Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202424Wednesday
ഹോം വാർത്ത അന്വേഷണം

മംഗലാപുരത്തു നിന്നും ബൈക്ക് മോഷ്ടിക്കും; അതിർത്തി കടത്തി കൊണ്ടുവന്ന് കേരളത്തിൽ വിൽപ്പന നടത്തും; മോഷണ മുതലാണെന്ന് അറിഞ്ഞിട്ടും റോയൽ എൻഫീൽഡ് ബുള്ളറ്റുവാങ്ങാൻ ആവശ്യക്കാരേറെ; കർണാടകത്തിൽ നിന്നും മോഷ്ടിച്ച് കണ്ണൂരിലെത്തിച്ചത് 35 ബൈക്കുകൾ; കള്ളന്മാരെ പിടിക്കാൻ മംഗലാപുരം പൊലീസ് ശ്രീകണ്ഠാപുരത്തെത്തി

May 23, 201812:13 PM IST Permalink
മംഗലാപുരത്തു നിന്നും ബൈക്ക് മോഷ്ടിക്കും; അതിർത്തി കടത്തി കൊണ്ടുവന്ന് കേരളത്തിൽ വിൽപ്പന നടത്തും; മോഷണ മുതലാണെന്ന് അറിഞ്ഞിട്ടും റോയൽ എൻഫീൽഡ് ബുള്ളറ്റുവാങ്ങാൻ ആവശ്യക്കാരേറെ; കർണാടകത്തിൽ നിന്നും മോഷ്ടിച്ച് കണ്ണൂരിലെത്തിച്ചത് 35 ബൈക്കുകൾ; കള്ളന്മാരെ പിടിക്കാൻ മംഗലാപുരം പൊലീസ് ശ്രീകണ്ഠാപുരത്തെത്തി

രഞ്ജിത്ത് ബാബു

കണ്ണൂർ: കവർച്ച കർണ്ണാടകത്തിലും വിൽപ്പന കേരളത്തിലും. ന്യൂജന്റെ ഇരു ചക്ര വാഹന ഭ്രമം മോഷ്ടാക്കൾക്ക് പറുദീസയാവുകയാണ്. ഇക്കാരണത്താൽ കർണ്ണാടകത്തിൽ നിന്നും കവർച്ച ചെയ്തു കൊണ്ടു വരുന്ന ബൈക്കുകൾ കേരളത്തിൽ എത്ര വേണമെങ്കിലും ചെലവാകും. റോയൽ എൻഫീൽഡുകാരുടെ ബുള്ളറ്റാണെങ്കിൽ ആവശ്യക്കാരേറെ.

കണ്ണൂർ ജില്ലയിലെ പയ്യന്നൂർ-ശ്രീകണ്ഠാപുരം മേഖലയിലാണ് ആവശ്യക്കാരേറെയുള്ളത്. 35 ബൈക്കുകളാണ് മംഗലാപുരത്ത് നിന്നും പരിസരത്തു നിന്നും കവർച്ച ചെയ്തു കൊണ്ടു വന്നത്.പയ്യാവൂർ, പൊന്നം പറമ്പ്, പാറക്കടവ്, വണ്ണായി ക്കടവ്, കാട്ടിക്കണ്ടം, എരുവേശി, കുട്ടിക്കളം, പുലിക്കുറുമ്പ, സ്വദേശികളാണ് കസ്റ്റഡിയിലായത്. ഇന്നലെ ശ്രീകണ്ഠാപുരം പൊലീസിന്റെ സഹായത്തോടെയാണ് ഇവരുടെ വീടുകളിലെത്തി കർണ്ണാടക പൊലീസ് പിടികൂടിയത്.

മംഗലാപുരം ഈസ്റ്റ്, മംഗലാപുരം സിറ്റി, കദ്രി പൊലീസ് സ്റ്റേഷൻ പരിധികളിൽ നടന്ന വാഹന മോഷണവുമായി ബന്ധപ്പെട്ടാണ് ഇവരെ കസ്റ്റഡിയിലെടുത്തത്. ഇവരിൽ ചിലർക്ക് പ്രായപൂർത്തിയായിട്ടില്ല. മലയോര ഗ്രാമവാസികളായ ആൽബിൻ, ശ്രാവൺ, അർജുൻ, പ്രിൻസ്, റൂബിൻ, അബിൻ, സോബിൻ തുടങ്ങിയവരാണ് പിടിയിലായത്. ഇവർ മോഷ്ടിച്ച് കടത്തിയ മൂന്ന് ബുള്ളറ്റ് വാഹനങ്ങൾ കണ്ടെടുക്കുകയും ചെയ്തു.

റോഡരികിൽ നിർത്തിയിടുന്ന ബൈക്കുകൾ പട്ടാപകൽ താക്കോലില്ലാതെ പ്ലഗ് ഉപയോഗിച്ച് തുറന്നാണ് സംഘം കവർച്ച നടത്താറ്. കണ്ണൂർ ജില്ലയിലെ വിവിധ കേന്ദ്രങ്ങളിൽ മോഷണം നടത്തിയ ബൈക്കുകൾ വിൽപ്പന നടത്തിയിട്ടുണ്ട്. സി.സി. ടി.വി. ദൃശ്യങ്ങൾ പരിശോധിച്ചാണ് മംഗലൂരു പൊലീസ് പ്രതകികളെ തിരിച്ചറിഞ്ഞത്. ബാന്റ് മേളവുമായി ബന്ധപ്പെട്ട് മംഗലൂരുവിൽ പോകാറുള്ള ചിലരും ഇതിന് പിറകിലുണ്ട്. കാർ വാടകക്കെടുത്ത് മംഗലൂരുവിൽ തങ്ങിയ ശേഷമാണ് കവർച്ച നടത്താറ്.

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP