1 usd = 72.10 inr 1 gbp = 93.64 inr 1 eur = 81.72 inr 1 aed = 19.63 inr 1 sar = 19.22 inr 1 kwd = 237.12 inr

Nov / 2018
15
Thursday

പെണ്ണെഴുത്ത് സ്ത്രീവിരുദ്ധം; മതവിശ്വാസം എന്റെ എഴുത്തിനു ബാധ്യതയായിട്ടില്ല; ചില സംഭവങ്ങൾ പെരുപ്പിച്ചുകാട്ടി മലപ്പുറത്തെ താറടിക്കുന്നു; യുവകഥാകാരി ഇ കെ ഷീബ മറുനാടൻ മലയാളിയോടു സംസാരിക്കുന്നു

November 23, 2013 | 04:08 AM IST | Permalink



പെണ്ണെഴുത്ത് സ്ത്രീവിരുദ്ധം; മതവിശ്വാസം എന്റെ എഴുത്തിനു ബാധ്യതയായിട്ടില്ല; ചില സംഭവങ്ങൾ പെരുപ്പിച്ചുകാട്ടി മലപ്പുറത്തെ താറടിക്കുന്നു; യുവകഥാകാരി ഇ കെ ഷീബ മറുനാടൻ മലയാളിയോടു സംസാരിക്കുന്നു

സന്ധ്യ ഹരിദാസ്

ള്ളുവനാടിന്റെ സൗന്ദര്യം, ഏറനാടിന്റെ അതിർത്തി... പെരിന്തൽമണ്ണ കേരളത്തിൽ രാഷ്ട്രീയത്തിലും സാഹിത്യത്തിലും സ്വന്തം വഴി വെട്ടിത്തുറന്ന നാടാണ്. രാഷ്ട്രീയത്തിൽ ഇ എം എസും എഴുത്തിൽ ചെറുകാടും തുറന്നിട്ട വിപ്ലവത്തിന്റെ ജ്വാലാമുഖിയായ നാട്. പുതുതലമുറയിൽ എഴുത്തിൽ പുതുവഴി തുറക്കുകയാണ് ഷീബ. ഇ കെ ഷീബയെന്ന എഴുത്തുകാരി മലയാളത്തിന്റെ അകംപുറങ്ങളിലേക്ക് എഴുത്തായി തുറന്നിടുന്നതു വലിയൊരു ലോകമാണ്. സ്വന്തം നാടിന്റേയോ ലോകത്തിന്റേയോ കുറേ ആകുലതകളും സ്വപ്നങ്ങളും. യുവതലമുറയിൽ ശ്രദ്ധേയയായ എഴുത്തുകാരിയായി മാറുമ്പോൾ ഇ കെ ഷീബ മറുനാടൻ മലയാളിയോടു സംസാരിക്കുന്നു.

  • താമസിയിൽ തുടങ്ങിയ എഴുത്ത് ജീവിതം ദുനിയയിൽ എത്തി നിൽക്കുമ്പോൾ, ഒരു എഴുത്തുകാരി എന്ന നിലയിൽ സ്വയം എങ്ങനെ വിലയിരുത്തുന്നു?

18 വർഷത്തെ എഴുത്തു ജീവിതത്തിൽ വളരെക്കുറച്ചേ എഴുതിയിട്ടുള്ളൂ.എങ്കിലും എഴുതിയതിൽ ഞാൻ സംതൃപ്തയാണ്. സ്വയം വിലയിരുത്തുമ്പോൾ ആദ്യകാല കഥകളിൽ നിന്നും ഒരുപാടു മാറ്റങ്ങൾ വന്നതായി മനസ്സിലാക്കാൻ കഴിയുന്നു. ഭാഷയിലും വിഷയസ്വീകരണത്തിലും ഏറെ മാറിപ്പോയിട്ടുണ്ട്. ആദ്യകാലകഥകൾ കോളജ് കാലഘട്ടത്തിലെഴുതിയവയാണ്. ഏതൊരു പെൺകുട്ടിയിലും ഉണ്ടാകുന്ന തരളമായ കാല്പനികതകൾ അക്കാലത്തെ കഥകളിൽ വായിക്കാനാവും. സമൂഹത്തിന്റെ ഇടപെടലുകളിൽ നിന്നാണ് പുതിയ കഥകളുടെ പിറവി.. ആശയം മനസ്സിൽ വന്നാലും ശക്തമായ തോന്നൽ ഉണ്ടാവുമ്പോൾ മാത്രമേ എഴുതാറുള്ളൂ.

  • എഴുത്തുകാരെ ഏറ്റവും കൂടുതൽ സ്വാധീനിക്കുന്നത് ദേശമാണെന്ന് കേട്ടിട്ടുണ്ട്. മലപ്പുറമാണ് ഷീബയുടെ നാട്. പക്ഷേ, കഥകളിൽ എവിടേയും ആ നാടിന്റേയോ ഭാഷയുടേയോ സ്വാധീനം കാണാറില്ലല്ലോ?

വീട്, പ്രിയപ്പെട്ടവർ എന്നതുപോലെ നാടും എന്റെ ദൗർബല്യമാണ്. മലപ്പുറം ജില്ലയിൽ ജീവിക്കുന്ന ഒരു മുസ്ലിം എന്ന നിലയിൽ എഴുതുതാത്തതെന്ത് എന്ന് പലരും ചോദിച്ചിട്ടുണ്ട്. മലപ്പുറം ജില്ലയിലാണെങ്കില്പോലും നഗരവല്ക്കരിക്കപ്പെട്ട പെരിന്തൽമണ്ണ ടൗണിലാണ് ജനിച്ചതും ജീവിക്കുന്നതും. പിതാവിന്റെ കുടുംബം മുഴുവൻ സർക്കാർ ഉദ്യോഗസ്ഥരായിരുന്നതിനാൽ വളർന്ന സാഹചര്യങ്ങൾ ഒട്ടും യാഥാസ്ഥിതികമായിരുന്നില്ല.
എപ്പോഴും പല ജില്ലക്കാരായ അതിഥികൾ വന്നിരുന്ന വീടായിരുന്നു എന്റേത്. മലപ്പുറത്തിനു തനതായ പ്രത്യേകഭാഷ എന്റെ നാട്ടിൽ പറഞ്ഞുകേട്ടിട്ടുമില്ല. ഇരുപതു കിലോമീറ്റർ ദൂരം മാത്രമുള്ള മലപ്പുറം നഗരത്തിൽ 'എന്താ' എന്നതിന് 'എത്താ' എന്നു പറയുമ്പോൾ പെരിന്തൽമണ്ണക്കാരന് ആ ഭാഷ അന്യമാണ്. വീട്ടിൽ പുസ്തകങ്ങളും സംഗീതവും സിനിമയും ഉണ്ടായിരുന്നു. തിയറ്ററിൽ പോയി സിനിമ കാണാൻ സ്വാതന്ത്ര്യവും ഉണ്ടായിരുന്നു. പ്രത്യക്ഷത്തിൽ കാണാൻ കഴിഞ്ഞില്ലെങ്കിലും എന്റെ കഥാപാത്രങ്ങളിൽ നാട്ടുകാരും പരിചയക്കാരുമുണ്ട്. ചിലപ്പോൾ അവരെ വേറെ നാട്ടിൽ, വേറെ സാഹചര്യത്തിൽ കൊണ്ടുപോയി പ്രതിഷ്ഠിക്കാറുണ്ട്. ഒരു കഥാപാത്രത്തെ സൃഷ്ടിക്കുമ്പോൾ പലയാളുകളുടെ സ്വഭാവം ചേർത്ത് പുനർനിർമ്മിക്കാറുമുണ്ട്. അതെല്ലാം എഴുത്തുകാരിയുടെ സ്വാതന്ത്ര്യങ്ങളാണല്ലോ. പിന്നെ മലബാർ ഭാഷയും അവിടത്തെ കഥകളും പറഞ്ഞ് പഴകിക്കഴിഞ്ഞു. സിനിമക്കാരും അതെല്ലാം നല്ലവണ്ണം ഉപയോഗിച്ചിട്ടുണ്ട്. ജീവിക്കുന്ന ചുറ്റുപാടിനനുസരിച്ച് ,സംസാരിക്കുന്ന ഭാഷക്കനുസരിച്ചേ എനിക്ക് അനായാസം എഴുതാൻ കഴിയൂ. നീലലോഹിത്തിന്റെ മുൻകുറിപ്പിൽ ഞാൻ അത് വിശദീകരിച്ചിട്ടുണ്ട്. നാടൻ ഭാഷയിൽ ഞാൻ ഒരു കഥയേ എഴുതിയിട്ടുള്ളൂ. കശാപ്പ്. എന്റെ വായനക്കാർ അപ്പോൾത്തന്നെ പ്രതികരിച്ചു. കഥ നന്ന്, പക്ഷേ ഈ ഭാഷ എനിക്കു ചേരില്ലെന്ന്!

  • ഷീബയുടെ കഥാപാത്രങ്ങൾ പലപ്പോഴും ആർക്കൊക്കെയോ പ്രതീക്ഷകളായി മാറാറുണ്ട്. പ്ലേസ്റ്റേഷനിലെ 'അച്ഛൻ മുഖമുള്ള മനുഷൻ'ദൂരെ എവിടെയൊക്കെയോ തനിച്ചായിപ്പോയ പെൺകുട്ടികൾക്കും, ചെറിമരങ്ങളിലെ ഗ്രീഷ്മകാലം എന്ന കഥയിലെ അന്ന കുറേ അനാഥ ബാല്യങ്ങൾക്കും പ്രതീക്ഷയായിരുന്നു. ഷീബയുടെ കഥ ആർക്കെല്ലാം പ്രതീക്ഷ നൽകണം എന്നാഗ്രഹിക്കുന്നു?

പ്രതീക്ഷകളാണല്ലോ നമ്മെ ജീവിപ്പിക്കുന്നത്. ജീവിതത്തിൽ ഒറ്റപ്പെടുക എന്നതാണ് ഏറ്റവും വലിയ ദുരന്തം എന്നു ഞാൻ വിശ്വസിക്കുന്നു. നമ്മെ മനസ്സിലാക്കാൻ ഒരാളില്ലാതിരിക്കുക എന്നത് വേദനാജനകമാണ്. സഹതാപമല്ല തന്മയീഭാവമാണ് വേണ്ടത്. വേദനിക്കുന്ന, അനീതി അനുഭവിക്കുന്ന തനിച്ചായിപ്പോകുന്നവർക്ക് പ്രതീക്ഷ നല്കാനായിരുന്നെങ്കിൽ എന്നാഗ്രഹിക്കുന്നു. സമാനമനസ്‌കർ ഭൂമിയിലുണ്ട് എന്നൊരു അടയാളമെങ്കിലും നൽകാൻ കഴിയണം എന്നു കൊതിക്കുന്നു.

  • സ്ത്രീജന്മം കിട്ടിയതിൽ സ്വയം ശപിക്കുന്നുവെന്നും, ഭാരമില്ലാത്ത മനസുമായി ഒറ്റക്കൊരു പെണ്ണിന് രാത്രിയുടെ സൗന്ദര്യം ആസ്വദിക്കാനുള്ള ഭാഗ്യം ദൈവത്തിന്റെ സ്വന്തം നാട്ടിൽ ഉണ്ടാകുമോ എന്ന് ചിന്തിക്കുന്നതു പോലും അഹങ്കാരമാണെന്നും 'പെൺരാത്രികൾ' എന്ന ലേഖനത്തിൽ ഷീബ എഴുതുകയുണ്ടായി. പ്രതീക്ഷ നഷ്ടപ്പെട്ട പെണ്മനസിന്റെ ആശങ്കകളായിരുന്നോ അതെല്ലാം?

കുട്ടിക്കാലത്ത് കരുതിയിരുന്നു ഞാൻ വലുതാകുന്ന കാലത്ത് സ്ത്രീകൾ കൂടുതൽ സ്വാതന്ത്ര്യത്തോടെ പഠിച്ച്, ജോലിനേടി ആത്മവിശ്വാസത്തോടെ, സമാധാനത്തോടെ ജീവിക്കുമെന്ന്. വളർന്നപ്പോൾ ചുറ്റുമുള്ള സ്ത്രീകൾക്ക് ഉന്നതവിദ്യാഭ്യാസം, നല്ല ജോലികൾ, ആത്മവിശ്വാസം എല്ലാം ഉണ്ടായി. പക്ഷേ സമൂഹത്തിന് സ്ത്രീകളോടുള്ള മനോഭാവം പണ്ടത്തേതിനേക്കാൾ മോശമായി. മുമ്പെല്ലാം പ്രായം ചെന്ന സ്ത്രീകൾക്ക് ഒരു ആദരവു നല്കിയിരുന്ന സമൂഹം ഇപ്പോൾ എൺപതുകാരിയെപ്പോലും എങ്ങനെ പീഡിപ്പിക്കാം എന്നാണ് ചിന്തിക്കുന്നത്. പണ്ട്, നേരം അൽപം ഇരുട്ടിയാലും തൊഴിലാളി സ്ത്രീകൽ ചന്തയിൽ പോയി പച്ചക്കറിയും മീനുമൊക്കെ വാങ്ങിയിട്ട് വീട്ടിലേക്കു പോകുന്നതു കാണാമായിരുന്നു.അന്നെല്ലാം സന്ധ്യാപ്രാർത്ഥന കഴിഞ്ഞാൽ എന്റെ ചുറ്റുവട്ടത്തുള്ള സ്ത്രീകൾ ഒന്നിച്ച് അയൽ വീടുകൾ സന്ദർശിക്കാൻ പോകാറുണ്ടായിരുന്നു. ഇപ്പോൾ അവിടെയെല്ലാം ബാറുകൾ ആണ്. സന്ധ്യകഴിഞ്ഞാൽ അതിലൂടെ നടക്കാൻ വയ്യ. ഏഴുമണി കഴിഞ്ഞ് അബദ്ധത്തിൽ റോഡിൽ തനിച്ചാവുന്ന ഓരോ സ്ത്രീയുടെ മുഖത്തും പരിഭ്രമമല്ലാതെ മറ്റൊന്നും കാണാൻ കഴിയുന്നില്ല. സ്ത്രീജന്മംം പലപ്പോഴും ഭാരമായിട്ടുണ്ട് എന്നു പറയാൻ എനിക്കു വിഷമമില്ല. കാരണം പെൺരാത്രികളിൽ ഉണ്ടായ ദുരനുഭവം ഞാൻ ഒരു സ്ത്രീയായിപ്പോയി എന്നതുകൊണ്ടു മാത്രമാണ് സംഭവിച്ചത്. എങ്കിലും വരുംകാലങ്ങളിൽ സ്ത്രീകൾ കൂടുതൽ ആർജ്ജവം നേടുമെന്ന് പ്രതീക്ഷയുണ്ട്. കാരണം അനീതികളും അക്രമങ്ങളും എന്നും തുടരാനാവില്ല. അതിനെതിരെ എന്തെങ്കിലും തിരിച്ചടി വരാതിരിക്കില്ല.

  • കഥകൾക്ക് ധാരാളം വായനക്കാരുണ്ട്. പക്ഷെ, ദുനിയ എന്ന നോവലിലേക്ക് എത്തിയപ്പോൾ അത്രത്തോളം വിജയിക്കപ്പെട്ടില്ല എന്നു പറഞ്ഞാൽ ഷീബ എങ്ങനെ പ്രതികരിക്കും?

ദുനിയ എന്റെ ആദ്യത്തെ നോവലാണ്. ഒരു കഥയ്ക്ക് ഉൾക്കൊള്ളാൻ പരിമിതികളുണ്ടായിരുന്ന ആശയത്തെ നോവലാക്കിയെന്നും പറയാം. ദുനിയ എഴുതിപ്പൂർത്തിയാക്കുക എന്നത് എന്റെ സ്വപ്നമായിരുന്നു. കാരണം ഞാൻ പറയാനാഗ്രഹിച്ച കുറേക്കാര്യങ്ങൾ അതിലുണ്ട്. പുസ്തകം പുറത്തിറങ്ങിയിട്ട് ഒരു മാസമായതേയുള്ളൂ. ഇതിനോടകം ലഭിച്ച പ്രതികരണങ്ങളൊന്നും തന്നെ നിരുത്സാഹപ്പെടുത്തുന്നതായിരുന്നില്ല. ദുനിയയെപ്പോലെ ഒരു പെൺകുട്ടിയെയാണ് ഭാവിവധുവായി കാണുന്നതെന്നു പറഞ്ഞ വിദ്യാർത്ഥിയും ഭാവിയിൽ ഒരു മകളുണ്ടാവുമ്പോൽ ദുനിയയെന്നു പേരിട്ടോട്ടെ എന്നനുവാദം ചോദിച്ച പെൺകുട്ടിയും ഒരുപാടു സന്തോഷം നല്കി. അതോടൊപ്പം കഥകളാണ് കൂടുതൽ ഇഷ്ടം എന്നും ഒന്നു രണ്ടുപേർ പറഞ്ഞു. എല്ലാം ഒരുപോലെ സ്വീകരിക്കുന്നു. പ്ലേ സ്റ്റേഷന് തരുന്ന വായനാനുഭവമല്ല ദുനിയയിൽ. അത് മറ്റൊരു കോണിലൂടെ വായിക്കേണ്ടതാണ്. എന്തായാലും ദുനിയയെ ഞാൻ വായനക്കാർക്കു മുമ്പിൽ സമർപ്പിച്ചു കഴിഞ്ഞു. മുൻവിധികളില്ലാതെ വായിക്കട്ടെ. നോവൽ എന്നതിനേക്കാളുപരി ചെറുകഥ തന്നെയാണ് എനിക്ക് കൂടുതൽ സൗകര്യപ്രദം. വീട്ടിലേയും ജോലിസ്ഥലത്തേയും തിരക്കുകൾക്കിടയിൽ ചെറുകഥയെഴുത്താണ് പെട്ടെന്നു ചെയ്യാനാവുക. നോവലെഴുത്ത് ഒരുപാടു സമ്മർദ്ദങ്ങൾ തരുന്നു. പൂർത്തിയാക്കാൻ വർഷങ്ങളെടുക്കുമെന്നതും പ്രശ്‌നമാണ്. ഉടനെ ഒരു നോവൽ എഴുതാൻ സാദ്ധ്യതയില്ല. ഒരു ലഘുനോവൽ ഹരിതം ബുക്ക്‌സിന്റെ മതേതരം മാസികയിൽ ഡിസംബറിൽ പ്രസിദ്ധീകരിക്കുന്നുണ്ട് ചിന്മയിയുടെ വീട്. വളരെക്കാലത്തിനു ശേഷം കാല്പപനികതയിലേക്കുള്ള ഒരു തിരിച്ചുപോക്ക്!

  • 'കനലെഴുത്തി'ലെ മാലിനി നാരായണൻ എന്ന കഥാപാത്രത്തെ പോലെ, ഷീബക്കൊപ്പവും ഷീബക്കു ശേഷവും വന്ന പല എഴുത്തുകാരികളും പിന്നീട് എവിടേക്കൊക്കെയോ അപ്രത്യക്ഷരായി. എന്താണ് നമ്മുടെ പല എഴുത്തുകാരികൾക്കും സംഭവിക്കുന്നത്?

പ്രതിഭയുള്ള സ്ത്രീകൾക്കു സംഭവിക്കുന്ന ദുരന്തങ്ങൾ തന്നെ. വിവാഹശേഷം കുടുംബം, കുട്ടികൾ, വീട്, പാചകം എല്ലാം സ്ത്രീ തന്നെ ചുമലിലേറ്റിക്കൊള്ളണം എന്ന നിലപാട് മാറാത്തിടത്തോളം പ്രതിഭാനഷ്ടങ്ങൾ തുടർന്നു കൊണ്ടേയിരിക്കും. കുടുംബം നന്നായി നടത്തിക്കൊണ്ടുപോകാമെങ്കിൽ മാത്രം ജോലിക്കു പൊയ്‌ക്കോളൂ എന്നു ഔദാര്യത്തോടെ അനുവാദം നല്കുന്ന ഭർത്താവിന്റെ കൂടി ബാധ്യതയാണ് കുടൂംബം എന്ന് ഓർമ്മിപ്പിക്കാൻ നമ്മുടെ സാമൂഹ്യപരിസ്ഥിതികൾ അനുവദിക്കുന്നുമില്ല. പരസ്യങ്ങളിലും മറ്റും കാണുന്നതും കുട്ടിക്കാലം മുതലേ നമ്മുടെ സങ്കല്പങ്ങളിൽ പതിഞ്ഞതുമായ ചിത്രങ്ങൾ പാചകം ചെയ്യുന്നു, തുണിയലക്കുന്ന അമ്മമാരുടേതും പത്രം വായിക്കുന്ന, ടി വി കാണുന്ന അച്ഛഗ്ഗ#ാരേയുമാണല്ലോ. മനസ്സിൽ ഒരു ആശയം വരുമ്പോൽ സ്വസ്ഥതയോടെ ഇരുന്നെഴുതാൻ ഏതു കുടുംബിനിക്കാണ് സ്വാതന്ത്ര്യമുള്ളത്. സാമൂഹികമായും ജൈവികമായും സങ്കീർണ്ണമായ ഉത്തരവാദിത്തങ്ങൾ നിറഞ്ഞതാണ് സ്ത്രീയുടെ ദൈനംദിന ജീവിതം. എഴുത്തിന് ഇവയെല്ലാം പരിമിതികൾ സൃഷ്ടിക്കുന്നുണ്ട്. ഒരു സ്ത്രീക്ക് എഴുത്തുകാരിയാവാൻ കിട്ടുന്നത് ദിവസത്തിന്റെ വളരെക്കുറച്ചു സമയം മാത്രമാണ്. ഉദ്യോഗസ്ഥ കൂടിയാണെങ്കിൽ ഒട്ടും വിശ്രമമില്ല. വീട്ടുജോലികളിൽ സഹായിക്കുന്ന അപൂർവ്വം പുരുഷഗ്ഗ#ാരുണ്ട് എന്നതു വിസ്മരിക്കുന്നില്ല. എങ്കിലും വീടിന്റെ ചുമതലകളിൽ നിന്ന് പൂർണ്ണമായും ഒഴിഞ്ഞുമാറി ഇത്തരം ബുദ്ധിപരമായ ജോലികൾ ചെയ്യാൻ എല്ലാവർക്കും കഴിഞ്ഞു എന്നു വരില്ല. പുരുഷഗ്ഗ#ാർ എഴുതാനായി വീടുവിട്ട് ലോഡ്ജിൽ താമസിക്കുന്നതുപോലെ കുടുംബിനിയായ ഒരു എഴുത്തുകാരിക്ക് സമൂഹം എത്ര കണ്ട് സ്വാതന്ത്ര്യം അനുവദിക്കും? നന്നായി വായിച്ചിരുന്ന പല പെൺകുട്ടികളും പത്രം പോലും വായിക്കാൻ സമയം കിട്ടാറില്ല, ഇപ്പോൾ വായിക്കണമെന്നു തോന്നാറുമില്ല എന്നു പറയാറുണ്ട്. ജോലിയിൽ നിന്ന് റിട്ടയർ ചെയ്ത് വിവാഹത്തിനു മുമ്പുള്ള പോലെ ഒരുപാടു പുസ്തകങ്ങൾ വായിക്കണം എന്നു പറഞ്ഞിരുന്ന പരിചയക്കാരിയായ അദ്ധ്യാപിക ഒരിക്കൽ പറഞ്ഞു, ഇപ്പോൾ പേരക്കുട്ടികളെ നോക്കാനല്ലാതെ മറ്റൊന്നിനും സമയമില്ല എന്ന്. വാതം വന്ന കാലുകൾ കൊണ്ട് കുസൃതികളായ കുട്ടികൽക്കൊപ്പം ഓടി അവർക്കു വയ്യാതെയായിരുന്നു. റിട്ടയർ ചെയ്യേണ്ടിയിരുന്നില്ല എന്ന് അവര് പറഞ്ഞപ്പോൾ വല്ലാതെ വേദന തോന്നി. ശവക്കുഴിയിൽ മാത്രമാണോ സ്ത്രീക്ക് സ്വസ്ഥത?

  • മലയാളി നൊസ്റ്റാൾജിയയുടെ തടവുകാരനാണെന്ന് എവിടെയോ കേട്ടിട്ടുണ്ട്. ഷീബയുടെ പല കഥകളിലും ഈ നൊസ്റ്റാൾജിയ കടന്നു വരാറുണ്ട്. ഇപ്പോഴും ഓർമ്മകളുടെ തടവറയിലാണോ?

ഞാൻ ഓർമ്മകളിൽ ജീവിക്കാൻ ഇഷ്ടപ്പെടുന്നു. ഒന്നര വയസ്സുമുതലുള്ള മിക്കവാറും സംഭവങ്ങൾ എനിക്കോർമ്മയുണ്ട്. ആദ്യത്തെ ഫോട്ടോ എടുത്ത ദിവസം ,സുഹൃത്തുക്കളുടേയും ബന്ധുക്കളുടേയും ജഗ്ഗദിനങ്ങൾ, വിവാഹവാർഷികം അങ്ങനെയുള്ള നിസ്സാരകാര്യങ്ങൾ പോലും ഓർമ്മിക്കാറുണ്ട്. അതുപോലെ എപ്പോഴോ കണ്ട കഥാപാത്രങ്ങൾ ഉള്ളിൽ കിടക്കുന്നുണ്ടാവും. അവരിൽ നിന്നെല്ലാം കഥയുണ്ടാവുന്നത് പിന്നെയും ഏറെക്കാലം കഴിഞ്ഞാണ്. എന്റെ നാട്, വീട്, മുറി, മരങ്ങൾ, ആളുകൾ, ഋതുഭേദങ്ങൾ എല്ലാറ്റിനേയും വളരെ ഗൃഹാതുരത്വത്തോടെ കാണുന്നയാളാണ് ഞാൻ. ഓർമ്മകളില്ലെങ്കില്പിന്നെ ഞാനില്ല.

  • സ്വപ്നാടനം ഒരു സ്ത്രീയുടെ കഥയായി പറയുമ്പോൾ തന്നെ അതൊരു സ്ത്രീവിരുദ്ധ കാഴ്ചപ്പാടല്ലേ ഉയർത്തുന്നത്?

അത് സ്ത്രീകളെ പരിഹസിച്ചു കൊണ്ടെഴുതിയ കഥയാണ്. വ്യത്യസ്തതയുള്ള സ്ത്രീകളുണ്ട്. അവരിൽ പലരും തിരിച്ചറിയപ്പെടാതെ പോകാറുമുണ്ട്. അതേ സമയം താൻ എന്താണെന്നു തിരിച്ചറിയാതെ ഒരു വലിയ സംഭവമാണു ഞാൻ എന്നു കരുതുന്നവരേയും കണ്ടിട്ടുണ്ട്. അത്തരം ഒരു കഥാപാത്രത്തെയാണ് സ്വപ്നാടനത്തിൽ കൊണ്ടുവന്നത്. തികച്ചും ശരാശരി കഴിവുകളുള്ള ,സംതൃപ്തമായ ചുറ്റുപാടുള്ള വീട്ടമ്മ. സ്വയം സങ്കല്പിച്ചുണ്ടാക്കുന്ന അസംതൃപ്തികളാണ് അവൾക്ക്.

  • മുസ്ലിം യാഥാസ്ഥിക കാഴ്ചപ്പാടുകൾക്കു നല്ല വേരോട്ടമുള്ള മണ്ണിൽനിന്നാണു ഷീബയുടെ വരവ്. നൃത്തം പഠിക്കാൻ പോയ മൻസിയയെയും സഹോദരിയെയും ഭ്രഷ്ടാക്കിയ നാടുമാണ്. എഴുത്ത് എന്നു പറയുന്നത് സർഗപ്രക്രിയ എന്നതിനപ്പുറം തുറന്നുപറച്ചിൽ കൂടിയാകുമ്പോൾ ഈ യാഥാസ്ഥിതിക ചുറ്റുപാട് സ്വാധീനമോ ബാധ്യതയോ ആയിട്ടുണ്ടോ?

നേരത്തെ പറഞ്ഞ പോലെ യാഥാസ്ഥിക കുടുംബവും ചുറ്റുപാടുകളുമായിരുന്നില്ല ഞാൻ വളർന്നത്. എന്റെ സഹപാഠികളായ മുസ്ലിം പെൺകുട്ടികൾ പലരും നൃത്തം പഠിക്കുകയും പൊതുവേദികളിൽ അവതരിപ്പിക്കുകയും ചെയ്തിട്ടുണ്ട്. മതപരമായി ജീവിക്കുന്ന കുടുംബങ്ങളിൾ നിന്നുള്ളവരായിരുന്നു ഞങ്ങളെല്ലാം. ഞാനും വിശ്വാസിയാണ്. നമസ്‌കരിക്കുകയും നോമ്പെടുക്കുകയും ചെയ്യുന്നവളാണ്. മതത്തിന്റേത് എന്നു പറഞ്ഞുകൊണ്ടുള്ള കെട്ടുകാഴ്ചകൾ കൂടിവരികയാണ്. അതേസമയം യഥാർത്ഥ വിശ്വാസം എത്രപേർക്കുണ്ട്? പെൻഗ്വിൻ ജീവിതം എഴുതിയതു തന്നെ ഇത്തരം കെട്ടുകാഴ്ചകളോടുള്ള എതിർപ്പു കൊണ്ടാണ്. ആളുകൾക്കിടയിൽ ഞാൻ മതവിശ്വാസിയാണെന്നു കാണിക്കാൻ തത്രപ്പെടുന്നവരെയാണ് ഇപ്പോൾ കൂടുതലും കാണുന്നത്. മലപ്പുറം ഒരുപാടു മാറിയിട്ടുണ്ട്. എത്രയോ മുസ്ലിം പെൺകുട്ടികൾ പൊതുവേദികളിൽ നൃത്തം ചെയ്യുന്നുണ്ട്. പാട്ടുപാടുന്നുണ്ട്. അവരെയൊന്നും വിലക്കിയതായി കേട്ടിട്ടില്ല. മലപ്പുറത്തെ മുഴുവൻ താറടിക്കുന്ന രീതിയിൽ അപൂർവ്വം ചില സംഭവങ്ങൾ പെരുപ്പിച്ചു കാണിക്കുന്നത് ശ്രദ്ധിക്കാറുണ്ട്. ഭ്രഷ്ടുകൾക്ക് പിന്നിൽ മറ്റെന്തെങ്കിലും കാരണങ്ങൾ ഉണ്ടായിരിക്കാം. എനിക്കതിനെക്കുറിച്ചു പറയാനാവില്ല. ഞാൻ എന്ന എഴുത്തു വ്യക്തി ഒരു സ്വതന്ത്ര്യവ്യക്തിയാണ്. ഞാൻ ആഗ്രഹിക്കുന്ന പോലെയാണ് എഴുതുന്നത്. സമൂദായം, സമൂഹം എന്തു പറയുന്നു എന്നൊക്കെ ആലോചിച്ചിരുന്നാൽ എഴുതാനാവില്ല. എന്റെ എഴുത്തിന് ഇതുവരെ സമൂദായമോ ചുറ്റുപാടോ ബാധ്യതയായിട്ടില്ല.പ്രോത്സാഹിപ്പിച്ചിട്ടുണ്ടു താനും. പെൻഗ്വിന് ജീവിതം എഴുതിയിട്ടുപോലും ആരും കുറ്റപ്പെടുത്തിയിട്ടില്ല.

  • ഒരു എഴുത്തുകാരിയാണെന്ന് തിരിച്ചറിഞ്ഞത് എപ്പോഴാണ്?

കുട്ടിക്കാലത്തെല്ലാം ചെറിയ കഥകളും കവിതകളും എഴുതിയിട്ടുണ്ട് എന്നല്ലാതെ എഴുത്തിനെ ഒട്ടും ഗൗരവത്തോടെ എടുത്തിരുന്നില്ല. മാതൃഭൂമി ബാലപംക്തിയിലാണ് ആദ്യത്തെ രചന അച്ചടിച്ചു വന്നത്. പലരും വായിച്ച് അഭിപ്രായമറിയിച്ചപ്പോൾ വലിയ മോശമല്ല എന്നു തോന്നി. പിന്നീട് അല്പം കൂടി വലുപ്പമുള്ള കഥയെഴുതി. ഒരു പത്രവാർത്തയിൽ നിന്നായിരുന്നു അത്. ഒരു യുവതിയും പെൺകുഞ്ഞും കടലിൽ ചാടി ആത്മഹത്യചെയ്ത സംഭവം. അതിനെക്കുറിച്ച് എന്തൊക്കെയോ ആലോചിച്ചു കൂട്ടി. അവരുടെ പ്രതീക്ഷകളില്ലാത്ത ജീവിതം, കുടുംബം, മരിക്കുംമുമ്പുള്ള മാനസികാവസ്ഥ, അങ്ങനെ പലതും. അക്കാലത്ത് കടുത്ത വിഷാദം നിറഞ്ഞ ഒരു മാനസികാവസ്ഥയിലൂടെയായിരുന്നു ഞാനും കടന്നു പോയിരുന്നത്. എല്ലാവരുമുറക്കമായ ഒരു രാത്രിയിൽ, ശീതക്കാറ്റിൽ മുറ്റത്ത് കരിയിലകൾ പറന്നുപോകുന്ന ശബ്ദം കേട്ട് കഥയെഴുതുമ്പോൾ ആരോ കൂട്ടിരിക്കുന്ന പോലെ അനുഭവപ്പെട്ടു. താമസി എന്ന ആ കഥ വനിത കഥാ മത്സരത്തിൽ സമ്മാനം കിട്ടിയെന്ന വാർത്തയുമായി പോസ്റ്റ്മാൻ വന്നപ്പോൾ ഒരു വഴിത്തിരിവിലെത്തിയതുപോലെ തോന്നി. എഴുത്തായിരുന്നു ആ രാത്രിയിൽ കൂട്ടിരുന്നതെന്ന് അപ്പോൾ തിരിച്ചറിഞ്ഞു. എഴുത്തു കൂട്ടു വന്ന ആ രാത്രി ഇപ്പോഴും നിർവചിക്കാനാവാത്ത ഒരു അനുഭവമാണ്.

