1 usd = 71.21 inr 1 gbp = 92.88 inr 1 eur = 80.79 inr 1 aed = 19.39 inr 1 sar = 18.99 inr 1 kwd = 234.75 inr

Jan / 2019
24
Thursday

നായികയുടെ ഡ്രസ്സിന്റെ നീളം കുറയുന്നതിനനുസരിച്ച് യൂട്യൂബിലെ ക്ലിക്ക് കൂടും; ഒരു നായികയെ പോലും നിർബന്ധിച്ച് ഒരു ഷോട്ടിലും അഭിനയിപ്പിച്ചിട്ടില്ല; വീട്ടിലെ കാര്യങ്ങൾ നോക്കുന്നത്ര പാടില്ല സിനിമ ചെയ്യാൻ; എനിക്കിഷ്ടം ലാലിനേയും തമ്മന്നയേയും; സന്തോഷ് പണ്ഡിറ്റ് മറുനാടനോട് മനസ്സു തുറക്കുന്നു

January 29, 2017 | 10:50 AM IST | Permalink



നായികയുടെ ഡ്രസ്സിന്റെ നീളം കുറയുന്നതിനനുസരിച്ച് യൂട്യൂബിലെ ക്ലിക്ക് കൂടും; ഒരു നായികയെ പോലും നിർബന്ധിച്ച് ഒരു ഷോട്ടിലും അഭിനയിപ്പിച്ചിട്ടില്ല; വീട്ടിലെ കാര്യങ്ങൾ നോക്കുന്നത്ര പാടില്ല സിനിമ ചെയ്യാൻ; എനിക്കിഷ്ടം ലാലിനേയും തമ്മന്നയേയും; സന്തോഷ് പണ്ഡിറ്റ് മറുനാടനോട് മനസ്സു തുറക്കുന്നു

ദേവിക

സിനിമാ ചരിത്രത്തിലെ സംഭവമാവുകയാണ് സന്തോഷ് പണ്ഡിറ്റ്. മലയാളികളുടെ പരമ്പരാഗതമായ കാഴ്ചാസങ്കൽപങ്ങളെ തകിടം മറിക്കുകയാണ് ഈ കോഴിക്കോട്ടുകാരൻ. ''സൈബർ ലോകത്തെ രാജകുമാരൻ''. പാവങ്ങളുടെ സൂപ്പർസ്റ്റാർ. വിശേഷണങ്ങൾ അനവധിയാണ് പണ്ഡിറ്റിന്. തിയേറ്ററുകൾക്കും അപ്പുറത്തേക്ക് സിനിമയ്ക്ക് ഒരു ലോകം ഉണ്ടെന്ന് സന്തോഷ് പണ്ഡിറ്റ് കണ്ടെത്തി. അതിൽ വിജയം നേടി.

യൂട്യൂബിന്റെ അനന്ത സാധ്യതകൾ സാധാരണക്കാരായ ഓരോ മലയാളിയിലേക്കും എത്തിച്ചു. എന്തിനും വിപണി സാധ്യത കണ്ടെത്തുന്നതുപോലെ, സിനിമയേയും ചെറിയ ബഡ്ജറ്റിലാക്കി വിറ്റഴിച്ചു. ആദ്യം പുരികം ചുളിച്ചവരൊക്കെ, ലാഭക്കണക്ക് കണ്ട് അമ്പരന്ന് തുടങ്ങി. അങ്ങനെ പണ്ഡിറ്റ് സൈബർ ലോകത്തെ 'കിങ്' ആയി വാഴ്‌ത്തപ്പെട്ടു. നെഗറ്റീവ് പബ്ലിസിറ്റിക്ക് ഇത്രയും സാധ്യത ഉണ്ടെന്ന് പണ്ഡിറ്റ് നമ്മൾ മലയാളികൾക്ക് മനസിലാക്കിത്തന്നു.

''എന്തിനേയും മാർക്കറ്റ് ചെയ്യുക, അതാണ് എന്റെ ശൈലി'' ഇത് പണ്ഡിറ്റിന്റെ സ്വന്തം വാക്കുകളാണ്. കേവലം ഒരു സർക്കാർ ജോലിക്കാരനായ സന്തോഷ് പണ്ഡിറ്റ്, ഇന്ന് ലോകം അറിയുന്ന സന്തോഷ് പണ്ഡിറ്റ് ആയതിലേക്കുള്ള പരിണാമം, മറുനാടൻ മലയാളി പ്രേക്ഷകരോട് പങ്കുവെയ്ക്കുന്നു. ഒപ്പം തന്റെ പുതിയ ചിത്രമായ ''ഉരുക്ക് സതീശന്റെ'' ചിത്രീകരണ വിശേഷങ്ങളും.

ചോ : ആദ്യം തന്നെ താങ്കളുടെ പുതിയ ലുക്കിനെക്കുറിച്ച് ചോദിച്ച് തുടങ്ങാം. തല മൊട്ടയടിച്ച് ആളാകെ മാറിയല്ലോ. പുതിയ പടത്തിനു വേണ്ടിയാണോ?
ഉ : (തന്റെ സ്വതസിദ്ധമായ ചിരിയോടെ സന്തോഷ് പണ്ഡിറ്റ് പറഞ്ഞുതുടങ്ങി) അതെ, എന്റെ ഏഴാമത്തെ ചിത്രം 'ഉരുക്ക് സതീശന്റെ' ചിത്രീകരണത്തിനായാണ് മുടി മൊട്ടയടിച്ചത്. ഒരു വ്യത്യാസം ആയിക്കോട്ടെ എന്ന് കരുതി. വേണമെങ്കിൽ എനിക്ക് വിഗ് വച്ച് അഡ്ജസ്റ്റ് ചെയ്യാമായിരുന്നു. എന്ത് ചെയ്താലും അതിൽ പൂർണ്ണത വേണമെന്ന് ആഗ്രഹിക്കുന്ന ആളാണ് ഞാൻ. അതുകൊണ്ട് തന്നെ മൊട്ടയടിക്കാമെന്ന് കരുതി. അതിന്റെ പിന്നിലും ഒരു മാർക്കറ്റിങ് സാധ്യത ഞാൻ കണ്ടു. അത് എന്താണെന്ന് വച്ചാൽ കുറച്ച് വർഷങ്ങൾക്ക് മുൻപ് ഒരു സ്വകാര്യ ചാനലിലെ റിയാലിറ്റി ഷോയിൽ ഞാൻ മൽസരാർത്ഥിയായി പങ്കെടുത്തിരുന്നു. എന്നോടൊപ്പം ഉണ്ടായിരുന്ന പെൺ മൽസരാർത്ഥികൾക്കിടയിൽ എന്റെ മുടി വിഗ്ഗാണോ എന്നതിനെ സംബന്ധിച്ച് ഒരു സംശയം ഉണ്ടായിരുന്നു.

അങ്ങനെ ഒരു ദിവസം ഞാൻ ഉറങ്ങി കിടക്കുമ്പോൾ മൂന്ന് സ്ത്രീകൾ എന്റെ അടുത്ത് വന്ന് എന്റെ മുടി പിടിച്ച് നോക്കി. മുടി ഒറിജിനലാണോ എന്ന് നോക്കുകയായിരുന്നു അവരുടെ ഉദ്ദേശം. പക്ഷേ, അന്നത്തെ എന്റെ ഉറക്കം പോയി എന്ന് പറഞ്ഞാൽ മതിയല്ലോ. അന്നാണ് ഞാൻ തിരിച്ചറിഞ്ഞത് എന്റെ മുടിയെ ശ്രദ്ധിക്കാനും ആളുകൾ ഉണ്ട് എന്നത്. അന്ന് രാത്രിയാണ് 'ഉരുക്ക് സതീശൻ' എന്ന ഈ സിനിമയുടെ വൺ ലൈൻ ഉണ്ടാക്കുന്നത്. അപ്പോൾ ഞാൻ ചിന്തിച്ചു. നല്ല മുടി എന്ന് മറ്റുള്ളവർ പറഞ്ഞാൽ അപ്പോൾ, ആ നിമിഷം തോന്നുന്ന ഒരു സന്തോഷം മാത്രമേ നമുക്കുള്ളൂ. അതേ സമയം, കുറച്ചുപേരെങ്കിലും ഇഷ്ടപ്പെടുന്ന ഈ മുടി അങ്ങ് മൊട്ടയടിച്ചാലോ, അതിന്റെ സാധ്യത മറ്റൊന്നാണ്. അങ്ങനെയാണ് മുടി മൊട്ടയടിക്കാൻ ഞാൻ തീരുമാനിച്ചത്.

പക്ഷേ, അതുകൊണ്ട് ഒരു പണിയും എനിക്ക് കിട്ടി. 'ഉരുക്ക് സതീശന്റെ'ചിത്രീകരണത്തിന്റെ കൂടെ 'ബ്രോക്കർ പ്രേമചന്ദ്രന്റെ ലീലാവിലാസങ്ങൾ'എന്ന ചിത്രത്തിന്റെ ചിത്രീകരണവും നടക്കുന്നുണ്ടായിരുന്നു. തലമുടി മൊട്ടയടിച്ചത് കാരണം, രണ്ട് പടങ്ങൾ ഒരുമിച്ച് ഷൂട്ട് ചെയ്യുന്ന രീതിക്ക് തിരിച്ചടിയായി.

ചോ : സിനിമയിലെ ക്യാമറ ഒഴികെയുള്ള ഒട്ടുമിക്ക ഡിപ്പാർട്ടുമെന്റുകളും താങ്കളാണ് കൈകാര്യം ചെയ്യുന്നത്. എങ്ങനെ സാധിക്കുന്നു?
ഉ : ശരിയാണ്. ക്യാമറ ഒഴികെയുള്ള എല്ലാ കാര്യങ്ങളും ഞാൻ തന്നെയാണ് നോക്കുന്നത്. എഡിറ്റിങ്, ഗ്രാഫിക്‌സ്, മ്യൂസിക് എല്ലാം... ഒരു കാര്യം ഞാൻ പറയാം, വീട്ടിലെ കാര്യങ്ങൾ നോക്കുന്നത്ര പാടില്ല സിനിമ ചെയ്യാൻ എന്നാണ് എനിക്ക് തോന്നുന്നത്. ഞാൻ വീട്ടിൽ തനിച്ചാണ്. അപ്പോ എനിക്ക് വീട്ടിലെ ജോലിയും ചെയ്യണം, ഇതും ചെയ്യണം. അതുകൊണ്ട് എനിക്ക് നന്നായിട്ട് അത് മനസിലാകും.

ചോ : കുടുംബം?
ഉ : അച്ഛനും അമ്മയും മരിച്ചു. ഒരു സഹോദരി ഉണ്ട്, സന്ധ്യാ പണ്ഡിറ്റ്. അവരുടെ വിവാഹം കഴിഞ്ഞു. വളരെ ചെറുപ്പത്തിലേ വിവാഹിതനായ ആളാണ് ഞാൻ. അതിലേറെ നേരത്തേ വിവാഹ മോചിതനുംആയി. ഒരു മകൻ ഉണ്ട് നവജ്യോത് പണ്ഡിറ്റ്. വർഷത്തിൽ രണ്ട് തവണ മകനെ കാണും. ശരിക്കും പറഞ്ഞാൽ വളരെ ചെറുപ്രായത്തിൽ തന്നെ ഒട്ടേറെ ദുരന്തങ്ങൾ ഞാൻ അനുഭവിച്ചു. വിവാഹമോചിതനായ ശേഷം ഒരു പുനർ വിവാഹത്തിനായി ഒരുപാട്‌പേർ നിർബന്ധിച്ചു, പക്ഷേ, ജീവിതത്തിൽ എന്തൊക്കെയോ പുതുതായി ചെയ്യണം എന്ന ആഗ്രഹമായിരുന്നു അന്നെനിക്ക്.

ചോ : ഒരു സർക്കാർ ഉദ്യോഗസ്ഥൻ എന്ന നിലയിൽ നിന്നും ഒരു സിനിമാ നടൻ/സംവിധായകൻ എന്ന ലേബലിലേക്കുള്ള മാറ്റം എങ്ങനെയായിരുന്നു?
ഉ : എന്റെ ജീവിതത്തിൽ എല്ലാം നേരത്തേയാണ് സംഭവിച്ചത്. പത്തൊമ്പതാം വയസിൽ പി.ഡബ്ല്യൂ.ഡി ഡിപ്പാർട്ട്‌മെന്റിൽ ജോലി ലഭിച്ചു. സിവിൽ എഞ്ചിനീയറിങ്ങിൽ ഡിപ്ലോമയായിരുന്നു അന്നെന്റെ യോഗ്യത. പിന്നീട് ജീവിതത്തിൽ ഒരുപാട് ദുരന്തങ്ങൾ നേരിടേണ്ടി വന്നു. ശരിക്കും അന്ന് ജോലി എനിക്കൊരു കൈത്താങ്ങ് തന്നെയായിരുന്നു. അന്നും ഇന്നും എന്ത് ചെയ്താലും അതിനൊരു പൂർണ്ണത വേണം എന്ന് വിശ്വസിക്കുന്ന ആളാണ് ഞാൻ. പരീക്ഷണങ്ങളെ സ്‌നേഹിക്കുകയും അത് ചെയ്യാൻ ഇഷ്ടപ്പെടുകയും ചെയ്യുന്ന ഒരാൾ.

ഒരുപാട് സിനിമകൾ കാണുമായിരുന്നു അന്നൊക്കെ, സിനിമയിലെ ടെക്‌നിക്കുകൾ കാണുമ്പോൾ ഇതൊക്കെ എങ്ങനെ ചെയ്യും എന്ന് അതിശയിച്ച് ഇരുന്നിട്ടുണ്ട്. അത്തരം ടെക്‌നിക്കുകളാണ് എന്നെ സിനിമയിലേക്ക് അടുപ്പിച്ചത്. ഈ ജോലിയിൽ കിട്ടുന്ന സ്വാതന്ത്ര്യവും മറ്റൊരു കാരണമാണ്. അതുപോലെതന്നെ'ഭഗവദ് ഗീത' എന്നിലുണ്ടാക്കിയ സ്വാധീനം വളരെ വലുതാണ്, നമ്മുടെ ഉള്ളിൽ തോന്നിയ ആഗ്രഹങ്ങൾ സാക്ഷാത്കരിക്കാൻ കൂടിയാണ് ദൈവം നമുക്ക് നൽകിയ ഈ മനുഷ്യ ജന്മം എന്ന് ചിന്തിച്ചപ്പോൾ പിന്നെ കൂടുതലൊന്നും ആലോചിക്കാതെ ഇറങ്ങി പുറപ്പെട്ടു.

ചോ : സിനിമ ചെയ്യാൻ തീരുമാനിച്ചപ്പോൾ എന്തൊക്കെ ഹോം വർക്കുകളാണ് ചെയ്തത്?
ഉ : ഞാൻ ഒരു ഫിലിം ഇന്സ്റ്റിട്യൂട്ടിൽ നിന്നും ഡിഗ്രി എടുത്തിട്ടില്ല. ഒരു സിനിമാ സെറ്റ് പോലും ജീവിതത്തിൽ ഞാൻ കണ്ടിട്ടില്ല. എന്റെ മനസിൽ ആകെയുള്ളത് എങ്ങനെ സന്തോഷ് പണ്ഡിറ്റിന്റെ സിനിമകൾ വ്യത്യസ്തമാക്കാം എന്നായിരുന്നു. എങ്ങനെയും ശ്രദ്ധിക്കപ്പെടുക, അതായിരുന്നു എന്റെ ലക്ഷ്യം. അതിനായി ഞാൻ ആദ്യം ചെയ്തത് ഇവിടത്തെ മഹാ നടന്മാരെ പഠിക്കുകയായിരുന്നു. അതിൽ നിന്നും എനിക്ക് മനസിലായത്, മലയാളത്തിലെ സൂപ്പർ സ്റ്റാറുകൾ നല്ല അഭിനേതാക്കളാണ്.

പക്ഷേ, ലൈവിൽ ഓഡിയൻസിനോട് സംസാരിക്കുന്നതിൽ തീർത്തും പരാജിതരാണ്. സൂപ്പർ സ്റ്റാറുകളുടെ സിനിമയിലെ ഡയലോഗ് ജനം ഓർത്തിരിക്കുന്നുണ്ടാവും. എന്നാൽ അവർ ഏതെങ്കിലും ലൈവ് ഷോകളിൽ പങ്കെടുത്ത് പറഞ്ഞ ഡയലോഗ് ജനത്തിന് ഓർമ്മയുണ്ടാകില്ല. അവിടെയാണ് ഞാൻ എന്റെ സ്‌പേസ് കണ്ടെത്തിയത്. പിന്നീട് എങ്ങനെ ബഡ്ജറ്റ് കുറയ്ക്കാം എന്നായി എന്റെ ചിന്ത. അഞ്ച് കോടി മുടക്കി പടം പിടിക്കാൻ ആർക്കും ആവും. എന്നാൽ, അഞ്ച് ലക്ഷത്തിനുള്ളിൽ പടം പിടിക്കാൻ എല്ലാർക്കും ആവും.

ചോ : യൂട്യൂബിൽ നിന്ന് ഇത്രയധികം വരുമാനം ഉണ്ടാക്കാമെന്ന് സാധാരണ മലയാളിയെ പഠിപ്പിച്ചത് സന്തോഷ് പണ്ഡിറ്റാണ്. എങ്ങനെയാണ് അങ്ങനൊരു ഐഡിയ തോന്നിയത്?
ഉ : എന്റെ പടത്തിന്റെ മുഴുവൻ ചെലവ് അഞ്ച് ലക്ഷം രൂപയാണ്. എങ്ങനെയും മുടക്കുമുതൽ തിരിച്ചു പിടിക്കുക, അതായിരുന്നു എന്റെ അടുത്ത ലക്ഷ്യം. എനിക്ക് സ്വന്തമായി 7ഡി ക്യാമറ ഉള്ളതിനാൽ ആ ചെലവ് മാറിക്കിട്ടി. പിന്നെ എഡിറ്റിങ്, ഗ്രാഫിക്‌സ് എല്ലാം ഞാൻ തന്നെയാണ് ചെയ്തത്. സാധാരണ പലരും ശ്രദ്ധിക്കാത്ത കാര്യമാണ് യൂട്യൂബ് കാണുമ്പോൾ ഇടയ്ക്കിടെ വരുന്ന പരസ്യങ്ങൾ. ഇവിടെ ക്ലിക്കിനാണ് കാശ്. അതുകൊണ്ട് ഞാൻ ഒരു ബിസിനസ്സുകാരനെ കണ്ടിട്ട് ഇതിന്റെ സാധ്യതയെപ്പറ്റി സംസാരിച്ചു. ആറ് വർഷം മുൻപാണ് സംഭവം. അന്ന് ഇത്ര പബ്ലിസിറ്റി സാധാരണ ജനങ്ങൾക്കിടയിൽ യൂട്യൂബിന് ആയിട്ടില്ല. അങ്ങനെ ഞാൻ ആ ബിസിനസ്സുകാരനുമായി ഒരു ക്ലിക്കിന് പത്ത് പൈസ എന്ന നിരക്കിൽ ഡീൽ ഉറപ്പിച്ചു.

എന്റെ ആദ്യ ചിത്രമായ 'കൃഷ്ണനും രാധയും' യൂട്യൂബ് കളക്ഷനിൽ നിന്ന് വമ്പിച്ച ലാഭമാണ് എനിക്ക് നേടിത്തന്നത്. അതിലെ പാട്ടുകൾ പതിമൂന്ന് ദിവസം കൊണ്ട് ഒരു ലക്ഷം ആളുകളാണ് കണ്ടത്. അതുപോലെ തന്നെ 2011 നവംബർ പന്ത്രണ്ടാം തീയതി 'ഗൂഗിൾ ട്രെന്ഡ്‌സിന്റെ' രണ്ടമത്തെ പൊസിഷനിൽ ഞാനെത്തി. (അന്നേ ദിവസം സോഷ്യൽ മീഡിയയിൽ ഏറ്റവും ട്രെന്ഡായ ആൾ എന്ന അർത്ഥത്തിൽ)

ചോ : സൈബർ ലോകമാണ് താങ്കളെ ഹിറ്റാക്കിയത്. അതുപോലെ തന്നെ സൈബർ ലോകത്തുനിന്നുള്ള ആക്രമണങ്ങൾക്കും താങ്കൾ ഇരയായിട്ടുണ്ട്. അതെങ്ങനെയാണ് നേരിട്ടത്?
ഉ : എനിക്ക് എപ്പോഴും ഇഷ്ടം എന്നെ വെറുക്കുന്നവരെയാണ്. കാരണം അവർ നമ്മളെ കുറ്റം പറയാൻ വേണ്ടി മുഴുവൻ ഇരുന്ന് കാണുകയും തെറി വിളിക്കുകയും ചെയ്യും. ആരാധകരെ തീർച്ചയായും ഇഷ്ടമാണ്, തെറ്റിദ്ധരിക്കരുതേ. ഈ രണ്ട് കൂട്ടരും നമുക്ക് ഉപകാരികളാണ്. മാനസികമായി എനിക്ക് ഇതൊന്നും തന്നെ ബുദ്ധിമുട്ട് ഉണ്ടാക്കിയിട്ടില്ല. Santhosh Pandit Official എന്നുള്ളതാണ് എന്റെ ഫേസ്‌ബുക്ക് പേജ്. carnival5555@gmail.com - ഇതാണ് എന്റെ ഇ-മെയിൽ ഐഡി. എന്റെ പേഴ്‌സണൽ നമ്പർ 09947725911. ആർക്കും എപ്പോഴും ഇതിലൂടെ ഞാനുമായി ബന്ധപ്പെടാം.

ചോ : താങ്കളുടെ നായികമാരെ താങ്കൾ എങ്ങനെയാണ് കണ്ടെത്തുന്നത്?
ഉ : എന്റെ നായികമാരെയെല്ലാം ഞാൻ ഫേസ്‌ബുക്ക് വഴിയാണ് കണ്ടെത്തുന്നത്. ആഭിനയിക്കാൻ താൽപര്യമുള്ളവർ ഫേസ്‌ബുക്കിലൂടെ അവരുടെ പോസ്റ്റ് ഇടും. അങ്ങനെ ഓഡിഷൻ നടത്തി അഭിനയിപ്പിക്കും. എന്റെ ആദ്യ ചിത്രത്തിനു മാത്രമേ നായികയെ തേടി അലയേണ്ടി വന്നിട്ടുള്ളൂ. അതാണല്ലോ മിമിക്രിക്കാർക്ക് എന്നോടുള്ള ചൊരുക്കും. സന്തോഷ് പണ്ഡിറ്റിനു മാത്രം നായികമാരെ എവിടുന്ന് കിട്ടുന്നു. ഞങ്ങളൊരു സ്റ്റേജ് ഷോയ്ക്ക് വിളിച്ചാൽ പോലും ഫീമെയ്ൽ ആർട്ടിസ്റ്റുകളെ കിട്ടാനില്ല എന്നു പറഞ്ഞ് അവർ ആക്ഷേപം ഉന്നയിച്ചിരുന്നു.

അതായത് സന്തോഷ് പണ്ഡിറ്റ് എന്ന വ്യക്തിയുടെ സ്വഭാവ മഹിമ കൊണ്ടാണ് എന്റെ സിനിമകളിൽ അഭിനയിക്കാൻ പെൺകുട്ടികൾ വരുന്നത്. എന്റെ സിനിമാ ഷൂട്ടിങ് വൈകിട്ട് അഞ്ച് മണി വരെയേ ഉള്ളൂ. ലോഡ്ജിങ് ഇല്ല. അതുകൊണ്ടുതന്നെ പെൺകുട്ടികൾ കംഫർട്ടബിൾ ആണ്. എനിക്ക് ബഡ്ജറ്റും ലാഭം.

ചോ : താങ്കളുടെ സിനിമയിലെ നായികമാരെ വല്ലാണ്ട് വൾഗറായി ചിത്രീകരിക്കുന്നു എന്ന ആക്ഷേപത്തോട് താങ്കൾ എങ്ങനെ പ്രതികരിക്കുന്നു?
ഉ : ഞാൻ ആദ്യമേ പറഞ്ഞല്ലോ, ഞാൻ എന്നെ വിറ്റ് കാശാക്കുന്ന ആളാണെന്ന്. ഞാൻ ആദ്യം തന്നെ നായികയെ വിളിച്ച് ഏത് സോങ് ആണ് ചിത്രീകരിക്കാൻ പോകുന്നത്, അതിന്റെ സ്വഭാവം, ഇതെല്ലാം പരസ്പരം ഡിസ്‌കസ് ചെയ്തിട്ടാണ് ഷൂട്ട് ചെയ്യുന്നത്. ഞാൻ അവരോട് വളരെ ഓപ്പണായി പറയാറുണ്ട്, സിനിമ എന്നത് കച്ചവട സംരംഭമാണ്, ഡ്രസ്സിന്റെ നീളം കുറയുന്നതിനനുസരിച്ച് യൂട്യൂബിലെ ക്ലിക്ക് കൂടും. ഈ സോങ്ങും വേണമെങ്കിൽ നമുക്ക് രണ്ട് രീതിയിൽ ചെയ്യാം. ഫുൾ ഡ്രസ്സിട്ടും അഭിനയിക്കാം,ഡ്രസ്സിന്റെ നീളം കുറച്ചും അഭിനയിക്കാം.

നിങ്ങൾ കംഫർട്ടെബിൾ ആണേൽ മാത്രം നമുക്ക് ചെയ്യാം. ഞാൻ ഒരു നായികയെ പോലും ഇതുവരെ നിർബന്ധിച്ച് ഒരു ഷോട്ടിൽ പോലും അഭിനയിപ്പിച്ചിട്ടില്ല. എന്റെ എല്ലാ ചിത്രത്തിലും നായിക ഫുൾ ഡ്രസ്സിൽ അഭിനയിച്ച പാട്ടും ഉണ്ട്. മറ്റ് പാട്ടുകളുട്ടെയും ഇതിന്റെയും വ്യൂവർഷിപ്പ് കണ്ടാൽ ഞാൻ പറഞ്ഞതിൽ എത്രത്തോളം വാസ്തവം ഉണ്ടെന്ന് നിങ്ങൾക്ക് ബോധ്യപ്പെടും.

ചോ : താങ്കളുടെ സിനിമകളിലെ ഗാനരംഗങ്ങളിലെല്ലാം നായികമാരോടൊപ്പം വല്ലാത്തൊരു വികാര ജീവിയായിട്ടാണ് താങ്കളെ കാണാൻ കഴിയുന്നത്. ഇതെന്താണ്, മനഃപൂർവ്വം ചെയ്യുന്നതാണോ, അതോ?
ഉ : അയ്യോ! അത് ശെരിക്കും എഡിറ്റിംഗിൽ ഞാൻ ചില ഷോട്ടുകൾ സ്പീഡിൽ ആക്കുന്നതാണ്. അത് കാണുമ്പോൾ വല്ലാണ്ട് ആക്രാന്തം മൂത്ത ആളെപ്പോലെ തോന്നും. ഇനി വരുന്ന പടങ്ങളിൽ തീർച്ചയായും ഞാനത് ശ്രദ്ധിക്കും. വളരെ നന്ദി, ഇങ്ങനൊരു സജഷൻ തന്നതിന്.

ചോ : സന്തോഷ് പണ്ഡിറ്റ് എന്ന നടനെ ഒരുപാട് പേർക്ക് ഇഷ്ടമാണ്. ചിലർക്ക് വെറുപ്പാണ്. സന്തോഷ് പണ്ഡിറ്റിന്റെ ഇഷ്ട നടനും നടിയും ആരാണ്?
ഉ : നടൻ - മോഹൻലാൽ, നടി തമന്ന

ചോ : മറ്റു സംവിധായകരുടെ ചിത്രങ്ങൾ താങ്കൾ കാണാറുണ്ടോ? താങ്കൾ ആരാധിക്കുന്ന സംവിധായകൻ ആരാണ്?
ഉ : ഒപ്പം, പുലിമുരുകൻ, ബാഹുബലി എല്ലാം കാണാറുണ്ട്. ആരാധന പ്രിയദർശനോടാണ്. ടെക്‌നിക്കൽ ഇഫക്ടിൽ രാജമൗലി ചിത്രങ്ങളും ഇഷ്ടമാണ്. എന്റെ പുതിയ ചിത്രമായ ഉരുക്ക് സതീശനിലും ഗ്രാഫിക്‌സിന്റെ സാധ്യതകൾ ഞാൻ ഉപയോഗിച്ചിട്ടുണ്ട്. അഞ്ച് ലക്ഷത്തിന്റെ ബഡ്ജറ്റിനുള്ളിൽ നിന്നുകൊണ്ട്. അതെടുത്ത് പറയാൻ കാരണം, ഒരു പ്രശസ്ത സംവിധായകൻ എന്നോട് പറഞ്ഞതാണ് അദ്ദേഹത്തിന്റെ ചിത്രത്തിലെ ഒരു ഷോട്ടിന്റെ ഗ്രാഫിക്‌സ് ചെയ്തതിന് ഒരു കോടി രൂപയായി എന്ന്. ആ സ്ഥലത്താണ് സന്തോഷ് പണ്ഡിറ്റിന്റെ ചിത്രത്തിൽ ഇതെല്ലാം കൂടി അഞ്ച് ലക്ഷത്തിന്...

ചോ : എത്ര സിനിമകൾ ചെയ്യണമെന്നാണ് താങ്കളുടെ ആഗ്രഹം? ഭാവിയിൽ മറ്റൊരു നായകനെ വച്ചൊരു സന്തോഷ് പണ്ഡിറ്റ് സിനിമ പ്രതീക്ഷിക്കാമോ?
ഉ : നല്ല ചോദ്യം. ഞാൻ സിനിമാ ഇന്ഡസ്ട്രിയിലേക്ക് ഇറങ്ങിയപ്പോഴേ മറ്റൊരാളെ വച്ച് സിനിമ ചെയ്യണം എന്ന് കരുതിയതാണ്. പക്ഷേ, പ്രൊഡ്യൂസർ ഉണ്ടെങ്കിൽ ചെയ്യാം. പിന്നെ, സിനിമകളുടെ എണ്ണം അങ്ങനൊന്നും ചിന്തിച്ചിട്ടില്ല.

ചോ : 'സന്തോഷ് പണ്ഡിറ്റ് സെക്‌സ് വീഡിയോസ്' എന്ന ടാഗ്‌ലൈനിൽ കുറേ വീഡിയോകൾ യൂട്യൂബിൽ കാണാം. അതും മാർക്കറ്റിംഗിന്റെ ഭാഗമാണോ? അതോ താങ്കളുടേതല്ലാത്ത വീഡിയോകളാണോ അത്?
ഉ : വീഡിയോയുടെ ടാഗ്‌ലൈൻ മാത്രമാണ് ഇപ്പോൾ മാഡം പറഞ്ഞത്. അത് ക്ലിക്ക് ചെയ്യുമ്പോൾ എന്താണ് കണ്ടതെന്ന് പറഞ്ഞില്ല. ക്ലിക്ക് ചെയ്യൂ, കാണൂ... എന്നിട്ട് ചോദിക്കൂ...

ചോ : നെഗറ്റീവ് പബ്ലിസിറ്റി കൊണ്ട് പ്രശസ്തനായ ആളാണ് താങ്കൾ. താങ്കളുടെ തന്നെ ഇഷ്ടമല്ലാത്ത സ്വഭാവം എന്താണ്?
ഉ : അങ്ങനെ ഒരു സ്വഭാവം ഉണ്ട് എന്നറിഞ്ഞിട്ടും വച്ചോണ്ടിരിക്കുന്നത് എന്തിന്, അതങ്ങ് മാറ്റിയാൽ പോരേ... സ്വതസിദ്ധമായ സന്തോഷ് പണ്ഡിറ്റ് സ്‌റ്റൈൽ മറുപടിയും ഉടനടി കിട്ടി.

''നിങ്ങൾ പ്രേക്ഷകരുടെ സപ്പോർട്ട് ഒന്ന് കൊണ്ട് മാത്രമാണ് ഞാൻ ഇന്ന് ഇവിടെ നിൽക്കുന്നത്. എന്റെ മുന്നോട്ടുള്ള കരിയറിൽ നിങ്ങളുടെ ഏവരുടെയും സഹകരണം എനിക്ക് വേണം. എല്ലാ മറുനാടൻ മലയാളി പ്രേക്ഷകർക്കും എന്റെ ഹൃദയം നിറഞ്ഞ ആശംസകൾ...''

ഒരു ചാണക്യന്റെ കൗശലത്തോടെ സന്തോഷ് പണ്ഡിറ്റ് തന്റെ വിശേഷങ്ങൾ പങ്കുവച്ചു. പുതിയ ചിത്രത്തിന്റെ പണിപ്പുരയിലേക്കും, ട്രെൻഡുകൾ തേടിയും, സൈബർ ലോകത്തെ ഈ രാജകുമാരൻ നടന്നകന്നു. അടുത്ത സന്തോഷ് പണ്ഡിറ്റ് യുട്യൂബ് വൈറലിനായി ജനം കാത്തിരിക്കുന്നുവെന്ന വിശ്വാസത്തോടെ...

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
കേരളത്തിൽ 18 സീറ്റും ഉറപ്പാക്കണമെന്ന് പ്രിയങ്കയുടെ കർശന നിർദ്ദേശം; വിജയം ഉറപ്പിക്കാൻ ഉമ്മൻ ചാണ്ടി ഇടുക്കിയിൽ മത്സരിക്കാനുള്ള സാധ്യത ഉയരുന്നു; തൃശൂരിൽ വി എം സുധീരന്റെ പേരു സജീവമാക്കുന്നതും വിജയ സാധ്യത കണക്കിലെടുത്ത്; സംഘടനാ ചുമതലയുള്ള ജനറൽ സെക്രട്ടറിയായതോടെ വേണുഗോപാലിന് പകരം വിഷ്ണുനാഥിനെ ആലപ്പുഴയിൽ ഇറക്കാൻ നീക്കം; വടകരയിൽ അഭിജിത്തിനും വയനാട്ടിൽ സിദ്ദിഖിനും തന്നെ കൂടുതൽ സാധ്യത; ചാലക്കുടി നോട്ടമിട്ട് ബെന്നി ബെഹന്നാനും ബാബുവും; കോൺഗ്രസ് സീറ്റ് ചർച്ചകളുടെ ചൂടിലേക്ക്
കേരളാ പൊലീസിലെ ശക്തനായ ഐജി ആയിരിക്കെ നടു റോഡിൽ ഇട്ട് തല്ലിയൊടിച്ചതിന്റെ പ്രതികാരം ഇപ്പോഴും തീരുന്നില്ല; അന്ന് ഭാര്യ എതിരായെങ്കിലും ഇന്ന് മകൻ ഒപ്പം നിന്നതോടെ തിരിച്ചടി; ബിജു രമേശും സഹോദരിയും തമ്മിലുള്ള സ്വത്ത് തർക്കത്തിന് ചരട് വലിക്കുന്നത് മുൻ അളിയനായ റിട്ടേയേഡ് ഡിജിപി പ്രേം ശങ്കർ; ചോളാ ബാറിന് ഗണപതിയെ കാവൽ നിർത്തിയ അതിബുദ്ധിക്കാരൻ ബാർ മുതലാളിക്ക് പൊലീസിൽ അഭയം പ്രാപിക്കേണ്ടി വന്നതിന് പിന്നിലെ കഥ
പ്രിയങ്കയെ കളത്തിൽ ഇറക്കാൻ രാഹുൽ തുനിഞ്ഞത് മായാവതിയും അഖിലേഷും ചേർന്ന് ചതിച്ചതോടെ പ്രധാനമന്ത്രി പദം സ്വപ്‌നമാകുമെന്ന് കരുതി; എസ് പി-ബിഎസ് പി സഖ്യത്തിന് നൽകിയത് കോൺഗ്രസ് ഇല്ലെങ്കിൽ സമ്പൂർണ്ണ വിജയം സാധ്യമാകില്ലെന്ന സന്ദേശം; ഇന്ത്യാ ടുഡേ സർവ്വേ അടിവരയിടുന്നതും ഈ മുന്നറിയിപ്പ് തന്നെ; കോൺഗ്രസ് യുപിയിൽ കരുത്തറിയിച്ചാൽ നേട്ടം ബിജെപിക്ക് തന്നെയെന്ന് തിരിച്ചറിഞ്ഞ് അഖിലേഷും മായാവതിയും
മണിയറയിൽ നിന്നും മൈതാനത്തേക്കോടി മഞ്ചേരിയുടെ മണവാളൻ; ആദ്യരാത്രിയിൽ മണവാട്ടിയെ തനിച്ചാക്കി 'ഇപ്പോ വരാമെന്ന്' പറഞ്ഞ് വരൻ മുങ്ങിയത് സെവൻസ് ഫുട്‌ബോളിന്റെ മത്സര വേദിയിലേക്ക് ! വിജയശ്രീലാളിതനായി മടങ്ങിയെത്തിയപ്പോൾ 'പകലായിരുന്നേല് കല്യാണത്തിന് വരൂലായിരുന്നല്ലേ'യെന്ന് മണവാട്ടി; വിവാഹദിനത്തിൽ ഫുട്‌ബോൾ വിദ്വാനായി റിദ്വാൻ
മകന്റെ മൂന്ന് വയസ്സുള്ള കുഞ്ഞിനെ പീഡിപ്പിച്ചതിന് പൊലീസ് കേസ് രജിസ്റ്റർ ചെയ്തത് ഹൈക്കോടതി ജഡ്ജിക്കെതിരെ; പ്രതിയുടെ പേരെഴുതേണ്ടിടത്ത് പൊലീസ് ചേർത്തിരിക്കുന്നത് 59 വയസുള്ള ഇരയുടെ മുത്തച്ഛൻ എന്ന്; പൊലീസ് കേസെടുത്തത് ചികിൽസിച്ച ഡോക്ടറുടേയും കുഞ്ഞിന്റെ അമ്മയുടേയും മൊഴിയനുസരിച്ച്; നിയമവൃത്തങ്ങളിൽ മാന്യൻ എന്ന് പേരുള്ള ജഡ്ജിക്കെതിരെയുള്ള പരാതിയുടെ പിന്നിൽ മറ്റെന്തെങ്കിലും ഉണ്ടോ എന്നും അന്വേഷണം; എന്ത് ചെയ്യണമെന്ന് അറിയാതെ പൊലീസും നിയമവൃത്തങ്ങളും
ഒരു വെടിക്ക് രണ്ട് പക്ഷിയെ ലക്ഷ്യമിട്ട് സിപിഎം പത്തനംതിട്ടയിൽ കളി തുടങ്ങി; ശബരിമല വിഷയത്തിൽ ഇടഞ്ഞ് നിൽക്കുന്ന പത്മകുമാറിനെ സ്ഥാനാർത്ഥിയാക്കാൻ ശ്രമിക്കുന്നത് ഒരേ സമയം ഭക്തരുടെ പിന്തുണ തേടിയും അതേ സമയം ദേവസ്വം ബോർഡ് പ്രസിഡന്റ് സ്ഥാനത്ത് നിന്നും വിവാദങ്ങൾ ഇല്ലാതെ രാജിവയ്‌പ്പിക്കാനും; പത്തനംതിട്ടയിൽ സിപിഎം പത്മകുമാറിനെ പരിഗണിക്കുന്നത് ഇരുമൂർച്ചയുള്ള വാളു പോലെ; ചിരിച്ചുകൊണ്ടുള്ള കൊലച്ചതിയെന്ന് തിരിച്ചറിഞ്ഞ് സമ്മതം മൂളാൻ ഉറച്ച് പിണറായിയുടെ മുൻ വിശ്വസ്തനും
നഴ്സായ മകളുടെ ദുരൂഹ മരണത്തിൽ നീതിതേടിയ പ്രവാസി മാതാപിതാക്കളുടെ പോരാട്ടം വിജയത്തിലേക്ക്; ആൻലിയയെ പെരിയാറ്റിൽ മരിച്ച നിലയിൽ കണ്ടെത്തിയ കേസിൽ അറസ്റ്റിലായ ഭർത്താവ് റിമാൻഡിൽ; ഗാർഹിക പീഡനത്തിന് തെളിവുണ്ടായിട്ടും കേസ് ഒതുക്കാൻ നടത്തിയ ശ്രമങ്ങളും ഹൈജിനസ്-ലീലാമ്മ ദമ്പതികളുടെ പോരാട്ടത്തിൽ പൊളിഞ്ഞു; 'ഇനിയും ഇവിടെ നിന്നാൽ അവരെന്നെ കൊല്ലും..' എന്ന് സഹോദരന് വാട്സ് ആപ്പിൽ അയച്ച സന്ദേശം ഗാർഹിക പീഡനത്തിന് തെളിവായി
