കാൻസർ ബാധിച്ച സഹപാഠിക്കു മുടി മുറിച്ചു നൽകി കാര ബ്ലാക്ക്; ജന്മദിനത്തിൽ ഏഴു വയസുകാരി സ...

കാൻസർ ബാധിച്ച സഹപാഠിക്കു മുടി മുറിച്ചു നൽകി കാര ബ്ലാക്ക്; ജന്മദിനത്തിൽ ഏഴു വയസുകാരി സഹപാഠിക്കു സാന്ത്വനമായത് ഇങ്ങനെ

January 12, 201501:09 PM IST Permalink

ഡബ്ലിൻ: താൻ പൊന്നുപോലെ പരിപാലിച്ചുപോന്ന നീളൻ സ്വർണമുടിയിൽ കത്രിക വീണപ്പോൾ അറിയാതെ പോലും കാരയുടെ മനസ് പിടഞ്ഞില്ല. കാരണം, കാൻസർ ബാധിച്ച തന്റെ സഹപാഠിയുടെ ദൈന്യതയേറിയ മുഖമായിരുന്നു ആ ഏഴുവയസുകാരിയുടെ മനസ് നിറയെ. തന്റെ ഏഴാം ജന്മദിനത്തിൽ 12 ഇഞ്ച് നീളമുള്ള മുടി സഹപാഠിക്കായി മുറിച്ചു നൽകിയാണ് കാര ബ്ലാക്ക് എന്ന കൊച്ചുസുന്ദരി ജന്മദിനാഘോഷം അന്വർഥമാക്കിയത്.

കോ ഡൊണീഗലിലെ ബൺക്രാനയിൽ നിന്നുള്ള കാര ബ്ലാക്ക് മുടി മുറിക്കാൻ തീരുമാനിച്ചത് സ്വന്തം ഇഷ്ടപ്രകാരമാണ്. കാൻസർ പിടിപെട്ട് ചികിത്സ കഴിഞ്ഞ സഹപാഠിക്ക് വിഗ്ഗ് ഉണ്ടാക്കാനാണ് കാര തന്റെ സ്വർണത്തലമുടി മുറിച്ചത്. അതിനായി തെരഞ്ഞെടുത്തത് തന്റെ ഏഴാം ജന്മദിനം. കീമോ തെറാപ്പി മൂലം പൊഴിഞ്ഞ മുടി കിളിർക്കാൻ ഇനിയും ഏറെ നാൾ പിടിക്കുമെന്ന് അറിയാവുന്ന കാര കൂട്ടുകാരിക്ക് വിഗ്ഗ് വെയ്ക്കാൻ മുടി മുറിക്കണമെന്ന് ആദ്യം പറഞ്ഞത് അമ്മ മിഷേലിനോടാണ്.

സഹപാഠിക്കായുള്ള ഫണ്ട് ശേഖരണം തുടങ്ങിയപ്പോൾ തന്നെ കാര ഇക്കാര്യം തന്നെ അറിയിച്ചിരുന്നുവെന്നും എന്നാൽ ആദ്യം താൻ നോ പറഞ്ഞുവെന്നും മിഷേൽ വെളിപ്പെടുത്തുന്നു. എന്നാൽ കാമ്പയിൻ മുന്നോട്ടുപോകവേ തന്റെ ഏഴാം ജന്മദിനത്തിൽ കാര കുടുംബത്തോടൊപ്പം തന്നെ ബ്ലിസ് ഹെയർ സ്റ്റുഡിയോയിലെത്തി തന്റെ നീളൻ മുടി മുറിക്കുകയായിരുന്നു. തന്റെ പ്രവർത്തിയിൽ അഭിമാനിയായ കാരക്ക് പുതിയ ഹെയർ സ്റ്റൈൽ ഇഷ്ടപ്പെടുകയും ചെയ്തു. എന്നാൽ ഇതുകണ്ടു നിന്ന മാതാപിതാക്കളുടെ കണ്ണു നിറഞ്ഞുവെന്നും മിഷേൽ പറയുന്നു.

കാൻസർ ചികിത്സയിലൂടെ മുടി പൊഴിഞ്ഞുപോകുന്ന കുട്ടികൾക്ക് വിഗ്ഗ് നിർമ്മിച്ചു നൽകുന്ന ലിറ്റിൽ പ്രിൻസസ് ട്രസ്റ്റിനാണ് കാര മുടി മുറിച്ചു നൽകിയത്. ഇതു കൂടാതെ ഐറീഷ് കാൻസർ സൊസൈറ്റി, ഐറീഷ് ഹാർട്ട് ഫൗണ്ടേഷൻ എന്നിവയ്ക്കു വേണ്ടിയുള്ള ഫണ്ട് ശേഖരണത്തിലും സജീവ പ്രവർത്തകയാണ് ഈ കൊച്ചു മിടുക്കിയും കുടുംബവും.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

പുതുവർഷത്തിൽ വൈദ്യുതിവൈദ്യുതി ചാർജ് വീണ്ടും വർദ്ധിപ്പിക്കാനൊരുങ്ങി പിനേർജി; ജനുവരി 9 മുതൽ 14 ശതമാനം വർദ്ധനവ്

അടുത്ത ജനുവരി മുതൽ രാജ്യത്ത് ടോൾ നിരക്കുകൾ ഉയരും; നിരക്കിൽ 60 സെന്റ് വരെ വർദ്ധനവ്

സർക്കാർ പ്രഖ്യാപിച്ചിരുന്ന എനർജി ക്രെഡിറ്റ് നാളെ മുതൽ ലഭിച്ചു തുടങ്ങും; ആദ്യ ഘട്ടമായി ലഭിക്കുക 200 യൂറോ

അടുത്ത മാസം മുതൽ 400 യൂറോ ഫ്യുവൽ അലവൻസ് ലഭിച്ച് തുടങ്ങും; നവംബർ 14 മുതൽ വിതരണം ചെയ്യുമെന്ന് അറിയിച്ച് സർക്കാർ

MNM Recommends +