  • ഒരു വീട്ടിൽ നിന്നും രണ്ട് എഴുത്തുകാരികൾ. അനുജത്തി ഷാഹിനയും മലയാളത്തിലെ അറിയപ്പെടുന്ന ഒരു എഴുത്തുകാരിയാണ്. പരസ്പരം വിലയിരുത്തലുകളൊക്കെ നടത്താറുണ്ടോ?

പൊതുവെ സാഹിത്യം സംസാരിക്കാൻ താല്പര്യമില്ലാത്തയാളാണ് ഞാൻ. വല്ലപ്പോഴും സാഹിത്യം ചർച്ചാവിഷയമാവാറുണ്ട് എന്നല്ലാതെ പരസ്പരം വിലയിരുത്തലുകളൊന്നും നടത്താറില്ല. എഴുത്തിൽ പരസ്പരം ഇടപെടാറുമില്ല. അത് അവരരവരുടെ സ്വകാര്യലോകം.

  • സ്ത്രീക്കു പറയാൻ ഒരുപാടു കാര്യങ്ങളുണ്ട്, പോരടിക്കാനും. എഴുതാനുമുണ്ട് കുറേ. ഇതിനൊക്കെയായി നിൽക്കുന്നവരെ ഇന്നു ഫെമിനിസം, പെണ്ണെഴുത്ത് എന്നീ രണ്ടു ശ്രേണികളുടെ ചുവട്ടിൽ അണിനിരത്താനാണ് സമൂഹം താല്പര്യം കാട്ടുന്നതെന്നു പൊതുവിൽ പറയാം. ഈ രണ്ടു ശ്രേണികൾ പെണ്ണിന്റെ പ്രശ്‌നങ്ങൾ പരിഹരിക്കാനോ അഡ്രസ് ചെയ്യാനോ എത്രമാത്രം വിജയിക്കുന്നുണ്ട്?

ഫെമിനിസത്തോട് എനിക്കു താൽപര്യമില്ല. സ്ത്രീകളും പുരുഷഗ്ഗ#ാരും പരസ്പര സഹവർത്തിത്വത്തോടെ ജീവിക്കുക എന്നതാണ് സ്വപ്നം. സ്ത്രീയും പുരുഷനും എതിരാളികളല്ല, പങ്കാളികളാണ്. പുരുഷനില്ലാത്ത ലോകവും സ്ത്രീയില്ലാത്ത ലോകവും ഒരുപോലെ വിരസമാണ്. പുരുഷഗ്ഗ#ാർക്കെതിരെ കുറ്റപത്രം എഴുതുന്ന, കുടംബജീവിതത്തെ വിമർശിക്കുന്ന സ്ത്രീകൾ തന്നെ ചിലപ്പോൾ സ്വയം വില്പനച്ചരക്കായി പ്രദർശനം നടത്തുന്നത് ലജ്ജാകരം എന്നേ തോന്നിയിട്ടുള്ളൂ. അതുപോലെ പെണ്ണെഴുത്തിനോടും എനിക്കു യോജിക്കാനാവില്ല. സ്ത്രീ അവളുടെ അനുഭവങ്ങളില് നിന്നാണ് എഴുതുന്നത്. അത് പെണ്ണെഴുത്താണെങ്കിൽ പുരുഷന്റേത് ആണെഴുത്ത് എന്നു പറയാമല്ലോ. പെണ്ണെഴുത്ത് എന്നു പറയുന്നതു തന്നെ സ്ത്രീ വിരുദ്ധമാണെന്നാണ് എനിക്കു തോന്നിയിട്ടുള്ളത്. എഴുതുമ്പോൾ അത് ആണോ പെണ്ണോ അല്ല. എഴുത്തുവ്യക്തിയാണ്. കഥയെഴുതി സമൂഹം നന്നാവുമെന്നു വിശ്വസിക്കുന്നില്ല. സമൂഹം നന്നാവുന്നത് വ്യക്തികൾ നന്നാവുമ്പോഴാണ്. അതിന് മൂല്യങ്ങൾ പറഞ്ഞു കൊടുത്ത് പരസ്പര ബഹുമാനത്തോടെ ആൺ, പെൺ വേർതിരിവുകളില്ലാതെ കുട്ടികളെ വളർത്തുകയാണ് ചെയ്യേണ്ടത്. ആരോഗ്യകരമായ ഇടപഴലുകളെ പ്രോത്സാഹിപ്പിക്കുകയാണ് വേണ്ടത്.

  • പഠനകാലത്തെക്കുറിച്ചുള്ള ഓർമകൾ എന്തൊക്കെയാണ്. അത്തരം ഓർമകളിൽനിന്നു കഥകൾ ജനിച്ചിട്ടുണ്ടോ? അനുഭവങ്ങളിൽ നിന്നാണോ കഥകളുണ്ടാകാറുള്ളത്?

മണ്ണാർക്കാട് എം ഇ എസ് കല്ലടി കോളജിലാണ് ഞാൻ പഠിച്ചത്. കൊമേഴ്‌സ് ആയിരുന്നു വിഷയം. കോളജിന് ഹൃദയഹാരിയായ ഒരു അന്തരീക്ഷമുണ്ടായിരുന്നു. എല്ലാ ഋതുഭേദങ്ങളും സുന്ദരമായിരുന്നു അവിടെ. നിറയെ മരങ്ങളും മനോഹരമായ ലൈബ്രറിയുമുണ്ടായിരുന്നു. ഡിസംബറിൽ പാലക്കാടൻ കാറ്റ് മരങ്ങൾക്കിടയിലൂടെ ചൂളം വിളിക്കുന്നത് കേൾക്കാന് വേണ്ടി മാത്രം പോയിരുന്നു. ആദ്യ കഥാസമാഹാരം വൈ ടു കെ യിലെ മിക്ക കഥകളും കോളജ് കാലത്ത് എഴുതിയതാണ്.

ആശയങ്ങൾ പലവിധത്തിലും കടന്നുവരാറുണ്ട്. സ്വന്തം അനുഭവങ്ങളോ പരിചയക്കാരുടെ അനുഭവങ്ങളോ പത്രവാർത്തയോ അതിനു തുടക്കം കുറിച്ചേക്കാം. പൂർണ്ണമായും സങ്കൽപത്തിൽ നിന്നു കഥ മെനയാൻ ഇതുവരെ ശ്രമിച്ചിട്ടില്ല.

  • വീടിനെയും കുടുംബത്തെയും കുറിച്ച്? ജോലി?

വാണിജ്യനികുതിവകുപ്പിൽ അസിസ്റ്റന്റ് കമ്മിഷണർ ആയിരുന്ന ഇ കെ സൂപ്പിയാണ് പിതാവ്. മാതാവ് അയിഷ വീട്ടമ്മ. രണ്ടു സഹോദരിമാരും ഒരു സഹോദരനുമുണ്ട്.
വിദ്യാഭ്യാസവകുപ്പിൽ 2001 മുതൽ ജോലി ചെയ്യുന്നു. ഇപ്പോൾ മലപ്പുറം വിദ്യാഭ്യാസ ഉപഡയറക്ടറേറ്റിൽ സീനിയർ ക്ലർക്കാണ്.

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഭർത്താവിന്റെ സഹപ്രവർത്തകൻ ആയിരുന്ന ചീഫ് പ്രൊഡ്യൂസർ എംആർ രാജൻ ലൈംഗിക താൽപ്പര്യത്തോടെ സംസാരിക്കാൻ തുടങ്ങി; മാർക്കറ്റിങ് വിഭാഗത്തിലെ ദിലീപും ലൈംഗിക ചേഷ്ടകൾ പുറത്തെടുത്തു; എഞ്ചിനിയറായ പത്മകുമാർ അവസരം കിട്ടുമ്പോൾ ഒക്കെ ശരീരത്തിൽ സ്പർശിച്ചു തുടങ്ങി; പരാതിപെട്ടിട്ട് ഒരു നടപടിയും എടുക്കാതെ മാനേജ്മെന്റ്; പീഡനം സഹിക്കാനാവാതെ ജോലി ഉപേക്ഷിച്ച നിഷാ ബാബുവിന്റെ മീ ടൂവിൽ അഴിഞ്ഞു വീഴുന്നത് ഏഷ്യാനെറ്റ് വൈസ് പ്രസിഡന്റ് അടക്കമുള്ളവരുടെ വൃത്തികെട്ട മുഖങ്ങൾ
മൂകാംബിക സന്ദർശനം യാത്രയുടെ ഭാഗമായി സംഭവിച്ചത്; കൂടെയുള്ളവർ ചെയ്തതുപോലെ കുറിതൊട്ട് ഫോട്ടോ എടുത്തു; വാർത്ത വന്നത് ആസിഫ് അലി ഇഷ്ടദേവിയെ തൊഴാൻ മൂകാംബികയിലെന്ന്; വിശ്വാസം ഉള്ളിൽ ഉള്ളത്;കാവി മുണ്ടുടുത്ത് ചന്ദനക്കുറിം തൊട്ട് ക്ഷേത്രത്തിന് മുമ്പിൽ നില്ക്കുന്ന ഫോട്ടോയ്ക്ക് വിമർശനവുമായി എത്തിയവർക്ക് മറുപടിയുമായി ആസിഫും ഭാര്യയും
വിമാനം ഇറങ്ങിയാൽ സഞ്ചരിക്കാൻ കാറ് നൽകില്ല; താമസിക്കാൻ വേണ്ട ഗസ്റ്റ് ഹൗസോ ഹോട്ടൽ മുറിയോ സ്വയം ഒരുക്കേണ്ടിയും വരും; ഭക്ഷണ സൗകര്യവും മടങ്ങി പോവാനുള്ള വിമാന ടിക്കറ്റിനും പണവും നൽകില്ല; എല്ലാ ചിലവുകളും കേരളാ സർക്കാർ വഹിക്കണമെന്ന ആവശ്യം പിണറായി സർക്കാർ തള്ളി; ശബരിമല കയറാൻ എത്തിയാൽ തൃപ്തി ദേശായിക്ക് നൽകുക എല്ലാ തീർത്ഥാടകർക്കുമുള്ള പരിരക്ഷ മാത്രം; ഭൂമാതാ ബ്രിഗേഡ് നേതാവിന്റെ കത്തിന് പൊലീസ് മറുപടിയും നൽകില്ല
രാജസ്ഥാൻ തൂത്തുവാരുമ്പോൾ തെലുങ്കാനയിൽ വിജയം ഉറപ്പ്; മധ്യപ്രദേശിലും ചത്തീസ്ഗഡിലും മുമ്പിൽ നിൽക്കുന്നത് കോൺഗ്രസ് തന്നെ; മിസോറാമിൽ തോറ്റാലും ജയിക്കുന്നത് ബിജെപിയല്ല; അഞ്ച് സംസ്ഥാനങ്ങളിൽ നാലിലും വിജയ സാധ്യത നിലനിർത്തി കോൺഗ്രസ് ആവേശപൂർവ്വം മുന്നോട്ട്; ഒരു സംസ്ഥാനം പോലും ലഭിക്കില്ലെന്ന ആശങ്കയിൽ ബിജെപിയും; മോദി-അമിത് ഷാ കൂട്ടുകെട്ടിന് കടിഞ്ഞാൺ വരുന്നു
'ദയവ് ചെയ്ത് എന്നെ കൊല്ലരുത്, എന്റെ കുട്ടികളെ ഞാൻ അത്രയധികം സ്‌നേഹിക്കുന്നു'; ഫ്‌ളാറ്റിൽ നിന്നും തള്ളിയിടും മുൻപ് യുവതി ഭർത്താവിനോട് കരഞ്ഞ് പറഞ്ഞ വാക്കുകൾ നെഞ്ചു പിളർക്കുന്നത്; 32കാരി ദീപികയെ ഭർത്താവ് കൊന്നത് കാമുകി ആവശ്യപ്പെട്ടതിന് പിന്നാലെ; യുവാവിന്റെ കൈത്തണ്ടയിൽ കണ്ടെത്തിയ മാന്തിയ പാടുകൾ വഴക്ക് നടന്നതിന് തെളിവായി; ഭർത്താവിന്റെ വഴി വിട്ട ബന്ധം ഭാര്യ കണ്ടെത്തിയതിന് പിന്നാലെ ക്രൂരമായ കൊലപാതകം !
സ്വാമി ശരണം.....ഭക്തർക്കൊപ്പം എന്ന നിലപാട് മലയാളം ന്യൂസ് ചാനൽ റേറ്റിംഗിനെ മാറ്റി മറിക്കുന്നു; ഏഷ്യാനെറ്റ് ന്യൂസിനേയും വെല്ലുവിളിച്ച് ജനം ടിവിയുടെ വമ്പൻ കുതിപ്പ്; ആട്ട ചിത്തിര ആഘോഷത്തിനായുള്ള നടതുറപ്പിൽ ആർ എസ് എസ് ചാനലിന് ഉണ്ടായത് ചരിത്ര നേട്ടം; ഏഷ്യാനെറ്റ് ന്യൂസുമായുള്ള വ്യത്യാസം 17 പോയിന്റ് മാത്രം; 40000 ഇപ്രഷ്ൻസ് കടക്കുന്ന മലയാളത്തിലെ രണ്ടാം ചാനലായി സംഘപരിവാർ ടിവി; മണ്ഡലകാലത്ത് മലയാളത്തിൽ ന്യൂസ് ചാനലിൽ പോരാട്ടം മുറുകും
വിമാനം ഇറങ്ങിയാൽ സഞ്ചരിക്കാൻ കാറ് വേണം; കോട്ടയത്ത് എത്തുമ്പോൾ താമസിക്കാൻ വേണ്ടത് ഗസ്റ്റ് ഹൗസോ ഹോട്ടൽ മുറിയോ; ഭക്ഷണ സൗകര്യവും സുരക്ഷയും ഉറപ്പു വരുത്തണം; പുലർച്ചെ അഞ്ച് മണിക്ക് പുറപ്പെട്ട് ഏഴ് മണിയോടെ സന്നിധാനത്ത് ദർശനത്തിന് സൗകര്യം ഒരുക്കണം; മടങ്ങിപ്പോകാനുള്ള വിമാനടിക്കറ്റും എടുത്തിട്ടില്ല; എല്ലാ ചിലവുകളും കേരളാ സർക്കാർ വഹിക്കണം; ശബരിമല കയറാൻ എത്തുന്ന തൃപ്തി ദേശായിയുടെ ആവശ്യങ്ങൾ കണ്ട് കണ്ണുതള്ളി സംസ്ഥാന സർക്കാർ
ശതകോടികൾ എണ്ണി കൊടുക്കുമ്പോഴും ഫ്രഞ്ച് കമ്പനി വാക്ക് തെറ്റിച്ചാൽ നഷ്ടപരിഹാരം ചോദിക്കാൻ വകുപ്പില്ല; കരാറിന് ഫ്രഞ്ച് സർക്കാരിന്റെ ഗാരന്റിയുമില്ല; എത്രയാണ് വിലയെന്ന് ചോദിക്കുമ്പോൾ ഒക്കെ മറുപടി പ്രതിരോധ രഹസ്യമെന്ന്; കരാറിലെത്തിയത് ഉദ്യോഗസ്ഥരുടെ വിയോജിപ്പുകളെല്ലാം മറികടന്ന്; റഫാൽ ഇടപാടിൽ മണക്കുന്നത് ബോഫോഴ്‌സ് കേസിനെ തോൽപ്പിക്കുന്ന അഴിമതി തന്നെ; റഫാൽ മോദിയുടെ അന്തകനാവുമോ?
ഡിവൈഎസ്‌പി ഹരികുമാറിനു വേണ്ടി ബിനു വീട്ടിൽ ഒരുക്കിയിരുന്നത് നക്ഷത്ര വേശ്യാലയവും മിനി ബാറും! ഇരുവരും പങ്കാളിത്ത ബിസിനസുകാർ; കാക്കിയിട്ട ക്രിമിനലിന് വേണ്ടി സ്ത്രീകളെ ബിനു എത്തിച്ചിരുന്നത് ബന്ധുക്കളെന്ന് പറഞ്ഞ്; വീട്ടിലെ രണ്ടു റൂമുകൾ ഹരികുമാറിന് വേണ്ടി മാത്രം നീക്കിവെച്ചു; എല്ലാ കോംപ്രമൈസ് ആക്കുന്ന ഉദ്യോഗസ്ഥന് ക്വാറിക്കാരും ബാറുകാരും പ്രതിമാസം നൽകിയിരുന്നത് 50ലക്ഷത്തിലധികം രൂപ; ലഭിക്കുന്ന തുകയിൽ പകുതിയും എത്തിയത് തിരുവനന്തപുരത്തെ പ്രമുഖ സിപിഎം നേതാവിന്റെ വീട്ടിലും
ഹരികുമാർ മരണത്തിലേക്ക് നടക്കാൻ തീരുമാനിക്കും മുമ്പ് മകന്റെ കുഴിമാടത്തിൽ ജമന്തിപൂവ് വച്ച് പ്രാർത്ഥിച്ചു; എന്റെ മകനെ കൂടി നോക്കികോളണം എന്ന് കുറുപ്പെഴുതി പാൻസിന്റെ പോക്കറ്റിൽ സൂക്ഷിച്ചു; മകനോട് ആവശ്യപ്പെട്ടത് അമ്മയെ നോക്കണമെന്നും; നെയ്യാറ്റിൻകരക്കാർ ആഘോഷമാക്കിയപ്പോൾ കല്ലമ്പലത്ത് മാധ്യമ വിചാരണയിൽ കടുത്ത രോഷം
നെയ്യാറ്റിൻകര സനൽ വധക്കേസിലെ പ്രതി ഡിവൈഎസ്‌പി ബി ഹരികുമാർ ആത്മഹത്യ ചെയ്തു; ഒളിവിൽ പോയ പ്രതിയെ തൂങ്ങിമരിച്ച നിലയിൽ കാണപ്പെട്ടത് കല്ലമ്പലത്തെ സ്വന്തം വസതിയിൽ; ഉദ്യോഗസ്ഥൻ ആത്മഹത്യ ചെയ്തതുകൊല്ലപ്പെട്ട സനലിന്റെ കുടുംബം കുറ്റവാളിയെ പിടികൂടണമെന്ന് ആവശ്യപ്പെട്ട് സത്യാഗ്രഹം ആരംഭിച്ചതിനും കൊലപാതക കുറ്റം നിലനിൽക്കുമെന്ന് ക്രൈംബ്രാഞ്ച് വ്യക്തമാക്കുകയും ചെയ്തതിന് പിന്നാലെ; ദൈവത്തിന്റെ വിധി നടപ്പിലായെന്ന് സനലിന്റെ കുടുംബം
വിമാനം ഇറങ്ങിയാൽ സഞ്ചരിക്കാൻ കാറ് വേണം; കോട്ടയത്ത് എത്തുമ്പോൾ താമസിക്കാൻ വേണ്ടത് ഗസ്റ്റ് ഹൗസോ ഹോട്ടൽ മുറിയോ; ഭക്ഷണ സൗകര്യവും സുരക്ഷയും ഉറപ്പു വരുത്തണം; പുലർച്ചെ അഞ്ച് മണിക്ക് പുറപ്പെട്ട് ഏഴ് മണിയോടെ സന്നിധാനത്ത് ദർശനത്തിന് സൗകര്യം ഒരുക്കണം; മടങ്ങിപ്പോകാനുള്ള വിമാനടിക്കറ്റും എടുത്തിട്ടില്ല; എല്ലാ ചിലവുകളും കേരളാ സർക്കാർ വഹിക്കണം; ശബരിമല കയറാൻ എത്തുന്ന തൃപ്തി ദേശായിയുടെ ആവശ്യങ്ങൾ കണ്ട് കണ്ണുതള്ളി സംസ്ഥാന സർക്കാർ
ഇഷ്ടതാരങ്ങളുമായി 20 മിനിറ്റ് ആഡംബരഹോട്ടലിൽ ചെലവിടാൻ നൽകാമെന്നേറ്റത് പത്തുകോടി വീതം; ഐശ്വര്യ റായിയും ദീപിക പദുക്കോണുമടക്കം 26 താരങ്ങൾക്കായി ചെലവാക്കാൻ ഉറച്ചത് 300 കോടി; രണ്ടുമൂന്നുപേരെ കണ്ടപ്പോൾ ഉദ്ദേശിച്ച കാര്യം നടക്കില്ലെന്നുറപ്പായതോടെ കരാറിൽനിന്ന് പിന്മാറി; ബെഹ്‌റീൻ രാജകുമാരനോട് 300 കോടി നഷ്ടപരിഹാരം ചോദിച്ച് ഏജന്റ് നൽകിയ കേസ് ലണ്ടൻ ഹൈക്കോടതിയിൽ
സ്വന്തമായി ഗുണ്ടകളും കുഴൽപ്പണ ബിസിനസുമുള്ള പൊലീസ് ഉദ്യോഗസ്ഥൻ! പരാതിയുമായി എത്തുന്നത് സ്ത്രീകളാണെങ്കിൽ ഇംഗിതത്തിന് വഴങ്ങണമെന്ന് ഭീഷണി; പെരിന്തൽമണ്ണ സ്വദേശിക്കെതിരെ ബിസിനസ് പങ്കാളി നൽകിയ പരാതി പിൻവലിച്ചിട്ടും തട്ടിയത് ലക്ഷങ്ങൾ; വീട്ടിലെത്തി അറസ്റ്റ് ചെയ്ത ശേഷം ഭാര്യയോട് പറഞ്ഞത് ഇനി ഇവന്റെ ഒപ്പം നീ അടുത്തൊന്നും കിടക്കില്ലെന്നും; പൊലീസ് വേഷവും ഗുണ്ടകളേയും തരാമെന്നും കുഴൽപ്പണം കടത്താൻ സഹായിക്കണമെന്നും നിർബന്ധിച്ചു; കേരളപ്പൊലീസിലെ സിഐ `ഗുണ്ട` ശിവശങ്കരന്റെ ഞെട്ടിക്കുന്ന കഥ
കണ്ണൂർ രാഷ്ട്രീയത്തിലെ വാടാ.. പോടാ.. ശൈലി കൈമുതലാക്കി വളർന്ന നേതാവ്; കടുത്ത മോദി ആരാധകനും തീവ്രഹിന്ദുത്വത്തിന്റെ വക്താവും; ആർഎസ്എസ് പ്രവർത്തനം തുടരുമ്പോഴും പ്രഗതി കോളേജിലെ സൗമ്യനായ പ്രിൻസിപ്പലായി ഔദ്യോഗിക ജീവിതം; പുലിയെ മടയിൽ കയറി നേരിടണമെന്ന് അണികൾക്ക് ഉപദേശം കൊടുക്കുന്ന വ്യക്തി: സന്നിധാനത്തെ ഇടപെടലോടെ പരിവാർ അണികളുടെ പുതിയ ഹീറോ വത്സൻ തില്ലങ്കേരിയുടെ കഥ
പരാതി നൽകാനെത്തിയ യുവതിയെ സിഐ ശിവശങ്കർ കെണിയിലാക്കിയത് കബളിപ്പിച്ചും ഭീഷണിപ്പെടുത്തിയും; തെളിവെടുക്കാനെന്ന് തെറ്റിദ്ധരിപ്പിച്ച് സ്വന്തം ഇന്നോവയിൽ കയറ്റി ഹോട്ടൽ മുറിയിൽ എത്തിച്ച് ബലാത്സംഗം ചെയ്തു; നിസ്സഹായയെന്ന് അറിഞ്ഞപ്പോൾ ഊട്ടിയിലേക്കു വരണമെന്നും സെക്സിൽ ഏർപ്പെടണമെന്നും വീണ്ടും ആവശ്യപ്പെട്ടു; സഹിക്ക വയ്യാതായപ്പോൾ എസ്‌പിക്ക് പരാതി നൽകി; അന്വേഷണ ഘട്ടത്തിൽ വധഭീഷണിയും; കേസൊതുക്കാൻ പലതവണ യുവതിയുടെ വീട്ടിലെത്തി ബിജെപി നേതാക്കളും
തണ്ണിമത്തൻ കൊണ്ട് മാറ് മറയ്ക്കുകയും പിന്നീട് മാറ് പൂർണമായും തുറന്നുകാണിക്കുകയും ചെയ്തതിലൂടെ സ്ത്രീ സ്വാതന്ത്ര്യം ചർച്ചയാക്കിയ സാമൂഹിക പ്രവർത്തക; ചുംബന സമരത്തിന് ശേഷം തൃശൂരിലെ പുലികളിയിൽ ആദ്യ പെൺപുലിയായും ചരിത്രമുണ്ടാക്കി; നഗ്ന ശരീരത്തിലെ പുലി വരയിലൂടെ ചർച്ചയിലെത്തിയ വനിതാ കരുത്ത്; മലചവിട്ടുന്ന രഹ്നാ ഫാത്തിമ ചർച്ചയായത് ഇങ്ങനെയൊക്കെ
ഡിവൈഎസ്‌പി ഹരികുമാറിനു വേണ്ടി ബിനു വീട്ടിൽ ഒരുക്കിയിരുന്നത് നക്ഷത്ര വേശ്യാലയവും മിനി ബാറും! ഇരുവരും പങ്കാളിത്ത ബിസിനസുകാർ; കാക്കിയിട്ട ക്രിമിനലിന് വേണ്ടി സ്ത്രീകളെ ബിനു എത്തിച്ചിരുന്നത് ബന്ധുക്കളെന്ന് പറഞ്ഞ്; വീട്ടിലെ രണ്ടു റൂമുകൾ ഹരികുമാറിന് വേണ്ടി മാത്രം നീക്കിവെച്ചു; എല്ലാ കോംപ്രമൈസ് ആക്കുന്ന ഉദ്യോഗസ്ഥന് ക്വാറിക്കാരും ബാറുകാരും പ്രതിമാസം നൽകിയിരുന്നത് 50ലക്ഷത്തിലധികം രൂപ; ലഭിക്കുന്ന തുകയിൽ പകുതിയും എത്തിയത് തിരുവനന്തപുരത്തെ പ്രമുഖ സിപിഎം നേതാവിന്റെ വീട്ടിലും
വാഗമണ്ണിൽ മൂന്നു ദിവസം പാർട്ടി; മദ്യവും ലഹരിയും ഉപയോഗിച്ച് നൃത്തം ചെയ്ത അടിച്ചു പൊളിച്ചത് അഞ്ഞൂറോളം ആക്ടിവിസ്റ്റുകൾ; വാഗമണ്ണിലെ രഹസ്യ സങ്കേതത്തിലെ തീരുമാനം അനുസരിച്ച് മലചവിട്ടാനുള്ള ആദ്യ നിയോഗമെത്തിയത് ചുംബന സമരനായികക്കെന്ന് ഓൺലൈനിൽ വാർത്ത; ചിത്രങ്ങളും പുറത്തു വിട്ടു; രഹ്ന ഫാത്തിമ സന്നിധാനത്ത് യാത്ര തിരിച്ചത് എവിടെ നിന്ന് എന്ന ചർച്ച പുരോഗമിക്കുമ്പോൾ എല്ലാം പിൻവലിച്ച് മംഗളം
അകത്തളത്തിൽ രണ്ടായിരം സ്‌ക്വയർ ഫീറ്റിനടുത്ത് വലുപ്പമുള്ള നീന്തൽ കുളം; ശീതീകരിച്ച ഓഫീസ് മുറി; പുറത്ത് കുളിക്കടവിലേക്കുള്ള കവാടം; കരമനയാറിന്റെ ദൃശ്യഭംഗി ആസ്വദിക്കാനും സൗകര്യം; സ്‌കൂൾ ഓഫ് ഭഗവത് ഗീതയ്ക്കുള്ളത് ടൂറിസം ഡിപ്പാർട്ട്‌മെന്റിൽ ഗോൾഡ് ഹൗസ് കാറ്റഗറി അംഗീകാരം; കുണ്ടമൺകടവിലെ സാളാഗ്രാം ആശ്രമത്തിനുള്ളത് ഹോം സ്റ്റേ രജിസ്ട്രേഷൻ; സന്ദീപാനന്ദഗിരിയുടെ ആശ്രമത്തിന്റെ വിശേഷങ്ങൾ ഇങ്ങനെ
അക്രമിക്കപ്പെട്ട നടിക്കൊപ്പം ഉറച്ചു നിന്നു; പാർവ്വതിക്ക് നഷ്ടമായത് കത്തിജ്വലിച്ച് നിന്ന കരിയർ; നടി ആക്രമിക്കപ്പെട്ടത് തനിക്ക് വേണ്ടിയാണെന്ന് അറിയാമായിരുന്നിട്ടും അപകടം മനസ്സിലാക്കി പിന്മാറിയതു കൊണ്ട് രണ്ടാംവരവിലെ തിളക്കത്തിൽ തന്നെ തുടർന്ന് മഞ്ജു വാര്യർ; സത്യത്തിനൊപ്പം നിന്നതിന് പാർവ്വതിക്ക് ലഭിച്ച ശിക്ഷയുടെ അളവ് ഊഹിക്കാവുന്നതിലും അപ്പുറം
ബിനീഷ് കോടിയേരി ചങ്ക് സഹോദരൻ! ഗണപതി കോവിൽ വരെ സ്വന്തം റിസ്‌കിലെത്തിയാൽ എല്ലാം ശരിയാക്കമെന്ന് ഉറപ്പ് നൽകിയത് കളക്ടർ നൂഹുവും ഐജി മനോജ് എബ്രഹാമും; പൊലീസ് പറഞ്ഞിടം വരെ പെൺകുട്ടിയെന്ന് ആരും തിരിച്ചറിയാതെ എത്തി; ഐജി ശ്രീജിത്തും നല്ല രീതിയിൽ പിന്തുണ നൽകി; നടപ്പന്തൽ വരെ എത്തിയത് എങ്ങനെ എന്ന് രഹ്നാ ഫാത്തിമ വിശദീകരിക്കുന്ന ഓഡിയോ പുറത്ത്; പൊലീസിനേയും സിപിഎമ്മിനേയും പ്രതിക്കൂട്ടിലാക്കി ആഞ്ഞടിക്കാൻ പരിവാറുകാർ; ശബരിമല വിവാദം പുതിയ തലത്തിലേക്ക്
മകൾ ഗോവേണിയിൽ നിന്നു വീണു മരിച്ചു എന്ന അമ്മയുടെ കള്ള കഥ ഗൾഫിൽ നിന്നെത്തിയ അച്ഛനും വിശ്വസിക്കാനായില്ല; ഏഴു വയസ്സുകാരിയുടെ ദേഹത്തെ മുറിവേറ്റ പാടുകൾ പൊലീസിന്റെയും സംശയം വർദ്ധിപ്പിച്ചു; ചോദ്യം ചെയ്തപ്പോൾ മൊഴിമാറ്റി പറഞ്ഞും പിടിച്ചു നിൽക്കാൻ അമ്മയുടെ ശ്രമം; ഒടുവിൽ മകളുടെ ദുരൂഹ മരണത്തിൽ അമ്മയെ അറസ്റ്റ് ചെയ്ത് പൊലീസ്
മകളേയും ഭർത്താവിനേയും ചോദ്യം ചെയ്തപ്പോൾ അച്ഛന്റേയും അമ്മയുടേയും ഒളിത്താവളം പൊലീസ് അറിഞ്ഞു; അറസ്റ്റിലായതോടെ മാനസികമായി തകർന്നു; ആരും കാണാതെ മുങ്ങിയത് ആറാം നിലയിൽ നിന്ന് ചാടാനും; നൂറു വർഷത്തെ പാരമ്പര്യവും കണ്ണായ സ്ഥലത്ത് ആസ്തികളുണ്ടായിട്ടും 'കുന്നത്തുകളത്തിൽ' പൊളിഞ്ഞത് എങ്ങനെ? മുതലാളിയെ കടക്കാരനാക്കിയത് മക്കളുടേയും മരുമക്കളുടേയും അടിപൊളി ജീവിതം; വിശ്വനാഥന്റെ ആത്മഹത്യ തകർത്തത് തട്ടിപ്പിനിരയായ പാവങ്ങളുടെ അവസാന പ്രതീക്ഷകളെ
ഹരികുമാർ മരണത്തിലേക്ക് നടക്കാൻ തീരുമാനിക്കും മുമ്പ് മകന്റെ കുഴിമാടത്തിൽ ജമന്തിപൂവ് വച്ച് പ്രാർത്ഥിച്ചു; എന്റെ മകനെ കൂടി നോക്കികോളണം എന്ന് കുറുപ്പെഴുതി പാൻസിന്റെ പോക്കറ്റിൽ സൂക്ഷിച്ചു; മകനോട് ആവശ്യപ്പെട്ടത് അമ്മയെ നോക്കണമെന്നും; നെയ്യാറ്റിൻകരക്കാർ ആഘോഷമാക്കിയപ്പോൾ കല്ലമ്പലത്ത് മാധ്യമ വിചാരണയിൽ കടുത്ത രോഷം
നെയ്യാറ്റിൻകര സനൽ വധക്കേസിലെ പ്രതി ഡിവൈഎസ്‌പി ബി ഹരികുമാർ ആത്മഹത്യ ചെയ്തു; ഒളിവിൽ പോയ പ്രതിയെ തൂങ്ങിമരിച്ച നിലയിൽ കാണപ്പെട്ടത് കല്ലമ്പലത്തെ സ്വന്തം വസതിയിൽ; ഉദ്യോഗസ്ഥൻ ആത്മഹത്യ ചെയ്തതുകൊല്ലപ്പെട്ട സനലിന്റെ കുടുംബം കുറ്റവാളിയെ പിടികൂടണമെന്ന് ആവശ്യപ്പെട്ട് സത്യാഗ്രഹം ആരംഭിച്ചതിനും കൊലപാതക കുറ്റം നിലനിൽക്കുമെന്ന് ക്രൈംബ്രാഞ്ച് വ്യക്തമാക്കുകയും ചെയ്തതിന് പിന്നാലെ; ദൈവത്തിന്റെ വിധി നടപ്പിലായെന്ന് സനലിന്റെ കുടുംബം