1 usd = 75.64 inr 1 gbp = 95.80 inr 1 eur = 85.41 inr 1 aed = 20.59 inr 1 sar = 20.14 inr 1 kwd = 245.55 inr

Jun / 2020
06
Saturday

കെഎസ്ആർടിസിക്കു പാരവയ്ക്കുന്ന സ്വകാര്യ ബസുകൾ; ദേശസാൽകൃത റൂട്ടുകളിൽ സ്വകാര്യ ബസുകൾക്കു അനുമതി നൽകിയതു തിരിച്ചടിയായി; ആര്യാടന്റെ നിർദ്ദേശം നടപ്പിലാക്കിയാൽ കോർപ്പറേഷൻ രക്ഷപ്പെടുമോ? മറുനാടൻ പരമ്പര തുടരുന്നു

December 06, 2014 | 05:46 PM IST | Permalink



കെഎസ്ആർടിസിക്കു പാരവയ്ക്കുന്ന സ്വകാര്യ ബസുകൾ; ദേശസാൽകൃത റൂട്ടുകളിൽ സ്വകാര്യ ബസുകൾക്കു അനുമതി നൽകിയതു തിരിച്ചടിയായി; ആര്യാടന്റെ നിർദ്ദേശം നടപ്പിലാക്കിയാൽ കോർപ്പറേഷൻ രക്ഷപ്പെടുമോ? മറുനാടൻ പരമ്പര തുടരുന്നു

ജെയിംസ് വടക്കൻ

തിരുവനന്തപുരം: പല ഉന്നതർക്കും സ്വകാര്യ ബസ് സർവീസുകൾ സ്വന്തമായുണ്ടെന്നുള്ളതു പരസ്യമായ രഹസ്യമാണ്. സ്വകാര്യ ബസ് സർവീസുകൾക്കുവേണ്ടി കെഎസ്ആർടിസിയെ കുരുതികൊടുക്കുന്ന അവസ്ഥയാണ് പലപ്പോഴും കാണാറുള്ളത്. ദേശസാൽക്കൃത റൂട്ടുകളിൽ ഉൾപ്പെടെ സ്വകാര്യ ബസുകൾക്ക് അനുമതി നൽകി തിരിച്ചടിയേറ്റു വാങ്ങുകയായിരുന്നു കെഎസ്ആർടിസി.

സൂപ്പർക്ലാസ്സ് ബസ് സർവ്വീസുകളും കെഎസ്ആർടിസിയും തമ്മിലുള്ള പോരാട്ടം തുടങ്ങുന്നത് 1990കളിലാണ്. 1990 കളിൽ സ്വകാര്യഫാസ്റ്റ് പ്രശ്‌നം സംസ്ഥാനത്തൊട്ടാകെ ഒരു ക്രമസമാധാനപാലന പ്രശ്‌നമായി വളർന്നു. കേരളത്തിൽ ഇടുക്കിയിലും പത്തനംതിട്ടയിലും വയനാട്ടിലും മലബാറിലും എന്നും എവിടെയും മിന്നൽ ബന്ദുകളും പണിമുടക്കുകളും തന്നെ.

പൊറുതിമുട്ടിയ അന്നത്തെ യുഡിഎഫ് സർക്കാരിലെ ഗതാഗതമന്ത്രി ആർ ബാലകൃഷ്ണപിള്ള 1993ൽ സ്വകാര്യ ഓർഡിനറി ബസുകൾ ഫാസ്റ്റാക്കുന്ന ഗതാഗത അപ്പലേറ്റ് ട്രിബ്യൂണൽ, ഹൈക്കോടതി വിധികൾക്കെതിരെ ഹൈക്കോടതിയിൽ കേസ് ഫയൽ ചെയ്തു. അങ്ങനെയാണ് ഒപി 731/1993 കേസ് ഫയൽ ചെയ്യപ്പെട്ടത്. എന്നിട്ടും സ്വകാര്യ ഫാസ്റ്റുകളെ നിയന്ത്രിക്കാനായില്ല. ആ സാഹചര്യത്തിലാണ് അപ്പലേറ്റ് ട്രിബ്യൂണലിൽനിന്നും വിരമിച്ച ജഡ്ജി കെ രാമചന്ദ്രൻ മുഖേന കേസ് ഹൈക്കോടതിയിൽ ഫയൽ ചെയ്തത്.

1994ൽ ബസ് ചാർജു വർദ്ധിപ്പിക്കാൻ സംസ്ഥാന സർക്കാർ തീരുമാനിച്ചു. കെഎസ്ആർടിസി ഭരിക്കുന്നത് എക്‌സിക്യൂട്ടീവ് ഡയറക്ടർ കെ എസ് വിജയൻ. നോട്ടിഫിക്കേഷനിൽ സ്വകാര്യ സൂപ്പർ ക്ലാസ് ബസ്സുടമകൾ അത്തരം ബസ് സർവീസുകൾ നടത്തണമെങ്കിൽ യാത്രക്കാർക്ക് കൂടുതൽ സൗകര്യങ്ങൾ നൽകണമെന്ന നിബന്ധന കൊണ്ടുവന്നാൽ സ്വകാര്യ ഫാസ്റ്റുകളെ നിയന്ത്രിക്കാനാവുമെന്ന് അഡ്വ. രാമചന്ദ്രൻ നിർദ്ദേശിച്ചു. ആ നിർദ്ദേശം കെ എസ് വിജയനിലൂടെ ബാലകൃഷ്ണപിള്ളയുടെ പക്കലെത്തി. അധിക നിബന്ധനകൾ 1994ലെ ബസ്ചാർജ് വർധന നോട്ടിഫിക്കേഷന്റെ ഭാഗമാക്കി. (എസ്ആർഒ 364/1994)

ഇതിനെതിരെ സ്വകാര്യ ബസുടമകൾ ഹൈക്കോടതിയെ സമീപിച്ചു. 28.10.1994ലെ ഒപി 5657/1994 വിധിന്യായത്തിൽ ജസ്റ്റിസ് ജഗനാഥറാവു ബസ് ചാർജ് വർദ്ധനവ് നോട്ടിഫിക്കേഷൻ തന്നെ റദ്ദാക്കി. യാത്രക്കാർക്ക് അധിക സൗകര്യങ്ങൾ നൽകാതെ അധിക യാത്രാക്കൂലി ഇടാക്കുന്നത് നീതിയല്ല എന്നായിരുന്നു കോടതിയുടെ വിലയിരുത്തൽ. ഈ വിധിന്യായത്തിൽ സംസ്ഥാനത്തെ സൂപ്പർ ക്ലാസ് ബസ് സർവീസുകൾ (ഫാസ്റ്റ്, സൂപ്പർ ഫാസ്റ്റ്, സൂപ്പർ എക്സ്‌പ്രസ് മുതലായവ) കെഎസ്ആർടിസിക്കായി നീക്കിവയ്ക്കണമെന്ന് സർക്കാരിനുദ്ദേശമുണ്ടെങ്കിൽ നിയമാനുസൃതം ദേശസാൽക്കരണം നടത്തി അത്തരം സർവീസുകൾ വേണമെങ്കിൽ സംസ്ഥാനസർക്കാരിന് കെഎസ്ആർടിസിക്കായി നീക്കിവയ്ക്കാമെന്നും കോടതി നിർദ്ദേശിച്ചിരുന്നു.

1995ൽ സൂപ്പർക്ലാസ് സർവീസുകൾ നിരോധിക്കപ്പെടുന്നു

ഹൈക്കോടതിയാണ് കേരളത്തിലെ സൂപ്പർ ക്ലാസ് ബസുകളെ നിയന്ത്രിച്ചു ഉത്തരവിറക്കിയത്. കൂടുതൽ പണം വാങ്ങുന്നുണ്ടെങ്കിൽ കൂടുതൽ സൗകര്യങ്ങൾ യാത്രക്കാർക്കു നല്കണമെന്ന് നിർദ്ദേശിച്ചു. സെന്റർ ഫോർ കൺസ്യൂമർ എജൂക്കേഷൻ അഡ്വക്കേറ്റ് രാമചന്ദ്രന്റെ വാദങ്ങൾ അംഗീകരിച്ചാണ് കോടതി ഇങ്ങനെ വിധിച്ചത്.

ഈ വിധിയോടെ കേരളത്തിൽ സ്വകാര്യ സൂപ്പർ ക്ലാസ് ബസ്സുകൾ ഓടുന്നത് നിരോധിക്കപ്പെട്ടു. പുതിയ കെഎസ്ആർടിസി സൂപ്പർ ക്ലാസ് ബസ്സുകൾക്കും വിലക്കായി. ഈ നിരോധനത്തിന്റെ മറവിൽ 500 മുതൽ 600 കി.മീ. ദൂരം വരുന്ന ഓർഡിനറി ലിമിറ്റഡ് സ്റ്റോപ്പ് സ്വകാര്യ ബസ്സുകൾ കേരളത്തിൽ ഓടാൻ തുടങ്ങി. കെഎസ്ആർടിസി യുടെ സൂപ്പർ എക്സ്‌പ്രസ്സിന്റെ വേഗത, ഓർഡിനറിയുടെ യാത്രക്കൂലി, പെട്ടെന്നുതന്നെ ഇത്തരം സർവ്വീസുകൾ ജനങ്ങൾക്ക് ഉപകാരപ്രദമായി. ഇത്തരം ആയിരക്കണക്കിനു സർവീസ്സുകളാണ് കേരളത്തിൽ ആരംഭിച്ചത്. പാലായിൽനിന്നും മംഗലാപുരത്തേക്കും കുമളിയിൽനിന്ന് കാസർകോഡ് ജില്ലയിലെ കൊന്നക്കാട്ടേക്കും അടക്കം 500 കി.മീൽ അധികം ദൂരമുള്ള ലിമിറ്റഡ് ഓർഡിനറികൾ വരെ കേരളത്തിലുണ്ടായിരുന്നു. യാത്രക്കൂലി കുറവുള്ള സ്വകാര്യ ലിമിറ്റഡ് ഓർഡിനറിയിൽ യാത്രക്കാർ കൂട്ടംകൂട്ടമായി കയറിയതോടെ അധികചാർജുള്ള കെഎസ്ആർടിസി ബസ്സുകൾക്ക് ആളെ കിട്ടാതെയായി.

ലിമിറ്റഡ് ഓർഡിനറികളും ടൗൺ ടു ടൗൺ ബസുകളും

പിന്നീട് കെഎസ്ആർടിസി നിരവധി റൂട്ടുകളിൽ ലിമിറ്റഡ് ഓർഡിനറി സർവ്വീസുകൾ ആരംഭിച്ചു. പിന്നാലെ ടൗൺ ടു ടൗൺ ഓർഡിനറി ബസ്സകളും ആരംഭിച്ചു. യാത്രക്കാർ ഏറെ സന്തോഷത്തോടെയാണ് കെഎസ്ആർടിസിയുടെ ലിമിറ്റഡ് ഓർഡിനറികളെയും ടൗൺ ടു ടൗൺ ഓർഡിനറികളെയും സ്വീകരിച്ചത്.

2014 ഫെബ്രുവരിയിലെ കെഎസ്ആർടിസി കണക്കനുസരിച്ച് കെഎസ്ആർടിസി പ്രതിദിനം ഓടിക്കുന്ന 9,48,540 കി.മീ. ഓർഡിനറി സർവ്വീസുകളിൽ 1,74,250 കി.മീ. ലിമിറ്റഡ് ഓർഡിനറിയും 1,05,612 കി.മീ. ടൗൺ ടു ടൗൺ ഓർഡിനറിയുമാണ്. ആകെ 2,79,862 കി.മീ. ഏതാണ്ട് 30%.

സൂപ്പർക്ലാസിലെ അധിക സൗകര്യങ്ങൾ

അധിക ബസ്സുകൂലി ഈടാക്കുന്ന സൂപ്പർ ക്ലാസ് ബസ്സുകളിൽ എന്തൊക്കെ അധിക സൗകര്യങ്ങളാണ് നല്കുന്നതെന്നു വ്യക്തമാക്കി കേരള മോട്ടോർ വാഹനചട്ടങ്ങൾ ഭേദഗതി ചെയ്യാൻ 1995ൽ കേരള ഹൈക്കോടതി ഉത്തരവിട്ടെങ്കിലും ചട്ടങ്ങൾ ഭേദഗതി ചെയ്തത് 1999 ഫെബ്രുവരി ഒന്നാം തീയതിയാണ്.

നിലവിലെ നിയമപ്രകാരം ഒരു ഓർഡിനറി ബസ്സിലെ യാത്രക്കാരന്റെ സീറ്റിന്റെ വീതി 38 സെ.മീ. മാത്രമാണ്. രണ്ടു സീറ്റുകൾ തമ്മിലുള്ള അകലം 68 സെ.മീറ്ററും. പ്രായപൂർത്തിയായ ഒരു പുരുഷന്റെ തോളിന്റെ സൈസ് 40 മുതൽ 44 സെ.മീ. വരെയാണ്. അങ്ങനെയുള്ള വ്യക്തികൾക്ക് 38 സെ.മീ. വീതി മാത്രമുള്ള സീറ്റിൽ എങ്ങനെ യാത്ര ചെയ്യാനാവും? ഓർഡിനറിയിൽ 38 ചതുരശ്ര സെ. മീറ്റർ സീറ്റ് ലഭ്യമാണെങ്കിൽ ഫാസ്റ്റിൽ 42 സെ.മീ. ഉം സൂപ്പറിൽ 45 സെ.മീ. ഉം എക്സ്‌പ്രസ്സിൽ 50 സെ.മീ. സീറ്റു വീതിയും പുഷ്ബാക്ക് സീറ്റുകളും ലഭിക്കണം. ഇതൊക്കെയാണ് ഹൈക്കോടതി നിർദ്ദേശിച്ച അധിക സൗകര്യങ്ങൾ.

എന്നാൽ അതൊന്നും നൽകാതെ പെർമിറ്റിന്റെ പരമാവധി ദൂരത്തിന്റെയും സ്റ്റോപ്പുകളുടെയും വേഗതയുടെയും അടിസ്ഥാനത്തിലായിരുന്നു 1999ലെ കേരള മോട്ടോർ വാഹനനിയമ ഭേദഗതിയിലൂടെ എൽഡിഎഫ് സർക്കാർ സൂപ്പർ ക്ലാസ് സർവീസുകളെ നിർവ്വചിച്ചത്. കൂട്ടത്തിൽ ഇത്തരം സർവീസുകൾ ഫ്ളീറ്റ് ഓപ്പറേറ്റർ നടത്തിയാൽ മതിയെന്നും തീരുമാനിച്ചു. 50ൽ കൂടുതൽ ബസ്സുകൾ സ്വന്തമായിട്ടുള്ള വ്യക്തികൾ/ സ്ഥാപനങ്ങൾ എന്നിവയാണ് ഫ്ളീറ്റ് ഓപ്പറേറ്റർ എന്നറിയപ്പെടുന്നത്. കേരളത്തിലെ ഏക ഫ്ളീറ്റ് ഓപ്പറേറ്റർ അന്നു കെഎസ്ആർടിസി മാത്രമായിരുന്നു.

സൂപ്പർക്ലാസ് നിയമപോരാട്ടം

1999ലെ സൂപ്പർ ക്ലാസ് നിർവചനം നടത്തിയ കേരള മോട്ടോർ വാഹന ചട്ടങ്ങൾക്കെതിരെ സ്വകാര്യബസുടമകൾ ഹൈക്കോടതിയെ സമീപിച്ചു. ഡബ്ല്യുഎ 7211/99 കേസിൽ 30.6.2003ലെ വിധിന്യായത്തിലൂടെ കേരള ഹൈക്കോടതി സൂപ്പർ ക്ലാസ് നിർവചനങ്ങളിലെ ഫ്ളീറ്റ് ഓപ്പറേറ്റർ എന്ന പദം എടുത്തുകളഞ്ഞു. സംസ്ഥാന സർക്കാരിന് വീണ്ടും ഉചിതമായ സൂപ്പർ ക്ലാസ് നിർവചനങ്ങൾ കൊണ്ടുവരാവുന്നതാണെന്നും വിധിയിൽ വ്യക്തമാക്കി.

സൂപ്പർ ക്ലാസ് ബസുകളിലെ സീറ്റുകളുടെ വീതി കൂട്ടണമെന്നും 200 കി.മീ. വരെ ദൂരമുള്ള പെർമിറ്റുകളൊക്കെ ഓർഡിനറിയോ/ലിമിറ്റഡ് ഓർഡിനറിയോ ടൗൺ ടു ടൗൺ ഓർഡിനറിയോ ആക്കണമെന്നും 200 നു മുകളിൽ മാത്രം ഫാസ്റ്റും സൂപ്പർ ഫാസ്റ്റും മതിയെന്നും സൂപ്പർ ഫാസ്റ്റിലും സൂപ്പർ എക്സ്‌പ്രസ്സിലും 22 സീറ്റുകൾ ഘടിപ്പിക്കണമെന്നൊക്കെ നിരവധി തവണ സംസ്ഥാന സർക്കാരിനു നിവേദനം നൽകിയിട്ടും സ്വകാര്യബസ്സുടമകളുടെ സമ്മർദ്ദത്തെ തുടർന്ന് ഒന്നും പരിഗണിക്കപ്പെട്ടില്ല. സൂപ്പർ ക്ലാസ് ബസുകളെ സംബന്ധിച്ച് അടുത്ത നീക്കം നടന്നത് 10 വർഷങ്ങൾക്കുശേഷം 2013 ജൂലൈയിലാണ്. 

ദേശസാൽകൃത റൂട്ടിലെ അനധികൃത സ്വകാര്യബസുകൾ

ഇതിനിടെ മറ്റൊരു ഗൗരവമായ വിഷയവും കെഎസ്ആർടിസി നേരിട്ടു. 1989 വരെ കെഎസ്ആർടിസി ബസുകൾ മാത്രം ഓടിയിരുന്ന ദേശസാൽക്കൃത റൂട്ടുകളിൽ നിയമവിരുദ്ധമായി മോട്ടോർ വാഹന വകുപ്പ് സ്വകാര്യ ബസുകൾക്കും പെർമിറ്റുകൾ അനുവദിച്ചു. ഫലമോ കെഎസ്ആർടിസി ബസുകളിലെ യാത്രക്കാരുടെ എണ്ണം കുത്തനെ കുറഞ്ഞു.

1989ൽ നടപ്പിൽവന്ന പുതിയ ഉദാരവൽക്കരിക്കപ്പെട്ട മോട്ടോർ വാഹന നിയമത്തിൽ ദേശസാൽക്കൃത റൂട്ടുകളിലൊഴിച്ച് ആര് ഏതു റൂട്ടിൽ ബസ് പെർമിറ്റു ചോദിച്ചാലും നൽകണമെന്നായി. പക്ഷേ, ദേശസാൽകൃത റൂട്ടുകളിൽ സ്വകാര്യ ബസുകൾക്ക് അനുമതി ലഭിച്ചില്ല.

ദേശസാൽകൃത റൂട്ടുകളെന്നാൽ സർക്കാർ നിയന്ത്രണത്തിലുള്ള ബസ് കമ്പനികൾക്കു മാത്രം സർവീസു നടത്താൻ അനുമതിയുള്ള റൂട്ടുകളാണ്. അത്തരം റോഡുകളിൽ/റൂട്ടുകളിൽ ചെറിയ ദൂരത്തിനുമാത്രം മറ്റു സ്ഥലങ്ങളിൽ നിന്നുവരുന്ന സ്വകാര്യ ബസുകൾക്ക് കയറി ഓടാൻ അനുമതിയുണ്ടായിരുന്നു. പരമാവധി രണ്ട് ഇന്റർമീഡിയറ്റ് പോയിന്റുകളാണ് ഇങ്ങനെ കയറി ഓടാവുന്നത്.1989ലെ പുതിയ മോട്ടോർ വാഹന നിയമം വന്നശേഷം കേരളത്തിൽ മോട്ടോർ വാഹന ഉദ്യോഗസ്ഥരെ സ്വാധീനിച്ച് കെഎസ്ആർടിസി യുടെ ദേശസാൽകൃക റൂട്ടുകളിലൂടെ സ്വകാര്യ ബസുടമകൾ അനധികൃത പെർമിറ്റുകൾ വാങ്ങാൻ ആരംഭിച്ചു. ആ കാലഘട്ടങ്ങളിലെ ഗതാഗത മന്ത്രിമാർ ഈ കടന്നുകയറ്റത്തിനു രഹസ്യപിന്തുണ നൽകി. കെഎസ്ആർടിസി ലാഭകരമായി സർവീസു നടത്തിയിരുന്ന നിരവധി റൂട്ടുകൾ അങ്ങനെ സ്വകാര്യബസ് നിയന്ത്രണത്തിലായി. അതുവരെ ബൈറൂട്ടുകളിൽ ഓടിയിരുന്ന സ്വകാര്യബസുകളൊക്കെ അവിടെനിന്നും മാറി കെഎസ്ആർടിസി യുടെ ദേശസാൽകൃത മെയിൻ റൂട്ടുകളിലൂടെ ഓടാൻ തുടങ്ങി. പലവിധ സമ്മർദ്ദങ്ങളാൽ ആരും ഇതിനെ അന്നു ചോദ്യം ചെയ്തില്ല. ഫലത്തിൽ മെയിൻ റോഡുകളിൽ ആവശ്യത്തിനു മിച്ചം ബസുകൾ. ഇടറോഡുകളിലും ഗ്രാമീണറോഡുകളിലും ഉണ്ടായിരുന്ന ബസുകൾപോലും ഇല്ലാതായി.

1989ൽ ഉദാരവൽക്കരിക്കപ്പെട്ട മോട്ടോർവാഹന നിയമം പ്രാബല്യത്തിൽ വരുമ്പോൾ കേരളത്തിൽ കെഎസ്ആർടിസി ക്കു മാത്രം സർവീസ് നടത്താൻ അനുവാദമുള്ള 70 റൂട്ടുകളാണുണ്ടായിരുന്നത്. പിന്നീട് 20.4.1990ൽ കാഞ്ഞങ്ങാട്, ചന്ദ്രഗിരി, കാസർകോഡ് റൂട്ടും 12.7.1991ൽ പ്ലാപ്പള്ളി പമ്പ റൂട്ടുമാണ് ദേശസാൽക്കരരക്കപ്പെട്ടത്.

1989നു ശേഷമുണ്ടായ സ്വകാര്യബസുകളുടെ അനധികൃത കടന്നുകയറ്റത്തെ സംസ്ഥാന സർക്കാരോ കെഎസ്ആർടിസിയോ കെഎസ്ആർടിസിയിലെ തൊഴിലാളി യൂണിയനുകളോ ഫലപ്രദമായി എതിർത്തില്ല എന്നതാണു സത്യം. സ്വകാര്യബസുടമകളുടെ സ്വാധീനം രണ്ടു മുന്നണികളിലും സർക്കാരിലും കെഎസ്ആർടിസിയിലെ തന്നെ തൊഴിലാളി യൂണിയൻ നേതൃത്വത്തിലും 1980കൾ തുടങ്ങി പ്രകടമായിരുന്നു. ഈ 71 റൂട്ടുകളിൽ അമൻഡഡ് എന്ന തലക്കെട്ടുള്ള 31 റൂട്ടുകളിലാണ് അനധികൃത സ്വകാര്യബസുകൾ നിയമാനുസൃതമാക്കാൻ നീക്കം നടക്കുന്നത്.

ദേശസാൽകൃത റൂട്ടിൽ സ്വകാര്യബസുകൾ ആവശ്യമില്ല

ദേശസാൽകൃത റൂട്ടുകളിൽ അനധികൃതമായി നൽകപ്പെട്ട മിക്ക സ്വകാര്യ ബസ് പെർമിറ്റുകളും ജനങ്ങൾക്ക് ആവശ്യമില്ലാത്തതാണെന്ന് കെഎസ്ആർടിസി ബസുകളുടെ കിലോമീറ്റർ വരുമാനം തന്നെ വ്യക്തമാക്കുന്നു.

2014ലെ ബസ് ചാർജു വർദ്ധനവു പ്രകാരം ഓർഡിനറി ബസുകളിലെ ആദ്യത്തെ 20 ഫെയർ സ്റ്റേറ്റുകളിലെ (50 കി.മീ.) യാത്രക്കൂലിയുടെ ശരാശരി കി.മീ. യാത്രക്കൂലി 95 പൈസയാണ്. 48 ഇരുന്ന യാത്രക്കാരും 12 നിന്നു യാത്രക്കാരുമടക്കം 60 യാത്രക്കാരെ ഒരു ബസിൽ കയറ്റാവുന്നതാണ്. ഇങ്ങനെ 60 യാത്രക്കാർ ഒരു ബസിൽ ഉണ്ടെങ്കിൽ ഒരു കി.മീ. ഓടുമ്പോൾ കിട്ടേണ്ട കി.മീ. വരുമാനം 95 പൈസാ ഃ 60 യാത്രക്കാർ സമം 5700 പൈസയാണ്. 2014ലെ ബസ്ചാർജിനു മുമ്പുള്ള ഈ കി.മീ. വരുമാനം നിലവിൽ കിട്ടേണ്ട വരുമാനത്തിന്റെ 85% ആണ് (15% ആയിരുന്നു 2014ൽ യാത്രക്കൂലി കൂട്ടിയത്). അങ്ങനെ വരുമ്പോൾ കിലോമീറ്റർ വരുമാനം 4860 പൈസ വരുന്നു.

എന്നാൽ 2014 ഫെബ്രുവരിയിലെ കെഎസ്ആർടിസി യുടെ ചില യൂണിറ്റുകളിലെ ദേശസാൽകൃതറൂട്ടുകളിലെ കി.മീ. വരുമാനം ഇങ്ങനെയാണ്.

ഈ യൂണിറ്റുകളിലെ സർവീസുകൾ ദേശസാൽകൃത റൂട്ടുകളിലാണെങ്കിലും സ്വകാര്യ ബസുകളുമായി മത്സരിച്ചോടുന്നവയാണ്. 4860 പൈസ കിലോമീറ്റർ വരുമാനം ലഭിക്കേണ്ടിടത്താണ് 2067 മുതൽ 2267 പൈസ വരെ കി.മീ. വരുമാനം ലഭിക്കുന്നതെന്നോർക്കണം. ചുരുക്കത്തിൽ 60 യാത്രക്കാരെ കയറ്റാവുന്ന ബസ്സാണെങ്കിൽ 32 യാത്രക്കാർ മാത്രമാണുള്ളത്. ഈ ഒറ്റക്കാരണത്തിൽനിന്നുതന്നെ കെഎസ്ആർടിസി ദേശസാൽകൃത റൂട്ടുകളിൽ സ്വകാര്യ ഓർഡിനറി ബസുകൾ ആവശ്യമില്ലെന്നു തെളിയുന്നു.

എന്നാൽ സ്വകാര്യ ബസുകളുടെ കടന്നുകയറ്റമില്ലാതെ കെഎസ്ആർടിസി മാത്രം ബസോടിക്കുന്ന റൂട്ടുകളിൽ കെഎസ്ആർടിസി യുടെ കി.മീ. വരുമാനം 36 രൂപയിലധികമാണ്. ഇതാ പെരുമ്പാവൂർ യൂണിറ്റിലെ കണക്കുകൾ

Unit Earnings per KM in PAISE
Perumbavoor 3668, 3516, 3495, 3483

സ്വകാര്യബസുകൾ ഉള്ളതും ഇല്ലാത്തതുമായ കെഎസ്ആർടിസി റൂട്ടുകൾ തമ്മിൽ കി.മീ. വരുമാനത്തിൽ 1908 പൈസാ വരെ വ്യത്യാസം. ഈ കണക്കുകളുടെ അടിസ്ഥാനത്തിൽ 31 ദേശസാൽകൃത റൂട്ടുകളിൽ ഇത്രയധികം സ്വകാര്യബസുകൾ ആവശ്യമുണ്ടോ എന്നു പുനപരിശോധിക്കണം. പ്രതിദിനം 5 ലക്ഷം കി.മീ. ഇങ്ങനെ വണ്ടി ഓടിക്കുമ്പോൾ പ്രതിദിന നഷ്ടം ഒരുകോടിയിലേറെ രൂപയാണ്. ഇതൊക്കെയാണ് കെഎസ്ആർടിസി പ്രതിസന്ധിയിൽ ചർച്ചചെയ്യപ്പെടേണ്ടത്.

സ്വകാര്യബസുകളെ ഒഴിവാക്കണമെന്ന് കോടതിയും

ദേശസാൽകൃത റൂട്ടുകളിലെ സ്വകാര്യബസ് പെർമിറ്റുകൾക്കെതിരെ കെഎസ്ആർടിസി കേരളത്തിലെ ഹൈക്കോടതിയിൽ 1976 മുതൽ കേസുകൾ ഫയൽ ചെയ്തിരുന്നു. ഇതിൽ ഒപി നം. 3790/3795/3819 - 1974 എന്നീ കേസുകളിൽ 13/12/1974 ലെ വിധിന്യായത്തിൽ ജ. ഗോവിന്ദൻ നായർ, ജ. ബാലകൃഷ്ണ ഏറാഡി എന്നിവരടങ്ങിയ ഡിവിഷൻ ബെഞ്ച് 2 കൂടുതൽ സ്വകാര്യ ബസുടമകൾക്ക് ദേശസാൽകൃത റൂട്ടിൽ പെർമിറ്റ് അനുവദിക്കുന്നത് നിയമവിരുദ്ധമാണെന്നു വിധിച്ചിരുന്നു.

പിന്നീട് ജസ്റ്റിസുമാരായ വി എസ് മളീമഠ്, വിശ്വനാഥ അയ്യർ എന്നിവർ അടങ്ങുന്ന ഡിവിഷൻ ബെഞ്ചും കെഎസ്ആർടിസി ദേശസാൽകൃത റൂട്ടുകളിൽ സ്വകാര്യബസ് പെർമിറ്റുകൾ അനുവദിക്കാനാവില്ല എന്നു വീണ്ടും വിധിച്ചു. അന്നൊക്കെ കെഎസ്ആർടിസിയുടെയും സർക്കാരിന്റെയും നിലപാട് കെഎസ്ആർടിസിക്ക് ആവശ്യത്തിനു ബസുകളില്ല എന്നതായിരുന്നു. അതിന്റെ അടിസ്ഥാനത്തിൽ ഹൈക്കോടതി വിധി അനുകൂലമായിട്ടും കെഎസ്ആർടിസിക്ക് തങ്ങളുടെ ബസുകളുടെ വരുമാനം ഇല്ലാതാക്കുന്ന സ്വകാര്യ ബസുകളെ ദേശസാൽകൃത റൂട്ടുകളിൽനിന്ന് ഒഴിവാക്കാനായില്ല.

ദേശസാൽകൃത റൂട്ടുകളിൽ മോട്ടോർവാഹനവകുപ്പ് അനധികൃത പെർമിറ്റുകൾ നൽകുന്നതായി ശ്രദ്ധയിൽപ്പെട്ടതായും 13.5.1992നു ശേഷം ഇങ്ങനെ ദേശസാൽകൃത റൂട്ടുകളിൽ നൽകിയ എല്ലാ സ്വകാര്യ ബസ് പെർമിറ്റുകളും അടിയന്തിരമായി റദ്ദാക്കണമെന്നും ഗതാഗത കമ്മീഷണർ ഉത്തരവിട്ടിരുന്നു. എന്നാൽ, 1993ലും 1995ലും ദേശസാൽകൃത റൂട്ടുകളിലെ സ്വകാര്യ ബസുകളെ ഒഴിവാക്കണമെന്നും പെർമിറ്റുകൾ റദ്ദാക്കണമെന്നും ഗതാഗത കമ്മീഷണർ ഉത്തരവിറക്കിയെങ്കിലും സ്വകാര്യ ബസുടമകളുടെ പണസ്വാധീനത്തിന്റെയും മോട്ടോർ വാഹന വകുപ്പിലെ അഴിമതിയുടെയും ഭാഗമായി സ്വകാര്യ ബസുകൾക്ക് ദേശസാൽകൃത റൂട്ടുകളിൽ പെർമിറ്റുകൾ നൽകപ്പെട്ടു.

ദേശസാൽകൃതറൂട്ടിലെ ബസ് പെർമിറ്റുകൾക്കെതിരെ കെഎസ്ആർടിസി നൽകിയ കേസിൽ ജസ്റ്റിസുമാരായ കെ ജി ബാലകൃഷ്ണൻ, ബി എൻ പട്‌നായിക് എന്നിവരടങ്ങുന്ന ഡിവിഷൻ ബെഞ്ച് 16.07.1997ൽ സുപ്രധാന വിധി പുറപ്പെടുവിച്ചു. ആ വിധിയിൽ ദേശസാൽകൃത റൂട്ടുകളിൽ സ്വകാര്യ ബസ് പെർമിറ്റുകൾ അനുവദനീയമല്ലെന്നും ഇത്തരം ആയിരക്കണത്തിനു സ്വകാര്യ ബസ് പെർമിറ്റുകൾ കഴിഞ്ഞ 25 ലേറെ വർഷമായി കേരളത്തിൽ സർവീസ് നടത്തുന്നുണ്ടെന്നും അതൊന്നും ദേശസാൽകൃത റൂട്ടിൽ സ്വകാര്യ ബസുകൾ അനുവദിക്കാനും നിലനിർത്താനും മതിയായ കാരണമല്ലെന്നും കണ്ടെത്തിയ കോടതി കേരള മോട്ടോർവാഹന ചട്ടങ്ങൾ 272 പ്രകാരം ദേശസാൽകൃത റൂട്ടുകളിലെ സ്വകാര്യബസ് പെർമിറ്റുകൾ റദ്ദാക്കാനുള്ള നടപടികളുടെ ഭാഗമായി സംസ്ഥാന ഗതാഗത അഥോറിറ്റിയോടും റീജിയണൽ ട്രാൻസ്‌പോർട്ട് അഥോറിറ്റികളോടും മോട്ടോർ വാഹനനിയമം 103/104 വകുപ്പുകളനുസരിച്ച് സ്വകാര്യ ബസുടമകൾക്ക് നോട്ടീസ് നൽകാനും പെർമിറ്റുകൾ റദ്ദാക്കാനുമുള്ളനിയമനടപടികൾ 6 മാസത്തിനകം പൂർത്തിയാക്കാനും ഉത്തരവിട്ടിരുന്നു.

വിധി നടപ്പിലാക്കിയിരുന്നെങ്കിൽ സ്വകാര്യബസുകളുമായി ദേശസാൽകൃത റൂട്ടുകളിൽ കെഎസ്ആർടിസി മത്സരിക്കേണ്ടിവരുമായിരുന്നില്ല. പ്രതിദിനം ഒന്നേമുക്കാൽ കോടിയുടെ ടിക്കറ്റു വരുമാനം സ്വകാര്യബസുകൾക്ക് നൽകേണ്ടിവരുമായിരുന്നില്ല. സ്വകാര്യ ബസുടമകളുടെ സ്വാധീനത്തിലായ ഭരണാധികാരികളുള്ളിടത്തോളം കാലം കെഎസ്ആർടിസി രക്ഷപെടില്ല. 2014 ലെ സൂപ്പർക്ലാസ് ഏറ്റെടുക്കൽ വിവാദം അതു വീണ്ടും തെളിയിച്ചു.

കെ കെ റോഡിലെ വിവാദ പെർമിറ്റും 31 റൂട്ടു ഭേദഗതിയും

16.7.1997ലെ വിധി നിലനിൽക്കുമ്പോൾതന്നെ ഇടുക്കി ആർടിഎ കോട്ടയം-കുമളി റൂട്ടിൽ കോട്ടയത്തെ പ്രമുഖ സ്വകാര്യബസ് കമ്പനിയായ കൊണ്ടോടി മോട്ടോഴ്‌സിനും അവരുടെ സഹോദര ബസ് പ്രസ്ഥാനങ്ങൾക്കും വീണ്ടും സ്വകാര്യ ബസ് പെർമിറ്റു നൽകി. ഇതിനെതിരെ കെഎസ്ആർടിസി ലെ സിഐടിയു യൂണിയനായ കെഎസ്ആർടിഇഎ ഹൈക്കോടതിയിൽ കേസ് ഫയൽചെയ്തു. ഹൈക്കോടതി വിധിയുടെ അടിസ്ഥാനത്തിൽ കോട്ടയം കുമളി റൂട്ടിലെ 1966നു ശേഷം നൽകിയ എല്ലാ സ്വകാര്യപെർമിറ്റുകളും നിയമവിരുദ്ധമാണെന്നു ഹൈക്കോടതി ഡിവിഷൻ ബഞ്ച് ഉത്തരവിട്ടു. കേരളത്തിലെ 7000ൽ പരം സ്വകാര്യ ബസ് ഉടമകളുടെ പെർമിറ്റ് വിവാദമാക്കിയതും ദുർബലമാക്കിയതും ഈ ബസ് കമ്പനിയുടെ ആർത്തിയായിരുന്നു. വിധിക്കെതിരെ നിരവധി സ്വകാര്യ ബസ് ഉടമകൾ സുപ്രീംകോടതിയെ സമീപിച്ചു. കോട്ടയം കുമളി റൂട്ടു മാത്രമല്ല സമാനമായ 31 റൂട്ടുകളിലെ ഏതാണ്ട് 7000 സ്വകാര്യ ബസുകളുടെ പെർമിറ്റുകൾ ഇങ്ങനെ റദ്ദാക്കണമായിരുന്നു. ദേശസാൽക്കരണനിയമം നടപ്പിലാക്കിയ ദിവസത്തിനുശേഷം നൽകിയ സ്വകാര്യബസ് പെർമിറ്റുകളൊക്കെ റദ്ദാക്കണമെന്നായിരുന്നു കോടതിവിധി.

2005 ഓഗസ്റ്റ് 9നു കേസ് സുപ്രീം കോടതിയിൽ വാദത്തിനു വന്നപ്പോൾ 31 റൂട്ടുകളിൽ എത്ര ബസുകൾ ആവശ്യമുണ്ടെന്നും അതിൽ എത്ര എണ്ണം കെഎസ്ആർടിസി ഓടിക്കും, ബാക്കി എത്രയെണ്ണം സ്വകാര്യമേഖല ഓടിക്കും എന്നതടക്കം യാത്രക്കാർക്ക് അസൗകര്യം ഉണ്ടാകാത്ത രീതിയിൽ സ്വകാര്യബസുകളെ ഒഴിവാക്കാനുള്ള 'വർക്കിങ് അറേജ്‌മെന്റ്' തയാറാക്കാൻ സുപ്രീം കോടതി കേരള സർക്കാരിനോട് നിർദ്ദേശിച്ചു. 25/10/2005ൽ അന്നത്തെ ഉമ്മൻ ചാണ്ടി സർക്കാർ കെഎസ്ആർടിസി യുടെയും സ്വകാര്യ ബസുടമകളുടെയും യോഗം വിളിച്ചുകൂട്ടി ഇക്കാര്യം ചർച്ചചെയ്തു. അന്ന് കെഎസ്ആർടിസി ബസുകളിൽ 50% മാത്രമാണ് യാത്രക്കാരുണ്ടായിരുന്നത്. സ്വകാര്യ ബസുകളിലും 60 പേരെ കയറ്റാവുന്ന ബസിൽ 30 യാത്രക്കാർ മാത്രമാണുള്ളതെന്ന് സ്വകാര്യബസ് ഉടമകളും വാദിച്ചു. സത്യത്തിൽ 2005ൽ ഉണ്ടായിരുന്ന ബസുകളുടെ 50% മാത്രമാണ് യാത്രക്കാർക്ക് ആവശ്യമെന്നും ബാക്കി 50% ബസുകൾ ഈ 31 ദേശസാൽകൃത റൂട്ടുകളിൽനിന്ന് ഒഴിവാക്കപ്പെട്ടാൽ ആ റൂട്ടിൽ ഓടുന്ന കെഎസ്ആർടിസി ഓർഡിനറി ബസുകളിൽ ഇരട്ടി വരുമാനം ലഭിക്കുമെന്നും അടിക്കടിയുണ്ടാകുന്ന ബസ്ചാർജ് വർദ്ധനവ് ഒഴിവാക്കാനാവുമെന്നും കണ്ടെത്തിയിരുന്നു.

കോട്ടയം, കൊട്ടാരക്കര മേഖലകളിൽനിന്നുള്ള സ്വകാര്യബസുടമകളുടെ കടുത്ത സമ്മർദ്ദത്തെ തുടർന്ന് അധിക സ്വകാര്യ ബസുകൾ 31 ദേശസാൽകൃത റൂട്ടുകളിൽ നിന്നും ഒഴിവാക്കാതെ യാത്രക്കാരില്ലാതെ ഓടുന്നതടക്കം നിലവിലുള്ള സ്വകാര്യബസുകളൊക്കെ നിലനിർത്താൻ 9.5.2006ൽ ഉമ്മൻ ചാണ്ടി സർക്കാർ കരടു വിജ്ഞാപനം ഇറക്കി. ഇത് 31 റൂട്ടുകളിലെ ആയിരക്കണക്കിന് ഓർഡിനറി ബസുകളെ സംബന്ധിച്ചു മാത്രമായിരുന്നു. കരടുവിജ്ഞാപനം അന്തിമ വിജ്ഞാപനമാകുന്നതിനു മുൻപുതന്നെ ഉമ്മൻ ചാണ്ടി സർക്കാർ 2006ലെ നിയമസഭാ തിരഞ്ഞെടുപ്പിലൂടെ ഭരണത്തിൽനിന്നും പുറത്തുപോയി.

2007 മെയ്‌ 9ാം തീയതി എൽഡിഎഫ് സർക്കാർ പുറത്തിറക്കിയ 31 ദേശസാൽകൃത റൂട്ടുകളിലെ സ്വകാര്യബസുകളെ സംബന്ധിച്ച കരടുവിജ്ഞാപനത്തിൽ നിലവിൽ ഓടുന്ന എല്ലാ സ്വകാര്യബസുകളെയും നിലനിർത്തുമെന്നു മാത്രമല്ല ദേശസാൽകൃത റൂട്ടുകളിൽ 10 കി.മീ. വരെ ദൂരത്തിൽ പുതിയ പെർമിറ്റുകൾ അനുവദിക്കുമെന്നും പറഞ്ഞിരുന്നു.

2006 ജൂണിൽ എൽഡിഎഫ് മന്ത്രിസഭയ്ക്കും മുഖ്യമന്ത്രിക്കും നൽകിയ നിവേദനങ്ങൾക്കു കടകവിരുദ്ധമായി പഴയ യുഡിഎഫ് സർക്കാർ കരടു വിജ്ഞാപനം തന്നെയാണ് 2007ൽഗതാഗതവകുപ്പ് പുറത്തിറക്കിയതെന്നു വ്യക്തമായതോടെ ജനങ്ങളുടെ പരാതിയുടെ അടിസ്ഥാനത്തിൽ അന്തിമ വിജ്ഞാപനത്തിൽ സർക്കാർ കെഎസ്ആർടിസി റൂട്ടുകളെ സംരക്ഷിക്കുന്നതിനാവശ്യമായ നിയമഭേദഗതികൾ വരുത്തി. കെഎസ്ആർടിസി ബസോടിക്കുന്നതുവരെ മാത്രമായിരിക്കും സ്വകാര്യ ബസുകളുടെ ദേശസാൽകൃത റൂട്ടുകളിലെ പെർമിറ്റ് കാലാവധി എന്നാക്കി മാറ്റിക്കൊണ്ട് 6.5.2008ൽ ദേശസാൽക്കരണ ഭേദഗതി നിയമമാക്കി.

ഈ നിയമഭേദഗതിക്കെതിരെ സ്വകാര്യബസുടമകൾ ഹൈക്കോടതിയിൽ കേസ് ഫയൽ ചെയ്യുകയും ഹൈക്കോടതി 24.7.2008ലെ വിധിന്യായത്തിലൂടെ ഈ റൂട്ടു ദേശസാൽക്കരണ ഭേദഗതി റദ്ദാക്കുകയും ചെയ്തു. ഹൈക്കോടതിവിധിയുടെ വെളിച്ചത്തിൽ 15.9.2008ൽ സംസ്ഥാന സർക്കാർപുതിയൊരു റൂട്ടു ദേശസാൽക്കരണ ഭേദഗതി കരടു വിജ്ഞാപനം പുറപ്പെടുവിച്ചു. ഇതിൽ 9.5.2006 വരെ നൽകിയ സ്വകാര്യബസ് പെർമിറ്റുകൾ കാലാവധി തീരുന്ന മുറയ്ക്ക് താൽക്കാലിക പെർമിറ്റുകളാക്കി മാറ്റി നൽകുമെന്നും കെഎസ്ആർടിസി ഈ റൂട്ടുകളിൽ ബസുകളുമായി വരുന്ന മുറയ്ക്ക് സ്വകാര്യബസുകൾ ഒഴിവായിപ്പോകണമെന്നുമായിരുന്നു നിർദ്ദേശം.

ഈ കരടുവിജ്ഞാപനം 17.7.2009ൽ അന്തിമ വിജ്ഞാപനമായി നിയമമായി നിലവിൽ വന്നു. കെഎസ്ആർടിസി മാനേജിങ് ഡയറക്ടർ ആവശ്യപ്പെടുന്ന മുറയ്ക്ക് കെഎസ്ആർടിസി ബസുകൾ വരുമ്പോൾ 31 റൂട്ടിലെയും സ്വകാര്യബസുകൾ ഒഴിഞ്ഞുപോകണമെന്നും പുതിയ ബസ് റൂട്ടുകൾ 5 കിലോമീറ്ററോ ആകെ റൂട്ട് ദൂരത്തിന്റെ 5ശതമാനമോ ദേശസാൽകൃത റൂട്ടുകളിലൂടെ ഓടാമെന്നുമുള്ള നിബന്ധനയോടെ അംഗീകരിക്കപ്പെട്ടു.

ഈ നിയമഭേദഗതിയും സ്വകാര്യബസ് ഉടമകൾ ഹൈക്കോടതിയിൽ ചോദ്യംചെയ്തു. നിരവധി കേസുകളിൽ 20.8.2009ൽ ഹൈക്കോടതി ഡിവിഷൻ ബഞ്ച് നിയമഭേദഗതി താൽക്കാലികമായി സ്‌റ്റേ ചെയ്തു. ഈ കേസിലെ സ്റ്റേ ഇപ്പോഴും തുടരുകയാണ്. കെഎസ്ആർടിസി യുടെ ആയിരക്കണക്കിനു സർവീസുകളുടെ വരുമാനത്തെ കാര്യമായി ബാധിക്കുന്ന ഈ സ്റ്റേ നീക്കിക്കിട്ടാൻ കഴിഞ്ഞ 5 വർഷം സംസ്ഥാന സർക്കാരോ കെഎസ്ആർടിസിയോ കെഎസ്ആർടിസിയിലെ തൊഴിലാളി യൂണിയനുകളോ മുന്നോട്ടുവന്നില്ല. പ്രതിദിനം ഒന്നേകാൽ കോടിയാണ് കെഎസ്ആർടിസി നഷ്ടപ്പെടുത്തുന്നത്.

ആരാണ് നയം മാറ്റേണ്ടത്?

സ്റ്റേ നീക്കിക്കിട്ടാൻ ആരും മുന്നോട്ടു വരാതിരുന്നിട്ടുകൂടി ഹൈക്കോടതി ചീഫ് ജസ്റ്റിസിന്റെ ബെഞ്ച് ഈ കേസ് അന്തിമ വാദത്തിനായി 2014 ഫെബ്രുവരിയിൽ പോസ്റ്റുചെയ്തു. കേസ് പരിഗണനക്കെടുത്തപ്പോൾ ഇക്കാര്യത്തിൽ സർക്കാർ 'നയവും നിയമവും' മാറ്റുകയാണെന്നായിരുന്നു ഹൈക്കോടതിയിലെ സർക്കാർ അഭിഭാഷകൻ ചൂണ്ടിക്കാണിച്ചത്. വീണ്ടും 2014 ജൂണിൽ കേസ് പരിഗണനക്കെത്തിയെങ്കിലും 'നയവും നിയമവും' സർക്കാർ മാറ്റുകയാണെന്ന അതേ നിലപാടിലായിരുന്നു സർക്കാർവക്കീൽ. ഗതാഗതമന്ത്രിയുടെ ഓഫീസിലും മോട്ടോർ വാഹനവകുപ്പിലും അന്വേഷിച്ചിട്ടും ഇങ്ങനെയൊരു 'നയ/നിയമ' മാറ്റത്തെപ്പറ്റി ആർക്കും ഒന്നും അറിയില്ല. മുഖ്യമന്ത്രിക്കും മന്ത്രിസഭാംഗങ്ങൾക്കും ഒന്നും അറിയില്ല. അവർക്കൊക്കെ മുകളിൽ സർക്കാർ നിയമവും/നയവും നിശ്ചയിക്കുന്നത് ഹൈക്കോടതിയിലെ സർക്കാർ വക്കീലാണെന്ന തരത്തിലാണ് കാര്യങ്ങൾ.

ആര്യാടന്റെ നിർദ്ദേശം നടപ്പിലാക്കിയാൽ കെഎസ്ആർടിസി രക്ഷപെടുമോ?

31 ദേശസാൽകൃത റൂട്ടുകളിലെ സ്വകാര്യബസുടമകളെ സംബന്ധിച്ച നയവും നിയമവും മാറ്റി കെഎസ്ആർടിസി ക്ക് കൂടുതൽ വരുമാനമുണ്ടാക്കാവുന്നതും സ്വകാര്യ ഓർഡിനറി ബസുകളെ ദൂരപരിധി നിശ്ചയിച്ച് നിലനിർത്താനുമുള്ള നിയമ /ദേശസാൽക്കരണ വിജ്ഞാപന ഭേദഗതികൾ അന്തിമഘട്ടത്തിലെത്തിയ സമയത്താണ് ആര്യാടൻ മുഹമ്മദിൽനിന്നും ഗതാഗതവകുപ്പ് തിരുവഞ്ചൂർ രാധാകൃഷ്ണനു നൽകിയത്.

ആര്യാടൻ മുഹമ്മദിന്റെ 31 ദേശസാൽകൃത റൂട്ടുകളിലെ സ്വകാര്യബസ് നിലനിർത്തൽ ഭേദഗതിയുടെ അന്തഃസത്ത തന്നെ ഈ റൂട്ടുകളിലെ 30 കിലോമീറ്ററിൽ അധികം ഓടുന്ന എല്ലാത്തരം സ്വകാര്യ ബസുകളും കെഎസ്ആർടിസി യ്ക്കായി നീക്കിവയ്ക്കുക എന്നതായിരുന്നു. അങ്ങനെ പെർമിറ്റ് നഷ്ടപ്പെടുന്ന സ്വകാര്യ ഓർഡിനറി ബസുടമകൾക്ക് അതേ റൂട്ടിൽ 30 കിലോമീറ്ററിൽ കൂടാത്ത ദൂരത്തിൽ പുതിയ പെർമിറ്റുകൾ നൽകുക എന്നതും ഈ നിർദ്ദേശത്തിന്റെ അനുബന്ധ നിർദ്ദേശമായിരുന്നു.

ഈ നിർദ്ദേശം അംഗീകരിക്കപ്പെട്ടിരുന്നെങ്കിൽ കേരളത്തിലെ സ്വകാര്യബസ് വ്യവസായമേഖലയിലെ ഏറ്റവും ലാഭകരമായ 2000ൽ പരം ലിമിറ്റഡ് സ്റ്റോപ്പ് ഓർഡിനറി ബസുകൾ കെഎസ്ആർടിസിക്കു സ്വന്തമാക്കാമായിരുന്നു. പ്രതിദിന അധികവരുമാനം 2 കോടി രൂപ.

31 ദേശസാൽകൃത റൂട്ടുകളിലെ നിലവിലുള്ള ദേശസാൽക്കരണ ഭേദഗതി നിയമം അതേപടി നടപ്പിലാക്കിയാൽ ഏതാണ്ട് 7,000ലധികം ഓർഡിനറി സ്വകാര്യബസ് ഉടമകൾക്ക് ആത്മവിശ്വാസത്തോടെ സർവീസുകൾ നടത്താനാവില്ല. 2 ഉം 3 ഉം കി. മീ. കയറി ഓടുന്ന ബസുകളും പെർമിറ്റ് കിട്ടണമെങ്കിൽ കോടതി കയറണം. ഓരോ പ്രാവശ്യം പെർമിറ്റ് പുതുക്കുമ്പോഴും നിരവധി കോടതി കേസുകളിലായി പതിനായിരങ്ങൾ ചെലവിടണം. പെർമിറ്റ് സ്ഥിരതയില്ലാത്ത റൂട്ടുകളിൽ ബസുകൾക്ക് വായ്പ നൽകാൻ ധനകാര്യ സ്ഥാപനങ്ങൾപോലും മുന്നോട്ടുവരില്ല. ഈ 7000 സ്വകാര്യബസുടമകളുടെ 31 ദേശസാൽകൃത റൂട്ടുകളിലെ പെർമിറ്റ് സ്ഥിരമാക്കാൻ സ്ഥിരം പെർമിറ്റുള്ളതും ദേശസാൽകൃതറൂട്ടിലെ റൂട്ടുദൂരം 30 കിലോമീറ്ററോ അതിൽ താഴെയുള്ളതോ ആയ എല്ലാ ഓർഡിനറി/ടൗൺ/സിറ്റി ബസുകളും നിലനിർത്തുക. ഈ ബസുകളുടെ നിലവിലെ സമയം മാറ്റാൻ ഒരു കാരണവശാലും അനുവദിക്കരുത്. നിലവിലുള്ള സമയത്തിനു പുറത്ത് കൂടുതൽ ട്രിപ്പുകൾ ആവശ്യമെങ്കിൽ ഓടാൻ അനുവദിക്കുക. എല്ലാ ലിമിറ്റഡ് സ്റ്റോപ്പ് ഓർഡിനറി ബസുകളും 30 കിലോമീറ്ററിൽ അധികം കെഎസ്ആർടിസി റൂട്ടുകളിൽ ഓവർലാപ്പു ചെയ്യുന്നതുമായ എല്ലാ ഓർഡിനറി ബസുകളും പെർമിറ്റ് കാലാവധി തീരുന്ന മുറയ്ക്ക് കെഎസ്ആർടിസി ഏറ്റെടുത്തു നടത്തുക. ഇങ്ങനെ ഒഴിവാക്കപ്പെടുന്ന സ്വകാര്യ ബസുകൾക്ക് ബൈറൂട്ടുകളിൽ ഓടാൻ അനുമതി നൽകുകയും അത്തരം ഡിസ്‌പ്ലേസ്ഡ് പെർമിറ്റുകൾക്ക് നിലവിൽ സ്വകാര്യബസുകളോടുന്ന 31 ദേശസാൽകൃത റൂട്ടുകളിൽ പരമാവധി 30 കി.മീ. ദൂരം വരെ ഓവർലാപ്പിങ് അനുവദിക്കുകയും ചെയ്യുക.

നിലവിലെ കണക്കുകൾ പ്രകാരം 1723 സ്വകാര്യ ലിമിറ്റഡ് ഓർഡിനറികളും 300ൽ താഴെ ഓർഡിനറി ബസുകളും ആണ് ഒഴിവാക്കപ്പെടുക. ഒഴിവാക്കപ്പെടുകയല്ല, മറ്റു റൂട്ടുകളിലൂടെ ഓടാൻ അനുവദിക്കുകയാണ് സർക്കാർ ചെയ്യുന്നത്. ഈ നയത്തിന്റെ അടിസ്ഥാനത്തിൽ കേരളത്തിലെ മിക്ക റൂട്ടുകളിലും കെഎസ്ആർടിസി യും സ്വകാര്യ ബസുകളും ഓടും. വേഗത കൂടിയതും ദീർഘദൂരസർവീസുകളും സൂപ്പർക്ലാസ് സർവീസുകളും കെഎസ്ആർടിസി ക്കും ഓർഡിനറി /സിറ്റി/ടൗൺ ബസുകളിൽ ഭൂരിഭാഗവും സ്വകാര്യമേഖലയും നടത്തും. അങ്ങനെയൊരു സാഹചര്യത്തിൽ ആർക്കും മിന്നൽപണിമുടക്കുപോലും നടത്താനാവില്ല. അതിനുള്ള രാഷ്ട്രീയ ഇച്ഛാശക്തിയുണ്ടോ എന്നതാണ് വിഷയം.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
TODAYLAST WEEKLAST MONTH
കടപ്പുറത്തെന്ന് പറഞ്ഞ് കൊണ്ടു പോയത് കൂട്ടുകാരന്റെ വീട്ടിൽ; ഭർത്താവുമായി ചിലർ വഴക്കു കൂടുന്നുവെന്ന് പറഞ്ഞ് മുറിയിൽ നിന്ന് പുറത്തിറക്കി ഓട്ടോയിൽ വലിച്ചു കയറ്റി; പത്തേക്കറിൽ എത്തിച്ച് ക്രൂര ഉപദ്രവം; സിഗരറ്റ് കൊണ്ട് തുടയിൽ കുത്തി; കവിളിൽ കടിച്ചു; വസ്ത്രം വലിച്ചു കീറി; മുഖത്ത് അടിച്ചതോടെ ബോധം പോയി; മകന്റെ കരച്ചിൽ കേട്ട് പിന്നീട് ഉണർന്നു; രക്ഷപ്പെട്ട് വീട്ടിലെത്തിയപ്പോൾ കേസ് കൊടുക്കാതിരിക്കാൻ ഭർത്താവിന്റെ വക ഉപദ്രവം; കഠിനംകുളത്തെ ക്രൂരതയിൽ ലജ്ജിച്ച് തല താഴ്‌ത്തി കേരളം
ഇന്ത്യയിലെ വിദ്യാഭ്യാസം ഉള്ള പലരും കേരളത്തെ വെറുക്കുന്നു; മറ്റു സംസ്ഥാനങ്ങളിലെ പല രാജ്യസ്നേഹികളും കേരളത്തെ ഇഷ്ടപ്പെടുന്നില്ല; കാശ്മീർ ഇന്ത്യയോട് കൂട്ടിചേർത്തപ്പോൾ പാക്കിസ്ഥാനോടൊപ്പം കേരളത്തിലും പ്രതിഷേധം സംഘടിപ്പിച്ചു; ഇന്ത്യയിലെ എല്ലാ സംസ്ഥാനങ്ങളും കേരളത്തെ വെറുക്കാനുള്ള കാരണങ്ങൾ എണ്ണിപ്പറഞ്ഞ് സന്തോഷ് പണ്ഡിറ്റ്
പീഡിപ്പിക്കാൻ ഭർത്താവ് സുഹൃത്തുക്കളിൽ നിന്നു പണം വാങ്ങി; വീട്ടുടമ രാജനിൽ നിന്ന് പണം വാങ്ങുന്നത് കണ്ടു; ഭർത്താവ് നിർബന്ധിച്ചാണ് മദ്യം കുടിപ്പിച്ചത്; സുഹൃത്തുക്കൾ ഉപദ്രവിച്ചപ്പോൾ ഭർത്താവ് വീട്ടിലുണ്ടായിരുന്നു; കഠിനംകുളം പീഡനത്തിൽ ഇരയായ യുവതിയുടെ മൊഴി ഞെട്ടിക്കുന്നത്; ആദ്യം ഭർത്താവിന്റെ സുഹൃത്തിന്റെ വീട്ടിലും പിന്നീട് ആളൊഴിഞ്ഞ പ്രദേശത്ത് കാറിൽവെച്ചും മണിക്കൂറോളം ഉപദ്രവിച്ചുവെന്നും രണ്ട് കുട്ടികളുടെ അമ്മയായ യുവതി
ഡൽഹി കലാപകാലത്ത് മതവിദ്വേഷ വാർത്തകൾ പ്രചരിപ്പിച്ചെന്ന് പരാതി: ഏഷ്യാനെറ്റ് ന്യൂസിലെ നാല് പേർക്കെതിരെ കേസ്; കലാപത്തിന് പ്രകോപനമുണ്ടാക്കിയെന്നും മതവികാരം വ്രണപ്പെടുത്തിയെന്നും ആരോപണങ്ങൾ; കേസ് പി.ആർ.സുനിൽ പ്രശാന്ത് രഘുവംശം സിന്ധു സൂര്യകുമാർ എം.ജി.രാധാകൃഷ്ണൻ എന്നിവർക്കെതിരെ; രാജീവ് ചന്ദ്രശേഖർ ഇടപെട്ട് മാപ്പപേക്ഷ നൽകി സംപ്രേഷണ വിലക്ക് ചുരുക്കിയെങ്കിലും ക്രിമിനൽ കുറ്റം നിലനിൽക്കുമെന്ന് വാദം
അബുദാബിയിൽ തെരുവോരത്ത് തങ്ങുന്ന മത്സ്യത്തൊഴിലാളികൾ പട്ടിണിയിൽ എന്ന വ്യാജ വാർത്താ വിവാദം: ദുബായ് പൊലീസ് കസ്റ്റഡിയിൽ എടുത്ത ഏഷ്യാനെറ്റ് ന്യൂസ് സംഘം മോചിതരായി; ന്യൂസ് ടീമിനെ വിട്ടയച്ചെങ്കിലും ഒപ്പം കുടുങ്ങിയ ശക്തി തിയേറ്റർ ഭാരവാഹികൾക്ക് ജാമ്യമില്ല; ന്യൂസ് ടീമിനെ കുടുക്കിയത് സിപിഎം അനുകൂല സംഘടനയായ ശക്തിയുടെ ഭാരവാഹികളും കെഎംസിസിയും തമ്മിലെ ശീതസമരം
ഒരുവെടി പോലും വെക്കാതെ എതിരാളിയെ അടിയറവ് പറയിക്കുന്ന യുദ്ധതന്ത്രമാണ് ചൈനാക്കാർ പയറ്റുന്നത്; കിഴക്കൻ ലഡാക്കിൽ ചൈനീസ് സൈന്യം 40 മുതൽ 60 ചതുരശ്ര കിലോമീറ്റർ വരെ കടന്നുകയറി ആധിപത്യം സ്ഥാപിച്ചുകഴിഞ്ഞു; ഇന്ത്യയുടെ ഫിംഗറുകൾ ചൈനീസ് ബൂട്ടുകൾക്കടിയിലായി..നിഷേധിച്ചതുകൊണ്ട് എന്തുകാര്യം? പാൻഗോങ് -ഗാൽവൻ മേഖലകളിൽ ചൈനീസ് കടന്നുകയറ്റമുണ്ടായെന്ന വാദവുമായി മുൻ സൈനിക ജനറൽ എച്ച്.എസ്. പനാഗിന്റെ ലേഖനം 'ദി പ്രിന്റിൽ
രാജ്യത്ത് ഒരാഴ്ചയ്ക്കിടെ കോവിഡ് കേസുകളുടെ എണ്ണത്തിൽ വൻകുതിപ്പ്; 61000 പുതിയ കേസുകൾ; 24 മണിക്കൂറിനിടെ മരണമടഞ്ഞത് 273 പേർ; രോഗികളുടെ എണ്ണത്തിൽ ലോക രാഷ്ട്രങ്ങളുടെ ഇടയിൽ ഇന്ത്യ ആറാം സ്ഥാനത്ത്; മഹാരാഷ്ട്രയിൽ വെള്ളിയാഴ്ച ഏറ്റവും കൂടുതൽ മരണം; തമിഴ്‌നാട്ടിൽ 1438 പേർക്കുകൂടി; തുടർച്ചയായ മൂന്നുദിവസവും കേസുകളുടെ എണ്ണം കുതിച്ച് ഉയർന്നതോടെ ആശങ്ക; കാര്യങ്ങൾ കൈവിട്ടുപോകുന്ന സ്ഥിതി വന്നാൽ ലോക് ഡൗൺ വീണ്ടും ഏർപ്പെടുത്തേണ്ടി വരുമെന്ന് മെഡിക്കൽ വിദഗ്ദ്ധർ
അബുദാബിയിൽ ഒന്നരമാസമായി തെരുവോരത്ത് അന്തിയുറങ്ങുന്ന മലയാളികൾ അടക്കമുള്ള തൊഴിലാളികൾ പട്ടിണിയിൽ എന്ന് വാർത്ത; ഫേക് ന്യൂസിന്റെ പേരിൽ ദുബായിൽ ഏഷ്യാനെറ്റ് ന്യൂസ് സംഘം അറസ്റ്റിൽ; സംഘത്തിനൊപ്പം കസ്റ്റഡിയിലായത് സിപിഎം അനുകൂല പ്രവാസി സംഘടന ശക്തി തിയറ്റേഴ്‌സ് ഭാരവാഹികളും; മോചനത്തിന് സമ്മർദ്ദം ചെലുത്തി രാജീവ് ചന്ദ്രശേഖറും പ്രമുഖ പ്രവാസി വ്യവസായിയും
പിണറായിക്ക് ജീവിതം കാലം മുഴുവൻ തലതാഴ്‌ത്താൻ ഇതാ ഒരു നാണംകെട്ട ചിത്രം; സംസ്ഥാനത്തെ ഏറ്റവും മുതിർന്ന ഐപിഎസ് ഓഫീസർ വിരമിക്കുന്ന ദിവസം ഉറങ്ങിയത് ഓഫീസിലെ വെറും നിലത്ത് പാ വിരിച്ച് കിടന്നും; ഗസ്റ്റ് ഹൗസ് ഇല്ലാത്ത ഷൊർണ്ണൂരിലെ മെറ്റൽ ഇൻഡ്‌സ്ട്രീസ് ഓഫീസ് മുറിയിൽ പാ വിരിച്ച് കിടന്നുറങ്ങി എണ്ണീറ്റ ചിത്രം പോസ്റ്റ് ചെയ്ത് ജേക്കബ് തോമസ്; ഞായറാഴ്ച ആയിട്ടും അവസാന ദിവസവും പണിയെടുത്ത് വിരമിക്കലിന് വിവാദ ഐപിഎസ് ഓഫീസർ
അതിരുവിട്ട് ബന്ധം വളർന്നത് വാട്‌സാപ്പ് ചാറ്റിലൂടെ; ബിസിനസ് ആവശ്യത്തിനെന്ന് പറഞ്ഞ് പുറത്ത് കാറിൽ കറക്കം; വിലക്കിയിട്ടും ഫലമില്ലാതെ വന്നതോടെ വീട്ടുവഴക്കുകൾ; മകളുടെ മരണത്തിന് മുമ്പ് മരുമകളുടെ ഫോണിലേക്ക് നിരവധി കോളുകൾ; പൊലീസിൽ പരാതി നൽകിയതോടെ പെട്രോൾ ഒഴിച്ചുകത്തിക്കുമെന്ന് മരുമകന്റെ ഭീഷണി; കരുനാഗപ്പള്ളിയിൽ മരുമക്കൾ തമ്മിലുള്ള അവിഹിത ബന്ധത്തെ ചൊല്ലി മകൾ ആത്മഹത്യ ചെയ്ത സംഭവത്തിൽ മാതാപിതാക്കളുടെ പരാതിയിൽ എങ്ങുമെത്താതെ അന്വേഷണം
പാമ്പിന്റെ ജാർ ഉത്രയുടെ വീട്ടിൽ കൊണ്ടിട്ടത് പൊലീസെന്ന് പറഞ്ഞ് തീർത്ത പ്രതിരോധം പൊളിഞ്ഞു; വീട്ടിലെ റബ്ബർ തോട്ടത്തിൽ സുരേന്ദ്ര പണിക്കർ സ്വർണം മാന്തിയെടുത്തപ്പോൾ ക്രൈംബ്രാഞ്ചിന് കിട്ടിയത് നിർണ്ണായക തെളിവ്; സ്ഥിരമായി മദ്യപിച്ചെത്തുന്ന സുരേന്ദ്രൻ ഉത്രയെ അസഭ്യം പറയാറുണ്ടായിരുന്നുവെന്ന് മനസ്സിലായതോടെ തന്ത്രങ്ങൾ മാറ്റി പിടിച്ചത് നിർണ്ണായകമായി; അടൂരിനെ നാണം കെടുത്തി സൂരജും അച്ഛനും അമ്മയും സഹോദിയും; വീട്ടിലെ ഭാവി മരുമകനും കേസിൽ പ്രതിയാകാൻ സാധ്യത
അണലിയെ കൈമാറിയത് അമ്മയുടേയും സഹോദരിയുടേയും മുമ്പിൽ വച്ച്; കല്ലുവാതുക്കൽ സുരേഷ് പോയപ്പോൾ അണലി പുറത്തേക്ക് ചാടി; ഏറെ ശ്രമകരമായി പാമ്പിനെ പിടികൂടിയത് സൂരജ്; ആദ്യ ശ്രമം പൊളിഞ്ഞപ്പോൾ മുർഖനെത്തി; ഭാര്യയെ കടുപ്പിച്ചത് വടികൊണ്ട് മൂർഖനെ വേദനിപ്പിച്ച്; ഉത്രയുടെ വീട്ടിലെ നാടകവും സ്വത്ത് സ്വന്തമാകുമെന്ന് ഉറപ്പിക്കാൻ; രക്ഷപെടാൻ അവസരമൊരുക്കിയതും നിയമ ഉപദേശം ലഭ്യമാക്കിയതും കൂടപ്പിറപ്പ്; സൂരജിന്റെ മൊഴി വെട്ടിലാക്കുന്നത് സഹോദരിയെ; എംബിഎക്കാരി രണ്ടാം പ്രതിയാകാൻ സാധ്യത
ഒരു രാത്രി മുഴുവൻ വട്ടംചുറ്റിച്ച പ്രതിയെ അടുത്ത ദിവസം പുലർച്ചെ പിടികൂടിയത് സഹോദരിയുടെ ആൺ സുഹൃത്തിന്റെ വീട്ടിൽ നിന്ന്; മൂർഖന്റെ കടി തിരിച്ചറിഞ്ഞെന്ന് ഉറപ്പായതോടെ പൊലീസിന്റെ നീക്കങ്ങൾ അപ്പപ്പോൾ അറിയിച്ചത് വാട്സാപ്, ബോട്ടിം തുടങ്ങിയ സാധ്യതകളിലൂടെ; വിവരം കൈമാറാൻ എംബിഎ സ്റ്റുഡന്റ് ഉപയോഗിച്ചത് ഇന്റർനെറ്റ് കോൾ മാത്രം; ഉത്രാ കൊലക്കേസിൽ രേണുകയും മകളും സംശയ നിഴലിൽ; മുൻകൂർ ജാമ്യത്തിന് ശ്രമിച്ച് സൂരജിന്റെ അമ്മയും സഹോദരിയും; ഷാഹിദാ കമാലിന്റെ ഇടപെടൽ നിർണ്ണായകമാകുമ്പോൾ
സച്ചിനെ തൊട്ട ആരാധകനെ ക്രൂരമായി മർദ്ദിച്ച ബോഡി ഗാർഡ്! 2010ലെ പഞ്ചായത്ത് തെരഞ്ഞെടുപ്പിൽ കോൺഗ്രസ് സ്വതന്ത്രനായി മത്സരിച്ച് വാർഡ് മെമ്പറായ സഖാവിന്റെ മകൻ; സിപിഎമ്മിൽ തിരിച്ചെത്തിയ അച്ഛന് ഇപ്പോഴുള്ളത് കർഷക സംഘത്തിന്റെ ചുമതലകൾ; സൂര്യയുമായി സൗഹൃദം തുടങ്ങുന്നത് അടൂർ ഗവ ബോയ്സ് ഹയർസെക്കണ്ടറി സ്‌ക്കൂളിലെ പഠനത്തിനിടെ; അഞ്ചലിലെ ക്രൂരതയിൽ സംശയ നിഴലിലുള്ള പ്രശാന്ത് ബിബിഎ പരീക്ഷയുടെ തിരക്കിൽ; ഉത്രാ കൊലപാതകത്തിൽ സൂരജിനെ ഒളിപ്പിച്ച കൂട്ടുകാരനും ആളു ചില്ലറക്കാരനല്ല
പച്ചകുത്തിയത് തിരിച്ചറിയാതിരിക്കാൻ കൈകൾ വെട്ടി മാറ്റി; മൃതദേഹം ആരുടേതെന്ന് അറിയാതിരിക്കാൻ തല വെട്ടിക്കളഞ്ഞ ശേഷം വസ്ത്രങ്ങളും അഴിച്ചു മാറ്റി തെളിവു നശിപ്പിക്കൽ; രണ്ട് സംസ്ഥാനങ്ങളിലായി പടർന്ന് കിടന്ന കൊലപാതക കേസിൽ ഒരു വർഷത്തിന് ശേഷം പ്രതിയെ അറസ്റ്റ് ചെയ്ത് പൊലീസ്: 25 ലക്ഷം രൂപയുടെ സ്വർണവും പണവുമായി കാമുകനൊപ്പം നാടുവിട്ട 19കാരിയുടെ മരണ വാർത്ത വിശ്വസിക്കാനാവാതെ വീട്ടുകാരും
ബാർ ഹോട്ടലിൽ എത്തിയാൽ എസി മുറി നിർബന്ധം; ദിവസങ്ങളോളം മുറിയെടുത്തു ഉയർന്ന ബ്രാൻഡിൽ മദ്യപാന പാർട്ടി; ഒപ്പം ഉല്ലസിക്കാൻ പരസ്ത്രീ സംസർഗ്ഗവും; മൂർഖൻ പാമ്പിനെ കൊണ്ട് കടിപ്പിച്ച് ഭാര്യയെ കൊലപ്പെടുത്തിയ സൂരജ് ആഡംബരങ്ങളിൽ രമിച്ചിരുന്നത് ഇങ്ങനെ; അടിപൊളി ജീവിതം നയിച്ചത് സ്ത്രീധനമായി കിട്ടിയ സ്വർണ്ണവും പണവും ഉപയോഗിച്ചു; നിരവധി സ്ത്രീകളുമായി ഉത്രയുടെ ഘാതകന് ബന്ധമുണ്ടെന്ന് സൂചന; സൂരജിന്റെ അമ്മയും സഹോദരിയും ശ്രമിച്ചത് ഉത്രയുടെ ദൗർബല്യം ചൂഷണം ചെയ്ത് പരമാവധി പണം നേടാൻ
ഭക്ഷണമില്ലാതെ കടുത്ത ചൂടിൽ കുപ്പിക്കുള്ളിൽ കിടന്ന പാമ്പ് അക്രമകാരിയായിരുന്നു; പാമ്പിന്റെ ചീറ്റലിൽ താൻ പോലും ഭയന്നു വിറച്ചു; പതിനൊന്ന് ദിവസം പട്ടിണിക്ക് ഇട്ട മൂർഖൻ പാമ്പിനെ ഉത്രയുടെ ഇടതു ഭാഗത്ത് ജാർ തുറന്ന് പുറത്തു വിട്ട് കയ്യിൽ കടിപ്പിച്ചു; അണലിയെ ഞെക്കി നോവിച്ച് ഉത്രയുടെ പുറത്ത് വെച്ച് ചാക്കു തുറന്ന് രണ്ടാം ശ്രമം പാഴായി; ഭാര്യയെ കൊന്നത് മൂന്നാം അറ്റംപ്റ്റിൽ; ഒടുവിൽ എല്ലാം മണി മണി പോലെ പറഞ്ഞ് അഞ്ചലിലെ വില്ലൻ; സൂരജിന്റെ മൊഴിയിൽ നിറയുന്നതുകൊടും ക്രൂരത
അബുദാബിയിൽ ഒന്നരമാസമായി തെരുവോരത്ത് അന്തിയുറങ്ങുന്ന മലയാളികൾ അടക്കമുള്ള തൊഴിലാളികൾ പട്ടിണിയിൽ എന്ന് വാർത്ത; ഫേക് ന്യൂസിന്റെ പേരിൽ ദുബായിൽ ഏഷ്യാനെറ്റ് ന്യൂസ് സംഘം അറസ്റ്റിൽ; സംഘത്തിനൊപ്പം കസ്റ്റഡിയിലായത് സിപിഎം അനുകൂല പ്രവാസി സംഘടന ശക്തി തിയറ്റേഴ്‌സ് ഭാരവാഹികളും; മോചനത്തിന് സമ്മർദ്ദം ചെലുത്തി രാജീവ് ചന്ദ്രശേഖറും പ്രമുഖ പ്രവാസി വ്യവസായിയും
വീട്ടമ്മയെ കെണിയിൽ പെടുത്തി ദുരുപയോഗം ചെയ്ത ശേഷം വീഡിയോ എടുത്ത് മൊബൈലിൽ സൂക്ഷിച്ചത് ഇടുക്കിയിലെ മെത്രാൻ ആകാനുള്ളവരുടെ ലിസ്റ്റിൽ ഇടംപിടിച്ച വൈദികൻ; വെള്ളയാംകുടി ഫൊറോന പള്ളി വികാരിക്കു പണി കിട്ടിയത് മൊബൈൽ നന്നാക്കാൻ ഏൽപ്പിച്ചപ്പോൾ; ഇടവകയിലെ ആഭ്യന്തര പ്രശ്‌നങ്ങളും വിവാദത്തിന് വഴിമരുന്നിട്ടു; ആഴ്‌ച്ചകൾക്ക് മുമ്പ് മുങ്ങിയ വൈദികനെ തേടി വിശ്വാസ സമൂഹം; വീട്ടമ്മയുടെ ദൃശ്യങ്ങൾ പ്രചരിപ്പിച്ചവർക്കെതിരെ കേസെടുക്കാൻ പൊലീസ്
കരിമൂർഖൻ കടിച്ചാൽ ഏതുറക്കത്തിൽ നിന്നും ഞെട്ടിയുണരും; വേദനാജനകമായ കടിയേറ്റിട്ടും ഉണരാതെ ഉത്ര ആണ്ടുപോയത് മയക്കത്തിലേക്കും മരണത്തിലേക്കും; ടൈലുകൾ പാകിയ എസി മുറിയിൽ എങ്ങനെ പാമ്പ് കയറിയെന്ന് യാതൊരു പിടിയുമില്ലാതെ വീട്ടുകാർ; സർപ്പദോഷത്തിനു ശാസ്ത്രീയമായ അടിത്തറയില്ലെന്നും മരണം പഠനവിഷയമെന്നും വിദഗ്ദർ; പകവെച്ച് പാമ്പുകൾ കൊത്തില്ലെന്നും സംഭവം പരിശോധിക്കേണ്ടതെന്നും മറുനാടനോട് വാവാ സുരേഷ്; വിശദീകരിക്കാൻ കഴിയാത്ത ദാരുണ മരണമായി അഞ്ചലിലെ ഉത്രയുടെ വിയോഗം
പിണറായിക്ക് ജീവിതം കാലം മുഴുവൻ തലതാഴ്‌ത്താൻ ഇതാ ഒരു നാണംകെട്ട ചിത്രം; സംസ്ഥാനത്തെ ഏറ്റവും മുതിർന്ന ഐപിഎസ് ഓഫീസർ വിരമിക്കുന്ന ദിവസം ഉറങ്ങിയത് ഓഫീസിലെ വെറും നിലത്ത് പാ വിരിച്ച് കിടന്നും; ഗസ്റ്റ് ഹൗസ് ഇല്ലാത്ത ഷൊർണ്ണൂരിലെ മെറ്റൽ ഇൻഡ്‌സ്ട്രീസ് ഓഫീസ് മുറിയിൽ പാ വിരിച്ച് കിടന്നുറങ്ങി എണ്ണീറ്റ ചിത്രം പോസ്റ്റ് ചെയ്ത് ജേക്കബ് തോമസ്; ഞായറാഴ്ച ആയിട്ടും അവസാന ദിവസവും പണിയെടുത്ത് വിരമിക്കലിന് വിവാദ ഐപിഎസ് ഓഫീസർ
അൽപം മന്ദതയുള്ള മകളെ പൊന്നു പോലെ നോക്കാൻ സ്ത്രീധനമായി നൽകിയത് അഞ്ചുലക്ഷം രൂപയും തൊണ്ണൂറ്റിയാറര പവൻ സ്വർണ്ണവും പുത്തൻ ബലേനോ കാറും മൂന്നേക്കർ റബ്ബർ എസ്റ്റേറ്റും; രണ്ടുവർഷത്തിനിടെ കൊടുത്തത് പതിനഞ്ച് ലക്ഷത്തോളം രൂപ; കല്യാണത്തിന് മുമ്പേ മകളുടെ കുറവുകൾ ഭർതൃ വീട്ടൂകാരെ അറിയിച്ചിരുന്നു; ഗുണ്ടാസംഘത്തിന്റെ നേതാവാണ് മരുമകനെന്ന് തിരിച്ചറിഞ്ഞത് ഈയിടെ; മകളെ ഭർത്താവ് കൊന്നതു തന്നെ; ഉത്രയുടെ പിതാവ് വിജയസേനൻ മറുനാടനോട്
അതിരുവിട്ട് ബന്ധം വളർന്നത് വാട്‌സാപ്പ് ചാറ്റിലൂടെ; ബിസിനസ് ആവശ്യത്തിനെന്ന് പറഞ്ഞ് പുറത്ത് കാറിൽ കറക്കം; വിലക്കിയിട്ടും ഫലമില്ലാതെ വന്നതോടെ വീട്ടുവഴക്കുകൾ; മകളുടെ മരണത്തിന് മുമ്പ് മരുമകളുടെ ഫോണിലേക്ക് നിരവധി കോളുകൾ; പൊലീസിൽ പരാതി നൽകിയതോടെ പെട്രോൾ ഒഴിച്ചുകത്തിക്കുമെന്ന് മരുമകന്റെ ഭീഷണി; കരുനാഗപ്പള്ളിയിൽ മരുമക്കൾ തമ്മിലുള്ള അവിഹിത ബന്ധത്തെ ചൊല്ലി മകൾ ആത്മഹത്യ ചെയ്ത സംഭവത്തിൽ മാതാപിതാക്കളുടെ പരാതിയിൽ എങ്ങുമെത്താതെ അന്വേഷണം
ഹൈറേഞ്ചിലെ ഫൊറോന പള്ളിയിലെ വികാരിയച്ചന്റെ പ്രണയ ലീലകളുടെ വീഡിയോയും ചിത്രങ്ങളും വാട്‌സ് ആപ്പിൽ പ്രചരിക്കുന്നു; ബിരുദങ്ങളുടെ നീണ്ട പട്ടികയുള്ള 'ജ്ഞാനി'യുടെ ദൃശ്യങ്ങൾ കണ്ട് തലയിൽ കൈവെച്ച് ഇടവകക്കാർ; ഹോളയിട്ട പുരോഹിതൻ വീട്ടമ്മയെ പാട്ടിലാക്കിയത് സാഹചര്യം മുതലെടുത്ത്; നാട്ടുകാർ വിവരം അറിഞ്ഞതോടെ നാടുവിട്ടു മുങ്ങി അച്ചൻ
ഭാര്യവീട്ടിൽ എത്തിയാൽ എട്ടു മണിക്ക് ഉണരുന്നത് പതിവുള്ള സൂരജ് ഉത്ര മരിച്ച ദിവസം എഴുനേറ്റത് രാവിലെ ആറു മണിക്ക്; മകളുടെ മരണവുമായി ബന്ധപ്പെട്ട കാര്യങ്ങൾ ചോദിക്കുമ്പോൾ ദേഷ്യത്തോടെ പെരുമാറിയതും അസ്വഭാവിക തോന്നാൻ ഇടയാക്കി; സ്ത്രീധനമായി നൽകിയ 100 പവൻ രണ്ട് വർഷം കൊണ്ട് സൂരജ് വിറ്റഴിച്ചു; മരുമകന് പാമ്പു പിടുത്തക്കാരുമായി അടുത്ത ബന്ധമെന്നും ചില പ്രത്യേക സംഘത്തിന്റെ തലവനാണെന്നും ഉത്രയുടെ മാതാപിതാക്കൾ; പാമ്പുകടി മരണത്തിൽ സംശയമുണ്ടാകാൻ കാരണം സൂരജിന്റെ ദുരൂഹമായ പെരുമാറ്റം
ഷെട്ടിയെ കുടുക്കിയത് ഭർത്താക്കന്മാരെന്ന് പുറത്തായതോടെ ഭാര്യമാർ ആശുപത്രിയിൽ വരാതെയായി; നെന്മാറയിലെ അവൈറ്റിസ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിന് പിന്നിലും എൻഎംസി ഹെൽത്ത് കെയറിൽ നിന്നും ഒഴികിയെത്തിയ പണമെന്ന് സൂചന; ഭാര്യമാരെ എക്‌സിക്യൂട്ടീവ് ഡയറക്ടർമാരാക്കി നെന്മാറയിൽ പ്രശാന്ത് മങ്ങാട്ടും പ്രമോദ് മങ്ങാട്ടും പടുത്തുയർത്തിയത് സ്വന്തം ആശുപത്രി സാമ്രാജ്യം; മുഖ്യമന്ത്രിയും പ്രതിപക്ഷ നേതാവും മോഹൻലാലും ഒരുമിച്ച് ഉദ്ഘാടനം ചെയ്ത ആശുപത്രിയും തട്ടിപ്പിന്റെ ആഗോള ചർച്ചയിൽ