വസ്ത്രം മാറാനായി മുറിക്കുള്ളിൽ കയറിയ പെൺകുട്ടി അടിച്ചുമാറ്റിയത് അലമാരയിലുണ്ടായിരുന്ന ...

വസ്ത്രം മാറാനായി മുറിക്കുള്ളിൽ കയറിയ പെൺകുട്ടി അടിച്ചുമാറ്റിയത് അലമാരയിലുണ്ടായിരുന്ന സ്വർണാഭരണങ്ങൾ; ശരീരത്തിനുള്ളിൽ ഒളിപ്പിച്ച് പുറത്തെത്തിച്ച സ്വർണം കൈമാറിയത് കാമുകനും; 19.5 പവൻ സ്വർണം മോഷ്ടിച്ച കേസിൽ പടിയിലായത് കോളജ് വിദ്യാർത്ഥിനി; കാമുകനെ തേടി അന്വേഷണ സംഘം

February 21, 202004:50 PM IST Permalink

മറുനാടൻ മലയാളി ബ്യൂറോ

കാസർകോട്: ബന്ധുവീട്ടിൽ നിന്നും സ്വർണ്ണാഭരണങ്ങൾ കവർന്ന കേസിൽ 19 കാരിയായ കോളേജ് വിദ്യാർത്ഥിനി പിടിയിൽ. അടുക്കത്ത്ബയൽ ഗുഡ്ഡെ ടെമ്പിൾ റോഡ് കോടിവളപ്പിലെ സുനിലിന്റെ വീട്ടിൽ നിന്നും 19.5 പവൻ ആഭരണങ്ങൾ കാണാതായ കേസിലാണ് ഉദുമ മുതിയക്കാൽ കുതിരക്കോട് സ്വദേശിനിയായ പെൺകുട്ടിയെ പൊലീസ് കസ്റ്റഡിയിലെടുത്തത്. വിദ്യാർത്ഥിനിയെ മോഷണത്തിന് പ്രേരിപ്പിച്ച കാമുകനെ കണ്ടെത്താൻ പൊലീസ് തിരച്ചിൽ ശക്തമാക്കി. കാമുകന് വേണ്ടിയാണ് സ്വർണ്ണ മോഷ്ടിച്ചതെന്ന് പെൺകുട്ടി പൊലീസിന് മൊഴി നൽകി.

കവർന്ന സ്വർണം കണ്ടെത്താൻ മംഗളൂരുവിലെ വിവിധ ജൂവലറികളിൽ കാസർകോട് ടൗൺ പൊലീസ് തെളിവെടുപ്പ് നടത്തി. ഇന്നലെ വൈകീട്ടാണ് കസ്റ്റഡിയിലുള്ള പെൺകുട്ടിയുമായി ടൗൺ എസ് ഐ നളിനാക്ഷന്റെ നേതൃത്വത്തിലുള്ള അന്വേഷണ സംഘം മംഗളൂരുവിലെ ജൂവലറികളിൽ പരിശോധന നടത്തിയത്. പൊലീസ് നടത്തിയ അന്വേഷണത്തിൽ പെൺകുട്ടിക്ക് പണമൊന്നും ലഭിച്ചിട്ടില്ലെന്ന് കണ്ടെത്തിയിട്ടുണ്ട്. കവർന്ന സ്വർണ്ണാഭരണങ്ങൾ മുഴുവൻ മംഗളുരുവിലെ പല ജൂവലറികളിലായി വില്പന നടത്തിയ പണം മുഴുവൻ അടിച്ചുമാറ്റിയത് യുവാവാണെന്ന് വ്യക്തമായി.

വീട്ടിൽ നിന്നും സ്വർണം മോഷണം പോയതോടെ സുനിൽ ടൗൺ പൊലീസിൽ പരാതി നൽകിയിരുന്നു. ഇവരുടെ അകന്ന ബന്ധുവായ ഒരു യുവതി കുഞ്ഞിനെ കാണാൻ വീട്ടിലെത്തിയിരുന്നതായും പൊലീസിനെ അറിയിച്ചിരുന്നു. ഇതിന്റെ അടിസ്ഥാനത്തിൽ കോളജ് വിദ്യാർത്ഥിനിയെ കസ്റ്റഡിയിലെടുത്ത് ചോദ്യം ചെയ്തതോടെയാണ് സ്വർണാഭരണങ്ങൾ കവർന്നതായി സമ്മതിച്ചത്. കൂടുതൽ ചോദ്യം ചെയ്യലിൽ കുമ്പള സ്വദേശിയും ഒരെ കോളേജിൽ വിദ്യാർത്ഥിയുമായ കാമുകനു വേണ്ടിയാണ് സ്വർണം കവർച്ച നടത്തിയതെന്ന് പെൺകുട്ടി സമ്മതിക്കുകയായിരുന്നു.

മംഗളൂരുവിലെ കോളജിൽ വിദ്യാർത്ഥികളാണ് ഇരുവരും. അപകടത്തിൽപെട്ടുവെന്നും കുറച്ചുപണം തരപ്പെടുത്തി നൽകണമെന്നും യുവാവ് അഭ്യർത്ഥിച്ചതിന്റെ അടിസ്ഥാനത്തിൽ മറ്റുവഴികളൊന്നും ഇല്ലാതെ വന്നപ്പോഴാണ് മോഷണം നടത്തിയതെന്നാണ് പെൺകുട്ടിയുടെ മൊഴി. കുഞ്ഞിനെ കാണാനാണ് അകന്ന ബന്ധുവായ യുവതി സുനിലിന്റെ വീട്ടിലെത്തിയത്. ഇതിനിടെ വസ്ത്രം മാറാനെന്ന് പറഞ്ഞ് മുറിയിൽ കയറുകയും ചെയ്തു. താക്കോൽ അലമാരയിൽ തന്നെ വച്ച നിലയിൽ കണ്ട് അലമാര തുറന്ന് അകത്തുണ്ടായിരുന്ന സ്വർണാഭരണങ്ങൾ കൈക്കലാക്കി കടന്നുകളയുകയായിരുന്നു. കാസർകോട് ടൗൺ എസ് ഐ നളിനാക്ഷന്റെ നേതൃത്വത്തിലാണ് അന്വേഷണം നടക്കുന്നത്. സ്വർണം കൊണ്ടുപോയി വിൽപ്പന നടത്തിയതിനാൽ കാമുകനെയും കേസിൽ പ്രതിചേർക്കും.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

മറുനാടൻ മലയാളി ബ്യൂറോ

Stories you may Like

Readers Comments+

More News in this category+

MNM Recommends +

റോഡരികിൽ നിർത്തിയിട്ടിരുന്ന ബസ് പുറപ്പെടാൻ വൈകിയതിന് ഗ്ലാസ് അടിച്ചു തകർത്തു; യുവാവ് അറസ്റ്റിൽ

പശ്ചിമബംഗാളിലെ മുർഷിദാബാദിൽ രാമനവമി ആഘോഷത്തിനിടെ സ്ഫോടനം; ഒരു സ്ത്രീക്ക് പരിക്ക്

ലോക്സഭ തിരഞ്ഞെടുപ്പ്: വോട്ടെടുപ്പ് യന്ത്രങ്ങളുടെ കമ്മീഷനിങ് തുടങ്ങി; ഏപ്രിൽ 20ന് പൂർത്തിയാകും