നാടുനന്നാക്കുന്നവർ എന്ന് മേനി നടിക്കുന്നവരുടെ കൂട്ടത്തല്ലും തെറിവിളിയും കണ്ട് മൂക്കത്ത് വിരൽവച്ച് മലപ്പുറംകാർ; സമ്മേളനത്തെ 'ദുരന്തമായി' വിശേഷിപ്പിച്ച് പത്രക്കാരുടെ പേക്കൂത്ത് നേരിട്ട് കണ്ടവർ; നാരായണന്റെ ധാർഷ്ട്യമാണ് എല്ലാത്തിനും കാരണമെന്ന് ഒരുവിഭാഗം; മൃഷ്ടാന്നം മദ്യവും ഭക്ഷണവും വിളമ്പി അഴിഞ്ഞാടുന്ന ഈ നാണംകെട്ട പരിപാടിയിലേക്ക് ഇനിയില്ലെന്ന് നിഷ്പക്ഷരും; പത്രപ്രവർത്തക യൂണിയൻ സംസ്ഥാന സമ്മേളനത്തിലെ കൂട്ടത്തല്ലിന്റെ ചിത്രങ്ങൾ മറുനാടന്
മറുനാടൻ മലയാളി ബ്യൂറോ
മലപ്പുറം: നാടുനന്നാക്കുന്നവർ എന്ന് മേനിനടിക്കുന്ന പത്രപ്രവർത്തകരുടെ തനിസ്വരൂപംകണ്ട് ഞെട്ടിയിരിക്കുകയാണ് മലപ്പുറംകാർ. പത്രപ്രവർത്തകരുടെ സംഘടനയായ കെയുഡബ്ള്യുജെയുടെ സംസ്ഥാന സമ്മേളനം ഇന്നലെ കൂട്ടത്തല്ലിലും പരസ്പരമുള്ള തെറിവിളിയിലും കലാശിച്ചതോടെ ഇവർ ഇത്തരക്കാരാണോ എന്ന് മുക്കത്ത് വിരൽവച്ചുപോയി നാട്ടുകാർ. രണ്ടുദിവസമായി മലപ്പുറം റോസ് ലോഞ്ചിൽ നടന്ന കേരള പത്രപ്രവർത്തക യൂണിയൻ സംസ്ഥാന സമ്മേളനമാണ് ഇക്കുറി അടിച്ചുപിരിഞ്ഞത്.
പ്രതിനിധി സമ്മേളനം രണ്ടാംദിവസം വൈകുന്നേരം ആയതോടെ ജനറൽ സെക്രട്ടറിയുടെ മറുപടി പ്രസംഗത്തിനിടെ തെറ്റായ പരാമർശങ്ങൾ നടത്തിയതിൽ പ്രതിഷേധിച്ച് ഒരു സംഘം അംഗങ്ങൾ വേദിയിൽ കയറി സെക്രട്ടറിയെ കൈകാര്യംചെയ്യുകയായിരുന്നു. ഇത് തടയാൻശ്രമിച്ചവർക്കും പൊതിരെ തല്ലുകിട്ടി. പിന്നീട് കൂട്ടയടിയും തെറിവിളിയുമായി സമ്മേളനം അലങ്കോലമാകുകയും ചെയ്തു. പത്തോളം പേർക്ക് പരിക്കേൽക്കുകയും സംഭവം കണ്ടുനിന്ന ഒരംഗം നെഞ്ചുവേദനയെ തുടർന്ന ്കുഴഞ്ഞുവീഴുകയും ചെയ്തിരുന്നു.
എല്ലാത്തിനും കാരണം യൂണിയൻ ജനറൽ സെക്രട്ടറി സി നാരായണന്റെ ധാർഷ്ട്യമാണെന്ന് ഒരു വിഭാഗം പത്രപ്രവർത്തകർ ആരോപിക്കുന്നു. ചില പ്രവർത്തകർ ഗുരുതരമായ അച്ചടക്ക ലംഘനം നടത്തിയെന്ന് ഏകപക്ഷീയമായി സെക്രട്ടറി പറഞ്ഞതോടെയാണ് പ്രശ്നങ്ങൾ തുടങ്ങിയതെന്നാണ് ആരോപണം. ഇതിന് മറുപടി നൽകി അംഗങ്ങൾ പ്രസംഗിച്ചതോടെ അവരെ പറയാൻ അനുവദിക്കാതെ തടയുകയായിരുന്നു.
മാത്രമല്ല, സെക്രട്ടറി അച്ചടക്കലംഘനമെന്ന് ചൂണ്ടിക്കാട്ടി റിപ്പോർട്ടിൽ പരാമർശിച്ചവരുടെ പേരുകളിൽ അന്വേഷണം പോലും നടന്നിരുന്നില്ല. ഇതിന് പുറമെ ഡൽഹി ഘടകവുമായി ബന്ധപ്പെട്ട് നടന്ന ഉയർന്ന അഴിമതി ആരോപണത്തിലും സീനിയർ പത്രപ്രവർത്തകൻ വി വി ബിനുവിന് എതിരെ ഒരു സംഘം ആസൂത്രിതമായി നടത്തിയ ജാതീയ അധിക്ഷേപത്തിലും കുറ്റക്കാരെ വെള്ളപൂശുന്ന നിലപാടാണ് നാരായണനും സംസ്ഥാന നേതൃത്വവും സ്വീകരിച്ചതെന്നാണ് ആക്ഷേപം. ഈ നിലപാട് നാരായണൻ സമ്മേളനത്തിലും തുടർന്നതോടെയാണ് ഇത് ചോദ്യംചെയ്ത് അംഗങ്ങളിൽ പലരും പ്രതിഷേധവുമായി എഴുന്നേറ്റതും പിന്നീട് തർക്കത്തിലേക്കും കൂട്ടത്തല്ലിലേക്കും കാര്യങ്ങൾ വഴിമാറിയതും.
അതേസമയം, സംഭവം വലിയ ചർച്ചയായിരിക്കുകയാണ് നാട്ടുകാർക്കിടയിലും സോഷ്യൽ മീഡിയയിലും. ലക്ഷങ്ങൾ അണികളുള്ള രാഷ്ട്രീയ നേതാക്കന്മാരുടെ ചെറിയ വീഴ്ചകൾപോലും വിചാരണ ചെയ്യുന്നവരുടെ തനിനിറം നേരിട്ടുകണ്ടതോടെയാണ് നാട്ടുകാരും ഞെട്ടിപ്പോയത്. സമ്മേളനം സമാപിച്ചെങ്കിലും അതിലുണ്ടായ പ്രശ്നങ്ങളും പത്രക്കാരുടെ പ്രകടനവും വലിയ ചർച്ചയുമായി. സമ്മേളനത്തിൽ പങ്കെടുത്ത നിഷ്പക്ഷരായ പ്രതിനിധികൾ പോലും ആകെ അമ്പരന്നാണ് ഇന്നലെയുണ്ടായ സംഭവങ്ങളോട് പ്രതികരിക്കുന്നത്. പലരും ഫേസ്ബുക്ക് പോസ്റ്റുമിട്ടു.
ഇവർ ഇത്തരക്കാരാണെന്ന് വിചാരിച്ചില്ലെന്ന് ചിലർ. മേലിൽ ഇത്തരം പരിപാടിയുമായി മലപ്പുറത്തേക്ക് വന്നുപോകരുതെന്ന് മറ്റുചിലർ. മലപ്പുറത്ത് പത്രക്കാരുടെ തമ്മിൽത്തല്ല് അറിഞ്ഞ് എത്തിയവരിൽ പലരും പ്രതികരിച്ചത് ഇങ്ങനെ. പ്രദേശത്തെ രാഷ്ട്രീയക്കാരെയും സാംസ്കാരിക പ്രവർത്തകരെയും അടക്കം ഉൾപ്പെടുത്തി രൂപീകരിച്ച സംഘാടക സമിതിയും ഇന്നലത്തെ സംഭവങ്ങൾ കണ്ട് അമ്പരന്നുപോയി.
നിരവധി സമ്മേളനങ്ങൾക്ക് സാക്ഷ്യം വഹിച്ച നാടാണ് മലപ്പുറം. ആതിഥേയരെ സ്വീകരിക്കുകയെന്നത് മലപ്പുറത്തുകാർക്കും ഹരമുള്ള കാര്യവുമാണ്. എന്നാൽ കഴിഞ്ഞ രണ്ട് ദിവസങ്ങളിലായി മലപ്പുറത്ത് നടന്ന പത്ര പ്രവർത്തക യൂണിയൻ (കെ.യു.ഡബ്ല്യു.ജെ) സംസ്ഥാന സമ്മേളനം സമാപിച്ചപ്പോൾ ഇങ്ങനൊരു സമ്മേളനം മലപ്പുറത്തിനി വേണ്ടെന്നാണ് നാട്ടുകാരും സംഘാടക സമിതിയും പറയുന്നത്. ലോകത്തുള്ള അനീതികളെല്ലാം എഴുതുകയും റിപ്പോർട്ട് ചെയ്യുകയും ചെയ്യുന്ന മാധ്യമ പ്രവർത്തകരുടെ സംസ്ഥാന സമ്മേളനം കൂട്ടത്തല്ലിനും തെറിവിളിക്കും വേദിയായി എന്നതിനാൽ ഇനി ഇങ്ങനെയൊരു പരിപാടിക്ക് ഈ വഴി വരേണ്ടെന്ന് നാട്ടുകാർ പറയുന്നു.
ആരെയും നാണിപ്പിക്കുന്നതായിരുന്നു മാതൃകയാകേണ്ട മാധ്യമ പ്രവർത്തകരുടെ തന്നെ സമ്മേളനത്തിൽ അരങ്ങേറിയത്. സമ്മേളനത്തിൽ പങ്കെടുത്ത വനിതാ മാധ്യമ പ്രവർത്തകർ അടക്കമുള്ളവരെയും സംഘാടകരേയും മാത്രമല്ല നാണിപ്പിച്ചത് സംഭവമറിഞ്ഞ് സ്ഥലത്തെത്തിയ നാട്ടുകാർ പോലും ഒരു വിഭാഗം മാധ്യമ പ്രവർത്തകരുടെ പേക്കൂത്ത് കണ്ട് മൂക്കത്ത് വിരൽ വെച്ചു പോയി.
മദ്യപിച്ച് അഴിഞ്ഞാടാനുള്ള ഇത്തരം വേദികളിലേക്ക് ഇനിയില്ല
'ഇങ്ങനെയൊരു സമ്മേളനത്തിൽ പങ്കെടുത്തതിൽ ലജ്ജിക്കുന്നു. ഇനിയേതായാലും ഈ കാർണിവലിലേക്ക് ഇല്ലെന്ന് വ്യക്തിപരമായ തീരുമാനം ഞാനെടുത്തുകഴിഞ്ഞു. സഹിക്കാവുന്നതിലും അപ്പുറമാണ് ഈ അനുഭവം. മദ്യപന്മാർക്കും അഴിഞ്ഞാട്ടക്കാർക്കും ക്രിമിനലുകൾക്കുമായി സംസ്ഥാന തലത്തിൽ കുടുംബ സംഗമങ്ങളോ അല്ലെങ്കിൽ മദ്യസൽക്കാരമോ ഫുഡ് ഫെസ്റ്റോ വേറെ നടത്തുന്നതാണ് നല്ലത്.' - സമ്മേളനത്തിൽ പങ്കെടുക്കേണ്ടി വന്ന ഒരു മുതിർന്ന മാധ്യമ പ്രവർത്തകന്റെ കുറിപ്പ് ഇങ്ങനെ ആയിരുന്നു. സമ്മേളനം ഇന്നലെ സമാപിച്ചെങ്കിലും ചർച്ചകൾക്ക് ഇതോടെ വീണ്ടും ചൂടുപിടിച്ചിരിക്കുകയാണ്. സമ്മേളനത്തിൽ മുഴുവൻ സമയം ചെലവിട്ട പ്രതാപ് ജീവിതത്തിലെ ദുരനുഭവമായാണ് ഇതിനെ വിശേഷിപ്പിച്ചത്. 'നിലനിൽപ്പ് സമരം' എന്ന പത്രപ്രവർത്തകരുടെ ഗ്രൂപ്പിലാണ് പ്രതാപ് തന്നെ സ്വന്തം പേരിൽ കുറിപ്പിട്ടത്. സംസ്ഥാന തലത്തിലെ പത്രപ്രവർത്തകരുടെ വാട്സ് ആപ്പ് കൂട്ടായ്മ കൂടിയാണിത്. പ്രതാപ് ഇട്ട പോസ്റ്റ് മിനുട്ടുകൾക്കുള്ളിൽ മറ്റ് ഗ്രൂപ്പുകളിലും വലിയ ചർച്ചയായിക്കഴിഞ്ഞു.
പ്രതാപിന്റെ കുറിപ്പ് ഇപ്രകാരം: പത്രപ്രവർത്തക യൂണിയൻ സംസ്ഥാന സമ്മേളനത്തിൽ രണ്ടുദിവസവും പൂർണമായി പങ്കെടുത്തു. കഴിഞ്ഞ വർഷം ഏറണാകുളത്തു നടന്ന സംസ്ഥാന സമ്മേളനത്തിലും പ്രതിനിധിയായി മുഴുവൻ സമയവും പങ്കെടുത്തിരുന്നു. ജീവിതത്തിലെ ദുരനുഭവങ്ങളിൽ ഒന്നായിരുന്നു, മലപ്പുറം സമ്മേളനത്തിലെ രണ്ടാം ദിനം. പ്രത്യേകിച്ചും ഉച്ചയ്ക്കുശേഷമുള്ള സെഷൻ. പ്രതിനിധികളുടെ ചർച്ചയ്ക്ക് ജനറൽ സെക്രട്ടറിക്ക് മറുപടി പറഞ്ഞുതീർക്കാൻ പറ്റാത്ത സ്ഥിതി കണ്ട് ലജ്ജിക്കേണ്ടിവന്നു. തീരുമാനിച്ചുറപ്പിച്ച വിധം ചിലർ ചേർന്ന് സമ്മേളന നടപടികൾ അലങ്കോലപ്പെടുത്തുകയായിരുന്നു. സ്റ്റേജിലേക്ക് ചാടിക്കയറിയ ചില വേന്ദ്രന്മാർ സമ്മേളനാധ്യക്ഷനായ മുൻ സംസ്ഥാന പ്രസിഡണ്ട് ഗഫൂർക്കയിൽനിന്ന് മൈക്ക് തട്ടിപ്പറിക്കാനും നോക്കി. അതിലൊരാൾ ഡയസിൽ കയറി മൈക്കിൽ പലതും വിളിച്ചുപറയുന്നുണ്ടായിരുന്നു.
ഉന്തും തള്ളും പിടിവലിയും നടന്നപ്പോൾ പലർക്കും പരിക്കേറ്റിട്ടുണ്ട് എന്നറിയാൻ കഴിഞ്ഞു. ആദ്യദിവസം തന്നെ കലാപത്തിന് വഴിമരുന്നിട്ട മംഗളം പത്രത്തിലെ ഒരു മാന്യൻ, തന്റെ വിലപിടിപ്പുള്ള കണ്ണട പൊട്ടിപ്പോയെന്ന് സങ്കടം പറഞ്ഞത് എന്റെ അരികിൽ നിന്നായിരുന്നു. മാനസിക വിഭ്രാന്തി പിടിപെട്ടവരെപ്പോലെയായിരുന്നു പലരുടേയും പെരുമാറ്റം. കേരളത്തിലെ സീനിയർ പത്രപ്രവർത്തകനായ ദേശാഭിമാനിയിലെ ഒരു മാന്യനാണ് ജനറൽ സെക്രട്ടറി സി നാരായണനെതിരെ ആക്രോശവുമായി ആദ്യം സ്റ്റേജിലേക്ക് പാഞ്ഞുകയറിയത്. തങ്ങൾക്കിഷ്ടപ്പെട്ട വിധത്തിൽ മറുപടി കിട്ടാഞ്ഞതാണ് ഈ ക്രിമിനലുകളെ പ്രകോപിപ്പിച്ചത്. എന്തും സംഭവിക്കാവുന്ന ഘട്ടമായപ്പോൾ സമ്മേളനാധ്യക്ഷന് സമ്മേളന നടപടികൾ അവസാനിപ്പിക്കുന്നു എന്ന് പ്രഖ്യാപിക്കേണ്ടിയും വന്നു.
വലിയ അടിപിടിയിൽ കലാശിക്കാഞ്ഞത്, സമാധാനപ്രിയരായ ചിലരുടെ സമയോചിതമായ ബലപ്രയോഗത്താലായിരുന്നു. ചുരുക്കത്തിൽ വൃത്തികെട്ട രീതിയിലായിരുന്നു പല മുതിർന്ന പ്രതിനിധികളുടേയും പെരുമാറ്റം. വനിതകളുൾപ്പെടെയുള്ള പ്രതിനിധികൾ കേൾക്കെ കേട്ടാലറക്കുന്ന തെറിയും ഈ മാന്യന്മാർ വിളിച്ചുപറയുന്നുണ്ടായിരുന്നു. തർക്കം ഒന്നടങ്ങിയതോടെ മൈക്കിനു മുന്നിലെത്തിയ പ്രമേയകമ്മിറ്റി അംഗം കോഴിക്കോടുനിന്നുള്ള സോഫിയ ബിന്ദ് ഈ നടപടിക്കെതിരെ മൈക്കിലൂടെ പ്രതിഷേധിച്ചപ്പോൾ അവർക്കെതിരെയും ആക്രോശിക്കുന്നവരെ കാണാനായി.
അഭിഭാഷകർ മാത്രമല്ല, നാട്ടുകാരാകെ സമ്മേളനവേദികളിലേക്ക് കടന്നുവന്ന് ഈ ക്രിമിനലുകളെ നിലക്കുനിർത്തുന്ന കാലം വിദൂരമല്ല. എതായാലും ഇന്നു നടക്കുന്ന വിധത്തിൽ ഇനി സംസ്ഥാന സമ്മേളനങ്ങൾ നടത്താൻ കഴിയില്ലെന്ന് ഇന്നലെയുണ്ടായ അനുഭവത്തിൽനിന്ന് സംഘടനാ നേതാക്കൾ മനസ്സിലാക്കണം. കണ്ട ക്രിമിനലുകളെ മുഴുവൻ സമ്മേളനത്തിനായി ഒരിടത്ത് വിളിച്ചുവരുത്തി, മൃഷ്ടാന്നം ഭക്ഷണവും മദ്യവും വിളമ്പി, ഇനിയെത്രകാലം ഇങ്ങനെ സമ്മേളനങ്ങൾ നടത്തിക്കൊണ്ടുപോകാൻ കഴിയും? അടിയന്തരമായി ആലോചിക്കേണ്ട വിഷയമാണിത്. തെരഞ്ഞെടുക്കപ്പെട്ട പ്രതിനിധികൾ ഗൗരവത്തിൽ നടത്തേണ്ടതായിരിക്കണം സമ്മേളന നടപടികൾ. മദ്യപന്മാർക്കും അഴിഞ്ഞാട്ടക്കാർക്കും ക്രിമിനലുകൾക്കുമായി സംസ്ഥാന തലത്തിൽ കുടുംബ സംഗമങ്ങളോ അല്ലെങ്കിൽ മദ്യസൽക്കാരമോ ഫുഡ് ഫെസ്റ്റോ വേറെ നടത്തുന്നതാണ് നല്ലത്.
ഇങ്ങനെയൊരു സമ്മേളനത്തിൽ പങ്കെടുക്കേണ്ടിവന്നതിൽ ലജ്ജിക്കുന്നു. സമ്മേളന സംഘാടനരീതികൾ മാറാത്ത കാലത്തോളം ഇനിയേതായാലും ഈ കാർണിവലിലേക്ക് ഇല്ലെന്ന് വ്യക്തിപരമായ തീരുമാനം ഞാനെടുത്തുകഴിഞ്ഞു. സഹിക്കാവുന്നതിലുമപ്പുറമാണ് ഈ അനുഭവം. (പ്രതാപ് വി കെ, മീഡിയവൺ)'
എല്ലാത്തിനും കാരണം സെക്രട്ടറിയുടെ ധാർഷ്ട്യമെന്ന് ഒരു വിഭാഗം
സംസ്ഥാന സമ്മേളത്തിലുടനീളം അസ്വാരസ്യം ഉയരുകയും കലാശക്കൊട്ട് കൂട്ടയടിയിൽ കലാശിക്കുകയും ചെയ്തതിന് പൂർണ ഉത്തരവാദി സംസ്ഥാന സെക്രട്ടറി സി.നാരായണനാണെന്ന് ഒരു വിഭാഗം പത്രപ്രവർത്തകർ കുറ്റപ്പെടുത്തുന്നു. നാരായണന്റെ ഏകപക്ഷീയ നിലപാടും ധാർമികതയ്ക്ക് നിരയ്ക്കാത്ത തരത്തിലുള്ള ഇടപെടലുമാണ് സമ്മേളനം അലങ്കോലമാകാൻ കാരണമായത്. പത്രപ്രവർത്തകരുടെ സംഘടനയ്ക്ക് അപക്വമായ നേതൃത്വം സാമൂഹിക-രാഷ്ട്രീയ മേഖലക്ക് തന്നെ വലിയ ഭീഷണിയാകുമെന്ന ആശങ്കയോടെയാണ് സമ്മേളനം കൂട്ടയടിയോടെ സമാപിച്ചത്. മറ്റുള്ള ഭാരവാഹികളെയൊന്നും വിശ്വാസത്തിലെടുക്കാതെ നാരായണൻ ഏകപക്ഷീയമായി തയ്യാറാക്കിയ റിപ്പോർട്ട് തന്നെ പ്രതിനിധി സമ്മേളനത്തിൽ പങ്കെടുത്ത് സംസാരിച്ചവരിൽ മൃഗീയ ഭൂരിപക്ഷവും തള്ളിയെന്ന് അവർ പറയുന്നു.
നാരായണന്റെ ഇടപെടലെന്ന് അദ്ദേഹം തന്നെ സ്വയം വിശേഷിപ്പിച്ച ഏതാനും പരിപാടികൾ നീട്ടിവലിച്ച് 20 പേജിൽ ഒതുക്കിയാണ് ഒരു വലിയ സംഘടനയുടെ രണ്ട് വർഷത്തെ പ്രവർത്തന റിപ്പോർട്ടായി അവതരിപ്പിച്ചത് എന്നത് തന്നെ നാണക്കേടായി. ഇത് അംഗങ്ങൾ എല്ലാം തന്നെ ചോദ്യം ചെയ്യുകയും ചെയ്തു. അച്ചടക്കലംഘനമെന്ന് ആരോപിച്ച് നാരായണൻ വി എസ് ശ്യാംലാൽ, ലെസ്ലി ജോൺ, പ്രിൻസ് പാങ്ങാടൻ, ജിനേഷ് പൂനത്ത് എന്നിവർക്കെതിരേ തീർത്തും തെറ്റിധാരണാജനകവും ഏകപക്ഷീയവുമായ ആരോപണങ്ങൾ റിപ്പോർട്ടിൽ ഉന്നയിച്ചതാണ് സമ്മേളനത്തെ പ്രക്ഷുബ്ദമാക്കിയതിന് പ്രധാന കാരണമായത്. സോഷ്യൽ മീഡിയായിൽ സംഘടനയെ അപഹസിക്കുകയും തെരഞ്ഞെടുപ്പിനെ ആകെ ചോദ്യം ചെയ്യുകയും ചെയ്തതായി അറിഞ്ഞിട്ടുണ്ടെന്നാണ്, രേഖയായി മാറിയ, അച്ചടിച്ച് അംഗങ്ങൾക്ക് വിതരണം ചെയ്ത പ്രവർത്തന റിപ്പോർട്ടിൽ പറയുന്നത്.
സമ്മേളനത്തിന്റെ ആദ്യ ദിവസം ജിനേഷ് പൂനത്താണ് ഇതിനെതിരേ ആഞ്ഞടിച്ചത്. ഫെയ്ബുക്കിലോ യൂണിയന്റെ മറ്റേതെങ്കിലും സാമൂഹ്യ മാധ്യമത്തിലോ ഇത്തരത്തിൽ സംഘടനയെ അപഹസിക്കുന്ന തരത്തിൽ പോസ്റ്റിട്ടതായി തെളിയിക്കാൻ നാരായണനെ വെല്ലുവിളിച്ച ജിനേഷ് പൂനത്ത്, അല്ലാത്തപക്ഷം, നാരായണനെതിരേ മാനനഷ്ടത്തിന് കേസ് കൊടുക്കുമെന്നും വ്യക്തമാക്കി. ജിനേഷിന്റെ പ്രസംഗത്തിന് സദസ് ഒന്നടങ്കം കൈയടിയോടെയാണ് പിന്തുണ പ്രഖ്യാപിച്ചത്. അപ്പോൾ തന്നെ മറുപടി പറയണമെന്നും അംഗങ്ങൾ ഒന്നടങ്കം മറുപടി പറയണമെന്നും അംഗങ്ങൾ ആവശ്യപ്പെട്ടു.
മംഗളം ദിനപത്രത്തിലെ ജീവനക്കാരുടെ ആദ്യന്തര വിഷയങ്ങൾ ചർച്ച ചെയ്യുന്ന 'മംഗളം സെൽ ' എന്ന വാട്സാപ്പ് ഗ്രൂപ്പിൽ നാരായണന്റെ ഇഷ്ടക്കാരനും സംസ്ഥാന വരണാധികാരിയും സർവ്വോപരി മംഗളം സെൽ അംഗവുമായ വിജയ കുമാരനെതിരേ ജിനേഷ് പോസ്റ്റിട്ടു എന്നു പറഞ്ഞ കാര്യങ്ങൾ വേദിയിൽ നിന്ന് നാരായണൻ വായിക്കുകയായിരുന്നു. ഈ സമയം പത്രപ്രവർത്തകരെ കൂടാതെ, രാത്രിയിലെ സംഗീത പരിപാടിക്ക് വേദിയൊരുക്കാനും മറ്റുമായി വന്നവരടക്കം പുറത്ത് നിന്ന് എത്തിയവരുമുണ്ടായിരുന്നു.
ഒരു പത്രസ്ഥാപനത്തിന്റെ ഇന്റേണൽ ഗ്രൂപ്പിൽ, തെരഞ്ഞെടുപ്പിനേയോ യൂണിയനേയോ ഒന്നും തന്നെ, ആ പത്രസ്ഥാപനത്തിലെ അംഗത്തിന്റെ പ്രവർത്തനവുമായി ബന്ധപ്പെട്ട പോസ്റ്റ് സംസ്ഥാന സമ്മേളന വേദിയിൽ സംസ്ഥാന സെക്രട്ടറി വായിച്ചതിനെ ചൊല്ലിയാണ് പ്രശ്നം രൂക്ഷമായത്. മംഗളത്തിലെ ജീവനക്കാരെ മാത്രമല്ല മൊത്തം പത്രപ്രവർത്തകരെ അപഹേളിക്കുന്നതിന് തുല്യമായി ഇതെന്ന വാദവുമായി ഒരു വിഭാഗം എഴുന്നേറ്റു. സമ്മേളനത്തിന് ഇടയിൽ നാരായണന്റെ ഏകപക്ഷീയമായ നിലപാടുകൾ ചോദ്യം ചെയ്ത മറ്റുള്ളവരും ഇതോടൊപ്പം കൂടി. ഇതോടെ സമ്മേളനം ബഹളത്തിൽ മുങ്ങി. ഇതേത്തുടർന്നുണ്ടായ വാക്കുതർക്കങ്ങൾ പിന്നീട് കൂട്ടയടിയിൽ കലാശിക്കുകയായിരുന്നു.
റിപ്പോർട്ടിനെതിരേ ആഞ്ഞടിച്ച പ്രിൻസ് പാങ്ങാടൻ, തനിക്കെതിരായ പരാമർശം നീക്കായില്ലെങ്കിൽ യോഗസ്ഥലം വിട്ട് പോകില്ലെന്ന് നേരത്തെ തന്നെ വ്യക്തമാക്കിയിരുന്നു. സമ്മേളനത്തിന് എത്താതിരുന്ന ശ്യാംലാൽ ഫെയ്സ് ബുക്കിലൂടെയാണ് നാരായണനെ വീണ്ടും വെല്ലുവിളിച്ചത്. തന്റെ ഇഷ്ടക്കാർക്കെതിരെ പരാമർശം നടത്തിയാൽ അതിനെ സംഘടനയെ അപഹസിക്കലായി ചിത്രീകരിച്ച് വിശദീകരണം പോലും തേടാതെ സംസ്ഥാന സമ്മേളന റിപ്പോർട്ടിൽ അച്ചടക്ക ലംഘനമായി എഴുതി ചേർത്തതാണ് വലിയ പ്രതിഷേധത്തിന് കാരണമായത്. സമാപന സമ്മേളനത്തിന് തൊട്ടുമുമ്പായി വേദിയിലേക്ക് ഓടി കയറിയ ജിനേഷ്, റിപ്പോർട്ടിൽ നിന്ന് പേര് നീക്കം ചെയ്താ്തിച്ചെങ്കിൽ സ്റ്റേജിൽ കിടന്ന് പ്രതിഷേധിക്കുമെന്ന് പ്രഖ്യാപിച്ചു.
ഇതോടെ പ്രതിഷേധം അണപൊട്ടിയൊഴുകി. സദസിലെ കൂട്ടയടി വേദിയിലേക്ക് പടർന്നു. നാരായണനെ പത്രപ്രവർത്തകർ നന്നായി കൈകാര്യം ചെയ്യുകയും ചെയ്തു. ഒരാൾക്ക് നെഞ്ച് വേദന അനുഭവപ്പെട്ട് കുഴഞ്ഞ് വീണു. എട്ട് പത്രപ്രവർത്തകർക്ക് പരുക്കേറ്റു. ഇതിനിടെ ജിനേഷിന്റെ പേര് റിപ്പോർട്ടിൽ നിന്ന്നീക്കം ചെയ്യുമെന്ന് ഉറപ്പു ലഭിച്ചതോടെയാണ് രംഗം ശാന്തമായത്. ഇതോടൊപ്പം ഡൽഹിയിലെ അഴിമതിയും ജാതീയ അധിക്ഷേപവും ഉൾപ്പെടെ അന്വേഷിക്കാൻ സമിതിയെ നിയോഗിക്കാമെന്നും സംസ്ഥാന നേതാക്കൾ വ്യക്തമാക്കിയിട്ടുണ്ട്.
