1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

Apr / 2019
24
Wednesday

സമസ്ത മേഖലയിലും ഇതുവരെ ഇല്ലാത്ത അച്ചടക്കം; പണം ചെലവഴിക്കുമ്പോൾ സമ്പന്നർക്കും കരുതൽ; സാധാരണക്കാർക്കു പോലും ഓൺലൈൻ പേയ്‌മെന്റുകളും ഡിജിറ്റൽ ബാങ്കിങ്ങും; നന്നാകാൻ കൂട്ടാക്കാത്ത കെഎസ്ആർടിസി പോലും ഓൺലൈൻ ആകുന്നു; സാധാരണക്കാരന്റെ ദുരിതങ്ങൾ തുടരുകയും കള്ളപ്പണക്കാർ മിക്കവരും വലഭേദിച്ച് രക്ഷപ്പെടുകയും ചെയ്തിട്ടും മോദിയുടെ സർജിക്കൽ സ്‌ട്രൈക്ക് ഇന്ത്യയെ മാറ്റി മറിക്കുന്നത് ഇങ്ങനെ

December 04, 2016 | 04:12 PM IST | Permalink



സമസ്ത മേഖലയിലും ഇതുവരെ ഇല്ലാത്ത അച്ചടക്കം; പണം ചെലവഴിക്കുമ്പോൾ സമ്പന്നർക്കും കരുതൽ; സാധാരണക്കാർക്കു പോലും ഓൺലൈൻ പേയ്‌മെന്റുകളും ഡിജിറ്റൽ ബാങ്കിങ്ങും; നന്നാകാൻ കൂട്ടാക്കാത്ത കെഎസ്ആർടിസി പോലും ഓൺലൈൻ ആകുന്നു; സാധാരണക്കാരന്റെ ദുരിതങ്ങൾ തുടരുകയും കള്ളപ്പണക്കാർ മിക്കവരും വലഭേദിച്ച് രക്ഷപ്പെടുകയും ചെയ്തിട്ടും മോദിയുടെ സർജിക്കൽ സ്‌ട്രൈക്ക് ഇന്ത്യയെ മാറ്റി മറിക്കുന്നത് ഇങ്ങനെ

മറുനാടൻ ഡെസ്‌ക്‌

 നവംബർ എട്ടിന് അർദ്ധരാത്രി മുതൽ ആയിരത്തിന്റെയും അഞ്ഞൂറിന്റെയും നോട്ടുകൾ പിൻവലിച്ചുകൊണ്ട് പ്രധാനമന്ത്രി നരേന്ദ്ര മോദി നൽകിയ 'ഷോക്ക് ട്രീറ്റ്‌മെന്റിന്റെ' ആഘാതത്തിൽ തന്നെയാണ് രാജ്യം ഇപ്പോഴും. മുമ്പ് സ്വാതന്ത്ര്യം കിട്ടിയ വേളയിലും പിന്നീട് അടിയന്തിരാവസ്ഥയ്ക്കു ശേഷവും രാജ്യത്ത് നോട്ടുനിരോധനം നടപ്പാക്കിയിട്ടുണ്ടെങ്കിലും ഇതുപോലെ ഇരുട്ടിവെളുക്കുംമുമ്പ് നടപ്പാക്കിയ തീരുമാനമല്ലായിരുന്നു അത്. അതിനാൽതന്നെ മോദിയുടെ കറൻസി പിൻവലിക്കലിനെതിരെ ഉയർന്ന ആക്ഷേപങ്ങളും പ്രതിഷേധങ്ങളും നിരവധിയാണ്. അത് രാജ്യത്തെ സമ്പദ് വ്യവസ്ഥയിൽ ഉണ്ടാക്കുന്നതും ഇനി ഉണ്ടാക്കാൻ പോകുന്നതുമായുള്ള ആഘാതങ്ങളെ പറ്റിയുള്ള ചർച്ചകളും ഒരു വഴിക്ക് നടക്കുന്നു.

കള്ളപ്പണം പിടിക്കാനെന്ന പേരിൽ ഒരു മുൻകരുതലുമെടുക്കാതെ നടത്തിയതാണ് കറൻസി നിരോധനമെന്നും ഇതിൽ ഏറെ പീഡനം അനുഭവിക്കേണ്ടിവരുന്നത് രാജ്യത്തെ പാവപ്പെട്ടവർക്കാണെന്നുമുള്ള ആക്ഷേപമുയർത്തി മോദി വിരുദ്ധർ ഒന്നടങ്കം ഇതിനെതിരെ രാഷ്ട്രീയപരമായും അല്ലാതെയും നിലകൊള്ളുന്നു. എന്നാൽ ഇപ്പോഴത്തെ കഷ്ടപ്പാടെല്ലാം രാജ്യത്തിന്റെ നല്ല ഭാവിക്കുവേണ്ടിയാണെന്നും എല്ലാം ശരിയാകുമെന്നും അമ്പതുദിവസം കാത്തിരിക്കണമെന്നും പറഞ്ഞ് മോദിയും ബിജെപിയും മറുവശത്ത് ജനങ്ങളെ ആശ്വസിപ്പിക്കാനുള്ള ശ്രമങ്ങൾ തുടരുന്നു.

പക്ഷേ, പാർലമെന്റിനകത്തും പുറത്തും എത്രയൊക്കെ എതിർപ്പുകൾ ഉയർന്നിട്ടും കറൻസി പിൻവലിച്ച തീരുമാനത്തിൽ നിന്ന് നരേന്ദ്ര മോദി കടുകിട പിന്നോട്ടു പോയില്ല. മാത്രമല്ല, നവംബർ എട്ടിന് പ്രഖ്യാപിച്ച നിയന്ത്രണങ്ങൾ തുടർന്ന് ഓരോ ദിവസം പിന്നിടുമ്പോഴും കടുപ്പിക്കുകയാണ് കേന്ദ്രസർക്കാരും റിസർവ് ബാങ്കും ചെയ്തത്. രാജ്യത്തെ ഭൂരിപക്ഷം വരുന്ന സാധാരണക്കാരും ഇടത്തരക്കാരും ഉൾപ്പെടുന്ന സമൂഹം കയ്യിലുള്ള നിരോധിച്ച കറൻസികൾ മാറ്റാനായി ബാങ്കുകളിലേക്ക് ഒഴുകിയെത്തിയ ആദ്യ ദിനങ്ങൾ പിന്നിട്ട് നിരോധനം ഈ വരുന്ന ചൊവ്വാഴ്ച നാലാമത്തെ ആഴ്ച പിന്നിടും.

ഏതാണ്ട് അഞ്ചുലക്ഷം കോടിയിൽപ്പരം രൂപയുടെ കള്ളപ്പണം ഈ ഒരൊറ്റ നടപടിയിലൂടെ ഇല്ലാതാക്കാനാകുമെന്ന പ്രതീക്ഷയായിരുന്നു ഇത് നടപ്പാക്കുമ്പോൾ മോദിക്കും സംഘത്തിനും ഉണ്ടായിരുന്നത്. പക്ഷേ, അത്രത്തോളം എത്തില്ലെങ്കിലും രണ്ടുലക്ഷം കോടിയോളമെങ്കിലും കറൻസിയായി സൂക്ഷിച്ച കള്ളപ്പണം പിടികൂടപ്പെടുമെന്ന വിശ്വാസമാണ് ഇപ്പോഴും റിസർവ് ബാങ്ക് പങ്കുവയ്ക്കുന്നത്. ഇത്രയും കള്ളപ്പണം പിടിക്കാൻ ഇതുപോലൊരു പീഡനം രാജ്യത്തെ സമ്പദ് വ്യവസ്ഥയോട് നരേന്ദ്ര മോദി നടത്തണമായിരുന്നോ എന്ന ചോദ്യമുയർത്തിയാണ് ഇപ്പോഴും കലാപം.

വിമർശകർ ഒക്കെ രാജ്യവിരുദ്ധരും വിമർശനങ്ങൾ ഒക്കെ അർത്ഥ രഹിതവും എന്ന വാദം ശരിയൊന്നുമല്ല. നോട്ടു നിരോധനത്തിനെതിരെ ഉയർത്തപ്പെടുന്ന ആരോപണങ്ങളിൽ എല്ലാം യാഥാർത്ഥ്യമുണ്ട്. സാധാരണക്കാരുടെ ജീവിത ദുരിതം തീരാതെ നീണ്ടു പോവുകയാണ്. അതേസമയം, ഉദ്ദേശിച്ച പോലെ കള്ളപ്പണക്കാരെ തള്ളയ്ക്കാനും സാധിച്ചിട്ടില്ല. എന്നിരുന്നാലും ഈ പരിഷ്‌കരണം ഇന്ത്യക്കാരിൽ ഉണ്ടാക്കിയ മാറ്റം അസാധാരണമാണ്. ഒരു സമൂഹം മുഴുവൻ അവരുടെ ജീവിത രീതികളും ശീലങ്ങളും പൊളിച്ചെഴുതുന്നു. എല്ലായിടത്തും ഒരു അച്ചടക്കവും കണക്കും വ്യക്തതയും സംഭവിച്ചിരിക്കുന്നു. കള്ളപ്പണക്കാർ പഴുതുകളിലൂടെ രക്ഷപ്പെട്ടാലും ഇനി അധികകാലം കള്ളപ്പണം സൂക്ഷിക്കാൻ സാധിക്കില്ല എന്നൊരു അവസ്ഥ ഉണ്ടായിരിക്കുന്നു.

കോൺഗ്രസും കെജ്രിവാളും ഇടതുപക്ഷവും മമതയും ഉൾപ്പെടെയുള്ള പ്രതിപക്ഷം ഒന്നടങ്കം ദിവസവും ഓരോ കാരണങ്ങളുമായി എത്തുന്നു. വെറും രണ്ടുലക്ഷം കോടിയിൽത്താഴെ രൂപയുടെ കള്ളപ്പണം പിടിക്കാനായിരുന്നോ രാജ്യത്തെ സമ്പദ് വ്യവസ്ഥയെ പിന്നോട്ടടിച്ച, രാജ്യത്തിന്റെ വളർച്ചാനിരക്ക് രണ്ടുശതമാനത്തിലേറെ താഴാനിടയായ ഈ കറൻസി നിരോധനം എന്നു ചോദിച്ചാണ് അവരുടെ കളിയാക്കലും വിമർശനവും. പ്രത്യക്ഷത്തിൽ അവർ പറയുന്നതാണ് ശരിയെന്ന് തോന്നുമെങ്കിലും രാജ്യത്തെ സമ്പദ് വ്യവസ്ഥയിൽ മോദി നടത്തിയ 'അടിയന്തിര ശസ്ത്രക്രിയ'യുടെ യഥാർത്ഥ ലക്ഷ്യം എന്തായിരുന്നു.

രാജ്യത്തെ മാത്രമല്ല, ലോകത്തെതന്നെ സാമ്പത്തിക വിദഗ്ദ്ധർ ഈ അന്വേഷണത്തിന് ഇറങ്ങുമ്പോൾ തെളിയുന്ന ചിത്രം മറ്റൊന്നാണ്. കുറച്ചു കള്ളപ്പണം അമ്പതുദിവസംകൊണ്ട് പിടിച്ചെടുത്തുകളയാമെന്ന മണ്ടൻ ചിന്തയിലല്ല മോദിയും കേന്ദ്രസർക്കാരും ഈ സർജിക്കൽ സ്‌ട്രൈക്ക് നടത്തിയത്. മറിച്ച് രാജ്യംഭരിച്ച ഒരു സർക്കാരും ഇതുവരെ ചെയ്തിട്ടില്ലാത്ത തരത്തിൽ പഴുതുകളില്ലാത്ത ഒരു സമ്പദ് വ്യവസ്ഥ ഇന്ത്യക്ക് വേണ്ടി തയ്യാറാക്കുന്നതിന്റെ ആദ്യ ചുവടുവയ്പ് മാത്രമാണ് ഈ കറൻസി നിരോധനം എന്ന വാസ്തവത്തിലേക്ക് ആദ്യം വിമർശനം ഉന്നയിച്ച സാമ്പത്തിക വിദഗ്ദ്ധർ വരെ ഇപ്പോൾ എത്തിച്ചേരുകയാണ്.

ചെറുമീനുകൾ പോലും കുടുങ്ങുന്ന വല തീർത്ത് മോദി

ഒരു രോഗം വന്നാൽ എന്താണ് ചെയ്യുക. ചികിത്സിക്കുകയേ മാർഗമുള്ളൂ. രോഗം തിരിച്ചറിയാൻ വൈകുകയും അഥവാ അറിഞ്ഞിട്ടും ചികിത്സിക്കാതിരിക്കുകയും ചെയ്താൽ അത് മരണകാരണമായി മാറും. അവസാന നിമിഷമെങ്കിലും ഇങ്ങനെയൊരു സ്ഥിതി തിരിച്ചറിയുമ്പോൾ ആരും ചെയ്യുന്നതേ നരേന്ദ്ര മോദിയും ചെയ്തിട്ടുള്ളൂ. രാജ്യത്ത് സമ്പന്നരും ഇടത്തരക്കാരും ഉൾപ്പെടെ നിരവധിപേർ ഉൾപ്പെടുന്ന ഒരു സമാന്തര സമ്പദ് വ്യവസ്ഥ വളർന്നു തുടങ്ങിയത് ഇപ്പോഴൊന്നുമല്ല. സ്വാതന്ത്ര്യം കിട്ടി ഇന്ത്യയുടെ ആദ്യ പ്രധാനമന്ത്രിയായി ജവഹർലാൽ നെഹ്‌റു അധികാരമേറ്റ കാലത്തുതന്നെ ഇതിന്റെ തുടക്കം കുറിക്കപ്പെട്ടിരുന്നു.

ഇന്ത്യയിലെ പല മുൻനിര ബിസിനസ് കുടുംബങ്ങളും രാഷ്ട്രീയ നേതൃത്വം തമ്മിലുള്ള അവിശുദ്ധ ബന്ധം ആദ്യം തുറന്നുകാട്ടിയതാകട്ടെ അന്ന് റായ്ബറേലിയിൽ നിന്ന് തിരഞ്ഞെടുക്കപ്പെട്ട് പാർലമെന്റ് അംഗമായ നെഹ്‌റുവിന്റെ മരുമകനും ഇന്ദിരാഗാന്ധിയുടെ ഭർത്താവുമായിരുന്ന സാക്ഷാൽ ഫിറോസ് ജഹാംഗീർ ഗാന്ധിയായിരുന്നു. റാം കിഷൻ ഡാൽമിയയുടെ ബാങ്കിലേക്ക് പൊതുമേഖലാ സ്ഥാപനങ്ങളിൽ നിന്ന് ഫണ്ട് ഒഴുകുന്നത് വെളിപ്പെടുത്തിയും എൽഐസിയിൽ ഹരിദാസ് മുന്ധ്ര നടത്തിയ ഇടപെടലുകളുമെല്ലാം പുറത്തുകൊണ്ടുവന്ന് ഫിറോസ് ഗാന്ധി അക്കാലത്ത് നെഹ്‌റുവിന് അനഭിമതനായതും ചരിത്രം.

ഇന്ന് അതേ റായ് ബറേലി മണ്ഡലത്തിൽ നിന്ന് ജയിച്ച ഫിറോസിന്റെ മരുമകൾ സോണിയാഗാന്ധി കോൺഗ്രസ് അധ്യക്ഷയായി തുടരുന്ന കാലമെത്തുമ്പോഴേക്കും അന്ന് ഫിറോസ് ചൂണ്ടിക്കാട്ടിയ താരതമ്യേന ചെറിയ തെറ്റുകൾ വളർന്ന് രാജ്യത്തിന്റെ സമ്പദ് വ്യവസ്ഥയിൽ കോർപ്പറേറ്റുകൾ സമ്പൂർണാധിപത്യം സ്ഥാപിച്ചു കഴിഞ്ഞിരിക്കുന്നു. നെഹ്‌റുവിന് പിന്നീട് മാറിമാറി വന്ന ഒരു സർക്കാരുകളും ഇതുവരെ ഇത്തരത്തിൽ രാജ്യത്തിന്റെ സമ്പദ് വ്യവസ്ഥയെ കാർന്നുതിന്നുന്ന വൻകിടക്കാർക്കെതിരെ ഒരു വിരൽപോലും അനക്കിയില്ല. അതിന്റെ ഫലമായാണ് രാജ്യത്തെ സമ്പദ് വ്യവസ്ഥയെ തകർക്കുംവിധം വന്മരത്തെ പൊതിയുന്ന കാട്ടുവള്ളിപോലെ സമാന്തര കളപ്പണ വ്യവസ്ഥയും രാജ്യത്ത് വളർന്നു പന്തലിച്ചത്.

സത്യത്തിൽ ഈ കാട്ടുവള്ളിയുടെ കടയ്ക്കൽ കത്തിവയ്ക്കുന്ന ശസ്ത്രക്രിയ തന്നെയാണ് നരേന്ദ്ര മോദി ഇപ്പോൾ നടത്തിയ കറൻസി നിരോധനമെന്നു പറയാം. ഇതുകൊണ്ട് സമ്പദ് വ്യവസ്ഥയ്ക്കുണ്ടായ മുറിവുകൾ ഒറ്റയടിക്ക് ഉണങ്ങുകയില്ലെന്ന് അറിയാതെയല്ല പ്രധാനമന്ത്രി ഇത്തരമൊരു തീരുമാനമെടുത്തത്. പകരം ഇതുപോലെ കള്ളപ്പണത്തിൽ കെട്ടിപ്പടുത്ത ഒരു സമാന്തര വ്യവസ്ഥ ഇവിടെ വളർന്നുവരാതിരിക്കാനുള്ള തുടക്കമിടുകയായിരുന്നു മോദി. കാട്ടുവള്ളി ചുറ്റിവരിഞ്ഞ് വന്മരത്തെ വീഴ്‌ത്താൻ തുടങ്ങുംമുമ്പുള്ള അടിയന്തിര നടപടി മാത്രമായിരുന്നു കറൻസി നിരോധനം.

ഇനിയങ്ങോട്ട് ഇടപാടുകൾ വ്യവസ്ഥാപിതമാകുമ്പോൾ

ഈയൊരു കറൻസി നിരോധനത്തിലൂടെ രാജ്യത്തെ ജനങ്ങളെ മോദി പഠിപ്പിക്കാൻ ഉദ്ദേശിക്കുന്നത് രണ്ടു കാര്യങ്ങളാണ്. കൃത്യമായ വ്യവസ്ഥാപിത മാർഗത്തിലൂടെ അല്ലാത് ഇനി പണമിടപാട് പറ്റില്ല. ഇത്രയും ചുരുങ്ങിയ ദിവസംകൊണ്ടുതന്നെ അത്തരമൊരു അവബോധം ഉണ്ടാക്കാൻ കറൻസി നിരോധനത്തിന് കഴിഞ്ഞിട്ടുണ്ട്. വൻകിട ഇടപാടുകളെല്ലാം ബാങ്കുകളിലൂടെയെ നടത്താനാകൂ എന്ന ബോധ്യമുണ്ടാകാൻ ഇത് വലിയതോതിൽ സഹായിച്ചിട്ടുണ്ട്. കറൻസി പൂർണമായും ഇല്ലാതാക്കുകയെന്നത് കേന്ദ്ര സർക്കാരിന്റെ അജണ്ടയിലില്ല.

പക്ഷേ, ചെറുകിട കച്ചവടങ്ങൾക്കൊഴികെ കറൻസി ഇനി ഉപയോഗിക്കാനാവാത്ത സ്ഥിതിയാണ് വന്നുചേരുന്നത്. മാത്രമല്ല, കാർഡ്, ഇ-വാലറ്റ്, ഇന്റർനെറ്റ് ബാങ്കിങ് തുടങ്ങി പണമിടപാടിന് മറ്റു മാർഗങ്ങൾ തേടുന്നവരുടെ എണ്ണവും കൂടിത്തുടങ്ങി. കള്ളപ്പണം കറൻസിയായി മാത്രമല്ല സൂക്ഷിക്കപ്പെടുന്നതെന്നും സ്വർണമായും ഭൂമിയായും പലരും സമ്പാദിച്ചുകൂട്ടിയിട്ടുണ്ടെന്നും അതിനാൽ മോദിയുടെ കറൻസി നിരോധനം കാര്യമില്ലെന്നുമായിരുന്നു പ്രധാന വാദം. പക്ഷേ, ഇത്തരത്തിൽ ഒളിപ്പിച്ച സ്വർണവും ഭൂമിയുമെല്ലാം ഇനി കൈമാറ്റം ചെയ്യുമ്പോഴേ അതിന് പണത്തിന്റെ മൂല്യമുണ്ടാകൂ. ഇത് തടയാനുള്ള ഫലപ്രദമായ ഒരു സിസ്റ്റം രാജ്യത്തുകൊണ്ടുവരാനാണ് നരേന്ദ്ര മോദി ലക്ഷ്യമിട്ടിട്ടുള്ളതെന്ന് ഇതിനകം വ്യക്തമാകുകയും ചെയ്തിട്ടുണ്ട്. ഇത്തരത്തിൽ ഇടപാടുകളെല്ലാം ഇപ്പോൾ നടപ്പായിക്കൊണ്ടിരിക്കുന്ന പഴുതുകളില്ലാത്ത ഒരു സിസ്റ്റത്തിന്റെ ഭാഗമാകുമ്പോൾ ഒറ്റദിവസംകൊണ്ടല്ലെങ്കിലും പടിപടിയായി കള്ളപ്പണമെന്ന ഇടപാട് ഇല്ലാതാകുമെന്ന വിലയിരുത്തലാണ് ഇപ്പോൾ സാമ്പത്തിക വിദഗ്ധരും പങ്കുവയ്ക്കുന്നത്. കറൻസി നിരോധനം കൊണ്ട് ഉണ്ടായ നേട്ടങ്ങളും കോട്ടങ്ങളും തമ്മിൽ കുറച്ചുകാലം കഴിഞ്ഞ് തുലനംചെയ്ത് നോക്കുമ്പോൾ അത് രാജ്യത്തിന് ഗുണകരമാണെന്നുതന്നെ വിലയിരുത്തപ്പെടുമെന്ന് വ്യക്തമാണ്.

നോട്ടുനിരോധനം വരുത്തിവച്ച കെടുതികൾ

നോട്ടുനിരോധനം കൊണ്ട് രാജ്യത്തെ ജനങ്ങളിൽ വലിയൊരു ഭാഗം ശരിക്കും വലഞ്ഞുവെന്നതുതന്നെയാണ് ഇതിന്റെ പോരായ്മയായി എടുത്തു പറയാവുന്ന ന്യൂനത. പക്ഷേ, ഇത്തരത്തിൽ ഒരു നടപടിയിലൂടെയല്ലാതെ ജനങ്ങളെ സാമ്പത്തിക അച്ചടക്കം പഠിപ്പിക്കാനാവില്ലെന്ന് സാമ്പത്തിക വിദഗ്ദ്ധർതന്നെ വിലയിരുത്തുന്നു. ഇടപാടുകൾ ഇനിയങ്ങോട്ട് നിയമപരമായി മാത്രമേ ചെയ്യാവൂ എന്നും അല്ലെങ്കിൽ പണികിട്ടുമെന്നും ഓർമ്മിപ്പിക്കുന്ന ഒരു ചൂരൽപ്പിട തന്നെയായിരുന്നു കറൻസി നിരോധനം. ജനങ്ങൾ വലയുന്നു എന്നതുൾപ്പെടെ നിരവധി ആക്ഷേപങ്ങളാണ് കറൻസി നിരോധനം നെഗറ്റീവ് ആണെന്ന് കരുതുന്നവർ ചൂണ്ടിക്കാട്ടിയത്.

ബാങ്കുകളിലേക്ക് തള്ളിക്കയറുകയും ദിവസങ്ങളോളം ക്യൂനിൽക്കുകയും ചെയ്ത് ജനം വലഞ്ഞതുതന്നെയാണ് ഇതിലുണ്ടായ ആദ്യ പ്രശ്‌നം. മറ്റെല്ലാ കാര്യങ്ങളും മാറ്റിവച്ച് കൈവശമുണ്ടായിരുന്ന നിരോധിത കറൻസി മാറ്റാൻ ജനം ഒഴുകിയെത്തി. പക്ഷേ, ആ തിരക്ക് കുറഞ്ഞുതുടങ്ങി. ഇനിയും നാലാഴ്ചകൂടി പണം മാറ്റാൻ സാഹചര്യവുമുണ്ടെന്നതിനാൽ ഇത് ഇനി പ്രസക്തമല്ല. സാധാരണക്കാർക്ക് കറൻസി ആവശ്യത്തിന് കിട്ടുന്നില്ലെന്നതാണ് മറ്റൊരു പരാതി. ചെറുകിട വ്യാപാരികൾക്കും കർഷകർ ഉൾപ്പെടെയുള്ളവർക്കും ഇത് തിരിച്ചടിയായി.

പക്ഷേ, കൂടുതൽ കറൻസി അച്ചടിച്ച് എത്തുന്നതോടെ ഇത് മാറിത്തുടങ്ങും. നിരോധനം വന്ന് നാലാഴ്ച പിന്നിടുമ്പോൾ മുമ്പുണ്ടായിരുന്നത്ര തിരക്ക് ഇപ്പോൾ ബാങ്കുകളിൽ ഇല്ലെന്നതുതന്നെ ഇതിന്റെ സൂചനകൾ. ശമ്പളം വരുന്ന ദിവസങ്ങളായതിനാൽ ഡിസംബർആദ്യവാരംകൂടി തിരക്ക് അൽപം ഉണ്ടാകുമെങ്കിലും ഇനിയൊരു പത്തുനാൾ കൂടി കഴിയുമ്പോൾ ജനങ്ങൾക്ക് കറൻസി കൈവശമില്ലാത്തതു കൊണ്ട് ഇടപാടുകൾ നടത്താൻ പറ്റാത്ത സ്ഥിതി മാറുമെന്നാണ് റിസർവ് ബാങ്ക് അധികൃതരും വ്യക്തമാക്കുന്നത്.

ഇത്രയും പ്രത്യക്ഷത്തിൽ സാധാരണക്കാർ അനുഭവിച്ച ദുരിതം. പക്ഷേ, ഇതല്ലാതെ ചെറിയതോതിൽ വിലക്കയറ്റം ഉണ്ടാകാനുള്ള സാധ്യതയുണ്ടെന്നാണ് റി്‌പ്പോർട്ടുകൾ. കൂടാതെ കർഷകർക്ക് യഥാസമയം കൃഷിയിറക്കാൻ കഴിയാത്ത സാഹചര്യവും കറൻസി ഇല്ലാത്തതിനാൽ സാധനങ്ങൾ വാങ്ങുന്നതിന് പലരും സ്വയം നിയന്ത്രണം കൊണ്ടുവന്നതോടെ കച്ചവടം കുറഞ്ഞതുമെല്ലാം പ്രശ്‌നമായിട്ടുണ്ട്. നിർമ്മാണ മേഖലകളിൽ ഉണ്ടായ മാന്ദ്യം ദിവസക്കൂലിക്കാർക്ക് തൊഴിൽ കുറയുന്ന സ്ഥിതിയും ഉണ്ടാക്കുന്നു.

വിവാഹ സീസണിലായതിനാൽ പണം ഉപയോഗിച്ചുതന്നെ നടത്തേണ്ട ഇടപാടുകൾക്ക് മാർഗമില്ലാതായെന്ന ആക്ഷേപവും പുറത്തുവരുന്നുണ്ട്. ഇതിനെല്ലാം പുറമെ കറൻസി നിരോധനം ആദ്യഘട്ടത്തിൽ രാജ്യത്തിന്റെ വളർച്ചയെ ഗുരുതരമായിതന്നെ ബാധിക്കുമെന്നതിലും സംശയമില്ല. വളർച്ചാ നിരക്കിൽ ചൈനയെ പിന്തള്ളുന്ന സ്ഥിതിയിലേക്ക് മുന്നേറിക്കൊണ്ടിരിക്കുമ്പോഴാണ് കറൻസി നിരോധനം വന്നത്. രണ്ടു ശതമാനമെങ്കിലും വളർച്ചാ നിരക്കിൽ കുറവുണ്ടാകുമെന്ന് ഇപ്പോൾത്തന്നെ വിലയിരുത്തൽ വന്നുകഴിഞ്ഞു. ഇത്തരത്തിൽ ചെറുതും വലുതുമായി ഇപ്പോൾ സംഭവിച്ചുകൊണ്ടിരിക്കുന്നതും സമീപഭാവിയിൽ സംഭവിക്കാവുന്നതുമായ നിരവധി തിരിച്ചടികൾ രാജ്യത്തിന് നേരിടേണ്ടിവരും.


പണത്തിന്റെ വിലയറിഞ്ഞ് ചെലവാക്കാൻ ഇന്ത്യ പഠിക്കുമ്പോൾ

അധ്വാനിച്ച് സമ്പാദിക്കുക, അത് സൂക്ഷിച്ചു ചെലവാക്കുക,, ഭാവിക്കുവേണ്ടി കരുതിവയ്ക്കുക എന്നിങ്ങനെയുള്ള കാര്യങ്ങളിൽ സ്വയം നിയന്ത്രണം നടത്താത്തവർക്കെല്ലാം കുടുക്കായി മാറുകയാണ് കറൻസി നിരോധനവും അതിന് പിന്നാലെ കേന്ദ്രം കൊണ്ടുവരാൻ പോകുന്ന നടപടികളും. വീടു നന്നാക്കിയാൽ നാടുനന്നാകും എന്ന ചൊല്ലുതന്നെയാണ് മോദി എല്ലാവരെക്കൊണ്ടും നടപ്പാക്കാൻ ശ്രമിക്കുന്നത്. എത്ര പറഞ്ഞാലും അനുസരിക്കാത്തവർക്ക് ഇനിയങ്ങോട്ട് കാര്യങ്ങൾ ബുദ്ധിമുട്ടാകും വിധത്തിൽ കാര്യങ്ങൾ കടുപ്പിക്കുകയും ചെയ്യുന്നു. രാജ്യത്തുണ്ടായിരുന്ന നിയമങ്ങളെ മാനിച്ചുകൊണ്ട് നല്ലരീതിയിൽ ബിസിനസ് നടത്തിയും ജോലിചെയ്തും സമ്പാദിച്ചിരുന്നവർക്ക് ഇ്‌പ്പോൾ കറൻസി നിരോധനം കൊണ്ടുവന്നത് ഒരു വിഷയമേ ആയിട്ടില്ല.

സർക്കാർ, സ്വകാര്യമേഖലകളിൽ ജോലിചെയ്യുന്ന, മാസശമ്പളം കൃത്യമായി അക്കൗണ്ടുകളിൽ വരുന്നവർ അതിന് എല്ലാക്കാലത്തും പരിധിക്ക് പുറത്തുള്ള സമ്പാദ്യത്തിന് ടാക്‌സ് നൽകാറുണ്ട്. ഏതുകാലത്തും സർക്കാരിന് കൃത്യമായി കിട്ടുന്ന വരുമാനമാണ് അത്. അത്തരക്കാർക്ക് ഈ കറൻസി നിരോധനം ഒരു വിഷമവും ഉണ്ടാക്കിയിട്ടില്ല. അതുപോലെ തന്നെ നിയമപരമായി ഏതു ബിസിനസ് നടത്തുന്നവർക്കും ഇത് പ്രശ്‌നമല്ലെന്ന് ചാർട്ടേഡ് അക്കൗണ്ടന്റുമാരും പറയുന്നു.

അപ്പോൾ ആർക്കാണ് ഇതുകൊണ്ട് കുഴപ്പം. രാജ്യത്ത് കള്ളപ്പണംകൊണ്ട്, നികുതി നൽകാതെ കെട്ടിപ്പൊക്കിയ സമാന്തര സമ്പദ് വ്യവസ്ഥയെ പ്രോത്സാഹിപ്പിക്കുന്നവർക്കു മാത്രമാണ് ഭാവിയിൽ മോദി നടപ്പാക്കുന്ന പുതിയ സാമ്പത്തിക വ്യവസ്ഥകൊണ്ട് കൊണ്ട് പ്രശ്‌നമുണ്ടാകുക. ഇത്തരം ഇടപാടുകൾ നടക്കുമ്പോൾ അതിനോടു ചേർന്നുനിന്ന്, അതിന്റെ ലാഭംപറ്റിയിരുന്നത് കോർപ്പറേറ്റുകൾ മാത്രമല്ല, പാവപ്പെട്ടവർ വരെയുണ്ട്. കുഴൽപ്പണ ഇടപാടുകൾക്കും മറ്റും സഹായംചെയ്തും, ഭൂമി വില കുറച്ചുകാണിച്ച് ആധാരം രജിസ്റ്റർചെയ്തുമെല്ലാം സാധാരണക്കാരും നികുതി വെട്ടിക്കുന്നുണ്ട്. സമ്പന്ന രാജ്യങ്ങളായി വിലയിരുത്തപ്പെടുന്ന രാജ്യങ്ങൾ ഒരു സുപ്രഭാതത്തിലല്ല സമ്പന്നമായത്. അമേരിക്കയിലും ബ്രിട്ടനിലുമെല്ലാം അടിസ്ഥാന സൗകര്യങ്ങൾ വർധിച്ചതും രാജ്യത്തെ ജീവിത സാഹചര്യങ്ങൾ മെച്ചപ്പെട്ടതും അവിടെയെല്ലാം നികുതി വെട്ടിക്കുന്നതിന് പഴുതുകളില്ലാത്ത സാഹചര്യം നിലനിൽക്കുന്നതുകൊണ്ടു കൂടിയാണ്. അവിടെ തട്ടിപ്പുകാരും ദരിദ്രരും ഇല്ലെന്നല്ല, ഇതിനർത്ഥം. മറിച്ച് അത്തരം തട്ടിപ്പുകൾ ഉണ്ടായാൽ അപ്പോൾ പിടിവീഴുമെന്ന സാഹചര്യം ഉണ്ട് എന്നതാണ്.

കള്ളസമ്പാദ്യങ്ങൾക്ക് എന്നത്തേക്കും ഗുഡ്‌ബൈ

നല്ലൊരു സാമ്പത്തിക സിസ്റ്റം നടപ്പായി വരുന്നതോടെ നല്ല ജീവിത സാഹചര്യം ഉള്ള രാജ്യമായി ഇന്ത്യയ്ക്കും മാറാൻ കഴിയും. കറൻസി നിരോധനത്തിന്റെ ദുഷ്ഫലമെന്ന നിലയിൽ ആദ്യഘട്ടത്തിൽ രാജ്യത്തിന്റെ സാമ്പത്തിക വളർച്ച താഴോട്ടു പോകുമെങ്കിലും ഇത് സമാന്തര സമ്പദ് വ്യവസ്ഥയെ ഇല്ലാതാക്കുമെന്നതാണ് ഏറ്റവും വലിയ നേട്ടം. 84 ശതമാനം കറൻസിയാണ് നിരോധിച്ചത്. 50 ദിവസത്തെ കാലാവധി കഴിഞ്ഞും തിരിച്ചെത്താത്ത പണം രാജ്യത്തിന് മുതൽക്കൂട്ടാകുമെന്നതായിരിക്കും ആദ്യ പ്രതിഫലനം. പാക്കിസ്ഥാനിൽ നിന്നും മറ്റും എത്തിച്ച കള്ളനോട്ടുകൾ ഒറ്റയടിക്ക് അസാധുവായി എന്നത് മറ്റൊരു നേട്ടം. ഭീകരർ ഉൾപ്പെടെയുള്ളവർക്കും കള്ളക്കടത്തുകാർക്കുമെല്ലാം ചാകരയായിരുന്ന സാഹചര്യമാണ് ഇതോടെ മാറുന്നത്. പുതിയ നോട്ടുകളുടെ മാതൃകയിൽ കള്ളനോട്ടുകൾ വൈകാതെ ഇറങ്ങുമെന്നും അത് വീണ്ടും രാജ്യത്ത് സർക്കുലേറ്റ് ചെയ്യപ്പെടുമെന്നും വാദമുണ്ട്. പക്ഷേ, ഇനി വലിയ ഇടപാടുകൾ ബാങ്കിലൂടെ മാത്രമേ നടത്താനാകൂ എന്ന സ്ഥിതി വരുന്നതോടെ ഇത്തരം നോട്ടുകൾക്ക് മുമ്പത്തേക്കാളും എളുപ്പം പിടിവീഴും. മാത്രമല്ല നാട്ടിൽ ചെലവാക്കാനും ബുദ്ധിമുട്ടാകും.

കള്ളപ്പണം കറൻസിയായി അല്ലാതെ മറ്റു മാർഗങ്ങളിൽ മാറ്റിയെടുത്തവർക്ക്, അതായത് സ്വർണമോ ഭൂമിയോ ഓഹരികളോ ആകട്ടെ, അതിനെ തിരിച്ച് ബാങ്കിങ് സിസ്റ്റത്തിൽ എത്തിക്കാൻ ഇനി പഴുതുകൾ ഉണ്ടാകില്ല. പുതിയ നോട്ടുകൾ അച്ചടിച്ച് കൂടുതലായി എത്തുന്നതോടെ ഇപ്പോഴത്തെ കറൻസി പ്രശ്‌നം വളരെ പെട്ടെന്ന് ഇല്ലാതാകും. എല്ലാത്തരം വാങ്ങലുകൾക്കും മിതത്വം വരുമെന്നതാണ് മറ്റൊരു പ്രധാന നേട്ടം. റിയൽ എസ്റ്റേറ്റ്, സ്വർണം മേഖലകളിൽ വിൽപന വലിയതോതിൽ കുറയും. വാഹനങ്ങളും ആഡംബര വസ്തുക്കളും വാങ്ങുന്ന പ്രവണതയിലും കുറവുവരും. കൃഷി, ചെറുകിട വ്യവസായം, സേവന മേഖലകൾ, ഫർണീച്ചർ ഉൾപ്പെടെയുള്ള വീട്ടുസാധനങ്ങൾ തുടങ്ങിയ മേഖലകളിൽ തുടക്കത്തിൽ മാന്ദ്യമുണ്ടാകും.

രാജ്യത്തിന്റെ സാമ്പത്തിക വളർച്ചയിൽ ആദ്യം മുരടിപ്പ് ഉണ്ടാകുമെങ്കിലും എട്ടുമുതൽ പത്തുമാസത്തിനകം അത് തിരിച്ചുവരവ് പ്രകടിപ്പിച്ചുതുടങ്ങും. കറൻസി നിരോധനത്തിന്റെ തുടർ നടപടികളായി ഓരോ മേഖലയിലും നികുതി ചോർച്ച തടയാനുള്ള നടപടികൾ കേന്ദ്രസർക്കാർ കൊണ്ടുവരും. ഇതോടെ രാജ്യത്തിന്റെ സാമ്പത്തിക നില കൂടുതൽ ഭദ്രമാവുകയും കൃത്യമായി എത്തിച്ചേരേണ്ട നികുതി എത്തുകയും ചെയ്യും.

ബാങ്കിങ് മേഖലയ്ക്ക് പുത്തൻ ഉണർവാകും ഇപ്പോഴത്തെ കറൻസി നിരോധനം. കൂടുതൽ ലോണുകൾ നൽകാനുള്ള സാഹചര്യവും പലിശ നിരക്ക് കുറയാനുള്ള സാഹചര്യവും ഇതിനകം തന്നെ ഉണ്ടായിക്കഴിഞ്ഞു. സാധാരണക്കാർക്ക് അവരുടെ ആവശ്യത്തിന്, എന്നാൽ സമ്പാദ്യത്തിന് അനുസരിച്ച് ലോൺ എളുപ്പം കിട്ടാനും സാധ്യത തെളിയും. സർക്കാർ വിഭാവനം ചെയ്യുന്ന പദ്ധതികൾക്ക് കൂടുതൽ ഫണ്ട് ലഭ്യമാകുമെന്നതിനാൽ അടിസ്ഥാന സൗകര്യ വികസനം വളരെ വേഗം മുന്നേറും. ഇതോടൊപ്പം അടുത്ത സാമ്പത്തിക വർഷം മുതൽ ജിഎസ്ടി എന്ന ചരക്കു സേവന നികുതി വ്യവസ്ഥ നടപ്പിലാകുന്നതോടെ നികുതി പിരിവ് കൂടുതൽ കൃത്യതയ്യാർന്നതും സുതാര്യവുമാകും. ഓരോ സംസ്ഥാനത്തെ സർക്കാരിനും തന്നിഷ്ടപ്രകാരം നികുതിയിളവ് നൽകാൻ കഴിയാത്ത സാഹചര്യമുൾപ്പെടെയുള്ള നടപടികളാണ് വരുന്നത് എ്ന്നതിനാൽ നികുതിയിളവ് നൽകിയും മറ്റും ആർക്കും നേട്ടമുണ്ടാക്കാനോ കോഴ കൈപ്പറ്റാനോ കഴിയില്ലെന്നതാണ് മറ്റൊരു നേട്ടം.

പണം അക്കൗണ്ടിലൂടെയേ കൈമാറാനാകൂ എന്നതിനാൽ കള്ളപ്പണ റാക്കറ്റുകൾക്ക് ഇനി ഭാവിയില്ലെന്നുതന്നെ പറയാം. വലിയ അളവിൽ കോടികൾ കറൻസിയായി കൈമാറാൻ ഭയക്കുന്ന സാഹചര്യം വന്നതോടെ ഇതിന് സാധ്യത ഇല്ലാതാകും. ഭീകര പ്രവർത്തനത്തിന് ഫണ്ടിങ് വലിയൊരളവിൽ നിലയ്ക്കുമെന്നതാണ് മറ്റൊരു പ്രധാന ഗുണം. സംഘടനകളുടെ പേരിലും കുഴൽപ്പണമായും എല്ലാം എത്തുന്ന പണത്തിൽ പലതും ഇത്തരം ദേശദ്രോഹ ഇടപാടുകൾക്കായി വ്യാപകമായി കൈമാറ്റം ചെയ്യപ്പെടുന്നുണ്ട്. ഇത് ഏതാണ്ട് പൂർണമായും തടയപ്പെടും. വലിയ തുകകൾ തലവരിപ്പണമായി വാങ്ങുന്ന സാഹചര്യം മാറും. വൻകിട സ്‌കൂളുകൾ മുതൽ മെഡിക്കൽ, എൻജിനീയറിങ് കോളേജുകളിൽ വരെ ഇത്തരത്തിൽ കോടികളുടെ ഇടപാടാണ് നടന്നിരുന്നത്. ഇതെല്ലാം ഒറ്റയടിക്ക് ഇല്ലാതാകുമെന്നാണ് സൂചനകൾ. വില കുറച്ചുകാട്ടി ഭൂമി വാങ്ങുകയും വിലകുറച്ച് ഫ്ളാറ്റുകളും മറ്റും വിൽക്കുകയും ചെയ്യുന്ന പ്രവണതയും ഇല്ലാതാകും. ഇത്തരം നിയന്ത്രണങ്ങൾക്കായി പുതിയ നിയമനിർമ്മാണങ്ങൾ കേന്ദ്രം കൊണ്ടുവരുന്നുണ്ടെന്നാണ് സൂചനകൾ.

ഇത്തരത്തിൽ സമസ്ത മേഖലകളിലും സാമ്പത്തിക അച്ചടക്കം കൊണ്ടുവരുന്നതിന്റെ ഭാഗമായാണ് നരേന്ദ്ര മോദി കറൻസി നിരോധനം ആദ്യ പടിയായി നടപ്പാക്കിയത്. കാഷ്‌ലെസ് ഇടപാടുകൾ പ്രോത്സാഹിപ്പിച്ചും വൻകിട പണമിടപാടുകൾക്ക് നിയന്ത്രണമേർപ്പെടുത്തിയും രാജ്യത്തെ സാമ്പത്തിക വ്യവസ്ഥയെ കൃത്യമാക്കുന്ന ഒരു സിസ്റ്റം സ്ഥാപിക്കൽ തന്നെയാണ് ഇത്. ഇഴയകലം കുറവുള്ള ചെറിയ കണ്ണികളുള്ള ഒരു വല തീർത്ത് നടത്തുന്ന പരീക്ഷണം വിജയിക്കുമെന്ന് അദ്ദേഹം ഉറപ്പിച്ചു പറയുന്നു. വലിയ മീനുകൾ മാത്രമല്ല, ചെറിയ മീനുകളും കള്ളപ്പണത്തിന്റെ ലോകത്ത് ധാരാളമുണ്ടെന്നും അവയ്ക്കുപോലും ചാടിപ്പോകാൻ പറ്റാത്ത വലയിൽ എല്ലാ മീനുകളും കുടുങ്ങുമെന്നും സൂചിപ്പിച്ചുകൊണ്ട്.

മറുനാടൻ ഡെസ്‌ക്‌    
മറുനാടൻ മലയാളി റിപ്പോർട്ടർ

mail: editor@marunadanmalayali.com

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

Loading...

MNM Recommends

TODAYLAST WEEKLAST MONTH
അനിയനെ ചിതയിലേക്ക് എടുത്ത് 15 മിനിറ്റ് കഴിഞ്ഞപ്പോൾ ബാക്കി സ്വർണ്ണവുമായി വീടു വിട്ടിറങ്ങി; പ്രമാണവും കാറിന്റെ ആർസി ബുക്കും വരെ കൊണ്ടു പോയി; ലക്ഷ്യമിട്ടത് സൈനികന്റെ ഭാര്യയെന്ന നിലയിലെ ആശ്രിത നിയമനവും ആനുകൂല്യവും പെൻഷനും; സ്വത്തും ജോലിയും തട്ടിയെടുത്ത് ആഗ്രഹിച്ചത് കാമുകനൊപ്പമുള്ള സുഖജീവിതം; ആത്മഹത്യ ചെയ്ത വിശാഖിന്റെ സഹോദരന്റെ ഞെട്ടിപ്പിക്കുന്ന വെളിപ്പെടുത്തൽ മറുനാടനോട്; അമിതാബ് അഴിക്കുള്ളിലെങ്കിലും കാമുകിക്ക് പുറത്ത് സുഖജീവിതം; സൈനികന്റെ മരണത്തിൽ ദുരൂഹത ഏറെ
പ്രകോപിപ്പിച്ചത് കേരളത്തിൽ യുഡിഎഫ് തരംഗമെന്ന് ഇന്റലിജൻസ് റിപ്പോർട്ടോ? എല്ലായിടത്തും ഇടത്-വലത് മുന്നണികൾ തമ്മിലുള്ള മത്സരമെന്ന വോട്ടെടുപ്പ് ദിവസത്തെ മുഖ്യമന്ത്രിയുടെ വിലയിരുത്തൽ തള്ളിയും നിരീക്ഷണങ്ങൾ; തിരുവനന്തപുരത്തും പത്തനംതിട്ടയിലും തൃശൂരും മത്സരം കോൺഗ്രസും ബിജെപിയും തമ്മിലെന്നും ഇന്റലിജൻസ്; കേരളത്തിൽ ഇടതിന് സാധ്യത പാലക്കാട് മാത്രമെന്നും പ്രാഥമിക വിലയിരുത്തൽ; അന്ന് കടക്കൂ പുറത്ത്.... ഇന്ന് മാറി നിൽക്കങ്ങോട്ട്...; പിണറായിയെ പ്രകോപിതനാക്കുന്നത് പരാജയ ഭീതിയോ?
ബിജെപിയുടെ ഹെലികോപ്ടറിൽ എത്തി വോട്ട് ചെയ്യാനുള്ള അനുമതി കളക്ടർ നിഷേധിച്ചു; കല്യാൺ ജൂവലറിയുടെ ഹെലികോപ്ടർ എത്തിയപ്പോൾ സമയം വൈകി; നിരാശയോടെ വോട്ട് വേണ്ടെന്ന് വച്ച് സുരേഷ് ഗോപി; മലേഷ്യയിൽ നിന്നും പ്രൈവറ്റ് ജെറ്റിൽ പറന്നെത്തി യൂസഫലി വോട്ട് ചെയ്തപ്പോൾ അമേരിക്കയിൽ നിന്നും വോട്ട് ചെയ്യാൻ പാഞ്ഞെത്തിയ നടൻ ജോജു ജോർജിന് ബൂത്തിൽ ചെന്നപ്പോൾ വോട്ടില്ല; വോട്ട് ചെയ്യാതെ സുരേന്ദ്രനും മുരളീധരനും; ഇന്നലെ കേരളം സാക്ഷ്യം വഹിച്ച രസകരമായ ചില വോട്ടിങ് കാഴ്ചകൾ
ലേഡി സൂപ്പർ സ്റ്റാറിനെ കണ്ടതും ആരാധന മൂത്ത് അന്തം വിട്ട് പോളിങ് ഉദ്യോഗസ്ഥൻ; ചാടിയെണീറ്റ് സ്വന്തം ഫോണിൽ സെൽഫിയെടുക്കൽ; ജോലി എല്ലാം നിർത്തി ജീവനക്കാരെല്ലാം ചേർന്ന് ഗ്രൂപ്പ് ഫോട്ടോയും എടുത്തു; മാധ്യമങ്ങളെ പോലും ഫോട്ടോ എടുക്കാൻ ബൂത്തിൽ വിടാത്ത കാക്കിധാരികളെ 'സെൽഫി' എടുക്കുമ്പോൾ കണ്ടില്ലെന്ന് കളിയാക്കി സോഷ്യൽ മീഡിയ; പുള്ളിലെ ബൂത്തിൽ നടന്നത് ചട്ടലംഘനം തന്നെ; മഞ്ജുവാര്യർ ആരാധന തൃശൂരിലെ വോട്ടെടുപ്പിൽ പ്രതിഫലിച്ചത് ഇങ്ങനെ
മുഖ്യന്റെ കലിപ്പ് ഡയലോഗ് വീണ്ടും! തിരഞ്ഞെടുപ്പ് കഴിഞ്ഞതോടെ പുഞ്ചിരിക്കുന്ന മുഖം ഉപേക്ഷിച്ച് പിണറായി വിജയൻ; സംസ്ഥാനത്തെ റെക്കോഡ് പോളിങ്ങിൽ അഭിപ്രായം തേടിയപ്പോൾ മുഖം ചുവന്ന് 'മാറി നിൽക്കങ്ങോട്ട്' എന്ന് ആക്രോശം; ഒന്നും പറയാതെ എറണാകുളം സർക്കാർ ഗസ്റ്റ് ഹൗസിൽ നിന്ന് ഇറങ്ങിപ്പോക്കും; പെട്ടെന്നുള്ള മാറ്റം കണ്ട് അമ്പരന്ന മാധ്യമപ്രവർത്തകർക്ക് വീണ്ടും 'കടക്കുപുറത്തിന്റെ' ആഘാതം
അച്ഛന്റെ കളരിയിൽ ബിസിനസ്സ് പഠിത്തം; സഹോദരങ്ങളെ മറന്ന് കെട്ടി ഉണ്ടാക്കിയത് സ്വന്തം സാമ്രാജ്യം; എതിർ ശബ്ദം ഉയർത്തുന്നവരെ കിങ്കരന്മാരെ അയച്ച് ഒതുക്കുന്ന കോടീശ്വരൻ; കൂറു പുലർത്തുന്ന ജീവനക്കാരെ രക്ഷിച്ചെടുക്കാൻ ഏതറ്റം വരെയും പോകുന്ന മുതലാളി; ബാറും ഫിനാൻസും ഹോട്ടലുമായി രാഷ്ട്രീയക്കാരെ വളച്ചെടുത്ത നയതന്ത്രവും; ഫൈൻ പോലും പിരിച്ചെടുക്കാതെ ഒത്താശ ചെയ്ത് താണു വണങ്ങി സംവിധാനവും; നിയമത്തെ ഹൈ സ്പീഡിൽ മറികടന്ന് റോഡിലെ രാജാവായ സുരേഷ് കല്ലടയുടെ കഥ
നായർ സമുദായാംഗങ്ങളുടെ വീടുകളിൽ കയറി സുരേന്ദ്രൻ ഈഴവനാണെന്ന് പ്രചരണം; വോട്ടു നൽകുന്നതിന് മുൻപ് ചിന്തിക്കണമെന്നും അഭ്യർത്ഥന; ഈഴവരുടെ വീടുകളിൽ പറയുന്നത് സുരേന്ദ്രൻ നായരാണെന്നും; പത്തനംതിട്ടയിൽ ജയിക്കാൻ മുന്നണികളുടെ കടുംകൈ: എൻഡിഎയ്ക്ക് മുൻതൂക്കമായതോടെ സാമുദായിക തലത്തിലേക്ക് പ്രചാരണം നീട്ടി എൽഡിഎഫും യുഡിഎഫും: ഈഴവ മേഖലയായ സിപിഎം നെടുങ്കോട്ടയിൽ വിള്ളൽ വീഴ്‌ത്തി സുരേന്ദ്രന്റെ സർജിക്കൽ സ്ട്രൈക്ക്
ഒരേ അച്ഛനും ഒരേ വിലാസവും ഒരേ പ്രായവുമുള്ള വോട്ടർമാർ 56161 പേർ; കള്ളവോട്ടിന്റെ നിഴലിലുള്ളത് 112322 പേരുകൾ; കുത്തക മണ്ഡലം നിലനിർത്താൻ സിപിഎമ്മുകാർ വർഷങ്ങളായി നടത്തുന്ന കള്ളവോട്ടിന്റെ ഞെട്ടിക്കുന്ന വിവരങ്ങൾ ചർച്ചയാക്കി കോൺഗ്രസിന്റെ നിശബ്ദ പ്രചാരണം; അന്വേഷണത്തിന് തിരഞ്ഞെടുപ്പ് കമ്മീഷനും; പണി അറിയാവുന്ന അടൂർ പ്രകാശ് മത്സരിക്കാൻ എത്തിയതോടെ ജയിച്ചാലും ഇക്കുറി സമ്പത്തിനു പാർലമെന്റ് കാണാൻ കഴിഞ്ഞേക്കില്ല; ആറ്റിങ്ങലിനെ ചൂടുപിടിപ്പിച്ച വിവാദത്തിന്റെ തെളിവുകൾ മറുനാടന്
ബസ് ബ്രേക്ക് ഡൗണായത് അർദ്ധരാത്രി പന്ത്രണ്ടരയോടെ; സ്ത്രീകൾ ഉൾപ്പെടെയുള്ളവരെ റോഡിൽ നിർത്തിയത് മൂന്ന് മണിക്കൂർ; ചോദ്യം ചെയ്ത യുവാക്കൾക്ക് വൈറ്റിലയിലെ ഓഫീസിൽ നിന്ന് കേട്ടത് പച്ചത്തെറി; പകരം സംവിധാനത്തിൽ യാത്ര തുടങ്ങിയത് പൊലീസെത്തിയ ശേഷം; എല്ലാവരും ഉറങ്ങുമ്പോൾ രണ്ട് ചെറുപ്പക്കാരെ സ്‌കെച്ചിടാനെത്തിയത് ഡ്രൈവറുടെ നേതൃത്വത്തിൽ നാല് ഗുണ്ടകൾ; ബസ് മാഫിയ കല്ലട സുരേഷ് ഗ്രൂപ്പിന്റെ മണിപവറും മസിൽ പവറും തുറന്നു കാട്ടി യാത്രക്കാരന്റെ ഫേസ്‌ബുക്ക് പോസ്റ്റ്
രണ്ടാം ഭാര്യ തല്ലിപ്പരിഞ്ഞെന്ന ചർച്ചകൾ സജീവമാക്കി ഗണേശ് കുമാറിന്റെ വോട്ട് ചെയ്യൽ; പത്തനാപുരം എംഎൽഎ വോട്ട് ചെയ്യാനെത്തിയത് മക്കൾക്കൊപ്പം; വലംകൈ ആയ ഒരു പേഴ്സണൽ അസിസ്റ്റന്റിനെ ഭാര്യ മർദ്ദിച്ചെന്ന റിപ്പോർട്ടുകളോട് പ്രതികരിക്കാതെ മുൻ മന്ത്രി; ബിന്ദു വീട് വിട്ടുപോയെന്ന വാർത്തകൾ വീണ്ടും ചർച്ചയാക്കി സോഷ്യൽ മീഡിയ
ലിവിങ്ങ് ടുഗെദറിൽ ജീവിച്ച് വിവാഹവാഗ്ദാനം നൽകി പണം കൈയ്ക്കലാക്കി; ഒടുവിൽ കല്യാണവും ഇല്ല പണവും ഇല്ല; ചതി തിരിച്ചറിഞ്ഞ് ചോദിക്കാനെത്തിയപ്പോൾ കിട്ടിയത് ക്രൂരമർദ്ദനം; നടി അമ്പിളിദേവിയുടെ മുൻ ഭർത്താവ് ലോവലിന്റെ കാമുകി പാതിരാത്രി റെയിൽവേ സ്റ്റേഷനിൽ വിഷം കഴിച്ച് ഗുരുതരാവസ്ഥയിൽ; ഗൾഫിൽ നിന്ന് ഇന്നലെ എത്തിയ യുവതിയുടെ ആത്മഹത്യാ ശ്രമത്തിൽ ദുരൂഹത ഏറെ; സംശയമുന നീളുന്നത് കാമുകനുമായുള്ള സാമ്പത്തിക ഇടപാടിലേക്ക്
കേരളത്തെ മുക്കിയ പ്രളയം ഉണ്ടാക്കിയത് ഒരു ഗൂഢസംഘമാണോ? ജോർജ് ബുഷും ജർമൻ ചാൻസലർ ഏഞ്ചല മെർക്കലും നരേന്ദ്ര മോദിയും വരെ ഈ സംഘത്തിലെ അംഗങ്ങളാണോ? വേൾഡ് ട്രേഡ് സെന്റർ ആക്രമണം തൊട്ട് നോട്ട് നിരോധനം വരെ ഇവരുടെ സൃഷ്ടിയാണോ? പൃഥ്വിരാജ് സാത്താൻ ആരാധകനാണോ? പുരോഗമന കേരളത്തിലെ പ്രൊഫഷണൽ കാമ്പസുകളിൽ വരെ നടക്കുന്ന ചർച്ച കേട്ടാൽ നിങ്ങൾ ഞെട്ടിപ്പോകും; ലൂസിഫർ സിനിമ കേരളക്കരയിൽ തുറന്നുവിട്ട ഇല്യൂമിനാറ്റി ആധുനിക അന്ധവിശ്വാസത്തിന്റെ കഥ
കുമ്മനം ജയിക്കുമെന്ന് പറയുന്ന തിരുവനന്തപുരത്ത് ചിലയിടങ്ങളിൽ ബിജെപി സ്ഥാനാർത്ഥിക്ക് കാലു കുത്താൻ പോലും ആവില്ലെന്ന് അറിയാമോ? കേന്ദ്ര പ്രതിരോധ മന്ത്രി നിർമ്മലാ സീതാരാമനുമായി കുമ്മനം സന്ദർശിക്കാൻ ശ്രമിച്ചെങ്കിലും പ്രതിരോധം തീർത്ത് നാട്ടുകാർ; പ്രകോപനം ഉണ്ടാക്കാതെ മടങ്ങി കേന്ദ്രമന്ത്രിയും ബിജെപി സ്ഥാനാർത്ഥിയും; പൂന്തുറക്കാർ പ്രകോപിതരായി തടയുന്നത് ശക്തമാക്കിയതോടെ ബിജെപിക്കാർ മടങ്ങുന്ന ദൃശ്യങ്ങളും വൈറലാകുമ്പോൾ
ഫേസ്‌ബുക്ക് പ്രൊഫൈലിൽ മുസ്ലിം -ഹിന്ദു പേരുകൾ കണ്ടത് കൗതുകമായെന്ന് പറഞ്ഞ് ചാറ്റിങ് തുടങ്ങി; പൊലീസുകാരനാണെന്ന ധൈര്യത്തിൽ യുവതി ചാറ്റ് ചെയ്തത് ഭർത്താവിന്റെ കൂടെ ഇരുന്ന്; ഒപ്പം കുളിക്കാൻ വരുന്നോ എന്നുചോദിച്ച് നഗ്നനായി നിൽക്കുന്ന ഫോട്ടോ അയച്ചതോടെ യുവതി ഫോൺ ഭർത്താവിന് കൈമാറി; ചാറ്റിങ് തുടർന്ന ഭർത്താവിന് കിട്ടിയത് പൊലീസുകാരൻ സ്വയംഭോഗം ചെയ്യുന്ന വീഡിയോ; ഫോൺ നമ്പർ തഞ്ചത്തിൽ സംഘടിപ്പിച്ച ശേഷം കണ്ണൂരിലെ പൊലീസുകാരനെതിരെ പരാതി നൽകി ദമ്പതികൾ
പൊലീസ് സംരക്ഷണത്തിൽ മോർച്ചറിക്കകത്ത് കടന്നപ്പോൾ മുഖത്ത് നിർവികാരത; വെള്ളപുതച്ച കുഞ്ഞുശരീരം കണ്ടതോടെ അലറിക്കരഞ്ഞ് ഹെന; ഒപ്പം പൊട്ടിക്കരഞ്ഞ് ഭർത്താവ് ഷാജിത് ഖാനും; മകനെ അവസാനമായി കണ്ടു കൊതിതീരാതെ പൊട്ടിക്കരഞ്ഞുകൊണ്ട് മാതാവ് വീണ്ടും ജയിലിലേക്ക്; കുഞ്ഞിനോടു സ്‌നേഹമുണ്ടെങ്കിൽ പെറ്റമ്മ അവനെ മർദ്ദിച്ച തലച്ചോർ തകർത്തത് എന്തിനെന്ന ചോദ്യത്തിന് ഇനിയും ഉത്തരമായില്ല; ഹെനയുടേത് ദേഷ്യം വന്നാൽ തോന്നിയത് ചെയ്യുന്ന പ്രകൃതം
അച്ഛന്റെ കളരിയിൽ ബിസിനസ്സ് പഠിത്തം; സഹോദരങ്ങളെ മറന്ന് കെട്ടി ഉണ്ടാക്കിയത് സ്വന്തം സാമ്രാജ്യം; എതിർ ശബ്ദം ഉയർത്തുന്നവരെ കിങ്കരന്മാരെ അയച്ച് ഒതുക്കുന്ന കോടീശ്വരൻ; കൂറു പുലർത്തുന്ന ജീവനക്കാരെ രക്ഷിച്ചെടുക്കാൻ ഏതറ്റം വരെയും പോകുന്ന മുതലാളി; ബാറും ഫിനാൻസും ഹോട്ടലുമായി രാഷ്ട്രീയക്കാരെ വളച്ചെടുത്ത നയതന്ത്രവും; ഫൈൻ പോലും പിരിച്ചെടുക്കാതെ ഒത്താശ ചെയ്ത് താണു വണങ്ങി സംവിധാനവും; നിയമത്തെ ഹൈ സ്പീഡിൽ മറികടന്ന് റോഡിലെ രാജാവായ സുരേഷ് കല്ലടയുടെ കഥ
പഠനകാലത്ത് എല്ലാ ക്ലാസിലും ടോപ്പർ; പത്താംക്ലാസിൽ സ്‌കൂളിലെ ഒന്നാം റാങ്കുകാരി; ദക്ഷിണേന്ത്യൻ സിനിമാ പ്രമുഖന്റെ ആദ്യ ഭാര്യയിലെ മകളും; ബിടെക്കുകാരിയെ കരിമൂർഖൻ വളച്ചെടുത്തത് മരിച്ച ഭർത്താവിന്റെ ആത്മാവ് തനിക്കൊപ്പെന്ന് വിശ്വസിപ്പിച്ചും; കുട്ടികളോട് പക അതിക്രൂരമായത് 'അമ്മ'യോടുള്ള താൽപ്പര്യം കുറഞ്ഞപ്പോൾ; കോബ്രയ്ക്ക് ഒന്നിലേറെ ഭാര്യമാരും അനവധി പരസ്ത്രീ ബന്ധവും; കസിന്റെ ഭാര്യയെ അടിച്ചെടുത്ത് ഏഴു വയസ്സുകാരനെ വകവരുത്തിയ പ്രണയത്തിന് പിന്നിലെ ചതി ഇങ്ങനെ
'ഞാൻ അമിതാബ്....നിന്റെ ഭാര്യയുടെ കാമുകൻ; നിന്റെ ഭാര്യയുമായി എനിക്ക് ബന്ധമുണ്ട്; നീ അടുത്ത തവണ അവധിക്ക് വരുമ്പോൾ ലാളിക്കുന്നത് എന്റെ കുഞ്ഞിനെയാവും': സൈനികൻ വിശാഖ് സ്വയം നിറയൊഴിച്ച് മരിച്ചത് പൊലീസിലെ മിനിസ്റ്റീരിയൽ ജീവനക്കാരനായ അമിതാബിന്റെ വാക്കുകൾ കേട്ട്; 'വീട്ടിലേക്ക് വാ.. നിനക്കൊരു സമ്മാനമുണ്ട് എന്ന് അമിതാബിന് സന്ദേശമയച്ച് ആത്മഹത്യ ചെയ്ത് മറ്റൊരു പെൺകുട്ടി; 'മതമില്ലാത്ത അമിതാബ്' വലയിൽ വീഴ്‌ത്തിയത് നിരവധി പെൺകുട്ടികളെ
ക്രൂരത സഹിക്കവയ്യാതെ വിവാഹ മോചനം വാങ്ങി അമേരിക്കയ്ക്ക് പറന്ന ആദ്യ ഭാര്യ; അമ്മാവന്റെ മകന്റെ ഭാര്യയുമായുള്ള അടുപ്പം ഡിവോഴ്‌സിന് കാരണമായി; കുടുംബം തകരാതിരിക്കാൻ തൊടുപുഴയിലേക്ക് താമസം മാറി വർക് ഷോപ്പ് തുറന്നെങ്കിലും വില്ലനായി മരണമെത്തി; ഭർത്താവിന്റെ മരണാനന്തര ചടങ്ങിൽ പങ്കെടുക്കാനെത്തിയപ്പോൾ വീണ്ടും പ്രണയം പൂത്തുലഞ്ഞു; കുട്ടികളുടെ അച്ഛന്റെ 41-ാം മരണാനന്തര ചടങ്ങ് ദിവസം എല്ലാം നിശ്ചയിച്ചുറപ്പിച്ചു; പിന്നെ മക്കളുമൊത്ത് ഒളിച്ചോട്ടം; തൊടുപുഴയിലെ ക്രൂരതയ്ക്ക് പിന്നിലെ കുടുംബ കഥ ഇങ്ങനെ
രക്തം പരസ്പരം കടിച്ചു കുടിക്കുന്ന ദമ്പതികൾ! 2016ൽ കല്യാണം കഴിഞ്ഞെന്ന് വിഡിയോ ഇട്ട് വാർഷികം ആഘോഷിച്ച ഭ്രാന്ത് പിടിച്ച പ്രണയം; അടുപ്പിച്ചത് യാത്രകളോടുള്ള താൽപ്പര്യം; നിധീഷിനെ 'പിശാച്' ആക്കിയതിന് പിന്നിൽ വാമ്പയർ സിനിമയോ ഓൺലൈനിലെ മരണക്കളികളോ എന്ന് സംശയം; ബ്ലൂവെയിൽ ഗെയിമും ആസ്ട്രൽ പ്രൊജക്ഷനും കേട്ട് ഞെട്ടിയവർക്ക് മുന്നിലേക്ക് പിശാചിന്റെ ദമ്പതികളും; ചിയ്യാരത്തെ നീതുവിനെ പച്ചക്ക് കത്തിച്ച് കൊല്ലാൻ നിധീഷിനെ പ്രേരിപ്പിച്ച യഥാർത്ഥ വില്ലൻ ടിക് ടോക്കിലെ മരണക്കളിയോ?
61കാരിയായ എന്നെ 37കാരൻ പരിചയപ്പെട്ടത് ഫോണിലൂടെ; സ്മാർട്ട് ഫോൺ വാങ്ങി നൽകി സ്ഥിരം വിളിച്ച് വശീകരണം; പിന്നെ തോട്ടപ്പള്ളിയിലെ ഹോട്ടലിലും വീട്ടിലും അതിക്രമിച്ച് കയറി പീഡനവും; ദൃശ്യങ്ങൾ പകർത്തിയത് സമ്മതം കൂടാതെ; ഭർത്താവിനും അയൽവാസികൾക്കും അയച്ചു കൊടുത്തതോടെ സ്വകാര്യത നഷ്ടമായി; പ്രമുഖ ചാനലിലെ ജനപ്രിയ സീരിയലിൽ 'അമ്മ' വേഷം ചെയ്യുന്ന നടിയുടെ പരാതി പൊലീസിന്; വിദേശത്തുള്ള യുവാവിനെ നാട്ടിലെത്തിക്കാൻ കരുക്കൾ നീക്കി അന്വേഷണ സംഘം
ഭാര്യമാരെ പരസ്പരം മാറ്റി രസിക്കുന്ന ഗ്രൂപ്പുകൾ തിരുവനന്തപുരത്തും; തൊടുപുഴയിലെ ഏഴ് വയസ്സുകാരന്റെ കൊലപാതകത്തിലെ ക്രൂരതയിലെ മറുനാടൻ അന്വേഷണം എത്തി നിൽക്കുന്നത് വൈഫ് സ്വാപ്പിങ് വാട്‌സാപ്പ് ഗ്രൂപ്പുകളിൽ; അരുൺ ആനന്ദിന്റെ കള്ളക്കളികൾ വിരൽ ചൂണ്ടുന്നത് സോഷ്യൽ മീഡിയയിലെ സാമൂഹിക തിന്മകളുടെ കാണാക്കയത്തിലേക്ക്; മകനെ കൊന്ന ക്രൂരതയ്ക്ക് വഴിയൊരുക്കിയ അമ്മയെ വെറുതെ വിടാൻ മനഃശാസ്ത്രക്കളികളും; ബിടെക്കുകാരന്റെ മരണത്തിലെ അന്വേഷണം അട്ടിമറിക്കാനും നീക്കം
സ്മാർട്ട് ഫോൺ സമ്മാനിച്ച് വശത്താക്കി പലവട്ടം പീഡിപ്പിച്ചത് ഊരുംപേരും പോലും അറിയാത്ത ചെറുപ്പക്കാരനെന്ന സീരിയലിലെ അമ്മ നടിയുടെ മൊഴികേട്ട് ഞെട്ടി പൊലീസും; ആദ്യം പറഞ്ഞത് മലപ്പുറത്തുകാരനെന്നും പിന്നെ പറഞ്ഞത് എറണാകുളംകാരൻ എന്നും; ഒടുവിൽ അന്വേഷണം എത്തിനിൽക്കുന്നത് ഗൾഫിലേക്ക് പോയ യുവാവിൽ കേന്ദ്രീകരിച്ച്; കഴിഞ്ഞ ഡിസംബർ കാലത്ത് നടന്ന പീഡനത്തിൽ പരാതി എത്തുന്നത് ദൃശ്യങ്ങൾ സോഷ്യൽമീഡിയയിൽ ചൂടപ്പമായപ്പോൾ
നാമ ജപം കേൾക്കുമ്പോൾ മാത്രം പിണറായി വിജയന് ഹാലിളകുന്നത് എന്തുകൊണ്ട്? കാട്ടാക്കടയിൽ പ്രസംഗത്തിനിടയിൽ ക്ഷേത്രത്തിൽ നിന്ന് നാമജപം കേട്ട് അസ്വസ്ഥനായി മുഖ്യമന്ത്രി; പ്രസംഗം നിർത്തി രൂക്ഷമായി വേദിയിലിരുന്ന നേതാക്കളെ നോക്കി കോപം പ്രകടിപ്പിച്ചു; ക്ഷേത്രത്തിലേക്ക് പാഞ്ഞ് വൈദ്യുതി ബന്ധം വിച്ഛേദിപ്പിച്ച് ഐബി സതീഷും ശിവൻകുട്ടിയും; ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകരെ വിരട്ടി സിപിഎം പ്രവർത്തകർ; ശബരിമല വിഷയത്തിൽ ബിജെപിക്ക് ഒരു വടി കൂടി നൽകി പിണറായി