ഹിമാചൽപ്രദേശ് നിയമസഭാ തെഞ്ഞെടുപ്പ് നവംബർ ഒൻപതിന്; ഗുജറാത്ത് തീയതി പിന്നീട്; ഡിസംബർ 18...

ഹിമാചൽപ്രദേശ് നിയമസഭാ തെഞ്ഞെടുപ്പ് നവംബർ ഒൻപതിന്; ഗുജറാത്ത് തീയതി പിന്നീട്; ഡിസംബർ 18ന് വോട്ടെണ്ണൽ

October 12, 201705:16 PM IST Permalink

ന്യുഡൽഹി: ഹിമാചൽപ്രദേശ് നിയമസഭാ തെരഞ്ഞെടുപ്പ് നവംബർ ഒൻപതിന് നടക്കും. ഒറ്റഘട്ടമായാണ് തെരഞ്ഞെടുപ്പ്. മുഖ്യ തെരഞ്ഞെടുപ്പ് കമ്മീഷണർ അചൽ കുമാർ ജ്യോതി ഡൽഹിയിലാണ് പ്രഖ്യാപനം നടത്തിയത്. ഹിമാചൽപ്രദേശിൽ പെരുമാറ്റ ചട്ടം നിലവിൽ വന്നുവെന്നും തെരഞ്ഞെടുപ്പ് കമ്മീഷൻ അറിയിച്ചു.

ഡിസംബർ 18ന് വോട്ടെണ്ണൽ നടക്കും. 68 അംഗ ഹിമാചൽ നിയമസഭയുടെ കാലാവധി ജനുവരി 7ന് അവസാനിക്കും. അതേസമയം ഗുജറാത്ത് നിയമസഭാ തെരഞ്ഞെടുപ്പിന്റെ തീയതി കമ്മീഷൻ പ്രഖ്യാപിച്ചില്ല.

ഹിമാചൽ, ഗുജറാത്ത് നിയമസഭാ തെരഞ്ഞെടുപ്പുകൾ ഒരുമിച്ച് പ്രഖ്യാപിക്കുമെന്നായിരുന്നു നേരത്തെയുള്ള റിപ്പോർട്ടുകൾ. ഹിമാചൽ പ്രദേശ് നിയമസഭാ തെരഞ്ഞെടുപ്പിന്റെ വോട്ടെണ്ണൽ നടക്കുന്ന ഡിസംബർ 18ന് മുമ്പ് ഗുജറാത്ത് തെരഞ്ഞെടുപ്പ് നടക്കുമെന്ന് കമ്മീഷൻ അറിയിച്ചു. എന്നാൽ കൃത്യമായ തീയതി പ്രഖ്യാപിച്ചിട്ടില്ല. ഈ തെരഞ്ഞെടുപ്പിൽ പൂർണമായി വിവി പാറ്റ് സംവിധാനം ഉപയോഗിക്കുമെന്ന് കമ്മീഷൻ വ്യക്തമാക്കി.

സാമ്പത്തിക മാന്ദ്യത്തിന്റെ പശ്ചാത്തലത്തിൽ കേന്ദ്ര സർക്കാരിന്റെ സാമ്പത്തിക നയങ്ങളുടെ വിലയിരുത്തലാകുമെന്ന് പ്രതീക്ഷിക്കപ്പെടുന്ന തെരഞ്ഞെടുപ്പാണ് ഹിമാചൽ പ്രദേശ്, ഗുജറാത്ത് നിയമസഭാ തെരഞ്ഞെടുപ്പുകൾ. 68 അംഗ ഹിമാചൽ പ്രദേശ് നിയമസഭയിൽ നിലവിൽ കോൺഗ്രസ് ആണ് ഭരണകക്ഷി. വീർഭദ്ര സിങ് ആണ് മുഖ്യമന്ത്രി. പ്രധാന പ്രതിപക്ഷമായ ബിജെപിയും കോൺഗ്രസും തമ്മിലാണ് ഇത്തവണയും പോരാട്ടം നടക്കുക.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: