ആദ്യ കോവിഡ് മരണം റിപ്പോർട്ട് ചെയ്തപ്പോൾ വിചാരിച്ചത് ന്യൂമോണിയ എന്ന്; പെട്ടെന്ന് എല്ലാം മാറി മറിഞ്ഞു; അവധിക്കാലത്ത് ചൈന ചുറ്റിക്കാണാൻ ആഗ്രിച്ചത് വിനയായെന്ന് മനസ്സിലായത് ദിവസങ്ങൾ കഴിഞ്ഞ്; എയർപോർട്ട് അടച്ചപ്പോൾ പ്രതീക്ഷ മങ്ങി; കടമ്പകൾ കടന്ന് ഇന്ത്യയിലെത്തി 16 ദിവസം ഡൽഹിയിൽ ക്വാറന്റെയിൻ; വീട്ടിലെത്തിയിട്ടും 14 ദിവസം ഇവിടെയും ഏകാന്തവാസം; ചൈനയിൽ 'കൊറോണയെ' നേരിട്ട് കണ്ട് കാളികാവിലെ മുഷ്ത്താഖ്; വുഹാനിലെ യാഥാർത്ഥ്യം മെഡിക്കൽ വിദ്യാർത്ഥി മറുനാടനോട് പറയുമ്പോൾ
ജാസിം മൊയ്ദീൻ
മലപ്പുറം: ചൈനയിലെ ഹുബെയ് പ്രവിശ്യയുടെ തലസ്ഥാനമായ വുഹാനിനടുത്ത് ഷാനിങ്ങിലുള്ള ഹുബെയ് യൂണിവേഴ്സിറ്റി ഓഫ് സയൻസ് ആൻഡ് ടെക്നോളജിയിൽ ഒന്നാം വർഷ മെഡിക്കൽ വിദ്യാർത്ഥിയാണ് മലപ്പറം ജില്ലയിലെ കാളികാവ് പുറ്റമണ്ണ സ്വദേശിയായ പോക്കാവിൽ ജാബിറിന്റെ മകൻ മുഹമ്മദ് മുഷ്താഖ്. കഴിഞ്ഞ് വർഷം ഡിസംബറിൽ തന്നെ ഇന്ത്യയിൽ നിന്നുള്ള വിദ്യാർത്ഥികളടക്കം എല്ലാവരും നാട്ടിലേക്ക് ടിക്കറ്റെടുത്തിരുന്നു. ജനുവരി ഒന്ന് മുതലാണ് വെക്കേഷൻ തുടങ്ങുന്നതെങ്കിലും ക്രിസ്മസ് ആഘോഷിക്കാൻ എല്ലാവരും ഡിസംബർ അവസാനവാരം തന്നെ വീട്ടിലേക്ക് മടങ്ങിയിരുന്നു.
എന്നാൽ മുഷ്താക്കടക്കം 27 വിദ്യാർത്ഥികൾ നാട്ടിലേക്ക് മടങ്ങാൻ ടിക്കറ്റെടുത്തിരുന്നില്ല. അവധിക്കാലം ചൈന ചുറ്റിക്കാണാനായിരുന്നു അവരുടെ പദ്ധതി. ഇതിനിടെയാണ് വുഹാനിൽ ആദ്യ കോവിഡ് കേസ് റിപ്പോർട്ട് ചെയ്യുന്നത്. മുഷ്ത്താക്കും സുഹൃത്തുക്കളും അതത്ര കാര്യമായി എടുത്തിരുന്നില്ല. സാധാരണ തരം ന്യൂ മോണിയ എന്ന് മാത്രമായിരുന്നു അവർക്ക് കൊവിഡിനെ കുറിച്ചുള്ള അറിവ്. ദിവസങ്ങൾക്കകം സ്ഥിതികഗതികൾ മാറിത്തുടങ്ങി. വുഹാനിൽ മരണങ്ങൾ റിപ്പോർട്ട് ചെയ്യാൻ തുടങ്ങി. എയർപോർട്ടുകൾ അടച്ചു.
പുറത്തിറങ്ങാൻ പറ്റാതെയായി. നാട്ടിലേക്ക് വരാനുള്ള വഴികളടഞ്ഞു. ഇവാക്വേഷൻ സമയത്ത് എയർപോർട്ടിലെ പരിശോധനകൾ പരാജയപ്പെട്ട് യാത്രമുടങ്ങി. ഡൽഹിയിലെത്തിയതിന് ശേഷം 16 ദിവസം അവിടെ ക്യാമ്പിൽ. വീട്ടിലെത്തിയപ്പോഴും ക്വാറന്റെയിൻ തുടരുന്നു. വുഹാനിൽ നിന്നും ഡൽഹി വഴി ജീവിതത്തിലേക്കുള്ള യാത്രയെ കുറിച്ച് മറുനാടൻ മലയാളിയുമായി സംസാരിക്കുകയാണ് മുഷ്ത്താഖ്.
വുഹാൻ വൈറസിന്റെ പ്രഭവകേന്ദ്രം
ചൈനയിലെ ഹുബെയ് പ്രവിഷ്യയുടെ തലസ്ഥാനമാണ് വുഹാൻ. ഇതിനടുത്തുള്ള ഷാനിങ്ങിലാണ് ഞങ്ങളുടെ യൂണിവേഴ്സിറ്റി സ്ഥിതി ചെയ്യുന്നത്. അവധിക്കാലും ചൈന ചുറ്റിക്കാണാനായിരുന്നു പദ്ധതി. അതുകൊണ്ട് തന്നെ മറ്റുള്ളവർ നാട്ടിലേക്ക് പോന്നപ്പോഴും ഹോസ്റ്റലിൽ തന്നെ തങ്ങി. അപ്പോഴൊക്കെയും കൊറോണയെ കുറിച്ചുള്ള വാർത്തകൾ അറിയുന്നുണ്ടായിരുന്നു. എന്നാൽ അതത്ര കാര്യമാക്കിയില്ല. സാധാരണ ന്യൂമോണിയ പോലുള്ള ഒരു അസുഖമാണെന്നായിരുന്നു ആദ്യം കരുതിയിരുന്നത്.
ജനുവരി പകുതിയോടടുത്തപ്പോഴാണ് കൊറോണയുടെ ഭീകരത എത്രത്തോളമാണെന്ന് മനസ്സിലാകുന്നത്. ചൈനീസ് പത്രങ്ങളിലൊക്കെ നിരവധി മരണങ്ങൾ റിപ്പോർട്ട് ചെയ്യാൻ തുടങ്ങി. തൊട്ടടുത്തുള്ള വുഹാനാണ് വൈറസിന്റെ പ്രഭവകേന്ദ്രമെന്നുകൂടി കേട്ടപ്പോൾ ഉറക്കം നഷ്ടപ്പെട്ടു. ചൈനകാണാനുള്ള ആഗ്രഹമൊക്കെ പൂട്ടിക്കെട്ടി എങ്ങനെയെങ്കിലും നാട്ടിലെത്തിയാൽ മതിയെന്നായി. ഓരോ ദിനംതോറും മരണനിരക്കുകൾ കൂടി വരുന്നത് അസ്വസ്ഥതപ്പെടുത്തി. അവധിക്കാലം ചൈനയിൽ ചിലവഴിക്കാനുള്ള തീരുമാനമെടുത്ത സമയത്തെ ശപിച്ചു.
എയർപോർട്ടുകൾ അടക്കുന്നു
നാട്ടിലേക്ക് വരാനായി ശ്രമങ്ങൾ തുടരുമ്പോഴാണ് ആ വാർത്ത കേൾക്കുന്നത്. പുറത്ത് കടക്കാനുള്ള ഞങ്ങളുടെ ഏക മാർഗ്ഗമായ വുഹാൻ എയർപോർട്ട് അടച്ചിരിക്കുന്നു. ഇനി മറ്റേതെങ്കിലും പ്രവിശ്യകളിലൂടെ മാത്രമേ പുറത്ത് കടക്കാനാകൂ. അതത്ര എളുപ്പമുള്ള കാര്യവുമായിരുന്നില്ല.
വുഹാൻ പൂർണ്ണമായും അടച്ചൂപൂട്ടിയിരുന്നു. ഹോസ്റ്റലിൽ നിന്ന് പുറത്തിറങ്ങാൻ പറ്റാത്ത അവസ്ഥ. എല്ലാ വഴികളും അടഞ്ഞതോടെ ജനുവരി 24 മുതൽ ഇന്ത്യൻ എംബസിയുമായി നിരന്തരം ബന്ധപ്പെടാൻ തുടങ്ങി. അവർ വളരെ പ്രതീക്ഷയുളവാക്കുന്ന രീതിയിലാണ് സംസാരിച്ചത്. ഒടുവിൽ എംബസിയിൽ നിന്ന് അറിയിപ്പ് ലഭിച്ചു. ജനുവരി 28ന് മുംബെയിൽ നിന്ന് എയർ ഇന്ത്യ വിമാനം വരുന്നുണ്ടെന്ന്. പക്ഷെ ആ സന്തോഷവാർത്തക്ക് വലിയ ആയുസുണ്ടായിരുന്നില്ല. വിമാനത്തിനിറങ്ങാൻ അനുമതി ലഭിച്ചില്ലെന്ന വാർത്തയാണ് പിന്നെ കേട്ടത്. കാത്തിരിപ്പ് വീണ്ടും തുടർന്നു. ഓരോ ദിവസങ്ങൾക്കും ഓരോ വർഷങ്ങളുടെ ദൈർഘ്യം.
ആദ്യ വിമാനമെത്തുന്നു. ടെമ്പറേച്ചർ കൂടിയതുകൊണ്ട് യാത്ര മുടങ്ങുന്നു
രണ്ടു ദിവസത്തെ കാത്തിരിപ്പിനു വിരാമമിട്ട് ജനുവരി 31ന് എംബസിയിൽ നിന്ന് വീണ്ടും വിളിവന്നു. ആദ്യ വിമാനമെത്തിയെന്ന വിവരം ലഭിച്ചു. രാത്രി 8 മണിക്ക് ഞങ്ങൾ യൂണിവേഴ്സിറ്റിയിൽ നിന്നും എയർപോർട്ടിലേക്ക് യാത്ര തിരിച്ചു 12 മണിയോടെയാണ് എയർപോർട്ടിലെത്തിയത്. എയർപോർട്ടിലേക്കുള്ള യാത്രയിലൂടനീളം ശരീരഭാഗങ്ങൾ പുറത്ത് കാണാത്ത വെള്ളവസ്ത്രധാരികൾ ഞങ്ങളെ പരിശോധിച്ചുകൊണ്ടിരുന്നു. അവസാനം എയർപോർട്ടിന്റെ മുന്നിലെത്തി.
കവാടത്തിൽ ഇലക്ട്രിക് തെർമോമീറ്റർ മുഖേന എല്ലാവരെയും പരിശോധിച്ചു. എമിഗ്രേഷൻ കഴിഞ്ഞപ്പോഴാണ് അറിയുന്നത് ഇനിയും കടമ്പകൾ ഏറെയുണ്ടെന്ന്. തെർമൽ സ്ക്രീനിങ്, മെർക്കുറി തെർമോ മീറ്റർ ഉപയോഗിച്ചുള്ള പരിശോധന. ഇതെല്ലാം പൂർത്തിയായി അനുമതി ലഭിച്ചാൽ മാത്രമേ യാത്ര തുടരാനാവൂ. തെർമൽ സ്ക്രീനിങ്ങിൽ നോർമൽ ബോഡി ടെമ്പറേച്ചർ (സാധാരണ ശരീര ഊഷ്മാവ്) ആയ 37 ഡിഗ്രിയുടെ താഴെയുള്ളവരെ മാത്രമാണ് യാത്ര തുടരാൻ അനുവദിക്കൂ. മുകളിലുള്ളവരെ അവിടെ നിന്നും മറ്റൊരു ഡോക്ടറുടെ അടുത്തേക്ക് അയക്കുകയും അവിടെ നടക്കുന്ന മെർക്കുറി തെർമോമീറ്റർ എന്ന അവസാന പരീക്ഷ പാസാവുകയും വേണം. ഞങ്ങൾ പല സംഘങ്ങളായി വരിയിൽ നിന്നു. ഇത്തരത്തിൽ പരിശോധനയിൽ പരാജയപ്പെട്ട പലരും നിരാശയോടെ എന്റെ മുന്നിലൂടെ കടന്നുപോകുന്നത് ഞാൻ കണ്ടു. എന്റെ ഹൃദയമിടിപ്പ് കൂടി. ഞാനും ഡോക്ടറുടെ മുന്നിലെത്തി. എന്നെ പരിശോധിച്ചു.
മീറ്ററിൽ 37.6 എന്ന് തെളിഞ്ഞു. നിരാശയോടെ ഡോക്ടറെ നോക്കി. അയൾ തറപ്പിച്ചു പറഞ്ഞു 'നിങ്ങൾക്ക് പോകാൻ കഴിയില്ല' എന്ന്. കരഞ്ഞു നോക്കി, വാക്കേറ്റം നടന്നു. നിരാശയായിരുന്നു ഫലം. ഭയംകൊണ്ട് മാത്രമാണ് എന്റെ ടെമ്പറേച്ചർ കൂടിയതെന്ന് എനിക്ക് മാത്രമേ മനസ്സിലായുള്ളൂ.
വീണ്ടും യൂണിവേഴ്സിറ്റിയിലേക്ക്, ക്വാറന്റെയിനിലേക്ക്
വിമാനത്താവളത്തിലെ പരിശോധന പരാജയപ്പെട്ട എന്നെപോലുള്ള 6 പേർകൂടിയുണ്ടായിരുന്നു. അവരിൽ കാശ്മീരിൽ നിന്നുള്ളൊരു വിദ്യാർത്ഥിയുമുണ്ടായിരുന്നു. മൻസൂർ എന്നായിരുന്നു അവന്റെ പേര്. വിമാനത്താവളത്തിലെ കസേരയിൽ കരഞ്ഞിരിക്കുമ്പോഴാണ് അവനെ പരിചയപ്പെട്ടത്. ആ കസേരയിലിരിക്കുമ്പോൾ ഞങ്ങൾക്ക് മുകളിലൂടെ 464 പേരുമായി എയർ ഇന്ത്യയുടെ വിമാനം പറന്നുപോകുന്നത് കണ്ടു. ആ കാഴ്ച കണ്ട് നെടുവീർപ്പിട്ടിരിക്കെ ആരോഗ്യപ്രവർത്തകർ ഞങ്ങൾക്കരികിലെത്തി വായിലെ സ്രവങ്ങൾ പരിശോധനക്കായി എടുത്തു. ഉടനെ അറിയിപ്പ് ലഭിച്ചു. ആംബുലൻസ് വരും നിങ്ങളെ കൊണ്ടുപോകാൻ. തയ്യാറായി ഇരുന്നോളൂ എന്ന്. ആംബുലൻസിൽ ഞങ്ങളെ യൂണിവേഴ്സിറ്റിയിലേക്ക് കൊണ്ട് പോകാനും അവിടെ ക്വാറന്റെയിൽ താമസിപ്പിക്കാനും തീരുമാനമായി.
എന്നാൽ എയർപോർട്ടിൽ നിന്നുള്ള പരിചയത്തിന്റെ പുറത്ത് ഞാൻ കാശ്മീരി വിദ്യാർത്ഥിയുടെ യൂണിവേഴ്സിറ്റിയിലേക്ക് പോയി. അത് എയർപോർട്ടിനടുത്ത് തന്നെയായിരുന്നു. അവിടുത്തെ അധികൃതർ ആദ്യം എന്നെ താമസിപ്പിക്കാൻ തയ്യാറായില്ലെങ്കിലും ആരോഗ്യപ്രവർത്തകർ ഇടപെട്ടതിനെ തുടർന്ന് അവർ സമ്മതിച്ചു. മൻസൂർ പറഞ്ഞു നാളെ രണ്ടാം ഫ്ലൈറ്റ് വരും നമുക്കൊരുമിച്ചു പോകാമെന്ന്. അവന്റെ കണ്ണുകളിൽ ഇനിയും പ്രതീക്ഷയുണ്ട്. മൻസൂറിന്റെ കൂടെ അകത്തേക്ക് കയറുമ്പോൾ സെക്യൂരിറ്റി ധൃതിയിൽ വന്ന് വിരൽ ചൂണ്ടി എനിക്കുള്ള റൂം കാണിച്ചു തന്നു. ഒരു മുഷിഞ്ഞ മുറി. ഉറക്കം വന്നില്ല, അടുത്ത ദിവസം പോകുന്നതിനെക്കുറിച്ചോർത്ത് ആശങ്കയോടെ പുറത്തേക്ക് നോക്കിയിരുന്നു. രാവിലെ മൻസൂറിന്റെ സുഹൃത്തുക്കൾ ഭക്ഷണം കൊണ്ടുവന്നു. ഉച്ചയോടെ എംബസിയിൽ നിന്നും അറിയിപ്പ് ലഭിച്ചു. ഞങ്ങൾക്ക് രണ്ടാം വിമാനത്തിലും പോകാൻ കഴിയില്ലെന്ന്. 14 ദിവസത്തെ ക്വാറന്റൈൻ പിരീഡ് കഴിയാതെ പുറത്തിറങ്ങരുതെന്ന് ചൈനീസ് ഭരണകൂടത്തിന്റെ മുന്നറിയിപ്പുണ്ടെന്ന്.
അപ്പോഴേക്കും ഞാൻ പഠിക്കുന്ന യൂണിവേഴ്സിറ്റിയിൽ എനിക്ക് താമസിക്കാനുള്ള മുറിയൊരുക്കിയിരുന്നു. 14 ദിവസം ആ മുറിയിൽ ഏകാന്തവാസം. പുറത്തു ഭക്ഷണം വച്ച് വാതിലിൽ മുട്ടി വിവരമറിയിക്കും ഉടനെ അവർ ഭയത്തോടെ പിന്മാറും.അങ്ങനെ നീണ്ട രണ്ടാഴ്ച കടന്നു പോയപ്പോൾ ഡോക്ടർ വന്ന് റിപ്പോർട്ട് ചെയ്തു. ഫെബ്രുവരി 15ന് യൂണിവേഴ്സിറ്റിയിലെ തന്നെ ഞങ്ങളുടെ യഥാർത്ഥ മുറിയിലേക്ക് മടങ്ങി. വീണ്ടും 10 ദിവസങ്ങൾ അവിടെ കഴിച്ചു കൂട്ടി.
ബോഡി ടമ്പറേച്ചർ കുറക്കാൻ പാരസെറ്റമോളും ദേഹത്ത് വെള്ളമൊഴിക്കലും
ഫെബ്രുവരി 26നാണ് പിന്നീട് ഇന്ത്യയിലേക്ക് വിമാനമുണ്ടെന്ന് വിവരമറിയുന്നത്. ഞാനടക്കം 112 പേർ ലിസ്റ്റിലുണ്ടായിരുന്നു. റോഡിൽ പഴയപടി പരിശോധനകൾ തുടർന്നു. എയർപോർട്ടിന് മുന്നിലും അകത്തുമെല്ലാം പരിശോധനകൾ. മുൻ അനുഭവമുള്ളതുകൊണ്ട് എയർപോർട്ടിലേക്ക് പ്രവേശിക്കുംമുമ്പ് സ്വയം തന്നെ ശരീരോഷ്മാവ് പരിശോധിച്ചിരുന്നു. യൂണിവേഴ്സിറ്റിയിൽ നിന്ന് അദ്ധ്യാപകർ തന്ന ഇലക്ട്രിക്കൽ തെർമോമീറ്റർ ഉപയോഗിച്ചായിരുന്നു പരിശോധന. ഭയപ്പെട്ടത് തന്നെ സംഭവിച്ചിരിക്കുന്നു.
ചൂട് 37ന് മുകളിൽ. നേരത്തെ യൂണിവേഴ്സ്റ്റിയിൽ നിന്നിറങ്ങുമ്പോൾ ഒരു പാരസെറ്റമോൾ കഴിച്ചിരുന്നു. എന്നിട്ടും ചൂട് കുറഞ്ഞിട്ടില്ല. പേടികൊണ്ടാണ് ചൂട്കൂടുന്നതെന്ന് പറഞ്ഞാൽ എയർപോർട്ടിലുള്ളവർക്ക് മനസ്സിലാകുകയുമില്ല. രണ്ടും കൽപിച്ച് നേരെ വാഷ്റൂമിൽപോയി ദേഹത്ത് കുറെനേരം വെള്ളം കോരിയൊഴിച്ചു. ദൈവത്തോട് ആത്മാർത്ഥമായി പ്രാർത്ഥിച്ചു. രണ്ടാമതൊരു പാരസെറ്റമോളും കഴിച്ച് സ്ക്രീനിങ്ങിന് ഹാജരായി. രക്ഷപ്പെട്ടു. ഇത്തവണ ടെമ്പറേച്ചർ 36.7.
ഇവാക്വേഷൻ, ഡൽഹിയിലേക്ക്, തിരികെ ജീവിത്തിലേക്കെന്നപോലെ
പുറകുവശം തുറക്കാൻ കഴിയുന്ന സൈനികർക്കുള്ള പ്രത്യേക വിമാനത്തിലായിരുന്നു ഡൽഹിയിലേക്കുള്ള യാത്ര. സൈനികരും മെഡിക്കൽ ടീമും ഒപ്പമുണ്ടായിരുന്നു. നീണ്ട ഏഴ് മണിക്കൂർ യാത്രക്കിടയിൽ യാത്രക്കാർ പരസ്പരം സംസാരിക്കുക പോലും ചെയ്യുന്നില്ല.
മാസ്ക് തുളച്ചും ഭയം അരിച്ചെത്തുന്ന അവസ്ഥ. 27ന് രാവിലെ ഡൽഹിയിലെത്തി. അവിടെ നിന്ന് സൈന്യത്തിന്റെ തന്നെ വാഹനത്തിൽ ആംബുലൻസുകളുടെ അകമ്പടിയോടെ ഇന്തോ-ടിബറ്റൻ ബോർഡർ പൊലീസിന്റെ ക്യാമ്പിലേക്ക്. വുഹാനിൽ നിന്നുള്ളവർക്ക് പ്രത്യേക ക്യാമ്പ് സജ്ജീകരിച്ചിരുന്നു. അഞ്ചുനില കെട്ടിടത്തിന്റെ അഞ്ചാം നിലയിലായിരുന്നു ആ ക്യാമ്പ്. അന്നുതന്നെ ഞങ്ങളുടെ വായിൽ നിന്നും മൂക്കിൽ നിന്നും സ്രവമെടുത്ത് പരിശോധനയ്ക്കയച്ചു. രണ്ടാം ദിവസം റിസൾട്ട് വന്നു. എല്ലാവർക്കും നെഗറ്റീവ്. ഒരുമാസത്തിനുശേഷം ആദ്യമായി ഞാൻ പുഞ്ചിരിച്ചു. ശരീരം അപ്പോഴേക്കും തളർന്നിരുന്നു. ക്യാമ്പിൽ പൂരിയും ചപ്പാത്തിയും കിഴങ്ങുകറിയുമായിരുന്നു ഭക്ഷണം.
ക്യാമ്പിലേക്ക് ഇറ്റലിയിൽ നിന്നുള്ളവർ വരുന്നു, വീണ്ടും ആശങ്ക
ക്യാമ്പിലെത്തി എട്ടാമത്തെ ദിവസമാണ് ഇറ്റലിയിൽ നിന്നുള്ള 25 പേരെ ഞങ്ങൾ താമസിക്കുന്ന കെട്ടിടത്തിന്റെ മൂന്നാം നിലയിൽ കൊണ്ടുവന്നു പാർപ്പിച്ചത്. ഇറ്റലിയിൽ വൈറസ് വ്യാപനം അപകടരമായ രീതിയിലാണെന്ന് വാർത്തകളിൽ നിന്നറിഞ്ഞിരുന്നു.
ആരും അവരവരുടെ നിലകളിൽ നിന്നും താഴേക്കോ മേലേക്കോ നോക്കിയില്ല. ഇറ്റലിക്കാരുടെ പരിശോധന റിപ്പോർട്ട് രണ്ട് ദിവസത്തിനകം എത്തി 25 പേരിൽ 15 പേരുടെയും റിസൾട്ട് പോസിറ്റീവ് ആയിരുന്നു. കൂടുതൽ വൈകാതെ ഇറ്റലിക്കാരെ അവിടെ നിന്നു നീക്കി. ഒരാൾക്ക് ഒരു ആംബുലൻസ് എന്ന രീതിയിൽ ആയിരുന്നു അവരെ കൊണ്ടു പോയത്. ഇറ്റലിക്കാർ പോയതോടെ ഞങ്ങൾക്ക് വീണ്ടും ടെസ്റ്റ് നടത്തി. മാർച്ച് 11ന് ഫലം വന്നു. എല്ലാവരും നെഗറ്റീവ്.
വീട്ടിലേക്ക്, അവസാന ക്വാറന്റെയിനിലേക്ക്
16 ദിവസമാണ് ഡൽഹി ക്യാമ്പിൽ കഴിഞ്ഞത്. മാർച്ച് 13ന് ഞങ്ങളെ ഡിസ്ചാർജ് ചെയ്തു. എല്ലാവർക്കും ക്ലിയറൻസ് സർട്ടിഫിക്കറ്റുകൾ നൽകി. ക്യാമ്പിൽ നിന്നിറങ്ങുമ്പോൾ ഞങ്ങൾ പരസ്പരം നോക്കി പുഞ്ചിരിച്ചു.ഒരിക്കലും തീരാത്ത കടപ്പാടുണ്ട് സൈനിക ക്യാമ്പിലെ ഉദ്യോഗസ്ഥരോട്. അന്നു തന്നെ വൈകിട്ട് 5നുള്ള ഫ്ലൈറ്റിൽ കോഴിക്കോടേക്ക് തിരിച്ചു. രാത്രി 10.30 ന് കരിപ്പൂർ വിമാനത്താവളത്തിലെത്തി. ഡൽഹി എയർപോർട്ടിൽ ഇല്ലാത്ത വിധം ചെക്കിങ് സംവിധാനങ്ങൾ ഇവിടെ ഉണ്ടായിരുന്നു ക്ലിയറൻസ് ലഭിക്കാൻ കുറച്ചു സമയമെടുത്തു.
14 ദിവസം കൂടി ക്വാറെന്റെയിനിലരിക്കാൻ ഇവിടെ നിന്ന് ഡോക്ടർമാർ പറഞ്ഞു. എയർപോർട്ടിൽ നിന്ന് ബന്ധുവിനൊപ്പം വീട്ടിലേക്കുള്ള യാത്രയിൽ തന്നെ ഉമ്മയോട് തറവാട് വീട്ടിലേക്ക് മാറിതാമസിക്കാൻ ആവശ്യപ്പെട്ടു. ഒരുമണി കഴിഞ്ഞാണ് വീട്ടിലെത്തിയത്. നിറ കണ്ണുകളിൽ ഉമ്മയേയും രണ്ട് സഹോദരിമാരെയും അവ്യക്തമായി കണ്ടു. ഒന്ന് കെട്ടിപ്പിടിച്ച് കരയണമെന്നുണ്ടായിരുന്നു. മനസ്സ് നിയന്ത്രണം വിടുമെന്നായപ്പോൾ നേരെ റൂമിലേക്ക് ഓടിക്കയറി വാതിലടച്ചു. ജനലിലൂടെ ഉമ്മയെ പലവട്ടം നോക്കി. ഡെറ്റോളൊഴിച്ച് കുളിച്ച് കഴിഞ്ഞപ്പോഴേക്കും ജനലരകിൽ ഭക്ഷണവുമായി ഉമ്മയെത്തിയിരുന്നു. കണ്ണീരിന്റെ ഉപ്പുരസമുള്ള ചോറ് മുഴുവൻ തിന്നു. അത്രയും രുചിയുള്ളൊരു ഭക്ഷണം എന്റെ ജീവിതത്തിലുണ്ടായിട്ടില്ല.
ഇനിയും രണ്ട് ദിവസം കൂടി ഞാൻ ക്വാറെന്റെയിനിൽ കഴിയണം. അതു കഴിഞ്ഞും പുറത്തിറങ്ങാനാകില്ല. 21 ദിവസത്തേക്ക് രാജ്യം മുഴുവൻ അടച്ചിട്ടിരിക്കുകയല്ലേ.
- TODAY
- LAST WEEK
- LAST MONTH
- 'പക്ഷെ' കൾക്ക് ഇനി സ്ഥാനമില്ല; ജൂലായിൽ അനധികൃത അഭയാർത്ഥികളുമായുള്ള വിമാനം ബ്രിട്ടനിൽ നിന്നും റുവാണ്ടയിലേക്ക് പറന്നിരിക്കും; പാർലമെന്റിൽ റുവാണ്ട ബിൽ നിയമമാക്കി വീണ്ടും കരുത്ത് തെളിയിച്ച് ഇന്ത്യൻ വംശജനായ പ്രധാനമന്ത്രി ഋഷി സുനക്
- ബ്രിട്ടന്റെ ജയിലുകളിലെ പകുതിയിലേറെ വനിത ഗാർഡുമാരും ജയിൽ പുള്ളികളുമായി അവിഹിത ബന്ധം പുലർത്തുന്നവർ; പുരുഷ തടവുകാരായി ലൈംഗിക ബന്ധം പുലത്തിയതിന്റെ പേരിൽ കഴിഞ്ഞ വർഷം മാത്രം പുറത്താക്കിയത് 18 വനിതാ ജീവനക്കാരെ
- ന്യൂനപക്ഷങ്ങൾക്കെതിരേ വസ്തുതാവിരുദ്ധമായി പറയുന്നതെല്ലാം അപ്പാടെ വിശ്വസിച്ച് മതേതരത്വത്തെ തല്ലിക്കൊല്ലുന്ന ആൾക്കൂട്ടമല്ല ഇന്ത്യയിലെ ഭൂരിപക്ഷം; മോദി മുസ്ലിംകൾക്കെതിരെ നടത്തിയത് നിന്ദാപരമായ പ്രസംഗം; പ്രധാനമന്ത്രിയുടെ വിദ്വേഷ പ്രസംഗത്തിനെതിരെ ദീപിക മുഖപ്രസംഗം; ബിജെപിയുടെ വോട്ടു മോഹത്തിന് തിരിച്ചടിയോ ?
- ഡ്രസ്സിങ് റൂമിലേക്ക് കാമറ തിരിച്ചു; ഐപിഎൽ കാമറാമാന് നേരെ വെള്ളക്കുപ്പി എറിയാനോങ്ങി ധോണി; കലിപ്പിന് കാരണം അന്വേഷിച്ച് ആരാധകർ
- ചൊവ്വാഴ്ചയും കമ്മിഷണർ ഓഫീസിലെത്തി; ഉച്ചക്കു മുൻപായി ഓഫീസിലെത്തുകയും ഓൺലൈൻ മീറ്റിങ്ങിൽ പങ്കെടുക്കുകയും ചെയ്തു; ചില ഫയലുകൾ തീർപ്പാക്കിയശേഷം മടങ്ങി; പൂരപ്രേമികൾ നിരാശർ തന്നെ; തൃശൂരിലെ കമ്മീഷണർ അങ്കിത് അശോക് തന്നെ; മാറ്റുമെന്നത് പ്രഖ്യാപനം മാത്രമാകുമ്പോൾ
- വീട്ടിൽ ആശാരിപ്പണിക്ക് എത്തി യുവതിയുടെ നമ്പർ കൈക്കലാക്കി; സൗഹൃദം സ്ഥാപിച്ച് പണം തട്ടിയ ശേഷം വീഡിയോ കോളിലൂടെ യുവതിയുടെ സ്വകാര്യ ദൃശ്യങ്ങൾ പകർത്തി: പണം തിരികെ ചോദിച്ചതോടെ അശ്ലീല വീഡിയോ പ്രചരിപ്പിച്ച പ്രതി അറസ്റ്റിൽ
- വർഷത്തിൽ 12 ദിവസം മദ്യവിൽപ്പന ഇല്ലാതാകുന്നത് ടൂറിസത്തെ ബാധിക്കുമെന്ന് വിലയിരുത്തൽ; എല്ലാമാസവും ഒന്നിനുള്ള ഡ്രൈ ഡേ പിൻവലിച്ചേക്കും; ബാർ മുതലാളിമാർക്ക് കോളടിക്കും വിധം ബിവറേജസ് ഔട്ട് ലെറ്റുകളും ലേലം ചെയ്യും; കാരുണ്യക്കാർക്ക് കഷ്ടകാലം വന്നേക്കും; വരുമാന ചർച്ചകൾ ഇങ്ങനെ
- ജയലിനുള്ളിൽ കിടക്കുമ്പോഴും നിസാം കള്ളപ്പണ ഇടപാട് നടത്തിയോ? ബിനാമി ഇടപാടുണ്ടെന്ന ബിസിനസ്സ് പങ്കാളിയുടെ പരാതിയിൽ പുഴക്കരയിലെ വീടുകളിൽ ആദായ നികുതി റെയ്ഡ്; നിർണ്ണായക വിവരങ്ങൾ കിട്ടിയെന്നും സൂചന; ചന്ദ്രബോസ് വധക്കേസ് പ്രതിക്കെതിരെ ഇഡി അന്വേഷണത്തിനും സാധ്യത
- ഹോളിവുഡ് പ്രൊഡക്ഷന്റെ ഓഡിഷനിൽ പങ്കെടുത്ത് ഫഹദ് ഫാസിൽ; അവർ എനിക്ക് അഭിനയിക്കാൻ ഒരു സീൻ തന്നു; ആ സീനിനു മുൻപോ അതിനു ശേഷമോ എന്താണെന്ന് അറിയില്ലെന്ന് ഫഹദ്
- നിങ്ങൾ ബ്രിട്ടീഷ് പൗരത്വം എടുക്കാൻ ഉദ്ദേശിക്കുന്നുണ്ടോ ? എങ്കിൽ, ബ്രിട്ടീഷ് സംസ്കാരത്തെയും ജീവിത ശൈയിലെ കുറിച്ചുമെല്ലാം അറിഞ്ഞിരിക്കണം; സിറ്റിസൺഷിപ് ക്വിസ്സ് പാസായാൽ മാത്രം പൗരത്വം ലഭിക്കും; നിങ്ങളുടെ ബ്രിട്ടനെ കുറിച്ചുള്ള അറിവ് ഇവിടെ പരിശോധിക്കാം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്