Stories you may Like
- TODAY
- LAST WEEK
- LAST MONTH
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- 'പക്ഷെ' കൾക്ക് ഇനി സ്ഥാനമില്ല; ജൂലായിൽ അനധികൃത അഭയാർത്ഥികളുമായുള്ള വിമാനം ബ്രിട്ടനിൽ നിന്നും റുവാണ്ടയിലേക്ക് പറന്നിരിക്കും; പാർലമെന്റിൽ റുവാണ്ട ബിൽ നിയമമാക്കി വീണ്ടും കരുത്ത് തെളിയിച്ച് ഇന്ത്യൻ വംശജനായ പ്രധാനമന്ത്രി ഋഷി സുനക്
- ഡ്രസ്സിങ് റൂമിലേക്ക് കാമറ തിരിച്ചു; ഐപിഎൽ കാമറാമാന് നേരെ വെള്ളക്കുപ്പി എറിയാനോങ്ങി ധോണി; കലിപ്പിന് കാരണം അന്വേഷിച്ച് ആരാധകർ
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- 'തോൾ ചേർന്ന് നിന്നോളൂ, സിപിഎം കാവലുണ്ട്'; ആന്റോയും പിഷാരടിയും ഫിറോസുമുള്ള ചിത്രവുമായി സൈബർ സഖാവിന്റെ ഫേസ്ബുക്ക് പോസ്റ്റ്; മനുഷ്യരാണ്, മതം ചികയല്ലേയെന്ന് ആന്റോ ജോസഫ്; നിങ്ങൾ 'സംരക്ഷിച്ച' ടി. പിയുടെ വടകരയിൽ നിന്നാണ് ചിത്രമെന്നും നിർമ്മാതാവിന്റെ മറുപടി
- ബ്രിട്ടന്റെ ജയിലുകളിലെ പകുതിയിലേറെ വനിത ഗാർഡുമാരും ജയിൽ പുള്ളികളുമായി അവിഹിത ബന്ധം പുലർത്തുന്നവർ; പുരുഷ തടവുകാരായി ലൈംഗിക ബന്ധം പുലത്തിയതിന്റെ പേരിൽ കഴിഞ്ഞ വർഷം മാത്രം പുറത്താക്കിയത് 18 വനിതാ ജീവനക്കാരെ
- കോവിഡ് വാക്സിൻ എടുത്തനാൾ മുതൽ മറ്റൊരാൾക്ക് കുത്തിവയ്പ്പ് നൽകണമെന്ന് ആഗ്രഹം; ചിന്നമ്മയെ കണ്ടതും റാന്നിയിൽ പോയി സിറിഞ്ച് വാങ്ങിയെത്തി ആഗ്രഹം നടത്തി; കോവിഡ് വാക്സിൻ എന്ന് തെറ്റിധരിപ്പിച്ച് വയോധികയ്ക്ക് കുത്തിവയ്പ് എടുത്തതിൽ ദുരൂഹത; ആ മൊഴി അവിശ്വസനീയം
- ഹോളിവുഡ് പ്രൊഡക്ഷന്റെ ഓഡിഷനിൽ പങ്കെടുത്ത് ഫഹദ് ഫാസിൽ; അവർ എനിക്ക് അഭിനയിക്കാൻ ഒരു സീൻ തന്നു; ആ സീനിനു മുൻപോ അതിനു ശേഷമോ എന്താണെന്ന് അറിയില്ലെന്ന് ഫഹദ്
- ന്യൂനപക്ഷങ്ങൾക്കെതിരേ വസ്തുതാവിരുദ്ധമായി പറയുന്നതെല്ലാം അപ്പാടെ വിശ്വസിച്ച് മതേതരത്വത്തെ തല്ലിക്കൊല്ലുന്ന ആൾക്കൂട്ടമല്ല ഇന്ത്യയിലെ ഭൂരിപക്ഷം; മോദി മുസ്ലിംകൾക്കെതിരെ നടത്തിയത് നിന്ദാപരമായ പ്രസംഗം; പ്രധാനമന്ത്രിയുടെ വിദ്വേഷ പ്രസംഗത്തിനെതിരെ ദീപിക മുഖപ്രസംഗം; ബിജെപിയുടെ വോട്ടു മോഹത്തിന് തിരിച്ചടിയോ ?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്