Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday
ഹോം വാർത്ത ഇന്ത്യ

സൂറത്തിലെ തീപിടുത്തത്തിൽ മരണസംഖ്യ സംബന്ധിച്ച് അവ്യക്തത തുടരുന്നു; 20 കുട്ടികളുടെ മരണം ഉപമുഖ്യമന്ത്രി നിഥിൻ പട്ടേൽ സ്ഥിരീകരിച്ചെങ്കിലും മുഖ്യമന്ത്രി വിജയ് രുപാണി പറയുന്നത് 19 പേർ മാത്രം; മരണം പൊള്ളലേറ്റും രക്ഷപെടാനായി താഴേക്കു ചാടി പരിക്കു പറ്റിയും; മരിച്ച കുട്ടികളുടെ കുടുംബത്തിന് നാല് ലക്ഷം രൂപ സഹായധനം പ്രഖ്യാപിച്ച് ഗുജറാത്ത് സർക്കാർ

May 25, 201906:23 AM IST Permalink
സൂറത്തിലെ തീപിടുത്തത്തിൽ മരണസംഖ്യ സംബന്ധിച്ച് അവ്യക്തത തുടരുന്നു; 20 കുട്ടികളുടെ മരണം ഉപമുഖ്യമന്ത്രി നിഥിൻ പട്ടേൽ സ്ഥിരീകരിച്ചെങ്കിലും മുഖ്യമന്ത്രി വിജയ് രുപാണി പറയുന്നത് 19 പേർ മാത്രം; മരണം പൊള്ളലേറ്റും രക്ഷപെടാനായി താഴേക്കു ചാടി പരിക്കു പറ്റിയും; മരിച്ച കുട്ടികളുടെ കുടുംബത്തിന് നാല് ലക്ഷം രൂപ സഹായധനം പ്രഖ്യാപിച്ച് ഗുജറാത്ത് സർക്കാർ

മറുനാടൻ മലയാളി ബ്യൂറോ

അഹമ്മദാബാദ്: ഗുജറാത്തിലെ സൂറത്തിൽ ഉണ്ടായ വൻ തീപിടുത്തത്തിൽ മരണം സംബന്ധിച്ച് അവ്യക്തത തുടരുന്നു. ഇരുപത് വിദ്യാർത്ഥികൾ മരിച്ചതായി ഉപമുഖ്യമന്ത്രി നിഥിൻ പട്ടേൽ സ്ഥിരീകരിച്ചെങ്കിലും 19 മരണമാണ് മുഖ്യമന്ത്രി അറിയിച്ചത്. സൂറത്തിലെ സർതാന മേഖലയിലെ ബഹുനിലകെട്ടിടത്തിലാണ് ഇന്നലെ വൈകിട്ട് തീപിച്ചത്. തക്ഷശില ആർക്കേഡിലെ മൂന്നാംനിലയിലും ടെറസിലുമായി കുടുങ്ങിയ വിദ്യാർത്ഥികളാണ് ദുരന്തത്തിന് ഇരയായത്.

കെട്ടിടത്തിന്റെ മുകളിലത്തെ രണ്ട് നിലകൾ വിദ്യാർത്ഥികളുടെ പരിശീലന കേന്ദ്രമായിരുന്നു. 18വയസിന് താഴെയുള്ള അമ്പതോളം വിദ്യാർത്ഥികൾ ക്‌ളാസിലുണ്ടായിരുന്നു.ഇവിടെക്കാണ് തീ പടർന്നത്. പടിക്കെട്ടിലൂടെ താഴേക്കിറങ്ങി രക്ഷപെടാനാകാതൈ കുട്ടികൾ താഴേക്ക് എടുത്തു ചാടുകയായിരുന്നു. പൊള്ളലേറ്റും താഴേക്കു ചാടി പരിക്കേറ്റുമാണ് കുട്ടികൾ മരിച്ചത്.

പിന്നീട് അഗ്നിശമന സേന എത്തി സുരക്ഷിതമായ സജ്ജീകരണങ്ങൾ ഒരുക്കിയതോടെ മറ്റു വിദ്യാർത്ഥികൾ താഴെക്ക് ചാടി രക്ഷപ്പെട്ടു.18 യൂണിറ്റുകൾ എത്തിയാണ് തീ അണച്ചത്.വിദ്യാർത്ഥികളെ കെട്ടിടത്തിന് പുറത്തെത്തിച്ചു.

സംഭവത്തിൽ പ്രധാനമന്ത്രി ഞെട്ടൽ രേഖപ്പെടുത്തി. മരണപ്പെട്ടവരുടെ കുടുംബാംഗങ്ങൾക്കൊപ്പമാണ് മനസെന്ന് മോദി ട്വീറ്റ് ചെയ്തു. രാഹുൽ ഗാന്ധിയും, ആഭ്യന്തര മന്ത്രി രാജ്നാഥ് സിംഗും അനുശോചനം രേഖപ്പെടുത്തി.

തീപിടുത്തത്തിൽ മരിച്ച കുട്ടികളുടെ കുടുംബത്തിന് 4 ലക്ഷം രൂപ വീതം ഗുജറാത്ത് മുഖ്യമന്ത്രി വിജയ് രുപാണി ധനസഹായം പ്രഖ്യാപിച്ചിട്ടുണ്ട്. സംഭവത്തേക്കുറിച്ച് അന്വേഷിക്കാനും അദ്ദേഹം ഉത്തരവിട്ടു. വിദ്യാർത്ഥികൾക്ക് ചികിത്സ നൽകാൻ എയിംസിൽ നിന്നുള്ള ഡോക്ടർമാരുടെ വിദഗ്ധ സംഘത്തെയും സൂറത്തിലെ ആശുപത്രികളിൽ നിയോഗിച്ചു.

സൂറത്തിലെ സാർധനയിലാണ് സംഭവം. ഒരു കോച്ചിങ് സെന്ററാണ് തീപിടുത്തമുണ്ടായ കെട്ടിടത്തിൽ പ്രവർത്തിച്ചിരുന്നത്. തീപിടുത്തത്തേ തുടർന്ന് പരിഭ്രാന്തരായ വിദ്യാർത്ഥികൾ കെട്ടിടത്തിൽ നിന്നും പുറത്തേക്ക് ചാടി രക്ഷപ്പെടുന്ന ദൃശ്യങ്ങൾ പുറത്തു വന്നിരുന്നു. ഗുജറാത്തിലെ ആരോഗ്യ മന്ത്രി കുമാർ കനാനി തീപിടുത്തമുണ്ടായ സ്ഥലത്തെത്തി സ്ഥിതിഗതികൾ വിലയിരുത്തി.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP