ടോങ്കോ അഗ്നിപർവതം പുകയുന്നു; വിമാനസർവീസുകളെ ബാധിക്കുമെന്ന് മുന്നറിയിപ്പ്...

ടോങ്കോ അഗ്നിപർവതം പുകയുന്നു; വിമാനസർവീസുകളെ ബാധിക്കുമെന്ന് മുന്നറിയിപ്പ്

January 15, 201501:47 PM IST Permalink

ഓക്ക്‌ലാൻഡ്: ടോങ്കോ ഐലൻഡിൽ പുകഞ്ഞുകൊണ്ടിരിക്കുന്ന അഗ്നിപർവതം വിമാനസർവീസുകളെ ബാധിക്കുമെന്ന് മുന്നറിയിപ്പ്. ഏതാനും ദിവസങ്ങളായി ടോങ്കോ ഐലൻഡിലെ അഗ്നിപർവതം പുകയാൻ തുടങ്ങിയിട്ട്. തലസ്ഥാനമായ നുകുവലോഫയിൽ നിന്ന് 70 കിലോമീറ്റർ ദൂരെയാണ് അഗ്നിപർവതം സ്ഥിതി ചെയ്യുന്നത്.

മുമ്പ് 2009-ലാണ് ഈ അഗ്നിപർവതം പൊട്ടിയിരുന്നത്. നിലവിൽ രൂപപ്പെട്ടിരിക്കുന്ന സുഷിരം 400 മുതൽ 500 മീറ്റർ വരെ വ്യാപ്തിയുള്ളതാണെന്നും 90 മീറ്റർ ആഴത്തിൽ ഉള്ളതാണെന്നും മിനിസ്ട്രി ഓഫ് ലാൻഡ്‌സ് ആൻഡ് നാച്ചുറൽ റിസോഴ്‌സസ് ഡെപ്യൂട്ടി സെക്രട്ടറി ടാനിയേല ക്യൂല വ്യക്തമാക്കി. ഓരോ അഞ്ചു മിനിട്ടിലും പൊട്ടിക്കൊണ്ടിരിക്കുന്ന അഗ്നിപർവതത്തിൽ നിന്ന് 500 മീറ്ററോളം ഉയരത്തിൽ ചാരം പൊങ്ങുന്നുമുണ്ട്.

അഗ്നിപർവത്തിൽ നിന്നുള്ള വസ്തുക്കൾ ചേർന്ന് ഒരു കിലോമീറ്ററോളം വ്യാപ്തിയിൽ മറ്റൊരു ഐലൻഡ് രൂപീകൃതമായിട്ടുണ്ടെന്നും ക്യൂല വ്യക്തമാക്കുന്നു. ടോങ്കോയിലേക്കുള്ള എയർ ന്യൂസിലാൻഡിന്റെ സർവീസിനെ പ്രതികൂലമായി ബാധിക്കുന്ന തരത്തിലാണ് അഗ്നിപർവതം പുകഞ്ഞുകൊണ്ടിരിക്കുന്നത്. അതുകൊണ്ടു തന്നെ വിദഗ്ദ്ധർ ദിവസങ്ങളായി അഗ്നിപർവതത്തെ നിരീക്ഷിച്ചുകൊണ്ടിരിക്കുകയാണ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: