Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday
ഹോം കൂടുതൽ വിട

സൗദിയിലെ ഹോട്ടൽ മാനേജ്‌മെന്റ് ജോലിയിൽ നിന്നും ലീവിനെത്തിയത് ഒരു മാസം മുൻപ്; നാട്ടിലെത്തിയത് മുതൽ എല്ലാവരുടേയും ആവശ്യങ്ങൾക്ക് ഓടി നടന്നു; മന്ദിരംപടി വളവിലെ അപകടത്തിൽ കാർ ബൈക്കിലിടിച്ച് യുവാവിന് ദാരുണാന്ത്യം; അപകടം സംഭവിച്ചത് മുക്കൂട്ടുത്തറയിൽ നിന്നും ഇടകടിത്തിയിലേക്കുള്ള യാത്രയിൽ; സബിൻ വർഗ്ഗീസിന്റെ മരണം സഹിക്കാനാകാതെ നാട്ടുകാരും ബന്ധുക്കളും

September 22, 201805:16 PM IST Permalink
സൗദിയിലെ ഹോട്ടൽ മാനേജ്‌മെന്റ് ജോലിയിൽ നിന്നും ലീവിനെത്തിയത് ഒരു മാസം മുൻപ്; നാട്ടിലെത്തിയത് മുതൽ എല്ലാവരുടേയും ആവശ്യങ്ങൾക്ക് ഓടി നടന്നു; മന്ദിരംപടി വളവിലെ അപകടത്തിൽ കാർ ബൈക്കിലിടിച്ച് യുവാവിന് ദാരുണാന്ത്യം; അപകടം സംഭവിച്ചത് മുക്കൂട്ടുത്തറയിൽ നിന്നും ഇടകടിത്തിയിലേക്കുള്ള യാത്രയിൽ; സബിൻ വർഗ്ഗീസിന്റെ മരണം സഹിക്കാനാകാതെ നാട്ടുകാരും ബന്ധുക്കളും

മറുനാടൻ മലയാളി ബ്യൂറോ

കോട്ടയം: ഗൾഫിൽ നിന്ന് നാട്ടിൽ ലീവിനെത്തിയ യുവാവിന്റെ അപകട മരണത്തിൽ ഞെട്ടി നാട്ടുകാർ. എരുമേലി ഉമ്മിക്കൊപ്പ സ്വദേശി സബിൻ വർഗ്ഗീസാണ് (29 വയസ്സ്) കാറും ബൈക്കും കൂട്ടിയിടിച്ച് അപകടത്തിൽ മരിച്ചത്. ഇന്ന് ഉച്ചയ്ക്ക് ശേഷമാണ് സംഭവം നടന്നത്. വീട്ടിൽ നിന്നും മുക്കൂട്ടുത്തറയിലേക്ക് പോകുന്നതിനിടയിലാണ് സബിന് അപകടം സംഭവിച്ചത്. എതിരെ വന്ന കാർ സബിനെ ഇടിച്ച് തെറിപ്പിക്കുകയായിരുന്നു. ഹോട്ടൽ മാനേജ്‌മെന്റ് പഠനത്തിന് ശേഷം വിദേശത്ത് ജോലി ചെയ്തിരുന്ന യുവാവ് ഒരു മാസം മുൻപാണ് ലീവിന് നാട്ടിൽ വന്നത്.

സുഹൃത്തുക്കളും ബന്ധുക്കളും അപകട വാർത്തയറിഞ്ഞതിന്റെ ഞെട്ടലിലാണ്. എല്ലാവരോടും കളിച്ച് ചിരിച്ച് നടക്കുന്ന യുവാവ് ലീവിന് എത്തിയത് മുതൽ സുഹൃത്തുക്കൾക്കും ബന്ധുക്കൾക്കും ആഘോഷമാണ്. സൗദിയിലെ സാൻഡ്‌സ് എന്ന ഹോട്ടലിലാണ് യുവാവ് ജോലി ചെയ്തിരുന്നത്. മൂന്നാറിൽ ഹോട്ടൽ മാനേജ്‌മെന്റ് പഠനം പൂർത്തിയാക്കിയതിന് പിന്നാലെയാണ് സബിൻ വിദേശത്തേക്ക് പോയത്. ഉമ്മിക്കൊപ്പ സ്വദേശികളായ സാബം മോളി ദമ്പതികളുടെ ഇളയ മകനാണ് സബിൻ.സഹോദരി സൗമ്യ നഴ്‌സാണ്.

മുക്കൂട്ടുതറയിലേക്കുള്ള യാത്രയ്ക്കിടയിലാണ് അപകടമുണ്ടായത്. മുക്കൂട്ടുത്തറ ഇടകടത്തിറോഡിലെ മന്ദിരംപടി വളവിൽ വച്ചാണ് അപകടം സംഭവിച്ചത്. ഈ പ്രദേശം കൊടും വളവാണെന്നും ഇവിടെ അപകടങ്ങൾ സ്ഥിരം സംഭവമാണെന്നുമാണ് നാട്ടുകാർ പറയുന്നചത്. സബിനെ ഇടിച്ചിട്ട വാഹനത്തെ ക്കുറിച്ച് വിവരമൊന്നും ലഭിച്ചില്ല. ഇത് ഈ പ്രദേശത്തുള്ള വണ്ടിയാണോ എന്ന് ഉറപ്പില്ലെന്നും നാട്ടുകാർ പറയുന്നു. സംഭവസ്ഥലത്ത് നിന്നും സബിനെ ആശുപത്രിയിലെത്തിച്ചെങ്കിലും രക്ഷിക്കാൻ കഴിഞ്ഞില്ല.നാട്ടിലെത്തിയത് മുതൽ സുഹൃത്തുക്കൾക്കും ബന്ധുക്കൾക്കും എന്ത് ആവശ്യത്തിനും ഓടി നടക്കുന്ന വ്യക്തിയാണ് സബിൻ.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP