വനത്തിന് നടുവിലുള്ള ആദിവാസികൾക്ക് അക്ഷരവെളിച്ചം പകർന്നെന്ന് മൻ കി ബാത്തിൽ പറഞ്ഞത് പ്രധാനമന്ത്രി; ലൈബ്രറി നടത്തിപ്പിൽ ഉറച്ച് നിൽക്കുകയും ഊരിനെക്കുറിച്ച് പുസ്തകമെഴുതാൻ പി കെ മുരളീധരനെ സഹായിക്കുകയും ചെയ്തപ്പോൾ വന്നത് ഊരുവിലക്ക്; ഇടമലക്കുടിയിലെ ചൂഷണങ്ങളും ഊരുവിലക്കും മുഖ്യമന്ത്രിയെ നേരിട്ട് കണ്ടു ധരിപ്പിക്കാൻ ചെന്നപ്പോൾ അനുമതിയില്ല; ചിന്നതമ്പിയും ഭാര്യ മണിയമ്മയും ഊരിലേക്ക് പോകാൻ കഴിയാതെ തലസ്ഥാന നഗരിയിൽ അലയുന്നു
എം മനോജ് കുമാർ
തിരുവനന്തപുരം: പ്രധാനമന്ത്രി നരേന്ദ്ര മോദി മൻ കി ബാത്തിൽ പരാമർശിച്ച ചിന്ന തമ്പിക്കും ഭാര്യ മണിയമ്മയ്ക്കും മുഖ്യമന്ത്രി പിണറായി വിജയനെ സന്ദർശിക്കാൻ അനുമതി ലഭിച്ചില്ല. ഇടമലക്കുടിയിൽ നടക്കുന്ന ചൂഷണങ്ങൾ പുറത്തെത്തിച്ചത് കാരണമാണ് ഇവർക്കും ഏകാധ്യാപക വിദ്യാലയം നടത്തുന്ന പി.കെ.മുരളീധരനും ഊരുവിലക്ക് വന്നത്. ഊരുവിലക്ക് കാരണം ഇടമലക്കുടിയിൽ നിന്ന് പുറത്തായ ഇവർ തിരുവനന്തപുരത്തു നീതി തേടി അലയുകയാണ്.
ഇടമലക്കുടിയിൽ ചിന്നതമ്പി നടത്തുന്ന ഹോട്ടലിൽ ഒപ്പം ഒപ്പം ഒരു ലൈബ്രറി കൂടി പ്രവർത്തിക്കുന്നതിനാണ് പ്രധാനമന്ത്രി നരേന്ദ്ര മോദി മൻ കി ബാത്തിൽ ചിന്നതമ്പിയെക്കുറിച്ച് പറഞ്ഞത്. വനത്തിന് നടുവിലുള്ള ആദിവാസികൾക്ക് അക്ഷരവെളിച്ചം പകർന്നെന്നാണ് പ്രധാനമന്ത്രി പറഞ്ഞത്. കഴിഞ്ഞ ജൂലൈയിലാണ് പ്രധാനമന്ത്രി പരാമർശം നടത്തിയത്. ഇതേ ചിന്ന തമ്പിക്കും ഭാര്യയ്ക്കുമാണ് ഇടമലക്കുടിയിൽ ഊരുവിലക്ക് വന്നത്. പഞ്ചായത്തിൽ നടക്കുന്ന ചൂഷണങ്ങളും ഊരുവിലക്ക് കാരണം അനുഭവിക്കേണ്ടി വരുന്ന പ്രതിസന്ധിയും മുഖ്യമന്ത്രിയെ നേരിട്ട് കണ്ടു ധരിപ്പിക്കാനാണ് ഇവർ തിരുവനന്തപുരത്ത് എത്തിയത്. എന്നാൽ സന്ദർശനാനുമതി നിഷേധിക്കപ്പെടുകയായിരുന്നു. ഇടമലക്കുടി സൊസൈറ്റിക്കുടിയിലെ പഞ്ചായത്ത് ഹാളിൽ പഞ്ചായത്തംഗങ്ങളും കാണിമാരും ഊരുമൂപ്പന്മാരും ചേർന്ന ഊരുകൂട്ടമാണ് വിലക്കേർപ്പെടുത്തിയത്.
രോഗം ബാധിച്ചാൽ മഞ്ചലിൽ കിലോമീറ്ററുകൾ താണ്ടി ആശുപത്രിയിലെത്തിക്കേണ്ട അവസ്ഥ നേരിടുന്ന കേരളത്തിലെ ഏക പഞ്ചായത്ത് കൂടിയാണിത്. നാഗരികതയിലേക്ക് കൈപിടിച്ചുയർത്താനാണ് ഇടമലക്കുടിക്ക് സ്വതന്ത്ര പഞ്ചായത്ത് എന്ന പദവി നൽകിയത്. പക്ഷെ അതുകൊണ്ടൊന്നും മുതുവാൻ സമുദായത്തിലെ പ്രശ്നങ്ങൾ പരിഹരിക്കപ്പെട്ടിട്ടില്ല. ഇവ അപരിഹാര്യമായി തുടരുകയാണ്. ഊരുമൂപ്പന്മാരാണ് ഇടമലക്കുടിയിലെ ഊരുകൾ ഭരിക്കുന്നത്. മൂപ്പന്റെ തീരുമാനങ്ങൾക്ക് അപ്പീലില്ല. അതുകൊണ്ട് തന്നെയാണ് ഊരുവിലക്ക് മുരളീധരനും ചിന്നതമ്പിക്കും ഭാര്യയ്ക്കും പ്രതിസന്ധി സൃഷ്ടിക്കുന്നത്. ഊരുവിലക്ക് പോലുള്ള അപരിഷ്കൃത രീതികൾ കാരണം മുതുവാൻ സമുദായം പിൻനടത്തം നടക്കുകയാണ്. ഈ പിൻനടത്തം കാരണം വരുന്ന ഗുരുതരമായ സാമൂഹ്യ പ്രശ്നങ്ങൾക്ക് ഏതെങ്കിലും രീതിയിൽ പരിഹാരം കാണാൻ കഴിയുമായിരുന്ന കൂടിക്കാഴ്ചയാണ് മുഖ്യമന്ത്രിയുടെ നിഷേധാത്മക നിലപാട് കാരണം നടക്കാതെ പോയത്. ആഴ്ചകൾ ആയി ഇവർ മൂവരും തിരുവനന്തപുരത്ത് ഉണ്ടെങ്കിലും മുഖ്യമന്ത്രിയെ നേരിൽ കണ്ടു പരാതി പറയാൻ ഇവർക്ക് കഴിഞ്ഞില്ല. പല കാരണങ്ങൾ ചൂണ്ടിക്കാട്ടി മുഖ്യമന്ത്രിയുടെ ഓഫീസ് അനുമതി നിഷേധിക്കുകയായിരുന്നു. ആദിവാസി പ്രശ്നങ്ങൾക്ക് പട്ടികജാതി-പട്ടികവകുപ്പ് മന്ത്രി പരിഹാരം കാണട്ടെ എന്ന മനോഭാവമാണ് മുഖ്യമന്ത്രിയുടെ ഓഫീസ് പ്രദർശിപ്പിച്ചത്. ഇവരിൽ നിന്ന് പരാതി വാങ്ങി മുഖ്യമന്ത്രിയുടെ ഓഫീസ് ഫയലിൽ തിരുകുക മാത്രം ചെയ്തു. മുഖ്യമന്ത്രി അനുമതി നിഷേധിച്ചതിനെ തുടർന്ന് പട്ടികജാതി-വർഗ്ഗ ചുമതലയുള്ള മന്ത്രി എ.കെ.ബാലനെ ഇവർ കണ്ടെങ്കിലും ഊരുവിലക്കിനോ ഇവർ നേരിടുന്ന പ്രശ്നങ്ങൾക്കോ ഒരു പരിഹാരവും ആയതുമില്ല.
രോഗങ്ങളും ദാരിദ്ര്യവുമാണ് ഇടമലക്കുടിയുടെ മുഖമുദ്ര. ആദിവാസി വിഭാഗമായ മുതുവാന്മാർ മാത്രമുള്ള കേരളത്തിലെ ഏക പഞ്ചായത്ത് കൂടിയാണിത്. ടൂറിസ്റ്റുകൾക്കോ സാധാരണ ജനങ്ങൾക്കോ പ്രവേശനമില്ലാത്ത കർശന നിയന്ത്രണങ്ങളുള്ള ഒരു പഞ്ചായത്ത് കൂടിയാണ് ഇടമലക്കുടി. തനതായ ജീവിത രീതികൾ പിന്തുടരുന്നത് കാരണം നാഗരിക ജീവിത രീതികൾ ഇപ്പോഴും ഇവർക്ക് പഥ്യവുമല്ല. അപരിഷ്കൃത സമൂഹവുമായി ഇപ്പോഴും നിലകൊള്ളുന്ന ഇടമലക്കുടിയിൽ നിന്ന് പുറത്തു വരുന്ന വാർത്തകൾ ഇപ്പോഴും കാലത്തിനു യോജിക്കുന്നതുമല്ല. പാണ്ടിപ്പടയെ പേടിച്ച് നൂറ്റാണ്ടുകൾക്കു മുൻപ് മധുരയിൽ നിന്നെത്തിയവരാണ് ഈ മുതുവാന്മാരെന്നാണ് ചരിത്രം പറയുന്നത്. ചേര-പാണ്ഡ്യ യുദ്ധം കൊടുമ്പിരികൊണ്ട കാലത്ത് ഇടുക്കിയുടെ മലഞ്ചെരിവുകളിലെത്തി താമസമാക്കിയ ഗോത്ര വർഗക്കാരാണ് ഇവർ. ഇടമലക്കുടിയിലെ ചൂഷണങ്ങൾ പുറത്തു കൊണ്ടുവന്ന മുരളീധരനും ചിന്നതമ്പിക്കും ഭാര്യ മണിയമ്മയുയ്ക്കും ഊരുവിലക്ക് പ്രഖ്യാപിച്ചാണ് മുതുവാൻ സമുദായം ഇപ്പോൾ വാർത്തകളിൽ നിറയുന്നത്. കുടികൾ പലതാണെങ്കിലും സമുദായവും വിശ്വാസവും ഇവർക്ക് ഒന്ന് തന്നെയാണ്. അതുകൊണ്ട് തന്നെയാണ് ഊരുവിലക്ക് പ്രഖ്യാപിക്കപ്പെട്ടതിനാൽ ഇവർക്ക് ഊരിലെക്ക് തിരികെ പോകാൻ കഴിയാത്തത്.
ഊരിലെ കുട്ടികൾക്ക് വർഷങ്ങളായി അറിവിന്റെ വെളിച്ചം പകർന്നു നൽകുന്ന ഏകാധ്യാപക വിദ്യാലയം നടത്തുന്ന പി.കെ.മുരളീധരനും മുരളീധരനെ സഹായിക്കുന്ന ചിന്നതമ്പിക്കും ഭാര്യ മണിയമ്മയ്ക്കുമാണ് ഇപ്പോൾ ഊരുവിലക്ക് പ്രഖ്യാപിച്ചിരിക്കുന്നത്. ഊരുവിലക്ക് കാരണം മുരളീധരനും ചിന്നതമ്പിക്കും മണിയമ്മയ്ക്കും ഊരിലേക്ക് പോകാൻ കഴിയാത്ത അവസ്ഥയിലാണ്. ഊരിൽ നിന്ന് ഇവർ പുറം തള്ളപ്പെട്ടത് കാരണം തിരുവനന്തപുരത്ത് സുഹൃത്തുക്കളുടെ സഹായത്താലാണ് ഇവർ ഇപ്പോൾ കഴിയുന്നത്. ഇടമലക്കുടിയിൽ ഏകാധ്യാപക വിദ്യാലയം നടത്തുന്ന മുരളീധരൻ എഴുതിയ ഇടമലക്കുടി ഊരും പൊരുളും എന്ന പുസ്തകത്തിന്റെ പേരിലാണ് ഊരുവിലക്ക് എന്ന് പറയുന്നുണ്ടെങ്കിലും അടിമലക്കുടി ചൂഷണങ്ങൾ പുറത്തു കൊണ്ട് വന്നതിന്റെ പേരിലാണ് ഊരുവിലക്ക് നടപ്പിൽ വരുത്തിയത്. 2014 ലാണ് ഊരും പൊരുളും എന്ന പുസ്തകം മുരളീധരൻ എഴുതിയത്. അഞ്ച് വർഷങ്ങൾക്ക് ശേഷം ഇതേ പുസ്തകത്തിലെ പരാമർശങ്ങൾ കാരണമാണ് ഇപ്പോൾ ഊരുവിലക്ക് നടപ്പാക്കിയിരിക്കുന്നത്. ഇടമലക്കുടിയിൽ ഏകാധ്യാപക വിദ്യാലയം നടത്തുന്ന മുരളീധരനും ചിന്നതമ്പിക്കും ഊരിൽ നിന്നും വധഭീഷണിയും നിലനിൽക്കുന്നുണ്ട്. എഴുപതിലേറെ പ്രായമുള്ള ചിന്നതമ്പിയും ഭാര്യയും നിലവിൽ രോഗികളുമാണ്. ഊരുവിലക്ക് കാരണമുള്ള പ്രശ്നങ്ങളും ഭീഷണിയും കാരണം ഇവർ ആത്മഹത്യാ മുനമ്പിലുമാണ്. ഊരുവിലക്ക് നേരിടുന്ന പി.കെ.മുരളീധരൻ മറുനാടനോട് മനസ് തുറക്കുന്നു.
എന്തിനാണ് തിരുവനന്തപുരത്ത് എത്തിയത്?
മുഖ്യമന്ത്രി പിണറായി വിജയനെ കാണാനാണ് തിരുവനന്തപുരത്ത് എത്തിയത്. അദ്ദേഹത്തിനെ കണ്ടു നേരിട്ട് പരാതി നൽകണം. കഴിഞ്ഞ പതിമൂന്നിനു ഇടമലക്കുടിയിൽ നിന്നും അദ്ധ്യാപകനായ എന്നെയും ഊരിലെ പി.വി.ചിന്നതമ്പിയേയും ഊരുവിലക്കിയിട്ടുണ്ട്. ഇടമലക്കുടി പഞ്ചായത്ത് പ്രസിഡന്റ് ഉൾപ്പെടെയുള്ളവർ പങ്കെടുത്ത യോഗത്തിലാണ് എനിക്കും ചിന്നതമ്പിക്കും ഊര് വിലക്ക് വന്നത്. ഇതിനു പരിഹാരം കാണാൻ ബഹുമാനപ്പെട്ട മുഖ്യമന്ത്രിക്ക് മാത്രമേ കഴിയൂ എന്നുള്ളതുകൊണ്ടാണ് ഈ ഊരുവിലക്ക് വന്നത്. ഞങ്ങളോട് ഊരിൽ കയറാൻ പാടില്ല എന്നാണ് പറഞ്ഞിരിക്കുന്നത്. എനിക്ക് വീടുണ്ട്. അവിടെ ഊരുവിലക്കാൻ ആരുമില്ല. ചിന്നതമ്പിക്ക് അതല്ല. അദ്ദേഹം ഗ്രാമവാസിയാണ്. ജീവിതം അവിടെയാണ്. പ്രാകൃത ആചാരമാണിത്. ഈ ഊരുവിലക്ക് ഒഴിവാക്കണം. ചിന്നതമ്പിക്ക് ഊരിലെക്ക് തിരിച്ചെത്താനുള്ള സാഹചര്യം ഒരുക്കണം. ഊരുവിലക്ക് കാര്യത്തിൽ ഒരു പരിഹാരം തേടിയാണ് തിരുവനന്തപുരത്ത് വന്നത്.
എന്തുകൊണ്ട് പെട്ടെന്ന് ഒരു ഊരുവിലക്ക്?
ഊരുവിലക്കിനു പിന്നിൽ ബാഹ്യശക്തികളുണ്ട്. കഴിഞ്ഞ ഇരുപത് വർഷമായി ഇടമലക്കുടി സമൂഹമായി ഇടപഴകി ജീവിക്കുന്ന ആളാണ് ഞാൻ. അതുകൊണ്ട് തന്നെയാണ് ഈ ഊരുവിലക്കിനു പിന്നിൽ ബാഹ്യശക്തികൾ എന്ന് പറയുന്നത്. 2014 ലാണ് ഞാൻ പുസ്തകം എഴുതുന്നത്. ഇപ്പോൾ പ്രശ്നം വരുന്നത് അഞ്ചു വർഷത്തിനു ശേഷം. പുസ്തകത്തിലെ പരാമർശങ്ങൾ ചൂണ്ടിക്കാട്ടിയാണ് ഊരുവിലക്ക് വന്നത്. ബാഹ്യശക്തികൾ ആണ് അഞ്ച് വർഷത്തിനു ശേഷം വിവാദമാക്കിയതിന് പിന്നിൽ. 2018 അവസാന മാസം ഇടുക്കി ജില്ലാ ലീഗൽ സർവീസ് അഥോറിറ്റിയുടെ ഒരു സംഘം ഇടമലക്കുടിയിൽ വരുകയും അവിടുത്തെ പ്രവർത്തനങ്ങൾ അന്വേഷിക്കുകയും ചെയ്തിരുന്നു. ആ സംഘത്തെ സഹായിച്ചിരുന്നത് ഞാനും ഈ ചിന്ന തമ്പിയും ഒക്കെയായിരുന്നു. അതിനുശേഷം എനിക്ക് ഭീഷണിയുണ്ടായി. പുസ്തകത്തിലെ ജനങ്ങൾ തന്നെ നിന്നെ ഇവിടുന്നു ഓടിക്കും എന്നാണ് അയാൾ ഭീഷണിപ്പെടുത്തിയിരുന്നു. നിന്നെ കൊല്ലും എന്നൊക്കെ പറഞ്ഞിരുന്നു. എനിക്ക് വധഭീഷണിയും നിലനിന്നിരുന്നു. ഈ കാര്യത്തിൽ ഒരു പരാതി ഞാൻ മാങ്കുളം പൊലീസ് സ്റ്റേഷനിൽ കൊടുക്കുകയും ചെയ്തിരുന്നു. ഈ പുസ്തകത്തിന്റെ പേരിൽ അടുത്ത ദിവസമാണ് ഊരുകളിൽ മുഴുവൻ പ്രശ്നങ്ങൾ വന്നത്. ഊരിനെ അവഹേളിക്കുന്ന പരാമർശങ്ങൾ പുസ്തകത്തിലുണ്ട് എന്നാണ് പറയുന്നത്. പുസ്തകത്തിൽ ഊരിനെ അവഹേളിക്കുന്ന പരാമർശങ്ങൾ ഒന്നുമില്ല. അവരിൽ നിന്ന് കിട്ടിയ കാര്യങ്ങൾ ആണ് പുസ്തകത്തിലുള്ളത്. മറ്റു പലരും പുസ്തകങ്ങൾ എഴുതിയിട്ടുണ്ട്. അതിൽ രേഖപ്പെടുത്തിയിരിക്കുന്നത്.
ഊരുവിലക്കിനു കാരണമായി എന്താണ് സമുദായം പറയുന്നത്?
എന്തിനു വേണ്ടി ഊരുവിലക്ക് എന്ന കാര്യം എനിക്ക് തന്നെ അറിയില്ല. അതിൽ ഒരു വ്യക്തതയില്ല. ഇവരുടെ ഒരു ഐതീഹ്യമുണ്ട്. ഇവർ മധുരാ ദേശത്തും വന്ന ആളുകൾ എന്ന ഐതീഹ്യമാണ് അത്. കർണ്ണകീ-കോവാല ചരിത്രമാണ് ഐതീഹ്യമായി ഇവർ പറയുന്നത്. അന്ന് കലാപമുണ്ടായപ്പോൾ അവിടെ നിന്ന് പോന്നവരാണ് ഇവർ. ഇവർ മാത്രമല്ല അതിനൊപ്പം മന്നാൻ സമുദായത്തിൽപ്പെട്ട ആളുകൾ ഉണ്ടായിരുന്നു ഇവരെല്ലാം ഒരുമിച്ചാണ് വന്നത്. പെരിയാർ തീരത്താണ് താമസിച്ചിരുന്നത് എന്നാണ് ഐതീഹ്യങ്ങളിലൂടെ ഇവർ പറയുന്നത്. രണ്ടു കൂട്ടരുടെയും കയ്യിലുണ്ടായിരുന്ന ഭക്ഷണമാണ് ഇവർ കഴിച്ചിരുന്നത്. എന്തോ കാരണത്താൽ ഇവർക്ക് തമ്മിൽ പ്രശ്നങ്ങൾ വരുകയും മന്നാൻ സമുദായത്തിനു അയിത്തം കൽപ്പിച്ച് ആറിനപ്പുറത്തേക്ക് പറഞ്ഞുവിട്ടു. തലമുറകൾ കഴിഞ്ഞതിനു ശേഷം ഏതോ ഒരു കാലഘത്തിൽ മന്നാൻ രാജാവും സംഘവും പെരിയാർ തീരത്ത് വന്നു. ഈ കാലത്ത് പൂഞ്ഞാർ രാജാവ് വനം സന്ദർശിക്കാൻ വന്നു. ഈ സ്ഥലം എന്റെതാണ് ഇവിടെയ്ക്ക് കടക്കരുത് എന്ന് മന്നാൻ രാജാവ് വിലക്കി. ആളറിയാതെയാണ് വിലക്കിയത്. ഇത് കഴിഞ്ഞപ്പോൾ മന്നാൻ രാജാവ് ക്ഷമ ചോദിച്ചു. അപ്പോൾ പൂഞ്ഞാർ രാജാവ് ഇവരോട് പഴയ സ്ഥലത്തേക്ക് തന്നെ പോകാൻ ആവശ്യപ്പെട്ടുവെന്നും പറയുന്നു. ആ സമയത്ത് മന്നാൻ സമുദായത്തിൽപ്പെട്ട നാലഞ്ചു കുടുംബങ്ങൾ തിരികെ പോയില്ല. ഉപജീവനമാർഗങ്ങൾ മുഴുവൻ ഇവിടെയായിരുന്നു. ഇത് ഇട്ടിട്ടു പോയാൽ ജീവിതം അപകടത്തിലാവും. അതിനാൽ അവർ പോയില്ല. അവരെ സഹായിച്ചത് മുതുവാൻ സമുദായമാണ് എന്നാണ് ഐതീഹ്യത്തിൽ പറയുന്നത്.
ഊര് വിലക്ക് കാരണം എന്തൊക്കെ പ്രശ്നങ്ങൾ നേരിടുന്നു?
ഊര് വിലക്ക് വന്നാൽ ആർക്കും ഊരിലേക്ക് പ്രവേശനം ലഭിക്കില്ല. എന്നെ ബാധിക്കില്ലെങ്കിലും ചിന്ന തമ്പിയെ ബാധിക്കും. അവർ ഊരിൽ തങ്ങുന്ന ആളുകളാണ്. മരിച്ചാൽ പോലും ശവമടക്കിനു പോലും ആരും വരാത്ത അവസ്ഥയാണ് ചിന്ന തമ്പിയും ഭാര്യയും നേരിടുന്നത്. ഇത് ഒരു അനാചാരമാണ്. ഇത് മാറണം. ചിന്ന തമ്പിക്ക് ഊര് വിലക്ക് വരാൻ കാരണം പുസ്തകത്തിലെ ചില വിവരങ്ങൾ ചിന്ന തമ്പി നൽകി എന്ന് സമുദായം വിശ്വസിക്കുന്നതുകൊണ്ടാണ്. പുസ്തകത്തിലെ മുഴുവൻ വിവരങ്ങൾ ചിന്ന തമ്പി നൽകിയതല്ല. ചില കാര്യങ്ങൾ പറഞ്ഞു തന്നിട്ടുണ്ട്. പന്ത്രണ്ടു വർഷങ്ങളുടെ ശ്രമഫലമായുള്ള പുസ്തകമാണിത്. സമുദായത്തെ വേദനിപ്പിക്കാൻ തക്കവണ്ണമുള്ള പരാമർശങ്ങൾ പുസ്തകത്തിലില്ല. പിന്നെ എങ്ങിനെ ഊരുവിലക്ക് എന്നത് എനിക്ക് മനസിലാകുന്നില്ല.
ഇനി എന്താണ് ചെയ്യാൻ കഴിയുക? ഏകാധ്യാപക വിദ്യാലയത്തിന്റെ അവസ്ഥ എന്ത്?
ചിന്ന തമ്പി രോഗിയാണ്. പ്രഷർ കാരണമുള്ള പ്രശ്നങ്ങൾ ചിന്ന തമ്പിയെ ഇപ്പോൾ തന്നെ അലട്ടുന്നുണ്ട്. വിദ്യാലയം ഊരിലെ കുട്ടികൾക്ക് വേണ്ടിയുള്ളതാണ്. വിലക്ക് കാരണം വിദ്യാലയം പ്രവർത്തിക്കുന്നില്ല. ലൈബ്രറിയുടെ അവസ്ഥയും തീരെ പരിതാപകരമാണ്.
മുഖ്യമന്ത്രി എന്തുകൊണ്ട് കാണാനുള്ള അനുമതി നിഷേധിക്കുന്നു?
മാവോയിസ്റ്റ് ഭീഷണി കാരണം ഇപ്പോൾ കാണാൻ കഴിയില്ലാ എന്നാണ് മുഖ്യമന്ത്രിയുമായി ബന്ധപ്പെട്ട വൃത്തങ്ങൾ പറഞ്ഞത്. പട്ടികജാതി വകുപ്പ് മന്ത്രിയായ എ.കെ.ബാലനെ നേരിട്ട് കാണാനാണ് മുഖ്യമന്ത്രിയുടെ ഓഫീസ് പറഞ്ഞത്. പരാതി പക്ഷെ ഫയലിൽ സ്വീകരിച്ചു. മന്ത്രി എ.കെ.ബാലനെ നേരിട്ട് കണ്ടിരുന്നു. കാര്യങ്ങൾ വിശദീകരിച്ചു. പക്ഷെ പരിഹാരം ആയില്ല. ദേവികുളം എംഎൽഎ എസ്.രാജേന്ദ്രനെ ഇതിനുവേണ്ടി ചുമതലപ്പെടുത്താം എന്നാണ് പറഞ്ഞത്. താത്കാലിക പരിഹാരമല്ല വേണ്ടത്. ഇത്തരം ഊരുവിലക്കുകൾ കേരളത്തിൽ വരരുത്. ആ രീതിയിൽ പ്രശ്ന പരിഹാരം വേണം. ഇനി ഒരു മണിയമ്മയും ഒരു ചിന്ന തമ്പിയും ഉണ്ടാകരുത്. നിയമപരമായി ഊരുവിലക്ക് നിരോധിക്കപ്പെടണം. ഒരു ചിന്ന തമ്പിയെയോ മണിയമ്മയെയോ അവിടെ കേറി കിടത്തിയതുകൊണ്ട് നവോത്ഥാന കേരളം ആകുന്നില്ല. ചിന്ന തമ്പിയും ഭാര്യയ്ക്കും ഊരിൽ താമസിക്കാനുള്ള അവസരം ഒരുക്കി നല്കണം. അനാചാരം ആ സമൂഹത്തിൽ നിന്ന് ഇല്ലാതാകണം. അതാണ് ഞങ്ങൾക്ക് വേണ്ടത്. അതിനു മുഖ്യമന്ത്രി ഇടപെടണം. എത്രയും വേഗമുള്ള ഇടപെടൽ ആണ് അതിനു ആവശ്യം.
ചിന്നതമ്പിക്കും ഭാര്യയ്ക്കും പോകാൻ ഒരു ഇടവുമില്ല. നാട്ടിലേക്ക് പോകാൻ കഴിയില്ല. ഇവിടെ കൂടുതൽ തങ്ങാനും കഴിയില്ല. ഊരുവിലക്ക് പോകാതെ ഊരിൽ പോകാൻ കഴിയില്ല. ജീവിക്കാൻ വേറെ മാർഗവുമില്ല. ഇവർ ഇപ്പോൾ തിരുവനന്തപുരത്ത് കഴിയുകയാണ്. ചില സുഹൃത്തുക്കളുണ്ട്. അവരുടെ സഹായത്തോടെയാണ് ഇവർ ഇവിടെ കഴിയുന്നത്. രോഗികൾ ആണ്. പ്രായവുമുണ്ട്. അവർ എന്ത് ചെയ്യും എന്നാണ് ചോദ്യം ഉയരുന്നത്. പരിഹാരം ഉണ്ടായിട്ടില്ലെങ്കിൽ അവർ ഇവിടെ കിടന്നു മരിക്കും. അല്ലാതെ വേറെ ഗതിയില്ല. എല്ലാവരും വന്നു തല്ലിക്കൊല്ലും എന്നാണ് ഇടമലക്കുടി പഞ്ചായത്ത് പ്രസിഡന്റ് തന്നെ പറഞ്ഞത്. ഇതാണ് ചിന്നതമ്പി പറഞ്ഞത്. ജീവനിൽ പേടിയുണ്ട്. വധഭീഷണിയുമുണ്ട്. ചിന്നതമ്പിയോട് ഭാര്യ പറഞ്ഞത് നമുക്ക് ആത്മഹത്യ ചെയ്യാം എന്നാണു പറഞ്ഞത്. അത്ര വലിയ പ്രശ്നങ്ങളാണ് ഇവർ അഭിമുഖീകരിക്കുന്നത്. തിരികെ പോകാൻ കഴിയാത്ത അവസ്ഥയിലാണ്. മുഖ്യമന്ത്രിക്ക് നൽകിയ പരാതിയിലും ഈ കാര്യം പറഞ്ഞിട്ടുണ്ട്. മുതുവാൻ സമുദായം താമസിക്കുന്ന ഒരു ഊരിൽ പോലും ഇവർക്ക് പോകാൻ കഴിയില്ല-മുരളീധരൻ പറയുന്നു.
- TODAY
- LAST WEEK
- LAST MONTH
- തൃശൂരിൽ ഗോവിന്ദൻ മാസ്റ്ററുടെ യാത്ര നടക്കുമ്പോൾ പ്രമുഖനായിട്ടുള്ള നേതാവ് ശോഭാ സുരേന്ദ്രനെ കാണാൻ എന്തിനാണ് രാമനിലയത്തിലെ മുറിയിൽ വന്നതെന്ന് നന്ദകുമാർ വെളിപ്പെടുത്തണം; അവസാന ഘട്ടത്തിൽ ശോഭാ സുരേന്ദ്രന്റെ പൊട്ടിത്തെറിയിൽ പുറത്തു വരുന്നത് വമ്പൻ അട്ടിമറി നീക്കം; ദല്ലാൾ ആര് പേര് പറയുമോ?
- സീതാമഡി ഗ്രാമത്തിന്റെ സ്വന്തം 'കായംകുളം കൊച്ചുണ്ണി'; ഗ്രാമത്തിലെ 7 ടാറിട്ട റോഡുകൾ ഇർഫാന്റെ വക; മോഷണത്തിന് പിടിക്കപ്പെട്ടാൽ ജാമ്യത്തിലിറങ്ങി വീണ്ടും മോഷണം പതിവുശൈലി; ലക്ഷ്യം വെക്കുന്നത് വിഐപികളെ മാത്രം; ഇർഫാൻ കേരളാ പൊലീസ് വലയിലായത് ഭാര്യയെ എംഎൽഎയാക്കാൻ തയ്യാറെടുക്കവേ
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- തലപ്പാക്കട്ടി മട്ടൻ ബിരിയാണി ശാപ്പിട്ട ശേഷം ആളുകൾ ഉറങ്ങാൻ കാത്തിരുന്നു; ജോഷിയുടെ വീട്ടിൽ മോഷണത്തിന് മുമ്പും ശേഷവും വേഷം മാറി പൊലീസിനെ കബളിപ്പിക്കൽ; നിർണായകമായത് ഒരു സിസി ടിവിയും; 'ബിഹാറി റോബിൻഹുഡിന് ' വേണ്ടി വന്നത് ഒരു സ്ക്രൂഡ്രൈവർ മാത്രവും
- മകളുടെ കൂടെ താമസിക്കാനെത്തിയ ശേഷം കൊച്ചുമകളെ പീഡിപ്പിച്ചു; സംഭവം പുറത്തറിയുന്നത് കുട്ടിയുടെ സ്വഭാവത്തിലെ മാറ്റം കണ്ട് മാതാവ് കൗൺസിലിങ് നൽകിയതോടെ: 72കാരന് ഇരുപത് വർഷം തടവും നാലു ലക്ഷം രൂപ പിഴയും
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- രണ്ട് മക്കളുള്ള റോസമ്മയെ ഏറെനാൾ മുമ്പ് ഭർത്താവ് ഉപേക്ഷിച്ചു പോയത്; താമസിച്ചിരുന്നത് സഹോദരന്റെ ബെന്നിക്കൊപ്പം; ദല്ലാൾ മുഖാന്തിരം വിവാഹം ശരിയായത് മുതൽ ബെന്നി ഉടക്കിൽ; മെയ് ഒന്നിന് രണ്ടാം വിവാഹം നടക്കാനിരിക്കേ അരുംകൊല; നടുക്കത്തോടെ പൂങ്കാവ് ഗ്രാമം
- എട്ടു സെന്റ് വസ്തു വാങ്ങാമെന്ന് ഉറപ്പ് പറഞ്ഞപ്പോൾ 10ലക്ഷം അഡ്വാൻസായി വാങ്ങി; പൊതിഞ്ഞ് 10ലക്ഷം തന്നപ്പോൾ വേണ്ടെന്ന് പറഞ്ഞു; അക്കൗണ്ടിലേക്ക് നിക്ഷേപിച്ച പണം തിരികെ നൽകാത്തത് വസ്തു വാങ്ങാതെ പറ്റിച്ചതിനാൽ; പിണറായിയ്ക്കൊപ്പം തലപ്പൊക്കമുള്ള നേതാവ് ബിജെപിയിൽ ചേരാനെത്തി; ആഞ്ഞടിച്ച് ശോഭാ സുരേന്ദ്രൻ
- 'പിണറായി വിജയൻ ഉടൻ അറസ്റ്റിലാകും, ദിവസങ്ങൾക്കകം അത് സംഭവിക്കും'; അപ്പോൾ രാഹുൽ ഗാന്ധി പിന്തുണയ്ക്കരുതെന്ന് ഹിമന്ത ബിശ്വ ശർമ്മ; അരവിന്ദ് കെജ്രിവാളിനെതിരെ നടപടി വേണമെന്ന് ആവശ്യപ്പെട്ടത് രാഹുൽ ഗാന്ധിയായിരുന്നു; കെജ്രിവാൾ അറസ്റ്റിലായപ്പോൾ രാഹുൽ ഗാന്ധി നിലപാട് മാറ്റിയെന്നും അസം മുഖ്യമന്ത്രി
- കോൺഗ്രസ് സ്ഥാനാർത്ഥി മുങ്ങി; എട്ട് സ്ഥാനാർത്ഥികളെ കൊണ്ട് പത്രിക പിൻവലിപ്പിച്ച് ബിജെപിയുടെ കളി; കോൺഗ്രസിനെ വഞ്ചിച്ച നിലേഷ് കുംഭാണി ബിജെപിയിൽ ചേർന്നേക്കും; സൂററ്റിൽ ഓപ്പറേഷൻ താമര വിജയിച്ചതോടെ തിരഞ്ഞെടുപ്പ് റദ്ദാക്കണമെന്ന് ആവശ്യപ്പെട്ട് കോൺഗ്രസ്
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സ്വന്തം വിവാഹത്തിന് അടിച്ചു പിമ്പിരിയായി എത്തി വരൻ; കാൽ നിലത്ത് ഉറയ്ക്കാത്ത വരെ കാറിൽ നിന്നും ഇറക്കിയത് ബന്ധുക്കൾ; വിവാഹം നടത്താനെത്തിയ വൈദികനോടും മോശം പെരുമാറ്റം; പൊലീസിനോടും തട്ടിക്കയറി വിദേശത്തു നിന്നെത്തിയ വരൻ: കല്ല്യാണത്തിൽ നിന്നും പിന്മാറി വധു
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്