തോരാ മഴയത്ത് പെയ്ത് തീരാതെ അമ്മകണ്ണീർ; അടക്കി പിടിച്ച സങ്കടപെരുമഴ നെഞ്ചുപൊട്ടിച്ച് പിതൃവാൽസല്യം; ബ്രിട്ടനിലെ അഭിഷേകാഗ്നി കൺവെൻഷനിൽ പങ്കെടുക്കാൻ പോകവേ സ്വന്തം പിതാവിന്റെ വാഹനം ഇടിച്ചു മരിച്ച രണ്ടുവയസുകാരിയെ യാത്ര അയക്കാൻ എത്തിയവരും പൊട്ടിക്കരഞ്ഞത് ഇങ്ങനെ
ആ കണ്ണുനീർ ആർക്കും തുടയ്ക്കാൻ ആവുമായിരുന്നില്ല. സ്വർഗത്തിലേയ്ക്ക് പൊന്നുമകൾ പോയത് വിശ്വസിക്കാനാവാതെ നെഞ്ചുപൊട്ടുകയായിരുന്ന ഒരമ്മയുടെ കണ്ണീർ. ഭ്രാന്തിയെ പോലെ ജോമിലി പൊട്ടികരയുമ്പോൾ യഥാർത്ഥത്തിൽ ഭ്രാന്ത് പിടിച്ചത് ആ കാഴ്ച കണ്ടുനിന്ന നിസ്സഹായരായ ആയിരങ്ങൾക്കായിരുന്നു. മകളുടെ നെറ്റിയിലേയ്ക്ക് പിന്നെയും പിന്നെയും മുത്തം കൊടുത്ത് പൊട്ടി കരയുമ്പോഴും മൃതദേഹം എടുക്കുമ്പോൾ ഭ്രാന്തിയെ പോലെ ഓടി നടക്കുമ്പോഴും ജോമിലി ഒന്നും അറിയുന്നില്ലായിരുന്നു. സ്നേഹം പ്രതിബന്ധം ആയിരുന്നില്ല എന്ന ബൈബിളിലെ വാക്യം പോലെ അവൾ ഒരു മാസ്മരിക ലോകത്തായിരുന്നു. സ്നേഹത്തിന്റെയും ഭയത്തിന്റെയും മാസ്മരിക ലോകത്ത്. അത് കണ്ട് നിൽക്കാൻ വിധിക്കപ്പെട്ടവർ ഭ്രാന്തോടെ വിതുമ്പി കരഞ്ഞു. നിയന്ത്രണം വിട്ടു പൊട്ടി കരഞ്ഞു.
തൊട്ടടുത്ത് ഒരു കടലോളം സങ്കടം നെഞ്ചിൽ ഒളിപ്പിച്ച് എവ്ലിന്റെ പിതാവ് സെൽജിയും ഉണ്ടായിരുന്നു. വിട്ടുപോയ പുന്നാരമകളുടെ നെറ്റിയിലേയ്ക്ക് സ്നേഹം ഒഴിച്ച് കൊടുത്ത് ആർത്ത് പെയ്യാൻ വിതുമ്പുന്ന മഴ പോലെ ആ പിതൃ വാത്സല്യം നിന്നു. ആ കണ്ണുകൾക്കും ചുറ്റുമുള്ള കാഴ്ചകൾ കാണാൻ സാധിക്കുമായിരുന്നില്ല. അവർക്ക് ചുറ്റും അപ്പോൾ ആരുമുണ്ടായിരുന്നില്ല. എല്ലാം നഷ്ടപ്പെട്ടവന് ദൈവം മാത്രം പ്രതീക്ഷ നൽകുന്ന അപൂർവ്വമായ അവസ്ഥ. വിതുമ്പാത്ത ഒരു മുഖവും ആൾക്കൂട്ടത്തിൽ ഇല്ലായിരുന്നു. കണ്ണുനീർ ഒലിക്കാത്ത ഒരു മനുഷ്യനും ആ കാഴ്ചയിൽ എത്തിയില്ല. അത്ര ഭീതിതമായിരുന്നു ഈ യാത്രയയപ്പ്.
കഴിഞ്ഞ ഒരാഴ്ചയായി ജോമിലിയുടെ കണ്ണുകൾ ഉറവ വറ്റിയിട്ടില്ല. ആറ്റുനോറ്റുണ്ടായ കുഞ്ഞോമനയെ വിധി ആരും പ്രിതീക്ഷിക്കാത്ത സാഹചര്യത്തിൽ, ഒരിക്കലും മറക്കാൻ പറ്റാത്ത വിധം തട്ടിയെടുത്തത് ഇനിയും ഈ അമ്മയ്ക്ക് ഉൾക്കൊള്ളാൻ കഴിഞ്ഞിട്ടില്ല. കഴിഞ്ഞ ശനിയാഴ്ച ബ്രിട്ടനിലെ നോട്ടിങ്ങ്ഹാമിൽ ഫാ. സേവ്യർഖാൻ വട്ടായിൽ നയിച്ച അഭിഷേകാഗ്നി കൺവെൻഷനിൽ പങ്കെടുക്കാൻ മാതാപിതാക്കളൊടൊപ്പം എത്തി സ്വന്തം പിതാവിന്റെ കാർ തട്ടി മരിച്ച മകളുടെ മുഖം ഒരിക്കൽ കൂടി നോക്കാൻ ത്രാണി ഇല്ലാതെ വഴിയരികിൽ തളർന്നു വീണ ജോമിലി ഇന്നലെ സംസ്കാര ചടങ്ങുകൾക്കിടയിൽ പലകുറി ദുഃഖം താങ്ങാനാവാതെ തളർന്ന് ഇരുന്നത് വേദന നിറഞ്ഞ കാഴ്ചയായി.
ഉമ്മകൾ ആവോളം നൽകിയിട്ടും കൊതി തീരാത്തതുപോലെ ആ അമ്മ ശവമഞ്ചത്തിൽ കെട്ടിപ്പിടിച്ചപ്പോൾ പള്ളി ഹാളിലെ ഓരോ അമ്മ മനവും ഇടനെഞ്ച് പൊട്ടി ഓരോ സങ്കടകടലുകൾ സൃഷ്ടിക്കുകയായിരുന്നു. പലരുടെയും കണ്ണുകൾ തെരുതെരെ തിരുമ്മി ചെഞ്ചായം പൂശിയതുപോലെയായി. 'പൊന്നുമോളേ നീയീ അമ്മയുടെ വിളി കേൾക്കുന്നില്ലേ' എന്ന ജോമിലിയുടെ ദീന രോദനം കേൾക്കാതിരിക്കാൻ കാതുകൾ ഇല്ലാതായിരുന്നെങ്കിൽ എന്ന് ആശിക്കുന്ന നിമിഷങ്ങളായിരുന്നു പിറന്നുവീണത്.
അമ്മയുടെ കുഞ്ഞാവേ... അമ്മയെ ഇട്ടിട്ട് പോകുവാണോടാ.. കാന്താരീന്ന് ഇനി അമ്മ ആരെ വിളിക്കും.. അമ്മയുടെ സുന്ദരിക്കുട്ടിക്ക് അമ്മ പൊട്ടുതൊട്ട് തരട്ടെ... പൊട്ടിക്കരഞ്ഞുകൊണ്ട് ജോമിലി ചങ്കുപൊട്ടി കരഞ്ഞപ്പോൾ ആശ്വസിപ്പിക്കാൻ ആർക്കും കഴിഞ്ഞില്ല. മകളുടെ മുഖത്ത് തലോടി ഒരു പിതാവ് അന്ത്യയാത്ര നല്കിയപ്പോഴും ആരും ഒന്നും മിണ്ടിയില്ല. സംസ്കാര ശുശ്രൂഷകൾ നടന്ന സെന്റ് മേരീസ് പള്ളിയിലേയ്ക്ക് ആർത്തലച്ചെത്തിയ ജനസാഗരങ്ങൾ പകരം വയ്ക്കാനില്ലാത്ത ഈ കണ്ണുനീരിന് മുമ്പിൽ നിശ്ചലരായി നിൽക്കുകയായിരുന്നു. യുകെ മലയാളികളിൽ ഇന്നേവരെ കണ്ടിട്ടില്ലാത്ത വാത്സല്യമൊഴുകിയാണ് വളരെ കുറച്ച് മലയാളികൾ മാത്രം തിങ്ങി പാർക്കുന്ന ഒരു നാട് ആ മാലാഖ കുഞ്ഞിന് യാത്രയയപ്പ് നല്കിയത്.
വെറും രണ്ടര വർഷത്തെ സൗഭാഗ്യം മാത്രമായി തനിക്കു മുന്നിൽ എത്തിയ പിഞ്ചോമനയെ തട്ടിയെടുക്കാൻ വിധി എത്ര ക്രൂരമായാണ് കാത്തിരുന്നത് എന്ന് ഓർമ്മിപ്പിക്കുകയായിരുന്നു ജോമിലിയുടെ ഹൃദയഭിത്തികൾ തകർത്ത് ആർത്തലച്ച് എത്തിയ ഓരോ വിലാപവും. ഈ സമയമത്രയും അമ്മയെന്തിനാ ഇങ്ങനെ പൊട്ടിപ്പൊട്ടികരയുന്നത് എന്ന ഭാവത്തിൽ കുഞ്ഞനുജത്തിയുടെ വിറങ്ങലിച്ച ശരീരത്തിന് കാവലെന്ന പോലെ നിന്ന കൊച്ചു സഹോദരങ്ങൾ ആരിലും ഹൃദയതാളം തെറ്റിക്കാൻ പോന്ന കാഴ്ചയായി. അമ്മയ്ക്കു പിന്നാലെ സഹോദരങ്ങളും ചുംബന മലരുകൾ അർപ്പിച്ചതോടെ പിതാവ് സെൽജിയുടെ ഊഴമായി. എത്ര തഴുകിയിട്ടും മതി വരാത്തതുപോലെ വീണ്ടും വീണ്ടും എവ്ലിന്റെ കുഞ്ഞിക്കാലുകൾ തഴുകി കൊണ്ടിരുന്ന സെജിൽ സ്വയം നിയന്ത്രണം നഷ്ടമാകാതെ സകല സമ്മർദ്ദങ്ങളെയും അതിജീവിക്കുകയായിരുന്നു. ആരും കാണാതെ തന്റെ മാത്രം ലോകത്തിൽ ആവോളം കരഞ്ഞ് തീർക്കാൻ എത്രയോ രാപ്പകലുകൾ തനിക്കായുണ്ട് എന്ന മട്ടിലായിരുന്നു ആ വ്രണിത പിതൃ ഹൃദയം കുഞ്ഞുമകളോട് മൗനമായി മന്ത്രിച്ചു കൊണ്ടിരുന്നത്.
യുകെ മലയാളികൾക്കിടയിലെ ഏറ്റവും വലിയ ജനക്കൂട്ടം പങ്കെടുത്ത ശവസംസ്കാര ചടങ്ങ് എന്ന നിലയിൽ പരിഗണിക്കുമ്പോഴും കരളുറപ്പുള്ളവർ ആരെങ്കിലും അവിടെ എത്തിയിരുന്നോ എന്ന് സംശയമാണ്. കണ്ണീൽ ഊറിക്കൂടിയ നനവ് ആരും കാണാതെ തുടച്ചു മാറ്റിയിരുന്ന പുരുഷന്മാർ പോലും മിക്കപ്പോഴും ജോമിലിയെ നോക്കുവാൻ അധൈര്യപ്പെട്ടു. റോസപ്പൂക്കൾ വലയം ചെയ്തിരുന്ന എവ്ലിന്റെ കുരുന്ന് വദനവും കാഴ്ചയായി മനസിൽ നിറയ്ക്കാൻ പലരും അധൈര്യപ്പെടുന്നതുപോലെ തോന്നി. ഇക്കാരണത്താൽ തന്നെയാകാം, എവ്ലിനെ സംസ്കരിച്ച കുഴിമാടത്തിനരികെ എത്താൻ തയ്യാറാകാതെയും പലരും പ്രാർത്ഥന കഴിഞ്ഞ ശേഷം മടങ്ങുകയായിരുന്നു. ആ കുഞ്ഞോമനയെ പ്രകൃതി ഏറ്റുവാങ്ങുന്ന ദൃശ്യം കണ്ടുനിൽക്കാൻ കഴിയില്ലെന്ന് വ്യക്തമാക്കുന്നതായിരുന്നു പ്രാർത്ഥന ചടങ്ങുകളിൽ ഉടനീളം തലകുനിച്ച് നിന്ന പുരുഷത്വത്തിന്റെ മനോവിചാരം.
ഫാ. സേവ്യർഖാൻ വട്ടായിൽ ഉൾപെടെയുള്ള പ്രമുഖ വൈദികരൊക്കെ എവ്ലിൻ മോളുടെ സംസ്കാരചടങ്ങിൽ പങ്കെടുത്തു. കഴിഞ്ഞ ശനിയാഴ്ച കാർ അപകടത്തിൽ മരിച്ച എവ്ലിന്റെ മൃതദേഹം നടപടിക്രമങ്ങൾ ഒക്കെ പൂർത്തിയാക്കി ഫ്യുണറൽ ഡയറക്ടേർസ് ഏറ്റെടുത്തിരുന്നു. ഇന്നലെ രാവിലെ മൃതദേഹവുമായി ഫ്യുണറൽ ഡയറക്ടേർസ് എത്തിയപ്പോൾ തന്നെ ഹൃദയം തകർന്ന വേദനയോടെ അമ്മ ജോമിലി വിലപിക്കുകയായിരുന്നു. എന്റെ കാത്തുമോളെ എന്ന വിളിയോടെയാണ് അമ്മ ആദ്യം ഓടിയെത്തിയത്. ഒരു ഭ്രാന്തിയെ പോലെ നിലത്തിരുന്നു ആ അമ്മ നിലവിളിച്ചു. തുടർന്ന് ബന്ധുക്കൾ ഭവനത്തിൽ എവ്ലിൻ മോളുടെ ഭൗതിക ശരീരം സ്വീകരിച്ചതോടെ വീട്ടിലെ വിടവാങ്ങൽ ശുശ്രൂഷയ്ക്ക് തുടക്കമായി. തങ്ങളുടെ കുഞ്ഞനുജത്തിയെ നഷ്ടമായ വേദനയിൽ ജെറിക്കും ജെർമിയും തേങ്ങികൊണ്ടിരുന്നു. ഹൃദയം നുറുങ്ങുന്ന വേദനയോടെ പിതാവ് സെൽജി മകളെ തലോടികൊണ്ടിരുന്നു. എവ്ലിന്മോൾ അപ്പോൾ ഒന്നും അറിയാതെ തന്റെ പാവക്കുട്ടിയെ ചേർത്ത്പിടിച്ച് കൈയിൽ ജപമാലയും റോസാപ്പൂവും പിടിച്ച് ശാന്തമായി ഉറങ്ങുകയായിരുന്നു.
തുടർന്ന് കളിചിരികളുമായി കൊഞ്ചിനടന്ന പ്രിയ ഭവനത്തോട് വിട പറഞ്ഞ് സംസ്കാരശുശ്രൂഷകൾ നടക്കുന്ന സെന്റ് മേരീസ് ദേവാലയത്തിലേയ്ക്ക് എവ്ലിൻ മോളുടെ ശരീരം കൊണ്ടുപോയി. പത്ത് മണിക്ക് ദേവാലയകവാടത്തിൽ തിരുവസ്ത്രങ്ങൾ അണിഞ്ഞെത്തിയ വൈദികർ ചേർന്ന് പ്രാർത്ഥനയോടെ സ്വീകരിച്ച് അൾത്താരയ്ക്ക് മുന്നിലായി പ്രതിഷ്ഠിച്ചു. പത്തു മുതൽ 11 വരെ യുകെയിലെ മലയാളി സമൂഹത്തിന് അന്ത്യയാത്രാമൊഴി അർപ്പിക്കാനുള്ള അവസരം ആയിരുന്നു. 10.55ന് റവ. ഡോ. ലോനപ്പൻ അരങ്ങാശേരിയുടെ നേതൃത്വത്തിൽ പന്ത്രണ്ടോളം വൈദികർ പ്രദക്ഷിണമായി അൾത്താരയിലേയ്ക്ക് എത്തി. ലോനപ്പൻ അച്ചന്റെ ആമുഖ പ്രഭാഷണത്തെ തുടർന്ന് കുഞ്ഞ് മാലാഖയുടെ ആത്മശാന്തിക്കായുള്ള സമൂഹബലിക്ക് തുടക്കമായി. ഇതേസമയം ദേവാലയവും പരിസരവും ജനനിബിഡമായിരുന്നു. അനുസ്മരണപ്രഭാഷണങ്ങളെ തുടർന്ന് സമൂഹത്തിന്റെ നാനാ തുറകളിൽ പെട്ടവർ കുഞ്ഞുമോളുടെ ഭൗതികശരീരത്തിൽ അന്ത്യോപചാരം അർപ്പിച്ചു. തിരുകർമ്മങ്ങളെ തുടർന്ന് തന്റെ പ്രിയ ദേവാലയത്തോട് വിടപറഞ്ഞ് സെന്റ് പീറ്റേഴ്സ് ദേവാലയത്തിലേക്ക് എവ്ലിൻ മോളുടെ മൃതശരീരം കൊണ്ടുപോയി.
ഇതേസമയം പൊലീസ് ഗതാഗതം പൂർണമായും നിരോധിച്ച് മൃതദേഹം കടന്നുപോകാൻ വഴിയൊരുക്കിയിരുന്നു. റെഡ് ലൈറ്റുകളും റൗണ്ട് എബൗട്ടുകളും എല്ലാം പൊലീസ് വാഹനം ഉപയോഗിച്ച് ഗതാഗതം തടസപെടുത്തി മൃതദേഹം കടന്ന് പോകാൻ അവസരം ഒരുക്കി. നൂറുകണക്കിന് വാഹനങ്ങൾ മൃതദേഹത്തിന് അകമ്പടി സേവിച്ചു. ഒരു മണികഴിഞ്ഞതോടെ മൃതദേഹം സെന്റ് പീറ്റേഴ്സ് ദേവാലയത്തിലെ സെമിത്തേരിയിൽ എത്തിച്ചേർന്നു. സെന്റ് മേരീസ് പള്ളി വികാരി ഫാ. ജെറോമും, സെന്റ് പീറ്റേഴ്സ് ആഗ്ലിക്കൻ ചർച്ച് വികാരിയും ചേർന്ന് നടത്തിയ പ്രാർത്ഥനയെ തുടർന്ന് റവ. ഡോ. ലോനപ്പൻ അരങ്ങാശ്ശേരിയുടെ അവസാനഘട്ട ശുശ്രൂഷകളിലേയ്ക്ക് കടന്നു. തുടർന്ന് എവ്ലിൻ മോളുടെ ഭൗതിക ശരീരം മണ്ണിലേയ്ക്ക് അലിഞ്ഞു. ഇതേ സമയം കുട്ടികൾ വെള്ള ബലൂണുകൾ ആകാശത്തിലേയ്ക്ക് ഉയർത്തിവിട്ടു. ഇപ്പോൾ സ്വർഗ്ഗത്തിൽ ഇരുന്ന് കൊച്ചു മാലാഖ ആയി എവ്ലിൻ പുഞ്ചിരിക്കുന്നുണ്ടാവും.
ഇക്കഴിഞ്ഞ ശനിയാഴ്ചയാണ് ബ്രിട്ടനിലെ നോട്ടിങ്ഹാം അരീനയ്ക്ക് സമീപം ബോലെറോ സ്ക്വയറിലുണ്ടായ കാർ അപകടത്തിൽ കൂത്താട്ടുകുളം സ്വദേശികളായ സെൽജിയുടെയും ജോമിലിയുടെയും ഇളയ മകളായ രണ്ടരവയസുകാരി എവ്ലിൻ മരിയ സെൽജി ജീവൻ വെടിഞ്ഞത്. നോട്ടിങ്ങ്ഹാമിൽ നടന്ന അഭിഷേകാഗ്നി കൺവെൻഷനിൽ പങ്കെടുക്കാൻ മാതാപിതാക്കളോടൊപ്പം എത്തിയപ്പോഴാണ് വിധി കാർ അപകടത്തിന്റെ രൂപത്തിൽ എവ്ലിന്റെ ജീവൻ തട്ടിയെടുത്തത്.ശനിയാഴ്ച രാവിലെ എട്ടരയോട് കൂടിയാണ് യുകെ മലയാളികളെ മുഴുവൻ കണ്ണീരിലാഴ്ത്തിയ ദുരന്തം അരങ്ങേറിയത്. വട്ടായിലച്ചൻ നയിച്ച അഭിഷേകാഗ്നി ധ്യാനത്തിനായി നോട്ടിങ്ങ്ഹാം എഫ്എം അരീനയിലേക്ക് ഉദ്ദേശിച്ചതിലും അൽപ്പം വൈകി കുടുംബ സമേതമെത്തിയതായിരുന്നു സെൽജിയുടെ കുടുംബം. കുടുംബത്തെ അരീനയ്ക്ക് സമീപമുള്ള ബൊലെറൊ സ്ക്വയറിൽ ഇറക്കിയ ശേഷം പാർക്ക് ചെയ്യാനായി പിന്നോട്ടെടുത്തപ്പോഴാണ് എവ്ലിൻ കാറിനടിയിൽപെട്ടത്. അമ്മയുടെ കൈയിൽ നിന്നും ഇറങ്ങി ഓടിയ കുഞ്ഞ് കാറിനടിയിൽപെടുകയായിരുന്നു.
നിലവിളിയോടെ എവ്ലിന്റെ അമ്മ കുഞ്ഞിനെ വാരിയെടുത്തെങ്കിലും കുഞ്ഞിന് അനക്കമില്ലായിരുന്നെന്നാണ് സൂചന. ഞൊടിയിടയിൽ തന്നെ പാഞ്ഞെത്തിയ പാരാമെഡിക്കൽ സംഘം കുഞ്ഞിന് പ്രഥമിക ശ്രുശ്രൂഷകൾ നല്കിയ ശേഷം നിമിഷ നേരം കൊണ്ട് കുഞ്ഞിനെ മെഡിക്കൽ സെന്ററിൽ എത്തിച്ചെങ്കിലും മരണം സംഭവിക്കുകയായിരുന്നു. സംഭവം കണ്ടവരും കേട്ടവരുമെല്ലാം കുഞ്ഞിന് ഒന്നും സംഭവിക്കരുതേയെന്ന് മനമുരുകി പ്രാർത്ഥിച്ചെങ്കിലും എല്ലാ പ്രാർത്ഥനകളും നിഷ്ഫലമാക്കി, ഡോക്ടർമാരുടെ സകല പ്രതീക്ഷകളും അസ്ഥാനത്താക്കി എവ്ലിന്റെ മരണം സംഭവിച്ചതായി രാത്രി ഏഴുമണിയോടെ സ്ഥിരീകരിക്കപ്പെടുകയായിരുന്നു. സെൽജിയുടെയും ജോമിലിയുടെയും ഏക മകളായിരുന്നു എവ്ലിൻ. ജെറിക്ക്, ജെർമിൽ എന്നിവരാണ് എവ്ലിന്റെ ജേഷ്ഠന്മാർ.
അതേസമയം കൺവെൻഷനിൽ പങ്കെടുക്കാനെത്തിയ കുഞ്ഞ് മരിച്ചെന്ന് അറിഞ്ഞിട്ടുപോലും കൺവെൻഷനിൽ സംബന്ധിച്ചിരുന്ന ആയിരക്കണക്കിന് ആൾക്കാരോട് പറയാതെ അഭിഷേകാഗ്നി സംഘാടകർ സംഭവം മറച്ചുവച്ചത്് വിവാദമായി മാറിയിരുന്നു. പലരും വീടുകളിലെത്തിയ ശേഷമാണ് വേദിയുടെ മുമ്പിൽ ഇത്രയും ദാരുണമായ ഒരു മരണം നടന്നുവെന്ന് അറിഞ്ഞത് പോലും. സംഘാടകർ കൺവെൻഷനിൽ ഇക്കാര്യം പറയാതിരുന്നതിലും ഒന്നിച്ച് പ്രാർത്ഥിക്കാൻ ആവശ്യപ്പെടാതിരുന്നതിനും കൺവെൻഷനിൽ പങ്കെടുത്തവരും അല്ലാത്തവരുമായവർ പ്രതിഷേധം സോഷ്യൽ മീഡിയയിൽ രേഖപ്പെടുത്തുകയായിരുന്നു. പലരും നിശിതമായി ധ്യാനത്തിന്റെ സംഘാടകരെ ഫേസ്ബുക്കിൽ വിമർശിച്ചാണ് രംഗത്തെത്തിയിരുന്നു.
Stories you may Like
- TODAY
- LAST WEEK
- LAST MONTH
- രാത്രിയിൽ മഠത്തിൽ വരവ് പഞ്ചവാദ്യം നടക്കുന്നതിനിടെ നടുവിലാൽ ഭാഗത്തു പൊലീസ് ബാരിക്കേഡ് വച്ച് എഴുന്നള്ളിപ്പ് തടഞ്ഞത് പ്രകോപനമായി; നടുവിലാലിലെ പൂരപ്പന്തലിന്റെ ലൈറ്റ് അണച്ചു തിരുവമ്പാടി ദേവസ്വം; ഇരുട്ടിന്റെ ഭംഗിയിൽ ഇത്തവണ പൂര വെടിക്കെട്ട് നടന്നില്ല; തൃശൂരിൽ നാടകീയതകൾ; പൂരത്തിലുണ്ടായത് ചരിത്രത്തിലെ ആദ്യ സംഭവം
- കള്ളനോട്ട് അച്ചടിച്ചത് എടിഎമ്മിലൂടെ മാറ്റിയെടുക്കാൻ; നിക്ഷേപിച്ച നോട്ടുകൾ മിഷിനുള്ളിലേക്ക് പോയപ്പോൾ അവർ തുള്ളിച്ചാടി; അമ്മയുടെ അക്കൗണ്ടിൽ പണം കാണിക്കാതെ വന്നപ്പോൾ ആശങ്കയും; പിന്നാലെ പൊലീസ് എത്തി ആ വിരുതന്മാരെ പൊക്കി; ആര്യാനാട്ടെ അറസ്റ്റിൽ തെളിയുന്നത് എടിഎമ്മിന്റെ മികവ്
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- തൃശൂർ പൂരപ്രേമികൾക്ക് വേദനയുടേയും നിരാശയുടേയും വെടിക്കെട്ട്; ഏഴരയോടെ പാറമേക്കാവ് തിരി കൊളുത്തി; എട്ടു മണിയോടെ തിരുവമ്പാടിയുടെ വെടിക്കെട്ടിനും അവസാനം; പൂര പറമ്പിൽ പൊലീസ് രാജെന്ന് ദേശക്കാർ; രാത്രിയിലെ ആകാശ വിസ്മയം ഇത്തവണ നടന്നില്ല; തൃശൂർ പൂരത്തിൽ ഉണ്ടായതെല്ലാം സമാനതകളില്ലാത്ത വിവാദങ്ങൾ
- പാസ് നൽകിയ പൊലീസ് തന്നെ പ്രവേശനം നിഷേധിച്ചു; പാറമേക്കാവിലെ തിടമ്പേറ്റിയ ആനയ്ക്ക് വെള്ളം കൊടുക്കാൻ ശ്രമിച്ച പൂജാരിയേയും തടഞ്ഞു; പൂര എഴുന്നള്ളിപ്പിലേക്ക് വാഹനങ്ങളും എത്തി; പൂരത്തിന്റെ സൗഹൃദാന്തരീക്ഷത്തിന് കോട്ടം വരുത്തിയത് പൊലീസോ? നടുവിലാലിലെ ബാരിക്കേഡിൽ പ്രശ്നത്തുടക്കം
- വെടിക്കെട്ട് കമ്മറ്റിക്കാരെ പോലും മൈതാനത്ത് അനുവദിക്കാത്ത കമ്മീഷണർ; തിരുവമ്പാടിയുടെ പ്രതിഷേധത്തിന് പിന്നാലെ ദേശക്കാരും കമ്മീഷണറും തമ്മിൽ തർക്കം; നായ്ക്കനാലിൽ ലാത്തി വീശൽ; പൊലീസിനെതിരെ ഗോ ബാക്ക് വിളികൾ; രാത്രിയിലെ പൂരക്കാഴ്ചകൾ വഴിതെറ്റിയ 2024; മഠത്തിൽ വരവ് നിർത്തിയത് സർക്കാരിനും തിരിച്ചടി
- കരുവന്നൂരിൽ നിക്ഷേപകർക്ക് പണം തിരികെ നൽകാൻ എങ്ങനെ ഇടപെടാനാകുമെന്ന് താൻ നിയമോപദേശം തേടിയിട്ടുണ്ടെന്ന് പ്രധാനമന്ത്രി; തൃശൂർ വിജയത്തിന് 'കരുവന്നൂർ ഫോർമുല'; രാഹുലിനെ കടന്നാക്രമിക്കാൻ വയനാട്ടിലേക്കുള്ള ഒളിച്ചോട്ടം; കേരളത്തിൽ അക്കൗണ്ട് തുറക്കാൻ അജണ്ട സെറ്റ് ചെയ്ത് മോദി
- രാത്രി വെടിക്കെട്ട് വേണ്ടെന്ന് വച്ചത് വേദനയിലാക്കിയത് പൂര പ്രേമികളെ; പൂരത്തിൽ അസാധാരണമാം വിധം പ്രതിസന്ധിയുണ്ടാക്കിയത് പൊലീസെന്ന് തിരുമ്പാടി ദേവസ്വം; അലങ്കാര പന്തലിലെ വെളിച്ചം തിരിച്ചെത്തിയിട്ടും ദേശക്കാർക്ക് ആവേശമില്ല; പൂരത്തിലെ 'രാത്രി വിസ്മയം' അട്ടിമറിച്ചത് പൊലീസോ?
- സഹോദരങ്ങളുടെ ഉടമസ്ഥതയിലുള്ള അസ്ഡ സൂപ്പർമാർക്കറ്റിന്റെ ഓഹരികൾ വിറ്റഴിക്കുന്നതിനുള്ള നീക്കവുമായി ഇളയ സഹോദരൻ സുബൈർ ഐസ്സ; മൂത്ത സഹോദരൻ മൊഹ്സീന്റെ മുൻ അക്കൗണ്ടന്റുമായുള്ള പ്രണയവും അസ്ഡയുടെ കടബാദ്ധ്യതകളും ഇന്ത്യൻ സഹോദരങ്ങളെ പരസ്പരം അകറ്റുമോ?
- രാജ്യദ്രോഹ പ്രവർത്തന ആരോപണം; മലയാളി ഗവേഷക വിദ്യാർത്ഥിയെ സസ്പെൻഡ് ചെയ്ത് മുംബൈയിലെ ടാറ്റ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസ്
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്