1 usd = 75.38 inr 1 gbp = 94.91 inr 1 eur = 84.73 inr 1 aed = 20.52 inr 1 sar = 20.08 inr 1 kwd = 244.78 inr

Jun / 2020
04
Thursday

എന്റെ സിനിമ ഒരിടത്തു നിന്നും മോഷ്ടിച്ചതല്ല, സത്യസന്ധതയെയാണ് പ്രേക്ഷകർ അംഗീകരിച്ചത്; മികച്ച കഥാപാത്രം ഫാദർ ഒറ്റപ്ലാക്കൻ: ജോയ് മാത്യു മറുനാടൻ മലയാളിയോട് സംസാരിക്കുന്നു

November 19, 2013 | 02:48 PM IST | Permalink



എന്റെ സിനിമ ഒരിടത്തു നിന്നും മോഷ്ടിച്ചതല്ല, സത്യസന്ധതയെയാണ് പ്രേക്ഷകർ അംഗീകരിച്ചത്; മികച്ച കഥാപാത്രം ഫാദർ ഒറ്റപ്ലാക്കൻ: ജോയ് മാത്യു മറുനാടൻ മലയാളിയോട് സംസാരിക്കുന്നു

ജീവിതത്തിന്റെ പച്ചയായ യാഥാർത്ഥ്യങ്ങളിലേക്ക് ഷട്ടർ തുറക്കുന്ന സിനിമയാണ് ഷട്ടർ. ഷട്ടർ എന്ന സിനിമ ഇറങ്ങിയതിന് ശേഷം പ്രേക്ഷകർ ജോയ് മാത്യുവിനെ നോക്കി ചോദിച്ചു - എവിടെയായിരുന്നു താങ്കൾ ഇത്രയും കാലം, എന്നാൽ ആമേൻ എന്ന ചിത്രത്തിലൂടെ ഒറ്റപ്ലാക്കൻ എന്ന വികാരിയെ കണ്ട് കയ്യടിച്ച പ്രേക്ഷകർ പറഞ്ഞതിങ്ങനെയാണ്. 'ജോയ് മാത്യു ഒരു സംഭവം തന്നെയാണ്.ന' അതെ അഭിനയിക്കുന്ന കഥാപാത്രങ്ങൾ അങ്ങനെയങ്ങ് ജീവിച്ച് കളയും ഈ നടൻ. മലയാള സിനിമയിലേക്ക് വൈകിയെത്തിയ വസന്തം തന്നെയാണ് ജോയ്മാത്യു എന്ന് പറഞ്ഞാൽ അതിൽ അതിശയോക്തിയൊട്ടും തന്നെയുണ്ടാകില്ല.

1986 ൽ അമ്മയറിയാൻ എന്ന ചിത്രത്തിലൂടെയാണ് ജോയ് മാത്യു നടനായി അരങ്ങേറിയത്. പിന്നീട് 2012 വരെയുള്ള നീണ്ട ഇടവേള എന്തിനായിരുന്നു എന്ന ചോദ്യം അപ്രസക്തമാണ്. കാരണം തന്റെ ജീവിതാനുഭവങ്ങളാണ് ഇന്നത്തെ ജോയ് മാത്യു എന്ന നടനെ പാകപ്പെടുത്തിയത് എന്നദ്ദേഹം പറയുന്നു. ഒട്ടും വൈകിയിട്ടില്ല, അഭിനയത്തിരക്കുകളിൽ ജീവിക്കുമ്പോഴും നല്ല ചിത്രങ്ങൾ സംവിധാനം ചെയ്യാൻ ജോയ് മാത്യു പദ്ധതിയിടുന്നുണ്ട്. കാരണം ഷട്ടർ എന്ന സിനിമയോടൊപ്പം നിൽക്കാൻ മറ്റൊരു സിനിമ, അത് ഈ സംവിധായകന്റെ സൃഷ്ടി തന്നെയാകണം.

പുതിയ തലമുറക്കാർക്കൊപ്പം നവസിനിമയിലെ പക്വമാർന്ന മുഖമായി ജോയ് മാത്യു തിളങ്ങുകയാണ്. അഭിനയത്തിരക്കുകളിൽ വീണ് കിട്ടിയ ഇടവേളയിൽ മറുനാടൻ മലയാളിയോട് മനസ്സ് തുറക്കുകയാണ് ജോയ്മാത്യു...

  • ഷട്ടർ എന്ന സിനിമയെക്കുറിച്ച് പറയാതെ ഈ അഭിമുഖം തുടങ്ങാൻ കഴിയില്ല. എങ്ങനെയാണ് 'ഷട്ടറിന്റെ' പിറവി?

ആദ്യം ഒരു ഷോർട്ട് ഫിലിം ആയി എടുക്കാനിരുന്നതാണ് ഷട്ടർ എന്ന സിനിമ. അതിനുള്ള ഒരു സാധ്യതയേ ഞാനതിനു കണ്ടിരുന്നുള്ളു. സംവിധായകൻ രഞ്ജിത്ത് വളരെക്കാലമായിട്ടുള്ള എന്റെ ഒരു സുഹൃത്താണ്. ഒരിക്കൽ രഞ്ജിത്ത് ദുബായിൽ വന്നപ്പോൾ ഞാൻ പറഞ്ഞു ഞാനൊരു സിനിമ ചെയ്യാൻ ആഗ്രഹിക്കുന്നുണ്ടെന്ന്. അപ്പോൾ ഞാൻ സംവിധാനരംഗത്തില്ലെങ്കിലും സിനിമാനിരൂപണം ഒക്കെ എഴുതിയിരുന്നു. 'കേരളകഫെന' എന്ന സിനിമ ഇറങ്ങിയപ്പോൾ അതിൽ ഒന്നു രണ്ടു സിനിമ വളരെ മോശമാണെന്ന് ഞാൻ വിമർശിച്ചിരുന്നു. അപ്പോൾ രഞ്ജിത്ത് പറഞ്ഞു എന്നാൽ നീ ഒരു സിനിമ എടുത്തു കാണിക്കു എന്ന്. അങ്ങനെ ഞാനതിന്റെ വൺ ലൈൻ രഞ്ജിത്തിന് അയച്ചുകൊടുക്കുന്നു. അപ്പോൾ രഞ്ജി പറഞ്ഞു അതൊരു ഫീച്ചർ ഫിലിമിനുള്ള സാധ്യതയുള്ളതാണ്, അങ്ങനെ വർക്ക് ചെയ്തു നോക്കു എന്ന്.


അങ്ങനെ ഫീച്ചർ ഫിലിമിനു വേണ്ടിയുള്ള ഘടകങ്ങൾ കണ്ടെത്തുന്നു, അതിന്റെ തിരക്കഥ എഴുതുവാൻ ഇരിക്കുന്നു. ദുബായിലുള്ള ഒരു സുഹൃത്ത് സിനിമ നിർമ്മിക്കാമെന്നു പറഞ്ഞു. അതോടുകൂടി ആ സിനിമ ചെയ്യാൻ ഞാൻ തീരുമാനിച്ചു. ക്യാമറാമാൻ ഹരി.പി.നായരും ഞാനും പൂണെ ഫിലിം ഇൻസ്റ്റിറ്റ്യൂട്ടിൽ ഒന്നിച്ചുണ്ടായിരുന്നതാണ്. അവനുമായി സംസാരിച്ചു. അവനും കഥ വളരെ ഇഷ്ടപ്പെട്ടു. പിന്നെ എന്റെ സുഹൃത്തായ റസൂൽ പൂക്കുട്ടി, റസൂലും സബ്ജക്ട് ഇഷ്ടമായി എന്നു പറഞ്ഞു. എന്നെങ്കിലും ഒരു സിനിമ ചെയ്താൽ അത് റസൂലിനെക്കൊണ്ട് ശബ്ദം ചെയ്യിക്കണമെന്ന് എനിക്കാഗ്രഹമുണ്ടായിരുന്നു. കാരണം ചലനങ്ങൾ പോലെ ശബ്ദത്തിനും സിനിമയിൽ വളരെ പ്രാധാന്യമുണ്ടല്ലോ! റസൂലിന്റെ സമയക്കുറവു മൂലം രംഗനാഥ് രവി എന്ന സൗണ്ട് എഞ്ചിനീയറെ ആ ദൗത്യം ഏൽപ്പിക്കുകയായിരുന്നു. പക്ഷെ അദ്ദേഹത്തിന്റെ ശബ്ദം സിനിമയെ വളരെയധികം സ്വാധീനിച്ചു.

  • ഷട്ടർ എഴുതിത്തുടങ്ങിയപ്പോഴെ അതിലെ കഥാപാത്രങ്ങൾ അഭിനയിക്കേണ്ടത് ആരൊക്കെയാകണം എന്ന് മനസ്സിലുണ്ടായിരുന്നോ?

പല പല അഭിനേതാക്കൾ മനസ്സിൽ വന്നു. പിന്നീട് ചില സീരിയൽ നടന്മാർ. കാരണം നമ്മുടെ ബഡ്ജറ്റ് വളരെ പരിമിതമായിരുന്നു. ഞാൻ നല്ല സിനിമ എടുക്കണമെന്നേ ഉദ്ദേശിച്ചിരുന്നുള്ളു. തീയേറ്ററിൽ നൂറു ദിവസം ഓടും എന്നൊന്നും കരുതിയിരുന്നില്ല. എന്റെ മനസ്സിനിഷ്ടപ്പെടുന്ന സിനിമയാകണം ഞാൻ ചെയ്യുന്ന സിനിമ എന്നേ അന്ന് മനസ്സിലുണ്ടായിരുന്നുള്ളു. പക്ഷെ, ഷട്ടറിലെ സ്ത്രീ കഥാപാത്രം ആരു ചെയ്യണമെന്നതിൽ തർക്കമേ ഉണ്ടായിരുന്നില്ല. ഞാനെനെ്റെ സബ്ജക്‌ടൊക്കെ എന്റെ അടുത്ത സുഹൃത്തുക്കളുമായി ചർച്ച ചെയ്യുന്ന ആളാണ്. സജിത എന്റെയൊപ്പം വളരെ ജൂനിയർ ആയി പഠിച്ച ആളാണ്. എന്റെ മനസ്സിൽ ആദ്യം സജിത ഉണ്ടായിരുന്നു. എങ്കിലും പിന്നീട് തിരക്കഥാകൃത്ത് ദീദി ദാമോദരനും പ്രേമചന്ദ്രനും എന്റെ അടുത്ത സുഹൃത്തുക്കളാണ്. അവർ പറഞ്ഞു ആതുഅതു ചെയ്യാൻ സജിത ഉണ്ടല്ലോ എന്ന് അപ്പോഴാണ് ഞാൻ വീണ്ടും സജിതയെക്കുറിച്ചോർത്തത്.

ഞാൻ സജിതയുടെ നാടകങ്ങൾ ഒക്കെ കണ്ടിട്ടുണ്ട്. പിന്നെ ഞാൻ ഫേസ്‌ബുക്കിൽ പോയി സജിതയുടെ പ്രൊഫൈൽ പിക്ചർ എടുത്ത് നോക്കി അവർ അഭിനയിച്ച ചില നാടകങ്ങളുടെ ഫോട്ടോസ് നോക്കി. എന്നിട്ട് ഞാൻ സജിതയെ വിളിച്ചു പക്ഷെ അഭിനയിക്കാനാണെന്നു പറഞ്ഞില്ല. ഇങ്ങനെ ഒരുസബ്ജക്ടിനെക്കുറിച്ച് പറഞ്ഞു. അത് നല്ല സ്‌ക്രിപ്റ്റാണെന്ന് സജിത പറഞ്ഞു. അപ്പോഴാണ് ഞാൻ പറഞ്ഞത് അതിലഭിനയിക്കുന്നത് നീയാണ് എന്ന്. പക്ഷെ അവളപ്പോൾ ചോദിച്ചു എന്താണീ പറയുന്നത്, ഞാൻ അഭിനയിച്ചാൽ ആരാ കാണാനുണ്ടാകുക തീയേറ്ററിൽ ആളു കയറില്ല എന്നൊക്കെ. അപ്പോൾ ഞാൻ പറഞ്ഞു തീയേറററിൽ ആളെക്കയറ്റാൻ വേണ്ടിയല്ല നല്ല ഒരു സിനിമ ചെയ്യാൻ വേണ്ടിയാണ് ഞാൻ വിളിക്കുന്നത് എന്ന.#് അങ്ങനെയാണ് സജിത ജോയിൻ ചെയ്തത്. ശരിക്കും ഒരു മുറിയിൽ നടക്കുന്ന സംഭവങ്ങളുമായി സിനിമ മുന്നോട്ടു പോകുമ്പോൾ അതിൽ കുറച്ചൊക്കെ നാടകീയതയുണ്ടാകണമല്ലോ. സജിത നന്നായി ചെയ്യുമെന്ന് എനിക്ക് തോന്നി പക്ഷെ, എന്റെ മറ്റു പല സുഹൃത്തുക്കളും ഇന്റസ്ട്രിയിലുള്ള ചില നടിമാരുടെ പേര് പറഞ്ഞു കാരണം ഡിസ്ട്രീബ്യൂഷൻ, സാറ്റലൈറ്റ് ഇതൊക്കെ കിട്ടണമല്ലോ? പക്ഷെ, ഞാനൊരു കോമ്പ്രമൈസിനും തയ്യാറായില്ല.

അതുപോലെ ലാൽ ലാൽ അതിൽ മീൻ കച്ചവടക്കാരൻ മൊയ്തീന്റെ മകനാണ്. വലിയ ഗ്ലാമറൊന്നും ഉണ്ടാകാൻ പാടില്ല, ദൂബായിൽ അങ്ങനെ വല്യ പത്രാസുള്ള ജോലിയോ ഒന്നുമല്ല. നമ്മൾ സാധാരണ സിനിമകളിൽ ദുബായ്ക്കാരെ കാണുന്നത് സ്യൂട്ടും കോട്ടുമൊക്കെ ഇട്ടിട്ടല്ലേ? പക്ഷെ, ഞാൻ ദുബായിലൊക്കെ ജീവിച്ചിട്ടുള്ളതുകൊണ്ടറിയാം അവിടുത്തെ സാധാരണക്കാരായ മലയാളികൾ എങ്ങനെയായിരിക്കും എന്ന്. അത്യാവശ്യം കഴിവുണ്ടാകണം, അധികം വിദ്യാഭ്യാസമുണ്ടാകരുത്, ഫിസിക്കലി സ്‌ട്രോങ് ആയിരിക്കണം കാരണം എനിക്ക് വേണ്ടത് ഫിസിക്കലി സ്‌ട്രോങ്# ആയിട്ടുള്ള ആൾ മെന്റലി തകരുന്നതായിട്ടാണ്. അങ്ങനെ ലാലിനോട്# കഥാപാത്രം പറഞ്ഞു. ലാൽ എന്നോട് ചോദിച്ചു ഞാനേതു കഥാപാത്രമാണ് ചെയ്യേണ്ടത് എന്ന്. ഞാൻ പറഞ്ഞു അകത്ത് കുടുങ്ങിപ്പോയ ആളായിട്ടാണ് എന്ന് ലാൽ പ്രതിഫലത്തിന്റെ കാര്യമൊന്നും ചോദിച്ചില്ല, എന്നു മുതലാണ് ഷ്യൂട്ടിങ് തുടങ്ങുന്നത്# എന്നുമാത്രമാണ്. അതുപോലെ തന്നെ ശ്രീനിയേട്ടനും വിനയും എല്ലാം. എല്ലാവരും ഈ സിനിമയെ ഇഷ്ടപ്പെട്ട് അതിലഭിനയിച്ചവരാണ്. വിനയ് ഫോർട്ടിനെ ഹരി നായരായിരുന്നു സജസ്റ്റ് ചെയ്തത് അയാൾ ഈ സിനിമയിലഭിനയിക്കാൻ വേണ്ടി ഓട്ടോ ഓടിക്കുന്നത് പഠിച്ചു. കോഴിക്കോടൻ ഭാഷ പറഞ്ഞു പഠിച്ചു. ഈ സിനിമയ്ക്കു വേണ്ടി തന്നെ വളരെയധികം തയ്യാറെടുപ്പുകൾ നടത്തി.

  • മുൻനിര നായികാ നായകന്മാരൊന്നും തന്നെ ഇല്ലാതെ വിജയിച്ച സിനിമയാണ് ഷട്ടർ, എങ്ങനെയാണ് ആ ധൈര്യം കിട്ടിയത്?

എനിക്ക് തന്നെ അറിയില്ല എങ്ങനെ എനിക്കതിനുള്ള ധൈര്യം കിട്ടിയെന്ന്. ഞാൻ ചിലപ്പോൾ ചില തീരുമാനങ്ങൾ എടുത്താൽ കടുകിട അതിൽ നിന്ന് വ്യതിചലിക്കാറില്ല. ഇതും അങ്ങനെയായിരുന്നു. പിന്നെ ഒരു ആത്മവിശ്വാസം ഉണ്ടായിരുന്നു. സിനിമയുടെ സബ്ജക്ട് വളരെ യുണീക് ആണ്, ഞാൻ ഒരു സ്ഥലത്തു നിന്നും മോഷ്ടിച്ചതല്ല എന്നെനെിക്കുതന്നെ ഉറപ്പുണ്ടായിരുന്നു. ജനങ്ങൾ ആ സിനിമയുടെ ഹോണസ്റ്റി മനസ്സിലാക്കി. പിന്നെ അതിലെ അഭിനേതാക്കൾ മുതൽ അതിന്റെ അണിയറയിൽ പ്രവർത്തിച്ചവരെല്ലാം ഡ്രൈവർമാരടക്കം ആസിനിമ നല്ലതാകണമെന്ന് ആഗ്രഹിച്ചവരാണ് പ്രാർത്ഥിച്ചവരാണ്. അത്രയും ആത്മാർത്ഥമുള്ളവരായിരുന്നു എല്ലാവരും.

  • സിനിമയുടെ വിജയരഹസ്യം അതാണെന്നാണൊ വിശ്വസിക്കുന്നത്?

മൗത്ത് പബ്ലിസിറ്റി കൊണ്ട് മാത്രമോടിയ പടമാണ് അത്. സിനിമ കണ്ടതിനെക്കാൾ കൂടുതൽ ഡി വി ഡി യും വിറ്റഴിച്ചിട്ടുണ്ട്. കൊച്ചിയിലെ ഹൊറൈഹൺ വീഡിയോസ് ആണ് ഡി വി ഡി പൂറത്തിറക്കിയത്. അവർ എന്നോട് പറഞ്ഞത് അടുത്ത കാലത്തൊന്നും മറ്റൊരു സിനിമയ്ക്ക് ഇത്രയധികം ഡിവിഡി വിറ്റിട്ടില്ല എന്നാണ്. മാത്രമല്ല, സിനിമ ഇപ്പോൾ തമിഴ്, തെലുങ്ക്, തുളു, ഹിന്ദി, കന്നഡ തുടങ്ങിയ ഭാഷകളിലേക്കെല്ലാം റീമേക്ക് ചെയ്യപ്പെടുകയാണ്. ഇതൊക്കെ സിനിമയ്ക്കു കിട്ടിയ അംഗീകാരമായി ഞാൻ കരുതുന്നു.

  • താങ്കൾ തന്നെയാണോ സിനിമ റീമേക്ക് ചെയ്യുന്നത്?

അല്ല, ഹിന്ദിയിൽ ചെയ്യുന്നത് അൽഫോൻസ് പുത്രൻ ആണ്. കന്നഡയിലും തുളുവിലും ഒരു ശശികാന്താണ്. തമിഴും തെലുങ്കും ഇതുവരെ ആരാണെന്നതീരിമാനിച്ചിട്ടില്ല.

  • അഭിനയിക്കണം, സിനിമയിൽ നടനെനെ്ന നിലയിലും ശ്രദ്ധിക്കണമെന്ന് തോന്നിയത് എപ്പോഴാണ്?

ബേസിക്കലി ഞാനൊരു പെർഫോർമർ ആണ് അമ്മ അറിയാൻ എന്ന ജോൺ എബ്രഹാം ചിത്രത്തിലൂടെയാണ് ഞാൻ അഭിനയിച്ചതും ആദ്യമായി സിനിമയിലെത്തിയതും. 1986 ലെ നിലവിലുള്ള സിനിമ സങ്കൽപ്പങ്ങോളോട് കലഹിച്ചു നിൽക്കുന്ന സിനിമയായിരുന്നു അത്. സോ കോൾഡ് സിനിമ പ്രവർത്തകരൊന്നും അത്# കണ്ടതായി നടിച്ചില്ല. അത് കൊണ്ടു തന്നെ പിന്നീട് എന്നെയാരും അഭിനയിക്കാനൊന്നും വിളിച്ചില്ല. ഞാൻ പിന്നെ എനിക്ക് ചാൻസ് വേണമെന്ന് കെഞ്ചിയിട്ടുമില്ല. അന്നെനെിക്ക് നഷ്ടബോധമൊന്നും തോന്നിയില്ല. എനിക്കഭിനയിക്കമെന്നു തോന്നുമ്പോൾ ഞാൻ നാടകമെഴുതും അതിലഭിനയിക്കും. അല്ലെങ്കിൽ മറ്റുള്ളവരെക്കൊണ്ട് അഭിനയിപ്പിക്കും. അന്ന് അഭിനയിക്കാൻ കഴിയാത്തതിൽ നിരാശയൊന്നും തോന്നിയതുമില്ല.

ഷട്ടറിന്റെ ഷൂട്ടിങ് മുൻപാണ് അന്നയും റസൂലും നടക്കുന്നത്. ആ സമയം രാജീവ് രവി എന്നെ രണ്ടു ദിവസത്തെ ഷൂട്ടിങ് ഉണ്ട് അതിൽ അഞ്ച് സംവിധായകരഭിനിക്കുന്നുണ്ട്, വന്നഭിനയിക്കണം എന്നൊക്കെപ്പറഞ്ഞ് വിളിച്ചു. ചെന്നപ്പോൾ എനിക്ക് ഡയലോഗുകൾ ഒന്നുമില്ല. ആകെ ഉള്ളത് ഒരു ഡയലോഗായിരുന്നു ഞാൻ രാജീവിനോട് ചോദിച്ചു എന്തിനാ ഒരു ഡയലോഗ്? ഞാൻ പിന്നീട് ഡബ്ബിംഗിന് വരണ്ടേ അതുകൂടി ഒഴിവാക്കു എന്ന്, അങ്ങനെ തിരിച്ചു വരവിലെ എന്റെ ആദ്യ ചിത്രം അന്നയും റസൂലും ഞാൻ ഡയലോഗില്ലാതെ അഭിനയിച്ചു. എല്ലാം തകർന്നൊരു മനുഷ്യനായിട്ടുള്ള അതിലെ ഒരിരുപ്പുണ്ട്. എല്ലാവരും അതസ്സലായി എന്നെ്നോടു പറഞ്ഞു.

ലിജോ ജോസ് പല്ലിശ്ശേരി ആ സമയത്താണ് എന്റെയടുത്ത് ആമേൻ സിനിമയുടെ തിരക്കഥയുടെ ഡിസ്‌ക്ഷന് വരുന്നത് ലിജോ എന്നോട് പറഞ്ഞു ചേട്ടനതിലൊരു വേഷം ചെയ്യണമെന്ന്, ഞാൻ ചോദിച്ചു ഇതിലെനിക്കു പറ്റിയ വേഷമേതാണ് ഫഹദിന്റെയും ഇന്ദ്രജിത്തിന്റെയും കഥാപാത്രങ്ങൾ ചേരില്ലല്ലോ എന്ന്. ഫാദർ ഒറ്റപ്ലാക്കൽ ആണ് ഞാൻ ഉദ്ദേശിച്ചതെന്നു ലിജോ പറഞ്ഞപ്പോൾ ഞാനും പറഞ്ഞു അത് ചെയ്യാൻ എനിക്ക് താത്പര്യം തോന്നിയിരുന്നു എന്ന്. ഫാദർ ഒറ്റപ്ലാക്കൻ എന്റെ സിനിമാ ജീവിതത്തെ മാറ്റിമറിച്ചു...പുതിയ ഒരു വഴിത്തിരിവുണ്ടാക്കി.

  • ആ സിനിമയ്ക്ക് ജനങ്ങളിൽ നിന്ന് വലിയ സ്വീകരണമാണുണ്ടായത് ഫാദർ ഒറ്റപ്ലാക്കനെ ആളുകൾ എങ്ങനെയായിരുന്നു സ്വീകരിച്ചത്?

ഞാൻ കുടുംബത്തോടൊപ്പം ആദ്യദിവസം തന്നെ സിനിമ കാണാൻ തിയേറ്ററിൽ പോയി. അതിൽ ഫഹദിന്റെ ക്ലാർനെറ്റ് വലിച്ചെറിഞ്ഞ് പൊട്ടിക്കുന്ന ഒരു സീനുണ്ടായിരുന്നു. ആ സീൻ വന്നപ്പോൾ മുൻസീറ്റിലിരുന്ന് ഉച്ചത്തിൽ ഒരുത്തൻ വിളിച്ചു പറഞ്ഞു വെറുതെയല്ല കഴുവേറിമോനെ നിനക്ക് അവാർഡ് കിട്ടാതെ പോയതെന്ന് ആസമയത്ത് ഷട്ടറിന്റെ അവാർഡ് വിവാദം നടന്ന സമയമായിരുന്നു. തിയേറ്ററിന് പുറത്തേക്കിറങ്ങിയപ്പോൾ എനിക്ക് ഷേക്ക് ഹാന്റ് തരാനും എന്റെ കൂടെ നിന്ന് ഫോട്ടോ എടുക്കാനും ഒരുപാട് പേരുണ്ടായിരുന്നു.

കഴിഞ്ഞ ദിവസം ലുലുവിൽ നിന്ന് ഇഡുക്കി ഗോൾഡ് കണ്ടിറങ്ങിയപ്പോൾ എന്റെ അടുത്തേക്ക് ഒരു ഫാമിലി വന്നു. എന്നിട്ട്പറഞ്ഞു അവരുടെ കുട്ടികൾ വഴക്കുണ്ടാക്കുമ്പോൾ ആമേനിലെ വല്യ അച്ഛനെ വിളിക്കമെന്ന് പറയാറുണ്ടെന്ന് (ചിരി......)

  • ആ കഥാപാത്രത്തിന് ലൈഫ് കൊടുക്കാൻ സഹായിച്ചത് എന്താണ്?

ആ കഥാപാത്രത്തിനുണ്ടായിരുന്ന വെല്ലുവിളി എന്ന് പറയുന്നത് തോക്കും, ബോംബും ഇടിയും കുത്തുമൊന്നുമില്ലാതെ വലിയ ക്രൂരനായ വില്ലനെ അവതരിപ്പിക്കുക എന്നതാണ്. ഒരു ഡെവിളിഷ് കഥാപാത്രം. ഞാനൊരു ക്രിസ്ത്യാനിയായത് കൊണ്ട് എനിക്കത് വളരെ സില്ലിയായി തോന്നി. കാരണം എന്റെ അറിവിൽ ആരും ദൈവ വിളികൊണ്ട് അച്ഛനായവരല്ല. നല്ല ശമ്പളം കിട്ടുന്നു, ജോലി ഒന്നും ചെയ്യേണ്ട ബെൻസ് കാറിലും ഓഡിയിലും സഞ്ചരിക്കുന്ന ബിഷപ്പമാരും സ്വർണ്ണക്കപ്പിൽ വീഞ്ഞു കുടിക്കുന്ന തിരുമേനിമാരെയുമൊക്കെ കണ്ടതുകൊണ്ട്## ഒരു ഡെവിളിഷ് ലൂക്ക് കിട്ടി.

പിന്നെ ആക്ഷനെക്കാളധികം പോയിന്റ്ഡ് ലുക്‌സും ശബ്ദവിമൊക്കെയായിരുന്നു ആകഥാപാത്രത്തിന്റെ പ്രത്യേകത. ആസിനിമയുടെ ഡബ്ബിംങ്ങിന് ശരിക്കും എഫർട്ട് എടുത്തിരുന്നു. ലിജോ ജോസ് തന്ന സ്വാതന്ത്രമാണ് ആ ക്യാരക്ടർ ഡയറക്ടറിന്റെ കഴിവാണ് ആ കഥാപാത്രം. ആസിനിമ തന്നെയാണ് മെയ്ക്കിങ്ങിൽ ഷട്ടറിനെക്കാൾ മികച്ചത് ആമേൻ തന്നെയാണ് ഷട്ടർ വളരെ കൺവെൻഷണലായ രീതിയിൽ വൃത്തിയിലെടുത്തൊരൂ പടം ആമേൻ കൺവെൻഷണലല്ലാത്ത നമ്മൾ ഇതുവരെ കണ്ടിട്ടില്ലാത്ത രീതിയിൽ മെയ്ക്ക് ചെയ്ത പടം. അങ്ങനെയുള്ള ഒരു സിനിമ ഇന്റർനാഷണൽ ഫിലിം സെലക്ടിങ് കമ്മറ്റി തിരഞ്ഞെടുക്കാത്തതിൽഎനിക്ക് ഭയങ്കര ദേഷ്യമാണ്. ഈ വർഷത്തെ ഐഎഫ് എഫ് കെയിൽ പോലും തിരഞ്ഞെടുത്തിട്ടില്ല ആമേൻ. അതിൽ പ്രേമമുണ്ട്, പാട്ടുണ്ട് എന്നൊക്കെപ്പറഞ്ഞാണ് പഴഞ്ചൻ ചിന്താഗതിയുള്ള അവർ ആ സിനിമയെ മാറ്റിനിർത്തുന്നത്. പ്രേമവും പാട്ടുമൊക്കെയുള്ള എത്രയോ അന്താരാഷ്ട്ര സിനിമകളുണ്ട്.

  • അങ്ങനെയുള്ള ഒരു സിനിമ, ആളുകൾ ഇതുവരെ കണ്ടിട്ടില്ലാത്ത ഒന്ന് എടുക്കണമെന്നുണ്ടോ?

അങ്ങനെ ആളുകൾ ഇതുവരെ കണ്ടിട്ടില്ലാത്ത സിനിമ എടുക്കണമെന്നില്ല, നല്ല സിനിമകൾ ചെയ്യണമെന്നുണ്ട്. പക്ഷേ, ഞാനിപ്പോൾ മാറി നിന്നാൽ മലയാള സിനിമ തകർന്ന് പോകും എന്നൊരഹങ്കാരത്തിലാണ് ഞാൻ നിൽക്കുന്നത് (ചിരിക്കുന്നു). അഭിനയം നടക്കട്ടെ, സംവിധാനം എന്തായാലും ചെയ്യും.

  • അതെന്താണങ്ങനെ ഒരഹങ്കാരം?

കാരണം ഈ വർഷം തന്നെ 27 ഓളം സിനിമകൾ ഞാൻ ചെയ്ത് കഴിഞ്ഞു, ഇനിയും അഭിനയിക്കാൻ സിനിമകൾ ഏറ്റിട്ടുണ്ട്. കമലിന്റെ നടൻ, 1983 റാസ്പുടിൻ, ലോപോയിന്റ് , പ്രണയകഥ, മമ്മൂട്ടി വികെപി ടീമിന്റെ ചിത്രം അങ്ങനെ തിരക്കേറുകയാണ് അഭിനയത്തിൽ.

  • നടനെന്ന നിലയിൽ തിരക്കേറിയത് സ്വകാര്യ ജീവിതത്തെ ബാധിച്ചിട്ടുണ്ടോ?

ശരിക്കും.........പണ്ട് ഞാൻ ചായക്കടയിലൊക്കെ ചായ കുടിക്കാൻ പോകുന്നയാളായിരുന്നു. ഇന്നിപ്പോൾ പുറത്തേക്കിറങ്ങിയാൽ തിരക്കാണ്. പിന്നെ ഒരു ഗുണമുള്ളത്,  ഋഷിരാജ് സിങ് ഹെൽമറ്റ് നിർബന്ധമാക്കിയതുകൊണ്ട് തലമൂടി നടക്കാമല്ലോ...ഹ ഹ സിനിമാ നടന്മാർക്കുവേണ്ടി പ്രത്യേകം ഋഷിരാജ് സിങ് കണ്ടുപിടിച്ചതാണതെന്നു ചിലപ്പോൾ തോന്നും.

  • താങ്കൾ ഒരുപ്രവാസിയാണല്ലോ. അപ്പോൾ സിനിമ അഭിനയം എങ്ങനെ സുഗമമായി കൊണ്ടു പോകാൻ കഴിയുന്നു?

പ്രവാസിയെന്നു പറയുമ്പോൾ മരുഭൂമയിൽ കിടന്ന് കഷ്ടപ്പെടുന്ന് ആ പഴയ കൺസെപ്റ്റല്ലല്ലോ ഇന്ന്. അന്നൊക്കെ എല്ലാവർക്കും വല്ലപ്പോഴുമൊക്കെയാണ് നാട്ടിൽ വരാൻ കഴിയുന്നത്. ഞാൻ ഒരു പ്രവാസിയാണെങ്കിലും ഇടയ്ക്കിടയ്ക്ക് നാട്ടിൽ വന്നു പോകുന്ന ആളാണ്. ഇപ്പോൾ ഗൾഫിലേക്കുള്ള ഒരു യാത്ര ഒരു സംഭവമേ അല്ലല്ലോ. ഇഷ്ടംപോലെ ബഡ്ജറ്റ് വിമാനങ്ങളൊക്കെ ഇല്ലേ. പിന്നെ കോഴിക്കോടു നിന്ന് എറണാകുളത്തേക്കെത്താൻ വരുന്നതിലും കുറച്ചുസമയം മതി ദൂബായിൽ പോയിവരാൻ. ദുബായ് യാത്രയ്ക്ക് 3 മണിക്കൂർ എടുക്കുമ്പോൾ കോഴിക്കോട് നിന്ന് എറണാകുളം വരെയുള്ള ബ്ലോക്ക് കഴിഞ്ഞെത്തുമ്പോൾ അഞ്ച് മണിക്കൂർ കഴിയും.

  • ഒരു സംവിധായകൻ കൂടിയായ നടനാകുമ്പോൾ മറ്റു സംവിധായകരുടെ സിനിമയിൽ അഭിനയിക്കുന്ന സമയത്ത് താങ്കളുടേതായ സംഭാവനകൾ നൽകാറുണ്ടോ?

എന്റെ അഭിപ്രായത്തിൽ ഒരു ഇന്ററാക്ഷനിലൂടെയാണ് ഒരു നല്ല സിനിമയുണ്ടാകുന്നത്. ഞാൻ ഇപ്പോൾ അഭിനയിക്കുന്ന ഒട്ടുമിക്ക സംവിധായകരും ചെറുപ്പക്കാരും വളരെ ഊർജസ്വലരുമായിട്ടുള്ളവരാണ്. അവരൊക്കെ തന്നെ എന്റെ 'അമ്മ അറിയാൻന' എന്ന സിനിമയുടെ കടുത്ത ആരാധകരാണ്. ജോൺ എന്നെ കാസ്റ്റ് ചെയ്തത് വളരെ വർഷത്തിനു മുൻപാണെങ്കിലും എനിക്കിന്നും ആ സ്‌നേഹം മലയാള സിനിമയിൽ നിന്നും തിരിച്ചുകിട്ടിന്നുണ്ട്. അതുകൊണ്ടൊക്കെത്തന്നെ ഒരു ഷോട്ട് എടുത്തു വച്ചത് എന്നെ കാണിക്കാനോ അതിനെപ്പറ്റി ഡിസ്‌കസ് ചെയ്യാനോ ആർക്കും മടിയില്ല. പക്ഷെ അത്തരം കാര്യങ്ങൾ തുറന്നു പറയാത്തവരോട്# ഞാൻ അഭിപ്രായങ്ങൾ പറയാറില്ല.

  • താങ്കൾ സിനിമകൾ എടുത്തു നോക്കിയാലറിയാം. ചെറുതും വലുതും എന്ന വ്യത്യാസമില്ലാതെയാണ് കഥാപാത്രങ്ങൾ...കഥാപാത്രങ്ങളെ തിരഞ്ഞെടുക്കുന്നതെങ്ങനെയാണ്?

ചെറുതും വലുതുമായ കഥാപാത്രങ്ങൾ ചെയ്തു എന്നത് സത്യമാണ്. ഇഡുക്കി ഗോൾഡിൽ പോലും ആകെ രണ്ട് സീനിലാണ് ഞാനഭിനയിച്ചത് എനിക്ക് ചെറുതും വലുതും തമ്മിൽ വ്യത്യാസമൊന്നുമില്ല. ആഷിക് എന്നെ ഇഡുക്കി ഗോൾഡിലേക്ക് വിളിക്കുമ്പോൾ ഞാൻ ശൃംഗാരവേലൻ എന്ന ചിത്രത്തിന്റെ ഷൂട്ടിംഗിനായി പഴനിയിലായിരുന്നു.അതാണെങ്കിൽ ത്രൂ ഔട്ട് കഥാപാത്രം, അതും അടി പിടി,കാർ ചെയ്‌സ് എല്ലാമടങ്ങിയ വില്ലൻ കഥാപാത്രം. അപ്പോൾ അതെനിക്ക് എക്‌സ്പീരിയൻസ് ചെയ്യണമെന്നുണ്ടായിരുന്നു.എങ്ങനെയാണ് അവരുടെ മേക്കിങ് എന്നൊക്ക് ഞാൻ അത് ശരുക്കും എൻജോയ് ചെയ്തു.

ആ സമയത്ത് ആഷിക് വിളിച്ച് എങ്ങനെയെങ്കിലും ഇഡുക്കിയിലെത്തണമെന്നു പറഞ്ഞു ഞാൻ പറഞ്ഞു എനിക്കെത്താൻ കഴിയില്ല, അടുത്ത പടത്തിൽ തീർച്ചയായും നോക്കാം എന്നൊക്കെ. പക്ഷെ ആഷിക് പറഞ്ഞു അത് ചേട്ടൻ തന്നെ ചെയ്യണമെന്ന് അവർ ആ സീൻ എനിക്കു വേണ്ടി പിന്നീട് മൂന്ന് ദിവസത്തെ ഷൂട്ടിങ് ഷെഡ്യൂളായി മാറ്റിവച്ചു. ആ സീൻ ചെറുതോണി ഡാമിന് മുകളിലെ ഒരു ഗുഹയാണ്. പണ്ട് വൈശാലിയൊക്കെ എടുത്ത സ്ഥലം. വളരെ കഷ്ടപ്പെട്ട് ജീപ്പിൽ ഞങ്ങൾ അവിടെയെത്തി. ഞാൻ ചോദിച്ചു ഈ സീനിനു വേണ്ടി ഇത്ര കഷ്ടപ്പെടണമായിരുന്നോ എന്നൊക്കെ. ആഷിക് എന്നോടു പറഞ്ഞു ചേട്ടൻ ചെയ്യ് ചെയ്തു കഴിയുമ്പോൾ ചേട്ടന് മനസ്സിലാകും ഇത് ചേട്ടൻ തന്നെ ചെയ്താലെ ശരിയാകു എന്ന് അത് ശരിയാണെന്ന് സിനിമ കണ്ടപ്പോൾ എനിക്കും തോന്നി

ഇടുക്കിയിലെ മലമടക്കുകളിൽ..പൊൻവെയിലിൽ....
ചില ചെടികൾക്ക് പൊൻകതിരുകളുണ്ടാകും...
ചൂടു കാലത്ത് മലകേറി ഗോവയിൽ നിന്ന് വരുന്ന
ഇവരെപ്പോലുള്ളവർ ഇതിനെ മറ്റൊരു പേരാണ് വിളിക്കുക ഇഡുക്കി ഗോൾഡ്.

അപ്പോൾ അങ്ങനെയാണ് ചില കഥാപാത്രങ്ങൾ, പിന്നെ ചിലത് വരുമ്പോൾ ഞാൻ ഒഴിവാക്കി വിടാറുണ്ട്. ഒന്നും ചെയ്യാനില്ലാതെ ആരുടെയെങ്കിലുമൊക്കെ അച്ഛനോ അമ്മാവനോ ഒക്കെയായി നിൽക്കാനാകും അവയിൽ. ഞാൻ പറയും ഞാനില്ല. പക്ഷെ, ഞാൻ അഭിനയിച്ച സിനിമകളിൽ ചിലത് ഞാൻ സൗഹൃദത്തിന്റെ പേരിൽ വേണ്ട എന്ന് പറയാൻ പറ്റാതെ അഭിനയിച്ചിട്ടുണ്ട്. അതേതാണെന്ന് ഞാൻ പറയുന്നില്ല. ഇന്ന് ഞാൻ വളരെ ചൂസിയാണ്. തിരഞ്ഞെടുക്കുന്നതിൽ വളരെ ശ്രദ്ധിക്കുന്നു.

  • സിനിമയിൽ സാറ്റലൈറ്റ് എന്നത് അഭിവാജ്യഘടകമാണോ?

ആണെന്നാണ് എന്റെ അഭിപ്രായം. ഇത് ഒരു ഫിനാൻഷ്യൽ ഇൻവോൾവ്ഡ് ബിസിനസ്സ് ആണ്. നമ്മൾ ഒരു തെരുവു നാടകം കളിക്കുന്നതു പോലെയല്ല ഒരു സിനിമ ചെയ്യുന്നത്. സിനിമയ്ക്ക് ക്യാമറ വാടകയ്‌ക്കെടുക്കണം, ആളുകളെ പ്രതിഫലം കൊടുത്തഭിനയിപ്പിക്കണം, വണ്ടികൾ ഓടണം, പുതുമുഖങ്ങളാണെങ്കിൽ പോലും അവർ അവരുടെ മുഴുവൻ സമയവുമൊക്കെ ചിലവഴിച്ചാണ് സിനിമയുടെ ഭാഗമാകുന്നത് അവർക്കുള്ള ഭക്ഷണം, താമസ സൗകര്യങ്ങൾ, മേക്കപ്പ്, വസ്ത്രങ്ങൾ അങ്ങനെ ഒരുപാട് കാര്യങ്ങൾ ഒരു ഫിനാൻഷ്യൽസൈഡ്# എന്ന്## പറയുന്നത് ഫണ്ട് ആണ്. അപ്പോൾ സാറ്റലൈറ്റ്## നമുക്കൊരു വില തരുമ്പോഴാണ് ഫിനാൻഷ്യൽ സൈഡ് സേഫ് ആകുന്നത്. തിയേറ്ററിൽ ഓടി ലാഭമുണ്ടാക്കാൻ ശ്രമിക്കുന്നത് ഇന്നത്തെക്കാലത്ത്# മണ്ടത്തരമാണ്. നൂറു ദിവസം ഓടിയ എന്റെ പടത്തിന് ഡിസ്#ട്രിബ്യൂട്ടർ തന്നത് നിസ്സാര പൈസയാണ്. ആരും പറഞ്ഞാൽ പോലും വിശ്വസിക്കില്ല. അവർ പോസ്റ്റർ ഇറക്കിയതും അതുമിതുമൊക്കെയായി ഒരു ചെറിയ തുകയാണ് ബാക്കി പറഞ്ഞത് ഇന്നത്തെക്കാലത്ത്# സാറ്റലൈറ്റ് റൈറ്റ് എന്നു പറയുന്നത് സിനിമയുടെ അഭിവാജ്യഘടകം തന്നെയാണ്. കവിത എഴുന്നതുപോലെ ഒരു പേനയും പേപ്പറും പോര സിനിമയെടുക്കാൻ.

  • അവാർഡ് നിർണയം പ്രഹസനമാണെന്നും തോന്നിയിട്ടുണ്ടോ?

ഇത് ഞാൻ എപ്പോഴും പറയുന്നു, ഇപ്പോഴും പറയുന്നു അവാർഡ് നിർണ്ണയം ഒരഡ്ജസ്റ്റ്‌മെന്റാണ്. ഇഷ്ടപ്പെട്ട ആളുകൾക്ക് കൊടുക്കുന്ന പാരിതോഷികമാണ് ജൂറികൾ തീരുമാനിക്കുന്ന അവാർഡ്. ഞാൻ പറയുന്നത് അവാർഡ് ഒരു പബ്ലിക് പോളിലൂടെ തെരഞ്ഞെടുക്കണം എന്നതാണ്. ഒരു ഫിലിം ഫെസ്റ്റിവലൊക്കെ നടക്കുമ്പോൾ ഡെലിഗേറ്റ്‌സ് തീരുമാനിക്കട്ടെ. സിനിമ ആസ്വദിക്കാനെത്തുന്നവർ പൊട്ടന്മാരല്ല, അവർക്കറിയാം ഏറ്റവും നല്ല സിനിമയേതാണ്, നടൻ, സംവിധായകൻ, ഗായകൻ എല്ലാം അവർ തെരഞ്ഞെടുക്കട്ടെ. അല്ലാതെ ഈ അഞ്ചാൾക്കാർ ജൂറിയിലിരുന്ന് വളരെ സെൻസിബിൾ ആയി തെരഞ്ഞെടുക്കുന്നതല്ല നിർണ്ണയം. ഈ അഞ്ചാൾക്കാരെ തെരഞ്ഞെടുക്കുന്നവർ ആരാണെന്ന് എനിക്കറിയാം. അപ്പോൾ ജൂറിയിലെ നാലഞ്ച് ആൾക്കാർ ചേർന്ന് അവാർഡ് നിർണ്ണയിക്കുക എന്ന് പറയുന്നത് ബാക്കിയുള്ള ആൾക്കാരെ വിഡ്ഢികളാക്കുന്നതിന് തുല്യമാണ്. പൊതുതെരഞ്ഞെടുപ്പിൽ എന്തിനാണ് ജനങ്ങൾ ഇടപെടുന്നത്, എന്നാൽ പിന്നെ പ്രധാനമന്ത്രിയങ്ങ് തീരുമാനിച്ചാൽ പോരെ ഇന്നയിന്ന ആളുകൾ ഇതേ സ്ഥാനങ്ങളിൽ ഇരിക്കണമെന്നത്. സിനിമ ജനകീയമാണ്, അപ്പോൾ അതിന്റെ അവാർഡ് നിർണ്ണയവും ജനകീയമാകണം.

  • ജോൺ എബ്രഹാം എന്ന സിനിമയിലെ നഷ്ടവസന്തത്തിന്റെ ഓർമ്മ......?

ജോൺ ആണ് എന്റെ ഫിലിം മേക്കിങ്ങിലെ യൂണിവേഴ്‌സിറ്റി. എങ്ങനെയാണ് കൂടെ വർക്ക് ചെയ്യുന്നവരോട് ഇടപെടേണ്ടത് എങ്ങനെ സിനിമ ചെയ്യണം ഇതെല്ലാം ഞാൻ പഠിച്ചത് ജോണിൽ നിന്നാണ്. ഒരു നടൻ എന്ന നിലയിൽ അഭിനയ സാധ്യതയുള്ള കഥാപാത്രമൊന്നുമല്ലായിരുന്നു ജോണിന്റെ സിനിമയിലേത്. അതൊരു ഡോക്യുഫിഷൻ സിനിമയാണ്. പക്ഷേ, അമ്മ അറിയാൻ എന്ന സിനിമ ആലോചിച്ച് തുടങ്ങി അത് സിനിമയിലേക്ക് എത്തുന്നതുവരെ മാത്രമല്ല, അത് സ്‌ക്രീൻ ചെയ്യുന്നതുവരെ ചെയ്തിട്ടുള്ള ഒരു പ്രവർത്തകനാണ് ഞാൻ.

26 കൊല്ലം മുമ്പ് അഭിനയിച്ച് ഇത്രയും കൊല്ലം കഴിഞ്ഞ് തിരിച്ച് വന്നത് കൊണ്ടാകാം ഇത്രയും കൊല്ലത്തെ എന്റെ ജീവിതാനുഭവങ്ങളാണ് ഇന്നത്തെ എന്റെ കഥാപാത്രങ്ങൾ. 26 കൊല്ലം മുമ്പ് ഞാനഭിനയിച്ചിരുന്നെങ്കിൽ ഞാൻ ഏതെങ്കിലും നടന്മാരെ അനുകരിച്ചേനേ. ഇന്ന് ഞാൻ സിനിമയിലുണ്ടായിരിക്കുമോ എന്ന് പോലുമെന്നെനെിക്കറിയില്ല. എന്റെ വളരെക്കാലത്തെ ജീവിതാനുഭവങ്ങളാണ് എന്നെ ഒരു നടനാക്കിയത്. എന്റെ ജീവിതത്തിൽ ഞാൻ കണ്ടിട്ടുള്ള കഥാപാത്രങ്ങളൊക്കെ തന്നെയാണ് എന്റെ സിനിമകളിലും എനിക്കഭിനയിക്കേണ്ടി വന്നിട്ടുള്ളത്.

  • സക്കറിയായുടെ ഗർഭിണികളിലേക്ക് എത്തിയത് എങ്ങനെയാണ്?

അനീഷ് അൻവറാണ് അതിന്റെ സംവിധായകൻ. അദ്ദേഹമെന്നെ വിളിക്കുന്നു. അതിന്റെ പ്രൊഡ്യൂസർ സാന്ദ്രയും ഞാനും ഒന്നിച്ച് ആമേനിലഭിനയിച്ചിട്ടുണ്ട്. ഞങ്ങൾ സുഹൃത്തുക്കളാണ് പിന്നെ നല്ല ഒരു കഥാപാത്രമാണ് എനിക്കതിൽ വളരെ പോസിറ്റീവ് ആയ കഥാപാത്രമാണല്ലോ....

  • യുവനായകന്മാർക്കൊപ്പം അഭിനയിക്കുമ്പോൾ അവരുടെ അഭിനയത്തെ എങ്ങനെ വിലയിരുത്തുന്നു?

അവരൊക്കെത്തന്നെ വളരെ പൊട്ടൻഷ്യൽ ഉള്ള നടന്മാരാണ്. സിനിമയെ അറിയാൻ അറിയാൻ ആഗ്രഹിക്കന്ന ഒരു ആറ്റിറ്റിയൂഡ് അവർക്കുണ്ട്. ഫഹദാണെങ്കിലും നിവിൻ പോളിയാണെങ്കിലും ദുൽക്കർ ആണെങ്കിലും ജയസൂര്യ, കുഞ്ചാക്കോ ബോബൻ എല്ലാവരും തന്നെ ഷട്ടറിന്റെ ആരാധകരാണ്. ജയസൂര്യ എന്നോട് സംസാരിക്കാൻ വന്നപ്പോൾ ഞാൻ ചോദിച്ചു ഷട്ടർ കണ്ടിട്ടുണ്ടോ എന്ന് മറുപടി പറഞ്ഞപ്പോൾ കണ്ടിട്ടെന്റെയടുത്ത് മിണ്ടിയാൽ വന്നാമതിയെന്നാണ് ഞാൻ പറഞ്ഞത്.

ഞാൻ സ്ഥിരമായി മീൻ വാങ്ങുന്ന്നയാൾ ഷട്ടർ കണ്ടിട്ടില്ല എന്നതിന്റെ പേരിൽ അയാളുടെ അടുത്ത് നിന്ന് മീൻ വാങ്ങുന്നത് നിർത്തിയ ആളാണ് ഞാൻ. പിന്നെ അവന്റെ അടുത്ത് നിന്ന് വളരെ വർഷങ്ങളായി മീൻ വാങ്ങുന്നതല്ലേ, എന്റെ ഒരു പ്രോഡക്റ്റ് അവനും കാണണ്ടേ. കഴിഞ്ഞ ദിവസം അഭിനയിക്കാൻ ചാൻസ് ചോദിച്ച് ഒരാൾ വന്നു അഭിനയിക്കാൻ ഭയങ്കര ഇഷ്ടമാണ് എന്നൊക്കെപ്പറഞ്ഞ് ഞാൻ അയാളോട് പറഞ്ഞു എങ്കിൽ ശരി, നീ നാടകത്തിൽ അഭിനയിച്ചുട്ടുണ്ടോ? മറുപടി ഇല്ല എന്നായിരുന്നു. ഷട്ടർ സിനിമ കണ്ടിണ്ടോ,അതും ഇല്ല. അടുത്തകാലത്തിറങ്ങിയ ഏതെങ്കിലും സിനിമ കണ്ടിട്ടുണ്ടോ? യാത്രക്കാരുടെ ശ്രദ്ധയ്ക്ക് ആണ് അവസാനമായി കണ്ട സിനിമ ഞാൻ അയാളെ ഗെറ്റ് ഔട്ട് പറഞ്ഞ് ഓടിച്ചു. സിനിമ കാണാതെ സിനിമയെ സ്‌നേഹിക്കാതെ എങ്ങനെ ഒരു നടനാകും.

  • മമ്മൂട്ടിയുമായി വി കെ പിയുടെ ചിത്രത്തിൽ അഭിനയിച്ചപ്പോൾ...?

എന്റെ കൂടെ അഭിനയിക്കാൻ ദിലീപ് വന്നപ്പോൾ ഞാൻ ദിലീപിനോട് സിനിമ കണ്ടോ എന്ന് ചോദിച്ചു. ഇന്ന് കാണാം, നാളെ കാണാം എന്നൊക്കെ ലാഗ് ചെയ്യിച്ചപ്പോൾ ഞാൻ ഡിവിഡി കൊടുത്തു. കാണാൻ പറഞ്ഞു. കണ്ട് പകുതിയായപ്പോൾ തന്നെ എന്നെ വിളിച്ചു. ബാക്കിയെന്താണെന്നറിയാനുള്ള ആകാംഷയാണെന്ന് പറഞ്ഞു. എന്നെയത്ഭുതപ്പെടുത്തിയത് മമ്മൂട്ടിയാണ്. വികെപിയുടെ പടത്തിന്റെ ഷൂട്ടിംഗിനിടയിൽ ഷട്ടറിനെപ്പറ്റി ഞങ്ങൾ സംസാരിച്ചപ്പോൾ ഞാൻ പറഞ്ഞു മമ്മൂക്ക വെറുതെ ഡയലോഗ് പറയല്ലെ പടം കണ്ടിട്ടില്ലല്ലോ എന്ന്, അപ്പോൾ എന്നെ അദ്ദേഹം വിളിച്ച് അദ്ദേഹത്തിന്റെ ലാപ്‌ടോപ്പ് കാണിച്ചു. ഷട്ടറും അമ്മ അറിയാൻ എന്ന എന്റെ പഴയ ചിത്രവും അതിലുണ്ടായിരുന്നു. മമ്മൂട്ടി പുതിയ തലമുറയോടൊപ്പം വരാനായിട്ട് തീവ്രമായ ശ്രമത്തിലാണ്. അത് അഭിനയത്തോടുള്ള താത്പര്യം കൊണ്ടു തന്നെയാണ് കേട്ടോ. ഫഹദിനെപ്പോലുള്ള നടന്മാരൊക്കെ അവരുടെ പരിമിതികളെ മറികടന്ന് മികച്ച അഭിനയം കാഴ്ചവയ്ക്കുന്നവരാണ്. ആമേനിൽ കണ്ട ഫഹദല്ല ഡയമണ്ട് നെക് ലെയ്‌സിൽ അങ്ങനെ അഭിനയിച്ച് ഫലിപ്പിക്കുന്നതിനാലാണ് ഒരു നടന്റെ കഴിവ് ഉള്ളത്.

  • അഭിനയിക്കുന്ന കഥാപാത്രങ്ങളൊക്കെത്തന്നെ വളരെ ഇൻട്രോവാർട്ടും ക്രുവലുമൊക്കെയാണല്ലോ? യഥാർത്ഥ ജീവിതത്തിൽ?

ഞാൻ എങ്ങനെയാണെന്നുള്ളത് സിനിമ നോക്കിയാൽ അറിയാനെ കഴിയില്ല. കഥാപാത്രങ്ങൾ അഭിനയം മാത്രമല്ലേ. ഞാൻ യഥാർത്ഥ ജീവിതത്തിൽ സിംപിൾ ആയി ജീവിക്കാനാഗ്രഹിക്കുന്ന ഒരാളാണ്. ഞാൻ 2 രൂപ ഉണ്ടെങ്കിലും ഒരിദിവസം ജീവിക്കും 2 ലക്ഷമുണ്ടെങ്കിലും ജീവിക്കും. എനിക്ക് ബസ്റ്റാന്റിൽ കിടന്നുറങ്ങാം, ലക്ഷ്വറി ഹോട്ടലിൽ കിടന്നുറങ്ങാം. ഷട്ടർ സിനിമയുടെ സമയത്ത് ഞാൻ കെ.എസ്.ആർ ടി സി ബസ്സിന്റെ ബാക്ക് സീറ്റിൽ കിടന്നുറങ്ങിയാണ് കോഴിക്കോട് നിന്ന് എറണാകുളത്തേക്കെത്തിയത്. എനിക്കൊരു സ്ഥലത്ത് തന്നെ വീട് കെട്ടി താമസിക്കുന്നതൊന്നും ചിന്തിക്കാൻ പോലും കഴിയില്ല. ഒരു പരദേശിയായി ജീവിക്കനാഗ്രഹിക്കുന്ന വ്യക്തിയാണ് ഞാൻ.

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
TODAYLAST WEEKLAST MONTH
അബുദാബിയിൽ ഒന്നരമാസമായി തെരുവോരത്ത് അന്തിയുറങ്ങുന്ന മലയാളികൾ അടക്കമുള്ള തൊഴിലാളികൾ പട്ടിണിയിൽ എന്ന് വാർത്ത; ഫേക് ന്യൂസിന്റെ പേരിൽ ദുബായിൽ ഏഷ്യാനെറ്റ് ന്യൂസ് സംഘം അറസ്റ്റിൽ; സംഘത്തിനൊപ്പം കസ്റ്റഡിയിലായത് സിപിഎം അനുകൂല പ്രവാസി സംഘടന ശക്തി തിയറ്റേഴ്‌സ് ഭാരവാഹികളും; മോചനത്തിന് സമ്മർദ്ദം ചെലുത്തി രാജീവ് ചന്ദ്രശേഖറും പ്രമുഖ പ്രവാസി വ്യവസായിയും
പച്ചകുത്തിയത് തിരിച്ചറിയാതിരിക്കാൻ കൈകൾ വെട്ടി മാറ്റി; മൃതദേഹം ആരുടേതെന്ന് അറിയാതിരിക്കാൻ തല വെട്ടിക്കളഞ്ഞ ശേഷം വസ്ത്രങ്ങളും അഴിച്ചു മാറ്റി തെളിവു നശിപ്പിക്കൽ; രണ്ട് സംസ്ഥാനങ്ങളിലായി പടർന്ന് കിടന്ന കൊലപാതക കേസിൽ ഒരു വർഷത്തിന് ശേഷം പ്രതിയെ അറസ്റ്റ് ചെയ്ത് പൊലീസ്: 25 ലക്ഷം രൂപയുടെ സ്വർണവും പണവുമായി കാമുകനൊപ്പം നാടുവിട്ട 19കാരിയുടെ മരണ വാർത്ത വിശ്വസിക്കാനാവാതെ വീട്ടുകാരും
കറന്റില്ലാത്തതിനാൽ ഷോക്കടിപ്പിച്ച് വകവരുത്താനുള്ള ശ്രമം പൊളിഞ്ഞു; ഗ്യാസ് സിലിണ്ടർ തുറന്നിട്ടെങ്കിലും കത്തിക്കാനായില്ല; രണ്ടുപേരെയും തലയ്ക്കടിച്ച് വീഴ്‌ത്തിയത് സ്വീകരണമുറിയിലെ ടീപോയ് കൊണ്ട്; കോട്ടയം താഴത്തങ്ങാടിയിൽ വീട്ടമ്മയെ കൊലപ്പെടുത്തിയ കേസിൽ നിർണായകമായത് ചെങ്ങളത്തെ പെട്രോൾ പമ്പിലെ ദൃശ്യങ്ങൾ; കേസിൽ കുമരകം സ്വദേശി കസ്റ്റഡിയിലെന്ന് സൂചന; ഇയാൾക്ക് ഷീബ സാലിയുമായി പണമിടപാട് ഉണ്ടായിരുന്നുവെന്നും വിവരം
പണമിടപാടുമായി ബന്ധപ്പെട്ട തർക്കം കൊലപാതകത്തിൽ കലാശിച്ചു; മുറിയിലുണ്ടായിരുന്ന ടീപോയ് ഉപയോഗിച്ച് ഭാര്യയേയും ഭർത്താവിനേയും തലയ്ക്കടിച്ചു വീഴ്‌ത്തി; ശരീരത്തിൽ വൈദ്യുതി കമ്പികൾ ചുറ്റിയെങ്കിലും ഷോക്കടിപ്പിക്കാനാവാത്തത് കറന്റ് ഇല്ലാത്തതിനാൽ; ഗ്യാസ് സിലിണ്ടർ തുറന്നിട്ടെങ്കിലും കത്തിക്കാൻ കഴിഞ്ഞില്ലെന്നും മൊഴി; കോട്ടയത്തെ വീട്ടമ്മയുടെ കൊലപാതത്തിൽ പ്രതി കുറ്റസമ്മതം നടത്തിയെന്ന് സൂചന; കൊലയ്ക്ക് പിന്നിൽ കുമരകത്തെ ബന്ധു തന്നെ
37 കാരൻ 23 കാരിയെ വിവാഹം കഴിച്ചത് 8 വയസ്സ് കുറച്ച് പറഞ്ഞ്; സ്ത്രീധനം വേണ്ടെന്ന് പറഞ്ഞിട്ടും 20 പവൻ നൽകി വിവാഹവും; തൊലിവെളുപ്പ് കുറവാണെന്നും സ്ത്രീധനമായി പണം നൽകിയില്ലെന്നും പറഞ്ഞ് അമ്മായി അമ്മയുടെയും ഭർത്താവിന്റെയും പീഡനം; താക്കോൽ വായിൽ കുത്തിയിറക്കിയും കരിങ്കല്ല് കൊണ്ട് മുഖത്തിടിച്ചും മർദ്ദനം; കുറുപ്പംപടി പൊലീസ് കൊലക്കുറ്റത്തിന് കേസെടുക്കാത്തത് വെട്ടുകത്തി കൊണ്ട് വെട്ടിയില്ലല്ലോ എന്ന വിചിത്രന്യായത്തിൽ
സച്ചിനെ തൊട്ട ആരാധകനെ ക്രൂരമായി മർദ്ദിച്ച ബോഡി ഗാർഡ്! 2010ലെ പഞ്ചായത്ത് തെരഞ്ഞെടുപ്പിൽ കോൺഗ്രസ് സ്വതന്ത്രനായി മത്സരിച്ച് വാർഡ് മെമ്പറായ സഖാവിന്റെ മകൻ; സിപിഎമ്മിൽ തിരിച്ചെത്തിയ അച്ഛന് ഇപ്പോഴുള്ളത് കർഷക സംഘത്തിന്റെ ചുമതലകൾ; സൂര്യയുമായി സൗഹൃദം തുടങ്ങുന്നത് അടൂർ ഗവ ബോയ്സ് ഹയർസെക്കണ്ടറി സ്‌ക്കൂളിലെ പഠനത്തിനിടെ; അഞ്ചലിലെ ക്രൂരതയിൽ സംശയ നിഴലിലുള്ള പ്രശാന്ത് ബിബിഎ പരീക്ഷയുടെ തിരക്കിൽ; ഉത്രാ കൊലപാതകത്തിൽ സൂരജിനെ ഒളിപ്പിച്ച കൂട്ടുകാരനും ആളു ചില്ലറക്കാരനല്ല
വീട്ടിലെ പറമ്പിൽ കുഴിച്ചട്ടത് 38 പവൻ; ലോക്കറിലുണ്ടായിരുന്നത് പത്ത് പവൻ; പണയം വച്ചത് ആറും; സ്ത്രീധനമായി കിട്ടയതിൽ പകുതിയും സൂരജ് അടിച്ചു പൊളിക്കാൻ തുലച്ചതിനും തെളിവ്; കൊലപാതകത്തിന് കാരണം വിവാഹ മോചനമുണ്ടായാൽ തിരികെ കൊടുക്കാൻ പണമില്ലെന്ന പ്രതിയുടെ മൊഴി സ്ഥിരീകരിച്ച് സ്വർണം തേടിയുള്ള യാത്ര; രേണുകയേയും സൂര്യയേയും നാളെ വീണ്ടും ചോദ്യം ചെയ്യും; അമ്മയും മകളും അഴിക്കുള്ളിലാകും എന്നും സൂചന; ഉത്രാ കൊലയിൽ തെളിവുകൾ ചികഞ്ഞെടുത്ത് പൊലീസ്
ആരോഗ്യ പ്രിൻസിപ്പൽ സെക്രട്ടറിക്ക് 23 നും 24 നും ലഭിച്ച തിരുവനന്തപുരത്തെ ലാബ് റിപ്പോർട്ടുകൾ അന്നേ ദിവസത്തെ സർക്കാർ കണക്കിൽ ഉൾപ്പെട്ടില്ല; അഞ്ച് രോഗികളുടെ വിവരം മറച്ചു വച്ചത് ദുരൂഹമെന്ന ആരോപണം അതിശക്തം; പിണറായി സർക്കാർ നടത്തുന്നത് പ്രതിച്ഛായ കൂട്ടാനുള്ള കോവിഡ് പ്രതിരോധമോ? കൊറോണയിൽ സംസ്ഥാനത്താകെ കണക്കുകൾ മാറ്റിമറിക്കുന്നുവെന്ന ആരോപണം വീണ്ടും ചർച്ചയാകുമ്പോൾ
സുരേന്ദ്രൻ കുറ്റം ഏറ്റത് ഭാര്യയെയും മകളെയും രക്ഷിക്കാനോ? സ്വർണം കുഴിച്ചിട്ടത് അറിയാമെങ്കിലും കൊലപാതകത്തെ കുറിച്ച് അറിയില്ലെന്ന് സൂരജിന്റെ അമ്മ; ഗൂഢാലോചന ഉൾപ്പെടെയുള്ള കാര്യങ്ങളിൽ കാര്യങ്ങളിൽ സഹോദരിക്കും അമ്മയ്ക്കും പങ്കുണ്ടൊ എന്നറിയാൻ വെള്ളിയാഴ്ച വീണ്ടും ചോദ്യം ചെയ്യും; ബാങ്ക് ലോക്കറിൽ നിന്ന് ഉത്രയുടെ പത്തുപവൻ സ്വർണം കണ്ടെടുത്തു; അഞ്ചൽ ഉത്രവധക്കേസിൽ ഭർത്താവിന്റെ കുടുംബം മൊത്തം സംശയത്തിന്റെ നിഴലിൽ
അബുദാബിയിൽ ഒന്നരമാസമായി തെരുവോരത്ത് അന്തിയുറങ്ങുന്ന മലയാളികൾ അടക്കമുള്ള തൊഴിലാളികൾ പട്ടിണിയിൽ എന്ന് വാർത്ത; ഫേക് ന്യൂസിന്റെ പേരിൽ ദുബായിൽ ഏഷ്യാനെറ്റ് ന്യൂസ് സംഘം അറസ്റ്റിൽ; സംഘത്തിനൊപ്പം കസ്റ്റഡിയിലായത് സിപിഎം അനുകൂല പ്രവാസി സംഘടന ശക്തി തിയറ്റേഴ്‌സ് ഭാരവാഹികളും; മോചനത്തിന് സമ്മർദ്ദം ചെലുത്തി രാജീവ് ചന്ദ്രശേഖറും പ്രമുഖ പ്രവാസി വ്യവസായിയും
പിണറായിക്ക് ജീവിതം കാലം മുഴുവൻ തലതാഴ്‌ത്താൻ ഇതാ ഒരു നാണംകെട്ട ചിത്രം; സംസ്ഥാനത്തെ ഏറ്റവും മുതിർന്ന ഐപിഎസ് ഓഫീസർ വിരമിക്കുന്ന ദിവസം ഉറങ്ങിയത് ഓഫീസിലെ വെറും നിലത്ത് പാ വിരിച്ച് കിടന്നും; ഗസ്റ്റ് ഹൗസ് ഇല്ലാത്ത ഷൊർണ്ണൂരിലെ മെറ്റൽ ഇൻഡ്‌സ്ട്രീസ് ഓഫീസ് മുറിയിൽ പാ വിരിച്ച് കിടന്നുറങ്ങി എണ്ണീറ്റ ചിത്രം പോസ്റ്റ് ചെയ്ത് ജേക്കബ് തോമസ്; ഞായറാഴ്ച ആയിട്ടും അവസാന ദിവസവും പണിയെടുത്ത് വിരമിക്കലിന് വിവാദ ഐപിഎസ് ഓഫീസർ
അതിരുവിട്ട് ബന്ധം വളർന്നത് വാട്‌സാപ്പ് ചാറ്റിലൂടെ; ബിസിനസ് ആവശ്യത്തിനെന്ന് പറഞ്ഞ് പുറത്ത് കാറിൽ കറക്കം; വിലക്കിയിട്ടും ഫലമില്ലാതെ വന്നതോടെ വീട്ടുവഴക്കുകൾ; മകളുടെ മരണത്തിന് മുമ്പ് മരുമകളുടെ ഫോണിലേക്ക് നിരവധി കോളുകൾ; പൊലീസിൽ പരാതി നൽകിയതോടെ പെട്രോൾ ഒഴിച്ചുകത്തിക്കുമെന്ന് മരുമകന്റെ ഭീഷണി; കരുനാഗപ്പള്ളിയിൽ മരുമക്കൾ തമ്മിലുള്ള അവിഹിത ബന്ധത്തെ ചൊല്ലി മകൾ ആത്മഹത്യ ചെയ്ത സംഭവത്തിൽ മാതാപിതാക്കളുടെ പരാതിയിൽ എങ്ങുമെത്താതെ അന്വേഷണം
പാമ്പിന്റെ ജാർ ഉത്രയുടെ വീട്ടിൽ കൊണ്ടിട്ടത് പൊലീസെന്ന് പറഞ്ഞ് തീർത്ത പ്രതിരോധം പൊളിഞ്ഞു; വീട്ടിലെ റബ്ബർ തോട്ടത്തിൽ സുരേന്ദ്ര പണിക്കർ സ്വർണം മാന്തിയെടുത്തപ്പോൾ ക്രൈംബ്രാഞ്ചിന് കിട്ടിയത് നിർണ്ണായക തെളിവ്; സ്ഥിരമായി മദ്യപിച്ചെത്തുന്ന സുരേന്ദ്രൻ ഉത്രയെ അസഭ്യം പറയാറുണ്ടായിരുന്നുവെന്ന് മനസ്സിലായതോടെ തന്ത്രങ്ങൾ മാറ്റി പിടിച്ചത് നിർണ്ണായകമായി; അടൂരിനെ നാണം കെടുത്തി സൂരജും അച്ഛനും അമ്മയും സഹോദിയും; വീട്ടിലെ ഭാവി മരുമകനും കേസിൽ പ്രതിയാകാൻ സാധ്യത
അണലിയെ കൈമാറിയത് അമ്മയുടേയും സഹോദരിയുടേയും മുമ്പിൽ വച്ച്; കല്ലുവാതുക്കൽ സുരേഷ് പോയപ്പോൾ അണലി പുറത്തേക്ക് ചാടി; ഏറെ ശ്രമകരമായി പാമ്പിനെ പിടികൂടിയത് സൂരജ്; ആദ്യ ശ്രമം പൊളിഞ്ഞപ്പോൾ മുർഖനെത്തി; ഭാര്യയെ കടുപ്പിച്ചത് വടികൊണ്ട് മൂർഖനെ വേദനിപ്പിച്ച്; ഉത്രയുടെ വീട്ടിലെ നാടകവും സ്വത്ത് സ്വന്തമാകുമെന്ന് ഉറപ്പിക്കാൻ; രക്ഷപെടാൻ അവസരമൊരുക്കിയതും നിയമ ഉപദേശം ലഭ്യമാക്കിയതും കൂടപ്പിറപ്പ്; സൂരജിന്റെ മൊഴി വെട്ടിലാക്കുന്നത് സഹോദരിയെ; എംബിഎക്കാരി രണ്ടാം പ്രതിയാകാൻ സാധ്യത
ഒരു രാത്രി മുഴുവൻ വട്ടംചുറ്റിച്ച പ്രതിയെ അടുത്ത ദിവസം പുലർച്ചെ പിടികൂടിയത് സഹോദരിയുടെ ആൺ സുഹൃത്തിന്റെ വീട്ടിൽ നിന്ന്; മൂർഖന്റെ കടി തിരിച്ചറിഞ്ഞെന്ന് ഉറപ്പായതോടെ പൊലീസിന്റെ നീക്കങ്ങൾ അപ്പപ്പോൾ അറിയിച്ചത് വാട്സാപ്, ബോട്ടിം തുടങ്ങിയ സാധ്യതകളിലൂടെ; വിവരം കൈമാറാൻ എംബിഎ സ്റ്റുഡന്റ് ഉപയോഗിച്ചത് ഇന്റർനെറ്റ് കോൾ മാത്രം; ഉത്രാ കൊലക്കേസിൽ രേണുകയും മകളും സംശയ നിഴലിൽ; മുൻകൂർ ജാമ്യത്തിന് ശ്രമിച്ച് സൂരജിന്റെ അമ്മയും സഹോദരിയും; ഷാഹിദാ കമാലിന്റെ ഇടപെടൽ നിർണ്ണായകമാകുമ്പോൾ
സച്ചിനെ തൊട്ട ആരാധകനെ ക്രൂരമായി മർദ്ദിച്ച ബോഡി ഗാർഡ്! 2010ലെ പഞ്ചായത്ത് തെരഞ്ഞെടുപ്പിൽ കോൺഗ്രസ് സ്വതന്ത്രനായി മത്സരിച്ച് വാർഡ് മെമ്പറായ സഖാവിന്റെ മകൻ; സിപിഎമ്മിൽ തിരിച്ചെത്തിയ അച്ഛന് ഇപ്പോഴുള്ളത് കർഷക സംഘത്തിന്റെ ചുമതലകൾ; സൂര്യയുമായി സൗഹൃദം തുടങ്ങുന്നത് അടൂർ ഗവ ബോയ്സ് ഹയർസെക്കണ്ടറി സ്‌ക്കൂളിലെ പഠനത്തിനിടെ; അഞ്ചലിലെ ക്രൂരതയിൽ സംശയ നിഴലിലുള്ള പ്രശാന്ത് ബിബിഎ പരീക്ഷയുടെ തിരക്കിൽ; ഉത്രാ കൊലപാതകത്തിൽ സൂരജിനെ ഒളിപ്പിച്ച കൂട്ടുകാരനും ആളു ചില്ലറക്കാരനല്ല
ഭക്ഷണമില്ലാതെ കടുത്ത ചൂടിൽ കുപ്പിക്കുള്ളിൽ കിടന്ന പാമ്പ് അക്രമകാരിയായിരുന്നു; പാമ്പിന്റെ ചീറ്റലിൽ താൻ പോലും ഭയന്നു വിറച്ചു; പതിനൊന്ന് ദിവസം പട്ടിണിക്ക് ഇട്ട മൂർഖൻ പാമ്പിനെ ഉത്രയുടെ ഇടതു ഭാഗത്ത് ജാർ തുറന്ന് പുറത്തു വിട്ട് കയ്യിൽ കടിപ്പിച്ചു; അണലിയെ ഞെക്കി നോവിച്ച് ഉത്രയുടെ പുറത്ത് വെച്ച് ചാക്കു തുറന്ന് രണ്ടാം ശ്രമം പാഴായി; ഭാര്യയെ കൊന്നത് മൂന്നാം അറ്റംപ്റ്റിൽ; ഒടുവിൽ എല്ലാം മണി മണി പോലെ പറഞ്ഞ് അഞ്ചലിലെ വില്ലൻ; സൂരജിന്റെ മൊഴിയിൽ നിറയുന്നതുകൊടും ക്രൂരത
വിവാഹ ആലോചന വന്നപ്പോൾ ഉത്രയുടെ പോരായ്മ ഇടനിലക്കാരൻ പറഞ്ഞിരുന്നു; കുട്ടി ആയതോടെ ദാമ്പത്യ പ്രശ്‌നങ്ങൾ സഹിക്കാവുന്നതിലും അപ്പുറമായി; സ്വർണ്ണവും പണവും പല വഴിക്ക് മാറ്റിയത്ബന്ധം ഒഴിയുന്നതിനും തടസ്സമായി; മകനെ നഷ്ടപ്പെടുമെന്നത് ആലോചിക്കാൻ പോലും കഴിഞ്ഞില്ല; പാമ്പു കടിയിൽ തന്ത്രം വിജയിച്ചാൽ എല്ലാം ശുഭമെന്ന ചിന്തയിൽ പ്ലാനിങ്; ഒടുവിൽ സത്യങ്ങൾ പറഞ്ഞു തുടങ്ങി; ഗാർഹിക പീഡനത്തിൽ അമ്മയ്ക്കും സഹോദരിക്കുമെതിരേയും സൂരജിന്റെ മൊഴി
ലോകത്ത് ഏറ്റവും അധികം സന്ദർശകരെത്തുന്ന നഗരങ്ങളിൽ ഒന്നായ ദുബായ് തകർച്ചയുടെ വക്കിലേക്ക്; വരുമാനത്തിന്റെ 11% നൽകുന്ന വിനോദ സഞ്ചാര മേഖല ആദ്യ മൂന്ന് പാദങ്ങളിലും പ്രവർത്തിക്കാതിരിക്കുന്നത് നഷ്ടത്തിന്റെ ആക്കം വർദ്ധിപ്പിക്കും; നിർമ്മാണ മേഖലയിൽ ആയിരക്കണക്കിന് ആളുകൾക്ക് തൊഴിൽ നഷ്ടം; റിയൽ എസ്റ്റേറ്റ് മേഖലയുടെയും നട്ടെല്ലൊടിയും; എണ്ണവിലയിലെ ഇടിവും കൊറോണയും ഗുരുതരമായ പ്രതിസന്ധിയിലേക്ക് തള്ളിവിടുന്ന ദുബായ് എന്ന നഗരത്തിന്റെ കഥ.... ഒപ്പം യു എ ഇ യുടേയും
വീട്ടമ്മയെ കെണിയിൽ പെടുത്തി ദുരുപയോഗം ചെയ്ത ശേഷം വീഡിയോ എടുത്ത് മൊബൈലിൽ സൂക്ഷിച്ചത് ഇടുക്കിയിലെ മെത്രാൻ ആകാനുള്ളവരുടെ ലിസ്റ്റിൽ ഇടംപിടിച്ച വൈദികൻ; വെള്ളയാംകുടി ഫൊറോന പള്ളി വികാരിക്കു പണി കിട്ടിയത് മൊബൈൽ നന്നാക്കാൻ ഏൽപ്പിച്ചപ്പോൾ; ഇടവകയിലെ ആഭ്യന്തര പ്രശ്‌നങ്ങളും വിവാദത്തിന് വഴിമരുന്നിട്ടു; ആഴ്‌ച്ചകൾക്ക് മുമ്പ് മുങ്ങിയ വൈദികനെ തേടി വിശ്വാസ സമൂഹം; വീട്ടമ്മയുടെ ദൃശ്യങ്ങൾ പ്രചരിപ്പിച്ചവർക്കെതിരെ കേസെടുക്കാൻ പൊലീസ്
കരിമൂർഖൻ കടിച്ചാൽ ഏതുറക്കത്തിൽ നിന്നും ഞെട്ടിയുണരും; വേദനാജനകമായ കടിയേറ്റിട്ടും ഉണരാതെ ഉത്ര ആണ്ടുപോയത് മയക്കത്തിലേക്കും മരണത്തിലേക്കും; ടൈലുകൾ പാകിയ എസി മുറിയിൽ എങ്ങനെ പാമ്പ് കയറിയെന്ന് യാതൊരു പിടിയുമില്ലാതെ വീട്ടുകാർ; സർപ്പദോഷത്തിനു ശാസ്ത്രീയമായ അടിത്തറയില്ലെന്നും മരണം പഠനവിഷയമെന്നും വിദഗ്ദർ; പകവെച്ച് പാമ്പുകൾ കൊത്തില്ലെന്നും സംഭവം പരിശോധിക്കേണ്ടതെന്നും മറുനാടനോട് വാവാ സുരേഷ്; വിശദീകരിക്കാൻ കഴിയാത്ത ദാരുണ മരണമായി അഞ്ചലിലെ ഉത്രയുടെ വിയോഗം
അബുദാബിയിൽ ഒന്നരമാസമായി തെരുവോരത്ത് അന്തിയുറങ്ങുന്ന മലയാളികൾ അടക്കമുള്ള തൊഴിലാളികൾ പട്ടിണിയിൽ എന്ന് വാർത്ത; ഫേക് ന്യൂസിന്റെ പേരിൽ ദുബായിൽ ഏഷ്യാനെറ്റ് ന്യൂസ് സംഘം അറസ്റ്റിൽ; സംഘത്തിനൊപ്പം കസ്റ്റഡിയിലായത് സിപിഎം അനുകൂല പ്രവാസി സംഘടന ശക്തി തിയറ്റേഴ്‌സ് ഭാരവാഹികളും; മോചനത്തിന് സമ്മർദ്ദം ചെലുത്തി രാജീവ് ചന്ദ്രശേഖറും പ്രമുഖ പ്രവാസി വ്യവസായിയും
പിണറായിക്ക് ജീവിതം കാലം മുഴുവൻ തലതാഴ്‌ത്താൻ ഇതാ ഒരു നാണംകെട്ട ചിത്രം; സംസ്ഥാനത്തെ ഏറ്റവും മുതിർന്ന ഐപിഎസ് ഓഫീസർ വിരമിക്കുന്ന ദിവസം ഉറങ്ങിയത് ഓഫീസിലെ വെറും നിലത്ത് പാ വിരിച്ച് കിടന്നും; ഗസ്റ്റ് ഹൗസ് ഇല്ലാത്ത ഷൊർണ്ണൂരിലെ മെറ്റൽ ഇൻഡ്‌സ്ട്രീസ് ഓഫീസ് മുറിയിൽ പാ വിരിച്ച് കിടന്നുറങ്ങി എണ്ണീറ്റ ചിത്രം പോസ്റ്റ് ചെയ്ത് ജേക്കബ് തോമസ്; ഞായറാഴ്ച ആയിട്ടും അവസാന ദിവസവും പണിയെടുത്ത് വിരമിക്കലിന് വിവാദ ഐപിഎസ് ഓഫീസർ
അൽപം മന്ദതയുള്ള മകളെ പൊന്നു പോലെ നോക്കാൻ സ്ത്രീധനമായി നൽകിയത് അഞ്ചുലക്ഷം രൂപയും തൊണ്ണൂറ്റിയാറര പവൻ സ്വർണ്ണവും പുത്തൻ ബലേനോ കാറും മൂന്നേക്കർ റബ്ബർ എസ്റ്റേറ്റും; രണ്ടുവർഷത്തിനിടെ കൊടുത്തത് പതിനഞ്ച് ലക്ഷത്തോളം രൂപ; കല്യാണത്തിന് മുമ്പേ മകളുടെ കുറവുകൾ ഭർതൃ വീട്ടൂകാരെ അറിയിച്ചിരുന്നു; ഗുണ്ടാസംഘത്തിന്റെ നേതാവാണ് മരുമകനെന്ന് തിരിച്ചറിഞ്ഞത് ഈയിടെ; മകളെ ഭർത്താവ് കൊന്നതു തന്നെ; ഉത്രയുടെ പിതാവ് വിജയസേനൻ മറുനാടനോട്
അതിരുവിട്ട് ബന്ധം വളർന്നത് വാട്‌സാപ്പ് ചാറ്റിലൂടെ; ബിസിനസ് ആവശ്യത്തിനെന്ന് പറഞ്ഞ് പുറത്ത് കാറിൽ കറക്കം; വിലക്കിയിട്ടും ഫലമില്ലാതെ വന്നതോടെ വീട്ടുവഴക്കുകൾ; മകളുടെ മരണത്തിന് മുമ്പ് മരുമകളുടെ ഫോണിലേക്ക് നിരവധി കോളുകൾ; പൊലീസിൽ പരാതി നൽകിയതോടെ പെട്രോൾ ഒഴിച്ചുകത്തിക്കുമെന്ന് മരുമകന്റെ ഭീഷണി; കരുനാഗപ്പള്ളിയിൽ മരുമക്കൾ തമ്മിലുള്ള അവിഹിത ബന്ധത്തെ ചൊല്ലി മകൾ ആത്മഹത്യ ചെയ്ത സംഭവത്തിൽ മാതാപിതാക്കളുടെ പരാതിയിൽ എങ്ങുമെത്താതെ അന്വേഷണം
ഹൈറേഞ്ചിലെ ഫൊറോന പള്ളിയിലെ വികാരിയച്ചന്റെ പ്രണയ ലീലകളുടെ വീഡിയോയും ചിത്രങ്ങളും വാട്‌സ് ആപ്പിൽ പ്രചരിക്കുന്നു; ബിരുദങ്ങളുടെ നീണ്ട പട്ടികയുള്ള 'ജ്ഞാനി'യുടെ ദൃശ്യങ്ങൾ കണ്ട് തലയിൽ കൈവെച്ച് ഇടവകക്കാർ; ഹോളയിട്ട പുരോഹിതൻ വീട്ടമ്മയെ പാട്ടിലാക്കിയത് സാഹചര്യം മുതലെടുത്ത്; നാട്ടുകാർ വിവരം അറിഞ്ഞതോടെ നാടുവിട്ടു മുങ്ങി അച്ചൻ
ഭാര്യവീട്ടിൽ എത്തിയാൽ എട്ടു മണിക്ക് ഉണരുന്നത് പതിവുള്ള സൂരജ് ഉത്ര മരിച്ച ദിവസം എഴുനേറ്റത് രാവിലെ ആറു മണിക്ക്; മകളുടെ മരണവുമായി ബന്ധപ്പെട്ട കാര്യങ്ങൾ ചോദിക്കുമ്പോൾ ദേഷ്യത്തോടെ പെരുമാറിയതും അസ്വഭാവിക തോന്നാൻ ഇടയാക്കി; സ്ത്രീധനമായി നൽകിയ 100 പവൻ രണ്ട് വർഷം കൊണ്ട് സൂരജ് വിറ്റഴിച്ചു; മരുമകന് പാമ്പു പിടുത്തക്കാരുമായി അടുത്ത ബന്ധമെന്നും ചില പ്രത്യേക സംഘത്തിന്റെ തലവനാണെന്നും ഉത്രയുടെ മാതാപിതാക്കൾ; പാമ്പുകടി മരണത്തിൽ സംശയമുണ്ടാകാൻ കാരണം സൂരജിന്റെ ദുരൂഹമായ പെരുമാറ്റം
ഷെട്ടിയെ കുടുക്കിയത് ഭർത്താക്കന്മാരെന്ന് പുറത്തായതോടെ ഭാര്യമാർ ആശുപത്രിയിൽ വരാതെയായി; നെന്മാറയിലെ അവൈറ്റിസ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിന് പിന്നിലും എൻഎംസി ഹെൽത്ത് കെയറിൽ നിന്നും ഒഴികിയെത്തിയ പണമെന്ന് സൂചന; ഭാര്യമാരെ എക്‌സിക്യൂട്ടീവ് ഡയറക്ടർമാരാക്കി നെന്മാറയിൽ പ്രശാന്ത് മങ്ങാട്ടും പ്രമോദ് മങ്ങാട്ടും പടുത്തുയർത്തിയത് സ്വന്തം ആശുപത്രി സാമ്രാജ്യം; മുഖ്യമന്ത്രിയും പ്രതിപക്ഷ നേതാവും മോഹൻലാലും ഒരുമിച്ച് ഉദ്ഘാടനം ചെയ്ത ആശുപത്രിയും തട്ടിപ്പിന്റെ ആഗോള ചർച്ചയിൽ