എല്ലാവരും കിടന്നുറങ്ങിയത് ഒരു മുറിയിൽ; രാത്രിയിലെ മുട്ടി വിളിച്ചത് കേട്ട് വാതിൽ തുറന്...

എല്ലാവരും കിടന്നുറങ്ങിയത് ഒരു മുറിയിൽ; രാത്രിയിലെ മുട്ടി വിളിച്ചത് കേട്ട് വാതിൽ തുറന്നപ്പോൾ ഇരച്ചു കയറിയെത്തി മിഥുൻ ആദ്യം പെട്രോളൊഴിച്ചത് അമ്മയുടെ ദേഹത്ത്; ഇളയ കുട്ടിയേയും കൂട്ടി ഇറങ്ങി ഓടിയ മോളി തിരിഞ്ഞു നോക്കിയപ്പോൾ കണ്ടത് തീഗോളമായി നിൽക്കുന്ന മൂത്തമകളെ; തുടക്കത്തിൽ മിഥുനും ദേവികയും തമ്മിലുണ്ടായിരുന്നത് ബന്ധു എന്നതിന് അപ്പുറമുള്ള അടുപ്പം; മയക്കുമരുന്നിന് അടിമയെന്ന് അറിഞ്ഞ് ഒഴിവാക്കാൻ തുടങ്ങിയത് പ്രതികാരാഗ്നിയായി; ബൈക്കിൽ മിഥുൻ എത്തിയത് കുടുംബത്തെ മുഴുവൻ ഇല്ലാതാക്കാൻ

October 10, 201912:12 PM IST Permalink

പ്രകാശ് ചന്ദ്രശേഖർ

കൊച്ചി: തങ്ങളുടെ പ്രിയപ്പെട്ടവളായിരുന്ന പാറുവിന് നേരിട്ട ദുർവ്വിധി ഉൾക്കൊള്ളാനാവാതെ അയൽവാസികൾ. അവർക്കെല്ലാം കുടംബത്തിലെ ഒരംഗമായിരുന്നു പാറു.ചിരിച്ച മുഖത്തോടെയും അടക്കവും ഒതുക്കവുള്ള പെരുമാറ്റവും സംസാര ശൈലികൊണ്ടും അവൾ അവരുടെ മനസ്സിൽ ചെറുതല്ലാത്ത ഇടം സ്വന്തമാക്കിയിരുന്നു. പഠിപ്പിൽ മികവുപുലർത്തിയിരുന്നതിനാൽ അമ്മ മോളി വീടിനടുത്തുതന്നെ മകൾക്ക് ട്യൂഷനും ഏർപ്പാടാക്കിയിരുന്നു. ഇവിടെ എത്തി ഇന്നലെ പകൽ മിഥുൻ ദേവികയെ കണ്ടിരുന്നെന്നാണ് ഒടുവിൽ പുറത്തുവന്നിട്ടുള്ള വിവരം.

ഇവിടെ വച്ച് കണ്ട് സംസാരിച്ചപ്പോൾ ദേവിക മിഥുനെ നിരാശപ്പെടുത്തുന്ന തരത്തിൽ എന്തെങ്കിലും പറഞ്ഞിട്ടുണ്ടാവാമെന്നും ഇതിനെത്തുടർന്നുള്ള വൈരാഗ്യമായിരിക്കാം കുടംബത്തിലെ എല്ലാവരെയും ഒരുമിച്ച് കൊലപ്പെടുത്താൻ ലക്ഷ്യമിട്ട് പെട്രോളുമായി മിഥുൻ എത്തിയതെന്നുമാണ് പൊലീസിന്റെ പ്രാഥമീക നിഗമനം. മിഥുനും ദേവികയും തമ്മിൽ ബന്ധുക്കൾ എന്നതിനപ്പുറമുള്ള അടുപ്പം വളർന്നിരുന്നെന്നും ഇയാൾ മയക്കുമരുന്നിന് അടിമയാണെന്നറിഞ്ഞതോടെ ദേവിക കണ്ടുമുട്ടലും സംസാരവും പരമാവധി ഒഴിവാക്കാൻ ശ്രമിച്ചിരുന്നു.

ദേവികയുടെ അവഗണന മനസ്സിലാക്കിയ മിഥുൻ ഭീഷിണിപ്പെടുത്തിയും പുറകെ നടന്നും തന്റെ ഉള്ളിലിരിപ്പ് നടപ്പിലാക്കാൻ ശ്രമിച്ചു. ശല്യം സഹിക്കാൻ കഴിയാതെ വന്നതോടെ വിവരം വീട്ടുകാരെ അറിക്കുകയും പിതാവ് ഇൻഫോപാർക്ക് പൊലീസിൽ പാരാതി നൽകുകയും ചെയ്തിരുന്നു. ഈ പരാതിയിൽ പൊലീസ് ഇരുവീട്ടുകാരെയും വിളിച്ച് സംസാരിക്കുകയും മേലിൽ ദേവികയെ കാണാനും ശല്യം ചെയ്യാനും ശ്രമിക്കരുതെന്ന് നിർദ്ദേശിച്ച് മിഥുനെ പറഞ്ഞയയ്ക്കുകയുമായിരുന്നു.

ഇതിന് പിന്നാലെയാണ് ഇന്നലെ ഇയാൾ ട്യൂഷൻ വീട്ടിലെത്തി മിഥുൻ ദേവികയെ കണ്ടത്.മയക്കുമരുന്ന് ലഹരി വസ്തുക്കൾ ഉപയോഗിച്ച ശേഷമായിരിക്കാം മിഥുൻ ഈ ക്രൂരകൃത്യത്തിന് ഒരുമ്പെട്ടതെന്ന സംശയവും ബലപ്പെട്ടിട്ടുണ്ട്. പെൺകുട്ടി നിന്നു കത്തുകയായിരുന്നു. ഇത് കണ്ട് ഒരാൾ വെള്ളം ഒഴിച്ചു. പിന്നാലെ പെൺകുട്ടി മറിഞ്ഞുവീഴുകയും അനക്കം നിലയ്ക്കുകയും ആയിരുന്നു. മരണം അവിടെ വച്ചു തന്നെ സംഭവിച്ചു. ഇതിനിടയിൽ നിലത്തുകിടന്ന പയ്യൻ അനങ്ങുന്നുണ്ടായിരുന്നെന്നും ഉടൻ ആമ്പുലൻസിൽ ഇരുവരെയും ആശുപത്രിയിൽ ആക്കുകയായിരുന്നെന്നും സംഭവം നടന്ന പാറുവിന്റെ വീട്ടിൽ ആദ്യം ഒടിയെത്തിയവരിൽ ഓരാളായ അയൽവാസി റഹ്മത്ത് വെളിപ്പെടുത്തി.

അമ്മ മോളി വീടിന് സമീപം നിലത്തുകിടന്ന് കരയുകയായിരുന്നെന്നും താൻ ചെന്ന് അവരെ പിടിച്ചെഴുന്നേൽപ്പിച്ചെന്നും ഈയവസരത്തിൽ തന്റെ ദേഹത്തും പെട്രോളായിരുന്നെന്നും ഇവർ കൂട്ടിച്ചേർത്തു. വീട്ടിൽ എല്ലാവരും ഒരു മുറിയിലാണ് ഉറങ്ങിയിരുന്നതെന്നാണ് അയൽവാസികൾക്ക് മനസ്സിലായിട്ടുള്ളത്. മിഥുൻ കതകിൽ മുട്ടിവിളിച്ചപ്പോൾ മുതിർന്നവരെല്ലാം ഉണർന്നിരുന്നു. ദേഹത്ത് പെട്രോൾ ഒഴിച്ച ശേഷമാണ് മിഥുൻ വീട്ടിലെത്തിയതെന്ന് ദേവികയുടെ അമ്മ വെളിപ്പെടുത്തിയിട്ടുണ്ട്. വാതിൽ തുറന്ന പാടെ മിഥുൻ ബലം പ്രയോഗിച്ച് അകത്തുകടക്കുകയും മോളിയുടെ മേൽ കുപ്പിയിൽ കരുതിയിരുന്ന പെട്രോൾ ഊറ്റുകയുമായിരുന്നു. തുടർന്ന് ദേവികയുടെ ദേഹത്തേയ്ക്കും പെട്രോൾ ഒഴിച്ചു.

അപകടം മനസ്സിലാക്കി മോളി ഇളയ കുട്ടിയെ എടുത്ത് പുറത്തേയ്ക്കോടി. പിന്നിൽ ദേവികയുണ്ടാവുമെന്നായിരുന്നു തന്റെ ധാരണയെന്നും തിരിഞ്ഞുനോക്കിയപ്പോൾ മകൾ നിന്ന് കത്തുന്നതാണ് കണ്ടെതെന്നുമാണ് മോളി അടുപ്പക്കാരോട് പങ്കിട്ട വിവരം. ദേവികയെ തടഞ്ഞുനിർത്തി മിഥുൻ തീകൊളുത്തുകയായിരുന്നിരിക്കാം എന്നാണ് ഇപ്പോൾ സംശയമുയർന്നിട്ടുള്ളത്. ദേവിക കത്തി നിലത്തുവീണതിന് പിന്നാലെ തീഗോളമായി മാറിയിരുന്ന മിഥുൻ മുറിക്ക് പുറത്തേയ്ക്കിറങ്ങാൻ ശ്രമിച്ചിരുന്നെന്നും ഇതിനിടയിൽ നിലത്തുവീണെന്നും വീണ്ടും ഇഴഞ്ഞ് വാതിൽപ്പടി കടക്കാൻ ശ്രമിച്ചെന്നുമാണ് സംഭവസ്ഥലത്തെത്തിയ അയൽവാസികൾ പുറത്തുവിട്ട വിവരം. ഇതിനിടെയാണ് ദേവികയുടെ അച്ഛന് പരിക്കേറ്റത്.

വിവരമറിഞ്ഞ്് വൻജനക്കൂട്ടം രാവിലെ സംഭവം നടന്ന വീട്ടിലേയ്ക്കെത്തിയിരുന്നു.ഇതിനകം തന്നെ പൊലീസ് വീടീന് സംരക്ഷണം ഏർപ്പെടുത്തിയിരുന്നു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

പ്രകാശ് ചന്ദ്രശേഖർ

Stories you may Like

Readers Comments+

More News in this category+

MNM Recommends +

മോദി തരംഗമുണ്ടെന്ന മിഥ്യാധാരണയിൽ വെറുതെയിരിക്കരുത്; അണികൾക്ക് നിർദേശവുമായി ബിജെപി സ്ഥാനാർത്ഥി