1 usd = 71.33 inr 1 gbp = 93.25 inr 1 eur = 78.64 inr 1 aed = 19.42 inr 1 sar = 19.01 inr 1 kwd = 234.72 inr

Jan / 2020
27
Monday

ഹുണ്ടായി കാർ വാങ്ങുന്നതിന് മുമ്പ് അതേ മോഡലിന് രണ്ട് ക്വട്ടേഷനുകൾ വെറുതെ വാങ്ങി; മനസ്സിലായത് ഇൻഷുറൻസിലെ 10000 രൂപയുടെ ചതി; ചൂണ്ടിക്കാട്ടിയപ്പോൾ ചതിയൊരുക്കാനായി പാസ്പോർട്ട് കെണിയിൽ വീഴ്‌ത്തി ഷോറുമും; വാദിക്കാനെത്തിയ വക്കീൽ സഹസ്രനാമത്തിന് ഓഫർ ചെയ്തത് ഫ്രീ ഹുണ്ടായി കാർ; കാൽമുട്ട് തല്ലിയൊടിക്കുമെന്ന ഭീഷണിയിലും തളർന്നില്ല; കെടിസി ഗ്രൂപ്പിനെ ചാർട്ടേഡ് എഞ്ചിനിയർ പാഠം പഠിപ്പിച്ചത് വെല്ലുവിളികൾ അതിജീവിച്ച്; മാതൃഭൂമി മുതലാളിയെ മുട്ടുമടക്കിച്ച അരുൺകുമാറിന്റെ പോരാട്ടകഥ

May 20, 2019 | 11:39 AM IST | Permalink



ഹുണ്ടായി കാർ വാങ്ങുന്നതിന് മുമ്പ് അതേ മോഡലിന് രണ്ട് ക്വട്ടേഷനുകൾ വെറുതെ വാങ്ങി; മനസ്സിലായത് ഇൻഷുറൻസിലെ 10000 രൂപയുടെ ചതി; ചൂണ്ടിക്കാട്ടിയപ്പോൾ ചതിയൊരുക്കാനായി പാസ്പോർട്ട് കെണിയിൽ വീഴ്‌ത്തി ഷോറുമും; വാദിക്കാനെത്തിയ വക്കീൽ സഹസ്രനാമത്തിന് ഓഫർ ചെയ്തത് ഫ്രീ ഹുണ്ടായി കാർ; കാൽമുട്ട് തല്ലിയൊടിക്കുമെന്ന ഭീഷണിയിലും തളർന്നില്ല; കെടിസി ഗ്രൂപ്പിനെ ചാർട്ടേഡ് എഞ്ചിനിയർ പാഠം പഠിപ്പിച്ചത് വെല്ലുവിളികൾ അതിജീവിച്ച്; മാതൃഭൂമി മുതലാളിയെ മുട്ടുമടക്കിച്ച അരുൺകുമാറിന്റെ പോരാട്ടകഥ

എം മനോജ് കുമാർ

കോഴിക്കോട്: കൊച്ചി പിവിസി ആശുപത്രിയിൽ ജീവനക്കാരെ പുകച്ചു പുറത്തു ചാടിക്കാനും ആശുപത്രി കൈമാറാനുമുള്ള ശ്രമങ്ങളിൽ കുടുങ്ങി മാതൃഭൂമിയുടെ മുതലാളിമാരിൽ ഒരാളായ പി.വി.ചന്ദ്രൻ വിവാദങ്ങളിൽ കുരുങ്ങി നിൽക്കെ ഇതേ മുതലാളിയുടെ കെടിസി ഗ്രൂപ്പിന്നെതിരെ നടത്തിയ ധീരമായ പോരാട്ടങ്ങളുടെ വിജയകഥയുമായി കോഴിക്കോട് നിന്നുള്ള ചാർട്ടേഡ് എഞ്ചിനിയർ അരുൺകുമാർ. ഇൻഷൂറൻസ് ഇനത്തിൽ അധികമായി ഈടാക്കിയ പതിനായിരം രൂപയിൽ താഴെയുള്ള തുകയുടെ പേരിൽ കെടിസി ഗ്രൂപ്പും അരുൺകുമാറും തമ്മിൽ ഏറ്റുമുട്ടിയപ്പോൾ നഷ്ടം കെടിസി ഗ്രൂപ്പിനായിരുന്നു.

വർഷങ്ങൾ നീണ്ട പോരാട്ടത്തിൽ വിവിധ ജില്ലകളിലെ കെടിസി ഗ്രൂപ്പിന്റെ കാർ ഡീലർഷിപ്പ് അടച്ചുപൂട്ടാനും അതിജീവന യുദ്ധം വഴി അരുൺകുമാറിന് കഴിഞ്ഞു. കെടിസിയുടെ ഡീലർ ഷിപ്പിനെ കുറിച്ചുള്ള എഴുപതോളം പരാതികൾ കൊറിയയിലെ ഹ്യുണ്ടായി കമ്പനി സിഇയ്ക്ക് അയച്ചു കൊടുത്താണ് കെടിസിയുടെ ഹ്യുണ്ടായി കച്ചവടം അരുൺ കുമാർ പൂട്ടിച്ചത്. അരുൺ കുമാർ കെടിസിയ്‌ക്കെതിരെ നടത്തിയ നിയമപോരാട്ടങ്ങളിൽ മിക്കതിനും വിജയം അരുൺകുമാറിനൊപ്പം നിൽക്കുകയും ചെയ്തു.

ദാവൂദും ഗോലിയാത്തും തമ്മിലുള്ള യുദ്ധമാണ് അരുൺകുമാറും കെടിസിയും തമ്മിലുള്ള യുദ്ധം ഓർമ്മപ്പെടുത്തുന്നത്. അന്തിമ വിജയം കവണ ഉപയോഗിച്ച ദാവൂദിന് തന്നെയായിരിക്കെ ഈ യുദ്ധത്തിലും അടിപതറിയത് ഗോലിയാത്തിനെ പോലെ നിലയുറപ്പിച്ച കെടിസി ഗ്രൂപ്പിനായിരുന്നു. വിവിധ വിഷയങ്ങളിൽ വ്യത്യസ്ത കേസുകൾ. സിജെഎം കോടതി മുതൽ ഹൈക്കോടതി വരെ. ഒടുവിൽ കൺസ്യുമർ കോടതിയിലും വിജയം. കോഴിക്കോടുള്ള കെടിസി ഹ്യുണ്ടായി ഷോ റൂമിൽ നിന്ന് കാർ വാങ്ങിയപ്പോൾ ഇൻഷൂറൻസ് തുകയിൽ കെടിസി നടത്തിയ വെട്ടിപ്പ് അരുൺകുമാർ കണ്ടുപിടിക്കുന്നതോടെയാണ് കെടിസി ഗ്രൂപ്പും അരുൺകുമാറും തമ്മിലുള്ള യുദ്ധം ആരംഭിക്കുന്നത്. ഈ യുദ്ധം ഒടുവിൽ കെടിസിയുടെ വിവിധ ജില്ലകളിലെ ഹ്യുണ്ടായി ഷോറൂമുകൾ അടച്ചു പൂട്ടുന്നതിലും കെടിസി ഗ്രൂപ്പിന് നിയമ പോരാട്ടങ്ങളിൽ മുഖമടച്ചുള്ള പ്രഹരത്തിനും കോഴിക്കോട് കെടിസി ഹ്യുണ്ടായി ഷോറൂം ഇടിച്ചു പൊളിക്കേണ്ടി വരുന്ന അവസ്ഥയ്ക്കുമാണ് വഴി വെച്ചത്.

പി.വി.ചന്ദ്രൻ മുതലാളിയായ ഹ്യുണ്ടായി ഷോ റൂം നടത്തിയ പതിനായിരം രൂപയുടെ കള്ളത്തരം അരുൺകുമാർ കണ്ടുപിടിച്ചപ്പോൾ അത് കെടിസി ഗ്രൂപ്പ് പ്രസ്റ്റിജിന്റെ പ്രശ്‌നമാക്കി എടുത്തു. അവിഹിത സ്വാധീനത്തിന്റെ 'റോഡ് റോളർ' അരുൺ കുമാറിന് നേരെ കെടിസി ഉരുട്ടിയപ്പോൾ അത് ബൂമറാങ് പോലെ കെടിസി ഗ്രൂപ്പിന് നേരെ തിരിച്ചടിക്കുന്നതാണ് ഈ യുദ്ധത്തിൽ കണ്ടത്. ഇതുവരെ അരുൺകുമാറിന് നേരെ വിജയം നേടാൻ കെടിസി ഗ്രൂപ്പിന് കഴിഞ്ഞതുമില്ല. യുദ്ധങ്ങളിൽ ഇപ്പോൾ കെടിസി ഗ്രൂപ്പ് അമ്പേ പരാജയമടയുകയാണ്. അരുൺ കുമാറിന് മുന്നിൽ പരാജയമടഞ്ഞ അതേ അവസ്ഥയിൽ തന്നെയാണ് പിവിചന്ദ്രൻ മുതലാളി പിവി എസ് ആശുപത്രി ജീവനക്കാർക്ക് മുന്നിലും പരാജയമടയുന്നത്. കെടിസി ഗ്രൂപ്പിനെ നിലം പരിശാക്കിയ തന്റെ അതിജീവന പോരാട്ടങ്ങളെക്കുറിച്ച് അരുൺകുമാർ മറുനാടൻ മലയാളിയോട് പറഞ്ഞത് ഇങ്ങിനെ:

ഇൻഷൂറൻസ് വെട്ടിപ്പ് കണ്ടുപിടിച്ചു; പി.വി.നിധീഷുമായി പ്രശ്‌നം തുടങ്ങി: അരുൺ കുമാർ കഥ പറയുമ്പോൾ

ഞാൻ ഒരു ചാർട്ടേഡ് എഞ്ചിനീയറാണ്. കോഴിക്കോട് കെടിസിയുടെ ഹ്യുണ്ടായി ഷോ റൂമിൽ നിന്ന് ഒരു ഹ്യുണ്ടായി കാർ എടുത്തതോടെയാണ് ഞാനും കെടിസിയും തമ്മിൽ പ്രശ്‌നം തുടങ്ങുന്നത്. നിരന്തര പോരാട്ടങ്ങൾക്കൊടുവിൽ കെടിസിയുടെ വിവിധ ജില്ലകളിലെ ആറു ഹ്യുണ്ടായി ഷോറൂമും ഞാൻ പൂട്ടിച്ചു. ഞാൻ കാർ വാങ്ങിയ അതേ ഷോ റൂം പൊളിക്കാനും ഞാൻ ഹൈക്കോടതിയുടെ വിധി വരെ വാങ്ങി. പക്ഷെ അത് പൊളിക്കാതെ അവർ തട്ടുമുട്ടു ന്യായങ്ങൾ വഴി പിടിച്ചു നിൽക്കുകയാണ്. പോരാട്ടം തുടങ്ങിയപ്പോൾ എന്നെ തീർക്കാൻ അവർ രണ്ടു ശ്രമങ്ങൾ നടത്തി. അതിനുശേഷം ഞാൻ വിട്ടുകൊടുത്തിട്ടില്ല. ആ പോരാട്ടമാണ് ഞാൻ തുടർന്നത്. ഞാൻ കാറെടുത്തപ്പോൾ അവർ എന്നെ വഞ്ചിച്ചതാണ് എനിക്ക് അവരോടുള്ള വൈരാഗ്യം കൂടാൻ കാരണം. കാർ വാങ്ങുമ്പോൾ ഇൻഷൂറൻസ് റോഡ് ടാക്‌സ് ഈ തുകകൾ അവർ കൂടുതാലാണ് ഈടാക്കിയത്. 2500 മുതൽ 5000 രൂപ വരെ അവർ കൂടുതൽ ഈടാക്കും. ഇതാണ് ഞാൻ കണ്ടു പിടിച്ചു ചോദ്യം ചെയ്തത്. ഇതോടെയാണ് ഞങ്ങൾ തമ്മിലുള്ള പോരാട്ടം ആരംഭിക്കുന്നത്.

കെടിസിയുടെ ഹ്യുണ്ടായിൽ നിന്ന് ഞാൻ കാർ എടുത്തപ്പോൾ കൊച്ചിയിൽ നിന്നും തിരുവനന്തപുരത്ത് നിന്നും നിന്നും ഞാൻ ക്വട്ടേഷൻ എടുത്തിയിരുന്നു. കെടിസിയുടെ ഇൻഷൂറൻസ് പ്രീമിയം വെട്ടിപ്പ് ഞാൻ ഈ ക്വട്ടേഷനുകൾ വഴിയാണ് കണ്ടുപിടിക്കുന്നത്. കെടിസിയുടെ ക്വട്ടേഷനിൽ 10000 രൂപയുടെ വ്യത്യാസം. ഞാൻ അത് ചോദ്യം ചെയ്തു.അപ്പോൾ അത് തെറ്റിപ്പോയതാണ് എന്നാണ് കെടിസി പറഞ്ഞത്. എനിക്ക് വണ്ടി വേണ്ടാ എന്ന് പറഞ്ഞപ്പോൾ അവർ വണ്ടി എടുക്കാൻ നിർബന്ധിച്ചു.അങ്ങിനെ ഞാൻ വണ്ടി വാങ്ങി. എനിക്ക് പണി നൽകാൻ അവർ പാസ്‌പോർട്ട് അവർ വാങ്ങിവെച്ചു. അത് എനിക്ക് പണി നൽകാനാണ് എന്ന് ഞാൻ അറിഞ്ഞില്ല. പിന്നീട് അറിഞ്ഞു.അതിനും ഞാൻ നിയമപോരാട്ടം വഴി കണക്കിന് കൊടുത്തു. എന്റെ വൈഫിന്റെ പാസ്‌പോർട്ട് ആണ് കെടിസി ഗ്രൂപ്പിന്റെ കയ്യിൽ വന്നത്. രജിസ്‌ട്രേഷന് പാസ്‌പോർട്ട് നിർബന്ധമാണ് എന്നാണ് പറഞ്ഞത്. അതെനിക്കറിയാത്ത തിനാൽ പാസ്‌പോർട്ട് ഞാൻ കൊടുത്തു. അവർ പാസ്‌പോർട്ട് വേണം എന്നു പറഞ്ഞു ഔദ്യോഗികമായി കത്തും തന്നു. ഞാൻ വിശ്വസിച്ചു. എന്റെ പാസ്‌പോർട്ട് വാങ്ങിയ ലേഡിയെ പിന്നീട് ഞാൻ കണ്ടില്ല. അവർ ജീവിച്ചിരിക്കുന്നോ എന്നു പോലും എനിക്കറിയില്ല. പാസ്‌പോർട്ട് അവർ പിന്നെ തിരികെ തന്നില്ല. എനിക്ക് പണി തരാൻ വേണ്ടിയാണ് എന്റെ വൈഫിന്റെ പാസ്‌പോർട്ട് അവർ പിടിച്ചു വെച്ചത്. ഞാൻ പൊലീസിൽ പരാതി നൽകി. കോടതിയിൽ കേസ് കൊടുത്തു. പി.വി.ചന്ദ്രന്റെ മകൻ നിതീഷാണ് അതിന്റെ പിന്നിൽ പ്രവർത്തിച്ചത് എന്ന് എനിക്ക് മനസിലാക്കാൻ കഴിഞ്ഞു.

പാസ്‌പോർട്ട് പീടിച്ചു വെച്ച് എനിക്ക് പണിതരാൻ ശ്രമം നടത്തി; ചതിയുടെ കഥ വെളിപ്പെടുത്തി സ്റ്റാഫുകളും

പാസ്‌പോർട്ട് മിസ്സിങ് ആണെന്ന് അവർ എനിക്ക് കത്ത് നൽകി. അതിനു പിന്നിൽ ഒരു ചതി ഉണ്ടായിരുന്നു. പഴയ പാസ്‌പോർട്ട് അവരുടെ കയ്യിൽ ഇരിക്കുന്നു. അപ്പോൾ അവർ പറഞ്ഞ പ്രകാരം ഞാൻ പുതിയ പാസ്‌പോർട്ട് എടുത്താൽ അവർക്ക് എന്നെ എടുത്ത് അകത്തിടാൻ കഴിയും. ഒരു പാസ്‌പോർട്ട് കയ്യിൽ ഇരിക്കെ രണ്ടാമത് പാസ്‌പോർട്ട് എടുത്തു എന്ന കുറ്റവും ചുമത്താം. ഞാനത് മനസിലാക്കി. എന്റെ ഭാര്യ കേന്ദ്ര സർക്കാർ ജീവനക്കാരിയാണ്. എന്റെ നേർക്കുള്ള പകയിൽ തൂങ്ങുക എന്റെ വൈഫ് ആകും. അവർക്ക് ആ സമയത്ത് എന്നോട് വിലപേശാം. എന്നെ ട്രാപ്പ് ചെയ്യാൻ ചെയ്ത പണിയായിരുന്നു പാസ്‌പോർട്ട് മിസ്സിങ് പ്രശ്‌നം. ചൂണ്ടയിൽ ഞാൻ കൊത്താത്തത് അവർക്ക് സഹിക്കാൻ കഴിയാത്ത അവസ്ഥയുണ്ടാക്കി. അവർ എന്നോട് നിരന്തരമായി പ്രശ്‌നങ്ങൾ ഉണ്ടാക്കി. അവർ എന്നോട് പ്രതികാരം തീർത്ത ഒരു വഴി എനിക്ക് തന്നെ കാറിൽ പണി തരുകയായിരുന്നു. എന്റെ വണ്ടിയുടെ സ്റ്റിയറിങ് മാറ്റി. വണ്ടിയുടെ പല ഒറിജിനൽ ആക്‌സസറികളും മാറ്റി. എസി വരെ ഡ്യുപ്ലിക്കേറ്റ് എസിയാണ് വെച്ചത്. ഓട്ടോമാറ്റിക് കീ വരെ തല്ലിപ്പൊളി സാധനം വെച്ചു. ഇതൊന്നും ഞാൻ അറിഞ്ഞില്ല. അപ്പോഴാണ് ആപ്‌കോ എന്ന പേരിൽ വേറെയൊരു ഹ്യുണ്ടായി ഡീലർ വരുന്നത്. അതോടെ കെടിസിയിൽ മനം മടുത്ത് നിന്നിരുന്ന പലരും ആപ്‌കോയിലേക്ക് ചേക്കേറി.

അന്നത്തെ കെടിസി ഹ്യുണ്ടായിയുടെ മാനേജർ ആപ്‌കോയുടെ വൈസ് പ്രസിഡന്റ് ആണ്. അയാൾ പറഞ്ഞാണ് പിന്നീട് പല കാര്യങ്ങളും ഞാൻ അറിയുന്നത്. കെടിസിയിൽ നിന്നും ആപ്‌കോയിലേക്ക് മാറിയ സ്റ്റാഫ് എന്നോടുപറഞ്ഞു. സാറേ ഞങ്ങളാണ് നിങ്ങളുടെ വണ്ടി പണിയാക്കിയത്. എസി ഉൾപ്പെടെയുള്ള എല്ലാം എടുത്ത് മാറ്റി മോശം സാധനങ്ങൾ വെച്ചത് ഞങ്ങളാണ്. പുതിയ കാർ നാശകോശമാക്കിയിട്ടാണ് ഞങ്ങൾ നിങ്ങൾക്ക് തന്നത്. ഞങ്ങളോട് ഒന്നും തോന്നരുത്. പി.വി.നിധീഷ് പറഞ്ഞിട്ടാണ് ഞങ്ങൾ എല്ലാം ചെയ്തത്. കെടിസിയിൽ ഉണ്ടായിരുന്ന സമയത്ത് ആ മാനേജർ പറഞ്ഞു.നിങ്ങളുടെ പാസ്‌പോർട്ട് പോയതിൽ ഞങ്ങൾക്ക് ഉത്തരവാദിത്തമുണ്ട്. ഞങ്ങൾ നിങ്ങൾക്ക് കത്ത് തരാം. ഞാൻ പൊലീസിൽ പരാതി നൽകി.പക്ഷെ ആ പരാതി നശിപ്പിക്കപ്പെട്ടു. ഈ കാര്യത്തിൽ വിവരാവാകാശ കമ്മീഷന് വേറൊരു പരാതിയും ഞാൻ നൽകിയിട്ടുണ്ട്. ഒന്നരവർഷമായി ഈ പരാതി വിവരാവാകാശ കമ്മീഷനിൽ നിലനിൽക്കുകയാണ്. എല്ലാ പരാതികളിലും കെടിസി ഗ്രൂപ്പിന് വമ്പൻ അടിപറ്റുന്നത് ഞാൻ അടുത്തുനിന്നു നോക്കിക്കണ്ടു.

കൺസ്യൂമർ കോടതി വിധി കെടിസിക്ക് പ്രഹരമാകുന്നു

ഏഴായിരം പേരെ അവർ കാർ എടുത്ത വകയിൽ പറ്റിച്ചു എന്നാണ് ഞാൻ കരുതുന്നത്. അത് തന്നെ ഏഴുകോടി രൂപയോളം വരേണ്ടതാണ്. കെടിസിയ്‌ക്കെതിരെ ഹൈക്കോടതിയിൽ നടത്തിയ കേസിൽ ഞാൻ വിജയിച്ചു. ജില്ലാ കോടതിയിൽ നടത്തിയ കേസിൽ വിജയിച്ചു. കൺസ്യൂമർ കോടതിയിൽ ഞാൻ നടത്തിയ പോരാട്ടം വിജയിച്ചു. പുതിയ കാറിൽ ഡ്യൂപ്ലിക്കേറ്റ് സാധനങ്ങൾ വെച്ചതിൽ കൺസ്യൂമർ കോടതിയിൽ ഞാൻ പരാതി നൽകി. ആ പരാതി പക്ഷെ കൺസ്യൂമർ കോടതിയിൽ വല്ലാതെ ഇഴഞ്ഞു. ആ ഇഴച്ചിലും സംശയാസ്പദമായിരുന്നു. കൺസ്യൂമർ കോടതി എന്റെ പരാതി തള്ളി. കോഴിക്കോട് കൺസ്യൂമർ കോടതി ഈ കേസ് തള്ളിയപ്പോൾ ഞാൻ തിരുവനന്തപുരം കൺസ്യൂമർ കോടതിയെ സമീപിച്ചു. കാർ കേസിൽ 45000 രൂപയും പലിശയും ചേർത്ത് എനിക്ക് നഷ്ടം നൽകാനാണ് തിരുവനന്തപുരം കൺസ്യൂമർ കോടതി വിധിച്ചത്. കോഴിക്കോട് കൺസ്യൂമർ കോടതി തള്ളിയ കേസിൽ ആണ് തിരുവനന്തപുരത്ത് നിന്നും വിധി വരുന്നത് എന്നോർക്കണം. കഴിഞ്ഞ മാസമാണ് ഈ വിധി വന്നത്.

പാസ്‌പോർട്ട് കേസിൽ പ്രശസ്തനായ വക്കീൽ സഹസ്രനാമത്തെയാണ് ഞാൻ സമീപിച്ചത്. അദ്ദേഹം കേസ് ഏറ്റെടുത്തു. കെടിസി ഗ്രൂപ്പ് അദ്ദേഹത്തിൽ സമ്മർദം ചെലുത്തി. അദ്ദേഹം വഴങ്ങിയില്ല. ഒരു ഹ്യുണ്ടായി കാർ ഫ്രീ എന്നാണ് കെടിസി ഗ്രൂപ്പ് നൽകിയ വാഗ്ദാനം. ഒരേയൊരു കണ്ടീഷൻ എന്റെ കേസ് വാദിക്കരുത്. ഞാൻ ഏറ്റെടുത്ത കേസ് ഞാൻ വാദിക്കും-അദ്ദേഹം പറഞ്ഞു. ഈ കേസിൽ എനിക്കാണ് ജയം വന്നത്. എന്റെ പരാതി പൊലീസ് മുക്കിയിരുന്നു. ആ സമയത്ത് എന്റെ കേസ് എടുത്ത മുൻസിഫ് കോടതി ജഡ്ജി മാറിപ്പോയി. പിന്നീട് വന്ന ജഡ്ജി കണിശക്കാരൻ ആയിരുന്നു. അദ്ദേഹമാണ് എന്റെ പാസ്‌പോർട്ട് കേസിൽ കെടിസിക്കെതിരെ വിധി നൽകിയത്. അവർ അപ്പീൽ പോയി. പക്ഷെ ആ അപ്പീലും തള്ളി. എനിക്ക് 12500 രൂപ നഷ്ടപരിഹാരത്തിനാണ് ഈ കേസിൽ വിധി വന്നത്. കെടിസി കരുതി പാസ്‌പോർട്ട് തങ്ങൾ വാങ്ങി വെച്ച് എന്ന് തെളിയിക്കാൻ എനിക്ക് കഴിയില്ലാ എന്ന്. എന്റെ പരാതി പൊലീസ് സ്റ്റേഷനിൽ നിന്ന് അവർ മുക്കുകയും ചെയ്തിരുന്നു. പക്ഷെ പൊലീസ് ഒരു റിപ്പോർട്ട് നൽകിയിരുന്നു. പാസ്‌പോർട്ട് കെടിസിയുടെ ഓഫീസിൽ നിന്നും കളഞ്ഞുപോയി എന്ന്. ആ റിപ്പോർട്ടിന്റെ കോപ്പി എന്റെ കയ്യിൽ ഉണ്ടായിരുന്നു. അതുകൊണ്ട് തന്നെ അത് ഒരൊന്നാന്തരം തെളിവായി കോടതി കണ്ടു.

കാൽമുട്ടുകൾ തല്ലിയൊടിക്കും എന്ന് ഭീഷണി; ഓംബുഡ്‌സ്മാന് മാറ്റവും

പാസ്‌പോർട്ട് പ്രശ്നം കത്തി നിൽക്കുമ്പോൾ കെടിസിയിലെ മാനേജർ എന്നെ വിളിച്ചു പറഞ്ഞത് മുട്ടുകാൽ തല്ലിയൊടിക്കും എന്നാണ്. എനിക്ക് രണ്ടു മുട്ടുകാലുണ്ട്. ഒന്ന് തല്ലിയൊടിച്ചാൽ മറ്റൊന്ന് ഉണ്ടല്ലോ. എനിക്ക് അതുമതി. പിന്നെ തിരിച്ചു തല്ലാൻ എനിക്കും കയ്യും കാലും ഉണ്ടെടോ എന്നും പറഞ്ഞു. അതുകൊണ്ട് അവരത് ചെയ്തില്ല. നിധീഷ് എന്നെ വിളിച്ചു കേസ് കോപ്രമൈസ് ആക്കാം എന്ന് പറഞ്ഞു. ഞാൻ വഴങ്ങിയില്ല. ഉടൻ തന്നെ മറ്റൊരു പരാതി പൊക്കിക്കൊണ്ട് വരാൻ എനിക്ക് കഴിഞ്ഞു.ഞാൻ കാറ് വാങ്ങിയ കെടിസി ഹ്യുണ്ടായി കെട്ടിടം അനധികൃതമായി പണിതതാണ് എന്ന് ഞാൻ കണ്ടുപിടിച്ചു. പരാതി അതിന്നെതിരെയായി. വിവരാവകാശ പ്രകാരം ഒരു റൂമിനുള്ള പെർമിറ്റ് ആണ് നൽകിയത്. ഈ ലൈസൻസിന്റെ ബലത്തിൽ 8000 സ്‌ക്വയർ ഫീറ്റ് കെട്ടിടമാണ് അവർ പണിതത്. ഇത് ഞാൻ ചോദ്യം ചെയ്തു. ഞാൻ ഓംബുഡ്സ്മാന് പരാതി നൽകി. പക്ഷെ ഓംബുഡ്സ്മാൻ ഈ കാര്യത്തിൽ കൃത്യമായ രീതിയിൽ നീങ്ങി. കെടിസിയുടെ സമ്മർദം ഫലം കണ്ടില്ല. പകരം ഓംബുഡ്സ്മാൻ മാറ്റപ്പെട്ടു.

എന്റെ കേസ് പരിഗണിച്ചിരുന്ന ഹരിഹരൻ നായർ എന്ന ഓംബുഡ്‌സ്മാനെ ശബരിമലയിലെ എന്തോ പ്രശ്‌നത്തിന്റെ പേരിൽ ആ അന്വേഷണത്തിനായി ഉമ്മൻ ചാണ്ടി സർക്കാർ അങ്ങോട്ട് മാറ്റി. പകരം വന്നത് കൃഷ്ണൻ എന്ന ഓംബുഡ്സ്മാൻ ആണ്. അദ്ദേഹം എന്നെ ഉപദേശിച്ചത് ഹൈക്കോടതിയിലേക്ക് നീങ്ങാനാണ്. ഞാൻ ആ വാദം അംഗീകരിച്ചു ഹൈക്കോടതിയിലേക്ക് കേസ് മാറ്റി. പിന്നീടാണ് എനിക്ക് മനസിലായത് ഹരിഹരൻനായർ എന്ന പഴയ ഓംബുഡ്സ്മാൻ ആയിരുന്നു ശരി. അദ്ദേഹം കൃത്യമായ രീതിയിൽ നീങ്ങിയപ്പോഴാണ് ഉമ്മൻ ചാണ്ടി സർക്കാർ അദ്ദേഹത്തെ മാറ്റിയത്. ഈ ഓംബുഡ്സ്മാന്റെ അഭിപ്രായം വീട്ടിൽചാടിച്ചത് എന്നെനെയായിരുന്നു എന്ന്. ഹൈക്കോടതിയിലേക്ക് നീങ്ങണമെങ്കിൽ ഹരിഹരൻ നായർ തന്നെ ഈ കാര്യം പറയുമായിരുന്നു. അദ്ദേഹം അത് പറഞ്ഞില്ല. പകരം കേസിൽ ശക്തമായി നീങ്ങി.അദ്ദേഹത്തിന് പകരം വന്ന ഓംബുഡ്സ്മാന്റെ ഉപദേശം സ്വീകരിച്ചതാണ് ഈ കാര്യത്തിൽ വിനയായത്. ഈ ഓംബുഡ്സ്മാന് എതിരായി ഞാൻ ഹൈക്കോടതിയിൽ കേസ് ഫയൽ ചെയ്തിരുന്നു. ഇതിൽ ഒരു ഹൈക്കോടതി ഒരു പരാമർശം വിധിയിൽ പറഞ്ഞിരുന്നു.

അനധികൃത ഷോറൂം കെട്ടിടം പൊളിക്കാൻ ഹൈക്കോടതി വിധിയും

പക്ഷെ കെട്ടിടം പൊളിക്കാനുള്ള കാര്യത്തിൽ ഹൈക്കോടതി വിധി എനിക്ക് അനുകൂലമായിരുന്നു. ഉടനടി ആക്ഷൻ എടുക്കാനാണ് ഹൈക്കോടതി കോഴിക്കോട് കോർപറേഷനോട് ആവശ്യപ്പെട്ടത്. എന്നോട് കോർപറേഷൻ സിറ്റിഗിൽ പങ്കെടുക്കാൻ ആവശ്യപ്പെട്ടു.അന്ന് കോർപറേഷൻ സെക്രട്ടറി വന്നില്ല. പകരം വന്നത് എഞ്ചിനീയർ ആയിരുന്നു.അദ്ദേഹം കെടിസിയുടെ കേസ് ആയതിനാൽ ഇരിക്കണോ നിൽക്കണോ എന്ന അവസ്ഥയിലായിരുന്നു. അത്രയും പേടിയായിരുന്നു ആ എഞ്ചിനീയർക്ക്. റെഗുലറൈസെഷൻ പക്ഷെ പാസായില്ല. എന്നിട്ടും ആ ബിൽഡിങ് ഇതുവരെ പൊളിച്ചിട്ടില്ല. ഞാൻ ഈ കേസിൽ ഹൈക്കോടതിയിൽ കോടതിയലക്ഷ്യം ഫയൽ ചെയ്യാൻ പോവുകയാണ്. 2019 ഫെബ്രുവരി 19 നു മുൻപ് പൊളിക്കണം എന്നാണ് ഹൈക്കോടതി ഉത്തരവിട്ടത്. പക്ഷെ ഇതുവരെ പൊളിച്ചിട്ടില്ല.

അന്ന് കോഴിക്കോട് കോർപറേഷനിൽ ഉണ്ടായിരുന്ന പിന്നീട് ആലപ്പുഴ ജില്ലാ കളക്ടറായിരുന്ന വേണുഗോപാൽ ആണ് ഈ കെട്ടിടത്തിന് അനുമതി നൽകിയവരിൽ ഒരാൾ. ഇതുമായ ബന്ധപ്പെട്ട വിജിലൻസ്‌കേസിൽ അദ്ദേഹം കൂടി പ്രതിയായിരുന്നു. കെടിസി ഹ്യുണ്ടായിയുടെ കെട്ടിടം എൻഎച്ചിനോട് ചേർന്നാണ്.ഒരിക്കലും അനുമതി നൽകാൻ പാടില്ലാത്ത കെട്ടിട നിർമ്മാണത്തിനാണ് കോഴിക്കോട് കോർപറേഷൻ അനുമതി നൽകിയത്. തൊട്ടടുത്ത് റെയിൽവേ ട്രാക്കുമുണ്ട്. അതിൽ നിന്നും മുപ്പത് മീറ്റർ വിടണം. ഇതും സ്‌പെയ്‌സും വിട്ടിട്ടില്ല. റെയിൽവേ അനുമതിയും വാങ്ങിയിട്ടില്ല. എന്നിട്ടും കെട്ടിടം പെർമിറ്റിന് കോർപറേഷൻ അനുമതി നൽകുകയായിരുന്നു.

വിജിലൻസ് കേസിൽ പ്രോസിക്യുഷന് അനുമതി നൽകാതെ പിണറായി സർക്കാരും

അനധികൃത ഷോ റൂം കെട്ടിടത്തിനു പെർമിറ്റ് നൽകിയതിന്റെ പേരിൽ ഞാൻ വിജിലൻസിൽ പരാതി നൽകിയിരുന്നു. എട്ടുപേരെ പ്രോസിക്യൂട്ട് ചെയ്യാനാണ് ഈ പരാതിയിൽ വിജിലൻസ് തീരുമാനം വന്നത്. അതും വേറൊരു കേസ് ആയി തുടരുകയാണ്. ഈ കേസിൽ വിജിലൻസ് കോടതി എന്നോട് ചോദിച്ചു.പ്രോസിക്യൂഷൻ അനുമതി അരുൺ കൊണ്ടുവരുമോ എന്ന്. കൊണ്ടുവരാം എന്ന് ഞാൻ മറുപടിയും നൽകി. പക്ഷെ മുഖ്യമന്ത്രി പിണറായി വിജയൻ ആ പ്രോസിക്യൂഷന് അനുമതി നൽകിയിട്ടില്ല. മുഖ്യമന്ത്രിയുടെ ഓഫീസിൽ ഈ പ്രോസിക്യൂഷൻ അനുമതി തേടിയുള്ള ഫയൽ ഭദ്രമായി ഇരുപ്പുണ്ട്. ഇടത് സർക്കാർ വന്നാൽ എല്ലാം ശരിയാകും എന്ന് പറഞ്ഞത് ഇത്തരം ഫയലുകളുടെ, പ്രോസിക്യൂഷൻ അനുമതിയുടെ കാര്യത്തിൽ ശരിയാവുകയാണ്.

വിജിലൻസ് കോടതിയെ ഈ കാര്യം ധരിപ്പിച്ചപ്പോൾ കോടതി എന്നോട് പറഞ്ഞത് എപ്പോൾ അരുൺ പ്രോസിക്യുഷൻ അനുമതി വാങ്ങും. അപ്പോൾ നമുക്ക് ഈ ഫയൽ റീ ഓപ്പൺ ചെയ്യാം എന്നാണ്. ഞാൻ ഈ കേസിൽ അദ്ദേഹത്തെ കണ്ടപ്പോൾ വേണുഗോപാൽ എന്റെ മുന്നിലിരുന്നു കരഞ്ഞു. ഇതൊന്നും ഞാൻ അറിഞ്ഞില്ല എന്നാണ് വേണുഗോപാൽ പറഞ്ഞത്. ഞാൻ കോഴിക്കോടിനെ വെറുക്കുന്നു എന്നും വേണുഗോപാൽ പറഞ്ഞു. കെട്ടിടം പൊളിക്കുന്ന കാര്യത്തിൽ ഞാൻ വേറൊരു പരാതി തദ്ദേശ സ്വയംഭരണ വകുപ്പ് മന്ത്രിക്ക് നൽകിയിട്ടുണ്ട്. ആ പരാതി കോർപറേഷന് നൽകിയിട്ടുണ്ട് എന്നാണ് മന്ത്രി പറയുന്നത്. ഈ കെട്ടിടത്തിന് ടാക്‌സ് അടച്ചിട്ടുണ്ടോ എന്ന് ഞാൻ പരിശോധിച്ചു. ടാക്‌സ് അടച്ചിട്ടുണ്ട്. വെറും 700 രൂപ. പതിനഞ്ചു വർഷം ഒന്നരലക്ഷം രൂപ വീതം ടാക്‌സ് അടക്കേണ്ട അവസ്ഥയിലാണ് 700 രൂപ വീതം അടച്ചിരിക്കുന്നത്. അംഗീകാരമില്ലാത്ത കെട്ടിടം ആയതിനാൽ 45 ലക്ഷം രൂപ അടക്കേണ്ടതുണ്ട്. ഈ പരാതിയും കോഴിക്കോട് കോർപറേഷനിൽ നൽകിയിട്ടുണ്ട്.

അത് നല്കിയിട്ട് തന്നെ ഒന്നരവർഷമായി. 45 ലക്ഷം സർക്കാരിന് നഷ്ടം. ഇങ്ങിനെയാണ് നികുതിപ്പണം സർക്കാരിന് നഷ്ടമാകുന്നത്. ഏത് ഒരു കേസ്. ഇങ്ങിനെ എത്രയെത്ര കേസുകൾ ഉണ്ടാകും-അരുൺകുമാർ പറയുന്നു. എന്തായാലും അനധികൃത കെട്ടിടം പൊളിക്കുന്നത് വരെ നിയമപോരാട്ടം തുടരാനാണ് അരുൺകുമാർ ഒരുങ്ങുന്നത്.

എം മനോജ് കുമാര്‍    
മറുനാടന്‍ മലയാളി സീനിയര്‍ സബ് എഡിറ്റര്‍.

mail: news@marunadan.in

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
കേരളം ഞെട്ടിയ പെൺക്രിമിനൽ ബുദ്ധി സിനിമയാക്കാൻ ഇറങ്ങിയവർ പോക്‌സോ കേസിൽ കുടുങ്ങി; കൂടത്തായി സിനിമയുടെ തിരക്കഥാകൃത്ത് ഡിനി ഡാനിയേലിനും ജീവിത പങ്കാളിക്കുമെതിരെ പ്ലസ്ടുകാരിയെ പീഡിപ്പിച്ചതിന് കേസ്; കുടുംബ സുഹൃത്തായി അടുത്തുകൂടി പ്രായപൂർത്തിയാകാത്ത പെൺകുട്ടിയെ പീഡിപ്പിച്ചത് സിനിമാ പ്രവർത്തകൻ ചമഞ്ഞെത്തിയ എസ് ജി വിനയൻ; ചിത്രങ്ങളുണ്ടെന്ന് കാണിച്ചും പെൺകുട്ടിയെ ഭീഷണിപ്പെടുത്തി; ലിവിങ് ടുഗെദർ പാർട്ട്‌നർക്ക് പെൺകുട്ടിയെ പിച്ചിച്ചീന്താൻ എല്ലാ ഒത്താശയും ചെയ്തത് ഡിനി ഡാനിയേൽ
'മഹേഷ് ഇനി വീട്ടിൽ നിന്നും ഇറങ്ങില്ല... ഇറങ്ങിയാൽ ഇടിയെന്നു വച്ചാൽ നല്ല ഇടി എന്റെ കയ്യിൽ നിന്നും കിട്ടും... ഞാനും തല്ലും ഷാജിയും തല്ലും... മാടയ്ക്കൻ ഷാജി ഒറ്റയ്ക്കായിരിക്കില്ല... പെണ്ണുങ്ങളെ കൊണ്ടും ഞാൻ തല്ലിക്കും'; കോട്ടയം നഗരസഭാ കാര്യാലയത്തിൽ കരാറുകാരുടെ മർദത്തിന് ഇരയായ വിവരാവകാശ പ്രവർത്തകൻ മഹേഷിന് വീണ്ടും ഭീഷണി; അനധികൃതമായി തോട് കയ്യേറ്റം ചെയ്തതിനെതിരെ രംഗത്തെത്തിയതോടെ കയ്യേറ്റക്കാരനും സംഘവും വീണ്ടും കൊലവിളിയുമായി രംഗത്ത്; കരാറുകാരൻ ബൈജുവിന്റെ ഫോൺ സംഭാഷണം മറുനാടന്
ഇന്ത്യ ശ്രമിക്കുന്നത് ലോകത്തിലെ ഏറ്റവും വലിയ അഭയാർത്ഥി സമൂഹത്തെ സൃഷ്ടിക്കാൻ; പൗരത്വത്തിന് മറ്റുള്ളവർക്കെന്ന പോലെയുള്ള തുല്യത മുസ്ലീങ്ങൾക്ക് അന്യമാകാൻ നിയമപരമായ സാഹചര്യം സൃഷ്ടിച്ചു; ഇന്ത്യയുമായി വ്യാപാരക്കരാറിൽ ഏർപ്പെടുകയാണെങ്കിൽ ആ രാജ്യത്ത് മനുഷ്യാവകാശ സംരക്ഷണത്തിനുള്ള ശക്തമായ വ്യവസ്ഥകൾ കൂടി അതിൽ ഉൾക്കൊള്ളിക്കണമെന്നും യൂറോപ്യൻ യൂണിയൻ പാർലമെന്റ് അംഗങ്ങൾ; ഇന്ത്യയുടെ പൗരത്വ ഭേദഗതി നിയമത്തിനെതിരെ യൂറോപ്യൻ യൂണിയൻ പാർലമെന്റിൽ പ്രമേയം അവതരിപ്പിക്കുക അടുത്ത ആഴ്‌ച്ച
അസമിനെ ഇന്ത്യയിൽ നിന്നും വേർപെടുത്തണമെന്ന് പ്രസംഗിച്ചത് അലിഗഢിലും ജാമിയ മിലിയ ഇസ്ലാമിയ യൂണിവേഴ്‌സിറ്റിയിലും; ജെഎൻയു വിദ്യാർത്ഥിക്കെതിരെ രാജ്യദ്രോഹ കുറ്റത്തിന് കേസെടുത്ത് ഡൽഹി പൊലീസ്; ഷർജിൽ ഇമാമിനെതിരെ അസം പൊലീസ് രജിസ്റ്റർ ചെയ്തത് യുഎപിഎയും; അസമിനെ മുറിച്ചു മാറ്റാൻ വിളിച്ചു പറയുന്നയാളെ എന്തുകൊണ്ട് അറസ്റ്റു ചെയ്യുന്നില്ലെന്ന് ഡൽഹി ഉപമുഖ്യമന്ത്രി മനീഷ് സിസോദിയ; പ്രചരിക്കുന്ന വീഡിയോ ക്ലിപ്പുകൾ കൃത്രിമമായി നിർമ്മിച്ചതെന്ന് ഷർജിൽ ഇമാം
ജനലക്ഷങ്ങൾ ഒരുമിച്ച് വായിച്ചത് ഭരണഘടനയുടെ ആമുഖം; നാം ഒന്നാണ് എന്ന് പ്രഖ്യാപിച്ച് സഖാക്കൾക്കൊപ്പം അണിചേർന്ന് ന്യൂനപക്ഷ സമൂഹവും; തിരുവനന്തപുരത്ത് പിണറായിയും കാനവും ഒരുമിച്ചപ്പോൾ ഒപ്പമെത്തിയത് പാളയം ഇമാമും; എപി - ഇകെ വിഭാഗങ്ങളും വേദിയിലെത്തിയതോടെ സംഘപരിവാറിന് താക്കീതായി കേരളമെന്ന് പ്രഖ്യാപനം; മനുഷ്യമഹാ ശൃംഖലയിലൂടെ ഇന്ന് ലോകം കണ്ടത് ഇടത് പക്ഷത്തിന്റെ സംഘാടന മികവും കേരളത്തിന്റെ മതമൈത്രിയും
എല്ലാ പ്രശ്നത്തിനും അവസാനം ഉണ്ടാക്കമെന്ന പഞ്ചാരവാക്കിൽ വീട്ടിലെത്തിച്ചു; വിവസ്ത്രയായി മൃതദേഹം കണ്ടത് വിരൽ ചൂണ്ടുന്നത് ബലാത്സംഗ സാധ്യതയിലേക്ക്; ക്രൂര പീഡനത്തിന് ശേഷം കലി തീരാതെ തലമുടി വെട്ടിക്കളഞ്ഞും ഡ്രോയിങ് മാഷുടെ സൈക്കോ മനസ്സ്; ബക്കറ്റിൽ തലമുക്കി അദ്ധ്യാപികയെ വെങ്കിട രമണ കൊന്നത് അതിക്രൂരമായി; മൃതദേഹം കടത്തിയത് വെളുത്ത സ്വിഫ്റ്റ് കാറിൽ; കാസർഗോട്ടെ രൂപശ്രീയുടെ കൊലപാതകത്തിൽ നിറയുന്നതും അവിഹിതവും ദുരൂഹ സാമ്പത്തിക ഇടപാടുകളും
കേരളം ഞെട്ടിയ പെൺക്രിമിനൽ ബുദ്ധി സിനിമയാക്കാൻ ഇറങ്ങിയവർ പോക്‌സോ കേസിൽ കുടുങ്ങി; കൂടത്തായി സിനിമയുടെ തിരക്കഥാകൃത്ത് ഡിനി ഡാനിയേലിനും ജീവിത പങ്കാളിക്കുമെതിരെ പ്ലസ്ടുകാരിയെ പീഡിപ്പിച്ചതിന് കേസ്; കുടുംബ സുഹൃത്തായി അടുത്തുകൂടി പ്രായപൂർത്തിയാകാത്ത പെൺകുട്ടിയെ പീഡിപ്പിച്ചത് സിനിമാ പ്രവർത്തകൻ ചമഞ്ഞെത്തിയ എസ് ജി വിനയൻ; ചിത്രങ്ങളുണ്ടെന്ന് കാണിച്ചും പെൺകുട്ടിയെ ഭീഷണിപ്പെടുത്തി; ലിവിങ് ടുഗെദർ പാർട്ട്‌നർക്ക് പെൺകുട്ടിയെ പിച്ചിച്ചീന്താൻ എല്ലാ ഒത്താശയും ചെയ്തത് ഡിനി ഡാനിയേൽ
മോഡലിങ് നിർമ്മിച്ച് നൽകി പരിചയമുണ്ടാക്കി; ചരിത്രാധ്യാപികയെ വലയിൽ വീഴ്‌ത്തിയത് വശീകരണ ക്രിയകളിലൂടെ; അടുത്ത സ്‌കൂളിലെ അദ്ധ്യാപകനുമായി ബന്ധം തുടങ്ങിയ കാമുകിയെ കൊല്ലുന്നതിന് മുമ്പ് ആഭിചാരത്തിലൂടെ ശക്തി ഇരട്ടിപ്പിച്ചു; പഞ്ചാരവാക്കിൽ വീഴ്‌ത്തി വീട്ടിൽ കൊണ്ടു വന്ന് തന്ത്രത്തിൽ ബോധം കെടുത്തി; വസ്ത്രങ്ങൾ അഴിച്ചുമാറ്റിയത് നാരീ നഗ്ന പൂജയിലൂടെ അന്വേഷണത്തെ വഴി തെറ്റിക്കാൻ; രൂപശ്രീയുടെ മരണത്തിൽ അവിഹിതത്തിനൊപ്പം ആഭിചാരവും; ഡ്രോയിങ് മാഷ് വെങ്കിട്ട രമണ കാരന്ത ആളു ചില്ലറക്കാരനല്ല
പോരുന്നോ എന്റെ കൂടെ... ഹോട്ടലിൽ മുറി ബുക്കു ചെയ്യാം...! സുവിശേഷം കഴിഞ്ഞ് രാത്രിയിൽ കാറിൽ വരവേ റോഡരുകിൽ രണ്ട് യുവതികളെ 'പിക്ക് ചെയ്യാൻ' ശ്രമിച്ച പാസ്റ്ററുടെ ചോദ്യം ഇങ്ങനെ; ലൈംഗികച്ചുവയോടെ സംസാരിച്ച് പാസ്റ്റർ അടുത്തുകൂടിയത് നൈറ്റ് പട്രോളിങ്ങിന് ഇറങ്ങിയ ഷാഡോ വനിത പൊലീസിന് മുമ്പിൽ; കൈയോടെ തൂക്കിയെടുത്ത് സ്റ്റേഷനിൽ എത്തിച്ച് അറസ്റ്റു ചെയ്ത് ഉദ്യോഗസ്ഥരും; തീക്കട്ടയിൽ ഉറുമ്പരിക്കാൻ ശ്രമിച്ച് എട്ടിന്റെ പണി കിട്ടിയത് മതപരിവർത്തനത്തിലൂടെ പെന്തക്കോസ്തിലെത്തിയ ഷമീർ പാസ്റ്റർക്ക്
കാമാസക്തനായി പെൺകുട്ടിയെ വിവാഹം കഴിക്കാമെന്ന് വ്യാമോഹിപ്പിച്ച് ഇണ ചേർന്ന് ഗർഭം ധരിപ്പിച്ച് സകല സൗഭാഗ്യങ്ങളോടും ജീവിക്കേണ്ട ഒരു കുഞ്ഞിനെ ചിന്നഭിന്നമാക്കി ചോരയാക്കി ഒഴുക്കി കളഞ്ഞതിന്റെ ശാപത്തിൽ കൂട്ടുനിന്നതിന്റെ ശിക്ഷ! ഭാര്യയുടെ മാനസ പുത്രനായ ആ നിഷ്ഠൂരനെ പറഞ്ഞതിന്റെ ഫലം പിറ്റേ പ്രഭാതത്തിൽ ഞാൻ അറിഞ്ഞു; സുനിൽ പരമേശ്വരനെ ചതിച്ച 'മാധ്യമ സുഹൃത്ത്' ആര്? അനന്തഭദ്രത്തിന്റെ തിരക്കഥാകൃത്ത് എങ്ങനെ സന്യാസിയായി; 'ഒരു കപട സന്യാസിയുടെ ആത്മകഥ' വീണ്ടും ചർച്ചയാകുമ്പോൾ
പ്രതി അത്യന്തം ക്രൂരമായ തരത്തിൽ ഒരു അറക്കവാൾ ഉപയോഗിച്ച് ആ ഹിന്ദുവിന്റെ തലയോട്ടി അറുക്കാൻ തുടങ്ങി; അതിനുശേഷം ഒരു അമ്പലത്തിലെ ഒരു ബ്രാഹ്മണനെ കൊണ്ടുവന്നു; ഇദ്ദേഹം വിശുദ്ധമായ പൂണൂൽ ധരിച്ചിട്ടുള്ളതുകൊണ്ട് തങ്ങൾ തന്നെ അദ്ദേഹത്തെ വധിക്കണമെന്ന് പ്രതി ആവശ്യപ്പെട്ടു; മറ്റു ഹിന്ദുക്കളെ കൊല്ലാൻ മാപ്പിളമാർക്കിടയിൽ ഭീകരമായ മത്സരം തന്നെ നടന്നു; മലബാർ കലാപം കർഷക സമരമല്ല വർഗീയ ലഹളതന്നെ; മാപ്പിള കലാപത്തിലെ കോടതി വിധിയുടെ തർജ്ജമ വായിച്ചാൽ നടുങ്ങും
സഹാധ്യാപകന്റെ കാറിലെ ഫോറൻസിക് പരിശോധനയിൽ മുടി കണ്ടത് നിർണ്ണായകമായി; കൊലപ്പെടുത്തിയത് ബക്കറ്റിലെ വെള്ളത്തിൽ ബലപ്രയോഗത്തിലൂടെ തല മുക്കി; കൊന്ന ശേഷം തെളിവ് നശിപ്പിക്കാൻ കൊണ്ടു തള്ളിയത് കടലിലും; വാഹനത്തിൽ മൃതദേഹം കൊണ്ടു പോയത് ഡ്രോയിങ് മാഷെ കുടുക്കി; മഞ്ചേശ്വരം മിയാപദവ് എച്ച് എസ് എസിലെ അദ്ധ്യാപികയെ കൊന്നത് വെങ്കിട്ട രമണൻ തന്നെ; അതിവേഗം കൊലപാതകത്തിന്റെ ചുരുൾ അഴിച്ച് കേരളാ പൊലീസ്; പ്രതി അറസ്റ്റിൽ
കുന്നംകുളത്തെ കർഷക കുടുംബത്തിലെ അഞ്ചാമൻ; കാലിമെയ്‌ക്കലും കൃഷിയും ദാരിദ്രവും നിറഞ്ഞ കുട്ടിക്കാലം; ദുബായിലേക്ക് പറന്നത് ഓട്ടകാലണയുമായി; കപ്പയും മീനും വിളമ്പി കാശുകാരനായി; റിയൽ എസ്റ്റേറ്റിലും ഷിപ്പിംഗിലും പണമിറക്കിയപ്പോൾ ദുബൈ തമ്പിയും ഹോളിഡേ തമ്പിയുമായി വളർന്നു; കരുണാകരനുമായി അടുത്തതോടെ പിടി ഹൈക്കമാൻഡിലേക്കും നീണ്ടു; യുപിഎ ഭരണം നിയന്ത്രിച്ച വധേരയുടെ ബിസിനസ് പങ്കാളി ആയതോടെ കുമിഞ്ഞു കൂടിയത് ശതകോടികൾ; 1000 കോടിയുടെ അഴിമതി കേസിൽ എൻഫോഴ്‌സ്‌മെന്റ് പൊക്കിയ സിസി തമ്പിയുടെ കഥ
ഇടിക്കട്ടകൊണ്ട് മുഖത്തിടിച്ചാലും ഭാവം വരാത്ത പ്രണവ് മോഹൻലാൽ ഇത്തവണത്തെ മോശം നടൻ; കണ്ണിറുക്കി പറ്റിച്ച പ്രിയാവാര്യർ മോശം നടി; ഹൊറർ സിനിമ കോമഡി പടമാക്കിയ വിനയനും, കിളിപോയ സയൻസ് ഫിക്ഷൻ ഒരുക്കിയ ജെനീസ് മുഹമ്മദും മോശം സംവിധായകർ; ഇട്ടിമാണിയും കൽക്കിയും മോശം ചിത്രങ്ങൾ; മോസ്റ്റ് വെറുപ്പിക്കലിനുള്ള സമഗ്ര സംഭവനാ പുരസ്‌ക്കാരം ജയറാമിന്; 2019ലെ മോശം മലയാള സിനിമകൾക്കുള്ള അവാർഡ് കൊടുത്താൽ ഇങ്ങനെയിരിക്കും
എല്ലാ പ്രശ്നത്തിനും അവസാനം ഉണ്ടാക്കമെന്ന പഞ്ചാരവാക്കിൽ വീട്ടിലെത്തിച്ചു; വിവസ്ത്രയായി മൃതദേഹം കണ്ടത് വിരൽ ചൂണ്ടുന്നത് ബലാത്സംഗ സാധ്യതയിലേക്ക്; ക്രൂര പീഡനത്തിന് ശേഷം കലി തീരാതെ തലമുടി വെട്ടിക്കളഞ്ഞും ഡ്രോയിങ് മാഷുടെ സൈക്കോ മനസ്സ്; ബക്കറ്റിൽ തലമുക്കി അദ്ധ്യാപികയെ വെങ്കിട രമണ കൊന്നത് അതിക്രൂരമായി; മൃതദേഹം കടത്തിയത് വെളുത്ത സ്വിഫ്റ്റ് കാറിൽ; കാസർഗോട്ടെ രൂപശ്രീയുടെ കൊലപാതകത്തിൽ നിറയുന്നതും അവിഹിതവും ദുരൂഹ സാമ്പത്തിക ഇടപാടുകളും
ഐഡിയാ സ്റ്റാർ സിങ്ങറിന് മുമ്പ് പ്രശ്‌നമൊന്നുമില്ലായിരുന്നു; പാട്ടു പാടി പ്രശസ്തനായപ്പോൾ സ്ത്രീകളുമായി ചങ്ങാത്തം; കാണാൻ പാടില്ലാത്ത മെസേജ് ചോദ്യം ചെയ്തപ്പോൾ പീഡനങ്ങൾ; അഞ്ച് വർഷം അവിടെ നിന്നയാൾക്ക് എങ്ങനെയാണ് രണ്ടര വയസ്സിന്റെ വ്യത്യാസത്തിൽ രണ്ട് മക്കളുണ്ടാകുക; ആദ്യ ഭർത്താവിന് കുട്ടികളെ വിട്ടുനൽകിയത് പണം വാങ്ങിയിട്ടില്ലെന്ന് സൂര്യ; ബിഗ് ബോസിലെ സോമദാസിന്റെ വെളിപ്പെടുത്തൽ തള്ളി മുൻ ഭാര്യ: ഏഷ്യാനെറ്റ് ഷോയിൽ പാട്ടുകാരൻ പറഞ്ഞത് പച്ചക്കള്ളമോ?
താമരശ്ശേരി രൂപതാ മെത്രാൻ മാർ റെമിജിയോസ് ഇഞ്ചനാനിയിലിന് കോടഞ്ചേരി പള്ളി വികാരി ആയിരുന്നപ്പോൾ മുസ്ലിം യുവതിയിൽ കുഞ്ഞ് പിറന്നോ? ഒതുക്കി തീർക്കാൻ എംപിയായിരുന്ന എംഐ ഷാനവാസ് വഴി 50 ലക്ഷവും മാസം 25,000 രൂപയും നൽകിയോ? രൂപതാംഗമായ വീട്ടമ്മയുടെ പോസ്റ്റ് ചർച്ചയാക്കി സോഷ്യൽ മീഡിയ; ആരോപണങ്ങളിൽ ഉറച്ചു നിൽക്കുന്നുവെന്ന് അന്ന ഷിബി; പച്ചക്കള്ളം പറഞ്ഞ് അപമാനിക്കുന്നുവെന്ന് സഭാ നേതൃത്വം; ലൗ ജിഹാദ് കാലത്ത് സീറോ മലബാർ സഭയെ പ്രതിരോധത്തിലാക്കി മറ്റൊരു വിവാദം
അഡാർ ഊഡായ ലൗ, പത്തൊമ്പതാം നൂറ്റാണ്ടിലെ പ്രമേയം പറഞ്ഞ ഇരുപത്തിയൊന്നാം നൂറ്റാണ്ട്; ഏച്ചുകെട്ടിയ കഥയുമായി ദിലീപിന്റെ ജാക്ക് ഡാനിയൽ തൊട്ട് ആകാശ ഗംഗയെന്ന ചിരിപ്പിക്കുന്ന ഹൊറർ മൂവി വരെ; പൊട്ടമാണിയായിപ്പോയ ഇട്ടിമാണിയിൽ വീണ് മോഹൻലാൽ; ഗാനഗന്ധർവനിൽ മമ്മൂട്ടിക്കും പിഴച്ചു; കിളിപോയ സയൻസ് ്ഫിക്ഷനുമായി പൃഥ്വിരാജും കത്തിപൊലീസ് കഥയുമായി ടൊവീനോയും; ഒരു ശ്രദ്ധയുമില്ലാതെ കോടികൾ തുലച്ച് മലയാള സിനിമയും; 2019ലെ സൂപ്പർ ഫ്‌ളോപ്പുകൾ ഇങ്ങനെ
മകളുടെ ജനനേന്ദ്രയിത്തിൽ അടിക്കടി ഇൻഫക്ഷൻ കണ്ട അമ്മ ഭർത്താവിന്റെ പുതപ്പിനടിയിലായിരുന്ന മകളെ വിളിച്ചുണർത്തി വിവരം തിരക്കിയത് നിർണ്ണായകമായി; കൗൺസിലറുടെ ഇടപെടൽ പുറത്തു കൊണ്ടു വന്നത് മൃഗസംരക്ഷണ വകുപ്പ് ജീവനക്കാരനായ അച്ഛന്റെ ക്രൂരത; പൊലീസ് കണ്ടെത്തിയത് അമ്മായിയുടെ മക്കളുടെ ലൈംഗിക പീഡനവും; കേരളത്തെ ഞെട്ടിച്ച് അഴിക്കുള്ളിലായത് നഗ്ന ചിത്രങ്ങൾ മകളെ കാണിച്ച അച്ഛൻ
വേണ്ടി വന്നാൽ ദുബായിയെയും ആക്രമിക്കും എന്ന ഇറാന്റെ ഭീഷണിയിൽ നെഞ്ചിടിക്കുന്നത് മലയാളികൾക്ക്; ലക്ഷക്കണക്കിന് പ്രവാസി കുടുംബങ്ങളുടെ നെഞ്ചിൽ തീകോരിയിട്ട് റെവല്യൂഷണറി ഗാർഡ്‌സിന്റെ ഭീഷണി സന്ദേശം; യുദ്ധഭീതി ഉയർന്നതോടെ ഗൾഫ് മേഖലയിൽ അതീവജാഗ്രത; വിമാന സർവീസുകൾ നിർത്തിവെച്ചു; ഇറാനിലേക്കും ഇറാഖിലേക്കുമുള്ള യാത്ര ഒഴിവാക്കണമെന്ന് ഇന്ത്യക്കാർക്ക് നിർദ്ദേശം; ഇരുരാജ്യങ്ങളിലെയും വ്യോമപാത ഒഴിവാക്കാനും നിർദ്ദേശം; ഗൾഫിലേക്കുള്ള അമേരിക്കൻ വിമാനങ്ങളും സർവീസ് നിർത്തുന്നു