• ഹോം
• ധനം
• ബാങ്കിങ്

ന്യൂഡൽഹി : രാജ്യത്തെ പൊതു മേഖലാ ബാങ്കുകളുടെ നഷ്ടം പരിഹരിക്കാൻ പുതിയ നടപടി. വിദേശത്തുള്ള എഴുപതോളം ശാഖകളാണ് ഇതിന്റെ ഭാഗമായി പ്രവർത്തനം അവസാനിപ്പിക്കുന്നത്. ചിലത് ലയിപ്പിക്കാനും നീക്കമുണ്ട്. ലാഭകരമല്ലാത്ത ശാഖകളും ഒരേസ്ഥലത്ത് ഒന്നിലധികമുള്ള ശാഖകളുമാണ് പൂട്ടുന്നത്. ഇവയിൽ ചിലത് ലയിപ്പിക്കാനും നീക്കമുണ്ട്. ഇത്തരത്തിലുള്ള നടപടിയിലൂടെ പരമാവധി നഷ്ടം കുറയ്ക്കാനുള്ള ശ്രമത്തിലാണ് സർക്കാർ.

വിദേശരാജ്യങ്ങളിൽ ഇന്ത്യയിലെ പൊതു മേഖലാ ബാങ്കുകൾക്ക് 165 ശാഖകളാണുള്ളത്. ഇവയിൽ 41 എണ്ണം 2016-17ൽ നഷ്ടത്തിലായിരുന്നു. എസ്‌ബിഐക്കാണ് ഏറ്റവും അധികം ശാഖകളുള്ളത് - 52. ബാങ്ക് ഓഫ് ബറോഡയ്ക്ക് 50 ശാഖകളുണ്ട്. പഞ്ചാബ് നാഷണൽ ബാങ്കിന്റെ ജാമ്യപത്രങ്ങൾ ഉപയോഗിച്ചു വിദേശത്തെ ഇന്ത്യൻ ബാങ്ക് ശാഖകളിൽനിന്നു വൻതുക വായ്പയെടുത്തു തട്ടിപ്പു നടത്തിയ സംഭവങ്ങൾ പുറത്തുവന്നതോടെയാണു പുനർവിന്യാസ നടപടി സർക്കാർ നിർദേശിച്ചത്.