കോഴക്ക് ഒരു ഡോളർ അല്ലെങ്കിൽ കോഴക്ക് ഒരു പിടി ഡോളർ
കാലങ്ങളായി കോഴ ഉണ്ടെങ്കിലും ഈ സമീപകാലത്ത് വേദിയിലും, വീഥിയിലും ഏതാണ്ട് സർവ്വ മണ്ഡലങ്ങളിലും കോഴാ.... കോഴാ.... എന്ന പേര് മുഴങ്ങി കേൾക്കുന്നു. ഏതായാലും നാട്ടിലെ പാലായ്ക്ക് അടുത്തുള്ള കോഴ, പത്തനംതിട്ട ജില്ലയിലെ കോഴഞ്ചേരി പിന്നെ നമ്മുടെ കോഴഞ്ചേരി സംഗമം എന്നീ 'കോഴ' പദം ചേർത്ത സ്ഥലനാമക്കാരും പ്രസ്ഥാനക്കാരും ക്ഷമിക്കണം. ഇപ്പോൾ കോഴ എന്ന പദം സകലരും ജപമാല ചൊല്ലുന്നതുപോലെ ഉരുവിട്ടുരുവിട്ട് മഹത്തീകരിച്ചു. ഇപ്പോൾ നമ്മുടെ ശ്രദ്ധ അങ്ങോട്ട് കോഴയിലേക്കായി. നല്ലകാര്യം. സംഗതികളുടെ കിടപ്പ് ഇങ്ങനെയൊക്കെ ആയിരിക്കെ നമ്മുടെ ഫൊക്കാനാ, ഫോമാ, വേൾഡ് മലയാളി, വേൾഡ് വൈഡ് മലയാളി, ഗ്ലോബൽ മലയാളി, പ്രവാസി മലയാളി, പ്രയാസ മലയാളി എന്നീ എണ്ണിയാലൊടുങ്ങാത്ത മലയാള സംഘടനകൾ ഇങ്ങനെ വൃഥാ ഞാനൊന്നുമറിഞ്ഞില്ലെ രാമനാരായണ എന്ന മട്ടിൽ ആസനത്തിലൊ സിംഹാസനത്തിലൊ കുത്തിയിരുന്നാൽ മതിയൊ? ഒന്നനങ്ങണ്ടെ... ഒന്നനക്കി കൊടുക്കണ്ടെ.... വല്ലതുമൊക്കെ ഒന്നു ചെയ്യണ്ടെ? അല്ലെങ്കിലെന്താ ഒരു ത്രില്ല്. സംഘടനകൾ സംഘടിക്കണം, സംഘടിപ്പിക്കണം, പ്രകടനം നടത്തണം, കുറഞ്ഞപക്ഷം പത്രത്തിലെല്ലാം ഒറ്റയായും പെട്ടയായും ഫോട്ടോകളെടുത്ത് പൊന്നാട ചാർത്തി നിന്ന് പ്രതിഷേധ കുറിപ്പുകൾ ഒരു പെരുമഴ മാതിരി പ്രത്യക്ഷപ്പെടണം.
ഫൊക്കാനയും ഫോമയും മറ്റും അതുണ്ടായ കാലം മുതൽ ഓരോ വർഷവും ഇതാ പുതുപുത്തൻ പരിപാടികൾ, പദ്ധതികൾ എന്നും പറഞ്ഞ് പഴയ വീഞ്ഞ് എപ്പോഴും പുതിയ കുപ്പിയിൽ അവതരിപ്പിക്കാറുണ്ട്. അതായത് ചോറും സാമ്പാറും ഇക്കൊല്ലം തന്നാൽ അടുത്ത കൊല്ലം, അവർ തരും, സാമ്പാറും ചോറും, ഇതു മാത്രം പരസ്പരം ഓരോ വർഷവും മാറ്റി മറിച്ച് പുതുമയാണെന്ന് പറഞ്ഞ് അവതരിപ്പിക്കുന്നു. എന്നാലിതാ തികച്ചും പുതുമയുള്ളതും വ്യത്യസ്ഥവുമായ ഒരു പദ്ധതി ഫൊക്കാനക്കും ഫോമക്കും. മറ്റേത് സംഘടനക്കും പരീക്ഷിക്കാനൊ പ്രവൃത്തിപഥത്തിൽ കൊണ്ടുവരാനൊ അങ്ങ് എറിഞ്ഞിട്ടു തരികയാണ്. ലേഖകന്റെ ഈ പുതിയ കണ്ടുപിടുത്തത്തിന്റെ അല്ലെങ്കിൽ നിർദ്ദേശത്തിന്റെയൊ പേരിൽ ലേഖകനെ വ്യക്തിപരമായി അവാർഡ് നൽകിയും ഫലകം തന്നും പൊന്നാട ചൂടിച്ചും തൊപ്പിയിട്ടും അപമാനിക്കുകയും അവഹേളിക്കുകയും ചെയ്യരുതേ.. എന്ന് താണുകേണ് അപേക്ഷിക്കുന്നു. അതെല്ലാം അർഹിക്കുന്നവർക്കും പിന്നെ ചൊറിയുന്നവർക്കും കാശുമുടക്കുന്നവർക്കും ഗ്ലാമർ ഉള്ളവർക്കും കൊടുത്ത് ബഹുമാനിക്കുക.
എന്താണ് സംഘടനകളും സംഘാടകരും ചെയ്യേണ്ടത്. സംഗതി നിസ്സാരം. ഇവിടെ മുഖ്യവിഷയം കോഴയും പാലായിലെ മാണിക്യം എന്ന് ചിലർ കൊട്ടിഘോഷിക്കുന്ന കേരള ധനമന്ത്രി കെഎം മാണി, മണി മേടിച്ചു, ഭവനത്തിൽ മണി എണ്ണുന്ന യന്ത്രം ഉണ്ട് എന്നതൊക്കെ ആണല്ലൊ. എന്നാൽ പുള്ളിയാകട്ടെ ഞാൻ ശുദ്ധൻ-പരിശുദ്ധൻ എന്നൊക്കെ പറഞ്ഞ് മറ്റൊരു പുണ്യാളന്റെ മാതിരി അങ്ങ് രൂപക്കൂട്ടിലേക്കു കേറുകയാണ്. വിശുദ്ധരായ അൽഫോൻസാമ്മയുടെയും, കുര്യാക്കോസ് ഏലിയാസച്ചന്റേയും ഏവുപ്രാസി അമ്മയുടേയും പ്രസക്തി തന്നെ പാലായിലെ മാണിക്യം അടിച്ചെടുക്കുമോ എന്നാണ് സംശയം. അങ്ങനെ നമ്മുടെ ചർച്ചാ വിഷയമായ കോഴ അല്ലെങ്കിൽ മണി മേടിക്കാത്തവരായ ധാരാളം പുണ്യജന്മങ്ങൾ അങ്ങ് ഭരണപക്ഷത്തും പ്രതിപക്ഷത്തും ഉണ്ടെന്ന് പറയപ്പെടുന്നു. അഷ്ടിക്കു വകയില്ലാത്ത മുഴുപട്ടിണി പാവങ്ങളായി തീരുമ്പോൾ അവർ അറിയാതെ മണി അല്ലെങ്കിൽ കോഴ വാങ്ങുന്നതിൽ എന്താണ് തെറ്റ് എന്ന് ചിലർ ചോദിക്കുന്നു. അത്തരത്തിലൊരാളായ നമ്മുടെ കുഞ്ഞുമാണിയുടെ പട്ടിണി അകറ്റാനായി ഒരു പട്ടിണി ഫണ്ട് അല്ലെങ്കിൽ ഒരു കോഴ ഫണ്ട് ശേഖരണാർത്ഥം ഫെയിസ് ബുക്കിൽ ആഷിക് അബു എന്നൊരാൾ ഒരു കുറിപ്പ് എഴുതിയതിന്റെ പേരിൽ അഷ്ടിക്ക് വകയില്ലാത്ത മാണിക്കായി കൊച്ചു കൊച്ചു ചില്ലിക്കാശുകൾ ഡ്രാഫ്റ്റ് ആയും മണി ഓർഡറായും പാലായിലേക്കൊഴുകി എത്തിയത്രെ. കൊടുക്കാൻ കാശില്ലാത്ത ചിലർ പള്ളിപ്പെരുന്നാളിലും ഉത്സവപറമ്പിലും പോയി തെണ്ടി കാശ് പിരിച്ച് മാണിയുടെ വിലാസത്തിൽ അയച്ചുവത്രെ. ചിലർ കുട്ടികളെ കൊണ്ട് പഴയമാതിരി തീപ്പെട്ടി അരി ശേഖരണവും നടത്തി. അങ്ങനെ കോഴ ഫണ്ട് ഒരു ഇറച്ചികോഴിയുടെ മാതിരി കൊഴുത്തുകൊഴുത്ത് ചെനക്കി ചെനക്കി പാലായിലെത്തി കൊക്കരക്കൊ കൊക്കരക്കൊ... എന്ന് കൂവി മാണിയുടെ സ്വൈര്യം കെടുത്തിയപ്പോൾ നമ്മുടെ അമേരിക്കൻ മലയാളി സംഘടനാ നേതാക്കളുടെ മനസ്സിൽ ഉദിക്കുന്ന ഒരു പുതുപുത്തൻ ആശയം പോലെ മാണിയുടെ മനസ്സിലും പുത്തൻ ആശയം ഉദിച്ചു.
തന്റെ വിലാസത്തിലെത്തുന്ന ഈ പട്ടിണി ഫണ്ട്, കോഴി അല്ലെങ്കിൽ കോഴാ ഫണ്ട്് വഴിതിരിച്ച് കേരളാ ഗവണ്മെന്റിന്റെ കാരുണ്യാ ഫണ്ടിലേക്ക് അങ്ങ് അയച്ചേക്കാമെന്ന്.. ഇപ്പോ... ഫോമാ... ഫൊക്കാനക്കാർക്ക് പറഞ്ഞു വരുന്ന ആശയം പിടികിട്ടിയൊ. പച്ചക്ക് അങ്ങു പറയാം.. ഫൊക്കാനാ വർഷങ്ങളായി ഭാഷക്ക് ഒരു ഡോളർ എന്ന പേരിലും ഫോമാ ഭാഷക്ക് ഒരു പിടി ഡോളർ എന്ന പേരിലും നമ്മുടെയിടയിൽ കൊച്ചുകാശ് പിരിക്കാറില്ലെ? അത് ഭാഷക്ക് വല്ല ഗുണവും ചെയ്യുന്നുണ്ടോ. അതൊ വെറും ഫോട്ടോ ഓപ്പർച്ചുനിറ്റി പബ്ലിസിറ്റി സ്റ്റണ്ടാണൊ എന്ന കാര്യത്തിൽ പലർക്കും സംശയമുണ്ട്. അതെന്തുമാകട്ടെ... ഇതാണ് ലേഖകൻ നിർദ്ദേശിക്കുന്ന പുതിയ പദ്ധതി. ഫൊക്കാനാ ഉടൻ തന്നെ കോഴക്കൊരു ഡോളർ എന്ന പേരിലും ഫോമാ കോഴക്കൊരു പിടി ഡോളർ എന്ന പേരിലും ഒരു നിത്യസഹായനിധി ആരംഭിക്കണം. പിരിവ് ഉടൻ തുടങ്ങണം. അതിന്റെ ഒറ്റയായും പെട്ടയായുമുള്ള പത്രക്കുറിപ്പുകളും ഫോട്ടോകളും പത്രമാദ്ധ്യമ താളുകളിൽ നിറയുകയും വേണം. അതാണ് പ്രധാനം. എല്ലാം എഴുതാൻ ആളില്ലെങ്കിൽ മണികൊടുത്ത് നാട്ടിൽ നിന്നുള്ള എഴുത്തുകാരേയും റിപ്പോർട്ടറന്മാരേയും ഹയർ ചെയ്യണം. നമ്മുടെ ഇവിടെ വെട്ടിത്തിളങ്ങി നിന്ന് അവാർഡുകൾ വാരിക്കൂട്ടുന്ന ചില സാഹിത്യ ശിരോമണികളോടു ചോദിച്ചാൽ മാത്രം മതി അവർ നാട്ടിലെ ഔട്ട്സോഴ്സിങ് എഴുത്തുകാരെ പറ്റി റിപ്പോർട്ടറന്മാരെ പറ്റി വിവരങ്ങളും റെയിറ്റും പറഞ്ഞു തരും.
പിന്നെ ഈ ശേഖരിക്കുന്ന കോഴക്കൊരു ഡോളർ അല്ലെങ്കിൽ കോഴക്കൊരു പിടി ഡോളർ പാലായിലെ മാണികുഞ്ഞ് ചേട്ടനുമാത്രം കൊടുത്ത് തിരിച്ചുവേദം അല്ലെങ്കിൽ ഡിസ്ക്രിമിനേഷൻ കാണിക്കരുത്. മറിച്ച് നാട്ടിലെ എല്ലാ കോഴ മന്ത്രിമാർക്കും, ഉദ്യോഗസ്ഥർക്കും തുല്യമായി വീതിച്ച് ഗഡുക്കളായി കൊടുക്കണം. അതാണ് ജസ്റ്റിസ് ഫോർ ഓൾ എന്നുപറയുന്നത്. 'ജസ്റ്റിസ് ഫോർ ഓൾ'പ്രസ്ഥാനത്തിന്റെ ഒരു ചെറു പ്രവർത്തകനും അഭ്യുദയകാംക്ഷിയുമായ ഈ ലേഖകനും ചെറുവിരൽ അനക്കി സഹായിക്കാൻ സന്നദ്ധനാണെന്ന വിവരം അറിയിക്കുന്നു. ജീവിക്കാൻ വകയില്ലാത്തതു കൊണ്ടാണല്ലൊ ഇവരെല്ലാം കോഴ മേടിക്കുന്നത്. ഇവിടെ ഡോളറൊക്കെ മരത്തിൽ നിന്ന് കുലുക്കി പറിച്ചെടുക്കുന്ന അമേരിക്കൻ മലയാളി പ്രവാസികൾക്ക് പ്രയാസമില്ലാതെ ഈ കോഴക്കൊരു ഡോളർ പദ്ധതിയിലേക്കൊ, കോഴക്കൊരുപിടി ഡോളർ പ്രസ്ഥാനത്തിലേക്കൊ ഉദാരമായി സംഭാവന ചെയ്യാമല്ലൊ. കോഴി പിടുത്തം ഡോളർ ആയാലും കുഴപ്പമില്ല. പക്ഷെ ഈ മണി എണ്ണുന്ന യന്ത്രമുണ്ടല്ലൊ, അതും വേണം. കേരളത്തിലെ എല്ലാ തെണ്ടികളുടെ ചെറ്റക്കുടിലിലും അല്ലെങ്കിൽ മണിമാളികയിലും ഉണ്ടല്ലൊ ഈ യന്ത്രം. ഈ തെണ്ടി കിട്ടുന്ന നാണയങ്ങളും നോട്ടുകളും അടങ്ങുന്ന മണി യന്ത്രത്തിനല്ലെ എണ്ണി തിട്ടപ്പെടുത്താൻ പറ്റൂ. അല്ലാതെ മാനുവലായി എണ്ണുക ഈ തെണ്ടികൾക്ക് അസാധ്യമാണ്. അല്ലെങ്കിൽ മാസ്റ്റർ കാർഡും വിസാ കാർഡും തെണ്ടികൾ സ്വീകരിക്കണം.
ഫൊക്കാന-ഫോമ തുടങ്ങിയ ആനകൾക്ക്, ആമകൾക്ക്, കോഴക്ക് ഒരു ഡോളർ എന്ന രീതിയിൽ വൻപിരിവു നടത്താം. ഫൊക്കാന തുടങ്ങിയ ആനകൾ വലിയ പിണ്ടമിടുമ്പോൾ കൊച്ചു പിടിയാന സംഘടനകൾ ചെറിയ കാഷ്ടമെങ്കിലും ഇടുന്നത് ഒരു മര്യാദയല്ലെ? ജസ്റ്റീസ് ഫോർ ഓൾ സംഘടനയും കോഴക്കൊരു ഡോളർ എന്നതിനു പകരം കോഴക്കൊരു പെന്നി എന്നെങ്കിലും പറഞ്ഞ് ഉടൻ ഒരു ഫണ്ട് പിരിച്ച് സത്വരമായി ആരംഭിച്ച് പേരെടുക്കണം. പിന്നെ അമേരിക്കയിലെ എല്ലാ പ്രവാസി നാട്ടുകൂട്ടങ്ങളും കോഴക്കൊരു പെന്നി ഫണ്ട് പിരിവ് ഉൽഘാടനം ചെയ്യണം. ഫോമ-ആമ തുടങ്ങിയ മഹാപ്രസ്ഥാനങ്ങൾക്ക് ആമയുടെ മാതിരി നല്ല തൊലിക്കട്ടിയും പ്രതാപവും ഉള്ളതിനാൽ കോഴക്കൊരു പിടി ഡോളർ പദ്ധതി അതിഭയങ്കരവും, പരമ രസകരവുമായ ലാലിസം പരിപാടി വെദിയിൽ അവതരിപ്പിച്ചുകൊണ്ട് ഉൽഘാടനം ചെയ്യാം. ലാലിസമില്ലെങ്കിൽ പിന്നെന്താ ഒരു രസവും, ഇമ്പവും. കമ്മ്യൂണിസവും, സോഷ്യലിസവും, മാർക്സിസവും പഴയ റഷ്യയുടെ പ്രതാപം അവസാനിച്ചതോടെ തകർന്നു എന്നാണല്ലൊ പറയുന്നത്. ഇനി ലാലിസമന്ത്രം മലയാളികൾക്ക് പരീക്ഷിക്കാം. പിന്നെ ബാപ്റ്റിസം, റേസിസം, ലിബറലിസം ഒന്നും അത്ര കണക്കിൽ കൊള്ളിക്കേണ്ട. ഉൽഘാടനത്തിൽ ഒരു കേരളാ സ്റ്റൈൽ കൂട്ടയോട്ടവും വേണം. ഓട്ടത്തിൽ നമ്മുടെ അമേരിക്കൻ മലയാളി നേതാക്കളോടൊപ്പം കേരളത്തിൽ നിന്നെത്തുന്ന രാഷ്ട്രീയ-സിനിമാ-സാഹിത്യ സിലിബ്രിറ്റികൾ മുന്നിൽ നിൽക്കണം. എന്നാൽ മാത്രമെ ഉൽഘാടനത്തിന് ഒരു കുതിപ്പും കിതപ്പും കിട്ടുകയുള്ളൂ. ഓഡിറ്റോറിയത്തിൽ ഓഡിയൻസായി ആരും ഇല്ലേലും സാരമില്ല. അവിടെ മൈക്കിന്റെ പാപ്പാനും ഫോട്ടോ വീഡിയോ പിടുത്തക്കാരും എടുപ്പുകാരും മതി. പക്ഷെ സംഘടനാ സ്ഥാപക നേതാക്കന്മാരടക്കം സകലരും ഭദ്രദീപം കൊളുത്തണം. കൂട്ടത്തിൽ മലയാളമൊ ഇംഗ്ലീഷൊ കൊരച്ച് കൊരച്ച് ഒരു പ്രത്യേക ആക്കസന്റെിൽ പറയുന്ന ഒന്നോ രണ്ടോ ഗ്ലാമർ സുന്ദരി അവതാരികമാരാകാം. അതായത് സ്റ്റേജിൽ അതിഭയങ്കര ക്രൗഡ് ഉണ്ടായിരിക്കണം.
അമേരിക്കയിൽ അധികവും കോഴ വാങ്ങാത്തതിനാലായിരിക്കണം ഇംഗ്ലീഷിൽ 'ഴ'
എന്ന് എഴുതാനോ ഉച്ചരിക്കാനൊ ഒരു പദമില്ലാത്തത്. അവരോട് കോഴ എന്നുച്ചരിക്കാൻ പറഞ്ഞാൽ അവർ പറയും 'കോളാ' ന്ന്. അതുപോലെ വാഴപ്പഴത്തിന് അവർപറയും വാളപ്പളം എന്നും കോഴഞ്ചേരിക്ക് കോളഞ്ചേരി, കോഴിക്ക് കോളി, ബാർകോഴക്ക് ബാർകോള, അല്ലെങ്കിൽ ബാർകോയ, എന്നൊക്കെ അവർ പറയും. ഇവിടെ ജനിക്കുന്ന നമ്മുടെ മലയാളി കുട്ടികൾക്കം ഴ പറയാൻ അറിയില്ല. അവരുടെ നാക്ക് അതിന് വഴങ്ങില്ല. അതിനാൽ അവർ നമ്മളേക്കാൾ 'കോഴ' വാങ്ങാത്തവരും സത്യസന്ധരുമായിരിക്കും.
നെല്ലും പതിരും എന്നാണല്ലൊ. അൽപം പതിരും പറയാം. സത്യത്തിൽ കോഴക്ക് ഒരു ഡോളർ അല്ലെങ്കിൽ കോഴക്ക് ഒരു പിടി ഡോളർ പദ്ധതി കോഴയും കൈക്കൂലിയും വാങ്ങുന്നവർക്കെല്ലാം എതിരായ ഒരു ഗാന്ധിമാർഗ്ഗ സമരമാണ്. ഇടതു കരണത്ത് അടി വരുമ്പോൾ വലതു കരണം കൂടി കാണിച്ചു കൊടുക്കുന്ന ഒരു സമരം. കോഴവാങ്ങുന്നവർക്ക് അൽപ്പം കൂടെ മണി ഉന്തിക്കൊടുക്കുന്ന ഒരു പരിപാടി. കോഴ വാങ്ങുന്നവർ ഇത് കണ്ടും കേട്ടും അനുഭവിച്ചും അവഹേളിതരായി കൈക്കൂലി വാങ്ങലും കോഴ വാങ്ങലും നിർത്തണം. ഇവിടെ മാണി മാത്രമല്ല കുറ്റക്കാർ അല്ലെങ്കിൽ കുറ്റം ആരോപിക്കപ്പെട്ടവർ അതിലും വലിയ കോഴ വാങ്ങിയ കൊലകൊമ്പന്മാർ ഇപ്പോഴും മുമ്പും നമ്മുടെ മന്ത്രിസഭകളിലുണ്ടായിരിക്കാം. എന്നാൽ പിടിക്കപ്പെടുന്നവരാണ് ക്രൂശിക്കപ്പെടുന്നവർ. കക്കാൻ പഠിച്ചാൽ പോരാ നിൽക്കാനും പഠിക്കണം എന്നു പറയാറില്ലെ. പലനാൾ കക്കുന്നവൻ ഒരിക്കൽ പിടിക്കപ്പെടും എന്ന് പറയാറില്ലെ. കാര്യസാധ്യത്തിനായി കോഴയും കൈക്കൂലിയും കൊടുക്കുന്നവരും കുറ്റക്കാരാണ്. കോഴ വാങ്ങി എന്ന പരാതി പറയുന്നവർ അതു ന്യായമായി തെളിയിക്കാനും ബാധ്യസ്ഥരാണ്. എന്നാൽ ന്യായമായ തെളിവുകൾ കൊടുക്കുമ്പോൾ അതു തെളിവല്ലെന്നു പറഞ്ഞ് തടിതപ്പാനൊ അധികാരമുപയോഗിച്ച് അന്വേഷണം അട്ടിമറിക്കാനൊ പരാതിക്കാരെ ഏതെങ്കിലും തരത്തിൽ സ്വാധീനിക്കാനൊ ഭീഷണിപ്പെടുത്താനൊ അല്ല ശ്രമിക്കേണ്ടത്. ചങ്കെടുത്ത് കാണിക്കുമ്പോൾ ചെമ്പരത്തിപൂവാണെന്നു പറയരുത്. കോഴ കൊടുക്കുമ്പോൾ അതിന് ആരും രസീത് വാങ്ങാറില്ല. ഏതു വമ്പനായാലും രാജിവച്ച് അന്വേഷണം നേരിടണം. ഇതിൽ ജാതിമത ചിന്തകൾക്ക് യാതൊരു പ്രസക്തിയുമില്ല. ജസ്റ്റിസ് ഫോർ ഓൾ. അന്തരിച്ച പ്രസിദ്ധ തെന്നിന്ത്യൻ നടൻ മക്കൾ തിലകം എംജിആർ ഒരു സിനിമയിൽ അഭിനയിച്ചു പാടിയ ഒരു തമിഴ് ഗാനം ഓർക്കുകയാണ്. 'ഒരു തവരു ചെയ്താൽ അവൻ ദൈവമാനാലും വിടമാട്ടെ...
കൂട്ടത്തിൽ ഒന്നുകൂടി കുറിക്കട്ടെ. ഇതെല്ലാം നെല്ലും പതിരുമായി എടുക്കണം അത്രമാത്രം.
സമീപകാലത്തെ കേരള രാഷ്ട്രീയ, സാമൂഹ്യ വാർത്തകൾ അമേരിക്കയിലെ പ്രവാസി മലയാളികളേയും അവരുടെ സംഘടനാ പ്രവർത്തനങ്ങളേയും കോർത്തിണക്കിയുള്ള ഒരു നർമ്മ ലേഖനം മാത്രമാണിത്. സാമൂഹ്യ പ്രതിബദ്ധതയോടെ നമ്മൾ എഴുതണ്ടെ? ദീപസ്തംഭം മഹാശ്ചര്യം നമുക്കും കിട്ടണം പണം എന്ന ചൊല്ലിൽ എപ്പോഴും എഴുതാൻ പറ്റുമോ? നർമ്മ രൂപത്തിലെങ്കിലും രാജാവ് നഗ്നനാണെന്ന് പറയണ്ടെ? പ്രത്യേകിച്ച് നാട്ടിൽ നടമാടുന്ന അസംബന്ധങ്ങൾ എഴുതാൻ...പ്രസിദ്ധീകരിക്കാൻ യുഎസിൽ ജീവിക്കുന്ന മലയാളി എഴുത്തുകാർ ഇത്ര ഭയപ്പെടണൊ? ഇവിടെ യുഎസിൽ നമുക്ക് കുറച്ച് നീതിയും യുഎസ് വ്യവസ്ഥിതിയും സുരക്ഷിതത്വവുമുണ്ടല്ലൊ? നാട്ടിലെ ഗുണ്ടകൾ ഏതായാലും ഇവിടെ വന്ന് നമ്മളെ അടിക്കുകയില്ല. പിന്നെ നാട്ടിൽ പോകുന്നകാലംവരെ അവരങ്ങനെ നമ്മളെ അടിക്കാൻ നോക്കി ഇരിക്കുമോ?
ഇനിയും ഒത്തിരി പോയിന്റുണ്ടായിരുന്നു എഴുതാൻ. 'എഴുതുന്തോറും വളരും വളരുന്തോറും എഴുതും' എന്നാണല്ലൊ മാണിസൂക്ത്തം. പക്ഷെ എന്തു ചെയ്യാനാണ് കോഴകളുടെ കഥകേട്ട് ആകപ്പാടെ ഒരു തലകറക്കം. അതിനാൽ ഇവിടെ തൽക്കാലം നിർത്തുന്നു. എന്തിനധികം മൊഴിമൂത്തൂകൾ... മിഴിനീർ... കോഴയാണെങ്ങൂം..... കേഴുക..... പ്രീയനാടെ......
- TODAY
- LAST WEEK
- LAST MONTH
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- കള്ളനോട്ട് അച്ചടിച്ചത് എടിഎമ്മിലൂടെ മാറ്റിയെടുക്കാൻ; നിക്ഷേപിച്ച നോട്ടുകൾ മിഷിനുള്ളിലേക്ക് പോയപ്പോൾ അവർ തുള്ളിച്ചാടി; അമ്മയുടെ അക്കൗണ്ടിൽ പണം കാണിക്കാതെ വന്നപ്പോൾ ആശങ്കയും; പിന്നാലെ പൊലീസ് എത്തി ആ വിരുതന്മാരെ പൊക്കി; ആര്യാനാട്ടെ അറസ്റ്റിൽ തെളിയുന്നത് എടിഎമ്മിന്റെ മികവ്
- രാത്രിയിൽ മഠത്തിൽ വരവ് പഞ്ചവാദ്യം നടക്കുന്നതിനിടെ നടുവിലാൽ ഭാഗത്തു പൊലീസ് ബാരിക്കേഡ് വച്ച് എഴുന്നള്ളിപ്പ് തടഞ്ഞത് പ്രകോപനമായി; നടുവിലാലിലെ പൂരപ്പന്തലിന്റെ ലൈറ്റ് അണച്ചു തിരുവമ്പാടി ദേവസ്വം; ഇരുട്ടിന്റെ ഭംഗിയിൽ ഇത്തവണ പൂര വെടിക്കെട്ട് നടന്നില്ല; തൃശൂരിൽ നാടകീയതകൾ; പൂരത്തിലുണ്ടായത് ചരിത്രത്തിലെ ആദ്യ സംഭവം
- തൃശൂർ പൂരപ്രേമികൾക്ക് വേദനയുടേയും നിരാശയുടേയും വെടിക്കെട്ട്; ഏഴരയോടെ പാറമേക്കാവ് തിരി കൊളുത്തി; എട്ടു മണിയോടെ തിരുവമ്പാടിയുടെ വെടിക്കെട്ടിനും അവസാനം; പൂര പറമ്പിൽ പൊലീസ് രാജെന്ന് ദേശക്കാർ; രാത്രിയിലെ ആകാശ വിസ്മയം ഇത്തവണ നടന്നില്ല; തൃശൂർ പൂരത്തിൽ ഉണ്ടായതെല്ലാം സമാനതകളില്ലാത്ത വിവാദങ്ങൾ
- പാസ് നൽകിയ പൊലീസ് തന്നെ പ്രവേശനം നിഷേധിച്ചു; പാറമേക്കാവിലെ തിടമ്പേറ്റിയ ആനയ്ക്ക് വെള്ളം കൊടുക്കാൻ ശ്രമിച്ച പൂജാരിയേയും തടഞ്ഞു; പൂര എഴുന്നള്ളിപ്പിലേക്ക് വാഹനങ്ങളും എത്തി; പൂരത്തിന്റെ സൗഹൃദാന്തരീക്ഷത്തിന് കോട്ടം വരുത്തിയത് പൊലീസോ? നടുവിലാലിലെ ബാരിക്കേഡിൽ പ്രശ്നത്തുടക്കം
- വെടിക്കെട്ട് കമ്മറ്റിക്കാരെ പോലും മൈതാനത്ത് അനുവദിക്കാത്ത കമ്മീഷണർ; തിരുവമ്പാടിയുടെ പ്രതിഷേധത്തിന് പിന്നാലെ ദേശക്കാരും കമ്മീഷണറും തമ്മിൽ തർക്കം; നായ്ക്കനാലിൽ ലാത്തി വീശൽ; പൊലീസിനെതിരെ ഗോ ബാക്ക് വിളികൾ; രാത്രിയിലെ പൂരക്കാഴ്ചകൾ വഴിതെറ്റിയ 2024; മഠത്തിൽ വരവ് നിർത്തിയത് സർക്കാരിനും തിരിച്ചടി
- കരുവന്നൂരിൽ നിക്ഷേപകർക്ക് പണം തിരികെ നൽകാൻ എങ്ങനെ ഇടപെടാനാകുമെന്ന് താൻ നിയമോപദേശം തേടിയിട്ടുണ്ടെന്ന് പ്രധാനമന്ത്രി; തൃശൂർ വിജയത്തിന് 'കരുവന്നൂർ ഫോർമുല'; രാഹുലിനെ കടന്നാക്രമിക്കാൻ വയനാട്ടിലേക്കുള്ള ഒളിച്ചോട്ടം; കേരളത്തിൽ അക്കൗണ്ട് തുറക്കാൻ അജണ്ട സെറ്റ് ചെയ്ത് മോദി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- തനിക്കു വന്ന അതേ അസുഖം തന്നെയാണ് കലാഭവൻ മണിക്കും വന്നത്; അസുഖമുണ്ട് എന്ന് അംഗീകരിക്കാൻ മണി തയാറായിരുന്നില്ല; സിനിമയിൽ നിന്ന് പുറത്താകുമോ എന്നു ഭയന്നു: സലിം കുമാർ പറയുന്നു
- രാത്രി വെടിക്കെട്ട് വേണ്ടെന്ന് വച്ചത് വേദനയിലാക്കിയത് പൂര പ്രേമികളെ; പൂരത്തിൽ അസാധാരണമാം വിധം പ്രതിസന്ധിയുണ്ടാക്കിയത് പൊലീസെന്ന് തിരുമ്പാടി ദേവസ്വം; അലങ്കാര പന്തലിലെ വെളിച്ചം തിരിച്ചെത്തിയിട്ടും ദേശക്കാർക്ക് ആവേശമില്ല; പൂരത്തിലെ 'രാത്രി വിസ്മയം' അട്ടിമറിച്ചത് പൊലീസോ?
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്