എങ്കിലും ആരാണ് താങ്കളുടെ ദൃഷ്ടിയിൽ നല്ല നടൻ? ഒരു നിമിഷം പോലും നഷ്ടപ്പെടുത്താതെ കള്ളച്ചിരിയോടെ പറഞ്ഞു..രജനീകാന്ത്; അതാണ് ദിലീപ്; പ്രേം നസീറും ജയറാമും ചേർന്നുണ്ടായ നടൻ; കളി നടക്കാതെ പോയത് വിനയനോടും; ഊമപ്പെണ്ണിനു ഉരിയാടപ്പയ്യനിലെ കാവ്യയുടെ നായകനായി മിമിക്രി കളിച്ചു നടന്നിരുന്നു ഒരു ചെറുപ്പക്കാരന്റെ മുഖം എന്തുകൊണ്ട് വിനയന്റെ മനസ്സിലെത്തി? ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്; പല്ലിശ്ശേരിയുടെ പരമ്പര
താമസ സ്ഥലത്ത് നിന്നും സൂപ്പർമാർക്കറ്റിലേക്ക് നടന്നു പോയ പത്തനംതിട്ട സ്വദേശിയായ മലയാളി നേഴ്‌സ് കുവൈറ്റിലെ സൽമയിൽ വച്ച് കാറിടിച്ച് കൊല്ലപ്പെട്ടു; ഒരാഴ്ച മുമ്പ് പരിക്കേറ്റ നിലയിൽ ആശുപത്രിയിൽ എത്തിച്ച സിജോയെ രക്ഷിക്കാനുള്ള ശ്രമങ്ങൾ എല്ലാം പരാജയപ്പെട്ടു; വിവരം അറിഞ്ഞ് കരഞ്ഞ് തളർന്ന് ഒന്നര വർഷം വർഷം മുമ്പ് വിവാഹിതനായ സിജോ സണ്ണിയുടെ നാട്ടിൽ കഴിയുന്ന ഗർഭിണിയായ ഭാര്യ
ആരും ക്ഷണിക്കാതെ അമൃതാനന്ദമയിയെ തേടി മന്ത്രി കടകംപള്ളി സുരേന്ദ്രൻ കൈമനം ആശ്രമത്തിൽ എത്തിയത് ഇന്നത്തെ യോഗത്തിൽ സർക്കാറിനെ വിമർശിക്കരുത് എന്ന അപേക്ഷയുമായി; തികഞ്ഞ ഭക്തനായി എത്തി അമ്മയെ തൊട്ടു നമസ്‌ക്കരിച്ച് കെട്ടിപ്പിടിച്ചും ദേവസ്വം മന്ത്രിയുടെ വിശ്വാസ പ്രകടനം; പുത്തരിക്കണ്ടം യോഗത്തിൽ ശബരിമല യുവതീ പ്രവേശന വിഷയത്തിൽ അമൃതാനന്ദമയി സർക്കാറിനെ പ്രതിക്കൂട്ടിലാക്കുമോ എന്നറിയാൻ ആകാംക്ഷയോടെ കേരളം
പഠിത്തം അവസാനിപ്പിച്ച് ഞാൻ നടന്നു കയറിയ ജീവിതം ഒരു പേടിസ്വപ്നമായിരുന്നു; അന്ന് ഒരുപാട് കരഞ്ഞു; ആരോടും ഒന്നും പങ്കുവച്ചില്ല; ആ സ്വപ്ന ജീവിതം വിട്ടിറങ്ങുമ്പോൾ ഉണ്ടായിരുന്നത് രണ്ട് വയസ്സ് മാത്രം പ്രായമുള്ള ഒരു കുഞ്ഞും സീറോ ബാലൻസ് അക്കൗണ്ടും; അഹങ്കാരിയെന്നും ഒന്നിനും കൊള്ളാത്തവളെന്നും മുദ്രകുത്തി; ഇപ്പോൾ ഞാൻ ആരാണെന്ന് എനിക്കറിയാം: അമൃത സുരേഷ് ജീവിതം പറയുന്നു
കടംവാങ്ങിയയും കൈയിലുള്ളതുമായി മുടക്കിയത് ആറു കോടി; എല്ലാം തീർന്നപ്പോൾ അണിയറക്കാരുടെ പാസ്‌പോർട്ട് വരെ സ്‌പോൺസറുടെ കൈയിലായി; ബാങ്കോക്കിൽ സെറ്റിൽ ചെയ്യാനുള്ളത് രണ്ടരക്കോടി; കടം കൊടുത്ത ഫിനാൻസർ പടം പൂർത്തിയാക്കാൻ തയ്യാറെങ്കിലും പ്രൊഡ്യൂസർ പദവി വിട്ടുകൊടുക്കില്ലെന്ന് നിർബന്ധം പിടിച്ച് സനൽ തോട്ടം; നടിയെ ആക്രമിച്ച കേസ് അനുഗ്രഹമാക്കി രാമചന്ദ്രബാബുവിനേയും സംഘത്തേയും ബാങ്കോക്കിൽ വിട്ട് ദിലീപ് കൊച്ചിയിലുമെത്തി; പ്രൊഫ ഡിങ്കൻ സർവ്വത്ര പ്രതിസന്ധിയിൽ
'കാശല്ലേ വേണ്ടത്.. തരാം.. അൽപം കാത്തിരിക്കണം' എന്ന് നിർമ്മാതാവ്; 'ദിലീപിനെ പോലെ ചേട്ടൻ നാറാനാണോ ..' എന്ന് നടി; കൊച്ചിയിൽ വൈശാഖ് രാജനെതിരെ നൽകിയ ബലാത്സംഗ പരാതി ബ്‌ളാക്ക് മെയിലിങ് ഉദ്ദേശിച്ച് തന്നെ; വിലപേശുന്നത് ആറുകോടിക്ക് വേണ്ടിയെന്നും സൂചനകൾ; ചങ്ക്‌സ് നിർമ്മാതാവിന് എതിരായ കേസിൽ വാട്‌സ്ആപ് ചാറ്റും ഫോൺ വിളികളും നിർണായക തെളിവാകും; മുൻകൂർ ജാമ്യം നൽകി കോടതി നടത്തിയ നിരീക്ഷണങ്ങളും പ്രസക്തം
വണ്ടർലായിലെ പൂളിൽ ആവശ്യത്തിന് വെള്ളം ഇല്ലാത്തതു കൊണ്ട് നടുവടിച്ചു വീണു ശരീരം തളർന്ന് 13 വർഷമായി വീൽചെയറിൽ ജീവിക്കുന്ന ഒരു ചെറുപ്പക്കാരൻ കൂടിയുണ്ട് ഇവിടെ; ലക്ഷങ്ങൾ ചികിത്സക്ക് മുടക്കി കുടുംബം മുടിഞ്ഞിട്ടും കൊച്ചൗസേഫ് ചിറ്റിലപ്പള്ളി നൽകിയത് ഒരു ലക്ഷം രൂപ മാത്രം; നരകിച്ചു ജീവിക്കുന്ന മലപ്പുറത്തെ വിനോദിനെ ഓർത്തിട്ട് വേണ്ടേ കൊച്ചൗസേഫേ വലിയ വായിൽ മനുഷ്യാവകാശം പറയാൻ? വണ്ടർലാ മുതലാളിയുടെ കണ്ണിൽ ചോരയില്ലായ്മക്ക് തെളിവായി മറ്റൊരു കഥ കൂടി
അവസരം നൽകാമെന്ന് പറഞ്ഞ് ഫ്‌ളാറ്റിൽ വിളിച്ചു വരുത്തി പീഡിപ്പിച്ചെന്ന നടിയുടെ പരാതിയെ തുടർന്ന് നിർമ്മതാവായ വൈശാഖ് രാജനെ തേടി പൊലീസ്; മറുനാടൻ പുറത്തു വിട്ട സിനിമാ പീഡനക്കേസിൽ നിർമ്മതാവിന്റെ പേരിൽ പൊലീസ് ചുമത്തിയിരിക്കുന്നത് ബലാത്സംഗ കേസ്; ഒത്തുതീർപ്പ് ശ്രമങ്ങൾ പൊളിഞ്ഞതോടെ ഒട്ടേറെ ദിലീപ് സിനിമകളുടെ നിർമ്മാതാവായ ഗൾഫ് വ്യവസായിയെ ഉടൻ അറസ്റ്റ് ചെയ്‌തേക്കും; ബ്ലാക് മെയിൽ ശ്രമമെന്ന് ആരോപിച്ച് നിർമ്മാതാവ്; മലയാള സിനിമയെ പിടിച്ചു കുലുക്കി പുതിയ പീഡന കേസ്
മലയാള സിനിമയെ ഞെട്ടിച്ച് വീണ്ടും ലൈംഗിക പീഡന പരാതി; പ്രമുഖ യുവനടിയുടെ ആരോപണം പ്രമുഖ നടന്മാരെ വെച്ച് ഹിറ്റ് സിനിമകൾ ഒരുക്കിയ നിർമ്മാതാവിനെതിരെ; കൊച്ചി നോർത്ത് പൊലീസ് സ്റ്റേഷനിൽ നൽകിയ പരാതി ഒതുക്കിത്തീർക്കാൻ ശ്രമങ്ങൾ തകൃതി; പ്രാഥമിക അന്വേഷണത്തിന്റ പേരിൽ ആരോപണ വിധേയനെതിരെ എഫ്‌ഐആർ ഇടാതെ നടപടികൾ നീട്ടി ഒത്തുതീർപ്പ് ശ്രമങ്ങൾക്ക് അവസരമൊരുക്കി ഉദ്യോഗസ്ഥൻ; അന്വേഷണത്തിന്റെ വാസ്തവം ബോധ്യമാകട്ടെ എന്ന് കൊച്ചി സിറ്റി പൊലീസ്
ഓണപ്പതിപ്പിനായി ദിലീപിന്റെയും കുടുംബത്തിന്റെയും ഫോട്ടോ എടുക്കാനാണ് വീട്ടിൽ പോയത്; ഇറങ്ങാൻ നേരം ദിലീപ് എന്നോടു പറഞ്ഞു: ഒരുനടൻ എന്നെ വല്ലാതെ ദ്രോഹിക്കുന്നു... അവനെ കയറൂരി വിട്ടാൽ എനിക്ക് ഭീഷണിയായി വളരും..അതുകൊണ്ട് അവന്റെ വളർച്ച തടയണം: കുഞ്ചാക്കോ ബോബൻ- അവനെ ഒന്ന് ഒതുക്കി തരണം..ഞാൻ എന്ത് വേണമെങ്കിലും ചെയ്യാം; പല്ലിശേരിയുടെ പരമ്പര തുടരുന്നു
വിപണിയുടെ താരം ലാലേട്ടൻ, പ്രേക്ഷകരുടെ താരം ഫഹദ്; മമ്മൂട്ടിക്ക് ആശ്വസിക്കാൻ 'അബ്രഹാമിന്റെ സന്തതികൾ' മാത്രം; ടൊവീനോയ്ക്ക് സൂപ്പർ സ്റ്റാറുകൾക്ക് പോലുമില്ലാത്ത മിനിമം ഗ്യാരണ്ടി; വെടി തീർന്ന് ദിലീപ്; പ്രതീക്ഷ നിലനിർത്തി നിവിൻ; പൃത്ഥിയുടെ വിജയം 'കൂടെ ' മാത്രം; ദൂൽഖറിന് ചിത്രങ്ങളില്ല; ബോറടിപ്പിച്ച് കുഞ്ചാക്കോ ബോബൻ; നടിമാർ പൊടി പോലുമില്ല, സാന്നിധ്യം മഞ്ജു തന്നെ; പുതിയ താരോദയമായി പ്രണവ്; 2018ലെ മലയാളത്തിന്റെ താരങ്ങളുടെ പ്രകടനം ഇങ്ങനെയാണ്
ട്രെയിൻ ബെർത്തിലും വിമാനത്തിലും കാട്ടിലും അടക്കം വിചിത്രമായ സ്ഥലങ്ങളിൽ വച്ച് സ്വയംഭോഗം ചെയ്ത അനുഭവം സുഹൃത്തുക്കൾ ലാഘവത്തോടെ പറയുന്നത് കേട്ട് അത്ഭുതം തോന്നി; അന്ന് ഞാൻ പുരുഷനെക്കുറിച്ച് അറിയാത്ത ഒരിക്കലും അറിയാൻ സാധ്യത ഇല്ലാത്ത കുറേ കാര്യങ്ങൾ അറിഞ്ഞു; സ്വയംഭോഗത്തെക്കുറിച്ച് ബ്ലോഗിലൂടെ തുറന്നെഴുതി അർച്ചന കവി
ശ്രീലങ്കക്കാരിക്ക് പുറമെ മൂന്ന് മലേഷ്യൻ യുവതികൾ.. ഒരു മഹാരാഷ്ട്രക്കാരി... രണ്ട് വിദേശികൾ; കനകദുർഗയും ബിന്ദുവും ഉൾപ്പെടെ ഇതുവരെ പൊലീസ് മലചവിട്ടിച്ചത് പത്ത് യുവതികളെ; എല്ലാം സുപ്രീംകോടതിയിൽ റിപ്പോർട്ട് നൽകാൻ സർക്കാർ ഒരുക്കിയ നാടകം; ശബരിമലയിൽ സംഘപരിവാറിനെ പൊളിക്കാൻ പിണറായിയെ തുണച്ചത് ബെഹറയുടെ അതിബുദ്ധി; ഡിജിപി തയ്യാറാക്കിയത് സിനിമയെ വെല്ലുന്ന തിരക്കഥ; ആക്ഷൻ സീനുകളില്ലാതെ ക്ലൈമാക്സ് ഗംഭീരമാക്കി പൊലീസ് മേധാവി
ഓപ്പറേഷൻ തിയേറ്ററിൽ വച്ച് സിവിൽ സർജനും സുന്ദരിയായ നഴ്‌സും തമ്മിൽ ചൂടൻ ചുംബനം ! ഉജ്ജൈനിലെ ആശുപത്രിയിൽ വച്ച് നടന്ന സംഭവം പുറംലോകമറിഞ്ഞത് വാട്‌സാപ്പ് വീഡിയോ വഴി; നഴ്‌സുമാരുടെ വാട്‌സാപ്പ് ഗ്രൂപ്പുകളിൽ വീഡിയോ പ്രചരിച്ചതിന് പിന്നാലെ ഡോക്ടറുടെ പണി തെറിച്ചു; ആശുപത്രിയിലെ ചൂഷണത്തിന്റെ മറ്റൊരു മുഖമിങ്ങനെ
കാൽക്കീഴിലെ മണ്ണ് ഒലിച്ചുപോകുന്നത് അറിയാതെ മമ്മൂട്ടി; ഇത്തവണത്തെ സൂപ്പർ ഫ്ളോപ്പുകളിൽ കൂടുതലും മമ്മൂട്ടി ചിത്രങ്ങൾ; എട്ടുനിലയിൽ പൊട്ടിയവയിൽ മുൻപന്തിയിൽ ദിലീപ് ചിത്രം കമ്മാരസംഭവം; പ്രതീക്ഷിച്ച വിജയം നേടാനാവതെ മോഹൻലാലിന്റെ നീരാളിയും; ആമിയും പൂമരവും രണവും തീയേറ്ററുകളിൽ ആവിയായി; 2018ൽ മലപോലെ വന്ന് എലിപോലെ പോയ സിനിമകൾ ഇവയാണ്!
ലൈംഗിക പീഡനത്തിന്റെ ദൃശ്യങ്ങൾ തെളിവായി നൽകി പ്രമുഖ നടി; ബ്‌ളാക്ക് മെയിൽ സംഭാഷണത്തിന്റെ ചുവയുള്ള സംഭാഷണം പൊലീസിന് നൽകി പ്രമുഖ നിർമ്മാതാവ്; നടപടികൾ മനഃപൂർവം വൈകിപ്പിച്ച് കൊച്ചി പൊലീസ്; എഫ്‌ഐആർ അടക്കമുള്ള നടപടികൾ വൈകിപ്പിക്കാൻ വേണ്ടി പൊലീസിൽ സമ്മർദ്ദം ചെലുത്തി മലയാളം സിനിമാരംഗത്തെ പ്രമുഖരും; നടിയുടെ ലൈംഗിക പരാതിയിൽ ഹിറ്റ് ചിത്രങ്ങളുടെ നിർമ്മാതാവിന് മേൽ കൈവിലങ്ങ് വീഴുമോ? ആകാംക്ഷയുമായി സിനിമാ ലോകം