ശബരിമല തീർത്ഥാടനം തടസ്സപ്പെടാതിരിക്കാനല്ലേ ഈ മാസം സർക്കാർ 40 കോടി നൽകിയത്? അടുത്തമാസം കെഎസ്ആർടിയിലെ ജീവനക്കാർക്ക് ആര് ശമ്പളം നൽകും? ആനവണ്ടിയെ തകർക്കുന്നത് സൂപ്പർക്ലാസ് വിവാദം
ജെയിംസ് വടക്കൻ
സർക്കാർ 40 കോടി നൽകിയതുകൊണ്ട് മാത്രമാണ് കെഎസ്ആർടിസി ജീവനക്കാരുടെ ശമ്പളം ഈ മാസം നൽകാനായത്. അടുത്ത മാസം എന്താകും അവസ്ഥ. ശബരിമല തീർത്ഥാടനക്കാലമായതിനാൽ പത്തനംതിട്ട കേന്ദ്രീകരിച്ച് തൊഴിലാളി സംഘടനകൾ നടത്തിയ നീക്കം ഫലിച്ചതുകൊണ്ടാണ് അടിയന്തര നടപടികളുണ്ടായത്. ശബരിമല തീർത്ഥാനത്തിന് കോട്ടമുണ്ടായാൽ അതുണ്ടാക്കാവുന്ന പ്രതിഷേധങ്ങൾ സർക്കാർ തിരിച്ചറിയുന്നു. മണ്ഡലകാലത്തും മകരവിളക്ക് ഉത്സവം വരേയും ഈ സമ്മർദ്ദം ജീവനക്കാർക്ക് ഉപയോഗിക്കാം. പക്ഷേ അതിനപ്പുറത്തും ശമ്പളം കിട്ടണമെങ്കിൽ എന്താണ് വഴി? ആരു ചന്തിക്കുന്നില്ല. കേരളത്തിലെ ഏറ്റവുവലിയ പൊതുമേഖലാ സ്ഥാപനത്തിന് ചരമഗീതം മുഴങ്ങാതിരിക്കണമെങ്കിൽ അടിയന്തര നടപടി അനിവാര്യമാണ്.
മലയാളിയുടെ യാത്രയ്ക്ക് സുഖം നൽകിയ ആനവണ്ടിയെ രക്ഷിക്കാൻ സർക്കാരും മാനേജ്മെന്റും തൊഴിലാളികളും ഒന്നിക്കണം. ഇവരിൽ ഒരാൾ മാറിനിന്നാൽ പോലും സുഖയാത്രയ്ക്ക് കെഎസ്ആർടിസിക്ക് പാങ്ങില്ലാതെയാകും. താത്കാലികാശ്വസത്തിനപ്പുറമുള്ള പോവഴികളിലേക്ക് കാര്യങ്ങളെത്തണം. പണ്ട് എങ്ങനെയാണ് കെഎസ്ആർടിസി ലാഭമുണ്ടാക്കിയതെനന്നതും ചിന്തിക്കണം. അങ്ങനെ ഭൂതകാല അനുഭവങ്ങളിലൂന്ന വർത്തമാന സാഹചര്യത്തിലൂടെ ഭാവിയിലേക്ക് ബസുകൾ ഓടിക്കാൻ കെഎസ്ആർടിസിക്ക് കഴിയും. അതിനുള്ള സമയമാണിത്.
2006-2010 കാലഘട്ടത്തിൽ പുതിയതായി തുടങ്ങിയ 497480 കിലോമീറ്റർ അധിക സർവ്വീസുകളാണ് കെഎസ്ആർടിസിയെ പാപ്പരാക്കിയത്. ദേശസാൽകൃത റൂട്ടുകളിലെ സ്വകാര്യബസുകളെ ഒഴിവാക്കി പുതിയ കെഎസ്ആർടിസി ബസുകൾ നിരത്തിലിറക്കുന്നതിനു പകരം സ്വകാര്യബസുകളുമായി മത്സരിച്ചോടാൻ നിർബന്ധിച്ച 2006-2010 കാലഘട്ടത്തിലെ സർക്കാരും മാനേജ്മെന്റും ഗതാഗതവകുപ്പുമാണ് സത്യത്തിൽ കെഎസ്ആർടിസിയുടെ അന്തകരായി മാറിയത്. സത്യത്തിൽ സ്വകാര്യബസ് ഉടമകളെ സഹായിക്കുകയാണ് ഇവർ ചെയ്തത്.
ഈ സർവ്വീസുകളാണ് കെഎസ്ആർടിസിയുടെ വരുമാനം കുറച്ചത്. 2005ലെ സുപ്രീംകോടതി വിധി പ്രകാരം സ്വകാര്യബസുകളെ ഒഴിവാക്കി കെഎസ്ആർടിസിക്ക് ഈ 497480 കിലോമീറ്റർ സർവ്വീസ് ഓടിക്കാമായിരുന്നു. അങ്ങിനെയെങ്കിൽ കിലോമീറ്ററിന് 22 രൂപാ വരുമാനത്തിനു പകരം 36 രൂപാ വരുമാനം ലഭിച്ചേനെ.
സൂപ്പർക്ലാസ് വീണ്ടും വിവാദമാകുന്നു
31 റൂട്ടുകളിലെ സ്വകാര്യബസുകളെക്കാൾ ഗൗരവമേറിയ വിഷയമാണ് ഏറെ വിവാദമായ സ്വകാര്യ സൂപ്പർ ക്ലാസ് ഏറ്റെടുക്കൽ. കേരള മോട്ടോർ വാഹന ചട്ട ഭേഗതിക്കെതിരെ സ്വകാര്യ ബസുടമകൾ ഹൈക്കോടതിയിൽ കേസിൽ ചട്ടഭേദഗതിയിലൂടെ സൂപ്പർക്ലാസ് ബസുകൾ കെഎസ്ആർടിസി ക്കായി നീക്കിവയ്ക്കാനാവില്ല എന്നും വേണമെങ്കിൽ 99ാം വകുപ്പുപ്രകാരം സൂപ്പർ ക്ലാസ് സർവീസുകൾ സർക്കാരിന് കെഎസ്ആർടിസി ക്കായി ദേശസാൽക്കരിക്കാം എന്നും വിധിച്ചു.
2003ലെ ഈ വിധിമൂലം റദ്ദാക്കിയ സൂപ്പർ ക്ലാസ് സർവീസ് നിർവചനങ്ങൾ പത്തു വർഷങ്ങൾക്കുശേഷം 2013 ജൂലൈയിൽ ഉമ്മൻ ചാണ്ടി സർക്കാർ തന്നെ നിയമഭേദഗതിയിലൂടെ കെഎസ്ആർടിസിക്കായി നീക്കിവച്ചു. കൂട്ടത്തിൽ കേരളത്തിലെ 241 സ്വകാര്യ സൂപ്പർ ക്ലാസ്
ബസുകൾ കെഎസ്ആർടിസിക്കായി ദേശസാൽക്കരിക്കുകയും ചെയ്തു. ഈ ദേശസാൽക്കരണത്തിന് 2006ലെ ദേശസാൽകൃത റൂട്ടുകളിലെ സ്വകാര്യ ബസ് പെർമിറ്റ് ഭേദഗതി നിയമവുമായി യാതൊരു ബന്ധവുമില്ല. മാത്രമല്ല 1990ൽ നടത്തിയ കാഞ്ഞങ്ങാട്-ചന്ദ്രഗിരി പാലം-കാസർകോഡ് ദേശസാൽക്കരണത്തിനുശേഷം 23 വർഷങ്ങൾക്കു ശേഷം ആദ്യമായിട്ടാണ് 2013 ജൂലൈയിൽ 241 സ്വകാര്യ സൂപ്പർ ക്ലാസ് ബസുകൾ കെഎസ്ആർടിസി ക്കായി ദേശസാൽക്കരിച്ചത്.
ഈ ദേശസാൽക്കരണത്തെ സ്വകാര്യബസുടമകൾ ഹൈക്കോടതിയിൽ ചോദ്യം ചെയ്തെങ്കിലും ഹൈക്കോടതി സ്വകാര്യസൂപ്പർക്ലാസ് തീരുമാനം ശരിവച്ചു. പെർമിറ്റ് കാലാവധി തീരുന്നമുറയ്ക്ക് ഈ പെർമിറ്റുകൾ കെഎസ്ആർടിസി ക്കു ഓടിക്കാമെന്നും കോടതി ഉത്തരവിട്ടു. ഈ വിധിക്കെതിരെ സ്വകാര്യബസ് ഉടമകൾ നിരവധി അപ്പീലുകൾ ഫയൽ ചെയ്തെങ്കിലും ഒന്നിലും സ്റ്റേ കിട്ടിയില്ല.
ഏറ്റെടുത്ത സർവീസുകൾ എന്തിനു തിരിച്ചുനൽകി ?
17-3-2014ലാണ് കോടതിവിധി വന്നതെങ്കിലും അതിനും 2 ആഴ്ച മുൻപുതന്നെ ജഡ്ജി വിധി കോടതിയിൽ പറഞ്ഞിരുന്നു. അതിന്റെ അടിസ്ഥാനത്തിൽ 14-3-2014നു തന്നെ കെഎസ്ആർടിസി മാനേജിങ് ഡയറക്ടർക്കും മറ്റ് എക്സിക്യൂട്ടീവ് ഡയറക്ടർമാർക്കും കാലാവധി തീരുന്ന സ്വകാര്യ സൂപ്പർ ക്ലാസ് സർവീസുകൾ കെഎസ്ആർടിസി ഏറ്റെടുക്കണമെന്നാവശ്യം ലഭിച്ചു.
ഈ നിർദ്ദേശം ചീഫ് ഓഫീസിലെ ഉന്നത ഉദ്യോഗസ്ഥന്മാർക്കും എം.ഡി. അയച്ചുകൊടുക്കുത്തു. സ്വകാര്യ സൂപ്പർ ക്ലാസ് ബസുകൾ ഏറ്റെടുക്കാനുള്ള പദ്ധതി അടിയന്തിരമായി തയ്യാറാക്കാനും ആവശ്യപ്പെട്ടു. 5 വർഷത്തിൽ താഴെ പഴക്കമുള്ള ബസുകൾ മാത്രമാണ് ആവശ്യമെന്നും 2014 ജൂണിൽ കാലാവധി തീരുന്ന 91 സർവീസുകൾ ഏറ്റെടുക്കാൻ പുതിയ ബസുകൾ വാങ്ങേണ്ടതില്ലെന്നും ചൂണ്ടിക്കാട്ടിയിരുന്നു. നിലവിൽ ഏതാണ്ട് 400ൽ പരം ബസുകൾ 5 വർഷത്തിൽ താഴെ പഴക്കമുള്ളത് ഓർഡിനറിയായി ഓടുന്നുണ്ടെന്നും അത്തരം സർവീസുകൾക്ക് വരുമാനം കുറഞ്ഞ റൂട്ടുകളിലെ ഓർഡിനറി ബസുകൾ നൽകി 5 വർഷത്തിൽ താഴെ പഴക്കമുള്ള ഓർഡിനറി ബസുപയോഗിച്ച് സ്വകാര്യ സൂപ്പർ ക്ലാസ് ഏറ്റെടുക്കാൻ സാധിക്കും. അതിന്റെ അടിസ്ഥാനത്തിൽ സർവീസുകൾ പുനക്രമീകരിച്ചായിരുന്നു സ്വകാര്യ സൂപ്പർ ക്ലാസ് ബസുകൾ ഏറ്റെടുത്തത്. കൂടാതെ ബാംഗ്ലൂർ സർവീസുകൾക്ക് പുതിയ ബസുകളും വോൾവോയും വന്നതിനെ തുടർന്ന് മാറ്റിയിട്ടിരുന്ന സൂപ്പർ എക്സ്പ്രസ് ബസുകളാണ് ഏറ്റെടുക്കാൻ ഉപയോഗിച്ചത്. അല്ലാതെ നിലവിൽ ഓടിച്ചിരുന്ന ബസുകൾ റദ്ദാക്കിയല്ല സ്വകാര്യ സൂപ്പർ ക്ലാസ് ഏറ്റെടുത്തത്.
2014 ജൂൺ 30ന് 91 സ്വകാര്യ സൂപ്പർ ക്ലാസ് ബസുകളുടെ പെർമിറ്റ് കാലാവധി അവസാനിച്ചു. അതിൽ 60 സർവീസുകൾ ഏറ്റെടുത്തു നടത്തി. നിലവിൽ ആവശ്യത്തിനുമിച്ചം സൂപ്പർ ക്ലാസ് ബസുകൾ പക്കലുണ്ടായിരുന്നു. 807 ഫാസ്റ്റ് സർവീസുകൾ നടത്താൻ 1141 ഫാസ്റ്റ് ബസുകളും 231 സൂപ്പർ ഫാസ്റ്റോടിക്കാൻ 326 സൂപ്പർ ഫാസ്റ്റ് ബസുകളും പക്കലുണ്ടായിരുന്നു. ആ അധിക ബസുകളാണ് പുതിയ 60 സൂപ്പർ ക്ലാസ് ബസുകളോടിക്കാനായി ഉപയോഗിച്ചത്.
ഇതിനിടെ യുഡിഎഫ് ഉന്നതനേതാവിന്റെ ബന്ധുവായ ഒരു ബസുടമ ഇങ്ങനെ റദ്ദാക്കപ്പെടുന്ന ചില സൂപ്പർ ക്ലാസ് സ്വകാര്യ ബസുകൾ കുറഞ്ഞ വിലയ്ക്കു വാങ്ങി. കൂടെ കൊട്ടാരക്കര/കോട്ടയം ആസ്ഥാനമായി പ്രവർത്തിക്കുന്ന ചില ബസ് കമ്പനികൾ 100ൽ പരം ലിമിറ്റഡ് ഓർഡിനറി ബസുകളും സൂപ്പർ ക്ലാസ് ബസുകളാക്കി. ഈ ബസുടമകളാണ് 241 സൂപ്പർ ക്ലാസ് ദേശസാൽക്കരണം അട്ടിമറിക്കാൻ മുന്നോട്ടുവന്നത്. 241 സൂപ്പർ ക്ലാസ് ദേശസാൽക്കരണം അട്ടിമറിച്ചാൽ 6 മാസത്തിനകം കെഎസ്ആർടിസിക്ക് 2000 ബസുകൾ റൂട്ടുകളിൽ ഓടിക്കാനാവാതെവരും. നഷ്ടം 1500 കോടിയിൽനിന്നും 2500 കോടിയായി ഉയരും. 241 സ്വകാര്യ സൂപ്പർ ക്ലാസ് ബസുകളിൽ 2014 ജൂൺ 30നു റദ്ദായ പെർമിറ്റുകളിൽ ലാഭകരമായി ഓടിയ 60 സർവീസുകളുടെ റൂട്ടിൽ എന്തിനായിരുന്നു വീണ്ടും സ്വകാര്യബസ് പെർമിറ്റ് അനുവദിച്ചതെന്ന് ഇനിയും വിശദീകരിച്ചിട്ടില്ല. സൂപ്പർക്ലാസ് ഏറ്റെടുക്കാൻ ആവശ്യത്തിലധികം ബസുണ്ടെന്ന് കെഎസ്ആർടിസി തന്നെ കണ്ടെത്തിയിരുന്നു.
കെഎസ്ആർടിസിയിൽ ഒരു കോർപറേറ്റ് മോണിറ്ററിങ് കമ്മിറ്റി പ്രവർത്തിക്കുന്നു. ജൂൺ ആദ്യവാരത്തിൽ കൂടിയ ഈ കമ്മറ്റിയിൽ ആവശ്യത്തിലേറെ ബസുകളും ജീവനക്കാരുമുണ്ടെന്നും ആയതിനാൽ സ്വകാര്യമേഖലയിൽ റദ്ദാക്കുന്ന സൂപ്പർ ക്ലാസ് സർവീസുകൾ അവരുടെ പെർമിറ്റ് കാലാവധി തീരുന്ന മുറയ്ക്ക് ഏറ്റെടുത്തു നടത്താനുള്ള സംവിധാനമുണ്ടെന്നും തീരുമാനിക്കുകയും അതിന്റെ മിനിറ്റസ് ഒപ്പിടുകയും ചെയ്തിട്ടുണ്ട്. അങ്ങനെയെങ്കിൽ ഗതാഗതമന്ത്രി കെഎസ്ആർടിസി ആവശ്യത്തിനു ബസ്സുകളില്ലാത്തതിനാലാണ് സൂപ്പർ ക്ലാസ് ദേശസാൽക്കരണത്തിൽനിന്നും പിന്നോട്ടു പോകുന്നതെന്നു പറയുന്നത് ശരിയല്ല.
ബസുകളുടെ പഴക്കത്തിലും വ്യക്തയില്ല
ബസുകളുടെ പഴക്കത്തിന്റെ കാര്യത്തിലും കെഎസ്ആർടിസിയിക്ക് വ്യക്തതയില്ല. 15 വർഷമാണ് നിലവിൽ കേരളത്തിലുള്ള നിയമപ്രകാരം ഒരു ബസിന്റെ ആയുസ്സ്. ആകെയുള്ള 5812 ബസുകളിൽ ഒരു ബസുപോലും 15 വർഷത്തിൽ അധികം പഴക്കമുള്ളവയല്ല. 2000 ബസുകൾ പഴക്കമേറിയതാണെന്ന ഗതാഗതവകുപ്പിന്റെ നിലപാട് ശരിയല്ല എന്ന് അക്കൗണ്ടന്റ് ജനറൽ കണക്കുകൾ വ്യക്തമാക്കുന്നു.
വർഷം തിരിച്ചുള്ള ബസുകളുടെ കണക്കിന്റെ അടിസ്ഥാനത്തിൽ 15 വർഷത്തിൽ കൂടുതൽ പഴക്കമുള്ള 1000 ബസുകളുണ്ടെന്ന ഗതാഗതവകുപ്പിന്റെ വാദം തെറ്റാണെന്ന് ഈ കണക്കുകൾ വ്യക്തമാക്കുന്നു. ഫാസ്റ്റിന് ഒരു വർഷം 18 ലക്ഷം രൂപ അധികവരുമാനം 2011 സെപ്റ്റംബറിലെ നാറ്റ് പാക്ക് രേഖകളനുസരിച്ച് ഒരു കിലോമീറ്റർ ഓർഡിനറി ഓടിക്കാൻ അന്ന് 28.84 രൂപാ ചെലവാകുന്നിടത്ത് ഫാസ്റ്റ്പാസഞ്ചർ ബസുകൾക്ക് 23.31 രൂപാ മാത്രമാണ് ചെലവാകുന്നതെന്നു വ്യക്തമാക്കിയിരുന്നു. ഓർഡിനറി ബസുകളെക്കാൾ 5.50 രൂപ കുറവാണ് ഫാസ്റ്റിന്റെ പ്രവർത്തനചെലവ്.
എന്നാൽ വരുമാനം ഓർഡിനറിയേക്കാൾ ഇരട്ടി. വിദ്യാർത്ഥി കൺസഷൻ അടക്കം ഫാസ്റ്റിൽ സൗജന്യങ്ങളൊന്നും നൽകേണ്ട. ഒരു സ്വകാര്യ ഫാസ്റ്റിന്റെ ഒരുദിവസത്തെ പ്രവർത്തനലാഭം 5000 രൂപയാണെന്നാണ് ഇതുമായി ബന്ധപ്പെട്ടവർ ചൂണ്ടിക്കാട്ടുന്നത്. പ്രതിവർഷം 18 ലക്ഷം രൂപയാണ് ഒരു ഓർഡിനറിയെക്കാൾ കൂടുതലായി ഫാസ്റ്റിൽ കിട്ടുന്നത്. കോടികൾ മുടക്കി 241 സ്വകാര്യ ഫാസ്റ്റുകൾ അടക്കമുള്ള സൂപ്പർ ക്ലാസുകൾ സംരക്ഷിക്കാൻ ചിലർ രംഗത്തിറങ്ങിയിരിക്കുന്നതിന്റെ കാരണം മറ്റൊന്നല്ല.
വർമ്മ കമ്മറ്റി റിപ്പോർട്ടും പുനരുദ്ധാരണ പാക്കേജും
1999 മുതൽ 2014 ജൂൺ വരെ കേരളം മാറിമാറി ഭരിച്ച ഇടതു വലതു സർക്കാരുകളുടെ നയം സൂപ്പർ ക്ലാസ് സർവീസുകൾ കെഎസ്ആർടിസിക്ക് മാത്രം മതിയെന്നായിരുന്നു. 1994ലെ യുഡിഎഫ് സർക്കാരിൽ ആർ ബാലകൃഷ്ണപിള്ളയും 1999ലെ ഇടതു സർക്കാരും അതിനായി കേരള മോട്ടോർ വാഹന ചട്ടങ്ങളിൽ ഭേദഗതിയും വരുത്തിയിരുന്നു. 1999 മുതൽ 2013 വരെ നിരവധി കേസുകൾ സർക്കാരും നടത്തിയിരുന്നു. എന്നാൽ 1994ലെയും 1999ലെയും നീക്കം നിയമാനുസൃതമല്ലെന്നു പറഞ്ഞ് ഹൈക്കോടതി റദ്ദാക്കി. ഫാസ്റ്റ്, സൂപ്പർ ഫാസ്റ്റ് തുടങ്ങിയവയുടെ നിർവചനങ്ങളിൽ ഭേദഗതി വരുത്താതെ മോട്ടോർ വാഹന നിയമം 99 അനുസരിച്ച് കേരളത്തിലെ എല്ലാ സൂപ്പർ ക്ലാസ് സർവീസുകളും ദീർഘദൂര സർവീസുകളും കെഎസ്ആർടിസിക്കായി വയ്ക്കാനായിരുന്നു പിന്നെ ലഭിച്ച നിയമോപദേശം.
കെഎസ്ആർടിസി യുടെ നഷ്ടം കുറയ്ക്കാനായി പഠനം നടത്താൻ നിയമിച്ച നിരവധി കമ്മിറ്റികളും ഏജൻസികളും ഈ നിർദ്ദേശത്തെ പിന്തുണച്ചു. അതിന്റെ അടിസ്ഥാനത്തിൽ 2013 ജൂലൈയിൽ സംസ്ഥാന ഗതാഗതമന്ത്രി 2 ഉത്തരവുകളിറക്കി. സൂപ്പർ ക്ലാസ് ബസുകളുടെ നിർവചനത്തിൽ ഭേദഗതി വരുത്തി ഇവ സ്റ്റേറ്റ് ട്രാൻസ്പോർട്ട് അണ്ടർ ടേക്കിങ്ങുകൾ മാത്രം ഓടിക്കുന്ന സർവീസ് എന്നാക്കി. ഇതോടൊപ്പം ഉത്തരവിൽ കേരളത്തിലെ എല്ലാ സൂപ്പർ ക്ലാസ് ബസുകളും കെഎസ്ആർടിസിക്കായി ദേശസാൽക്കരിക്കുകയും ചെയ്തു.
സൂപ്പർക്ലാസ്സ് വിഷയത്തിൽ 2014 ജൂലൈയിൽ സർക്കാർ നയം മാറ്റിയതിന്റെ വെളിച്ചത്തിൽ 1723 സ്വകാര്യ ഓർഡിനറി ബസുകളാണ് ഫാസ്റ്റാക്കാൻ നീക്കം ആരംഭിച്ചത്. കോട്ടയം-എറണാകുളം, എറണാകുളം-ഗുരുവായൂർ, തൃശൂർ-പാലക്കാട്, പാലക്കാട്-കോഴിക്കോട്, തൊടുപുഴ-ഇടുക്കി-കട്ടപ്പന, കട്ടപ്പന-മുണ്ടക്കയം-കോട്ടയം, കോട്ടയം-കുമളി,. കഞ്ഞിരപ്പള്ളി-പുനലൂർ, പാലാ-എറണാകുളം-കോഴിക്കോട്-വയനാട്, കോഴിക്കോട്-കണ്ണൂർ തുടങ്ങി നിരവധി റൂട്ടുകളാണ് അടുത്ത മാസങ്ങളിൽ ഫാസ്റ്റാക്കുന്നത്. വിദ്യാർത്ഥികളുടെയും സാധരാണ യാത്രക്കാരുടെയും നിലവിൽ ലഭിച്ചിരുന്ന യാത്രസൗകര്യങ്ങൾ ഇതോടെ ഇല്ലാതാകും.
നിലവിൽ ഓർഡിനറിയായി ഓടുന്ന 1723 ബസുകൾ ഫാസ്റ്റാക്കാൻ തടസ്സം നിന്നിരുന്നത് 2013 ജൂലൈയിൽ ആര്യാടൻ മുഹമ്മദ് കൊണ്ടുവന്ന സൂപ്പർ ക്ലാസ് ദേശസാൽക്കരണ നിയമമായിരുന്നു. ഇതനുസരിച്ച് ഫാസ്റ്റിന്റെ നിർവചനം റദ്ദാക്കിയെങ്കിലും സൂപ്പർ ക്ലാസുകളൊക്കെ കെഎസ്ആർടിസിക്കു മാത്രമെ നടത്താൻ അനുമതിയുള്ളായിരുന്നു. എന്നാൽ 9-7-2014ലെ മന്ത്രിസഭാ നിർദ്ദേശപ്രകാരം സൂപ്പർ ക്ലാസ് ദേശസാൽക്കരണം വേണ്ടെന്നുവയ്ക്കാൻ തീരുമാനിച്ചതോടെ നിലവിലുള്ള 241 പേർക്ക് സൂപ്പർ ക്ലാസ് ഓടിക്കാമെന്നുമാത്രമല്ല
പുതുതായി 1723 ബസുകൾക്കുകൂടി ഓർഡിനറി ഫാസ്റ്റാക്കാൻ അവസരം ലഭിക്കും.
കഴിഞ്ഞ 25 വർഷത്തിനിടെ ഈ വിഷയത്തിൽ ആദ്യമായിട്ടാണ് കെഎസ്ആർടിസിക്കും സർക്കാരിനും അനുകൂലമായി ഹൈക്കോടതി വിധിയുണ്ടാകുന്നത്. ഇതിൽ വെള്ളം ചേർക്കാൻ തീരുമാനിച്ചതോടെ ലക്ഷക്കണക്കിനു വിദ്യാർത്ഥികളും യാത്രക്കാരും പെരുവഴിയിലാകും.
സൂപ്പർ ക്ലാസ്സുകളെ ലിമിറ്റഡ് ഓർഡിനറിയാക്കണം
നിലവിലുള്ള 241 സൂപ്പർ ക്ലാസ് ബസുടമകളുടെ റൂട്ട് നിലനിർത്താനാണെങ്കിൽ ദേശസാൽക്കരണ നിയമത്തിൽ വെള്ളം ചേർക്കുകയല്ല വേണ്ടത്. മറിച്ച് 1999 ജനുവരിയിൽ കൊണ്ടുവന്ന കേരള മോട്ടോർ വാഹന ചട്ടങ്ങളിലെ ഓർഡിനറി സർവീസിന്റെ നിർവചനത്തിലെ പരമാവധി ദൂരം 140 കി.മീ. എന്ന നിബന്ധന എടുത്തുകളയുകയാണു വേണ്ടത്. അങ്ങനെ വരുമ്പോൾ 500 മുതൽ 600 കി.മീ വരെ ദൂരത്തിൽ വിദ്യാർത്ഥികൾക്കും യാത്രക്കാർക്കും ദീർഘദൂരയാത്രക്കാർക്കും കയറാവുന്ന പഴയ ലിമിറ്റഡ് സ്റ്റോപ് ബസുകൾ പുനഃസ്ഥാപിക്കാനാവും.
നിലവിൽ സൂപ്പർ ക്ലാസ് പെർമിറ്റുള്ള 241 പേരും ആദ്യം ലിമിറ്റഡ് ഓർഡിനറിയായി ബസ് ഓടിച്ചവരാണ്. അവർക്ക് അവരോടിയിരുന്ന റൂട്ടുകളിൽതന്നെ സൂപ്പർ ക്ലാസിനു പകരം ലിമിറ്റഡ് ഓർഡിനറി അനുവദിക്കാനും കേരള മോട്ടോർ വാഹന ചട്ടങ്ങളിലെ ചട്ടം ഭേദഗതി ചെയ്ത് ഓർഡിനറിക്ക് 140 എന്ന ദൂരപരിധി എടുത്തുകളയുകയും ചെയ്യണം. ഇത്തരം സർവ്വീസുകളും ദേശസാൽകൃതറൂട്ടിൽ പരമാവധി 30 കിലോമീറ്റർ കയറി ഓടാം എന്ന നിബന്ധനയ്ക്കു വിധേയമായിട്ടായിരിക്കണം പെർമിറ്റുകൾ നൽകേണ്ടത്.
Stories you may Like
- കെഎസ്ആർടിസിയിൽ മുഖ്യമന്ത്രി ഇടപെടുമോ?
- 17 വർഷത്തിനിടെ വിൻഡീസിനോട് പരമ്പര തോൽക്കുന്ന നായകനായി ഹാർദ്ദിക് പാണ്ഡ്യ
- ഒരു ദിവസം ലാഭിച്ചത് 3.66 ലക്ഷം രൂപ; എല്ലാ ജില്ലകളിലും ഉടനെന്ന് കെഎസ്ആർടിസി
- കെഎസ്ആർടിസി എംഡി സ്ഥാനത്ത് നിന്ന് തന്നെ മാറ്റണമെന്ന് ബിജു പ്രഭാകർ
- സ്വിഫ്റ്റ് ബസ് കെഎസ്ആർടിസിക്കു ഭീഷണിയാണെന്നത് വ്യാജ പ്രചാരണം
- TODAY
- LAST WEEK
- LAST MONTH
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഞങ്ങളുടെ സ്ഥാനാർത്ഥിക്ക് വോട്ടു ചെയ്യല്ലേ! രാജസ്ഥാനിലെ ബൻസ്വാഡ-ദുംഗർപൂർ ലോക്സഭാ മണ്ഡലത്തിൽ വിചിത്ര അഭ്യർത്ഥനയുമായി കോൺഗ്രസ്; അപ്രതീക്ഷിതമായി ത്രികോണ മത്സരം വന്നതോടെ പാർട്ടിക്ക് നാണക്കേട്: പിന്നാമ്പുറ കഥ
- മരണത്തിനുത്തരവാദികളായവരുടെ പേരുകൾ എഴുതിവെച്ച ശേഷം ആത്മഹത്യ; തൃശ്ശൂരിൽ വീട്ടമ്മയുടെ മരണത്തിൽ അങ്കണവാടി വർക്കർ അറസ്റ്റിൽ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- കന്നിവോട്ട് ചെയ്യാൻ കാത്തിരുന്ന് ഒരു കുടുംബത്തിലെ അഞ്ചു പേർ; വിദേശവാസം അവസാനിപ്പിച്ച് നാട്ടിലെത്തിയ പ്രവാസി കുടുംബം ഒന്നടങ്കം നാളെ ബൂത്തിലേക്ക്
- എട്ടു വർഷം മുമ്പ് വോട്ട് ചെയ്തപ്പോൾ വിരലിൽ പുരട്ടിയ മഷിയടയാളം മായുന്നില്ല; സോപ്പും ലായനികളുമെല്ലാം ഉപയോഗിച്ചെങ്കിലും വര തെളിഞ്ഞുതന്നെ; തദ്ദേശതിരഞ്ഞെടുപ്പിൽ തിരഞ്ഞെടുപ്പ് ഉദ്യോഗസ്ഥർ എതിർത്തതോടെ ഭയന്ന് വോട്ട് ചെയ്യുന്നത് നിർത്തി ഉഷ
- ജില്ലാ പരിഷത്ത് അംഗമായ ഭാര്യയുടെ പിന്തുണയിലേക്കും അന്വേഷണം; ഗുൽഷൻ പർവീണിനെ ചോദ്യം ചെയ്യാൻ കേരള പൊലീസ് സീതാമഡിയിലേക്ക്; 'ബിഹാർ റോബിൻഹുഡ്' ഇനി കുറച്ചു ബുദ്ധിമുട്ടും; ഭീമയുടെ വീട്ടിലെ മോഷണത്തിലെ ജാമ്യ വ്യവസ്ഥ ലംഘനവും കള്ളന് വിനയാകും
- വെറ്റിലയും അടക്കയും ചുണ്ണാമ്പും പുകയിലയും കിറ്റുകളിൽ; 'മുറുക്കുന്നതിനോട്' താൽപ്പര്യമുള്ള നേതാവിന് വോട്ടുറപ്പിക്കാനോ ഈ കിറ്റുകൾ; ബത്തേരിയിലും മാനന്തവാടിയിലും കിറ്റ്; ബിജെപിക്കെതിരെ ആരോപണവുമായി കോൺഗ്രസും സിപിഎമ്മും; ഒന്നും അറിയില്ലെന്ന് ലോറി ഡ്രൈവറും; വയനാട്ടിൽ വിവാദം
- ഹിന്ദുക്കളുടെ സ്വത്ത് എടുത്ത് മുസ്ലീങ്ങൾക്ക് കൊടുക്കുമെന്ന് കോൺഗ്രസ് പ്രകടന പത്രികയിൽ ഉണ്ടോ? ജനങ്ങളുടെ സ്വത്തുക്കൾ കണ്ടുകെട്ടാനും സമ്പാദ്യം അപഹരിക്കാനും കോൺഗ്രസിന് പദ്ധതിയുണ്ടോ? പ്രധാനമന്ത്രി മോദിയും ബിജെപിയും നടത്തുന്ന പ്രചാരണത്തിന്റെ വസ്തുതയെന്ത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്