിൽ നിന്ന് കേട്ടത് പച്ചത്തെറി; പകരം സംവിധാനത്തിൽ യാത്ര തുടങ്ങിയത് പൊലീസെത്തിയ ശേഷം; എല്ലാവരും ഉറങ്ങുമ്പോൾ രണ്ട് ചെറുപ്പക്കാരെ സ്‌കെച്ചിടാനെത്തിയത് ഡ്രൈവറുടെ നേതൃത്വത്തിൽ നാല് ഗുണ്ടകൾ; ബസ് മാഫിയ കല്ലട സുരേഷ് ഗ്രൂപ്പിന്റെ മണിപവറും മസിൽ പവറും തുറന്നു കാട്ടി യാത്രക്കാരന്റെ ഫേസ്‌ബുക്ക് പോസ്റ്റ്
പഠനകാലത്ത് എല്ലാ ക്ലാസിലും ടോപ്പർ; പത്താംക്ലാസിൽ സ്‌കൂളിലെ ഒന്നാം റാങ്കുകാരി; ദക്ഷിണേന്ത്യൻ സിനിമാ പ്രമുഖന്റെ ആദ്യ ഭാര്യയിലെ മകളും; ബിടെക്കുകാരിയെ കരിമൂർഖൻ വളച്ചെടുത്തത് മരിച്ച ഭർത്താവിന്റെ ആത്മാവ് തനിക്കൊപ്പെന്ന് വിശ്വസിപ്പിച്ചും; കുട്ടികളോട് പക അതിക്രൂരമായത് 'അമ്മ'യോടുള്ള താൽപ്പര്യം കുറഞ്ഞപ്പോൾ; കോബ്രയ്ക്ക് ഒന്നിലേറെ ഭാര്യമാരും അനവധി പരസ്ത്രീ ബന്ധവും; കസിന്റെ ഭാര്യയെ അടിച്ചെടുത്ത് ഏഴു വയസ്സുകാരനെ വകവരുത്തിയ പ്രണയത്തിന് പിന്നിലെ ചതി ഇങ്ങനെ
'ഞാൻ അമിതാബ്....നിന്റെ ഭാര്യയുടെ കാമുകൻ; നിന്റെ ഭാര്യയുമായി എനിക്ക് ബന്ധമുണ്ട്; നീ അടുത്ത തവണ അവധിക്ക് വരുമ്പോൾ ലാളിക്കുന്നത് എന്റെ കുഞ്ഞിനെയാവും': സൈനികൻ വിശാഖ് സ്വയം നിറയൊഴിച്ച് മരിച്ചത് പൊലീസിലെ മിനിസ്റ്റീരിയൽ ജീവനക്കാരനായ അമിതാബിന്റെ വാക്കുകൾ കേട്ട്; 'വീട്ടിലേക്ക് വാ.. നിനക്കൊരു സമ്മാനമുണ്ട് എന്ന് അമിതാബിന് സന്ദേശമയച്ച് ആത്മഹത്യ ചെയ്ത് മറ്റൊരു പെൺകുട്ടി; 'മതമില്ലാത്ത അമിതാബ്' വലയിൽ വീഴ്‌ത്തിയത് നിരവധി പെൺകുട്ടികളെ
ക്രൂരത സഹിക്കവയ്യാതെ വിവാഹ മോചനം വാങ്ങി അമേരിക്കയ്ക്ക് പറന്ന ആദ്യ ഭാര്യ; അമ്മാവന്റെ മകന്റെ ഭാര്യയുമായുള്ള അടുപ്പം ഡിവോഴ്‌സിന് കാരണമായി; കുടുംബം തകരാതിരിക്കാൻ തൊടുപുഴയിലേക്ക് താമസം മാറി വർക് ഷോപ്പ് തുറന്നെങ്കിലും വില്ലനായി മരണമെത്തി; ഭർത്താവിന്റെ മരണാനന്തര ചടങ്ങിൽ പങ്കെടുക്കാനെത്തിയപ്പോൾ വീണ്ടും പ്രണയം പൂത്തുലഞ്ഞു; കുട്ടികളുടെ അച്ഛന്റെ 41-ാം മരണാനന്തര ചടങ്ങ് ദിവസം എല്ലാം നിശ്ചയിച്ചുറപ്പിച്ചു; പിന്നെ മക്കളുമൊത്ത് ഒളിച്ചോട്ടം; തൊടുപുഴയിലെ ക്രൂരതയ്ക്ക് പിന്നിലെ കുടുംബ കഥ ഇങ്ങനെ
രക്തം പരസ്പരം കടിച്ചു കുടിക്കുന്ന ദമ്പതികൾ! 2016ൽ കല്യാണം കഴിഞ്ഞെന്ന് വിഡിയോ ഇട്ട് വാർഷികം ആഘോഷിച്ച ഭ്രാന്ത് പിടിച്ച പ്രണയം; അടുപ്പിച്ചത് യാത്രകളോടുള്ള താൽപ്പര്യം; നിധീഷിനെ 'പിശാച്' ആക്കിയതിന് പിന്നിൽ വാമ്പയർ സിനിമയോ ഓൺലൈനിലെ മരണക്കളികളോ എന്ന് സംശയം; ബ്ലൂവെയിൽ ഗെയിമും ആസ്ട്രൽ പ്രൊജക്ഷനും കേട്ട് ഞെട്ടിയവർക്ക് മുന്നിലേക്ക് പിശാചിന്റെ ദമ്പതികളും; ചിയ്യാരത്തെ നീതുവിനെ പച്ചക്ക് കത്തിച്ച് കൊല്ലാൻ നിധീഷിനെ പ്രേരിപ്പിച്ച യഥാർത്ഥ വില്ലൻ ടിക് ടോക്കിലെ മരണക്കളിയോ?
61കാരിയായ എന്നെ 37കാരൻ പരിചയപ്പെട്ടത് ഫോണിലൂടെ; സ്മാർട്ട് ഫോൺ വാങ്ങി നൽകി സ്ഥിരം വിളിച്ച് വശീകരണം; പിന്നെ തോട്ടപ്പള്ളിയിലെ ഹോട്ടലിലും വീട്ടിലും അതിക്രമിച്ച് കയറി പീഡനവും; ദൃശ്യങ്ങൾ പകർത്തിയത് സമ്മതം കൂടാതെ; ഭർത്താവിനും അയൽവാസികൾക്കും അയച്ചു കൊടുത്തതോടെ സ്വകാര്യത നഷ്ടമായി; പ്രമുഖ ചാനലിലെ ജനപ്രിയ സീരിയലിൽ 'അമ്മ' വേഷം ചെയ്യുന്ന നടിയുടെ പരാതി പൊലീസിന്; വിദേശത്തുള്ള യുവാവിനെ നാട്ടിലെത്തിക്കാൻ കരുക്കൾ നീക്കി അന്വേഷണ സംഘം
ഭാര്യമാരെ പരസ്പരം മാറ്റി രസിക്കുന്ന ഗ്രൂപ്പുകൾ തിരുവനന്തപുരത്തും; തൊടുപുഴയിലെ ഏഴ് വയസ്സുകാരന്റെ കൊലപാതകത്തിലെ ക്രൂരതയിലെ മറുനാടൻ അന്വേഷണം എത്തി നിൽക്കുന്നത് വൈഫ് സ്വാപ്പിങ് വാട്‌സാപ്പ് ഗ്രൂപ്പുകളിൽ; അരുൺ ആനന്ദിന്റെ കള്ളക്കളികൾ വിരൽ ചൂണ്ടുന്നത് സോഷ്യൽ മീഡിയയിലെ സാമൂഹിക തിന്മകളുടെ കാണാക്കയത്തിലേക്ക്; മകനെ കൊന്ന ക്രൂരതയ്ക്ക് വഴിയൊരുക്കിയ അമ്മയെ വെറുതെ വിടാൻ മനഃശാസ്ത്രക്കളികളും; ബിടെക്കുകാരന്റെ മരണത്തിലെ അന്വേഷണം അട്ടിമറിക്കാനും നീക്കം
സ്മാർട്ട് ഫോൺ സമ്മാനിച്ച് വശത്താക്കി പലവട്ടം പീഡിപ്പിച്ചത് ഊരുംപേരും പോലും അറിയാത്ത ചെറുപ്പക്കാരനെന്ന സീരിയലിലെ അമ്മ നടിയുടെ മൊഴികേട്ട് ഞെട്ടി പൊലീസും; ആദ്യം പറഞ്ഞത് മലപ്പുറത്തുകാരനെന്നും പിന്നെ പറഞ്ഞത് എറണാകുളംകാരൻ എന്നും; ഒടുവിൽ അന്വേഷണം എത്തിനിൽക്കുന്നത് ഗൾഫിലേക്ക് പോയ യുവാവിൽ കേന്ദ്രീകരിച്ച്; കഴിഞ്ഞ ഡിസംബർ കാലത്ത് നടന്ന പീഡനത്തിൽ പരാതി എത്തുന്നത് ദൃശ്യങ്ങൾ സോഷ്യൽമീഡിയയിൽ ചൂടപ്പമായപ്പോൾ
നാമ ജപം കേൾക്കുമ്പോൾ മാത്രം പിണറായി വിജയന് ഹാലിളകുന്നത് എന്തുകൊണ്ട്? കാട്ടാക്കടയിൽ പ്രസംഗത്തിനിടയിൽ ക്ഷേത്രത്തിൽ നിന്ന് നാമജപം കേട്ട് അസ്വസ്ഥനായി മുഖ്യമന്ത്രി; പ്രസംഗം നിർത്തി രൂക്ഷമായി വേദിയിലിരുന്ന നേതാക്കളെ നോക്കി കോപം പ്രകടിപ്പിച്ചു; ക്ഷേത്രത്തിലേക്ക് പാഞ്ഞ് വൈദ്യുതി ബന്ധം വിച്ഛേദിപ്പിച്ച് ഐബി സതീഷും ശിവൻകുട്ടിയും; ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകരെ വിരട്ടി സിപിഎം പ്രവർത്തകർ; ശബരിമല വിഷയത്തിൽ ബിജെപിക്ക് ഒരു വടി കൂടി നൽകി പിണറായി
വീട്ടിലെ ഊണ് എന്ന ഹോട്ടലിന്റെ പേരിൽ നടന്നത് അനാശാസ്യം; കഴുത്തിലെ പത്ത് പവനായി തന്ത്രങ്ങളൊരുക്കി കൊല; മകനൊപ്പം പലിശക്കാരി ഗൾഫിൽ പോകും മുമ്പ് രണ്ടും കൽപ്പിച്ചുള്ള നീക്കം; മദ്യ ലഹരയിൽ രണ്ട് സ്ത്രീകളേയും ലൈംഗികമായി ഉപയോഗിച്ചു; പിന്നെ കൊന്ന് മോഷണം; തെളിവ് നശിപ്പിക്കാൻ നഗ്നയായി കിടത്തി ശരീരത്ത് എണ്ണ തേച്ചു; ഒറ്റയ്ക്ക് താമസിച്ച ജാക്വലിന്റെ കൊലയ്ക്ക് പിന്നിൽ സെക്‌സ് റാക്കറ്റ്; കുടുങ്ങിയത് അജ്മലും മുംതാസും സീനത്തും; ആലപ്പുഴ കൊലപാതകം തെളിഞ്ഞത് ഇങ്ങനെ