Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202408Wednesday
ഹോം വാർത്ത ഇന്ത്യ

'ഒരു രാത്രി നമുക്ക് പോയി അവളെ കൂട്ടബലാത്സംഗം ചെയ്യാം; ലൈംഗികച്ചുവയോടെയുള്ള ചാറ്റുകൾ; ചർച്ചകൾ ഏറ്റുപിടിച്ച് സുഹൃത്തുക്കൾ; സഹപാഠികളായ പെൺകുട്ടികളെ കുറിച്ച് അശ്ലീല സന്ദേശങ്ങൾ, ഹൈസ്കൂൾ വിദ്യാർത്ഥികളായ എട്ടു പേരെ സ്കൂൾ അധികൃതർ സസ്പെൻഡ് ചെയ്തു

December 18, 201901:38 PM IST Permalink
'ഒരു രാത്രി നമുക്ക് പോയി അവളെ കൂട്ടബലാത്സംഗം ചെയ്യാം; ലൈംഗികച്ചുവയോടെയുള്ള ചാറ്റുകൾ; ചർച്ചകൾ ഏറ്റുപിടിച്ച് സുഹൃത്തുക്കൾ; സഹപാഠികളായ പെൺകുട്ടികളെ കുറിച്ച് അശ്ലീല സന്ദേശങ്ങൾ, ഹൈസ്കൂൾ വിദ്യാർത്ഥികളായ എട്ടു പേരെ സ്കൂൾ അധികൃതർ സസ്പെൻഡ് ചെയ്തു

മറുനാടൻ മലയാളി ബ്യൂറോ

മുംബൈ: വിദ്യാർത്ഥിനികളെ അപകീർത്തിപ്പെടുത്തുന്ന തരത്തിൽ വാട്‌സ് ആപ്പിലൂടെ സന്ദേശങ്ങൾ പ്രചരിപ്പിച്ച എട്ട് സഹപാഠികളെ സസ്‌പെൻഡ് ചെയ്തു. 13നും 14നും ഇടയിൽ പ്രായമുള്ള വിദ്യാർത്ഥികൾക്ക് എതിരെയാണ് പെൺകുട്ടികളുടെ മാതാപിതാക്കളുടെ പരാതിയിൽ നടപടി എടുത്തത്.

മുംബൈയിലെ ഇന്റർനാഷണൽ സ്‌കൂളിലാണ് സംഭവം. ലൈംഗികച്ചുവയുള്ള പരാമർശങ്ങൾ രണ്ട് പെൺകുട്ടികളുടെ മാതാപിതാക്കളുടെ ശ്രദ്ധയിൽപ്പെടുകയായിരുന്നു. തുടർന്ന് മാതാപിതാക്കൾ സ്‌കൂൾ അധികൃതരെ അറിയിച്ചതോടെയാണ് സംഭവം വിവാദമായത്. മനോവേദന മൂലം ചില പെൺകുട്ടികൾ സ്‌കൂളിൽ പോകാൻ പോലും മടിച്ചിരുന്നതായി റിപ്പോർട്ടുകളുണ്ട്.

അശ്ലീല പരാമർശങ്ങൾ അടങ്ങുന്ന വിദ്യാർത്ഥികളുടെ സന്ദേശങ്ങൾ നൂറിലധികം പേജ് വരും. കൂട്ടബലാത്സംഗം, ബലാത്സംഗം തുടങ്ങിയ പദങ്ങളാണ് ചാറ്റിൽ ഉടനീളം വിദ്യാർത്ഥികൾ ഉപയോഗിച്ചിരുന്നത്. തമാശരൂപേണയും പെൺകുട്ടികളെ മനഃപൂർവ്വം അപമാനിക്കുന്ന തരത്തിലുമാണ് വാട്‌സ്ആപ്പിലൂടെ ചാറ്റുകൾ തുടർന്നിരുന്നത്. എട്ടു വിദ്യാർത്ഥികളാണ് ഇതിന് പിന്നിലെന്ന് സ്‌കൂൾ അധികൃതർ പറയുന്നു. ബോഡി ഷെയിമിങ്ങ് നടത്തിയും സ്വവർഗാനുരാഗി തുടങ്ങിയ പദങ്ങൾ ഉപയോഗിച്ചും പെൺകുട്ടികളെ അപമാനിച്ചതായി മാതാപിതാക്കളുടെ പരാതിയിൽ പറയുന്നു.

ഒരു രാത്രിക്ക് ക്ലാസിലെ ഏതെല്ലാം പെൺകുട്ടികളെയാണ് തെരഞ്ഞെടുക്കുക തുടങ്ങി വിദ്യാർത്ഥികൾക്കിടയിൽ ദിവസങ്ങളോളം നടന്ന ചർച്ചകൾ പലതും പെൺകുട്ടികൾക്ക് മനോവേദന സൃഷ്ടിച്ചതായി മാതാപിതാക്കൾ പരാതിപ്പെടുന്നു. പലപ്പോഴും ചർച്ചകൾ രണ്ട് പെൺകുട്ടികളെ കേന്ദ്രീകരിച്ചാണ് നടന്നത്. ഒരു രാത്രി നമുക്ക് ഒരുമിച്ച് പോയി അവളെ കൂട്ടബലാത്സംഗം ചെയ്യാം എന്നിങ്ങനെ പെൺകുട്ടികളെ അപമാനിക്കുന്ന നിരവധി ലൈംഗികച്ചുവയോടെയുള്ള ചാറ്റുകൾ മറ്റ് സുഹൃത്തുക്കൾ ഏറ്റുപിടിച്ച് മുന്നോട്ടുപോകുന്ന വിധമാണ് ചർച്ചകൾ പുരോഗമിച്ചത്. പെൺകുട്ടികള അപമാനിക്കുന്ന ഈ സന്ദേശങ്ങളിൽ ഒന്ന് ഒരു രക്ഷകർത്താവ് മാതാപിതാക്കളുടെ ഗ്രൂപ്പിലേക്ക് കൈമാറിയതോടെയാണ് സംഭവം ചർച്ചയായത്.

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP