Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202419Friday
ഹോം വാർത്ത ഇന്ത്യ

ബംഗളുരുവിൽ തടാകത്തിന് വീണ്ടും തീപിടിച്ചു; ബെല്ലാന്തൂർ തടാകത്തിലെ തീ നിത്യസംഭവമായിരിക്കുകയാണെന്നു പരിസരവാസികൾ

May 07, 201709:17 PM IST Permalink
ബംഗളുരുവിൽ തടാകത്തിന് വീണ്ടും തീപിടിച്ചു; ബെല്ലാന്തൂർ തടാകത്തിലെ തീ നിത്യസംഭവമായിരിക്കുകയാണെന്നു പരിസരവാസികൾ

ബംഗളുരു: ബംഗളുരു നഗരത്തിലെ ബെല്ലാന്തൂർ തടാകത്തിന് വീണ്ടും തീപിടിച്ചു. ഞായറാഴ്ച ഉച്ചയ്ക്ക് രണ്ടരയോടെയാണ് സമൂപത്തെ സാൻക്ടിറ്റി അപ്പാർട്‌മെന്റിലെ താമസക്കാർ തടാകത്തിന്റെ മധ്യത്തിൽനിന്നു പുക ഉയരുന്നത് ശ്രദ്ധിച്ചത്. നഗരത്തിലെ വ്യാവസായിക മാലിന്യങ്ങൾ തള്ളുന്ന തടാകം വൃത്തിയാക്കാനുള്ള ശ്രമങ്ങൾ നടക്കുന്നതിനിടെയാണു വീണ്ടും ഇന്നലെ തീപിടിച്ചത്.

മാസങ്ങൾക്കു മുമ്പു തടാകത്തിൽ വൻ അഗ്നിബാധയുണ്ടായിരുന്നു. ഒന്നര ദിവസത്തിനുശേഷമാണ് തീയണയ്ക്കാനായത്. വ്യാവസായിക മാലിന്യങ്ങൾ തമ്മിലുള്ള രാസപ്രവർത്തനമാണ് തീപിടിക്കാൻ കാരണമെന്നാണ് കണ്ടെത്തൽ. ഇന്നലെ തടാകത്തിന്റെ ഒത്ത നടുവിലാണ് പുക ഉയർന്നത്. രണ്ടു മണിക്കൂറിനു ശേഷം ഇതു നിലയ്ക്കുകയും ചെയ്തു.

തടാകത്തിന്റെ മധ്യത്തിലാണു തീയുണ്ടായതെന്നതിനാൽ തങ്ങൾക്ക് അത് അണയ്ക്കാൻ കഴിഞ്ഞില്ലെന്നാണ് ബംഗളുരു അഗ്നിശമനവിഭാഗം. ഇന്നലെ ഉച്ചയ്ക്കുശേഷം നേരിയ മഴ പെയ്തതോടെയാണ് തടാകത്തിലെ പുകച്ചുരുളുകൾ നിലച്ചതെന്നാണ് സമീപവാസികൾ പറയുന്നത്. ഇപ്പോൾ ദിവസവും എന്ന നിലയിൽ തടാകത്തിന് തീപിടിക്കുന്നതായും പരിസരവാസികൾ പറയുന്നു.

ബംഗളുരു നഗരത്തിലുള്ള 262 തടാകങ്ങളിൽ ഏറ്റവും വലിയതാണ് ബെല്ലാന്തൂരിലേത്. നഗരത്തിലെ വ്യാവസായ മാലിന്യത്തിന്റെ നാൽപതുശതമാനവും നിക്ഷേപിക്കുന്നത് ഇവിടെയാണ്. രാസവസ്തുക്കൾ അടിഞ്ഞുകൂടി പ്രതിപ്രവർത്തിച്ച് മീഥേൻ വാതകമുണ്ടാകുന്നതാണ് തീപിടിത്തത്തിനും പുകയ്ക്കുംകാരണം.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP