കുട്ടിക്കാലം മുതലുള്ള അയൽവക്കത്തെ കുട്ടികളുടെ സൗഹൃദം പത്താം ക്ലാസ് കഴിഞ്ഞപ്പോൾ അതിരുവ...

കുട്ടിക്കാലം മുതലുള്ള അയൽവക്കത്തെ കുട്ടികളുടെ സൗഹൃദം പത്താം ക്ലാസ് കഴിഞ്ഞപ്പോൾ അതിരുവിട്ടു; വീട്ടുകാരുടെ വിലക്ക് മനസ്സ് കൊണ്ട് ഉൾക്കൊള്ളാനാവാതെ കുട്ടികൾ ബന്ധം തുടർന്നു; പാടത്തും ആളൊഴിയുമ്പോൾ വീടുകളിലും വീണ്ടും കണ്ടുമുട്ടി; ശാരീരിക അസ്വസ്ഥതകളെ തുടർന്ന് പ്ലസ് വണ്ണുകാരിയെ ആശുപത്രിയിൽ കൊണ്ടു പോയപ്പോൾ അച്ഛനും അമ്മയും അറിഞ്ഞത് മകൾ ഗർഭിണിയെന്ന വിവരം; അറസ്റ്റിലായപ്പോൾ എല്ലാം സമ്മതിച്ച് 17കാരനും; കോട്ടയത്തെ ഞെട്ടിച്ച പോക്‌സോ കേസ് ഇങ്ങനെ

May 16, 201902:17 PM IST Permalink

പ്രകാശ് ചന്ദ്രശേഖർ

കോട്ടയം: ഇരുവരും അടുത്തടുത്ത വീടുകളിലെ താമസക്കാർ. കുട്ടിക്കാലം മുതലുള്ള സൗഹൃദം വളർന്നപ്പോൾ അതിരുവിടുന്നത് തിരിച്ചറിഞ്ഞ് മതാപിതാക്കൾ വിലക്കി .പിന്നിട് വീട്ടുകാരറിയാതെ കൂടിക്കാഴ്ചകൾ പതിവായി .പാടത്തുവച്ചും ആളൊഴിയുമ്പോൾ വീടുകളിലും ഇരുവരും കണ്ടുമുട്ടി. ഒടുവിൽ 16 കാരി പെൺകുട്ടി ഗർഭിണിയാപ്പോൾ 17 കാരൻ പോസ്‌കോ കേസ്സിൽ അറസ്റ്റിൽ.

കോട്ടയം ജില്ലയിലെ ഗ്രാമത്തിലാണ് 16-കാരിയും 17 കാരനും തമ്മിലുള്ള അടുപ്പം മൂലം ഇരു കുടുംബങ്ങളുടെയും സ്വസ്ഥത നഷ്ടമായിരിക്കുന്നത്. ശാരീരിക അസ്വസ്ഥതകളെ തുടർന്ന് ആശുപത്രിയിൽ എത്തിച്ചപ്പോഴാണ് വയറ്റിൽ വളരുന്ന കുഞ്ഞിന്റെ പിതാവിനെക്കുറിച്ച് പെൺകുട്ടി വീട്ടുകാരോട് വെളിപ്പെടുത്തിയത്. തുടർന്ന് വീട്ടുകാർ പെൺകുട്ടിയെക്കൊണ്ട് പൊലീസിന് മുമ്പാകെ മൊഴിനൽകിക്കുകയായിരുന്നെന്നും തുടർന്നാണ് അയൽവാസിയായ 17 കാരനെ അറസ്റ്റുചെയ്തതെന്നുമാണ് പുറത്തുവന്നിട്ടുള്ള വിവരം.

ഇരുവരും ചെറുപ്പം മുതൽ കൂട്ടുകാരായിരുന്നെന്നും വളർന്നപ്പോൾ അടുപ്പം പരിധിവിടുന്നത് കണ്ട് വീട്ടുകാർ ഇരുവരും തമ്മിലുള്ള കൂടിക്കാഴ്ചയും വർത്തമാനവും മറ്റും വിലക്കിയിരുന്നെന്നും പൊലീസ് അന്വേഷണത്തിൽ വ്യക്തമായി. ഇത് ഇരുവർക്കും ഉൾക്കൊള്ളാനായില്ലെന്നും വീട്ടുകാർ അറിയാതെ ഇരുവരും കൂടിക്കാഴ്ച തുടർന്നിരുന്നെന്നുമാണ് 17 കാരൻ പൊലീസിൽ വെളിപ്പെടുത്തിയിട്ടുള്ളത്. എല്ലാം പൊലീസിനോട് കുട്ടിക്കാമുകൻ വെളിപ്പെടുത്തി.

മാതാപിതാക്കളുടെ വിലക്ക് മനസ്സുകൊണ്ട് ഉൾക്കൊള്ളാനായില്ലെന്നും ഇതാണ് വീട്ടുകാരെ വെട്ടിച്ച്് പരസ്പരം കണ്ടുമുട്ടുന്നതിന് അവസരം സൃഷ്ടിച്ചതെന്നും 17 -കാരൻ പൊലീസിനോട് പറഞ്ഞു. മക്കളുടെ കുട്ടിക്കളി അതിരുവിട്ടത് ഇരുകുടുംബങ്ങടെയും സ്വസ്ഥത നശിപ്പിച്ചിരിക്കുകയാണ്. അയൽക്കാരും സൗഹൃദത്തിൽ കഴിഞ്ഞിരുന്നതുമായ ഈ കുടുംബാഗങ്ങളിലെ അംഗങ്ങളിൽ ചിലർ ഇപ്പോൾ പരസ്പരം കാണുമ്പോൾ പോരടിക്കുന്ന അവസ്ഥയിലേയ്ക്കെത്തിയെന്നാണ് നാട്ടിൽ പ്രചരിച്ചിട്ടുള്ള വിവരം.

ഇതിനിടെ കേസ്സിൽ തുടർനടപടികൾ എങ്ങിനെ മുന്നോട്ട് കൊണ്ടുപോകണമെന്ന കാര്യത്തിൽ പൊലീസിൽ ചില ആശയക്കുഴപ്പങ്ങൾ രൂപപ്പെട്ടിട്ടുണ്ടെന്നും ഇക്കാര്യത്തിൽ പൊലീസ് വിദഗ്ധ നിയമോപദേശം തേടിയിട്ടുണ്ടെന്നുമാണ് സൂചന. നിലവിൽ പെൺകുട്ടിയുടെ മൊഴിയുടെ അടിസ്ഥാനത്തിലും മെഡിക്കൽ റിപ്പോർട്ടും കണക്കിലെടുത്താണ് 17 കാരനെതിരെ പൊലീസ് കേസെടുത്തിട്ടുള്ളത്.

കുട്ടികൾക്കെതിരെ ലൈംഗിക അതിക്രമം നടന്നതായി തെളിഞ്ഞാൽ ചുമത്തുന്ന പോസ്‌കോ ആക്ട് പ്രകാരമാണ് 17 കാരനെ അറസ്റ്റ് ചെയ്തിട്ടുള്ളത്. എന്നാൽ 17കാരനും പ്രായപൂർത്തിയായിട്ടില്ല. അതുകൊണ്ട് തന്നെ ഈ കുറ്റാരോപണം നിലനിൽക്കുമോ എന്ന സംശയവും സജീവമാണ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

പ്രകാശ് ചന്ദ്രശേഖർ

Stories you may Like

Readers Comments+

More News in this category+

MNM Recommends +

കെ.സുധാകരന് വേണ്ടി വാട്സ് ആപ്പിൽ പൊലീസുകാരുടെ സർക്കാർ വിരുദ്ധ പ്രചാരണം; പരാതി നൽകി എൽ ഡി എഫ്